The Middle-English metrical version of the Revelations of Methodius with a study of the influence of Methodius in Middle-English writings / [Charlotte D'Evelyn]. Revelationes. English (Middle English) Pseudo-Methodius. D'Evelyn, Charlotte, 1889- 27 pages, ca. 71 kb University of Michigan Library Ann Arbor, Michigan 2018 CME00069 04074243 BAU9481

The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).

 Publications of the Modern Language Association of America / ed. William Guild Howard. Vol. 33, p. 135-203. [69] p. ;25 cm. Cambridge, MA The Association 1918 Title from email of 2000-03-08 ; description based on email note. Corpus of Middle English. "Charlotte D'Evelyn."--Editor, p. 203.

Header created with script catalogedexcerpts2cmeteiutf.xsl on 2018-07-13.

Header expanded with script IDmapper.xsl on 2018-07-31.

Encoding has been done using the recommendations for Level 4 of the TEI in Libraries Guidelines.

 English, Middle (1100-1500) 9-15-16lattajMURPAdded TEMPHEAD, checked ID, and added TYPEs to DIVs in order to validate. Checked for N=""s. Checked for GROUP tags. Proofed title. Checked s. Reviewed structure; removed prose fragment from beginning of text; removed notes fragment from end of text; changed TRAILER to CLOSER; removed repeated foot NOTE; removed incorrect MILESTONE from NOTE. Checked placement and completeness of PBs. Checked for damage GAPs, #s, @s, --s, and UNCLEARs. Corrected [dollar]s. Checked for &cs with incorrect spacing. Checked for LBs. Checked for startqs and endqs, abq's, oes, qs, Ae's, and Qs. Checked proofsheets and made corrections. Checked italic I / J and U / V. Checked for missing page GAPs. Checked for EPIGRAPHs and ARGUMENTS. Checked CLOSERs, OPENERs, SIGNEDs, SALUTEs, TRAILERs, BYLINEs. Checked decorated initials. Checked FIGUREs. Sample: 2 minutes. Proofing: 0 minutes. Tag review and corrections: 50 minutes. DONE.
69 CME00069 CME00069 V. TEXT OF THE Revelations 1. Capitalization and punctuation are those of the MS. Contrac∣tractions have been expanded in italics, yr being written in such words as watyr, aftyr, in accord with the prevailing usage of the MS. Parts of words separated in the MS. are joined with hyphens and a few letters and words have been supplied in brackets. No stanza divisions are marked in the MS. Double ll's are crossed throughout; y's are occasionally dotted. Sum tyme was there a man of state. That was clepyd methodius. An holy byschop, a gret prelate. A man nobyll, & gracyows. He seruyd god erly & late. And helde þe techynge of ihesus. Hethen men to hym had hate. And marteryd hym as bokys tell vs. But whyll þat he in preson lay. Er þat he to hys dethe wente. The holy gost vp-on a day. Was be merakyll to hym sent. And told þe byschope all þe aray. Of þe warde we arn in lente. 14. inlente MS. Begynnynge & endynge sothe to say. Ryte to þe last day of Iugement. Fyrste syn þe warde was wrowte. In sex termys hathe ben deuyde. ffyrste god made all þinge of nowte. Heuyn & erde large and wyde. Beste ffowle fysch all þat ys owte. He made þis yt may not be denyed. Lythe he made as hym best thowt. Man on erde a-while to a-byde. Man he made & eke hys fere. And put hem to Ioy in paradyse. Adam & eve he hade hem there. And seyde adam at thy deuyse. Take all þis ward & be þu here. Swerly and make þe of all masterys. Owt-take ȝon tre cum not þere nere. ffor yf þu do þow warkyste on-wyse. Than þe deuyll come for enuye. Ryte in lykenes of a serpente. And with hys sleytys faly & slay. He made Eue to hym assente. And sythyn Adam folyly. Of þis tre an appyll hente. And brake goddys byddyng opynly. All mankynd þer-for was schente. Owt of paradyse þan were þey dreuyn. Adam & eue bothe of þis synne. What god gan hym vndyr-nym. 43. gafe corrected to gan MS. Hym crossed out after vndyr MS. Adam seyd Eue made hym be-gynne. Than with þis Iugement on hym ȝouyn. 45. Read was for with of MS. þere foode with trauayle & swet to wynne. In langore & sorow here lyfe to leyne. 47. Read leuyne. He to delve & sche to spynne. And in goddys byddyng for lytyll þey braste No wondyr was god were wrothe. 