(I)N þe tyme of l. when st. of. Costantyn þe Emperur gouerned þe Empyre in-to Biȝance cite, it be-felle þat he hade no chylde þat myght aft∣yre hym gowerne þe emppyre: & was to hym grete sore . Be days & be nyghtys to kyrke he come in fastyng & in prayng orysons, & be∣sekyng & askyng of god to luf hym & lenne hym a sone . And þus he went in þe kyrke þat was helowed in þe worchyp of þe holyest name of oure lord Jhesu Cryst Sophire, and in þe same kyrke he made ornamentes opon þe autyre of þis holy name, & oþer orna∣mentes be alle þe kyrk in-numerabul . So god, hawyng compassyone of hys mekenes, grawntyd hym a dogter . þe bechsop Teophile cal∣lyd-to after two ȝere he made hyre to be crystyned in þe same kyrke, and þe same byschop called hyre Sophie after þe same name Sophire. Ms. sophire Sophire, doppelt.

Þis same maydyn at þe age of ten ȝere was so wele lerned, þat all men spake of hyre prudence; for scho was ryght fayre of face & of feture . By-fell a day þat scho went forthe wyt oþer madyns in-to an orchard, for to ete appulles & for to drynk wyt þe same madyns of a welle . Reght as scho dranke, IX (nene) deuels in entyrde Ms. in entyrde, in ist wol zu tilgen. in-to hyre body, and onon scho ȝelled, as a beste or a lyone . þe toþer maydyns onon tok flyght & cryed wyt grete woyce: 'Grete Emperur, socur þi dogter!' þe emperur þis heryng, wyt all þat warne in hys palas, he comme into þe orcherd, & hely began to say: 'O þu schaper of heuen & erthe, byere-agayne of mankynd, so∣cure & helpe my dogter!' and began to go to hyre-ward, sayyng 'dogter Sophie' . And scho began to gnast wyt hyre thethe & gaf grete ȝellyng, & þan þe deuelles sesyd & were stylle.

Anone þe emperur tok Ms. to mit überschr. k. hyre be þe hand and ledde hyre in-to hys palas . & þan þe spretes mewed hyre, and scho gnew hyre tong & gnastyd wyt hyre tethe, þat noman myght halde hyre; & brak yryn chenes, & cryed as lyons, pardes & tygrys done: so þat alle men were adrade . þan þe emperur fulfyllyd wyt mekyl soro, lete make a cage of yren, & bonde þe madyn fast & put hyre þer-inne. So was scho þer-in fowrtene nyghtys, for dred of etyng of men & bestes, þat noman durst negh hyre . Bot god, þat wold not his madyn be parysched bot sawed, made þe deuels wyt-in hyre body to cry wyt grete woyce be þe mowthe of þe maydyn: 'Antony, þe harmet of Egypte, sall woyde vs hens, for he brynes vs eueryday' & þus þai cryd al a ȝere . Where-fore þe emperur wyt most sorow fulfyld, for he wyst neuer wedyre to send hys messyngers nor in wat party of Egypt þe body of hym to fynde; þe emperur enduryng long in þis thogh, sent for Teophile, byschop of Costantyno(b)le, & for alle þe wyse men of hys empyre, & enquered of þam dylygently were þai knew any scriptur of holy fadyrs & þe lyfe of saynt Antony Nach Antony ist þe harmet of Egypt auspunctiert., & in wat place hys body were beryed; 'ffor þis deuelles þat dwell in my dogter body, cry euer wyt-outyn sessyng: Antony, þe haremet of Egypte, he sall put vs hense' . þe byschop wyt all hys clarge & wysemen seyng þe sorow of þe Emperur, made bryng a-for þam all þe bokes þe wylk in greeo of þe lyfe of holy fadyrs & heremetes þai myght fynd . And redyng in þam, fonde of saynt Antony confessor & haremyte: how fro chyldyd he hade heloyd hys body to oure lord Jhesu Cryst, & comande hys brethyre, wen he dyed, þat þai suld bery hym so prewely þat noman wyste, sawe only god & þai, & þat body neuer ware fon(n)e Ms. foneie. . When þis thyng & oþer thyngys þai had fone wretyn of saynt Antony, of þe certante of h(is) Ms. h st. his. beryyng cowthe þai no-thyng fyndyn. þan þe same byschope in þe mornyng, comandyng pes, sayd: 'For it plesyd, my chylder, to saynt Antony þat no-man suld knawe þe place of hys beryyng bot onely god, þer-for, breþer, I comande ȝow to meke ȝow in askys & hayre, fastyng ilk-ane of ȝow IX days in alle orysons & drede of god, & wyt a woyse pray we to god þat he wowchesayf to vs, hys serwantys, to schew þat precyus tresure, & by hym þat he woche∣sayf to delyuer hys madyne Sophie, þe dogter of þis worthe Emperur, fro þis deuelles þat trawylyn hyre'. Endyd þe fastyng of IX days wyt all mekenes & dred of gode; for Cryst wolde no lengger so pre∣cyus a tresure bene hyd, bot þat all men in þe warled it suld be schewed & þe name of hym knawne vnto þe day of dome: reght a∣bowte mydnyght þer apered ane awngel to þe emperur & to þe byschop Teophile, sayyng to þam: 'Constantyne' . & he answerd: 'I here þe; wo ar þu?' 'I am Gabryel þe archanle, messynger of all∣myghty god; and for þu astandyd(!) Ms. a standyd. euer-more in þe precept of god, þi prayere es hard & now it as perchyd as = has, ms. perrechyd. heuen, & I am commen to telle þe how þu sall fynd þe body of saynt Antony & bryng it to Byȝance, to þe hele of þi dogter' . Anon þe emperur ros oute of hys bed & wolde af toched & felte þe angell; bot þat þe awngel wold not sofure . In þe commyng of þis holy aungelle Gabryelle, os þe same Emperur tolde, all þe palys was als lyght as þe sonne . And þan sayd þe angelle to þe emperur: 'It es not leful to þe to toche me, bot I am commen for þe hele of þi dogter . And þer-for, to-morne aryly calle þe byschop Theophile & send hym to-warde þe partes of Egypt wyt XII clarkes relygyous & dredyng god. & I wyl be wyt hym algates, & þai sul not dredyn þe tempest of þe see' . & þe same way he told byschop Theophile, & þan he wanysched a-way. As sone as þe emperur rose, he sent for þe byschop Theophile & told hym & þe clarkes of hys cyte how þe aungell had tolde hym be vysyon; þe same told þe bischop Theophile . On þe morne þis byschop wyt XII clarkes relygyous entyrd a chyppe syngyng & sayng 'lorde, be oure lyght & oure hele, whom we drede', & so saylyd þai forth to-warde Jerusalem . þai had a ioyfull wynde, and nothyng was to þam contraryus . Aftyre þe seuen days þe wynd cessyd, & þan þai began to row, to þer strenght fayled þam . þan þe byschop began to comforte hys breþer, sayng: 'Breþere, dred ȝow not! god es oure helpere, schypman & gouernour; & se, a wylfulle wynd sal apere to vs'. Aftyre oþer VIII days þai come to Jerusalem, & worchepyd þe holy resurrectyon & þe cros; after þai ȝode to Bedlem, and worchepyd þe holy crasche. & þan þai blyssyd þam & entyrd in-to þe cyte of Alysaundyre, & after, wyt marchandes of þe same cyte, þai entyrd Libie, þe way of XX^ti days, to þe flode of Nyli, in a strete þat es called Ephesos, in þe partes of Egipt . & þare þai spered of þam were saynt Antony wyt hys brethyre in þe serwyse of god were wont to dwelle . And þai answerd: 'In a hyi-wode he dwelled long tyme, weydyre ȝe af ȝit XX^ti days iornay & fywe, & be all þat way sul ȝe fynd non abytacyon bot dyuers bestes infinit'. þai onon crossyng þam wyt þe sene of þe holy cros, þe day foloyng þai tok þer iornay, sayng: 'Lord, ryse vp & disparpil þi enemys, & all þa þat haten þe fle þai fro þi face!' After thre days ende þai comme to scharpe & hey mountaynes, & so þai ȝede þe way of XX days, euer emong lyons, lyberdes, tygres, beres & vnicornes, & euer throght þe holy name of saynt Antony þai went vn-hurte . At þe last þai come be an harmy∣tache & beholdyn it fast, þe wylke saynt Antony fyrst made; & þan cowthe þai no ferre . Agayne þam come a holde man of full grete age, clere of face & fare of chere . & wen þai had kyst to-geder, he tok þe byschop be þe hand & went wyt hym to þe ȝate of þat her∣mytage . þane þe byschop Theophile sayd to þis olde man: 'Wo sette fyrst þis place & ordande it, & wo es lord here?' And he gaf hym none answere, bot wyt hys hande made a sene of pes—þan vnder-stode þe byschop þat it was þe rewell of þe house, & char∣chyd hys brethere to kepe þer mowthes fro spekyng; and onone þis olde man wanyshed away: þe wyche was saynt Antony, as þe byschop knew after be rewelacyone . Wen þis amonyssyngys were done, anon come out of þat harmytage twenty freres, wyt wolne copys, wyt crosses & encense—ffor god be rewelacyone hadde schewed þe comyng of þam; syngyng wyt ioy & sayng: 'Go a pylgrimage, ȝe chosyn men toward threwthe, & we sall syng & ioy to god, oure saweoure'. And þis endyde, þe pryor of þat wyldernes kest þe byschop Theophile & hys brothere be ordyre . Made & endyd pes betwene þam, þai led þam Ms. ledyn, mit überschr. a, statt led þam. in-to þe kyrk of þe harmytage, & in þe cloyster þai begunne to wasshe þe fete of Teophile & hys brethere, & song: Maudatum nouum, þat es to say: 'A new mawndment I gyf to ȝow: þat ȝe lufe to-gyder' . Wen þis was done, wyt gret sylens þe prior ledde hym in-to þe fratur, were þai suld ete, &, þe belle rong & handys waschyn, he made þam to sytte. Efte-sones þe belle rong þe secunde tyme: þer rose on vp of þe brethre of þe hous & sette brede on þe borde, of merwelus whytnes, & herbes & rotes of wunder Ms. undeutlich. sawour . þe hermytes sytte wyt þer gestes meynged . þe belle rong þe thyrd tyme: water was gyn þam to drynk . And wen þai had dronkyng = dronkyn, part praet. thryse, þe prior rong þe belle: and þan al þe brethyre wyt grete meknes & sylens & hewenes rysyng fro þe borde, & went in-to þe kyrk; þe holy fadyrs go before, & after þam þe prior & þe byschop, syngyng & sayng: Myserere mei deus, vnto þe ende, be ordyre . Wen þai were entyrd in-to þe kyrke, and endyd al þer ofyce þat es called post commestionem, þan þe pryour sayd to þe byschop: 'þe water þat ȝe drank at þe mete, es of a welle ordand to vs of god, hawyng al gode sauour. þer es anoþer welle besyd vs hawyng thykke water, & þat god ordan for oure fader Antony, & of þat bene wassyn þe fete of oure brethyre and of oure gestes, for euer a day it es hote(?) . þere Ms. þere st. þe? loues þat ȝe saw afor vs, it es wnknawne to vs were þai bene bakyn, bot þis we knaw þat euere day þer comme to oure celare two lyons, þe wylk were wyt saynt Antony to dygge þe pytte were þe body of saynt Paule, þe fyrst hermyte, was beryd, & bryngys vs als many loues as suffyce to vs & al oure gestes . An þus oure fader Antony ordaned & dysposed, wen he fyrst sett þis place, and ordand vs here fowre & twenti brethyre . One pasche-days & on sonondays & on oþer solempne days oure loues ere dobulled & broght be þe same lyons. On þis maner as ȝe af hard, fro þe tyme of oure holy fader Antony vntill þis tyme myrabulle god as fed vs . Wen we comme to þe kyrk to syng oure messes, þe lampes in oure kyrk, þe wylk saynt Antony made in þe worchep of oure lady, bene lyght, & fro þe morne to þis tyme þai be not lessed'. þis done, þe prior wyt gret sylence sayd to þe byschope Teophile: 'lat vs say ewensang'! & wen þai hadd sayd, he gan to beholde þe kyrk þat saynt Antony had made, how wonderfully it was made . It was made of stones, & no tymbure, & sqware, & þe cloyster bysyde þe walle of þe kyrk. & þe kyrk was of mesure twyse so long as brode, & it had two wyndows afor þe auter þat was in-myddes, & two befor þe auteres þat were syde Ms. syde = a-syde., and þe auteres Ms. ati{er}t{er}es. were of crystalle, and foure & twenti stalles be-for þe auter; bot þe prior sete was heher þan þe toþer, wyt dyuerse precyus stons & margarites onourned Ms. onoureed., & wyt wonderfulle warke sett; it was sett betwene two queres, wyt grete ornamenttes made fayre . Nowþer Ms. nowyre. in kyrk noþer in al þe harmet∣age no sownd no woyce was hard, nor noman so hardy to spek wyt-outyn þe prior leue; bot wen any thyng was nedful to any brothere, he went to þe prior, knelyng and bowyng hys hede wyt all reuerans, wrytyng in a payre of tabulles wyt a poyntell thyngys þat were necessary to hym. He, os a gode fader, þe ensampull of hys holy fadyre Antony holdyng, to euere man deliuered þat was nedefull to þam . þan þe byscop Teophile sayde to þe prior: 'How may in manky(n)d be so contynuale sylence as I af sene emang ȝour breþer?'