SOM tyme þer was ane abbott þat asked cownceƚƚ of Saynt Anselme, & sayd vnto hym MS. hyr. , "what saƚƚ w[e] do with childer þat er nurysshid & broght vpp̛ in our clostre? ffor," he sayde, "we sese nott day & nygh[t to] bete þaim, & yitt þai er ay þe langer þe wers." And þan̛ Saynt Anselme ansswerd hym̛ agayn̛ [&] sayd̛, "ye spend fuƚƚ wele your nurysshyng & your̛ almos, þat of After of, bestis makis men, erased. men̛ makis b[estis], ffor, & þou sett in my garthyn̛ a yong plante of a tre, & closyd it rownde aboute, strayte on̛ [evur]-ilk side, þat it mot nott sprede furtℏ no bewis, whatkyn̛ a tre wolde spryng þeroff? ffor sut[h, an] vnprofitable tre. On̛ þe same maner of wise," he said̛, "do ye; ye kepe strayte in your clostre chi[lder] & yong men̛, with ferdnes & thretyngis, so at þai may hafe no libertie; whar̛-oppon̛ it happe[ns], for als mekiƚƚ as þai fele in you anence þaim selfe no maner of luff nor swettnes, nor hafe no fai[th] Latin MSS. fidem boni. (This reference and others following, are to the Latin MSS. Harl. 268, and Arundel, 375, in the British Museum). of no gudenes afterwerd in you, þerfor̛ it happyns of þaim be a mervolos maner, & a wrichid. ffo[r] evur as þai grow & waxis in bodis, Right so in þaim growis haterid̛ & suspecion̛ of aƚƚ Latin MSS. omnis mali. [yƚƚ]; and þerfor̛, for als mekuƚƚ as þai of no man̛ war nurisshid̛ in trew nor in perfite charite, þerfo[r þai] may not luke of no man̛, bod with a sowr̛ cowntenance and a froward̛ luke." et c̛.

We rede in a buke þat is callid 'Vitas Patrum,' how som̛ tyme þer was a monke þat happen[yd] on̛ a tyme to syn̛ flesshlie with a woman̛; & he went & schrafe hym̛ þerof vnto ane of his brethyr, ane alde monke. And þis monke tuke not his confession̛ tendirlie, bod chiddid̛ hy[m], & flate with hym̛, & said̛ he was vnworthi to be a monke & for to bere þe name of þer ordur, becauce he feƚƚ so lightlie vnto flesshlie temptacion̛; To so mekuƚƚ att, when̛ þai war partid, þis y[ong]er monke began̛ to faƚƚ in a despare, So þat on̛ a nyght he gat hym̛ se[cular] wede, & stale away oute of his ceƚƚ, and liffid as a seculer̛ man̛ in þe werld̛. So on̛ a ty[me] as he went be þe way, it happend̛ be þe dispensacion̛ of almiȝti God̛, hym̛ happend̛ to mete with ane abbott þat hight Appollinius, whilk þat knew þe cauce of his gate oute of his ordur, whilk abbott comfurthid hym̛ with fayr wurdis, and said vnto hym̛ þus: "turn̛ agayn̛, brother, vnto þi seƚƚ, & hafe no merveƚƚ at þou, at is a yong man̛, be tempid̛ with syn̛, ffor I my selfe, now in myne olde age, is hugelie tempid with þe same syn̛." So, þurgℏ his comfurthable wurdis, þis monke turnyd agayn̛ vnto his ceƚƚ. And þan̛ þis Abbott Abbollinius on̛ a tyme come vnto þis olde monke ceƚƚ dure, þat had made þis yong man̛ to despayre, & þer he prayed MS. prayer. at þis olde monke myght somwhatt fele of þe temptacion̛ of his oder bruder, & at his oder bruder myght be delyverd̛. And when̛ he had done his prayer, he was war of a little blak felow like a man̛ of Ynde, shotand byrnand aro[ws] at þis olde man̛, vnto so mekuƚƚ at þis olde monke was so stirrid with syn̛ & temptacion̛ of his bodye, þat he stale oute of his ordur in-to þe werld̛. So on̛ a tyme þis abbot come vnto hym̛ þer he was, & said̛ vnto hym̛: "Turn̛ agayn̛ in-to þi ceƚƚ, & hafe compassion̛ on̛ þi neghburs." And þan̛ þis abbott went vnto his prayers, & prayed̛ for hym̛; [& he co]me home vnto his ceƚƚ, & onone he was delyverd̛ of his temptacion̛.

We rede in 'Vitis Patrum' þat in þe tyme of Valencian̛ þer was a passand [fayr maydyn] þat hight Thaysis, whilk maydyn̛ hur modir in aƚƚ hur yong age lete [do accordand to] hur wiƚƚ Latin MSS. quam mater eius a pueritia statuit in prostibulo. . So when̛ hur moder deyed̛, sho become þe moste common̛ strompyd̛ in aƚƚ þe land̛, vnto so [m]ykiƚƚ þat men̛ come vnto hur infenytelie. So þer was ane Abbott þat hight Pasuncius Harl. MS. prasencius, Arun. MS. pasuncius. , whilk [þ]at, when̛ he harde teƚƚ on̛ hur, he tuke oppon̛ secular̛ wede, & tuke in his purs a shelyng, [and] went vnto hur and gaff hur þis shelyng to lat hym̛ hafe his wiƚƚ of hur. And sho [grawn]tit, & led hym̛ up̛ into a chambre, and when̛ sho was in þe chambre, hur bed was [ga]ylie dyght & clenlie, & sho did of hur clothis & went þerto, & bad hym̛ com̛ vnto hur. And þan̛ he spirryd̛ hur iff þer wer no mor̛ privalie place þat he & sho mott lie samen in, and sho said̛, "yis." And þan̛ he said̛, "Go we þerto." And sho led hym̛ þerto, & sayd̛: "Sir, & þou drede any man̛, Be nott aferde, for here commys no man̛, nor no man̛ may nowder se the nor me. And if þou be ferde for Godd̛, or drede Hym̛, dowte nott þatt whar-euer we [b]e, Almyghtie God seis vs." And þan̛ þis olde Abbott askid hir þuff sho knew almighti [G]od̛, And sho ansswerd̛ agayn̛ & said̛ þat sho knew almyghti God̛ & att his kyngdom̛ was for to com̛; & also sho said̛ þat turmettrie & payn̛ sulde be for syn̛. And þan̛ he ansswerd̛ hur agayn̛ & said̛: "Thow þatt knowis almyghty [God], why hase þou loste and myschevid so many sawlis as þou hase done? for þou mon̛ nott alonelie be dampnyd in þine awne sawle, bod also þou MS. repeats, bod also þou. mon̛ giff acompte for þer sawlys at þou hase dampned̛." And when̛ sho hard̛ þis, sho ffeƚƚ down̛ on hur kneys att his fette, & wepid sore, and made mekuƚƚ sorow; & evyn̛ furthwitℏ aƚƚ þat evur sho had getty[n] with hur syn̛ and hur wrichidnes, aforn̛ aƚƚ þe peple sho put it in a greate fy[re &] burnyd After burnyd, id̛, erased. itt; and so, be cownceƚƚ of þis abbott, not alonelie for hur syn̛-doyng, bod s[o] sho tuke itt vppon̛ hur to name aƚƚ-myghti God̛, sho was sparred̛ in a cloce ceƚƚ iij yere, and grete penance was enioynyd̛ hur for hur syn̛; and emang aƚƚ hur oþer penance, þis was hur MS. his. prayer: " Qui plasmasti me, miserere mei! Thow Lord̛ at made me, hafe mercie on̛ me!" And when̛ sho had bene þer iij yere, þis Abbott had in a reuelacion̛ a knowlege þat aƚƚ hur synys was forgiffyn̛ hur MS. repeats, all hur synys. . þan this abbott tuke hur furth of þis ceƚƚ, and sho tolde hym̛ þat sho had made a grete pakk̘ of aƚƚ hur synys, and þat sho layd̛ euer-ilk day in hur eye-syght, and euer þis pakk wex les & les, vnto þer was noght lefte in it; & þerby sho wiste þat hur synys was forgiffyn̛ hur within þat iij yere penance doyng. et c̛.

Frendis, we rede how þat þer was ane Abbott þat hight Petrus Damanus For Petrus Damianus. , and [on a tym]e he made a grete feste; and vnto þis feste he garte by a grete fyssℏ þat [coste] xx d̛; and onone it was soden̛ & sett befor̛ hym̛. And as he sett att [mea]te, þer come vnto his yate a pure man̛; and with a greate noyse & a cry [he besogh]t þat þe Abbott wold̛ giff hym̛ þe beste mete MS. mece. þat stude befor̛ hym̛; [& þe] Abbott harde hym̛, and with a gude harte sent hym̛ itt, þe fyssch þat had̛ coste hym̛ xx d̛, evyn̛ hale as it was; and a monke bare hym̛ it. And onone as he had it delyverd̛, þis monk̘ lukid after þis pure man̛, & he saw hym̛ stegℏ vnto hevyn̛ with þe dubler & þe ffissℏ in his hand̛. And he went in, and̛ tolde þe abbott. And þis abbott þankid almyghti God̛, & trustid þat it was God Hym̛ selfe þat come to feche his almos at his yate. et c̛.

We rede how som tyme þer was ane Abbott, þat euer-ilk day fure gaylie att his meate, & w[ent] euer gaylie arayed̛, & lett for no coste, bod boght of þe beste mete & drynk & clothis þat he cuthe gett for any sylver, after his astate. So it happend on̛ a day when̛ he had gaylie farn̛ att his meate, and his brether in þe covent had farn̛ bod badlie, & had little mete to ete, it happend after meate þat he mett ane of his brethir, a monk, & with a grete haste & a prowde cowntenance he bad hym̛ faste his erand̛. And þis monke tarid, & went nott furthwith as þe Abbott bad hym̛. And þe Abbott saw þis, & sayd vnto hym̛ with a grete indignacion̛: " ffrater! frater! non audisti que iussi? Brother, brother," said̛ he, "þou harde nott whatt I commawndid þe?" Than̛ þis monke ansswerd̛ hym̛ agayn̛ & said̛, "fforsuthe I know wele I am̛ your bruther, bod trewlie nowder your kirtyƚƚ nor your cowle, nor your welefare at your meate is my sister; for fra ye far̛ wele at your meate, ye rakk nevur & we þat sulde be your brethir fare neuer so iƚƚ; & if ye may gett gay clothyng & gude, ye rakk neuer how we fare." et c̛.

