King Horn; a Middle-English romance, edited from the manuscripts by Joseph Hall.352 600dpi TIFF G4 page imagesUniversity of Michigan LibraryAnn Arbor, Michigan2006ACN1637.0001.001828 K547 H18

The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).

King Horn; a Middle-English romance, edited from the manuscripts by Joseph Hall.Hall, Joseph, ed. 1854-lvi, 238 p., 1 l. 23 cm. Oxford,Clarendon press,1901.Introduction.--Grammar.--Metre.--The story.--King Horn in three parallel texts.--Notes.--Horn Childe.--Glossary.--Index of manes.

Header created with script mrcb2teiutf.xsl on 2006-02-22.

This electronic text file was created by Optical Character Recognition (OCR). No corrections have been made to the OCR-ed text and no editing has been done to the content of the original document. Encoding has been done using the recommendations for Level 1 of the TEI in Libraries Guidelines. Digital page images are linked to the text file.

 eng

KING HORNA MIDDLE-ENGLISH ROMANCEEDITED FROM THE MANUSCRIPTS BY JOSEPH HALL, M.A. HEAD MASTER OF THE HULME GRAMMAR SCHOOL, MANCHESTER

'Ne al soh ne al les þat leod-scopes singeð.'—LAȝAMON

OXFORD AT THE CLARENDON PRESS, MDCCCCI

OXFORD PRINTED AT THE CLARENDON PRESS BY HORACE HART, M.A. PRINTER TO THE UNIVERSITY

KING HORN TEXTS. MS. Harleian, 2253. British Museum, London. Title in a later hand?Her bygynneþ þe geste of Kyng Horn ¶ Alle heo ben blyþe þat to my song ylyþe a song ychulle ou singeou singe over an erasure MS. of Allof þe gode kynge kyng he wes by weste þe whiles hit yleste ant godylt his gode quene no feyrore myhte bene ant huere sone hihte horn feyrore child ne myhte be born for reyn ne myhte by ryne ne sonne myhte shyne feyrore child þen he was bryht so euer eny glas so whit so eny lylye flour so rose red wes his colour He wes feyr & eke bold ant of fyftene wynter old Nis non his yliche in none kinges ryche tueye feren he hadde þat he wiþ him ladde alle richemenne sones & alle suyþe feyre gomes wyþ him forte pleye mest he louede tueye þat on wes hoten Athulf chyld & þat oþer ffykenyld Athulf wes þe beste ant fykenyld þe werste Hyt was vpon a someres day also ich ou telle may Allof þe gode kyng rod vpon ys pleyȝyng bi þe see side þer he was woned to ryde wiþ him ne ryde bote tuo al to fewe hue were þo he fond by þe stronde aryued on is londe shipes fyftene of saraȝynes kene he askede whet hue sohten oþer on is lond brohten a payen hit yherde & sone him onsuerede þy lond folk we wolleþ slon þat euer crist leueþ on & þe we wolleþ ryht anon shalt þou neuer henne gon þe kyng lyhte of his stede for þo he heuede nede ant his gode feren tuo mid y wis huem wes ful wo swerd hy gonne gripe & to gedere smyte hy smyten vnder shelde þat hy somme yfelde ¶ þe kyng hade to fewe aȝeyn so monie schrewe so fele myhten eþe bringe þre to deþe þe payns come to londe & nomen hit an honde þe folk hy gonne quelle & saraȝyns to felle þer ne myhte libbe þe fremede ne þe sibbe bote he is lawe forsoke & to huere toke of alle wymmanne werst wes godyld þanne for Allof hy wepeþ sore & for horn ȝet more Godild hade so muche sore þat habbe myhte hue na more hue wente out of halle from hire maidnes alle vnder a roche of stone þer hue wonede al one þer hue seruede godeafter hue r erased MS. aȝeyn þe payenes forbode þer hue seruede crist þat þe payenes hit nust ant euer hue bad for horn child þat crist him wrþe myld ¶ Horn wes in payenes hond mid is feren of þe lond muche wes þe feyrhade þat ihesu crist him made payenes him wolde slopayenes] payenos MS. & summe him wolde flo ȝyf hornos feyrnesse nere yslawe þis children were þo spec on Admyrold of wordes he wes swyþe bold horn þou art swyþe kene bryht of hewe & shene þou art fayr & eke strong & eke eueneliche long ȝef þou to lyue mote go ant þyne feren al so þat ymay byfalle þat ȝe shule slen vs alle þare fore þou shalt to streme go þou ant þy feren al so to shipe ȝe shule founde & sinke to þe grounde þe see þe shal adrenche ne shal hit vs of þenche for ȝef þou were alyue wiþ suerd oþer wiþ knyue we shulden alle deȝe þy fader deþ to beye þe children ede to þe stronde wryngynde huere honde ant in to shipes borde at þe furste worde ofte hade horn be wo ah neuer wors þen him wes þo ¶ þe see bygon to flowen & horn faste to rowen ant þat ship wel suyþe drof & horn wes adred þer of hue wenden mid y wisse of huere lyue to misse al þe day & al þe nyht o þat sprong þe day lyht fflotterede horn by þe stronde er he seye eny londe feren quoþ horn þe ȝynge ytelle ou tydynge Ich here foules singe & se þe grases springe blyþe be ȝe alyue vr ship is come to ryue of shipe hy gonne founde & sette fot to grounde by þe see syde hure ship bi gon to ryde þenne spec him child horn in sudenne he was yborn nou ship by þe flode haue dayes gode by þe see brynke no water þe adrynke softe mote þou sterye þat water þe ne derye ȝef þou comest to sudenne gret hem þat me kenne gret wel þe gode quene godild mi moder ant sey þene heþene kyng ihesu cristes wytherlyng þat ich hol & fere in londe aryuede here ant say þat he shal fonde þen deþ of myne honde ¶ þe ship bigon to fleoten & horn child to weopen by dales & by dounes þe children eoden to tounes metten hue Eylmer þe kyng crist him ȝeue god tymyng kyng of westnesse crist him myhte blessecrist] est MS. he spec to horn child wordes suyþe myld whenne be ȝe gomen þat bueþ her a londe ycomen alle þrettene of bodye suyþe kene by god þat me made so feyr a felaurade ne seh yneuer stonde in westnesse londe say me whet ȝe seche horn spec huere speche ¶ Horn spac for huem alle for so hit moste byfalle he wes þe wysesteþe corrected out of þy MS. & of wytte þe beste we bueþ of sudenne ycome of gode kenne of cristene blode of cunne swyþe gode payenes þer connen aryue and cristine brohten of lyue slowen & to drowe cristinemen ynowe so crist me mote rede ous hy duden lede In to a galeye wiþ þe see to pleye day is gon & oþer wiþ oute seyl & roþer vre ship flet forþ ylomeship] p over an erasure MS. & her to londe hit ys ycome Nou þou myht vs slen & bynde oure honde vs bihynde ah ȝef hit is þi wille help vs þat we ne spille ¶ þo spac þe gode kyng he nes neuer nyþyng sey child whet is þy name shal þe tide bote game þe child him onsuerede so sone he hit yherde Horn ycham yhote ycome out of þis bote from þe see side kyng wel þe bitide horn child quoþ þe kyng wel brouc þou þy nome ȝyng horn him goþ so stille bi dales & by hulles horn haþ loude soune þurh out vch a toune so shal þi nome springe from kynge to kynge ant þi feirnesse aboute westnesse horn þou art so suete ne shal y þe forlete Hom rod Aylmer þe kyng & horn wiþ him his fundlyng & alle his yfere þat him were so duere þe kyng com in to halle among his knyhtes alle forþ he clepeþ Aþelbrus his stiward & him seide þus stiward tac þou here my fundling forto lere of þine mestere of wode & of ryuere ant toggen oþe harpe wiþ is nayles sharpe ant tech him alle þe listes þat þou euer wystest byfore me to keruen & of my coupe to seruen ant his feren deuyse wiþ ous oþer seruise horn child þou vnderstond tech him of harpe & of song ¶ Athelbrus gon leren horn & hyse feren horn mid herte lahte al þat mon him tahte wiþ inne court & wiþ oute & oueral aboute louede men horn child & most him louede rymenyld þe kynges oune dohter for he wes in hire þohte hue louede him in hire mod for he wes feir & eke god & þah hue ne dorste at bordhue] h corrected out of some other letter MS. mid him speke ner a word ne in þe halle among þe knyhtes alle hyre sorewe ant hire pyne nolde neuer fyne bi daye ne by nyhte for hue speke ne myhte wiþ horn þat wes so feir & fre þo hue ne myhte wiþ him be In herte hue hade care & wo & þus hue biþohte hire þo Hue sende hyre sonde Athelbrus to honde þat he come hire toover an erasure MS. & also shulde horn doover an erasure MS. in to hire boure for hue bigon to loure & þe sonde saydesayde over an erasure MS. þat seek wes þe mayde & bed him come suyþe for hue nis nout blyþe ¶ þe stiward wes in huerte wo for he nuste whet he shulde do what rymenild bysohte gret wonder him þohte aboute horn þe ȝinge to boure forte bringe he þohte on is mode hit nes for none gode he toke wiþ him an oþer aþulf hornes broþer Athulf quoþ he ryht anon þou shalt wiþ me to boure gon to speke wiþ rymenild stille to wyte hyre wille þou art hornes ylicheyliche] y corr. out of i. þou shalt hire by suyke sore me adrede þat hue wole horn mys rede Athelbrus & Athulf bo to hire boure beþ ygo vpon Athulf childe rymenild con waxe wilde hue wende horn it were þat hue hade þere Hue seten adoun stilleWritten over an erasure, except wille. ant seyden hure willeWritten over an erasure, except wille. In hire armes tueye Athulf he con leye horn quoþ heo wel longe y haue loued þe stronge þou shalt þy treuþe plyhte in myn hond wiþ ryhte me to spouse welde & ich þe louerd to helde so stille so hit were athulf seyde in hire éére ne tel þou no more speche may y þe by seche þi tale gyn þou lynne for horn nis nout her ynne ne be we nout yliche for horn is fayr & ryche fayrore by one ribbe þen ani mon þat libbe þah horn were vnder molde & oþer elle wher he sholde hennes a þousent milen ynulle him bigilen ¶ rymenild hire bywente ant athelbrus þus heo shende Athelbrus þou foule þef ne worþest þou me neuer lef went out of my boure shame þe mote by shoure ant euel hap to vnderfonge & euele rode on to honge Ne speke y nout wiþ horne nis he nout so vnorne ¶ þo Athelbrus astounde fel akneu to grounde ha leuedy myn owe me lyþe a lutel þrowe ant list were fore ych wonde to bringen horn to honde for horn is fayr & riche nis non his ylyche Aylmer þe gode kyng dude him me in lokyng ȝif horn þe were aboute fore ich myhte doute Wiþ him þou woldest pleye bituene ou seluen tueye þenne shulde wiþ outen oþe þe kyng vs make wroþe Ah forȝef me þi teone my leuedy ant my quene Horn y shal þe fecche wham so hit yrecche rymenild ȝef heo couþe con lyþe wiþ hyre mouþehyre] hy corrected out of ly MS. heo loh & made hire blyþe for wel wes hire olyue go þou quoþ heo sone & send him after none a skuyeres wyfe when þe king aryse he shal myd me bileue þat hit be ner eue haue ich of him mi wille ne recchi whet men telle ¶ Athelbrus goþ wiþ alle horn he fond in halle bifore þe kyng obenche wyn forte shenche Horn quoþ he þou hende to boure gyn þou wende to speke wiþ rymenild þe ȝynge dohter oure kynge wordes suyþe bolde þin horte gyn þou holde Horn be þou me trewe shal þe nout arewe he eode forþ to ryhte to rymenild þe bryhte aknewes he him sette & suetliche hire grette of is fayre syhte al þat bour gan lyhte he spac faire is speche ne durþ non him teche wel þou sitte & sostesofte] soþte MS. rymenild kinges dohterRymenild] y corrected out of e MS. ant þy maydnes here þat sitteþ þyne yfere Kynges styward oure sende me to boure forte y here leuedy myn whet be wille þyn rymenild vp gon stonde & tok him by þe honde heo made feyre chere & tok him bi þe suere ofte heo him custe so wel hyre luste Welcome horn þus sayde rymenild þat mayde an euen & amorewe for þe ich habbe sorewe þat y haue no reste ne slepe me ne lyste horn þou shalt wel swyþe mi longe serewe lyþe þou shalt wyþ oute striue habbe me to wyue horn haue of me reuþe & plyht me þi treuþe ¶ horn þo him byþohte whet he speken ohte crist quoþ horn þe wisse & ȝeue þe heuene blisse of þine hosebonde who he be a londe ich am ybore þral þy fader fundlyng wiþ al of kunde me ne felde þe to spouse welde hit nere no fair weddyng bituene a þral & þe kyng þo gon rymenild mis lyken & sore bigon to sykento syken struck out before bigon. armes bigon vnbowe & doun heo fel yswowe Horn hire vp hente & in is armes trente he gon hire to cusse & feyre forte wisse rymenild quoþ he duere help me þat ych were ydobbed to be knyhte suete bi al þi myhte to mi louerd þe kyng þat he me ȝeue dobbyng þenne is my þralhede Al wend in to knyhthede y shal waxe more & do rymenild þi lore Þo rymenild þe ȝyngeȝynge and l. 448, except nynge, written over an erasure. aros of hire swowenynge Nou horn to soþe yleue þe by þyn oþe þou shalt be maked knyht er þen þis fourteniht ber þou her þes coppe & þes ringes þer vppe to Athelbrus þe styward & say him he holde foreward sey ich him biseche wiþ loueliche speche þat he for þe falle to þe kynges fet in halle þat he wiþ is worde þe knyhty wiþ sworde wiþ seluer & wiþ golde hit worþ him wel yȝolde nou crist him lene spede þin erndyng do bede ¶ Horn toke is leue for hit wes neh eue Athelbrus he sohte & tok him þat he brohte ant tolde him þare hou he hede yfareyfare] f over erasure MS. he seide him is nede & him bihet is mede Athelbrus so blyþe eode in to halle swyþe ant seide kyng nou leste o tale mid þe beste þou shalt bere coroune to marewe in þis toune to marewe is þi feste þe bihoueþ geste Ich þe rede mid al my myht þat þou make horn knyht þin armes do him welde god knyht he shal þe ȝelde þe kyng seide wel sone hit is wel to done Horn me wel quemeþ knyht him wel bysemeþ He shal haue mi dobbyng & be myn oþer derlyng & hise feren tuelue he shal dobbe him selue alle y shal hem knyhte byfore me to fyhte al þat þe lyhte day sprong aylmere þohte long þe day bigon to springe horn com byfore þe kynge wiþ his tuelf fere alle þer ywere horn knyht made he wiþ ful gret solempnite sette him on a stede red so eny glede smot him a lute wiht & bed him buen a god knyht Athulf vel a kne þer & þonkede kyng Aylmer ¶ Nou is knyht sire horn þat in sudenne wes yborn Lord he is of londe & of vs þat by him stonde þin armes he haueþ & þy sheld forte fyhte in þe feld Let him vs alle knyhte so hit is his ryhte Aylmer seide ful ywis nou do þat þi wille ys Horn adoun con lyhte & made hem alle to knyhteknyhte] k over an erasure MS. for muchel wes þe geste & more wes þe feste þat rymenild nes nout þere hire þohte seue ȝere efter horn hue sende horn in to boure wende He nolde gon is one Athulf wes hys ymone ¶ rymenild welcomeþ sire horn & aþulf knyht him biforn knyht nou is tyme forto sitte byme do nou þat we spake to þi wyf þou me take Nou þou hast wille þyne vnbynd me of þis pyne rymenild nou be stille ichulle don al þy wille ah her hit so bitide mid spere ichulle ryde ant my knyhthod proue er þen ich þe wowe we bueþ nou knyhtes ȝonge alle to day yspronge ant of þe mestere hit is þe manere wiþ sum oþer knyhte for his lemmon to fyþte er ne he eny wyf take oþer wyþ wymmon forewart make to day so crist me blesse y shal do pruesse for þi loue mid shelde amiddewart þe felde ȝef ich come to lyue ychul þe take to wyue knyht y may yleue þe why ant þou trewe be ¶ haue her þis goldring hit is ful god to þi dobbyng ygraued is on þe rynge rymenild þy luef þe ȝynge nis non betere vnder sonne þat enymon of conne ffor mi loue þou hit were & on þy fynger þou hit bere þe ston haueþ suche grace ne shalt þou in none place deþ vnderfonge ne buen yslaye wiþ wronge ȝef þou lokest þeran & þenchest o þi lemman ant sire athulf þi broþer he shal han en oþer Horn crist y þe byteche myd mourninde speche crist þe ȝeue god endyng & sound aȝeyn þe bryngeþe] þere MS. þe knyht hire gan to cusse & rymenild him to blesse leue at hyre he nom & in to halle he com knyhtes eode to table & horn eode to stable þer he toc his gode fole blac so euer eny cole wiþ armes he him sredde ant is fole he fedde þe fole bigon to springe & horn murie to synge Horn rod one whyle wel more þen amyle he seh a shyp at grounde wiþ heþene hounde He askede wet hue hadden oþer to londe ladden an hound him gan biholde & spek wordes bolde þis land we wolleþ wynne & sle þat þer bueþ inne Horn gan is swerd gripe ant on is arm hit wype þe saraȝyn he hitte sosaraȝyn] saraȝy followed by hole in MS. and mark of contraction. þat is hed fel to ys to þo gonne þe houndes gone aȝeynes Horn ys one He lokede on is rynge ant þohte o rymenyld þe ȝynge he sloh þer of þe beste an houndred at þe leste ne mihte no mon telle alle þat he gon quelle of þat þer were oryue he lafte lut o lyue ¶ Horn tok þe maister heued þat he him hade byreued ant sette on is suerde abouen oþen orde he ferde hom to halle among þe knyhtes alle kyng quoþ he wel þou sitte & þine knyhtes mitte to day ich rod omy pleyyng. after my dobbyng yfond a ship rowen in þe sound byflowen Mid vnlondisshe menne of saraȝynes kenne to deþe forte pyne þe & alle þyne hy gonne me asayly swerd me nolde fayly y smot hem alle to grounde in a lutel stounde þe heued ich þe brynge of þe maister kynge nou haue ich þe ȝolde þat þou me knyhten woldest þe day bigon to springe þe kyng rod on hontynge to þe wode wyde ant ffykenyld bi is syde þat fals wes ant vntrewe whose him wel yknewe ¶ Horn ne þohte nout him on ant to boure wes ygon he fond rymenild sittynde & wel sore wepynde so whyt so þe sonne mid terres al byronne Horn seide luef þyn ore why wepest þou so sore hue seide ich nout ne wepe ah yshal er yslepe me þohte omy metyng þat ich rod ofysshyng to see my net ycaste ant wel fer hit laste a gret fyssh ate þe ferste my net made berste þat fyssh me so bycahte þat y nout ne lahte ywene yshal forleose þe fyssh þat ywolde cheose ¶ crist & seinte steuene quoþ horn areche þy sweuene no shal y þe byswyke ne do þat þe mis lyke ich take þe myn owe to holde & eke to knowe for eueruch oþer wyhte þerto my trouþe yplyhte wel muche was þe reuþe þat wes at þilke treuþe rymenild wep wel ylle ant horn let terres stille Lemmon quoþ he dere þou shalt more y here þy sweuen shal wende summon vs wole shende þat fyssh þat brac þy net ywis it is sumwet þat wol vs do sum teneteọne MS. ywys hit worþ ysene ¶ Aylmer rod by stoure ant horn wes yne boure ffykenyld hade enuye & seyde þeose folye Aylmer ich þe werne horn þe wole forberne Ich herde wher he seyde ant his suerd he leyde to brynge þe of lyue ant take rymenyld to wyue He lyht nou in boure vnder couertoure by rymenyld þy dohter ant so he doþ wel ofte do him out of londe er he do more shonde ¶ Aylmer gan hom turne wel mody & wel sturne he fond horn vnder arme in rymenyldes barme go out quoþ aylmer þe kyng Horn þou foule fundlyng forþ out of boures flore for rymenild þin hore wend out of londe sone her nast þou nout to doneAfter nout ḍ MS. wel sone bote þou flette myd suert yshal þe sette Horn eode to stable wel modi for þat fable he sette sadel on stede wiþ armes he gon him shrede his brunie he con lace so he shulde in to place his suerd he gon fonge ne stod he nout to longe to is suerd he gon teon ne durste non wel him seon He seide lemmon derlyng nou þou hauest þy sweuenyng þe fyssh þat þyn net rende from þe me he sende þe kyng wiþ me gynneþ striue a wey he wole me dryue þare fore haue nou godneday nou y mot founde & fare away In to vncouþe londe wel more forte fonde yshal wonie þere fulle seue ȝere at þe seueȝeres ende ȝyf y ne come ne sende tac þou hosebonde forme þat þou no wonde In armes þou me fonge ant cus me swyþe longe hy custen hem astounde & rymenyld fel to grounde ¶ Horn toc his leue he myhte nout byleue He toc Aþulf is fere aboute þe swere ant seide knyht so trewe kep wel my loue newe þou neuer ne forsoke rymenild to kepe ant loke his stede he bigan stryde ant forþ he