The miroure of mans saluacionne : a fifteenth century translation into English of the Speculum humanae salvationis & now for the first time printed from a manuscript in the possession of Alfred Henry Huth... Speculum humanae salvationis. 167 pages, ca. 469 kb University of Michigan Library Ann Arbor, Michigan 2018 CME00118 02098066 AKA0472

The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).

 The miroure of mans saluacionne: a fifteenth century translation into English of the Speculum humanae salvationis & now for the first time printed from a manuscript in the possession of Alfred Henry Huth... Speculum humanae salvationis. xxi, [1], 177, [1] p. facsim. 29 1/2 cm. London, priv.print.[Spottiswoode & co.], 1888. "Seventy-five copies only printed." Printed for the Roxburghe club. Publications. no.118.

Header created with script marcschemacollection2cmeteiutf.xsl on 2018-07-31.

Header expanded with script IDmapper.xsl on 2018-07-31.

Encoding has been done using the recommendations for Level 4 of the TEI in Libraries Guidelines.

 English, Middle (1100-1500) 8-23-16lattajMURPAdded TEMPHEAD, checked ID, and added TYPEs to DIVs in order to validate. Checked for N=""s. Checked for GROUP tags. Proofed title page; removed P FIGURE. Checked s; removed some s (and moved NOTEs). Reviewed structure; moved some NOTEs, and added missing N attributes; added numerous DIV3s; corrected virgule spacing throughout; added chapter N attributes; changed several par's to Verbar's; removed ABBR; changed numerous TRAILERs to CLOSERs; removed LGs. Checked placement and completeness of PBs. Checked for damage GAPs, #s, @s, --s, and UNCLEARs. Corrected [dollar]s. Checked for &cs with incorrect spacing. Checked for LBs. Checked for startqs and endqs, abq's, oes, qs, Ae's, and Qs. Checked proofsheets and made corrections. Checked italic I / J and U / V. Checked for missing page GAPs. Checked for EPIGRAPHs and ARGUMENTS. Checked CLOSERs, OPENERs, SIGNEDs, SALUTEs, TRAILERs, BYLINEs. Checked decorated initials. Checked FIGUREs. Sample: 2 minutes. Proofing: 0 minutes. Tag review and corrections: 50 minutes. DONE.
118 CME00118 CME00118

The Miroure of Mans Saluacionne

A Fifteenth Century Translation into English of the Speculum Humanae Salvationis and now for the first time printed from a Manu∣script in the possession of Alfred Henry Huth

With Preface and Glossary

Privately printed London 1888

 SPECULUM HUMANAE SALUACIONIS. IN name of God almyghti / ye blyssed Trinitee In o substaunce vntwynned Undivided. / and eure in persones thre And in oure laydis honoure / hevenes souereyne qwene Yt most myne hert v. myne intent. & hand v. myne werk. / gouerne if wele shall bene An[d] for some of my freendes / plesance in speciall And profit of cresten folk / vnlerned in generall And for increse of grace / and also sawles mede Thenk I a buke translat / god lykyng me to spede ffro Latyn of now late / a compilacione The miroure is named it / of mannes saluacione And in this bokes proheme / be chapitles frist write I Ye PRO∣HEME v. ye first wrod Word? or the begyn∣nyng The maters & the estories / euerylkone by and by That who to studie ye proheme / has grete lyst to asay fful ethe Easily. in schort may he / ye boke bere all away ¶ The fryst Chapitle telles / the fall of Lucyfere Jo CAo And to what honoure Adam / & his wife made were ¶ The secund of paradys lost / for godd maundement brekyng IJo CAo And of the exile of man / the pynefull lang lastyng The fyrst two Chapitles / spekes of oure dampnacione Thas othere after tovches / till our saluacione Take hede in ilka Chapitle / the certein guyse es this That of the new law forthemast / a sothe reherced is To whilk sothe suwyngly Following. / out of the testament olde Thre stories ilk after other / appliables shall be tolde ffor to make seling Wonderful. prove / of the forsaid sothfastnes Be god schewed of olde tyme / be figuratif lyknesse ¶ And than the thredde Chapitle / makes plenere mencionne IIJo CAo De concep∣cone vir∣ginis glo∣riose Of our gloryous lady / seintified concepcionne Als when yt god in erth / liked man to be borne Be right nedes his modere / most be sent hym to forne Kyng Astiage & his doghtere / and eke ye seled welle The gardyn close and Balaam sterre / figured how this befelle Till Astiage was shewed / his doghtere suld bryng furth a kyng v. Syre. To Joachim his doghtere suld bere / a kyng lord of all thyng This sterre was in hire moders / blissed wombe seintifide In stormes of this werldis see / to ryght haven vs to guyde ¶ The ferthe Chapitle telles of / oure Ladis Natiuytee IIIJo CAo The birthe of oure lady ffigured in the ȝerd prophecide / to spryng of ye rote of Jesse And by the shette ȝate shewed / to the prophe Ezechie And be the temple Salomon / belded to god noblyie ffor oure lady that come / of the ligne of Jesse The forsaid ȝate and temple / condignely shuld be ¶ The fift Chapitle vs telles / oure ladys oblacionne Vo CAo How oure lady was offerd in ye temple In the temple by thre figures / of premonstracionne The sonnes borde, offerde some tyme / in the temple materiale Signed our lady offerred / in the temple of the sonne eternale And be the doghtere of Jepte offred / to god thogh indiscretly Was mary figured offred / to god most perfittely Out of the gardhing suspensil / beheld the qwhene of perce hir lande And mary in goddes temple / was euer heven contemplande ¶ The syxte Chapitle telles whi / oure lady was wedded VJo CAo Per nomen maria fuit viro de∣sponsata The whilk be thre exsamples / was eke prefigured Be Sara Ragnels doghtere / wedded vnto men seven And mayden neuer ye lesse / be godds grace of hegh heven And be the toure of Baris / whilk was so verray stronge Nota de Virginitåte That all the werld fro two men / with force moght noght it fonge And als on Dauid toure / were thovzand sheldes hanginge So were in our lady mary / innoumbrable virtus schinyng ¶ The sevent Chapitle says how / oure ladye was with childe VIJo CAo How oure ladie was with childe fforshowed be thre figures / of yt mayden most mylde The brennyng busshe & the flese / bedewed be myracle singulere Rebekka gaf at drynke til / Abrahams camels & his messagere ¶ The eght Chapitle tellis / how Jhū cryst was borne VIIJo CAo cristes birthe And how yt thre figures / portended it lange to forne The ȝerde of AAron, the veigne / of pharaos botellere A mayden be Sibille seen / in a circle of the sonne clere ¶ The nynte Chapitle also / tellis of the Ephiphanye IXo CAo Of ye Epi∣phanye Prefigurd be the sterre / yt thre kynges of the Est come by The stronge men yt fro Bedlem / vnto Dauid thare kyng Broght watire, & Salamons / throne thilk wondere thing ¶ The teenth Chapitle is how / oure ladie to the temple came Xo CAo How marie came to the temple And offerd hir sonne xrist / goddes verray son and wysdame This prefigured the testamentis / Arche made be Besleel The golden candelabre & the offring / to god of childe Samuel ¶ The ellevent Chapitle how all / the ydoles of Egypt ouertrw XIo CAo How the ydols of Egypt fell When marie and Joseph entred / yt same land wyth Jhū This fortakned a virginis ymage / with hir childe figurelly Sette vp in Egipt some tyme / be Jeremies prophecie Be pharaos coroune also / yt moyses brast & be the stone Whilk alto frushed Dashed to pieces. the ymage / with outen handes onone ¶ The twelft chapitle vs tellis / how crist was baptized XIJo CAo How crist was bap∣tizede Whilk thing be the brazen see / was wele prefigured Be Naaman lepre yt in / flom River. Jordane heled wasse And be the same flvme River. drye / whils gods folk v. filii Israel. suld ouer passe ¶ The threttenth seith how the feende / temptid our lord Jhū XIIJo CAo How crist was tempted of the feende And crist in glutterye in pryde / and auaryce the devil overthrwe The first victorye prefigured / full longe tofore Daniell That slewe the grete dragoun / and distrued the godde Bell The secunde the kyng dauid / when he Golias ouerthrwe The thrid when he the lyone / and the bere also slwe ¶ The fourtenth is how yt crist / forgaf mavdelen marie XIIIJo CAo Mavdelen was re∣ceyvid to mercy And forgiffes synners all / yt trewly mercy will crye Loke this in manasses yt synned / ouer the gravell of the see v. innoumbrably. Whame god repentant delyvred / out of captiuytee And in thilk pyest fadere / till his folewastoure Spendthrift. son In alotrer Dauid / & man[q]whellere Slayer. penaunce done v. For both had mercye. ¶ In the ffiftenth how crist on / palmsonnonday wept pitously XVo CAo Touchand palme Son∣nonday How he was receyvid, & chaced out / of the temple marchands fiersly The first was prefigured / in the lamentacionne of Jeremye The second in honoure gyven Dauid / after the slaghter of Golie The thred v. crist flagellaconne / Helyodre figured to fore Yt for the dispoillyng / of gods temple boght Expiated. full sore ¶ The sextenth chapitle of cristes / soper makes mencionne XVJo CAo of cristis sopere That in the manna had / arst prefiguracionne And in the lambe paschal / also done to the dede And in melchisedek offryng / til Abraham wyne & brede ¶ The sevententh how cryst enemys / to for him fell ilkone XVIJo CAo How cryst was taken This figured Samson yt slew / a thouzand men in ane asse cheke bone And Sangar yt with a plogh sokke / of men sex hundreth slogh Eght hundreth Dauid in a birre A swoop or impetus. / this is trew thing ynogh ¶ The eghtenth chapitle tellis / of Judas & cosse & the traytourye XVIIJo CAo of fals Judas And how yt lord for luf / was behated of Juerye This ffigured Joab yt kyssed / amasay be tresonne And Saul kyng persuyng / Dauid aȝeinst resonne Eke wikked Kayme prefigured / this same thyng wele ynogh When he his brothir Abell / causeles be enuye slogh ¶ The Nynetenth sais how xristis / visage hidde was dispisid XIXo CAo How crist was bobbed Japed Mocked. and all bespitted / scorned & colaphizid Buffeted. The mawmetiers vnto ye ȝerte Great. calf / of gold prefigured thes thinges Yt choked to deth Vre Hur. yt / blamed thaym with thayr spittinges And Cham yt scorned his fadere / wikkydly lange to forne And the Philistiens whilk Sampson / blinded & loght to scorne ¶ The twentith chapitle tellis how / xrist was with scourgis swongyn Swinged. XXme CAo þhe fflagel∣lacion of xrist ffigured in Achior prince / vntill a tree fast bonden And be Lamech wham his / two wyves sore tourmentid ffor so two manere folkes / our lord Jhū crist sore scourgid The payens bett him with scourgis / & with scharp ȝerds eke The Juys stroke hym with reprowes / and wikked tongis vnmeke And Job wham Satan stroke / with bocchis Bushes. figurid this To wham his wife reprovyng / thare to did mykell amys ¶ In the on and twentyth capitle / is how crist was coroned XXJo CAo of crists coronyng wyth thorne Scorned & bespitted / and many away dishonoured This Zorobabell schewed / be Appimen the concubine That till a grete kyng didde / oft sith both schame and pyne And Semei whilk yt the Kynge / Dauid foully missaide And also with mire and stones / & with stokkes on him laide Kynge Amon of amonytes / forschewed his thing also Doyng to Dauid messagers / for pece dispite and woo ¶ The two and twentith how crist / the crosse bare on his bak XXIJo CAo How crist bare the crosse This beryng wodde for sacrifice / prefigured Ysaak And the heyre of ye vyne ȝerde / casten out despitusly And be the Tylmen of ye ȝerde / slayne yvel & bitterly And the merveillous grape clustre / was of yis figuracionne Whilk two men broght to desert / out of the land of promissionne ffor so was crist be two folke ledde / out of Jerusalem creuwellye And putt to deth foullest / in the mownt of Caluery ¶ The xxiii chapitle seith ȝow / crist was nayled on rode tree XXIIJo CAo How xrist was naled on the crosse And prayed for his crucyfiours / of his inneffable pitee Jubal fynder of musik / figured this thing properelye ffinding in tubalkaym hamers / the tunes of melodye So crist as he was ruthfully / hamerd apon the croce Songe to his fadire of heven / in a full swete voice So swete and faire was it / and full of all dulcoure Yt it convertid thre thovzand / men in yt ilk one houre And Ysay this crucifixionne / also prefigured Wham manasses with a sawe / of tree slew and deþartid ¶ In the foure & twentith ere thre thinges / whilk be prefiguracionne XXIIIJo CAo of cristis passionne Portend of oure lord Jhū / the deth and his passionne The grete tree yt Nabugodonosor / see slepyng as bukes telle Whilk gods aungel him thoght / commanded dovne forto felle Bot the rote yr of in erth / to leve forthwyth he bede ffor thogh crist wald be slayne / ȝit wolde he rise fro dede Secunde Kynge Codrus fortakened / crists deth figuratif Whilk forto sauve his folk / o free will lost his lif Eleazare be his avne deth / the beeste to deth Nuyed So crist for he wald dye / oure deth for eure destruyed ¶ The fyve and twentith Chapitle / tellis vs apertly how XXVto CAo How crist was scorned dede After his deth thes Juys / scorned oure lord Jhū This figurid micholl yt logh / Dauid hire lord to scorne Playing before the Archa / domini when it was borne And more ouer scho lykned / hym till harlots and ribavdes Ribald, scamp. Yt naknes thaym tofor men / to pleye and make thaire gavdes This figured Absolon / yt was with thre speres slane And after with Joab sqvyers / swordes borne thurgh aȝeyne So crist with thre diuerse / sorowes was tourmentid And ouer yt with swordes / of crewell tonges dishonouryd Thus many folkes crucifies / full oft syth new and new Wittenes seint poule pistle / oure sufferane lord Jhū And this Evillmeradak / the kinge wikked prefigurid When he his fadirs body / efter deth vnherthid And made it in gobbets kitt / thre hundreth in one hovre And toke it till alsmany / vovtours forto devovre ¶ The sex and twentith chapitle / of oure lady pittee XXVJo CAo How oure ladies doel on hir sonne dede In old time openly was / fortakened in figures thre ffrist in Jacob sorowing / so longe inconsolably When he his dere sonnes cote / see alto rent and blody And eke oure Ladis doele / figurid Adam and Eue Sorowing yr sonnes deth / ane hundreth ȝere I leve And scho hir childres deth / yt wald noght hatte Be called. Neomy Bot bade to calle hire mara / yt is bitter or sory ¶ The sevene and twentith tellis / of the sepulture of Jhū XXVIJo CAo off crist grauyng And of his modirs sorowyng / whilk all the werld myght rewe This ffigured Dauid the kyng / tofor yt many a ȝere With sorowe and wepyng teres / fylowyng at Abners bere And Joseph put in the Cisterne / also this figurid hee And Jonas yt of a whall / beswellowed was in the see ¶ In the eght and twentith chapitle / is how crist entred hell XXVIIJo CAo How crist entred hell Limbus v. a free prison in hell cald Abraham Bosme To glad our haly fadres / in Lymbo as clerkes tell Also thre childer in the oven / whilk the Aungell kept fro hete And Daniell in ye lake of lyouns / yt be Abacuc had mete And the Structionne v. abridde. A bird (the ostrich). with a wormes blode / of desert somtyme wasse Delyured hir briddes be Salomon / thanne closed withinne a glasse ¶ In the twenty and nynth is how / the feend be crist ouercomen wasse XXIXo CAo How crist ouercome the fende Whilk thing figured tofor / the stronge man Bananyas In the Cisterne o tyme / descending till a Lyoune And onely with his staffe / to deth he storke him doune And also the lyoun / alto rentte be Sampson And be Ayoth yt styked / ones the ffatte kinge Eglon ¶ The threttith is how marie / ouercame the feend vertuously XXXo CAo How oure lady ouercome ye feend And als oure modere gloriouse / has venged vs on oure Enmy ffor all yt oure lord Jhū / soeffred in his passionne Oure ladie tholed Suffered. in sawle / be moderfull compassionne ffor als crist be his passionne / the feend endelesly ouercame Oure ladie be hir compassionne / be hym didde ryght the same v. ouercam him. And Judith eke figured this / in the prince olofern slayne And Jael yt nayled Sisara / thorgh his temples in to the brayne Also be Qwen Thamare / yt Cyrus heved of braid Struck. And after in a fulle potte / of mans blode scho it laide And said thi thrust to shedde / mans blode was neuer wery Spare noght lat see to drinke / ynogh and be mery ¶ In the one and thetith how crist / the seints out of hell delyvred XXXIo CAo The Juys whilk passyng out / of Egipt prefigured And Abraham wham god delyvrid / out of Vre in Chaldee And Loth fro Sodoms sinkyng / for his singulere bountee ¶ The two and thretith how crist / fro dede to lyve vprase XXXIJo CAo off cristes resurrecion Shewes be Sampson yt ones / struyed the ȝates of Gaze v. of yt citee. Be Jonas passing the thredde day / out of the wombe of ye qwall Whale. And be the reproved stone sett / vp the cornare of the wall v. of the temple. ¶ The thre and threttith telles / how crist stegh vntill heven XXXIIJo CAo This takned Jacobs Leddir / als bokes kan pleynere neven Speak. Also the founden shepe / broght home yt arst was lorne And Elye yt in a cart of fire / to paradise was borne ¶ In the foure and threttith chapitle / is of the haly gayst sendyng XXXIIIJo CAo The send∣yng of the haly gaist And sciens of all tonges / to crist disciples bringyng This takned the fyrst tonge / departid so diuersly And eke the lawe also / gyven in mounte Synay And to the wydowe of oyle / the encrees & aboundaunce ffor all hir vessell voide / at helisens instaunce ¶ The fyve and threttith oure ladies doel / after cristis Ascensone XXXVto CAo Cristis ascensone ffigured be Toby v. Anna. wife / in absence of hire son And be the woman yt soght / the lost dramme in hire house And the doelefull michol / for hir bereft spouse ¶ The sex and threttith figures / the assumpcionne of our ladie XXXVJto CAo Oure ladies assump∣cionne How Dauid broght gods arche / vntil his house festivaylye And be the grete signe in heuen / appering to seinte John And be Salomon yt sette his modire / in right halfe of his throne ¶ The seven and threttith how oure ladie / excused this werld to hire son XXXVIJ CAo How oure ladie ex∣cused ye werld Als some tyme to seinte benet / was shwed in Avision When oure Lord toward this werld / shoke thre speres wrothly And oure ladie putt hir betwix / and turned his ire to mercy This figured Nabals gude wife v. abagael. / yt Dauid ire v. aȝeinst Nabal. amesid And the woman Theucuytes v. of yt citee. / whilk Absolon til his fadire plesed And this figured the woman / in the Citee Abela Breking the sege of Joab / gyven him the heved of Syba ¶ The eght and threttith is how / gods modire is oure protectrice XXXVIIJo CAo How oure Ladie is our pro∣tectrice Ageyns goddesire the fendes gildres Snares./and fraude of this worlds uice The fyrst figured Tharbis v. yt woman. / yt sauved Saba v. yt citee. fro moyses The secunde scho yt Abimalech / delyuered the tour of Thebes The thredde prefigured micol / yt lete out hire housebonde At a window and him sauved / fro Sauls his enemy honde ¶ In the nyne and threttith chapitle / is how oure lord Jhesus XXXIXo CAo How crist schewys his woundis and oure ladye hir breestes for mankynde Shewes to his fadir his woundes / the modere hir son for vs Hire hevenfull sucrish breestes / for synfull man prayng How suld oght be withseide / vnto thus swete asking Shewing his woundes v. to Cesar Emperour. errys Sores. / this figured Antipatere And prayng for the Juys / till Assure king Estere v. his wife. ¶ In the fouretith Chapitle is / of the day of dome than XL. CAo Of the day of dome Whilk thing be parable / figured thilk noble man That toke his seruaunts his gude / & went in ferre Regionne And taken the Regne, Kingdom. came home / and asked of tham resonne And the wise virgines yt oele / vnto the fole maydens denyed ffor thare v. at domesday. none oyle of merecy / to the dampned bes aspyed v. be godde nor be his seints. Introduced secretly. This takned also mane, Techel / Phares scriptione That is forto say Noumbre / weght, and divisione ffor that dome salle be treted / be noumbre and appensionne v. be weght. And ended of wikked fro the gude / be eendeles remocionne ¶ The one and fourtith Chapitle is / of the horrible payns of hell XLJo CAo Of the payns of hell And yt prefigured Dauid / in slaghtere of his Enemyes fell v. of ye citee of Rabath. ffor some were dismenbred with knyves / and some with sawes he suwe With carts were some ouergone / and other he alto druwe And Gedeon figured this / on men yt gave him scornes v. of the citee of Sucoth. Wham he made alto drawe / with brerers and with sharp thornes And pharao with his grete ost / this thing prefigured hee Wham god ones alto gidere / drowned in the rede see So sall the dampned at the last / with alle the feends cruwell Be god wham yai displeysid / be closed for euer in hell ¶ The two and fourtith remembre / the Joye & the solace XLIJ CAo of the Joye of heven That seints sall haue in heven / tofor gods worthi face This moght fulle wele figure / of Salomon the Storye Like whame we rede no man / yt lyved in erthly glorie Also prefigured this / the feest of assuere kyng We rede thare made nomoo / a feest so longe lastyng The ffeestis shewed this also / made be the childere of Jope ffor of so many of othir / contynuyd we ne rede I hope ¶ The thre and fouretith tellis how / is to eschuwe hell payne XLIIJo CAo How men shuld thank god at certeine houres of the day And how the Joye of heven / forlost salle com agayne If we desire the Joye / and think the payne to flee Who will helpe crist his crosse / to bere with him late see And how this lord is holpen / this hevy charge forto bere Loke in this ilk Chapitle / and fynde it clerely there ¶ The foure and fouretith v. Chapitle. comprehendes / seven sorows of marie XLIIIJo CAo Of seven sorows of oure ladye XLVto CAo Of seven Joyes of oure ladie. Tholed for hir one dere son / in erth full tendrely ¶ The fyve and fourtith v. Chapitle. & the last / declares hire swete Joyes seven In whilk of all this boke / the werke is eendid even CAPITULUM Jm. THE myroure of mannes kynde / saluacionne begynnes here CAm Jm In whilk man may his falle / and hire reparing lere And how god of his myght / and his grete gudelynesse Made man in saule for luf / vntill his awne lyknesse And how the devile be fraude / wroght oure dampnacionne And eft Again. god of his grace / refourmed vs to pardonne Ageins his creatour rose / lucyfere the cruwell And in a moment fell he / fro hegh heven vnto hell And god of his gudenesse / wald make mankynde yrfore The falle of lucifere / and his, forto restore Whare fore the envyous feend / thoght make man to be shent Confounded. And thorgh his sleght lede hym / to breke gods commandment And then this feend be fraude / a serpents kynd him chace Chose. Whilk ȝede vpright yt tyme / and bare a womans face In wham this wright of deth / entred full wilyly And be word of yt movth / begilt the woman slely He thoght to tempe hire firste / in bokes als ȝe may see Halding Adam more warre Wary. / more wyse, more avysee Whils scho was fro the man / come he to hire in hye Haste. ffor rather man fallis soelle / than in gude companye And thus this wily feend / deceving Eue thus eth Easily. Broght in on all mankynde / the rightwise dome of deth In damacens feelde, Nota / yt god made man To paradys of delice / and translatid him than In paradis als we rede / the woman toke hire makinge Of one of adames Ribbes / whils yt he laye slepinge And thus above the man / the woman had in thatte Honour als be the place / of hire makinge somwhatte Also scho was noght made / als man of erthis slyme Bot of manes fleshe and bone / als god wald in that tyme Noght of the fote for that / man shuld noght hire despise Nor of the heved for scho / be pride shuld noght ouerrise Bot of the manes syde / als we rede made was schee ffor helpe till hire huseband / and felowe yt scho shuld bee And if this honour yt sho / had kept in swete mekenesse Thare shuld neuer man o lyve / hafe done woman distresse Bot for trowinge the Devel / sho wald be like to god Sho hafe descerved forthi / to soeffre of manes rod v. chastying. The woman trowed the feend / & noght the man soth is Bot he till hire assented / alle were it maugre his That Adam shuld of the fruyte / ete with hir instode v. sho praid incessably. Eue Whilk ete for hoege luf / yt he shuld noght hire greue Salomon for Wommans luf / auoured Acknowledge. mavmetrye And novthere gods nor goddesses / trowing tham more forthye And thus Adam for luf / ete with dame Eue his wyve Bot hene hoped neuere the more / to be like god o lyve And to the forsaid synne / sho eked an othere full grete Hire husband be glosinge / when sho to synne wald trete ffor thogh the Bibles text / apertely noght it write No doubt sho broght him inne / with faging Deceiving. wordes white Specious. Mgre Histo∣riarum O man be warre in this / of wikkid womans glosing For gude wommans glosing is to profit & hat more properly chericing and to yt other touchis noght. If thow passe wele yt paas / holde it no little thing Adam yt noble man / loke and the stronge Sampsonne David gods hertes choise / loke wisest Salomonne Sen thus stronge men and wise / eschaped not wommans arte If thov be nothing swilk / in tyme ware at thi part v. to kanwe glosing fro chericing. And wham the feend to tempt / on him dorst noght take on The womman baldere then he / durst make hire husband fon Fond, a fool. And thus the devel be fraude / made Eue vntil hym falle Hire husband sho so forthe / and all mankynde with alle And if man had alway / kept gods commandment Hene had neuer felt of deth / nor of none othere tourment Hene shuld neuer hafe bene waike / nor felt of werynesse Nor neuer hafe felt a poynt / of vnhelth, nor sekenesse With out weping and cry / a man shuld hafe bene borne Nor neuer gronyng for charge / the mothere hafe had yrforne ffor neuer man shuld haue felt / of tribulacionne Nor tholed brennyng of shame / nor ony confucionne His heres neuer hafe bene defe / his teth vneged evre His eghen neuer dymme nor sovre / his fete hafe halted nevre Nor flode cisterne nor welle / neuer man hafe drowned nor shent Be fire nor sonnes hete / shuld nevre man haue bene brent No beest nor bridde cruwell / shuld neuer on man hafe resed Rushed upon, attacked. Nor wynd nor ayere corrupt / shuld neuer man hafe desesed Nor neuer man shuld hafe stryven / nor envye had till othere Bot euery man othere hafe luved / right als his wombes brothere And to man shuld hafe bowed / all erthly creature And evre shuld he hafe lived / in joye with outen cure Care. And when that god had liked / man hafe passyd vnto heven This is no manere doute / both body and sawle full even No man for prais of witte / presume to seke at alle Nota Whi god angels and man / made wham he knewe to falle Or whi god Pharaos hert / wald in malice indure v. harden. And mavdelenes hert make soft / and be repentaunce pure Whi petre that thris forsoke / god gaf grace to repayre And Judas als in his synne / whi he lete disespayre Whi one thefe on the crosse / god lightned with his grace And inspired noght yt oyr / all in o tyme and place Why one synnere god drawes / anothere he drawes noght Be he man nevre so wise / of him this be noght soght ffor swilk werkes of trewe god / and many othere inscrutable Passes all manere thinge / to whilk mans witte is able Ro. ixo. Exodi xxxiijo Miserebor cui voluero And of swilk questiones Poule / has answerd thus shortly God wham hym lest indures / of wham hym lest has mercy IN forsaide thinges herd we / what honoure to man god shope Made. CAm IJm Now fylovs it fortill here / how man hym self forshope When man was in honoure / of god toke he none hede Bot rose ageyns his lord / and had of pride no drede Out cast was he yrfore / fro paradys of delyce Vnto the sorowfull vale / of this lewed werld and seruice The honoure that hym was takin / for he sett it at noght Sithen has he fonden disese / vnthreft, meschef, and thoght ffro he lost paradise / that swete and joyouse stede Come he to swilk a place / whare he boght dere his brede Vnto this wily werld / full fals and fulle of fraude Heghting Promising. to many one gude / and paying tham with a gavde v. a jape. It heghtis a man lange lif / loke where this be a jape ffor come the dedes howre / he shall no point eschape Vnto the body heghts it / hele be lange lastyngnesse And clethis both body and sawle / in perpetuell seekenesse It heghts divers richesse / hye welth, and grete honoure And filles a man at eende / with rotynnesse and fetoure And thogh some tyme be gude / the werld make man to fayne Joy. Alle nys bot indurable / at eende passing, and vayne Nor werldely gude may noght / o ȝere thi life proloigne In certein point of the deth / nor o moment assoigne Loke at thin eende thin gude / of the gifs hoege force Vnneths Scarcely. graunts the a shete / to hile Cover. thi vilist corce The werld be right men may / likne til a Boxtree Elder tree. Of whilk the fruyt is sovre / the flower faire to thyn eghe So semes full wondere faire / the werldes delectacionne Of whilk the fruyt at the last / is eendeles dampnacionne Als is this werld full like / vnto the Traytoure Judas Be whas kissing oure lord / Jhesus betrayed was Swilk signe this vntrewe werld / gyves to the devils of hell Als didde the traytoure Judas / to cristis foos cruwell Wham that I kisse says it / honoure and welth gyvynge Take ȝe hym that to ȝow / to tourment ay lastynge Bot richesse ere noght ay / to mans dampnacionne Bo[t] helps full many a man / to thare saluacionne ffor to Nabugodonosor / the kyng saide Danyel Danyel iiijto Whith almouse bye thi synne / and wyn thi sawles hele ffor god hates noght the riche / hym self euer almyghty If thai wele vse thare gude / als taght his son Thoby If thow grete richesse weeld / of gift be Aboundande If thow hafe lesse study / to dele part with glad hande Nor mete nor drinke files Defiles. noght / bot thaire vse vndiscrete Nor in faire clething synne / if the hert be to god swete ffor ilk man after his state / may honest clething bere Als wham god makes a kynge / besemes no sekke A hair-cloth garment. to were Nor husband men awe noght / clothis to were of sylke Than eury man als his estate / askis late him were swilk And thogh ilk man hafe leve / to bere his state dewly Hym nedes wele to be warre / of excesse besily ffor if mesure be dette Fit. / to kepe in eury thing Nede mot it be to blame / dampned excesse in to bryng Than sithen be slithing Pleasing. gudes / the werld wold vs betrayse Shape we to overcom hym / thorgh mesure be all ways Thare had neuer maide man / bene cuyllyd Quelled, killed. in this bataille If man had dwelt alway / in paradys with out faille Thare had he bene alway / and neuer hafe felt disese And here passis noght ane howre / bot some thing hym displese Now haves hym in a wayte Ambush / his aperte Enemy Now castis his feint freende / to jape hym couertly Some tymes diseses man / a migge or els a flee A flegh or than a worme / thogh it full little bee Be right is man inpugned / with Elementz and with beestes When he be pride wald breke / his Creatovres hestes Whilom prikkes erth the man / with breres & with thornes Some tyme is he to rentt / with beestis teth or thaire hornes Some tyme man is bewrappid / in tempest or in flode Robbers slees on the see / or woundes men for thaire gode The Ayer corrumpes men / and causes oft pestilence Briddes with beek or clowes / done to men oft offence Till asshe wastes the fire / of men both bone and fflesshe And smoke dos to mans eghen / oft sith grete hevinesse In paradys shuld neuer men / til othere hafe bene Enemys Who myght fynde here o freend / ware full graycious and wis Whils men hafe here estate / grete richesse and honoure He shalle fynd freendes ynowe / his cause forto fauoure Bot if the state and gude / passe ouer and tham withdrawe ffull many yt semed his freendis / at nede will be full slawe A trewe freend sall be knawen / in grete aduersitee Of a trewe freend If he wil till ane eend / take than full part with thee Than who will for his freend / aventoure hym self & his Men hald be reson rounde / grete charitee in hym is Bot oure gude lord Jhū / had more of charitee When he for his Enemys / wald dye on rodes tree ffor we were gods Enemys / dampned perpetuelly And he has vs delyvred / be his innoumbrable mercy There myght noman eschu / til entre helles prisonne ffro whilk fortil eschape / suffized no mans resonne To whills god of mercy / and of comfort at alle Of his benigne grace / behelde oure forsaide falle And thoght vs to delyvre / be his sonne god o lyve ¶ Gyving hire of takenyng / be a braunche of olyve j. figura Broght to folk be a dowue / in Noe shippe encloos Ge. viijo ffor sawles fro helles Lymbe The Lymbe was the free prisonne in hell, callid Abraham bosme in whilk were haly faders & othere of the ald lawe yt shuld be redemyd be crist. / shuld passe maugre thaire foos And thus noght to thenclosed / in Archa Noe oonely Archa Noe Bot als til all this werld / takenyd that olyve mercy This same thing was forshewed / be many a faire figure Als bisy reders may fynde / seking in haly scripture Now gude Jhū gif vs / in haly scripture to lere Thi Charitee for to knawe / and kepe whils we lyve here IFF we the guyse will witte / of oure saluacionne CAm IIJm Remembre we alderfyrst / oure ladies Concepcionne ffor when crist wald be man / oure myscheif to restore His modres generacione / mot nedesly come tofore More clerely whilk to knawe / lo here of haly writte A parable how Jhū crist / some tyme prefigured itte There went a man some tyme / fro Jerusalem descendande And in desert commyng / he fell in theves hande His gudes fro hym bereft / sore wounded then left thay Vnnethes hym halfe o lyve / and than ȝede on thaire way A prest and eft a Dekene / come by passing furth than Bot noythere of tham myght hele / this ilke sore wounded man At the last a Samaritene / had pitee yt come negh by And heled this robbed man / of his woundes gudely And if it had noght befallen / to come this Samaritene Thilk wounded man had neuer / bene helid with out wene Doubt. In this parable man kynde / is shewed be figure apert ffro paradys of delice / out cast in this desert Spoilled of the gudes of grace / gyven hym of gods gudenesse And smyten with a sore wounde / of eendeles dedelynesse The whilk als halfe way dede / full lange lay soryly And was dede als in sawle / alle lyvyd it bodyly To wham nor preest nor Dekne / moght gyfe saluacione Nor make repare till heven / penaunce nor Circumcisione Than come this Samaritene / and rewed this wounded man And bande his woundes to gidere / and helyd hym gudely than Samaritene kepere / thus mich is it to say Be whame swete Jhū crist / wele vnderstand we may Ne had this kepere comen / in this werld to be borne Elles had alle man kinde / without eend hafe bene lorne Whare fore love we and blisse / for evre oure Lord Jhesu That on this half dede man / come in this werld to rewe And when this lord wald come / estyre To be (estre). hys trewest hete Promise. ffor thi sent he to fore / his modyre yt virgyne swete And his Aungell to tell / hire clere Concepcionne Luc. jo. Hire name and in his mynde / hyre eterne seintificacionne This is yt ladye swete / euer mayden meek and mylde Be wham come all oure hele / in Jhū Crist hire childe And wham god be figure / wald of sith preostende v. shewe to fore. And be prophes oracles / till his freendes commende ¶ The kinge Astiages / a merveillous visionne sawe ¶ j figure. Daniel xiijo. Out of his doghters wombe / a fulle faire vigne to growe Whilk with braunche flovre & fruyt / spred it so largely That his Revme ovre & ouer / it obumbred haly Astiages Than clerkes gon hym telle / wham he sperid Inquired. of this thing That of his doghtere shuld come / a fulle grete worthi king And sho broght forth king Cyre / whilk of his grete bountee Estere delyvred the Juys / fro Babiloyns Captivytee Litteraly haf ȝe herde / this dreme and what it ment Now hes more ovre to knawe / yr of the mistik intent Till Astiage was shewed / his doghtere shuld bere a king To Joachym his doghtere / to bere the lord of alle thing Cyrus delyvred the Juys / fro Babiloyns captyvitee And crist kyng has vs rest / out of the Devils poustee Power. The doghtere of Astiage / prefigured oure ladye Of whas wombe sprange the vigne / yt alle oure hele come by Blissed be thow mayden mylde / doghtere of the souerayne king Above both rose and lyllye / candent and redoling Redolence, odorous. Blissed be the sacred bode Annunciation. / of thi concepcionne Whilk was the forme dawenyng / of oure saluacionne Blissed be the fader god / yt wald vs of the sese Give possession. And honoure to god the sonne / yt the to modere chese Blissed be the haly gast / yt blissed hire longe to forne Are hire blissed fadere and modere / shewed hire to this werledborne ¶ Of this doghtere some tyme / sange Salomon mistikly ¶ [i]j figura That in hire modere wombe / god wold hire seintify ffor a Gardin enclose / he lykned hire vntoo Canti∣corum iiijto. And till a seled welle / this the resonne loo ffor in hir moders wombe / whils this virgine was shette On hire the haly Gast / his speciell blissing yette Confirmed. And merkid hire with the seale / of the haly Trinitee That neuer thing that warre synne / shuld haue in hire entree ffor soth marye thowe ert / gardin of alle swettenesse And welle of sawles witt / euer flowyng in fulnesse Also the hali gast / o marye heght the vs When be the prophes movth / Balaam he saide right thus ¶ Thare sall of Jacob spryng / a sterne of mykell light ¶ iija figura Num. xxiiijto. Balaam Num. xxijo Portending marye to be / gods chosen celle Cella Dei. full bryght This Balaam thoght to hynder / gods folk v. of Israel. be werying Cursing. Bot the gloryous haly gast / tourned it alle to blissing Whare by the haly gast / shewed be prefiguracionne That the malison of oure for-modere / shuld torne to benedictionne And be a mayden clennest / this grace shuld vs befalle Whas birth prefigured vs / a sterne bright ovre othere alle This is blissid marye / of the see the ladere Amanges the wawes tempestuouses / ledere and help singulere With out wham we may noght / this wawishe see ouerpasse Nor hevenyshe haven rocovre / yt be oure synne lost wasse Whare fore thus be a sterne / god takned the byrth of marye ffor he til heven be hire / wald bring vs mercyfully To hym that gave this sterne / be joye euer newe and newe Be wham this sees wodenesse Madness. / we may passe and eschewe O man what evre it be / disespaire neuer for thi synne Repent and be this sterne / thow may forgifnes wynne Con fest on it thyn eghe / what perile so evre thow doute Iit wil the hile and guyde / and trewly bring the oute This sterne in his disese / Theople se and besoght And sho of hire gudenesse / till haven of hele hym broght Gyf vs so to behald / this sterne o gude Jhesu Yt we the to displese / be hire mowe evre eschewe THE passed Chapitle has tald / oure ladyes anunciacione CAm IIIJm Nowe fylows it forto here / hire birth and generacione The