II. Pater noster. Domine labia mea aperies, Etc'.[on leaf 182]
ÞOu opene myne lyppen, Lord,Ps. l. 17.
Let felþe of senne out-wende,out-wende in a later hand on erasure.
And my mouþe, wyþ wel god accordg in god half erased.
Schel þyne worschypyng sende.yng sende in a later hand on erasure.
¶ Deus, in adiutorium meum intende!
[G]ode atende to my socour,Ps. lxix. 2.
Lord, hyȝe, and help me fyȝte.
Glorye to þe fader and sone,
And to þe gost of myȝtte;
Ase hyt was ferst, and hijs, and schaland schal in MS. at the beginning of the next line.
Euere more be wyþ ryȝtte.5-10. In the MS., as well as in Wright's edition, these lines are inserted in the wrong place, between ll. 26 and 27.
[Hora matutina].
UAderis wyt of heue[ne] an heȝ,
Soþnesse of oure dryȝte,
God and man y-take wasy-take, y above the line.
At matyn-tyde by nyȝte.
Þe disciples þat were his,
Anone hy hyne for-soke;
I-seld to gywes, and by-traid,
To pyne hyne toke.Read hy hyne?
ADoramus te, christe, et benediscimus tibi, &c'.
¶ We þe honreþ, ihesu cryst,
And blesseþ, ase þou os touȝtest;
For þourȝ þy crouche and passion
Þys wordle þou for-bouȝtest.
Oremus, Domine ihesu christe.
We þe byddeþ, ihesu cryst,
Godes sone alyue,
Sete crouche, pyne and passyoun,MS. Sete on (on over the line in a later hand) crouche; but cp. the Latin text.
And þy deþe þat hys ryue,Between this and the following line the verses 5-10 above are inserted in the MS.
By-tuext ous and iugement,
Þat no fend ous ne schende,
Nou, ne wanne þe tyme comþe
Þet we scholle hennes wende;
And ȝyf þe lyues mylse and grace,mylse, MS. mysse.
Þe dede red and reste,MS. red and and.
Holy cherche acord and pays,
Ous glorye and lyf þat beste;
Þat leuest and regnest wyþ þe fader
Þer neuer nys no pyne,
And also wyþ þe holy gost,
Euere wyþ-oute fyne. AmeN.
Ave maria gracia plena. dominus tecum.
Benedicta tu, &c'.
OSwete leuedy, wat þey was wo,þey = þe.
Þo ihesus by-come morne,morne, MS. inorne.
For drede þo þe blodes dropen
Of swote of hym doun orne!
And, leuedy, þe was wel wors,
Þo þat þou seȝe in dede
Þy leue childe reulyche y-nome,
And ase a þef forþe lede.y erased before lede.
And ase he þolede þet for ous,
Leuedy, wyþ-oute sake,
Defende ous, wanne we dede beþe,
Þat noe fende ous ne take.
¶ Pater noster. God, atente to my socour! Lord, hyȝe, etc. [D]Eus in adiutorium meum. [p. 79] Domine ad. ¶ Hora prima.
AT prime, ihesus was iled
To-fore syre pylate,
Þar wytnesses false and fele
By-lowen hyne for hate.
¶ In þane nekke hy hene smyte,
Bonden hys honden of myȝtte,
By-spet hym þat swe[t]e semblantMS. þat þat swe—e semblant. The wanting t in swete is owing to a hole in the parchment used by the scribe.
Þat heuene and erþe a-lyȝtte.
¶ ADoramus te christe. We þe honoureþ, &c'. domine ihesu christe. We þe biddeþ, ihesu cryst. Aue maria, &c'.
OSwete leuedy, wat þe was woVersicle. honoureþ, MS. hounureþ.—domine, MS. d ne, the small d being intended for the rubricator.
A gode fry-dayes morwe,morwe, MS. morþe (or in orþe, as Wright).
Þo al þe nyȝt y-spende[d] was
In swete ihesues sorwe!
Þou seȝe hyne hyder and þyder ycached,
Fram pylate to herode;
So me bete hys bare flesch,
Þat hyȝt arne alle a blode.
And ase he þolede þat for ous,
Leuedy, wiþ-oute crye,
Scheld ous, wanne we deade beþ,
Fram alle feenden mestrye.
¶ PAter noster. DEus in adiutorium. God, atende to my socour! [p. 79] Crucifige, &c'. [Hora tertia.]
Crucyfige! crucifige!
Gredden hy at ondre;
A pourpre cloþ hi dede hym on,
A scorne an hym to wondre;
Hy to-stek hys swete hefed
Wyþ one þornene coroune;
Toe caluarye his crouche ha beer
Wel reuliche ouȝt of þe toune.
¶ V7. Adoramus te. Ue þe honoureþ, ihesu cryst, ut supra [p. 79]. Domine ihesu christe. We þe byddeþ, ihesu cryst [p. 80]. [A]ue maria, &c'.
Oswete leuedy, wat þe was wo,
Þo þat me ihesus demde,
Þo þat me oppone hys swete bodyhys—swete separated in MS. by the hole in the parchment. So also se—mde, l. 82, which proves that the hole must have existed before the scribe wrote these lines.
Þe heuye crouche semde!
To bere hyt to caluary,
I-wys, hyt was wel wery;
For so to-bete and so to-boned,
Hyȝt was reweleche and drery.