con hym ryde Aþulf wep wiþ eyȝen ant alle þat hit yseyȝen Horn forþ him ferde a god ship he him herde þat him shulde passe out of westnesse þe wynd bigon to stonde ant drof hem vp olonde to londe þat hy fletten fot out of ship hy setten he fond bi þe weye kynges sones tueye þat on wes hoten Aþyld ant þat oþer beryld beryld hym con preye þat he shulde seye what he wolde þere ant what ys nome weres in ys over an erasure MS. ¶ Godmod he seiþ ich hote ycomen out of þis bote wel fer from by weste to seche myne beste beryld con ner him ryde ant toc him bi þe bridel wel be þou knyht yfounde wiþ me þou lef astounde al so ich mote sterue þe kyng þou shalt serue ne seh y neuer alyue so feir knyht her aryue godmod he ladde to halle ant he adoun gan falle Ant sette him a knelyng ant grette þene gode kyng þo saide beryld wel sone kyng wiþ him þou ast done þilond tac him to werie ne shal þe nomon derye for he is þe feyreste man þat euer in þis londe cam ¶ þo seide þe kyng wel dere welcome be þou here go beryld wel swyþe & make hym wel blyþe ant when þou farest to wowen tac him þine glouen þer þou hast munt to wyue a wey he shal þe dryue for godmodes feyrhede shalt þou no wer spede hit wes at cristesmasse nouþer more no lasseno might be read ne MS. þe kyng made feste of his knyhtes beste þer com in at none a geaunt suyþe sone y armed of paynyme ant seide þise ryme site kyng bi kynge ant herkne my tidynge her bueþ paynes aryue wel more þen fyue her beþ vpon honde kyng in þine londe on þer of wol fyhte to ȝeynes þre knyhtes ȝef oure þre sleh ure onure] oure MS. All this line and the first four words of 822 written over an erasure. we shulen of ore londe gon ȝef vre on sleh oure þre al þis lond shal vre be to morewe shal be þe fyhtynge at þe sonne vpspringe ¶ þo seyde þe kyng þurston godmod shal be þat on beryld shal be þat oþer þe þridde Aþyld is broþer for hue bueþ strongeste ant in armes þe beste ah wat shal vs to rede y wene we bueþ dede Godmod set at borde ant seide þeose wordes sire kyng nis no ryhte on wiþ þre fyhte aȝeynes one hounde þre cristene to founde ah kyng yshal alone wiþ oute more ymone wiþ my suerd ful eþe bringen hem alle to deþe þe kyng aros amorewe he hade muche sorewe godmod ros of bedde wiþ armes he him shredde his brunye he on caste & knutte hit wel faste ant com him to þe kynge at his vp rysynge kyng quoþ he com to felde me forte byhelde hou we shule flyten ant to gedere smiten ¶ riht at prime tide hy gonnen out to ryde hy founden in a grene a geaunt swyþe kene his feren him biside þat day forto abyde Godmod hem gon asaylen nolde he nout faylen He ȝef duntes ynowe þe payen fel yswowe ys feren gonnen hem wiþ drawe for huere maister wes neh slawe he seide knyht þou reste a whyle ȝef þe leste y ne heuede ner of monnes hond so harde duntes in non lond bote of þe kyng Murry þat wes swiþe sturdy he wes of hornes kenne y sloh him in sudenne ¶ Godmod him gon agryse ant his blod aryse byforen him he seh stonde þat drof him out of londe ant fader his aquelde he smot him vnder shelde he lokede on is rynge ant þohte o rymenild þe ȝynge mid god suerd at þe furste he smot him þourh þe huerte þe payns bigonne to fleonfleon] l corrected out of e MS. ant to huere shype teon to ship hue wolden erne godmod hem con werne þe kynges sones tweyne þe paiens slowe beyne þo wes Godmod swyþe woGodmod] G corrected out of h MS. wo over an erasure. ant þe payens he smot so þat in a lutel stounde þe paiens hy felle to grounde godmod ant is men slowe þe payenes eueruchen his fader deþ & ys lond awrek godmod wiþ his hond þe kyng wiþ reuþful chere lette leggen is sones on bere ant bringen hom to halle muche sorewe hue maden alle in a chirche of lym & ston me buriede hem wiþ ryche won ¶ þe kyng lette forþ calle hise knyhtes alle ant seide godmod ȝef þou nere alle ded we were þou art boþe god & feyr her ymake þe myn heyr for my sones bueþ yslawe ant ybroht of lyf dawe dohter ich habbe one nys non so feyr of blod ant bone Ermenild þat feyre mayOn the inner margin MS. bryht so eny someres dayOn the inner margin MS. hire wolle ich ȝeue þe ant her kyng shalt þou be he seyde more ichul þe serue kyng er þen þou sterue when y þy dohter ȝerne heo ne shal me noþyng werne ¶ godmod wonede þere fulle six ȝere ant þe seueþe ȝer bygon to rymynyld sonde ne sende he non rymenyld wes in westnesse wiþ muchel sorewenesse a kyng þer wes aryue ant wolde hyre han to wyue at one were þe kynges of þat weddynge þe dayes were so sherte ant rymenild ne derste latten on none wyse a wryt hue dude deuyse Aþulf hit dude wryte þat horn ne louede nout lyte hue sende hire sonde in to eueruche londe to sechen horn knyhte wher so er me myhteWher] Whe MS. Horn þer of nout herde til o day þat he ferde to wode forte shete a page he gan mete Horn seide leue fereAfter Horn two letters erased MS. whet dest þou nou here Sire in lutel spelle y may þe sone telle Ich seche from westnesse horn knyht of estnesse ffor rymenild þat feyre may soreweþ for him nyht & day A kyng hire shal wedde a sonneday to bedde Kyng Mody of reynis þat is hornes enimis ich habbe walked wyde by þe see side ne mihte ich him neuer cleche wiþ nones kunnes speche ne may ich of him here in londe fer no nere wey la wey þe while him may hente gyle ¶ Horn hit herde wiþ earen ant spec wiþ wete tearen so wel grom þe bitide horn stond by þi syde aȝeyn to rymenild turne & sey þat hue ne murne yshal be þer bitime a sonneday er prime þe page wes wel blyþe & shipede wel suyþe þe see him gon adrynke þat rymenil may ofþinke þe see him con ded þrowesee omit. MS. vnder hire chambre wowe rymenild lokede wide by þe see syde ȝef heo feȝe horn come oþer tidynge of eny gome þo fond hue hire fonde adronque by þe stronde þat shulde horn brynge hire hondes gon hue wrynge ¶ Horn com to þurston þe kynge ant tolde him þes tidynge ant þo he was biknowe þat rymenild wes ys owe ant of his gode kenne þe kyng of sudenne ant hou he sloh afelde him þat is fader aquelde ant seide Kyng so wyse ȝeld me my seruice rymenild help me to wynnehelp over an erasure MS. swyþe þat þou ne blynne ant yshal do to house þy dohter wel to spouse for hue shal to spouse haue Aþulf my gode felawe he is knyht mid þe beste & on of þe treweste þe kyng seide so stille horn do al þi wille he sende þo by sonde ȝend al is londe after knyhtes to fyhte þat were men so lyhte to him come ynowe þat in to shipe drowe ¶ Horn dude him in þe weye in a gret galeye þe wynd bi gon to blowe in a lutel þrowe þe see bi gan wiþ ship to gon to westnesse hem brohte anon hue striken seyl of maste ant ancre gonnen caste matynes were yronge & þe masse ysonge of rymenild þe ȝynge & of Mody þe kynge ant horn wes in watere ne mihte he come no latere he let is ship stonde ant com him vp to londe his folk he made abyde vnder a wode fyde ¶ Horn eode forh al one so he sprong of þe stone en palmere he y mette & wiþ wordes hyne grette palmere þou shalt me telle he seyde of þine spelle so brouke þou þi croune why comest þou from toune ant he seide on is tale y come from a brudale from brudale wylde of maide remenylde ne mihte hue nout dreȝe þat hue ne wep wiþ eȝe hue seide þat hue nolde be spoused wiþ golde hue hade hosebonde þah he were out of londe ich wes in þe halle wiþ inne þe castel walle a wey ygon glide þe dole ynolde abyde þer worþ a dole reuly þe brude wepeþ bitterly quoþ horn so crist me rede we wolleþ chaunge wede tac þou robe myne ant ȝe sclaueyn þyne To day yshal þer drynke þat summe hit shal of þynke sclaueyn he gon doun legge & horn hit dude on rugge ant toc hornes cloþes þat nout him were loþe ¶ horn toc bordoun & scrippe ant gan to wrynge is lippe he made foule cherechere] chē MS. & bicollede is swere he com to þe ȝateward þat him onsuerede froward horn bed vn do wel softe moni tyme ant ofte ne myhte he ywynne forto come þer ynne horn þe wyket puste þat hit open fluste þe porter shulde abugge he þrew him a doun þe brugge þat þre ribbes crakede horn to halle rakede ant sette him doun wel lowe in þe beggeres rowe he lokede aboute myd is collede snoute þer seh he rymenild sitte ase hue were out of wytte wepinde sore ah he seh nower þore Aþulf is gode felawe þat trewe wes in vch plawe ¶ aþulf wes o tour ful heh to loke fer & eke neh after hornes comynge ȝef water him wolde brynge þe see he seh flowe ah horn nower rowe he feyde on is songe horn þou art to longe Rymenild þou me bitoke þat ich hire shulde loke Ich haue yloked euere & þou ne comest neuere Rymenild ros of benchebenche] b over an erasure MS. þe béér al forte shenche after mete in sale boþe wyn & ale an horn hue ber an honde for þat wes lawe of londe hue dronc of þe béére to knyht & skyere horn set at grounde him þohte he wes ybounde ¶ he seide quene so hende to me hydeward þou wende þou shenh vs wiþ þe vurste þe beggares bueþ afurste hyre horn hue leyde a doune ant fulde him of þe broune a bolle of a galoun hue wende he were a glotoun hue seide tac þe coppe ant drync þis ber al vppe ne seh y neuer y wene beggare so kene horn toc hit hise yfere & seide quene so dere no béér nullich ibite bote of coppe white þou wenest ich be a beggere ywis icham a fysshere wel fer come by weste to seche mine beste Min net lyht her wel hende wiþ inne a wel feyr pende Ich haue leye þere nou is þis þe seueþe ȝere Icham icome to loke ȝef eny fyssh hit tokeAfter fyssh an erasure of two words, probably y toke, MS. ȝef eny fyssh is þer inne þer of þou shalt wynne ffor icham come to fyssh drynke nully of dysshnke null over an erasure MS. drynke to horn of hornedrynke, dronke both with contraction for es MS. wel fer ich haue y orne ¶ Rymenild him gan bihelde hire herte fel to kelde ne kneu hue noht is fysshyng ne him selue noþyng ah wonder hyre gan þynke why for horn he bed drynke hue fulde þe horn of wyne ant dronke to þat pelrynedrynke, dronke both with contraction for es MS. hue seide drync þi felle & seþþen þou me telle ȝef þou horn euer seȝe vnder wode leȝe ¶ Horn dronc of horn astounde ant þreu is ryng to grounde ant seide quene þou þench what y þreu in þe drench þe quene eode to boure mid hire maidnes foure hue fond þat hue wolde þe ryng ygraued of golde þat horn of hyre hedde fol sore hyre adredde þat horn ded were for his ryng was þere þo sende hue a damoisele after þilke palmere palmere quoþ hue so trewe þe ryng þat þou yn þrewe þou sey wer þou hit nome ant hyder hou þou come he seyde by seint gyle ich eode mony a myle wel fer ȝent by weste to seche myne beste Mi mete forte bydde for so me þo bitiddeAfter so þ struck out MS. ich fond horn knyht stonde to shipeward at stronde he seide he wolde gesse to aryue at westnesse þe ship nom in to flode wiþ me & horn þe gode Horn by gan be sek & deȝe & for his loue me preȝe to gon wiþ þe rynge to rymenild þe ȝynge wel ofte he hyne keste crist ȝeue is soule reste ¶ Rymenild seide at þe firste herte nou to berste horn worþ þe no more þat haueþ þe pyned sore Hue fel adoun a bedde ant after knyues gredde to slein mide hire kyng loþe & hire selue boþe wiþ inne þilke nyhte come ȝef horn ne myhte to herte knyf hue sette horn in is armes hire kepteAfter armes erasure of one word MS. his shurte lappe he gan take & wypede a wey þe foule blake þat wes opon his suere ant seide luef so dere ne const þou me yknowe ne am ich horn þyn owe Ich horn of westnesse in armes þou me kesse yclupten & kyste so longe so hem lyste Rymenild quoþ he ich wende doun to þe wodesende for þer bueþ myne knyhte worþi men & lyhte armed vnder cloþe hue shule make wroþe þe kyng & hise gestes þat bueþ at þise festes to day ychulle huem cacche nou ichulle huem vacche ¶ Horn sprong out of halle ys brunie he let falle rymenild eode of boure aþulf hue fond loure aþulf be wel blyþe & to horn go swyþe he is vnder wode bowe wiþ felawes ynowe Aþulf gon forth springeforth] froth MS. for þat ilke tydynge efter horn he ernde him þohte is herte bernde he oftok him ywisse ant custe him wiþ blysse Horn tok is preye ant dude him in þe weye hue comen in wel sone þe ȝates weren vndone y armed suiþe þicke from fote to þe nycke alle þat þer euere weren wiþ oute is trewe feren ant þe kyng aylmare ywis he hade muche care monie þat þer sete hure lyf hy gonne lete Horn vnderftondyng ne hede of ffykeles falffede hue fuoren alle ant feyde þat hure non him wreyede ant fuore oþes holde þat huere non ne sholde Horn neuer bytreye þah he on deþe leye þer hy ronge þe belle þat wedlak to fulfulle hue wenden hom wiþ eyfe to þe kynges paleyfe þer wes þe brudale fuete for richemen þer ete telle ne mihte no tonge þe gle þat þer was fonge ¶ Horn fet in chayere & bed hem alle yhere he feyde kyng of londe mi tale þou vnderftonde Ich wes ybore in sudenne kyng wes mi fader of kenne þou me to knyhte houe of knythod habbe y proue þou dryue me out of þi lond & feydeft ich wes traytour strong þou wendeft þat ich wrohte þat y ner ne þohte by rymenild forte lygge ywys ich hit wiþ fugge Ne shal ich hit ner agynne er ich fudenne wynne þou kep hyre me aftounde þe while þat ich founde In to myn heritage wiþ þis yrisshe page þat lond ichulle þorhreche & do mi fader wreche ychul be kyng of toune & lerne kynges roune þenne shal rymenild þe ȝynge ligge by horn þe kynge ¶ Horn gan to shipe drawe wiþ hyse yrisshe felawe Aþulf wiþ him his broþer he nolde habbe non oþer þe ship by gan to croude þe wynd bleu wel loude wyþ inne dawes fyue þe ship bigan aryue vnder sudennes side huere ship by gon to ryde aboute þe midnyhte horn eode wel rihte he nom aþulf by honde & ede vp to londe hue fonden vnder shelde a knyht liggynde on felde oþe shelde wes ydrawe a croyȝ of ihesu cristes lawe þe knyht him lay on slape in armes wel yshape ¶ Horn him gan ytake & seide knyht awake þou sei me whet þou kepest & here whi þou slepest me þuncheþ by crois liste þat þou leuest on criste bote þou hit wolle shewe my suerd shal þe to hewe þe gode knyht vp aros of hornes wordes him agros he seide ich seruy ille paynes to ȝeynes mi wille Ich was cristene sumwhile ycome in to þis yle saraȝyns loþe & blake me made ihesu forsake to loke þis passage for horn þat is of age þat woneþ her by weste god knyht mid þe beste hue slowe mid huere honde þe kyng of þisse londe ant wiþ him mony honder þer fore me þuncheþ wonder þat he ne comeþ to fyhte god ȝeue him þe myhte þat wynd him hider dryue to don hem alle of lyue ant slowen kyng mury hornes cunesmon hardy horn of londe hue senten tuelf children wiþ him wenten wiþ hem wes aþulf þe gode mi child myn oune fode ȝef horn is hol ant sounde aþulf tit no wounde he louede horn wiþ mihte & he him wiþ ryhte ȝef y myhte se hem tueye þenne ne rohti forte deye ¶ knyht be þenne blyþeAfter knyht an erasure of about two letters MS. mest of alle syþe Aþulf & horn is fere boþe we beþ here Þe knyht to horn gan skippe & in his armes clippe Muche ioye hue maden yfere þo hue to gedere y come were He saide wiþ steuene þare ȝungemen hou habbe ȝe ȝore yfare wolle ȝe þis lond wynne & wonie þer ynne he seide suete horn child ȝet lyueþ þy moder godyld of ioie hue ne miste o lyue ȝef hue þe wiste horn seide on is ryme yblessed be þe time Icham icome in to sudenne wiþ fele yrisshemenne we shule þe houndes kecche & to þe deȝe vecche ant so we shulen hem teche to speken oure speche ¶ Horn gon is horn bloweis] s corr. out of d MS. is folk hit con yknowe hue comen out of hurne to horn swyþe ȝurne hue smiten & hue fyhten þe niht & eke þe ohtoun þe saraȝyns hue slowe ant summe quike to drowe mid speres ord hue stonge þe olde & eke þe ȝongeBefore þe olde de MS. ¶ horn lette sone wurche boþe chapel & chyrche he made belle rynge ant prestes masse synge he sohte is moder halle in þe roche walle he custe hire ant grette ant in to þe castel fette Croune he gan werie ant make feste merye Murie he þer wrohte ah Rymenild hit abohte ¶ þe whiles horn wes oute ffikenild ferde aboute þe betere forte spede þe riche he ȝef mede boþe ȝonge ant olde wiþ him forte holde ston he dude lade ant lym þerto he made Castel he made sette wiþ water by flette þat þer yn come ne myhte bote foul wiþ flyhte bote when þe see wiþ drowe þer mihte come ynowe þus fykenild gon by wende Rymenild forte shendeOver an erasure MS. to wyue he gan hire ȝerne þe kyng ne durst him werne ant habbeþ set þe day ffykenild to wedde þe may wo was rymenild of mode terres hue wepte of blode þilke nyht horn suete con wel harde mete of rymenild his make þat in to shipe wes take þe ship gon ouerblenche is lemmon shulde adrenche ¶ Rymenild mid hire honde swymme wolde to londe ffykenild aȝeyn hire pylte mid his suerdes hylte Horn awek in is bed of his lemmon he wes adred Aþulf he seide felawe to shipe nou we drawe ffykenild me haþ gon vnder ant do rymenild sum wonder Crist for his wondes fyue to nyht þider vs dryue ¶ Horn gon to shipe ride his knyhtes bi his side þe ship bigon to sture wiþ wynd god of cure ant fykenild her þe day springe ferde to þe kynge After rymenild þe brhyte ant spousede hyre by nyhte he ladde hire by derke in to is newe werke þe feste hue bigonne er þen aryse þe sonne Hornes ship atstod in stoure vnder fykenildes boure Nuste Horn alyue wher he wes aryue þene castel hue ne knewe for he was so newe þe see bigon to wiþ drawe þo seh horn his felawehorn] horns MS. þe feyre knyht arnoldyn þat wes aþulfes cosyn þat þer set in þat tyde kyng horn to abide he seide kyng horn kyngessone hider þou art welcome to day haþ sire ffykenild yweddeþ þi wif rymenild white þe nou þis while he haueþ do þe gyle þis tour he dude make al for rymenildes sake ne may þer comen ynne no mon wiþ no gynne ¶ Horn nou crist þe wisse rymenild þat þou ne misse Horn couþe alle þe listes þat eni mon of wiste harpe he gon shewe ant toc him to felawetoc] tot MS. knyhtes of þe beste þat he euer hede of weste ouen o þe sherte hue gurden huem wiþ suerde hue eoden on þe grauele towart þe castele hue gonne murie singe & makeden huere gleynge þat fykenild mihte y here he axede who hit were men seide hit were harperis iogelers ant fyþelers hem me dude in lete at halle dore hue sete horn sette him abenche is harpe he gan clenche he made rymenild a lay ant hue seide weylaway ¶ Rymenild fel yswowe þo nes þer non þat lowe hit smot horn to herte sore con him smerte he lokede on is rynge ant o rymenild þe ȝynge he eode vp to borde mid his gode suorde ffykenildes croune he fel þer adoune ant alle is men arowe he dude adoun þrowe ant made arnoldyn kyng þere after kyng Aylmere to be kyng of Westnesse for his mildenesse þe kyng ant is baronage ȝeuen him truage ¶ Horn toc rymenild by honde ant ladde hire to stronde ant toc wiþ him Aþelbrus þe gode stiward of hire fader hous þe see bigan to flowen ant hy faste to rowen hue aryueden vnder reme in a wel seyr streme kyng Mody wes kyng in þat lond þat horn sloh wiþ is hond Aþelbrus he made þer kyng for his gode techyng for sire hornes lore he wes mad kyng þore ¶ Horn eode to ryue þe wynd him con wel dryue he aryuede in yrlonde þer horn wo couþe er fonde he made þer Aþulf chyld wedde mayden ermenyld ant horn com to sudenne to is oune kenne Rymenild he made þer is quene so hit myhte bene In trewe loue