50. Þow deleted after wondyr MS. Owt of paradyse were þey caste. Nakyd with-owtyn clowt or clothe. And þus þey [were] in thraldam tharste. Þat fyrste were lefe þo were þey lothe. ȝet owt of paradyse when þey paste. Clene vyrgenys were þey bothe. Than aftyr þat þe fyftene ȝere. Adam gate caym þat cayteff fell. And Calmanan hys systere fere. As methodye seythe in hys spell. Whan othyr fyftene ȝere owt were. Aftyr þat he gate Abell. And denoran hys systyr dere. Certenly as bokys vs tell. In þe hundyrd ȝere & therty. Of adamys lyfe þe sothe to sey. Abell wele & buxumly. Dede sacryfyse to god all-way. And payyd hys tythys trwly. And schope hym to serue god to pay. But cursyd caym for enuy. Slow holy Abell vp-on a day. Adam for sorow of abell. And hundyrd wyntyr led hys lyfe. In schastyte þe trwþe to tell. And of hys wyfe toke he no ryfe. Tyl at þe laste goddys aungyll. Bad hym stynte of hys stryfe. And seyd adam god wyll þow mell. And dele more ȝyt with þi wyfe. Than gate he sethe þat blyssyd chylde. þat aftyrward was stronge geaunt. But ȝytt he was bothe meke & mylde. And lyke to Adam in semlawnte. He schongyd all warkys wylde. All schrewdnes he gan to hawnte. þan aftyr-warde ys not to lyyn. Adam wyth hys wyfe gan dele. And so god wold be-twyn þem tweyn. Chyldryn þey had bad & hele. Fowre sonys he had in certeyn. With-owt caym & eke Abell. And as þe story tellythe pleyn. þat dowterys adam had as fele. In þe sex hundyrd ȝere. Of adamys leuynge sekyrly. Caymys sonys in wyk manere. Gun vse here wyuys in Avowtry. Whan eyte hundyrd ȝere entere. Were fulfyllyd plenrely. Ouyr all erde þer men were. A-brode was spred þan lecherye. Whan nyne hundyrd ȝere & therty. Of adamys lyfe was comyn & gon. Than Adam deyde sertenly. And was beryde in ebron. Sythe hys kynrede drow to-geder a-non. And fro caymys kyn made party. Thus were þey deuydyd euery-schon. In þe fyrste ward sekyrlye. Sethe drow hys kyn to an hyll. ffast be paradyse I-wys. And þere þey dwellyd & held þem styll. & leuyd in lykynge & in lys. And þere þat caym ded abel kyll. & sched hys broderys blode a-mys. In þat same stede was caymys wyll. He to dwell & all hys. All malyfoars he to hym enbrace. & þan he made a stronge cete. ffor euer he dred hym in þat case. þat Ablys dethe schuld vengyd be. Effrom namyd he þat place. & made yt a town of ryalte. The fyrste cety þat euer was. Be-forn þe flode of noye. In þe forty ȝere þan of Iareth. Be a compte in scrypture caste. þat was þe fyrste gre of sethe. Of þe ward fyrste thowsande paste. The ward was nere browt to nowte. & all thorow caym in thardam thraste. But sethe-ys kyn were as full sowte. To make hem goode þat were on-stedfaste. In þe secunde thowsend wyttyrly. Of Iarethe-ys lyfe more & lesse. But a hundyrde ȝere & therty. Men were full of cursydnesse. Tho þat cam of caymys kyn sekyrly. Xuball & tuball with-owt gesse. þe sonys of lamek certenly. þey were leuynge in wretchydnes. Lamek cam of caymys seede. He fell to blynde ryte as we fynde. And ȝyt in story as we rede. 145. fynde first written for rede. MS. Thow þat lamek were so blynde. ȝyt hym tyd to do þat dede. To sle caym þat was onkynde. wythe schot he made hys sydys blede. As he lay slepynge vndyr a lynd. Thys eche xuball & tuball. þat comyn of caym as I late tolde werne þe fyrste men of all. þat euer fonde crafte ȝonge or olde. They were þe fyrste þat wrowte metall. In Iryn. stele. syluyr. or golde. And eke þe fyrste & pryncypall. To fynde vp musyke bolde. They fonde fyrst crafte of syngynge. And mynstrally more & more. þey fonde þe fyrste crafte of werkynge. In metall as I tolde be-fore. and for þey had be for-castynge. þat þe werd xuld sone be lore. þey keste to kepe styll here cunnynge. ffro fyre or flode þat smytyth sore. Than þey made pelerys too. On of marbyll a-noþer of tyle. In eythyr peler þey closyd thoo. All craftys þat were sotyll. That what-so-euer came þer-too. ffyre or flode to make exyle. These pelers had þey made so. þat on xuld stond safe at all perell. The marbyll pelere sothe to sey. To be safe in watyr & floode. þe tylen for yt ys towhe all-wey. Thow þe fere be neuer so wode. Ther-for þe marbyll peler ay. In noys flode stedfastly stoode. The tylen peler went hys way. ffor þat watyr was not goode. All here sotyll arte-ys sere. þat were conteynyd here on grownd. were closyd in þe marbyll pelere. To be kepte hole & sownde. That oþer men when þey come here. Aftyr þat þe werd were drownde. þo same craftys myte vse & lere. Aftyr þat þey were I-fownde. ȝet þes same men sekyrly. þat were comyn of caymys kyn. þey fond þe art of astronomy. Thorow