And alse he þolede þat for ous,
Leuedy, a þysse wyse,
I-scheld ous, wanne we dede beþ,
From alle fendene Iewyse.
¶ DEus in adiutorium. Gode, atende to my socour. [p. 79] Pater noster. Hora sexta.
On crouche y-nayled was ihesus
Atte sixȝte tyde;
Stronge þeues hengen hy
On eyþer half hys syde;On in MS. at the end of the preceding line.—syde, MS. sede.
Ine hys pyne hys stronge þerst
Stanchede hy wyþ ȝalle,
So þat godes holy lombe
Of senne wesch ous alle.
¶ ADoramus te christe. We þe honoureþ, ihesu cryst [p. 79]. Oremus. Domine ihesu christe. We þe biddeþ ihesu cryst [p. 80]. Aue maria gratia plena.
Oswete leuedy, wat þe was wo,
Þo þy chyld was an-honge,
Itached to þe harde tre
Wyþ nayles gret and longe!
Þe gywes gradden : "com a-doun!"
Hy neste wat y mende,y = hy.
For þran ha þole[de] to be do
To deþ for man-kende.
And ase he henge, leuedy, four ous
A heye oppon þe helle,helle, MS. hulle.
Ischeld ous, wane we deade ben,
Þat we ne hongy in helle. Amen.
¶ Pater noster. Deus in adiutorium. God, atende to my socour [p. 79]. Lord, hyȝe, &c'. Hora nona.
Atte none ihesu cryst
Þane harde deaþ felde;
Ha grade "hely" to hys fader,
Þe soule he gan op-ȝelde.
A kniȝt wyþ one scharpe spere
Stang hyne iþe ryȝt syde;
Þerþe schok, þe sonne dym
By-come in þare tyde.by-come in MS. at the end of the preceding line.
¶ Adoramus te. We þe honoureþ, ihesu cryst [p. 79]. Domine ihesu christe. We þe byddeþ, ihesu cryst [p. 80]. Aue maria gracia plena, &c'.
Oswete leuedy, wat þe was wo,
Þo ihesus deyde on rode!
Þe crouche, and þe ground onder hym,
By-bled was myd his blode.
Þat swerde persed þyne saule þo,
And so hyt dede wel ofter;
Þat was þy sorwe for þy child :
Deþe adde be wel softer.
And ase he þoled þane deþ,
Leuedy, for oure mende,
Schulde ous, wanne we dede beþ,
Fram deþ wyþ-outen ende. Amen.
¶ Pater noster. Deus in adiutorium. God, attende to my socour. Lorde hiȝe, &c'. [p. 79] De cruce deponitur. hora, etc. [Hora vespertina.]
Of þe crouche he was do
At auesanges oure;auesanges, read euesanges? = 'hora vespertina.'
Þe strengþe lotede ine godBetween strengþe and lotede there is in the MS. a mark of insertion, and in the right margin, after god, lefte is written by a later hand.
Of oure sauueoure.
Suche a deaþ a vnder-ȝede,deaþ, a written over e.
Of lyf þe medicine;
Alas, hi was y-leyd adoun,
Þe croune of blisse, in pyne.
¶ Adoramus te. We þe honoureþ, ihesu crist [p. 79 domine ihesu christe. We þe biddeþ, ihesu cry [p. 80]. Aue maria gratia plena.
Oswete leuedy, wat þe was wo,
Þo cryst was do of rode!
For as a mesel þer he lay,
A-stouned, in spote and blode.
For-bere wepyng ne myȝt hy
Þat seȝe al hou þou weptyst;
Al hy þe seȝe of hym blody,
So ofte þou hine by-cleptyst.
And ase he þolede þe fylþe
For felþe of oure sennes,
Helpe ous, leuedy, we clene be,
Wanne we scholle wende hennes. AmeN
¶ Pater noster, &c'. Deus [in] adiutorium. God, attende to my socour, &c'. Lord hiȝe, &c'. [p. 79] Hora complettorij.
At complyn hyt was y-bore
To þe beryynge,
Þat noble corps of ihesu cryst,
Hope of liues comynge.
Wel richeleche hit was anoynt,
Folfeld hys holy boke;
Ich bydde, lord, þy passioun
In myne mende loke.
¶ Adoramus te. We þe honoureþ, ihesu crist [p. 79]. Domine ihesu christe. We byddeþ, ihesu cryst [p. 80]. Aue maria, gracia plena, &c'.
Oswete leuedy, wat þe was wo,
And drery was þy mone,
Þo þou seiȝe þy lefe sone
Ibered vnder þe stone!
Þat þou wystest þourȝ þy feyþat, read þaȝ?—fey, MS. feyþ, þ added by a later hand.
Aryse þat he scholde,
A drery fay hyt was to þefay, MS. fayþ, þ in a later hand on erasure.
Þat he lay vnder molde.
And ase he was four ous y-bered,
And aros þourwe hys myȝtte,
Help ous, leuedy, a domes day,
Þat we aryse mytte brytte. Amen.In the right margin a later hand has added þe leuedy.
¶ Þyse oures of þe canoune,
Lord, meneȝe ich þe wel fayre,
Wyþ wel greȝt deuocioun,
A reyson de-bonayre.
And ase þou þoledest, lor[d], for me
Ope caluaryes doune,
So, acordaunt to þy trauayl,
Lord, graunte me þy coroune. AmeN.