This same yere the emperor Frederyk with an huge ooste wente to Jerusalem.

This yere the emperor Frederyk deyde in his goynge to Jerusalem; and in this yere began the orde of oure lady in Pruce, that is to sey in the yere of oure lord a m^l'clxxxx.

This yere the kyng toke the Ile of Cipre; and the prynce of the same ile he lete folowe hym in sylver cheynes.

This yere the kyng comynge homward fro the holy lond Kyng Ri∣chard was taken p'son' and raun∣soned at an c m' li'. was taken of the duke of Ostrich and brought to the emperor, and there he was emprysoned and afterward raunsoned at an c m^l' li', whiche somme to pay everych other chalys in Enge∣lond was broken and coyned into moneye, and the monkes of Cisteux' solden there bookes for to paye the kynges raun∣sone.

The same yere, the yere of oure lorde a m^l'clxxxxviij, began Ordre of the Trynyte. the ordre of Trynyte. The same yere deyde pope Celestyne; and thanne succeded Innocent. And in this yere kyng Richard seiled over the see into Normandye and sclewe the kyng of Slewe the frenche king. Fraunce.

In this yere, that is to sey the yere of oure lord a m^l'cxxxxix, Rex Ric'us int'fectus fuit ap'd Castru' Gaillard in France. the kyng was sclayne atte the castell Gaillarde in Fraunce with schot of a venemed quarelle in the heed. Neverthelees or he deyde the castell was wonne and his body setthe entered at Pount Ebrarde with hys fadir Henry the secounde. Whan the kyng Richard was thus hurt, with his owne hand he pulled out the quarelle, and anon the wonde rancled; and whan the kyng wyste that his wounde was dedly, he comaunded anoone his peple scharply assawte the town, and so it was wonne: and the kyng dede his will with them that were withinne: among othere he lete comaunde hym to be brought before hym that schotte that quarrelle; and whanne he cam the kyng asked his name. Sire, seide he, my name is Bertram Gordone. Wherfore, Bertram Gordon. seide the kyng, have ye sclayne me? dede y yow ever ony harme? Nay, sire, q'd Bertram; but, sire, with youre owne hond ye sclowe my fadir and my brothir, the whiche y have quytte yow. Now thanne, q'd the kyng, he that deyde for us on the crosse he save us from helle, he foryef yow my deth, and y foryef it yow. And the kyng comaunded hym an hun∣dred schillynges of silver, and chargyd upon lyf and membre that no man schulde dow hym non harme: natheless certeyn persones of the kynges hous sued after hym and sclow hym after his departyng. And so kyng Richard obite is the vj day of April.

In this yere kyng John loste all Normandye and Angoye be werre; and he toke of every plowe lond in Engelond iiis. toward hise werres.

This same yere, be the avyse of wyse men of the citee of London that were chosene xxxv men whiche were sworne to holde and mayntene with the maire the assyses.

In this yere of oure lord a m^l'ccij, there fallen grete reynes, Hailstones grete: and hailstones as gret as an ey medlyd with reyn, where thorugh trees, vines, cornes, al manner frutes were moche distroied; and the peple were sore abaysshed, for there were seyn foules fleynge and foules were seyn berynge fyer in the eyr in there billes. in the eyre berynge in there billes brennyng coles, whiche brenden manye houses. And in this yere Engelond and Walys were enterdited, and stood so vj yere and more, for the kynges trespas.

In this yere were seyn at oones too fulle mones in the fir∣mament. In this yere were too mones seyn. Frere P'chours ordre began. A gret wynt' and long durynge. And in this yere of oure lord a m^l'cciiij began the ordre of Frere P'chours, in the cuntre of Tholomeis, undir duke Domynyk. Also in this yere was a strong wynter and an hard, fro the circumcisione of oure lord til the annunciation of oure lady.

This same yere the plees of the coroune were pleted in the The plees of the crowne were pletyd in the tour. tour of London, and Hugh of Cisell was drawe and hanged.

This yere the enterdytynge of the reaume was new proclamed thorugh out Engelond. Also in this yere was born Herry the kynges sone; and in this yere the kyng wan Irlond.

In this same yere the land was reconsyled, and the enter∣dytyng The cessyng of the enter∣dytyng of this land. London brigge was first begonne to make. cesed: and in this yere the stone brigge of Londone was first begonne to make.

In this yere an eretyk was brent for eresye, the whiche be craft quenchyd ofte the fire.

In this yere was gret discencione be twen the kyng and hise lordes; and Lowys the kynges son of Fraunce was waget to come into Engelond with manye Frensshmen, whiche dede moche harme in the reaume or they wenten home; and the kyng wente with his hoost to Berham Downe. And in this A gret parte of London was brent. yere, on seyn Benettes day, Southwerk, Londone brigge, and the moost part of London was brent.

In this yere, on candelmasse even, the kyng seyled unto Peytowe.

In this yere, that is to seye the yere of oure lord a m^l'ccxiiij, The ordre of Frere Me∣nors began. began the ordre of seynt Fraunceys, besyde the assise of Frere Menours. And in this yere, in the fest of Gordiam in Sep∣tembre, the barons entred the citee of Londone, and strong werre was betwen the kyng and the lordes: and Rog' Fitz Aleyn, maire, was discharged of his meiralte be the forsaid barons, and afterward they chosen Cerle meire, and the schir∣reves as it folwith: and yet lasted the werres.

This yere, on seynt Lukes day, the kyng deyde and was beried at Westm'.

This yere Thlewyne the prynce of Walys rebelled ayens the kyng; and the kyng scomfited hym in bataile, and drof hym to so muche myschief that he cam and yeld hym, and paied to the kyng l m^l marc of silver for to have his pees, and made hys othe for to comen to the kynges parlement too tymes in the yere. Eod'm anno f'res in vestimentis saccor' in exules mita∣bant'. It'm stat' erat concessum p' bigamis; it'm p' p'sonis p'motis non consecratis ad eccl'ias.

This yere, that is to sey the yere of oure lord a m^lcclxxiij, the xiiij kal. of Septembre, the kyng Edward was crowned at Westm' of Robert Kilward thanne erchebysshop of Caunterbury. Also in this yere the kyng confermed to the citezeins of London alle there liberties and fraunchises. Also he yaf them a chartre for to chastyse bakers and mellers; that is to seye, for bakers For chastyse bakers and mellers. that make nought breed after the assise, and for mellers that stelen mele and corne, the herdell; and for nyght walkers the toune. Et eod'm anno reveniebat a t'ra s'c'a et coronabat' cu' sua regina Alianora filia reg' Hispanie apud Westm'.

In this yere the kyng helde his parlement at Westm'; and at Estre next suynge he sente be his lettre to Thlewelyne prynce of Walys that he schulde comen to his parlement: wherof Thle∣wyne hadde gret dispite, and rebelled ayeyne: and thanne the kyng made newe werre to Walys so scharply that of verry nede the prynce of Walys yald hym to the kyng; and longe tyme he knelyd before the kyng, and the kyng dede hym grace. And in this yere, the day of seynt Parthi and Racmeti was a grete erthe quake aboughte the houre of prime. Tr'e motus.

And in this yere of oure lord a m^lcclxxv, Mich' Tony, for manye trespasces and defautes be hym in the werre tyme done, he was accused, jugged, and dampned, and was drawen and hanged.

In this yere, in the fest of seynt Michell, the kynges benche The re∣mevyng of the kynges benche and the Es∣chqer to Schroves∣by. and the echeqer were removed fro Westm' to Schrovesbery, and in the xv day of seynt Hillere next folwynge thei were brought ayeyn to Westm'.

In this yere of oure lord a m^lcclxxviij, the kyng of Scotland Rex Scotie veniebat ad p'liamentu' R'. come to the kynges parlement at London. Also in this yere, the viij day of seynt Martyn, alle the Jewes of Engelond were Jewes and Englisshmen weren arested for clippyng of money and for byenge of plate of silv'. taken for clippyng of money: and in the feste of seynt Lucie alle the goldsmythes of London, and alle thoo that kepten the Change, and manye other men of the citee weren arested and taken for beyenge of plates of sylver, and for chaunge of grete money for smal money, whiche were indited be the wardes of the citee. And on the Monday next after the Epithanie the justyces setene at the Yeldhalle to make delivreaunce; that is to seyn, S^r. Stephen of Pencestre, S^r. John of Cobham, and other which that them lust to assocye to them. And there were forjugged and drawen and hanged iij Englyssh Jewes [See note E.]. And in the same yere the hous of the Frere Prechours began to The hous of the Frere P'chours was founded at Castell Bay∣nard. be founded at Castell Baynard. Also Robert Kylwardby the erchebysshop of Caunterbury in this yere was mad cardenall, and frere John Pecche, a Frere Menour, was thanne made erchebysshop of Caunterbury. And in this yere the town of The town of Boston was brente 1275 [In a modern hand]. Booston was brent.

In this yere the kyng made newe money of silver called half Hafpence and q' were first mad. penys and farthynges, alle rounde, of whiche were none sen before. Also in this yere upon seynt Denys day fel a gret A gret snowe. snow, of whiche cam grete floodes and huge. Eod'm anno s'c'us Hugo Lincoln' ep'us t'nslatus fuit.

This yere Martyn the forthe was sacred pope at Rome.

In this yere the werre aroos ayeyne betwen the kyng and the The werre aroos betwen the kyng and the prynce of Walys. prynce of Walys upon Palm Sonday; on whiche day David the princes brother tok S^r. Roger Clyfford at Hawardyn, and sclowe and tok manye of his mene, and beseged the castell of Flynt and Rothelan, and tok the toun of Claupautern ["Lamba∣tre vanc" in the Cotton MS.] and caste adowe the walles.

In this yere the kyng with a gret oost wente into Walys and remeved and brak the sege of the castell of Flynt and Rothelan. And in this yere in the iij idus of Decembre, Thlewelyn prince Prynce of Walys sclayn. of Walys was sclayn, and his hed smyten of be S^r. Edmond Mortymer, and sente it to the kyng, whiche that tyme lay at Rothelan; and the kyng sente it to London, and comaunded that it schulde be sett upon the tour of London. And that said prynce of Walys before or he was sclayn, come into the landes of the forsaid S^r. Edmond Mortymer, and occupied manye of hise lordschippes, wherfore the said S^r. Edmond manly with meyne fillen on hym as it is before seyd. And it was seid that yif the forseid prince hadde lyved too dayes longere than he dede, alle the Walssh tonge hadde holly ben enclyned to hym. And in this yere, on seynt Leonard day, S^r. Roger Clyfford the yonger was droughned betwen Snowdon and Englessey, and manye othere also, whiche because there myghte nought abyde the comynge of the Walsshe men, unwysly, withoughten hors, passed the bregge of Penbroke ["Devy" in the Cotton MS.]. Also in this yere deide seynt Thomas the bysshop of Hereford, whiche was called Thomas S'cus Thom' Hereford' ep'us obiit. Cantel'. After hos disses succedyd into the bysshopriche, Richard of Swynfeld.

In this yere aboughte the feste of Natyvyte of seynt John The brother of the prynce of Walys was taken and after∣ward hanged. Baptiste, David the brother of Thlewelyn was taken and holden in pryson at Rothelan, unto the fest of seynt Mighell, and thanne lad to Schrovesbury, and there he was dampned to be ded; and first he was drawen thorugh the citee with hors unto the galowes, thanne hanged, and afterward beheded; and thanne his bowels brent, and the laste his bodye quarterd in iiij quarters, whiche were sent to be sett up in iiij parties in Engelond; and be the kyng comaunded that his hede schulde be seete on the tour of London. And fro that tyme forth the kyng occupied alle the lond of Walys. And thanne he dyvyded it into schires and hundredys, in maner as it is in Engelond; and at Abber∣couewe [Corrected from the Cotton MS.] he made a gret and a strong castell, fro whiche place the monkes of Cisteux remeved; and in another place a man∣cion edified for them. He made there a fair toun, and he lete make the castell of Carnarvan in Snowdon, where that his sone was born: and also he lete make the castell of Plaupautuvouc ["Lamba∣tre vanc, and otherwise it is called Abrestewith" in the Cotton MS.]. And also in this yere Petir kyng of Aragon occupyed the kyndom of Cecilie, ant putte out kyng Charles, whiche anon after mad an ende of hys lyf; wherfore the pope Martyn ac∣cursed the said Petir, and the kyngdom of Aragon he yaf to the The kyng of Aragon oc∣cupied the kyngdom of Cecile, and put out kyng Charles. kynges sone of Fraunce. And in this yere aroos werre betwen the kyng of Fraunce and the kyng of Spayne; and the kyng of Fraunce with a gret ooste wente into Spayne, whiche dede nothyng worthy to be preysed. Also in this yere Reynold of Lanfare ["Lancas∣tre" in the Cotton MS.], Robert Pynot, Poule of Stebenhithe, Thomas Core∣wener, John Tholosan, Thomas Russell, and Robert Scot, weren accused of the deth of Laur' Doket, whiche was hongen in Bowe Laur' Doket was hangen in Bowe chirche. chirche: and they were dampned, drawe, and hanged; and on Alyce a woman was brent for the same cause: and Rauf Crepyn, Jordan Goodcheppe, Gilbert Clerk, and Geffrey Clerk, weren atteynt and sent to prison into the tour of London. Also in this Gret conduyt in Chepe. yere the grete conduyt in Chepe was newe begonne to maken.