ligne of oure Ladye / come of Dauid and Jesse Of wham thus lange to fore / prophizide Isay witte ȝe ¶ Of Jesse rote a ȝerd / in tyme to come sall springe ¶ ja figura Out of that Rote a floure / vprightis ascendinge The sevenfold haly gast / apon this floure salle rist Thus saide this haly man, / here of ȝe may be trest The ȝerd is oure Ladye / with fruyt be hevenysh dewe The floure hire sonne yt sho, / vnto this werld shall shewe In this floure erre to fynde / medicynes full gode seven Takened be seven giftes / of the haly gast full even Touching savoureij and fruyteiij / thire ere the forthmast three Coloureiiij, levesv, and juysvj, / and tastvij, the sevent to bee To sawles the whilk erre seek / ere medicynal thire seven thinges Ageins seven dedely synnes / whilk tham vnto hell bringes vij giftes of the hali gast j Touch∣ing, drede of godde Thorgh touching of this floure / of pride swages bolnyng Swelling. And man be gift of drede, v. of god. / haues of hym self knawing Who thinkes for bolnyng pride / how touched was Lucyfere Ageins pride He makes hym and begynnes / of god to have a fere ffor sith god wald noght thole / Lucifers and Aungels pride Wele lesse wille he thole man, / in pride by hym abide ffor thay had graces of whilk / thaire pride thai myght pike out Bot stinking man no thing / whare of to bere hym stout An hard envious hert / this floures smell makes soft ijo Smelle And the gift of pitee / stires to compassione oft The gift of pitee ffor of no manes disese / has pitee the Envious Ageins Envye Bo[t] euery mannes woo / Rewes the misericordous Who takes this smelle yt is / of crist ensample yrfore Of ilk man in disese / compassione haves evre more And als crist wepes he / with tham he sees weping In bodye or than in sawle / when thaym ales any thing ¶ The fruyt of this swete floure / of Ire vndos woodnesse iijo the fruyt Als teches the gift of science / to lyve in gudelynesse The gift of science Nota Ageins Ire Ȝe see ane ireous man, / has no discrecionne fforthi he ne haldes no revle / of resonable conuersacionne The gift of science is mylde / homely, and avisee Guarded. And techis to lyve at ryst / with folk of all degree v. with yvell and gude. The fruyt of cristes werkes / to suy who getes grace To lyve may he noght faille / duwly, in euery place This floures coloure destruyes / of accide v. of sleuth. Sloth. Accide, from low Latin Accidia, or Acedia. the palesye iiijto the coloure the gift of force And be the swete gift of force / a man is strengthid noblye That he no payne may fele / nor have drede of laboure Ageines accide Of this floure crist on crosse / behalding the coloure And for seghen grapes blude / the Olyphaunt waxis felle To vices seghen crist blude / vs aght be more cruwelle This floures coloure who than / behaldes devoutly ffor crists luf aght hym laboure, / and thole alle thing gladly The leves chaces of this floure / of Auerice the ydropicye v. the Leves The gift counseille ageynes covetize And so gift of counseil / slees thrist of Covetye There leves ere cristis wordes / and his doctrine teching To dispise werldely gudes / and lufe euer lasting thing What man yt this teching / haves grace to keep duwely He proves in him to dwelle / the spirit of counseil trewly And swilk men haf no Joye / of Richesse temporellye Bot swilk gude als god sendis / to part with hym frely This floures juys of Glutterye / voides replecionne vjo the Juys The gift of intellectee ageines glutterye And gift of intellecte / gives spirituelle cognicionne The Gloton knawes erthlinesse / and vnknawes hevenly thing Be erthly thinges hevenly / gifs intellecte knawyng Als seyng the sonne so clere / or a delitable floure We knawe full faire and swete / is god thaire Creatoure This floures tast makes baiske Sour. / of luxure the delite viio the tast The gift of Sapience The gift of sapience gifs / of erthly lustis despite ffor who ones haf tasted / the haly gastis swetnesse Ageynes Luxure All manner werldely lust / shal hym thinke bitternesse Als honye voides the tast / of othere mete naturell So touching the haly gast / cesses alle lust carnell O ingent magnytude / lord blissed mot thow be Of thyn hidde swetlynesse / to tham yt dredes the ¶ Also the ȝerde of Jesse / shewes wethin marye was borne ¶ ij Figure Bot howe yt ȝerde florist / shewes in thilk ȝate sporne Shut. Ezechiel this ȝate / cloos in his spirit see he That nevre with outen eened / for thing shuld opned be ffor onely god hym self / wald by it cloosed passe Portending Cristis birth, / yt after so merveillous wasse Take this who take it may, / Crist of oure ladye was borne Vnlike alle othire men, / after his birth and to forne No wondere at open dore / a man passe on his gate And bot it is merveille and more / to passe thorgh spered Shut. ȝate ¶ A temple made Salomon / also to godde noblye ¶ iij figure In whilk was prefigured / the birth of oure Ladye This temple of Salomon / had on it pynacles thre Be whilk the triforme Auriole / of marye takened may be The first yt sho fande first / is of virginitee Yt oyr of martirdome / in sawle whilk soeffred shee The thredde is of prechours / and of doctours hyeghnesse ffor sho was of apostles / and of Ewangelistes maistresse This temple of marbre white / was made vppe alle bedene Altogether. Ennouruyd Adorned. with golde with inne / yr moht none more be clene So was this virgine white / be purest chastitee With golde ouer cledde withinne / of perfite charitee O how is faire and clere / generacionne of chastitee O marye charitable & chast / euermore mot thow wele be In the temple was als a leddre / be whilk to clyme vpward In marie godhede enclos / for oure ascensionne to hevenward Thorgh hire meritz gif vs / o pie and gude Jhesu THIS Chapitle last toforne / told of oure ladies bering CAm Vm In this fylows to here / in the temple of hire offering Sho was broght to the temple / at age of fulle thre ȝere To serue almyghty god / and lettrure for to lere ¶ The sonnes borde in the sande / prefigured hire oblacionne j. figure Of whilk whi it heght so / take here shorttely resonne ffishers kest in the see / thaire nettis apon aday maist of Hystories A table of fulle fyne gulde / this merveille vpp drugh thay This table als stories telle / was riche and preciouse Til euery mans thinking / and hogely speciouse By thilk see stode a temple / beelded apon the sond Whilk in name of the sonne / folk wyrshipt of yt lond In thilk temple yt borde / was offred festivalye Vnto god of the sonne / whilk there was honourd heghlye And thus thorgh out the werld / hold ȝe this soth or fable Was it cald commonly / In the sonde, the sonnes table And for thilk temple was sette / in swilk place gravely Als ȝe wote sonde to be / had it the name yr by v. mensa solis in sabulo. Be this table of the sonne / was prefigured marye To godde the verray sonne / offred full preciouselye The forsaid table was offred / vnto to the sonne materialle Oure ladye vnto the temple / of the sonne eternaile To se the sonne table / fulle many a man list hadde And for oure ladies birth / both Aungels & men were gladde Of a fulle pure matere / was made the sonnes table Marie was body and sawle / to godd perfitely placable And be the Table of the sonne / marye was takenyd faire ffor to the table of heven / be hire have we repaire ffor godson Jhū crist / bare vs yt mayden gude Yt fedes vs preciously / with his fleshe and his blude Blissed be yt joyouse table / in heven and in erthe here Be wham is vs this mete / gyven gods salutere v. gods sonne. Hire fadire and modire be blissed / whilk broght hire forth in kynde And offrid hire for mans hele / to god with haly mynde ¶ In the old lawe rede we none / his doghtere yt to god offride ¶ ij figure Sauf Jepte yt sacrifide his / and to wrange deth hire dide Judic. xjo. Jepte his doghtere to god / offred to god perfitly ffor thaire doghtere wald thai noght / nor slee no sacrifye Bot offred hire vnto godde / to serue hym qwhikke Quick, actively. swetlye Jepte made an avowe / whilk haly doctoures reproves Oure ladie made hire avowe / whilke god and man aproves The doghtere of Jepte bewept / to be a virgine dede Marie fande Proved. first the avowe / of gloriouse maydenhede That after hire shuld no childe / of hire leve wepped shee v. ye doghtere of Jepte. ffor crist moght noght be borne / of hire posteritee v. of hire ligne descendant. An[d] that yt sho wept sore v. the doghtere of Jepte. / to be thus vnhappy Marye it fande sely Happy. / selyere and most sely After victorie was sho v. of Jepte. / offrid als for lovyng Bot marie was offrid tofore / the victorie whilk was commyng Jeptes doghtere was offred / for Enemys temporele Oure ladye for Victorie / of Enemys spirituele She v. Jeptes doghtere. myght serue god no more / yt in hyre offring thus sterevid Died. Bot Marie after she was offrid / euremore vnto god seruid ¶ And howe this ladie v. marie. hire shope / to serue god hire lif while ¶iij figure Was be the Gardin figured / some tyme cald Suspensile Whilk made A king of percy / in hoege heght als rede we In whilk standyng his wife / moght behald hire contree Be whilk the contemplatif life / was takenid of oure ladie Nota ffor sho the contree of heven / beheld evre besilye And to devocionne evre / and contemplacionne Was sho gyven and nevre ydel / nor werldly vpp nor doune To wirke or haly redyng / gaf sho hire bisylye Or contemplant was sho / prayand devoutlye In ympms or psalmodye / was hire songe jubilynge And in devout prayere / fulle oft swetely wepynge ffor hele of alle mankynde / prayid sho without stinting Reding contynuelly / scriptures of crist commyng And of crists birth in erth / when sho fand oght for fayne Sho halsed Embraced. and kissed swetely / and oft redde it aȝeine And when yt othire virgines / home fro the temple went There to dwelle stil with godde / was euremore hire intent To studie in gods lawes / list eure yt mayden bright And to rede and reherce / profited sho day & nyght If sho se oght vnclene / in gods Temple yt weshe she And bisy how thinges amisse / myght best amendid be She ne had neure joye for slepe / til ones hire heved lay doune Bot asking ful lawefulle nede / of hyest discrecionne And thogh sho more or lesse / slept some tyme bodily Neure the lesse hire sawle withinne / woke than fulle halily Yt is that in his songes / of hire wrote Salomon Cant. v. I slepe and myne hert wakes / menyng of hire person So gudely wys was sche / so chast in swete mekenes That hire lyf was ensample / til all folk of gudenes Hire speche was lawe and soft / souleyn Solemn. and fulle discrete Neure fell to sharp nor bittere / bot hevenly zucrish swete Nor pore nor fieble man / dispised she neure be signe Bot in speche and hailsing Saluting. / all folk held hire benigne Sho was ouer craft to telle Beyond what is possible to say. / humble pie v. mercifull. and devoute To fulfille gods wille / all gyven and vnderloute Humble. Haly scriptures and prophecies / knew sho most felyngly Teching the haly gast / ouer all oyr clerely Sho kest neure eghe on man / to fest on hym hyre sight Of oure ladies port Nor hire nekke nor hire front / vsed sho to bere vppright Here eghen donwards til erth / amanges men bare sho ay Hire hert vpwards on heven / was festined nyght & day In short what tonge may telle / in praise or hert may mene Baldely Boldly. be songen and saide / of this swete virgine shene O gude Jhū graunte vs / so luf this mayden here Yt bring vs to ȝow both / in Joie eterne and clere OFF the last Chapitle tofore / herde ȝe oure Ladies offring CAmVJ.tum In this suys it to here / the cause of hire spousing Whi crist his modire wold / were wedded vn til a man There of clerks in thaire bokes / Eght causes assigne can ffrist yt schen had noght be hoped / grete be ffornicacione j. cause And als ane avoutresse / demed to dampnacione Secund mans presence and help / god gaf hire to solace ij. cause ffor hire sat Sal, shall. noght go soule / wagrand fro place to place The thridde to jape the feend / of cristes incarnacionne the thredde cause Yt he shuld hope come of man / hire virginele Concepcionne The fierth, for maries wittenesse / more of hire chastitee The fierth cause Was of hire husband to trowe / than of othire in degree The fift for that the ligne / of crists Genologie The fift cause Shuld to Joseph descend / the husband of marye ffor haly Scriptures vses noght / be wyves yt ere female To rekken Genologie / bot after thaire husbandes male The sext yt matrimoigne / shuld be for haly approved The sext cause Nor of no man dispised / als yvel, nor be reproved The sevent yt virginitee / in matrimoigne were able The sevent cause To kepe so yt it be / to both the parties greable The eghtend yt wedded folk / of wanhope Despair. shuld noght be The egh[t]∣end cause Trowing the stat sauvable / of onely virginitee ffor til approve ilk state / wele kept come crist Jhesu There fore was his modere / virgyne, wife, and widev And thogh thire thre estates / be proved gude and haly Ȝit bere thai difference / amanges thaym hoegely VirGINI TAS Nota de virginitate bm. Nota bene ffor matrimoigne gude and seint / approved is forto be Manere tyme and intent / who may kepe wele thire thre ffor bettere than matrimoigne / is wydowes chastitee Bot best is the clennes / of maydenhede in degree To wedlake trewly kept / is aght the fruyt threttisme And to wydows sexty, / to virgines full centisme ane hundreth fald. The metalle of auricalke brass. / is knawen a preciouse thing Silvere more preciouse / gold aldermost passing The day sterne is full bright / bot more bright is the mone The sonne brightest of alle / this may man perceve sone This werldes joye semes swete / bot swettere is Paradyse Swettest the joye of heven / innoumbrable passing wise And thogh maydenhed excelle / and be best for clennesse It nys noght worth bot it / be kept with hertis holenesse ffor who yt maydenhede kepe / in flesh and noght in wille Yt thai have auriole eterne / of maydenhede is no skille Reason. And who is mayden in hert / and forlayne violently Leses none Auriole / bot dubled gets it yr by One shalle thai haue no dout / for herts virginitee A mede ouer for the force v. pyne and passionne. / to thaym done thaire mavgree And the aureole forlost / be hertis corrupcionne May be recouered here / thorght bisy contricionne Of the Auriole lost Bot who ones in thaire fleshe / is corrumpt wilfully Nota Thare auriole be nevre restored / for any penance surely And thogh marie was joynte / vnto man be spovsing Ȝit dwelt sho body and sawle / in maydenhede eurelasting And with Raguelis doghtere / Sara, moght sho wele say Thobie iij. My sawle haf I clene kept / fro alle concupiscence v. flesshly lustis. ay ¶ Sara to seven husbandis / was wedded thus it be felle j. figure And clene mayden alle yt tyme / als haly writt can ȝow telle Be strongere resone than myght / marye be ones wedded And eure withouten eend / dwelle virgine vnblemmyd If Sara fro seven husbandes / kept the feend asmodee Whyne moght his modere fro oone v. husband. / godde kepe be his poustee ffor when eure seint Josep / loked on thilk virgyns floure Se he of hire to sprede / ane hoege divyne splendoure ffor thi durst he nevre more / on eghe cast on hire face Bot in fulle hoege reuerence / and when it felle be some case Thre nyghtes chastitee / kept Sara and Thobye Bot virgines alle thaire lyve / were Josep and marye Of the vir∣ginitee of marie & Joseph Josep virgyn was borne / of Dauid progeny And be gods wille conioint / als kepere to marie Noght yt gods special choise / neded vndere warde to be Bot that for suspecionne / of men shuld kepe hire hee ffor sho had to kepere / souereyn god and verray Yt fro alle manner incurs / of Enemys kept hire ay O kepere had sho fro heven / an othere for to make twoo In erth honest and trewe / sho ne had nede to no moo ¶ Whare fore this mayden mylde / thus singulere of gude fame Baris ij. figure Is likned vnto the toure / of Baris yt beres name Whilk toure moght wele be kept / be two men defending ffro all manner men yhat / in this werld be lyving So stronge and invincible / was this virgine marye Wham god kept with his grace / allway so tendrely With inne the walle of virtues / so surely hire closing Yt neure none Enemys fraude / moght turn hire to letting Whare fore likned is hire lyve / to Dauid toure so stout On whilk a thovzand sheldes / honge in compas about The sheldes ere swete studies / and werkes vertuouse Be whilk garnyst hire lif / this virgine gloriouse Yt so ferre ouer all othere / hire lothed alle foule delite That neure fondyng of synne / myght o spotte in hire smyte Noght onely in hire self / voiding temptacionnes Bot be bemes als in othere / of hire infusionnes Sed etiam ab his quibus radios sue gracie infundebat. ffor alle werre sho sothly / the gudeliest of wymmen Ȝit moght neure none be synne / desire hire of all men ffor swilk vertue divine / bemed of hire excellence Yt who evre hire behelde / it qwenchid his concupiscens v. the vnhonest lust. ffor als Cipresses smelle / drives serpents out of place The nature of cipresse So present marie, luxures / fledde thorgh hire special grace And als flowring the vigne / serpents may noght abide The nature of ye vigne So neure foule concupiscence / moght dwelle marie beside O gude Jhesu gif vs / alle foule thoghtes to flee And our herts with thi grace / fille for thi grete bountee TOFORE of oure Ladye / herde ȝe the swete wedding CAPm. VIJm Now fylowes it for til here / hire mirable Conceyving When in Jerusalem Joseph / had taken marie in spouse To Nazareth was sho had home / vntil hire parentes house v. fadere and modere. And whils Josep for thinges / of weddyng was bisy Conceyvid vnwitting hym / of the holy gast marye Trow nat yt Gabriel / fand hire without clausure v. wannand in the strete. To wham with out hire godde / neure sauoured creature Cui solus deus sapuit et sine deo viluit omnis creatura. Sho went neure out to spye / like Dyna, v. Jacob doghtere. the newe aray Gen. xxxiiijo. Nor dalied to homely with men / like Thamare on the way Gen. xxxviijo. Nor noght like Sara Raguels doghtere. onely / to man whilk covettid nevre Bot like the soliteres Judith / fasting and praying evre Judith. viijo. Wharefore when hire with childe / Josep perseyuyd and se With full grete dred of hert / til hym self thus thoght he Inpossible is yt this / woman be ffornicatrice So seint, abstynent and chaste, / and hatere of alle vice Of mete nor drinke was sho / neure yhit diliciouse Neure wont to hoppe ne daunce / nor renne fro house til house To convers in publike v. in comon place. / hafe sho fledde all hire lif Halsing solitarie estat / and pure contemplatif Alle manne werldely joye / dispising and solace Brynnyng als gold in fyre / to stand with god in grace ffro childhode in the temple / has sho dwelt god serving Yt neure to man of lyve / was sho sene once drawing And now sen sho come home / to fadere and modere here Eure in hire chambre enclos / in fasting and prayere Whare of shuld sho conceyue / this grauidacionne Yt in this werld to synne / gaf neure occasionne Perauntre Perchance. filled is in hire / ysayes prophecy A mayden shalle conceyue / and bere a son sothly Ysaye vijo. May be of Jacob sede / this virgyne is the same Wham some tyme in a sterne / promicyd Balaam Num. xxiiijo. Likyng the haly gast / in this wise lange to forne To shewe of a virgyne / yt god son shuld be borne Also this mayden be grace / thilk ȝerde flouryng may be Prophecid to springe are this / out of the Rote of Jesse In hire may noght be rette Imputed. / bot vertuouse honoure Whare for certein this is / modere of the saveoure I am vndigne with hire / of conuersacionne Whare fore gude is I flee / of sposailles completionne In auntre Other case. suspectione badde / the folk take ellis yrby Me nedes fro hire presence / withdrawe me prively Als Josep with marye / to dwelle dred in this wise So was seint John afeerd / to Jhū crist baptize Math. jo. To come noght in his house / to crist prayed Centurio Math. iijo. And Petre hym prayed o tyme / out of his shippe to goo Luc. vijo. The womman Sunamyte dredde / the cohabitacionne of Elye And Josep the cohabitacione / of gods modere marye And when yt Josep of hire / thus hoege reuerent drede hadde Gods aungel come hym to / to make his hert be sadde Firm. Luc. jo. Bidding hene shuld noght dout / his spouse for to take than So grete of the haly gast / and neure of erthly man ¶ This Concepcionne mirable / of thilk swete virgyne ȝynge ¶ j. figure Was shewed to moyses some tyme / in a grene bushe brennyng The busshe in flawme of fyre / lost noght the grennesse Marye conceyved a son, / evre virgine neuer the lesse God was hym self withinne / the brynnyng busshe for sayde The same yt in the wombe / dwelt of this purest mayde God come doune in the busshe / for the liberacionne Of Jewes, and in marie / for our redempcionne To bringe Jewes fro Egipt / in the busshe descendid he And in this virgines wombe / fro helle to make vs fre And when this lord wald be / incarnat amange men Alle one mary chese he / ouere alle erthly wymmen ¶ In Gedeones flece was this / shewed figuratively ¶ ii. figure. Whilk men rede with dewe wette / of heven merveillousely Judic. vjto. ffor thilk flece be it self / wete of this hevenyshe dewe The drie erthe ferre about / had noght yrof a drewe Dreg. So of this dewe dyvine / was onely filled marye None oyr of all this werld / yrto founden worthie fful many a doghtere has gedrid Gathered. / thus says the boke rychesse Capitulum the last Bot ouer alle oyr marie / be infinite excesse Of some signe in the flece / to god Gedeon prayid Where Israel folke yt tyme / shuld be hym be delyvrid The weking Probably a mistake for 'wetting.' of that wolle flece / signed liberacionne Marie this wise with child, / takned oure redempcionne this flece of Gedeon / is blissid virgine marie Of whilk make hym a cote / crist wald of his mercye ffor in the cote be cledde / wald he of oure freelte To cleth vs in the stole / of eendles felicitee Gedeons flece to be dewe / nothing blemyst the wolle Marie conceyved a son / virgine eure at the fulle ¶ Gedeon wronge out the dewe / ware of a tonke Tank. filled was ¶ iij. figure. Marie bare vs a son / yt filled this werld with grace This swete concepcone v. of crist. / was broght be Gabriell ffigured in abrahams child v. his seruand. / and Rebecca Batuell v. Batuel doghtere. Abraham sent Eliezere v. his seruand. / to seke some virgine gudely Til his sonne Ysaac / a wif to be worthi Rebecca to Eliezere / asking a drinke it gave And he chaze hire in spouse / his lordis son forto have So sent the fadere of heven, / to this werld Gabriel Luc. jo. To seke for his dere son, / a modere and virgine lele And he virgine marie / meke ouer alle oyr fande That gaf hym asking a drinke / til his bode consentande Rebecca ministred a drinke / to message and Camelle Marie till aungels and men / opned of lif the welle O gud Jhū gif vs / thin incarnacionne luf here Yt in the welle of all lif / we be eure partenere HERD in this pas[t] tofore / of cristes concepcionne CAm. VIIJm. Now here of his manhede / the seint generacionne The whilk noght Aunegels alon / desired lange forto se Bot faders alode and oft / cryed lord when shalle this be Send forth thi lambe o lorde / of erth dominatoure Ysaye xvje. Thi light thi sothfastnesse / god of eterne honoure Shewe vs thi face fulle faire / and sauf erre we for ay Thi son wham we abide / and seke als foghil Fowl. the day Whyne wolde he brist the hevens / and in this werld descende And his folk fro thralledom / of alle the Devels defende Bowe doune right lord thyne hevenys / & til vs sauve descende Of thyne hoge maiestee / and thi right hande extende Haf nowe lord mynde of alle / thyne olde mercyfullenesse Come refe Take. vs fro the poustee / of eurelasting derknesse Come lord yt thi prophets / be fonden lele and verray Thyne heghtis and thaire figures / be fulfilled in thaire day Come lord right sone and hast / and tary noght thi gudenesse Relese thi folkes trespasse / and take oure blode & flesshe No man suffises vs, / nor aungel til vnthralle Come thow yrfore thy self / o lord yt made vs alle At the last mercyfull god / take oure hvmanitee ffor to destruye of man / the olde Captivitee He yt some tyme saide me / repents to haf made man Gen. vjto Liked to be incarnat / man to delyvre than ¶ This was figured to fore / be the botlere of pharaon ¶ j. figure Whilk dremed in prisonne shette / of his deliurison Hym thoght out of the grounde / a vigne sprange hym tofore Gen. xla. Whilk spredd it in thre braunches / be processe more and more Thilk vigne broght noght furth grapes / at ones in o moment Bot first lef and than flowres / and grapes siccedent fylowing. He pressed in pharaos cuppe / yt he held in his hande Grapes, and offred his lord / als he vsed to forhande After of this dreme herd he / swilk interpretacionne Yt passed bot dayes thre, / to be qwite of prisonne Of this dreme haf ȝe herd / the cas historiale Here nowe if it ȝow like / the menyng spirituale Tofore that oure saveoure / toke oure hvmanitee Mankynde had suffred lange / reuthfulle captivitee At last a vigne Jhesus / sprange of the erth marie Havyng in hym thre braunches, / thre thinges wonderfullie ffor crist in hym had fleshe / and sawle, and Deitee Whilk thre thinges hafe destruyd / all oure captivitee Or els thre persones thire braunches / eris in the Trinitee Whilk vs of prisone has qwite / of alle the feendes poustee Bot noght mankind delivred / onene Onence, against. yt crist was borne Bot wyne of cristis blode / pressed in the crosses horne The thredde day after this wyne / was pressed in passionne v. of crist. Than was mankind fre qwite / out of feendis prisonne This wyne the king of heven / enebried fulle swetely When he mans gilt yrfore / wald relese so freely The same wyne has vs left / god of his grete mercy Euery day to be offred / in the autiere mistikly v. of the secrete ordenaunce of godde. Vnto the hegh king of heven / for this werldis offence ffor ilk day it offendis / yt lordis maiestee inmense Blissid be yt saveoure / and his clemence v. pitee. divine In whilk is vs betaken / thus helefulle medicyne And blissed be euremore / yt virgine gloriouse Bering this vigne of wyne / thus wele enebriouse When crist was borne the vignes / floryshed of Engaddy Eccliastica historia To shew yt crist figured / was comen than certeinly Blissed be oure savioures crist / joyouse Natiuitee Of whilk till aungels and men / comes alle vtilitee v. the profit. Be it fro feendis myght / is mankind delivrid And be the same aungel kinde / is gudely restorid Of cristis birth nowe herde / the swete vtilitee Here we yrof forwardis / the manere and qualitee ¶ The manner yrof figured / Aarons ȝerde almandine for it bare almondes. ¶ ij. figure Yt florisshed and fruyt broght forth / be souleme virtue divine ffor to merueile yt ȝerde / contrenaturely burgeonde Budded. thare So marie of natures ordre / merveillously hire son bare Aarons ȝerde fructified / without plantacionne Marie bare vs a son / without mans commixtionne The ȝerdes floure shewed Aaron / worthi vnto presthede And marie childing bare vs / a souerein preste in dede In the almondes shelle / was hidde a swete Nuclee v. a kunelle. In the shelle of cristis flesshe / was hidde his Deitee In aarons ȝerde we fynde / of braunches the grennesse The swettnes of the floure / of fruyt plentivousnesse So is in marie fonden / eure grene virginitee Of pitee the swettnes / pleinesse of saintite ¶ And crist shewed noght his birth / vnto the Jewes onely ¶ iij. figure Bot to the payens also / of his aboundant mercy ffor he come noght in erth / ones for the Jewes sake Bot for his grace wald sprede / all men sauf for to make Thire tymes Octovian was lord / ouer alle the werld rede we Thi. ij Pet. iijo. Whare fore the Romayns hym profred / honoure of Deitee Of whilk thing he counseild / with Sibille the prophetesse Where in this werld shuld eure / man passe hym in gretenesse A sercle of gold at Rome / a boute the sonne beme sawe she Thilk day yt crist was borne / in the land of Judee Als in that cercle sho se / the fairest mayden sitting A faire son ouer alle oyr / in hire swete armys halsing To the Emperoure Octovian / thilk Sibille shewed that thing And saide ouer his estate / yt day was borne a king O myght of the king of kinges / ouer all yt beres poustee Yt has delivred mankind / fro the feendis Captivitee Jhū gif vs thi birth / til honoure with myght and mayne Yt in the devels thraldom / wene falle neure more aȝeine THE passed Chapitle declared / cristis generacionne CAm. IXm. In this nowe is til here / of the kinges oblacionne Thilk day yt Jhū crist / was borne vs in Bethleeme ¶ Thre kinges se in the Est / a sterne of fulle grete leeme Brilliancy. j. figure In whilk newe sterne thai see / a knave childe faire and hulde Enwrapped? A boven his heved apiered / a bright crosse of fyne gulde ffro thence herd thai avoice / vntil thaim thre saying Goos to Judee and thaire / shalle ȝe. fynd a newe kinge To that lande went thays kinges / alle thre fulle hastyly Hevens kinge fand thi thare borne / and offred til hym gudely ¶ Thire thre kinges be thre stronge / men, had prefiguring ij. figure Yt broght fro Bethlemes Cisterne / watere to dauid kinge The boldenesse of thire thre stronge / was praysed fulle mykil yrby iijo. Reg. xxiijo. The come and offring of thire / thre kinges is loved hyeghly The thre stronge of thare foos / thayne hadde no manere awe To passe thorgh out thaire ost / the watire thare forto drawe Herodes pouwere ryght so / thire thre kinges dred no thing Bot boldly Judee entrant / askid of a newe king Jaspare, Balthasar, Melchor, / the thre kinges heght yt day The names of the thre kinges The thre stronge Bananyas, / Sokobay, Abasay The thre stronge at Bethleme / feched watere of the cisterne The thre kinges come to Bethleme / for watere of grace eterne The thre stronge watere drew vpp / out of a cisterne terrestre The thre kinges toke watere of grace / of the bottellere celestre The Cisterne in Bethleme / be this wayes figured even In Bethleme yt shuld be borne / the buttellere of hyest heven Whilk should byrle Draw. watere of grace / til ilk man wele thrysty And freely gif watere of grace / to thaim yt may noght by Kyng Dauid the watire broght / offrid to godde lovyng Yt gaf hym so stronge men / to do yt maysterfulle thyng Cryst lord of heven and erth / toke Exultacionne Signed be thire thre kynges commyng / of Payens conuersionne Dauid semed noght haf thristed / watere bot his mens virtue Ryght so oure turnyng til hele / thristed oure lord Jhesue The thre stronge to Bethlem / went in fulle littel space So come thre kynges of the Est / thidire sone thorgh gods grace Who askis how yt this thing / thus schort tyme myght be falle To crist borne was nothing / say, impossible at alle ffor he yt broght Abakuc sodenley / fro Jude to Babilone Daniel xiiijo. Moght brynge thre kinges of the Est / in to Judee onone Thire kinges did at Bethlem / to crist fulle meeke reuerence And offrid hym devoutly / Gold, mirre, and Encence ¶ The figure of this new king / and of his oblacionne ¶ iij. figure Was in the kyngdome forshewed / of the wise kyng Salomonne ffor Salomone king a child / ȝit thogh wysest was he Reg. xo. And godde childe made als wise / als arst in Trinitee Kyng Salomon sat in the Throne / of yvoire faire & clene The whilk alle ouer was cledde / with gold fynest and shene Shining. Alle kinges of erth to see / king Salomon had brynnyng v. desire. And broght hym preciouse giftes / and latsomest Tedious. to fynd Bot the [q]whene of Saba hym broght / gyftes so many & slike Such like. Yt in Jerusalem tofore / warre neure arst sene thaym like The Throne of Salomon verray / is the blissed mayden marye In whilk satt Jhesus crist / eterne verray Sophie v. hevenly wisdome. This reuerent Throne was made / of alle there ffynest trezore That is of fynest gold / and aldere whittest yvore The yvore for his candoure / and his coldnesse witt ȝe Takenes virgenele clennesse / of hevenysh chaystytee Yvore a red coloure / takes vpp when it is olde nota Right so longe chastitee / ffor martirdome is tolde And for golde in valoure / passes euery metalle It takenes charitee / the modere of virtues alle Thus marie is cald yvoire / for virginele chastitee And ouer cledde alle with golde / for perfitest charite Lord gudely to maydenhede / conioignes charitee With out whilk pleses nothing / to god virginitee ffor als the vnbrynnyng laumpe / a thef dredes nothing No mare the devil maydenhode / charitee in it failling Salomones Throne was with / sex greces Steps. exaltate v. reisid. And marie superexcellis v. highly passes. / of all seints the state Of patriarkes and Prophetes / and Posteles Dignitee Of martirs and confessoures / and virgines in Degree Or Salomones throne had greces / sex als I saide toforne ffor after the sex eages / of the warlde was marie borne Twelve leonnceux ouer sex greces / Salomones throne exourned v. enbeliced outwardes. And marie als hevens qwhene / the twelue Aposteles anourned Or twelue Leonnceux of the throne / whare notable Embelissours ffor yt the patriarks twelve / ware maries progenitours And two grete lyonns the throne / of king Salomon vp bare Two tables of the commandements / dowbly v. in thoght and dede. in oure lady sawle ware Two handes stablisshid the throne / one on othere parte ffor the fadere and the haly gast / fro marie shalle neure departe This throne v. of oure ladie. verray Salomon v. Xrt. / made til hym self so clene Yt neure in no kynges aght Any. / was swilk ane oyr werke sene Whare fore the kynges swilk giftes / toke with thaym for offring Als to this lordfulle childe / shuld seme be most sittyng Suitable. Golde is a Real Regal. gift / for his grete nobletee Golde Be whilk yai shewed the child / a king verray to be Encense is oblacionne / ȝe wote is sacerdotale v. fallyng to presthode. Encense And this child was a prest / yt neure hadde his egale v. his pere. In auncien tyme with mirre / dede bodies biried ware Mirre Crist king and prest for mane / wald in this werld dye here Than aght Ought. vs offre to crist / golde of dilectionne v. of lufe. Sithen he for vs bare payne / of bitterest passionne Encense of devoute lande / and of graces thanking And mirre of compassionne / of his deth recoreding O gude Jhū gif vs / so tendre of thi paynes be In heven yt we descerve / euremore the forto se IN the chapitle tofore / was of the thre kynges offring CAPm. Xm. Nowe fylowes it in the temple / of cristis presenting Oure ladie the fourtied day / of cristis natiuitee Of hire Purificacionne / did the Solempnitee Bot sho ne had nothing nede / of purificacionne Yt neure conceyvid hire son / of mannes commixtionne Bot wold be purified to be / of the lawe Executrice v. fylowere. Yt shone shuld noght be demed / of the lawe preuaricatrice v. brekere. Levit. xijo. ffro brekere of gods lawe / was sho noght certeinly Bot alle yt was yrinne / kept sho fulle bisily ¶ The arke of gods Testament / prefigured hire yarefore ¶ j figure Arca testamenti In whilk the preceptis of his lawe / warre shette both lesse & more In this arke ware two tables / of moyses alle of stone In whilk the x commandements / ware writen ilk one by one The whilk for profite of reders / I write als yay ware thaire And ovre with a short glose / I thynk thaym to declare ¶ The first loke thowe ne be / gods alien wirchiphing Exposi∣tione of the x com∣mande∣ments. Deuto. vjo. Exo. xxjo. et Leuit. xixo. Yt is wirshippe trewe godde / and ouer hym luf nothing ¶ The secunde thow shalle noght in vayne / thi lord god name take Yt is thov shalle no blaspheme nor othe / in his name vnduely make ¶ The thredde is haf gude mynde / thi haly day to seintifie Yt is do no vnleffulle werkes / in it nor synne noght dedely ¶ The ferth, is ffadere and modere / honoure dewely obeiant Pitee and necessaries to thaym / in savle & body ministrant ¶ The fift slee noght in dede / in worde nor wikked ymaginationne In help consent Ensaumple / nor any occasionne ¶ The sext lecherye do none / in dede, thoght, nor spekyng Nor in thi jurisdictionne / be no swilk thing suffring ¶ Loke thov stele noght the sevent / othermens thing to the drawyng Nor mawgree wham yt it awe / be sleghtes mysvsing ¶ The eghten is falswittnesse / aȝeins thi neghburgh you ne saye Yt is alle leghes and wikked sleghtis / and detractionne flee aye ¶ The nynt house & feeld of thi neghburgh / to wilne eschew freely Til his disese or harme / it knawyng specially ¶ The tenth mayden nor knave willne noght / nor wif fro hire husband The forthere precept of vnmovable / this of movable vnderstand Thire two last preceptes semes / to discorde in nothing Bot that thai of inmobles / and mobles makes dessennyng And alle the forsaide preceptes / kept marie bisyly Whare fore the Testamentis arke / prefigured hire resonably This same arke als contened / the boke of the olde testament And marie the bokes of haly writte / herd in haliest entent In the arke was Arones ȝerde / whilk florisshed als is made mynde And marie wombe flovred & broght forth / ffruyt saluter to mankynde In the arke was vrna aurea / with manna cald Aungels brede Of marie come manna of heven / yt sauues fro eendles dede The Testamentis arke of Sethim / a tree inputrible was made And marie in rotynnesse ne poudre / neure after hire dede slade v. descendid noght to corruptionne. Withered. The arke had in the sydes / foure ringes of golde be tale In marie ware foure vertues / whilk men calle cardinale Vertues cardinale Yt ere temperaunce, prudence, fforce, / and the ferth justice The rotes of alle vertues / forto destruye alle vice Thwo barres this Arke had eke / be whilk it borne moght be Signifiant of god & man / the double charitee The arke with inne & withoute / was alle ouer golde bygone And marie with inne & withoute / in alle gude vertues shone Als to the goldin candelabre / was sho lykned forthi Num. viijo. Exo. xxvto. Whilk in the Temple of Jerusalem, / shone fulle nobly On whilk ware laumpes seven / brynnyng fulle faire standing The seuen werkes of mercye / in marie prefiguryng The seven werks of mercy This ere to hungryj gif mete / and drinkij to pure thristing The nakediij to cleth and gedre / to harberghiiij the nedy wagring Visitv the seke and prisoners / delivrevj and ouer thaym rewe To grauevij dedemens bodies / for oure lords luf Jhesu The werkes of mercye no dout / in marie ware plenerely Sen sho is modere of pitee / and qwene evre of mercy How shuld the modere of mercye / the werkes of mercye noght fille Or the Candelabre fulle of divine fire / noght shyne be the same skille The can∣delabre This ladie is verray Candelabre / and Cristis bright lanterne The laumpe brynnyng in fire / of light souerayne superne This virgine fulle of splendour / and thorgh out lumynouse Is bright as sommes Summer's. dawenyng / and als the sonne radyouse Hire bemes ouer alle the sternes / ere incomparabli