Þe Liflade of St. Juliana : from two Old English manuscripts of 1230 A.D. / with renderings into modern English, by Oswald Cockayne, and Edmund Brock ; edited by Oswald Cockayne.

Þe Liflade of St. Juliana : from two Old English manuscripts of 1230 A.D. / with renderings into modern English, by Oswald Cockayne, and Edmund Brock ; edited by Oswald Cockayne.Cockayne, Thomas Oswald, 1807-1873Brock, Edmundca. 147 kbUniversity of Michigan Humanities Text InitiativeAnn Arbor, MIJuliana

The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).

1999Þe Liflade of St. Juliana : from two Old English manuscripts of 1230 A.D.Oswald CockayneEarly English Text SocietyOxford University PressLondon1957Early English Text Society. Original Series511957

Derived from: Royal MS. 17 A. xxvii and Bodleian MS. 34

Originally published 1872 (reprinted 1957).

Þe Liflade of St. Juliana was keyboarded by Chrisian with an error rate within 1 error in 20,000 characters. All material, including front matter, is included, and is represented in the electronic edition as it was in the print edition (so far as is possible). The two "renderings into Modern English" by Oswald Cockayne and Edmund Brock as well as the short glossary at the end of the edition (pp. 89-90) have been omitted.

Unless otherwise noted, all text appearing in brackets has been supplied by the editor, Oswald Cockayne. The editor has also supplied the title Juliana (not in brackets) to both manuscript texts, and we have added the names of the respective manuscripts used for each text version to that title. These manuscript name appear in brackets. Rather than present these manuscript editions in parallel structure as done in the printed edition, we have placed them in successive order, first Royal MS. 17 A. xxvii followed by Bodl. MS. 34. A third version of Juliana appears after the two main manuscript versions. The third version derives from Ashmole MS. 43.

In the Bodl. MS. 34, the editor indicates that in several places, beginning with folio 41 (p. 17) the folio numbers are incorrect. We have retained the folio numbers as given and placed the editor's remarks about evident mistakes in folio numbers in notes immediately following the designated milestones.

To facilitate searches we have joined words broken by page-breaks and placed them before the respective page-break (e.g. leaftede joined and placed as the last word of p. 13). The same procedure applies to words broken by milestones, although in the interest of preserving the integrity of the manuscripts' folio breaks, we include here a list of such instances with a slash (/) marking the milestone: ern/dunge—Royal MS. 17, leaf 56, back, (p. 2).bu/deleſ—Royal MS. 17, leaf 59, (p. 16).chil/dren—Royal MS. 17, leaf 61, back, (p. 32).awun/dret—Royal MS. 17, leaf 62, (p. 36).fun/den—Royal MS. 17, leaf 65, (p. 52).lea/uen—Bodl. MS. 34, folio39b, (p. 15).luðer/liche—Bodl. MS. 34, folio 41, (p. 17).bineo/me—Bodl. MS. 34, folio 49, (p. 45).heo/uene—Bodl. MS. 34, folio 51b, (p. 55).

Finally, the few corrections listed in a table at the end of the printed edition have been entered as corrections with the "sic" version printed afterwards. Likewise, where the editor has corrected the rendering of a word in a note, we have inserted his corrections into the text as such, including the MS. spelling as a "sic" immediately following.

Latin

Þe Liflade of St. Juliana, FROM TWO OLD ENGLISH MANUSCRIPTS OF 1230 A.D. WITH Renderings into Modern English,

BY THE REV. O. COCKAYNE, AND EDMUND BROCK; EDITED BY THE REV. OSWALD COCKAYNE, M.A., ST. JOHNS COLLEGE, CAMBRIDGE; EDITOR OF LEECHDOMS STARCRAFT AND WORTCUNNING, ETC. ETC.

PUBLISHED FOR THE EARLY ENGLISH TEXT SOCIETY BY THE OXFORD UNIVERSITY PRESS. LONDON, NEW YORK, TORONTO. 1872.

OXFORD UNIVERSITY PRESS AMEN HOUSE, LONDON, E.C.4. GLASGOW NEW YORK TORONTO MELBOURNE WELLINGTON BOMBAY CALCUTTA MADRAS KARACHI CAPE TOWN IBADAN NAIROBI ACCRA SINGAPORE

PREFACE.

IT had been my purpose, in editing þe following text, to take some vivacious notice of any criticisms on þe last treatise I had undertaken for þe Early English Text Society; but so long a time has elapsed since "Hali Meidenhad" appeared, þat þe public interest in attack and defense, lunge and parry, must have long since died away. Whatever I say, þerefore, must be sobered down into temperance and calm; must be simply þe result of þe toil of þe student and translator.

My critics made some easy and cheap fun out of þ and ð: none of þem seemed to have any distinct notions on þe subject. I have lately, elsewhere, stated facts; þat þe earliest MSS. favour þe ð, and use it in combinations of all kinds, employing it, wiþ few exceptions, all ðrough a volume, and seeming to forget þ almost entirely: later writings use þ more by far þan þe oþer form. Much learning arises in reviews out of moþer wit; to supply þe void of known truð, a certain inborn ðeory is developed; and because Mr. Novice ðinks þe Saxons ought to have made a difference, between þorn in ðick, and þorn in þæt, he holds opinion þat þey did. Þen some bold assertor tells us þat all deviations from his doctrine are corruptions of þe Norman scribes, as if Frenchmen had written for King Ælfred. Now I hold þat in our modern times it is very difficult to separate þe sounds, þe utterance in some instances is distinctly discernible, but in oþers þe two change places easily. It is to be concluded þat, using þe characters indifferently, þe English writers held þe sounds to be identical.

An Edinburgh reviewer, a known writer, finds what he considers a mistranslation on page 36 of "Hali Meidenhad." "Þe hound at þe hide" is, to his ears, not sense. When a householder kills a sheep or ox, þe hide is valuable eiþer foruse or sale; it stinks; it is þerefore ðrown over þe palings, or over a pole outside þe house: a hungry dog, a lean dirty dog, ranging about, smells flesh, or guts, or blood, or hide, and coming, pulls at, and drags þe reserved skin: and þat does it no good; broomsticks and stones drive away þe ruffian. "But," says he, "Hude is a well-known word in Anglo-Saxon, signifying Hearth." Some trace of Hude as Heorð may be found at p. 223 of þe folio edition of þe "Laws and Institutes," but þe intervention of a friend and þe courtesy of þe reviewer himself have made me aware that it is þe Scottish usage which makes þe word "well known," and þat þis sense is recorded by Jamieson, as any may see.

Anoþer gentleman of dialectic fame writes about Steap: and þe greater part of his remarks may be summed up by observing þe Latin Altus, high or deep; similarly we might understand steap. He quotes Percy Folio, vol. i. p. 467: Heere in this ground deepe is a water strong and steepe.Such a river seems to me to run at a steep gradient, or a fall of one foot in four: and so to deserve þe epiðet "strong." And I find I have noted two additional places out of "Salomon and Saturn," line 570, Se steapa gim, þe bright gem, and line 827, where þis word is applied to fire.

Neverþeless I will not conceal from þe reader, whose edification is þe main point, þat a new and unexpected signification has come before me: þe passage quoted in St. Marharete, p. 108, from Hom. I. 456, is a translation from þe Latin publisht in Acta Sanctorum, Aug. 25 (not 24), and Steape eagan represents Oculi grandes. And here I must leave þis word.

Under þe word Ranged in þe glossary of þe Cleveland Dialect some remark about Rondin is made.

On p. 4, St. Marharete, last line, Makelese, it is suggested, should be interpreted Matchless: and to þat I submit.

From want of subscribers enough to þe Early English Text Society, þis Juliana has taken so long to appear in type þat somewant of cohesion has crept into my association of ideas about it. Þe text on þe left page has been edited by Mr. Brock, from whose views I have taken one or two suggestions. To þe word Maumez I demur: it should come into type, I believe, as Maumets, but a Zed is on þe MS. Þat Zed I read as TS, or oþerwise, I hold þe MS. Z to be like Zeta, a double letter such as it is in Italian, and to be a contraction for TS, and not well exprest by a modern Zed. In þe Domesday Book occurs a Cozet explained by nobody: now if we take Zed as TS, Cotset is easy enough to understand, and a suitable interpretation may be assigned it, even when occurring in company wiþ Cotarii.

It gives me some pain to say, þat I believe þe story of St. Margaret is convicted of forgery by þe indulgences which in þe earliest MSS. conclude þe piece. One would not rudely tear a doll from a childs arms, denouncing it as a waxwork sham; but readers of Old English are probably rid of early sentiment, and prepared to look Truð in þe face. Þe name of Juliana has never been so popular in England as þat of St. Margaret: her story may be read in þe Acta Sanctorum, Feb. 16, and in þe Codex Exoniensis in alliterative verse, wanting some leaves. She is a fabulous personage.

Mr. Mortons opinion þat þe Ancren Riwle, and, by way of corollary, my suggestion þat "Hali Meidenhad" & þe early lives of St. Margaret, Juliana & Caðerine were written by bishop R. le Poor, grows more acceptable þe more I consider it. Some account of þe nunnery at Tarent is given in þe New Monasticon (Vol. V., 619):—"Though Ralf de Kahaines was the original founder, bishop Poor, who became bishop of Salisbury in 1217, was þe principal one, and has sometimes had þe foundation exclusively ascribed to him;" say the editors. Herbert le Poor, bp. of Sarum, died 6 Feb., 1217, and was succeeded by Richard le Poor, translated from Chichester; died 15 April, 1237. Who so likely to interest himself? What call could an ordinary priest have to recommend an unwelcome rule of hard self denial to noble ladies? What influence, if hehad intruded himself upon þeir consciences? Even in þese days, when very commonplace mediocre scholars often arrive at þe upper steps of þe prelatic stairs, a bishops name has weight wiþ fashionable ladies.

The auðor of þese little tracts exhibits a fair amount of learning: þe illustration about þe jacinct & þe carbuncle comes from þe dialogues of St. Gregorius; St. Cyrillus Hiersolymitanus (Catech. xii. p. 106), and St. Iohannes Chrysostomos (vol. i. p. 94 ult., p. 122, 31 ed. Savile), so far countenance þe doctrine þat sin led to commerce of man wiþ woman, as þat þey teach þat Adam knew not Eve, his wife, till after their expulsion from Paradise. Þis opinion was founded on þe circumstance þat þe text (Gen. iv. 1) follows þe account of þe expulsion: and doubtless, as still prevalent, was opposed in verse by Milton. It would sunder þe Creator of þe universe from þe Deity to be worshipped, if it had any real support in our Scriptures, but such considerations are even now sometimes excluded in ðeological tenets, and were of no avail in þe ðirteenð century. Þe doctrine þat an eternal reward of a hundredfold is reserved to virginity, of sixtyfold to widowhood after one marriage, of ðirtyfold to þe married, is compactly þus stated by Augustinus, as matter of discussion; "Sive virginalis vita in centeno fructu sit, in sexageno vidualis, in triceno autem coniugalis" (de S. Virginitate xlvi.).

We recognize, þerefore, in our writer for þe nuns of Tarent Kaines, a scholar competently instructed in þe history and writers of his profession; one who would be kindly heard, when he spoke, by þose whom he wished to persuade; and one whose eyes were turned to Tarent: and he will be bp. R. le Poor.

"From Lelands words þat Tarent nunry of late stode about Crayford bridge over Stowre ryvar, lower þan Blanford, it is inferred þat þe demolition of þe buildings of þis house took place at an early period after þe Dissolution. All traces of its buildings have long disappeared."

Its records are not in any public collection.

JULIANA. JULIANA. [Royal MS. 17 A. xxvii]. Her cumſeð þe uie of seinte iuliane. ant telleð of lifladeliffade hire.

IN ure lauerdes luue þe is feader of frumſchaft. ant on his deorewurðe ſunes nome. ant o þes haligaſtes. þat glideð of ham baðen. alle lewede men. þat underſtonden ne mahen latines ledene. liðin. & luſtnin ane meidenes liflade. þat is of latin iturnd into engliſch. þat te lif hali lefdi. in heouene luuie us þe mare. ant of þis lihinde lif: leade us wið hire erndunge.þe is icoren of criſt into þe eche of heouene.

Þeoſ meiden. ant tis martir. wes iuliane inempnet. in nichomedes burh. & of heðene cun icumen. ant hire fleſchliche feder wes affrican ihaten. of þe heðene meſt þeo þat criſtene weren: derfliche droh ham to deaðe. ah heo as þeo þat te heouenlich feder luuede. leafde al hire aldrene lahen. & bigon to luuien þene liuiende lauerd þe lufſum godd. þat wiſſeð ant weldeð al þat is on worlde: & al þat iwraht is. Þa wes biþon time as redegunge telleð. Maximian þe modi keiſer ine rome heinde ant heriende heðene mawmez. wið unmeð muchel hird & unduhti duheðe. & fordemde alle þeo: þe on drihtin bilefden. þes Maximian luuede an heh mon of cunne ant eke riche of rente elewſius wes ihaten. ant weren as feolahes þurh muche freontſchipe. þis meidenes feder & he. weren ſwiðe wel togederes. as he ſumchere iſehhire utnume feir. ant freoliche. he felde him iwundet. þat wið uten lechnunge of hire libben he ne mahte. Affrican wiſte wel þat he weſ freo boren. & þat him walde bicumen a freo boren burde. ant ȝettede him his dohter. & wes ſone ihondſald al hire unwilles. ah heo truſte on him þat ne trukeneð namon: þat truſteð treowliche on him. ant euch deis dei eode to chirche to leornen godes lare. ȝeornliche to witen hu ha mahte beſt witen hire unweommet. & hire meiðhad wiðuten man of monne. Elewſius þe luuede hire longe hit him þuhte. þat tis dede nere idon. þat heo ibroht were þurh wedlac to bedde. ah as ha wende hire ſummeſ weis to witene. ſende him to ſeggen. þat nalde ha lihten ſwa lahe ne nehlechen him for nan liuiende mon. er þen he were under Maximian heheſt in rome þat is heh reue. Sone ſo he iherde þis. he bi-ȝet et te keiſer þat he ȝettede himAltered from hem. reue to beonne as þat he iȝirnd hefde. ant he as me þa luuede. lette leaden him into ture. & te riche riden in. & tuhen him ȝont te tun: from ſtrete to ſtrete. ant al þe tur wes bitild. þat he wes in. wið purpre wið pal. & wið ciclatunMS. ciclatur.. & deorewurðe claðes. as þe þat heh þing hefde to heden. ant þa he hefde þis idon: he ſende hire to ſeggen. þat he hefde hire wil iwraht. & heo ſchulde his wurchen.