. þan þe prior sayd: 'Fader, I knawlege afor my saue∣our: fowrty ȝere it es, sene oure holy fader Antony past away fro vs and put vs here, were nomans woyce we heryn bot oure awne wen we say oure serwys' . þan sayd þe beschop Teophile: 'Es it lefull for vs to be here wyt ȝow, & þe wyll of god?'. & þe prior sayd: 'Whi as as = askes. þu me, fader? I af consaywed þat god has schewed to þe wat þe behowes to done or þu comme here; & wen þ^u as done, it behowes þe & þi breþer to turne home agayn'. Os þai stode þus in spekyng, þai saw a byrde wyte as snaw, bry(n)gyng Ms. brygyng. in hys mowthe lyght fyre, commen in at a wyndow, & lyghtyd alle þe lampes befor euery auter in þe kyrk, & þan past away & left þam burnyng . Teophile, þis seyng, askyd þe prior wat it mente . þe prior ansswerd: 'Wyte ȝe wele þat euere pasche-day & euere fest of oure lady & in þe fest of oure holy fader Antony & in þe fest of þe apostylles he doys þus; þise & oþer thyngys he doys'. þe byschop Teophile began to telle þe cause of hys iornay, & how he was sente fro þe emperur of Costantynobull for hys dogter þat was trawyll Part. praet., = trawylld. wyt IX deuelles, for hyre delyberacione: 'for þe spretes af cryed þat þai wyld neuer ouwte Ms. ou wte. of hyre body, to þai se þe body of saynt Antony at Costantynobul. And here-fore be we com∣men & now as Ms. we as, we scheint auspuncliert. rowed þe partes of þe see & of þe land; & ȝit fynd we noman þat can tell vs in certayn were þe body of hym is. Bot ȝe, serwantes of god, rew on vs, for þe pyte of god, if ȝe any thyng know of þe tombe of þis precius confessour, þat ȝe teche vs; þat be ȝow we may fynde þis precius tresour & ȝeld thank∣ynges to almyghty god'. þan þe prior ansuerd: 'Fadyres & breþer & serwantes of þe hey god, vs oure lord has put in þis place be praere of saynt Antony, to kepe lyfe vntyll þe day of dome . And he paste away fro oure predycessours wyt two of hour breþer, hys dyscypulles: þat es to wytyn wyt Hyllary & one þat was called Priour, and wyt þam he orda(n) Ms. orda. by Egypt twelfe minsters; & in turnyng-agayn he dwelled in þe partis of Syphie Ms. syphie st. Libye? in an orybulle and grete wyldernes be-syde Egypt, were saynt Antony ordand ane oratory & many celles, & þer he dwelled wyt hys breþer . Bot wen hys olde membrys were dysturbulled & comme to hys laste days, we reden þat he commawnde to hys two breþer þat noman bot þai suld knaw þe place of hys tombe . Bot long-agone þat place es dystrued wyt thewys, & we knaw nothyng ferrere, bot god of hys grete mercy mak to ȝow rewelacyone . Lat vs abyde to-gedyre thre days & thre nygh in orysons, & pray we to god þat he woche∣sawe to vs, hys serwantes, to schew vs þe way to þat place were es put þis precius body' . And so it was done . þis fastyng endyd wyt all orysons & mekenes: wyls Ms. wyle oder wyls? þai wer at messe, þe aungell Gabryel comme wyt all bryghtnes & suetnes, holdyng a bille in hys hande, & lete it fal on oure lady autyre, wyls Ms. wylk. þai stod þer before þe prior; and þai alle þat stod abowte, for drede of þe aungell þai fel doun growelyngys to þe grownd, lyk dede men . And þan þe prior of þe mynster sayd to Teophile, þe byschop: 'Take þis letter &, wat es wretyn þere, do it be order! for ȝoure prayere es hard'. And þus þe aungel, seyng þam alle, styeng to heuen . And þan sayd þe prior: 'My breþer & my fadyres, þis wysyone þat ȝe af sene, was Gabriel, messynger of þe hye god, þat apperd to vs and has gyn vs þis letter, þat ȝe blys ȝow wyt þe sene of þe holy crose & þat ȝe gone ȝoure way ordanede: for god sall be wyt ȝow & ful∣fyll ȝour desyre . & þer salle appere to ȝow a bryght starne & go befor ȝow, & stande stylle obowne þe place were es beryd þe body of saynt Antony. And þer wyt prayers dygkyng = digging., & ȝe salle fynde þe body of hym, famed wyt-owtyn ende, sal be enhawnsed & euer renewed(!) be alle þe warlde . For slyk a grace god has grawntyd hym, þat, wo-so-euer askys any þing of hym reghtfully, he sal hafe hys bone; anoþer grace god as grauntyd hym: to sawe all bestes fro all maner sekenes' . Wen þis letter was red & messe done of þe prior, þe byschop Teophile wyt hys breþer, blyssyd of þe prior, toke þer lewe, makyng in þer forehed þe sene of þe cros, & passyd forthe . þan appered to þam a fulfayre bryght starne, as þe sone, and went before þam; & a woysse þai hard þat sayd: 'Sew þe sterne!' And þus þai foloed þe sterne, euer besekyng þe helpe of al-myghty god, wyt teres & cryyng . So went þai forthe, be scharpe ways and hie hylles, to þai comme to a plane place, full of herbes & appulles of wonderly sawour; and of þam þai toke and hete = ete., & ȝeldyd thankyng to god . After-ward þai tok þer iornay be-twyxe hie hylles & gastfulle, were entyrd no sone, nor tre growyng nor greys; bot serpentes & dragons in-numerabul, lyons, tygres, pardes, muys(!), as wlues, coccatryces, aspes & vnycornes, & oþer wylde bestes þai fonde & se, þe names & þe kynde of wam þa knew not; bot, þe powere of god helpyng, þai past away vnhurte . þe sterne fro þam neuer sessyd . After xix st. six. days paste, þer come in þer nose a stynk∣yng sawour, so intollarabull þat þai fell to þe grond lyk dede men; and þan þai prayd þat god suld take þer saules . Wen þai rysyn, þai se a grete lake, & a grete multitude of serpentes fyred, & þe sawles of men wyt all þe bodys wyt grete dragons swaloed. Of þat lake comme oute gret lamentacyon & soroyng not a lytyll; and a woyce obowne sayng: 'þes es þe place of payns Ms. of payns of. at þe day