bright Of this werldis nyght the mone / is sho ane aungels light To this Candelabre & hire candele / bere we devocionne With light candels in the feest / of hire purificacionne Marye to godde in that feeste / offrid a candel bright The whilk seinte Symeon cald thus / reuelacionne of folkes light Jhū crist marie son / is this candel brynnyng Luc. ij. Be threfald matiers yt ere / founden in swilk a thyng ffor in the candel is fire, / weke, and wax, this thre Candele In crist warre flesshe and sawle / and verray divinitee This candele to god the fadere / was offrid for hele of man Be whilk the nyght of oure / derknesse was lightned than ¶ Also the Oblacionne of this / gloriouse virgine candele iij. figure Was some tyme prefigured / in the haly child Samuele His modere Anne was barayne / & moght no childe bere Whare for sho god praying / lete falle fulle many a tere Till Anne gaf godde a son / ageynes alle naturel vse And a bove natures vsage / to marie hire son Jhesus Regum. jo. Anna hire son Samuel / to godde gaf in offring Bot marie of hire son to godde / his awne fadere made gyving Sho v. Anna. offrid a son to be / for the Jewes propugnatoure Marie hire son to be / of alle this werld protectoure And of Jewes refused / was Astere the son of Anne And marye son be thaym slayne / saklest Most innocent. yt eure was manne This thing be Symeon of marie / tofore prophecied was Yt the swerde of hire son / shuld thorgh hire sawle passe O gude Jhesu in luf / of thi presentacionne Gif vs in hevenyssh temple / with thyn aungels to wonne ȜE haf herd heretofore / how crist presentid was CAPm. XJm. How he fledde til Egipt / nowe heris in this pas Josep be the aungel warnid / yt Herod to slee crist thoght With modere and child onone / til Egipt fleeyng he soght Mathi. ijo. And when crist and his modere / ware in thies contrees entrande All ymages of mawmetry / ouer thruwe thorgh out the lande ¶ Whilk thing to the Egipciens / Jeremy had told to bee ¶ j. figure Tofore vnto yt lande / ledde in captivitee ffor when the Egipciens herd / Jeremy a prophett calle Historia scolastica and in the legende Sanctorum on Xris∣tenmesday Yai spired hym if in Egipt / shuld any grete merveilles falle He answerd a mayden shuld bere / a son in tyme to come And than shuld the ydoles ouerthrawe / thorgh Egipt alle & some And thai demyng this childe / ovre thaire gods till haf myght Treted what honoure til hym / forto do were best right A virgine with a faire child / didde thai make be entaylle Carving. Honouryng it in thaire wise / thus sais the Storie sanz faille Lange after what this mote mene / spird thaym King Tholome Thai saide thai hadde in prophecie / yt swilk a thing shuld be This prophecie was fullfillid / in dede fulle verrayly When in til Egipt was entred / crist and his modere marie ffor alle the ymages in Egipt / of ydoles ouerthrew than Wharefore a mayden haf childede / than demed there many a man Maist of the stories ¶ ij. figure ¶ Als was this thing figured / in moyses and Pharaonne His coroune alto bristing / with the ymagie of godde Hamonne The Egyptian Amun-Ra. King pharao did make his coroune / of gold and perre nobly With the ymage of godde Hamone / yrin wroght craftily Thai v. the Egipciens. hadde prophecie yt of the Jewes / a knave child shulde be borne Whilk shuld the Jewes delyvre / and Egipt be forlorne Wharefore the Jewes ware chargid / yr childere v. the males noght the females. in the flode cast Yt thus hym yt thai dredde / thai shulde slee at the last Herefore to lyve in twynne / thoght amon fadere. & Jocabeth the modere of moyses. The names of moyses fadere & his modere Als levere to haf no childere / than bring tham forth to deth Bot godde sent thaym his sonde Message. / to dwelle saume borde & bedde Maist his∣toriarum apon Exodi ffor thaires shuld be thilk child / whilk the Egipciens so dredde Jocabeth conceyved and bare / a son fulle faire and free And hidde hym in hire hovse / fulle prively monethes three After when Jocabeth se / sho moght no langere hym hide Hym closid in a skeppette Basket. / sho laide be the Ryvere syde Termuth Pharaos doghtere / come by the Ryvere yt hovre And the childe founden adopte v. chase be the lawe. / for son tille his honoure Whaym sho gert Ordained. calle moyses / and did hym norisshid to be And broght hym after on a tyme / vnto the kyng forto see With whaym playing his coroune / toke he hym at the last And he doune to the erth, / kest it and alle to brast A Bysshopp of thaire mawments / cryed thus when he this see This is the childe whilk goddes / shewed vs yt slayne shuld bee magist. histore. And his swerde drawne to slee / the childe for this doyng Some folkes saide yt the thing / was done of ynconnyng Qvhikke colys gaf thai the childe / to part thaire threpe v. debate. be skille Some kest he in his mouthe / als it was gods wille And thus moyses was sauued / thorgh grace in his ȝonge age Yt after delyvred the Jewes / ffro Egipciens seruage And thinges yt ȝe haf herd / of this child moyses nowe Accordis in diuerse thinges / vnto the childe swete Jhesewe ffor Pharao bad alle the Jewes / yr childere male forto drovne And to drenche moyses thaym with / was his entencioune So Herod bad alle the childere / of Bethlem dede shuld be Yt crist childe shuld be slane / amanges thaym thus kest he Bot als godde sauued Moyses / fro the handes of Pharao So sauued he his son crist / fro the swerde of Herod loo ffor Israel v. the childere of Israel. out of Egipt / to lede was borne moyses And crist borne to qwite man / out of infernale disese Moyses the godde of Egipt / to brast with the coroune Crist alle yr fals gods to brast / til noght and broght thaym doune This Ruyne of ydoles figured / ane ymage fulle lange tofore Seghen Seen. in his bedde sleping / be kyng Nabugodonosor This ymage heved and his nekke / ware alle of gold fulle fyne The armys and brest of it / ware thorgh out argentyne v. of siluere. This ymage wombe and the theghes / ware alle to gidere of brasse The leggis als thoght the king / of yrnysshe matieres wasse The feete some parte of erth, / the king thoght yt shuld be Also some parte of yryn / als thoght his sleping ee Out of a hille a stone / with out mans hande was kytte Caught up. And in the feet of the ymage / or mawmet doun slathe Struck. itte Whilk stone yt ymage grete / in poudere sone alle to brast And after wax v. the stone. a mountaigne / aldermost Great. at the last This stone of Jhū crist / gaf figuracionne Yt toke mankynde in erthe / for oure saluacionne This stone out of the mounteigne / without mans handis was shorne ffor crist was borne of marie / virgine after als to forne This stone crist in Egipt / the ydoles eke alle to brast Where thai ware silvere or gold / this is trevth hole and fast And mawments of yryn and brasse / ȝit brast he also thase With oyr of erthe ilkone / crist made turne til a maze In the remenbred ymage / ware sene thire maters v. of golde and silvere &c. alle And crist made alle ydoles / falle in to poudere fulle smalle That stone the ymage to broken / in a grete mowntaigne grewe ffor cessing ydoles the feith / sprange thorgh the werld of Jhū Or els the stone gruwe vpp / in ane hille aldermoste ffor crist his Enemy Herod / destruyed for alle his boste Crist callid out of Egipt / repaired in Jewerie thanne Luc. ij. In eage and wisdome forthering / to for both god and manne And in a mountaigne so grete / at the last thus growed he Yt he filled heven and erthe / with his inmensitee v. a thing yt may noght be mesured. Who shalle this mountaigne clymbe / yt is who shalle crist see Psalme xxiij. Bot the innocent of his hande / with hertis puritee v. clennesse. He this shalle blissing take / of oure lord almyghty And mercy of his gude godde / his Salutere eendelesly O gude Jhū gif vs / the to serue with hert clene Yt in the hille of thi blisse / euremore we mowe the sene IN the last Chapitle was tolde / how crist til Egipt was chacid CAm. XIJm. Heres now in this howe John / in Jordan Crist baptizid When oure lord Jhū crist / his trehttih ȝere beganne To Johan come he at the flvmme / for to be baptizid thanne Bot crist to be baptized / wit wele hadde he no nede Sauf for mankyndes hele / yt he it vnderȝede Yt watere his sacrede body / touchying shuld vertue take To man baptized in itte / entree til hevens make This was figured to fore / in thilk see v. a lavatorie. of brasse Whilk in the entree of the Temple / of Jerusalem sette was In whilk the prestes yt wolde / in the Temple make entree Had nede thaym forto washe / honest and clene to bee So in gods Temple of heven / entree who haue wille In Baptisme to be washed clene / hym nedes be like skille Nota And Nota are we go ferthere / yt there bene baptismes thre off thre manere Baptisme Off fflvmme, of flavme, of blode, / disseure thaym thus shalle ȝe Of fflvmme thas whilk in watire / takes duwe inmersionne Of blode thas yt for crist / tholes martyrs passionne Of flavme be the haly gost / forsoth baptized is he Yt purposed to Baptisme / and dyes are it may be And if that man on lyve / hym suffizes noght the intent Bot of some man if he may / the Baptisme of watere he hent Take. Ne baptisme of blode nor martire / availles noght be this skille Who may resceyue baptisme / of watere and noght ne wille Ȝe here how necessarie is / the baptesme of watere or flvmne Who may it have and wilnes / in gods Temple forto come Baptesme of flvmme is dome, / only in watere pure And noythere in wyne nor mylke, / nor in ony othere licoure The mare enen a lauatorie. Aheneum. or the lauatorie / the whilk was made of brasse ¶ j. figure In whilk all manere metallies / be the ffusoures ȝett was Takened that wordes of baptesme / may be in euery langage So yt the wordes haf fourme / after the trewe kyrkes vsage And euery man the sacrament / of baptesme may gif loo Lieu? If he it after haly kyrke / haf trew entent to do And als twelue oxen of brasse / bare vpp this brasen see So Baptesme twelue apostles / preched thorgh the werlde to bee iij. Reg. vijo. Nor it nys noght to slide ouer / yt yis mare enen was Hild about with wymmens / myrours of purest glas Yt folk in towards the temple / myght knawe in thaym lokeing If any spotte or oght ellis / ware on thaym mys satying Whilk figured yt baptesme askes / of conscience perfectionne With displacens of all synne / and hertly contrycionne Yrfore to some pharisens / Johan Baptist thus saide he Whame with out Contricionne / to baptesme come, he see How shalle ȝe flee the ire / of the comyng Juge, ȝe neddre Adder. brode Math. iij. Taking baptesme without / contricionne in ȝoure mode ffor he yt baptesme takes / with hertis contricionne Is clensid of alle his synnes / be plenere Remissionne ¶ In Naaman of Syre was this / shewed some tyme figuratifly iiij. Reg. vto. Yt was Lepre and clennsid / in Jordan merveillously This Naaman a payen was / and nothing godde he knewe ¶ ij. figure Ȝit come he to seke hele / of gods prophe Elisew He weshe hym biding the prophe / in flvmme Jordan seven sithe Times. And was hole as a childe / of alle his Lepre thus swithe Instantly. Helisev be this seven falde / in Jordanes watere wesheing Prefigured of the seven dedely synnes / in baptesme forgyving Naaman be Jordan was made / fro lepre thorgh clene in body Bot ffoulest synners be Baptesme / ere made faire spirituelly So yt if are thay synned eft / godde ordeynd thaire deying Thai shulde passe vntille heven / onone with out lettyng And this was takened when hevens / ware opned ouer crist anone Math. iij. When he in the flvmne Jordan / had taken baptesme of John Whare fore who so wille entre / in to the kyngdome of heven Nedes mot hym baptized be / als is forsaide fulle even And in the passage of Jordan / had this prefiguracionne Girtring Ordaining. the childere of Israel / the land of promissionne Josue. iij. & iiijto. ffor first Jordan the figure / of haly baptesme thay passed Are thai ware in the lande / of gods promissionne entred Right so be baptesmes lauacre / mot ilk man have passing Whilk to the verray lande of beheste / desires to haue entring Archa domini thorgh myddes Jordan / was borne & there it stode And the folk with thaire bestaille / drye fote alle ouer it ȝode ffor on the overhalf the Arche / the watere no ferthere ranne Bot like ane hogest mountaigne / it gadred to gidere thanne And on the lawere partie / the watere ranne to the see Yt Jordan drye thorgh / was likest for to be And out of the grounde of the flvmme / the folk toke twelue stones To make a memorial v. a mont joie. on the bank / perpetuell for the nones Of oyr twelue stones fro the bank / broght vnto the depnesse v. of Jordan. Thai made a hepe whare the arche stode / til eurelasting wittenesse Thus passed gods folk the flvmme / drye fete joyous and fayne And Jordan als it didde arst / held furthe the coures agayne The Arche of the testament / whilk stode in Jordan this wise Prefigured oure lord Jhū crist / in Jordan to baptize In the Arche was Aarones ȝerde / whilk floured merveillously And be the same floure was crist / fortakned figuratively In the Arche was manna also / yt in desert reynyde And crist his brede of lyf / yt of heveins descendid In the Arche was also the boke / of the lawe cald Deuteronomy v. the secund lawe, bot noght of the new lawe. And in the same godde is made man / yt moyses had it by And in the Arche ware also / Gods commandementes tenne ffor the same godde yt thaym gave / had ordeigned baptesme to men The Arche of the tree of Sethym / eure inputrible was made So cristis flesshe dede & doloen Sepultured. / nevere to corrupcionne slade The Arche withinne & without / was hiled with golde polyt And to crist qvhikke and dede / was the godhed eure vnyt v. joynt. The twelue stones Testimoniales / the twelue apostils signified Whilk thorgh out alle the werld / cristis baptesme testified Jhū be thi baptesme / gif vs so to lufe the Yt in perpetuele joy / with the oure dwelling be NOW last hard we how John / oure lord crist baptizid CAm. XIIJm. Here now how yt the feend / crist proudely thrise temptid Afftere his baptisme was crist / ledde be the spirit styring Into desert this was / of the haly gast moving Ȝe shalle noght vnderstand / yt crist was caried in the Ayre Als the Aungel to Babilyone / made prophe Abakuc to cayre Carry. Nor nomore bare the Devil / oure lord crist on the Temple And to wit it be thus / lat vs se be ensaumple ffor this worde lede, to bere, / has noght ay signifying Bot some tyme inductone / ore els a conveying To lede his folk out of Egipt / godde vnto moyses spakke Neure the rathere hym byddyng / to bere thaym on his bakke Nomore the Devil be the Ayre / bare crist in his leding Bot in shapp of a man / to fylowe hym crist tempting And for Temptaciones crist wald / thole of the sones of Adam ffylowde he the feend and with hym / the Temple & the mount clame Crist wald be temptid to shewe / til vs instructionne Yt noman may lyve here / with out Temptacionne Sith crist godson hym self / wald be tempte of the feend We ne may noght go with out / this is the soth at eend And who is qwitte of one / temptacionne happily The Deville will noght dwelle lange / to make ane othere redy Crist was noght temptid onely / of o vice bot of thre Takenyng of the feendes fanding Temptation. / the innoumbrable diuersitee And warne Why not. godde ȝaf to menne / the freendful angelic keping Nota Thare shuld neure man eschape / the feendes crowell temptyng ffor als the sonne beme of motes / shewes full when it is clere So is this werld of feendes / to dere men lyving here Yrfore whame yt we see / fall in temptacionne We shuld of thaym in hert / haf grete compassionne Wene shuld noght thayme condempne / nor sone discouer be skille Bot excuse at oure myght / thare trespasse and it hille And if the trespas in dede / excusen we ne may The entencione ȝit til excuse / some worde shuld we forth lay And if we noythere the entent / excuse may nor the dede Than shuld we inwith vs self / thenk thus mekely with drede O wriche how oft sithe wers / shuld it haf fallen of the If godde had the noght kept / of his merveillouse bountee And nota the feend thoght crist / to tempt be treble vice Gluterie and pride ware two, / the thred was auarice When crist had fourty dayes / fastid and nyghtes fourty Math. iiij. The Devil had than grete hope / crist to be sore hungry And for the feend with swilk synne / to tempt men has grete wille Als he coniectes be signes / thai be most able tille Whare fore, for he hoped crist / was forfastid and wast Alderformast, thoght he, / be gluttery hym to cast Now glutterie is yt vice / yt the feend first temptis man inne ffor rathere a man delicat / then abstynent fallis in synne Whare fore Adam and Eue / of glutterye first tempt he The forbedde fruyte til ete / be his fals sutiletee Gen. iij. ffor ageyns othere vices / what eure he be strives in veyne Bot he the inmoderaunce / of glutterye lerne to refreyne And crist ouercome the Devil / in glutterye for thy ¶ Als shewed Daniel in the ydole bel / and the Dragon figuratifly Of Daniel bel & the Dragon ¶ j. figure Daniel xiiijo. In babiloyne wirshipt was / als god the mawmet Bel Yt hoegely ete and dranke / als diuers stories tell Brede of twelue bordes ware offred / ilk day til hym redy Of wyne sex amphores v. pottes of certeine mesure. and fflesshe / shepe kates sothen fourty Bel prestes to this vitaille / hadde vndre the erth entree And ete vppe alle be nyght / with yr wyves and meignee Family. Whas trace be asshes strewed / Daniel apparceyving Destruyd Belle and his prestes / be leve had of the kyng In a caverne also / lay there a grete dragon Wham alle that landes folk / held god and thare mahon And certein tymes the prest / gaf mete the dragon tille The whilk yr of was gladde / and in the cave dwelt ay stille Daniel a masse of pikke Pitch. / and grees mellid with hare Kest in the dragons mouthe / be the kinges leve & thare Thilk feend swalowing the lompe / anone he alle to brast And thus slewe Daniel bothe v. Bel and the Dragoun. / thes gluttons at the last ¶ Now Daniel whilk this two gulows Gluttonous. / deuouratours wyried Attacked. ¶ ij. figure Crist yt the tempting ouercome / of glutterie prefigured And that crist temptid of pride / the feend ouercomen was Prefigured Dauid some tyme / when he slew Golias This Golias hym self auauntid / be pride vnlike in force j. Reg. xvijo. Passing alle Israel childere / for his gretenesse of corse Bot Dauid orthrewe hym sone / with his stone and his slyng And with his awen swerd hym / slewe godde of bataile helpinge This Golias so proude / was like to Lucifere Whilk in the regne of heven / of godde wold liknesse bere And Dauid the hird whilk this / proude Geaunt thus ouerthrew Victoure of the fanding of pride / takenid the meke Jhesev Now fanding diuerse of pride / ere wydewhare Widely. generale Noght onely amange seculere / bot eke in folk claustrale v. of Religionne. ffor oft sithe whaym the feend / with no vice may come bye Be lust of mans lavde / he crokes Tricks. to vaynglorie ffor vndere fulle vile habit / lurkes oft ane hert als proude Als othere in kinge or qwene / for alle thaire gilden shroude And crist ouercome the feend / in his auarous Temptacionne Of Auarice ¶ This ffigured Dauid sleyng / a bere and a lyonne ¶ iij. figure ffor thas two beestis betakened / auarice nowe takes kepe 1 Reg. xvijo. In thaire gredy ravynne / reving Dauid his shepe Dauid rescoving his shepe / the bere and lyonne slewe And this thredde fanding v. of auarice. ouercomen / crist than the feend ouerthrewe Aungels come negh to crist / venkust Vanquished. and fledde Sathan And ministrid to that victour / Jhū both godde and man Math. iiijto. Thus who so manly feghtis / the feendes ouercomyng Decerves aungels comfort / and thaire swete ministring O gude Jhū gif vs / Temptacionne to ouercome Yt we in joye with the / dwelle euremore alle and some. Amen TO fore herd how the feend / temptede crist threfaldelye CAm. XIIIJm. Here now how yt gude lord / helyd the Mawdeleyne marye When crist his threttith ȝere / bygunne was baptized of John Math. iiijto. The devile als ȝe hafe herd / tempted oure lord anone To preche and to baptize / the folk crist than beganne Be ensaumple & be doctryne / shewyng the hele of manne This swete sovne alderfirst / shewed crist in his preching Dose penaunce for the Regne / of heven is negh commyng Math. iijo. & iiijso. Be penance taght he of heven / liberale apercionne v. openyng. To fore his commyng herd nevere / man swilk a swete Sermone Trewe is this lordis sermonne / ouere alle accepcionne digne Be penaunce commes vntil heven / synnere vile & maligne v. wikked. In synfulle Mawdeleyne apperes / the sothfastnesse of my tale Luc. vijo. ffulle some tyme of seven feendis / yt is seven synnes mortale Whilk out of hire voided / penaunce and contricionne And of hire synnes gate sho / fulle mercy and pardonne There fore shuld no synnere / dispaire of gods gudenesse Till alle Repentantz so prest Ready. / thaire synne fulle to relese And more ouer he revokes / repentanz till heven right Neure done tofore his come / til any repentant wight ¶ Godde be kyng Manasses / this thing some tyme notide v. shewid. j. figure Be penaunce fro captivitee / in til his kyngdom revokide This king hadde wrethid his godde / infynytly synnyng Parlipo∣minon xxxiijo. Paralipominon, v. stories of dayes a boke in whilk ware thinges writen yt ware left out in the iiij. boke of kinges. Be slaghtere of haly prophetes / godde at right noght settyng Prophetes yt hym blamed / so many did he to dede It. iiijo. Reg. xxio. Yt stretes of Jerusalem / with thaire blode made he rede Y say whilk for his synne / reprehending hym grevede He did with a sawe of tree / be the mydward be cleved ffor his horrible synnes / his Enemys at the last Hym ledde in til exile / and put in prison fast Att the last when he beganne / to have contricionne Of alle his wikked dedes / thus syittyng in prisonne With many a bittere tere / to godde thus prayed he My synne passes in noumbre / the gravell lord in the see I am vndigne allas / of heven the celstitude v. the heght. To se, for of my synne / the innoumbrable multitude Irrited v. wrethed or stired. haue I thyne ire / o swete godde of clemence v. of pitee. And in thi sight deserved / alle this for myne offence And of hym hadde godde reuth / and shewed hym his mercy Accepting his penaunce / of his bountee gudely ffor he delyvred hym / fro prisonne and captivitee And til his Regne of Jerusalem / hym als restoyred hee This Manasses figures / a man yt synnes evre And where yt godde be blithe / or wrothe yt rekkes he neure To gods prophetes dose he / hym blamyng outrage & pyne When he of gods prechours / despises the Haly Doctrine And als lange als he ligges Lies. / in dedely synne thus yvele Sothly to whiles is he / in prisonne of the Dyvel And if he cry mercy / and wille trewe penaunce done Than godde will hym socoure / send of his grace fulle sone ¶ This shewed crist be Ensaumpell / writen in the Gospelle boke ¶ ij. figure Of thilk ffolewastoure son / of whaym mynde makes seint Luke Luc. xv. Whilk fro his fadere departid / to ferre Far. lande vnwysely Consumyng his substaunce / thare lyving luxouriously At the last gane he to nede / and tholid swilk hongres pyne Yt he felle til a toune / and kept a Bourgeys swyne This prodegate v. folelarge. son may wele / a synnere signifie Whilk fro his fadere of heven / partis synnyng dedelye And swilk a shrewed son is / in a ferre Regionne ffor ferre ere synners fro hele Longe a peccatoribus salus. / this is the prophetes resonne And swilk one leccherously lyving / consumes his substaunce Turnyng his wittes and strengthe / fro virtue vnto myschaunce Than til a burgeys he fallis / of lucifere his swyne to feede Plesyng the devils of helle / ilkone with his mysdede Aftere felle to swilk nede / this wastoure lewed daffe Fool. nota Yt he langvyst to fille / his wombe with sory draffe Than til hym self turnyng / he thoght to do penaunce Als nede makes naked man rynne / the qwhippe to ffikke Struggle against. and daunce And in this may we welle note / the salueoures miseracionne Yt wille synners compelle / thus to contricionne ffor so ferforthe Far forth, far in advance. oure hele / lufs he and sekes it ay Yt he drawes vs til hym / be alle wise yt he may ffor some drawes he swetly / be inspiracionne And some dose he come inne / thorgh predicacionne Some be welith and softnesse / benignely chyricynge And some compellis he / oft sithe be sharpe scovrynge Chastisement. This wise the wastoure son / so sore for yt hym smertid Was he be penaunce ledde / and til his fadere conuertid And his ffadere hym o fferre / seyng, Afar seeing. ranne hym agayne Hym for till hals and kisse / this gude man for ouer fayne Thus rynnes godde to the contrite / with his grace provenant v. commyng tofore oure meritz. Thaym to receyue and alle / thaire trespasse relessant ¶ This was prefigured some tyme / be Dauid kyng full right ¶ iij. figure ij. Reg. xijo. Auoutrere and homicide / in Vrye his trewe knyght Whilk saying I haf synned / when hym reproved Nathan v. the prophe. The pie godde was redy / to for gyf hym right than ffor when he saide I have synned / Natan answard swyftly Godde has transferred thi synne / and forgyven it gudely O godde of hiegh pitee / inmense and ineffable Yt no wight will refuse / vnto repentaunce able This wille Petere wittenesse / Poul Thomas and Mathe Dauid Manasses Achab, / the thefe, Achor, Zache Ninivee, Samaritane Raab, / Ruth, and the Avoutresse Theophil, Gilbert, Thayde, Strompet. / and the Egipciane Marie. in sothnesse The Enuche, & Symonde, / Cornely, kyng Ezechy Mawdelene Longyve, the knyght / and Moyses sistere Marye Wharefore no vylest synne / shuld make synnere dispaire Yt wittenesse so many diuers / thay may to mercy repaire O gude Jhū gif vs / contricionne so verray To come to thi presence / and to dwelle thare for ay IN the last Chapitle ȝe herd / of Mawdeleynes conuersionne CAm XVm. Now heres on palmesononday / what felle of crist godde son In that day principally / felle thare thre thinges notable The whilk be thre figures / of olde tyme ware monstrable Crist weptj Jerusalem seen / and with grete honoureij was there Resceyved, and the marchants / draveiij out of the temple for fere ffirst is to note yt crist / wepped ouer the Citee Compaciant ouer the meschief / there after on it to be ¶ This weping of oure lord crist / was some tyme figuratiflye ¶ j. figure Shewed in the lamentacionnes / of the prophet Jeremy v. Lamentacionn. trenorum. j. Lamenta∣cionnes of Jeremy. jo Whilk wept yt Jerusalem / be Babiloignes shuld be destruyd So yt the Romanes shuld wast / thilk Citee it crist esnuyed Troubled. Luc. xixo. And thus shuld we lyke crist / wepe for compassionne When we oure neghtburs se / haf any afflictionne of compas∣sionne More is to rewe than to / gif gude to the nedy ffor the reuthe semes to be / of thi selven a partye Both ouer oure freendes shuld we / rewe and oure mavfesours Ensaumple of crist praying / for his Crucifixours Certs inpossible is hym / want gods grace and mercy His even cristen at disese / yt kan rewe hertfully ¶ Secundely is it to note / the poeples Laude in metyng ij. figure To crist whilk was figured / some tyme in Dauid kyng To whaym the poeple meting / when he hadde slane Golye the Geant. Honoured with sanges made / of his grete victorye i. Reg. xvijo. Tofore Saul thaire king / thus Dauid preferannde Saul a thozand has slayne / and Dauid ten thouzande Dauid oure lord Jhū / betakened figuratifly Whilk slewe Golye yt menes / the Devil hoegest Enemy This verray Dauid yt is / crist on Palmesononsdaye Be concourse of grete folke / was honoured be diuers waye Some cryed to Dauid son / Osanna v. I pray the sauf. 'I pray thee save.' hym loving Some, blissed be he yt comes, / in name of hevenyshe king Some, king of Israel, / saide sothly yt was he Some, salueoure of this werlde / yt he was comen to be With floures some and some othere / with palmes ranne hym aȝayne Some thaire clathes in the strete / spredde vndere his fete for fayne Jherusalem syght of peece / is to say mystikly Be whilk is vnderstanden / a trewe saule Spirituelly To whilk oure Saueoure is prest / forto come eure more And we be contricionne / shuld go mete hym yrfore Lovinges til oure lord godde / with clamouse voice we synge When we in shrift reherce / oure synnes with trewe weping Braunches of palmes in hande / than bere we spirituelly In satisfactionne when we / disciplyen oure body Oure clothinges in the waye / in honoure of crist we sprede ffor his luf to the poere / when we done almuse dede With floures til honoure crist / renne we fulle plesantlye With virtues when we vs shroude / and with werkes of mercye And crist yt comes in name / of godde we benedice v. we blisse. Thanking done vntil vs / for his grete benefice That he is Lord and Kyng / graunt we and beres wittnesse If oure werkes be in drede / of godde with alle mekenesse ¶ The thredde note is how crist / of smalle corde made a skourge ¶ iij. figure Luc. xixo Mathi xxjo Marc xjo The Temple of marchandise / and of marchantz to pourge He ouerthrewe the bordes & shedde / the monee of the Numelariens v. of the chaungeoures. ffor thai ware fals vsuriers / and collibistes v. takers of smale giftes. of the pharisens The skourging of thire marchantz / to fore thus reherced In one Helyodre a prince / was some tyme prefigured King Seleuchus of Asye / sent this Helyodore Machabeo∣rum iijo To robbe Jherusalemes temple / named riche of trezore And he entring the temple / with men of armes boldely Ageyns hym gods vengeaunce / ordeigned fand he redy Are he was warre on hym / an hors come fulle horrible On whilk sitting yr was / ane armed man fulle terrible This hors his forthere fete / on Helyodre he festte Fixed. And gnaisting Gnawing. and Neeing / hym vndere his fete he keste Two stronge ȝonge men come als / and in a sory arraye Dight Dressed. Helyodore with thaire whippes / til he als dede thare laye This hors and the two men / than vanyst out of the stede Place. And Helyodore thus whipped / left in the temple als dede Bot be the souereynes bisshops v. Onyas. / prayere he lyved agayne And til his king retournyng / saide betwix fere and fayne What Enemy my lord the king / list haue a right shrewed jobbe Send hym to Jherusalem / gods temple bot forto robbe This Helyodre was whipped / for goddes temple spoilling The Jewes scourged for thaire / fals vsure dissimuling ffor the pharisens in the temple / sett collibists smalgifts mangeours. and numularies comvne chaungeours or vsurers. Yt who yt wantid offring / myght borowe of thaym some penyes And for thai shuld with vsure / nothing take be thaire lawe Smale giftes named collibies / wald thai vnto thaym drawe Thai callid figes, Razines and Nuttes / and apples collibies Almandes, Chykyns, and Gees, / Pygeons and swilk als thise And thus vndere thaire cloke / thi couered vsure sleghly And Ezechyel wordes the prophe / thai toke bot short hede by Ȝe shalle none vsure take / nor alle superhaboundaunce Ezech. xviijo & xxijo. O brethere haldes fast in mynde / thire wordes for alle chaunce Bot more reuth is fulle many / named cristen men to daye Mantilles swilk manere vsure / als sleghly als eure thai may of vsure Whilk will noght lone purely / for gods dilectionne Bot for gift or seruice / fauoure or promocionne Swilk folk synnes hyghly / gods word noght pondering v. noght weighing. Luc. vio. Gif thow thi lane thare of / non encrees thens hoping Godde wille out of his temple / of heven elles the ferre chace And thi rote out of the lande / of eendeles lif arace Erase. Gods temple and his seruice / lat vs thare fore honoure If we wille noght yt he / eurelastingly vs scoure Dispise we als vsure / with alle the spites, dreding Out of gods temple beqwhippid / elles of joye eurelasting Jhū this forsaide thinges / make vs kepe so dewlye To disserue evre to dwelle / in thi temple of glorie IN the last chapitle ȝe herd / of Palmesonondayes doyng CAm XVIm Heres nowe of the sacrament of Eukarist / insite Inset, instituted. at cristes souping Of cristes sopere Aproching the haly tyme / that crist wald thole passyonne He made in perpetuel mynde / the sacrament of communionne And wald gif vs hym self / in sustenaunce benignelye To shewe vs his swettest luf / aldermost freendfullye ¶ This thing was shewed tofore / in the manna figuratiflye ¶ j. figure Whilk godde gaf in desert / to the Jewes miraclouslye Exo. xvjo. Hoege was his luf to thaym / shewed in thilk wildernesse of manna Bot infinitly more / til vs his gudelynesse ffor the Jewes manna was brede / temporele and materiale The brede gyvin vntil vs / substanciel and eternale Manna cald brede of heven / come nevere there sothfastly Bot be godde made in the Ayere / als to heven bot here by Oure lord godde of oure saule / is brede vif v. viuus. and verray The whilk descendid fro heven / to make vs lyve alwaye The Jewes had of this brede / bot figure and likenesse And we no figure bot brede / it self in sothfastnesse v. spirituel brede. Also in manna ware thinges / diuers shewed figuratiflye Whilk in the seint Eukarist v. the sacrament of gods body. / err eendid now verrayly The manna a nature hadde / mirable to mannes witte Of the nature of manna Melting ageyns the sonne / and at the fire herd wax itte So the seint Eukarist / in vayne hertis wites Vanishes. awaye And in luf brennyng sawles / waxis herd to dwelle for aye The wikked resceyves this brede / to thaire dampnaconne The gude alle eurelasting / lif and saluacionne With manna the dewe of heven / descendid there in the place Signyng yt Eukarist / to the digne brynges gods grace The manna thus oft forsaide / was white like to the snawe So who the Eukarist shalle take / be clene of hert thaym awe The manna hadde alle delit / in it of mete erthly Sapiencie xvjo. Bot Eukarist alle delites / whilk may be spirituelly Whilk swettenesse is noght felt / the sacrament in etyng Bot crist and hevenly thinges / thenking and contemplyng This manna til euery man / sauourde after his wilnyng Bot the grete swettnesse of crist / is ouer alle erthely sauouryng And wha of his swetnesse / had felt ones perfitely Alle manere delites of erthe / hym shuld think absinthy v. ane herbe alderbitterest. Petre of this sauoure / feling in mount Thabor Marc. ixo. Math, xvijo. Tabernacles desired to make / til haf dwelt yr euremore Moyses commandid the folke / goforth are sonne risyng And ilk one bot o Gomor v. a certeine mesure. / of manna home with thaym bring Of the gedring of manna And Gulyards Gluttons. yt more wald gedire / than thilk mesure gomore At home the assigned mete / fande thay and lessen nor more And thas yt moght noght gedire / the mesure for fieblesse Exodi. xvj. Or for swilk cause at home / thai had the even fulnesse So he yt many hoostes / receyves in communyng More than who takes bot oone / has noght of spirituel thing And who a partie of the hooeste / oonely receyves also Of the Eukarist Has no lesse than ane oythere / reyceyving one hole, or moo Cristis supere was prefigurid / als in the lambe paschale The thorsday tofore oure paske / whilk the jewes hade festivale Whilk lambe godde badde thaym ete / opon certeine manere When he wald thaym delyure / fro the Egipciens daungere So crist of Eukarist / the sacrament instuyd he How the lambe pas∣chale was eten When he thoght vs delyure / fro the feendis captifitee And when the Isralitens / the pasche lambe ware etand Thay stode vpright succincte v. girde. / ilkone a staffe in hand So commvning v. resceyving gods body. shuld we be gyrde / with double chaystitee v. both of body and of sawle. And stafs hald in oure handes / of right feith firmitee Als shulde thai stande vpright / in gude lif be thaym taken Noght eft fallyng in synne / tofore be thaym forsaken The lambe with wilde Letuce v. letuce of the felde. / ete thay in bittere mete v. the felde Letuce. And cristis swete body shuld we / with bittere contricionne ete The Jewes fete shulde be shodde / in the lamb paschale etyng ffor the fete of the luf or of the desire. / in haly writte beres takenyng Wharefore of thas yt commvne v. yt receyves thare creature. / shodde shuld the fete bene Loking yt thayre desires / alle manere waie be clene The lambe shuld noght be sothen / bot roostid ageins the fire ffor thas yt commvne shuld brynne / in charitee and nought in ire In liknes of brede and wyne / gaf crist his blode and flesshe Gen xiiijo Melchisedek both king and preest / prefiguring this expresse ffoure kinges waystid the lande / whare dwelt than abraham And loth captifs and spoilles / many hadde thai with ham Abraham and his fylowing / discomfit thaym be gods grace And men and spoilles agein / he broght vnto thaire place Melchisedec ran to meete hym / offring him brede and wyne In whilk thing he figured / the forsaid sacrament Divine This fforsaide Melchisedec / was Preest of godde and kynge And of our lorde Jhū crist / bare he prefiguryng ffor crist is king of kynges / whas Regne cesses nevre And yrto verraiest preest / and first yt sange messe evre Melchisedec king and prest / both brede and wyne offride And crist in lykenes of brede and wyne / this Sacrament ordenid Thus was crist callid preest / after the ordre of melchisedec king ffor he this sacrament figured / in this forsaide offring Melchisedec was a preest / and also a prince Realle In whilk was faire figured / the dignitee sacerdotalle ffor preestis princes real / with resonne callid may be of the dignite of Preesthode ffor alle princes imperial / passe thai in dignitee ffor patriarches and prophetes / in poustee thai excede And vertues aungelike / taking on some wise hede ffor preestis the sacrament makes / yt aungels may noght do Nor Patriarkes nor prophetes / moght noght attigne yrto Be marie Jhū gods son / was on tyme incarnate And of be the preest is brede / to fflesshe Transsubstanciate v. turned fro o kinde of substaunce to anothere. Preestis for the sacrament / shuld we honoure for thy Whaym crist thus has ordeigned / to sacre his preciousse body O gude Jhū gif vs / so wirshippe this sacrament Yt we come to thi joys / with out departement Amen HOW crist the sacrament of Eukarist / ordeynde haf ȝe herd alle CAm XVIJm Now fylows howe he metyng / his Enemys made thaym doun falle When Judas had resceyvid / of the sacrament commvnyonne He went of cristis Enemys / to make congregacionne O oute thowe fals Judas / on thy wodenesse maligne And mercy o pie Jhū / of thi soeffraunce benigne Crist fedde this fals traytoure / with his awen flesshe and blode How Judas receyved the sacra∣ment of com∣mvnne: In the De∣crees, Dist. ijo. cao. And he to betraise his lord / so crwelly thoght ande ȝode Crist this knawen wald noght discoure / nor hym the sacrament denye Gifing the fourme to preestis / of howseling Giving the Sacrament. men here bye The preest k[n]awing a man / ask howsill in dedely synne v. comyng to gods borde als at paske amanges oyr. Shall noght denye