hue lyueden ay ant wel hue loueden godes lay Nou hue beoþ boþe dede crist to heouene vs lede AmeN. MS. Laud, Misc. 108. Bodleian Library, Oxford. Alle ben he bliþe Þat to me wilen liþe A song ich wille you singe of morye þe kinge King he was bi westen Wel þat hise dayes lesten And godild hise gode quene Feyrer non micte bene Here sone hauede to name horn Feyrer child ne micte ben born Ne reyn ne micte upon reyne Ne no sonne by schine Fayrer child þanne he was Brict so euere any glas Whit so any lili flour So rose red was hys colur He was fayr and eke bold And of fiftene winter hold Was noman him yliche Bi none kinges riche Xij. feren he hadde Þat he mid him ladde And alle rich kinges sones And alle swiþe fayre gomes Mid hym forto pleye But mest he louede tueye Þat on was hoten ayol child And þat oþer fokenild Ayol was þe beste And fokenild þe werste Hit was in one someres day Also ich nou tellen may Þat morye þe gode kingemorye] moye MS. Rod on his pleyhinge Bi þe se syde Þer he was woned to ryde With him riden bote tvo Al to fewe ware þo He fond bi þe strondestronde] r above line MS. Ariued on his londe Schipes ·xv· Of sarazines kene He acsede wat he sowte Oþer to londe broucte A peynym it yherde And sone answerede Þi lond folc we wilen slon And al þat god leuet on And þe we solen sone anon Sald þou neuere henne gon Þe king licte adoun of his stede For þo he hauede nede And hise gode knictes ·ii· But ywis hem was ful wo Swerdes þe gonne gripe And to gydere smyte He fouten an onder selde Some of hem he felde He weren al to fewe Ayen so fele srewe Sone micten alle þeþe] þ with an erasure of one letter MS. Bringen þre deye Þe paynimes comen to londe And nomen hyt al to honde Cherches he gonnen felle And folc he gonne quelle Þer ne micte libbe Þe fremde ne þe sibbe Bote he here ley forsoken And to here token Of alle wimmenne Verst was godyld onne For mory he wep soremory] moy MS. And for horn wel more Godild hauede so michel sore Micte no wimman habbe more Þe vente hout of halle Fram hire maydenes alle In to a roche of stone Þar he wonede allone Þer he seruede god Ayenes þe houndes forbod Þer he seruede criste Þat paynimes ne wiste And euere bed for horn child Þat ihesu crist him were mild Horn was in peynims honde Mid his feren of þe londe Miche was his fayrhede So ihesu him hauede made Þo hundes wolde slon And some him wolde flon Ȝif hornes fayrede nere Þe child yslawe ware Uan bi spek him amyraud Of wordes he was swiþe baud Horn þou art swiþe scene And follyche swiþe kene Þou art fayr and eke strong Þou art eueneliche long Þou scald more wexe In þis fif yere þe nexte Ȝif þu to liue Mictest go An þine feren al so Þat micte so bi falle Þou suldes slen us alle Þe for þou scald to stron go And þine feren also To schip ye schulen stonnde An sinken to þe grundeAn] A MS. Þe se þe sal adrinke Ne sal hit us of þinke For yf þou come to liue With suerdes or with cniue We sholde alle deye Þi faderes det abeye Þe childre yede to stronde Wringende here honde Ofte hauede horn child be wo Bute neuere werse þan þo Horn yede in to þe shipes bordHorn] Horns MS. Sone at þe firste word And alle hise feren Þat ware him lef and dere Þe se bigan to flowen· And horn faste to rowen And here schip swiþe drof Þe children adred þer of Þei wenden alle wel ywis Of here lif haued ymis Al þe day and al þe nict Til him sprong þe day lyt Til horn bi þe stronde Seth men gon alonde Feren he seyde singe Y telle ȝou a tidinge Ych here foules singe And so þe gras him springespringe] sc̣pinge MS. Bliþe be we oliue Houre schip hys come ryue Of schip þe gon fonde An sette fot on grunde Bi þe se side Here schip bigan to glide Þanne spek þe child hornchild] chid MS. In sodenne he was yborn Go nou schip by flode And haue dawes gode Softe mote þou stirie No water þe derie Wanne þou comes to sodenne Gret wel al mi kinne And grete wel þe gode Quen godild my modergodild] c̣godild MS. And sey þat heþene king Ihesu cristes wiþerling Þat ichc lef and dere On londe am riued here And sei þat he shal fonge Þe deth of mine honde Þe schip bigan to flete And horn child forto wepe Þe children yede to towne Bi dales and bi downe Metten he with aylmer king God him yeue god timing King of westnesse God him yeue blisse For he spek to horn child Wordes wel swiþe mild Wenne be ye fayre grome Þat here to londe ben ycome Alle ·xiij· Of bodi swiþe schene Bi ihesu þat me made So fayre on ereþ clade Ne say neuere stonde In al westnesse londe Sey me wat ye seche Horn spak here speche Horn spak for hem alleHorn] Hor MS. So hit moste by falle For þat he was fayrest And of witte wisest We ben of sodenne Ycomen of godemenne Of cristene blode And of swiþe godeswiþe] swiịþe MS. Paynims þer were riueriue] riueḍ MS. And broucten men of liue He slowe and to drowe Cristene men hy nowe So god me mote rede Vs he deden lede In to salyley Wit þe se to pleye Day igo and oþer Wit uten seyl and roþerroþer] r above the line MS. And hure schip suemne gan And he to londe it wan Nou men us binde Oure honden us bi hinden And yf it be þi wille Help us þat we ne spilleHelp] Helps MS. Þo bispac aylmer king Was he neuere nyþing Sey me child wat is þi name Ne schal þe tide bote game Þat child him answerede Sone so he hit herdehe om. MS. Horn hich am hoteHorn] Hor MS. Ycome out of þe bote Fram þe se syde King wel þe bi tyde Horn child qwad þe kingHorn] Hon MS. wel brouke þou þi naming Horn him goth snille Bi dales an bi hulle And þoruuth eche toune Horn him shilleþ soune So shal þi name springe Fram kinge to kinge And þi fayrnesse Þoruout westnesse And stregþe of þine honde Þoruouth euerich londe Horn þu art so swete No schal yþe for lete Hom rod him aylmer king And wit horn þe sweting And alle hyse feren Þat weren lef and dere Þe king com in to halle Among hise knictes alle He bad clepen aybrous Þe heye stiward of his hous Stiward haue þou here Horn chil forto lere Of þine mestere Of wode and of felde To riden wel wit shelde Tech him of þe harpe Wit his nayles sharpe Biforn me forto harpen And of þe cuppe seruen And of alle þe listes Þat þou on erþe vistes His feren deuise Of oþer seruise Horn child þou vnder fonge Tech him of harpe and songe And aylbrous gan lerenBefore leren ḥịṃ MS. Horn and hise feren Horn in herte laucte Al þat men him taucte Wit hinne þe curt and wit oute And alle veie aboute Men loueden alle horn child And mest him louede rimenild Þe kinge owne douter He was euere in þoute So hye louede horn child Þat hye wex al wild Hye ne micte on borde Wit horn speken no worde Noþer in þe halle Among þe knictes allekinctes MS. Ne nower in no stede For folc þer was so mecheFor] For for MS. Hire sorwe and hire pyne Nolde he neuere fine Bi day ne bi nicte Wit him speke ne micte In herte hye haue kare and wo Þus he hire bi þoucte þo He sende hire sonde Aylbrous to honde And be he schold hire comen toAfter be, erasure of one or two letters, perhaps bed. And also scholde horn do In to hire boure For hye gan to loure And ysoude seyde Wel riche was þe mede And bed him comen swiþe For hye nas naut bliþ Þe stiward was in herte wo He ne wiste wat he micte do Wat reymnyld wroute Mikel wonder him þoute Abote horn þe ȝenge To boure forto bringe He þoucte on his mode Hit nas for none gode He tok wit him anoþer Þat was hornes wed broþer Ayol he seyde ryt anon Þou shalt wit me to boure gon To speke wit reymyld stille And witen al hire wille In hornes ylyche Þou schalt hire bi swike Wel sore y me of drede Þat hye wile horn mis redehye] y corr. out of o. Aylbrous and ayol him myde Boþe he to boure ȝede Opon ayol childe Reymyld was naut wilde Hye wende horn hit were Þat hye hadde þere Hye sette him on bedde With ayol he gan wedde In hire armes tweye Ayol he gan leye Horn hye seyde so longe Ich habbe y loued þe stronge Þou schalt me treuþe plyȝte In mine honde wel ryhcte Me to spouse welde And ich þe louerd to helde And seyde in hire here So stille so it were Ne tel þou more spechetel] te MS. Sum man þe wile bi keche Þi tale bi gyn to lynne For horn nis nouth her inne Horn his fayr and riche Be we naut yliche Fayror honder ribbe Þan ony man þat libbe Þei horn were honder molde Oþer elles qwere e wolde Hanne ouer a þousond mile Ne schulde ich him bigile Reymyld hire bi wende Þe stiward sone he schende Aylbrous þu foule þef Ne worstu me neuere lef Wend out of mi boure Wyt michel mesauenture Heuele ded mote þou fonge And on heuele rode onhonge Spak ich nou with horn His he nowt me biforn He his fayror of liue Wend out henne bilyue Þo aylbrous a stounde On kneus fel to grunde A leuedy min howe Lyþe a litel þrowe To bringe þe horn to honde Horn hys fayr and riche His no man hys liche And aylmer þe gode king Dede him in Mi loking Ȝyf horn þe were aboute Wel fore ich me doute Þat ye schulden pleye Bitwen hou one tweye Þan scholde wit outen oþe Þe king hus maken wroþe For ȝyf me þi tene My leuedi and my quene And horn ich wolle feche Wam so hit euere reche Reymyld ȝyf hye cowþe Gan leyhe wyt hire mouþe Hye lowe and makede blyþe Wel was hire swiþe Go hye seyde sone And bring him after none In a squieres wise Wan þe king aryse He wende forþ to horneHẹ ẉẹṇḍẹ fọṛþ MS. Ne wolde sche him werne He schal mid me bi leue Til hyt be ner heue Had ich of hym my wille Ne reche y wat men telle Aylbrous fram boure wende Horn in halle he fonde Bi forn þe king abenche Red win to schenche And after mete stale Boþe win and ale Horn he seyde so hende To boure þo most wende After mete stilleAfter stille ẉịṭ MS. With reymild to dwelle Wordes swiþe bolde In herte gon þu holde Horn be me wel treweHor MS. Ne schal it þe nouth rewe Horn him wende forþricte To reymyld þe brycte Hon kneus he him sette And rimyld fayre grette Of þat fayre wihcte Al þe halle gan licte He spak fayre speche Ne þar him no ma teche Wel þou sitte and softe Reymyld kinges douter With þine maydnes syxe Þat sittet þe nexte Þe kinges stiward and houreknges MS Sente me to boure With þe hy speke schulde Sey me wat þou wolde Sey and ich schal here Wat þi wille were Reymild up gan stonde And tok him biþe honde Sette he him on palle Wyn hye dide fulle Makede fayre chere And tok him by þe swere Often hye him kiste So wel hire luste Wel come horn hye seyde So fayr so god þe makede An heue and amorwe For þe ich habbe sorwehabbe] halbe MS. Haue ich none reste Slepe me ne liste Leste me þis sorwe Lyue hy nawt to morwe Horn þou schalt wel swiþe My longe sorwe liþe Þou schalt wit uten striue Habben me to wiue Horn haue on me rewþe And plyct þou me þi trewþe Horn child him bi þoute Wat he speke myȝte God qwad horn þe wisse And ȝyue þe ioye and bliffeþe] þ MS. Before bliffe ḅịḷḷ MS. Of þine hosebonde Whare he be in londe Ich am hy bore to lowe Such a wyf to owe Ich am bore þralle And fundlinge am bi falle Ich am nawt of kende Þe to spouse welde Hit were no fayr wedding Bituene a þral and þe king Reymyld gan to mys lyke And sore forto sykeAnd] d above line. Armes hye nam boþe And doune he fel yswowe Horn hire ofte wendeHor MS. And in hys armes trende Lemman qwat he dere Þin herte gyn þou to stere And help þou me to knictehelþ] heþ MS. Oppe þine myȝte To my louerd þe kinge Þat he me ȝyue dobbinge And þanne hys my þralhede Yterned in knyt hede And þenne hy schal wite more And don after þi lore Þo reymyl þe ȝenge Com of hire swohinge And seyde horn wel ricte Þou art so fayr and briycte Þou schalt worþe to knyte Hyt comez sone nyȝte Nym þou here þis coppeNym] y corr. out of e. And þis ryng þer oppe And beryt houre styward And bid helde foreward Bid hym for þe falle To kinges fot in halle Þat he dubbe þe to knicte Wyt hys swerde so bricte Wyt siluer and wit golde Hyt worþ him wel hyȝolde Horn god lene þe wel spede Þi herdne forto bede Horn tok hys leue For it was ney eue Aylbrous he sowte And tok him þat he browte He talede to him þereþere] the first e corr. out of o MS. Hou he hauede hy fare He telde him of his nede And bihet him his mede Aylbrous wel bliþe To halle he ȝede wel swiþe And sette him on kneuling And grette wel þe king Syre he seyde wiltu luste Ane tale wit þe beste Þou schalt bere corune In þis hulke toune To morwe worþe þi festes Me by houed gestes Ich þe wolde rede ate lest Þat þou horn knict makedest Þi armes to him welde God knict he schal ben helde Þe king seyde sone Þat hys wel to done Horn me wole ben queme To be knict him by seme He schal habbe my dubbing And be my nowne derling And his feren ·xij Ich schal dobbe My selue Alle ich hem schal knicte Bi for me to fyte Amorwe her þe dey spronge Aylmer king þoute wel longe Þe day by gan to springe Horn cam bi forn þe kinge Wit swerde horn he girdegirde] d corr. out of t MS.In the margin opposite ore est horn adobbe. Rit honder hys herteIn the margin opposite ore est horn adobbe. He sette him on stede Red so any glede And sette on his fotes Boþe spores and botes And smot alitel with And bed him ben god knict Ayol fel on knes þere By forn þe king aylmere And seyde king so kene Graunte me my beneBefore my ḅ MS. Þou haft knicted sire horn Þat in sodenne was hy born Louerd he hys in londe Of vs þat bi him stonde Mid spere and wit scelde To fyten in þe felde Let him of alle knicte So hyt hys hise ricte Þo seyde þe king wel sone wis Do horn as hys wil hys Horn a down gan lycte And makede hem to knicte Comen were þe gestes Amorwe was þe feste Reymyld was nowt þere Hire þoute seue yere After horn hye sende Horn to boure wendeHorn] Hor MS. He nam his felawe in hys honde And fonde Reymyld in boure stonde Welcome art þou sire horn And ayol chil þe bi forn Knict nou it his tyme Þat þo sitte by me Yf þou be trewe of dedes Do þat þou aire seydes Do nou þat we speke To wif þou schalt me take Reymyld qwat horn be stille Hy schal don al þi wille Hat first hyt mote by tyde Mid spere þat ich ride Mi knicthede for to proue Herft here ich þe wowe We beþ knictes yonge Alto day by spronge Of þe mestere Hyt hys þe manere Wyt som oþer knicte For hys leman to fycte Her ich eny wif take Þer fore ne haue ich þe forsake To day so god me blisseblisse] bịlisse MS. Ich sal do pruesce For þe lef wyt schelde In mideward þe felde And hy come to liue Ich take þe wiue Knict qwat reymyl þe trewe Yich wene ich may þe leue Haue nou here þis gold ringþis] s above line MS. He his god to þi dobbing Ne hys non swilk vnder sonne Þat man may offe konne Hy graue hys on þe Ringe Rymyld þi lef þe yenge Þe ston him hys of swiche grace Þat þou ne schal in none place Of none doute fayle Þer þou biginnes batayle And sire ayol þi broþer He sal haue a noþerBefore sal ịṣ MS. Horn god hy þe bi techeBefore teche ṭạḳẹ MS. Wit morninde speche God þe ȝyeue god endynge An hol þe aȝen bringe Þe knict hyre gan to kusse And reymyld him blisse Leue at hire he nom And in to halle com Þe knictes ȝyede to table And horn in to stable He tok forþ his gode fole So blac so eny cole In armes he him schredde And hys fole he fedde Hys fole schok hys brenye Þat al þe court gan denye Hys fole gan forþ springesc̣þinge MS. And horn merie to syngeAfter horn ị MS. He rod one wile Wel more þan a mile He sey a schip rowe Mid water alby flowesarazine] sararine MS. Of out londisse manne Of sarazine kennewater] wat MS. Hem askede qwat he hadde Oþer to londe ladde A geant him gan by holde And spek wordes bolde Þis lond we wile winne And slen al þat þer ben hinne Horn gan hys swerd gripe And on his arm hyt wipe Þe sarazin so he smot Þat al hys blod was hot At þe furste dunte Hys heued of gan wente Þo gonnen þo hundes gon Aȝenes horn alon He lokede on hys gode ringe And þoute on reymild þe yenge He slow þer on haste An hundred at þe leste Of þat þer were aryueþer] þe MS. Fewe he leuede on liue Þe meyster kinges heued He haddit him by reued He settit on hys swerde Anoven on þe horde Til he com to halle Among þe knictes alle He seyde king wel mote þou sitte An þine knictes mitte Þer y rod on my pleying Sone hafter my dobbing Y say a schip rowe Mid watere al by flowe Of none londische menneOf] Off MS. Bote sarazines kenne To deye for to pyne Þe and alle þine He gonnen me a saylen My swerd me ne wolde fayle Ich broute hem alto grunde In one lite stounde Þe heued ich þe bringe Of þe meyster kinge Nou ich haue þe yolde Þat þu me knicten wolde Þe day bi gan to springe þe king rod on huntingge To wode he gan wende For to latchen þe heynde Wyt hym rod fokenild Þat alþe werste moder child And horn wente in to boure To sen auenture He fond Reymild sittende Sore wepende Whit so eny sonne Wit teres albi ronne He seyde lemman þin ore Wy wepes þou so sore Hye seyde ich nawt ne wepe Bote ich schal her ich slepe Me þoute in my metynge Þat ich rod on fischinge To se my net ich keste Ne Mict ich nowt lache A gret fys ate furste Mi net he makede berste Þe fys me so by laucteBefore fys f̣ịṣ MS. Þat ich nawt ne kaucte Ich wene ich schal forlese Þe fys þat ich wolde chese God and seynte steuene Quad horn terne þi sweuene Ne shal ich neuere swike Ne do þat þe mis like Ich nime þe to my nowe To habben and to howe For euerich wyȝte Þarto my treuwþe ich plicte Miche was þat rewþe Þat was at here trewþe Reymyld weþ wel stilleweþ omit. MS. And horn let teres spille He seyde lemman dere Þou schalt more here Þy sweuene ich schal schende Þe fis þat brac þi seyne Hy wis hyt was som bleine Þat schal us do som tene Hy wis hyt worþ hy sene Þe king rod bi his toure And horn was in þe boure Fykenyld hadde envie An seyde hise folyeIn the margin hic accusatur horn. Aylmere king ich wole warne Horn chil þe wile berne Ich herde qware he seyde And hys swerd leyde To bringe þe of liue And take rimenyld to wiue Nou he hys in boure Al honder couerture By reymyld þi douter And so he hys wel ofte Ich rede þat þu wende Þer þou myct him schende Do him out of þi londe Her he do more schondehe omit. MS. Aylmer king hym gan torne Vel mody and wel Mourne To boure he gan ȝerne Durst hym noman werne He fond horn wit arme In rimenyldes barme Henne out qwad aylmer king Henne þou foule wendling Out of boure flore Fram reymyld þi hore Sone bote þe flette Wit swerd hy wole þe hette Hout of londe sone Here hauest þou nowt to done Horn cam in to stable Wel modi for þe fable He sette sadel on stede With armes he hym gan schrede Hys brenye he gan lace So he scholde in to place Þo hyt þer to gan ten Ne durst him noman senhim] hīṛẹ MS. Swerd he gan fonge Ne stod he nowt to longe And ȝyede forþ ricte To reymyld þe bricte He seyde leman dereling Now hauestu þi meting Þe fys þi net to rente Fram þe he me sente Þe king gynneþ wiht me striue Awey he wole me driue Reymyld haue god day For nov ich founde awey In to onekuþ londe Wel more forto fonde Ich schal wony þere Fulle seve ȝere Ate ·vii ȝeres hende Bot ȝyf hy come oþer sende Tac þou hosebonde For me þat þou wonde I armes þou me fonge An kusse swiþe longe He kusten one stunde And reymyld fel to grunde Horn tok his leue For hyt was ney heue He nam ayol trewe fere Al aboute þe swere And seyt knict so trewe Kep Mi leue wiue So þou me neuere forsoke Reymyl kep and loke Horn gan stede by stride And forþ he gan ride Ayol wep wit heye And alle þat hym seye Horn chil forþ hym ferde