here sleytys & here gyn. The corse of planetys þat ar sly. And all þe elementys more & myn. of sunne & mone & sweche mastry. þey were þe fyrste men to be-gyn. And ȝyt mo mastryys as we rede. So longe god lete þem leue here. That þey clerly knewe in-dede. þe kende corse of planetys sere. ffor astronomy wythe-owt drede. May no man know perfyte & clere. But he may here in lyfe lede. þe hole terme of an hundyrd ȝere. ffor be þan a hundyrd ȝere come owt. As þes grete clerkys seyne. þe gret spere ys runne a-bowte. And turnyd to hys fyrst state a-geyn. The corse of planetys all þe rowte. þan xall be know & be certen. And odyr wyse with-owtyn dowte. That crafe xall he neuer opteyne. whan aftyr sevyn hundyrd ȝere. þat Iaerthe here in erde gan dwell. Ouyr all erde fere & nere. sweche synne & wretchydnes befell. And mannys hertys sett so entere. with hydows males for to mell. þat yt ys not leful to here. nor no tunge to towch nor tell. 222. Towch or MS. Than goodys sonys as bokys tell vs. Couetyd to ly mennys dowterys by. Goodys sonys we constru þus. Ar sethys kynrede sekyrly. ffor caymys sonys were vycyows. Mannys chyldryn were þey callyd for thy. Of myn autere seynt methodius. I take wytnes þat I not ly. That god was wrothe in hys entent. And seyd a wondyr word I-wys. þat I made man I me repent. Or made hym to haue part of my blys. My spryte xall not be lost ne lent. In man for he but flesche be schent. ffor man onkyndly dothe a-mys. 236-7. There is evidently a line missing. Perhaps 236 should end with ys for which the scribe carelessly copied the last words of the following verse. þan sethe-ys kynrede with gret on-ryte. þey lay be women of caymys kyn. An[d] gotyn gyauntys of hydows hyte. All in cursydnes & in synne. þey were ogly & fowle in syte. passynge all oþer men. Than bad god noe he xuld hym dyte. A schyp he xuld be sauyd in. Than noe went for sekyrnes. To make a schyp as god hym bad. An hundyrd wyntyr as bokys wytnes. Was yt or þat schyppe was made. So longe ȝytt god of hys goodnes. Of hys vengeauns he a-bode. To loke yf man ȝyt wold hym dresse. To mend þat he so forfete hadde. But nowt halpe yt þoo delayse. In man was so rote faste. 255. Some word such as euil has been omitted. & þer-for god as þe story sayse. On hem to take vengeauns at þe last. 257. to take probably an error for toke. On erde yt reynyd xl. dayys. þe erde wyth flode was all ouer-caste. All was drownyd & went a-wayys. Safe noe & hys mene paste. Thys goode noe kome of sethe. & hys iij. sonys sothe to sey. Sem. cham. & also Iapheth. þat sumdele seruyd god to pay. God seyd to noy all xuld to dethe. ffor synne yt reynyd nyte & day. Safe noy & hys sonys thre. & here wyuys xuld scape a-way. Noy hadde þe schyp with-ynne. Hys wyfe & hys sonys thre. & here wyuys more & myn. And so of all maner degre. Byrd & best a copyll be-twyn. God ȝyt ȝafe hym þat poste. Where-with þe werde xuld eft be-gyn. And aftyr þe floode repleschyd be. of noys lyfe sex hundyrd ȝere. The floode of vengeaunce fyrst be-gan. And lestyd xij. munthys entyre. That all was gon man & woman. At þe xij monthys ende þis ys no were. þe fflode of watyr pale & wan. wythe-drow & lond aperyd clere. And noe owt of hys schyp cam þan. Whan þat noe hadde fowne londe. And hys mene on þis wyse. he thankyd god of all hus sonde. And dede to god gret sacryfyse. And for þat god in noe ffonde. so gret kyndnes with-owtyn feyntyes. God blyssyd noe with hys honde. And all hys sonys for hys seruyse. Thus was þe ward with flode rynne. dystroyd castell town & wone. & be þat tyme as bokys sayne. þe secunde thowsand ȝere was gon. And all þe warde be-gan a-geyn. Of noys pore sede a-lone. þat wrowtyn fele wondyrs certen. As þe may aftyr here a-non. Of noys lyfe vj hundyrd ȝere. & twenty ȝere ryte to rede. he & all hys sonys in fere. Madyn gret byggynge in lond & lede. Here byggynge & here poste-styens sere. þey namyd þem regyons in þat stede. Aftyr þat þey of numbyr were. owt of þat schyppe when þat þey ȝede. Thre hundyrd ȝere ho rekkyn a-ryte. Aftyr þe floode þan of noe. A sone he hadde Ionytus he hyte. And aftyr fyfty ȝere fynde we. Noe to hys sone ȝaue a plyte. Of ethan þat lordschepe fre. þer as þe sunne rysythe with bemys bryte. All hey vp-on þe est cuntre. Thre hundyrd wyntyr & fyfty. Noe leuyd & þan he deyyde. And aftyr hys deynge sertenly. hys sonys to-gedyr hem