it yt he / diffame noght hym v. the man in dedely synne. yr inne Than cristis Enemys to gadere / went out Traytoure Judas And crist to the knawen stede / whare he to come to was Than come there armyd men / with swords and stafs in handes Marc xxxiiijo ? xiv. To seke crist in the derke / with Lanternes and with fire brandes And crist alle vn armed / aȝeins thayme gudely ȝode Nota Nota cristis mekenesse bene Asking thayme whayme thai soght / with ffulle benigne mode And thai agayns hym stode / ilkone as a Geaunt Jhū of Nazareth / crying and answeraunt Than aldermyldest Jhū / gave thaym this swete answere In a base Low. voice fulle meke / saying loo, I am here With yt fledde alle abakke / yt ost Host. yt was so felle To fore hym als thai ware deede / and to the erthe doune thai felle Whar to gadird ȝe swilke rowte / o Jewes welle of wodenesse Thus fowlly thrawen to the erthe / at o worde of mekenesse What profits ȝoure many heveds / diuers sleghtis counseillande Or at o worde borne doune / ȝoure oost Host. of many thowzande Or what may ȝow availle / ȝoure wapeins terrible of were War. Laten Let. falle out of ȝoure handes / of o worde for the fere Se ȝe noght crist hym one / more than ȝowe alle myghty To flee ȝow alle and hym / nothing disese Troubled. yrby Bot myght commaunde the erthe / open vndere ȝoure fete onone And swalough ȝow vp alle qwhikke / like Datan and Abiron Num. xvjo. Or bidde Brimston and fire / to rayne on ȝowe in haste Lyke Sodome and Gomorre / perpetuelly to waste Gen. xixo. Or be watres of the heven / with bekenyng of his hande Drown ȝow als alle this werlde / he didde at ones neghande Nearly. Gen. vijo. Or than als lothis wif / haf turned ȝow alle to stones Gen. xixo. Or diuersly haf ȝow wounded / als the Egipciens ones Exodi. xiiijo. Or he moght haf ȝowe striken / to poudere with aungels hande Als kinges of assyrie. Senacheribs oost / neyne score and fyve thovsande Ysay. xxxvijo. Or he moght sodeynely / haf made ȝowe dede to be Als he slewe some tyme her / & onam sons of Jude Gen. xxxviijo. Or els with aungels swerde / he moght haf slayne ȝow alle Als in kyng Dauid tyme / hoege peple v. seventy thovzande. he made to falle iij. Reg. xxiiijo. Or els moght he haf laten / the Dyvel with ȝowe to fare Als he soeffrid hym to slee / the seven husbandes of Sare v. the wif of ȝonge Tobye. Toby vjo. Or he moght haf sent fire / yt wold consume ȝow alle A leaf is here missing from the MS. I have ventured to fill the lacuna. Als he soeffrid chore and his / ane hundreth men befalle Or he moght firy serpents / haf pleycid in ȝoure waye Als ȝowre forberes tofore / yt didde thaym countersaye Or els he moght be lyonnes / ȝowre bodys alto rend Als some tyme in Samaria / til Salmanasere poeple he lat send Or be teth of wode beres / he moght latte ȝow alle be tere Als o tyme forty childere / yt japed Helyezere Or lyke til Elyodore / be scovrid and trampled on Or like Antioch slegh / with wormes and corrupcionne Or sodeynly he moght ȝow / alle mesel make to be Als was some tyme Ȝehazy / and moyse sistere marye Or he moght make ȝow alle / neythere to se ne here Als he didde the oost of Syre / under Helyezere Or he moght alle ȝowre armys / render ȝou sterk & drye Als til Jeroboam king / tofore the autiere for thy Or eke be wormes tethe / consume ȝow als with fyre Als he didde the bowe stringes / of alle the ost of tyre With swilk and also othere / moght he ȝow alle confounde Bot he wold noght o man / shuld be a littell wounde This didde he ȝow to shewe / he wald dye willingly Bot if he hadne willed it / he couthe not taken be When crist his uictorye / and poustee thaym hadde shewen Wham rising vp to tak hym / lyscense he gaf anone This uictorye of crist / ouer his enemys yt ȝe hered ffigure j Was in Sampson and sangar / and Dauid prefigured Sampson a thovzande men / slogh with ane asse cheke bone Sangar sex hundreth men / with a plogh sokke alone figure ij And sith thas two slaghtered / swilk noumbre be gods poustee Crist enemys from hym / wold flee more resonably King Dauid als haly scriptures / saye, a wodde worme slight ffigure iij Eght hondreth men slewe / in a birre swilk was his myght The wodde worme to the touche / the tenderest creature bee Bot it wil neure the lesse / perce thorgh the hardest tree So Dauid amange his poeple / there was none tenderer Bot til his foos or in dome / there was none fierser So Jhū crist in this werlde / fulle tendre and pacient is Bot will be streit in dome / and til his enemys And mekely thorgh Judee / he did unarmyd passe And like until a worme / he vilely tretid wasse Whilk thing in yt psalme / doth pleign hym the prophe I am no moo a man / bot onely a worme I bee And noght oonly a worme / he said bot a worme of wodde ffor that the wikked Jewes / on tree crosse croised Jhū godde Also sleghtest was callid / like als tre wormes ere ffor his flesshe noblest was / and eke was more tendre And als his flesshe was noble / and also tendre more So too was his passionne / more peinfulle and more sore And therefore the prophe callid / to alle that went bye thare That thai shuld stay and segh / if eure more peinfulle ware O gude Jhū gif vs / thi bittere passionne to se That we may lyve and rejoice / in heven eure with the Amen TOFORE herd ȝe howe crist / be his foos ouercomen was CAm XVIIJm Nowe fylows howe fals Judas / traysed hym with a cosse Judas traytoure a cosse / gaf to the Jewes for signe Whilk thing aboue alle othere / was wikkid and maligne ffor to kysse knawen is eure / als signe of luf to be Bot wikked Judas it chaunged / to signe of trayturie This wikked salutacionne / yt vnto crist was donne ffigure j Hadde some tyme be amasay / and Joab prefiguracionne Joab amasay kyssed / and falsely hatte brethere And Judas crist wikkidly / kissed and hym callid maistere Joab als he wald kysse hym / Amasay be the chine toke And with his left hande than / his swerde bared thorgh hym stroke So Judas Jhū crist be the chine / toke with his right hande ffor yt he said Hayle lorde / and maistere with wordis blande And yt with his left hande / he bared his swerde we see Sith with wordes gloseyng he hylled / hymself insidiouslee O Judas whi betrayse / thi salveoure waldest thov What yvel didde he the / thowe waldest vndo hym now ffor he gaf the Apostle / honoure and dignitee Why woldest thow do til hym / so grete malignitee He chase the ane Apostle / from disciples seventy two And thowe aboue alle otheres / waldest hym falsitee shewe The amange his speciale / xii Apostles he noumbrid Bot thov fals traytoure left hym / & til his foos accedid His secret rede til the / and his Apostles he talde And thow til his enemys / thi swete lordes canseille ȝalde He sent the out prechaund / with out ne purs ne sakke And be his prouidence / in no stede haddest thov lakke Bot thowe traytoure forgat / yt prouidence alle and some And bot for littel mony / til trayse thy gude lorde come That swete lord gaf the grace / to hele both halt and blynde And thow thoght make hym fulle seke / and in hard cordis bynde fforto cast out Dyvellers / he gaf the auctoritee And thow traysed hym in his / enemys poustee to be Where yt gude lord made the / his bousere Bursar. and pairatoure Procurator. His aduersarie chase thow to be / and falsest stinking Traytoure Also crist ordeyned / the spendour of thas penys Whilk be waye of Almus / ware gyven til hym and hys Thase myght thow vse at wille / o vnkynde and crewell Whi wald thow than thi lord / for thus smalle moneye sell Thow stale Stolest. of cristes purse / oft sith what eure thow wolde So yt for xxxti penys / neded the noght hym haf solde With his sacred blode / he vouched sauf the to fede And hym to the Jewes to selle / hadde thow noythere shame nor drede He gaf the to drink his blode / pyment A drink, like cup. of hevenly swettenesse And thow traysed hym agein / to shedde his blode saklesse That lord deigned mekely / thi cursyd fete for to wasshe And thow traysed hym aȝein / ffalsistly yt eure was His sucrish mowth to kysse / he wald the noght denye Bot thin hertis malice / was neure the lesse for thy When thow in tresonne hym hailesid / he calde the freende mekely Bot thin hert chaunged nothing / to rewe thi lord yrby ffro Petre and othere apostles / layned Hid. crist thi tresoune Knaweyng if thai hadde witten / thai wald have striken the doune In the olde lawe toth for toth / is wryten and ee for ee Exodi. xxio. Bot it was neure levefulle / to ȝelde harme for bountee Bot thowe cruwelle Judas / of alle Traytoures banyoure The banner bearer. To thi bountevous lord / canseile Counsel. was thow traytoure So yvel for gude ȝalde thay / the wikked Jewes thi felawes Jhū thaire Salueoure / crucyfying for outen cause ¶ Saul o crewelle Jewes prefigured / ȝow and Judas ¶ [ij. figure j Reg. xviijo. To Dauid his gude son in lawe / yt eure so cruwelle was Dauid hadde weddid his doghtere / and luved hym hertfully And Saul ymagyned his deth / for he didde doughtyly So toke crist ȝowe to sauf / of ȝoure lygne Lineal. manes nature And forto slee hym didd ȝe / assemble force and armure Golyas Sauls foo / Dauid slewe worthily And Saul laide Planned for his dethe / als for hys mortale enemy So godde yt pharao / with ȝoure othere enemys ouerthrewe Ȝoure wodenesse als oft tofore / contrepledid in Jhū Dauid the wikked gast / chacid oft fro Saul king And Saul wold hym v. Dauid. a slayne / with a sharpp spere kasting Also ȝoure Salueoure oft sithe / cald ȝow fro ydolatrie And til his sakles deth / armed ȝe ȝow cruwelly Dauid at the kinges v. of Saul. bidding / alle waye ȝede in and out And Saul kast eure agayne / to bring his v. of Dauid. deth about So crist went alle ȝoure lande / the waye of sothfastnes teching And ȝe soght hym to slee / for alle his gude doing Dauid Sauls sekenesse / harping vsed til amese To calm. And Saul of Dauid allwaye / desired deth and disese So crist raisid ȝoure dedemen / and ȝoure seke folk he helid And ȝe hym sakkelesse to slee / made gaderyng & counseillid ¶ Also ȝe Jewes ere like / vnto the Enevyous kaym Cain. Gen. iiijo. ¶ ffigure iij. Whilk slewe his innocent brothere / yt neure trespast til hym Abels offringes ware swete / til oure lord godde alle myght Yrfore his brothere slewe hym / kaym yt cursid wight So for crist was placable / to godde and poeple of man Ȝe saide if we lefe hym / the werld trowes on hym than Now leef thogh alle the werld / suyde Followed. hym what harme moght falle Sith his techings ere soth / and holsome both one and alle With glosing wordes tillid Allured. forth / his brothere this fals Cayme And having forth at the large / with wikked strokes he slewe hym So Judas with faire wordes / oure lord crist he salutyd And til his enemys to slee / vndere that hym presentid Abel his wombes brothere / be kaym to deth done was And crist thaire fadere and brothere / slewe the Jewes and Judas He is wele fadere yt made / alle maner creature And brothere for yt he walde / become man in nature O Jhū yt vouchid sauf / oure meke brothere to be Be vs benigne fadere / in keping and in pitee HOW crist was traysid and kissid / haf ȝe herd last toforne CAm XIXm Now fylows how was bespittid / his hidde swete face for scorne When crist was taken and bonden / off his enemys cruwelle Petre a seruantis ere / stroke of thus it be felle And crist shewed thaym onone / his hoege benignitee Heling that ere at one / touching blissed mot he be ffirst ledde there cruwelle Jewes / crist to the house of Anne The fadere of Cayphas wif / hiest bisshoppe fore the ȝere thanne Thanne Anne of his doctrine / askid oure lord Jhū Crist saide thas yt me herd / of there thinges aske shuld thov ffor my teching was noght / in hirnes Corners. nor pryuitie Bot in the Temple whare was / of folk most assemble And o seruant stode negh / whilk to crist felly speke Lo the wikked ȝeldes yvelle for gude And a fulle sore buffet / gaf crist opon his cheke This ilke seruant is trowed / the same Malkus to be Whas ere als was for tolde / crist helid of his bountee Bot crist wald noght hym venge / godde and man almyghty Math. xxvjo. Luc. ixo. Bot soeffred for ensaumple / alle this fulle manswetely Gently. O brethere if any of vs / hadde taken swilk a buffette And myght als wele als crist / amendes yr in haf sette Luc. vjo. Math. vto. With petre trow I fulle sone / the swerde we hadde out hent Or ellis with James and John / fire fro the heven haf sent Bot noght so brethere bot luke / of crist the doctrine meke Who smytis the on yt one / bide Bede, proffer. hym thyne othere cheke After this crist be the Jewes / fro Annes house ledde was And broght with many reproef / til the house of Cayphas There ware thaire Aldermen / assemblid for counseilling To fynd occasionne and cause / crist to the deth to bring Bot alle yt thas fals Jewes / aȝeinst crist feigne moght Ware discordant and leghe Lie, false. / in trewth and noght ne doght Of no avail. At the last coniured he crist / be godde this Cayphas To graunt thare in apert / where yt he gods son was And hym to be gods son / for he knewe in yt stede Si ipse cristus filius dei vivi esset Cum adjuratus se filium dei esse fateretur. The Jewes ilkone demed hym / worthy to goo to dede And than his eghen thai hidde / in thaire japes & scornyng And alle defowlid his face / with thaire dispitefulle spittyng And gyvyng til hym buffets / thai badde hym prophecye Who yt was yt hym stroke / and he tholid benignely What eure thai couth Could. devise / of shame and vilaynye Alle didde thire cruwelle Jewes / to crist without mercye Alle thire derisonnes / the reproves and this sorowe Durid in Cayphas hows / alle nyght vnto the morowe Nota Of cristis paciens bene O Jhū oure salueoure / blissed be ȝoure hoege mekenesse And thowe corsedest Judas / out o thi last wodenesse O quanta erat salvatoris nostri mansuetudo et prudencia O quanta erat Judeorum saevicia et insipiencia. His eghen yt alle thinges sees / hilde thai and hym smyting That alle thinge wote hoped thay / the doers hym vnknawing The delytable face to be halde / whilk aungels has in desire Dred thai noght to bespitte / in thaire vile wodeest ire The handes bonde thai fulle sore / of the lord of alle thinge That heven and erth and helle / made in the begynnyng The Jewes who yt hym stroke / badde hym telle scornfully Be whaym the haly prophetes / toke vertue of prophecye His eghen hilyng wen[e]d thai / haf blyndid hym in yr ire Exodi. xiiijo Yt lightned thaire Auncestres some tyme / with a pilere of fire His visage dredde thay nothing / til hide with spitting fowlly Thaire faders yt with a clowde / coueryd fulle mervellusly The Jewes with yaire spittings / whilk cristes face defovlide Be the ydolatiers of the golden veel / ware wele prefigurede Exodi. xxxijo. ffor when the Jewes in desert / walde make thaym gods fals Aaron than thaym withstode / and hur maries v. the sistere of Moyses. husband als Wharefor thay ranne on hure / for his trewe chalenginges And in dedeigne and dispite / choked hym with thaire spittinges Thay v. the Jewes. hatid hure for yt he / reproved thaire ydolatrye And the pharisens hatid crist / blamyng thaire trecherye v. desceyving of the folk. The wikked Jewes whilk on crist / made thus scorne and laghyng Laughing. ¶ Som tyme be kain the son / of Noe hadde figuring Gen. ixo. ¶ ij figure Kain. This kain whilk his fadere / shuld haf wyrshipt be resonne We rede made wykkedly / of hym derisionne Right so the Jewes yt crist / shuld haf hadde in reuerence Didde hym than fulle vile scorne / dishonoure and eke offence And thogh Noe of his son / was scornyd vnhonestely Ȝit was crist vnlike with / be japed more vileynsly ffor in his Tabernacle was Noe / scornyd no man seeyng Bot crist in the Bisshopis hows / fulle many one on lukyng When he slepe and wist noght / than scornyd was Noe Bot crist alle brode waking / blissid mote his pacience be Noe bot of o son / was scorned alleonely Alone. Bot crist of poeple of Jewes / with alle yr counseille holly Noe hadde two gude sons / of his scorne condolent Bot crist hadde none with hym / of his woo compacient ¶ The Jewes yt scorned crist / als hadde prefiguryng ¶ iij figure Judic. xvjo. In the philistiens some tyme / to Sampson in thayre doyng When the philistiens hadd taken / Sampson, thai made hym blynde And scorned hym disefully ? Blasphemously. / in alle thaire myght and mynde Nowe Sampson it is to witt / for his grettest stroungnesse Prefigured oure lord crist / be some manere liknesse Sampson soeffred hym self / be bonden o tyme freely And crist tholed of the Jewes / bondes and scorne wilfully Judic. xvto. And when Sampson thoght tyme / on o daye afterwarde He vengid hym on his enemys / horribly and fulle harde Right so of cristes enemys / shalle falle o tyme to come When he in his maiestee / shalle sitte on the day of dome What vengeaunce crist wille than / vse ageins his enemys May no scripture ne tonge / for to declare suffise ffor than wald thai wele levre Leefer. / alle manere payne sustene Than the irefulle juges face / so vengeable for to sene Saying o cursyd wyghts / gos to eternale fyre To freendes comes my blissid / joye endeles be ȝoure hyre Premium sempiternum. O gude Jhū gif vs / so the forto plese here Yt we the blissid callyng / discerue of the to here HOWE crist was scorned and hidde / tolde the Chapitle tofore CAm XXm Nowe fylowes howe he was bonden / vntil a pilere fulle sore When yai all nyght crist scorned / hadde & yus done tourment Thai ledde hym arely fro thens / to pilates dome Doom, judgement. president v. the juge. Qvodh pilate whare of pleygne ȝe / on this man ȝe me say A mysdoere and a gyloure Guileour, beguiler. / of the folke is he saide thai And he ne has noght oonely / begilt Beguiled. the poeple of Judee Bot the Galilens also / folk of his awne countree Pilat sent hym, heryng / he was a Galilene To herode for vntil hym / to deme crist shuld pertene This herode and pilate / freendes ware made yt day Yt ware the boke says tofore / enemys this is no naye Not to be denied. Herode hadde noght sene crist / bot herde of hym grete thinge Tharefore was he gretely / joyovs of cristis commynge Some straunge thing hoped he / and hoege fortil admyre And signes or miracles to see / of hym was his desire And when herode hadde crist / askid of many a thing And crist stode alle sylent / and gaf none answeryng Than herode hoped of hym / a fole his witte for lorne And in his japes cledde hym / in white clothing for scorne And so sent hym ageine / to the dome of pilats lawes Saying in hym of deth / yt he hadde founden no cause Herode cledde crist in whitte / what yt ment vnknawing Yt the haly gast crists innocence / wroght yt subostending v. shewing vndere prively. The whilk gast shewed be Cayphas / of cristis deth experience Yt shewed be herode also / the same Lordis innocence Pilat askid the Jewes / if thai wald any cause nemne Whare thorgh thai moght be ryght / crist to the deth condempne And onene right thre causes / ageinst crist thai forth laide Tofore Pilate the juge / and thus forthmast Formost. thai saide Nota bene He this saide I may destruye / gods temple of hande makeyng And vnhandemade a nothere / the thredde day make fyloweyng ¶ The causes of cristes deth j And says yt no Tribute / shuld be gyven to Cesare ij And yt hym selven is king / of Jewes this is his lare Doctrine. iij The first two causes pilat / helde bot a truferye Nonsense. Asking crist of the thredde / diuerse tymes bysylye ffor Cesare v. the Emperoure of Rome. the revme of Jewes / helde vndere Romayns Empire And thai no king bot hym / to commande at his desire Pilat apon the Jewes / be Cesare hadde powere ffor thy of non oyr king / of the Jewes walde he here And fro crist sayde of this / werlde is noght my kyngdome Pilat of yt accusing / sette bot shorte in his dome Than thinking how he best myght / the Jewes wodenesse ouertake It seemed hym most spedefulle / crist to be scourged make That thayre hertis so fullfillid / shuld of cristis deth cesse And of nosufficiant dome / he to be holden blamelesse Whare fore pilats knyghtis / cruwelly scourgid Jhesvm Corrupt with the pharisens giftes / ferre ouer the wont custom ¶ Be prince Achior hadde this / scourging prefiguraunce ¶ j figure Bounden ones til a tree / be Duc Olofern seruant Judith. vjo. This Achior bonden was / with Olofernes cursed wightis And crist bonden to the pilere / be pilates cruwelle knightis Achior for he saide soth / als is forsaide was bonden Achior And crist for the soth preching / ffulle doelfully was beswngen Beswinged. Achior was bonden for he / in speche Oloferne noght plesid And crist v. was bonden. for he blamyng / for vices the Jewes displesid Achior was bonden for he / gods glorie magnified And crist scourgid for he / the fadere name notyfied ¶ And Nota yt folkes two / whilk scourged crist cruwellye ¶ ija figure Be two wyves of lamech / ware forshewed figuratifly The two wyves of lamech / ware callid Sella and Ada The two forsaide folkes / payentee Pagantry. and Synagoga Gen. iiij•. Sella and Ada thaire husband / with wordes & betings turmentid The payentee and the Sinagoge / yr Salveoure crist flagellid Crist was with scourges and wandes / bette of the payentee The Sinagoge scourged hym / with tonges and wordes of cruwelltee ¶ This double scourging of crist / als haly writte leryng we hope ¶ iij figure Was some tyme prefigured / in the flagellacionne of Job Job. ijo ffor Job was two falde scourged / in certeine tyme of this lyve Be beting sore of the feend / and bittere wordes of his wyve Off Satanas scourge tholed Job / in his flesh outwardes smert Smart. And of the scourge of his wife / hadde he turment in hert The feend thoght noght ynogh / to scourge his flesh outwards Bot he his wyfe entyced / to troble his hert inwards So suffized noght the Jewes / yt crist with scourgis was bette Bot if with bitterest wordes / euerilkone on hym sette No hele was left in Job / fro the toppe vnto the too And cristes swete tenderest flesshe / was alle bewondid ryght so And how mykel cristes flesshe / was noble and tendre the more Was his doelfulle passionne / more bittere sharpere and sore O man think how for the / crist soeffred passionne And betake neure thi sawle / eft sones to perdicionne If eure thov see or herd / any othere swilk payne take hede And for it passis alle mesure / bere hym swilk luf and drede Behald the brennyng to the / of cristis dilectionne That for thyn hele wald thole / swylk payne and passionne Thare with loke what seruice / kyndenesse laboure or payne ffor thus innoumbrable gudenesse / thow hast ȝolden hym agayne ffor alle the gude yt thow doos / lyving thy dayes here Til o drope of his blude / may to no point answere Thare fore to thole disese / luke yt thov murmure noght Bot cristes hard passionne / kepe alle way in thi thoght Of cristes blude with thi woo / if thow a Syrope make What eure thow thole shalle seme / to the swete for his sake A littel soeffre in this lif / of flagellacionne Til eschewe elles whare / eterne dampnacionne To chaystise the in this werlde / rede I godde yt thow praye Yt dying thow entre heven / with outen any payne for ay O gude Jhū strike vs / here with swilk bitternesse Yt dying with out purgatorie / we come til hevenly swettenesse Amen HOW crist was scourgid tolde ȝowe / this last Chapitle toforne CAm XXJm Heres nowe in this howe he / was crovned with sharpe thorne Pilat bede knyghtes scourge / Jhū til certein soume The Jewes hired tham to bete / crist ouer vse and custovme The lawe was at the most / to passe noght strokes fourty Bot the Jewes hired the knyghts / the noumbre to multiply And to do hym this wronge / onely suffized thaym noght Bot to crovne hym with thorne / a newe payne vpp thay thoght And yt thay hym als king / moght honoure scornfullye Thai toke hym Septre and pourpre / als signes of Regalye Misdoars forto scourge / in some cas was custome Bot to crovne thaym with thorne / of lawe was noght the dome O Jewes of cruwelle witte / in newe malice to fynde Nota What paynes haf ȝe to thole / newe and of diuerse kynde ffor who studies to fynde / in wikkednesse newe engyne Be right newe and vnherd / haf thai for to bere pyne ffor the mesure yt thai mesured / shalle thaym be mesured aȝeine Luc vjo. And we[r]se more eked yrto / for eendeles bes yr peyne Thay cledde noght crist when thay / hadde scourged hym cruwelly Bot in a cokcyn Coccinum, tunic. or pourpre mantelle / thay w[r]apped hym scournfully Pourpre to Regalye / pertenyng was to forne of pourpre Wharefore thay mantlid hym / in swylk coloure for scorne The secunde a crovne of golde / pertenes to Regalye crist was coroned ffor whilk a croune of thorne / the Jewes gaf crist forthy The tredde a Septoure of golde / pertenes vntil a king The Jewes in cristis right hande / a rede sette for whilk thing And for kinges honoure askis / forto be wyrshipt knelyng ffor thy cristis Enemys knelid / king hym in scorne callyng Men ware wonte honorable giftes / to present vnto kinges ffor whilk thay presentid crist / with buffets and foule spittinges And with a rede stroke thay / the crovned heved of Jhesev Pressing the thornes til eke / cristes peyne newe and newe O cruwelle Jewes whare fore / didde ȝe thus to ȝoure king Alle his benefetes to ȝowe done / nothing remembring The rokkes of Arnon sharpe / vndere ȝoure fete planed hee Num. xxo ? Numb. xxi. And his heved with sharpe thornes / crovned ȝoure cruwelletee He gaf ȝow hose and shoce / in desert for pitee And in his handes and heved / wroght ȝe hoge cruwelltee He kept ȝoure clothes vntorn / in desert ȝeres fourty And ȝe tirved Despoiled. hym stone naked / aȝeinward scornfully King Pharao and Egipt / for ȝoure sake turmentid he And hym causelesse fulle sore / aȝeinward scourgid ȝe The kinges of Egipt corovne / for ȝowe be moises he braste And ȝe a corovne of thorne / thrange on his heved fulle faste Alle erthly kinges drede ȝow / of hys gudenesse didde he And hym als kyng in scorne / vnkyndely haylsid ȝe He honoured ȝow ferre above / alle oyr nacionnes And ȝe hym dishonoured / with many illusionnes Jeers. He ouercome ȝoure enemys / one v. of ȝow. a thovzande chacinge Ysay xxxo. And tofore two of ȝoures / ten thowzande enemys sleynge And aȝeinst alle one / many thowzandes gadred ȝee Marc. xxiiijo. Mark xiiij. And of two poeples aȝeinst / o man made ȝe assemblee And how a thovzande or two / chaced thovzandes ten Bot for godde wald shewe so / his glorie on erthly men How shuld crist have bene taken / of alle ȝoure assemble If he hadde noght betaken / hym self in ȝoure poustee ¶ This illusionne of crist / when he was coroned ¶ ja figure Appinen a kinges concubyne / some tyme prefigured The kinges corovne of his heved / take wolde thilk Appinen And on hire awen heved it sette / present hym and mo men So the Sinagoge cristes Corovne / yt was his honoure dewe Raft hym and on his heved / a corovne of thornes threwe Als wold she with hire hande / buffette the king sharpely And he nothing be wroth / bot soeffre alle yt gladdely So crist king be the Jewes / was buffett and colaphized harde And he meke als a lambe / no malece shewed aȝeinwarde Thilk concubine to the king / stode in so hoege grace That what eure yt she didde / he tholed and held solace Ȝit is prouable yt crist / lufed the Sinagoge wele more Sith he innoumbrable despits / and paynes wolde suffre therfore ¶ And swilk pacience of crist / prefigured Dauid the king ¶ figure ij. Of the wikked Semey / so vile reproves suffring Semey stones and stokkes / and myre on Dauid kest ijo. Reg. xvio. II. Sam. xvi. Semey The Sinagoge spittinges and thornes / & buffets on crist fest Semey callid Dauid man / of Belial and manqwhellere The Synagoge crist a wyche / Gyloure and mysdoere Abysey ne hadde Dauid lettid / wold haf slayne Semey So hadde aungels cristes foos / bot he thaym lettid mekely Crist descendid to dye / for mans Synne without faille And with his blode vs to godde / his fadere to reconsaille Hene come noght to this werld / any man forto qwelle Bot peece and concorde betwixe / godde and man for to melle Bot hene was noght of the Jewes / after his gude wille tretidde Whayme with swilk vilaignyes / thay hym dishonouridde ¶ This in king Dauid Messages / was ones prefigured ¶ figure iij Whaym king Amon of amonytz / so foully dishonested Dauid sent thaym for peece / causeynge Talking. of thinges toforne ijo. Reg. xo. II. Sam. x. And Amon thaire clothes to mydhips / and halfe thaire beredis made shorne Amon So godde his oone dere son / til erth for peece he sent Whame the Sinagoge naknedde / his berde bespitted and shent Betwix godde Aungels and man / crist come pees to restore Lasting ire inplacable / fyve thov zande ȝere tofore The lange enprisone∣ment of mankynde Blode in refourmyng pees / to shede ware wont payens And watre in case semblable / ȝettid the Judeenes v. the folk of the Jewes. Bot crist both watre and blode / shedde for vs freendfully ffor we the fastere shuld kepe / his pees made thus swetely The payens shedde blode of bestis / the Jewes watre of the flode Bot crist of his awen side / he shedde both watre and blode O gude Jhū gif vs / to luf and kepe thy peece Yt make vs dwelle with the / in Joye yt neure shalle ceesse Amen ȜE haf herd last tofore / of cristis corovnement CAm. XXIJm. Now how he bare the crosse / to here is consequent v. filowing. When crist was crovned and japed / and with scourges thus beseen Pilat didde bringe hym forth / the poeple his sorowe to seen Yt thay fullfillid of his / thus doellfulle afflictionne Shuld thenk ynogh and cesse / of his interfectionne v. slaghtere. Bot thay gnaistid Gnashed their teeth. on hym / ilkone als hondes wode Shovting crucifye hym / do hym fast on the rode And Pilat desiring hym / delyvre out of thaire handes Saide how yt he wald thaym / a prisonere quit out of bandes And thay askid to be gyven thaym / a thefe heght Baraban And Jhū the auctoure of lif / on crosse to be done than O cruwelle Jewes why wold / ȝe noght yt lord assoigne Pardon. Yt qwhit ȝow fro thraldome / of Egipt and Babiloigne Pilat yt moght noght lette / thaire noyse yt on hym grewe Math xxvijo. His handes wesshe to seme clene / of cristis blode Jheseve This wroght the haly gast / in Pilat to this intent That crist shuld for vs dye / rightwys and innocent Of cristes vnrightwis dampna∣cionne Pylates wyf said sho hadde / of Jhū fulle mykelle seen Be dreme whare fore gude was / hym to delyvred been Yt wroght the dyvel wilnyng / to lette crists passionne Letting of cristes passion be the feend To lette so of mankinde / the preciouse saluacionne And yt pilat instode v. bisid hym. Institisse. / for cristis delyvring Is hoped als of the wyves / haf bene the dyvles stiring ffor be thaym v. be pilat & his wife. thoght the feend / lette oure redempcionne Als he be Adam and Eue / made oure dampnacionne ffor when the haly faders / he se in the lymbe joye make He dredde crist be his deth / wold thaym fro thennys take And cristes deth be Pilat / thoght he to lette yrfore And hym be his ledde the wyf / to spede pricked he the more ffor his prikke specially / is a womman gloosyng Blarnying. Be whaym he dose husbandes / do many a uyce thing Now than the knyghtes of Pilat / of pourpre vncledde Jhū And with his spoilled awen clothes / thai hym cledde eft alle newe Than on his shuldres thai laide / a crosse yt was fulle hevy Yt didde thai for the nones / til his more contumely v. dispising. And for the crosse yt tyme / taknys of malyson Condemnation. were Noythere wald Pilats knyghtes / nor Jewes the crosse bere Bot the crosse yt than was halden / waried Cursed. and ignomynyouse v. wrechid. Be cristis passionne is made / fulle blissed and gloriouse And yt that than was ordeynde / for theves tourementynges Is nowe peyntid hyegh in frontes / of Emperoures princes and kynges And be that whare on misdoers / the feendes felowes ware hanged Ere now the dyvels punyst / chasidde ouercomen and strangled And of this forsaide Crosse / cristes baiulacionne ¶ ffigure j. In ysaac Abraham son / hadde prefiguracionne Gen. xijo. ffor ysaac on his awen shulderes / wodde mekely bare & broght Be whilk his fadere to godde / yt tyme hym sacrifie thoght So crist bare on hys shuldres / a crosse fulle hevy and lange On whilk the Jewes cruwelle / thoght hym sakles to hange Ysaac be ane Aungels help / was delyvred fro dede And a wethire cleving in breres / sacrified in his stede Bot noythere tholed wethire / for crist nor othere creatoure ffor swete Jhū hym self / wald for vs alle endure Ysaac hering his fadere / yt wald hym sacrifie Sayde he was obedient / at his wille alle redie So gods son til his fadere / was meke and obedient In alle thinges to fullfille / his wille and commandement ffor the fadere and son and haly gast / helde a mistik counsaille One of thaym for to sende / mansawle to recounsaille The fadere saide whaym shalle I sende / and whilk of vs shalle go The son saide I am redye / I send me selven there to Go to the werlde quod the fadere / and lyve with men mekely The send∣ing of gods son And what eure thai do the / soeffre it benignely Thus crist gods son o lyve / sent, conuersed Conversatus est in Judea. in Judee And thai hym revilid and slewe / with horriblest cruwelltee Als in a pytouse Piteous. parable / crist shewed the Jewes this thing ffiguring it be a vigne / a tyme in his preching ffigure ij. A man plantid a vigne / and closid it, tellis vs the boke Luc. xxo. A toure a pressoure in it / and to tilmen Husbandmen. it toke He sent his seruantz in tyme / the frvytes hym forto fette Fetch. And thai slewe some of thaym / & of thaym some thay bette Mo seruants than he first / the lord sent this hering To whilk the tilmen didde / like slaghtere and betting At the last his oon lufed son / this lord sent to thaym oute Lyst thay hym forto slee / wald oythere haf shame or doute Whaym the tilmen taking, / kest hym without the vigne And cruwellerly than the seruants / slewgh hym with shame & pyne Of the Jewes or the Jewrye / this vigne bare takenyng The closeure Jerusalem walles / or than the aungels keping And takenyd is be the toure / the temple of Salomon Be the presseure the autiere / of holocaust and oblacionne The seruantes sent yt ware / gods haly prophes and trewe The whilk with paynes diuers / the Jewes cruwelly slewe Thai suwe Sawed. ysay and stoned / Jeremye without faille Thai brayned Ezechiel / and Amos percede with a naille At the last oure lord godde sent / hys oone son crist Jhesew Whaym cruwellerly than thas oythere / the fals wode Jewes slewe On his shuldres thai laide / the crosse hym forto pyne And slewe hym without the Citee v. of Jerusalem. / so kastin out of the vigne ¶ And thas yt crist to his deth / ledde out ware folkes two ¶ ffigure iij. The Jewes in hert ledde hym / the hethyn in dede, for so Be two exploratours / hadde this figuracionne Num̄s. xiijo. Yt broght the grape clustre to desert / fro the lande of promissionne Crist was yt grape clustre / whilk two folkes v. Jewes and payens. ledde cruwellye Out of Jherusalem / to the mount of Calvarye The Jewes tasted be the grape / of the hight v. of promissionne. lande the gudenesse And be crist teching may we / considere of hevenly swettenesse O Jhū of thy lyf eterne / gif vs swilk gastly smelle Yt we in it with thee / with outen eend eure mowe dwelle Amen TOFORE herde ȝe how crist / bere on his bakke the croice CAm. XXIIJm. Nowe heres for his crucifioures / howe he prayd with mylde voice Luc. xxiijo. The nyght and daye for japed / was he made so wery Hym self yt hevy crosse / yt he ne moght bere forthy Than constreyned thai a man / hight Symond mavgre his To help crist forto bere / the crosse the sothe is this At mount Caluarie comen / when thai see crist fayntid Thai gaf hym Ayselle Vinegar. with galle / mengid and wyne mirrid Vinum mirratum. This drink the Jewes to crist / mengid maliciously Als in the boke of the psalmes v. the savtere. / was writen be prophie The knyghtes apon the grounde / laide than the crosse flatling The body of oure lord crist / alle naked on it spreding of crist was nakned And with ane hoege nayle to the crosse / thai drofe one of his handis That othere hande to ane hole / drawyng with cruwelle bandis The whilk festnyng his fete / thai ruggid Stretched. out semblably And thirlid Pierced. thaym to the crosse / with one naille cruwelly Of this oure lord be the psalme / pleyned openly for the nones Thai delvid myne handes and my fete / and thai noumbred alle my bones And oure lord crist tholing / this bitterest cruwelletee Luc. xxiijo. Vntil his enemys yt tyme / shewed his swete charitee Vnto his fadere of heven / thilk tyme for thaym praying Til vs oure enemys to luf / in yt exsaumple leving Ensaumple to pray for oure enemys ffor when we oure enemys luf / and also for thaim we praye The sonnes ere we of crist / and brethere this is no nay ffor oure enemys to luf / is cristes teching fulle even Yt we be yt way mowe / be come gods sonnes of heven Noght grete price is of freendes / nor of gudedoers luving Bot to luf persecutoures / and enemys is grettest thing The knyghtes doune on the erthe / nailled crist on the croice And after raysid hym alle qwhikke / with ane hoege shout & voice This some men holde ¶ figure j. ¶ And cristis prayere when he / was this wise crucified In Jubal Tubalkain brothere / tofore was figured Thyre two ware sonnes of Lamech / some tymes als clerks wote ffynders als bokes telle / of musik and yren note The fynd∣ing of musik & yren note ffor when Tubalkain with hamers / stroke on the yren stifly Juball than of thaire soune / fande arte of melodie And to soune of thas hamers / and fabricacionne Cristis prayere is likned and his / crucifioures malliacionne v. the nailling on the crosse with hamers. ffor when the crucifioures hamered / crist to the crosse wodely Yt lord for thaim to his fadere / sange fulle swete melodye ffadere forgif to thaym / for thai ne wote what thai do Thai ne knawe me noght for thi son / yt thay do thus vnto ffor if the Jewes and the hethen / hadde knawen crist sothfastly Thay ne hadde neure crucified / doutles the king of glorie And yt blissed melodie / was of so fyne dulcoure That thre thovzand of men / conuertid thilk same houre And wele ware the Jewes figured / be the fyndere of hameryng ffor thay first of alle fande / thilk manere of crucifying ffor no lawe demed yt man / shuld to the crosse be naillid Bot to be bounden vppe with ropes / to tyme yt his lif fayllid And wele was crist prefigured / be the finding of melodye ffor he swilk melodie v. to pray for his enemys. to the fadere / fande forto singe swetely And for his Crucifioures / prayed crist noght alle onely Bot for the hele of alle the werlde / allso fulle devoutely And thogh many one hadde prayed / for mans synne oft to fore ffor bede v. prayere. ne sacrifie / warre thay neure herde the more Bot crist prayed with swete teres / & strenghfulle voice crying And for his reuerence was herde / his prayere he purchacing ¶ This Crucifixionne also / prefigured seint ysay ¶ figure ija. Gods prophe wham the Jewes / didde to deth horribly ffor the Jewes with a sawe of tree Wooden saw./thorgh the middis hym kitte maist of the Stories Whare fore the deth of crist / right wele prefigured itte So the Jewes with a treesawe The cross. / crist be the middes departid When thai his body and sawle / with the crosse disseueryd And alle thogh thay cristes sawle / made fro the flesshe to parte To thwynne Cut. the goddehede fro ovthere v. fro the flesshe or the sawle. / couth thas wriches none arte ffor the godhede ones vnite to manhede neure fro body ne sawle of crist de∣partid ffor fro the dede flesshe twynned Divided. / was noght the deite Nor fro the sawle lyving the flesshe / this is trewe certeintee ffor alle thogh crist diedde / god wald hym noght forsake Thogh he sent hym to dye / mans reaunceonne for to make O fadere of hevyn what luf / lest the shewe to mankynde Thyn one son sending til erth / for man thus to be pynde Who herde eure of swilk luf / or se swilk jentellenesse Or sufficed to prayse it right / in o poynt of fulnesse ¶ This lufe of the fadere godde / thus hoege and thus passing ¶ figure iija. maist of the Stories Hadde some tyme prefigureance / in Moab a jentil king He was in his Citee assieged / with ane hoege oost and grete The Citezeins welnegh perist / failling both drink and mete This king luved his Citezeins / so hoegely mykell at alle That his awen son for thaym / he sacrified on the walle Be the forsaide Citee the werld / is wele prefigured And be the Citezeins mankinde / is noght wronge designed Be the oost of the feendes of helle / was sieged this citee More than fyve thovzande ȝere / are crist come in pitee The lange thraldome of man∣kinde to the feende And the Citezeins so wayke / warre waxen thorgh out and out That thay this siege to breke / moght neure alle bring about At the last fadere of mercyes / godde of consolacionne Piely beheld the disese / of oure obsidionne Yt for hoege luf his son / lete he for oure luf dye The siege of the feendes to breke / til vs delyvre frelye Moab for his frendes and foos / his son to dye suffred Bot godde for his enemys / his son vnto deth delyvred What may we ȝelde this lord / for swilk luf worthilye Bot body & hert and sawle / gif in his luf holely To the fader yt vs lufed first / gif we dilectionne Whilk thus pyely beheld / oure mortiel obsidioionne v. oure assiege be the feend. O gude Jhū lat vs / here of thi luf cesse nevre Yt in thi joy to come / with the we mowe dwelle evre Amen NOW last herd we howe crist / prayed in the crosse mekely CAm XXIIIJm Here fylows howe he his deth / forshewed figuratifly King Nabugodonosor / a grete tree se dremyng ¶ ffigure j. Daniel iiijso. Nabugodo∣nosor The whilk tree of the same king / bare verray signifying Bot crist to come to this werld / betaknyd it mistikly Yt king of kinges and lord / of lords shuld be sothly Whas pouwere ouer alle the hevens / is raised fulle hiegh on hieght And spredes ouer alle this werld / above alle erthly myght Alle beestis vndere it and briddes / in it hadde thaire dwelling And of the fruytes of yt tree / ete and hadde norisshing The whilk fulle conueniently / gaf verray signifiaunce Yt euery creature be the grace / of crist takes sustenaunce Bot loo ane aungell commyng / commanded kit doune yt tree Whilk thing figured yt crist / done on the crosse shuld be He saide yt all the braunches / of the tree shuld be kitted Takenyng yt cristis disciples / shuld alle be fro hym seueryd And saide more yt alle the leves / shuld be shaken of the tree Takenyng yt alle cristis lare / of the Jewes shuld dispisid be He commanded the fruytes of the tree / to be scatred the king thoght Takenyng yt alle cristis werkes / the Jewes shuld sett at noght He saide the beestis and briddes / shuld alle flee fro the tree ffor noythere aungels nor men / to crist in help shuld bee The aungel saide more yt thogh / the tree warre kitted doune Neure the laccere the rote shuld leve / in erth forto burgeonne Als so say alle thogh crist hadde / of deth to thole the payne Ȝit shuld noght deth hym hold / yt he ne shuld rise agayne He saide Nabugodonosor / ment verraly be the tree With bandes of yren and stele / bonden also shuld be Whilk shewed yt crist shuld be / bonden til a pylere With yren nailles on the crosse / striken with his enemys sere Many. He saide with dewe of heven / shuld alle be wette the kinge ffor verraly fro amanges men / he shuld haf his dwelling With hevens dewe wette yt is / with his blude ouer ronnen bene And with the same blude wet alle / fro thraldome qwhitte fulle clene He v. the aungel. saide yt als a beeste / was to be fedde this kinge ffor crist of Ayselle and galle / to drink shuld haf offring He addid yt the kinges hert / shuld haf fro manhed chaunging And yrfore taken hym an hert / beestisshe als of feling ffor the Jewes crist als aman / shuld noght treet nor addmitte Bot als a wilde beest or a worme / hym crucify and bespitte Or els yt the Jewes to crist / shuld noght like men thaym bere Bot grynne on hym like beestes / the cruwelest yt evre were He saide more yt seven tymes / shuld be chaungid on the king So hadde seuen houres canonyke / crists passionne proloignyng He saide in sentence of aungels / this was certein decree v. Jugement. And worde and asking of Seints / yt this for fermae Affirmation? shuld be ffor to aungels and men crist deth / shuld be necessarie thing Til aungels restoraunce / and of seints delyvring He saide this king shuld be / til alle the werld manifestoure Ouer alle kyngdoms of men / of the hiegh dominatoure ffor the preching of crist and his / shuld gif the werld knawyng Of verray godde of alle werldis / and makere of alle thing He saide yt the kyngdome of men / godde myght gif where hym list On whilk he purveide to sette / of alle men the mekest This takened crist forto be / mekest of alle mankynde Tharefore king of alle kinges / in bokes alle this we fynde And thus was crist figured / til vs be the forsaide tree Of his faders ordinaunce / for man crucified to bee And thogh his passionne ware ordeynde / of his fadere thus tofore He soeffred it of free wille / and invite v. maugre his. nevre the more ¶ And Codrus a king of grece / shewed this prefiguratifly ¶ ffigure ija. His Citezeins forto delyvre / the deth accepting freely The grete Citee of Attenes / stode in obsessionne‡ Historia Scolast. So streit yt no mans witte / moght fynde subvenconne v. help of delyveraunce. Than counseild this king Codrus / wt his godde Appolyn If any way were yt he / moght rescow his Citee fro pyne And alle ware he payen / and godde sothfast ne knewe Ȝit soeffred godde hym resceyve / be Appolyn ane answere trewe That certeine thare was no way / to delyvre his Citee assiege. Bot if he wald soeffre hym / selven of his enemys slayne be And the king his Sugits / luvid so perexcellently Yt he went out of the toune / for to dy willfully His enemys knawyng the cas / wold hym disese nothing The Citee more than his deth / vnlike with desiring And king Codrus knawing / of his enemys the entent He left his realle arraie / and seruants clothes on hym hent And commyng forth eft his foos / didde hym to deth als tite Forthwith. ffor thay knewe noght the king / in his servylle habite The enemys knawing his deth / of thaire purpos dispaired And the Siege vp breking / to thaire contrees repaired Thus crist luved vs yt he / for vs wold dye freely ffro the feendis assieging / to qvite vs alle vtterrly Cledde in mans flesshe als in / clothes of seruyle degree Noght mowing Able. dye in realle / clothis of his deitee ffor if thay hym the king / of glorie hadde asspied Thayn wold neure hym haf slayne / nor so vily treted And crist brakke noght the one siege / of oure Captivitee Bot oure deth also with his / for euremore destruyed he ¶ And this be Eleazare was ones / the machabe prefigurid ¶ figure iija. Macha∣beorum vj. Disposing hym self to deth / to slee Olyphaunt armyd The hethen oost come on the Jewes / yt hadde of thaym hoege fere And Eleazare bare thorgh / thaire Olyphaunt with a spere The beest wounded to the deth / felle on this Eleazare And his sleere slogh he / with his grete sweght Body. right thare The stronge asaylled the stronge / and both felle in the stede And thus Eleazare and the beest / in this wise ware both dede Thus stronge crist the stronge deth / assailled chyvalerously And with his deth slewe oures / blissid be he eendelesly O Jhū yt be thi deth / liked to bye vs thus sore Make vs aftere this lyf / with the dwelle eure more Amen HERD last tofore how crist / was slayne thus cruwelly CAm. XXVm. Here nowe howe thay hym dede / scorned maliciouusly It suffized noght the Jewes / of crist the cruwelle sleeyng Bot thay after yt he ware dede / reioyst in hym scorneyng ¶ Micol Saulis doghtere / this touchid prefiguratifly ¶ Figure j. When scho hire husbond Dauid / the king scornyd proudly ij Regum vim Tofore the testaments Arche / Daunced Dauid harpyng Whaym Micol gaf scornes brode Broad. / out at a wyndow lokyng And ȝit suffized hire noght / to scorne hym doing a ferre Afar. Bot at thaire meting eft sones / chaufed Chaffed. sho hyre husbond wele werre Much worse. Saying he couthe a king / countrefete wele hardily Naknyng hym tofore folk / als harlots vses lewedly Right so the Jewes scorned crist / wers than ane harlot than Hym condempnyng with theves / and lowsing thefe Baraban Dauid in his harping / prefigured crist in this thinges ffor crist was stendid on the crosse / als in ane harpe ere the stringes O lord how this faire harpe / gaf a swete melody When crist with doelfulle teres / for vs cried myghtylye When Paradise he to the thefe / hight so late repentyng And his modere vnto John / and hym to hire betakeing And for oure hele me thristis / saying yt Lord thus And after consummatum est v. it is eended. / yt he shuld thole for vs And when he cryed hely hely / Lamazabatany And when he ȝalde vnto the fadere / his gast so pynefully The Synagoge in this harping / to scorne hym gamen Mocking. thoght And after hys gast ȝolden / to scorne thay cessid noght ¶ This thinge in Absolon / the fairest of men rede we ¶ ffigure ij. ij Reg. xviijo. Prefigured when yt he honge / be his here in a tree Whaym seighen a man rynnyng / to Joab this discoueryd And he commyng thre speres / thorgh out his hert festnyd Bot sqwyers of Joab / thoght noght enogh there by Bot with thaire swerdes also / bare hym thorgh cruwelly Absolon takned crist / of mans sonnes fairest floure Striken with thre speres on the crosse / yt warre thre paynes soure The first of his awen paynes / the innombrable hydousnesse of the treble sorow of crist on the crosse Secunde of his dere modere / the intolerable bitternesse The thredde doele for the dampnable Damned./whilk crist lete on hym bite Knawing his bitter passionne / shuld noght to thaym profite And thogh crist was fest with / thus many sorowes on the croyce The Jewes ȝit pyned hym ovre / with thaire wikked tonges voice Thus alle wilfulle synners / assailles crist on like wise Resydynaunt v. turnyng aȝeine to olde synnes. and also in thaym / crist eft sones crucifise ¶ King Evilmeredach of swilk / some tyme gaf for lyknesse ¶ ffigure iija Josephus or the maist of stories When he in his dede fadere / exercised his wodenesse Whas body dolven out of the grave / in thre hondreth gobets he kitte And to thre hondreth voltoures / forto devoure dalte itte So in thaire fadere crist for thaym dede / haves fals cristen thaym wodely When thay wilfully synnyng / hym eft sones crucifye Austyn And thay synne more wreching Angering. / crist in his deitee Then thay yt crucified hym lyving / here in humanitee Howe fals cristen with diuers synnes pynes crist in diuerses maneres Crist ones crucified / enforces he forto assaille Yt hym auantis of synne / or vses it stably Steadily. sanz faille Of a crosse to cristis crucifying / is yt man carpentere Whilk of yvelle to be done / is help or counseillere That man lays als men says / the crosse on cristis bakke Whilk to the ordeignaunce of godde / of his synne gyves the lakke Lache, infringement. Holy writte beres hym on hande In will. / in cristis face forto spitte Whilk ony gude takes of godde / and hym thankis noght of itte And crist on his bakhalve / vngudely also betes hee Who yt his neghbourgh enforce Strives. / diffame in priuytee And crist in his face betes he / with buffetes cruwelly Who byses hym to confounde / his neghburgh presently v. openly. And cristis heved with sharp thornes / corones he dispitously Who yt haly kirk assailles / with ravynes and iniurye And thas bisis thaym to hide / gods eghen alle thing behalding Who sellys or gifes or chaunges / for erthly gude haly thing And thas ere saide to depart / to thaym cristis clothinges Who presumes forto destruye / robbe or ref neghburgh thinges And Jhū crist with Judas / kissis he tresovnously Who yt his neghburgh gloses / forto be gile hym sleghly And with Judas trecherously / hailsen thay crist I say His hest Promise. yt til his neghburgh / haves noght intent to pay And Jhū crist with the Jewes / laghes he to scorne than When he gives almovse or prayes / for lavde or praise of man And cristis purses beres he / with Judas yt thevis lymme Who stelis or oght withdrawes / of thinges betaken hym v. to kepe. Cristis fete with iren nailles / is he proved thorgh to smyte Who tavernes and comon places / wille more than kirkes visyte It proves he beres the crosse / with thilk Cyrene Symon Yt noght of free wille dose gude / bot be coactione And nailles for crist is he / proved to forge writchedly Whilk amanges neghburghs discordes / to sawe Sow. makes hym bisy He is demyd crist to scorne / like to the lefthande thefe Who yt in confessionne / to lyegh or feygne ere lefe Thaym self with Judas to hange / prove thas vnderstandinglye Yt mercy likes none til aske / ne for thaire synne satisfye Thas thaym the handes of crist / proves with ropes forto bynde Yt trowes noght oure lord godde / may thaym thaire necessaries fynde Gods handes vnto the crosse / wounde thay fulle grevously Whilk of gods gude gyven thayme / deles noght almouse freely And thas ere proved to selle crist / with Judas the Traytoure ffor money, yt spendes thaire gude / to purchace thaym vayne honoure And thas gyves myrred wyne / to Jhū crist forto drinke Yt heresies vndere coloure / of trewth to teche folk swynke And thay menge Aysell with gall / to gif crist on the rode Yt sacrifice makes to godde / of mysbegetyn gude And with Judas Traitoure / betrayses he crist kissing That resceves yt lordis body / in dedely synne being O Jhū Gif vs right so / to resceve thy body That we neure be fro the / departid eurelastingly THE last chapitle tofore / tolde cristis passionne CAm. XXVJm. The Com∣passionne of oure Ladye Heres now his moderes doel / and rewthfulle compassionne ffor the more hardnesse yt crist / tholid in his passionne certayne The more doel til his modere / encresced be payne and payne Than Symeons prophecie / in hire fullfilled wasse Luc. ijo. Thorgh out thy sawle marye / the swerde of sorowe shalle passe The sorowe yt oure lady / consuffred for hire dere son ¶ In Jacob for Joseph deth / hadde prefiguracionne ¶ Figure ja. Jacob ouer alle his sons / luved Joseph tendrely Gen. xxxvijo. Wharefore alle his brethire / thoght hym slee for Envye Jacob did make his son / a longe cote dyuersly Colourd with sere figures / thare in wroght craftyly Whaym til his brethere whare thay / kept shepe his fadere sending Anone hym seen thay thoght / of hym to make endyng Bot godde wold thay hym solde / til Ismalits v. to men of swilk a countree. for gude And his cote alto rent / thay sprenclid with gotes blude And sent it to his fadere / with a strainege man to see And hym avise whethere it / the cote of Joseph mot be Whilk seen his fadere his clothes / kitte and saide wepynly The worst wilde beestis tethe / has eten my sons body Than come his sons to gidere / til hym this thing heryng Thaire fadere in thus grete doel / to comford enforcyng 1 Labour. And he none hede wolde take / to consolacionne Bot in his vnmesured woo / this ilk was his sermonne Til helle vnto my son / shalle I sorowing descend ffor hym myght no comfort / in this lyf here amend So marie til hire dere son / wald have descendid to hell Iff it hadde bene possible / for eure with hym to dwelle O brethere howe mykelle hopè ȝe / sorowed this modere mylde The cote seen of the fflesshe / to torne thus of hyre childe Joseph cote was made rede / of a kidde with the blude Bot cristes cote with his awen blude / was alle bewette on the rude And of the cruwellest wilde beest / was crist devoured sothly Yt was of the wikked Jewes / the fiercest maliciouuse Enevy Jacob for doel of his son v. of Joseph. / share Rent. his clothis vtward And marie share hire clothis yt was / the strenghthes of hire spirits inward Alle the sons of Jacob / about hym gadred even and morowe Bot alle thay myght neure the rathere / soften his doel & his sorowe And thogh to marie hadde gadred / this brode werlde alle holly Wholly. Neure thing hadde softned hire doel / with outen hire son sothly Sith Jacob hadde sonnes twelf / and sorowed thus oon losyng How mykel was Maries doel more / oon lost, nomoo having ¶ This doelfulle virgyns compleint / was some tyme fortaknyd ¶ ffigure ij. When Abel of wikked kayme / was slayne and martirizid Whas slaghtere Adam and Eue / thai both for causes sere The com∣pleynt of Adam and Eue for the slaghter of abel Compleynyd both nyght and day / lasting ane hondreth ȝere Bot thogh the sorowe of thire two / ware fulle hoege in reknyng No dout to maries doel it / shuld seme littell or nothing ffor eure the more yt a thing / is more luved be resonne The more sorowe is of it / tholed in the amyssionne Bot neure more luf was than / betwix marie and hire son Wharefore hire doel alle othere / passid in comparisonne The sorowe of Adam and Eue / als of bokes men may here Lastid for thaire gude son / abel ane hondreth ȝere Bot if crist hadde bene dede / of ȝeres ane hondreth thovzande Marye alle yt mene tyme / hadde neure cessid to be wepande When Joseph cristis body of the crosse / toke doune wounded so depe Marye stude than fulle negh / in hire armes hym to kepe The littelle birthyn Phial. of mirre / betwyx hyre breestis dwelt than Als cantica canticorum v. swilk a boke of the bible. / shewes til a lettred man Cantic. jo. A bittere birthin of mirre / in maries hert yt laye The sovme of cristis paynes gadred / tholed in a nyght and a day And als the more yt a wyne / swettere and noble is proved Ensaumple Is it more verraly sharpe / and bittere when it is turned So als maries luf til hire son / alle oythere passid in swetnesse Hadde hire sorowe in hire sons / passionne most bitternesse ¶ Wharefore marie some tyme / was figured be Neomy v. swilk a womman. ¶ ffigure iijo. Ruth j. The whilk for hire two sons / waymentid Lamented. doelfully Neomy yt is to say, faire / calles me noght so nay, nay Quod sho bot calles me Mara / bittere yt is to say ffor whi almyghti godde / with bitternesse hase filled me Beweping hire childre deth / swilk doelfulle wordes spake she And marye be Neomy / be resonne was fortaknyd ffor sho noght onely of one / bot of two sons was pryvid O son hadde sho fairest / be flesshely progeniture Ane othere hadde sho adopt / be law of mercyfulle cure v. diligence. Crist was hire oone dere son / be verray bodily kinde The adoptif alle mankynde / in haly writte this we fynde Dede was the bodily son / be verray deth corporele So was the son adoptif / be the deth spirituele ffor in cristis passionne mankynde / hadde the trewe feyth linquist v. left or gone fro it. Wharefore alle manere man / in sawle was dede and perist ffor both thire sonnes tholed she / the vnhopfulle bitternesse Sithen she luved thaym both two / with swettest luf tendernesse And thogh sho luved hire dere son / als hire self and wele more Ȝit wold she soeffre hym to dye / lif til mankinde to restore ffor rathere to see hire son for a tyme / liked the modere of pitee Bere payne than mankynde alle / condampned eternaly to be In whilk thinges we may conceyve / yt marye lufed vs hoegely When she desired yt hire son / for oure redempcionne shuld dye ffor o thing gyven for ane othere / or changed than may men see The thing takne semes more chere Dear. / than the thing gyven forto bee Than in manere semes marye / haf luved vs more than hire son That rathere than vs to be dampned / soeffred his Crucyfixion And how the fadere of heven luved vs / also may we knawe hereby Whilk soeffred his oone son for oure lufe / to dye thus pynously And thus both the fadere and modere / has desseruyd ineffably v. more than may be spoken. Of mankynd to be luved ageyne / without mesure hertfully O gude lorde Jhū gif vs / oure luf with thyn so to melle Yt we decerve in thy heven / eternaly with the for to dwelle Amen TOFORE haf ȝe herd how crist / of the crosse was taken doune CAm XXVIJm Nowe fylowes howe he was graven Buried./to here with devocionne The body bewrapped in Syndone Fine linen./be Joseph and Nicodeme Arraied with oignementis layde thay / in a newe grave fulle qweme Suitable.. There was marye fulle negh / the doelfullest creature Of oure ladys sorowe apon hire dede son Yt eure was modere for son / in erth ȝe may be seure There moght neure tonge certeine / declare hire doelfulle wepyng Nor hert think hire disesse / and pitousest compleignyng She was so feynt and ouercomen / for sorowe the day and nyght Yt vnnethis til hires sons grave / to byry hym wynn she myght So many swete cosse Kisses. and halsinges / til hire dede son gave scho Yt alle gude wightis hire rewed / and saide sore weping loo Allas thire wikkedest men / howe thay haf done cruwelly To this fairest of wommen / most benigne and gudely This ladye made so grete doel / compleint and ruward Sorrowfull. gemyng v. sorowyng. Yt folkes herts standing about / welnegh brist for weping ffor one thus doelfulle modere / what hert hadde yt hardnesse Whilk at the welles of weping / shuld eschewe tendernesse ffor nowe the handis nowe the feete / of hire son was sho kissing His nekke or his woundid sydes / in rewthfulle armys bracying Hire awen breest nowe bette sho / hire handis out nowe spreding Nowe sho wronge thaym to gydire / with revthfulle teres weping Now his suiert Severe. woundis lokyng / nowe felle sho pitously Nota On his breest on his eghen / on his pale mouth blody Nowe certes ane ouer hard hert / more than a beest hadde hee Yt rewthlesse thus gretest doele / myght ony wise think or see ffor sith o swyn and of othere / is moved to here it crye Who of this moderstfulle Passionate? weping / should noght than haf mercye On Mawdelayne hadde compassionne / and with hire wepid Jhū Who than on Marye Virgyne / shuld noght wepe and sore rewe O dolphin ane othere dede / with rewthe says men wille grave What man shuld maries compleint / heryng than no doel have ¶ The sorowe whilk blissyd marye / in hire sons graving tholid ¶ Figure j. Abnere Dauid in Abners byrying / some tyme eke fortakenyd Abner of Joab was slayne / be fraudulent dissymuiling And dauid king pleyned his deth / & fylowed his bere weping And thas doelfull birialles / weppid noght Dauid oonely Bot othere with hym forto wepe / eke excitid he pitously ij. Regum iijo. He saide kittis ȝoure clothing / and wepes alle yt ȝe may Where ȝene knawe the grettest prince / in Israel haf fallen to day Als a wriche mysdoing / witte ȝe he nys noght slayne Bot als wikked the rightwis / makis dye be sacles payne Thus myght doelfulle marye / say on the gude fridaye When hire son of the wikked Jewes / slayne in hire armys laye ȝoure clothes of inward compleynt / in signe of doel shere ȝe Where ȝene knawe the grettest prince / of Israel to day dede be O lord howe grettest a prince / in Israel tholid occisionne v. to be slayne. Compas∣sione of the ele∣mentz in cristis deth Of wham euery creature / bare grete compassionne His hote bemes the son withdrewe / yt thayne shuld noght crist brynne The Ayre wax derke also / to hille his nakednesse withinne The erthe whoke Quaked. forto fere / the crucifioures this is trewth The vaille of the temple was rent / to make the pharisens haf rewth The roches yt were so hard / creved Split? both vppe and doune And for the disciples spak noght / stones cryes with hiegh soune Math. vijo. Also dedemen graves opned / that thay myght rise forto telle The poaire of this grete prince / to the werld whilk than befelle And mony of the dede to men / aperid thilk tyme rysing The werkis of this grete prince / fulle planely manifesting The dyvel apon the left brace Arm. / of the crosse alle astoned satte To whame alle creatures obeyed / merveilling what was he yt The Philosofres of Athenes the sonne / aȝeins kinde derke seynge Act. xvij. Saide godde of nature yt daye / was some anguisse soefferinge Til on vnknawen godde / maide thay ane Autiere for thy To be vnknawen werldis commyng / who so myght come yrby Whare for this princes biriales / pleigne with deuocionne Oure inwards hertis kerving Cutting. / with tendrest compassionne ¶ Of crists sepulture the sons / of Jacob gaf for liknesse ¶ ffigure ij. Puttyng thaire brothere Joseph / in to the cisternys depnesse Gen. xxxvijo. Thai hatid thaire brothire Joseph / to the deth with out skille And the Jewes thaire brothere crist / for his luf and gude wille Jacob sonnes sold thaire brothere / Joseph for penys thretty The Jewes boght crist of Judas / for als many penys evenly Jacob sonnes thaire brothere cote / with thaire handis vnsoundid v. made vnhole. The Jewes crists fflesshe with scourges / with thornes and nailles woundid Jose[phs] cote in no parte / felt payne of dyrupcionne v. of reending. Bot cristis fflesshe in alle his membris / tholid hard passionne Josephs cote fro his nekke / rechid til his helis be hynde Bot fro cristis crovne to his too / was none hele forto fynde Jacob sons thaire brothere cote / sprenclid with a kyds blude The Jewes with cristis awen blude / dyed his cote on the rude The sons of Jacob yr fadere / trevblid ynogh and wele more And the Jewes maryes pye hert / made hoegly doelfulle & sore Joseph his brethers trespas / to thayme relesed gudely And crist for his Crucifiours / prayed his fadere pitously Joseph solde of his brethere / lorde of Egipt befelle And crist crucifyed of the Jewes / of heven and erth and helle v. is lorde. Jacob sons honoured thaire brethere / processe of tyme fylowing And many Jewes trowed in crist / fro deth after his ryseing Jacob heryng his son / o lyve hadde grete gladnesse Marye hir sons rysing / seen, was fillid with swetnesse Joseph a son growing / or increment v. encrees. is for to say And the feith of oure lord crist / spredde wydewhere day be day ¶ And Jhū crists sepulture / be Jonas prefigured myght be ¶ ffigure iijo. Whayme a whalle swalowed casten / out of a shippe vnto the see Thre dayes and als the thre nyghtes / with inne the whalle was Jonas v. prophe. So crist vnto the thredde day / in his grave closid was And how this storye to crist / resonably is appropred In the Chapitle of the resurrexcionne / more openly is declared Thi sepulture gif vs here / to luf so swete Jhū That we dwelle eure with the / in heven whare joye is newe ZE have herd last to fore / how Joseph crist byryid CAm XXVIIJm. Seint Thomas in the boke of cristis descen∣sionne to hell after his deth Now is fylowing to here / how crist in helle entrid The houre of None cristis soule / ȝolden in the crosse als tite Vnto the hellis descendid / the saule to the godhede vnyte ffourefaldes or in foure stedis / ere hellys be Thomas v. Alqwyne. sawe Of dampnyd, of childer, of purgatorie / and of seints of the olde Lawe ¶ In the first yt is of dampnyd / is smoke and fire inextinguyble Math. xiije Sight of innoumbrable feendes / horroure and flaying Praying. terrible Wormes ffreetyng Fretting. Lat. 'Vermes conscientiarum.' the conscience / and horrible derknesse palpable j helle Inenarrable hydous coldnesse / and stinking intolerable Eure enterchaungable envy / multiplying of malicionne ffleyng Praying. of desired deth / dispare of redempcionne The point of dying all waye / and of deth neure freedome There ere paynes eure more newe / neure of thaym eend to come To this helle neure descendid / oure lorde crist is no doute Nor fro yt horrible place / boght he nevre saulys oute ¶ A bove this helle a place / for childere is thus devised ij. helle With out Circumcisionne / and oyr eke vnbaptized There nys no sensuele payne / bot payne of wanting wit ȝe Joie haf thay thare fulle grete / of gods vnmesured bountee In thilk place haf the foresaid / childere so hoege gladnesse Whilk of alle joyes erthly / passes lust and swetnesse Thay joye yt thay thaire makere / synnyng offendid nevre And yt fro the helle of the dampnyd / seure thay knawe thaym for evre What godde will do be thayme / no man has the knawing Nor no Doctoure suffices / to termyne it be writing ¶ Overe this stede is ane helle / whilk named is purgatorie iij. helle ffulle of diuerse diseses / with many a payne fulle sory Whare cristen saules for thaire synnes / vnclensid who saved salle be Resceves after gods demyng / certeyne penalitee Thire savles paynes ere lessenyd / be dovoute messys singyng Expedien∣cia anima∣bus in pur∣gatorio nota Be fastyng and be prayers / and be trewe almouse delyng Be indulgence and be the haly laude / of the croyce be accepting And be penaunce of othere folkes / for thaire freendes fullfillyng The paynes of purgatorie / may no tonge erthly telle ffor passing alle erthly disese / alle be thay neure so felle Als is fire peyntid vnlike / to self fire materiale So differences fire werldly / fro thilk purgatoriale ¶ A bove this stede is ane helle / whare the seints of the olde lawe were iiij. helle Lymbus of Abrahams bosme / named be clerkes sere Tho whilk helle alle the seintes / entred wit ȝe trewly Yt died or crist vprase / ware thay neure so haly This helle entred Jhū / oure Saueoure descending doune right And of alle savles there inne / he heryde Cleared. it be his grete myght In this helle was cristes savle / fro the houre of his dieying Vnto the thredday fylowing / the houre of his vprysing And thogh it ware that cristis sawle / fro the body departid How to cristis flesshe dede was the god∣hede vnyte The godhede fro the body nor fro the sawle / no tyme was disseueryd ffor in the lymbe was the godhede vnite / to the savle partid fro the flesshe And in the grave to the flesshe dede v. was the deitee vnite./incorrupt and eure ylike fresshe And when yt crist entred in the lymbe / the seints see the verray deitee And alle the joye and the blisse in the heven / hadde thay be free libertee Men sais whare the haly fadere is / thare forto be the courte of Rome And hevenly joyes whare the godhede is / shalle be hoped to the same dome And to the thef hanging in the crosse / saide oure lord Jhū on this wise I saye the for soth this ilk daye / thowe shalle be with me in Paradise And this of paradyse terrestre / touches noght in expounding Bot of the contemplacionne dyvine / is in trewth the vnderstanding The theves savle with the savle of crist / entrid in the lymbe the same day And the verray godhede contemplid / with othire seints thus the clerks say And when the seints see oure lord crist / that kest a fulle joyous cry Welcome oure lange desired lord / vouching sauf vs to by ¶ This thing prefigured thre childere / at Babiloygne in the ffournas ¶ ffigure j. When the fyre at the Aungels entring / to swete dewe turnyd was ffor if the aungels presence to the childere / in the fire refrigery made Wele more myght oure lord crist / in helle the seints glade Make glad. The aungels sent in to the oven / to confort the childere fortolde ffigured yt to confort the ffaders / crist entre in to helle wolde And als in the foresaide fournace / ware bot childere & nan othere None was bot innocents and childere / in the lymbe sothly gude brothere ffor who tofore satisfactionne pleyne / passid to Purgatorie descendid Nota And when thay were purged at the fulle / vnto the lymbe after thay ascendid ¶ Be Daniel in the lake of Lyonns / oure lord prefigured this thing ¶ ffigure ij. Daniel vjto With Abacuk and his sherers mete / wonderfully to the lake carying The folk of the lande of Babiloigne / in to the lake hadde puttid Daniel In thaire entent forto bene devoured / of seven lyons hongry & cruwelle Bot godde of thas fiers beestis / kept hym fro illeusionne v. fro harme. Lat. Illaesus; perhaps taken as 'ill usage.' And sent hym ffulle merveillously / be his Aungelle refectionne So godde oure faders in the Lymbe / kept fro feendes and yvel pyne And commyng hym self fedde thayme / with his refectionne dyvine The Lake of Babiloigne til helle / may men likne or it calle The seven Lyons takenyng / the noumbre of feendes alle The noumbre of feendes ere wonte / be discrived be dyvels seven Whilk be seven dedely synnes / lettis men the way til heven Of whilk synnes dedely the names / ere thire pride and Envye Ire Acide Lat. Accidia, idleness. Auarice / glutterye and leicherye The names of the vij dedely synnes Of fendes ere thire the wapenes / and armures of the Dyvel Warusture Munitions? of the Castels of helle / of whilk man takes oft yvel And thogh the feendes hadde garnist the helle / many ȝers so fiersly Ȝit crist with his precious blode / allto brast it lyghtly ¶ This was prefigured some tyme / be afowghel A. fowl. hight Structone ¶ figure iij. Whas bridde Bird, (i.e. young). in a vesselle of glasse / didde close vp kyng Salomon The Structone to delyvre hire bridde / out of the glasse desyring fflowgh vnto desert and broght / a littel worme it hat Thamere. retournyng The maist of stories apon the iij boke of kinges Cao Vto With whas blode the vesselle touching / of glasse, it alto brast And so the bridde of the Structone / freely come forth at the last Thus when crist tholid in the crosse / his blode passid out to be Helle als glasse brast & man / went out both qwhit and free O gude Jhū vouche-saufe / vs so to kepe fro helle Yt we in thy presence / eure in joye with the dwelle Amen NOW last herd ȝe how crist / gladide oure faders in helle CAm XXIXm Here fylowse howe he ouercome / the prince of feendes cruwelle Crist wolde be man for he / the feende til ouercome thoght Als he to the poeple a tyme / in parable thus forth broght Whils the stronge armed v. the dyvel / kepes his halle Lymbus Luc. xjo. Alle is in pees yt he haves / of the faders, the glose is thus Commyng his strongere v. Jhc̄ / swith wille he hym v. the feende. ouercome Bynde hym and his armures / ref fro hym alle & some The dyvel to fore yt crist come / armed was so strongly Yt neure man erthly borne / myght his halle breke for thy Than crist noght man oonly / bot godde and man o person Entrid his halle be the crosse / and ouercome hym anone ¶ Here of Bananias the stronge / gafe prefiguracione ¶ ffigure j. ij Regum xxiiijo. Yt entrid a Cisterne with his ȝerde / and slewe there inne a Lyonn So to the feende in the Cistern / of helle entrid Jhū With ȝerde and staffe of his crosse / and thilk lyonn v. the feende. ouerthrewe Off this the prophete Dauide / thus in the Savtiere saide he Thi ȝerde and staffe thas thinges / ere grete comfort to me The ȝerde menes here a staffe / in a mans hande walking To holde hym vppe in the waye / and fro hondes defending So cristis croice is a staffe / sustenyng yt we ne falle And ȝerde be whilk helle houndes / we may fere fro vs alle Be this staffe crist the Lyonn / of helle nobly ouercome And forto withstande thilk feende / has takne til vs the same Loke brethere what we beholden / til honoure the croice alle and some Be whilk oure enemys the dyvels / we may thus fere and ouercome Als be the tree of paradys / the dyvel toke man prisonere So crist be the tree of the crosse / ouercome the feende dying here O brethere mykelle ere we holden / the seint croice to honoure swetely Of the virtue of the seint croice Whilk crist with his precious blode / vouched-saufe to sacre nobly In the croice the dyvels felawes / ille folk ware some tyme hongid Nowe ere feendes be it chaced / ouercomen lightly and stranglid Be the croice to fore yt crist come / eked was the noumbre of dampnable And nowe in it be cristis vertue / growes the noumbre of the sauuable Be the croice some tymes to the feend / was eked als in manere glading And nowe be it to thaire hoege sorowe / til aungels is eked reioying Some tyme be the crosse wikked men / toke for thaire synne dampnacionne And now be it blissed be Jhū / is to synne mercye and pardonne The crosse in Mount of Calverie / sette for the viletee Is nowe sette vppe in haly kirke / in Autiers for seintitee The crosse yt was horroure / to touche for the propre shame Nowe honoures it king and prince / & heries Praises. the gl[o]riouse name Whame alle this werld myght noght / ouercome the dyvel of helle A childe be the signe of the crosse / may hym fere and expelle v. chace hym away. nota This myght gaf he til it / oure awen campion stedfast Whilk in it ouercome the feend / and helle ȝates alle to brast ¶ And cristis victorie some tymes / was figured be Sampson ¶ ffigure ij. Judic xiiij In the vignes of Engaddi / whilk to rent a lyon Be strongest Sampson is crist / strongest of alle taknyd Of whame the hellysh Lyonn / is of his myght depryved Sampson to take a wif / weending out on a daye Sampson He slewgh a cruwelle lyonn / metyng hym on the way So crist gods son fro heven / to this werld descending Contracte a matrimoigne / with mankynde desiring Sampson weddid a wif / a womman of Thamnataa v. of yt contree. And crist in alle naciones / chase hym the lande Juda This womman of Thamnataa / deceyved sampson sleghly Right so the contree of Juda / tretid crist fraudulently Sampson his enemys cornes / and thaire vignes sette in fire And defendid hym nobly / maugre thaire allere Of all. ire So crist of the Jewes at the last / vengid hym for alle thayre boost When he the lande of Judee / destruyed with the Romayns oost Thus Sampson alderestrongest crist / takned prefiguratifly Whilk v. crist. the infernale lyonn / ouercome the fende oure enemy ¶ Eke Ayoth Ambidextere v. for right and left hande was hym alle oon. / some tyme prefigured Jhū ¶ ffigure iij. Judic. iij. Whilk Israels enemy with his swerde / the fattest king Eglon ouert[h]rewe This ilk forsaide king Eglon / the fattest man outrageously Verrayde Attacked. of Israel the folk / appressing thayme horribily Ayothe this Eglon to slee / studied fulle bysyly Ayoth fforto qwhite Israel / of swilk one eneuyous enemy This Ayoth gat this Eglon / in his awen chaumbre at the last And his swerde with his left hande / showed in the kinges body fulle fast ffor with so grete force Ayoth / bare it in the body of Eglon That the hilts with the swerds blade / was closid in his fatt wombe anone The whilk swerde in yt plite left / Ayoth eschaped happyly And the folkes of his Contree / delyvred of so grete ane enemy This king alderfattest Eglon / for his wombe brode als a