We rede in þe life of Saynt Anton̛ how on̛ a tyme ane archer, þat was a gude sh[oter], fand Saynt [Anton] syttand emang his brethir makand merie with þaim. And þis archer was displesid̛ þerwith & þoght þai sulde hafe bene in þer clostre, & tente þer bukis & þer serues, & nott hafe bene att no sporte nor no welefare. And onone Saynt Anton̛ purseyvyd̛ his menyng, and callid hym̛ to hym̛, & bad hym̛ putt ane of his arows in his bow, & shote als fer as he myght, & he did̛ so; and þan̛ bad hym̛ take a noder, and do on̛ þe same wyse, and he did as he bad hym̛; & þan̛ he bad hym̛ take a thrid̛, & draw hys bow als fer as he myght, at it mott fle far fro hym̛. And þan̛ þis archer MS. archerd̛. [ansswerd] hym̛ agayn̛ and said̛, "Sir, I dar nott, for I may happen̛ draw so fer þat I may breke my bow, & þat wold̛ I nott, for þan̛ I monde make mekuƚƚ sorow." Than̛ Saynt Anton̛ sayd̛ vnto hym̛ agayn̛, "loo! son̛, þus it is in þe werke of aƚƚmyghtie God̛; ffor and we draw it oute of mesur, we may sone breke itt; þat MS. þan. is to say, and we halde our̛ brethir so strayte in aw þatt þai com̛ to no myrtℏ nor no sporte, we may lightlie MS. lighlie. cauce þaim to breke þer ordur. And herefor̛ vs muste som̛ tyme lowse our̛ pithe, & suffre þaim hafe som̛ recreacion̛ & disporte emang aƚƚ þer other chargis, as Caton̛ says, Interpone tuis interdum gaudia curis." et c̛.

Abbas malus eternaliter punitur. Infra de Ebrietate. Abbas non mansuetem MS. mansuentem. debet corrigere. Infra de correccione.

We rede how som̛ tyme þer was a thefe þat had many other thevis at his reule a[nd] gouernance, & he was prince & maister of þaim aƚƚ, vnto so mekuƚƚ þat with his robro[rie &] his thifte he distroyed nerehand̛ aƚƚ þe region̛ þat he dwelte in, in spolyng now of ane & now of a noder. So þer was ane Abbott þat harde teƚƚ of hym̛, & he tuke a gude hors, & þe beste clothis þat he had, & rade into þe wud þer þis thieff lay; and onone he was taken̛ with þis thieff & his felows; and þis abbott askyd þaim what þai wolde with hym̛; And þai [an]sswerd̛ hym̛ agayn̛ & said̛, þai wold̛ hafe his hors & his clothis. And þis abbott [a]nsswerd̛ þaim agayn̛ & said̛, "ye saƚƚ hafe þaim aƚƚ redie; for þe gudis of God, þai er̛ common̛, and I hafe worn̛ & occupied̛ þies gudis þis many yeris, and þerfor̛ it is right at ye hafe þaim now & vse þaim als long as I hafe done." And þan̛ þis maister thefe said̛ vnto þis abbott, "Sur, þis day we wiƚƚ seƚƚ aƚƚ þis gere, and bye vs sucℏ thyng as vs nedis vnto our̛ fyndyng." & þan̛ þis Abbott said̛ vnto þis maister thieff, "Whi laburs þou þus, & puttis þi selfe in so grete pereƚƚ as þou dose, for þi lifelod̛? Com̛ with me vnto our̛ abbay, & I saƚƚ so ordand̛ at þou saƚƚ nott myster to be a thief no mor̛." Than̛ þis thief said̛, "Sur abbott, I may not eate your benys nor your cale, nor I may not drynk your thyn̛ ale." Than̛ þis abbott ansswerd̛ hym̛ & said̛, "I saƚƚ giff the gude fisscℏ & flessℏ to ete, & gude wyne to drynk̘." So vnnethis yit he wold̛ graunt þerto, bod yit att þe laste he went home with þis abbot, & þoght he wold̛ prufe whethir he wold̛ holde his promys or noght. So þis Abbott garte ordayn̛ for hym̛ a fayr chawmer & a fayre bed̛, and assigned hym̛ a monk to seryff hym̛, & for to gar hym̛ hafe aƚƚ þing þat he desirid̛. And euer-ilk day when̛ þis thief had etyn̛ & dronken̛ of þe beste meate þat cuthe be getten̛, þis monke, be commandment of his abbott, befor̛ þis thieff ete no thyng bod brede & watir. And when̛ þis monk had done þus a long while, on̛ a day þis thief said̛ vnto hym̛, "bruthir! whatt grete syn̛ hase þou done, þat þou pynys þi selfe so evur-ilk day with brede & watir? hase þou slayn̛ any men̛?" And þis [monk] sayd̛, "Nay, sur, God forbede þat euer I kyƚƚ any man̛." Than̛ þis thief askid̛ hym̛ if he had done any fornycacion̛ or avowtrie, or done any sacrelege; and þan̛ þis monke saynyd̛ for merveƚƚ & said̛, "sur, whi say ye so? I hafe bene broght vp in þis abbay of barn̛ litiƚƚ, & I tuchid̛ nevur no womman̛ with syn̛." Than̛ this thief was compuncte, & said̛ vnto hym̛ selfe, "A! how wrichid̛ & vnhappie am̛ I, þat hase done so mekuƚƚ iƚƚ as I hafe done, as thifte, & mansslaghter, fornycacion̛, & avowtrie & sacrelege; & I neuer fastid̛ nor did no penance." And þan̛ þis thief garte caƚƚ þis abbott vnto hym̛, & feƚƚ on̛ kneis befor̛ hym̛, & besoght hym̛ þat he myght MS. repeats, þat he myght. be receyvid̛ into þe abbay to be a bruther; & he grawntid̛ hym̛, and so he was made a monke in þat abbay. And afterward̛ he become so gude a man̛ & so halie, þat he passid̛ aƚƚ his other brethir in gude lyfe & abstinence, & in gude reule of religion̛ & holynes.

Hubertus, in a buke þat he makis `De Dono Timoris,' tellis how som̛ tyme þer was ane abbott, and when̛ he sulde dye, he besoght his brethir þat when̛ he was deade [þai] wolde chese his suster son̛, þat MS. þas. was a monke of þe same place, to be Abbott; and so þai did. So on̛ a tyme as þis new Abbott walkid̛ in his garthyn̛ beside a weƚƚ, [he] harde a huge voyse makand a grete mornyng & a sorow, & þat mervaluslie, and onone þis abb[ott] coniurid it. And when̛ he had so done, It told̛ hym̛ þat it was þe saule of the Abbott a[t] was his eame, whilk it said̛ was in grete payn̛, & byrnyd̛, and aƚƚ becauce þat he, er he dyed̛, desirid̛ his brethir to make hym̛ þat was his sybman̛ Abbott. And þan̛ þe new abbott, his suster son̛, said̛; "How may þou byrn̛ in so grete payn̛, & be in so calde a weƚƚ [as] þou ert in?" þan̛ þis spiritt bad þis abbott go into þe kurk & take þer a copir candilstik, [&] bryng it with hym̛ & caste it into þe weƚƚ, & So he did̛. And onone, as it was casten̛ into þe weƚƚ, it was meltid̛ as it had bene wax þat had bene putt in-to þe fire. And when̛ þis new abbott saw þis, onone he renowncid̛ his abboship̛, & garte chese a noder. And fro thens furtℏ he neuer hard þis voice agayn̛.

We rede how som̛ tyme þer was ane abbott of Saynt Pantaleus Harl. MS. Pentaleonis, Arun. MS. Panthaleonis. in Colan̛, þat hight Cesari[us], & he had a bruther þat was a merchand̛; & euer when̛ þis merchand̛ come vnto hym̛, he wolde giff hym̛ a grete substance of money of his monasterie. And many yeris þis money at [his] bruther gaff hym̛, he mengid̛ it with his awn̛ in his merchandice, & euer his gudis fa[ylid] hym̛, & he loste aƚƚ þat evur̛ he did̛. Not-with-stondyng, afor̛ his bruther was abbott, he [w]a[s] a wurthie merchand̛, & was a riche man̛ & hedid̛ gretelie vnto his bying and his sellyng. So on̛ a tyme þis abbott his bruther sent after hym̛, when̛ he harde of his rewle, and said̛ vnto hym̛; "Bruther, whi wastis þou þus vilauslie þi substance & þi gudis bothe vn[to þi] confusion̛ & myne?" Than̛ þis merchand̛ ansswerd̛ hym̛ agayn̛ & said̛, "I liff als skantlie as I can̛, & diligentlie I kepe aƚƚ my merchandice, and I wote neuer how it behappens vn[to me], ffor my felows profettis & waxis riche men̛, & I defayle & waxis pure." So he tuke his lefe att his bruther & wente home. And so, as he went hamwerd̛, he feƚƚ into a grete compunccion̛, & trustid̛ he had done som̛ grete syn̛, þat causid̛ his gudis to faƚƚ away from̛ hym̛ be grevans of aƚƚ-mighti God. So he avisid̛ hym̛, and went to a preste and shrafe hym̛, & tolde hym̛ aƚƚ his life. And þis preste ansswerd̛ hym̛ & said̛; "The money at þou hase taken̛ of þi bruther, it is stoltherye, & it wastis þi money and þi gudis, and þerfor̛ fro hens furtℏ take no mor̛ money of hym̛, & þou saƚƚ do wele enogℏ. And with þat litle þat is lefte the make þi merchandice, & halfe of þi winnyng alway restore agayn̛ vnto þe abbay, ewhils þou hafe payde agayn̛ aƚƚ att þi bruther lente the, & liff of þe toder halfe of þi wynnyng"; and so he did̛. And with-in a while he waxid̛ so riche, at he restorid̛ aƚƚ agayn̛ þat his bruther had giffen̛ hym̛; and þan̛ he was a passand riche man̛. So on̛ a tyme þis abbot had grete mervayle of hym̛ & saide vn[to] hym̛; "how erte þou waxen̛ riche so sodanlie, & within a while was bod a pure man̛?" And he ansswerd̛ hym̛ agayn̛ & said̛; "Bruther abbott, als long as I reseyvid̛ þ[e] substance & þe gudis of þi brethers of the, I was euer pure & bakstad; and þou did grete syn̛ att gaff me itt, for þou did bod stale it fro þi brether & gaf me it. And euer sen̛ I forsuke to take swilk stolethery, I hafe abundid̛ & waxin ryche of gudi[s]; and þerfor̛ I wiƚƚ no mor̛ of þi money, for þuf aƚƚ þou hase it in gouernance, yitt itt is þi brethers als wele as thyne." et c̛.