alydde. In senar þat was fast by. & þer þey schope hem to a-byde. And þer þey be-gan a gret mastry. God was not plesyd with here pryde. In a wanhope were þey stadde. þat a floode xuld cum a-geyne. And for þat skyll þey were a-dradde. & made a towre with myte & mayne. So hey þat towre be-gonne þey hadde. It rechyd þe skyys ny hand certen. to make þe towre þey were ful mad. & god þer-of had gret dysdeyne. But ȝet curted god in trone. non oþer vengeawns on hem sent. but here langage schongyd a-non. þat no man wyst what oþer ment. whan on bad brynge mortere & ston. wythe watyr in happe to hym he went. þus were þey sprekyd euery schone. And all here ydyll trauell schent. Whan þey faylyd þus of þer dede. And wondyrly wern so devyd. These sonys of noye a-bowte gun sprede. ouyr all contres þat were wyde. Than Ionythus streyte he ȝede. In-to þe oryent þe est syde. & þer he keste þem owt of drede. In rest & in quyete to a-byde. And þere Ionythus sekyrly. Of good god wysdam he hente. And god tawte hym astronymy. þe knowynge of þe cors how planets went. 353. planets was first written instead of cors, which is added above the line. Sem hys brodyr went to Asay. In-to þat cuntre was he bente. Iaphet northeward gan hym hy. to þe weste se þat ys occydent. And cham went & hys mene. to þe myddys of þe worde rythe. to Ierusalem into þat cuntre. þer sythyn to dethe cryst was dyte. Cham held þer gret ryalte. & was man of mykyll myte. þe schyldyrn of cam þus rede we. were sauage wyle & lythe. Ionythus ȝett fynde we than. hadde a dyscypyll þat hyte nemiroth. An howge geawt pale & wan. Wondyrly grym grysly & lothe. A gret huntar he was þat man. to chase bolys & borys bothe. 371. This line was first written after v. 368 and then crossed out. þe towre of babylon fyrste began. þorow hys wytte with-owtyn othe. Than aftyr-ward be-fel yt þus. Caymys sonys made a gaderynge. & as þe story tellyth vs. A-monge hem þey chosyn a kynge. & hym þey callyd pontycus. þat xuld hem gouerne in here doynge. Of schame as sethe methodyus. Mykyll baret gan vp to sprynge. Than Iaphethe-ys sonys herd tell of þis. How caymys sonys made syche ryalte. & to Ionytus þey sent I-wys. Wrytys & masons gret plente. And byldyd a town þat callyd ys. Ionyta a gret cetye. In þis tyme was pes & lys. Be-tywx nemoroth & caymys sonys parde. Than Iaphet sonys & caymys also. Werryd an[d] wex yche odyrys sone. Ionythus herd thes tell þoo. 392. thes after Ionytus deleted, MS. & sent to nemorothe word anon. That Iapheth-ys kynrede wold not ho. But stroy caymys kynrede sak & ston. & in þe begynnynge of all þis woo. þe þerd thowsand ȝere was gon. Than fell yt so in þe forte thowsand. Ouer all þe word wex werre & debate. þat eche man coueytyd oþerys lond. & eche to stroy oderys astate. That nemoroth gan vndyrstonde. & to caymys kyndam hadde gret hate. & þer-to went with strenthe of honde. & schent þe regne & made yt mate. So þat prouynce nemoroth helde. In was & note in rest & pees. þat yt no lenger þer dwell. but toke to hys eresdes. 409. Some word after hys apparently missing. And eresdes þo with spere & schelde. caymys kyndom brent on a bles. 411. ables MS. & all þat wern in town & felde. he toke as presonerys all þe pres. The rubusenys there were a-chente. And þe palestines also. þe Amores & affres þat were hent. As presonerys in care & woo. All westward to þe occydent. they fledde eresdes was here foo. þan eresdes homwarde went. & gate a son þat hyte cusdro. Thys cusdro aftyrward was kynge. Of þe regne as we fynde. There Ionythus hadde hys wonnyng. thorow-owt all þe hey ynde. Tho caymys sonys made oft gaderynge. of men at foote an hydows mynde. xxti. m. be goode rekynynge. 428. rekynnyge, MS. to sale cusdro & all hys kende. Than was cusdro sotyll of gyn. & hard tell of thys caste. & in hys londe he lete hym in. tyll þey to þe floode of tygyr paste. And when þey Ichon with-ynne. 434. Verb evidently missing. & entyrde with-in þe flodys faste. þan cusdro wolde no lenger blyn. but fel up-on þem as a blaste. Cusdro þan hys oste a-rayyde. with elyfantys strong & towe. to bere down þe foote-men at a brayde & to don dystruxcoun I-now. And þer camys sonys were ouer-leyde. Cusdro-ys ost smertly hem slow. Ascapyd neuer on aftyr þeis. All londys þat in-habyte were. Wyth-in hem-self gan fare amys. Stroyen & warren here & þere. But ȝet or þis was don I-wys. As myne autyr wyll wytnes bere. A thowsend ȝere he seythe yt ys. Or þis be-fell so ouer all qwere. In þe V. thowsend ȝere folowynge. In þe fyue & twenty ȝere. Sabysas þat þan was kynge. Of all hethen fare & nere. With gret ostys gaderynge. He schewyd well hys powre. ffowre score safe tweyn be good reknynge. He dystroyd cytyis þere. When sabysas as bokys seyn. Had dystroyyd þo cytyis rote & rynde. fforthe he passyd in certeyn. to þe [þ]yrd kyndom of ynde. 463. Iyrd MS. & þere he wrowte with myte & mayn. þat ȝyt ben hadde in mynde. 