IUliane þe edie ihesu criſteſ leouemon of his bliſfule luue balde hire ſeoluen. ſende him to onſwere. bi an of hire ſonden. Elewſiuſ wite þu hit wel ireadi. wraðði ſo þu wraðði. no lengre nulich hit heolen þe. ȝef þu wult leauen þe lahen þat tu liſt in. ant leuen in godd feder. & in his deorewurðe ſune. & iþe hali gaſt. ichulle wel neomen þe. ȝef þu nult no: þu art wundi of me. & oðer luue ſech þe. Þa þe reue iherde þis: he wreððede him ſwiðe. & hire feder cleopede. ant feng on to tellen him. hu his dohter droh him from deie to deie. ant efter þat he wende to habben his iwil ſo ha him þis word ſulliche ſende. Bi þat ilke godd quoð hire feder þat me is lað to gremien beo hit ſoð þat tu ſeiſt to wraðer heale ſeide ha hit. ant nu ichulle o great grome al biteachen hire þe. to wurchen þi wil. & al þat te wel likeð as mit tin ahne. & me cleopede hire forð biuoren hire feder. & he feng feire to fondin his dohter Mi deorewurðe dohter hwer fore uorſakeſtu þi ſy. ant ti ſelhðe. þe weolen ant te wunnen þat walden awakenin ant waxen of þi wedlac. þat ich þe to reade. for he iſ inoh lauerd elewſius ine rome. & tu maht beon leafdi dohter ȝef þu wel wult. Iuliane þe eadie onſwerede him & ſeide aſ þeo þat ine godd hire hope hefde. ȝef he wule leuen an god al mihti. þenne mei he ſpeoken þrof & inohraðe ſpeden. ant ȝef þat he nule nawt. ne ſchal wiuen on me. wiue þer hiſ wil is. þa hire feder iherde þis: þa feng he to ſwerien. Bi mi kinewurðe lauerd apollo. ant bi mi deore leafdi diane. þat ich muche luuie. ȝef þu haldeſt heron. ichulle leoten deor to teoren ant to luken þe. & ȝeouen þi fleſch: toA hole in the MS. fuheles of þe lufte. Iuliane him onſwerede & ſofteliche ſeide. ne wen þu nawiht leoue feder. þat tu affeare me ſwa. for ihesu criſt godes ſune þat ich on leue & luuie as lauerd lufſumeſt on liue. þah ich beo forbernd. & to loken limel. nulich heronont buhen þe nawiht Þa feng eft hire federon wið olhnunge to fondin ȝef he mahte eiſweis wenden hire heorte. & ſeide hire lufſumliche. þat ne ſchulde ha nane wunne lihtliche wilnin: þat he ne ſchulde welden. wið þat ha walde hire þonc wenden Nai quoð þat meiden ſchuldich don me to him þat is alle deoulen bitaht. & to eche deð idemet. to furwurðen wið him world abuten ende. for hiſ wedlakeſ weole oðer for eni wunne. for ſoð ich hit ſegge unwurð iſ hit me. ichulle þat he hit wite wel. ant tueke mid him þat ich am iweddet to an þat ichulle treowliche to halden ant wið uten leſ luuien. þe iſ unlich him. & alle worldlich men. ne nullich him nowðer leauen. ne lihen for weole ne for wunne. for wa. ne for wunne þet ȝe mahen don me. þa feng hire feder te wreððen ſwiðe ferlich & ſwiðe hokerliche freinede. Me hwet iſ he þes were þat tu art to iweddet. þat tu haueſt wið uten me þine luue ilenetA hole in the MS. for hwam þu leteſt lutel of þat tu ſchuldeſt luuien. ne ich neuer þat ich wite neſ wið him icnawen. For gode quoð þet meiden þin harm iſ þe mare nawt forþi þet tu naueſt ofte iherd of him ȝare. þat iſ ieſu godes ſune. þe forto leſen moncun þat forloren ſchulden beon: lette hiſ deorwurðe lif on rode. ne ich ne ſeh him neuer þat me ſare forþuncheð. ah ichim luuie ant leue aſ on lauerde. ne ſehal me firſin him from: nowðer deouel ne mon. For mi lif quoð hire feder þe ſchal laðin hiſ luue for þu ſchalt beon ibeaten. mid beſmes ſwa bittre þat tu wummon were ſchal to wraðerMS. wraðel. heale iwurðen. Swa muche quoð ha ich iwurðe him þe leouere: So ich derure þing for hiſ luue drehe. þat ti wil iſ: wurch nu. & he het hatterliche ſtrupen hire ſteortnaket. & beten hire ſwa luðere þat hire leofliche lich: liðeri al oblode. & ſwa ha duden ſo luðere þat te blod ȝet adun of þe ȝerden. & heo bigon to ȝeien. Beaten ſo ȝe beaten ȝe beliales budeleſ. ne mahe ȝe nowðer mi luue ne min bileaue lutlen toward him mi lufſum leof mi leowinde lauerd ne nullich leauen ower read þat forreadeð ow ſeoluen. ne ower mix mawmexSo in MS. þat beoð þeſ feondeſ fetleſ heien ne herien. for teone ne for tintreow þat ȝe mahen timbrin. Na quoð he iſ hit ſwa hit ſchalſalch MS. ſutelin ſone. for ichulle biteachen miſlich þi bodi to elewſium þe riche reue irome ant he ſchal forſwelten ant forreden þe efter eſ wille wið alleſ cunneſ pinen. ȝe quoð þiſ meiden þat mei crist welden. for ne mahe ȝe nawt don me bute hwet he wule þeauien ow to muchelin mi mede & te murðe þat lið to meiðhadeſ menſke for euer ſo ȝe mare merrið me her: ſo mi crune bið brihtre & fehere. for ichulle bliðeliche drehen euereuch derf for mi deore lauerdes luue. ant ſofte me bið euch derf hwen ich him ſerui þah þu me to elewſium willes biteache: ne ȝeue ich for inc nowðer. þat ȝe me mahen harmen. for ſo ȝe mare me her harmeð. ſo mare ȝe me helpeð ſeoueuald to heouene. & ȝef ȝe me doð to deaðe hit bið me deorewurðe ant ich ſchal þer þurh bliðe bicumen into endeleſe bliſſen ant ȝe ſchulen wrecches áwei ower wurðes þat ȝe iboren weren ſinken to wraðer heale ow to þe bale bitter deope into helle. Hire feder affrican þurh þiſ bittre teone bitahte hire to elewſium þe luðere reue. ant he lette bringen hire biuoren him to hiſ heh ſeotel aſ he ſet in dome aſ reue of þe burhe aſ he biheold ant iſeh hire leofliche leor lilies iliche & rudi aſ þe roſe & hire leofliche ſchape.̉ He ſikede aſ þing þat ſare were iwundet hiſ mod feng to heaten ant hiſ meari to melten ant wiðinnen bernde of þe heate of hire luue ſwa þat him þuhte þat he ne bede na mare bliſſe in þiſſe liue bute hire bodi ane to wurchen hiſ wille ant feng on toward hire ſweteliche to ſeggen. Mi lif ant mi leouemon. mi lefdi ȝef þu wel wult biþench þat in rome richeſt am ant iboren heheſt hwi deſtu uſ ba ſo wa: þurh þi muchele unwit & wurchest ſo wraðe nulli þe na mare uuel þen þi ſeolf waldeſt ah leof me were þat tu þi luðere þonc lefdeſt. & te wel ſchulde wið alle wunne iwurðen. & neauer of þi wil ne ſchal þe nawt wontin. ant loke alſwa þe lahen aſ al þat cun þat tu art of icumen. & akennet of: leueð ant luuieð hwi leaueſtu ham þe ane. & wurðeð þe ſo laðe. ne wen þu nawt þe ane wið þi wiſdom to ouerſtihen ham alle.

LEt quoð ha elewſi ant ſtew ſwucche wordeſ for ne beoð ha riht nohteſ. for ȝef þu cneowe ant were cuð wið þe king þat iſ ouer alle kingeſ icrunet in heouene lutel waldeſtu leoten of ower laheleſe lahen þet leareð ow to luten dedliche ſchaften aſ ȝe ſchulden to'ſchulden to ſchulden to.' godd ant gremieð ower ſchuppent for þe cwike deoulen doð ham þrin on hwet ȝe bileueð ant hwen ſo ȝe herieð ham: ȝe herieð þen unhwiht ant buheð aſ to healent ant he wule ower hwile bitterliche ȝelden. For ne wergeð he neauer to wurchen ow al þat wandreðe world á buten ende. Do þat tu don wult for nullich þe nan oðer don bute ȝef þu liðe ant leue min lare ant luuie godd al mihti ant leaue alle þe lahen þat tu liſt inne.

ME leof quoð elewſiuſ ȝef me ſwa biluuede hit were ſone iſeid þe keiſer ant ikudd to þe kinge. & he me walde warpen ut of mine wike ant demen me to deaðe. ant heo him onſwerede. ȝef þu dredeſt ſo muchel an dedlich mon þe liueð al aȝein law ant leueð al hiſ luue in lifleſe ſchaften: on hiſ ſchuppent ſcheome. & art offruht ſwa to leoſen hiſ freontschipe. ſchuldich þenne forſaken ihesu criſt godes ſune þe iſ ort ant ende of al. þat euer god iſ. þe wule hefter þiſ lif. þat ich lete lutel of. for hiſ lufſum luue leue wið him ſeolf þe ſy ant þe ſelhðe of heouenriches wunnen. ſpeche þu maht ſpillen ant ne ſpeden nawiht þah þu me buſte ant beate aſ þat iſ bitaht te. & to derue pine don me ant te dreori deð. ne schaltu þah þu famon flea me: ne ſchaltu ſeon me þe ſonre ſlakien to leuen ant te luuien godd alre gume lauerd. þe reue rudnede ant ogrome grede. ſtrupeð hire ſteort naket. & ſtrecheð hire on þe eorðe ant ſix men beateð hire hwil ha mahten drehen. þat ha al weſ bigan mite blode & hwil ha hire beoten ha bigonne to ȝeien: þiſ iſ þe biginnunge of þe ſar ant te ſcheome þat tu ſchalt drehen: bute þu to vſ beie. ȝet tu maht ȝef þu wult burhen þe seoluen. ant ȝef þu mare wiðſeiſt: wa wurðe him wurſt þat te meſt ſparie. wondreðe to donne. Doð quoð ha deaðeſ ſuneſ al þat te deouel hwaſ driueleſ ȝe beoð driueð ow to donne. lutel iſ me of ower luue. laſſe of ower wraðe þat wite ȝe to wiſſe. Nu cweðen heo wa him þenne þe ne wurche þe meſt wa. þer wes ſorhe te ſeon hire leoflich lich faren ſo reowliche wið. & þuldeliche heo hit þolede for þe luue of drihtin ant hwen ha meſt ſar hefde ſikerlukeſt ha ȝeide. halden on longe ne leaue ȝe neuer. for nullich leauen þiſ luue for luue. ne for eie.

Þe reue þa he herde þiſ het hire hon up ant hongin biþe toppe. ant ſwa me dude ſone. & leiden ſwa luðerliche on hire on euch half. þat euch dunt defde into hire liche þat ha al biȝet on gure blode. Lauerd godd almihti quoð heo þa. loke to þi meiden. þu fondedeſt abraham ant fundeſt him treowe þu lef me þat ich mote þe treowliche luuien. hald me min healent aſ þu haueſt bigunnen. for nabich na mahte bute of þi ſtrencðe. ant on þe itruſte nawt ome ſeoluen ant ſwuch hope ich habbe to þin help healent þat her ich habbe bihaten þe þat ne ſchal neauer mi luue ne min bileaue lutlin for na derf ne for nan wondreðe. ne for dute of deaðe þah ich hit ſchulde drehen. þa elewſiuſ iſeh þiſ þat ha þuſ feng on to feſtnen hire ſeoluen þohte þat he walde anan don hire ut of dahene & bed ſwiðe bringen hire brune of wallinde breaſ ant healden on hire heauet þat hit urne endelong hire leofliche bodi dun to þe helen ant ſwa me dude ſone. ah hire hende healent wiſte hire unweommet. elewſiuſ warð wod ut of hiſ witte. ant nuſte hwet ſeggen & het ſwiðe don hire ut of hiſ ehſihðe. & dreihen hire into darc huſ & priſuneſ pine. ant he duden sone. Heo aſ ha þrinne weſ in þeoſterneſſe hire ane feng te cleopien to criſt ant bidden þeoſ bone.

LAuerd godd al mihti. mi murhðe ant mi mede mi ſy ant mi ſelhðe þu iſiſt hu ich am biſtaðet ant biſtonden feſtne mi bileaue ſteor me ant ſtreng me. for al mi ſtrencðe is uppon þe. mi feder. & mi moder for ich nulle forſaken þe: habbeð forſaken me & al mi neſt falde cun me heaneð þet ſchulden mine freond beon: beoð me meſt feondes ant mine hinen me beoð meſt heanen ah habbich þin aneſ help ich am wil cweme ne leaf þu me neuer liuiende lauerd as þu wiſteſt daniel bimong þe wode leunſ ant te þreo children ananie zacharie miſael inempnet. biwiſteſt unweommet from þe ferliche fur of þe furneiſe ſwa þu wite ant witen me to witen me from ſunne. lauerd þurh þiſ leaſe lif: lead me to leſtinde to þe hauene of heale aſ þu leddeſt iſraeleſ folc þurh þe reade ſea buten ſchip druifot ant hare fan ſenchteſt þat ham efter ſohten afal þu mine famen ant to drif drihtin þen deouel þat me derueð. for ne mei na mon wið uten þi ſtrencðe ſtonden him aȝeines lef me þat ich mote iſeon him ȝetſchent: þat weneð me to ſchrenchen ant ſchunchen of þe weie: þat leadeð to eche lif. wite me from hiſ lað ant wið hiſ crefti crokes. wite me wið mine unwines þat tu beo euer iheret ant iheiet in heouene ant in eorðe beo þu áá ibleſcet aſ þu were ant art. ant euer ſchalt beon in eche bliſſe. amen.