This yere kyng Philipp of Fraunce com out of Aragon, where he loste the most part of his oost, and deyde: and Philipp his sone was crowned kyng in the feste of the Epithanie. And in this yere deyde kyng Petyr of Aragon. Also in this yere, in the feste of the Nativite of oure lady, S^r. Edmond Mortymer receyved the ordre of knyghthod of kyng Edward at Wyn∣chestre. Also, this seid S^r. Edmond wedded Margarete the doughter of Sire William de Fowles ["Fenles" in the Cotton MS.], cosyn to the quene, at London. And in this yere were mad at London, the statutes whiche ben seid additamenta Glouc'. Additamenta Glouc'.

In this yere, alle the Jewes of Engelond were put to a gret tribute, to be payed to the kyng. Also this yere the kyng passed the see into Fraunce, aboughte the Invencion of the Holy Cross; and of the kyng of Fraunce he was worthyly res∣ceyved, and so yorned a certeyn time with the kyng of Fraunce at Parys, whiche yald up certeyn londes of Gascoigne to the To hym was rendred cer∣teyn lond. kyng Edward, whiche long tyme hadde wrongfully be with∣holden out of his handes. Also in this yere, in the March of Walys fel the grettest hailstones that evere were seyn in that Grete hayl∣stones. countre, whiche dede grete harme to beestes and to houses and to corn.

This yere seynt Thomas of Hereford was translatyd. Also, aboughte Pentecost, Rys ap Geredith began partie ayeyns the kynges pees, and werred in the kynges londes.

This yere was so gret plente of whete that men solden a A q're whete at xvj d. quarter of whete for xvj^d. And in this yere was a passyng hoot sommer, and specially in hervest.

This yere kyng Edward cam out of Gascoigne into Engelond upon oure lady day, the Assumpcion. And in this yere S^r. Tho∣mas Weylond justice, Adam of Skretton, and alle moost alle other justices were convicte of false domes yevynge, and grevously punysched; some of lesyng and forfaityng of alle there goodes, and some be redempcion of moche money.

In this yere alle the Jewes were exiled out of Engelond, to Alle the Jewes were exiled out of Engelond. voyde the reaume of Engelond be Alhawen tyme, upon peyne of lesynge of there heedes or eny of them mighte be founden withinne the reaume; and for to have this graunted of the kyng don and performed, the co'es of the reaume grauntyd for to yeve the kyng the V parte of there moveable goodes. This same yere The v^th of ther move∣able goodes. Gilbert the erle of Gloucestre wedded dame Johanne the kynges doughter. And in this yere forthwith the dukes sone of Braban wedded dame Margrete the kynges other doughter. And in this yere, on seynt Andrew even, deyde quene Elianore Obiit regina Elianora. kyng Edward wyf. Also in this yere aroos a grete stryf betwen the V Portus and Flaundres. Also this yere the kyng ordeyned the newe feyre and market at Sandewych, where alle the wolles The staple of wolles was ordeyned at Sandwych. of Engelond schal be brought, and there sold.

In this yere Acres was wonne of the Sarasynes the xv day of Maii, and utterly destroid, and alle tho that dwelden withinne that myghte be founden were sclayn. Natheles manye escapid awey be schippes. Also quene Elianore the kynges modyr deyde. And in this yere the kyng prisoned his sone for mayn∣tenaunce of diverses traitoures.

In this yere fel the grettest snowe that evere was seyn A gret snowe. before this tyme; wherfore a vercyfyer made in metre thise vers:

And in this yere the erele of Barre wedded dame Elianore the A weddyng. kynges doughter at Bristoll, aboughte the Exaltacion of the Holy Crosse.

In this yere the kyng lete areste alle the wolles of Engelond, wolle felles and hydes; and he tok to hym alle the money to hym graunted of the pope in subsidie of the holy lond, and collecto's ["Of the collectours" in the Cotton MS.] of the same dysme thorugh Engelond, and he dede for to be born to London into his Eschequer: also the convo∣cacion of the clergye of alle Engelond beynge at London the Wednesday nest after the fest of seynt Mathy, the kyng asked a gret some of the clergye toward his werres whiche he hadde with diverses regiones and provynces; and the clergye graunted The clergye of Engelond. graunted moche good to the kyng for his werres. hym halven dele there goodes sp'uelx and temp'elx, oughtake benefices not passynge x marc: and the said taske the kyng let gadere at iij tymes evenly of the yere. Also in this yere [See note F.] the kyng hadde of lay peple of Engelond the x part of there goodes, whiche he let gadere at two tymes of the yere be even porcions. And the lay peple graunt∣ed the x p't of there goodes. The same yere the werre aroos betwen the kyng and the Walssh peple, in whiche werre was sclayn greet multitude of peple: and that werre began aboughte the feste of seynt Cosine and Da∣myan. And in this yere a worthy marchaund callyd Laurence of Lodolowe was dreynt in the see to Flaundres ward. Also in this yere S^r. Thomas Turbevyle for treson was drawen and hanged. And in this yere Sire John Seynt John discomfyted the erle of Artoys; but in the seconde bataile the said S^r. John was taken and enprisoned in Fraunce. And in this yere S^r. Herry Mortymer resceyved the ordre of knyghthoode at Portesmouth. Also this same yere the kyng Edward, magre alle the Scottes of Scotlond, he toke the toun and the castell of Berewyk, and killed there xxv m^l and viij c Scottes; and there were taken S^r. William xxv m^l and viii^e Scotts. Douglas, S^r. Symond Freshell, and the erle Patryke. And in this yere, that is to sey the yere of oure lord a m^lcclxxxxvij, the kyng tok the castell of Edenburgh, where he fond the The kyng tok the castell of Edenburgh with alle the regalies of Scotlond. regalyes of Scotlond, that is to seye the kynges see, his crowne of gold, and his ceptre, whiche regalyes the kyng offred sithens to seynt Edward at Westm', in the morwe after seynt Bo∣thulphes day: and at Myssomer, John Bailhol kyng of Scot∣lond come to the kynges pees to London. Also this yere Edward the kynges sone was admirall upon the see.

This yere the kyng lete gadere in Engelond in diverses The kyng lete gadere in Engelond cm^l quart' of corn for to send to Gas∣coigne. schires an hundred thousand quarters of corn, and sente it over the see into Gascoigne: and the kyng passed the see in August, and with hym xx^ti m^l ["xxx thousand" in the Cotton MS.] Walsh men and too m^l Englysshmen and too m^l Irysshmen; and there aroos a stryf betwen the kyng and his lordes, that non of them wolde passen with hym over the see; and the kyng arryved in Flaundres: and there was taken trewes for too yere betwen kyng Edward and kyng Philipp of Fraunce; and S^r. John Seynt John and other prysoners were frely delyvered out of pryson.

In this yere, in the feste of seynt Andrew, the kyng graunted to the lordes all there axynge of the poyntes of the olde chartre: also the Scottes areysed werre ayeyns the kyng of Engelond: also the viij day of Paske, Thomas Romayn, Richard Romayn [Omitted in the Cotton MS.], Certeyn men were arested for brekyng of the toune of Cornhull. Richard Gloucestre, Nicholl Faryndon, Adam Halyngbery, Thomas Cely, John Dunstale, Richard Asshwy, John Wade and William Storteford, weren aresteed for brekyng of the toune in Cornhull. And in the viij day of May ["The day of Marie Mawdelyne" in the Cotton MS.] in this yere the kyng faught with the Scottes at Fowkyrk, in which bataile xxiij m^l ["xxx m^l"—Ibid.] Scottes were sclayn, and of Englysshmen but xxviij, honoured be the highe Godes grace.

This same yere the fraunchise of London was graunted ayeyn The fraun∣chise of Lon∣don was graunted ayeyn. for ij m^l marc, whiche was sesed ayeyn into the kynges hond; and for to make leve of that some, the servauntes bowys in the citee were sette at the tallage as well as the maistres. Also in this yere men of London wenten and sercheden the chirche of Seynt Martyns in the feld for tresoure of gold, thorough the wordes of a gardyn', whiche seyde how there was a gold hord; but they founde nought: wherfore the dene of Poules of London, be comaundement of the erchebysshop of Caunterbury, denounced them alle accursed openly at the Crosse of Poules that sergeden as above seyd. Also in this yere Robert Wynchelsee erche∣bysshop A maryage betwen the kyng and Margarete the kynges sust' of Fraunce. of Caunterbury spoused the kyng Edward and Marga∣rete the kynges suster of Fraunce togidere: and also pees was mad betwen bothe kynges. And in this yere the kyng wente the thridde tyme beyounde the see into Scotlond, and thanne wan it He wan all Scotland. alle.

This yere come the kyng to London and ordeyned the Trail∣baston The Trayl∣baston., whiche wente thorough the reaume, and arrered therby moche tresour. And in this yere the quene Margarete com And this yere quene Margarete com into Engelond. into Engelond; and the citeizens of London reden ageine here in good aray, abought cc persones atte the leeste. Also this yere the kyng enprysoned his sone Edward, because that The kyng enprysoned his sone Edward. Waulter Langeton bysshop of Chestre hadde compleyned that the forsaid Edward, be counseill of Pers of Gavaston, esquyer of Gascoigne, hadde broken his parkes; and forasmoche as the said Edward the kynges sone was ladde and governed be the said Pers, the kyng dede exile the forseid Piers for evere.

In this yere the kyng held his parlement at Caunterbury, and A parlement at Caunter∣bury. the werre aroos betwen the kyng of Fraunce and of Flemynges.

This same yere, that is for to seye the yere of oure lord a m^lcccv, were alle the Templers distroyd in oo day thorugh The tem∣plers were stroid. out alle Cristendome.

This yere Robert Bruz made hym kyng of Scotland, and S^r. Roberte le Bruz. John Comyn was sclayn atte Grey Freres in Donfres, because he wolde not falsen his othe that he made to kyng Edward; wherefore the kyng sente after alle the bachellarye of Engelond that thei schulde comen to Westm' at Whitsontyd thanne nest folwyng; and there he doubbed cclxxx knyghtes: and the Fryday ["the iiij^th day" in the Cotton MS.] nest before the assumpcion of oure lady, the kyng mette with Robert le Bruz be syde seynt Jones towne, and killed of his meyne vij m^l; and Robert le Bruz fledde: and Simond Fris∣sell was take, and on oure lady even the Nativite he was drawen and hanged at London, and beheded. And in the forsaid bataille were taken the bysshop of Boston, the bysshop of seynt An∣drewes, Bysshoppe of Boston. the abbot of Stone, alle armed, whom the kyng sente to the pope, to do with them what he wolde. Also S^r. John the erle of Athelles was taken also at the same bataille; and at the request of the quene, because he claymed kynrede of kyng Edward, his drawynge was relesed; nevertheles he was honged and his body brent alle to asshes. And also in this yere the erchebysshop Bisshoppe of Burdeux made pope. of Burdeux was mad pope.

In this yere deyde the noble and most doughted prynce kyng Edward the firste, in the day of translacion of seynt Thomas of Caunterbury, whos body lith worthyly entered at Westm'.