We rede of ane Abbott off Ceustus ordur, how he on̛ a tyme come vnto Philipp̛, þat was kyng of Romayns, for dyvers nedis of his howse, for to speke with hym̛. So þe kyng beheld̛ his hose & his shone, & þai war passand strayte & clenlie done vppon̛; and when̛ he had con[s]ydurd þis, he askid̛ þis abbott of whyne he was; and þis abbott ansswerd̛ hym̛ agayn̛ & sayd, "Sur, I am̛ abbott of a fuƚƚ pure howse." And þan̛ þe kyng said̛ agayn̛ vnto hym̛, "Sur, þat semys wele be your̛ hose & your̛ shone þat your howse is made passand pure, for þai er costios & dere." And with þis wurd̛ þis abbott was confusid̛, & neuer after ware so costios hose nor shone, nor so strayte as he did befor̛.

We rede how þer was a monk of Clariuaƚƚ þat was Abbott þer, & his name was Petur, & he was a passand̛ innocent man̛. So hym̛ happynd̛ on̛ a day he MS. þai. was [a]ssignyd̛ for to go, & a monke with hym̛, to speke with a knyght þat had tane mykuƚƚ of þis abbott gudis fro hym̛, and said̛ þai war his awn̛; and þis knyght mett þis abbott at a place apoyntid̛, with a grete menyay of his kyns-men̛ with hym̛. And when̛ þai wer mett, The abbott said vnto þis knyght, "Thow ert a cristen̛ man̛; and þerfor̛ & þou wiƚƚ say MS. said. of suthfastnes & be þi treuth at þies gudis er þine, I wuƚƚ trew the, & fro hens furthe speke no more þeroff." And when̛ þe knyght hard̛ þis he was passand fayn̛, & forsid̛ litle of suthefastnes, and said̛ þat on̛ suthfastenes & be his treuthe, þase gudis war his & not þe abbays. Than̛ þe abbott sayd̛, "thyne be thay"; and þus þai partid̛, & þe abbott lefte hym̛ þis gude. Than̛ þis knyght went home & tolde his wife, and sho as a gude woman̛ was ferd̛ þerof, & said̛ vnto hur husband̛; "fforsuthe, Sur, þou hase done dissaytefullie agayn̛ yone holie abbott. Be war, for bod if þou restor̛ agayn̛ vnto yone abbott þe gudis at þou hase takyn̛ þerfra, þou saƚƚ want my felowshup̛"; and þurgh hur cownceƚƚ & hur saying he was agaste. And on̛ þe morn̛ he went vnto Clarevaƚƚ abbay, & come vnto þe abbott, & renowcid aƚƚ þies gudis & forsuke þaim, & restorid̛ þe abbay agayn̛, and prayed̛ þe abbott for to forgyff hym̛ þat wrong at he had done vnto hym̛.

Abbas durus ad simplicitatem et hospitalitatem divisioni subiacet. Infra de histrionibus.

Som tyme þer was ane abbott of Cistus, þat hight Cesarius, comandid̛ vnto a monk of his þat was seke, þat he sulde eate flessℏ; and þis monke obeyid̛ his commandment, þuff aƚƚ it was agayn̛ his wiƚƚ, and said̛ vnto his abbott; "and I pray you for charitie þat ye wuƚƚ vuchesafe to eate flesscℏ with me." And̛ onone þis abbott grauntid̛ & sett hym̛ down̛ be þe monke, & tuke a morseƚƚ of [flessc]ℏ oute of þe seke man̛ platir & eate it. So it happend̛ þat with-in ij dayes after, þis abbott went vnto a kurk̘ whar̛ þer was a man̛ þat had a fend̛ in hym̛, and onone as þis abbott saw hym̛, he spak vnto þe fend̛ & said̛. "O! þou iƚƚ spirit! I coniure þe & chargis the þurgℏ þat charite be þe whilk laste day I ete flessℏ for my monke sake, at þou tarie here no langer, bod pas furtℏ of þis man̛." And onone þis fende fled̛ & went furtℏ of þis man̛, becauce þe fire of charite was so hate þat he myght not suffer it.

Som tyme þer was a non̛ þat was ane abbatiss of a grete place, and sho was called gude of gouernans bothe in wurde & dede; & with a spirituaƚƚ luf sho did þe cure þat sho had taken̛ of hir sisters. & with grete aw & straytnes, þe congregacion̛ att sho had gouernan[s] of, sho compellid̛ to kepe þer ordur. Notwithstondyng, þurgℏ entysing of þe devuƚƚ, sho lete hur carvur, þat was hur awn̛ syb-man̛, hafe at do with hur, so þat sho conseyvid and was with childe. And for aƚƚ þat, yit sho lett nott, bod kepyd diligentlie emang hur susters þe rigur of disciplyne. Than̛ it happend þat sho wex grete & drew nere hur tyme, & hur susters þe nonnys purseyvid̛, & was passand̛ fayn̛ þerof, becauce sho wa[s] so strayte vnto þaim, at þai myght have a cauce to accuse hur in. And hur accusers garte write vnto þe bisshop̛ & lete hym̛ wete þerof, and desirid̛ hym̛ to com̛ vnto þer place and see hur. So he grawntid̛, and þe day of hym̛ commyng drew nere. And þis abbatis, þat was grete with childe, made mekuƚƚ sorow & wiste neuer what sho might do. And sho had a privay chapeƚƚ with-in hur chawmer, þer sho was wunt daylie als devoutlie as sho cuthe to say our ladie matyns. And sho went in þer & sparrid̛ þe dure vnto hur, and feƚƚ devoutelie on̛ kneis befor̛ þe ymage of our ladi, & made hur prayer vnto hur, & wepid sore for hur syn̛ and besoght vr ladie for to helpe hur & safe hur, þat sho war not shamyd̛ when̛ þis bisshopp̛ come. So in hur prayers sho happend̛ to faƚƚ on̛ slepe, and our ladie, as hur thoght, apperid̛ vnto hur with ij angels, & comfurthid̛ hur & said̛ vnto hur in þis maner of wise; "I hafe hard̛ þi prayer, and I hafe getten̛ of my son̛ forgifnes of þi syn̛, & delyverans of þi confusion." And onone sho was delyvur of hur childe, & our ladie chargid̛ þies ij angels to hafe it vnto ane hermett, & chargid̛ hym̛ to bryng it vp̛ vnto it was vij yere olde; and þai did as sho commaundid̛ þaim; & onone our̛ ladie vanysshid̛ away. And þan̛ þis abbatiss wakynd̛ & grapid̛ hur selfe, & feld̛ hur selfe delyvurd of hur childe, & hole & sownde; & sho thankid almighti God & our̛ blissid̛ ladie þat þus h[ad] delyvurd̛ hur. In þe mene while on̛ a day, þis bisshop̛ come & went into þe chapitr̛ howse, & callid̛ aƚƚ þe nonnys aforn̛ hym̛; & þis abbatis wold̛ hafe gone vp & sett hur in hur stede be þe bisshop̛ as sho was wunte to do; and þis bisshop̛ reprovid̛ hur & chargid̛ hur to go furtℏ of þe chapitr̛, & said̛ sho was not wur[thi] to be þer-in. & when̛ sho was gone he sent ij clerkis after hur to examyn̛ h[ur], & to serche whethur sho wer with childe or noght; & þai cuthe fynde no takyn̛ on̛ hur þat sho sulde be with childe. And þai come vnto þe bisshop̛ & tolde hym̛ þat sho was innocent of þat at sho was accusid̛ of. Neuer-þe-les þis bisshop mystristid̛ þaim, & trowid þai had takyn̛ som̛ money of hur, & he said̛ he wolde serge hur hym̛ selfe; & so he did, & he cuthe not fynde in hur no synge þat sho sulde be with childe. And þan̛ þis bisshop̛ feƚƚ downe befor̛ hur on̛ his kneis, & askid̛ hur forgifnes of þe wrong at he had done vnto hur; and aƚƚ þaim þat had accusid̛ hur, he chargid̛ at þai sulde be putt oute of þe place. And þis abbatis besoght hym̛ nay, and forgaff þaim at þai had saide vppon̛ hur. And þan̛ sho tuke þis bisshop̛ in confession̛ & tolde hym̛ aƚƚ how it had happend hur, & how owr̛ ladie had delyverd̛ hur; and þis bisshop̛ had grete mervayle þerof, & sent þies ij clerkis vnto þis hermett to luke if it wer so or noght. & þai broght þe bisshopp̛ wurd fro the hermett, þat ij yong men̛ had broght hym̛ þis childe, & said̛ þat our ladie commaundid hym̛ to kepe it vij yere. And when̛ it was vij yere olde, þis bisshop tuke it & garte putt it vnto þe skule, & it encrecid̛ gretelie in vertue & connyng, vnto so mekuƚƚ þatt when̛ þis bisshop̛ decesid̛, he was made bisshop̛ after hym̛ nexte succedyng.

We rede be tellyng of olde fadurs, how þat þer was a holie abbatis, and sho was gretelie vexid̛ xiij yere with þe syn̛ of fornycacion̛, & euer when̛ sho was tempid̛ sho prayed aƚƚ-myghti God̛ to send hur strenth to withstond̛ þis temptacion̛, & not for to mofe it away. So on̛ a tyme þe spiritt of fornycacion̛ apperid vnto hur bodelie & said̛; "þou hase ouer-commen̛ me." & sho ansswerd̛ agayn̛ & said̛, "I hafe not ouercommen̛ þe, bod my Lord Iesu Criste hase ouercommen̛ þe." et c̛.