Þa ha hefde ibeden þuſ. com a kempe of helle in englene heowe ant feng on to motin wið þiſ edie meiden. Iuliane þe edie mi leof. þu haueſt for mi luue muchel idrohen ant idrehen ant haueſt for mi luue. feorliche fan þat te wið fehteð þat ogrome greieð þe alles cuneſ pinen. ne mei ich hit þolien þat ha þuſ merren þe na mare þu haueſt inoh min freontſchipe of-ſeruet. me areoweð þi read ah hercne me nuðen. wurch elewſiuſes wil. for ich ȝeue þe leue. þiſ meiden weſ awundret ſwiðe ant þah feng to freinen þuſ cweðinde. hwet hwiht art tu þat ſwuch word me bringeſt. ich am quoð þat unwiht godeſ heh engel. for to ſeggen þe þiſ iſend from þe heouene. Heo awundrede ſwiðe ant tah aſ þeo þet nes nawt of lihte bileaue on heh wið hire heorte ſtille bute ſtefne þuſ to criſte cleopede

IEſu quoð ha godeſ ſune þu art þi feder wiſdom wiſſe me nuðen hwet me beo to donne ant do me to underſtonden ȝef þiſ iſ þi ſonde þat me þiſ ſeið. þa com þer ſofte a ſtefne ſihinde from þe heouene ſihinde ant þuſ cweðinde. Iuliane þe edie ibleſcet beo þe time þat tu iboren were. nule nawt þi leouemon þolien na þe leſ þing lihen þe longe. hit iſ þe ſtronge deouel þat ſtont ter biforen þe ga neor ant nim him ant bind him hetefeſte godd al mihti ȝeueð þe gode leue ant þe mahte hit forte donne & tu ſchalt him leaden efter þat te likeð ant he ſchal unþonc in his teð cuðen þe þat tu wilneſt. þiſ eadie meiden aſ heo weſ iwiſſet of þen engel leop to ant lahte him ant ſeide. Swiðe ſei me hwet art þu ant hweonne ant hwa þe hider ſende ant he wende heowes & warð ſwuch aſ he her wes unwiht of helle. lefdi quoð he lef me ant ich þe wule ſeggen. Swiðe quoð ha ſei me for ich for ichulle þe leowſin ant leauen hwen me þuncheð. Deore lefdi quoð he þa ich am þe deouel belial deoflene wureſt ant meſt iſ awariet. for wel niſ me neuer bute hwen ich makie moncun wurchen to wundre. ich weorp adam ant eue of paraiſes prude. ant þene acurſede kaym to acwellen abel hiſ broðer. ant te þreo children þat icoren weren beon iduſt in þe fur of þe ofne. ant ich makede nabugodonoſor þe king of caldey makien þe mawmez igoten of golde. ant ich makede þen wittie yſaye beon iſahet þurh ant þurh to deaðe. & ich makede tenden ieruſalem ant driuen hit to duſte þet deore godeſ temple. ant ich makede iſraheleſ folc to leuen iþat wilderneſſe þen lauerd þat heom aleſde: ant igotene godes to heien ant te herien. ant ich þe þat refde þen riche iob his ahte. & wrahte ſo muche wondreðe. ant ich am þat weſ ſum hwile þurh þe wiſe ſalomon feſte bitunet. & ich am þe makede ſein iuhan hefdeſ bicoruen. ant ſeinte ſtefne mid ſtaneſ iſtenet. & ich am þe þet ſpec þurh ſymoneſ muð þe wicche. þet weorrede euer aȝein peter ant pawel ant ich redde nerrun: þe riche keiſer of rome to bihefden pawel ant don peter on rode ant ich makede þat te cniht þurlede criſteſ ſide mit te ſpere ſcharpe. þah ich þe talde al dei ne mahte ich þe tellen þe wundreſ þat ich iwraht habbe ant meſt monne bone ibeon of alle mine breðren Do ſei me quod þat meiden hwa ſende þe to me ant iſ meiſter ouer þe. lefdi quod he béélzebub þe alde þurſ of helle. ant wet were iſ þat he meſt wurcheð. lefdi ȝef þi wil iſ he ifindeð al uuel ant bi þencheð al. ant ſend us þenne hwider ſo him þuncheð. & hwa ſe wel ne ſpet nawt hwen he ſent us to wrenchen eni rihtwiſe ut of þe weie ant we ne mahen þet don: þenne darie we. & ne durren neuer cumen biuoren him & he hatterliche hat þeo. þat habbeð iwraht efter hiſ wille þat hwer ſo ha uſ findeð: beaten uſ ant binden. & mare wa don uſ þen euer eni mon mahte þolien. For þi we moten lefdi: buhen to ure leowunde lauerd ant wurchen hiſ wille.

SEI me ȝet witerluker quod ha hwucheſ weiſ ȝe wurcheð ant bicherreð godes children. Lefdi quod he iuliane? þe ifont ant habbe ifulet me to wraðer-heale. ich wende to habben ilead þe into þin aldrene lahen ant makien þe to leauen þe luue of þi lauerd. ant feng to fondin þe ant ich am afallet. Hwer ſo euer eni mon god wule biginnen we makieð him to þenchen þonckes þer to ȝeineſ ant wenden hare heorte toward oþer willes þat wulleð ham harmen. ant makien ham to leoſen forto bidden ȝeorne þat godd binime ham þene wil þat we ham in warpeð. & heo unſtrengeð þerwið ant we ſtrengeð on ham. & ouerſtiheð ham er ha leſt wenen. & ȝef ha gað to chirche to bireowſen hare ſunnen. & liðeliche luſtnin hali writen lare: þer we beoð biſilukeſt ant þer mare þen elles hwer. to letten ham & wrenchen hare þonckes toward oðer unnute þingeſ. ah þeo ilke þat beoð ſtalewurðe ha underſtondeð ham ant warpeð mid ſtrencðe ut of hare heorte hare unwreſte wil þat ich in ham warpe & ȝeornliche ȝeieð efter godes grace to helpe. ant þenne meſt hwen þe preoſt inwið þe meſſe noteð godes licome þet he nom on þe laſteleſe meiden þer iſ riht bileaue ant inward bone ant ſwa icweme to godd: þet þenne biginne we to fleonne ant turneð to þe lufte ant þiſ iſ al þat we doð te deruen criſtene men ant eggin to þen uuele.

ME ȝe ateliche wihteſ quoð þiſ meiden hu durre ȝe neomen ow to criſteſ icorne. Me ſeli meiden hu derſtu nu hondlin me ant halden me ſwa hardeliche. bute for þi þat tu art truſti on þi lauerd. ant ich truſte on minne aſ þu deſt oþinne. ant mi lauerdeſ wil ich wurche þat iſ meiſter ouer mixſchipe ouer al þer imei. ant ȝef ich mahte mare ich walde beon þe fenre. ah nat ich hwet me makede her forte ſechen. bute mi muchel unſeli ſið ſohte þe te ſeonne wumme þat ſihðe ſariliche ſit hit me ne ſet me neuer naþing ſwa luðere ne ſwa ſwere. wei hwi nefdich iwiſt hwuch weane me weſ toward. ne mi kinewurðe lauerd me ne cuðe nawt cuðen. þer of þulli wa iſ of foſter. for let me nu lefdi ant ichulle bileauen þe ant folhen an oðer. oðer ichulle forwreien to mi meinfule feder ah ichulle warnen þe biforen: niſ hit nawt þe biheue.

O quod ha þreateſtu me nu wrecche. þe ſchal iwurðen godd hit wat godes þe wurſe ant grap a great raketehe þat heo wes mide ibunden ant bond to hiſ ruge ba twa hiſ honden þat him eoc euch neil & blakede of þe blode ant hef him up ant duſte him adun ruglunge ant ſtod up on þe ſteorneMS. steorue. & nom hire ahne bondeſ & bigon to beaten þen belial of helle. ant he to rarin reowliche ant te ȝuren ant te ȝeien. & heo leide ſwa luðerliche þat wa weſ him onliue.

AMi lefdi lef me iuliane euening wið apoſtel patriarchen ilich. ant leof wið þe martirs englene ifere ant arcanglene freond friðe me ane hwile ich halſi þe ogodes half. & on hiſ ſune rode. þat we ſo muchel dredeð. & oþe pine ant te deð þat he droh for mon milce ant merce wummon haue of mi wrechedom. Stew þe ſtorne of helle quoð þe edie meiden niſ na merci wið þe for þi ne aheſtu nan habben. ah ſei me ſwiðe mare of þe wa þat tu haueſt mid woh iwraht monne. lefdi lef me ant hald þine edie honden ich habbe i-blend men ant ibroken ham þe ſchonken & te ſchuldren baðen. ifur iwarpen ant iwater. ant hare ahne blake blod to ſpitten ant te ſpeowen ant te an to fleon þat oðer ant hongin him ſeoluen. Me þu witti wummon hu wultu þat ich endi þe tale þat waxeð áá aſ ich hit telle. ſo feole ich habbe ifulet of þeo þat neren nawt ibleſcet aſ wel aſe ham bihouede. þat ne mahte hit na mon rikenin ne tellen. of al þat uuel iþe world hwet wultu wurſe ich am an of þe ſprunges.̉ þat hit meſt of ſpringeð. ant neuer ear þen nu neſ ich þuſ ihondlet. O? þu mihti. oþu meiðhad hu þu art iwepnet to weorren awei.̉ aȝein us. ȝet tu wurcheſt uſ wurſt aſ þu euer dudeſt. of alle þat uſ wa doð ah we ſchulen ſechen efter wrake on alle þat we biwiteð þat ne ſchulen ha beon ſker of ure weorre. we wulleð meidnes áá mare henen ant hatien. ant þah an etſterte uſ.̉ tene ſchulen etſtunten. O? ihesu godeſ ſune þat haueſt iſet in heh ſeotel meidenes mihte hire to muchele menſke.̉ wa wurcheſtu uſ þer wið. ant al to wel þu witeſt ham þat treowlich habbeð hire in heorte to halden ȝef ha milde ant meoke beoð ah aſ meiden ah te beonne. wið þat.̉ þe unwiht ȝurde þat monie weren awundret hwet te ȝuring mahte beon.

ÞA het þe reue ſwiðe bringen biuoren him ȝef ha þe ȝet liuede ant heo forð ant funden hire. ant of þat griſliche.̉ ſwiðe agriſen weren ledden hire þah forð ant heo lec efter hire þen ladliche of helle holhninde ȝeorne. Mi lefdi iuliane ne make þu me nawt men to huting ant to hokere. for inoh wa me iſ. þah þu ne do me na mare. Mi feder ich habbe iloren þat neuer mare heonne forð.̉ ne dar ich cumen biuoren him. lefdi quoð he lef me ogodeſ half ich halſi þe. ne beoð criſtene men ȝef hit ſoð iſ þat me ſeið merciable ant milzful ant tu art buten reowðe haue merci of me for þi lauerdes luue þi lufſume leofmon lefdi ich þe bidde Ant heo leac him efter hire endelong þe cheping chepmenne huting. ant heo leiden him to ſumme wið ſtan ſumme wið ban. & ſletten him wið hundeſ ant leiden to wið honden aſ he wes imaket þuſ armeſt alre þinge. & iberde aſ ful wiht.̉ þat ter fluhen monie. ſwa þat te edie meiden wergede ſum hwet ant reat him mitte raketehe unrudeliche ſwiðe & warp him forð efter þet from hire into a put of fulðe. Com baldeliche forð biuoren þene reue aſ he ſet on hiſ dom ſeotel. hire nebſcheft ſehininde al aſ ſchene aſ þe ſunne þe reue aſ he ſeh þiſ þuhte muche wunder ant bigon to ſeggen. Iuliane þe edie ſei me ant beo ſoð cnawes hwer weren þe itaht þine wichecrefteſ þat tu ne telleſt na tale of naneſ cunneſ tintreo ne ne dredeſt na deð ne nane cwkeSo in MS. deoulen.

HER me heðene hund quod þe edie meiden ich heie ant herie godd feder ant hiſ ſulliche ſune ieſu criſt hatte & te hali gaſt. godd aſ þe oðer þreo ant nawt þreo godes ah iſ an euer ihwer untwemet. he þe kingene king helle bule haueð ouercumen te dei belial baldeſt of helle. & þi ſire ſathan þat tu leueſt uppon ant for feder haldeſt ant aſ on lauerd leueſt ant hiſ heste forðeſt ant wel bicumeð to donne ant ſemeð to beon ſwuch ſtreon.̉ of aſwuch ſtrunðe ant euer beo acurſet colt of ſwuch cunde. ah þe mihti godd þat ich á munne he ſende me mihte & mein from þe heouene me forto helpen ant him forto herien. ant þe forte ſchenden ant tu þat ſchucke art.̉ ſchucken herien ant heien. weilawei.̉ as þu were iboren wrecche owraðer time. þat ti ſawle & þi ſari gaſt ſchal wið þe ſchucke pleiferen pleien in helle. Reue areow þe ſeoluen unſeli mon biſih þe hei godd ant her me. criſt iſ ſo milzful þat he walde bliðeliche alle monne heale. ah hwa ſe obote nule gan.̉ ne ſchal he beon iborhen. ȝe quod he haldeſtu ȝet uppon þi gencling. weneſtu þat we beon ſo eð to biwihelen ah we ſchulen nu iſeon hu þe ſchulen ſutelen þine wichecrefteſ. & witen þe ant werien. & lette owode wiſe a ſwiðe wunderfule hweol meten ant makien & þurh ſpiten hit al ſpaken ant uelien & þreuald þicke mid irnene gadien. kene te keoruen al þat ha rineð to aſ neil cniueſ. þat axtreo ſtod iſtraht on twa half in te twa ſtanene poſtles. þat hit aſ hit turnde ne ouer teoc nowðer abuuen ne bineoðen to þer eorðe. griſen him mahen þet ſehen hu hit grond in hwet ſo hit rahte ant me brohte hire forð aſ belialeſ budel het ant bunden hire þerto harde & hetefeſte. ant dude on eiðer half fore of hiſ cnihteſ. forte turnen þat hweol on þe edie meiden. wið hondlen imaket þron ſo ſwiðe aſ ha mahten. þe reue het on liue ant oleomen ſwingen hit ſwiftliche abuten ant tidliche turnen. & heo aſ þe feond ſputte ham te don hit. duden hit unſparlichMS. unswarlich.. þat ha bigon te breoken al aſ þat iſtelet irn.̉ to limede hire ant te leac lið ba ant lire. burſten hire baneſ & þat meari weol ut.̉ imenget wið blode. þer ha mahten ſar iſeon alle þat ter ſeten & abuten weren.

AS ha ȝeide to godd ant walde aȝeuen hire gaſt into hiſ honden ſo þer lihtinde com an engel of heouene. & reat to þat hweol. ſwa þat hit al to refde & burſten hire bondes & breken alle clane ant heo aſ fichſ al aſ þah ha nefde hurtes nowher ifelet. feng þuſ to þonken godd wið honden upaheuene.

DRihtin undedlich an godd al mihti al oðer unilich heouene wruhte ant eorðeſ ant alle iwrahe þingeſ þe ich þoncki to dei alle þine deden. þu makedeſt mon of lame. ant ȝeue liuiende gaſt ilich to þe ſeoluen & ſetteſt for hiſ ſake al þat iſ on eorðe. ah he for gulte him anan þurh eggunge of eue & weſ iput ut ſone of paraiſeſ prude & weox ſwa hiſ team þat ne mahte hit namon tellen. ant ſunegede ſwa ſwiðe þat tu hit forſenchteſt al in noeſ flode. buten ahte þat tu friðedeſt. þu chure ſoððen iþe alde lahe abráám. iſahac. & iacob. & hiſ children ȝeue to ioſep þe weſ ȝungeſt hap in pharaoneſ halle. longe þrefter þu leddeſt moyſen þurh þat tu muche luuedeſt buten brugge ant bat þurh þe reade ſea ant hiſ cunreden & feddeſtam fowrti ȝer iþe wildernesse wið heouenlich fode & wurpe under hare fet hare fan alle & brohteſt into þat lond þet tu ham bihete. þer weſ bi ſamueleſ dei ſaul þe forme king kempene keneſt. in an weorre þer he weſ þu dudeſt in þenlutle dauið þe ſelhe þat he ſloh him wið a ſtan to deaðe. þene ſtronge gulie ant reddeſt him to rixlen in ſawmueleſ riche þuſ þu makeſt milde alle þeo muchele þat makeð ham meoke ant þeo þet heieð ham her leiſt ham ſwiðe lahe. þer efter þa þe þuhte iþoncket beo hit þe. lihteſt hider of heouenlich leomen & nome blod & ban iþe mere meiden ant were in bethlehem iboren moncun to heale ant to þe hirden ſchawdeſte.̉ þat te engel to þe tahten ant of þe þreo kingeſ were kinewurðliche iwurget. weoxe ant wrahteſt wundreſ. ah her þu were ioffret & wið lake aleſet ant iflum iurdan of ſein iuhan ifulhet. þu heldeſt al unheale ant deade of deaðe. alaſt aſ þe biluuede. þu leteſt an of þe tweolue þat tu icoren hefdeſt chepin þe ant ſullen. ant þoledeſt pinen ant paſſiun þurh giweſ read on rode. deideſt & were idon dead in þruh of ſtane ant ſtepe adun & ſtrupteſtMS. spruptest. helle. ariſe ant þin ariſte cuddeſt þine icorne & ſtihe abuuen þe ſteorren to þe heſte heouene ant cumeſt king odomeſ dei. to demen cwike & deade. þu art hope of heale. ant þu art rihtwiſe weole. & ſunfule ſalue. þu art an þat al maht ant nult nawt bute riht. ibleſcet beo þu euer. þe ah euer euch þing to herien ant to heien. & ich do deore drihtin. þin an meiden þat am. & luuie to leouemon liuiende lauerd. þu haueſt for me ſwa muche iwraht wiðuten min ofſeruinge. beo nu bliſful godd wið me. & were me wið þeſ deoules driueleſ. ant wið alle hiſ crefteſ. þu wurch ſwuche wundreſ for me & for þi deorewurðe nome þat te reue rudni. & ſheomie wið hiſ ſchucke ant tu beo iwurget áá wiðuten ende aſ þu art wurðe from worlde into worlde amen.