This yere the kyng Edward wente into Fraunce and wedded Kyng Ed∣ward wedded the kynges doughter of Fraunce, Isa∣bell. Isabell the kynges doughter of Fraunce, the xv day of Januer', in oure lady chirche at Boloigne; and the xx day Fever' sche was crowned at Westm': and there was so gret prees of peple that S^r. John Bakwell was crowsed to the deth. Also in the same yere the kyng anon after the deth of his fadir sente into Gascoigne for Pers of Gavaston; and he yaf hym the lord∣schipe of Walyngford and the erledom of Cornuwayle: and this same yere prophecyed the chanon of Bridlyngton.

In this yere the schirreves of London paid for the accomptes of London and Middlesex cccc^li. Also in this yere, that is to Templers were dis∣troyd. seye the yere of oure lord a m^l ccc^mo x^mo, the ordre of Templers were distroid on oon day thorugh alle Cristendome, whiche ordre began in the yere of oure lord a m^l lxxxxviij. Also in the same The ordre of the Crowch∣ed Freres be∣gan. yere began the ordre of Paulyns, that is to say Crowched Freres.

In this yere was borne the kynges sone Edward at Windesore. Edward of Wyndesore was born.

This yere of oure lord a m^l cccxiiij the kyng Edward with a ryall oost wente into Scotlond; and upon Missomer day faught with the Scottes at Strywelyn; and there he was discomfited and fledde, and moche of his peple sclayn.

In this yere it befell that there was a rebaude called John Tannere, the whiche wente aboughte and seyde that he was the goode kyng Edward sone, and called hymself kyng Edward of Carnarvan, and seide thorugh necligence of his noryce, whil he lay in his cradel a sowe com in and foule rente hym, and the noryce durste nought tellen it, but toke a tannere sone ["A carter son" in the Cotton MS.] and kepte hym in hys stede, and so he was putt to kepyng of another noryce, be whiche he was preved of his rewme: and for to make this the more certeyne to be belevyd, he schewed the places of the woundes which that he seyde the sowe hadde mad. And he seyde that kyng Edward maners were acordyng with the maners of his fadyr the water-berere ["The car∣ter." Ibid.], for as moche as he loved swyche rude werkes: and for this seyenge moche peple yaf credence to hym and leved his wordes. Also the same John Tanner chalangyd the chirche of the Frere Carmes at Oxenford, whiche was som∣tyme the kynges halle, and kyng Edward hadde yeve it to them to make thereof there chirche. But natheles at the last he was preved fals, and was taken and brought to Northampton, and there he was drawen and hanged; and before that he was put to his penaunce he confessed before the peple that the devell be hyghte hym that he schulde be kyng of Engelond, and know∣loched that he hadde served the devell iij yere and more.

The same yere, that is to sey the yere of oure lord a m^l cccxvj, The toune and the cas∣tell of Bere∣wyk was lost thorugh tre∣son. upon Midlentyne Soneday, the toun and the castell of Berewyk was lost thorugh treson of Piers of Spaldyng, thanne beynge kepere of the same toun and castell. In this yere too cardenales Too carde∣nals comen into Enge∣lond to make pees. comen into Engelond for to make pees betwen Engelond and Scotlond, whiche weren robbed upon the more of Wygelysdon; of whiche robbery S^r. Robert of Middelton was ateynt, and jugged to be drawe an hanged and beheded at London, and his hede sett up at Neugate; and hise quarters were sent to iiij principale citees of Engelond. And in this yere was an orible moreyn of beestes.

This yere was a gret derthe of corn and other vitailes, for a A gret derthe of corn and othere vi∣tailes. busshell of whete was worth vs: and the poure peple eten for hunger cattes and hors and houndes; and too yere and an half a quarter of whete was worth ii marc; and the poure peple stal children and eten them, and thanne anon after there fille a gret pestilence among the peple.

This yere the Scottes comen into Engelond and distroyden The Scottes come into Engelond and di∣stroyde Nor∣thumb'. Northumbr': and the citee of London sente to Yorke cc men of armes; and Scotland was entyrdyted.

This yere the kyng held his parlement at Yorke; and S^r. Hugh A parlement at Yorke. Spencer ["Sir Hugh Spencer son" in the Cotton MS.] was mad chaumberleyn of Engelond. And in this yere was Thomas the erle of Lancastre beheded.

This yere were the Spencers bothe the fadyr and the sone exiled out of Engelond; after they were ayeyne revoked be the kyng.

This yere of oure lord a m^lcccxxj was strongly the barouns The rysynge of erles and barons of this land. werre; and Thomas erle of Lancastre the xij kal' of Aprill was beheded. And in this yere was the rysynge of the erles and barons of this lond; and they token S^r. Piers of Gaveston, the kynges sworn brother, and smot of his hed; for which the kyng afterward in oo day dede do beheded iiij^xx lordes and gen∣tyles for the deth of the seid Piers.

In this yere of oure lord a m^lcccxxij, the laste day of Octobre, The sonne was turned into blod. the sonne was turned into blod, and so endured fro the morwe of the day unto xj of the belle ["of the Belle of the mydday" in the Cotton MS.] befor noon.

This same yere the kyng hadde the syxte peny of moebles The vi^th peny of moveables. An ordy∣nance what the kynges offycers schulde ta∣ken in every degre. goodes thorugh out Engelond. Also in this yere in the monthe of Juyne, forasmoche as the officers of the kynges houshold have ben alwey behynden, and in no certeynte of that they ought to don, nor in no certeyn what thei schulde taken of the kyng be resone of there offices, whereof examination of the saide offices ne myghte not be done, ne the officers charged as they oughte to ben, to gret damage and dishonor to the kyng, and the gover∣naunce of his houshold not wel disposed, the kyng havynge re∣ward to the state above seyd, and hise goodes in other manner dispendid thanne they oughte, comaunded Sire Bertilmewe Badlesmere styward of his houshold, Sire Hugh Spencer cham∣berleyn, Sire Roger of Norbury tresorer, and Sire Gilbert of Wyghton countroller, that thei schulde ordeyne thereupon remedie; whiche be the vertu of the kynges comaundement, ordeyned alle manere officers of houshold, and what service every officer schulde have, and what every officer schulde take, and what servaunts every officer schulde have, and what the servaunts schulde take: and whan alle the ordinaunce was made and rad before the kyng in presence of the worschipfull fadres William Milton erchebysshop of Yorke, Maistre Walter Stapilton bysshop of Excestre, the bysshop of Ely chaunceler of Enge∣lond, the bishopp of Norwych, the bysshop of Salisbury, Sire Herry le Scrop, Sire Herry Sprignell, justices, it was assentyd and contentyd perpetuelly to be observed.

This yere the quene wente into Fraunce; and after wente S^r. Edward the kynges sone to his modir into Fraunce; and the kyng of Fraunce made hym duke of Guyon: wherfore kyng Edward was wroth with quene Isabell his wyf, and with Edward hys sone; and thorugh counseill of the Spensers the kyng dede exile the quene his wyf and Edward his sone, and tok into hys handes alle there landes and lordschippes that they hadden in Engelond.

In this yere quene Isabell and Edward hire sone beynge in Fraunce, and knowyng the malyce of the kyng, thorugh entise∣ment of the Spensers, sente for the lordes and gentiles that were exiled out of Engelond for Thomas cause of Lancastre, that is to sey, S^r. Roger Mortymer, S^r. William Trussell, S^r. John Crom∣well, and manye othere, whiche alle togideres ordeyned to make a maryage betwen Edward the kynges sone and the erles A mariage betwen the kynges sone Edward and the erles dought' of Henowde. doughter of Henowde. And whan that maryage was acorded to be mad, the erle of Henawde graunted to quene Isabell and to Edward here sone, and to othere lordes of there companye, to brynge them with strong pouere into Englond. And whanne tydynges thereof comen to the kyng Edward, he and the Spensers made moche sorwe, and ordeyned to kepe the see cost, and withstanden them that they schulde nought londen. And at the fest of the decollacion of seynt John Baptyst, the citezeins of London sente to the kyng to Porchestre an C men of armes: and the kyng lete do crye thorugh every good market of Engelond, that whoso myghte take S^r. Roger Mortymer, he schulde have an c^li for his trawaile. And the Wednesday nest before the fest of seynt Mighell, whiche was thanne the Monday, the quene and Edward hire sone, Sire Roger Mortymer, the erles brother of Henawde, and othere grete in there companye, arryved at Orewelle in Essex, faste be Herewych: and whanne they were landed the contre alle aboughte fel to them be there owne fre wylle. And the quene and S^r. Edward hire sone senten a lettre to the maire and the comonalte of London, requyryng them that they schulde be helpynge to them in the quarell and cause that the quene and Edward hire sone, heir of the ream of Engelond, hadde be∣gonne; that is for to seye, for to distroye the traytours and enemyes of the sayd reaume. But non ansuere was sente ayeyne, for doughte of the kyng and of the too Spensers, the fadyr and the sone, at that tyme weren in the citee of London, with manye othere lordes with them. And forasmoche as non answere was sent ayeyn fro the meire and the comons of Lon∣don of the said lettre, the quene and Edward here sone senten another lettre therupon, with hangynge seall, to the citee of London, whiche lettre, in the dawnyng of the day was takked upon the newe crosse in Chepe; and manye copies of the same lettre were takked upon wyndous, dores, and othere open places in the citee of London, that alle men myghte rede them that wenten be the weye: and this was done on seynt Denys day, that is to seye the ix day of Octobre [See note K.]. And as the kyng was at his mete, tydynges comen to hym therof: and anoon the kyng, the Spensers bothe the fadir and the sone, the erle of Arundell, and maister Walter Baldok, fledden into Walys; and the kyng lefte maister Walter Stapilton bisshop of Excestre to have the governaunce of the citee of London; whiche bysshop axed to have the keyes and governaunce of the citee be vertu of the comission: where thorugh debate aroos betwen hym and the citee, so that he was taken and lad to the standard in Chepe, and his hede was there smyten of, and his hede sette in his right hand: and too of hyse squyers were beheded the same tyme, that is to sey the xiiij day of Octobre, the yere of oure lord a m^lcccxxvj^ti.

In this yere the kyng and bothe Spensers, Robert Baldok chaunceler, and the erle of Arundell, were taken in the hilles of Walys, and the kyng was put into sauf warde; but S^r. Hugh Spenser wolde never after that he was taken eten mete, wher∣fore at Hereford he was drawen, hanged, beheded and quartered: and then was the some of S^r. Hugh Spenser the fadyr was drawen ["and Sir Hugh Spen∣cer the father was drawen," &c. in the Cotton MS.], hanged and beheded at Bristoll. Also in this yere, be the assent of alle the lordes of Engelond spirituelx and temperelx, and be alle the comonalte of the reaume, be fre eleccion of them alle, and resyngnacion of kyng Edward the fadyr, Sire Edward his sone was chosen kyng of Engelond ["the yere of his age xv."—Ibid..

In this yere were seyn in the firmament too mones, and in Too mones and too popes. this yere were too popes. Also in this yere, the vj day of March, the kyng confermed the lettres and the fraunchises of London. Also he graunted that the meire schulde ben on of the justices at Newgate. Also he graunted to the schirreves of London and Midd' the ferme of the schirrevehode for ccc^li be yere, as it was in old tyme. Also he graunted that the schirreves of London ne the citezens schulde nought be charged with men that fledden to holy chirche, ne they schulde not be con∣streyned to gone out of the citee of London to eny werre. Also the same tyme the kyng graunted that the liberties and fraunchises of London schulde nought after that tyme for no cause be taken into the kynges hond: and the same tyme Suthwerk was graunted to the schirreves of London to have to Southwerk was graunted to ferme. ferme: also the same yere, after the fest of Pask', the kyng ordeyned an huge oost for to feighte ayens the Scottes; and S^r. John of Henaude come into Engelond with ["V c." in the Cotton MS.] men of armes for to helpe the yonge kyng Edward. And the Scottes comen into Engelond and deden muche harme, and distroyden the contreye tyl they comen to the park of Stanhope in Wyrdale, where they helden them in a busshement in the parke. And the kyng besette the park alle aboughte that the Scottes schulde never escaped: but thorugh treson of the Mortymer they es∣capid everych on, and so the kyng was disceyved. And also in this same yere of oure lord a m^l cccxxvj, be treson of Sire Roger Mortymer, kyng Edward ["the fadir"—Ibid.] was sclayn in the castell of Berkele ["in the xxj yere of his reigne."—Ibid.]. Also in this yere, in the ["even of the."—Ibid.] The foun∣dacion of Garlykhithe chirch. conversion of seynt Poul after Criste∣messe, the kyng spoused dame Philip' the erles doughter of Henawde at York. Et id'm Ric'us Rothyng' tunc vic' fundavit eccl'iam de Garlykhithe s'c'i Jacobi et dotavit.