A god schip he him herde Þat hym scholde wisse Out of westnisse Þe whyȝt him gan stonde And drof tyl hirelonde To londe he gan fletteflette] f above the line, l corrected out of s MS. And out of schip him sette He mette by þe weye Kingges sones tweye Þat on was hoten ayld And þat oþer byrild Byrild him gan preye Þat he scholde seye Wat hys name were And qwat he wolde þere Cuberd he seyde ich hote Comen fram þe bote Fer fram bi weste To chesen mine beste Byryld him gan ryde And tok hym by þe bridel Wel be þou knict here founde Whyt me bileuest a stounde So ich ne mote sterue Þe kyng þou schal serue Ne sey ich neuere on lyue So fayr knyt aryue Cubert he ledde to halle And a doun gan falle He sette hym on knewlyng And grette wel þe gode king Þo seyde byrild wel sone Whit hym þou hauez to doneþou omit. MS. hauez] z above line MS. Tak hym þi lond to werye Ne schal hym noman derye He hys þe fayreste man Þat euere in þis londe cam Þo seyde þe king so dere Wel come be he here Go nov byryld swyþe An mak him glad and blyþe Wan þou farest awowen Tak hym þine glouen Þer þou hauest Mynt to wyue Awey he schal þe dryue Hyt was at cristemesse Naþer more ne lesse Þe king hym makede a feste Wyt hyse knyctes beste Þer com ate none A geaunt swiþe sone Armed of paynimearmed might be read ariued. And seyde in hys rime Syte knytes by þe king And lusteþ to my tydyng Here beþ paynyms a ryued Wel mo þanne fyue By þe se stronde Kyng on þine londe One þer of wille ich fyȝte Aȝen þi þre knyctes Ȝyf þat houre felle þyne þre Al þis lond schal vre be Ȝyf þyne þre fellen houre Al þys lond þanne be ȝyure To morwe schal be þe fyȝtyng At þe sonne op rysyng Þo seyde þe king þurston Cubert he schal be þat on Ayld chyld þat oþer Þe þrydde byryld hyse broþer Hye þre beþ þe strengeste And in armes þe beste At wat schal do to rede Ich wene we ben alle dede Cubert set on borde And seyde þis worde Syre king hyt nis no ryȝcteAfter Syre kyre MS. nis omit. MS. On wiþ þre to fyȝcte Ac wille ich alone With outen mannes mone Mid my swerd wel heþe Bringen hem alle to deþe Þe kyng ros a morwe And hadde meche sorwe Cubert ros of bedde Wyt armes he hym schredde Hys brenye on he castehe] ke MS. Lacede hyt wel faste He cam bi forn þe gode kingHe] Ke MS. At hyse op rysyng He seyde king com to felde Me for to byhelde Hou we scholen fyȝte And to gydere hus dyȝcte Ryȝt at prime tyde He gonne hem out ryde He founden in a grene A geant swyþe kene Armed with swerd by side Þe day for to abyde Cubert him gan asayle Wolde he nawt fayle He keyte duntes ynowe Þe geant fel hy swowe Hys feren gonnen hem wyt drawe Þo here mayster wa slawe He seyden knyct þo resteAfter reste þ̣ẹ MS. A wile ȝyf þe luste We neuere ne hente Of man so harde dunteAfter man ṇẹṣ ḥọṇḍẹ MS. Bute of þe king Mory Þat was so swyþe stordy He was of hornes kinne We slowe hym in sodenne Cuberd gan a grise And hys blod a ryse By for hym he sey stonde Þat drof hym out of londe And hys fader aquelde He smot hym honder schelde He lokede on hys gode ringeAfter hys c̣ọ MS. And þoute on reymyld þe ȝonge Myd gode dunt ate furste He smot hym to þe herte Þe hondes gonnen at erne In to þe schypes sterne To schip he wolden ȝerne And cubert hem gan werne And seyde kyng so þou haue reste Clep nou forþ ofe þi beste And sle we þyse hounden Here we henne founden Þe houndes hye of laucte An strokes hye þere kautestrokes] r above the line MS. Faste aȝen hye stode Aȝen duntes gode Help nawht here wonder Cubert hem broute al honder He schedde of here blodeAfter here ḅọ MS. And makede hem al wode To deþe he hem browte Hys fader deþ he bowten Of al þe kinges rowe Þer nas Bute fewe slaweAfter nas ṇọṇ ḥỵ MS. Bute] te above line MS. Bote hys sones tweye By fore he sey deye Þe king bi gan to grete And teres for to lete Men leyden hem on bere And ledde hem wel þere In to holy kyrke So man scholde werke Þe king cam hom to halle Among þe kniyctes alle Do cubert he seyde As ich þe wolle rede Dede beþ myn heyres And þou þe boneyres And of grete strengþe Swete and fayr of lengþe Mi reaume þou schalt helde And to spuse welde Hermenyl my douter Þat syt in boure softe He seyde king wit wronge Scholde ich hire honder fonge Þing þat þou me bede And þy reaume lede At more ich wile þe serue And fro sorwe þe berwe Þy sorwe hyt schal wende Her þis seue ȝeres hende And wanne he beþ wente Kyng ȝyf þou me my renteȝyf] ȝys MS. Wan ich þi douter herne Ne schalt þou hire me werne Horn child wonede þere Fulle sixe yere Þe seuenþe þat cam þe nexte After þe sexteAfter sexte ỵẹṛes ḥẹṇḍẹ MS. To Reymyld he ne wende Ne to hyre sende Reymyld was in westnesse Myd michel sorwenesse A kyng þer was aryuede Þat wolde hyre habbe to wyue At sone ware þe kynges Of hyre weddinges Þe dawes weren schorte And reymyld ne dorste Lette in none wise A writ he dede deuise Ayol hyt dide write Þat horn ne louede nawt lite And to eueryche londe For horn hym was so longe After horn þe knycte For þat he ne Myȝte Horn þer of ne þoute Tyl on a day þat he ferde To wode for to seche A page he gan mete He seyde leue fere Wat sekest þou here Knyt feyr of felle Qwat þe page y wole þe telle Ich seke fram westnesse Horn knyt of estnesse For þe mayde reymyld Þat for hym ney waxeþ wild A kyng hire schal wedde A soneday to bedde Kyng mody of reny Þat was hornes enemy Ich haue walked wide By þe se syde Ich neuere myȝt of reche Whit no londisse speche Nis he nower founde A weylawey þe stounde Reymyld worþ by gile Weylawey þe wile Horn hyt herde with eren And wep with blody teren So wel þe grom by tide Horn stant by þy syde Aȝen to reymyld turne And sey þat he ne morne Ich schal ben þer by tyime A soneday by prime Þe page was blyþe And schepede wel swyþe Þe se hym gan to drenche Reymyld hyt Myȝt of þinche Þe se hym gan op þrowe Honder hire boures wowe Reymyld gan dore vn pynne Of boure þat he was ynne And lokede forþ riȝcte After horn þe knyte Þo fond hye hire sonde Drenched by þe stronde Þat scholde horn bringe Hyre fingres hye gan wringe Horn cam to þurston þe kinge And telde hym hys tydinge So he was by cnowe Þat reymyld was his owe He seyde kyng so wise Ȝeld me my seruyse Reymyld me help to winne Þat þou ith nowt ne lynne And hy schal to house Þy douter do wel spuse He schal to spouse haue Ayol My trewe felawe He hys knyt wyt þe beste And on of þe treweste Þo seyde þe kyng so stille Horn do þine wille Horn sente hys sonde In to eueryche londe After men to fyȝte Hyrische men so wyȝte To hym were come hy nowe Þat in to schipe drowe Horn tok hys preye And dude him in hys weyehī in added in the margin MS. Here scyp gan forþ seyleforþ] r inserted under line MS. Þe wynd hym nolde fayle He striken seyl of maste And anker he gonne kaste Þe soneday was hy sprongespronge] sp with erasure of two letters following MS. And þe messe hy songe Of reymylde þe ȝonge And of mody þe kinge And horn was in watere Myȝt he come no latere He let scyp stonde And ȝede hym op to londe Hys folc he dide abyde Honder þe wode syde He wende forþ alone So he were spronge of stone A palmere he mette Wyt worde he hym grette Palmere þou schalt me telle He seyde on þine spelle So brouke þou þi croune Wi comest þou fram toune Þe palmere seyde on hys tale Hy com fram on bridale Ich com fram brode hylde Of Mayden reymylde Fram honder chyrche wowe Þe gan louerd owe Ne miyȝte hye hyt dreye Þat hye wep wyt eye He seyde þat hye nolde Be spoused Myd golde Hye hadde hosebonde Þey he nere nawt in londe Mody Myd strencþe hyre hadde And in to toure ladde In to a stronge halle Whit inne kastel walle Þer ich was attegate Moste ich nawt in rake Awey ich gan glyde Þe deþ ich nolde abyde Þer worþ a rewlich dole Þer þe bryd wepeþ sore Palmere qwad horn so god me rede Ich and þou willen chaungen wede Tac þou me þi sclauyne And haue þou cloþes myne To day ich schal þere drynke Som man hyt schal of þinke Þe sclavyn he gan doun legge And horn hyt dide on rigge Þe palmere tok hys cloþes Þat ne weren hym nowt loþe Horn toc burdoun and scrippe And gan wringe hys lippe He makede a foul chere And kewede hys swere He cam to þe gateward Þat hym answered hard He bed ondo wel softe Fele syþe and ofte Myȝte he nowt wynne For to come þer inneþer] r above the line MS. Horn gan to þe yate turne And þe wyket op spurne Þe porter hyt scholde abygge He pugde hym ofer þe brigge Þat hys ribbes gonnen krake And horn gan in to halle rake He sette hym wel lowe In beggeres rowe He loked al aboute Mid hys kelwe snowte He sey Reymyld sytte Al so hy were of witte Wyt droupnynde chere Þat was hys lemman dere He lokede in eche halke Sey he nowere stalke Ayol hys trewe felawe Þat trewe was and ful of lawe Ayol was op in toure Aboute for to poure After hornes cominge Ȝyf water hym wolde bringe Þe se he sey flowe And horn nower rowe He seyde in hys songe Horn þou art to longe Reymyld þou me by toke Þat ich hyre scholde loke Ich haue hire yloked euere And þou ne comest neuere Reymyld ros of benche Þe knyȝtes for to schenche An horn hye ber on honde As hyt was lawe of londe Hye drank of þe bere To knyt and to squiere And horn set on þe grunde Hym þoute he was bounde He seyde quen so hende To meward gyn þou wende Schenk hus Myd þe furste Þe beggeres beþ of þerste Þe horn hye leyde a doune And fulde hem of þe broune A bolle of one galun Hye wende hye were a glotounwere corr. out of iaere MS. Nym þou þe coppe And drinkyt al oppe Sey ich neuere ich wene Beggere so bold and kene Horn tok þe coppe hys fere And seyde quen so dere No drynk nel ich bite Bote of one coppe wite Þou wenst ich be a beggere For gode ich am a fyȝssere Hy come fram by weste To syȝen an þi feste My net hys ney honde In a wel fayr ponde Hyt hat hy be here Al þis seue ȝere Hyc am hy come to loke Ȝif any he toke Ȝyf any fyȝs hys þerynne Þer of þou winne Ich am hy come to fyȝsse Drink to me of þy disse Drynk to horn of horn For ich habbe hy ȝouren Reymyld hym gan by holde And hyre herte to kolde Neyȝ he nowt hys fyssyng Ne hym selue no þyng Wonder hyre gan þynke Wy he hyre bed drynke He fulde horn þe wyn And dronk to þe pylegrim Palmere þou drinke þy fulle And syþe þou schalt telle Ȝyf þou horn awt seye Honder wode leye Horn drank of horn a stounde and þrew hys ryng to þe groundehys] s above line MS. þe] e above line MS. He seyde quen nou seche Qwat hys in þy drenche Reymild ȝede to boure Wyt hyre maydenes foure He fond þat he wolde A ryng hy grauen of golde Þat horn of hyre hadde Wel sore hyre of dradde Þat horn child ded were For þe ryng was þere Þo sende hye a damysele Adoun after þe palmere Palmere hye seyde so trewe Þe ryng þou here þrewe Sey war þou ith nome And hyder wi þou come He seyde by seynt gyle Ich aue hy go mani amyle Wel fer her by weste To seche my beste My mete for to bidde So hyt me by tidde Þat fond ich horn child stonde To scyppeward on stronde He seyde he wolde agesce To ryuen in westnesse Þat scyp hym ȝede to flode Myd me and horn þe gode Horn was sech and ded And for his loue me bed To schipe with me þe ring To Reymyld quene þe ȝeng Ofte he me kuste God ȝyue hys soule reste Reymyld seyde ate ferste Herte nou to berste Horn ne worþ me na more For wam hy pyne sore Hye fel adoun on þe bed Þer hye hauede knyues leyd To slen hire louerd loþe And hyre selue boþe In þat hulke nyȝtenyȝte omit. MS. Bote horn come myȝte Knyf to hyre herte hye sette And horn hire gan lette Hys schirt lappe he gan take And wiped awey þat blake Þat was on hys swere And seyde quene so dere Canst þou me nawt knowe Ne am ich al þyn owe Ich am horn of estnesse In þyn armes þou me kusse Hye clepten and hye kuste Þe wile þat hem luste Reymyld qwad hornich moste wende To þe wodes hende After mine knyȝtes Hyrische men so wyȝte Armed honder cloþe He scholen maken wroþe Þe kyng and hyse gestes Þat sytten atte feste To day we schole hem keche Ryȝt nou ich wolle hem teche HOrn sprong out of halle Þe sclavyn he let falle And Reymyld wente to toure And fond Ayol lure Ayol be wel blyþe And go to horn swyþe He hys honder wode bowe And Myd hym felawe ynowe Ayol forþ gan springe Wel glad for þat tydyngge Faste after horn he rende Hym þoute hys herte brende Of tok he horn hy wys And kuste hym wit blys He com aȝen wel sone Þe gates weren ondone Hye þat ate feste heten Here lyue he gonnen þer leten And þe kyng mody Hym he made blody And þe king aylmere Þo hauede myche fere Horn no wonder ne makede Of fykenildef falfede He fworen alle and feyde Þat here non hym by wreyde And ofte he fworen hoþef holde Þat þere non ne fcholde No ware horn by wreyen Þou he to deþe leyen He rongen þe bellen Þe wedding for to fullen Of horn þat was fo hendehorn] hor MS. And of reymyld þe ȝonge Horn ledde hyre hom wit heyfe To hyre fader paleyfe Þer was brydale fwete Riche men þer hete Tellen ne Myȝte no tonge Þe joye þat þer was fonge Horn fet on hys cheyere And bed he fcholden alle here He feyde kyng fo longe My tale þou honder ftonde Hy was born in fodenne Kyng waf My fader of kunne Þo me to knyȝte þou ȝoue My knyȝt hede ich haue proued To þe of me men feyde War for þi herte treyde Þou makedeft me to rewe Þo þou bede me fleme Þou wendef þat ich wroute Þat hy neuere ne þoute Wyt Reymyld for ligge Iwys ich hyt wyt figge Ich ne fchal neuere a gynne Er ich fodenne wynneThe guard on f. 226 v has her ich fodẹne wyne. Kep hire me a ftounde Þe wille ich hennes founde In to myn heritage Mid myn hirysce page Þat lond ich schal of reche And do my fader wreche Ich schal be kyng of tunebe] ke MS. And wite of kynges owneBefore owne erasure of one letter, apparently t or s MS. Þenne schal Reymyld þe ȝonge Lyggen by horn þe kynge Horn gan to schipe rydeHorn] Hor MS. And hys knyȝtes bi side Here schip gan to croude Þe wynd hym bleu wel loude Honder fodenne syde Here schip bigan to glideschiþ] s above line MS. Abowte myd niȝte Horn hym yede wel ryȝte Nam ayol on hys honde And yeden op hon londe Hye founde honder schelde A knyt liggen in felde Op þe scheld was drawe A crowch of ihesu cristes lawe Þe knyt hy lay on slepe In armes wel y meteSubstituted for Ḥoṛṇ ḥỵṃ g̣ạ̄ ṃ MS. Horn hym gan take And seyde knyt awake Me þynkeþ by þe crowches lysteþe] þ corr. out of c MS. Þat þou leuest on criste Bote þou hyt raþe schewe Wyt Mi swerd ich schal þe hewe Þe gode knyt op a rosknyt] n above line MS. Of hornes wordes hym agros He seyde hy serue ylle Paynyms aȝen My wille Ich was cristene som wyle And þo were come in to þif yle Sarazyns lodlike and blake And dide me god forsake Bi god on wam y leue Þo he makeden me reue To loke þis passage For horn þat hys of age He woneþ alby weste God knyt myd þe beste He slow Mid hys honde Þe kyng of þise londe And wyt hym men an hundred Þer fore me þinkeþ wonder Þat he ne comeþ fiȝyctene omit. MS. God yeue hym þe miyȝte Þat wynde hym driue To bringen hem of liue He slowen þe kyng mory Hornes fader so stordy Horn to water he sente xij. children Myd hym wente Þer mong was ayol þe gode Myn owe child myn owe fode He louede horn wel derne And horn hym also ȝerne Ȝyf horn hys hol and sounde Ayol ne tyt no wounde Bote ich nou se hem tweye Iwys ich wolle deye Knyt be swiþe blyþe Mest of alle syþe Ayol and horn yfere Boþe he ben here Þe knyt to hem gan steppe And in armes cleppe Þe Joie þat he madeJoie] i above line MS. Myȝte no man rede He seyde wit steuene ȝarewit above line MS. Children hou abbe ȝe fareabbe] albe MS. Wolle ȝe þis lond winne And wonye þer inne He seyde leue horn child Ȝet liueþ þy moder godild Horn seyde on hys rime Hy blessed be þe tyme Ich am ycome to sodenne Wyt Myn hyrysce menneBefore menne ṇẹ MS. Þis lond we schollen winneBefore we ṃ MS. And sle al þat þere ben inne And so we scholen hem teche To speken oure speche Horn gan hys horn blowehorn above line MS. Þat hys folc it gan knowe He comen out of scyp sterne To horn ward wel ȝerne He smyten and he fouten Þe nyȝt and eke þe ouȝten Myd speres hord he stonge Þe held and eke þe ȝonge Þat lond he þoru sowten To deþe he hus brouten Sarazines kende Þe leuede on þe fende Horn let sone werchen Chapeles and cherchen Bellen he dide ryngen And prestes messe syngen He sowte hys moder oueralle Wit inne eueriche walleRepeated with wyt instead of wit MS. He custen and hye cleten And in to halle wenten Croune he gonnen werie And makede festes merye Murye he þere wroute Reymyld hyt aboute Wile þat horn was oute Fikenyld ferde aboute To wiue he gan hire ȝerne Þe kyng ne dorst him wernehim] hīṛẹ MS. Muche was hys prede Þe ryche he ȝaf mede Ȝonge and eke þe helde Þat Mid hym scholde helde Ston he dede lede And lym þer to he madelym] hym MS. A kastel he dude feste Wit water alby sette Miȝt no man hon on legge By paþe ne by brigge Bote wan þe se wit drowese omit. MS. Þer Miȝte come ynoweþer Mūche come MS. Þis fykenild gan to wendewende] wēḍde MS. Reynyld for to wendefor over an erasure, for in margin MS. Þe day by gan to wexe Þat hem was by twexe Fekenyld her þe day gan springe Ferde to aylmer þe kynge After reynyld þe bryȝte And spousede hire by niȝte He ledde hyre hom in derke To his newe werke Þe festes he by gonne Here aryse þe sonne Þat nyȝt gan horn swete And harde forto mete Of Reymyld hys make Þat in to schype was take Þat schip scholde on hire blenche Hys leman scholde adrenche Reymyld wit hire honde Wolde suemme to londe Fykenyld hire ȝen pulte Wit his swerd hylte Ayol qwat horn trewe felawe Into schip gonne we drawe Fykenyld haueþ gon onder And don Reynyld som wonder God for hys wordes fiue To nyȝt us þyder driue Horn gan to Scype Ride And his knyȝtes by sideknyȝtes] ȝ corrected out of c MS. Here schip bigan to terne By þe wateres sterne Hys schip stod in store Honder fikenildes boure Ne wiste horn on liue Whare he was a Ryue Þe kestel he ne knewe For he was so newe Þe song by gan to drye And hyt hym makede weye He fond stonde arnoldyn Þat was ayolles cosyn Þat was þere in tyde Horn for to abyde He seyde horn kynges sone Wel be þou here to londe come Nou hat wedded fikenyld Þy nowe lemman Reymyld Nele ich þe nowt lye He haueþ þe gyled twye Þis castel he dude make For Reymyldes sake Þer may no man on legge By paþe ne by brigge Horn nou crist þe wisse Of Reymyld þat þou ne misse Horn herkenede alþe lyste Þat any man of wiste To herpe he gan drawe And wyȝt hys tweye felawe Knyȝtes swyþe felle And schurde hem in pelle Wyt swerdes he hem gyrte Anouen here schirte He wenden on þe grauel Toward þe castel He gonne murye synge And makede here glewinge Þat fykenild myȝt yhere He askede wat hye wereaskede] arkede MS. Men seyde hyt harperes Jogelours and fiþeleres He dude hem in lete At halle dore he sete Horn set on þe benche Hys harpe he gan clenche He makede Reymyld a lay And reynyld makede weylawey Reynyld fel y swowe Þo was þer non þat lowe Hyt ȝede to hornes herte Sore hym gan smerte Hey lokede on hys gode Ryng And Reymyld þe ȝonge Hey ȝede op to borde Mid hys gode swerde Fykenyldes crowne He leyde þere adowne And alle hys men arewe He dide adoun þrewe Þo he weren alle yslawe Fykenyld he dide to drawe He makede arnoldyn kyng þere After þe kyng aylmere Þe knytes and þe barnage Dude hym alle truagetruage] utrage MS. Horn tok rymyld by þe hond And ledde hire by þe se strond He tok hym syre aylbrous Stiward of þe kynges hous He riuede in a reaume In a wel fayr streume Þer kyng mody was syre Þat horn slow wyt yre Aybrous he makede þer kyng For hys gode tydyng. For syre hornes lore He was kyng þore Horn ariuede in hyrelonde Þer he hadde woned so longe Þer he dude ayol childe Wedden mayden hermenylde Horn wente to sodenne To hys owe kunne Reynyld he makede quene So ith Miyȝte wel bene Alle folc hyt knewe Þat he hem louede trewe Nou ben he alle dede God hem to heuene lede-Am—e—n- MS. Gg. 4. 