Wið þiſ þat ha ſtutte ſtoden þe cwelleres ant ȝeiden lude ſtefne. Mihti lauerd iſ þe þat iuliane on leueð. ne nis nan godd buten he we beoð wel icnawen. Reue uſ reoweð þat ſið þat we ſo longe habbeð ileuet þine reades. & wenden alle aneſ weiſ abuten fif hundret þe ſtoden ant ȝeiden alle in ane ſtefne. luuewurðe wummon we wendeð alle to him þat tu on truſteſt. Forloren beo þu reue wið falſe bileaue. & ibleſcet beo iheſu criſt mid alle hiſ icorne do þu dedlich on uſ al þat tu don maht. Reue make uſ ananriht miſliche pinen. tend fur. & feche hweol & greiðe hwet ſo þu conſt grimliche biþenchen. forðe al þi feder wil þeſ feondeſ of helle. to longe he heold uſ aſ he halt te ȝet. ah we ſchulen heonne uorð halden to ieſu godeſ ſune moncun aleſent Swa þe reue gromede þat he griſpatede aȝein þet wod he walde iwurðen. ant ſende o wode wiſe to maximien þe heh keiſer in rome herof hwet he redde. ant he het euchan hefdes bikeoruen ant he lette ſwa don fif hundret bi tale of weopmen & of wummen an hundret ant þritti. euchan biuoren oðer forte beon hefdeſ bicoruen ant ferden alle martirſ feire to criſte. Elewſiuſ lette hiſ men makien a muche fur ant bed binden hire baðe fet ant honden ant caſten hire into þe brune þer forto bernen. aſ ha biſeh uppard. ant ſeh þene ley leiten. ha lokede to heouene wið honden up aheuene ant þuſ to criſte cleopede wið inwarde bone.

Mildheortfule godd milce þi meiden ne leaf þu me neauer nu in þiſ neode ah mit ti ſofte grace ſalue mine ſunnen. Ieſu mi ſelhðe ne warp þu me neauer ut of þin ehſihðe. bihald me ant help me ant of þiſſe reade leye ref me arude me þat þeoſ unſelie ne þurue nawt ſeggen. þi lauerd þet tu luueſt ant ſchulde þi ſcheld beon hwer iſ he nu meiden. Nefde ha buten iſeid ſwa þat an engel ne com briht aſ þah he bernde ant iþat ferliche fur amidden riht lihte ant hit cwenchte anan euer euch ſperke. ant heo ſtod unweommet heriende hire hehe healent wið lude ſtefne.

ÞE reue ſeh hit acwenct ant bigon te cwakien ſwa grimliche him gromede ant ſet þat balefule beaſt as an burſt bar. þat grunde hiſ tuſkeſ. ant feng on to femin ant te griſpatien o þiſ meoke meiden. ant þohte on hwucche wiſe he mahte hire awelden ant lette fecchen a feat. & wið pich hit fullen ant heaten hit walm hat. ant het warpen hire þrin hwen hit wodelukeſt weolle. aſ me dude hire þrin.̉ ha cleopede to drihtin ant hit colede anan ant warð hire aſ wunſum. aſ euer eni wlech weter. þat were iwlaht te baðien. ant leop wallinde hat up aȝein þeo ilke þat hit hefden iȝarket. ant for ſcaldede of ham ſeoluen fifti ant tene. ant fordude fifti al italde. þa þe reue iſeh þiſ.̉ he rende hiſ claðes ant toc him ſeoluen bi þe top. & feng to fiten hiſ mawmez & laſten hiſ lauerd. Swiðe quoð he ut of min ehſihðe. þat ich ne ſeo hire na mare er þe bodi wið þe buc beo iſundret from hire heauet.

SOne aſ ha þiſ iherde ha herede godd in heouene. & warð ſwiðe gled. For þet heo iwilnet hefde me ledde hire. & hleac forð ant heo weſ eð-luke aſ ha ſtutte oþe stude þer ha ſchulde deð drehen. þa com þe ilke belial of helle. þat ha hefde ibeaten hire bihinden. ant gon to ȝeien. a.̉ ſtalewurðe men ne ſparie ȝe nawiht. ha haueð uſ alle ſcheome idon. ſchendeð hire nuðen ant ȝeldeð hire ȝarewborh ne ſtudgi ȝe neauer. Iuliane þe edie openede hire ehnen ant lokede toward him. ant te bali blenchte. & braid him aȝeinward aſ an iſchoten arewe. wumme þat ich libbe quoð he þa ich beo nunan ilaht ant ȝef ha keccheð me nu.̉ ne findi neauer leche. igripe ha me eneſ.̉ ne ga i neauer eft mare. ant leac him aȝeinward aſ a beore.̉ þet unwiht. ne mahte him nawt letten. aſ ha ſchulde ſtupen ant ſtrecchen forð þe ſwire ha bed firſt ant feng on þuſ to learen þeo þet þer weren ant þus ſeide

Lvſteð me leoue men ant lideð ane hwile biwepeð. & bireowſeð ower ſunnen. & laſſeð wið ſoð ſchrift. & wið dedbote. leaueð ower unlahen. & buldeð ower boldeſ uppon treowe ſtaðele þat ne dredeð na wind ne na weder nowðer. lokeð þat te heouenlich lauerd beo grundwal of al þat ȝe wurcheð. for þat ſtont ſtudelfaſt falle. cleopeð ȝeorne to godd in hali chirche þat he ȝeoue ow wit wel forte donne ant ſtrenge ow wið hiſ ſtrencðe aȝein þen ſtronge unwiht. þat ſeleð euer & áá ow forte ſwolhen. luſteð writen lare ant luuieð þrefter. wel iſ him þat wakeð wel in þiſ lutle hwile & witeð wel him ſeoluen. aut heorteliche ſikeð ofte for hiſ ſunnen. þiſ world weint awei aſ weter þat eorneð ant aſ imet ſweuen aſwindeð hire murhðen ant al niſ buten a leſ wind þat we liuieð. leaueð þe leaſe ant luuieð þe ſoðe. for we ſchulen leten þiſ liſ nute we neauer hwenne ant reope we of þat ripe ſed þat we ſeowen ſwiðe ich biſeche ow þat ȝe bidden for me.̉ breðren ant ſuſtren & cuſte ham a coſ of peſ alle aſ ha ſtoden ant biheold uppard ant hehede hire ſtefne.

Lauerd godd al mihti þu luueſt treowe bileaue ne lef þu to þin ifan þin ilicneſſe. ah underfeng me toþe. & do me in þin englene hird wið meidneſ imeane. ich aȝeoue to þe mi gaſt drihtin. & wið þat ilke beide & def duuelunge dun to þer eorðe ſone bihefdet. ant þe edie engleſ wið hire ſawle ſinginde ſihen toward heouene. ſoððen ſone þerefter com a ſeli wummon ſophie inempnet. bi nicomedeſ burh o rade toward rome. of heh cun akennet & nom þiſ meideneſ bodi. & ber hit in a bat biwunden deorliche in deorewurðe claðeſ. aſ ha weren in wettre com a ſteorm & draf ham to londe into campaine. & þer lette ſophie from þe ſea a mile ſetten a chirche & don hire bodi þrin in ſtanene þruh hehliche aſ hit deh alhen to donne. þe reueþa he herde þiſ.̉ bigon te rowen efter forte reauen hit ham.̉ & iþe [ſea] ſenchte. for þer ariſen ſtormeſ ſtarcke & ſtronge & breken þe ſchipeſ bord. adrenchten on hare þrittuðeſum an þerto eke fowre. ant warp ham adriuen to þe londe. þer aſ wilde deor limel to luken ham & te unſeli ſawlen ſuncken into helle.

Þvſ þat edie meiden wende þurh pinen to heouenliche wunnen in þe nomecuðe burh nicomede hatte oþe ſixtenðe dei of feouereleſ moneð. þe fortende kalende of mearch þat cumeð efter. heo uſ erndi to godd þe grace of him ſeoluen. þet rixleð in þreohad. & þah iſ an untweamet iheret ant iheiet wurðe he him ane aſ he is wurðe ant euer ah te beonne world abuten ende.

AMEN. JULIANA. [Bodl. MS. 34]. J Þe feadereſ & i þe ſuneſ & i þe hali gaſteſ Nome. Her Biginneð þe liffade. ant te paſſiun of ſeinte Juliene.

IN ure lauerdeſ luue þe feader iſ of frumſcheft. ant iþe deore wurðmunt of hiſ deorewurðe ſune. & iþe heiunge of þe hali gaſt. þe of ham ba glideð. an godd unagin euch godeſ ful. Alle leawede men. þe underſtonden ne mahen latineſ ledene. lideð & luſteð þe liflade of a meiden. þat iſ of latin iturnd: to engliſche leode. wið þon þat teoſ hali leafdi. in heouene luuie uſ þe mare. & þurh þiſ lihnide lif. leade uſ to þat eche. þurh hire eadi erndunge. þat criſt iſ ſwiðe icweme.

Þeoſ meiden & teoſ martyr þat ich of munne; weſ Juliene inempnet. i Nichomedeſe burh. Al of heaðene cun icumen & akennet. & hire fleſhliche feader affrican hehte. þe heande & heaſcede meſt men þe weren criſtene. & droh ham þurh derue pinen to deaðe. Ah heo aſ þeo þat te hehe heouenliche lauerd hefde hiſ luue ileuet, leafde hire ealdrene lahen & bigon to luuien þen aa liuiende goð þe lufſume lauerd. þat ſchupte alle ſchafteſſcheafteſ & wealdeð & wiſſeð efter þet hiſ wil iſ. al þat iſcheapen is.

Wes iþon time aſ þe redunge telleð. þe modi Maximien keiſer irome. heriende. & heiende heaðene maumez. wið unimeað muchel hird. & wið heh duheðe. & fordemde alle þeo þe o drihtin bilefden. Þeſ mihti maximien luuede an eleuſium biuoren monie of hiſ men. Akennet of heh cun. & ſwiðe riche of rente. & ȝunge mon of ȝereſ. þes ȝunge mon eleuſius. þat þus weſ wel wið þe king. hefde inune feolahſchipe to affrican. & weſ iwunet ofte to cumen wið him to hiſ in. & iſeon hiſ dohter.

As he hefde en chere bihalden swiðe ȝeorne hire utnumne feire. & freoliche ȝuheðe; felde him iwundet in wið in hiſ heorte wið þe flan þe of luue fleoð. ſwa þat him þuhte þet ne mahte he naneſ weiſ wið ute þe lechnunge of hire luue libben. Ant efter lutle ſtounde wið ute long ſteuene. weſ him ſeolf ſonde to Affrican hire feader. & biſohte him ȝeorne þat he hire ȝeue him. & he hire walde menſkin wið al þat he mahte. Aſ þe þing i þe world þat he meaſt luuede. Affrican wiſte þat he weſ ſwiðe freo iboren. Ant walde wel bicumen him a freo iboren burde. & ȝetede him hiſ bone. Ha weſ him ſone ihondſald þah hit hire unwil were. AH ha truſte upon him þat ne truked na mon. ha trewliche him truſte on. & eode to chirche euche daheðeſ dei. to leornin godeſ lare. biddinde ȝeorne wið reowfule reameſ. þat he wiſſede hire o hwuche wiſe ha mahte witen hire meiðhað from moneſ man vnwemmet.

Elewſiuſ þat luuede hire þuhte swiðe longe þat ha neren to brudlac & to bed ibrohte. ah heo forte werien hire wið him ſumme hwile: ſende him to ſeggen. þat nalde ha nawt lihten ſe lahe to luuien. Ne nalde ha neolechin him for na liuiende mon. ear þen he were under Maximien. heheſt i Rome. þat iſ heh reue. He aſe timliche aſ he hefde iherd þiſ. biȝetedbiȝet ed te Keiſer þet he ȝette him al þat he walde. & lette aſ me luuede þa leaden him i cure up o fowr hweoleſ. & teon him ȝeon te tun þron from ſtrete to ſtrete. Al þe cure ouertild þat he weſ itohen on: wið purpreſ & pelleſ. wið ciclatunſ & cendalſ & deorewurðe claðeſ. As þe þat ſe heh þing hefde to heden. ant ſe riche refſchipe to rihten & to readen. þa he hefde þuſ idon. ſende hire þus to ſeggen hire wil he hefde iwraht. Nu hiſ ha ſchulde wurchen. Juliene þe eadie ihesu criſteſ leofmon of hiſ bliſfule luue balde hire ſeoluen, & ſende him al openliche bi ſonde to ſeggen. þis word ha ſend te for nawt þu haueſt iſwechte. wreaðe ſe þu wreaðe. Do þat tu do wult nule ich ne ne mei ich lengre heolen hit te ȝef þu wult leauen. þe lahen þet tu liueſt in ant leuen i godd feader. & in hiſ deorwurðe sune. & i þe hali gaſt folkene froure. an godd þat iſ igret wið eucheſ cunneſ gode: Ich chule wel neome þe. & ȝef þat tu nult no: þu art windi of me: & oðer luue ſech þe. Þa þe hehe reue iherde þiſ ondſwere: bigon to wreðen ſwiðe: & cleopede hire feder forð. & feng on to tellen. hwuch word ha ſende him. Efter þat he wende forte habben idon al þat he wilnede. Affrican hire feader wundrede him ſwiðe. & bigon to swerien. bi þe ilke godeſ þat me iſ lað to gremien. beo hit ſoð þat tu ſeiiſt: to wraðer heale. ha ſehð hit. ant ich wulle o great grome al biteachen hire þe: & tu do hire. al þat tu wult. He þonkede him. & heo weſ icleopet forð. & Affrican hire feader feng on earſt feire on; to lokin ȝef he mahte wið eani luue speden. Juliene quoð he mi deorewurðe dohter. ſei me hwi þu forſakeſt. þi ſy & ti ſelhðe: þe weolen & te wunnen. þe walden awakenen. & waxen of þe wedlac þat ich reade þe to: hit niſ nan eðelich þing. þe refſchipe of rome. ant tu maht ȝef þu wult. beon burhene leafdi. & of alle þe londeſ þe þerto liggeð. Juliene þe eadie ontſwerede him & ſeide. From MS. R.aſ þeo þat ine godd hire hope hefde.ȝef he wule luuien. & leuen godd. al mihti; þenne mei he ſpeokenFrom MS. R. þrof. & ſpeden inoh reaðe. for ȝef he þat nule no; ich ſegge þe þat ſoð iſ. ne ſchal he wiuen on me. Sei nu hwet ti wil is. affrican wreaðede & ſwor swiðe deopliche. for þe drihtfule godd apollo mi lauerd. & mi deore leafdi þe deorewurðe diane þat ich muche luuie. ȝef þu haldeſt her on; ich ſchal leote wilde deor to luken & to teore þe & ȝeoue þi fleſch fode to fuheleſ of þe lufte. Juliene him ondſwerede. & ſofteliche ſeide. Ne lef þu nawt leoue feader þat tu offeare me ſwa; ich ſwerie aȝein. þe ihesu criſt godeſ ſune. þat ich on leue. & luuie aſ leoflukeſt. & lufſumeſt lauerd. þat ich cwic beo forbearnd baðe lim & lið ileitinde leie. Nulle ich þe her onont þreaté ſe þu þreate buhe ne beien.