This yere, in the feste of Pentecost, the kyng helde his par∣lement at North'; at whiche parlement, thorugh counseill of the Mortymer, the kyng of yonge age and withinne age accorded with the Scottes, and foryaf and relesed them al the homage Scottes wer discharged of their homage: and feautee that they oughte to do to the crown of Engelond be chartre ensealed and an endenture, in whiche were con∣teyned alle the homages and feautes that the kyng of Scotlond and the lordes of the same lond schulde do to the kyng of Engelond, which was ensealed with alle the seales of alle the grete lordes of Scotlond spirituelx and temporelx, and other chartres and remembraunces that kyng Edward and hise barons hadde of right in the lond of Scotlond; which alle, thorugh counseille of quene Isabell the kynges modir, and S^r. Roger Mortymer, were delyvered to the Scottes with the blak crosse with the blakke crosse. of Scotlond, the whiche goode kyng Edward the kynges ayell ["his grandfather" in the Cotton MS.] hadde conquered in Scotlond and broughte it fro the abbeye of Stone, whiche was a precious relyke, the whiche was also delyvered to the Scottes: also the kyng, thorugh counseill of his modir and of the Mortymer, relesed and foryaf alle that right that the barons out of Engelond hadden in ony londes of Scotlond of olde conquest.

This same yere David Bruz the sone of Robert Bruz, be ordynaunce of the kynges modir and of the Mortymer, spousyd at Berewyk dame Johanne of the Tour, the kynges suster, upon Marie Magdaleyn day, in the yere of oure lord a m^l cccxxviij: and whanne the maryage was done, the Scottes called here in despyte of Engleyssh men "make pees" ["the countes make peas" in the Cotton MS.]; but the kyng bar the blame wrongfully. This yere the kyng helde his parlement at A p'lement at Salesby. Rog' Mor∣temer was made erle of Marche; S^r. John Eltham Salesbury; and at that parlement Sire Roger Mortymer was mad erle of the March, and S^r. John Eltham the kynges brother was also mad erle of Cornwayle. Also this same yere Sire the k'brother erle of Cornewalle. Edmond Wodestoke erle of Kent, the kynges uncle, was be∣heded at Wynchestre, thorugh procurment of the quene, the kynges modir, and of the Mortymer. Also in this yere the kyng seyled into Fraunce, that is to seye the yere of oure lord a m^l cccxxviij, and dede homage to the kyng of Fraunce for the Dyd homage to the kyng of Fraunce. ducherye of Guyene and for the counte of Pountyf.

This yere Edward the first begeten sone of kyng Edward Prynce Ed∣ward was born. the thridde was born at Wodstoke, the day of seynt Viti and Modest'.

In this yere Edward Bailloil, the sone of John Bailloil sum∣tyme kyng of Scotlond, come into Engelond chalangynge his right heritage of the kyngdom of Scotlond, and arreyved at Dounfermelyne; where, faste be the abbeye, ii m^l Englysshmen scomfited and xl m^l Scottes [See note L.]. In the same yere Sire Roger Mortymer was hanged upon a theves galowes, on seynt Andrew S^r. Rog', Mortim' was hanged. even, in the yer of oure lord a m^l cccxxx^ti.

The same yere kyng Edward beseged the town and the castell Sege of Berwyk. of Berewyk: and upon seynt Margeretes even the Scottes in wondyr grete noumbre comen for to remove the sege, with whom the kyng faughte and discomfyted them: and there were sclayn of the Scottes viij erles and a m^l and ccc knyghtes and squyers, and of footfolke mo thanne xxxv m^l; and of En∣glysshmen there were dede a knyght and a squyere and xij footfolke. And so upon seynt Margarete day the town The yeldyng of the castell of Berewyk and the town. and the castell were yolde to the kyng, in the yere of oure lord a m^l cccxxxj.

Also in the same yere the kyng Edward sclough many Scottes, and he recovered the castell of Kilbrigge.

In this yere the kyng of Scotlond come into Engelond to the newe castell upon Tyne: and aboughte the feste of the Nati∣vite The kyng of Scotland did homage: and allso the duke of Bretayn. of seynt John baptiste, there he dede homage to kyng Ed∣ward. The same yere the duke of Bretayne dede homage also to the kyng for the counte of Richemond.

This same yere was a gret moreyn of beestes and of men also, A gret moreyn of men and of bestes. xl s. j quart' whete. and gret habundance of reyne, where thorugh there was so gret derthe of corne that a quarter of whete was worth xl s.

This same yere, in the monthe of Juyne and July, in diverses Stella co∣mata. j q'rt' of whete ij s; and a fat oxe for di' marc; and vj pegons for a peny. parties of hevene appered stella co'mata. Also in this yere was gret plente of vitaile, that a quarter of whete was sold at London for ij s; and a fat oxe for vj s. viijd; and vj pegons for a peny: but natheles it was ful gret scarste of money. Also this yere deyde S^r. John of Eltham.

In this yere kyng Edward made of the counte of Cornwayle The counte of Cornwayle was made a duche. a duche, which he yaf to Edward his firste begetyn sone, withe the erledom of Chestre. Also, the kyng graunted that the Sergeaunts of the maire and the schir∣reves of Lon∣don schulde b're maces of silv'. seriaunts bothe of the meire and the schirreves of London schulde beren before the maire and the schirreves of London maces of silver and over gilte, withe the kynges armes.

In this yere the kyng and the quene seyled to Braban; and at the town of Andewarp the quene chylded S^r. Leonell. And this same yere in Braban the kyng made first cleyme to the crowne of Fraunce.

This same yere the kyng held his parlement at London; and A p'lement at London. The kyng asked moche good for his werres. he axed to begynne hise werres the fyfthe part of alle the moeble goodes of Engelond, and the custume of wolles, and the ix schef of every manere of corn, the which was graunted. And in this yere the kyng changed hise armys: and also the kyng The coyne of the noble, half noble, and ferthyng. made the coyne of goold; that is for to seyne the noble, the half noble, and the ferthyng. And this yere was called the firste yere oft oure kyng of the regne of Fraunce.

This same yere the kyng faught with the Frensshmen at The bataill of Scluse. Scluse, where there were sclayn of Frensshmen xxx m^l; and the kyng toke and scomfyted at the sayd bataill of Scluse cccx schippes. And in this yere the kyng began the bataill of Torneye, and the town of seynt Amandys was distroied. And in the same yere, on seynt Andrewes even, kyng Edward come fro beyonde the see be nyghte to the tour of London, and there tok manye lordes and peres of the reaume and putte them into preson. And in this yere of kyng Edward began the firste yere of his regne of the kyngdom of Fraunce. Also in this yere of oure lord a m ccc xl^ti, there was sente out The comaun∣dement of the Emp'o^r of Tartary. a maundement fro the emperor of Tartarye into alle hise londes and kyngdomes, that every man schulde use what lawe and beleve that he wolde, be so that he schulde worschep non idoles but only everelyvynge God.

In this yere the kyng lefte the sege of Turney [See note M.].

In this yere was a gret turnement at Dunstaple of alle the chivalrye and gentyles of Engelond. And in this yere was a gret T're motus magnus. erthequake.

This same yere the noble kyng Edward held his parlement at London, in whiche parlement he made Edward his oldest sone prynce of Walys.

In this yere the kyng began the rounde table at Wyndesore, Knyghtes of the Garter. that is to seye, the ordre of Knyghtes of the Garter.

This same yere kyng Edward seyled into Normandye; and in the xij day of Juyll he arryved at Hogges; and the xvj ["xxvj"—in the Cotton MS.] day of Juyll the kyng faught with the Normaundes at the brigge of Cadoun, where there were taken the erle of Ewe, the lord Tankervyle, and an hundred knyghtes, and of men of armes vij ["vj c."—Ibid.] c; and moche peple of Normandye were sclayn. Also in this same yere in the xxvj day of August, the yere of oure lord a m^lcccxlvj, was the bataile of Cressy, in whiche bataill The bataile of Cressy. were sclayn the kyng of Beame, the duke of Loreyne, the erle of Alaunson, the erle of Flaundres, the erle of Bloys, the lord of Harecourt, the lord of Awmarle, the erle of Navers, and manye othere knyghtes and barons to the noumbre of xv^e xlij; and kyng Phillip fledde. And the thridde day of Septembre folwynge the kyng began the sege of Caleys, Sege of Caleys. whiche sege he contynued unto the thridde day of August next folwynge. Also the same yere, durynge the forsaid sege, David kyng of Scotlond was taken at the bataille of Derham, the xvj kal' of Novembre, whiche kyng was raunsoned at an hundred m^l marcs, to be payed in x yere, that is to sey every yere x m^l mark.

In this yere began the grete pestilence among the Sarazynes, that unethes it lefte the x man alyve. And this same yere, that is to seye the yere of oure lord a m^lccc^mo xlviij^o, it reyned con∣tynuelly A gret reyn. for the moste partye fro the Nativite of seynt John baptist unto Cristemasse next folwynge.

This same yere of oure lord a m^lcccxlviij^o ["m^l, iij^e xlix" in the Cotton MS.] was the grete pestylence at London, which endured fro the feste of Myghel∣messe unto the monthe of August sewyng. Gret pesty∣lence.

In this yere of oure lord a m^lccclj the kyng made newe New moneye of grotes and half grots and pens. moneye; that is to seye grotes, and half grotes, and penyes: natheless the weyte was lasse be v s. in the pound than the olde starlyng. Also in this yere two fysshmongers were beheded at the standard in Chepe.

In this yere was a gret derthe of vitaile in somer tyme. In this The dere Somer. yere was a gret droughte, whiche endured fro the begynnyng of March unto the laste ende of Juyll.

The same yere after Estre the kyng held his parlement The first duk of Lan∣castre. at Westm', in whiche parlement Herry erle of Lancastre was mad duke of Lancastre, whiche was the firste duke of Lancastre.

This same yere deyde kyng Philip of Fraunce, and John his eldest sone was crowned kyng of Fraunce. And the same yere kyng Edward seyled over the see and landed at Caleys, whiche with all his oost rood forth into Fraunce to mete with kyng John, that wykkedly hadde broken the pees. And anon kyng John wyste of his comynge, cowardly he fledde: and he dede all his peple 'carie awey there vitailes and goodes, that kyng Edward and his peple' [Supplied from the Cotton MS.] in nothing schulde be refresshed. Also the same yere the Scottes token the town of Berewyk, but the castell was kepte stille be Englysshmen. Also the same yere was graunted to kyng Edward the custume of wolles; that The custume of wollys was graunted to king E. is to say, l s. of the sakke for the terme of vj yere folwynge.

This yere S^r. John Bailloil kyng of Scotlond yaf up the reaume of Scotlond and the crowne to kyng Edward at Rokes∣burgh. Also in this yere the town of Berewyk was yolden up to kyng Edward. And in this same yere, that is to seye the yere of oure lord a m^lccclvj^to, the xix day of Septembre, kyng John of Fraunce was taken at the bataill of Peyters Kyng of Fraunce John was taken at the bataill of Peyters, and othere lordes with hym. be the doughty prynce Edward the firste sone of kyng Edward. Also Sire Philip his sone was taken with hym; and the erle of Pountys, the erle of Ewe, the erle of Longeville, the erle of Tankervyle, with othere viij erles and thre bysshoppes: and there were sclayn the duke of Burbon, the duke of Daceus constable of France, and the bysshop of Chalons, and manye othere grete lordys of Fraunce; and the dolphyn fledde.