27. 2. University Library, Cambridge. · Horn · Alle beon he bliþe þat to my song lyþe: A sang ihc schal ȝou singe Of Murry þe kinge. King he was biweste So longe so hit laste. Godhild het his quen, Faire ne miȝte non ben. He hadde a sone þat het horn, Fairer ne miste non beo born. Ne no rein vpon birine, Ne sunne vpon bischine: Fairer nis non þane he was, He was briȝt so þe glas, He was whit so þe flur, Rose red was his colur. In none kinge riche Nas non his iliche. Twelf feren he hadde Þat he alle wiþ him ladde;he omit. MS. Alle riche mannes sones & alle hi were faire gomes, Wiþ him for to pleie, & mest he luuede tweie; Þat on him het haþulf child, & þat oþer ffikenild: Aþulf was þe beste & fikenylde þe werste. Hit was vpon a someres day, Also ihc ȝou telle may, Murri þe gode king Rod on his pleing Bi þe se side, Ase he was woned ride: He fond bi þe stronde ariued on his londehis] s above line MS. Schipes fiftene wiþ sarazins kene. He axede what isoȝte Oþer to londe broȝte. A Payn hit ofherde & hym wel sone answarede: 'Þi lond folk we schulle slon And alle þat Crist luueþ vpon And þe selue riȝt anon, Ne schaltu todai henne gon.' Þe kyng aliȝte of his stede, For þo he hauede nede, & his gode kniȝtes two; Al to fewe he hadde þo. Swerd hi gunne gripe & togadere smite; Hy smyten vnder schelde Þat sume hit yfelde. Þe king hadde al to fewe Toȝenes so vele schrewe; So fele miȝten yþe Bringe hem þre to diþe. ¶ Þe pains come to londe & neme hit in here honde: Þat folc hi gunne quelle & churchen for to felle. Þer ne moste libbe Þe fremde ne þe sibbe, Bute hi here laȝe asoke & to here toke. Of alle wymmanne Wurst was godhild þanne; For Murri heo weop sore & for horn ȝute more. He wenten vt of halle Fram hire Maidenes alle; Vnder a roche of stone, Þer heo liuede alone, Þer heo seruede gode Aȝenes þe paynes forbode; Þer he seruede criste Þat no payn hit ne wiste: Eure heo bad for horn child Þat Jesu crist him beo myld. Horn was in paynes honde Wiþ his feren of þe londe. Muchel was his fairhede, for ihesu crist him makede Payns him wolde slen Oþer al quic flen, Ȝef his fairnesse nere, Þe children alle aslaȝe were. Þanne spak on Admirad, Of wordes he was bald, 'Horn, þu art wel kene, & þat is wel isene; Þu art gret & strong, fair & euene long; Þu schalt waxe more Bi fulle seue ȝere: Ȝef þu mote to liue go & þine feren also, Ȝef hit so bi falle Ȝe scholde slen vs alle: Þaruore þu most to stere, Þu & þine ifere; To schupe schulle ȝe funde & sinke to þe grunde, Þe se ȝou schal adrenche, Ne schal hit us noȝt ofþinche; For if þu were aliue, Wiþ swerd oþer wiþ kniue, We scholden alle deie & þi fader deþ abeie.' Þe children hi broȝte to stronde Wringinde here honde In to schupes borde At þe furste worde. Ofte hadde horn beo wo At neure wurs þan him was þo. Þe se bigan to flowe & horn child to rowe; Þe se þat schup so fasste drof Þe children dradde þerof. Hi wenden to wisse of here lif to misse, Al þe day & al þe niȝt, Til hit sprang dai liȝt ¶ Til Horn saȝ on þe stronde Men gon in þe londe. 'Feren' quaþ he 'ȝonge, Ihc telle ȝou tiþinge, Ihc here foȝeles singe & þat gras him springe. Bliþe beo we on lyue, Vre schup is on ryue.' Of schup hi gunne funde & setten fout to grunde, Bi þe se side hi leten þat schup ride. Þanne spak him child horn, In suddene he was iborn, 'Schup, bi þe se flode Daies haue þu gode: Bi þe se brinke No water þe nadrinke. Ȝef þu cume to Suddenne, Gret þu wel of myne kenne, Gret þu wel my moder, Godhild quen þe gode; & seie þe paene kyng, Jesucristes wiþering, Þat ihc am hol & fererasure of one letter, apparently k, before am MS. On þis lond ariued her; And seie þat hei schal fonde Þe dent of myne honde.' Þe children ȝede to Tune Bi dales & bi dune. Hy metten wiþ almair king, Crist ȝeuen him his blessing, King of Westernesse, Crist ȝiue him Muchel blisse. He him spac to horn child Wordes þat were Mild: 'Whannes beo ȝe, faire gumes, Þat her to londe beoþ icume, Alle þrottene Of bodie swiþe kene? Bigod þat me makede, A swihc fair verade Ne sauȝ ihc in none stunde Bi westene londe: Seie me wat ȝe seche.' Horn spak here speche, He spak for hem alle, vor so hit moste biualle; He was þe faireste & of wit þe beste. ¶ 'We beoþ of Suddenne, Icome of gode kenne, Of Cristene blode & kynges suþe gode. Payns þer gunne ariue & duden hem of lyue: Hi sloȝen & todroȝe Cristenemen inoȝe. So crist me mote rede Vs he dude lede In to a galeie, wiþ þe se to pleie, Dai hit is igon & oþer: Wiþute sail & roþer Vre schip bigan to swymme To þis londes brymme. Nu þu miȝt vs slen & binde, Ore honde bihynde, Bute ȝef hit beo þi wille, Helpe þat we ne spille.' ¶ Þanne spak þe gode kyng, Iwis he nas no Niþing: 'Seie me, child, what is þi name, Ne schaltu haue bute game.' Þe child him answerde Sone so he hit herde: 'Horn ihc am ihote, Icomen vt of þe bote Fram þe se side: Kyng, wel mote þe tide.' Þanne hym spak þe gode kyng, 'Wel bruc þu þin euening, Horn þu go wel schulle Bi dales & bi hulle; Horn þu lude sune Bi dales & bi dune, So schal þi name springe Fram kynge to kynge, & þi fairnesse Abute Westernesse, Þe strengþe of þine honde In to Eurech londe: Horn, þu art so swete Ne may ihc þe forlete.' Hom rod Aylmar þe kyng & horn mid him his fundyng & alle his ifere Þat were him so dere. ¶ Þe kyng com in to halle Among his kniȝtes alle: Forþ he clupede aþelbrus, Þat was stiward of his hus: 'Stiward, tak nu here Mi fundlyng for to lere Of þine mestere, of wude & of riuere; & tech him to harpe Wiþ his nayles scharpe, Biuore me to kerue & of þe cupe serue; Þu tech him of alle þe liste Þat þu eure of wiste, In his feiren þou wise In to oþere seruise: Horn þu vnderuonge & tech him of harpe & songe.' ¶ Ailbrus gan lere Horn & his yfere: Horn in herte laȝte Al þat he him taȝte. In þe curt & vte & elles al abute Luuede men horn child, & mest him louede Rymenhild, Þe kynges oȝene doster, He was mest in þoȝte: Heo louede so horn child Þat neȝ heo gan wexe wild: For heo ne miȝte at borde Wiþ him speke no worde, Ne noȝt in þe halle Among þe kniȝtes alle, Ne nowhar in non oþere stede: Of folk heo hadde drede: Bi daie ne bi niȝte Wiþ him speke ne miȝte; Hire soreȝe ne hire pine Ne miȝte neure fine: In heorte heo hadde wo, & þus hire biþoȝte þo, Heo sende hire sonde Aþelbrus to honde Þat he come hire to, & also scholde horn do Al in to bure, ffor heo gan to lure; & þe sonde seide Þat sik lai þat maide, & bad him come swiþe, For heo nas noþing bliþe, Þe stuard was in herte wo, For he nuste what to do; Wat Rymenhild hure þoȝte Gret wunder him þuȝte, Abute horn þe ȝonge To bure for to bringe; He þoȝte vpon his mode Hit nas for none gode. He tok him anoþer, Athulf, hornes broþer. ¶ 'Aþulf,' he sede, 'riȝt anon Þu schalt wiþ me to bure gon, To speke wiþ Rymenhild stille & witen hure wille. In hornes ilike þu schalt hure biswike: Sore ihc me ofdrede He wolde horn misrede.' Aþelbrus gan Aþulf lede & in to bure wiþ him ȝede. Anon vpon Aþulf child Rymenhild gan wexe wild: He wende þat horn hit were þat heo hauede þere. Heo sette him on bedde; Wiþ Aþulf child he wedde. On hire armes tweie Aþulf heo gan leie. 'Horn,' quaþ heo, 'wel longe Ihc habbe þe luued stronge. Þu schalt þi trewþe pliȝte On myn hond her riȝte Me to spuse holde, & ihc þe lord to wolde.' ¶ Aþulf sede on hire ire So stille so hit were: 'Þi tale nu þu lynne, For horn nis noȝt her inne. Ne beo we noȝt iliche: Horn is fairer & riche, Fairer bi one ribbe Þane eni Man þat libbe: Þeȝ horn were vnder Molde Oþer elles wher he wolde Oþer henne a þusend Mile, Ihc nolde him ne þe bigile.' ¶ Rymenhild hire biwente & Aþelbrus fule heo schente. 'Hennes þu go, þu fule þeof, Ne wurstu me neure more leof; Went vt of my bur Wiþ muchel mesauentur. Schame mote þu fonge & on hiȝe rode anhonge. Ne spek ihc noȝt wiþ horn Nis he noȝt so vnorn; Horn is fairer þane beo he:Hor MS. Wiþ muchel schame mote þu deie.' ¶ Aþelbrus in a stunde Fel anon to grunde: 'Lefdi Min oȝe, Liþe me a litel þroȝe. Lust whi ihc wonde Bringe þe horn to honde. For horn is fair & riche, Nis no whar his iliche: Aylmar þe gode kyng Dude him on mi lokyng; Ȝef horn were her abute, Sore y me dute Wiþ him ȝe wolden pleie Bitwex ȝou selue tweie: Þanne scholde wiþuten oþe Þe kyng maken vs wroþe. Rymenhild, forȝef me þi tene, Lefdi, my quene, & horn ihc schal þe fecche, Wham so hit recche.' ¶ Rymenhild ȝef he cuþe Gan lynne wiþ hire Muþe: Heo makede hire wel bliþe; Wel was hire þat siþe: 'Go nu,' quaþ heo, 'fone & send him after none, Whane þe kyng arise, On a squieres wise, To wude for to pleie: Nis non þat him biwreie. He schal wiþ me bileue Til hit beo nir eue, To hauen of him mi wille, After ne recchecche what me telle.'me might be read ine. ¶ Aylbrus wende hire fro, Horn in halle fond he þo Bifore þe kyng on benche Wyn for to schenche. 'Horn,' quaþ he, 'so hende, To bure nu þu wende After mete stille Wiþ Rymenhild to duelle: Wordes suþe bolde In herte þu hem holde: Horn, beo me wel trewe, Ne schal hit þe neure rewe.' Horn in herte leide Al þat he him seide: He ȝeode in wel riȝte To Rymenhild þe briȝte, On knes he him sette & sweteliche hure grette. Of his feire siȝte Al þe bur gan liȝte. He spac faire speche, Ne dorte him noman teche: 'Wel þu sitte & softe, Rymenhild þe briȝte, Wiþ þine Maidenes sixe Þat þe sitteþ nixte. Kinges stuard vre Sende me in to bure Wiþ þe speke ihc scholde; Seie me what þu woldest, Seie & ihc schal here What þi wille were.' ¶ Rymenhild vp gan stonde & tok him bi þe honde: Heo sette him on pelle Of wyn to drinke his fulle: Heo makede him faire chere & tok him abute þe swere. Ofte heo him custe So wel so hire luste. 'Horn,' heo sede, 'wiþute strif Þu schalt haue me to þi wif; Horn, haue of me rewþe & plist me þi trewþe.' ¶ Horn þo him biþoȝte What he speke miȝte. 'Crist,' quaþ he, 'þe wisse & ȝiue þe heuene blisse Of þine husebonde Wher he beo in londe. Ihc am ibore to lowe Such wimman to knowe. Ihc am icome of þralle & fundling bifalle.fundling] d above line MS. Ne feolle hit þe of cunde To spuse beo me bunde: Hit nere no fair wedding Bitwexe a þral & a king.' ¶ Þo gan Rymenhild mis lyke & sore gan to sike: Armes heo gan buȝe, Adun he feol iswoȝe. ¶ Horn in herte was ful wo, & tok hire on his armes two: He gan hire for to kesse Wel ofte mid ywisse. 'Lemman,' he sede, 'dere, Þin herte nu þu stere. Help me to kniȝte Bi al þine miȝte, To my lord þe king, Þat he me ȝiue dubbing. Þanne is mi þralhod Iwent in to kniȝthod, & ischal wexe more & do, lemman, þi lore.' ¶ Rymenhild, þat swete þing Wakede of hire swoȝning: 'Horn,' quaþ heo, 'vel sone Þat schal beon idone: Þu schalt beo dubbed kniȝt Are come seue niȝt. Haue her þis cuppe & þis Ryng þer vppe To Aylbrus & stuard, & se he holde foreward: Seie ihc him biseche Wiþ loueliche speche Þat he adun falle Bifore þe king in halle, & bidde þe king ariȝte Dubbe þe to kniȝte. Wiþ seluer & wiþ golde Hit wurþ him wel iȝolde. Crist him lene spede Þin erende to bede.' ¶ Horn tok his leue, For hit was neȝ eue. Aþelbrus he soȝte & ȝaf him þat he broȝte, & tolde him ful ȝare Hu he hadde ifare, & sede him his nede, & bihet him his mede. ¶ Aþelbrus also swiþe Wente to halle bliue: 'Kyng,' he sede, 'þu leste A tale mid þe beste; Þu schalt bere crune Tomoreȝe in þis tune; Tomoreȝe is þi feste: Þer bihoueþ geste. Hit nere noȝt for loren For to kniȝti child horn, Þine armes for to welde, God kniȝt he schal ȝelde.' ¶ Þe king sede sone, 'Þat is wel idone. Horn me wel iquemeþ, God kniȝt him bisemeþ. He schal haue mi dubbing & afterward mi derling. & alle his feren twelf He schal kniȝten him self: Alle he schal hem kniȝte Bifore me þis niȝte.'þis] s above the line MS. Til þe liȝt of day sprang Ailmar him þuȝte lang. Þe day bigan to springe, Horn com biuore þe kinge Mid his twelf yfere: Sume hi were luþere. Horn he dubbede to kniȝte Wiþ swerd & spures briȝte. He sette him on a stede whit: Þer nas no kniȝt hym ilik. He smot him a litel wiȝt & bed him beon a god kniȝt. ¶ Aþulf fel aknes þar Biuore þe king Aylmar.Biuore] re above the line MS. 'King,' he sede, 'so kene, Grante me a bene: Nu is kniȝt sire hornkniȝt] kniȝ MS. Þat in suddenne was iboren:was] s above the line MS. Lord he is of londe Ouer us þat bi him stonde: Þin armes he haþ & scheld To fiȝte wiþ vpon þe feld: Let him vs alle kniȝte For þat is vre riȝte.' ¶ Aylmar sede sone ywis: 'Do nu þat þi wille is.' Horn adun liȝte & makede hem alle kniȝtes.hē alle above the line MS. Murie was þe feste Al of faire gestes: Ac Rymenhild nas noȝt þer & þat hire þuȝte seue ȝer. After horn heo sente, & he to bure wente. Nolde he noȝt go one, Aþulf was his mone. Rymenhild on flore stod, Hornes come hire þuȝte god, And sede, 'welcome, sire horn,welcome] wescome MS. & Aþulf kniȝt þe biforn. Kniȝt, nu is þi time For to fitte bi me: Do nu þat þu er of spake, To þi wif þume take. Ef þu art trewe of dedes, Do nu ase þu sedes. Nu þu hast wille þine, Vn bind me of my pine.' ¶ 'Rymenhild,' quaþ he, 'beo stille; Ihc wulle don al þi wille. Also hit mot bitide, Mid spere ischal furst ride, & mi kniȝthod proue, Ar ihc þe ginne to woȝe. We beþ kniȝtes ȝonge, Of odai al isprunge, & of vre mestere So is þe manere Wiþ sume oþere kniȝte Wel for his lemman fiȝte, Or he eni wif take: For þi me stondeþ þe more rape. Today, so crist me blesse, Ihc wulle do pruesse For þi luue in þe felde Mid spere & mid schelde: If ihc come to lyue Ihc schal þe take to wyue.' ¶ 'Kniȝt,' quaþ heo, 'trewe, Ihc wene ihc mai þe leue: Tak nu her þis goldring, God him is þe dubbing; Þer is vpon þe ringe Igraue Rymenhild þe ȝonge. Þer nis non betere anonder sunne Þat eni man of telle cunne; For my luue þu hit were & on þi finger þu him bere: Þe stones beoþ of suche grace Þat þu ne schalt in none place Of none duntes beon ofdrad, Ne on bataille beon amad, Ef þu loke þeran & þenke vpon þi lemman. ¶ And sire Aþulf, þi broþer, He schal haue anoþer. Horn, ihc þe biseche, Wiþ loueliche speche, Crist ȝeue god erndinge Þe aȝen to ¶ bringe.' ¶ Þe kniȝt hire gan kesse, & heo him to blesse: Leue at hire he nam, & in to halle cam. Þe kniȝtes ȝeden to table, & horne ȝede to stable. Þar he tok his gode fole Also blak so eny cole; Þe fole schok þe brunie Þat al þe curt gan denie, Þe fole bigan to springe, & horn murie to singe. Horn rod in a while More þan a myle. He fond o schup stonde Wiþ heþene honde: He axede what hi soȝte Oþer to londe broȝte. ¶ An hund him gan bihelde, Þat spac wordes belde: 'Þis lond we wulleȝ wynne & sle þat þer is inne.' Horn gan his swerd gripe, & on his arme wype; Þe sarazins he smatte Þat his blod hatte; At eureche dunte Þe heued of wente. Þo gunne þe hundes gone Abute horn al one: He lokede on þe ringe, & þoȝte on rimenilde. He sloȝ þer on haste On hundred bi þe laste Ne miȝte noman telle Þat folc þat he gan quelle: Of alle þat were aliue Ne miȝte þer non þriue. Horn tok þe maisteres heued, Þat he hadde him bireued, & sette hit on his swerde Anouen at þan orde. He verde hom in to halle Among þe kniȝtes alle. 'Kyng,' he sede, 'wel þu sitte & alle þine kniȝtes mitte; To day, after mi dubbing, So irod on mi pleing, Ifond o schup Rowe Þo hit gan to flowe, Al wiþ sarazines kyn, & none londisse Men, To dai for to pine Þe & alle þine. Hi gonne me assaille, Mi swerd me nolde faille, Ismot hem alle to grunde Oþer ȝaf hem diþes wunde. Þat heued i þe bringe Of þe maister kinge. Nu is þi wile iȝolde, King, þat þu me kniȝti woldest.' A Moreȝe þo þe day gan springe þe king him rod an huntinge; At hom lefte ffikenhild, Þat was þe wurste moder child. Heo ferde in to bure To sen auenture: Heo saȝ Rymenild sitte, Also he were of witte: Heo sat on þe sunne Wiþ tieres al birunne, Horn sede, 'lef, þinore, Wi wepestu so sore?' Heo sede 'noȝt ine wepe, Bute ase ilay aslepe To þe se my net icaste, & hit nolde noȝt ilaste; A gret fiss at þe furste Minet he gan to berste. Ihc wene þat ihc schal leose Þe fiss þat ihc wolde cheose.' ¶ 'Crist,' quaþ horn, '& seint steuene Turne þine sweuene. Ne schal iþe biswike, Ne do þat þe mislike. Ischal me make þinowe To holden & to knowe For eureche oþere wiȝte, & þarto mi treuþe iþe pliȝte.' Muchel was þe ruþe Þat was at þare truþe: For Rymenhild weop ille, & horn let þe tires stille. 'Lemman,' quaþ he, 'dere Þu schalt more ihere; Þi sweuen schal wende, Oþer sum Man schal vs schende. Þe fiss þat brak þe lyne Ywis he doþ us pine, Þat schal don vs tene, & wurþ wel sone isene.'sone above the line MS. ¶ Aylmar rod bi sture, & horn lai in bure. Fykenhild hadde enuye & sede þes solye: 'Aylmar, ihc þe warne, Horn þe wule berne; Ihc herde whar he sede, & his swerd forþ leide, To bringe þe of lyue, & take Rymenhild to wyue. He liþ in bure Vnder couerture By Rymenhild þi doȝter, & so he doþ wel ofte; And þider þu go al riȝt, Þer þu him finde miȝt; Þu do him vt of londe, Oþer he doþ þe schonde.' ¶ Aylmar aȝen gan turne Wel Modi & wel Murne. He fond horn in arme.fond] r erased between o and n MS. On Rymenhilde barme 'Awei vt,' he sede, 'fule þeof! Ne wurstu me neuremore leof. Wend vt of my bure Wiþ muchel messauenture. Wel sone bute þu flitte, Wiþ swerde ihc þe anhitte. Wend vt of my londe Oþer þu schalt haue schonde.' ¶ Horn sadelede his stede & his armes he gan sprede; His brunie he gan lace So he scholde in to place; His swerd he gan fonge, Nabod he noȝt to longe. He ȝede forþ bliue To Rymenhild his wyue. He sede, 'Lemman derling, Nu hauestu þi sweuening. Þe fiss þat þi net rente, Fram þe he me sente. Rymenhild, haue wel godne day, No leng abiden ine may. In to vncuþe londe, Wel more for to fonde; Ischal wune þere Fulle seue ȝere. At seue ȝeres ende, Ȝef ine come ne sende, Tak þe husebonde, ffor me þu ne wonde; In armes þu me fonge & kes me wel longe.' He custe him wel a stundeAfter wel an erasure of longe? MS. & Rymenhild feol to grunde. Horn tok his leue,Horn] n above line MS. ne miȝte he no leng bileue;bileue] leue above line MS. He tok Aþulf his fere Al abute þe swere, & sede, 'kniȝt so trewe, Kep wel mi luue newe. Þu neure me ne forsoke; Rymenhild þu kep and loke His stede he gan bistride & forþ he gan ride: To þe hauene he ferde, & a god schup he hurede, Þat him scholde londe In westene londe. ¶ Aþulf weop wiþ iȝe & al þat him isiȝe. To lond he him sette & fot on stirop sette. He fond bi þe weie Kynges sones tweie:Kynges] s above the line MS. Þat on him het harild, & þat oþer berild. Berild gan him preie Þat he scholde him seie, What his name were & what he wolde þere. 