Affrican feng efteſt on. & to fondin ongon ȝef he mahte eaniſ weiſ olhnunge wenden hire heorte: & leoftede luueliche. & ſeide hire ſikerliche. Þat ne ſchulde ha lihtliche wilni na wunne; þat ha ne ſchulde wealden. wið þerean þat ha walde hire wil wenden. Nai quoð ha þat niſ nawt. ſchulde ich do me to him. þat alle deoflen iſ bitaht. & to eche deað fordemet. to forwurðe wið him worlt buten ende iþe putte of helle: for hiſ wedlackeſ weole oðer for ei wunne. To ſoðe ich hit ſegge þe. Vnwurð hit iſ me. Ich chulle þat he wite hit ful wel. & tu eke mid al; ich am to an iweddet þat ich chulle treowliche wiðute leaſ luuien. þat iſ unlich him & alle worltliche men. ne nulle ich neauer mare him lihen ne leauen. for weole ne for wunne. for wa ne for wontreaðe þat ȝe me mahen wurchen.

Hire feader feng on to wreaððin ſwiðe ferliche & eaſkede hire hokerliche. Ant hwet iſ he þeſ were þat tu art to iweddet. þat tu haueſt wið ute me ſe forð þi luue ileuet. þat tu leteſt lutel. of al þat tu ſchuldeſt luuien. Ne ich neſ neauer þat ich wite ȝet. wið him icnawen. for gode quoð þe meiden þin hearm iſ þe mare. Nawt for þi þat tu naueſt iherd of him ȝare. Þat iſ ihesu godeſ ſune. þat forte aleſen moncun þat ſchulde beon forloren al; lette lif o rode. Ich ne ſeh him neauer & þat me of þuncheð. Ah ich him luuie & wulle don. & leue on aſ o lauerd. Ne ſchal me firſen him from. Nowðer deouel ne mon. for mi lif quoð hire feader þe ſchal laðin hiſ luue. for þu ſchalt habbe þrof hearm & ſcheome baðe & nu þu ſchalt on alre earſt. aſ on ernesse ſwa beon ibeaten wið bittere beſmen. þat tu were wummon of wummone bosum to wraðerheale eauer iboren iþe worlde.

Swa muche quoð þat meiden ich beo him þe leouere. ſe ich derfre þing for hiſ luue drehe. wurchA word is erased in the Bodl. MS. þu þat ti wil iſ. Ȝe quoð he bliðeliche. ant swiðe heatterliche. ſtrupen hire ſteort naket. & leggeð ſe luðerlicheFol. 41 is wrongly numbered, or Fol. 40 is wanting. on hire leofliche lich: þat& hit liðeri o blode. Me nom hire & dude ſwa þat hit ȝeat adun of þe ȝerden. ant heo bigon to ȝeien. Beaten ſe ȝe beaten ȝe belialeſ budeleſ. ne mahe ȝe nowðer mi luue ne mi bileaue lutlin towart te liuiende godd mi leofsume leofmon. þe luuewurðe lauerd. ne nulle ich leuen ower read þe forreadeð ow ſeolf. ne þe mix maumez þe beoð þeſ feondeſ fetleſ; heien ne herien. for teone ne for tintreohe þat ȝe me mahe timbrin. Na nult tu quoð affrican. hit ſchal ſone ſutelin. for ich chulle ſende þe nu & biteache þi bodi to eleuſium þe riche þat reue if ouer rome. ant he ſchal þe forreaden. & makie to forſwelten. aſ hiſ ahne wil iſ þurh al þet eauer ſar is.

Ȝe quoð þiſ meiden þat mei godd welden. ne mahe ȝe nawt do me bute þet he wule þeauien & þolien ow to donne to mucli mi mede & te murhðe þat lið to meiðhadeſ menſke. for eauer ſe ȝe nu her mearreð me mare: ſe mi crune ſchal beon brihttre ba & fehere. for þi ich chulle bliðeliche & wið bliðe heorte drehen eauer euch derf. for mi leofmoneſ luue þe lufſume lauerd & ſofte me bið euch ſar in hif ſeruiſe. þu wult þu ſeiſt aȝeoue me to eleuſium þe luðere. a ȝef me for nawiht ne ȝeoue ich for inc nowðer. Þet ȝe mahen ane pine me here. Ah hit ne hearmeð me nawt ah helpeð & heueð up & makeð mine murhðeſ monifalde in heouene. ant ȝef ȝe doð me to deað. hit bið deore to godd. & ich ſchal bliðe bicumen to endeleſe bliſſen. ant ȝe ſchulen wreccheſ wei ower wurðeſ. þat ȝe weren i þe worlt iboren & i broht forð se wraðer heale ȝe ſchule ſinken adun to ſar & to eche ſorhe. to bitterneſſe ant to bale deope into helle.

Affrican hire feader bitterliche iteonet bitahtte hire eleuſium þe luðere reue of rome & lette bringen hire biuoren hiſ ehſihðe. aſ he ſet & demde. þe hehe burh domeſ. Aſ he biſeh & biheold hire luffume leor lilieſ ilicneſſe & rudi aſe roſe. & under hire nebſcheft al ſe freoliche iſchapet; weorp a ſic aſ a wiht þat ſare were iwundet. Hiſ heorte feng to heaten & hiſ meari mealten þe rawen rahten of luue þurh euch lið. of hiſ limeſ. & inwið bearnde of brune ſwa & cwakede aſ of calde. þet him þuhte in heſ þonc. þet ne bede he iþe worlt naneſ cunneſ bliſſe. bute hire bodi ane. to wealden hire wið wil efter þat he walde. & bigon wið ſwotneſſe ſoffte to ſeggen.

Mi lif & mi leofmon. & leafdi ȝef þu wel wult aſe A leaf, 42, is here wanting. A leaf, 42, is here wanting. tu for na schahlt þe sonre seo me ſlakien to luuien ant to leuen oþen liuiende godd alre gume lauerd.

Þe reue feng to rudnin igrome of great heorte. & het hiſ heaðene men ſtrupin hire ſteort naket. & ſtrecchen oþer eorðe. & hwil þat eauer ſix men mahten idrehen beaten hire beare bodi; þat ha al were bigoten of þe blode. Ha duden al aſ he bed. & hwil þat ha beoten hire; bigunnen to ȝeien. Þiſ iſ a biginnunge of þe ſar þat tu ſchalt; & of þe ſcheome drehen: ȝef þu nult to ure wil buhen & beien. Ah ȝet þu maht ȝef þu wult burhe þe ſeolfen. ant ȝef þu mare wiðſeiſt; alre monne wurðe him wurſt of wa & of wontreaðe þe ne wurche þe meaſt.

Doð quoð ha deofleſ limen al þat te deoflen hwaſ driueleſ ȝe beoð driueð ow to donne. lutel me iſ of ower luue. leaſſe of ower laððe. & of þeſ þreateſ riht noht; wite ȝe hit to wiſſe. Nu cweden ha. wa him þe ne fondi to dei for te wurche þe wurſt. Þer weſ ſorhe to ſeon on hire freoliche fleſch hu ha ferden þer wið. Ah heo hit al þuldeliche þolede for drihtin. & hwen ha felde meaſt ſar; ſikerlukeſt ſeide. Haldeð longe ne leaue ȝe neauer. for nulle ich leauen hiſ luue. þat ich on leue. ne for luue. nowðer ne for luðer eie.

Eleuſiuſ iherde þiſ. & feng hiſ neb to rudnin ant tendrin ut of teone. & hehte swiðe neomen hire & teon biþe top up; & ſwa me dude ſone. ſwa þat ha hongede feor from þer eorðe. bi þe uaxane. & leiden þa ſe luðerliche on hire on euch halue; þat euch dunt defde in hire leofliche lich þe ȝet of þe ȝerden al o gure blode. lauerd godd almihti quoð ha loke to þi meiden. þu fondedeſt abraham. & fundeſt him treowe. lef me þat ich mote. þe treowliche luuien. Halt me healent min ihesu criſt godeſ ſune aſ þu haueſt bigunnen. for nam ich ſtrong of na þing buten of þi ſtrengðe. & o þe itruſte al; & nawt o me ſeoluen. ant her ich bihate þe. ſwuch hope ich habbe to þin help. milde godd al mihti. ne ſchal neauer mi luue. ne mi bileaue towart te lutlin ne lihen. for na derf ne for na deað; þat ich ſchule drehen.

Þa eleuſius ſeh þat ha þus feng on to feſtnin hire ſeoluen iſoðe bileaue; þohte he walde don hire anan ut of dahene: & bed biliue bringen forð brune wallinde breſ. & healden hit ſe wal Fol. 45, wrongly numbered.hat hehe up on hire heaued. þat hit urne enddelong hire leofliche lich adun to hire healen. Me dude al aſ he het. Ah þe worldeſ wealdent þat wiſte ſein iuhan hiſ ewanigeliſte unhurt iþe ueat of wallinde eoli þer he weſ idon in. þat aſe hal com up þrof; aſ he weſ hal meiden. þe ilke liueſ lauerd. wiſte him unwemmet. hiſ brud of þe breſ þat weſ wallinde. ſwa þat ne þuhte hit hire buten aſe wlech weater al þat ha felde. Eleuſiuſ wod þa nuſte hwet ſegen. Ah hehte swiðe don hire ut of hiſ ehſihðe. & dreaien in to dorc huſ to priſuneſ pine ant swa ha weſ idon ſone.

Heo aſ ha þrinne weſ i þeoſterneſſe hire ane. feng to cleopien to criſt & bidde þeoſ bone. lauerd godd almihti mi murhðe & mi mede. mi ſy & al þe ſelhðe. þat ich efter ſeche þu ſiſt al hu ich am biſteaðet & biſtonden. feſtne mi bileaue. Riht me & read me. for al mi truſt iſ on þe. Steor me & ſtreng me for al mi ſtrengðe iſ of þe. mi feader & mi moder for þi þat ich nule þe forſaken; habbe forſake me. & al mi neſtfalde cun. þat ſchulde beo me beſt freond; beoð me meaſt feondeſ. & mine inhinen; alre meaſt hearmen. herewurðe healent. habbe ich þin aneſ help. ich am wilcweme ne forleaf þu me nawt luuiende lauerd. aſ þu biwiſteſt daniel bimong þe wode liunſ ilatet ſe luðere. & te þreo children þe chearre nalden from þe lahen þat ha ſchulden luuien. Ananie & Aȝarie & Miſahel inempnet. Al þu al wealdent biwiſteſt ham unwemmet. wid þat ferliche fur i þe furneiſe. ſwa þu wunne of þe worlt wite me & were & witere. & wiſſe þurh þi wiſdom to wite me wið ſunne. lauerd liueſ lattow. lead me þurh þiſ leaſe. þis lutle leaſtinde lif; to þe hauene of heale. Aſ þu leaddeſt iſraeleſ leode of egipte bute ſchip dru fot þurh þe reade ſea. & aſenchteſt hare uan þe ferden ham efter. & tu folkeſ feader. aual mine vamen. & tu drihtin to drif þe deouel þat me derueð. for ne mei na monneſ ſtrengðe wiðuten þin ſtonden him to ȝeineſ. lefMS. leſ me þat ich mote mihti meinfule godd iſeon him iſcheomet ȝet þe weneð me to ſchrenchen. & ſchunchen of þe nearowe wei þat leadeð to eche lif. loke me from hiſ lað liuiende lauerð. Make me war & wite me wið hiſ crefti crokeſ. þat ha me ne crechen. were me ſwa wið þen vnwiue. helpleſeſ heale. Þat tu beo iheiet & iheret eaure in eorðe. aſ in heouene. Fol. 47, misnumbered, should be 46.Beo þu aa ibleſcet lauerd aſ þu were ant art & ſchalt beon in eche.

As ha þeoſ bone hefde ibeden; com akempe of helle on englene heowe. & feng on to motin þus wið hiſ meiden. Juliene mi leofmon þu haueſt for mi luue muchel idrohen & idrahen þu haueſt feorliche fan þat te fehteð aȝein. ha greiðið þe o grome nu alleſ cunnes pinen. ne mei ich þolien. þat ha þuſ mearren þe na mare. þu art inoh ifondet & tu haueſt mi freondſchipe inoh ſwiðe ofſeruet. me areoweð þi ſar. Ah hercne nuðe mi read. wurch eleuſiuſ wil. for ich þe ȝeoue leaue.

Þeſ meiden weſ awundret ſwiðe of þeſ wordeſ. & aſ ha weſ offearet; feng on to freinin. Hwet wiht quoð ha art tu. þat þulli word me bringeſt. Ich hit am quoð þe unwiht. godeſ heh engel. forte ſegge þe þis iſent te from heouene. Ha wundrede hire ſwiðe. & aſ þeo þe neſ nawt of lihte bileaue. ſtille bute ſteauene on heh in hire heorte cleopede to criſte.