In this yere prynce Edward, with kyng John of Fraunce and Prynce Ed∣ward with kyng John, with alle the p'soners, comen into Engelond. with alle hise presoners, comen into Engelond the xxiiij day of May, aboughte iij of the belle at afternoon he rod over London brigge toward the kynges paleys at Westm'. Also the same yere were ryall justes in Smythfeld, there beynge present thre Grete justes in Smyth∣felde, beynge there thre kynges. kynges, that is to say the kyng of Engelond, the kyng of Fraunce, the kyng of Scotlond; and manye othere grete lordys of diverses regyons.

This same yere the kyng helde ryally seynt George feste at Wyndesore, there beynge kyng John of Fraunce; the whiche kyng John seyde in scorn, that he sawe never so ryall a feste and so costelewe mad with tailles of tre, withoughte payeng of gold and sylvere.

This yere, in the xiiij kal' of Juyn, Sire John erle of Rich∣mond, the kynges sone, wedded dame Blaunche [See note N.]. Also in this yere kyng Edward seyled to Caleys, and rood up into Fraunce, because Charles regent of Fraunce thanne meved werre.

This same yere, that is for to seye the yere of oure lord a m^lccclx, the xiiij day of Aprill thanne beynge the morwe after Estre day, kyng Edward with hys oost lay aboughte Parys; whiche day was a foul derk day of myst and of hayl, and so bitter cold that manye men deyde for cold: wherfore unto this day manye men callen it the blake Moneday. This same yere were rovers Blak Monday. on the see, undyr the governayle of the erle of Seynt Poule; whiche the xv day of March distroied the townes of Rye and Hastinge and othere be the see syde, and sclewen manye men. Also in this yere the pees was made betwen the kyng Edward and kyng John of Fraunce, the xv day of May: and kyng Ed∣ward sente hise ambassatours into Fraunce, and toke the othe of Charles regent of Fraunce, whiche othe was plight undir this forme: Charles dede lete solempnely a masse to be songen; and whanne Agnus Dei was thries seyd, Charles leyde his right hand upon the patene, whereupon lay Godes body, and his lefte hond pressyng don upon the masse bok, seyenge, We swern upon the holy precious Goddes body, and upon the Evaungelies, fermely to holden anentes us pees and concord fourmed betwen the too kynges of Fraunce and of Engelond, and in no manere to do the contrerie. Also in this yere mennes, bestes, trees, and housynge were alle to smyte with violent lyghtnynge, and sodeynly peresshyd; and the devell in mannes lyknes spak to men goynge be the weye.

Also in this yere, in the kal' of Juyn, fell a blody reyne in A blody reyne and a blody crosse. Burgoyn, and a blody crosse apered in the eire fro the morwe unto myd day at Boloyne, the whiche afterward moved hym and fel down into the see. And in this yere prynce Edward wedded the countesse of Kent. And in this yere was the s'c'da pesti∣lencia. seconde gret pestilence, in whiche good Herry of Lancastre deyde, and S^r. John erle of Richemond, the kynges sone, was John the erle of Richm' was made duke of Lankaster. mad duke of Lancastre. And in the same yere began the grete companye.

This same yere upon seynt Maurys day, the yere of our lord a m^lccclxj, was the gret wynd whiche caste doun tres, houses, Magnus ventus. pynacles and steplees of chirches and manye places in En∣gelond. Also this yere S^r. Leonell the kynges sone was mad Lyonell the k' son duke of Clarence. duke of Clarence, and S^r. Edmond of Wodestoke was made erle of Caumbregg.

In this yere comen thre kynges into Engelond to vysyte and Thre kynges comen into Engelond. to speke with kyng Edward; that is to seye, kyng John of Fraunce, the kyng of Scottes, and the kyng of Cipre.

This same yere of oure lord a m^lccc^mo lxiiij was the batell of The bataill of Orrey. Orrey in Britayne, where S^r. Charles de Bloys chalanged to be duke of Bretayne was sclayn, and S^r. Bertram Claykyn was take with manye othere lordes and knyghtes. Also this same John kyng of Fraunce deide at Saveye. yere, at Saveye besyde Westm', deyde John kyng of Fraunce. And also in the same yere was a strong cold frost, whiche A gret frost that longe dured. endured fro seynt Andrewes day unto the kal' of Aprill.

This same yere, the vij kal' of Feverer, Edward the firste sone E' p'mogenit' E' princip' nat' est. of prynce Edward was born; whiche in the age of vij yere endyd hys lyf. Also in this yere was grete and stronge batailes Bataile of sparwes. of sparwes in Engelond in diverses places, whereof the bodyes were founden in the feldes dede withoughte noumbre. And in this yere manye men and bestes were enfect with pokkes where Men and bestes weren enfect with pokkes. thorugh they deyden. And in this yere on seynt Barnaby day was Cornwayle hanged.

In this yere Richard the sone of prynce Edward was born at Natus fuit Ric' fil' p'cipis E. Burdeux.

This same yere, that is to say the yere of oure lord a m^lccclxvij, in the monthe of March appered stella comata. Stella comata. The bataille of Nazers. Also in this yere was the bataille of Nazers in Spayne, where prince Edward with his companye scomfyted the bastard of Spayne, and restored kyng Petir ayeyn to his reaume that was put out be the forseid bastard; and there was taken the erle of Dene, S^r. Olyver Claykyn, and manye othere; thankyd be God.

In this yere Sire Leonell duke of Clarence with a fayre meyne sailled over the see toward Melane; whiche aboughte the natyvyte of oure lady the same yere deyde. In this yere iij pesti∣lencia. was the thridde pestilence, in whiche deyde dame Blaunche of [See note M.] Lancastre. And in this yere the Frensshmen meved ayeyn werre.

In this yere was so gret derthe of corne in Engelond that a busshell of whete was worth xl d. And in this yere was the j bus' whete xl d. grete vyage into Fraunce be S^r. Robert Knolles. And in this yere Mortherer of Pembrok in Cristemasse weren at the count∣esse hous; and the same Mortherer sclewen of men, women, and children in the cradell, xiij; and this was don be a fyssh∣mongre that the countesse hadde founde to scole and brought up of a child. And in this yere, the day of the assumpcion of oure lady, the yere of oure lord a m^l ccclxix, deyde dame Philip quene of Engelond.

In this yere the houses and gardynes were drowe doun aboughte Poules. And in this yere the duke of Lancastre seiled over the see and rood thorugh Fraunce: and S^r. John Haukewod florysshed that tyme in Lumbardie. And in this yere the prynce with hys wyf and hise meyne comen into Engelond, levynge behynden hym the duke of Lancastre in Gascoigne, and the erle of Cambregge.

In this yere the chaunceller, the tresorer of Engelond, bys∣shopes, and the pryve seall were discharged of there offyces, and in there stede were put seculere lordes.

This same yere, at Awrastelynge, John Northwold, mercer, was sclayn at the blak heth, wherethorugh aroos a gret dis∣cencion and debate among the craftes of London. And in the same yere the duk of Lancastre and the erle of Cambregge come out of Gascoyne into Engelond, and wedded the doughter of kyng Petyr. And the same yere too cardinalx were sent fro Too car∣dinalx were sent fro the pope into En∣gelond for to trete for pes. the pope to entrete for the pees betwen the two reaumes. And in this yere was a bataill upon the see betwen Englisshmen and Flemynges, where there were taken of Flemynges xxv schippes A bataill upon the see betuen En∣glysshmen and Fle∣mynges. lade with salt of the bay. Also in this yere the erle of Pem∣broke was taken at the Rochell be the Spaynardes, on the even of the nativite of seynt John baptiste.

In this yere the duke of Lancastre seiled into Flaundres, and passed be Parys thorugh Burgoyne and alle Fraunce into Bur∣deux, withoughte ony withstondyng. And in this yere Sire Alex' Neville was mad erchebysshop of Yorke, and Thomas Arundell bysshop of Ely, maistre Herry Wakefeld bysshop of Worcestre.

In this yere was the thridde grete pestilence, in whiche dyed iij pesti∣lencia. the honorable knyght Edward lord Spenser, and lythe beryed at Tewkesbery.

In this yere, upon Trinite Soneday the viij day of Juyn, withinne the kynges paleys of Westm' deyde the noble flour of Obit' Ed∣wardi prin∣cipis. knyghthood, that is to seye, the goode prince Edward, whoos body lith worthily entered at Caunterbury a for yeyns seint Thomas schryne. Also in this yere oon Prentyng of Norfolk was enprisoned in the erles place of Northumbr', for whiche the peple of London aroos and wolde a sclayn the erle and cast down his place. Also in this yere Richard the sone of prynce Edward was mad prynce of Walys [See note O.].

In this yere was graunted to the kyng of every persone, man and woman, above the age of xiij yere, iiij d; and of every man of holy chirche avaunced xij d; and of every man nought avaunced iiij d. freres only except. And this same yere the cardynall of Engelond was smyten with the palsye and loste his speche, and upon Marie Magdaleyne day he dyde. Also in this yere, the xij day of Aprill, S^r. John Mynstreworth knyght was beheded. Also in this yere, in the xij kal' of Jull, that is for to seye on seynt Albones even, at Schene, deyde the moost excellent and doughted prynce Edward the thridde: the whiche Richard, the sone of goode prynce Edward the sone of the sayde kyng Edward, at the age of xj yere began to reigne: the whiche forsaid kyng Edward lyth ryally entered at Westm'.

This yere, on the twelfthe day after Cristemasse, the erle of Kent, the erle of Hunt', the lord Spenser, S^r. Rauf Lumley, Lordes pur∣posed to a sclayn the kyng. and manye othere knyghtes and squyres were purposyd to have sclayn the kyng and hise children at Wyndesore, and thoo that helde with them be a mommynge; but, as it fortuned, the kyng hadde warnynge; and anon he rood to London in gret haste, and made hym strong to ryde on hise adversaries afore said; the whiche lordes were assembled at Redynge, purposyng for to do as they hadde ment; and fro thens they come to Wyndesore, and deden moche harme thereaboughte. And whanne they hadde aspied that the kyng was forth to London, they token there wey to Surcetre, and made cryes be the weye, and at Surcetre also, seyenge that kyng Richard was up with alle Walys and Chestyrschire; and kyng Herry fledde to the tour of London: but for all that the toun aroos and toke them with grete strenkthe; and there they beheded the erle of Kent and Decapitacio d'nor'. the erle of Salesbury; also the erle of Huntyngton was beheded at Plasshe in Essex, the whiche was fled and wolde a passed the see to have brought in Frensshmen for to distroye En∣gelond; and he myghte have no wynd to brynge hym over, and he was take and beheded as it ys above seid. Also at Sucetre the same tyme was beheded S^r. Rauf Lumley; and at Oxen∣ford were beheded S^r. Thomas Blount, S^r. Benet Cely, Thomas Wyntreshull squyer, and othere aboughte xxvij persones, and the hedes of the lordes sent to London. At Bristowe was beheded the lord Spenser, and there his hed sett up: after∣ward was taken S^r. Bernard Brocas, S^r. Thomas Schelley, Maudeleyn parson, S^r. William Fereby prest; and there were drawen, hanged, and beheded, at Tyborne. And anon after deyde kyng Richard in the castell of Ponfreyt, whos body was beryed at Langeley. Also in this yere of oure lord a m^l cccc, the kyng rood into Scotlond. And in this yere began the werre in Walys be Oweyn of Glendore.

In this yere a quarter of whete was worth xvj s. Also this yere kyng Herry rood into Wales be the excitacion of the lord Grey Ruthyn, for to distroye Owan of Glondere. In this yere was here the emperor of Constantynnoble: and the kyng helde his Cristemasse at Eltham; and men of London maden a gret mommyng to hym of xij aldermen and there sones, for whiche they hadde gret thanke. And the same yere S^r. William Sautre prest was degraded of his presthood, and brent in Smythefeld for an heretyk ["a lollard and an eritik approved afore alle the clergye" in the Cotton MS.].

This same yere was dame Johanne duchesse of Breteyne spoused to kyng Herry with moche solempnyte at Westm'. Also in Lenten this yere schewed in the west in the sky a sterre called Stalla Comata, whiche endured v wokes. Also in this Stella comata. yere the prior of Launde, S^r. Roger Claryndon knyght, and viij frere Menours weren drawen and hanged at Tyburne. Also this yere, the xiiij day of Septembre, was the bataill with the Scottes The bataill of Humbelton hill. at Humbledon hill, where there were taken and sclayn wol ny alle the gentyles of Scotlond. Also this same yere was mad The conduyt in Cornhill. the conduyt in Cornhull.