of dome, in þe wylk sal be turmentyd all men þat af for-swo(r)ne Ms. swone. Cryst & not kepyd hys commamentes' . þai heryng þis woyce, þai were agast; bot þai passed vnhurt . Wen þai had paste after-warde þe iornay af fowrte days, þai comme to a merwillus place & to a lyt∣ylle feld, bot full gloryus, þat was ful of all maner of appulles & frote & all swet sawoure. Opon þe wylk place þe starne þat ȝe(de be)for Ms. ȝe for st. ȝede befor. þam, stod vnmewebull, and a woyce come to þam & sayd: 'Dygge here! & ȝe salle fynd a precius tresore'. þai knew not in wat parte of þe feld þai suld dygg, and so Ms. so oder se. a wyte byrde as snaw, wyt a rede bylle, apared & sate opon a tre, þe wylk was in maner of a toute Ms. toute.; & þere welled oute a plentyuous welle of alle maner of god sauour, and als swete as pyment . & þis byrde sowne began to schoder hys we(n)gys Ms. wegys., as sacryn belles as wo say, & schewed þat þai suld dygeg = dig. þere . þan þe byschop Teophile wyt hys clarkes fell downe in prayers . At þe laste þai harde oure þam mery songes & felt swete sawour; and wen þe byschop lyftyd vp hys hewed & lokyd in-to heuen, he saw saynt Antony emong aungelles standyng & prayng for all synfulle men. And þan þe byschop thankyd god sayng: 'God makere & schewere schewere of alle hyd thyng, þu knawes þe cause of my iornay; I beseke þi mekenes & þi maieste þat to (me) me fehlt im ms., most vn-worthe synfulman, for þi grete mercy wochesawe to schew me þi priwyte, & send me sum socour, be þe help of wham we may dygge & fynd þis tresore I aske'. And wen he had þys prayd, on fere þer comme two lyons rennyng fro a party of þe wyldernes. & wen þai se þam, þai were agaste; & þan þi toght = þai thought; þi st. þai auch z. 41. on god, & þare dred past away. & þan þer comme a smoke of swete sauour opon þe place þer seynt Antony lay, & semyng to þam it tutchyd heuen. þis lyons fawnyng wyt þer taylles, layd þam downe at þe fete of þe byschop and cryed wyt grete woyce, as wo say = as who sayd. þat þe byschop suld commande þam & theche þam were þai suld dygg . þai one began to scrape þe grounde & of stryfe um die wette. dygged. Wen þai comme wele depe, þai were not bolde to scrape fere, dredyn = dredyng. for to touche þe holy tresoure . þan þe byschop wyt hys clarkes enteryng in, he fonde a stone & a grawe, in þe wylk was wretyn wyt grew letteres & ebrew: þat þer þe body of saynt Antony, wyt Hyllary & Pryour, hys dyscypulles, was beryd . þai redyng þis scripture, were ful∣fyllyd wyt mekylle ioy. & obowne þam þai harde a woyce of aungel∣lys syngyng & prayseng god . & as þai raywyd vp þe stone, slyk a sawour comme emong þam, þat þam thoght þai ware in paradyse . Wen þis precius tresor was fone, it was clothed wyt hayre made of leþer, & obowne wyt a clothe of palme won = wound, vgl. fon, bonne., þe wylk Paule þe fyrst hermete made . þan þai raywed vp þis precius tresour, þe thyrd Jdus of Juny; & all þe cuntre saword so swete: no-man can telle; & þe lyons wold not depart fro þe body . So þai raysyd vp þe body wyt ympnes þe way þai Ms. þat st. þai. comme, þai turned agayne . þus wyt þis holy body, & wyt þe two lyons, þe sterne leder Absolutes subst. st. part., þai beturned agayne to þe forsayde hermetage, wyt full grete hele . þe prior of þe her∣mytage wyt hys brethere, wyt cros, encessores & holy water, wyt spalmes = psalmes., orysons & alle reuerance þai comme a-processyone agayne hys holy body . And onone fywe mesylles come & besoght saynt Antony of helpe; & wen þai were broght to þe bere and blyssyd wyt handys of saynt Antony: þai were all hole, ȝeldyng thankyng to god . þer þai left þe clothe þat was wone obowne wyt palmes. & so þai toke þe blyssyng of þe prior & of hys brethyre & wyt þat holy body paste forthe on þer way, & two brethyre of þe same hous foloed þam . & wen þai had paste þe iornay of X days, be-syde a pathe þai fonde þe bodys of two men, slayne wyt wyld bestes; & wen þai se þam, þai were sore a-drede . And þan þi toke þe bere & put it opon þe ded bodys, & Teophile sayd: 'In þe name of Jhesu Cryst & of saynt Antony, ryse vpe!' And onone þe ded men rase, & felle on þer knes, & began to telle how þai ware ledd wyt deuelles to þe place of paynes, 'bot be þe prayere of saynt Antony we bene delyuered & sawed'. Bot wen þe byschop Teophile asked þam to wat place þai were led, þai weped & sayd: 'in most stynke and fyre we were put, & all oure saules brent'. þan þe byschop wepe & sayde: 'Wo to hym þat kepys not þe lawe of god: þeder he salle be sent'. Forthe þai past, wyt þe two lyons & wyt þe two men at at = þat. saynt Antony had raysed, þe iornay of XX days, be hye & charp hylles, fyndyng many wyld bestes: lyons, tygrys, pardes, bers, dragouns; & euer þai past vnhurted, be invocacyone of þis holy name Antony. & þus come þai to flood Nili, besyde a strete þat es called Ephesos . In þe same strete was a strong man, Danyel be name, nere of þe kyngys kyn, trawelled wyt deuelles, & alle hys body bonne = bound. wyt chenes of yryn . He heryng of þe commyng of þis holy body, he brake oute of þe handis Ms. handes? þat helde hym; he ran to þe flod of Nili, & þare stode stylle, & þe deuelles cryed wyt he voyce: 'Antony, turment vs not so strongly!', & Daniell cryed wyt clere woyce: 'Holy fadyre & confessour Antony, turment not, bot vnbynd me wreche, vnbynd me caytyf!'—so of o mans mowthe many & dyuers wocys cum owte . & a wonderful cry was hard of þe pe∣pulle, & be þat woyce þe populle knew þat þe body of saynt An∣tony was þere; bot weder Danielle was runne, þai wyst neuer . And onon as he tuched þe bere of þis holy body, he was heled . & þan þe deuelles cryed: 'Antony, wy puttes þu vs out fro houre hous?' & þus þai cryed in þe ayre: 'Here he gose þat vs turmentys', & euer þai cryed: 'O Antony, wy wylt þu turment vs so sore?'