IHesu quoð ha godeſ ſune þat art þi feader wiſdom wiſſe me þi wummon hwet me beo to donne. & ȝef þi deore wil iſ do me to underſtonden. þat þe þat þiſ ſeið me ȝef he beo þi ſonde. & com ſihinde adun ſofteMS. fofte. from heouene. aſteuene þat ſeide. Juliene. þe eadie ibleſcet beo þe time. þat tu ibore were. nule nawt þi leofmon þolie na leas þing ta lihe þe longe. Hit iſ þe ſtronge vnwiht þe ſtont ter of helle. Ga nu neor & nim him. & wið þe bondeſ þat ter beoð bind him heteueſte. Godd al mihti ȝeueð þe mahte for te don hit. & tu ſchalt leaden him al effter þat te likeð. & he ſchal al telle þe vnþonc in hiſ teð þat tu wilneſt to witen. & kenne þe & cuðen al þat tu eaſkeſt.þiſ eadi meiden aſ ha weſ iwiſſet þurh þen engel; leop to & ilahte him. & ſeide. ſei me ſwiðe. hwet tu beo & hweonene. & hwa þe hider ſende. ant he wið þat ilke feng to hwenden heoweſ. ant warð ſwuch aſ he weſ vnhwiht of helle. leafdi quoð he leaf me. & ich chulle ſeggen. Do ſwiðe ſei me for ich chulle lowſe þe & leten hwen me þuncheð.

Deore leafdi. quoð he þa ich hit am þe deouel belial of alle unwreſte unwhihteſ þe wurſte & meaſt awariet. for niſ me neauer wel ne neſ; bute hwen ich makede moncun to wurche to wundre. Ich hit am. þat weorp ut adam & eue; of paraiſe selhðe. & ich hit am þat makede caym þe acurſede acwalde hiſ broðer abel. ant ich hit am þat makede nabugodonoſor. þe kene king of caldey makien þe maumez igoten al of golde. ant ich hit am þat makede þat te þreo children icoren ouer þe oþre; weren iduſt to fordon iþet ferliche fur of þe muchele ouen. ant ich hit am þat makede þen muchele witti witege yſaie. beon iſahet þurh & þurh to deaðe.ant ich hit am þat makede to ontenden ierusalem. & godeſ deore temple to driuen al to duſte. ant ich hit am þat makede. & readde iſraeleſ folc to leauen iþe wilderneſſe. þe lauerd þat aleſde ham of pharaoneſ þeowdom. & makeden ham godeſ igotene. to heien & to herien. ant ich hit am þe reafde þe riche Job hiſ ahte. ſwa þat he weolewede of wontreðe iþe mixne. ant ich hit am þat ſum chearre weſ þurh þe wiſe Salomon et halden. ant ich hit am þet makede ſein iuhan þe baptiſte beon heafdeſ bicoruen; & ſeinte ſtephene iſteanet. ant ich hit am þat ſpec þurh ſimuneſ muð. þe wicche. þe weorrede eauer aȝein peter & pawel. ant ich hit am þe readde nerun þe riche keiſer of rome to don o rode peter. & to biheafdin pawel. ant ich makede þe cniht to þurlin godeſ ſide wið ſcharpe ſpereſ ord. Þah ich talde al dei; ȝet ich mahte tellen. for ma wundreſ ich habbe iwraht; þene ich mahte munien. & ma monne bone ibeon; þen ei of mine breðrenMS. brreðren..

Do ſei me quoð þe meiðen. hwa ſende þe to me: ant hwa iſ meiſter ouer þe. leafdi quoð hebelzeebub. þe balde þurſ of helle. Hwet iſ quoð ha his werc. & hwet wurcheð he meſt; leafdi ȝef þi wil iſ. he ifint euch uuel & biþencheð hit al. & ſendeð uſ þenne þider as him þuncheð. & hwen we nawt ne ſpedeð ne ne mahen wrenchen ſum rihtwiſ of þe weie; we dearieð & ne durren nohwer cume biuoren him. & he heterliche hat þeo þat habbeð iwraht efter hiſ wille. Hwer ſe ha uſ ifinden. beaten uſ. & binden & don uſ mare wa on; þen ei mon mahte þolien. for þi we moten leafdi buhen ſwiðe. & beien to ure luuewrðe feader. & wurchen alle hiſ willes.

Sei quoð ha witerluker ȝet. hu ȝe wurchen & o hwuche wiſe ȝe bichearreð godeſ children. leafdi quoð he Juliene þe ich font. & habbe ifolhet me to wraðer heale; Ich wende iwiſ to leade þe into þine ealdrene lahen. & makie to leauen þe luue of þi lauerd. ant feng on to fondin þe. ah ich am aueallet. Ich chulle kenne þe nu al þat tu eaſkeſt Hwer ſe we eauer iſeoð mon oðer wummon eani god biginnen; we wepnið uſ aȝein ham. & makieð iſwiken al þat beſt mahte wenden hare heorte ant we makien ham to þenchen þohteſ þer toȝeineſ. & wendeð to oðer willeſ þat ham wulleð hearmin. & makieð ham forte leoſe luſt. forte bidde ȝeorne þat godd bineome ham þe wil: þat we in ham warpeð & unſtrengið þer wið. & we ſtrenged þer wið on ham al earMS. car. ha leſt wenen. & ȝef we ſeoð ham ȝeornliche ſechen to chirche. & ter ſwiðe bi ham ſeolf bireowſin hare ſunnen. & leofliche luſtnin hali chirche lare. Þer we beoð ȝetten biſiliche ham abuten. & mare þer þen elleſ hwer to letten ham ȝef we mahen. & wrenchen hare þonkeſ towart unnette þingeſ. Ah hwucche ſe beoð ſe ſtealewurðe; þat ha underſtonden ham & warpeð ut wið ſtrengðe; ut of hare heorte. unwreaſte willeſ þat ich ham in warpe. & ȝeornliche ȝeiȝeð efter godeſ grace to help & to heale. & þenne meaſt hwen þe preoſt in wið þe meſſe noteð godeſ licome þat he nom of þat laðleſe meiden; þer iſ riht bileaue. & inwardliche bonen ſwa icweme to godd. þat i þat ilke time we biginneð to fleon & turneð to fluhte þis iſ al þat we doð i cristemen & eggið eauer to vuele.

Me ȝe eateliche wihteſ quoð, þat eadi wummon. hu durre ȝe eauer neomen ow to criſteſ icorene; me ſei me ſeli meiden quoð he. hu derſt tu halde me & hondlin ſe heterliche bute þuh þat tu art truſti o þi lauerd. & ich do aſ þu deſt truſte o mi lauerd þat iſ meiſter of alle mixſchipeſ & wurche hiſ wil ouer al aſe forð aſ imei. & ȝef ich mahte forðre ich walde beo þe feinre. ah nat i hwet vnſelisið makede me her to ſechen. bute mi muchele unſelhðe ſohte þe to ſeonne. wumme aa þat ſihðe ſe ſariliche hit ſit me. ne ſet me neauer na þing ſe luðere ne ſe ſare. wei hwi nefde ich iwiſt. hwuch weane me weſ towart. Ne mi kinewurðe feader ne cuðe nawt warnin of þulli wa his foſter. forlet me mi leafdi & ich chulle al bileaue þe. & folhin an oþer. oþer ich chulle forwreie þe to meinfule feader. Ah wel ich warni þe uore. hit niſ nawt þin biheue. O quoð ha Juliene ihesu criſteſ leofmon þreateſ tu me wrecche; þe ſchal iwurðen godd hit wat godeſ þe wurſe. & grap a great raketehe þat ha weſ wið ibunden. & bondbihinden hiſ rug ba twa hiſ honden. þat him wrong euch neil & blakede of þe blode. & duſte him ruglunge adun riht to þer eorðe. & ſtondinde o þe ſteorue nom hire ahne bondeſ & bigon to beaten þen belial of helle. & he to rarin reowliche. to ȝuren ant to ȝein. & heo leide on ſe luðerliche þet wa weſ him o liue.

O mi leafdi Juliene quoð he. þuMS. þå euening wið apoſtel. patriarchen ilich. & leof wið alle martyrſ. englene feolahe: & archanlene freonð friðeane hwhile ich halſi þe o godeſ half. & on hiſ ſune rode. þat we ſe muchel ðredeð. & o þe pine & o þe deað. þat he droh for moncun milce haue & merci wummon of mi wrecchedom.

Stew þe ſteorue of helle. quoð þat eadie meiden, merci nan niſ wið þe. for þi ne aheſt tu nan milce to ifinden. Ah ſei me ſwiðe. mare of þe wa þat tu haueſt & of woh iwraht mon. leafdi leaf þe hwile. & hald þine eadi honden. Ich habbe iblend men & ibroken ham þe ſchuldren. & te ſehonken. i fur iwarpen ham & i water. & hare ahne blod ich habbe ofte imaket ham to ſpitten & to ſpeowen. & te an to sclein þen oþer. & ahon him ſeoluen. Me witti wummon. hu wult tu þat ich endi þe. þe tale þe waxeð aa aſ ich telle. Se feole ich habbe i-fulet of þeo þe neren ibleſcet nawt ſe wel aſ ham bihofde; þat ne mahte hit na mon rikenin ne reden. of al þat uuel iþe world. hwet wult tu wurſe. ich am of þe ſprungeſ. þe an þat hit meaſt of ſpringeð. ne neauer adet tiſ dei neſ ich þus ihondlet. O þe mihte of meiðhad aſ þu art iwepnet to weorrin a ȝein uſ. ȝet tu wurcheſt uſ wurſt of al þat uſ wa deð aſ þu dudeſt eaure. Ah we ſchule ſechen efter wrake on alle þeo þat te biwiteð. ne ne ſchulen ha neauer beo ſker of ure weorre. we wulleð meideneſ a mare heanen & heatien & þah monie etſterten uſ ſumme ſchulen ſtutten. O ihesu godeſ ſune. þe haueſt þin hehe ſeotel o meiðhadeſ mihte. hire to muche menſke. wa wurcheſt tu uſ þer wið. to wel þu witeſt ham þe treowliche habbeð hire in heorte forte halden. ȝef ha milde & meoke beon. aſ meiden deh to beonne. wið þat he þis hefde iſeid; bigon ſwa te ȝuren þat monie weren awundret. hwet tet ȝur were.

Eleufluſ þe reue het lokin ȝef ha liuede. & brugen hire biuoren him. ȝef ha were oliue. Heo þe weren ihaten forð & funden hire þus. & of þat griſliche gra weren a-griſen ſwiðe. leadden hire þah forð. & heo leac eauer efter hire þen laddliche of helle þat olhnede ſwiðe. & bed tuſ & biſohte. mi leoue leafdi Juliene ne make þu me nawt men to hutung ne to hokere. þu haueſt ido me wa inoh þah þu ne do me wurſe. Ich habbe wumme forloren mi leoue feadereſ freontſchipe. Ne neauer mare her on uuen ne der ich cumen biuoren him. Mihti meiden leaf me o godeſ half ich halſi þe. Ȝe beoð criſtene men. Ȝef hit iſ ſoð þat me ſeið. merciable & milzfulemilȝfule. & tu art bute reowðe. Haue merci of me for þe lauerdeſ luue. þi luuewurðe leofmon leafdi i þe bidde. & heo leac him eauer endelong þe cheping chapmenchāpmen,MS. to huting. & heo leiden to him ſum wið ſtan. ſum wið ban. & ſleatten on him hundeſ. ant leiden to wið honden.

As he weſ imaket tuſ earmeſt alre þinge & berde aſ þe ful wiht þat ter flue monie. ſe þat eadi wummon wergede ſumhwet. & reat hit wið þe raketehe vnrudeliche ſwiðe. & weorp him forð from hire awei into a put of fulðe. com baldeliche forð biuore þe reue aſ he ſet on hiſ dom ſeotle ſchiminde hire nebſcheaft ſchene aſ þe ſunne. þe reue þa he ſeh hire. þuhte muche ſullich & bigon to ſeggen. Juliene ſei me & beo soð cnaweſ. hwer were þe itaht þeoſe wicche crefteſ. þat tu ne teleſt na tale of nanes cunneſ tintreohe. ne ne dredeſt nowðer deað ne cwike deoflen.

Her me heaðene hund quoð þat eadi meiden. Ich heie & herie godd feader. & hiſ ſulliche ſune ihesu criſt hatte & te hali gaſt. godd aſ þe oþre þreo. & nawt þreo godeſ. Ah iſ eauer an. & ihwer untweamet. He kempene king haueð to dei, ouercumen helles bule belial baldeſt of alle. & ti ſire ſathanaſ þat tu leueſt up on. & ti feader hateſt. & hiſ heaſte forðeſt. & wel bi ſemeð þe to beon. & bikimeð to beo ſtreon of a ſwuch ſtrunde. Ah eauer beo acurſet colt of ſwuch cunde. þe mihti mildfule godd þat ich aa munne. ȝef me mihte of heouene him forte hearmin. & te forte ſchenden. & makien to ſcheomien. þat ſchalt ſwucche ſhuken. heien & herien. weila aſ þu were iboren wrecche owraðe time. þat ti ſari ſawle. & ti ſorhfule gaſt ſchal wið ſwucche ploiueren pleien in helle. Reue areow þe ſeoluen. Vnſeli mon biſih þe. hei godd & her me. ihesu iſ ſe milzfulmilȝful þat he walde bliðeliche heoueneſ heale to alle. Ah hwa ſe obote ne geað ne ſchal he beon i borhen.

Ȝe quoð eleuſiuſ haldeſt tu ȝetten up o þi ȝuhelunge: weneſt tu þat we beon ſe eð to biwihelin. Ah we ſchulen iſeo nu: for hit ſchal ſone ſutelin hu þi wichecreft ſchal wite þe. & werien. & lette o wodiwiſe a ſwiðe wunderlich hweol meten. & makien ant þurh ſpitien hit al wið ſpaken & felien þicke & þreofalt wið irnene gadien. kene to keoruen. al þat ha rinen to; ase neil cniueſ. & ſtod þe axtreo iſtraht o twa half in to ſtanene poſtleſ. þat hit. aſ hit turnde ne ouer toke nohwer bineoðen to þer eorðe. griſen him mahte þat ſehe hu hit gront in to hwet ſe hit of rahte.

Me brohte hire uorð aſ belialeſ budel bet & bunden hire þerto hearde & heteueſte. he dude on eiðer half hire. fowre of hiſe cnihteſ. forte turnen þat hweol wið hondlen imaket þron o þat eadi meiden ſe ſwiðe aſ ha mahten. & het olif. & oleomen ſwingen hit ſwiftliche. & turnen hit abuten. & heo aſ þe deouel ſpurede ham to donne. duden hit unſparliche. þat ha bigon to broken al aſ þat iſtelede irn ſtrac hire in. ouer al. & from þe top to þe tan. aa aſ hit turnde. to limede hire & to leac lið ba & lire. burſten hire baneſ. & þat meari bearſt ut imenget wið þe blode. þer me mahte iſeon alre ſorhene meaſt þe iþat ſtude ſtode.

Aſ ha ȝeide to godd. & walde aȝeouen hire gaſt in to hiſ honden; ſe þer lihtinde com an engel of heouene. & reat to þet hweol ſwa þat hit al to reafde. burſten hire bondeſ: & breken alle clane. & heo aſe fiſchhal aſ þah ha nefde nohwer hurteſ ifelet. feng to þonki þus godd wið honden up aheuene.