465. Word such as works or deeds missing. Cf. Latin text (J) p. 196. And fro þes he turnyd ageyn. In-to Arabye as we ffynde. ffro arabye he wente full ryte. In-to deserte þe sothe to tell. Saba þe wyldyrnes yt hyte. ther wonnyd þe sonys of ysmaell. Saba þere dede dyte. A-monge þe paynemys fers & ffell. Castellys stronge in strength & myte. & þere he schope hym for to dwell. But for to declare more of þis. what was ysmaell wyttyrly. Abraham-ys sone he was I-wys. of baste born full trewly. Isaake was hys sone of blysse. gotyn in wedlock sekyrly. All Iewys & sarsenys þat now ys. come of þes tweyne certenly. The schyldyrn serten of Israell. come of Isaac sothe to sey. þe sarsenys come of ysmaell. & all þat leue of paynemys lay. Thys ysmaellys sonys as bokys spell In mamentry was all here fay. All in deserte þo folk gan dwell. tyl yt be-fell þus on a day. All þat were in þat wyldyrnes. þer sabysas hadde þe castell pygth. to-gedyr sone þey gan hem dresse. with kynge sabysas for to fyte. And as þe story berythe wytnes. they ouercome sabysas with myte. & many a thowsend more & lesse. ysmael-ys sonys to dethe þey dyte. And þan at þe fyrst as story says. ysmaellys sonys aftyr þis dede. owt of deserte þey went here ways. And sowtyn warrys in length & brede. They made many fowle affrays. In-to þe myddys of þe word þey gun to sprede. As god in ysmaelys dayys. Behyte to hym & to hys seede. They conqueryd wol ny euery londe. Estward in þe oryente. And aftyrward as I vndyrstonde. Ysraell to dystroy þey went. Thorow myte & strength of here honde. þe schyldyrn of ysrael were all to-schent. & ȝet þes paynemys as I vndyr-stonde. Many a fayyr cyte þey brente. Than aftyr all þis þey ded ordeyn. Schyppys þat were stronge & goode. & westward seyledyn sothe to seyn. Wol ny to rombe ouer þe floode. And whyl þey dwellyd þer certen. Camelys flesche was here foode. & ffor to tell þe texte all pleyne. Here drynk medelyd with bloode. Than þe grettest of here degre. fowre pryncys þer þey ches. oreb zebbe & Zebee. & salmana þis ys no les. Thes were cheuetans of þo men. To make here nobyly to encrese. & þan to Israell þey gun to sene. þat pepyll to dystroy wold þey not cese. Bvt þan god of hys grett grace. halpe þe chyldyrn of ysraell. And sone be-fell be chawns a case. þey dystroyd þe sonys of ysmaell. Gedyon þe sonys of Ioas. On hem was so fers & fell. þat he þat folk a-geyn gan chas. In-to desert for to dwell. An hundyrd thowsand & forty. Were slayn all be-dene þere. & ysaac sonys hadde þe mastry. & owt of thraldham clere. But ȝet as seythe þe prophycy. Ysmaellys sonys fers & kene. Schull efte cum owt & bere mastry. & do more harm þan euer was sene. Ȝet a-geyn þey xall come owt. & rewle all þe worde of reste. And ouer-come yt with batellys stowt. Northe. sowthe. est. & weste. All crysten kyngs xall hem dowt. & in here thraldam be therste. xall non wyth-stynte þat howge rowte. Nor non here scheltron breste. But ȝet as arnst declaryd. Aftyr-ward as ȝe xall here. Ȝet xall þe paynemys be for-faryd. Thorow crysten mannys powre. The ebrews so well here wytts waryd. þey reynyd full a thowsend ȝere. þe romanys aftyr þat ne sparyd. At þe laste dyscomfytte all in fere. The fers babylons as we fynde. ffowre ml. ȝere regnyd also. þe macydoynes in hydows mende. to hem of perce dede care & woo. And aftyrward þe ffolke of ynde. conqueryd londys many moo. All crystendom to þem I fynde. And trybutarys wern hem too. They ouer-ledde apres & spayne. nanerne eke & Arragon. ffrawnce prouynce & Almayne. þat was a lond of gret renown. And aftyr-ward in bretayne. All þey had towre & town. be than þe fyrst thowsande certen. was weryd owt be good reson. Than whan þe ward xall drawe to ende. In þe laste ende yt xall be seyne. Ȝet ysmaellys sonys xall eft wende. owt of here wyldyrnes certeyne. And