This same yere, on Maudelyn even, betwen Englysshmen and Englysshmen was the sory bataill of Schrovesbury, that is The bataill of Schroves∣bury. to seye betwen kyng Herry and S^r. Herry Percy sone of the erle of Northumberland; the whiche S^r. Henry Percy was there sclayn and there beryed; and on hys syde manye another man also sclayn; and on his syde the erle Douglas of Scotland lost his on eye; and S^r. Thomas Percy brother to the said S^r. Herry Percy was there taken and kept too dayes after on lyve; and for he was embassator before the batall betwen the kyng and S^r. Herry Percy, manye a good man loste there hys lyf, wher∣fore they seyde S^r. Thomas was drawen, hanged and beheded, and his hede ["with a quart' of S^r. Herry Per∣cie's hedde" in the Cotton MS.] sett upon London brigge: also in the said bataille the prynce was schot in the heed wyth an arowe; and the erle of Stafford sclayn undyr the kynges banere, and S^r. William Graunsell, with manye othere knyghtes and squyers ["worthie lordes, knyghts, and squyers, gentilles, and good yomen" in the Cotton MS.]: and forasmoche as som peple seyde that S^r. Herry Percy was alyve, he was taken up ayen out of his grave, and bounden upright betwen to mille stones, that alle men myghte se that he was ded.

This William Askam was prentys to William Walworth, sume tyme maire, that was prentys sum tyme with John Lovekyn; and alle schirreves and meires ech after other in on house. In this yere William Cerle yoman of the robys with kyng Richard, The takyng of William Cerle. whiche was on of them that mordred the goode duke of Gloucestre at Caleys, was taken in the march of Scotlond and brought to London, where that he was drawen, and hanged, boweld, and his bowels brente before hym, and thanne beheded and quartered at Tyburne. In this yere the lord Castell, with gret peple of Bretouns and Normaundes, londed at the Blake Pole, too mile fro Dertmouth, and there he was sclayn; and the peple fledde.

In this yere Thomas the kynges sone was admirall of the see and seiled into Flaundres, and he landed at Scluse and yaf theretoo a grete sawte, and he brente bothe in Cahaunt and in Flaundres. Also he toke the carykes of Jene, whiche he broughte to Wynchelsey; and there, thorugh mysgovernaunce, Richard Scrop the erche∣bysshop of York and the lord Mou∣bray were beheded. the carikes ["one of the saide carikes" in the Cotton MS.] with alle the good therinne was brent. Also in this yere of oure lord a m^l ccccv, Richard Scrop erchebysshop of York, and the lord Moubray ["the lord Moubray erle marchal" in the Cotton MS.] were beheded a lytel out of York, upon Whitson Moneday. Also the same yere were the children of the erle of Marche stolen out of the castell of Wyn∣desore, aboughte mydnyght as it was seid, and were led into The children of the erles of March were stole out of the castell of Wyndesore. Walys to Owayn of Glendore, for he was a rebell to oure kyng that tyme, and alle Walys for the more partye be v yere before. Also the forseid children were brought ayene to the kyng; and the lady Spenser was accused, and here brother, that was called duk of York, of gret treson for the forseid children; and the cause was, for they seyden that the eldere chyld was trewe kyng. Also the forseyd duke was in kepynge of S^r. John Pelham at Pevensey, in the castell, unto the parlement nest folwynge.

This same yere, be the comaundement of the kyng, alle the weres betwen London and Midweye were pulled up and The weres were stroyd. distroyed be the meire of London and the comonalte. Also in this yere was Travars, yoman of the kynges chaumbre, Travers yoman of the kynges chaumbre was hanged. poysonyng his wyffe. arestyd for poysonyng of hys wyf in Northamptonschire; and on Jonet Legge was also arested for the consentynge of poy∣sonynge of the same woman: and the said Travars was hongen, and his bowels brent, and thanne quarterd; and the said Jonet hadde here lyf.

In this yere, the xvij day ["xxiiij day" in the Cotton MS.] of Juyll, the erle of Kent wedded the dukes doughter of Melane, at seynt Marie Overey: and in this yere deyde the good S^r. Robert Knolles. In this yere S^r. Thomas Rempston, knyght, was dreynt faste be London bregge: Rempston was dreynt. and in this yere was the bataille in Smythfeld betwen John Walssh clerk, and Percyval Sondon.

This yere was the pleye at Skynners Welle ["Clerken∣welle" in the Cotton MS.], whiche endured The pley at the Skynnere well. Wednesday, Thorsday, Fryday, and on Soneday it was ended; and thanne began the fetees of werre in Smythfeld for diverses chalanges. First it began be the seneschall of Henawde and Grete justes in Smythe∣feld. the erle of Somerset, for the Henawde soughte hyder to seke awntures, the whiche fight lasted iij dayes; and on the Moneday, S^r. John and another Henawde; and on the Tuwesday, S^r. John Philipp with another; and on the Wednesday, John Grey and his adversarie: and on the Fryday the kyng wolde suffre nothing to be don. On the Satyrday, Standyssh and his adver∣sarie: on the Moneday suynge, Styward and his adversarie: on the Tuesday, Souche and his adversarie. On the Moneday after, S^r. John Grene, Cornewayle, and his felawes [See note Z.]; and on the Satirday, tho too broughten hise brethren and there adver∣saries: and, as God wolde, evere the Englyssh partye hadde the victorie.

This same yere there was a clerk that beleved nought on the An heretyk was brent. sacrament of the auter, that is to seye Godes body ["in forme of brede" in the Cotton MS.], which was dampned and brought into Smythfeld to be brent, and was bounde to a stake where as he schulde be brent. And Herry prynce of Walys, thanne the kynges eldest sone, consailed hym for to forsake his heresye, and holde the righte wey of holy chirche [See note AA.]. And the prior of seynt Bertelmewes in Smythfeld broughte the holy sacrament of Godys body, with xij torches lyght before, and in this wyse cam to this cursed heretyk: and it was asked hym how he beleved; and he ansuerde, that he belevyd well that it was halowed bred and nought Godes body; and thanne was the toune put over hym, and fyre kyndled there∣inne: and whanne the wrecche felte the fyre he cryed mercy; and anon the prynce comanded to take awey the toune and to quenche the fyre, the whiche was don anon at his comaunde∣ment: and thanne the prynce asked hym if he wolde forsake his heresye and taken hym to the feith of holy chirche, which if he wolde don, he schulde have hys lyf and good ynowe to lyven by: and the cursed schrewe wold nought, but contynued forth in his heresye; wherfore he was brent, and a versyfyer made of hym, in metre, thise too verses: Hereticus credat ve p'ustus ab orbe recedat Ne fidos ledat satel hunc baratro sibi p'dat. Also in this yere the stokkes betwen the Cornhull and the The newe stokkes were begonne to make. Pultrye was begonne to make, and in the yere nest folwynge it was ful complet and made. In this yere was a fray mad in Estchepe, be the kynges sones Thomas and John, with men of the town. Also this same yere there went the duke of Clarence, the duke of Yorke, the erl of Dorset, to the duke of Orlions, ageyn the duke of Burgoyne, and landed at Hogges.

This yere was the fight in Smythefeld betuen Gloucestre and A gret feight in Smyth∣felde betuen Glouc' and Arthur. Artour, for wordes that Gloucestre hadde appeled Arthur of: and whanne they hadde well foughten, the kyng tok the bataille into his hond, and wolde lete them feighte no more. Also this yere, on seynt Petres even, was gret debate in Brigge street betuen the lord Thomas men and men of London. Also in this yere comen ambassatours to the kyng fro the duke of Bur∣goyne, for to have men out of Engelond to helpe hym in werre ayeyns the duke of Orlyons: but the kyng wolde no men grauntte, for which the ambassatores spaken therof to the prynce: and he sente to the duke of Burgoyne the erle of Arundell and the lord Cobbeham, with othere lordes and gentyles, with a faire retenewe and well arrayed peple. Also this yere the Yeldhalle of London was begonne to make The Yeld∣halle was begone to make newe. newe. Also in this yere the duke of Burgoyne, with help of Englysshmen, sclewe moche peple of the dukes of Orlyons at the brigge of Seyntclowe. Also in this same yere was Rys Dye, squyer, of Walys, drawen, hanged, and beheded, and quartred, and the quarters salted.

In this yere of oure lord a m^lccccxij, the xxj ["xx day" in the Cotton MS.] day of March, on a Moneday, deyde kyng Herry the forthe, at Westm'. And lyghth entered at Caunterbury, on the north syde of seynt Obit' Henr' nup' Regis Angl' iiij^ti. Thomas schryne the martyr. Thanne Herry, the sone and heire of the sayd kyng Herry the forthe, began to reigne, and com to London; and ayens hym was a gret rydynge of men of London, and broughte hym to the tour of London upon the Fryday; and on the morwe he rood thorugh Chepe with a gret roughte of lordes and knyghtes, the whiche he hadde newe made in the Toure on the nyght before, unto Westm'. And on the morwe, that is to say Passion Soneday, the whiche was a ful trobly wet day, he was crowned at Westm' with michel ryalte. And in this Coronac'o H. quinti. yere, the firste day of Septembr', it hayled strongly. In this yere my lord of Dorset lay at the sege of the castell of Mount Andre in Gyan; and Blounte was capitayn of the castell of Sobyre. Also another companye of Englysshmen lay in the town of Barbesey; and there was don a jorney betwen Englysshmen and Frensshmen be syde Mount Andre, in the monthe of August: and thorugh the grace of God iij c Englysshmen xvij lesse, toke and sclewe viij m of Frensshmen: and there were take the lord Hayle, the lord Morlet, the bastard of Clynton, the lord en le Sale de Mary, the maire of Rochell, the capytayn of Tholo∣monde, the capitayn of Ryons, the capitayne of seynt John the Evangelist, the capitayn of Racheford, the capitayn of Urlound, and manye othere capitaynes and gentiles whiche were to longe to telle. In this yere was the lord Cobbeham, called S^r. John Oldcastell, arested and put into the Tour of London, for certeyn S^r. John Oldcastle was arested, put into the Tour of Lon∣don, and after brak out. poyntes of heresye whiche he held ayens the beleve of holy chirche: and after he brak prison and wente away.