'Cutberd,' he sede, 'ihc hote, Icomen vt of þe bote, Wel feor fram biweste To seche mine beste.' Berild gan him nier ride & tok him bi þe bridel; 'Wel beo þu kniȝt ifounde! Wiþ me þu lef astunde: Also mote i sterue, Þe king þu schalt serue; Ne saȝ i neure my lyue So fair kniȝt aryue.' Cutberd heo ladde in to halle, & he a kne gan falle: He sette him a knewelyng & grette wel þe gode kyng. Þanne sede Berild sone: 'Sire king, of him þu hast to done, Bitak him þi lond to werie, Ne schal hit noman derie;schal] schat MS. For he is þe faireste man Þat eureȝut on þi londe cam.' ¶ Þanne sede þe king so dere: 'Welcome beo þu here. Go nu, Berild, swiþe, & make him ful bliþe; And whan þu farst to woȝe,farst] t above the line MS. Tak him þine gloue; Iment þu hauest to wyue, Awai he schal þe dryue; For Cutberdes fairhede, Ne schal þe neure wel spede.' HIt was at Cristesmasse, Neiþer more ne lasse; Þer cam in at none A Geaunt suþe sone, Iarmed fram paynyme, And seide þes ryme: 'Site stille, sire kyng, & herkne þis tyþyng: Her buþ paens ariued Wel mo þane fiue: Her beoþ on þe sonde, King, vpon þi londe, On of hem wile fiȝte Aȝen þre kniȝtes: Ȝef oþer þre slen vre, Al þis lond beo ȝoure: Ȝef vre on ouercomeþ ȝour þreo, Al þis lond schal vre beo. Tomoreȝe be þe fiȝtinge, Whane þe liȝt of daye springe.' ¶ Þanne sede þe kyng þurston: 'Cutberd schal beo þat on, Berild schal beo þat oþer, Þe þridde Alrid his broþer. For hi beoþ þe strengeste & of armes þe beste. Bute what schal vs to rede? Ihc wene we beþ alle dede.' ¶ Cutberd sat at borde & sede þes wordes:þes] s above line MS. 'Sire king, hit nis no riȝte On wiþ þre to fiȝte,þre] þe MS. Aȝen one hunde Þre cristen men to fonde. Sire, ischal al one Wiþute more ymone Wiþ mi swerd wel eþe Bringe hem þre to deþe.' ¶ Þe kyng aros amoreȝe Þat hadde muchel sorȝe. & Cutberd ros of bedde Wiþ armes he him schredde; Horn his brunie gan on caste, & lacede hit wel faste, & cam to þe kinge At his vp risinge. 'King,' he sede, 'cum to feldefelde] fel MS. For to bihelde Hu we fiȝte schulle, & togare go wulle.' Riȝt at prime tide Hi gunnen vt ride, And funden on a grene A geaunt suþe kene, His feren him biside Hore deþ to abide. ¶ Þe ilke bataille Cutberd gan assaille: He ȝaf dentes inoȝe, Þe kniȝtes felle iswoȝe.iswoȝe] e above line MS. His dent he gan wiþdraȝe, For hi were neȝ aslaȝe: & sede, 'kniȝtes, nu ȝe reste One while ef ȝou leste.' Hi sede hi neure nadde Of kniȝte dentes so harde; He was of hornes kunne, Iborn in Suddenne. ¶ Horn him gan to agrise, & his blod arise. Biuo him saȝ he stonde Þat driuen him of londe, & þat his fader sloȝ; To him his swerd he droȝ, He lokede on his rynge & þoȝte on Rymenhilde, He smot him þureȝ þe herte, Þat sore him gan to smerte; Þe paens þat er were so sturne, Hi gunne awei vrne. Horn & his compaynye Gunne after hem wel swiþe hiȝe, & sloȝen alle þe hundes Er hi here schipes funde. To deþe he hem alle broȝte, His fader deþ wel dere hi boȝte: Of alle þe kynges kniȝtes Ne scapede þer no wiȝte,þer] þer er MS. Bute his sones tweie Bifore him he saȝ deie. Þe king bigan to grete & teres for to lete: Me leiden hem in bare & burden hem ful ȝare.&] ȝ MS. ¶ Þe king com in to halle Among his kniȝtes alle.kniȝtes] s above the line MS. 'Horn,' he sede, 'iseie þe, Do as ischal rede þe. Aslaȝen beþ mine heirs, & þu art kniȝt of muchel pris, & of grete strengþe, & fair o bodie lengþe. Mi Rengne þu schalt welde, & to spuse helde Reynild mi doȝter, Þat sitteþ on þe lofte.' ¶ 'O sire king, wiþ wronge Scholte ihc hit vnderfonge, Þi doȝter þat ȝe me bede, Ower rengne for to lede.for above the line MS. Wel more ihc schal þe serue, Sire kyng, or þu sterue; Þi sorwe schal wende Or seue ȝeres ende; Wanne hit is wente, Sire king, ȝef me mi rente: Whanne i þi doȝter ȝerne Ne schaltu me hire werne.'wụrne with e written above ụ MS. Cutberd wonede þere Fulle seue ȝere, Þat to Rymenild he ne sente Ne him self ne wente. Rymenild was in Westernesse Wiþ wel muchel sorinesse. ¶ A king þer gan ariue Þat wolde hire haue to wyue: Aton he was wiþ þe king Of þat ilke wedding. Þe daies were schorte, Þat Rimenhild ne dorste Leten in none wise; A writ he dude deuise, Aþulf hit dude write Þat horn ne luuede noȝt lite. Heo sende hire sonde To euereche londe, To seche horn þe kniȝt Þer me him finde miȝte. Horn noȝt þer of ne herde, Til o dai þat he ferde To wude for to schete; A knaue he gan imete. Horn seden, 'leue fere, Wat sechestu here?' 'Kniȝt, if beo þi wille Imai þe sone telle. Iseche fram biweste Horn of Westernesse, For a Maiden Rymenhild Þat for him gan wexe wild. A king hire wile wedde & bringe to his bedde,his] s above the line MS. King Modi of Reynes, On of hornes enemis.hornes enemis] s, s both above the line MS. Ihc habbe walke wide Bi þe se side; Nis he nowar ifunde: Walawai þe stunde! Wailaway þe while! Nu wurþ Rymenild bigiled.' Horn iherde wiþ his ires, & spak wiþ bidere tires: 'Knaue, wel þe bitide, Horn stondeþ þe biside; Aȝen to hure þu turne & seie þat heo ne murne, For ischal beo þer bitime, A soneday bi pryme.' Þe knaue was wel bliþebliþe] e above the line MS. & hiȝede aȝen bliue.aȝen above line MS. Þe se bigan to þroȝe Vnder hire woȝe. Þe knaue þere gan adrinke: Rymenhild hit miȝte ofþinke. Rymenhild vndude þe dure pin Of þe hus þer heo was in, To loke wiþ hire iȝe If heo oȝt of horn isiȝe.of above line MS. Þo fond heo þe knaue adrent Þat he hadde for horn isent, & þat scholde horn bringe. Hire fingres he gan wringe. ¶ Horn cam to þurston þe kyng.þurston] r above line MS. & tolde him þis tiþing. Þo he was iknowe Þat Rimenhild was his oȝe, Of his gode kenne, Þe king of Suddenne, & hu he sloȝ in felde Þat his fader quelde. & seide: 'king þe wise, Ȝeld me mi seruise, Rymenhild help me winne, Þat þu noȝt ne linne:ne above line MS. & ischal do to spuse Þi doȝter wel to huse; Heo schal to spuse haue Aþulf mi gode felaȝe, God kniȝt mid þe beste & þe treweste.' Þe king sede so stille: 'Horn, haue nu þi wille.' He dude writes sende In to yrlonde After kniȝtes liȝte, Irisse men to fiȝte. To horn come inoȝe, Þat to schupe droȝe. Horn dude him in þe weie On a god Galeie. Þe wind him gan to blowewind omit. MS. In alitel þroȝe. Þe se bigan to posse Riȝt in to Westernesse. Hi strike seil & maste & Ankere gunne caste. Or eny day was sprunge Oþer belle irunge Þe word bigan to springe Of Rymenhilde weddinge. Horn was in þe watere, Ne miȝte he come no latere. He let his schup stonde, & ȝede to londe. His folk he dude abide Vnder wude side: Horn him ȝede alone,Horn] Hor MS. Also he sprunge of stone. A palmere he þar mette, & faire hine grette: 'Palmere, þu schalt me telle Al of þine spelle.' He sede vpon his tale: 'I come fram o brudale; Ihc was at o wedding Of a Maide Rymenhild: Ne miȝte heo adriȝe Þat heo ne weop wiþ iȝe: Heo sede þat heo nolde Ben ispused wiþ golde, Heo hadde on husebonde Þeȝ he were vt of londe. & in strong halle, Biþinne castel walle, Þer iwas atte ȝate, Nolde hi me in late. Modi ihote hadde To bure þat me hire ladde. Awai igan glide, Þat deol inolde abide. Þe bride wepeþ sore, & þat is muche deole.' ¶ Quaþ horn: 'so crist me rede, We schulle chaungi wede: Haue her cloþes myne, & tak me þi sclauyne. Today ischal þer drinke Þat some hit schulle ofþinke.' His sclauyn he dude dun legge, & tok hit on his rigge: He tok horn his cloþes, Þat nere him noȝt loþe. Horn tok burdon & scrippe, & wrong his lippe. He makede him a ful chere & al bicolmede his swere. He makede him vn bicomelich, Hes he nas neuremore ilich. ¶ He com to þe gateward Þat him answerede hard. Horn bad vndo softe Mani tyme & ofte; Ne miȝte he awynne Þat he come þerinne. Horn gan to þe ȝate turne & þat wiket vnspurne; Þe boye hit scholde abugge, Horn þreu him ouer þe brigge, Þat his ribbes him to brake, & suþþe com in atte gate. He sette him wel loȝe In beggeres rowe; He lokede him abute, Wiþ his colmie snute. He seȝ Rymenhild sitte Ase heo were of witte Sore wepinge & ȝerne: Ne miȝte hure noman wurne. He lokede in eche halke, Ne seȝ he nowhar walke Aþulf his felawe, Þat he cuþe knowe. Aþulf was in þe ture Abute for to pure After his comynge, Ȝef schup him wolde bringe. He seȝ þe se flowe & horn nowar rowe. He sede vpon his songe: 'Horn, nu þu ert wel longe. Rymenhild þu me toke Þat ischolde loke. Ihc habbe ikept hure eure: Com nu oþer neure. Ine may no leng hure kepe, For soreȝe nu y wepe.' ¶ Rymenhild Ros of benche Wyn for to schenche, After mete in sale, boþe wyn & ale. On horn he bar anhonde, So laȝe was in londe. Kniȝtes & squier Alle dronken of þe ber.dronken] o above line MS. Bute horn alone Nadde þerof no mone. Horn sat vpon þe grunde, Him þuȝte he was ibunde.he above line MS. He sede: 'quen so hende, Tomeward þu wende; Þu ȝef vs wiþ þe furste, Þe beggeres beoþ ofþurste.' ¶ Hure horn heo leide adun & fulde him of a brun His bolle of a galun, For heo wende he were a glotoun. He seide: 'haue þis cuppe & þis þing þer vppe. Ne saȝ ihc neure, so ihc wene, Beggere þat were so kene. Horn tok hit his ifere, & sede: 'quen so dere, Wyn nelle ihc Muche ne lite Bute of cuppe white. Þu wenest ibeo a beggere, & ihc am a fissere, Wel feor icome bi este For fissen at þi feste: Mi net liþ her bi honde, Bi a wel fair stronde, Hit haþ ileie þere Fulle seue ȝere. Ihc am icome to loke Ef eni fiss hit toke. Ihc am icome to fisse:icome above line MS. Drink to me of disse, Drink to horn of horne: Feor ihc am i orne.' Rymenhild him gan bihelde, Hire heorte bigan to chelde. Ne kneu heo noȝt his fissing, Ne horn hym selue noþing: Ac wunder hire gan þinke Whi he bad to horn drinke. Heo fulde hire horn wiþ wyn & dronk to þe pilegrym. Heo sede: 'drink þi fulle, & suþþe þu me telle If þu eure isiȝe ·Horn· vnder wude liȝe.' Horn dronk of horn a stunde & þreu þe ring to grunde. Þe quen ȝede to bure Wiþ hire maidenes foure. Þo fond heo what heo wolde, A ring igrauen of golde Þat horn of hure hadde; Sore hure dradde Þat horn isterue were,isterue] isteue MS. For þe Ring was þere. Þo sente heo a damesele After þe palmere; 'Palmere,' quaþ heo, 'trewe, Þe ring þat þu þrewe, Þu seie whar þu hit nome, & whi þu hider come.' He sede: 'bi seint gile, Ihc habbe go mani Mile, Wel feor bi ȝonde weste, To seche my beste. Ifond horn child stonde To schupeward in londe. He sede he wolde agesse To ariue in westernesse. Þe schip nam to þe flode Wiþ me & horn þe gode;After Wiþ an erasure of two letters MS. Horn was sik & deide, & faire he me preide: "Go wiþ þe ringe To Rymenhild þe ȝonge." Ofte he hit custe; God ȝeue his saule reste.' ¶ Rymenhild sede at þe furste: 'Herte nu þu berste,nu þu above line MS. For horn nastu namore Þat þe haþ pined þe so sore.' Heo feol on hire bedde, Þer heo knif hudde, To sle wiþ king loþe & hure selue boþe, In þat vlke niȝte, If horn come ne miȝte.ne above line MS. To herte knif heo sette, Ac horn anon hire kepte. He wipede þat blake of his swere & sede: 'quen so swete & dere, Ihc am horn þinoȝe, Ne canstu me noȝt knowe? Ihc am horn of westernesse, In armes þu me cusse.' Hi custe hem mid ywisse, & makeden Muche blisse. ¶ 'Rymenhild,' he sede, 'ywendeErasure of ȝe before ywende MS. Adun to þe wudes ende; Þer beþ myne kniȝtes Redi to fiȝte, Iarmed vnder cloþe; Hi schulle make wroþe Þe king & his geste, Þat come to þe feste: Today ischal hem teche & sore hem areche.' ¶ Horn sprong vt of halle & let his sclauin falle. Þe quen ȝede to bure & fond aþulf in ture. 'Aþulf,' heo sede, 'be bliþe, And to horn þu go wel swiþe. He is vnder wude boȝe, & wiþ him kniȝtes Inoȝe.' ¶ Aþulf bigan to springe For þe tiþinge. After horn he arnde anon Also þat hors miȝte gon: He him ouertok ywis, Hi makede suiþe Muchel blis.e Muchel above line MS. Horn tok his preie & dude him in þe weie. He com in wel sone, Þe ȝates were vndone, Iarmed ful þikke Fram fote to þe nekke. Alle þat were þerin, Biþute his twelf ferin & þe king Aylmare, He dude hem alle to kare. Þat at þe feste were, Here lif hi lete þere. Horn ne dude no wunder Of ffikenhildes falfe tunge.ffikenhildes] es above line MS. Hi sworen oþes holde Þat neure ne fcholde Horn neure bitraie, Þeȝ he at diþe laie. Hi Runge þe belle Þe wedlak for to felle. Horn him ȝede with his To þe kinges palais.kinges] s above line MS. Þer was brid & ale fuete, For riche men þer ete. Telle ne miȝte tunge Þat gle þat þer was funge. ¶ Horn fat on chaere & bad hem alle ihere. 'King,' he fede, 'þu lufte A tale mid þe befte. Ine feie hit for no blame, Horn is mi name. Þume to kniȝte houe, & kniȝthod haue proued. To þe king men feide Þat iþe bitraide: Þu makedeft me fleme & þi lond to reme: Þu wendeft þat iwroȝte Þat y neure ne þoȝte, Bi Rymenhild for to ligge, & þat i wiþ fegge. Ne fchal ihc hit biginne, Til i fuddene winne. Þu kep hure a ftunde, Þe while þat ifunde In to min heritage & to mi baronage. Þat lond ischal ofreche & do mi fader wreche. Ischal beo king of tune & bere kinges crune, Þanne schal Rymenhilde Ligge bi þe kinge.' ¶ Horn gan to schupe draȝe Wiþ his yrisse felaȝes, Aþulf wiþ him his brother,hī above line MS. Nolde he non oþer. Þat schup bigan to crude, Þe wind him bleu lude. Biþinne daies fiue Þat schup gan ariue. Abute middelniȝte Horn him ȝede wel riȝte. He tok aþulf bi honde & vp he ȝede to londe. Hi founde vnder schelde A kniȝt hende in felde.kniȝt] t above line MS. Þe kniȝt him aslepe lay Al biside þe way. Horn him gan to take & sede: 'kniȝt, awake. Seie what þu kepest, & whi þu her slepest; Me þinkþ biþine crois liȝte Þat þu longest to vre driȝte. Bute þu wule me schewe, Ischal þe to hewe:' Þe gode kniȝt vp aros, Of þe wordes him gros.wordes] s above line MS. He sede: 'ihc haue aȝenes my wille Payns ful ylle.ful ylle over an erasure of about seven letters longer MS. Ihc was cristene a while; Þo icom to þis illeicom] com above line MS. Sarazins blake Þat dude me forsake. On crist ihc wolde bileue, On him hi makede ¶ me reue, To kepe þis passage Fram horn þat is of age, Þat wunieþ bieste, Kniȝt wiþ þe beste: Hi sloȝe wiþ here honde Þe king of þis londe, & wiþ him fele hundred, & þerof is wunder Þat he ne comeþ to fiȝte. God sende him þe riȝte, & wind him hider driue, To bringe hem of liue. Hi sloȝen kyng Murry, Hornes fader king hendy, Horn hi vt of londe sente; Tuelf felaȝes wiþ him wente, Among hem aþulf þe gode,hem aþulf correction in darker ink over erasure MS. Min oȝene child, my leue fode: Ef horn child is hol & sund, & Aþulf biþute wund, He luueþ him so dere, & is him so stere, Miȝte iseon hem tueie, For ioie ischolde deie.' ¶ 'Kniȝt beo þanne bliþe Mest of alle siþe;of above line MS. Horn & Aþulf his fere Boþe hi ben here.' To horn he gan gon & grette him anon. Muche ioie hi makede þere Þe while hi togadere were. 'Childre,' he sede, 'hu habbe ȝe fare? Þat ihc ȝou seȝ hit is ful ȝare. Wulle ȝe þis lond winne & sle þat þeris inne?' He sede: 'leue horn child, Ȝut lyueþ þi moder Godhild: Of ioie heo miste If heo þe aliue wiste.' ¶ Horn sede on his rime: 'Iblessed beo þe time,beo above line MS. Icom to Suddenne Wiþ mine irisse menne: We schulle þe hundes techehundes] s above line MS. To speken vre speche.vre above line MS. Alle we hem schulle sle & al quic hem fle.' Horn gan his horn to blowe, His folk hit gan iknowe, Hi comen vt of stere, Fram hornes banere:hornes] s above line MS. Hi sloȝen & fuȝten, Þe niȝt & þe vȝten: Þe sarazins cunde ne lefde þer non in þende. Horn let wurche chapeles & chirche. He let belles ringe, & Masses let singe. He com to his Moder halle In a roche walle. Corn he let serie & makede feste merie. Murie lif he wroȝte: Rymenhild hit dere doȝte. ¶ ffikenhild was prut on herte, & þat him dude smerte. Ȝonge he ȝaf & elde Mid him for to helde. Ston he dude lede Þer he hopede spede. Strong castel he let sette, Mid séé him biflette. Þer ne miȝte liȝte Bute foȝel wiþ fliȝte. Bute whanne þe se wiþ droȝe Miȝte come men ynoȝe. ffikenhild gan wende Rymenhild to schende. To woȝe he gan hure ȝerne, Þe kyng ne dorste him werne. Rymenhild was ful of mode, He wep teres of blode. Þat niȝt horn gan swete, & heuie forto mete Of Rymenhild his make, Into schupe was itake: Þe schup bigan to blenche, His lemman scholde adrenche. Rymenhild wiþ hire honde Wolde vp to londe. ffikenhild aȝen hire pelte Wiþ his swerdes hilte. ¶ Horn him wok of slape So aman þat hadde rape. 'Aþulf,' he fede, 'felaȝe, To schupe we mote draȝe; ffikenhild me haþ idon vnder & Rymenhild to do wunder. Crist for his wundes fiue To niȝt me þuder driue.' Horn gan to schupe Ride, His feren him biside. ffikenhild or þe dai gan springe Al riȝt he ferde to þe kinge, After Rymenhild þe briȝte, To wedden hire biniȝte. He ladde hure bi þe derke In to his nywe werke; Þe feste hi bigunne Er þat ros þe funne; Er þane horn hit wiste, Tofore þe sunne vpriste, His schup stod vnder ture At Rymenhilde bure. Rymenhild litel weneþ heo Þat horn þanne aliue beo. Þe castel þei ne knewe, For he was so nywe. Horn fond sittinde Arnoldin Þat was Aþulfes cosin Þat þer was in þat tide horn for tabide. 'Horn kniȝt,' he fede, 'kinges sone, Wel beo þu to londe icome: Today haþ ywedde fikenhild Þi swete lemman Rymenhild. Ne schal iþe lie, He haþ giled þe twie Þis tur he let make Al for þine sake, Ne mai þer come inne Noman wiþ · none · ginne.none above line MS. Horn, nu crist þe wisse Of Rymenhild þat þu ne misse.' ¶ Horn cuþe al þe liste Þat eni man of wiste. Harpe he gan schewe & tok selaȝes fewe, Of kniȝtes suiþe snelle Þat schrudde hem at wille. Hi ȝeden bi þe grauel Toward þe castel: Hi gunne murie singe & makede here gleowinge. ¶ Rymenhild hit gan ihere & axede what hi were. Hi sede: 'hi weren harpurs, & sume were gigours.' He dude horn in late Riȝt at halle gate; He sette him on þe benche His harpe for to clenche.clenche above line MS. He makede Rymenhilde lay, & heo makede walaway. Rymenhild feol yswoȝe, Ne was þer non þat louȝe. Hit smot to hornes herteto above line in darker ink MS. So bitere þat hit smerte. He lokede on þe ringe & þoȝte on Rymenhilde.on in darker ink over an erasure MS. He ȝede vp to borde Wiþ gode suerdes orde.suerdes] s above line MS. ffikenhildes crune Þer ifulde adune, & Al his men a rowe Hi dude adun þrowe. Whanne hi weren aslaȝe, Fikenhild hi dude todraȝe.dude above line MS. Horn makede Arnoldin þare King after king Aylmare, Of al westernesse For his meoknesse. Þe king & his homage Ȝeuen Arnoldin trewage. ¶ Horn tok Rymenhild bi þe honde & ladde hure to þe stronde, & ladde wiþ him Aþelbrus, Þe gode stuard of his hus. Þe se bigan to flowe & horn gan to Rowe. Hi gunne for ariue Þer king modi was sire. Aþelbrus he makede þer king For his gode teching: He ȝaf alle þe kniȝtes ore For horn kniȝtes lore. Horn gan for to ride, Þe wind him bleu wel wide.wel above line MS. He ariuede in yrlonde. Þer he wo fondede, Þer he dude Aþulf child Wedden maide Reynild. Horn com to suddenne Among al his kenne. Rymenhild he makede his quene, So hit miȝte wel beon. Al folk hem miȝte rewe Þat loueden hem so trewe. Nu ben hi boþe dede; Crist to heuene hem lede! Her endeþ þe tale of horn, Þat fair was & · noȝt · vnorn;was] s above line MS. noȝt above line MS. Make we vs glade Eure among, For þus him endeþ hornes song. Jesus þat is of heuene king Ȝeue vs alle his suete blessing! Amen.EX-PLI-CIT.

