Questiones by-twene the Maister of Oxenford and his clerke [Englische Studien 8 (1885)]

Questiones by-twene the Maister of Oxenford and his clerke [Englische Studien 8 (1885)] Horstmann, Karl 4 pages, ca. 16 kb University of Michigan Library Ann Arbor, Michigan 2018 CME00011 10002175

The University of Michigan Library provides access to these materials in furtherance of its educational and research mission. This work has been identified as being in the public domain, free of known restrictions under copyright law, including all related and neighboring rights. You may copy, modify, distribute and perform the work, even for commercial purposes, all without asking permission. If you have questions about the collection, please contact Digital Content and Collections (mec-info@umich.edu). If you have concerns about the inclusion of an item in this collection, please contact Library Information Technology (LibraryIT-info@umich.edu).

Englische studien. Zeitschrift für englische Philologie. unknown unknown unknown

Header created with script paul2teiheader.xsl on 2018-06-14.

Header expanded with script MARC2Paulmap.xsl on 2018-07-31.

Encoding has been done using the recommendations for Level 4 of the TEI in Libraries Guidelines.

English, Middle (1100-1500) 6-13-16lattajMURPAdded TEMPHEAD, checked ID, and added TYPEs to DIVs in order to validate. Checked for N=""s. Checked for GROUP tags. Proofed title. Checked s. Reviewed structure; changed CLOSER SIGNED to BYLINE. Checked placement and completeness of PBs. Checked for damage GAPs, #s, @s, --s, and UNCLEARs. Corrected [dollar]s. Checked for &cs with incorrect spacing. Checked for LBs. Checked for startqs and endqs, abq's, oes, qs, Ae's, and Qs. Checked proofsheets and made corrections. Checked italic I / J and U / V. Checked for missing page GAPs. Checked for EPIGRAPHs and ARGUMENTS. Checked CLOSERs, OPENERs, SIGNEDs, SALUTEs, TRAILERs, BYLINEs. Checked decorated initials. Checked FIGUREs. Sample: 2 minutes. Proofing: 0 minutes. Tag review and corrections: 50 minutes. DONE.

11 CME00011 CME00011 QUESTIONES BY-TWENE THE MAISTER OF OXENFORD AND HIS CLERKE. Aus MS. Harl. 1304. Eine theilweise gekürzte version in MS. Lansdowne 762 findet sich ab∣gedruckt in Wülcker's Altengl. lesebuch II p. 191-194. Clerk:

Sei me, where was god whanne he made heven and erthe?

Maister:

I sey the, in the forthere ende of the wynde.

C.:

Telle me þat word þat god firste spake.

M.:

Be þe(r) made liȝt, and light was made.

C.:

Whi is heven clepid heven?

M.:

For the heven coueryth all þat is vnder hym.

C.:

What is God?

M.:

He is god þat alle thynge made & alle thynge hathe in his powere.

C.:

In how fele dayes made god alle thynge?

M.:

In six dayes: the first day he made lightnes & light.

The seconde day he made alle thinge þat helden þe heven,

The thirde day he made water and erthe,

The IIII^th day he made the fyrma∣ment of heven,

The fifte day he made the sterres,

The six day he made alle-maner bestis, fowlis & fysshes in þe see, & Adam þe first man.

C.:

Wherof was Adam made?

M.:

Of VIII^te thinges weyghtis weyande: the fyrst weyght is erthe,

The secounde is fyre,

The thirde is wynde,

The IIII^te is clowdes,

The fifte is ayere, wherthorow he spekyith & thynkyth,

The sixte dew, wherthorow he sweth,

The sevent is of flowres, wheroff Adam hath his yeen,

The VIII^te is salte, wheroff Adam hath salt teris.

C.:

Wheroff was fownde þe name of Adam?

M.:

Of fowre sterris; þeis ben þer names: Arax, Bux, Arstolem, Comfunbrie.

C.:

Of what state was Adam whan he was made?

M.:

A man of XXX wynter age.

C.:

And of what lengith was Adam?

M.:

Of fowre-score and of VI enchen.

C.:

How lon̄ge leued Adam in this world?

M.:

IXC and XXX wynter, & afterward in helle, & was to-geþer .... Die zahl ist mir nicht leserlich.

C.:

Of what age was Adam whan he begate his first childe?

M.:

An C & XXX wynter, & hade a son þat hight Seth. & Seth leued IX^C wynter & XXX^ti. And þat Seth had a son þat hight Enos, and Enos lyued IX^C wynter & V. And þat Enos had a son þat hight Canaan, & Canaan lyued IX^C wynter & X wynter, & had a son þat hight Malek. & þat Malek lyued IX^C & V wynter, & had a son þat hight Jared. & þat Jared lyued IX^C XLII wynter, & had a son þat hight Matusale. & þat Matusale lyued IX^C XLIX wynter, & had a son þat hight Lamec. & Lamek lyued VII^C XLVII wynter, and had a son þat hight Noe. & Noe lyued IX^C & XL wynter, and had thre sonnes: Sem, Cam & Japheth. & Sem hadde XXX^ti children, & Cam XXX children, & Japheth XII children; & so fele langages weren.

C.:

What was he þat neuer was bore & was buried in his modur wombe & sithe was cristened and saued?

M.:

That was owre fadur Adam.

C.:

How longe was Adam in paradise?