. þai in þe castell, heryng þis, more & more þai dred þam, and come oute ilkone þare as þe holy body was; and þai se þe byschop Teophile & hys breþer & þe lyons wyt þam. þai askyd wat þai were . þe byschop ansuerd: 'We bene messyngeres of þe worchepfull Emperour of Constantynobulle, & we af well nere serched all þe warlde for a pre∣cyus body, & here we af it wyt vs'. In þe men-tyme þer comme a woyce fro þe castylle þus sayng: 'Helpe & socor! for ten wolues af endyrde þe castelle & slayne alle þe bestes þer-inne & borne away fywe lytyll chyldyre wyt þam'. þan all men ran to þe castelle, & cryed on saynt Antony: and þe wolues, asse þai had ben reson∣abull bestes, fel downe befor þe bo(dy) Ms. bo. of saynt Antony, as þai had askyd forgyfnes; & alle þe bestes were heled, & þe chylder vn∣hurte. And þan þai ȝeldyd Ms. ȝel∣dynd st. ȝeldyd. thankyng to god & to saynt Antony . Onone þai entyrd þe see and rowyng wyt gret trawayle, þai entyrd þe hawyn of Alysawnder . And þer felle a gre(te) erethe-quake, and deuelles cryed in þe ayre: 'Turment vs not, holy fader Antony!' Onon all men of þe cete rynne to þe hawyn of þe see & fonde þe chyp in wylk þe holy body lay; al seke men comme & tuched þe bere: & þai were heled of wat sekenes þat euer þai had, & þer to many defmen he sent heryng . Teophile þe byschop comme out of þe chyp vnto þe land, and onone þe fame of saynt Antony began to grow into al þe land of Alysaunder. In þe same tyme Effron, þe sone of a knyght, Madian, of Alysaunder, was acused of a felony & broght befor þe Justyse, and forjugged to dede . And wen he was ledde toward þe hangyng, hys fader & hys moder & all hys frendes & alle þe men of þe cyte cryed: 'Holy fader Antony, socour & help þi serwant Effron & delyuer hym fro þe handys of þe curced Justys Mandabare, Justise of Alysawndyre'! and þus þai cryed on knes befor þe holy body . Mandabere commaunde hys minystrys þat þai suld hange hym on most hee galous . And euer as þai hang∣gyd hym, hys mowthe neuer stynt bot þat euer he cryed: 'Holy Antony, help!'; hys fader & hys moder & hys wyf & alle hys frendys & cosyns knelyng wepyng & euer cryyng: 'Holy fader An∣tony, socour & help þi serwant Effron, not gylte!' So þai lefte hym þer hyngand & turned agayne into þe cete . Hys fader & hys moder & hys wyfe & hys cosyns and hys oþer frendes after VIII days & VII nyghtys went to þe place were Effron was hangged, supposyng hym lyme fro lyme wyt wylde bestys al to-drawn & hetyn . And wen þai comme nere, Effron wyt meke praere cryed & sayd: 'Fader, reu sone & delyuer me fra þis galowes!' Ms. galowed. Onone as þai hard hym spek, þai made grete noyse for ioye; and euer nare = je näher. þai come, þe faster he cry Ms. cry st. cryd.: 'Help me & departe fro þis galowes!'. þan þe fader cryed wyt grete woyce: 'Lyffes my sone, þat es þe lyght of myne hene?'. þe wylk answerd & sayd: 'I lyfe, fader, for sothe; sen I was here hanged, saynt Antony, whom ȝe alle prayd, has haldyn me vp be þe here, & a felaw he had wyt two wenges and a fare face, þat halpe hym. & now es VIII days gane & VII nyghtys þat I af hanged here, and noythere ette nor drank, bot I af bene fulle-fylled wyt þe wordes of hym; and so to hys creatour & to say(nt) Ms. say st. saynt. Der text ist hier verderbt. Antony, throwgh þer praers I was safede fro þat fowle dethe, ȝeldyng thankyng' . And þai cutte þe galows all on-pese . So wyt grete gladnes & reuerence wyt Effron þer þai turned to þe hawen of þe see, for to se þe bere þare þe holy body lay, & þer ȝeldyng Ms. ȝeldyngys st. ȝeldyng. thankyngys . And wen þis tythyngys ware tolde to Man∣dabere þe Justyce, onone wyt all þe cite he comme to þe hawyn . And he seyng Effron whom he had garte hang, he begane to aske & sayd þat he suld telle hym: 'who was so harde to take þe downe & delyuer þe?'. And he wyt mylde voyce answerd & sayd: 'Wen I was hanged, þer come to me a nold man of grete age, wyt a long berde & a whyte, & sayd to me: "drede þe noght, for I am he þat þu ast cryed aftyre" . When I asked hym wat e was & wene he was, hansured Ms. hansured st. he ansuerd. & sayd: "I em Antony, þe serwant of hour lord Jhesu Cryst, after wham þ^u cryed so faste" . And a felaw he had wyt two weyngys, þat held me vp, þat I feled no hurthynk = hurtyng. nor hungure Ms. hungurure.. So þis VIII days & VII nyghtys I af bene mete-les, bot fed wyt þe grace of god & saynt Antony.' When þi(s) Ms. þi. thyngys were hard, þe byschop of Alysawnder put of schoes & went barefote (to) to fehlt. þe bere where þe holy body of saynt Antony lay, & knelyng he prayed þat he myght af þe body in-to þe cite . And callyng to hym XL rely∣gyus men & dredyng god he sayd to þam: 'Takys þis bere & beres it in-to cite!' Wen þai went to þe bere and wold af tutched it, onone þai fellyn downe to þe grownde, & sewen houres þai lay as dede men. And when þe Justys saw þis, he was þe more aferde . Bot wen þe bere was put on þam, onone þai rase a-gane; bot þai durst no-more tutche it . þan þe Justyse prayd þe byschop Teophile, summe thyng of þe clotheng of þis holy fader mythg be gyn to þam . And þan he toke hawndele = haluen dele. þe clothe of saynt Antony & gaf hym; and þe Justyse resaywed it wyt grete reuerence, and turned agayn in-to þe cite, and onone made a grete orytory, of wonderful wark, in worchyp of saynt Antony, in þe wylke þe name of hym es worcheped & in-hawnsed & praysed wyt-owtyn hende . þan þe byschop Teophile wyt hys brethere & wyt Effron & wyt þe two lyons, ympnes & lowyngys syngyng, begunne to row toward Jerusalem; bot dewelles in þe ayre ȝellyng & cryyng: 'O Antony, turmente vs not so sore; rew on vs, for þi fyre scharply burnes vs.' And þus þai come to Jeru∣salem. And þare þai fond a