In this yere, on seynt Edmondes day the kyng, there was a gret convocacion of clergye at Poules in London, whiche con∣tenued tyl the iiij day of Decembre; and thanne was the kyng and his counseill accorded to fette the bones of kyng Richard Kyng Richard boones were feet fro Langeley and beried at Westm'. fro Langele to London, and to berye them at Westm' [See note DD.]; and there was don a dirige ryally; and on the morwe the masse was solempny songon. And on the Soneday sewyng, Thomas Arundell erchebysshop of Caunterbury and manye othere bysshoppes, at the crosse of Poules accursed S^r. John Old∣castell lord of Cobbeham and alle hise mayntenours. And in the xix day of Decembre cam the Frensshe ambassatours to London, fro the kyng of Fraunce to the kyng of Engelond. Morover in the twelfthe day in Cristemasse it was certefied the kyng, that S^r. John Oldcastell was up with a stronge peple ayeyns hym. Wherfore the kyng be hys counseill cam to Lon∣don the viij day of Januar'; and with hym cam hise brethren, and the erchebysshop of Caunterbury, and Courtenaye the bysshop of Norwych, and manye othere lordes and bachelers. And the nexte nyght the kyng with hyse brethren and the bysshopes token the feld ayeyns Sire John Oldcastell, beyonde seynt Gyles in Holborne, betwen Westm' and the highe weye toward Tyborne; and there the kynges peple token diverses men as they comen be the weye, of whiche on was a squyere of S^r. John Oldcastell, and othere diverses men also: and there was muche folk arested and put into the Tour of London, of whiche folk there were xij men drawen fro the Thoure of London as a Fryday at nyghte thorughe the town to Neugate, and there they were tyl on the morwe; and they with othere xxv men, that is to seye xxxvij persones, were drawen, hanged, and brent; and tho that were drawe were said arrysers ayeyns the kyng: and certaynly the said S^r. John Oldcastell with gret multitude of Lollers and heretykes were purposyd with ful wyll and myght for to have distroyed the kyng and hyse brethren, whiche ben protectours and defendours of Holy Chirche, and them also that ben in degre of holy ordre in the service of God and of his chirche, the which will and purpos, as God wolde, was lette; and S^r. John Oldcastell fledde and escaped. Forthermore in this yere the xix day of Feverer, deyde Thomas Arundell the erche∣bysshop Obiit Tho∣mas Arundell arch'ep'us Cantuar'. of Caunterbury. Also in this yere was a parlement at Leycestre, and there was the lord John the kynges brother mad A parlement at Leycestr'. John the K. brother duke of Bed∣forthe. duke of Bedeford and erle of Kendale, and the lord Humfrey hys brother was mad duke of Gloucestre and erle of Pembroke, and S^r. Richard the dukes brother of York was mad erle of Caumbregge. And in this yere in the monthe of Juyll wente Humferey the K. brother duke of Glowcester. oure ambassatours into Fraunce, and some of the ambassatours wenten into Constaunce to chesen the pope: and some wenten to the emperor; that is to seye, to the emperor wente the erle of Warwyk, the lord Fitz Hugh, Sire Walter Hungerford, S^r. Rauf Rocheford, Maistre Philipp Morgan, Maistre John Henyngham, with comission. And to the cytee of Constantyne wente the bysshop of Bathe, the bysshop of Salesbury, the bysshop of Chestre, the abbot of Westm', the abbot of York, the abbot of Gerseye, with othere doctours. Also into Fraunce wente the bysshop of Dorham, the bysshop of Norwych, the erle of Salys∣bury, the lord Grey Codonore, S^r. John Pelham, Robert of Waterton, and othere. Forthermore on the Monday the xxiij day of Septembre began a grete counseill at Westm'; and on the neste Monday after, that is to seye the firste day of Octobre anno d'ni mill'mo cccc^mo xv. Also the same yere was S^r. Herry Chicheley B. of seynt De' mad arche∣bissh' of Canterbury. Chicheley bysshop of seynt Davyes mad erchebisshop of Caun∣terbury, and S^r. Richard Courtenay mad bysshop of Norwych. And in the same yere on seynt Marie Maudeleyn day, John Nyauncer took seynt Anne chirch for scleyng of S^r. John Tybbay. Neauser squyer, and his men, sclowen Maistre John Tybbay clerk, as he passed thorugh Ladlane; for the whiche deth the same John Nyauncer and iiij of his men fledden into seynt Annes chirche withinne Aldrichgate; and withinne the same chirche they were mured up, and men of diverses wardes watched them nyght and day. And the forsaid John Nyauncer and his men forsuoren the kynges lond, and passyd thorugh the citee of London toward Caleys in there schertes and breches, and ich of them a crosse in there hand.

In this yere was Sperepoynt drawe and hanged for counter∣fetynge of the kynges seall. Also in this yere John Claydon skynner, and Richard Turmyne bakere, were brent in Smythfeld for heresye. And on the iiij day of March after, was the pardon of the lord Cobbeham, that is to seye S^r. John Oldcastell, pro∣clamed. On Palme Soneday the xvj day of March was William Elys sone brought out of the Tour of London be comaundement of the kyng, and delivered to the said maire for to kepe hym in warde, and specyally in yrens, for tales that he hadde told of the kyng; and also for the peple seyde that they myghte non yren fetres no lokkes holden hym; and there he was cheyned to an yren post at the countor gate in Chepe, ayens the Standard. Also the same yere was the kynges grete werk begonne at Shene; The grete werk of Shene was begonne. Newe gates in London. and in hys tyme was mad newe g'tes at London wall, and a newe gate, and the prevy that stod withinne the more was drawe doun and set on this syde of the wall over the comown dych that comyth out of the more. And in his tyme [i. e. the third year of his reign. See note EE.] the kyng made his vyage toward the costes of Normandye; and he rood thiderward thorughout the citee of London toward the town of Hampton, that is to weten the xviij day of Juyn, the yere of his regne the thridde begynnyng; and at Hampton he lay stille for to abiden his retenue and his stuff that longith for werre: and in his lyenge there, the Moneday the v day of August next after were put to dethe there Sire Richard of Yorke erle of Caumbregge, The deth of lordes at Hampton. the lord Scrop that tyme tresorer of Engelond, and S^r. Thomas Gray knyght, for treturye and ymagynyng of the kynges deth. And in the same yere on the morwe after seynt Laurence day, the xj day of August the Sonday, the kyng and alle his retenue schipped iij houres after noon at Portesmouth, toward the town of Harefleu in Normandye; and he landed at Kedecaux iij myle out of the town of Harfleu on oure lady even the assumpcion, the xiiij day of August. And the kyng began to leye his sege Sege of Harfleu. to the town of Harfleu the xvij day of August: and the kyng lay there at the sege fro the same xvij day of August unto the xxij day of Septembre or the town were yolden up; and his lyenge there aboughte the town there dyed many on of his retenue, that is to weten, the erle of Suffolk, the bysshop of Norwych, Courtenay, S^r. John Philip, and manye othere knyghtes and squyers, and othere comoun peple whiche were nought nombred. And the same xxij day of Septembre the toun of Harfleu was yolden up to the kyng, and alle the keyes The yeldyng of the toun of Harfleu. of the toun brought to hym: and the kyng abode tyl the laste day of Septembre, til that he hadde mad governaunce withinne the twon: and he made his Em [Sic, query "uncle." The lord Beauford capitayn. the lorde Beauford the erle of Dorset, captayn of Harfleu. And the Tuesday the firste day of Octobre the kyng toke his weye fro Harfleu toward his town of Caleys, with the noumbre of viij^l fytyng men: and the Frenssh∣men of Fraunce broken there brigges and pyled the forthes of the water of Some and othere diverses wateres, that the kyng myghte nought passe but with moche disese til he com to the water of Swerdes; and there the kyng and his oost passyd over. And on the xxv day of Octobre was Fryday, and seynt Crispyn and Crispianiani day the lordes and the chyveteynes of Fraunce lay with a gret oost enbatailed to the noumbre of vi^xx m^l, and wolde a stopped the kynges weye that he schulde nought a passed to his town of Caleys. And the kyng with his oost batailed hym ayens the Frensshmen, and manfully he faught ayens them in a feld that is called Aigincourt, and sclowe and The bataill of Aigincourt this day. toke of them of dukes, erles, barons, knyghtes, and cheveteyns to the noumbre of xij m^l; and of the comown peple mo thanne the noumbre of iij m^l, that is for to weten, the duke of Orlyons and the duke of Burbon, the erle of Vendon, the erle of Ewe and the erle of Richemond, with S^r. Bursegaunt; and there sclayn the duke of Launson, the duke of Braban and the duke Mort. of Bare, and the erle of Navers, the lord de la Brytte constable of Fraunce, and the seneschall of Henaude, with manye othere lordes, knyghtes, and squyers, and worthy men v m^l and mo. And on oure syde were sclayn the duke of York, the erle of Mort. Suffolk, and S^r. Richard of Kyghle, and David Gamme squyer, with a fewe mo othere persones to the noumbre of xviij. And the xxix day of Octobre, the morwe after seynt Simondes day and Jude, the same day the newe meire schulde ryde and taken his charge at Westm', the same day erly in the morwe comen tydynges to London while that men weren in there beddes, that the kyng hadde foughton and hadde the bataille and the feld aforseid. And anoon as they hadde tydynges therof, they wente to alle the chirches in the citee of London and rongon alle the belles of every chirche; and solempnely alle the prestes Alle the bellys of London were ronge for yoye. of every chirche, and othere men that were lettered songen Te deum Laudamus, &c. And ayens ix of the belle were warned alle the ordres of relygeous men of the citee of London, for to go a procession fro seynt Poules unto seynt Edward schryne at Westm'. And the newe maire and hise aldermen with alle the craftes of London, and the quen with alle here lordes also wente from seynt Poules unto Westm', and offred at seynt Edwardes schryne aforeseid, or the meire tok his charge; and whanne the meire hadde taken his charge, every man come rydyng hom from Westm' on horsbak, and were ioyful and glad for the goode tydynges that they hadde of the kyng, and thankyd oure lord J'hu Crist, his modir seynt Marye, and seynt George, and alle the holy company of hevene, and seyde Hec est dies quam fecit d'n's.

In this yere began the generall counseill at Constaunce. Also in this yere, that is to say the xxviij day of Octobre, the kyng com to his town of Caleys, and was there til the xvj day of The comynge of oure kyng to Caleys. Novembre: and that same day the kyng schipped fro his town of Caleys toward Engelond, and he landed the same day at The landyng of oure kyng at Dovorr. nyght at Dovorr, and com forth alle the woke after toward London: and the Fryday at nyght the kyng come to Eltham, and there he lay al that nyght; and on the morwe was Satyrday, the xxiij day of Novembre, the maire of London and alle the aldermen, with alle the craftes of London, reden every man in reed, with hodes reed and white, and mette with the kyng on the Blakeheth comyng from Elthamward toward his citee of The comyng of oure kyng to London. London; and ayens his comynge was ordeyned moche ryalte in London, that is to weten at London bregge, at the conduyt in Cornhill, at the gret conduyt in Chepe, and at the crosse in Chepe was mad a ryall castell, with angels and virgynes syng∣ynge therinne; and so the kyng and hise presoners of Frenssh∣men reden thorugh London unto Westm' to mete, and there the kyng abod stille. And on the morwe after, it was Soneday The maire and the aldermen presentyd the kyng with a m^l li in too basyns of gold worth v^c li. Sigismund the emperor of Almayne com to London. and the xxiiij day of Novembre, the maire and alle the alder∣men, with too hundred of the beste comoners of London, wente to Westm' to the kyng, and present hym with a m^l pound, in too basynes of gold worth v^c li. And in this tyme the emperor of Almayne com into Engelond with viij^c hors to seynt George feste; that is to wete, the firste day of Maij, at nyght, he landed at Dovorr; and on the Satyrday, the seconde day of Maij, he cam to Caunterbury and bod stylle there unto the v day of Maij: and the Thorsday, the vij day of May [See note FF.], the maire and alle the aldermen, with alle the craftes of the citee, reden alle in rede gownes, and hodes white and reed, and mette with the emperor on the Blakehethe; and the kyng and alle hise lordes mette The metyng of the kyng and the emperor. with hym at seynt Thomas Wateryng, and there the kyng put hym on the right hond, and the erchebysshop on the left hond, and so they come rydynge thorugh the citee of London and forth to Westm': and the xxix day of Maij the duke of The duke of Holand com to London. Holand come to London, and he lay at the bysshopes place of Ely in Holbourne; and he abod stylle there unto the xxj day of Juyn. And the xxvj day of Juyn the emperor remeved The re∣movyng of the emperor. fro Westm' toward the castell of Ledes in Kanc', and from the castell of Ledes unto Eltham, and from Eltham forth to Caun∣terbury; and he schipped out of Engelond the xvj day of August. And the same yere the kyng wente to Caleys for to The kyng wente to Caleys for trete with adversaries of Fraunce. trete wyth his adversarije of Fraunce: and the same yere the duke of Bedford, the kynges brother, was mad capitayn of the see for a quarter of a yere; and the same tyme he and his retenue took iij carykes and drowned the forthe, and a gret hulke was drowned also: and anon after, in the same yere, was taken a gret carryke at Dertemouth. And in this same yere, that is to weton on the Mighelmesse day, was Benet Wolman drawen and hanged, and his heed smyten of and set on Lon∣don bregge for tretory: and in the same yere, the viij day of Octobre, was a p'chemyn' of Trille melle strete drawen and hanged, and his heed smyten of and set upon London brigge for tretory: and in the same yere weren alle the Galy half The galy halfpence were stroyd. pens fordon at a parlement holden at Westm', the whiche par∣lement began the xv day of March. Also in the same yere, that is for to seye in the begynnyng of the forthe yere of the reigne of kyng Herry the fyfthe, the duke of Bedford and the Bellu' sup' mare int' I. ducem Bed' et adv'sar' reg'. erle of March, with othere certeyne lordes and there retenue, foughton with vij carykes of Jene, and with aboughte l othere vesselles, some hulkes, some barges, some galys, and some galyottes; of whom, blessyd be God, he toke iij carykes with there patrons, and drowned a gret hulke that was called the Blake hulke of Flaundres, and the remenant fledden there wey: and this was don upon oure lady day the assumpcion, the iiij yere above seid.