We rede in a fable how at þe lopp̛ & þe gutt on̛ a tyme spak to-gedre, & emang þer oþer talkyng, athir of þaim askid̛ other of þer lugyng, & how þai war herberd̛ & whare, þe night next befor̛. And þe lopp̛ made a grete playnte & said̛, "I was herberd̛ in þe bed of ane abbatice, betwix ij white shetis, opon̛ a softe matres, & þer I trowed̛ to hafe had gude herberie, for hur flessℏ was fatt & tendre, & þerof I trowid̛ to hafe had̛ my fyƚƚ. & furste, when̛ I began̛ MS. repeats, furste. for to bite hur, sho began̛ to cry & caƚƚ on̛ hur maydyns, and when̛ þai come, onone þai lightid̛ candels & soght me, bod I hid̛ me to þai war gone. & þan̛ I bate hur agayn̛, & sho come agayn̛ & soght me with a light, So þat I was fayn̛ to lepe oute of þe bed̛. And so aƚƚ þis nyght I had no reste, bod was chasid̛ & charrid̛ & vnnethis gatt away with my life." Than̛ ansswerd̛ þe gowte & said̛, "I was herberd̛ in a pure wommans howse, & onone as I prikkid̛ hur in hur thomble ta, sho rase & uettid̛ a grete boƚƚ fuƚƚ of clothis, & went with þaim vnto þe watir, & stude þer-in with me vp to hur kneis; so þat, what for calde & for holdyng in þe watir, I was nere-hand̛ slayn̛." And þan̛ þe lopp̛ said̛, "This night wiƚƚ we [cha]nge our̛ herbery"; & so þai did̛. & on̛ þe morn̛ þai mett agayn̛; & þan̛ þe lopp̛ said̛ vnto þe gowte, "þis night hafe I had gude herberie, for þe womman̛ þat was þine oste yisternyght was so werie and so yrke, þat I was sekurlie herberd with hur, & eate of hur blude als mekuƚƚ as I wold̛." And þan̛ ansswerd̛ þe gutt & said vnto þe lopp̛, "þou gaff me gude cownceƚƚ yistreven̛, for þe abbatiss vnder-nethe a gay couerlade, & a softe shete and a delicate, couerde me & nurisshid̛ me aƚƚ nyght. & als sone as I prikkid in hur thomble ta, sho wappid me in furris, & if I hurte hir neuer so iƚƚ, so lete me alone, & laide me in the softests place of þe bed̛, & tribulde me nothyng. And þerfor̛ als lang as sho liffis I wil[l] be herberd̛ with hur, for sho makis mekiƚƚ of me." And þan̛ said̛ þe lopp̛, "I wuƚƚ be herberd̛ with pure folke als lang as I liff, for þer may I be in gude reste & ete my fyƚƚ, & no bod[ie] lett me." And þus þe gowte abade with ricℏe folk & þe lopp̛ with pure folk. et c̛.

Eaclides Latin MSS. Heraclides. tellis how att þer was a mayden̛ whase name was Alexandria, þat garte cloce hur selfe in a grete grafe, & tuke hur meat att a little hole, to so mekuƚƚ þat x yere to-gedyr sho saw neuer nowder man̛ nor womman̛, nor shewid̛ nevur hur visage to no creatur. So on̛ a tyme, þer come a man̛ vnto hur hole, & spirrid̛ whi sho was closid̛ þer & wolde not com̛ oute. And sho ansswerd̛ agayn̛ & said̛, "Som̛ tyme þer was a yong man̛ þat lukid̛ on̛ my fayrehede, & þurgℏ þat luke his saule was hurte with syn̛; & þerfor̛ or I sulde be sene for to hevie any man̛, me had leuer be closid̛ in þis grafe als lang as I liff, þan̛ for to noy þe saule þat is made vnto þe liknes of almighti God." And þan̛ þis man̛ askid hur how sho might liff so; Sho ansswerd̛ agayn̛ & said̛, "fro þe begynyng of þe day I faƚƚ in hand with my prayers, & forther-mor̛ of þe day I wurk lyne werk̘, and þan̛ I þink of holie martyrs, confessurs, & virgynnys, and þan̛ I take me meate & drynk̘; and þan̛ again̛ evyn̛ I go to ryste, & þer I wurschup̛ allmyghti God̛. And þus I abide þe ende of my life with a gude hope, & a belefe þat I saƚƚ be savid̛ on̛ þe day of dome." et c̛.

We rede of a monke þat hight Hubertus, whilk þat when̛ he sulde dy, he askid̛ straytlie þat þe abbott myght com̛ vnto hym̛ & assoyle hym̛, as he did̛ other of his brether þat dyed̛. And þis abbott was fro home, & in þe mene while [þis] monke deyed̛. And when̛ þe abbott come home þai tellid̛ hym̛, and þis abbo[tt] went vnto þe altar̛ þer þis monk was berid̛, & sett hym̛ down̛ on̛ his kneis & prayed for hym̛. And as he satt in his prayers, hym̛ þoght þis monke rase oute of his grafe & come vnto hym̛, & said̛, "Benedicite!" right as he had bene o life, and askid a due absolucion̛. So þis abbott, gretlie astonyd̛ þer-with, Said̛, " miseriatur tui et c̛, et absolucionem." And þan̛ þis monk̘ askid̛ hym̛ penans. And þis abbott wiste neuer whatkyn̛ penance sulde be giffen̛ vnto þaim at wer deade; and he commandid̛ hym̛ þat he sulde be in purgatorie vnto he had said̛ a mes for hym̛. And when̛ þe monk̘ hard̛ þis, he cryed̛ so horrible, þat aƚƚ þe abbay hard̛, on̛ þis maner of wise; "O ! þou man̛ with-oute mercie! þat hase commandid̛ me to be so long in þe grete payn̛ of purga[to]rie MS. purgarie. ." And with þat he vanysshid̛ away.

We rede in þe life of Saynt Gregur how at þer was ane abbott of a monasterie off Saynt Gregories, and he come vnto Saynt Gregur & tolde hym̛ how þat he had a monk in his place þat vsid̛ for to cone mony vnder-nethe þe ertℏ, & wolde not lefe it for no commandmente. And Saynt Gregur sent for hym̛, & chargid̛ o payn̛ of cursyng to lefe it. So with-in a while after, þis monke dyed̛, & Saynt Gregur wuste nott. And when̛ he was enformed̛ þerof, he was wrothe þat þis monke died̛ vnasoylid̛. And he wrote his absolucion̛ in a scrow of papir to assoyle hym̛ of þe said̛ sentans of cursyng, and gaff it vnto ane of his dekyns, & commandid̛ him to go vnto þis monke grafe þer he was berid̛, & rede it ouer hym̛. And he did so, and vppon̛ þe nyght after, þis monk þat was deade apperid̛ in a vision̛ vnto his abbott, & tolde hym̛ þat fro he was dede vnto he was asoylid̛ he was in grete payn̛, bod fro þe howr̛ þat he was asoylid̛ he went vnto blis, & was delyverd̛ of aƚƚ his payn̛. et c̛.

We rede in 'Collacionibus Patrum,' how þat a gude halie abbott, þat hight Moyses, on̛ a tyme said̛ of hym̛ selfe in þis maner of wise; "I remembre so for to hafe dispysid̛ þe appetite of mete & drynke, so at ij dayes or iij, mete nor drynke was neuer in my mynde. And I hafe so abstenyd me fro slepe, not-with-stonding I was attemptid̛ gretlie þerto be þe devuƚƚ, þat many nyghtis & many [dayis] Latin MSS. ut per plures dies ac noctes. I slepid̛ neuer a dele, bod bad my prayers vnto almyghti God̛. And yitt I felid̛ my selfe, þat I had dyvers tymys mor̛ hurte with outrage takyng of meate & drynk̘ & slepe þan̛ with abstinens þeroff." Bod monkis er not so now o dayis, for or a monk wantid̛ now ane howr̛ slepe, or a negg of his serves in his dissℏ, hym̛ had levur þat his howse was in xx ƚi dett. And so war nott monkis in olde tyme This tale is very different from the Latin version. .

We rede in a buke þat is callid̛ 'Vitæ MS. Vitas. Patrum,' how on̛ a tyme, aƚƚ þe monkis þat was in ane abbay opon̛ a solempne fastyng-day ete samen in þer fratur. And emang þaim þer was one þat bad bryng̘ hym̛ salte, for he ete no bulid̛ meate. And he þat he bad bryng hym̛ salte was occupied̛ with oþer laburs, and forgatt to bryng hym̛ itt; & þan̛ þis monk callid̛ þer-for̛ agayn̛. And þis servand cried vp opon̛ hyght and bad som̛ man̛ bryng salte vnto þis monke, for he ete no bulid̛ mete. And þan̛ rase vp one alde monk̘ & said̛ vnto þis monk þat callid̛ for salte; "Bruther, it had bene mor̛ expedient vnto þe þis day for to hafe etyn̛ flessℏ in þi ceƚƚ, þan̛ for to hafe made þis voyce of þine abstinence emange so many of þi brethir."

Jacobus de Vetriaco MS. Vetriano. tellis how þat þer was a holie Saynt þat hight Maria de Oginiez, whilk þat oft sithes punysshid̛ hur selfe with grete abstinence. So on̛ a tyme sho refresshid̛ hur with mete, & as sho satt etand sho was war After war, vi, erased. of þe devuƚƚ; & with a grete [con]tenans & ane angrie he said̛ vnto hur, "Beholde þis gluton̛! how ferventlie sho etis!" And sho satt stiƚƚ & vmbethoght hur, & knew his falssett weƚƚ enogℏ, & ete on̛. & euer þe devuƚƚ wolde hafe lett hur for to hafe etyn̛, becauce he wulde sho had dyed for defawte; and ay þe mor̛ he lett hur to ete, þe mor̛ sho ete. And he saw at sho wolde not lett to ete for hym̛, bod̛ at ay þe langer he laburd hur, þe more sho ete. [&] with a grete crying & a noyse he vanyshid̛ away fro hur, & neuer after trubled̛ hur nor did̛ hur harm̛.