blynede man & crokyde standand be∣syde þe cete in a haye-strete & begged . Wen he harde deuelles cry be þe ayre þe name of saynt Antony, as sone as þai comme nere hym, he began to cry & sayde: 'O holy saynt Antony, gyf my heene seyng & my fete goyng!' & he stented notht Ms. eher notht als nocht. hys cryyng . Wen þe bere of þe holy body drewe nere & he tutched þe clothe in þe wylke was wone þe holy body of saynt Antony, & þe byschop hadde anoynted hys hene: onon he saw & went . And onon he ran into þe cyte & sayde: 'Here commes Antony, heled me' . So al men ronne oute of þe cyte, & fonde hym noght, & were fulle sory . And so þai went alle nyght, and euere hard oure þam full swete songes and woyces of aungelles, & it semed to þam as þai warne in para∣dyse; legyouns of aungelles euere song befor þe body. And so þai dyde many iornays to þai comme to Colayne; bot euere-man þai heled be þe way. & þere þai fond schyppys, goyng toward Costan∣tynobulle . & þai called þe ductures = ductores. of þe schyppes & sayde to þam: 'Brethere, we wyll go wyt ȝou to-ward Costantynobulle, and bere wyt vs a grete tresour, for þe wylk ȝe sall af a grete reward', & so þai gaf þe schypmen a C & twenty besawntes of gold. & þai bad þe byschop & hys brethyre to go to þe schyp . Wen þai had borne þe holy body in-to þe schyp and began to rowe, deuelles cryde: 'Holy Antony, torment vs not, bot sofure vs frely to go away!' When þe schypmen hard þis, þai sayd to þe byschop & to hys brethyre: 'Why af ȝe heled fro vs þis precyus tresor? We bene hy(s) Ms. hyserwantes. serwantes, & many tymes we af called on hym in grete temppes = tempest. & flodes, & he as apered to vs opon þe mast & we af sene hym, & he has rewed opon vs; & þer-for ȝe suld not hele hym fro vs' . & þan þai toke þe byschop hys mony agayne . And onone þe schypmen mad grete serges & candeles, & lyght before hys holy body; & euer þe deuelles waymentyn & cryyng in þe ayre . Wen þai were all entyrd in-to þe schypp, þe schyp departed fro þe land wyt-outyn trawylle . & when þai were in þe hee see, slyka temppest fell, þat þai were all in dyspar . Bot all þai cryed on saynt An∣tony & worscheppyd hys holy body, & sayd: 'Succure þi serwantes, holy fader Antony!'. & onone saynt Antony apered in þe former parte of þe schyp wyt a fayre face & holdyng a stafe in hys hand, comfortehyng Ms. conforte hyng. & sayyng to þam: 'Here I am, drede ȝow not' . And onone þe tempes sessed, & gret tranquillite & a nobul wynd comme . And so þai rowed thre days & as many nyghtys, & þan come a storme wyt wynd & drofe þer sayll in-to þe northe . & þan was þe byschop in grete dyspare, & þan he felle on hys kenes kenes = knes. befor þe holy body & sayd: 'Holy fadyre Antony, delyuer vs & reght ways schew vs, & forsake vs not!'. So was þer schyp borne fwrte days, agayne þe wyll of þam, towarde þe northe, no ryght way haldyng toward Constantynobul. At þe ende of fowrty days þai saw fra fere a grete Ile, gastfull & stany, & few tresse, and it was ful of smythes . And a voyce comme to þam: 'Drede ȝow not, bot nyȝt nyȝt = nigh, come near. not þis Ile!'. & as þai paste a stons-cast þer-fro, þai harde grete thunderys, & it semede to þam þat all (þe) Ile mewyd . þan þai rowed fast, & blessed þam . & onone þai harde grete noyse of hameres & many felde smythes to-gedyre . & þan þe beschop Teophile fel don on knes to saynt Antony & sayd: 'Holy fader Antony, delyuer vs troght þi prayers fro þis Ile!' And onone XII of þat Ile come owte, & were grete & of þe heyght of ten fote, blake & burnyng . Wen þai see þe serwantes of god passyng be þe Ile, þai beganne Ms. begunne? for to rare, turn∣yng to þare crafte agayne . & þai and and = on. schyp blyssed þam, & rowed away fast . And onone þai see comme of þe habitatowres of þat Ile a C & fyfty, brynggyng tonges in þer handys & fyre forkes wyt fyre maces, & felle opon þe serwantys of god & wold af burned þam . Bot a aungell was vnder þe bere þer þe holy body lay, & smote þam done & brynt þam;—wen þai felle in-to þe see, all þe see semed of fyre . & so all þat day, as þai rowde, þai harde gret lamentacyon . So rowd þai forthe afterward in pro(s)peryte Ms. properite. fowrty days & als many nyghtes, euer ȝeldyng thangkyngys to god þat delyuered þam fro þe handes of þer enmys. And þus entyrd þai þe hawen of Cal∣dews; & euer deuelles in þe ayre cryed: 'O saynt Antony, turmente vs not so sore!' All men of þe cite rynnyng to þe hawen & tucchyng of þe bere of þe holy body, þai were hole of alle maner of sekenes; þer he gaf blyn Statt blynd. men þer syght, crokyd men goyng, to many defe men heryng, & to many men speche, & many men trawyld wyt dewels were delyuered . & so past þai fro þens & come to Sofas . And onone all men of þe cite comme to þe hawen, wen þai harde þe cry of deuelles in þe ayre 'Here passe Antony, þat turment vs'. þan was þer a grete man in þe cyte, þat hyght Frondere, hawyng a sone, wase name was Abaron, borne wyt a face agane þe kynde; & fel don befor þe bere of saynt Antony, prayng to socure hys sone . And als sone as he rase fro hys oryson, hys sone face was all hole . þan at last be þe grace of god þai come to þe cyte Taurium, fast be Costantynobulle, & þan men of þe cyte rennyng þai comme to þe hawyn . þan alle þo deuelles þat were in þe body of Sophie, þe Emperur dogter, cryd be þe mowthe of þe maydyn & sayde: 'lo, now he es nere þa(t) Ms. þa. salle woyde vs hense'. & wyt grete Ms. grete wyt woys. woys þai cryde: 'O Antony, why heestu þe so faste hedyrwarde ffor to delyuer vs fro houre habitacyone, in þe wylke we af dwelled þis sewen ȝere? bot heie, & turment vs not so sore' . þe Emperur Costan∣tyn heryng þis, made schyppes to be redy wyt alle maner of myn∣strylse, & alle þe clarkes of þe cyte in Ms. & statt