The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).
Header created manually, 8 May 2026.
Encoding has been done using the recommendations for Level 4 of the TEI in Libraries Guidelines.
Raw transcription from two MSS, arranged in line pairs.
A phisiciane bihoueþ to knowe þre manerʼ inspecciouns in blode lettyng
A phicisian behoueþ to knowe þre manere inspecciouns in blod letyng
þat is to sey wheþer it be þicke or þynne or mene whil a man blediþ .
þat is to seie wheþer it be þicke or þinne or meene whil a man blediþ
Blode þat is þicke vnneþe goynge fro þe veyn but fallynge droppemele
¶ Blod þat is þicke vnneþe goyng fro þe veyne but fallyng dropmeel
it is euyl for it bytokneþ þe moisture of þe body to be wastid
it is euyl for it bitokneþ þe moisture of þe body to be waastid
¶ Blode þat is þynne & watrie
¶ Blod þat is þynne & watry þouȝ
it be leyde on þe nayle it wille not engele nor crodde
it be leid on þe naile it wole not engele ne crudde
þan it is euyll for it is bytokneþ þat
þan it is euyl for it bitokneþ þat
rawe humours ben to habundaunt in þe bodye or
rawe
to mych moisture .
to moche moisture
Blode þat is mene or mesurable
¶ Blod þat is meene or mesurable
þat is bytwix þicke & þynne is preisable .
þat is betwene þicke or þynne
Also in þe bledynge men shall beholde wheþer it be hote or colde
¶ Also in þe bledyng me schal byholde wheþer
for hote blode bytokneþ hote humours
for hoot blod bitokneþ hote humours
to haue þe moisture in þe body & cold
to haue þe maistrye in þe body & cold
¶ When it is engeled men shal beholde
¶ Whan it engeliþ me schal biholde
wheþer it be harsshe or crassynge or checkynge
wheþer it be harsch or crassyng or cherkyng
¶ for if it be so it bytokneþ mych corrupcioun
¶ for if it be so it bitokneþ moche corrupcioun
in þe bodye or disposynge to lepre .
in þe body or disposyng to lepre
and if it be fatty it bytokneþ ouer mych fattenesse .
¶ Also if it be fatty it bitokneþ ouer moche fatnesse
Also if þe smelle of þe blode be stynkynge
¶ Also if þe smel of þe blod be stynkyng
it betokneþ corrupcioun of humours .
it bitokneþ corrupcioun of humour
or rotennesse in þe body
or rootnesse in þe body
¶ To knowe þe smel þer of wete a cloþe
To knowe þe smel þerof. wete a cloþ
þer in & ley to þi nose
þerin & lei to þi nose
Mich watrynesse in þe blode
Moche watrynesse in þe blod
bytokneþ moistnes
bitokneþ moysture
but lytil watrynesse bytokneþ drienesse
but litil watrynesse bitokneþ drienesse
¶ But þis watrynesse in þe blode
but þis watrynesse in þe blood
if it be gode it is like þe vryn
if it be good it is liyk þe vryn
of hym þat owiþ þe blode
of him þat owiþ þe blood
¶ Now after þe engelynge men shal byholde
¶ Now aftir þe engelyng me schal biholde
if it be skummyng for if it be so
if it be skummyng for if it be so
& it be not alonge
& it be not along
on þe hastynesse of fallynge
on þe hastynesse of fallyng
it bytokneþ þe blode to be vndefyed
it bitokneþ þe blod to be vndefyed
¶ Also þe ouer party of þe blode
¶ Also þe ouer party of þe blod
oweþ to be rede & pleyn or euen
owiþ to be reed & pleyn or euen
and a parti clerʼ for if it be not euene
and a party cleer for if it be not euene
& if it be not alonge on þe teldyng
and if it be not along on þe teeldyng
of þe vessel it bytokneþ greuance in þe
of þe vessel it bitokneþ greuaunce in þe
body of partyes
body of partyes
¶ Also if ony
¶ Also if ony oþer colour þan rody or reed
appere in þe ouer partie it bytokneþ corrupcioun
apere in þe ouer party it bitokneþ corrupcioun
¶ yelowe blode bytokneþ abundaunce of colre
¶ ȝelewe blod bitokneþ abundaunce of colre
pale blode bytokneþ habundaunce of fleume
¶ pale blod bitokneþ abundaunce of flewme
if it be þicke .
if it be þicke
& if it be þynne it bytokneþ malencolye
and if it be þynne it bitokneþ malencolie
¶ Blode þat nyȝeþ grenesse
¶ Blod þat nyȝeþ greenesse
bytokneþ for brennynge of þe bodye
bitokneþ for brennyng in þe body
And if it be nyȝ to blackenesse
and if it
it bytokneþ more brennynge or mortefyinge
it bitokneþ more brennyng or mortefiyng
¶ Blode þat is skkummynge
blod þat is skummyng
bytokneþ swellynge of humours in þe body
bitokneþ wellyng of humours in þe body
& burbly blode bytokneþ wyndynesse .
and burbly blod bitokneþ wyndynesse
watry blode bytokneþ coldenesse of þe lyuer
¶ Watry blod bitokneþ coldnesse of þe lyuer
If þe blode after þe puttynge of blode water
If þe blod aftir þe puttyng of blod water
is brotil & esy to sundre
is brotil and esy to sundre
it bytokneþ mych dryenesse
it bitokneþ moche drienesse
and if it be touȝ it bytokneþ
and if it be touȝ it bitokneþ
quesye & viscous humours
quesy & viscouse humours