We rede in 'Vitis MS. Vitas. Patrum' how þat þer was a gude holie alde man̛, & xl yere he drank̘ nevur; & evur he wulde take a vesseƚƚ & fulfiƚƚ it with wyne & hyng it in his chawm[re] þat he mott daylie se it. So on̛ a tyme his brethir askyd̛ hym̛ whi he did so, and he ansswerd agayn̛ & said̛, "I do it to þis entent, þat when̛ I se þat þing at I desire, þat with abstinens þerof I may suffre mor̛ payn̛; and so of almyghti God I saƚƚ have more mede."

We rede ex 'Dictis Patrum' how þat þer was som̛ tyme a man̛ of religion̛, þat be temptacion̛ of þe devuƚƚ covett gretle to ete spyce. So on̛ a tyme he boght hym̛ spice, & wulde not ete þerof, bod hang it befor̛ hym̛ þat he mott se itt. & becauce he wolde not be ouercommen̛ with covatice þerof, he wolde neuer eate þeron̛ nor tuche itt, Bod euer when̛ he saw itt, punysshid̛ his body þerwith becauce þat it desirid̛ it.

We rede in 'Vitis MS. Vitas. Patrum' how at þer was a freer þat was so gretelie tempid̛ with þe devuƚƚ, þat euer-ilk day, at iij of þe beƚƚ, he feƚƚ into so grete a honger, þat he myght not suffer it. So on̛ a tyme he said̛ vnto hym̛ selfe, "Benedicite! how is it with me, þat I am̛ so turment with suche a honger at iij of þe beƚƚ in þe mornyng, so þat I may nott forbere meate no day vnto vj of þe clokk, or ix, or none?" And euer-ilk day befor̛ none, not-with-stondyng aƚƚ þis honger, he wuld̛ say his matyns, his mes, & his oþer prayers MS. prayes. ilk day or he ete any meate, as þe rewle of his religion̛ askid̛, and þan̛ he wulde sett hym̛ down̛ & take hym̛ meate; and þus he did̛ many day. So on̛ a day when̛ he had bene at his prayers, he walkid̛ vp & down̛ in a garthyn̛, & hym̛ thoght þer come so swete a savur oute of his parceƚƚ bed̛ & his erbis, þat he was so replete þerwith þat ij or iij dayes hym̛ liste nevur at e[ate]. And yit hym̛ thoght þat he was als strong of hym̛ selfe as he had etyn̛ sufficient at evur-ilk mele tyme. et c̛.

Helinandus, a grete clerk̘, writand̛ of þe life & maners of one þat hight Romulus, þat was one of þe foundors of Rome, wrate on̛ hym̛ in þis maner of wise & said̛, þat agayns þis Romulus suld̛ go vnto þe cownceƚƚ howse, he wold not drynke, & in-esspeciaƚƚ wyne, bod in esy quantitie iij dayes befor̛. So on̛ a tyme a gude man̛ of Rome, þat purseyvid his condicion̛, said̛ vnto hym̛, "Thow Romullus! and aƚƚ men̛ did̛ as þou duse, wyne sulde not be in Rome in so grete dayntie as it is. For & no man̛ wolde drynk̘ no mor̛ þerof þan þou Duse, it sulde not be so dere as it is." et c̛.

Cesarius tellis how a devuƚƚ in liknes of ane aungeƚƚ apperid̛ evur-ilk day vnto a monke when̛ he was at his meate, & shewid̛ hym̛ alway halfe a lafe, & bad hym̛ no mor̛ bod þat. And þe monke did evur as he bad hym̛, & with-in a shorte while he wex passand wayke. And þer feƚƚ a swyngyllyng in his hede þat he wex fonde with, & mad as a guse; & so he contynued vnto he deyid̛. et c̛.

Abstinencia a carnibus est necessaria. Infra de gula.

Saynt Gregorie tellis how þat ane abbott, þat hight Honoratus, & his fadur & his moder, on̛ a tyme made a feste vnto his frendis. And þer was at þis feste a childe þat was ane of his kynsmen̛ þat satt att þe burd̛, and when̛ þai bad hym̛ eate flessℏ, he wolde eate none, for grete abstinens þat he vssyd̛. And þai þat satt abowte lowgℏ at hym̛, & askid̛ hym̛ in skorn̛, sen̛ he wolde nott ete flessℏ, if he wold̛ eate any fysscℏ. & he ansswerd̛ agayn̛ & said̛, "Ya." & he had it. And in þe mene while at þai talkid þus with hym̛, happend þaim want watir; & þan̛ þer mawnciple went vnto þe weƚƚ & drew watir. And as he was drawand̛, þer happend̛ of Sodentie a fyssℏ to com̛ in-to þe bukett, & þat a grete; & he was fayn̛ þerof, & broght it in & lete þe abbott se itt. & þe abbott garte sethe it, & it was so foysonable þat it fande þe childe and aƚƚ at was att meate fyssℏ enogℏ at a mele. et c̛.

Accepcio personarum. Accepcione personarum multi decipiuntur. Infra de iudicio humano.

Cesarius tellis how þat a monk on̛ a tyme was so tempyd with sleuthe & slugisnes, þat evur when̛ he sulde rise vnto matyns, he was euer stryken̛ into a grete ferdnes & a fayntnes, to so mekuƚƚ þat he supposid̛ hym̛ selfe þat it was a sekenes. & ilk nyght, when̛ his brethir went to matyns, he happed̛ his hede with clothis & lay stiƚƚ. So it happend̛ on̛ a gude night, aƚƚ his brether, when̛ þai hard̛ þe beƚƚ, rase & went to matyns. And when̛ þai wer gone, he thoght he wold̛ ryse & go with þaim, & bukkled vpward̛. And onone þis slugisnes come on̛ hym̛, & causid̛ hym̛ lay hym̛ down̛ agayn̛ & happ̛ hys heade. And sodanle he hard a voyce þat was vnknowen̛ to hym̛, as hym̛ þoght, speke vnder his hede, & said̛, " Noli surgere; noli sudorem tuum interrumpere. Rise nott, bod ly stiƚƚ, & lett not þi selfe to swete; for & þou do, it wiƚƚ hurte the." & þan̛ he was halfe agaste, & liftid up his hand̛ & saynyd̛ hym̛. And onone it smate in his mynd̛ þat it was bod ane illusion̛ of þe devuƚƚ & a fantasie, & onone he rase vp̛ & went to matyns with hys brether. And fro thens furtℏ, he was neuer slugissℏ to rise & go vnto Goddis serves, nor þat fayntnes nor þat swete come neuer on̛ hym̛ aftre.

Accidia in oratione est vitanda. Infra de dormire in oratione.

We rede In 'Vitis MS. Vitas. Patrum' vnto þer was ane man̛ of religion̛ þat sayd̛ vnto his bruther þat was ane olde man̛, "what saƚƚ I do? for I sit in my ceƚƚ & duse noght, bod is made slugis with slewtℏ." Than̛ þis olde man̛ ansswerd̛ hym̛ & sayde, "hase þou not sene turment þat is for to com̛? for & þou pryntid̛ þaim in þi harte, and þi Ceƚƚ war fuƚƚ of wormys evyn̛ vnto þi nekk̘, þou sulde suffer it pacientlie & be nothyng slugyssℏ þerwith, bod take it mekelie."

Saynt Bede tellis in 'Gestis Anglorum,' how at þer was a knyght in Englond̛ þat was a dughti man̛ in armys, bod he was corrupte in maners. And on̛ a tyme hym̛ happend to faƚƚ passand seke. And þe kyng come vnto hym̛, & comforthed̛ hym̛, & bad hym̛ be of gude chere. And [he] ansswerd̛ agayn̛ & said̛ þat he myght nott, ffor he was passand ferd̛ þat hys seknes suld̛ cover on̛ hym̛. And þe kyng come to hym̛ a noder tyme & comfurthed̛ hym̛, & bad hym̛ take gude harte vnto hym̛ & be of gude chere. And he ansswerd̛ agayn̛ & said̛ þat he myght not, for it was to late, for he said̛; "I am̛ demyd̛ & dampnyd̛; ffor a litle while or ye come in, [þer] was here ij fayr̛ yong men̛, and one sett hym̛ at my bed hede, & a noder at my fete. And þai said̛, 'This man̛ mon̛ dye. And þerfor̛ lat us se if we hafe any right in hym̛.' And þe tone of þaim tuke oute of his bosom̛ a buke writtyn̛ aƚƚ with gold̛ letters. And he soght aƚƚ þe buke þurgℏ, & he cuthe fynd̛ nothyng of me bod a few gude dedis þat I did in my yowthed̛, or I cuthe syn̛ deadlie; & þat he shewid̛ me, & I was passyng glad þeroff. And þan̛ þer come in ij fowle fendis, & þe tane of þaim broght with hym̛ a grete blak buke, and þer-in was wretten̛ aƚƚ þe evuƚƚ dedis þat evur I did̛. And þai said vnto þies ij angels; 'wharto stond̛ ye here al day with hym̛ þis? ye hafe no right in hym̛, for þis many yeris was þer nothyng of hym̛ wrettyn̛ in your buke.' Than̛ þe angels ansswerd̛ & sayd̛, 'Thai say suthe, & þerfor̛ go we hyne.' And þis done, þies fendis cuttys me in sonder with ij sharpe swerdis; and þe tone begynys at my fute, and þat other at my heade, & þai smyte me now on̛ myne eyn̛, & I hafe loste my sight, and now fro my fute þai com̛ vnto my harte." And when̛ he had þus said̛ he swelte, et c̛. This tale is gude to teƚƚ agayns þaim þat er slaw in penance doyng, or at wiƚƚ not lefe syn̛ or it lefe þaim. et c̛.

¶. Accusat Angelus. Infra ffideiussor.¶. Accusat demon. Infra demon.¶. Accusant Sancti. Infra Episcopus. ii.

As holie fadurs tels, we rede how þer was a holie religious man̛, þat askid̛ his abbott, þat hyght Josepℏ, & said̛; "And I se my bruther do a tryspas, it is gude vnto me to layn̛ itt?" And þan̛ þis old Abbott ansswerd̛ hym̛ agayn̛ & said̛, "When̛ som̛ evur we hide þe syn̛ of owr̛ bruther, almighti God hydis owr̛ syn̛, & when̛ som̛ evur we vtter þe synys of owr̛ brether, þan̛ almightti God vtters our̛ syn̛." This tale is gude to teƚƚ vnto þaim þat luffis to sklander þer evyn̛ cristen̛. et c̛.