ouer all xall þey waste & schende. & do grett dystres & payne. In what cuntre so þey lende. schall non with-stynte hem a-geyne. Here cummynge xall be as we rede. A schastysynge with-owt mesure. to crysten men for here mysdede. & for here synnys hard reddure. ffor synfull lyfe þat man xall lede. A-geyns goddys lawe & eke nature. þey xall be put in sorow & drede. thorow Ismaellys sonys I ȝow ensure. & also for owre gret foly. þat we fforgete goddys cummaundment. With þe pepyll of barbary. All crystendom xall be schent. A-monge crysten men seyth þe story. So mekyll fylthe xall be bent. þat yt ys schame & velony. To yeke or here to mannys entent. Ther-for we xall a-by full dere. þe sarȝenys xall haue þer wyll. Perce cilice & londys þere. With strengthe þey xall dystroye gryll. The lond of surrey xall owt-rere. & all crystendom þey wolde kyll. Greys & all pepyll in fere. with dynte of swerde þey xall spyll. Affryk Egypt & eke Asy. Vndyr trebyte xall be leyde. Of golde & syluyr & þat strawngely. At certen termys to be payde. Spayne with dynt of swerd xall dy. Saue sum fro dethe xall be delayde. & kawt as presonerys suyrly. & to rawnsom ben a-rayyde. ffrawnce gascony & eke Almayne. In batellys stomfete xall þey be. & take as presonerys in certeyn. Of þe gretteste of þem in gre. The romans xall be kylde & slayn. ffor þey xall turne þe bakk & fle. þus ysmaellys sonys with myte & mayn. xull wyn all þe ylys of þe see. Northe sowthe est & weste. ouer all xall haue passage. & with þe werk as hem leste. & do many a dede owtrage. Ierusalem xall be full therste. with presonerys of crysten langage. All holy londe xall be opprest. with þis pepyll þat ben sauage. The ward þere xall haue daungere. & sett in trebute & in dystres. sythe xall þey seke fere & nere. & a-geyn holy schyrche hem dresse. That xulde serue god in clennes. þey xall take þem all in fere. golde & perle & odyr ryches. ornaments þat of chyrchys were. And pretyn hem at þer wyll. crysten prestys here & there. with-owt mercy hem kyll. & kast þer bodyys þey no rekk where. And schyrchys brenne & spyll All crystendom þus xall þey dere. & hem woo full yll. 646, 650. These lines are incomplete. The last line of the stanza is missing. All londys xall be desolate. all xall be baren & bare. here dedys xall be vnmate. here lyuynge xall be angry & kare. Ȝonge & olde for sorow sake. þan xall þey stowpe & dare. now ar owre elderys in goode state. þat felyn no þinge of þis fare. Ryche & pore þus xall sey. Ȝonge & olde make þer mone. Well at ese now arn þey. þat dyyd an hundyrd ȝere a-gon. Thus all londys þey xall afray. & dystroy bothe stok & ston. & all xall turne to tene & tray. þorow ysmaellys sonys owre fon. Ȝet fro desert whan þey cum owt. All londs to dystroy & ouer-brenne. þey xall be lothely sterne & stowte. & eke not lyke to oþer menne. Women with schylde ouer all a-bowt. With swerd & fyre sle & brenne. þis wreche xall fall with-owt dowt. for þe wreche of wykkyd synne. Prests eke with-owt mercy. In chyrchys þey xall kyll. & women xall þey ly by. & in schyrchys here luste fulfyll. Here horse & mulys þey xull tey. To seynts tombys a-geyn all skyll. Here lemmanys þey xall clothe full try. In vestments at here wyll. All crystendom with-owtyn were. In here thraldom xall be stadde. But þan xall stedfaste men a-pere þat in god arn trosty & sadde. and xall to cryst make here prayere. ffor þe bloode & watyr þat he schadde. to delyuer hem fro þat sorry dawngere. & be hys grace to make hem gladde. But as þe story makythe mynde. god xall ye not suffyr ay. ffor crysten men þat to god ar kynde. schall renyne þe ryte fay. But for þis skyll yt ys we fynde. to fulfyll þat god hym-selfe gan say. blyssyd be þe rote & rynde. That for me suffyrd tene & tray. As prophetys þat were here be-forn. slayn & martyryd for my sake. to Iustyfye man & sey þer sore. That for my lofe desese gan take. yf he laste sadly euer-more. & to þe ende my love not slake. In heuyn he xall hys state restore. And saue hys sowle ffro woo & wrake. þan aftyr all þis woo & kare. Ismaellys sonys as I haue tolde. on here clothynge xall not spare. precyus stonys perle ne golde. þey xall make gret bost & fare. & sey what lond ys now so bolde. þat dare loke up but darke & dare. lordys of þe word we xall ben holde. & whan þey wene to be heyheste. And in here pryde hem gloryfye. Good