APPENDIX. HORN CHILDE. horn childe & maiden rimnild Mi leue frende dere, Herken & ȝe may here, & ȝe wil vnder stonde; Stories ȝe may lere Of our elders þat were Whilom in þis lond. Y wil ȝou telle of kinges tvo, Hende haþeols was on of þo, Þat weld al ingelond; Fram Humber norþ þan walt he, Þat was in to þe wan see, In to his owhen hond. He no hadde no child, as ȝe may here, Bot a sone þat was him dere; When þat he was born, Þe king was glad & of gode chere, He sent after frendes fer & nere & bad men calle him horn. viii knaue childer he souȝt, To horn his sone he hem bitauȝt,he hem] omit MS.: supplied by Caro. Alle were þai frely born, Wiþ him to play & lere to ride, Fiue ȝer in þat ich tide, Wiþ baner him biforn. Hende, & ȝe me herken wold, Þe childer name as it is told, Y wil ȝou reken ariȝt; Haþrof & tebaude,Haþrof] Hayrof MS. Aþelston & winwold, Gariis wise & wiȝt, Wihard þat was euer trewe, Seþþen first him horn knewe, To serue wiþ al his miȝt; Wicard & his broþer Wikel, Seþen Horn fond hem ful fikel, Lesinges on him þai liȝt. Arlaund, þat al þewes couþe, Boþe bi norþ & bisouþe, In herd is nouȝt to hide, On hunting was him most couþe, For to blowe an horn wiþ mouþe & houndes lede biside, To harpe wele & play at ches, & al gamen þat vsed is & mo was in þat tide; Haþeolf Arlaund bitauȝt Horn & his children auȝt, To lern hem to ride. Out of danmark com an here, Opon Inglond forto were Wiþ stout ost & vnride, Wiþ yren hattes, scheld & spere; Alle her pray to schip þai bere In clifland bi tese side. Schepe & nete to schip þai brouȝt & al þat þai haue mouȝt, In herd is nouȝt to hide. When haþeols it herd fay, He busked boþe niȝt & day, Oȝain hem for to ride. Wiþ in þat ich fourtenniȝt Barouns fele & mani a kniȝt, Al were þai redi boun; Wiþ helme on heued & brini briȝt Alle were þai redi to fiȝt & rered gonfeynoun.gonfeynoun over an erasure MS. On alerton more al þai mett, Þer were her dayes sett, Failed hem no roum; Seþþen to clifland þai rade, Þer þe danis men abade, To fel þe feye adoun. In a morning þai bi gan,morning] mornig MS. Of al þat day þai no blan Þat baleful werk to wirke; Sides þai made blo & wan, Þat er wer white so feþer on swan, Swiche gamen man auȝt irke. When þat euen bi cam, Þe danis men were al slan: It bi gan to mirke. Who so goþ or rideþ þer bi, Ȝete may men see þer bones ly Bi seyn Sibiles kirke. Hende haþeolf, as y ȝou say, Duelled þer þe niȝen day, Þe folk of him was fain. Þai toke anon þat ich pray, Schepe & nete þat þer slain lay, And ȝaf it þe folk oȝain; Armour & brini briȝt He ȝaf to squier & to kniȝt, To seriaunt & to swayn; Schipes he dede to lond drawe & ȝaf to bond men on rawe, For her catel was slayn. Þo he seye þat were wiȝt, Wiþ helme on heued & brini briȝt & wele couþe prike a stede, & þo þat were douhti in fiȝt, Sexti dubbed he þer to kniȝt, & ȝaf hem riche mede. Sum baylis he made, And sum he ȝas londes brade, His ȝiftes were nouȝt gnede; & seþþen he dede chirchef make, To sing for þe dedes sake: God quite him his mede! Seþþen king haþolf fore, For to hunten on blakeowe more Wiþ a rout vn ride, In fretþe & in forest þore; To telle þe dere strong it wore, Þat he felled þat tide, & anon after, wiþ outen lesing, He held a fest at pikering, Þer his kniȝtes schuld ride; & seþþen to ȝork, was nouȝt to layn, Arlaunde com him oȝain, & horn his sone wiþ prede. King haþeolf tok þe children auȝt, Þat he had his sone bitauȝt, & gan to wepe anon:after weþe, sore MS. 'Ich aue won mi fon wiþ mauȝt, Þat we oȝein in batayl fauȝt, & now þai ben al slon, & ȝour faders ben slawe þare: Þat of þinkeþ me ful fare & oþer mani on. Þe lond þat þai held of me, Alle y ȝiue ȝou here fre, Ward no kepe y non. Wiþ Horn, mi sone, y wil ȝe be, As ȝour faders han ben wiþ me, & oþes ȝe schul him swere, Þat ȝe schal neuer fram him fle, For gold no siluer, lond no fe, Oȝein out londis here.' To horn his sone he hem bi toke & dede hem swere opon þe boke, Feute þai schuld him bere, While þat þai liue miȝt, Wiþ helme on heued & brini briȝt, His londes for to were. Hende haþeolf þat was so fre, Bot ·ix· moneþ soiournd he, No lenge no hadde he pes. Out of yrlond com kinges þre, Her names can y telle þe, Wele wiþ outen les: Ferwele & Winwald were þer to, Malkan king was on of þo, Proude in ich apres; Al westmer land stroyed þay.westmer] me over an erasure MS. Þe word com on a Whissonday To king haþeolf at his des. He bad þe harpour leuen his lay: 'For ous bi houeþ anoþer play, Buske armour & stede.' He sent his sond niȝt & day Also fast as he may, His folk to batayl bede; 'Bid hem, þat þai com to me, Al þat hold her lond fre, Help now at þis nede; Better manly to be slayn, Þan long to liue in sorwe & pain, Oȝain out londis þede.' Þai busked hem wel hastily, To com to þe kinges cri Wiþ in elleuen niȝt, Þat eueriche strete & eueri sty Glised þer þai riden by, Of her brinis briȝt; & seþþen to staynes more þai rode, Þe rout was boþe long & brod, To fel þo fay in fiȝt; Alle þat niȝt duelled þay, Til amorwe þat it was day, Þe barouns of gret miȝt. Þe irise ost was long & brade, On staines more þer þai rade, Þai ȝaf a crie for prede; Hende haþeolf hem abade, Swiche meting was neuer made, Wiþ sorwe on ich aside: Riȝt in alitel stounde Sexti þousand were layd to grounde In herd is nouȝt to hide; King haþeolf slouȝ wiþ his hond, Þat was comen out of yrlond, Tvo kinges þat tide. King haþeolf was wel wo, For þe irise ost was mani & mo Wiþ scheld & wiþ spere; Ful long seþþen man seyd so: When men schuld to batayl go, To men miȝt on dere. Þei king haþeolf fauȝt fast, King malkan stiked attelast His stede þat schuld him bere: Now schal men finde kinges fewe, Þat in batail be so trewe, His lond forto were. When king haþeolf on fot stode, Þe yrise folk about him ȝode, As hondes do to bare; Whom he hit opon þe hode, Were he neuer kniȝt so gode, He ȝaue a dint wel sare; He brouȝt in alitel stounde Wele fif þousende to grounde Wiþ his grimly gare. Þe Irise ost tok hem to red, To ston þat douhti kniȝt to ded, Þai durst neiȝe him na mare.neiȝe] i above line MS. Gret diol it was to se Of hende haþeolf þat was so fre, Stones to him þai cast; Þai brak him boþe legge & kne, Gret diol it was to se, He kneled attelast. King malcan wiþ wretþe out stert & smot king haþeolf to þe hert; He held his wepen so fast, Þat king malkan smot his arm atvo, Er he miȝt gete his swerd him fro, For nede his hert tobrast. Þo king malkan wan þe priis, Oway brouȝt he no mo ywis, Of his men bot þritten, Þat wounded were in bak & side; Þai fleiȝe & durst nouȝt abide, Daþet, who hem bi mene! To yrlond he com oȝain, & left her fair folk al slain Lieand on þe grene. Þarf hem noiþer niȝt no day Make her ros þai wan þe pray,Make] m corrected out of þ MS. Bot slowe þe king, y wene. A nerl of norþhumber land, He herd telle þis tiþeand, He busked him to ride; Alle he sesed in his hand, Al þat he to forn him fand, Riȝt to humber side. When þat arlaund herd sain, Þat hende haþeolf was slain, He durst no lenge abide; Þai busked boþe niȝt & day As fast as þai may,After þai, I erased MS. Her heuedes for to hide. Fer souþe in Inglond Houlac king þer þai fond, Wiþ kniȝtes stiþe on stede. He toke him Horn bi þe hand; When he hadde teld his tiþeand, Mennes hertes miȝt blede: 'When hende haþeolf was slan & his londes fram him tan & we ben flowe for drede: Of mi self is me nouȝt, Bot horn, his sone, ichaue þe brouȝt, Help now in þis nede.' Houlac king was wel hende, Ressaiued hem niȝen, Herlaund þe tende,þe] e above line MS. Her maister for to be: 'Mete and drink y schal hem fende, & euer, when ich out wende, Þai schal wende wiþ me. Horn schal be me leue & dere.' He bad harlaund schuld him lere, Þe riȝt forto se, Þe lawes boþe eld & newe, Al maner gamen & glewe; In bok þus rede we. Þuf, in boke as we rede, Alle þai were in court to fede, Sweteliche at lare; Alle were þai cloþed in o wede, To ride on palfray oþer on stede, Wheþer hem leuer ware. Horn was boþe war & wise,hor MS. At hunting oft he wan þe priis, Loued he noþing mare; Harpe & romaunce he radde ariȝt, Of al gle he hadde in siȝt Þat in lond ware. Þe word of Horn wide sprong, Hou he was boþe michel & long, Wiþ in fiftene ȝere: Þer was no kniȝt in jnglond, Þat miȝt adint stond of his hond, Noiþer fer no nere. Michel he was & wele ymaked, As white as milke he was naked, & euer o bliþe chere; Meke he was & trewe so stiel, Alle games he couþe wel, As ȝe may forward here. Houlac king, y wene, Hadde no child bi þe quene, Bot a maid briȝt; Al þai seyd þat hir sene, Sche was a feir may & a schene, & maiden rimneld sche hiȝt. When sche herd horn speke, Miȝt sche him nouȝt forȝete Bi day no bi niȝt; Loued neuer childer mare Bot tristrem or ysoud it ware, Who so rede ariȝt. Þat miri maiden wald nouȝt wond, Dern loue forto fond, Ȝif sche it miȝt winne; Forþi sche sent hir sond,After sent, wiþ MS. For to speke wiþ arlond, For Horn schuld cum wiþ him. & Arlaund him bi þouȝt, Ȝif he horn wiþ him brouȝt, Lesinges schuld bi ginne; For þi he lete horn at hame, & toke haþerof in his name To maiden Rimneld inne.inne] omit MS. in supplied by Ritson, inne Michel. Þe miri maiden, al so sone As haþerof jn to chaumber come, Sche wend, þat it wer horn. A riche cheier was vndon, Þat seuien miȝt sit þer on, In swiche craft ycorn; A baudekin þer on was spred; Þider þe maiden hadde hem led, To siten hir bi forn; Frout & spices sche hem bede, Wine to drink wite & rede, Boþe of coppe & horn. Þan a seriaunt sche bad go, A gentil goshauk for to ta, Fair he was to fliȝt; Þer wiþ herten gloues to, Swiche was þe maner þo, And ȝaf Haþerof of her ȝift.ȝif MS. ¶ Sche wende bi Haþerof, Horn it were, Þat loued hunting noþing more, On him hir loue was liȝt: A les of grehoundes forþ þai brouȝt, & he forsoke & wald it nouȝt & seyd haþerof he hiȝt 'What euer þi name it be, Þou schalt haue þis houndes þre, Þat wele can take a dere; & haþerof, for þe loue of me, Com to morn, & horn wiþ þe'; He lay hir hert ful nere. ¶ & Harlaund þat was hende, Toke his leue forto wende, Wiþ a bliþe chere, & com anon on þe morn, & brouȝt wiþ him hende horn, As ȝe may forward here. Þe maiden bour was fair spred, Atired al wiþ riche webbe, Sche haylett hem wiþ winne; Þe mirie maiden hir biþouȝt, In what maner þat sche mouȝt Trewe loue for to ginne. Sche sett hir hem bitvene: Þe maiden was briȝt and schene & comen of kinges kinne; Anon hir selue hadde hem ledde To sitten opon her owhen bedde, Arlaund & Horn wiþ him. Hendeliche sche to hem spac, A poumgarnet þer sche brak, & spices dede sche calle, Wine to drink; after þat Sche lete fet forþ a stede blac, Was couered al wiþ palle, Þe stiropes were of silke wite, Bridel & sadel al was slike, & seyd, 'Horn hende in halle, It was me told þou schult be kniȝt; Y þe ȝif here a stede liȝt, & a queyntise of palle.' 'Horn,' sche seyd, 'is þi name, An horn y schal ȝiue þe ane, A michel & vnride, Al yuore is þe bon, Sett wiþ mani a riche ston, To bere bi þi side.' ¶ Þe baudrike was of silk riȝt, Þe maiden self it hadde ydiȝt, Layd wiþ gold for pride: 'What þat euer be wiþ me, Horn, at þi wille schal it be, In herd is nouȝt to hide.' Þan sche lete forþ bring A swerd hongand bi aring, To horn sche it bitauȝt; 'It is þe make of miming, Of al swerdes it is king, & weland it wrouȝt; ¶ Bitter-ser þe swerd hiȝt, Better swerd bar neuer kniȝt, Horn, to þe ich it þouȝt; Is nouȝt a kniȝt in Inglond, Schal sitten adint of þine hond, Forsake þou it nouȝt.' Hendelich þan þanked he Þe maiden of hir ȝift fre, & seyd, 'so god me spede, Rimnild, for þe loue of þe Y schal iuste, þat þou schalt se, Opon þis ich stede.' ¶ Horn in þat ich stounde Ȝaf þe maiden loue wounde, So neiȝe hir hert it ȝede; & sche wel trewely haþ him hiȝt, Ȝif þat he be dubbed kniȝt, Hir maidenhod to mede. Wiþ in þat ich fourtenniȝt, Horn was dubbed to kniȝt,Horn] orn over erasure MS. & haþerof, as y wene, & oþer mani þat were liȝt, Has houlak king hadde hem hiȝt; So were þai ful fiftene. A turnament þe king lete crie, Þider com wel on heye Kniȝtes þat were kene: Maiden rimneld biheld þat play,þat] þ MS. Hou Horn wan þe priis þat day, To wite & nouȝt to wene.The guard has to wite & nouȝt. Houlac king ȝaf horn leue, In his bour forto cheseAfter forto, e erased MS. Þe maidens þat were fre, Riche of kin & hondes sleye; Þai hadde frendes fer & neiȝe, He miȝt avaunced be; & maiden rimnild him bede, Þat he schuld take non oþer rede: No noþer þan chese he; For sche wel trewely haþ him hiȝt, Ȝif þat sche liue miȝt, His leman wald sche be. Tebaud went biȝond se & Winwald þat was so sre, To leren hem to ride; Wiþ þe king of Fraunce duelled he, Mani time þai gat þe gre, In turnament þat tide. ¶ Þe king seiȝe, þat þai wer wiȝt, Boþe he dubbed hem to kniȝt Wiþ wel riche pride; Wiif þai toke & duelled þare, In Inglond com þai nomore, Her werdes forto bide. Gariis in to bretein went, & Aþelston wiþ him was lent, To anerl so fre. At iustes & at turnament, Whider ward so þai went, Euer þai gat þe gre, & þerl hem boþe kniȝtes made, & ȝaf hem londes wide & brade, Wiþ him for to be; Þus þai duelled þer in pes, While þat cristes wil wes, In boke so rede we. Houlac king ȝaf gold & fe To hem, þat þai miȝt þe better be,þai above line MS. & bad þai schuld wiue; Haþerof, a kniȝt fre, & horn he seyd, 'y loue þe, Man most oliue.' & Wiard treuly he haþ hiȝt, Þat he schal dubbed be to kniȝtAfter be erasure of two letters MS. At anoþer siþe. Wigard & wikel hem biþouȝt,wikel] l over erasure MS. Hou þai horn bitray mouȝt: God lete hem neuer þriue! On aday, as houlak king Schuld wende on his playing, To late his haukes fleye, Horn þan, wiþ outen lesing, Bilaft at hom for blodeleteing Al for a maladye. Wikard bi þe king rade, Wikel þat lesing made, Horn gan þai wray, & seyd, 'sir, y seiȝe ȝisterday, Hou Horn bi þi douhter lay: Traitours boþe be þai.' Þe king leued þat þai sede; 'For þi ȝaf sche him þe stede, Lesing it is nouȝt.' He went hom as he were wode, In to boure anon he ȝode & maiden Rimnild he souȝt; ¶ He bete hir so, þat sche gan blede, Þe maidens fleiȝe oway for drede, Þai durst help hir nouȝt; Giltles sche was of þat dede,Giltles] gitles MS. Horn hadde nouȝt hir maidenhede, Bot in word & þouȝt. Houlac his swerd haþ tan & seyd Horn schuld be slan; For wretþe he wald wede: 'He haþ me don michel schame, Y wende wele haue suffred nane For mi gode dede.' Kniȝtes com þe king biforn, Alle prayd þai for Horn, No miȝt þer non spede; Þe king in to his chaumber is gon & schet him self þer in al on, Til his wretþe ouer ȝede. Þei þat horn was sore adrad, In to boure he was ladde, Þe maiden for to se; He fond hir liggeand on hir bedde, Mouþe & nose al for bled: 'Þis hastow for me.' 