DRihtin undeaðlich. an godd. almihti alle oþre unlich. heouene wruhte. & eorðeſ. & alle iwrahte þingeſ þe ich þonki to dei alle þine deden. þu makedeſt mon of lame. & ȝeue him liuiende ȝaſt ilich to þe ſeoluen. & ſetteſt for hiſ ſake al þat iþe worlt iſ. Ah he forgulte him anan þurh þe eggunge of eue. & weſ iput ſone ut of paraiſe ſelhðen. weox ſwa hiſ team her. ne mahte hit na mon tellen. Ah ſwa ſwiðe hit ſunegede. þat tu hit forſencteſt al in noeeſ flod bute eahte þat tu friðedeſt. þu chure ſeoððen iþe alde lahe abraham. & iſaac. Jacob & hiſ children. & ȝeue to ioſeph. þat weſ þe ȝungeſte hap ipharaoneſ halle. longe þer efter þu leddeſt þurh moyſeſ þat tu ſe muchel luuedeſt. bute brugge & bat. þurh þe reade ſea al hiſ cunredden þear aſ al pharaoneſ forde fordrencte. & feddeſt ham fowrti ȝer iþe wilderneſſe. wið heouenliche fode. & wurpe under hare uet. hare fan alle. & brohteſt ham þurh iosue. into ieruſalemeſ lond þat tu ham bihete. þer wes i Samueleſ dei. Saul þe forme King kempene icoreneſt. In an weorre aſ he weſ. þu dudeſt i þelutle dauið þe ſelhðe. þat he ſlong & of ſloh wið a ſtan to deaðe þe ſtronge Golie. & readdeſt him to rixlen iſauleſ riche. þus þu makeſt milde godd alle þeo muchele; þe makieð ham meoke. & þeo þe heið ham her: leiſt ſwiðe lahe. þrefter þo þe þuhte iþonket hit beo þe. lihteſt hider to uſ of heouenliche leomen. & nome blod & ban i þat meare meiden. & were i beðleem iboren moncun to heale. & to þe hirden ſchawdeſt te þat te engleſ to þe tahten & of þe þreo kingeſ were kinewurdliche iwurdget. weoxe & wrahteſt wundreſ. Ah ear þu were i offret & wið lac aleſet. & i iordaneſ flum of ſein iuhan ifulhet; þu healdeſt alle unhale. & te deade. of deaðe. Aleaſt aſ þe biluuede letteſt an of þe tweolue þat tu hefdeſt icoren. chapi þe. & ſullen. & þoledeſt pine. & paſſiun. þurh giweſ read o rode. deideſt. & were idon dead. i þruh of ſtane. ſtepe adun. & ſtrupteſt. & herhedeſt helle. Ariſe. & þin ariſte cuddeſt þine icorene. & ſtuhe abuue þe ſteorren in to þe heſte heouene. & kimeſt king o domeſdei. to deme cwike. & deade. þu art hope of heale. þu art rihtwiſeſ weole. & ſunfuleſ ſalue. þu art an þat al maht. & nult nawt bute riht. Ibleſcet beo þu eaure. þe ah eauer euch þing heien & herien. & ich do deore drihtin þi meiden an þat ich am. & luuie þe to leofmon luuewende lauerd. þat haueſt ſe muche for me iwraht. wið ute mine wurðeſ. Beo mi bliſfule godd wið me. & wite me wið þe deoueleſ driueleſ. & wið hare crefteſ. þurch ȝet ſwucche wundreſ for þi deorewurðe nome. þat te reue rudni & ſcheomie wið hiſ ſchucke. & tu beo aa iwurdget aſ þu art wurðe wurðmunt from worlde into worlde. Amen wið uten ende.

Wið þiſ aſ ha ſtute ſtoden þe cwellereſ. & ȝeiden lud ſteuene. Mihti lauerd iſ þe. þat Juliene on leueð. ne niſ na godd buten he; we beoð wel icnawen. Reue uſ reoweð ure ſið þat we ſe longe habbeð ileuet þine readeſ. & wenden alle aneſ weiſ abute fif hundret þe ſtoden & ȝeiden alle in a ſteuene. luuewurðe wummon. we wendeð alle to þat godd. þat tu on truſteſt. forlore beo þu reue wið falſe bileaue. & ibleſcet beo criſt. & alle hiſ icorene. do nu deadliche on uſ al þat tu do maht. make uſ reue ananriht miſliche pinen ontendontentd fur & feche hweol. greiðe al þat þu conſt grimliche biþenchen. forðe al þi feaderſ wil þeſ feondeſ of helle; to longe he heold uſ aſ he halt te nuðe. Ah we ſchulen heonne forð halden to ihesu godeſ kinewurðe ſune moncun aleſent. ſwa þe reue gromede þat he griſtbetede wod he walde iwurðen. & ſende o wodi wiſe forð to maximien. þe mihti caiſere of rome her of; hwet he readde. & he ham het euch fot heafdes bikeoruen. fif hundret itald of wepmen & of wimmen an hundret & þritti þrungen euchan biuoren oðer forte beo bihefdet & ferden alle martyrſ wið murhðe to ~~criste~~ heouene.

Eleuſiuſ þe hwile lette hiſ men makien a muche fur mid alle. & bed binden hire ſwa þe fet & te honden. & keaſten hire in to þe brune cwic to forbearnen. Aſ ha lokede up. & ſeh þiſ lei leiten: biheolt towart heouene. wið honden aheuene. & þus to criſt cleopede.

Ne forleaf þu me nawt nu iþiſ nede lauerd of liue. mildheortfule godd milce me þi meiden. & mid ti ſofte grace ſalue mine ſunnen. ihesu mi ſelhðe ne warp þu me nawt ut of þin ehfihðe. bihald me ant help me. & of þiſ reade lei reaf & arude me. ſwa þat teſ unſeli ne þurue nawt ſeggen. þi lauerd þat tu leueſt on. & ſchulde þi ſcheld beon. hwer iſ he nuðe. ne bidde ich nawt drihtin þiſ for deaðeſ dredneſſe. Ah falſe ſwa hare lahe. & feſtne iþine icorene treowe bileaue. ſchwau nu mihti godd þi meinfule mahte. & hihendliche iher me iheiȝet. & iheret aa on ecneſſe.

Hefde ha bute iſeid ſwa; þat an engel ne com ſe briht aſ þah he bearnde. & to þat ferliche fur. iþat lei lihte & acwente hit anan. eauer euch ſparke. & heo stod unhurt þer amidheppeſ heriende ure healent wið heheſte ſteuene. þe reue ſeh hit acwenct & bigon to cwakien. ſe grundliche him gromede. & ſet te balefule beaſt.̉ aſ eauer ei iburſt bar. þat grunde hiſ tuſkeſ. & feng on to feamin. & griſtbeatien griſliche up o þiſ meoke meiden. & þohte wið hwuch meſt wa. he mahte hire awealden. & het fecchen aueat. & wið pich fullen. & wallen hit walm hat. &het warpen hire þrin. hwen hit meaſt were iheat & wodelukeſt weolle.

As me dude þrin. ha cleopede to drihtin. & hit colede anan. & warð hire aſe wunſum aſ þah hit were a wlech beað iwlaht for þen aneſ in forte beaðien. & ſmat up aȝein þeo þe iȝarket hit hefden. & for ſchaldede of ham aſ hit up ſcheat; alle italde bitale. ſeoue ſiðe tene. & forðre ȝet fiue. þa þe reue þis iſeh; rende hiſe claðeſ & toc him ſeolf bi þe top. & feng to flitenfiten in both MSS. hiſ feont. & laſtin hiſ lauerd.

Swiðe quoð he. wið hire ut of min ehſihðe. þat ich ne ſeo hire nawt heonne forð mare. ear þe buc of hire bodi. & tet heaued lifleſe liggen iſundret. Sone ſe ha þiſ iherde; ha herede goð of heouene. & warð utnume glead; for þiſ ha hefde iwilnet. me leadde hire & leac forð. & heo weſ eðluke. Aſ ha ſtutte iþat ſtude. þer þe fordemde ſchulden deað drehen; þa com þe illke belial þat ha hefde ibeaten feorren to bihinden & bigon to ȝeien. Aſtalewurðe men ne ſpearie ȝe hire nawiht. ha haueð uſ alle ſcheome idon. ſchendeð hire nuðe. ȝeldeð hire ȝarow borh efter þat ha wurðe is. Aſtalewurðe men doð hire biliue todeað buten abade.

Jvliene þe eadie openede hire ehnen & biheold towart him; aſ he þus ſeide. & tet beali blencte. & breid him aȝeinwart bihinden hare ſchuldren. aſ for a ſchoten arewe. wumme þat ich libbe quoð he. ich beo nunan ilaht. Ah ilecche ha me eft: ne finde ich na leche. Igripe ha me eaneſ: ne ga i neauer mare. þrefter o grene. & leac him aȝeinwart aſ þe beare þat unhwiht in alre diche deofle wei ne mahte nawt letten. Aſ ha ſchulde ſtupin & ſtrecche forð þat ſwire: ha bed firſt & feng on þus forte learen þeo þe þer weren.

Lvſteð me leoue men & liðeð ane hwile. Bireowſið ower ſunnen. & ſaluið wið ſoð ſchrift & wið deað bote. leaueð ower unlahan. & buldeſ up o treowe eorðe. þat ne dredeð na ual for wind ne for wedere. lokið þet te heouenliche lauerd beo grund wal of al þat ȝe wurcheð. for þat ſtont ſtudeueſt falle. þat falle. ȝeieð to godd in hali chirche. þat he ȝeoue ow wit wel forte donne. & ſtrenge ow wið hiſ ſtrengðe. aȝein þe ſtronge unwiht þat ſekeðseleð in both MSS. eauer. & aa. ow to forſwolhen. luſtnið luſtiliche hali writeſ lare. & liuieð þrefter. wel him þe wakeð wel. & i þiſ lutle hwile wit her him ſeoluen. & heorteliche ſikeð ofte for hiſ ſunnen. þiſ worlt went awei. aſ þe weater þe eorneð. & aſe ſweuen imet aſwint hire murhðe. & al niſ bute a leaſ wind þat þe iþiſ worlt liuieð. leaueð þat leaſ iſ. & leoteð lutel þrof. & ſecheð þat ſoðe lif þat aa leaſteð. for þiſ lif ȝe ſchulen leoten. & nuten ȝe neauer hwenne. & reopen ripe of þat ſed þat ȝe her ſeowen. þat iſ underne ȝeld of wa. oðer of wunne. efter ower werkeſ. Swiðe ich biſeche ow. þat ȝe bidden for me. breðren. & ſuſtren. & cufte ham coſſ ofoſ peiſ alle aſ ha ſtoden. ant biheold upwartuppart. ant hehede hire ſteuene.

Lauerd godd almihti. ich þonki þe of þine ȝeouen. nim ȝeme to me nuðe. þu luueſt ouer alle þing treowe bileaue. ne lef þu neauer to þi va; þin ilicneſſe þat tu ruddeſtof deað; þurh þi deað o rode. ne let tu me neauer deien iþe eche deað of helle. Vnderueng me to þe. & do me wið þine. iþat englene hird wið meideneſ imeane. Ich aȝeoue þe mi gaſt deorrewurðe drihtin. & do hit bliſfule godd for þin ibleſcede nome to ro. & to reſte. wið þat ilke ha beide hire & beah duuelunge adun bihefdet to þer eorðe. ant te eadie engleſ wið þe ſawle ſinginde ſihen in to heouene.

Anan þrefter ſone. com aſeli wummon. bi Nichomedeſſe burh o rade towart rome. Sophie weſ inempnet of heh cun akennet. & nom þiſ meideneſ bodi. & ber hit in to hire ſchip biwunden ſwiðe deorliche ideorrewurðe claðeſ. As ha weren iwatere. com a ſtrom þat te ſchip ne mahte na mon ſteorin. & drof ham to drue lond in to champaine þer lette ſophie. from þe ſea a mile. ſetten a chirche. & duden hire bodi þrin in a ſtanene þruh hehliche aſ hit deh halhe to donne.

Þe reue ſone ſe he wiſte. þat ha weſ awei ilead. leup for hihðe wið lut men into a bat & bigon to rowen ſwiftliche efter. forte reauin hit ham. & i þea ſea ſenchen. & ariſen ſtormeſ ſe ſterke & ſe ſtronge. þat te bordeſ of þiſ bat burſten & to breken. & te ſea ſencte him on hiſ þrituðe ſum ant þer to ȝet fowre. & draf him adrenchet dead to þe londe. þer aſe wilde deor limmel to luken ham. & to limeden eauer euch lið from þe lire. an te unſeli ſawlen ſunken to helle. to forſwelten iſar & iſorhe eauer.

Þvſ þe eadi iuliene wende þurh pinen. from worldliche weanen; to heouericheſ wunnen iþe Nomecuðe burh Nicomede inempnet. i þe Sixtenðe dei of feouerrereſ moneð. þe fowrtuðe Kalende of mearch þat iſ ſeoððen.

In the margin of the book is written, "theis dai of februarye is the 14 kalend of marche." We cannot be certain how the editor intended for the reader to incorporate this marginalia into an understanding of the text.--cp

Heo uſ erndi to godd. þe grace of him ſeoluen. þe rixleð in þreo had. & tah iſ untweamet iheret & iheiet beo he him ane aſ he weſ & iſ eauer in eche.

Hwen drihtin o domeſ dei windweð hiſ hweate. & weorpð þat duſti chef to hellene heate. He mote beon a corn i godeſ guldene edene. þe turnde þiſ of latin to engliſche ledene. Ant he þat her leaſt. on wrat ſwa aſ he cuðe. AMEN.