targe Bers takenyng the feende of helle / for his bely with out noumbre large Whilk is callid fattest / for he alle men devourid And for yt alle mankynde / in his hoege wombe decovrid At the last come oure lord crist / and his grete wombe entrid With the swerde of his passionne / when he helle ȝates percyd And for the feende ouercome man / be ane apple swete taysting There for crist ouercome the dyvel / be bitterest passionne soeffring In whilk thing crist forto fyght / a trewe ensaumpille left vntil vs Yt aȝeins the feende and vices / vs mote feght with vertuse ffor als the matiers be thaire contraries / in sekenesse has curacioune Be like wise in bataile with the feende / be vertuz men puttis vices doune Bot he yt feghtis lawfully / non othere shalle of coroune haf the pris Thi. ijo. ffor there may noman feght in this erth / bot if hym hapne to haf enemys fforthy oure lord has ordeyned yt aman / shalle haf here impugnacionne Yt yrby in heven at his eende / hym be eked retribucionne Also some men in slepe / oure lord soeffres temptid Yt also thaym slepyng / yr mede be encressid ffor eure the more yt aman / endures here of bataille So of mede more and more / shalle he take with out faille O gude Jhū gif vs / so with the feende to feght Yt we be corovned of the / in hye joye vpp on heght Amen HERD nowe yt crist ouercome / the feende be his passionne CAm XXXm Heres howe oure ladye ouercome / hym be compassionne What crist in his passionne / suffred yt evrydele Every part. Tholid marye be compassionne / in hire sowle maternele The nayllis whilk handis and fete / thirlid of hire dere son Perced his swete modris breest / be pynefulst compassionne The thornes yt the heved of crist / prikkid so pynefully His moders hert be compassionne / fulle depe woundid sothly The swerde of sharpest tonges / herd of crist tholemodely Patiently. Be inwardest compassionne / percyd the sawle of marye And als crist ouercome the feende / be his seint compassionne So dide eke blissid marie / be modrefulle compassionne With armes of hire sonnes passionne / armed hire blissid marie When sho shuld aȝeinst the feende / to bataille make hire redy ¶ Be Judith yt holofern withstode / prefigured this was fulle wele ¶ ffigure j. Judith xiijo ffor marye putte hire aȝeinst / the feende prince infernele Judith hire clothis didde on / most ffestyvale faire and swete With mytre v. amanere of wommans arraye. hire heved arraied / and sandales eke on hire fete Marie didde onne hire sons cote / inconsutyle Inconsutili. with out semyng v. yt hadde no seme. On whilk sho didde the palle Pallium. / of hire sons double scornyng One white in whilk yt crist / of herode was scorned Yt oythere coccyne redisshe / in whilk the knyghtes hym japed And in a palle white and rede / was wele cledde oure Ladye ffor haly kyrke singes of hire son / to be white and rodye Cantic. jo. Alle marie compassionne of mirre / til a bondel has liknyng Betwix the breestes v. the pappes. of a swete savle v. a luving savle./for it shuld have dwelling Marye gadred bysyly / alle hire sons passionne and pyne Nota bene And be compassionne made thaym / of mirre a littel byrthyne Whilk birthyn betwix hire breestes / sho kept als a sevre Sure. shelde With whilk aȝeins oure enemy / sho made were War. in the felde And in this ffasscicle Fasciculum. of mirre / ware bonden samen Together. paynes alle Of hire dere w[o]rthyest luvid son / passionne both grete and smale Swerdis spere staffes and othere / Armure shone forgate noght Lanternes light brandes be whilk / hym in the gardyn thay soght Drerynesse trembling and drede / cristis threfolde Orisoune The comfort aungelicale / cristis blody swete rynnyng doune Howe his foos freely meting / he kest doune with his worde oon And after restoryng thaire strenghe / he lete thaym take hym anone The signe forto knawe crist / and Judas cusse Kiss. so maligne The tresonouse salutacionne / and cristis answere benigne The cruwelle capcionne of crist / and of his doelfullest bindyng The seruants ere restorid / and his disciples fleyng And how John left the Syndone / and ferefully fledde fro crist than The wode joye of the Jewes / of crist the opposynge be Anne Be Bisshops seruants buffet / and cristis swete answering The threfald nying be Petere / and his conuersionne weping The Juge names tofore whayme / crist was ledde & accusat The names of cristis Juges Anna Caphays Herode / the ferth was Pontius Pilate The Pilere scourges and cordes / The thornes the rede and wandes Instru∣ments of cristis pas∣sionne The crosse nailles Spere corovne & hameres / the table writen of pilats handes The buffetts reproves neckings Plaguings. / blasphemes derisionne The prophic hiling of crists eghen / and of his cloths departisonne The kavil on cristis cote also / of herode the white clothing The Tribunal v. the see of the Juge. the cloth of pourpre / of pilat the handis wasshing The dremyng of pilates wif / the lyueraunce of thefe Baraban The noyse the Jewes clamoure / crucifige multiplying than Crists sorest thrist the Acetable v. the vesselle with yt drink. / the Aselle medled with galle The rede with the sponnge and ysope / the wyne myrrid with alle Cristis prayere his teres his crye / the theef to mercy takeing Alle crists wordes in the crosse / his moders and John commyndyng Cristis deth of longif the sphere / with his illuminacionne The effluxionne of blode & watere / with Centurys protestacionne The sonne derk, erth dynne, cleving / of stones and the vaille thorghby Of the Temple party falling / open graves, mount Caluerye Thas penyes thretty be whilk / crist was both solde and boght Judas wanne-hope whaym crist / with his blode redemyd noght With thire and oyr of crist paynes / armed hire oure swete ladye And als oure propugnatrice / ouercome the feende oure enemy Than ware complete in marie / some tyme forshewed figures And some of the prophetes sawes / writen vp in haly scriptures Apon the Aspe and on the Basilisk / shalle thowe go Ladye marye The lyonn and Dragon the feende / shalle thowe to trede sothly And thowe Sathan shal awayte / hire hele man werraying Et tu Sathane insidiaberis calcaneo ejus, homines impugnando. And sho thi hevede alto breke / be compassionne ouercommyng ¶ Jael the wif of Abere / some tyme this thinge figured ¶ ffigure ij. Judic. iiijo. When sho Sysaram thorgh the temples / with ane iren naile perced Sysera was a grete Prince / of the ost of Jabyn the king After the deth of Ayoth / the Childre of Israel wasting Wham thorgh the thonwonges Temples. with a naile / at the last perced Jael And of yt grevous enemy / delyvred the folk of Israel So marye with the naile of the crosse / has striken thorgh oure enemy And of his myght on vs hadde / dispoillid hym and maistry ¶ The qwene Thamare also / marie prefigured ¶ ffigure iij. Whilk Cirus the cruwelst king / and mannes qwellere hevedid Beheaded. The whilk brent in swilk lust / of mannes lyves vndoing That hene myght neure be fillid / to slee men for nothing Tylle alle men made he werre / alle landes assaillid he And slew doune tofore hym / with out rewth or pitee At the last the qwene Thamare / hym taken his heved of kitte And after in a fulle potte / of mannes blode sho putte itte And saide drink nowe manes blode / whare of thowe hadde swilk thrist Yt neure there of lyving / hadde thowe ynogh to thi list Right so the feende mansleere / fro the werlde begynnyng Might neuer ȝit be fulfillid / of mans kynde perysshing Bot the qwene of heven hym matid Defeated. / with hire sons passionne And fillid hym with his ordeyned / for vs dampnacionne O Jhū be thy gude helpe / make vs ouercome the feende Yt oure sawles after this lif / til eterne joye mowe weende Amen. HOWE the dyvel was ouercomen / tolde the chapitle tofore CAm XXXJm Heres nowe howe man was qwhit / fro prisonne forthermore On gude ffriday when crist / his sawle on crosse expired v. ȝalde. Vnite v. the sawle. vnto the godhede / anone it helle entrid How crist descendid to helle Noght als some hopes to whils / the nyght of sonday biding Bot to comfort the faders / in prisonne fulle fast hasting ffor if yt any man myght / his freende delyvre to day It ware yvel to the thredde morowe / to putte it in delay Wharefore crist the trewest / of alle freendes wold noght dwelle Bot after his passionne anone / visit the seints in helle Ensaumpill til vs who wille / bringe sawles out of distresse How peril∣lous es to tarie the almouse or prayers for sawles Nota To proloigne thair Suffrages / tournes thaym tylle hevynesse Swilk folk synnes grevously / for sawles in sore langing Bides in paynes vntholefulle / thaire freendes pitee commyng Some dose singe single messes / for thaire freendes xxx. dayes Wele done bot bettere ware alle / the first day done always Longe longe is to abide / thretty dayes thaire no doute Euery man think the same / of sawles Suffrages thorghout Hast we yrfore til help / the sawles in Purgatorye ffor yt be cristis hasting / is proved to be spedy Crist noght right than the faders / the same day delyvrid Bot with thaym dwelling with his / swete presence thaym gladid The Sonday tofore the mornyng / fro deth rysyn the mydnyght Nota The ffadres out of the lymbe / ledde crist thorgh his grete myght This Captivitee be the feende / tofore here remenbrid In the Egipcien thraldome / some tyme was prefigured Thare ware the childere of Israel / be pharao thralde hoegely And for delyveraunce to godde / cryed thay longe doelfully Oure lord till moyses at the last / appiered in a busshe brynnyng Exodi. iij. ffulle of fire and neure the lesse hole / in verray grennesse lasting ffro thens godde sent moyses / vnto the kinge pharaon And of his folks Captivitee / be hym made lyvrisonne Right so the feende mankynde / thrallid ȝeres fulle many The whilk for delyvraunce / cryed to godde manyfaldly O lorde in adiutorie / of me like the entende Deus in adjutorium meum intende. Psalmus lxix. Gude lorde enclyne thyne hevenes / til erth forto descende Delyvre me lorde for pore / and fulle nedy am I Of me self noght having / to delyvre me whareby Putte forth thyne hande gude lorde / forto make my ransonne Send thi lombe oure victyme / of recounsiliacionne Send forth thi light be whilk / be fordone oure derknesse Ysay xvj. Psalmus xlij. That thi prophetes be trewe / send forth thi sothfastnesse This wise and many ane othere / crying to godde mankynde To socoure it mercyfully / toke his gudenesse in mynde In a busshe descendant / in flavme it vnwasting Yt is in virgyne marie / hire maydenhede vnlesing Pharao and alle his folk / godde smote and out ledyng The Childere of Israel to the londe / with mylke & hony flowyng So crist woundid the feende / and his foulle assembling And ledde seints out of helle / til eternale feding Thare ere thai fedde with mylke / of his swete manhede to see And hony of contempling / of his dyvinitee Godde wilnyng delyvre the Jewes / bade a lombe sacrifie Bot crist to delyvre vs / made hym self crucifie ¶ And this delyvraunce of man / also godde preostendid ¶ ffigure j. Gen. xj. When he Patriarche abraham / fro hurr of Caldee delyvrid The poeple of caldee worshipt / als godde hur yt is fyre And Abraham noght wilnyng do so / thai wald haf brent in grete ire Bot trewe godde omnipotent / whaym Abraham worshept onely Out of the fyre of the Caldiens / delyvrid mercyfully And als godde kept Abraham / in the fire with out brennyng So kept he the seints in helle / with out payne sensuel felyng And als Abraham rescowde / he made hym fadere of folk many The faderes redmyd fro helle / ioyned he til aungels likely v. in the like wise. ¶ Also godde preostendid / of man the redempcionne ¶ ffigure ij. Gen. xixo. When he Loth delyvrid / fro Sodomes subuersionne Out of the Citee of Sodome / ware onely gude men delyvrid The wikked with Sulphur and fyre / with out eende perisshid So out of the Lymbe gude sawles / delyvrid crist alle onely Out of the helle of the dampned / toke he noght oone sothly Tharefore saye none yt crist / brast this ilk hellys pitte ffor who is yt moght suffize / aȝeyn to repare itte Wharefore it was noght brystyn / bot thas whilk fro begynyng Entred in it shalle dwelle / thare eure with out eendyng O pye Jhū kepe vs / fro yt helle eendlesly And vouche-sauf in this lyf / to purge vs mercyfully Here tourement and also scourge / here gif woundys temporelle Yt we fele neure scourgings / of cruwelle peyne perpetuelle ffor thowe says that thas wham thowe lufs / thowe wille in this lif chasty We pray the lorde luf vs right so / Jhū for thy mercy Apocalipse iijo. Ad hebr. xiijo. ffor better is to suffre disese / in this lif and come to the Than for to perisshe eendelesly / for temporel prosperitee And thogh we gruch Grumble. in disese here / be noght wroth lorde of gudenesse Bot wille we or none scourge vs / to bringe vs to eternale blistnesse We wricches may no sore feel / with out murmure v. gruchyng. for freel Bot forgif oure impacience / o pie lorde Jhū leel ¶ Also til ascende a mountayne / how yt oure lorde godde badde Loth ¶ ffigure iij. Gen. xixo. And forbede hym loke bakwards / is bisyly for to note So when godde has delyvrid / fro synne a man be penaunce He shuld noght his left synnes eft loke / be delite for no chaunce Bot shuld fro virtue til othere / eure vp and vppere ascende And to Satisfactionne and gude werks / als a man strongly entende ffor Loths wif loking bakwards / was turnyd til a stone Salyne And diuerse beestis hire likkes / wittnissing scripture dyvyne So a man be resydiving v. turnyng til forsaken synne. / hardyns in synne like a stone And infernale beestis hym likkes / and to synne temptis hym ilk one The mountayne of virtuz to clymbe / to be sauf rede I yrfore To be dampnyd be residiving / bakwardis beholding no more O gude Jhū teche vs / hevenly thinges so til ascende Yt in thi seint mount with the self / oure dwelling be with out eende Amen IN the last Chapitle herd we / of manes Redempcionne CAm XXXIJm Nowe fylows of Jhū cristis / gloriouse Resurectionne Cristis Sepulture wit ȝe / is caved inwith a stone Like til a double chaumbre / with inne othere be thaym one A littel chaumbre men fynde / first in the forthemast entring Caved in a stone above / and noght beneth erth ligging In lenght and als in brede / oythere halds about feet eght And als a man may his hande / reche vppe, holdis the heght Be a dore fro this Chaumbre / to ane othere bot littel lesse Yt is to say als of heght / in lengthe and als of brodenesse And fro man be the littel dore / is entred the chaumbre forsaide On the right half is the stede / where cristis swete body was laide The whilk is als it ware a fourme / about the brede of thre fete And fro that one walle to yt othere / shalle men fynde the lengthe yrof mete The heght negh a fote and a halfe / is fonden of the fourme forsaide And noght holowgh be cause yt above / & noght with inne it was the body laide This forme of the Sepulcre onely / of the pilgrimes has the name Bot the Jewes alle the stone / with the chaumbres calles the same The dore of the monument / was stopped with a grete stone The whilk Jewes with thaire seles / both kept and markid anone And our lorde graven, the Jewes / selid the stone bisyly Yt the body ware noght stollen / tofore the thredde day sothly And yrto hyred knyghtes payen / to kepe surely the grave According with thame of pris / what mede ilkone shuld have Bot crist, clos dore and Seles / and eke the stone hole about In his body glorified, maugre / his enemys went out And Aungel in fourme of a man / fro the heven aftere descendid And onloking the kepers / the stone fro the dore tirvid Whas clothis whitte als the snawe / his face like foudre Lightning. shynyng The kepers lay als dede men / ferefulle the erthe trembling The whilk thaire strenghtis recouered / and to the Jewes after weendyng Told thaym the cas fallen / to the eende fro begynnyng The Jewes toke thaym in counseil / and gaf thaym mykel monee als Math xxviijo. To publisse vnto the poeple / a fame of crist fulle fals To say yt the body of crist / was stolne fro thayme sleping Whilk than the kepers and ȝit / the Jewes ere aywhare saying ¶ And nota yt oure lorde crist / his gloriouse Resurexionne ¶ ffigure j. Prefigured lange tofore / be alderstrongest Sampson Sampson in the Citee / of his enemys entrid And in yt ilk same nyght he / dwelling thare inne slepid Anone the ȝates of the Citee / closid his enemys fulle fast And in the morowtide arely / thoght hym slee or Ere. he past Sampson roos vp fro sleepe / at midnyght noght biding day Judic. xv. And the ȝates with the postis / with hym bare he away So crist his enemys Citee / entred strongely of helle And to the midnyght of Sonday / liked hym yr forto dwelle The sawle to the body repayrid / helle spoillid at the midnyght And so crist tofor dede, / vp ros be his almyght Of the Re∣surexionne of bodys with crist And mony bodis of the seintes / with crist vprose also And yt day ware thaire graves / oonely open and nomoo Crist the Primogeint / of the dede, rose tofore And with hym mony a body / of seint dede lesse & more The whilk ascendid with crist / behynde he thaym noght left It nys noght to trowe thaym / yt sais yt thay dyed eft ¶ Also his Resurexionne / prefigured crist be Jonas ¶ ffigure ij. Jonas jo. Whilk in the whallis wombe / thre dayes conserued was Jonas was in a shippe / casten with tempest hoegely In whilk none othere hope was / bot euery man forto dye Jonas the mariners / badde cast hym in to the see And so alle the tempestis / and perils cessid shuld be Wham when thay hadde casten out / anone a whalle hym swalowed And on the thredde day yrafter / on the lande hym evomed v. kest out. Be the perilles of the See / has this werld betaknyng In whilk mankynde perille / tholid of deth eurelasting Wharefore crist on the crosse tholid / to dye willfully To qwite man fro thilk deth / thorgh his ineffable mercy Bot the fadere godde kept hym / fro alle Corrupcionne And ordeynd the thredde day after / his gloriouse Resurexionne ¶ This Resurexionne of crist / was be astone fortouchid ¶ ffigure iij. Lapidem quem re∣probaue∣runt edifi∣cantes Maistere of Stories Whilk was reprovid some tyme / of thaym yt the temple beldid The Jewes the Temple bigging Building. / in kinges tyme Salomonn Hapned to be fonden a stone / of merveillous condicionne The biggers myght fynde no stede / covenable it in to lay Alle thogh with grete bysynesse / thay putte it oft til assay ffor oythere fell it ouer lange / or ouer shorte hoegely Or ouer thikke or ouer brode / wondring ilk man thare by Thus gates This way. the forsaide beelders / angring at it fulle sore Callid it be propre name / the reproved stone tharfore The temple eendid, a stone / was to sett Angulere fforto ioygne samne two wallis / and eende the werk alle infeere Cause. Bot thare myght be fonden no stone / yt wald be craft to yt stede falle Apon whilk thing the beelders / merveld with out mesure alle The stone whilk thay hadde reproved / to yt place at the last thay broght And angulere aldermetest / thai fonde it, the werld to haf soght At whilk grete mervoil ilkone / ware the Temple beelders amayde And be it some grete thing to come / betaknyng amange thaym was saide Crist was this reproved stone / in tyme of his passionne Bot Angulere of alle holy kirke / in his gloriouse Resurectionne Than fulfillid was the prophie / of the grete prophe fulle clere The stone whilk the biggers reproved / in the heved is made angulere Of oure lorde is this thinge done / and in oure eghen is it mirable And in the ffest of cristis Rising / in this prophie ffestiuable v. songen festiually. In gods temple has this angulere / two wallis iognt sittingly ffor crist of the payens & of the Jewes / has made o kyrke be his mercy And in this werke in stede of Cyment / oure lord Jhū toke his haly blode And his precyous body for stones / for oure luf hanged on the rode O Jhū graunt vs of thi grace / in thi kyrke to lyf so swetely Yt we discerve to dwelle with out eend / with the in thi Temple hevenly Amen TOFORE herd ȝe howe crist / fro deth ros myghtyly CAm XXX[I]IJm Heres nowe howe he ascendid / til hevens admirably Crist rysing fro deth / noght anone Ascendid Bot dwellyng fourty dayes after / oft sith he hym ostendit v. shewed. The fourtith daye to his disciples / crist shewed hym openly And in thaire sight be a white cloude / he perced heven maiestyfly And his deciples after hym / stode towardis heven behalding So ware two aungels white cledde / right than be thaym standing Whilk saide ȝit to the dome / thus shalle come crist Jhū Als ȝe see hym stegh Ascend. vp / til heven in grete vertue ¶ This Ascensionne of crist / was in a leddere ffigured ¶ ffigure j. Gen. xxviijo. Some tym to patriark Jacob / in his slepe ostendid Of whilk one eende the erth / yt othere the heven touching Hadde on it Aungelik turuies v. companyes. i.e. Turva pro Turba. / nowe vppe nowe doune clymbing So crist descendid fro heven / and ascendid aȝein thidere When hevenly thinges and erthly / hym liked eft festyn to gidere Wharefore both godde and man / neded be the mediatoure Or of peece betwene thaym / myght be no Refouremoure ffor godde was hiest of alle / and man lawest fulle even Wharefore crist ordeynd a leddire / betwyx erth and the heven Be whilk aungels descendis / nowe grace til vs bringing Nowe reascende thai til heven / oure sawles thidere restoryng Swilk a leddere in this werld / was neure othere there tofore Nor neure sawle in til heven / myght ascend arst yrfore Blissid be and alderblissed / this notablest leddere of alle Be whilk is thus refourmed / oure hyest lange wikkedest falle ¶ And this Ascensionne til heven / crist in a parable techid ¶ ffigure Luc. xv. When he the folk of a shepe lost / and aȝein fonden prechid A man ane hundreth shepe hadde / and for one of thaym lesyng Soght it, the iiijxx Four score. and xix / in desert meen tyme leving Whilk fonden, this gude man / in alle his hert joyous Laide it in his shuldres / and broght it home til his hous And his freendis callid togidere / told thaym of his gladnesse And to reioie with hym als / prayed thaym with bisynesse Be this man toforsaide / is oure lorde godde takenyd The whilk for mankynde hele / to become man deynyd Ane hundreth shepe makes onej / and nyentenexix and foure scorexxiiij Be whilk vnderstand nyenix ordres / of aungels and men yrfore O shepe perist no dout / of this faire company When man gods maundement broken / disseruyd deth eendlesly And godde left ordres nyen / of his aungels in heven And soght man lost in erth / this is trewe sothe fulle even He soght and labourde so sore / ȝeres here thre and thretty Whils swete blody ranne doune / on alle his precious body Loo nowe o man howe mykel / gods awen son of the roght When he with swilk laboure / and so lange tyme the soght The fonden shepe on his shuldres / laid he & broght to flokke When on his bakke for oure synne / of the crosse he bare the stokke Stick, beam. Loke man yt noght onely / crist weryed hym the sekeing Bot laboured als to the deth / til heven the forto bring And forto be glade with hym / his freendes excited he than Glading the court of heven / when he stegh vp with man Wharefore who wille plesaunce / to the court of heven sende His awen and othere mens lyves / studie he fortil amende ffor teres of synners certein / whilk ere contrite trewely Ere wyne and Cisere Lat. Sisera = all fermented fruit liquors other than that of the grape. to seintis / and to godde almyghty Pure shrift eke of synners / and thaire devout praying Ere harping to godde and seintis / and Symbales fulle wele sownyng Brede delitable to godde / and til his seintis eke gif we When we gods maundements fille / and his wille with hert free And als many mes Mess, meale. to godde / and til haly seintis we prefere Als in diuerse gude werkis / to thaym oure strenghthis we offere The mes of godde & his seints / of spices has swete savoure When we be discrecionne / vses oure gude Laboure ¶ Also the sacred forsaide / of crist ascensionne ¶ ffigure iij. iiij Reg. ijo. Was some tyme prefigurid / in helyes translaconne The prophe helye prechid / the lawe of godde in Judee And lawbrekers and ydolatrers / with bolde visage blamed hee Wharefore of the Jewes he tholid / hoege persecucionne Bot of godde he desservid / in paradys Translacionne So Jhū crist in Judee / the waye of sothfastnesse taght Yrfore of the Jewes cruwelle / mykel persecucionne he raght Reached. Philip. ijo. Bot godde has hym dignely / rased vp above alle hevens And gyven hym a precious name / ouer alle names yt men nevens Yt in the name of Jhū / alle manere knee it bowe And hym in the faders joye be / ilk tongue confesse nowe Lo man what mysese Discomfort. crist / for the tholid and passionne Are he come til his souarayn / hevenly Exaltacionne Nowe brethere if crist most thole thus / til entre vnto his blisse Mikelle more aght vs to thole / gladly for heven ywisse Jhc̄ yt neure trepast / sustened grete passionne And we gruche for his Regne / a littel tribulacionne Littel thing or als right noght / soeffre we here sothfastly In regarde of the joye / tyme to come eendlesly ffor als the leest watres drope / is vnlike als to the See So is alle erthly disese / to ioye yt eure shalle be fforto with poudre or with sternes / alle erthly joie multiply Si totum gaudium mundi tanquam stellae et pulvis terrae multiplicaretur. Ware absinthe Wormwood. als in regarde / of alderleest joye hevenly And if the welkyn and the werld / ware turnyd to parchmyn white Men myght noght the leest joye / of heven on it fulle write And thogh alle watres ware enke / it shuld be thorgh wastid Are be it the leest joye / of heven ware descryvid And thogh trees, herbes, and cornes / ware alle pennes swith Quickly. writyng Thai suffized noght of the leest blisse / eterne in descriving Thogh men and alle creatures / ware prechours with facounde Eloquence. The beautee of godde and hevenes / thai myght neure telle to the rounde And thogh ilk poudre myght shyne / thovzande falde ouer the sonne Alle ware bot derknesse to lyght / of gods comparisonne O gude Jhū lede vs / to thire joyes wayes even Passing what hert may thenke / or what al tonges may neven Amen OBRETHERE the Chapitle tofore / told of crists Ascending CAPm XXXIIIJm Nowe fylowys to the disciples / the haly gastis sending When yt the tyme come negh / of cristis harde passionne He confortid his disciples / with mony a swete sermonne His deth and his rysing / told he thaym or he went His ascensionne and howe / the haly gast shuld be sent Joh. xiiij. A littel am I with ȝowe / and to the fadere go I I shalle come aȝein to ȝowe / treuble noght ȝoure herts forthy I go to heven quod he / a stede for ȝowe to ordeyne And to take ȝowe to me self / I shalle come eft aȝeyne Ȝe ere thay yt have dwelt / in my temptacionnes with me Wharefore with me in my Regne / both ete and drinke shalle ȝe Dwellis in my luf and I / with ȝowe shalle than dwelle evre And thogh my manhode depart / my godhede shalle ȝowe leve nevre Als a braunch beres no fruyt / bot dwelling in the vigne tree No more may ȝe right so / bot ȝe be dwellyng in me Ȝe ere the braunches certayn / and I, the vigne am verray If ȝe be dwelling in me / fulle mykel fruyt bere ȝe may Joh. xv. This wise ere ȝe braunches / and I the verray vigne than And my fadere of heven / is vignoure and eke tilman Ilk braunche yt beres no fruyt / he shalle kit of at the last And in helle fire to brenne / eternally it kast And yt braunc[h]e yt beres fruyte / shalle he make clens yrfore ffor to make it abounde / in fruyt ay more & more The werld shalle make grete joye / & ȝe shalle hevynesse Joh. xvj. Have bot yt shalle ȝowe turne / til imprivable gladnesse A womman has hevynesse / til hire childyng be done Bot hire childe borne, hire sorowe / has sho forgetyn sone So shalle ȝe thole disese / in this werld here lyvyng Whilk in joye forto come / shalle renne to forgetyng Bot for I telle thire thinges / of my departing nowe Has ȝoure hert hevynesse / and gretely troebles ȝowe Joh. xiiij. Bot my departing with ȝe / shalle be to ȝowe spedefulle Helpful. ffor anothere Paraclit / I shalle send ȝowe nedefulle And the Paraclyt comes noght / bot so be yt I weende And if I goo than shalle I / doutles hym to ȝow sende And when he comes than shalle he / teche ȝow alle sothfastnesse Of whas comfort shalle than / ȝoure hert haf grete gladnesse ffor he shalle informe ȝowe / certeinly of alle thinge And also to ȝowe announce / the thinges yt ere commyng Be this and many othere wordis / his disciples gladid he And heght be hym the haly gast / to thaym sent for to be And in Jerusalem to dwelle / bad he thaym ascending Vnto tyme yt halygast / come thaym of his sending So fro the mount of Olyvet / alle thay the Citee entrid And in a littel hovs togidere / in Orisonne perseurid After on the Witsondaye / thredde hovre above thaire hovse Was herde a voice of a wynde / whilk was fulle hoegely sonovse So yt thorgh alle the Citee / it was herde with out faille And the poeple gadrid thidere / to knawe of this mervaille Thay se als a tonge of fyre / ouer thaire v. of disciples. hevedes ilkone sere Yt was a flavme of fyre / whilk lengthe of a tonge bere The Jewes yt tyme hadde bene / thorgh the werlde in dispersionne And ware thare than godde wolde / some of ilk Regionne Alle thas herde the disciples / diuerse langeges speking Act. ij. Als the haly gast to speke / gaf thaym be his styring Ilk one of thaym herde tonges / of landis whare thai ware borne And merveillid in hoege stupoure / in thire thinges alle yrforne Some of this evident miracle / ware wroth and alle sory And saide yt thai ware dronken / and fulle of must hardily Bot petere answerde and saide / yt thay ware ȝit alle fasting ffor it was bot tierce of the daye / ouer ayrly than for drynking And saide more yt that tyme / thilk prophie was complete Joel iijo. Whilk the haly gast some tyme / spak be Joel prophete Yt seruants and ancilles of godde / shuld resceve the spirit haly And diuerse tonges als prophes / speke even forth openly And this prophie yt day / was fulfillid, for wymmen Spak there diuerse langegages / in same wise als did men Loo godde of merveilles his myght / shewed yt tyme merveilly Als euery man may considre / loking his werkis bisyly ¶ At the toure of Babel in mony / some tymes was changed a tonge ffigure. j And ȝondere til euery man of alle / was knawyng gyven olde and ȝonge Gen. xjo. And howe myght oure lorde godde yt tyme / this miracle haf forth laide Bot he tofore hadde devidid / o tonge in diuerse forsaide Babel Whare of diuerse tonges / thus formade gyves resonne v. significacionne. Yt of this miracle to do / yt was prefiguracionne And als he the biggers confusid / than of the toure of Babel So confusid he be tonges / nowe his enemys of Israel The Jewes ȝe may wele witt / ware confused hoegely When thay this strange a miracle / herde and see openly ¶ The ffest whilk oure kyrke nowe / worships on witsonenday ¶ ffigure ij. Honoured in figure some tyme / the Synagoge be grete noblay The fiftithe day after the Jewes / out of Egipt ware passid Ten commandementz thay of godde / in mount Synay rescevid Exodi. xxvj. Right so the fiftith day after / man was delyvrid fro helle The disciples receyved grace / of the gast v. the haly gast. yt on thaym felle Thus alle thing about the Jewes / ware forwith done in liknesse The whilk we cristen men nowe / has receyved in sothfastnesse ¶ Als was this thing figured / be the oyle habounding ¶ figure iij. Gyven to the pore wydowe / be prophe helise praying Helisei apon this wydowe / moved be fulle grete mercy Praying gat hire of godde / oyle haboundant hoegely This wydowe hadde noght bot a littel / of oyle whilk merveillously grewe To whils sho hadde ony vesselle / to resceyve it olde or newe Regum xvij. This wydowe of haly kyrke / bare figure in sothfastnesse Whilk hire spouse crist berefte / was wydowe in liklynesse To whayme haboundance of oyle / crist gaf of his clemence v. benignitee. Grace of the haly gast, and eke / of tonges intelligence O gude Jhū gif vs / this oyle haboundantly Yt in oure passing we mowe / haf thy grace and mercy THE Chapitle tofore tolde vs / of the haly gastis sending CAPm XXXVm Nowe forwarde like ȝow to here / of maryes blissid conuersyng After cristis ascending / was sho in Jerusalem dwelling The pilleri∣mage of oure ladye Swetly stedes of hire son / whare sho myght wynne visityng Ilkon sho kissid mekely / for of luf grettest swetnesse With many a devout knelyng / and prayere of hire sawles excesse Oft sith thas places wette sho / with many teres doune rynnyng Hire dere son melliflwe presence / piely tille hire mynde bryngyng In Nazareth wold sho visit / the stede of his concepcionne Also the place in Bethlem / of his byrth and Adoracionne v. be the kinges & shephirds. In the mount of Thabor the stede / of his transfiguracionne In Jerusalem of his contumelies v. whare vylenyes ware done hym. / and the place of his passionne And in the mount Syon eke whare / he wesshe his disciples feet And whare he alderfirst ordeynd / the sacrament of his body swete The toune of Gethsemany, / the Gardyn whare he blode swette Whare Judas and his companye / toke Jhū when he thaym mette The hovse of Anna to whilk / he was first presentid Whare of the seruant a buffett / and many accusings he suffrid Cayphas hovse whare thay hym / bespittid & his eghen hidde Beiapid buffetid and bett / and in the nekke collaph[i]zidde Herodes hovse whare he was cledde / for verray scorn alle in white And of yt king and hys Ost / beiaped alle for dispite Pilats mothalle Judgement hall. whare he / was accusid falsestly Scourgid bette and corovned / with thornes sharpe pynously The stede of Gabatha whilk als / Licostratos be name hatte Whare pilat dampned oure lorde crist / when for Tribunal yrsatte Oft went this swettest virgyne / weping sore in the way Be whilk crist bering the crosse / was ledde to deth o day The mount of Caluarie whilk men / named Golgatha with alle Whare crucified, thay crist bedde / to drinke ayselle and galle The ȝarde whare he was graven / of Joseph of Aramathie The mount of Olyvet whare he / stegh to heven openly The Temple and othere places / whare he lerned folk preching And stedes whare he appered oft / after his gloriouse rysing Thire and many othere places / soght sho with many a tere ffor hire sons absence sho ne myght / with out grete compleint bere To condole and for to geme Bemoan. / more than to make ioye levre Hadde sho hire son absent / hadde it bene so lange nevre ¶ This trewest sorowe and this doel / of this swete virgyne marie ¶ ffigure j. Anne wif of Thoby Was some tyme prefigured / be Anne wif of Thoby Whilk wept and made evre doel / for hire sons departyng Yt neure thing myght hire glade / tofore his retournyng Alle wayes loked sho oft sithe / als he shuld come tovne & feelde And diuers mountaynes clymbing / oft thiderewards sho behelde Hire sons presence sayde sho / til hire passid hoege rychesse And hym present at the fulle / suffized it hire porenesse Thus marie virgyne alwaie / dwelt in doele and gemyng Alle the wayes of hire son / als sho myght visitting Hire sons presence ouer alle / richesse hadde sho reknyd Hire povert and hym present / a Revme of Revmes countyd ¶ And in the Gospelle is noted / also this doele of marie ¶ ffigure ij. Luc. xv. Of a dramme be a womman soght / tellyng crist openly Whilk womman hadde ten drammes / of whilk for sho lost oone Bysily sho soght hire hovse / a lanterne lighte vp anone This dramme fonden vp was sho / noght littelle gladde & myrye And hire neghburghes prayed sho / to bere hire companye Be this womman marie / noght causeles liknes men Yt in this werld lyving / sho hadde drammes also ten Off whilk one semed hire / be some resonne lesing Of the dramme lorne And alle thas ix remnaunt / alwaye til hire dwelling The ix drammes ware presence / of diuers spirits hevenly Of ordres ix aungelik / whilk visit alwaye marie The presence of crist manhode / the tenth was be resonne Whilk sho lost in manere / at his ascensionne This diuers ȝeres certayne / soght sho fulle bysily When sho the places of hire son / forsaide soght so drery Sorrowfully. Bot at the last sho fonde it / in hire Assumpcionne When sho was dowyd with eterne / cristis ffruycionne A lanterne lightid sho also / at hire dere son sekeing Shewing the seint ensaumple / of hire swete conuersyng Whilk als a clere lanterne brent / in alle virtues playnly Ensaumpling til alle gude folk / forto lyf vertuously The forsaide stedes eght Ought. vs / to visit in luf fulle depe And cristis passionne like hire / hertly compleyn and wepe And who yt may noght wele come / to visit thaym corporaly Nota Lik thaym the wantyng fulfille / with gude hert spirituelly ¶ Also the doel and mournyng / of marie nowe fortouchid ¶ ffigure. iij. Was in michol the spouse / of Dauid king figurid Whaym fro hire husband bereft / Saul hire fadere cruwelle j. Regum vio. And til a nothere man hire weddid / yt heght be name sfalthiel Yt right wise man sfalthiel / walde noght this michol knawe Witting wele yt sho was / the wif of Dauid be lawe This michol was eure trewly / in grete doel and wepande To whils sho was broght aȝeine / til dauid hire awen husbande This may be wele expovned / of the blissed virgyne marie To whaym crist godde son was spouse / and alle hire joye souereynly In whas absence alwaye / sho brent in swilk langoure Yt eure sho contynuyd / in weping and in meroure (Maeror) mourning. So feruent ardoure and luf / hadde marie hire spouse vnto Yt neure othere wymmen alle / langvist so sore als sho ffor thi the boke of sanges / makes of marie menyng Cantic. vo. The fferuoure Ardoure and luf / of hire desire thus shewing Doghters of Jerusalem / telles to my luf bisily I langvisse for luf of hym / body and hert alle holely Mikelle doel es to the modere / of hire dere sons absence Bot mykel more of the spouse / wantyng hire spousis presence Than maries doele althermost / proues to be open resonne Absent godson of heven / both til hire spouse & dere son O gude Jhū make vs / so thenk on alle this thing Yt with ȝowe both eendlesly / in joye be oure dwelling. Amen. OFF marie herde ȝe tofore / the conuersacionne CAm XXXVJm Of oure Ladyes being in erth after hire sons ascen∣sionne Nowe fyllowes it forto here / hire gloriouse Assumpcionne Howe lange marie ouer lyved / hire sons Ascensionne Hase no Clerke left certeine / determinacionne Some says twelfe ȝere, some more / als bokes enfourmes vs Bot twenty and foure ȝeres / telles seint Epiphanius And thogh the certayne here of / als ȝit determynde be noght We may say for certeyne / and holde sothly in thoght Yt if sho hadde bot one houre / lyved after hire dere son here Til hire souerayne desire / hadde it semed fulle fyve ȝere ¶ Jacob ȝeres fourteen / of seruytute and distresse ¶ ffigure j. Gen. xxix. Accompted bot dayes fewe / of his luf for gretenesse So marie of hire dere son / one houre hym absentyng ffor hoege langoure