'Bi god of heuen þat me bouȝt, Of mi selue is me nouȝt, Way is me for þe! Falsmen haþ on ous leyd, & to mi fader ous bi wraid, Y drede he flemes te. Bot, horn, ȝif it so schal bitide, Þat þou schalt out of lond ride & flemed schaltow be, Þis seuen winter y schal abide, Mi maidenhed to hele & hide, For þe loue of þe; Þei an emperour come, King oþer kinges sone, For to wedde me, Of no loue ne schal he spede, Þat y ne schal kepe mi maidenhede, So help me god, to þe! Horn, to morwe in þe morningmorning] moring MS. Þou schalt fare on hunting To take þe wild ro; ȝif god þe spede an hunting, Loke þou bring it bifor þe king, What so þou may to; As he sittes at his des, Yserued of þe first mes, Hauȝtel þe now so, Fare as þou wist nouȝt, & he schal telle þe al his þouȝt, Er þou fram þat bord go.' A morwen Horn to hunting is gan, To take þe wilde wiþ þe tam, In þe morwening; Fiue hertes haþ he tan, Bi midday brouȝt hem ham Bifor houlak king. Þe king seyd, 'it is for nouȝt: Traitour, þou hast tresoun wrouȝt; To morwe ȝif y þe finde, Bi mi croun, þou schalt be slawe, Wiþ wilde hors al to drawe & seþþen on galwes hing.' To rimneld he com, wiþ outen lesing, & sche bitauȝt him aring, Þe vertu wele sche knewe: 'Loke þou forsake it for no þing, It schal ben our tokening; Þe ston it is wel trewe: When þe ston wexeþ wan, Þan chaungeþ þe þouȝt of þi leman, Take þan anewe: When þe ston wexeþ rede, Þan haue y lorn mi maidenhed, Oȝaines þe vntrewe.' Horn seyd, 'in þine erber is atre, Þer vnder is awel sre, Ygrowen al wiþ yue:yue] y corrected out of n MS. Rimnild, for þe loue of me, Eueriday þat þou þer be, To se þe water liþe & when þou sest mi schadu þare, Þan trowe þou me namare, Þan am y bon to wiue; & while þou sest mi schadu nouȝt, Þan chaungeþ neuer mi þouȝt, For no woman oliue.' Houlac king wald nere wede, Þere he sat opon his seghe & seyd, 'traitour, fle!' Horn tok his leue & ȝede, Wiþ him he toke his gode stede & grehoundes bot þre & alle his harneys lasse & mare; Haþerof durst nouȝt wiþ him fare, So wroþ þe king was he.After wroþ, þe erased MS. Maidens in þe boure gan crie & seyd rimnild wald dye; Now swoneþ þat fre. When horn com fer out of þat siȝt, He seyd, godebounde he hiȝt, When he gan ani mete. Wiard rode after day & niȝt, Al so fast as he miȝt, Horn forto seke. Of godebounde herd he speke, Horn no miȝt he neuer gete, Bi way no bi strete. Wiard rode souþe & horn rode west, To Wales Horn com attelest, Wel long er þai so mete. ¶ Þurch aforest as he schuld fare, An armed kniȝt mett he þare, & bad horn schuld abide, To ȝeld his harneise lesse & mare Oþer iuste, wheþer him leuer ware, Þe lawe is nouȝt to hide. & horn of iusting was ful fain, & seyd to þe kniȝt oȝain: 'Ful leue me were to ride.' ¶ Þe kniȝt toke a schaft in hand, & horn wele vnder-fand, Þat he couþe ride; ¶ Horn tok on al so long A ful touȝ & to so strong Oȝaines him þat tide. Þe kniȝtes scheld he cleue atvo & of his plates he brac þo & frussed alle his side: Out of his sadel he bar him þan, He brac his arm & his schulderban, He hadde a fal vnride. When he of his swoning bicam,his] omit MS. He asked after hornes nam, Whider he wald gang: 'In walis lond is þer nan Man y made of flesche no ban, Oȝain þe may stand.' Horn answerd o nan: 'Godebounde is mi nam; Icham comen to fand, For to win gold & fe, In seruise wiþ ȝour king to be, Þat lord is of þis land.' 'Our kinges name is Elidan; In al Wales is þer nan So strong aman as he; While þe seuendays began, Euerich day wiþ sundri man lusting bedes he þe. Þe eiȝtenday, be þou bold, Ȝif þou þe seuen days mai hold, Þe king þan schaltow se Com rideand on a stede broun Wiþ a soket o stel feloun,ofeloun MS. stel omit MS. (see Alisaunder, 4415). Forto win þe gre.' Horn seyd, wiþ outten lesing, 'For to speke wiþ þe king, For noþing wil y bide.' Þe kniȝt teld him namare; Þe king at snowedoun he fond þare, Sir Elydan þat tide. He iusted al þat seuen niȝt, Eueriday wiþ sundri kniȝt, He gat þe fairest pride; Þe eiȝtenday wiþ elidan, & wan her stedes euerilkan, In herd is nouȝt to hide. He smot þe king opon þe scheld, Of his hors he made him held & feld him to þe grounde; Swiche on hadde he founde feld, Þat so had feld him in þe seld, Bifor þat ich stounde. Þe king asked him, what he hiȝt, & he him answerd anonriȝt, 'Mi name is godebounde.' 'Y wil þe ȝif gold & fe, Ȝif þat þou wil duelle wiþ me, Bi ȝere a þousend pounde.' Messangers com out of yrland, & toke þe king aletter in hand, & bad he schuld rede, Fro aking þat men dede wrong, His owhen sone, ich vnder stond, Þat axed help at nede. He lete write aletter oȝain, He schuld han help, is nouȝt to layn, Wiþ kniȝtes stiþe on stede. Horn to batayl was ful boun & folwed þe messangers out of toun, In to Irlond þai him lede. Hem com anhauen wele to hand, Þat ȝolkil is cleped in irland, Þe court was þer biside. Finlawe king þer þai fande, For to here tiþeande, Oȝain hem gan ride. Þe letter told þat he brouȝt, Help schuld him faile nouȝt Oȝaines þilke tide. King Finlak dede to malkan say, Wheþer he wold bi niȝt or day, Þe bataile wald he bide. Þe kinges sones riden baþe, To hayles Horn, when þai him sawe,hayles] corrected out of haylett MS. & welcomed him, þat fre. Anon þai gun to striue raþe, Wheþer of hem him schuld haue, To duelle in her meine. Horn answerd hem þan as hende & seyd to hem, 'mi leue frende, Þe king þan wald y se, & afterward y wille ȝou telle, Where me leuest is to duelle, & semlyest to me.' Þe messanger told hornes dede, Hou he hadde ywon þe stede, & hou he seiȝe him ride; 'Sir, miȝtestow hold him to þi nede, King malkan þarf þe nouȝt drede, Batayle miȝt þou bide. Hour king haþ boden him gold & fe, Wiþ þat he wil wiþ him be At þis ich nede, & Horn ful trewely haþ him hiȝt For to stond in stede of kniȝt, In herd is nouȝt to hide.' In yrlond was þer nan, Þat alle þai be to malkan gan, So michel was his pouste; Bot finlak king him al an Has þe batayl vnder tan, Ȝif crist wil þat it be. King malkan dede bede out here, Opon þe king finlak to were; 'Now þan schal we se, Ȝif he wil fiȝt, he schal be slan, Ȝif he wil bide, he schal be tan: Y trowe best he wil fle.' Bot þre woukes were þer sett, Þat alle þis folk schal be mett, & batayle schal þer be. Þe Walis king hadde gret lett Wiþ windes & wiþ watres bett, Sir elidan þe fre; He no miȝt in to irlond come, For to helpen his sone, For stormes on þe se. King finlak seyd, 'is nouȝt to hide, Þis batayl dar y nouȝt abide; Mi rede is tan to fle.' & þan was Horn as fain o fiȝt, As is þe foule of þe liȝt, When it ginneþ dawe: 'Sir king, forto held þi riȝt, Y rede þou bede riche ȝift:bede] de above the line MS. Þe folk wil to þe drawe; Geder to þe folk þat þou may, & baldliche hold þi day, Batail schal we schawe: To fle me þink it is gret schame, Ar dintes be smiten or ani man slan, For drede of wordes awe.' Þe kinges sones wer kniȝtes bold, & seyd þai wald þe batail hold, Her liues forto lete; Finlac king, þei he war ald, Bleþeli he seyd fiȝt he wald, To hold þat he bi-hete. Þus þai riden out of toun Wiþ spere oloft & goinfaynoun, Malkan king to mete; Wiþ speres scharp & swerdes gode Þai slouȝ mani afrely fode, So grimli gun þai grete. ¶ Þer Horn seiȝe þe mest þrang, In he rides hem a-mang & lays on wel gode won; It was no man of yrland, Miȝt stond adint of his hand, At ich stroke he slouȝ onOne leaf of MS. lost here. . . . . . Maiden & wiif gret sorwe gan make For þe kinges sones sake, Þat were apoint to dye. Finlac king oȝaines him come, & his armes of him nome; Þe blod ran ouer his eiȝe. He cleped his douhter Acula, & bad sche schuld a plaster ta; Of woundes was sche sleiȝe. Þe maiden tast Hornes wounde, Þe kinges douhter, in þat stounde; Of him hye is ful fain: 'Þou schalt be sone hole & sounde; Hastow Malkan brouȝt to grounde?' He seyd, 'ȝa,' oȝain. 'King Malkan was mi saders ban, & now for soþe ich haue him slan, Þe soþe for to sain. Mi fader swerd y wan to day, Y kepe it while y liue may. Þe name is blauain.' Þai birid þe folk þat were slan, & her armour þai ladde ham, Wiþ hors white & broun. Finlac king him bi þouȝt, Hou he Horn ȝeld mouȝt, To ȝif him his warisoun; He tok malkan kinges lond, & sesed it in to Hornnes hond, Boþe tour & toun. Erles, barouns, euerichon, In Irlond was þer non, Þat no com to his somoun.After þat, it MS. Þe kinges douhter Acula Loued hende Horn so Sche durst it nouȝt kiþe; Wheþer sche seiȝe him ride or go, Hir þouȝt hir hert brak atvo, Þat sche no spac wiþ þat bliþe. On aday sche made hir seke, Horn com & wiþ hir speke, Sche miȝt no lenger miþe; To him spac þat maiden fre & seyd, 'horn, y loue þe, Man most oliue.' Ouer al horn þe priis him wan, He seyd it was for owiman, Þat was him leue & dere: Acula wende for þan, Þat horn hir loued & most gode an Of ani woman þat were. Of anoþer was al his þouȝt, Maiden Rimnild forȝat he nouȝt, Sche lay his hert ful nere. Þe ring to schewen haþ he tan, Þe hewe was chaunged of þe stan, For gon is seuen ȝere. Horn wald no lenger abide; He busked him for to ride & gedred folk eueraware,eueraware] Michel prints eueriwhare. An hundred kniȝtes bi his side, Wiþ stedes fele & michel pride, Her schippes were ful ȝare. Þai sayled ouer þe flode so gray, In Inglond ariued were þay, Þer hem leuest ware; Vnder awode þer þai gan lende, Horn seiȝe abegger wende, & after he is fare. Horn fast after him gan ride & bad þe begger schuld abide, For to here his speche. Þe begger answerd in þat tide, 'Vilaine, canestow nouȝt ride? Fairer þou miȝt me grete; Haddestow cleped me gode man, Y wold haue teld þe wennes y cam & whom y go to seche: Horn to seke haue y gon Þurch out londes mani on, & ay schal while we mete. & now be min robes riuen, & me no was no noþer ȝeuen Of alle þis seuen ȝere. Y go to seke aster him ay, & þus haue don mani aday, Til þat we mete yfere. To day is moging þe king Wiþ rimnild at spouseing, Þe kinges douhter dere; Mani sides schuld be bi bled, Er he bring hir to his bed, Ȝif horn in lond were. ¶ Wiard schaltow calle me; Gentil man, ȝif þou be fre, Tel me þi name; ¶ Þi knaue wald y fain be, Þat fair fest forto se, Me þenke þatow hast nane.' Horn answerd him oȝain, 'Ich hat Horn, is nouȝt to lain, & elles were me schame; Bot ȝif ich held þat þou hast seyd, Er þat þai ben in bed layd, Fiue þousende schal be slain. Wiard, oȝain schaltow ride To mi folk & þere abide, Haue here mi robe to mede; & y wil to court gon, Forto loke what þai don, In þi pouer wede; Bring hem vnder ȝon wode side, Al so ȝern astow may ride, Þe way þou canst hem lede; & y schal heiȝe me wel sone, Y com oȝain, er it be none, ȝif crist me wil spede.' When horn fro fer herd glewe, Wiþ tabournes bete & trumppes blewe, Oȝaines hem he ȝede. Muging king ful wele he knewe,Muging] first g corrected out of n MS. He tok him bi þe lorein newe, Oȝain he held his stede. Wikard com & smot him so & seyd, 'traitour, lat þe bridel go.' Þe blode out after ȝede. Horn ful trewely haþ him hiȝt, He schal him ȝeld þat ich niȝt, A box schal ben his mede. Moioun king was ful wo Þat he hadde smiten þe pouer man so,þe] e above line MS. & seyd, 'lat mi bridel be. Wiþ þi þou lat mi bridel be, What so þou wilt aski me, Bleþelich ȝiue y þe.' 'Peter!' quaþ Horn, 'þatow wilt ȝiue me maiden Rimnild, Þat is so fair & fre.' Þe king was wroþ & rewe his ȝift: 'Þou askest wrong & no þing riȝt, Sche may nouȝt þine be.' Horn seyd, 'Y sett a nett otime:horn] n above line MS. ȝif ani fische is taken þer inne Of al þis seuen ȝere, No schal it neuer more be mine, Y wold it were sonken in helle pine, Wiþ fendes fele on fere; & ȝif it haþ ytaken nouȝt, Y schal it loue in hertþouȝt, & be me leue & dere.' Þus þai went alle ysame Vnto þe castel wiþ gle & game; A fole þai wende he were. 'Of beggers mo þan sexti,' Horn seyd, 'maister am y, & aske þe þe mete, Þat y mote & oþer þre To day in þine halle be, When folk is gon to sete; Þan y wil folwe þe ham, & þat y mot wiþ þe gan In atte castel ȝete.' Þe king him hiȝt sikerly: 'Þou schalt in þe halle by To haue þere þi mete.'þi] his MS., correction by Ritson. Þer was mani riche gest Diȝt vnto þat srely fest Of douhti folk in lond; Atte ȝate was strong þrast, Horn wald nouȝt be þe last In for to gange. Þe porter cald him herlot swain,in one line MS. & he put him oȝain,in one line MS. Þer out for to stand. Horn brust opon him so, His scholder bon he brak ato, & in anon he þrange.þrange] r above line MS. Kokes hadde þe mete grayd, Þe bord was sett, þe cloþ was layd; To benche ȝede þe bold; Þe trompes blewe, þe glewemen pleyd,blewe] yede MS., correction by Ritson. Þe bischopes had þe grace y seyd, As miri men of molde. Þer was mani aricheman, Mete & drink wel gode wan To alle þat ete wolde. Horn sat & litel ete, Michel he þouȝt & more he speke, For fole men schuld him hold. Þan was þe lawe, soþe to say, Þe bride schuld þe first day Seruen atte mete; Hendelich þan serued scho, As a maiden schuld do; Horn bigan to speke: 'Maiden, ȝif þi wille be, To godes men schultow se,schultow] might be read schustow MS. Þou no ouȝtest hem nouȝt forȝete;one letter erased before ouȝtest MS. & seþþen þe kniȝtes schul turnay, For to loke who so may Þe maistri of hem ȝete.' Forþ sche went, þat maiden fre, & feched drink, þat men miȝt se, To þat beggere: 'For hornnes loue y pray þe, Go nouȝt, ar þis drunken be, ȝif euer he was þe dere.' Þe maiden bi him stille stode, To here of horn hir þouȝt it gode, He lay hir hert ful nere; Of þe coppe he drank þe wine, Þe ring of gold he kest þer inne: 'Bi tokening, lo, it here!' 'A, sely man, þe þrestes sare, Þou schalt haue a drink mare, Gode wine schal it be.' Anoþer drank sche him bare, Sche asked ȝif horn þer in ware; 'Ȝa, certes,' þan seyd he. Nas sche bot alitel fram him gon, Þat sche ne fel adoun anon, Now swoneþ þat fre. Kniȝtes her to chaumber ledde; When sche lay opon hir bedde, Sche seyd, 'clepe haþeros to me.'Sche] Scle MS. 'Kniȝtes, goþ in to halle swiþe, & bid þe kinges make hem bliþe, Þat y wold wel fain; Haþerof, go in to þe erber swiþe & geder paruink & iue, Greses þat ben of main. Certeynli, as y ȝou say, Horn is in þis halle to day; Y wende he hadde ben slain: Moioun king schal neuer spede, For to haue mi maiden hede, Now Horn is comen oȝain.' 'Haþerof, go in to halle & se: In seli pouer wede is he, Y pray þe knowe him riȝt: Say him, treuþe pliȝt er we,' 'Bid him,' sche seyd, 'as he is fre, Hold þat he bi hiȝt; Bidd him go & me abide Riȝt vnder ȝon wode side, As he is trewe kniȝt; When al þis folk is gon to play, He & y schal stele oway, Bitvene þe day & þe niȝt.' Haþerof in to halle ȝode, For to bihald þat frely fode, Ful wele he knewe his viis; Opon his fot hard he stode, Horn þouȝt þe tokening gode; Vp he gan to arise. Forþ þai ȝede, þo kniȝtes bold; Haþerof þe maidens erand told, Of trewe loue Horn was wiis: 'Y schal com in to þe feld wiþ pride, An hundred kniȝtes bi mi side, Milke white is mi queintise.' 'Bot, haþerof, þou most me schawe, Whar bi y schal Wikard knawe, His buffeyt schal be bouȝt.' 'He haþ queintise white so snawe, Wiþ foules blac as ani crawe, Wiþ silke werk it is wrouȝt. Moioun queintise is ȝalu & wan,is] was MS., correction by Ritson. Sett wiþ pekok & wiþ swan, Þat he wiþ him haþ brouȝt; Wikeles queintise is ȝalu & grene, Floure de liis sett bi tvene, Him for ȝete þou nouȝt.' ¶ Now if haþerof comen oȝain, & seyd he haþ Horn sain, & what folk he haþ brouȝt; & after wisarmes he gan frain;wisarmes] was armes MS., correction by Ritson. Was neuer Rimnild ere so fain In hert no in þouȝt: 'Haþerof, go in to halle swiþe & bid mi fader make him bliþe & say icham sike nouȝt. Wikard, þat is leue to smite, Horn schal him his dettes quite, To niȝt it schal be bouȝt.' When þai hadde eten, þan were þai boun; Wiþ spere oloft & gonfainoun, Al armed were þo bold; Wiþ trump & tabourun out of toun Þus þai redde þe riȝt roun, Ich man as he wold. A nerl out of cornwayle Oȝain Moioun saun faile, Þe turnament schal hold; & horn com in to þe feld wiþ pride, An hundred kniȝtes bi his side, In rime as it is told. Horn of her coming was wel wise,her] omit MS., supplied by Caro. & knewe hem bi her queyntise, Anon þai counterd þo. Moioun king haþ tint þe priis, Vnder his hors fete he liis, Horn wald him nouȝt slo. To sir wigard his swerd he weued, Euen ato he cleue his heued, His box he ȝalt him þo; Out he smot Wigles eiȝe; Traitours þat er leue to liȝe,er supplied in margin MS. Men schal hem ken so. Þat day Horn þe turnament wan Fro Moioun & mani aman, Wiþ kniȝtes stiþe on stede; He toke þe gre þat was a swan, & sent to rimnild his leman, To hir riche mede. ¶ To houlac king horn gan wende & þonked him as his frende Of his gode dede: 'Þou feddest me & forsterd to man.'ou fed over an erasure MS. He maked wikel telle out þanmaked] d added in darker ink MS. His lessinges & his falshed. Moioun king is iuel diȝt, Tint he haþ þat swete wiȝt & wold ben oway. Horn þat hadde hir treuþe pliȝt, Wedded hir þat ich niȝt And al opon aday. Now is Rimnild tviis wedde, Horn brouȝt hir to his bedde; Houlac king gan say: 'Half mi lond ichil þe ȝiue, Wiþ mi douȝter, while y liue, & al after mi day.' Fiue days sat her fest, Wiþ mete & drink riche & onest, In boke as we rede. Forþ, as we telle in gest, Horn lete sende est & west, His folk to batayle bede; Into norþ humber land for to fare, To winne þat his sader ware, Wiþ kniȝtes stiþe on stede, Wiþ erl, baroun & wiþ swain To winne his fader lond oȝain, ȝif crist him wold spede. Michel frely folk was þare, into norþ humber land to fare Wiþ stedes wite & broun. Horn wald for noman spare, To winne al þat his fader ware, Boþe tour & toun. When Þorbrond herd þis, Þan horn to lond y comen is,lond] d above line MS. The rest is wanting. . . . . . .