We rede de Sancta Marina, how at þer was a seculer̛ man̛ þat had a doghter alone, & no ma childer. So on̛ a tyme he betuke þis barn̛ vnto his fadur to kepe, and went hym̛ [se]lfe vnto ane abbay & made hym̛ a monke. And when̛ he had bene þer a while, euer when̛ he thoght of his yong doghter he was passand hevie. And when̛ þe abbott pursayvid̛ þis, he askid̛ hym̛ whi he was so hevie & so sad̛. And he feƚƚ down̛ vnto hym̛ on̛ his kneys wepand, & said̛, "ffadur abbott! I hafe a son̛ þat I hafe lefte in þe cytie, & evur when̛ I thynk̘ opon̛ hym̛, my harte is sore & passand hevie." And yitt he wold̛ not teƚƚ hym̛ þat it was a doghter, bod at hit was a son̛. And þe Abbott bad hym̛ go þer for̛, & bryng it into þe place, & kepe it with hym̛, & giff it meate & drynk, & lern̛ itt. And so he did̛, and cled̛ it in mans clothyng & callid̛ it Marinus. And he warnyd̛ þat on̛ no wyse no man̛ sulde know þat it wer a womman̛, for drede þat it feƚƚ in-to temptacion̛ of þe devuƚƚ. And when̛ sho was xvii yere olde, þis monk̘ hur fadur dyed̛, and sho was lefte alone. & no man̛ knew bod at sho was a man̛, & euer-ilk bodie luffid̛ hur. So on̛ a tyme sho was made ane offisur in þe abbay, for to folow þer car & lede wud & feweƚƚ vnto þer brewhowse, & so sho did̛; and ilka nyght sho lay in þe brewhowse. So on̛ a tyme þe brewster doghter happend̛ to be with childe with a knyght at servid þe abbott, and in þe mene while þis Marinus was made a bruther of þe place, & sho said̛ þat he was þe fadur þerof, & had getten̛ it. And þe abbott garte caƚƚ þis Marinus furtℏ, & examynd̛ hym̛ whethur þat he had done þis dede or noght. And þan̛ þis Marinus ansswerd̛ with a grete sighyng & said̛, "ffadur abbott! I hafe synnyd̛, & I ask penance for my syn̛, & I pray you & aƚƚ my brether to pray for me." And þan̛ þe Abbott wex wrothe with hym̛ & putt hym̛ furtℏ of þe abbay, and feste hym̛ be þe fute with a chyne with-oute þe abbay yate, and aƚƚ men̛ mott wonder on̛ hym̛, & wolde lat no man̛ giff hym̛ meate bod att he beggid̛ for Goddis sake of þaim þat come in & oute. And when̛ þe childe was att spanyng, þis brewster doghter broght it vnto hym̛ & lefte it with hym̛. And þis holie virgyn̛ Marinus tuke it with gude wiƚƚ, & with meate & drynk at þai at come in & oute gaff hur, sho broght it vpp̛, þuf aƚƚ it war a noder mans & not hurs. So at þe laste hur brethir had compassion̛ of hur, & besoght þer abbott, att he wold̛ forgiff hur hur trespas, trustyng alway at sho was man̛ & no womman̛, ffor sho had þan̛ bene feste at þe yate v yere. And þis Abbott forgaff hur at requeste of his brethir, & tuke hur in & garte putt hur vnto al maner of vile occupasions with-in þe abbay, & to be servand̛ vnto evur eman̛; & sho was so, & tuke it plesandlie. So with-in After with, some letter erased. a while sho dyed̛; and when̛ þis abbott saw at sho was deade, he said̛ vnto hys brethir, "Loo! now may ye se whatkyn̛ a syn̛ sho did̛, & yitt sho shrafe hur neuer þerof, nor askid̛ forgifnes." And̛ þan̛ he commandid̛ wassℏ hur bodie, & berie hur far fro þe abbay. And when̛ þai wasshid̛ hur & fand̛ þat sho was a womman̛, þai weppid̛ & made grete sorow becauce þai turment hur, þat was a womman̛ of so gude conversacion̛ & penance, so vnrightwuslie. And when̛ þe abbot saw at sho was a womman̛, he feƚƚ opon̛ his kneis & bett opon̛ his breste, and besoght hur of forgifnes, and commandid̛ þat hur bodie sulde be berid̛ in þe kurk̘, in ane oritorie. And opon̛ þe same day þis damyseƚƚ at bare þis childe was vexid̛ with a fend̛, & come vnto þe abbay & askid̛ mercy at hur grafe; & þer sho was delyverd, and grawntid̛ who aght þe child̛. & þer sho abade in þe oratorie vij dayes, & þan̛ sho was delyverd̛. And in þat same oratorie vnto þis day, be merettis of þis holie virgyn̛, is many wurthi meracle done, þurgℏ vertue of God̛ & þis holie maydyn̛.

Aduersitas. Aduersitas presens est aliquando signum boni. Infra de prosperitate. Adoracio. Adorari debet corpus Christi in omni loco. Infra de milite. v.

Esopus tellis in his fables, how þer was ij men̛, ane a trew man̛ & a noder a lyer. And þai come to-gedur in-to þe region̛ of apis. And emang þaim was a chefe ape, þat satt in a hye sete þat was ordand for hym̛ emang aƚƚ þe toder apis. And he askid̛ þaim many questions; emangis aƚƚ oþer he said̛ vnto þaim; " Quis sum ego? who am I?" And þis lyer ansswerd̛ agayn̛ & sayd̛, "Sur, þou erte ane Emperour, & þies abowte þe er þi dukis & þine erlis & þi barons̛." And onone as he had þus said̛, þis ape commandid̛ hym̛ to hafe a grete reward. And þan̛ þis trew man̛ saw how þis lyer was rewardid̛, and said̛ privalie vnto hym̛ selfe, "Now, sen̛ he þis at did bod make MS. made. a lye hase had suche a grete reward̛, I mon̛ MS. repeats, mon̛. hafe a grete reward̛ for my sutℏ saying." And þan̛ þis ape askid̛ þis trew man̛ & said̛, "who am I?" And he ansswerd̛ agayn̛ & said̛, "Thow ert bod ane ape, and aƚƚ þies oþer apis er like þe." And onone as he had þus said̛, he commandid̛ aƚƚ þe toder apis for to bite hym̛ & skratt hym̛ with þer tethe & þer naylis; & so þai did̛, to he vnnethis gatt away with his life. This tale is gude to teƚƚ agayn̛ flaterers, & agayns þaim þat wuƚƚ here no thyng bod at is to þer plesur.

We rede how som̛ tyme a man̛ þat hyght Seutonius, þat was a grete lord̛, on̛ a tyme was at a gamen in þe Emperour presens, and þe Emperour commond̛ & talkyd̛ with his meneyay; & emang aƚƚ his oþer saying, he sayd̛ þat þis Seutonius was a gude lorde, and ane evyn̛ & a iuste. And his meneya was glad þerof þat After þat, his mene, erased. þe Emperour commandid̛ þer maister, & callid̛ hym̛ lord̛. And on̛ þe morn̛ when̛ he was commen̛ home vnto his place, þo þat callid̛ hym̛ lord̛, he was passand wrothe with þaim, & made a decre & bad þaim neuer caƚƚ hym̛ lord̛, for, he said̛, þer was no lord̛ bod one.

Adulator hominem supra se MS. repeats, supra se. frequenter per mendacium extollit. Infra de Augurrio. iijo.

We rede how þat one þat hight Genulphus in Frawnce, boght a weƚƚ, & he was a wed man̛ & he was a holie man MS. repeats, & a wed man. ; & when̛ he come home in-to Burgundie þer he dwelte, he fand̛ same weƚƚ sprongen̛ in his garthen̛. So on̛ a day, þis Genulphus Lat. MSS., Gangulphus, Gengolphus. & his wife walkid̛ samen in þer garthyn̛ & sett þaim down̛ be þe weƚƚ; & he reprovid̛ hur for avowtrie, & said̛ it was tellid̛ hym̛ at a noder man̛ held hur beside hym̛; & sho denyed̛ it & said̛ nay. Than̛ he said̛ vnto hur; "Bare þine arm̛ & take vp a little stone in þe bothom̛ of þis weƚƚ, & if þine arm̛ com̛ vp vnhurte I saƚƚ trow at þou ert innocent of þis at is put on̛ MS. repeats, on. the." And sho trowed at sho had bene sekur enogℏ, & showid̛ in hur arm̛ in-to þe weƚƚ. And when̛ sho drew it oute, it was as it had bene scaldid̛ with þe fyre. And þan̛ þis holie man̛ said̛ vnto hur; "Lo! now aperis þe treutℏ of þi falssett, and þerfor̛ fro hens furtℏ þou saƚƚ neuer be my felow." & he devidid̛ his gude in two & gaff hur þe to halfe, & lete hur dweƚƚ be hur one. And with-in a litiƚƚ whiƚƚ a clerk þat held̛ þis Genulphus Lat. MSS., a clerico adultero occisus est. come to hym̛ on̛ a nyght when̛ he lay slepand in his bed, & slew hym̛. And when̛ he was berid̛ he did meracles. And when̛ his wife hard̛ teƚƚ at he did meracles, scho skornyd hym̛ & said̛ on̛ þis maner of wise; "It is als trew at Genulphus duse meracles, as it is at myne ars syngis." And onone hur ars made ane vglie noyse, and wolde not lefe for noght sho cutℏ do. And evur after, opon̛ þe fryday at hur husband suffred martyrdom̛ on̛, wekelie when̛ sho spakk any wurd̛, hur ars began̛ to syng & make ane vglie noyse, & wold̛ neuer lefe it on̛ þe fryday whils at sho liffid̛. et c̛.