In a sixteenth-century hand, at the bottom of page 56 of the Bodleian Text, is the following: Whan Judge at domesday dothe winnow his wheat And drives dustye chaffe into hellishe heat God make him a corne, in Eden to duell That owt of latine this treatise did freat And him that last wrote Amen. A Maidwot (?) SEYN JULIAN (THE LIFE OF ST. JULIANA), FROM ASHMOLE MS. 43. SEyn Julian com of heie men.̉ as we fyndeþ iwrite. Cristene stilliche he bicom.̉ þat no mon ne scholde iwite. Maximan het þe emperour.̉ þat heþene was þo. Alle cristenemen he dude to deþe.̉ þat he miȝte of go. A gret maister he hadde vnder him.̉ þat het elise He wolde þat Julian to him.̉ iwedded scholde be. Wiþ hire fader and moder he spek.̉ so þat hi were at on. Þo he wende to þis holi maide.̉ and wende habbe is wille anon. Swete sire quaþ. Seyn Juliane.̉ it ne ualleþ noȝt to me Bote þou were mon of more power.̉ to be ispoused to þe. Þis mon was glad uor þis word.̉ to þe emperour he wende. Noble ȝiftes he him ȝef.̉ and fair present him sende. So þat he made him vnder him.̉ hext Justice of is londe. To don and hote wat he wolde.̉ uor is ȝift and uor is sonde. Þis Justice wende to Juliane.̉ þo is power was. And wende hire habbe as is spouse.̉ ac he failede of is as. Þis maide him uaire vnswerde.̉ leue sire heo sede Bote we be boþe of one lawe.̉ we ne mowe noȝt be of one rede Cristene womman icham iwis.̉ I ne reche ho it wite. Bicome cristene for my loue.̉ and me þou hast biȝite. Sori was þis luþer man.̉ he nuste þo wat he miȝte. Wuste þis he sedeRead (he sede). "if þe Emperor knew þis (said he). þe emperour.̉ he wolde luþer þe diȝte. Ȝif we cristene beþ boþe.̉ we worþeþ sone dede. Þenne our Ioie were al ido.̉ þat we scholde to gadere lede. Ihote"Commanded." icham alle cristenemen.̉ to deþe do vp myn oþe. Þeruore lemmon turn þi þoȝt.̉ and haue reuþe of ous boþe. Leue sire quaþ þat maide.̉ ȝif þou art adrad.̉ Of þe emperour þat is erliche"Earðly." man.̉ iwis þou art amad. Þei is power be non such.̉ sone it wole ago. Ac dred god þat power haþ.̉ of ech þing euermo. Swiþe sori was þis luþer man.̉ þat he ne miȝte hire þoȝt wende To habbe conseil of hire fader.̉ after him he let sende. Þo hi to gadere come.̉ to gadere hi made gret feste. And fondede hire clene þoȝt.̉ to chaunge þoru uair biheste. Þo hi speke uairest wiþ hire.̉ þis maide hem ȝaf answere Icholle holde þat ichabbe itake.̉ ȝe ne doþ me þer of no dere. At o word ȝe ne turneþ me noȝt.̉ þer aboute ȝe spilleþ breþ. Doþ me wat pyne ȝe wolleþ.̉ uor I ne drede noȝt þen deþ. Þe hi seie þat þis maide.̉ hire þoȝt chaungi nolde. Hire fader bitok hire þe Justice.̉ to do wiþ hire wat he wolde. Þe Iustice let hire strupe naked.̉ and legge hire plat to grounde. Six knyȝtes eode hire aboute.̉ and made hire mony a wounde. Hi leide hire on wiþ harde scorges.̉ þat hi weri were. Euer lay þis maide and louȝ.̉ as hire noþing nere. Þo hi seie hire stable þoȝt.̉ þat heo nas in none fere. Hi nome and henge hire up abem.̉ bi þe tresses of hire here. Þer bi heo heng half an day.̉ knyȝtes bi neþe stode. Wiþ scourges hi leide euer vpon.̉ þat heo stremd al ablode. Þe more turment þat hi hire dude.̉ þe bet hi hire paideFrom Pacare. Þo hi ne miȝte hor wille habbe.̉ adoun hi nome þis maide. And bed hire turne biuore hire deþ.̉ hire þoȝt on alle wise. And þench on hire heie kunne.̉ and hire owe gentrise. Þo hi ne miȝte uor noþing.̉ bringe hire of hire þoȝt. A chetel wol of iwelled bras.̉ biuore þis maide was ibroȝt. Hi ȝote adoun aboue hire scoldren.̉ as heo vpriȝt stod. Bi rug and wombe it orn adoun.̉ as it were flod. Fram þe necke to þe fot.̉ ech stude it þoruȝ soutȝe. Euer stod þis holi maide.̉ as hire noþing ne rouȝte. Louerd muche is þi myȝte.̉ so muche iweld bras. In hire woundede bodi ne greuede noȝt.̉ uair miracle þer was. Wod wroþ was þo þe Justice.̉ he het his men hire lede. In to strong prison and bounde hire faste.̉ uorte me nome oþer to rede.Corr. Uorte nime oþer rede. Þo þis maide in prison was.̉ þe deuel to hire wende. In fourme of an angel.̉ and sede þat our louerd him þuder sende. Forto saui hire fram þe deþ.̉ and wissi hire wel to done. Þat heo tormentes uorte fle.̉ dudeShould do. þe Justices bone. Vor our lord hadde of hire reuþe.̉ and wilnede hire lif. And leuere hadde þen heo were ded.̉ þat heo were iwedded to wif. Þis maide stod in grete þoȝt.̉ þat he hire þerto gan rede. And þat our lord hire so het.̉ bi him as he sede. Heo sat akne and bad our lord.̉ þat he hire scholde lere.Compare On cneowum sittende Ælfr. Oros. III. ix. Wel to done and warny ek.̉ wat þe messager were. As heo sat in hire orison.̉ heo hurde a uois þat sede. Be studeuast in þi bileue.̉ and ich þe wole wel rede. Ac þe messager aske wat he be.̉ and ne haue of him no drede. And nym him uaste uor icholle.̉ be wiþ þe in eche neode. Þo þe maide þis ihurde.̉ þen deuel heo nom wel uaste. Heo made þe signe of þe crois.̉ and to hire fet him caste. Tel me heo sede wat þou art.̉ oþer icholle þe quelle. Leuedi he sede let me go.̉ and icholle þe sone telle. Nay þou schalt abide her.̉ þis maide sede þo. Vorte þou me telle wat þou art.̉ and þanne þou schalt go. Þo sede he icham a deuel.̉ ich hote belial. Aȝen ech mannes good dede.̉ ich can do luþer gal. Þo adam and eue wolde.̉ in godes seruice be. Ich hem broȝte in dedliche sunne.̉ þoru þe apel of þe tre. Bitwene caym was muche loue.̉ and abel is broþer. Ich made þoru a lutel enuye.̉ þat on sle þat oþer. Ich made ihesus on þe rode deie.̉ ac þat we seþþe aboȝte. And herodes þe children sle.̉ þo me ihesus soȝte Ichabbe ymad men oþer sle.̉ and scipes in þe se drenche. Alle wo ichabbe anerþe ido; þat man may on þenche. Ho sende þe huder quaþ þe maide.̉ þe deuel aȝen sede. Satan oure maister þat is atom.̉ þat schal ous alle rede. Ȝif he send ȝou quaþ þis maide.̉ to eny holi manne. And ȝe ne mowe him noȝt ouercome.̉ wat deþ he wiþ ȝou þanne. Þanne ne dorre we quaþ þe deuel.̉ biuore our maister wende. Oure acountes uorte ȝelde.̉ æ he let ous of sende. And ȝif we awer beþ ifounde.̉ he let ous bete sore. Þer uore wenne we fyndeþ eny mon.̉ stable in godes lore. We fondeþ him in luþer þoȝt.̉ to bringe myd al our miȝte. Ac anon he mai ous ouercome.̉ ȝif he wole aȝen ous fiȝte. Vor we nabbeþ power no mon to bringe.̉ in sunne aȝen is mode. Vor ihesus bynom ous þulke miȝte.̉ þo he deide on þe rode. Of al þat ichabbe anerþe igo.̉ so clanliche ouercome. Neuer Inas as ich nou am.̉ my miȝte me is bynome. Maide uor þyn hendescipe.̉ þou haue mercy of me. Let me go at þis one tyme.̉ Ine schal neuereft derie þe. Alas þat Inadde er iwust: wat me scolde bitide. Certes quaþ þe maide þo.̉ ȝut þou schalt abide. Þis maide nom þis ſoule best.̉ and faste it gan bynde. Myd a raketeie þat aboute hire was.̉ his honden him bihinde. Myd anoþer Irene raketeie.̉ heo bet him swiþe sore. And euer sede þis foulde best.̉ hende maide þyn ore. Haue reuþe of þi wreche prison.̉ and þench þat þou art fre. Inabbe icome nei non.̉ þat me dorste hondli ne ise. And þou me darst þus tormenti.̉ alas wi ne mai ich fle. Wi artou so strong maidenhod.̉ þat þou ne miȝt ouercome be. Alas maidenhod alas.̉ wi woltou wiþ ous fiȝte. Maidens ichulle euereft drede.̉ Inabbe aȝen hem no miȝte. Þe wule þis maide tormentede.̉ þus þis foule wiȝt. Þe Justice het þis maide uette.̉ biuore him anon riȝt. Þe maide nom þis foule best.̉ and after hire it drouȝ. Leue leuedi he sede þin ore.̉ iscend icham Inouȝ. Ne make þou namo men gawen on me.̉ nartou corteis and hende. Þench þat maidens scolde milde be.̉ and bring me of þis bende. War "Where." is kunde of þi maidenhod.̉ þat scholde be milde and stille. And þou art aȝen me so sturne.̉ hou miȝtou habbe þe wille. So longe he on þis maide cride.̉ as heo him drouȝ and ladde. After hire þoru cheping.̉ þat reuþe of him heo hadde. A chaumbre foreine heo isei.̉ al ope to ward þe strete. Vol it was of uelþhede.̉ old and al uorlete. Þis maide nom þis foule þing.̉ and caste it amydde. Dai þat wolde neschereSofter. bed.̉ him biseche oþer bidde. Vor it was good Inou to him.̉ bineþe and eke aboue. Wat seggeþ ȝe segge ich soþ.̉ ne lieȝ noȝt for is loue. Ȝut nolde þis luþer men.̉ þat iseie al þis dede. Bileue on god and turne hor þoȝt.̉ ac þe more hire wiþ sede. Þo heo biuore þe Justice com.̉ hi wolde chaunge hire þoȝt. And bihete hire prute and gret nobleie.̉ ac al ne huld it noȝt. A weol of Ire swiþe strong.̉ biuore hire hi caste. Al were þe velionFellies. aboute.̉ wiþ rasours istiked faste. Þe weol hi turnde abonte.̉ þe maide þer bi hi sette. Depe wode in hire naked flech.̉ þe rasours kene iwette.Whetted. Þat þo hire flech was al icorue.̉ so depe hi wode and gnowe. Þat þe bones hi to slitte.̉ and þe marw out drowe. Þe marw sprong out al aboute.̉ so ouercome heo was Þat heo al mest ȝef þen gost.̉ and no wonder it nas. Of al þat me drou hire tender lymes.̉ it ne reu hire noȝt enes sore. Ac euer sede þat ihesu crist.̉ þolede uor hire more. Glade were þo þe luþer men.̉ þat so nei þe deþe hire seie. Ac our louerdes wille nas it noȝt.̉ þat heo scholde þe ȝut deie. An angel myd a naked swerd.̉ to þe weol aliȝte And hew it al to smale peces.̉ þer was godes miȝte. And þis maide eode uorþ al hol.̉ as hire noþing nere. Sore dradde þis luþer men.̉ þat þere aboute were. Our lord crist can so is fon.̉ wen is wille is afere. Vif hondred turnde to him.̉ uor þulke miracle þere. And an hondred wemmen and þritti.̉ þer ne bileuede noȝt on. Þat þis luþer men in þe place.̉ ne let biheuedi echon. Toward þis maide þe Justice.̉ uor wraþþe was nei wod. He let make of wode and col.̉ a strong fur and good. Amydde he let þis maide caste.̉ uor heo frobrenne scholde. Hi wende hire to sle anon.̉ ac our lord it nolde. An angel þer com and þis fur.̉ to spradde wide and drouȝ. Amydde þe place þe maide stod.̉ harmles and glad Inouȝ. Heo þonkede god and sat akne.̉ and hire orison sede. Þe Justice sede wat scholle we do.̉ wat schal ous to rede. We ne scholle þis foule wiche.̉ ouercome wiþ no dede. Ȝif no fur ne mai hire brenne.̉ in led we scholle hire brede. A chetel he sette ouer þe fur.̉ and fulde it uol of lede. Þis maide isei þis led boili.̉ heo nas noþing in drede. Anon so heo was þer Inne ido.̉ þat fur bigan to sprede. Fram þe chetel it hupte aboute.̉ in lengþe and in brede. Sixti men and seuentene.̉ it barnde in þe place. Of luþer men þat stode þer bi.̉ þer was godes grace. Amydde þe chetel þis maide stod.̉ al hol wiþþoute harm. Þat led þat bolynde was.̉ vnneþe it þoȝte hire warm. Þe Justice bigan to wepe and crie.̉ þo he þis isei Vor is men uorbarnd were.̉ witles he was nei. Wat doþ ȝe he sede myne godes.̉ is ȝoure miȝte ȝou bynome Schal a womman wiþ hire wichinge.̉ ous alle ouercome. HelpeðMS. Helped. me nou ȝif ȝe mowe.̉ þat we ne be broȝt to scame. Heo ne schal me wraþþi þus nammore.̉ Ichulle pleie anoþer game. Com uorþ he sede my manquellare.̉ led þis hore fram me. And smyt of hire heued wiþþoute þe toun.̉ þat ich neuereft hire ise. Glad was þis holi maide.̉ þo heo wuste hire ende. Vor heo wuste after hire tormentes.̉ wider heo scholde wende. Heo þonkede uaste Ihesu crist.̉ þat after hire wolde sende. Go swiþe heo sede to þe quellare.̉ and bring me of þis bende. As me ladde þis holi maide.̉ toward hire martirdom. Belial þis foule deuel.̉ wel glad bihynde com. Ne spareþ noȝt he sede ac heieþ uaste.̉ þat heo of dawe be. Nabbeþ of hire nammore reuþe.̉ þen heo hadde of me. Nolde heo noþing spare me.̉ of al þat ich hire bad. Vnneþe ich dar on hire loke.̉ so sore icham adrad. Þo þis maide hurde þis.̉ hire eien up heo caste. A out out þe deuel sede.̉ holdeþ hire nou uaste. Leste heo efsone cacche me.̉ and þat me vuel bitidde. Fle ichulle þe wule.̉ ich mai.̉ doþ þat ich ȝou bidde. Ac þei heo him hadde icauȝt.̉ and ileid as clene. In as uair bed as heo dude er.̉ dait þat him wolde bymene.Bemoan. Þo heo com to þulke stude.̉ as heo scholde biheded be. To our lord heo made hire orison.̉ and sat adoun akne. Þe quellare as heo bed hire beden.̉ adrouȝ is swerd wel kene. He smot of hire heued fram þe bodi.̉ þat it uel in þe grene. Angles were ȝare anon.̉ hire soule uorte auonge. Þus heo boȝte þe blisse of heuene.̉ wiþ tormentes stronge. Hire bodi hi lette ligge.̉ hi nolde it burie noȝt. Vor bestes it scholde todrawe.̉ and þat was hore þoȝt. A good womman þat het sophie.̉ wonede þer biside. Burie heo þoȝte þat holi bodi.̉ wat so hire scholde bitide. Vor þer nere none cristenemen.̉ lede heo it þoȝte to rome. Al bi scipe to burie it þere.̉ ac þo hi in to þe scipe come. Þe wynd com and drof hor scip.̉ in to anoþer londe. In to þe londe of campanye.̉ and þer it gan at stonde. Þo hi ne miȝte hor scip þanne bringe.̉ hi nome þoru godes grace. And burede þis bodi in þe se.̉ in a wel uaire place. Þer it is ȝut uaire honoured.̉ ac þo þe tiding was icome. To þe Justice þat þis bodi was.̉ awei ilad and ynome. He nom wiþ him uoure and þritti men.̉ and afterward he gan wende. Ȝif he miȝte þis bodi of take.̉ more he þoȝte it scende. Amidde þe se þer com a wynd.̉ as it were uor þe none. And caste hor scip vp to doun.̉ and adreynte hem euerichone. Þe Justice wreche bodi seþþe.̉ þe se to londe caste. And bestes and foweles it to drowe.̉ þe wile þer apece ilaste. Þo hadde he is owe dom.̉ þat he wolde þe maide scende. Þus Seyn Julian þe holi maide.̉ hir lif broȝte to ende.