god xall hys eye keste. to crysten men of hys mercy. here bondys of bondage xall he breste. & delyuer hem sothefastly. & brynge crystendom to reste. As we fynde in þis story. ffor þer xall ryse a crysten kynge. with þo felonyes for to fyte. to dethe he xall þoo paynemys brynge. With dynt of swerd þorow godds myte. here schyldyrn & all here offsprynge. to dethe yche on he xall hem dyte. here wyvys in preson cast to clynge. Thus xall god for crysten ryte. þus þe sonys of ysmaell. all þat ben left on-slayn. In woo & thraldam xall þey dwell. Of crysten men sothe to sayne. & vij. sethys more as þe story tell. sorow & woo xall be here peyne. þan on crysten men be-fell. Be-for hand in certeyne. þan xall all sweche sorow cese. & all stryuys stynt & stonde. All crysten presoners xall haue pes. In preson where þey be ffonde. & delyueryd clene þis ys no les. & wende home to here cuntre sonde. A-geyn xall all þinge þan encrese. And multyply on goddys grownde. þe kynge of romayns xall þat tyde. haue dysdeyne & gret dyspyte. on hem þat cryste be-forn denyde. Whyll þe werd stode in herd plyte. egypte & Arabye londys wyde. þat forsoke cryste meche & lyte. ffor þey in trowþe wolde [not] a-byde þey xall be worthy to þat wytte. on erde þan xall be reste & roo. 755. onerde MS. pees & solas Ioye & gladnes. xall non be lyke aftyr þer-too. Ne neuer be-forn þat tyme was. þer xall be sekyr troste alsoo. drede xall non ben in no case. ffor er þe warlde xall ende & hoo. Ther xall be reste in euery place. þey xall fare in þe selfe manere. As men fardyn in þe tyme of noe. þey ete & dranke & made good schere. And made fests of realte. weddyngs xall be many in fere. of reche & pore & euery degre. And whyll þis Ioy ys gretteste here. sonest xal yt sesyd be. for þan xall gogmangog nere cum 771. cum nere MS. owte of þe mownts of calpye. That god closyd all & sum. 773. cloysd MS. At Alexandyrs prayere suyrly. þey xall dystroy all crystendome. þey xall cum owt so hydowysly. men all most wax defe & dum. So xall þey drede here felony. All þe worde þey xall ouer-runne. And work howge & grett. 780. Object missing. þey xall devowre men. 781. þey xall deworow & vowre men with worow & marked for omission. MS. & women with schylde ete. Edders & snakys þat brede in fen. Hem xall þink deynty mete. Regnes þey xall dystroy & bren. & fowly mankynde þey xall threte. þis pepyll xall regne vij. ȝere. And þan xall þey þorow here myte. Take a cete ryche & dere. Iosophath for sothe yt hyte. but þan xall god slake here powre. Wythe fere & brynston brennynge bryte. þat fall xall on hem all in fere. & all þe pepyll dystroy down ryte. þan xall come an emprore. Of greys & rome lord xall he be. To Ierusalem with gret honowre. & regne vij. ȝere in þat cuntre. In þat place þat owre saueȝowre. Cryst was naylyd on rode tre. & he xall myldly ȝelde þat cure. Hys croune & hys dygnyte. Hys crowne he xall sett full ryte. On þe cros þat cryste on deyde. & be-toke hys gost to godds myte. þat for hym sufferyd wownds wyde. Than xall he loke vpward on hyte. & hold hys honds to heuyn þat tyde. And þan xall he sen a syte. þe sygne of a cros in heuyn a-byde. But þan xall cum werst of all. Antecryst þe deuelys byrde. cryst þat caytef hym-selff xall call. & make hys name so kowthe & kydde. Gret wondyrs werk he xall. but falsede xall ben vndyr hydde. þat saytowre false fowle hym be-fall. 817. Last line of stanza missing. In MS. the first line of the following stanza is linked to v. 816 but its rime word shows that that division is incorrect. of þe werd he xall sett in mende. of þe elements more & mynne. erde & watyr fere & wynde. he xall come of Iwys kynde. Of þe seede of dan we fynde. he xall be begote & born in synne. & all come of cursyd kende. yt xall not be as folkys haue tolde. he xulde be begotyn of a frere & born of a nune. but he xall be born of a bysmere bolde. þe werst woman ony-where may wone. That ys a strumpett & a scolde. & be-gotyn of a fowle glotun. hys syre hys damme a thowsend-folde. xall be wers þan we devyse cunne. ffor rythe as cryst in mary lyte. & conceyuyd of þe holy gost be þe vertu of goddys myte. þat ys lord of myts moste. And born was of a mayde bryte. All in clennes & with-owt boste. To saue mannys sowle þat was ys ryte. from þe deuyll of hell & all hys oste. Ryte so xall a deuyll descende. In-to a woman full of