Petrus Damanus For Damianus. . On̛ a tyme when̛ he was at þe cetie of Parissℏ Latin MSS. apud permensem vrbem. , opon̛ þe day befor̛ þe ffest of Gervasij & Prothasij, a man̛ of þe cetie rase tymelie in þe mornyng & drafe his oxen̛ vnto a fer pastur; & þis man̛ had þe axis iƚƚ. And one of his neghburs purseyvid̛ þat he was gone vnto þe feld̛, & he fenyd̛ hym̛ as he had shakyn̛ in þe axis, & come in-to þis mans howse shakand̛, & went into þe bed to þe wife. And þe wyfe trowed þat it had bene hur husband þat had commen̛ fro þe felde shakand̛ in þe axis, & sho hawsid̛ hym̛, and onone he defowlid̛ & went his wais. And with-in a while after, hur husbond̛ come home passand seke, & bad hur make hym̛ a cuche þat he myght lig on̛. And þe wife reprevid̛ hym̛, & sayd sho mott thole hym̛ "go vnto þe kurk of þase holie martyrs with othe[r] christen men̛, & here dyvyne serves." And hur husband̛ was gretlie astonyd with hur language, & askid hur what sho mente; and sho tellid̛ hym̛ aƚƚ þe matyr. And onone as sho had told̛ hym̛, he consayvid̛ þat bothe he & sho was desayvid̛; and when̛ þai come vnto þer selfe, þai besoght God to venge þer harmys, and at it myght be opynlie knowen̛ who did þis avowtrie. And onone þer neghbur þat did þis avowtre was vexid̛ with a fend̛, & skratt & bete hym̛ selfe, & went in-to þe kurk̘, & þer he was so mad̛ þat now he wold̛ clymbe vp als hye as he myght, & sodanlie faƚƚ down̛ agayn̛ vnto þe erthe; & now he wold̛ ryn̛ agayn̛ þe waƚƚ with his hede, & now he wolde sodanly faƚƚ down̛ vnto þe ertℏ. & þus he did̛ ewhils he swelte aforn̛ aƚƚ þe pepuƚƚ.

Cesarius tellis how som̛ tyme þer was in a knyghtis gartℏ a [storkis] MS. has here a gap; the scribe could not read the Latin, "nidus erat ciconiarum maris," so left the space empty. neste; and̛ þer was bathe þe male and þe femaƚƚ. And on̛ a tyme when̛ þe male was away, sho lede a noder fewle do avowtrie with hur; and euer when̛ he had done, sho wolde go vnto a dike at was beside þe place, & þer sho wold̛ wassℏ hur. And þis knyght had grete merveƚƚ here-of, & garte make a hedgyng our̛ þis dyke, at sho mot nott wyn̛ þerto. So on̛ a tyme when̛ sho had truspasid̛, sho come & soght þe watir to wassℏ hur in, & sho myght noght wyn̛ þerto. And in þe mene wile come hur male, and onone he purseyvid̛ þat sho had fawtid̛, and with his byƚƚ he strake a grete strake at sho lay stiƚƚ with. And becauce he was nott of myght and power to sla hur be his one, þerfor̛ he gaderd̛ samen a grete company of [storks], & with-in ane howr̛ þai come on̛ hur with a grete wudnes, & in sight of þe knyght and aƚƚ men̛ in þe cowrte, þai flow opon̛ hur & slew hur as a wricℏe. Loo! surs, how burdis hatis avowtre; þerfor̛ me thynk þat men̛ & wommen̛ sulde hate it mekuƚƚ more.

We rede how som̛ tyme þer was a yong [man] þat feste hym̛ at þe scule with Pictagoras, for to be a sophister & lern̛ eloquens, & for to know þe crafte of disputyng in aƚƚ maner of cawsis, and he agreid̛ with hym̛ to giff hym̛ a grete dele of money. So on̛ a day he come in-to þe cowrte, & pleyd̛ with þe men̛ of courte & þe iudgies, & ouer-come þaim. And so þurgℏ techyng of þis Pictagoras he habundid̛ euer mor̛ & mor̛ in eloquens & in sutis in þe law, to so mekuƚƚ, he was more desyrid̛ to pley in þe law þan̛ was his maister Pictagoras. So on̛ a day as þai wer bothe in þe courte befor̛ þe iudgies, þis Pictagoras said vnto hym̛; " Redde mihi quod peto; Gyff me at I ask the; Siue pro te, Siue contra te; Owder for þe or agayn; and here-in I wuƚƚ dispute. And yf I dispute for the, I wuƚƚ say þou aw me my hyre be counan[d]. And if I dispute agayns þe, my hyre is awyng me be þe law; & so þou ert ouercommen̛, & I ouercom̛ the." And þan̛ he ansswerd̛ agayn̛ & said̛, "Maister, þou saƚƚ vnderstond̛ þat [þou] sal be ouercommen̛ bothe ways; for if þe law procede for me, be þe sentance of þe law I saƚƚ aw þe no thyng, for I ouercom̛ þe. And if þe procede be agayns me, I saƚƚ aw nothyng be counand̛, for I am̛ not ouercommen̛." And þe iudgis feƚƚ in hand̛ with þis matir, and in a lang day þai cutℏ not make ane end þeroff.

Helenandus. Demostenes MS. Helenandus de Mostene. on̛ a tyme askid Aristodemus MS. Aristodimus. , þat was a maker of talis, what he tuke euer in þe cowrte when̛ he spakk. And he ansswerd̛ agayn̛, & said̛ he tuke a besand of golde. And he ansswerd̛ agayn̛ & sayd̛, "I take more to hold̛ my tong agayns þaim þat pleyis in þe law. For my tong is boun, & may not speke bod if it be lowsid̛ with bandis of syluer."

Aduocatorum cautele aliquando sunt necessarie. Infra vbi agitur de cautela.

Aduocatis, becauce in þer lifis þai seƚƚ þer tonges, when̛ þai er dead̛ þer tongis er takyn̛ fro þaim; as we rede of one þat hight Cesarius, þat was ane aduocatt in Saxonia. So on̛ a tyme Sekenes come on̛ hym̛ & dy suld̛ he. And agayn̛ he suld̛ dy, he began̛ at yiske; & evyn̛ sodanlie his tong was takyn̛ away, so þat no man̛ cuthe fynde in his mouthe þat he had no tong when̛ he was dead̛. And rightwuslie he loste his ton[g] when̛ he was dead, becauce he solde it when̛ he was on̛ lyfe.

Jacobus de Vetriaco tellis how Som tyme þer was a reprovable aduocatt; & on̛ a tyme when̛ he was seke & lay in his bed, bown̛ to dey, þe preste broght hym̛ þe holie Sa[cra]ment, & desyrid hym̛ to resayve itt. And he ansswerd̛ agayn̛ as he was wu[nt to] do in cawsis of þe law, & sayd̛; "I wiƚƚ nott resayve þe sacrament bod if it be de[m]yd at I resayfe itt, and whethir I saƚƚ take it or noght." And aƚƚ at stude about said̛ it was right at he tuke itt, & þai said̛ þai gaff dome þerin. And he ansswerd̛ agayn̛ & said̛: "ye hafe no power for to deme me, for ye [þat] er no better þan̛ myselfe, is bod evynlyngis with me." And þerfor̛ he said̛ he wold̛ appele fro þer wykkyd̛ sentan[s]. And emang þis vnthrifti language he gaff vp his gaste. et c̛.

Jacobus de Vetriaco tellis how som tyme þer was ane Aduocatt, when̛ he lay seke & was in passyng, he saw many fendis. And he was passand ferde, & askid̛ a respett of almiȝtti God̛, þat he mot liff a litle while langer. And becawse he wolde neuer giff a respett in no cawsis in þe law, bod if it war to prolonge þe cauce & hurte his aduersarie, þerfor he myght not opteyne of almighti God þat at he askid̛, bod dyed furtℏ-with in myserie & in wrichidnes.

We rede how þer was a holie man̛ þat on̛ a night was ravisshid in a vision̛, & hym̛ thoght he saw heƚƚ; & þer he saw Nero boyland hym̛ in hate byrnand golde. And onone he se aduocattis command vnto hym̛, and he said vnto þaim: "O! ye aduocattis, my frendis, þat whils ye liffid sellid mens trew cawsis, com̛ hedur vnto me! for þis place is kepid̛ to you & me." et c̛.

We rede how at þer was a man̛ of religion̛ þat was a holie man̛, and a sustir of his, þat he luffid passandlie wele, happend̛ to faƚƚ seke. And he wolde not als mekuƚƚ as com̛ furtℏ of his abbay to vysitt hur & se hur. Than̛ sho, becauce sho wolde giff hym̛ none occasion̛ to syn̛, sho sent a man̛ vnto hur bruther, & bad hym̛ pray þat he wold̛ go in-to his seƚƚ & pray for hur, þat, with þe grace of God, sho mott se hym̛ in hevyn̛. And sho did so afterward̛.

We rede, ex 'Dictis Patrum,' how abbott John̛ had a suster, whilk þat fro hur yowthed forward̛ conuersid̛ aƚƚ-way in a gude purpos, to so mekuƚƚ scho taght hur bruther, & made hym̛ for to lefe þe vanyties of þis werld̛, & go vnto ane abbay & make hym̛ monk̘. And þer he abade xxiiij yere, & neuer come oute. So on̛ a tyme his suster desyrid̛ gretelie to speke with hym̛, and sent oft sithes vnto hym̛ lettres, and desirid̛ hym̛ þat he wold̛ com̛ vnto hur as in way of charitie, at sho mot se hym̛, & at þai myght be glad to-gedur of þer yowthid and or þai deyid. And he excusid̛ hym̛ euer, & wrote vnto hur agayn̛ & said he wolde nott. þan̛ sho wrote agayn̛ vnto hym̛, & said̛ sen̛ he wolde not com̛ unto hur, itt was nedefuƚƚ att sho sulde com̛ vnto hym̛. And þis abbot þan̛ tuke ij of his brethir with hym̛; & when̛ he come vnto his suster yate, he cried̛ & said, "Com̛ furthe & se pylgrames!" And sho come furtℏ & knew hym̛, & so did he hur; & yitt nowder of þaim spak ma wurdis to oþer, þat nowþer of þaim sulde ken̛ oþer be voyce. And when̛ þai had dronken̛ watir togeder, þis abbott & his monkis went home agayn̛ vnto þer abbay. And with-in a litle while after, his suster wrote vnto hym̛ agayn̛, & desirid̛ hym̛ agayn̛ to com̛ vnto hur; and he ansswerd agayn̛ & said̛, "I come vnto þe and þou gaff me watir, & I tuke it of þi hand & dranke itt; and þerfor̛ it suffisis vnto the at þou saw me. And þerfor̛ pray for me, & I saƚƚ pray for the; for I wuƚƚ com̛ no ner the." et c̛.