in. westementes, wyt crosse & orysons, psalmes & incense & haly water Vgl. , & went to schyppe & began to rowe agane þis holy body. Wen þai see þe schyppes of fernes, þai lyfte hee vp þare handes & cryed on hys holy name, sayyng: 'Rew on vs, lorde, rewe on vs, throght þe prayers of saynt Antony, wohm we af lang abydene, and schew vs of þi merwelles!' When þai comme nere, and had kyst þam, þan sayde beschop Theophole to Const(ant)yne þe Emperur: 'In gode tyme consaywyd þe þi moder, þat þu deserweste for to hawe so precyus a tresour . Take to mynde how gret benyfyyng god has gyne to þe in þis warlde, comen now for þi dogteres sawe' . And þer þe Emperur kneled down, bare∣fote, and prayed long befor þe bere of þis precyus body . Wen þai come befor þe ȝate of Costantynople, wyt alle maner of mynstryllcye and wyt alle reuerence þai entyrde in-to cyte, & þe Emperur & all men of þe cyte bare grete serges in þer handes, and putte þis precyus body in a chare, & putte-in two pare of wylde oxyn . þai begunne to comme to þe place þat es called in centino, were an hermet had dwelled . & þer were two ways, of þe wylke on ledde to a place þat þe Emperur had made in þe worchepp of saynt Antony, & wolde af gone þeder; bot þe oxyn wylde not sofure þam . And þan þai Jonedde-to thre payre of oxen, & þai myght not styre þe body. 'Latte vs sofure þam to go wedyre þat þam lykys'. And onone be way þat lay to saynt Sophire, swyftely swyftely aus sweftely corrigiert. þai began to gone . And wen þai come befor þe ȝates of þe chyrk of saynt Sophire, þe dogter of þe Emperoure Sophie, þat was ocupyed wyt deuelles, bone wyt chenys wyt grete weght of yren was broght befor þe bere, þe wylke þis haly body in lay, & felle downe befor it . And þe deuelles cryed: 'Burne vs not þus in fyre, saynt Antony, bot delyuer vs sone fro þis howse!'. þe byschop & þe Emperur & all oþer stode in prayers, abydyng þe myrackylle of god . & as þai endured in þer orysons, þe deuelles wyt lamentacion & grete noyse, wyt thowndyrs & erthe-quakes, out went fehlt, vielleicht absichtlich. of þat dylycate body, & left hyre half qwyck & half dede opone þe grownde . þe byschop tok hyre vp be þe hand & raysyd hyre vp fro þe erthe . And scho cryed: 'I wylle neuer fro-hens-forward be departyd fro þis precyus tresour, for now I saw in my sweuyng l. swenyng? my lord saynt Antony, þe hermete, affyng þis deuelles in hys handes & þam grewsly betyng & tormen(t)yng'. þus was þe Emperures dogter Sophie merwelus delyuered fro þis wyckyd spretis, helpyn helpyn = helpyng. þe holy body of saynt Antony . þan þe Emperur gart make a precyus tumbe, of Iwery & gold & precyus stons wndyrly made: in-to þe wylke þis holy body wyt grete solempnyte þai putte in; and locked it vnder XII lokkes, & put obowne a titule wretyn wyt letteris of greu & ebru: 'Here þe body of Antony confessor & hermete lyes & restes, fro dyshert Ms. dysherd oder dyshert? = desert. of Egypt translatyd of Teophyle þe byschop' . þe two lyons þat come wytht hym fro Egypt, & þe two wolues, wyls þer lyfes endured, duelled wyt hym, kepyng hys tumbe . Whoso∣euer come and askyd any thyng, prayng reghtfully, of (þis) holy confessor, he had hys prayere & was delyuered of al maner of in∣fyrmyte . Of þat sepulcre come oute so swete a sawour, as all þe spycery in þe warlde had bene putte þer-in. A-noþer grace god sent hym: þat, if any beste had any infyrmyte, saynt Antony called, onone he was del(i)uered . Who-so-euer wyt clene hart & grete deuo∣cyone þis holy confessour Antony & hermete wyt onest prayers prayde, in what-maner necessyte þat it be, wyt wylle he schall af hys prayere, to þe plesyng & lowyng of oure lord Jhesu Cryst, to whome es worchep & ioy in-to þe warlde of warldes, amen.

For god faueryng of saynt Anto(n)y þe lyf, of blyssed (saynt) Der text ist hier verderbt. Ms. mynd st. saynt. Attanasie, of þe kyrke of Alysawnder Erchebyschop, to þe lernyng of trew men in clere wordes we Ms. we we. af a legend; dere breþer, ȝit is es nedeful þat we af wrytyn how þe body of hym fra þe cuntres of Thebayde was broght to oure cuntres, & of what persons so precyus a tresour fro so fere cuntre myght be broght . To summe it semys in-possybulle þat a body, in so fer a cuntre beryed & in so perlyus a place, & only not knawen bot to two persons & to all oþer men vnknawne, & after-warde takyn vp & to þis cuntre of Vienense wyt many & vnhard merueles broght . Bot þis sal not be trowed in-possybulle, for oure lord Jhesu, as in þe texst of þe lyf of þis blyssyd man es rede, þe coflute of deuelles ourecommen, wysybullyk apperyng to hym &, how swete he was, schewyng, emong oþer thyngys he be-hyght hym þat he suld make hys name to be knawne be al þe warld. Growyng by euere day hys my∣rakylles, fleyng wexed is fame emang pepul . & þis be þi gyftes, lord Cryst. As þi-self sayd in þe gospelle, þu sofurd not þat þi lan∣terne burnyng Ms. burryng. & brygh, þi same serwante Antony, be hydde in a dyrke place, bot þat he be put on a candellstyk—þat es for to say in þe heeste place, to gyf lyght to alle men þat bene in þi meke hows . So, lord, fro day to day þu makys hym merwelus, þat seke men fro most fere cuntres & regyons ful many þu sendes to hym. þe wylk so sone here = ere, are. delyuered fro burnyng of þe fyre of helle, how sone þai do reuerens to þe holy relykys and aske hys helpe wyt dewoute mynde, woweng to be hys seruant;—onone on þe mornyng þai ben alle hole, or in quyete pese fro þis laborus lyf þai passyn vnto god . Not a few oþer wyt diuers infyrmytis trawylled, it es seyn þat he has helyd, & dede men restored to lyfe . Agane∣warde summe þat as calange possencyons of his seruantes, or has made any wow to hym & wyt-drawne it, wyt þe same fyre of helle þai or bestes af bene smytyn: for throght hys holy merytes þis weniance of god come to alle þat done iniure to hym or to hys serwantes . How of of = oft. tyme þis has be-fallyn, it es not in faculte to telle . þise thyng lefte, þat we af purposed late vs telle, trewthe kepe Der text ist hier verderbt.; þat we af hard, on oure litel manere we sal schew.