synne. & in þat lothely lodge xall lende. At certen tyme here wombe with-ynne. And whan a certen tyme ys spende. Hys dame & he xall parte on tweyne. þat sone of synne to wykkyd ende. Endles wo he xall hym wynne. In coȝoȝa born xall he be. In bethsayda he xall be fedde. In capharnan regne xall hee. & sore he xall be dowtyd & dred. Ther-for seyde cryst words of pyte. As þey be in þe gospell red. Coȝaȝaim ay woo be to þe. þe sone of pryde in þe xall be bredde. And þou bethsayda myne erthly foo. Euer-more ȝyt woo þow be. & þu capharnan woo be þe too. þe sone of synne xall regne in þe. Thow þou enhawnce þe soo. To reche to heuyn in ryte degre. Ȝet xall þu fall & for-doo. To hell grownde in dome of me. Thus antecryst xall wondyrly. be noryschyd vp with Iogulars. With wytchecraft & with sorcery. With false Iapys & begylars. he xall lere Igramansy. & be cawte wyth-in charmors. þan aftyr all þis he xall by. 871. Read hy for by. & to Ierusalem take hys cors. And so seynt methody tellyth pleyn. In þe tempyll of salomon. þer xall þis wykkyd & cursyd swayn. as a god sett vp hys trone. where he xall sytt in certeyn. & werk wondyrs many on. All trewe folk he xall do peyne. or make hem wurchepe hym euery schone. Gret wondyrs he xall schew þere. make defe to here ȝefe blynd here syte. halt & crepyls þat ben ony-where. make here lymmys heyll & rythe. Tres þat ben baren & sere. þorow wytchecraft of þat sory wyte. þey xall burgyn & leuys bere. & blome & frute full blasyng bryte. hym xall þink in hys entent. þat he ys goddys sone veryly. of euery sondry element. he xall wark grett mastry. he xall to þe pepyll in here present. make to seme to þer ey. þat dede bodyys in grauys lent. xall ryse from dethe vp bodyly. 896. Symonmagus MS. ryte as symon magus dede. þat wrowt be falsed & be gyle. ryte so xall þat deuyllys byrde. gret wondyrs werk for a whyle. Hys mastryes xall so gret be kydde. þat seynts xall ny fall in parell. to leue all þat ys be-tydde. ys don be myte & not be gyle. hym-self xall not walk in brede. but in þe same place þere. þat cryste hym-self walkyd & ȝede. whyll þat he in erde was leuynge here But hys dyscypyls fer xall sprede. ouer all þe werd bothe far & nere. to turn euery leuande lede. & make hem leue on fendys fere. And þoo þat leuyn on hys lay. Ryche I-now xall he hem make. & þoo þat wyll for-sake hys lay. xall goo to dethe sorow & wrake. Many a body þe sothe to say. xall to þat false beleue hem take. full goode crystene be þoo day. xall be in plyte cryst to forsake. Than xall ennok & ely. ben sent owt from paradyse & be-for all pepyll veryly, þis Antecryst þey xall dyspyse. And proue be ryte & profysy. þat all hys maruelys & mastryse. Arn not but false & sorcery. & wrowt be non oþer wyse. Whan Antecryste ys þus scomfet meche pepyll xall hem renne-ay. And Iewys namely in þat plyte. xall turne a-geyne to crysts lay. Than Antecryst for dyspyte. ennok & ely at certen day. to dethe with dyntys do hym smyte. for þat þey dyspysyd hys lay. And whan þey haue to dayys be dede. þey xall ryse vp to lyfe a-geyn. & whan þis cursyd wede. hathe reyned tweyne ȝere full & pleyn. And eke an half ȝere in þat stede. & led hys mastryys & hys may. no lenger he xall holde vp hys hede. but þan he xall draw to hys peyne. Ihesu cryst goddys sone of myte. with many legyons a blysfull pres. of þe nyne orderys of aungyllys bryte. & whan he comyth þat prynce pere-les. he xall come with sweche a lyte. as all þe ward went on a blese. to dystroy euery wykkyd wyte. And as seynt gregory dothe expres. þe prynce of aungelys seynt mychaell. þis antecryst to dethe xall dresse. & sle þat felon false & fell. & xall hym put in sory presse. In-to þe deppest pyt in hell. In endless peyn depe depresse. þer with damnyd euer to dwell. And þan xall sytt þat hey Iustyse. goddys sone maker of lyte & leuyn. & deme vs aftyr owre seruyse. as we haue wrowt here olde & ȝynge. The wykkyd men he xall chastyse. & deme to hell with wykkyd steuyn. þey þat þan be fownde Iuste & wyse. xall streyte in-to þe blysse of heuyn. To þat blys he mot vs brynge. sothe-fast cryst þat deyyd on roode. as he of dauyd rote wolde sprynge. & for to by vs he sched hys bloode. As wystly as he made all þinge. 972. for crossed out before made MS. kepe vs fro warkys wykk & woode. & he ys cryste curtes & kende. with grace he glad vs with all goode. Amen.