in luf / hadde holden a lange dwelling ffor til a sawle disirrouse / lange is a short tyme thoght And for thing ȝerned, labours / what eure thay be dredes noght After hire swete sons presence / was maries hert so brennyng Yt alle labours of this lif / sett sho att right nothing That in this werlde godde suffred / dwelle so lange oure Ladye Be tribula∣ciones comen men to ioye Was for luf and comfort / of his disciples sothlye And yt ilk man yrby / may perceve per resonne Apocal. iijo. I thas yt I luf I chasty The way til heven stends Extends. it / be many tribulacionne Loke oure Ladye loke eke / hire son no littel while Deuteron oy xxxiij. The tribu∣laciones of marie His labours his passionne / and of his modere the exile Loke his Apostles and loke / his othere freendes alle so dere Loke thaire treuble and disese / for crists luf suffred here The Baptist amange wyves sons / ouer whaym had risen none more Math. vo. blissed thas yt soeffre persecu∣cone Thire thinges remembred aght the / bere disese lighter yrfore And hope noght with oute disese / forto come to corovne Gods modere suffring so lange / exile and tribulacionne Wharefor after lange exile / and mysese tholid marie Was assumpt til hire dere son / with hym to dwelle eendlesly And this assumpcionne of marie / was some tyme figurid Archa domini When in the kyng Dauid house / gods arc was translatid Dauid harped and daunced / tofore thilk archa domini And til his hovse he broght / it with alle his myght festivaly ij Reg. vj. In this Arche wyrshipfully / was hevenly manna closyd And be it accordantly / is virgyne marie taknyd ffor sho broght to this werlde / hevenysh brede verrayly Crist, with his seint sacrament / yt fedes vs mercyfully Of Sethym wodde imputrible / was archa domini made Takenyng yt marie virgyne / neure in to rotyng ne slade ffor thogh haly writte telle noght / we may trowe sekerly Securely. Oure ladye assumpte til heven / body and sawle entierly We ne shalle trowe in no wyse / yt marie ne soeffred dying Bot hire fflesshe dede tholid neure / ony manere corrupting The sawle to the body was joynt / eftsones this is soth even Oure Ladye was assumpt body and sawle And with the body glorified / assumpt right so til heven King Dauid tofore gods arche / yt daunced and harped Crist king of heven and of erth / sothly prefigured It is to trowe yt gude crist / his modere mette personely And til his hovse with grete joye / broght hire festivaly And his dyvine kyssinges / felt his modere and his spouse His hevenly zucrys Sugary. halsinges / ineffable and gloriouse The aungeles with outen meseure / thire thinges musyd Wondered. seyng And askid many one of othere / who is this the farest thyng Ascending out of desert / in delyce affluaunt Lenyng on hire awen luf / als a swete spouse glozaunt Blandiens. And than answard marie / the spouse of godson verraye I haf fonde whame I soght / hym yt my sawle luved aye Hym shalle I halde plesing / for hym shalle I leve nevre Cantic, j Als ffadere, als son, als spouse / alle my joye nowe and evre With o cusse of his mowthe / like my lorde to kisse me Of whilk the dyvine dulcoure / in me eure lasting be Vndere myne heved softly / mot he lay his left hande Yt I be eure more with hym / in joye and gladnesse lyvande His right hande shalle me embrace / so fast fast and trewly Yt he ne shalle neure me putte / fro hym fulle seure am I ¶ Also this Assumpcionne / of oure Ladye marie ¶ ffigure. ij. Was shewed vnto seint John ewangil. / in the ile of Pathmos say I In heven pierd als he says / a signe grete and notable Apocal. xijo. A womman fairest of alle / til alle werlds admirable This womman was alle about / closid in a sonnysshe clothing ffor marie with the deitee / was alle bewrapt ascending Vndere hire feete was the mone / sene whilk betaknyd wele The stedfastist stablenesse / of marie perpetuele The mone lastis neure in oone / in fulnesse nor wastyng Taknyng this werlde chaungeable / and alle othere erthly thing Whilk marie vndere hire feete / trade doune ilkone alway Vnchaungeable hevenly thinges / thrustyng evre nyght and day Als hadde this womman on heved / a fulle bright precious corovne Whilk twyse sex sterris lusaunt / contyned about in virone A corovne custumably / of honoure halden is a signe Taknyng this gloriouse virgyne / til honoure of qwenehode condigne Twelve sterres, apostles twelve / taknyd and resonably Whilk at hire joyfulle decesse / ware present men trewe mekely To this womman ware gyven / two wenges als for fleghyng Whilk notes both body and sawle / of marie the vptaking ¶ Also this virgynes feest / of hire Assumpcionne ¶ ffigure. iij. Was figurid in the modere / of riche king Salomonne He made hym a throne of glorie / forto be in sittande Ane othere throne for his modere / to sit on his right hande In whilk he hire made sitte / be syde hym selfe honourablye And sayde it was noght levefulle / any thing til hire denye So crist on his right hande / has sette his modere hyeghly And what eure sho wille aske / grauntis he hire fauourably Pray thi dere son take vs / o modere marie virgyne Til hym selfe after exile / of this werlde fulle of pyne O gude Jhū here thowe / thi modere for vs praying And graunt vs eendlesly / with ȝowe both oure dwelling NOWE last of the Assumptionne / herde we of oure ladye CAm. XXXVIJm. Howe sho oure mediatrice is / heres nowe ententifly Howe sho the ire of hire son / ageynst this werlde makes softe And synners be hire praying / recounseilles vnto godde ofte This werlde thorgh out is sette / to wikkednesse and erroure And nothing condignely / to worship the Creatoure Charitee and sothfastnesse / stands ay where nowe wakely Pride Auarice and luxure / beres vp thaire heves boldly With thire thre vices the werlde / is filled thorgh out with inne ffulle fewe may thaym excuse / in none of thire to synne Some keping chastitee / flees to be letcherous And lettis noght to fyle thayme / with covitise Auerous Some flees this auarice / chesing wilfulle povert And neure the lesse wille fyle thaym / in vayne pride of thaire hert Some fflees for to be proude / mekenesse of hert keping Bot thay synne be luxuree / or elles mys coveyting And letcherie thogh yt some / als in dede vses noght Nota Ȝit erre thay luxuryouse / in fowle words or in thoght Thay wille be chaste and neure the lesse / of filthes fflesshely confable Talk. And in hering and sight / flesshely be delicable Also some shewes no pride / als outwards in thaire Arraye And neure the lesse of vayne prais / inwards grete lust haf thaye And some blames Auarice / and takes thaym to pooretee Whilk ȝernes many thinges & haves / ouer thaire necessitee Some wille be so pure men / yt thai ne haf no failling Some wille also be meke / bot with out despisyng Howe noyous erre thre synnes with thaire volence Than pride luxurie thire two / and thaire thredde Auarice May be proved verrayly / Rote til alle manere vice The Aungelle felle out of heven / man put fro paradys Ysay xiiijo. Luc. xo. Genes. iij. Daniel iiijo Nabugodonosor fro his Rewme / of pryde for wrongwis empris Wicked undertaking. ffor Avarice Achior and Naboth / ware stonyd and lost thaire lif Josue. viio. iii Reg. xxio. And ananye died sodaigne deth / and Saphira eke his wif Actum Aposto∣lorum vto Gen. vijo. ffor luxuree negh alle this werld / drovned watere in gods ire Sodome and Gomore to helle / sanke thorgh bronstone and fyre Be thire thre thinges is godde / wroth to this werlde ilk day Gen. xixo. Bot marie softnys his ire / als oure best mediatrice ay Ane Avisionne proves this / of olde tyme autentyke A tale Shewed be gods ordenance / to the holy man seint Domynyke He se crist fro the heven / his right hande vp liftyng Thre speres ageynst this werld / and with wroth chere Countenance. shakyng Bot oure lady marie / als mediatrice come nere And softned hire dere sons ire / with hire succurable prayere Offring til his presence / two champyons fulle doghty fforto convert synners / whilk to the werld shuld thaym hy Seint domynyk was yt oone / ffadere of alle ffreres prechours Yt othere was seint ffraunceys / patirne of ffrere menours Be thys v. avisionne. shewed godde this werld / to be til it propice v. merciable. Be the vnwithsayable prayere / of marie oure mediatrice And yt this gloriouse virgyne / shuld oure mediatrice be Was shewed lange tyme tofore / be fulle faire figures thre ¶ ffirst be fonde Nabals wif / the jentyle Abigael ffigure j. iij Regum xxvo. Abigael Whilk pesid Appeased. the king David / commyng with hire camel This angry nyce foole Nabal / be sturdynesse and folye Made to hym kyng Dauid / his vnmesurable enemy Als of alle folys the somme / be noumbre no man it kan Menyng of werdly synners / thus says vs the wisman ffor what thing resonne the juge / is fonden grettere folye Than for avile passing synne / selle ioye eurelastyngly Neure the lesse thus in this werld / dos many foole synnfulle shrewe A wicked person. And thire dayes ere fonden of thas / more harm is noght a few De quorum numero vero hodie inveniuntur multi. Erre thay noght folis and more / and althermost wriches at alle Whilk to thayre almyghti godde / presumes forto gayne calle The prophe says waa Woe. til alle thas / whilk wille yr makere gaynsay Ys. xlvo. A pot sharde of the slyme of the erth / yt is to say vnthrefty clay ffoly ware to swilk sharde / to countresay the potters Bot althere grettest folys ere thay / whilk wrethis godde thaire makere And swilk folys oure verray Dauid v. crist./in his ire wald slee verrayly Ne ware his wreth oft sith amesid / be oure Abigael Virgyne marie ¶ And the wyse womman Thecuytes v. of swilk a citee. / some tyme prefigured this thing Absolon whilk slewe his brothere / til his fadere recounseilling ¶ ffigure. ij. ij Reg. xiiijo Absolon Be this ilk Absolon / his awen brothere sleere Shalle we vnderstand als here / ilk voluntary synnere ffor he a ffratricide v. a brothere sleere. is calde / yt synnes in godde baldelye ffor he enforces crist his brothere / eft soines to crucifye ffro Absolon toke on boldnesse / to slee his brothere cruwelly With in the lande of beheste v. of promissioune. / dwelt he neure after for thy In Gessure a payens lande / after yt he dwellyd Gessure Til the womman Tecuytes / hym with his ffadere accordid So of a synne dedely a man / after perpetracionne v. fro a man haf synnyd dedely. ffro than has he no dwellyng / in lande of promissionne Tofore be the womman Thevcuytes / he be to godde recounseild Yt is oure mediatrice marie / gods modere and mayden myld ¶ Also was fortakned / marie oure mediatrice ¶ ffigure ij Some tymes in Abela v. a citee. / be a womman fulle wise Aȝeins king Dauid ros on / the son of Botrus Syba And to make his lord werre / entred in Abela Wharefore the prince Joab / assieged yt Citee sone And be cause of Syba / he wold haf it vndone So felle a wise womman / dwelt than in yt Citee Whilk turned the prince ire / to pece thorgh hire tretee Be whas counsaile the tovne / the heved of Syba of kitte And it kest to Joab / the tovne rescowed and qwitte Syba betaknes pride / rysing ageins godde king In the Citee of abela / the sawle of a synnere entryng The prince of the chyvalrye of heven / has dedeigne to this Citee To whils the wise womman marie / of the Citee v. of the sawle. mediatrice wold be Be whas rede we shalle the heved / of kitte of Syba yt is of pride And of the prince of heven crist / in grace alway abide O gude Jhū teche vs / vices so to werraye Yt after this lif with the / we come to joye for aye. Amen. HERDE howe virgine marie / is oure swete mediatrice CAPITU∣LUM XXXVIIJm Nowe fylowes it how sho is / oure blissed deffensatrice Sauvyng fro gods vengeaunce / and indignacionne ffro assauts of the feend / and werldis temptacionne Marie hils vs when we / ere in tribulacionne Historia scolastic. super Exod. The stori callis hire Tharmis Als in moisis and Tharbis / this hadde prefiguracionne Moisis with Egipciens / sieges Saba v. a Citee in Ethyore. the grete tovne So sore yt noman myght / louse his obsidioune v. the siege. Tharbis the kynges doghtere / dwelt than in yt Citee And made the siege forsaide / thus broken vp forto be Moises faire and gudely was, / and ȝonge man, and bolde Whaym the kynges doghtere forsaide / wold of the walles oft beholde And in so mykel payed Pleased. hyre / of moises the fairnesse Yt hym til haf husband / sho didde alle hire bisynesse At the last told sho hire fadere / hire desire openly Howe sho luved of yt Ost / moises the prince worthy It plesid right wele the king / yt this mariage shuld be And gaf his doghtere to moises / with Saba the Citee Thus was Saba delyvred / be help of the ilk womman And the Citezeins rescowed / out of thaire disese than Oure lord godde is betaknyd / be moises faire and formouse Formosus. Als tofore alle mansons / of fourme most specious Psalme xliiij. speciosus forma prae filiis hominum Ageins this werld was this prince / to grete ire excitid Be oure forme fadere Forefather. and modere / whilk to hym hoegely mysdid Whare fore with the ost of Egipt / yt is of feends he sieged vs Passing fyve thovzande ȝere / the bokes enfourmes vs thus In alle the werld was noght fonden / any man yt myght be resonne Pees this grete ire of godde / and louse this obsidionne To whils the doghtere of a kinge / luved hym, virgine marie Whilk be hire graciouse prayere / peesid yt lords ire swetely Marie eke deffendid vs / fro the feends temptacionnes ffro alle sleghtis infernale / and thaire inpugnacionnes Gretely nedefulle til vs / is this deffensatrice ffor thassautis of the feende / ere many dyvers and nyce ffor some man wille he inpugne / be pridefulle bolnyng right ȝerne Yearning, i.e. by swelling the desire to do right into pride. Howe the feend temptis diuers dyuersly Als shewed in qwene Jezabelle / Balthazare and holoferne Some be hatred and othere / of envie chokes he fulle Als kaym, als Jacob sons / patriarche, and king Saull Some eke of vengeaunce temptis he / als shewed in Semey In Absolon John and Jacob / the sons of Zebedei Be vntrest Mistrust. and incredulitee / he dos some grete disese Als shewed in Achab, Achaz / Jeroboam and moises Be irreverence and revelling / and be inobedience vses he To tempt some als Dathan / Abyron, Cham, and Chore Some temptis he forto gif / counsailes werst yt may be Als shewed in Achitofel / Balaam & Jonadab alle thre Some temptis he be vnrewth / and othere some be tresonne Als shewed was in Chayn / Joab, Judas, Triphon Some for to shedde mans blode / temptis he to con neure hoo Als Cyre, als Manasses / Antyochus, herode also Some ffolk thaym self to slee / makes he bolde & cruwelle Als Judas, Abymalech / Saul, Achitofel With thire and many othere vice / the feend mankinde inpugnys Bot oure deffensatrice marie / for vs alway propugnys v. feghts for vs. ¶ Whare fore a praisefulle womman / oure lady prefigurid ¶ ffigure ij. Judic. j. Whilk the toure of Thebes / fro Abymalech deffendid The folk Abymalech dredeing / went on the toure with inne And he both thaym and the toure / wald in fyre sette and brynne A pece of a mylnestone / threwe doune there a womman And the heved of Abymalech / touchyng brayned hym right than Abymalech of a womman / to be confusid sorowyng Saide thus til his sqwyere / of his lif disparing Out with thi swerde quod he / and slee me hastily Yt I neure be demed / of a womman to dye This provde Abymalech, / whilk betaknys the feende Thas yt ere in the toure / of haly kyrke wolde he sheende Harm. Bot oure deffensatrice marie / modere of Jhū godson Hils vs fro his assautz / vndere hire protectionne And fro the malice of the feend / sho kepes vs noght oonly Diuers temptings of the werlde Bot fro the temptacionnes of the werld / deffendis vs this ladye And this protectionne / is vs fulle necessarie ffor the temptyngs of the werld / ere many one & fulle varie Bot most tempts vs this werld / of lordship covatyng Be pride and brynnyng lustes / of fals richesse gadering Als shewes in Alexandre / Nembreth, and Nabugodonosor Athalia, in Absolon, / Adonybeseth and Codorlamor Some temptis it with vaynglorie / and othere swilk vanitee Machab. iij Als Aman, king Ezechye / Herode Agrippa thire three Some temptis it with avarice / be stulth or be robberye Als Cusy, Achor, Elyodre / and many one othere by Some ere temptid be luxuree / or be ffornicacionne Als ware zambry, Amon / king Dauid and Salomon Some ere stirde be fole speche / and some to blaspheme gretely Als Nabal Senacherib / and Roboam the sturdy Some to detractionnes / contencionnes and contumelye Als marie sistere of moises / the wyves of Job and Thobye Alle werldly temptings may we / wele eschape & ouercome Luving oure mediatrice / with oure hert alle and some ¶ This was prefigurid also / be Dauid the noble king ¶ ffigure iij. ij Reg. xix. Michol Saulis doghtere / with alle his hert wele luving Whare fore sho qwitte hym of awayt Ambush. / of hire ffaders sergeantz And lete hym out at a wyndowe / so making his delyvrance So dos til alle hire lovers / oure ladye seint vi[r]gyne marye In alle nede and temptinges / thaym helping fulle bisyly Luf we than this virgine / with alle oure hert als the wise Oure mediatrice in alle nede / and fervenst propugnatrice Yt fro alle werldly perils / hire like vs kepe and defende And after this lif passing / vntil hire son sho vs sende O gude Jhū here thowe / thi modere for vs praying And help hir against oure foos / for oure hele eure feghting Amen IN two last Chapitles herde ȝe / howe marie is mediatrice CAPITU∣LUM XXXIXm To godde and in disese / oure sevre deffensatrice Howe crist his woundes to his ffadere / shewes is to here fylowingly And hire blissid brestes to hire son / for vs shewes virgine marie Als crist descendid to helle / fro the heven for mankynde sake So to heven is he reascendit / oure pees with his fadere to make We shuld noght falle in wanhope / thogh we haf synned for thy Having to the hevenyssh fadere / so trewe Auokette and myghty v. in Cant. last chap. ¶ ffigure j ¶ Yt crist his Cicatrices v. merks of his woundes. / wold shewe his fadere for vs Tofore lange in figure / was it preostendid thus Antipater a noble knyght / was wryed Scandalously accused. to the Emperoure Julian Yt he was wikked and vntrewe / vnto the Empire Roman And he tyrved hym stone nakid / present this Emperoure Shewyng the erres of his woundes / for thaym v. for the Romayns. in many a stoure Battle. And saide what shuld my wordes / prove me wreche or worthy Bot heres thire Cicatrices alle / cry out yt trewe am I And thus the Emperoure approved / his Excusacioune And a trewe knyght held hym / his accusing put doune Right faire was crist figured / be this Antipatere Alway just and for vs / tofor the hevenyssh fadere Be his woundis hym shewyng / a noble knyght & doghty And his ffadere comaundementz / to haf fulfillid trewly Whare fore godde til honoure / cessis neure this worthy knyght And his askings freely / grantes hym eure day & nyght That oure lord Jhū crist / was knyght noble and worthy Shewed in his Cicatrices / and in his clothing blody ffore rede sangvinolent / was alle on cristis clothing Like to clothes of the men / of rede wyne grapes treding Whare fore of cristis clothes / thus askid Aungels Dyvine Ysay lxiij. Whi thai ware rede als of men / out of grapes stampyng the wyne The pressoure of my passionne / tholid I alle one quod he And of alle folk in erth / was noght o man with me And yt no man with hym / was, crist saide notably ffor bot a virgyne with hym / left than his modere onely Crist toke the ordre of knyght / with the colee Stroke given on the shoulder in dubbing a knight. certayne The mak∣yng of a knygh[t] and his array Als vse is to make knyghtes / in the lande of Almayne Bot this knyght crist myght noght / with o colee be qwitte Bot he ne hadde strokes dovblid / to noumbre als insyuyte Ane asse on palmesondaye / was his stede certeynly The felde of his bataille / was the mount of Caluarie The lance of blynde Longyve / the knyght was cristis spere The sharpe corovne of thornes / was his helme for the were The criste Crest. of cristis helme / the table was of his title And the girdel of his swerde / al his bandis grete & litel The patible Patibulum. of the crosse / for sheeld and targe hadde hee ffor spors ane yren naile / thorgh his fete to the tree The haubergeonne whilk his body / shuld kepe both vp and doune His tendrest skynne alto rent / with flagellacioune His swerd was haly doctrine / taght in Judees landes And two herde nailles of iren / ware als gloves to his handes ¶ The sqwyere for his body / was his swete modere marie ¶ ffigure ij. j. Reg. xiiijo. The whilk alle his armures / bare in passionne trewly ffor als the sqwyere at nede / held hym negh Jonathas So in cristis passionne / his modere a negh sqwyere was The banere of this noble knyght / crist, was of two coloures Yt o part was alle white / yt othere rede, als rose floures That one was of the white clothe / at Herodes illusionne Jeering. The Coccyne yt was taken hym / in his coronacionne With thire Armures this knyght v. crist. / faght so wele at devis Device? Yt be his deth he ouercome / alle oure cruwelle enemys After yt with gloriouse Trihumphe / vntil heven he ascendid And to his fadere praying for vs / his Cicatrices he ostendid v. shewed. Thare fore no wight disespaire / for his synnes innoumbrable Bot trist in this Aduokat / alle myghty and mercyable ffor in the ffadere or the haly gast / thogh we nevre so synne Crist may vs recounseil / and pardon haboundant wynne And if we synne in the son / yt is in crist Jhū We have to pray til hym / on Aduocat fulle trewe Crist to his fadere shewes / his Cicatrices for mercy And til hyre son hire bristes / shewes for vs swete marie And crist Antipatere v. tofore hire fadere. / may be callid resonably Bernard apon Cantic. vlt. So antefilia v. tofore hire son. men may / calle marie semblably O trewest antipatere / and Antefilia swettist Howe seurly may synners / in succoure of ȝow two trist ffor how myght thare be hopid / of any thing denying In heven, erth, or in helle / to thus swettist praying Howe shuld the fadere of pitee / noght fille the sons entent Wham hee sees swilk woundes / haf suffred at his maundement How shuld a son his modere / oght mow warne Refuse. in praying Whare oythere oyere als thaym self / lufs eure with out feynyng Than where crist here his modere / nedes noght to doute I wene Wham ouer alle mortal folk / hee hase made hevens qwene ¶ This was prefigurid some tyme / be the grete kyng assuere ¶ ffigure iij. Hest. xlvo. Whilk wele chaufid with the wyne / saide thus to qwene Hestere Aske me what evre thou wilt / thi prayere I graunt the Thogh it ware half my roialme / fulfillid thi wil shalle be And sho hire folk fro Naaman Haman. / asked to be deffendid Wham kyng Assuwere anone / on gibet maide be suspendid Hestere a pore mayden / was borne of the Jewrye And the king chase hire to Qwene / ouer alle othere souereynly So chase godde mayden marie / above alle virgynes erthly To be qwene of alle heven / now and eure lastyngly And has dampnyd oure enemy / be hire intervencionne v. prayere. And taken hire half his kyngdome / be twypart departisonne Godde has his Regne departid / in partis two jentillye Worthily. Yt one kept for hym self / yt oythere gyven til oure ladye He kepes til hym selven justice / delyvred til his modere mercye With the first he vs manaces / with yt oyr helps vs Marye O gude Jhū pray thow / for vs thi ffadere of mercy And thi dere modere for vs / praying here benignely Amen LAST herde ȝe how yt crist / for vs cessis noght to praye CAPIm. XLm Now fylowes howe streit a juge / he bees on domesday This notid crist on a day / a parable proponyng v. puttyng forth. When he in this werld here / went in Jewerye preching ¶ He saide a man weending / in til a Regionne lontaigne ¶ ffigure j ffor to take hym a Rewme / and eft sones turne aȝeine Whilk til his men v. seruaunts. Bezauntes / toke ten for emprowyng Luc. xixo. x. Bezauntz And at his gayncome to gif / hym trewly the wynnyng The Rewme taken and retournyd / fro thens whare he was went He askid of ilkone reknyng / after his rathere Interest. entent Who mykel hadde wonne was mykel / his Remuneracionne Who littel wanne was lesse mede / taken hym for his gerdonne Hym yt ȝalde the bezaunt / with none vsure aȝaine The lord helde hym noght payed / and putt yt seruant to payne This wise shalle crist haf hym / the day of his demyng Whare shalle take euery man / after his labourde wynnyng And who noght wele hase done / shalle fele the juges ire And for his negcligence to bote / brenne eure in hellis fyre ffor it nys nothing ynoghe / onely to forebere synne nota Bot also mot men do gude / whare with heven forto wynne ffor the Austere juge wille repe / in place whare he noght sewe Asking of the payens gude werkis / and thaym no movth sede sewe v. he prechid noght personely to thaym. How negh wil he gude werkis / of cristen than seke streitly To whame so salutere techinges / he mynystres so freely He shalle shewe synners his woundes / with the Armes of hys payne The crying of cristis woundes for venge∣ance apon synners ffor thaym soeffred to see / what thay ȝalde hym aȝaine Alle cristes Armes shalle stande / ageynst the synners stifly And alle his woundes apon hym / sharply shalle vengeance cry Alle Creatures shalle thaym arme / til inpugne the synnere And alle the Elementes on hym / shal pleyne and make hym were The erth yt hym bare, and hym / forto fede fructified And he it als a tree / vnfruytfulle occupied The fyre shalle pleygne yt hete / it mynistred hym and light And be his light the makere / wald noght knawe day nor nyght The Ayere whilk hym brething / was ay to gif redy Whare of his Creatoure / he thankid nought bisyly The watere yt hym gaf drinke / & with ffysshes hym fedde And he the makere of this / ne serued ne graces bedde His gude aungel on hym / shalle stire gods Rightwisnesse Yt he cessid noght to synne / for gods nor his v. of the aungel. clennesse The modere of mercy yt nowe / to synners is so propice Yt doelfulle day to none v. synners. / shalle sho bene adiutrice The piest Jhū yt wald / for synners thole passionne Prouerb, j. Shalle lagh in ȝoure perisshing. Psalms. And thov lord shalle scorn thaym Shal at thaire deth lagh than / in thaire dampnacionne The feends of alle priuest synnes / shalle than shewe forth thaire taillies And of alle gude werkes left / Aungels make Rehersaillies Crist alderpiest shalle than / to mercy be seen so straunge Yt noythere prayere ne teres / his Sentence shall than mowe chaunge If marie and seints alle / wepped blode for mercy Thai shuld not rescowe o sawle / fro dampnacionne sothly ¶ The fierstee Severity. of this streit dome / is noted be virgines ten ¶ ffigure j Of whame crist in parables / preched in erth to men The virgynes wise of thaire oyle / gaf noght virgines fole To shewe yt seintis nothing / shal of the dampnyd condole And als oyle of mercy / the foles of the wise none hadde So in the vengeaunce of thaym / seints shal be joyouse & gladde And the wise virgynes scorned / the virgynes fole myrily When thay to the oyle sellers / sent thaym, oyle forto by Ryght so the seints shall seme / the dampnid scorne on domesday And send thaym til oyle sellers / for thaire laumpes als so say Ȝe sold joye eternale / for vayne voluptuostee Goos bye more, ȝe have nede / of ȝoure marchants lat see Alle almouse dede and gude werks / be ȝow done vnwisely Solde ȝe for mannes praysing / and this werlde passing glorie What profits nowe ȝoure grete pride / of erthi wricchid praysyng Whare is alle ȝoure plesaunce / of ȝowre Apocrisyng Off the fruyte of ȝoure gude dedes / nowe may ȝe se what failles And ȝoure lust transitorie / what nowe it ȝowe availles And when the foles of the wise / no parte of oyle myght wynne Thay went than to the spouse / and cried to lat than inne Bot no mercy of hym / gate thay in alle the werde And yt he ne knewe thaym noght / sothly of hym thay herde Math. xxvto. Thus wille falle be synners / on domesday certeinly ffor of godde nor his seints / get thay than no mercy ¶ In yt scripture of this / was shewed figure and note ¶ ffigure j. Balthazare Danyel Ageynst king Balthazare / when a hande on the walle wrote MANE, THECHEL, PHARES / was writen apon the walle Yt noumbre, weght, and twynnyng / gifs to mene til vs alle ffor gods dome shall be tretid / be noumbre and be weghyng And eendid be the gude fro yvel / perpetuel departyng ffor be noumbre of decerts / shall godde gif jugement Yt oure thoght, worde, or dede / knawes alle in o monent v. in so short space yt may noght be departid. Moment. Oure wille and oure movinges / knawes he wele evry whitte And alle the tyme til vs taken / howe we dispendid itte The giftes be vs resceved / has he wele noumbred alle What tyme & howe be sette / alle thire shalle he forth calle Alle thire thinges noumbred nowe / wille he weghe streytly thare And to the prikke thaire value / tofore alle men declare Than shalle some pore mans myte or peny or half peny. / weighe als mykel in valoure Prouerb. xvj. Als some thovzande Besauntes / of pope or Emperoure Than shalle one eye Egg. weigh gyven / out of synne dedely qwhite Off offring in gude lyfe and prayers More than in dedely synne / golde gyven noumbre infynite And o pater noster more weygh / in swete devocyonne Than a savtere with sleuth / with out attencionne At the last comes forth phares / yt is to say devisyng Dividing. When the noumbre dampnable fro godde / & fro his seints takes twynnyng Than shalle the dampned to helle / with dyvles eurelastingly And the gude entre in the joye / of thaire lord sempiternely To the whilk bring vs Jhū / als thowe art king of the hegh heven With the ffadere and the haly gast / of substaunce & of joye even. Amen THE passid Chapitle shewed vs / the last examynacionne CAPIm XLJm Heres nowe howe gude and yvel / shalle both take thaire gverdonne Oure Lorde godde in this werlde / list evre do benignely Bot in the werlde forto come / rewardis he rightwisly And for a man body and sawle / dos joyntly gude or harme here There for in oyr werlde bere thay / payne or joy both yfere In common. At Domesday bodyes and sawles / shal be revnit v. fest to gidere. certayne And eure more both to gidere / haf joye or suffre payne The wikked mens bodies shall rise / vnshaply and passible Of resurex∣ione of men. He is pas∣sible yt may fele paynes. Bot the gude mens fulle faire / with out eend unpassible A dampnid bodie shalle rise / in swilk deformitee Yt infinite horroure bes it / the awen fote or hande to see And the more yt thaire synne here / haf bene abhomynable So mykel thaire bodyes than / shalle be more defourmable Nota And of the grettere desertes / yt rightwise men haf bene here So mykel shalle thaire bodyes / be fairere and more clere The body of the leest childe / yt shalle entre in to heven Clerere than is the sonne / shalle be, be faldes seven And if a noythere passes hym / tenx tymes in halynesse His body shalle passe yt othere / eke ten folde in clerenesse If one more than anothere / be haly ane hundreth folde He shalle passe in clerenesse / an hondreth fald wele tolde So als crist ouer alle seints / is haly innoumbrably His body more than alle seints / bes clerere infinitly The bodies of seints shalle be / glorified in lyf to come Of the dowairs of the sawle ffovre folds, and ere thire / the parcelles of yt some Claritee take for the first / the seconde impassibilitee Sutyltee for the thredde / the feerthe Agilitee v. delyvrenesse. Thire foure dowairs whilk I / ȝowe have tofore noumbrid Ware in cristis body some tyme / in manere prefigurid Crist shewed the Claritee / in his Transfiguryng Marc. ixo. Math. xvij. His face in mount Thabor / bright als the sonne shynyng The sutiltee, was shewed / in his Natyvitee When he was borne savyng / his moders integritee v. hir maydenhod. The Agilitee, may be taken / and noght vnresonably When crist went in the see / his fete both lasting drye The inpassibilitee, shewed hee / betaking in manere His bodie til his disciples / til ete at his sopere And haly sawles shal be dowed / be treble dotacionne The whilk ere knawing and luf / and Comprehensionne The dampned sawles & the bodies / shal haf no swilk dowyng Of the payne of thas yt shall be dampned Bot eternal helle payne / with out eend vncessyng Als thay to thaire godde etern / here synnyd willfully So shal he thaym in helle / put to payne eendlesly The dampned neure of thaire synne / shal haf verray penitence Whare fore godde of thaire payne / shalle nevre turne his sentence v. jugement. So grete is the payne of helle / and so inenarrable Yt no payne in this werld / is to it comparable Who couthe of martres alle / the paynes in o somme telle Maist of stories and Josephus Certeyne thaym shuld seme noght / to paynes yt ere in helle Ysay prophete was sawen / and stonyd was Jeremye Amos perced thorgh the temples / Ezechiel brayned fovllye Poul with ȝerdis bette thris / and after yt o tyme stonyd Corinth. xjo. Sithen after v. quinquagenaries / one less, are thay hym hevedid Quinquies quadragenas una minus accipiens ultimo decollatus. This wise seint Jame martir / toke his deth after tale Alto kytt with sharpe knyves / & rasoures kene gobettinale Barthelmewe slayne alle qwhikke / and petere postle croisid Piers martire stikt with a swerde / seint Laurance Deken roistid And the payne of alle martirs / who myght in o sovme telle Alle thas shuld noght be comparable / vnto the lest payne of helle ffor alle the tourment of martirs / ware shorrt and transitorie Bot the paynes of the dampnid / lastis in helle eendlesly Math. xxix. ffor thay brynne in the fyre / of helle yt lastis in evre Ysay. xxxo. And ere gnawen with the worme / of conscience yt dies nevre Judith. ixo. Bot a worme material / this nes noght to devise ffor no swilk beest lyving / may there be in no wise Then is this forsaide worme / remorse of Conscience Gnawing the sawles dampnyd / be gods eure lastyng sentence There shalle be continuel / lokyng on dyvles terrible Cold, gnaysting of teth / hungre, & thrust importible Crying, horroure, and drede / tremblyng, doel perdurable Byndyngs, prisons, bronstone / and stynking intolerable Envie, cursyng and smeke / and ferefulst derknesse palpable Sorowing confusionne & shame / wepyng teres inenarrable Dispaire of delyvrance / or of the leest comfortyng Neure ony entercessing / of contynuel punysshing ¶ The vengeance here toforsaide / of godde on the dampned ¶ ffigure. j. Was be the Citee of Rabath / and Dauid prefigured The pople of yt Citee / the king v. David. punyst strangely Some with sawes did he kitte / some with knyves membratly Membratim. Some made he yren boune cartes / in his ire ouer thaym rynne And some made he to drawe / with many a dyuerse gynne ¶ This shewed also be men / of Socoth a Citee. and Gedeon ¶ ffigure. ij. Judic. viij. On wham he venged hym hoegely / for thaire derisionne The poeple of Socoth scornyd / Gedeon the duce worthy And he his tyme abiden / venged hym fulle horribly ffor after that his scorners / he punyst fulle sore scornyng With breres and with sharpe thornes / thaire bodyes alto racyng Scraping. Thus crist shalle his scorners / synners yt is to say Thogh here he thayme forbere / elles whare fulle sore pay The wyse man says yt tourmentz / prepared ere for scorners And for the bodyes of folis / ere thare beteyng hammers These two lines are omitted in the MS., but a space is left for them, which I have ventured to fill up. ¶ In pharao and the Egipciens / was this be figure enclosid ¶ ffigure iij Exodi. xiiij. Whame godde in the rede see / ilkone at ones conclosid Right so the dampnid with feendes / and lucifere at the last In helle for eure to gidere / shalle be shette alle fulle fast Jhū for thyn helefulle / and bitterest passionne Make ferre fro vs fore evre / this horrible conclusionne. Amen. TOFORE the paynes herd / to dampnid eendlesly CAPITU∣LUM XLIJm Of the joye of the seints Nowe ere the joyes of seints / to here of fylowingly Whas blisses ere so many / yt thay may neure be noumbrid So hoege yt thay shalle neure / be any wise mensurid Thay shal neure mowe be tolde / thay ere so ineffable Nor thayne shalle neure take eende / so ere thay perdurable The joye to gods luvers / preparyd, egh Eye. se thayme noght Nor neure ware be Ere herde / nor in hert of man thoght Ysay lxiiij. There is alle manere beutee / lustfulle to beholdyng Alle Armonye melodyouse / yt pertenes til hering There, is alle delicacye / vnto smelle suppetyng There, is alle suavitee / delitable to touching There, is all manere swetnesse / vnto tast influyng There, is perfitest boond / of inwardst hertly luvyng There, shalle we of godde the ffadere / conceyve the Omnipotence The wisdome of his dere son / the haly gastis clemence There, shalle be of alle gudes / contynuel affluence There, shalle be of alle yvels / with out eende alle absence There, shalle be rest eterne / with out alle manere laboure There, shalle be pees and suretee / with out alle manere terroure There, shalle no feendes awayte / nor laye temptacionne There, bes of werlde nor flesshe / none inpugnacionne There, bes connyng and witte / with out any ignoraunce There, bes freendship and luf v. charitee. / with out contrariaunce v. envie. There, bes perpetuel hele / with out alle manere sekenesse There, shal be strength stably / with out alle werynesse There, bes eure clerest light / with out ony clowde sothly There, shal be gladnesse eterne / and jubilyng bisyly There, bes beutee and shappe / with out deformytee v. vnfitingnesse. Wightlayke Active. delyvrenesse / with out ony tarditee v. slawnesse. There, shalle be richesse and myght / with out any manere failling There, bes joye and honoure / with out any dispising There, is the flouer of ȝouthede / yt neure shal knawe welknyng Withering. There, shalle be lyf eure grene / neure more til haf eendyng There, shulde seme bot a point / the age of matussale And the strenthe of Sampson / bot pallesye for to be There the whightlake of Azael / ware irksome tarying And the helth of Caleph / ware dedely sekenyng There ware difformitee / the beutee of Absolon And folie als to acconpt / the witte of Salomon There the counsaile of Jhetro / & of Achitofel folenesse Aristotil and alle Philosofres / thaire scionce bot lewednesse There Tubalchaym and Neoma / Irams suttlist werke men Besleel and Ooliab to deme / vnkonnyng couth thay swilk cen Ken. There Dauid harpe and the musik / of Jubal ware absurditee v. enuysoin to here. Manna bitter, and the wyne / made in Cana Galilee There Adams paradys and the lande / of promissione seme exile And alle ecclesiastes delices / seme absinthe or aysile There alle Octavianes Regne / shulde seme prison or desert There tresore of Cresus and Antecrist / shuld be demed there povert There shalle thowe man haf more myght / than Cresus & Augustus Cesare Cyrus Nabugodonosor / king Alexandre and Balthasare There shalle thowe be strongere / than Sampson Sangare Abisay