—þare was an Erylle Gwillem, þat was a grete conquerour,—þe qwylke now for þe desyryng of hys gode lyfe þe wylke he had layd in mynstres saynt Gwillem es called—had a sone, Jacelyn be name, a worthy man . þe wylke Ms. þe wylke þe wylke., wen he comme to mans state, went to Jerusalem because of pylgrimage. þe wylke pylgrimage endyd, to þe cow(r)t Ms. cowt{er} statt cowrt. of þe emperur of Costantynople turnyng, anense þe emperur & all hys men grete grace he fond . Wen he had abydyn þer be many days, & was dere to all men, at þe last he desyred to repayre to hys awne con∣tre, & come before þe emperur forto take hys lewe. Bot þe emperur, þat was glade of þe presens of hym, dyfferd to gyf hym lewe, & þat he suld dwelle forthe wyt hym, frendely he besoght hym; of hys tre∣sore what-so-euer hym lykyd, he commanded hym to take . Bot he desyryng noþer golde nor syluur no none othere ryches; bot þe bere þat Ms. þat þat. þe body of saynt Antony lay onne, he dyssyred, & hade. And ȝit þe emperur had leuere af gyn hym anoþer gyft, for als mekyll as he hade grete trest in saynt Antony & mekyll worchep praet. hym & lufed hym & made many prayers to hym;—bot neuer-þe-lesse he wold not deney it hym, for als mekyll as all oþer gyftes he re∣fused . þat bere he gladly resaywyd for a gret gyft; takyng hys lewe of all men, heyng wyt all hys company he began to turne hamward; trestyng so mekyll in þe relyke þat he had, þat he sup∣posed non aduersary suld dyshese = dissese, vgl. disherd = desert. hym—& certanly reght, as god says: 'all thyng bene possybul to hym þat be lewele'. Ms. lewele st. lele oder lewe wele. Nothyng hewy felle to hym, þowthe he passed emong hethen men; bot sekyrly & smartly þai comme home to þer hawne . So it befelle þat he, & all hys kyn after hym, be many ȝeres, whyder þai ȝede, bare it wyt þam & wyld neuere lewe it by-hynd þam—in so mekyll þai trayste þer-inne þat þai supposed of none hewele Ms. hewale oder hewele?, wylles þai had it wyt þam; bot all thyng felle to þam in prosp(er)yte Ms. prospyte., als lang as þai had it in þer presens . And þerefore, as I sayd, where þat euere þai went, þai made it to be borne befor þame; wyt-owtyn þat þai wyld not go—þe wylk, it es no dowte, þai dyd it of grete dewo∣cyone . Bot ȝit, wen it comme to þe popes knawlage, he demed it a fole-hardynes & vnconabull, þat slyk persones suld af so holy relykys of so holy a confessor vndyre þer kepyng and bere þam emong armed men in batayle . þer-fore to one of þe kyn þat was called Gwido, þat be reght of herytage calanged þe relyke & be en∣sawmpull of hys faderys place Ms. phace; die stelle ist verderbt. bare hamme wyt (hym) Ms. ham me wyt, hym fehlt., þe same pope sent þat he suld nomore vsyn þat maner Nach maner ist bot þat ausgestr.; auch mare ist zu tilgen. mare, but sumwhare in sum abbay of monkes dredyng god he suld take þam it for to kepe . þe wylk maundment takyn, þe nobull man wyld not(!) obeyen l. disobeyen?; bot, consyll gedyrd of hys fre(n)dys, to þe monkys of Mownt Maiour, þat were of gode couersacyone & of gode name, he tok þam it to kepe . þe wylk, as þai had a grownde where þai sulde set a mynstere, þai made it to be keped; and slyk sped þai had throw þis relyke þat in schort tyme it comme to an ende.—þis Gy gaf þam a grownde to make þe mynster on, & many oþer landes, wyt sewen kyrkes, & tythes to þam partenyng, euerlastyng to endure, so þat habytours of þe mynstere myght af mete & drynk & clothe . And a - noþer place not fer thens he gaf þam, in þe wylk a house of almos suld be set, in þe wylke hous pore men & all þat ware dyssesed wyt þe fyre of helle & (come) for to beseke þe helpe of saynt Antony, suld bene resaywed & kepte. Forþer∣more, þat none of þam þat suld be hys successours myght calange any thyng of þis forsayde gyftes, he made þam fre fro alle hys. How dewoute he was anense saynt Antony & all hys serwantes euer wyls he lyfed in þis warlde, os I trow, no tong may tell; & not vn∣worthely he was full trew and wyt-outyn gyle a man of Israel, þe wylke was well tendyre of age and spronge of ful nobull kynde, al-maner ryches & worcheppes of þis warlde fleyng he dyspysed & to pore men all þat he myght hawe he departed in þis warld trans∣satory & passyng, þat þe godes of god allmyghty he myght send in-to þe lande þat es euer-lastyng.—þis Antony was þe fyrste þat vsed hermetes lyf after Paule þe fyrst hermet, whom Antony beryed, & þe rewle of all þe hous of monkes of Egypt he ordened . þe wylke Ms. wyt þe wylke. Antony wyt Dieses wyt ist überschrieben. þe deuel fele tymes faghte & neuer was oure-commen, bot as smoke drowe hym away in-to þe hayre = air., lewyng be-hynde hym þe fylthe of hys presence . What more: so grete grace þes holyman had for to helen men traweled wyt deuelles & wyt oþer diuerse seknes & infyrmytes; þat vnnyce any man come to hym & prayd to god & saynt Antony of helpe, þat schapyd away vnheled . Blyssed es þat place þat as slyke a man of so grete vertues & of so many praysyng! Worchep we hym, most lofed frendys, as oure meke patron, foloyng, be oure lytell maner, hys ensaumpulles of hys lyfe: þat, hys meryttes helpyng, we may be sawed in þis present lyfe fro þe burnyng of þe fyre of helle & in þe lyfe to commen, and at þe laste þat we mon commen to þe same lyfe þat he es in, & hawe euerlastyng blyssednes. Grawnttyng oure lorde Jhesu Cryste, þat wyt þe fadyre & þe holy gost lywen(!) & regneþ god in-to warld of warldes. ame(n).