And in this same yere was a parlement at Westm' holden, A parlement at Westm'. and it began the xix day of Octobre; and at that parlement was the erle of Dorset mad duke of Excestre: and in this same yere, on seynt Katerine even, was a begger drawen and A begger was drawen for disfi∣guryng of children. hanged for dysmembrynge of yonge children, and he was drawen in his owne carre from the Leden halle unto Tyborne: and in this same yere was a theff sclayn, withoughte seynt Marie Spytell, that highte Robert Somerford: and the same yere held his Cristemasse at Wyndesore: and the same yere were too women hanged at Tybourne; that oon was a spycer wyf of Seynt Albons, and that other was the baillyf wyf of Thomas Pedwardyn kepere of Sprottes keye was sclayn on Estreday. Vynesbury; and the same yere was the same bally hanged: and the same yere was Thomas Petwardyn, kepere of Sprottes keye, sclayn in seynt Dunston chirche in the Est, in the hyghe chancell, on the Esterday at evesong tyme, with the lord Straunge and his men, and there was S^r. John Trussell and hise sone, and othere men of his, sore wounded; and that fray began betwen the lord Strange wyf and Sire John Trussell The bataill on the see betuen the erl of Hunt' and the kynges adversaries. wyf: and the same yere, upon seynt Petyr day and Poule, the erle of Huntyngdon, with othere certeyn lordes and there retenue, foughten with ix carykes of Jene, the grettest that evere were seyn in this coostes, and scomfited them; of whiche, thanked be God, he toke iiij grete with there patrons, and the admirall of them alle was called the bastard of Burbon, with alle the tresoure that they alle schulde aben waged with for a quarter of a yere; and the othere carykes fledden awey. Also the same yere, the xxx day of Juyll, the kyng with alle his oost seyled into Fraunce, and londed in Normandye, upon Lammes day, a litell besyde the castell of Touke; the whiche castell he The castell of Touk with the toun was yolden. toke first after he was landed, and yaf it to his brother the duke of Clarence, with alle that longith thertoo [See note GG.]. Also the same yere, that is to say anno quinto, the kyng gat Cane Beyeux, Cane was goten and manye othere townes and castelles. and manye othere townes and castelles and riche abbeys, longe before seynt Edward day.

In this yere the generall counseill was ended at Constaunce, and an unyte mad in Holy Chirche; and a pope chosen on seynt Martyn day, be fre eleccion and comowne assent of alle the generall counseill cristen, whiche pope was called Martinus quintus. Also in this yere, on the feste of seynt Lucie the virgyne, the yere of oure lord a m^lccccxvij, S^r. John Oldcastell S^r. John Oldcastell was taken in Walys. lord of Cobbeham was taken in the march of Walys, and brought to Westm', where he was forjugged; and he was drawe thorugh the citee of London, which in his dayes was heed of heretykes and Lollers; and he was hanged be a cheyne of iren, and was brent up the galawes and alle [See note HH.].

This same yere was the kyng Herry the fyfthe mad heir and regent of Fraunce, and wedded to dame Katerine the kynges The wed∣dyng of the kyng and quene Kateryne in Fraunce. doughter of Fraunce, at Troys [See note KK.] in Champayn, upon Trynyte Soneday; and anoon after he hymselfe and hise lordes, with the duke of Burgoyne and manye othere ryalles of Fraunce, wenten and leyd sege to manye diverses citees, townes and castellys, The sege of Melau and of manye mo citees, townes and castell. whiche weren holden with the dolphyns men and Armenakes, and wan them; but Melau sur Seyne was on of the werste that evere he leyde sege to, for ther was inne a schrewd meyne of rebelles.

This yere on Candelmasse day be the morwe the kyng come into Engelond with hys quene, and landed at Dovorr; and on the xiiij day of Fever, upon seynt Valentynes day, the kyng come to London; and the xxj day of the same monthe The coro∣nacion of the quene at Westm'. the quene come to London; and on the xxiij day of the same monthe sche was crowned at Westm' [See note LL.]. Also this same yere, anoon after Estren, the kyng helde his parlement at Westm'; in whiche parlement was ordeyned, that no man after Cristemasse A parlement at Westm'. The kyng ordeyned certeyn weyghtes for gold. thanne nest folwynge schulde putten forth no proffre no gold in payment but yf it held the weyte, wherfore the most part of the peple ordeyned them balaunces and weytes. And anoon after Pentecost the kyng seiled over the see to Caleys, and passyd forth into Fraunce. This same yere upon Estre even afore noon, that is for to say the xxij day of March, the yere of oure lord a m^lccccxxj, the duke of Clarence with manye other The deth of the duke of Clarence. lordes were sclayn beyounde the water of Leyre in Fraunce; and manye lordes were taken prisoners the same tyme, of the whiche the erle of Hunt', and the erle of Somerset with hys brother, were principales. Also the same yere, betuen Criste∣masse and Candelmasse, the town of Mileu' was yolden to the The town of Mileu was yolden. kyng, and alle cheveteyns with the sowdyours were ledd to Parys in the croke of the mone they myght seyn, for of them there skaped thens but fewe on lyve.

This yere, on the thridde day of December, began the par∣lement at Westm', whiche was holden be the duke of Bedforde, thanne lyftenaunte of Engelond; in whiche parlement was graunted a quynzyme and a dyme, the kyng hymself thanne A parlement at Westm', and a xv^me and a dyme graunted. lyenge at the sege of Mieux in Bry', in Fraunce, the half of whiche xv^e and x^me to be payd at the purification of oure lady nest folwynge, and that the kynges deputes schulde resceyve in payement swyche gold as wente; that is to seye, zif a noble were worth v s. viij d., the kyng schulde taken it to the value of vj s. viij d.; and if it were lesse than v s. viij d., thanne the per∣sone so payenge that money schulde make good the surplus to the value of v s. viij d. to the kyng, in contentyng the kyng of the hol noble of vj s. viij d.; and in cas the noble so paied were better of value thanne v s. viij d., it was accorded that the kyng schulde paye to the awnere therof the overplus above v s. viij d.: also thanne was gret scarcete of whit moneye in Engelond, that is to seye of sylver, for every man, because of the said newe eschange, outred gold and kept sylver in as moche as they myghte. Also in the forseid monthe of Decembre, on seynt Nicholl day, the yere of oure lord a m^lccccxxj, Herry the The birthe of kyng Herry the vj^te. kynges sone was born at Wyndesore, whos goodfadres at the font were Herry bysshop of Wynchestre, sithe Cardynall, and John duke of Bedford, and Jacomyn duchesse of Holand was hys goodmodyr; and his goodfadir at his confirmacion was Herry Chicheley erchebysshop of Caunterbury. Also in the monthe of May [See note MM.], the yere of oure lord a m^lccccxxij, and of the kyng the x yere, the citee of Mewes in Bry', whiche longe Mewes in Bry' was yolden. tyme hadde be seged, was yolde to the kyng. Also the same yere, the xiij day of August, the newe wedircock was set upon The newe wedercock of Poules was set up. Seynt Poules stepill of London: and the laste day of the same monthe of August deyde the most excellent, and most gra∣ciouse, and most doutyd prynce of Cristen chivalrye, Herry of Engelond the fyfthe, after the conquest the x^e, whos boones, in the begynnyng of Novembre folwynge, were brought into Engelond, and after to London; and on the vij day of No∣vembre he was ryally entered at Westm'.

In this yere the kyng Edward the iiij^th was crowned at Westm', on Sonday the xxxviij day of Juyn.

In this yere therle of Oxonford, and the lord Awbrey his sone, with other knyghts, were bihedid upon a new scaffold on the Tour hille.

This yere quene Margret toke the castell of Bamburgh.

In this yere was the sergeaunts fest, and the maire of London shuld have dyned there; and bicause the chief place was not kepte for him while the kyng was not there nor of his blode, he came awey with alle his compeigny of this cite, and dyned at home in his owne place.

This yere the xj day of Feverer was the prynces borne, the kyngs first childe, at Westm', and named Elizabeth, after qwene, and maried to kyng Henry the vij [This line has been sub∣sequently added.].

This yere the lord Scalis, S^r. Anthony Widvile, faught with the bastard of Burgoyne in Smethfeld.

This yere was the lady Margret the kyngs suster maried to the duke of Burgoyne.

This yere the duke of Clarence weddid therle of Warwiks doughter at Caleis: and the same yere was the lord Herbert and diverse other slayne at Hedgecote felde. Hegcote felde.

This yere the kyng discounfeited the comoens of Lyncolne∣shire biside Staunford; and the duke of Clarence and therle of Warwike fled into Fraunce at Eastre, and came ageyne at Mighelmas; and than king Edward fledde into Flaundres to the duke of Burgoyne; and therle of Worcestre was biheded Comes Wigoon. at Tour Hille.

This yere kyng Edward landid in the North with fewe people, and came to London on Sher Thursday, and toke his journey furth ageyne on Eastre even; and upon Eastre day met with therle of Warwik and marquys Mountague his brother at Barnet, and there slewe them with moch other people: and than was quene Margret and prynce Edward hir sone with theare compeigny, landid in the West; and kyng Edward met them at Tewkesbury; and there was the prynce slayne with many others: and while the kyng was there, came the bastard Faconbrige with shipmen and moche other people to London, and firid at London brige biside seint Katerynes and without Algate: and afterward the kyng rode into Kent with moch people, and assid the contrey at moch money for theire risyng.

This yere was a grete watche upon seint Petres nyght, the kyng beyng in the Chepe; and there fill affrey bitwixt men of his household and the constablis; wherfore the kyng was gretely displeasid with the cunstablis.

This yere the kyng askid of the people grete goodes of theire benevolence, to gone over the see and so passid to Caleis, and so furth into Picardie; and there upon a brige, kyng Lewes of Fraunce and he spake togider, and toke appointment bitwixt them upon certen mariages and certen money in hand, and l m^l crownes of sterling money yerely to be sent to the kyng out of Fraunce, duryng theire lives and a year after, so to be paide: and the kyng retourned ageyne over into England.

This yere an heretike callid Habraham was taken, which accusid diverse persones of the cite and other places, of which some were abjurid at, and did theire penaunce at Paulis.

This yere the abbot of Abyndon a pardon of pleyne remission [Sic in the MS.], and the wallis of London were bigonne to be newe repaired.

This yere the parliament was at Westm'; and the duke of Clarence was atteyntid of high treason, and afterward put to deth in the Tour of London.

This yere a wex chaundler in Flete strete had bi crafte, perced a pipe of the condit withynne the grounde, and so con∣veied the water into his selar; wherfore he was jugid to ride thurgh the citee with a condit upon his hedde. And this yere was grete deth of people; wherfore the kynges courts were not kepte at Westm' frome Easter to Midsomer nor in the Guyld∣hall from Easter to Midsomer.

This yere were the diches about the Tour newe cast, and the Tour newe repeired: and certen merchaunts of Bristowe were accusid of money makyng; and the kyng examyned them and there accuser, and there accuser forsoke that he hadde done; wherfore he sent them home, and also sent theire accuser to Bristowe, there to have his jugement. Also this yere the duches of Burgoyne came into England to see the kyng hir brother, which shewid to hir great pleasure, and so she departid ageyne. And this yere the duke of Gloucestre, and therle of Northumberland reisid grete people agein the Scottes, which fledde and wold not bide.

This yere a quarter of whete was worth xij s. and more. Also the duke of Gloucestre, and therle of Northumberlond, with many other lordes and moch people went into Scotland unto Edenburgh, and there made proclamacons in the kyngs name of England; and in their comyng homeward the sege contynued at Berwike, unto the towne and castell were geten with grete assauts. Also about seint Laurence tide was grete enquery at Caleis, for counterfeityng of the keies of Cales.

This yere the viij day of Aprile died kyng Edward.