Or Dauid or Semma / Bononay, or Sobokay ffairere than Absolon & Joseph / or moyses witt thowe this wele Judith and Susanne the faire / Rebecca Sara & Rachele There shalle thowe langere lyve / than Enoc matussale & Elye Be swiftere than is the sonne / Asael hercules and Crisy There shalle thowe eke wisere be / than king Salomon or Austyn Pope Gregoire or Jerom / Ambros and Thomas Alqwyn There shalle thowe more clerely, se godde / yt Peter did John or Jame Ezechiel Ysay moyses / and deken Steven be his name ¶ ffigure of this eterne joye / moght Salomons glorie be ¶ ffigure j. ffor we rede of none othere / so delicat als was he And noght onely passid he / othere in delices hyghly Bot in richesse also / passid he all othere strangely To Jerusalem his fame herd / come than of Saba the Qwene And saide for merveils ravist / his incredible glorie sene iij Reg. x. More is thi glorie than fame / of thi prosperitee Paralipo. ix. I have proved yt the half / was noght talde vnto mee So shal a sawle say for joye / comen in til heven blisse I ne herde neure half sothly / nor thovzande parte of alle this Nota The face of Salomon to se / alle the werld desiryd Whilk thing the face Jhū / right wele prefiguryd ffor alle the joye of the heven / and of spirituel reioying Is of the graciouse visage / of Jhū the contempling ffor bettere ware a sawle in helle / crists visage seyng to be Of the sight of godde Than in heven for to dwelle / and his face noght to se ffor if a sawle ware in helle / it ware noght payens suffrable Seyng yt joyfulle visage / ouer alle thing delectable ¶ Ane othere ffigure of this joye / may the ffeest of Asswere be ¶ ffigure. ij. ffor neure othere yt we rede / heeld swilk feest als did he To whilk feest noght grete lordis / gert he pray alle onely Hester. j. Bot alle the poeple alle so / men and wymmen holely And gods ffeest was grettere / of alle folk grete and smalle Ecclesi∣astic. xxiiij. Saying passis to me / ȝe yt coveites me alle The feest of kyng Aswere / was ixxx Nine score. dayes duryng Bot the ffeest of Jhū crist / shalle be euremore lasting ¶ The thredde figure may be taken / in the feestes of the sons of Jope ¶ ffigure iij. Job. j. ffor of so contynuel feestyng / of othere we ne rede I hope Of Job the sons seven / ilkone about his day Calling thaire thre Systres / contynuyd ffeestis alway Be whilk ffeestes vnderstande / hevenly ffelicitee Be the Cyrcuyt of seven dayes / perpetuel eternitee Seven sons men may the seints / of the seven eage devise Thre doghtres the vertues / of thre Angelik ierarchies Alle thay v. aungels & seints. haf sempiterne / ffestes, with out cessyng Alle shalle thay be in joye / yt neure shalle have styntyng O gude Jhū gif vs / for thy benigne bountee In thy ffeestes toforesaide / eure more to dwelle with the Amen TOFORE herde we the paynes / to dampned intolerable CAPITU∣LUM XLIIJm And of the joyfulle gerdon / to seintis ineffable Now fylows howe yt we may / the paynes forsaid eschewe And eurelasting joye wynne / with crist eure newe & newe Who to the blissednesse forsaide / of seints wilnes to come Hym awe Ought. serue and luf godde / with his hert alle & some And what so be most greable / to godde in gude entent So yt aspire alwaye / with bisy hert and fervent ¶ Some tyme a man dwellyng / devoutly in his Celle A tale Was bysy in alle his hert / to serue godde bokes telle This man his godde besoght / praying contynuelly To shewe hym in what seruice / he myght plese hym most by ffelle on a tyme he se / towards hym crist commyng With a crosse lange and grete / on his bak vpbering And saide me may thowe neure / serue here more plesantly Than me help forto bere / this hevy crosse tenderly O my swete Jhū godde / like ȝowe to declare me What wise, and I shalle help / with body and sawle quod he In hert answered Jhc̄ / my bitterest passionne pleygnyng And in mouthe be devout / oft sith & tendre thankyng In Erys, Ears. be my doelfulle / paynes feruent heryng On thy bakke thyne awen flesshe / contynuelly chastyng O ware fore the paynes of helle / fortil eschape saufly And to the joye with the seints / forto come graciously In hert worde and in dede / thanke we oure Saveoure Nota bene Saying this orisonnes / in his passionnes honoure I THANKE the lorde Jhū / crist gods son verrayly Graces to godde at houre of Evensonge One godde and neure moo / my salveour sothfastly Yt in houre of Evensonge / thyne hoege luf shewed to me When thowe gaf me ensaumple / of deppest Humilitee Jhū of thi seruants / wesshe thowe the fete mekely And of thyn awen traytoure / wald thowe the fete wesshe and drye Joh. xiij. Jhū of this mekenesse / be the Superhaboundaunce Dystruy in me synfulle / alle pride and arrogaunce And fille myne hert with profit / and verray humilitee ffortil ascende in vertue / til hevenly sublimitee And Jhū lorde fayne wald I / thank the some manere wise If I couth or ware digne / or myght any way suffize ffor thus ineffable grace / and vnherd dilectionne Shewed vnto wrichidist me / in thi seints commvnyonne ffor thi sacroseint body / has thowe taken me etyng And thyn awen ryale blode / in salutere swettest drinkyng Who shal suffice to telle / this hoegest luf of luvyng Or of thire grettest benefaites / ȝelde to point any thing Aliquid digne redonare. Thogh I my body to the deth / toke thovzande tymes infinite Nota Thus eendles mirable gudenesse / myght I neure come to qwyte I pray the piest Jhū / for alle this luf and honoure Thi benefaites above mervelle / O sawles lif and dulcoure Thi sacrament at my deth / to thi plesance grant me And in thi melliflewe presence / with out eend be with the Whilk thing grant vs Jhū / for thyne ineffable mercy Yt with the fadere and the haly gast / lyves and regnes eendlesly Amen GRACES to the Jhū / benigne crist goddis son Thowe ert my godde sothly / and my saluacionne Thi luf shewed thowe to me / in the houre of completorie In the houre of Comple∣torie Luc. xxij. When thowe tremblyng for me / swette blode ouer alle thi body To yt stede vndestressid / of free wille, thowe the drewe Whare thyne Enemys wald the / take and bynde swete Jhū Thi benignest mansuetude / shewed thov yt tyme ywys When to the Traytoure thi mowthe / thov warnyd noght forto kysse The Jewes whaym thow hadd shewed / grete luf oft and relefe Toke and bande the fulle sore / and ledde forth als a thefe Thi disciples saide thay wolde / dye with the, bot no dout Thay fledde ilkone seing / of thyne Enemys the rout Bot thow alle onely Jhū / bode in yt hardest stoure Amanges thyne Enemys with out / any help or defensoure With swerdes, and staves, and lanternes / was thow taken & with brandes With many iniurie and reprove / presentid til Anna handes Of thy lore and disciples / askid he the to this eende ffor he of thaym both two / thoght the to reprehende Bot with alle mansuetude / answerde thov lorde wisly Luc. vjo. A buffet of his servant / thare on tholing mekely O sw[e]te Jhū I pray / be thy body swet the O dulcissime domine per sudorem tuum sanguineum rogo. Be thi sharppest byndyngs / and wrongwys Captivitee Wasshe me out of the bandes / of my stynking synne vile And to thyn awen joye lede me / after this werldis exile Whilk thing graunt vs Jhū / for thi swettest mercy Yt with the fadere and the haly gast / lyves & regnes eendlesly Amen GRACES to the Jhū / souereyn welle of mercy My godde and my makere / and my Salueour sothly In the houre of matynes thi luf / to me freely shewed was In the houre of Matynes So to be japid soeffring / in the house of Caphays There ware the princes of the poeple / gadrid be Conspiracye Witnesse and causes sekeing / ageinst the for Enevye And sekeing oft vp and doune / of deth fande thay cause none Rightwise, for thaire witnesse / ware insuffissant ilkone At the last Cayphas askid the / where thowe was goddis son And thow grauntid yt ȝa / be sothfast confessione Yt iuste cause of thi deth / demed thay there alle about He is of the deth coupable / crying alle at a shovt Thi visage lorde Amiable / hild thay, thyne eghen hyding Buffets & many a choppe A smack on the cheek. / who myght gif the, stryving Luc. xxij And saide in thaire wodenesse / have done thow crist, lat se Telle nowe of alle this rovte / be prophie who stroke the Thi face so delitable / til Aungels forto beholde With thaire horrible spyttyng / for to fyle ware thay bolde Thi brightere eghen than the sonne / whilk sees clerely alle thing To hil, obumbre, and to blynde / was thaire wode enforcyng Jhū for thi paynes / of thyne eyghen thus hydeyng Thy contumelye and neckyng / buffets and bespitting My wikkidnesse forgif me / with alle the payne & the plight The whilk innoumbrable sithes I, / haf trespast in thy clere sight Whilk thing graunt vs Jhū / for thi swettest mercy Yt with the ffadere & the haly gast / lyves and regnes eendlesly Amen GRACES to the Jhū / souereyn welle of mercy My godde and my makere / and my Salveour sothly ¶ Houre of Pryme In the houre of pryme dayes / thyne hoege luf shewed thow me When thow of Herode and his Ost / for my sake scorned wald be When thow was alle nyght beiaped / in bisshops house cayphas Than to the president pilat / be the morowe ledde forth thow was Whilk hering the a man / of the lande of Galilee beyng Til Herode sent the anone / als til his dome pertenyng Herode was fulle gladde hoping / of the some mervelle to se Holdyng a fals wikked / Nygromancere the to be The Jewes with cruwelle instance / tofore Herode the accusid And Herode of thinges dyuers / with many wordes the apposid Bot thow lorde in no worde / wald make hym Responsionne Knawing alle the malice / of his wikked entencionne Than cledde he the in qwite / for scorne & contumelye Als a fole scornyng the / Herode with alle his ffamylye Remyttyng the to pilat / after this illusionne Jeering. And thus thas Enemys v. herode & pilat. gadrid / enterreconsiliacionne Alle this tholid thow Jhū / in paciens supersuffrable Noght in thi gilt bot for / oure wricchednesse innoumbrable Lorde be thire contumelyes / and thi benigne clemence In alle my tribulacionnes / graunt me swete pacience In alle aduersitees / yt I so tholemode ay be Whare thorgh in thy kyngdome / my dwelling be eure with the Whilk thing graunt vs Jhū / for thy swettest mercy Yt with the ffadere and the haly gast / lyves and regnes eendlesly GRACES to the Jhū / honoure and benedictionne Houre of tierce My gude godde and makere / and alle my saluacionne Thi luf in the houre of tierce / shewed thow me tenderly ffor me scourgid and with thornes / corovned most pynefully Als a misdoere thy foos / til a cold pilere bande the With ȝerdes and scovrges beting / alle gode wightes doel to se To whils there hele no left / in alle thy tendrest body Of whilk like welle strondys Strands, sides. / thi blode brast out freely A corovne of sharpest thornes / mayde thyne Enemys plettyng In stede of a Diademe / it on thyne heved settyng And for a mantel real / in coccyn cledde thay the Putte in thyn hande a Rede / for Regale Septre to be And on thaire knees to fore the / say thay the saluting With many mowe Grimace. & with scorne / the kyng of Jewes callyng Thy venerable heved with the rede / stroke thai fulle angrily And with thaire handes on thi cheke / and in thi nekke pynously Thi blode with thaire spittynges / so thi faire face oueranne Yt thow was like to behalde / ane horrible seke mesel Leper. man I the beseke swettest Jhū / for thi sharpe rewfulle scourging Nota a gude prayere And pray the prince of pitee / for thyn hard corovnyng Yt where I wil, or wil noght / thow me here so chastie Yt with scourges of thyn ire / in othere werlde I ne bye Dwell. Nor yt I neure fele scourging / of purgatories sharpnesse Bot with outen any tourment / come to joye eure eendlesse Whilk thing graunt vs Jhū / for thi swettest mercy Yt with the ffadere and the haly gast / lyves & regnes eendlesly Amen GRACES to the Jhū / souereyn welle of mercy The sext houre My godde and my makere / and my salveoure sothly The sext houre to me thow / shewed both hoegely luf & pitee Tholing dome for my sake / and to be nayllid on a tree Math. xxvij. Pilat his handes wesshe / after thow was oft accusid Bot forthwith to be honged / apon the crosse he the demyd On thyne awen shuldres thay laide / the crosse to bere fulle hevie ffor thi shame and reprove / to encrees more notablie And with ropes on the crosse / thyn enemys extendid the And drofe thyn handes and thi fete / with yren nailles til a tree And after the with the crosse / thai raised with a fulle grete crye And with mowes & with japes / scorned the contynuellye And there lorde Jhū shewed thowe / thyn hoegest dilectionne ffor thi foos to thi fadere / praying a swete Orisonne And ouer this swettest Jhū / ware thi paynes hoegely cressid Thi modere seen be thi crosse / with sorowe on ilk syde pressid And two thefes broght to place / to encrees thy contumelye Be twyx thaym two the hanged / thyn enemys wode & vnselye Yt one thi hoegest mercy / Jhū curtays & heende Courteous and gracious. Shewed thowe paradyse grauntyng / be contricione at his eende O Jhū I the beseke / be the dome gyven on the And prayse the be alle thy paynes / innocent soeffred for me Yt I bere neure the sentence / horrible of the left partye Bot ledde me to thi faire regne / of the right half compaignye Whilk thing graunte vs Jhū / for thyn ineffable mercy Yt with the ffadere and the haly gast / lyves and regnes eendleslye GRACES to the Jhū / crist benigne goddis son ¶ The houre of none Thow ert my godde sothly / my lif and salvacione In the houre of none thi luf / shewed thow to me holely On the Gibet of the crosse / deignyng for me to dye A doelfulle lamentacionne / made thow lorde certeynly When thow saide Hely Hely / Lamazabatany Yt is my godde, my godde / why has thowe forsaken me When neure the lesse in no tyme / was thy godde twynnyd fro the After saying I thrist / thay profred the mirred wyne And Ayselle medlid with galle / yt thow shuld dye with more pyne And with dyuers scornyngs / thyn enemys the blasphemyd And alle the shame yt thay myght / to the Jhū thay did After this swete Jhū / Consummatum est thow sayde And ȝalde thi Spirit to the ffadere / and than died at a brayde In a moment. Thay thi side with a spere / thay perced thorght at the last Of whilk riche blode and watere / in my sawles hele out brast Alle creatures condoelid / on thy payne than at ones The com∣passionne of the ele∣ment in cristes deth The sonne blakke als an hayre / & clevyng hard roche & stones Terremote Earthquake. and of graves / notable apercionne And many body of the seintes / roos with thi resurexionne O Jhū als thowe for me / dyed in mount Caluarie In me shewe thowe thi grace / yt be thi swettest mercy I mot here in this lif / so the both luf and serue At my decesse thi joye / eendlesly may deserue Whilk thing graunt vs Jhū / for thi grace and mercy Yt with the ffadere and the haly gast / lyves and regnes eendlesly Amen NOW last herde we tofore / the seven fald graces actionne CAPITm XLIIIJm Aght til oure lorde Jhū / for his dere passionne Nowe fylowes seven orisonnes / to say with tendernesse Til oure ladye for hire / grete sevenfold hevynesse ffor als it pleses Jhū crist / his paynes in mynde be soght So likes oure ladye yt we / hire sorowes kepe in oure thoght ¶ Als some tymes was a man / Religious ffrere prechoure A tale Yt hadde oure lady and hire son / in dere luf and honoure His thoght was alway bisy / in cristis harde passionne And on the doel of oure ladye / in erth hadde on hire sonne This man prayed day & nyght / with alle the luf of his hert Yt crist walde graunt hym to fele / some of his paynes smert And at the last his pie askings / lyked oure lorde crist so wele Yt of his passionne partie / a littel he lete hym fele Hym thoght his handes & fete / ware drawen out streitestly And with hard iren nayles / perced most pynously After prayed he mekely / oure ladye marie Virgyne ffor alle hire swettest bountee / to lat hym fele of hire pyne Hym thoght thorgh the werlde to seke / a swerde aldersharpist Was thrusten thorgh out his hert / with sorow aldergrettist Thilk ffrere be swilk thinkyngs / in graces Actionnes Hadde revelings dyvine / and consolacionnes Wharefore rede we gladly / to crist the forsaide thankynges v. of the seven houres. And to his gloriouse modere / marye the fylowyng hailsynges That we be qwhitte in this lif / fro alle manere hevynesse And atteyne in werlde to come / eurelastyng joye and gladnesse Amen HAYLE marie modere of crist / of heven meke Emperice Of seven sorowes of oure ladye The ffirst sorowe Thow ert named virgyne dyvine / of sorowfulle consolatrice I praye the modere of pitee / for alle the sorowe and distress Yt eure thow tholid in this lyf / with out gilt more & the lesse To me wriche be socoure / in alle Tribulacionne Swettist and after thi son / next Consolacionne Many ware thi sorowes in erthe / and dyuers this nys no tale v. for yt was certeyne. Bot namely amanges alle othere / seven ware the princypale The first doel yt thyn hert thrast / be myne entencionne Understanding. Was in the Temple when thow herde / the prophie of Symeon The following lines are omitted in the MS., but a space is left for them, and some scribe has copied in the untranslated Latin version on a blank leaf at the end. [Cum magno gaudio & laetitia ad templum veniebas Cum magno dolore & tristitia de templo recedebas In offerendo filium tuum tanto patri magnam habebas laetitiam Sed illa ibidem subito conversa est in magnam tristitiam Antiquus ille Symeon tristes rumores tibi nunciavit Quando tibi de gladio dilectissimi filii tui prophetavit Quem pertransiturum afferebat tuam sanctissimam animam De quibus verbis concepisti in corde non modicam tristitiam Intentionem hujus prophetiae peroptime intelligebas Et deinceps de ipsa tristitia in corde gerebas Per hanc tristitiam tuam mater clementissima rogo te Ora dilectum filium tuum dominum Jhesum Christum pro me Quatenus me propter tuam amarissimam passionem Perducas post hoc exilium ad aeternam consolationem Quod nobis omnibus praestare dignetur dominus noster Jhesus Christus Qui cum Patre & Spiritu Sancto est in perpetuum benedictus Amen AVE Maria mater Christi pia coelestis imperatrix ¶ Tristi tia ija. Tu es virgo divina tristium in hac via consolatrix Secundam tristitiam mater dulcissima tunc habuisti Quando cum filio tuo in Egiptum confugisti Rex Herodes filium tuum quaerere et interficere cogitabat Et hoc angelus domini Joseph in somnis nunciabat Surge inquit & accipe puerum & matrem ejus & fuge in Egiptum Futurum est enim ut rex Herodes quaerat puerum ad perdendum ipsum Haec verba virgo mitissima animam tuam valde vulneraverunt Et cordi tuo virgineo magnam tristitiam intulerunt Tunc oportebat te cognatos & notos tuos & patriam deserere Et nocturno tempore per desertum ad terram paganorum confugere Rex autem Herodes quaerebat filium tuum cum tanta invidia Quod occidit propter eum puerorum centum quadraginta quatuor millia Tu clementissima domina ad terram alienam veniebas Ubi necque cognatos necque amicos necque natos habebas Magnam enim inediam et penuriam sustinuisti Colo & acu filio tuo & tibi victum & vestitum acquisisti Hanc peregrinationem & tristitiam septem annis tolerasti Et tunc defuncto Herode cum filio & Joseph repatriasti Per hanc tristitiam mater clementissima rogo te Ora dilectum filium tuum dominum nostrum Jhesum Christum pro me Ut in hac peregrinatione ab omni malo me custodiat Et post hoc exilium ad coelestem patriam me perducat Quod nobis omnibus praestare dignetur dominus noster Jhesus Christus Qui cum Patre et Spiritu Sancto est in perpetuum benedictus Amen AVE Maria mater Christi pia coelestis imperatrix ¶ Tristitia iija. Tu es virgo divina tristium in hac via clemens consolatrix Tertiam tristitiam mater dulcissima tunc habuisti Quando filium tuum dilectum duodennem amisisti Cum enim dulcissimus filius tuus esset annorum duodecim Ibat tecum de Nazareth ad diem festum pasche in Jherusalem Cum autem festivitas illa peracta & completa erat Tu redibas & ipse te nesciente in Jherusalem remanebat Sed hoc non proveniebat pia mater ex tua negligentia Sed ordinante et disponente divina sapientia Tu putabas puerum esse cum Joseph in turba virorum Joseph putabat eum tecum esse in turba mulierum Viri enim ibant soli ad festum & mulieres sole Pueri autem pro placito suo ire poterant utrobique Cum autem de Jherusalem per unam dietam recessisses Et puerum cum Joseph patre suo putativo non invenisses Qualis dolor et immensa tristitia tunc invasit te Difficile potest cor concipere difficilius os enarrare Usque in diem tertium cum magna tristitia eum quaesivisti Donec eum in templo in medio doctorum sedentem invenisti Per hanc tristitiam mater clementissima rogo te Ora dilectum filium tuum dominum Jhesum Christum pro me Ut doceat me in hac vita tam diligenter quaerere se Ut ipsum in coelesti templo feliciter merear invenire Quod nobis omnibus praestare dignetur dominus Jhesus Christus Qui cum Patre & Spiritu Sancto est in perpetuum benedictus Amen AVE Maria mater Christi pia coelestis imperatrix ¶ Tristitia iva. Tu es virgo divina tristium in hac via clemens consolatrix Quartam tristitiam mater dulcissima tunc habuisti Quando dilectum filium traditum & captum audivisti Judei quibus multa et magna beneficia saepius exhibuerat Et gentiles quibus nunquam in aliquo molestus fuerat Pariter conglobati contra eum cum gladiis & fustibus exierunt Et tanquam furem & latronem ipsum ceperunt & ligaverunt Discipulus ille quem procuratorem curiae suae fecerat Ipsum infidelissime & fraudulenter per osculum tradebat Discipuli omnes qui se velle mori cum ipso dixerant Ipsum solum relinquentes omnes ab eo fugiebant Filius atque tuus solus ad judices est productus Et multis contumeliis verbis & verberibus est afflictus De platea in plateam de domo in domum ipsum trahebant Alaparum & colaphorum & sputorum mensuram non tenebant O quantam & qualem tristitiam pia virgo tunc habuisti Quando tibi tanta & talia de filio tuo nunciare audivisti Puto quod nulla mens ipsam posset excogitare Nec aliqua lingua ad plenum sufficiat enarrare Per hanc tristitiam mater clementissima rogo te Ora dilectum filium tuum Jhesum Christum pro me Quatenus propter captivitatem suam et ligamina suorum vinculorum Me absolvat a vinculo omnium delictorum meorum Quod nobis omnibus praestare dignetur dominus Jhesus Christus Qui cum Patre & Spiritu Sancto est in perpetuum benedictus Amen AVE Maria mater Christi pia coelestis imperatrix ¶ Tristitia va. Tu es virgo divina tristium in hac via consolatrix Quintam tristitiam mater dulcissima tunc habuisti Quando dulcissimum filium tuum in cruce pendentem conspexisti] When thow se hym pyned / sakles so many a folde And thow myght noght help hym / thyne hert was than fulle colde Hym see thow hange naked / withouten resonne or skille And thai ne walde noght lat the / with thyn awen mantel hym hille His thrist herde thow hym pleyne / with grettist doel and disese And with a leest watres drope / wold thay noght lat the hym ese Thow see his heved on the crosse / hynge doune most miserablye Bot with thi handes it support / tholid noght thaire harde Envye Thow herde scorne hym and jape / his foos innoumbrable wise And thow myght noght redresse / his wronges and iniuries Thow herde hym his goost commende / til his fadere on the crosse And was noght suffred gif hym / of luf a fynal kosse ffor thai ne wald noght thole the / come negh when he shuld dye ffor to close his swete eghen / als vse is moderfully Thow ne myght hym ese nor help / in nothing vtterly Yt eked Increased. alway thi doel / swete virgyne modere marie Be this doel I pray the / o welle of verray swettnesse Pray for me to thi son / Jhū lord of gudenesse Yt in the houre of my deth / his swete help I ne mysse And after this wricchid lif / he bringe me to his blisse Whilk thing graunt vs Jhū / for his grace & mercy With the ffader and the haly gast / o substaunce perfitly Amen HAYLE cristis moder marie / pie hevenyssh Emperice The vj doel Thow ert named virgyne dyvyne / of sorowfull consolatrice The sext doel alto thrast / thi tendre hert mekest ladye When thow thi son of the crosse / resceyvid so miserably When hym layde in thyn armys / modere of luf and mercye Colde, dede, bla, Blue. and blody / Joseph of Aramathye Hym yt thow bare in thi wombe / virginel joyfully Wounded dede in thi kne / halsid thow doelfully A newe sorowe and gemyng / wellid in thyn hert yrfore More than mans tonge can telle / & eure wex more & more How mykel modere of pitee / was than thi doelfulle pleynyng What flodes thurgh thyn hert ran / of trewest sorow and wepyng What hert brists noght to think / thi bas Base, low, weak. waikest shrikyng Othere rist was to the none / tofore thi son seen rysing So mykel sorowe and swilk doel / hadde thow than certes ladye Yt for thi son or with hym / wolde thowe haf dyed gladlye Thow langvised day and nyght / and to wepe neure cessing To whils the melliflowe presence / of thy son was wanting O godde harde and stonysshe / ware yt hert be resonne Yt of thi doel thus immense / shuld noght haf compassionne Be this doel I pray the / marie welle of swettnesse Pray for me to thi son / Jhū lorde of gudenesse Yt in alle my disese / he be my help and socoure And my sawle take to hym / gladly in my last houre Whilk thing graunt vs Jhū / for his grace and mercy Yt with the fadere and haly gast / lyves & regnes eendlesly HAYLE cristis modere marie / pie hevenynssh Emperice ¶ The vij doel. Thow ert named virgyne dyvyne / of sorowfulle consolatrice Thi sevent doel suavest ladie / was thi lange exilyng After thi son in erth / til his fadere ascendyng In langoure doel and disese / here was thi conuersyng Whils thow the desiderable presence / of thy son was wantyng O thyn hoege ardent desire / of his retournyng to the Without whame neure othere joye / nor comfort myght to the be Or who shuld thy langyng / after hym telle to fulnesse Whame thow conceyved virgyne / and childed without destresse O desire of desires / after his presence thinkyng To whame inviolat childid / thi maydenes mylke was fedyng How oft sith modere tendrest / soght thow the stedes of thi son Kyssyng halsyng ilkone / in wepfulle devocionne Alle places devoutly / thow visited of Jhū Whare thow hym virgyne conceyved / childid & hym dede knewe Whare he was taken and betrasid / scornyd, bonden offendid Bespittid scourgid and corovned / dede dolven and ascendid Thire stedes & many ane othere / ȝede thow oft dreryly Als sais Ephyphanius / twys twelve ȝere lastyngly Of oure Ladyes dwellyng in erth, after hire son Be this doel I pray the / marye welle of swettenesse Pray for me to thi son / Jhū lorde of gudenesse Yt I thi sorowes forsaide / be here so remenbring Yt with thi son and with the / my joye be eurelastyng Grauntyng the same Jhū / for his grace & mercy Whilk with the ffadere and the haly gast / lyves & regnes eendlesly Amen HERDE of the sorowes seven / of oure swete lady marie CAPIm. XLVm Now fylowes of hire seven joyes / to here consequently Hire joyes ilk cristen man / eght wele luf and honoure Yt when oure nede is grettest / sho be oure help & socoure And how this service hertly / is to gods modere greable In a preest ones devout til / hire is right notable A tale Whilk hire joyes to remenbre / oft vsed comfortably With orisonnes and with songes / at his myght devoutly This preest felle at the last / in a fulle grevouse sekenesse And his synnys remembring / he hadde grete hevinesse Allas I wricche, quod he, / what shalle I answere or say Tofore the juge all rightwyse / when he my lif wille assay Whare he shalle aske me reknyng / of alle my lyves dispence Of thoght worde, and of tyme / and my vile negcliegence And anone inprovise / he se the modere of mercy Whilk with gladde cherre and blith / til hym saide comfortably Joye to the son wele luved / be glade, the thare neure drede ffor here come I my self / til help in thi last nede Oft tyme greable seruice / has thow done me sothly So mykel honoure beryng / to my joyes bysyly ffor grete joye is to me / where my joyes ere in mynde Als in speche or heryng / or thoght with freendes kynde And for thow has thaym hadde / in thi mynde so trewly Now shalle I the rewarde / innoumbrable thovzandly Whare fore gude is hire joyes / we honoure with gude chere And with fervoure rede oft / thire Orisonne fylowyng here JOYE to the modere of crist / pie riche and delicable The first joie To thi joyes ware neure othere / in alle werlds comparable And thogh neure man suffize / Thi joyes to shewe be tale Als nowe ȝit I honoure / thire seven in speciale The first inopynably Inopinabilis. / ware ouere mesure to telle The j. joye How the Archaungel fro godde / grette the seint gabriel Yt godson hadde the chosyn / and liked onely to calle To take fflesshe of thi wombe / for be Forbearing, avoiding. othere wymmen alle Anone als thi swete sawle / to the message gaf assent Thi chastest bosme godson / conceyved the same moment Thus was thyn wombe sacrid / be the Arche of Sethym notid And thi sawle aldere blissidst / be the golden potte figurid In thilk Arche and the potte / was manna kept preciously And in the, the brede of lyf / crist was closid sothfastly The preostendid the ȝerde / whilk florisshed for Aaron And the figurid the flees / fillid with dewe for Gedeon Aarons ȝerde agein kynde / floured of gods special gyvyng And thow above kynde conceyvid / be the haly gast inspiring ffillid was the fflees with dewe / and the erth about aldrye So was thi wombe fulle with godson / neure othere there to worthye Be this firist joye pray I / the marie modere of pitee To Jhū crist thi dere son / forto beseke for me At my deth to be me / gladnesse and comfortyng And kepe my sawle fro the deth / secunde and eurelasting Whilk thing graunt vs Jhūs / for his grace and mercy Yt with the fadere and the haly gast / lyves and regnes eendlesly Amen JOYE to the modere of crist / be the sonne taknyd art thow ¶ The ij joye In diuers joyes and delices / for thyn incomparabletee now The seconde joye hadde thow than / message of gudliest gretyng When Elizabeth thy cousyne / thi graciousest enbracyng ffelt, and the son in hir wombe / made a strange reioying And thi sawle alderswettest / a magnyfy jubylyng Thi sawle aldere graciouseste / in godde thi salutere gladyng Thi swete movthe a newe songe / to godde of gods endityng And til a vesselle of bavme / was likned thi chastest wombe Redemptif bavme contenant / Jhū gods awen lombe Thow art the busshe fulle of fyre / the grenesse noght wastyng ffor thow was grete with gods son / and neure thy maydenhode lesyng Thow art the gardyn conclose / of swettest Aromatyze alle Of the whilk godde bare the kaye / fulle of delices ouer alle Abigael the Sunamyte / ladye portendid the Consoving Dauid in hire barme / and sauf hir virgynitee So norist thow in thi bosme / ix moneths the hevens kynge And thi maydenhode intacte / inmaculat eurelastinge ffor thus gret benefites / thanked thow godde plesauntly Magnificat, a newe songe / makyng propheticaly Be this joie seconnde pray I / the marie modere of pitee To Jhū crist thi dereson / forto beseke for me Whilk ix moneths restid / in thi chast wombe for evre To bringe me to yt rist / whare vnrest shalle be nevre Whilk thing graunt vs Jhc̄ / for his grace and mercy Yt with the ffader and the haly gast / lyves and regnes eendl[esl]y Amen JOYE to the modere of crist / swete flouryng ȝerde of jesse ¶ The iij Joye Paradys of alle delice / art thow proved forto be This was thi joye the thredde / als thorghe this werld is loos Famed. Thi puarpure Gravid? wombe childyng / godson intacte and cloos In the shette ȝate figured / shewed til Ezechiel Ezechiel, xliiij. And in the mountayn mirable / revelid to Danyel Danyel, ij. So thi wombe kept the Cloistre / of maydenhod crist childyng Godde oonely be yt shette ȝate / and vnbrosten passyng With out mans handes a stone / of the saide mountayn was shorne So crist of the vacant / touchyngs maritales was borne ffor als the sonne beeme passis / the glasse it noght hurting So was crist borne of the / thy maydenhode vnsheendyng Unharming. O godde what joye hadde thow / o modere swettest for fayne The fairest face oft lokyng / of thi son godde souerayne O what gladnesse inmese / hadde thow oft mayden mylde Thi fairest bristes bedyng Proffering. / to yt melliflewe childe O swettest of embracyngs / streynyng a son so dere Conceyvid of the haly gast / and neure of erthly man here O suave and swettest kyssyngs / of swilk a son singulere So lordfulle and so benigne / so myghty so ffamilere Be this thridde joye pray I / the marie modere of pitee To Jhc̄ crist thy dere son / forto beseke for me Yt after this lyf hym lyke / to his Realme me to bringe Whare I his delicable face / be euremore behaldyng Whilk thing graunt vs Jhc̄ / for his grace and mercy Yt with the ffadere & the haly gast / lyves and regnes eendlesly Amen JOYE to the modere of crist / sterne of the see lumynouse The iiij. Joye. ffulle of gladnesse art thow / bright and thorgh out radiouse The ferth joye hadde thow than / modere of souereyne swetnesse Of thi son be the thre kynges / hering so notable witnesse Whilk tofore hym knelyng / knewe hym both godde and kynge Encense and Golde, and mirre / to hym mystykly offrynge Whare thay felle doune auoueryng / thy son thire kynges thre Godde of lyve and verraye / shewed thay hym forto be ¶ Oblacionne of encense / to preestis is wont pertene Encense. Wharefore yt offring, thi son / a preest portendid to bene ¶ Dede mens bodyes to byrye / with mirre was the olde wonne Custom. Mirre. Whilk shewed for vs to dye / yt borne was thi dere sonne ¶ Offring of Golde some tyme / pertened to gift Reale Golde. Whilk offrande shewed thi dere son / to be a kinge potenciale And this king crist vsed / for throne of Regalie Thi swete bosme sacrid / virgynel eendlesly The mekest mayden thilk throne / figurede yvoriene On whilk the kyng wysest / Salomon to sitte was sene Thow art thilk Turtyle trewest / swete doufe Dove. with out galle Thow art glorie till aungels / and corovnne to seints alle Be this ferth joye pray I / the marie modere of pitee To Jhū crist thi dere son / forto beseke for me To grace haf here to lyve / vndere his luf and deffence And in the lif forto come / haf eure his swete presence Whilk thing graunt vs Jhc̄ / for his grace and mercy Yt with the ffadere and the haly gast / lyves & regnes eendlesly Amen JOYE to the modere of Crist / swete Rose with outen thorne The v. Joye. Thow ert of ligne Reale / gentilst to this werld borne Thi ffift joy modere vntacte / of inmense reioying Hadde thowe of thi dere son / in goddes Temple offring With joye isshed Issued. thow the Citee / of his swete birth Bethelem With joye hym for til offre / entred thow Jerusalem With joye in the Temple / of godde was thyn entring With joye of thi dere son / to godde made thow offring To godde qwhikke and verray / offred thow thi dere son than Whame thow his ffader to be / knewe and neuer othere man O godde how thi swete hert / was gladde inenarrably Thi son so noble a ffadere / to haf and so myghty Symeon with swilk desire / so lange hym abidyng Hym seen lyst here nomore / in this lif make dwelling To this joye come also / Anna the prophetesse And blissid hym & oolloved / with alle hire hertis gladnesse Alle yt ware negh laved Lauded. hym / and magnifiant blissid And hym seen with grete joye / and jubilyng reioyid Lady what joye was than / in thyne hert aboundyng The swilk a son of alle sons / to swilk a ffadire offring Be this ffift joye pray I / the marie modere of pitee To Jhū crist thi dere son / forto beseke for me Yt in alle my disese / he be my comfortyng And til his joye bringe me / yt neure shalle haf eendyng Whilk thing graunt vs Jhc̄ / for his grace and mercy Yt with the ffadere and the haly gast / lyves and regnes eendlesly Amen HAYLE marie modere of crist / pie dawenyng Aurora. delicable ¶ The vj Joye. ffairest and fulle of luf / and alle desiderable Thi sext joye swettest ladie / was this I vnderstonde Thy dere son yt was lost / when thow in the Temple hym fonde Whilk when thow hadde hym fonden / was to the subgit mekely Souereyn godde and thi son / and thow modere most sely O purest virgyne thow toke / be thi bright Chastitee The stereneste Powerfullest. vnicorne yt of / no man myght taken be A lombe made thow mansuet / of the stronge Lyon ferefulle And the Egle indomable / thow reclamed at the fulle Thow bande and thow ouercome / the wisest king Salomon Thow defovlid with thi feete / the olde cruwellest dragon Thow toke mayden solitere / the pellican of desert The Salamandoa soght to the fyre / of thi charitable decert Thow meked the felle pantere / mayden floure of myldnesse And the hoege olyphaunt / obeyide to thy mekenesse Thow made a ȝonge ffenix / of the oldest and bot one The ydicus . made a skippe / fro heven to the anone When yt hyeghest goddeson wolde / of the be incarnat And als a childe to the moder / to the be subiugat Be this sext joye pray I / the marye modere of pitee To Jhū crist thi dere son / forto beseke for me And in this werlde graunte me / to be so his subgit Yt he bringe me to the joye / eurelastingly perfit Whilk thing graunt vs Jhc̄ / for his grace and mercy Yt with the ffadere & the haly gast / lyves and regnes eendlesly Amen JOYE to the modere of Crist / piest qwene of alle heven ¶ The vij Joye. Thi sevent joye passis what hert / may think or tonge may neven Whilk souereyne Emperice / thow hadde in the last eende When thow both body and sawle / for eure til heven shuld weende And thi son in his Throne / corovnd the eendlesly With the corovne of his regne / after hym self most sely Thow was ffigurid some tyme / be yt welle aldereleest Whilk after growed rynnyng / forth in a flude grettest And als the grete king Assuere / meke Hester enhauncid So crist king the mekeest / in heven has the corovnid The wise Abigael also / some tyme prefigured the Whame Dauid for hire prudence / made his wif forto be So the king of heven chase the / his spouse and luf to bene His modere and his ffelawe / his Sistere and hevens Qwene And Salomons modere also / figured the resonably Whame he on his right half / sette in a Throne hym by The king of hevens so the / als modere to this joye mette And on his honorable right hande / in his Throne he the sette What joye ineffable hadde thow / O Ladye ffairest and heende Entring both body and sawle / in joye yt neure has eende Be this joye ineffable / qwene of heven I pray the To thi dere son Jhū / like the beseke for me Yt after this Exile he me / lede thorgh his grace benigne To dwelle with outen eende / in the Throne of his Regne Whilk thing graunt vs Jhc̄ / for his souereyne mercy That with the ffadere and the haly gast / lyves & regnes eendlesly Amen AND thus eendes right here / this ruyde Translacionne Off the boke named miroure / of mans saluacionne Jhū alle thas encreece / in his grace and mercy Whilk to lerne to do wele / heres or redes it hertly