M.:

Seven yere, and att seven yeris ende he trespased ageyns god for the appell þat he yete on a friday, and an angell drofe hym owte.

C.:

How fele wynter was Adam whan owre lord was don on the crosse?

M.:

That was VMCC & XXXII yere.

C.:

What hight Noes wyff?

M.:

Ballida; and the wiff of Sem Ca∣teslima; and the wiff of Cam Laterecta; and the wiff of Japheth Aurea & oþer thre names Ollia, Olina & Olibana.

C.:

Where-of was made Noe is shippe?

M.:

Of a tree þat is clepid chy.

C.:

And what lengith was Noes shippe?

M.:

Fyfty fadom of brede, CC fadom of lengith, & XXX^ti fadom of highnes.

C.:

How fele wynter was Noes shippe in makyng?

M.:

Fowre-score wynter.

C.:

How longe durid Noes is flood?

M.:

XL dayes and XL nyghtis.

C.:

How fele children had Adam & Eue?

M.:

XXX^ti gromes and XXX^ti maidens.

C.:

Hoo made the first Citees?

M.:

Enos, Seth is son, & the Citee hight Ninimen. & þer were þer-in XII^C & XXM Cheueteynes, with-owten women, with-owte bachi∣lers & with-owte children. And whan Noe is flood was awey, thai made Jerusalem.

C.:

What Cite is there the son gooth to reste?

M.:

A cite þat is clepid Garica.

C.:

Whiche ben the beste Erbis þat god loued?

M.:

The Rose and the Lylye.

C.:

Whech foule loued god best?

M.:

The Coluer, for god sent his spirit from heven in lykens of a coluere.

C.:

Whiche is the beste water þat euer was?

M.:

Flom Jordan, for god was baptiȝed þer-ynne.

C.:

Where becom thangels þat god put owte of heven & bycom develen?

M.:

In thre parties were þei partid: some in to hell, & some regnen in the skye, and som in waters and in wodis.

C.:

How fele wateris ben there?

M.:

Twey salte waterys and II fresshe waers.

C.:

Hoo made firste plowes?

Cam, Noes son.

C.:

Whi berith not stones frute as well as tres?

M.:

For Caym slough Abell with an asse chekebon.

C.:

Whiche is the best thynge & the worst amonge men?

M.:

Worde is best and worst.

C.:

Of what thynge be men most sekere?

M.:

Men ben most sekyre of deth.

C.:

Whiche ar the IIII thynges þat man may not leve with-owte?

M.:

Wynde and fyere, water and erthe.

C.:

Where resteth a man is soule whan þat he slepith?

M.:

In thre steedis: in the brayn, or in the blood, or in the herte.

C.:

Telle me why that the see is salte?

M.:

For the wordes þat god commanded to Moyses & for the children of Israell þat wold not kepe þer lay, Moyses brake the Tables and threw þem in the see, and teres felle owte of þem.

C.:

Telle me þoo ten wordis and þer names.

M.:

The first word: honowre no god but me, for I made heven & erthe.

The secound is: clepe me nought in vayn thynge.

The third is: kepe þi sonday, for þat is my day.

The fourth is: honour thi fadur and modur.

The fifte is: slee no man with wronge.

The sixte is: vse no leccherie.

The sevente is: take non oþer mannes good with wronge.

The VIII^te is: bere no fals wytnes.

The IX is: lat oþer men hafe þer own goodis.

The X is: couet non oþer mannes wyff.

C.:

Where lith Moyses body?

M.:

Besides the howse þat is clepid Eufegor.

C.:

Whi is the erthe cursed & the see blessid?

M.:

For Noe and Abraham, & for cristen∣ynge þat god commanded.

C.:

Whoo sett fyrst vynes?

M.:

Noe sett the first vynes.

C.:

Who clepid first god?

M.:

The devell.

C.:

Whiche is the heuyest thynge ber∣ynge?

M.:

Synne is the heviest.

C.:

Whiche thinge is þat som louen & som haton?

M.:

That is Jugement.

C.:

Whech be the foure thynges þat neuer were full ne neuer shall?

M.:

The first is erthe, the second is fyre, þe thyrde is hell, þe fourte is a couetous man.

C.:

How fele maners ben þer of fleande brides, & how fele fysshes?

M.:

Foure & fifty of fowles, XXXVI of fysshes.

C.:

Whiche was the fyrst clerk þat euer was?

M.:

Elyas & Elyseus patriarches, & after þe cristenynge Paule & Antonius first hermitis.

C.:

What hight the foure waters þat renne thorow paradise?

M.:

The on hiȝt Fison, the oþer Geon, the third hight Tigris, the fourth Effraton. Theise ben milke, hony, oyll, & wyn.

C.:

Wherfor is þe sonne red to-fore mete?

M.:

For he wot not yf he may goo abowte þe Fyrmament or nyȝt.

C.:

Where-for is þe sonne rede att eue?

M.:

For he gōōthe toward hell.

C.:

Hoo made fyrst citees?

M.:

Mercurius the Geaunte.

C.:

Whech ben the foure waters þat weyen the erthe?

M.:

That on is snow, the oþer is occian waters, þe III^de is haill, þe IIII^th is dewe.

C.:

How fele langages ben þer?

M.:

Sixti (!) and two: & so fele disciples had god with-owte his appostels.

Explicit. C. Horstmann.