Affectus viri naturaliter inclinatur ad mulierem. Infra de Concupiscencia.Affectum eternalem Latin MSS. have carnalem. non debent sequi Religiosi. Infra de Sanguineis Latin MSS. have consanguineis. .

Cesarius tellis how þat in Colayn̛ þer was a husband-man̛ þat hyght Henrie; and sekenes tuke hym̛, & he drew vnto his dedeward̛. And evur hym̛ thoght þat þer was enence his mouthe a grete burnand stone hyngand̛, euer in like to hitt hym̛. And as hym̛ thoght, þe hete þeroff burnyd hym̛ hugelie. And he cried̛ horrible & said̛; "Behold̛ þis stane þat hyngis befor̛ my face, how þat it burnys me!" And þan̛ þai garte caƚƚ a preste, & he was shrevyn̛. Neuer-þe-les, it profettid hym̛ noght, and þe preste said vnto hym̛; "Son̛, vmthynk þe if þou hafe dissayvid̛ any man̛ be þis stane." And at þis wurde he vmthoght hym̛ & said̛; "A! Sur, I hafe now gude mynde how I remevid̛ þis stone in þe feld̛, to þe entent þat I wolde enlarge myne awn̛ grownd̛ & mynys oþer mens grownd̛." And þan̛ þe preste tolde hym̛ at þat was þe cauce; and he shrafe hym̛ þeroff, & promyssid̛ to make amendis þerfor. And þus hitt wanysshid̛ away, & he was delyverd of þat horrible vision̛, & liffid after many day, & made a restitucion̛ & become a gude man[n].

Cesarius tellis how þatt in þat same contretℏ þer was a husbond̛, & when̛ he sulde dye, þe devuƚƚ come aforn̛ hym̛ with a byrnand̛ stake, and thretid hym̛ þat he sulde þruste itt in at his mouthe. And he wiste neuer whi, bod whatt way as euer he turnyd hym̛, þe devuƚƚ was euer at þe mouthe on̛ hym̛ with þis stake. So he vmthoght hym̛ what it sulde mene; and at þe laste, he remembrid hym̛ how, on̛ a tyme, he had remoud̛ a stake of þe same mesur & lenthe oute of his awn̛ feldis into a knyghtis felde þat was nerehand̛ hym̛, to enlarge his awn̛ grond̛ with. And þan̛ when̛ nede cachid̛ hym̛, he garte his meneya ga take it vp, & sett agayn̛ whare it stude, & sent vnto þe knyght & prayed̛ hym̛ to forgiff hym̛. And þis ansswerd̛ & said̛; "I wote not þeroff, bod sen̛ he was fals to me, latt hym̛ alone to he be wele punysshid̛." And euer þe devuƚƚ abade stiƚƚ with [þe] stake, & wold̛ euer hafe putt it in his mouthe. Than̛ he sent agayn̛ vnto þe knyght, & prayed hym̛ forgiff hym̛ for Goddis sake, & he wold̛ nott. And þan̛ he send̛ vnto hym̛ his wyfe & his childre wepand̛, þat besoght hym̛ for charitie to forgiff hym̛ þe trispas at he had done vnto hym̛; "for he liffis with mekuƚƚ sorow, and he may not dye or ye forgiff hym̛." And þan̛ þe knyght said̛; "Now I wiƚƚ forgiff, for now I am̛ weƚƚ vengid̛." And fro þat hour̛, aƚƚ þe ferdnes of þe devuƚƚ sesid̛ away fro hym̛. et c̛.

Allexij confessoris. Infra de Paciencia. iiiii.Alexandri magni MS. magno. . Infra de superbia. v. et de morte. ixo. et xvo. Et de Vindicta. ijo.

We rede in hur meracles how þat þer was a preste þat servid̛ in a kurk̘ of Saynt Agn[es], whilk þat on̛ a tyme was hugelie vexid with temptacion̛ of his flessℏ; bod becauce þat he wold̛ nott offend̛ allmyghti God̛, he besoght þe pope þat he wold̛ giff hym̛ lefe to be weddid̛. And þe pope, considuryng his gudenes & his symplenes, gaff hym̛ a ryng, & bad hym̛ go home vnto a fayr̛ ymage of Saynt Agnes, þat was paynttid̛ in his kurk, & on̛ his behalfe charge hur þat sho sulde suffre hym̛ wed hur. And þe preste come home & chargid̛ þe ymage as þe pope bad [hym]. And onone sho putt furtℏ hur ryng-fynger & profird̛ it to hym̛, & he putt on̛ þe ryng. And [sho] drew in hur fynger agayn̛, And onone aƚƚ maner of temptacion MS. temptacid. passid̛ away fro þis preste. And in Rome in hur After hur, hu, erased. kurk, at þis day, þe same ryng shewis yitt on̛ hur fynger, & is closid̛ into þe burde agayn̛. et c̛.

Amandi confessoris. Infra de infante, i.Ambicio. Ambicioso totus mundus non sufficit.

We rede how þat on̛ a tyme, ane of þe prophettis sayd vnto Alexander; "And so wer þat our goddis wolde þat þe statur of þi bodie war like vnto þi covatusnes, All þis werld̛ mott nott resayfe þe; for þan̛ þou might putt þine one hand̛ in-to þe far side of þe este, & þe toder vnto þe fer side of þe weste. Knowis þou nott att grete treis, þai er lang in growyng? & yitt þai may be cutt down̛ in ane howr̛. And he is a fule þat pullis not down̛ frute when̛ þai er moste ripe. Therfor̛ vuise the, þatten̛ when̛ þou erte att hyeste of þi brawnchis, at þai be nott cutt in sonder & þou faƚƚ down̛, ffor, as þou may see, a lion̛ is som̛ tyme meate to smale burdis. And þer is nothyng so stabyƚƚ Latin MS. cui periculum non sit ab inualido denique. , bod vmwhile þer is parceƚƚ þerin. And if þou be a god̛, þou aght to giff benefice vnto mortaƚƚ folk̘, & nothyng take fro þaim. And if þou be a man̛, vmthynk þe alway what þou erte, for it is grete folie vnto the to thynk so lang of oþer folk at þou forgett þi selfe." et c̛.

Ambicio quandoque inducit hominem ad perpetrandum homicidium. Infra vbi agitur de Archidiacono.Ambiciosi frequenter cum confusione frustrantur. Infra vbi agitur de Simonia.

We rede in þe 'Cronicles of Saynt Siluester' of a pope þat hyght Secundus For Sylvester II. , how furste he was a monke, and þan̛ afterwerd̛ he made homage vnto þe devuƚƚ, promysyng hym̛ to do what þing so he commanddid hym̛. And þe devuƚƚ hight hym̛ at he sulde hafe evur what þing so he desyrid; and he spak oft sithis with þe devuƚƚ. And evur he encresid̛ so in sciens & in connyng, at Ottonus, at was Emperour, and Robert, þat was kyng of Frawnce, wer his scolers. So be procuryng be þe devuƚƚ, he was made archbisshopp̛ of Bononience For Bononia, = Bologna. MS. Arund. Factus est Archiepiscopus Remensis. . Syne he was made a cardinaƚƚ, and at þe laste he was made pope. So on̛ a tyme as he was spekand with þe devuƚƚ, he askid̛ hym̛ how long he sulde liff, and he ansswerd̛ hym̛ agayn̛ & said̛, vnto he sang mes in Jerusalem; and with þis wurde he was passand glad̛, & þoght it sulde be long or he sang any mes þer, or yit go thedur in pylgramage. So it happend̛ afterward̛ in þe lentren̛, þat he said̛ mes in Rome in a kurk þat hight Jerusalem; and when̛ he was at mes he hard̛ a grete noyse of devuls, and he feƚƚ so seke þat he felid̛ hym̛ selfe þat hym̛ burd dye; and þan̛, þuf aƚƚ he war nevur so wykkid̛ in After in, liffid̛, erased. liffyng, ye[t] he had compunccion̛, & made mekuƚƚ sorow for his syn̛. And he besoght God of mercye, & wold̛ not dy in dispayr. And þer he made ane oppyn̛ confession̛ of aƚƚ his syn̛ befor̛ þe peple, and he commandid̛ þat all þase membris þat he had servid̛ þe devuƚƚ with suld be cutt off, & at þe carcas of his bodie sulde be put in a carte, & whethir-som̛-evur at þe cateƚƚ led it, at þer it sulde be berid̛; and so þe pepuƚƚ did̛. And þai led it in-to þe kurk of [Sai]nt John̛ Lateranencis; & þer it was berid̛. And in tokyn̛ þat almyghti God had mercie of hym̛, hys grafe spryngis als wele smale crusyƚƚ bonys as oyle yit vnto þis day MS. Arund. Et in signum misericordie, sepulcrum ipsius, tam ex tumultu ossium quam ex sudore, presagium est Pape morituri, sicut in eodem sepulcro litteris est exaratum. . et c̛.

Ambicio inducit hominem ad negandum deum et scripto suo firmare. Infra de Theophilo, vbi agitur de Maria, dei genitrice.

We rede in 'Historia Tripartita' how on̛ a tyme, at þe cetie of Cessalonye, þer feƚƚ a stryfe betwix þe iudgies & þe comons, to so mekuƚƚ att þe comon̛ peple stanyd þe comons to dede. And when̛ Theodosius, þat was Emperour, hard tell MS. repeats, tell. hereof, he garte kyƚƚ þaim þat did no truspas, with þaim at did þe trispas. So on̛ a tyme afterward, when̛ þis Emperour wolde hafe commen̛ in-to þe kurk̘, þis holie man̛, Ambros, mete hym̛ att þe dure & forbad hym̛ þat he suld com̛ in, sayand on̛ þis maner of wise; "O, þou Emperour! whi knawis þou nott þi presumpcion̛ after so grete a hastenes? O, þou Emperour! att erte a prynce, & hase imperiaƚƚ power, It semys þe at reson̛ sulde ouer-com̛ þi power, & nott þi power reson̛: how dar þou þat with þine een̛ hase beholden̛ þi servand̛ dye, trede with þi fete opon̛ þis holie paymente? And how dar þou holde vp þi handis vnto God, þat yitt droppis with blude þat is innocent? And how dar þou resayfe þe holie sacrament in bread or wyne, when̛, þurgℏ þe hastines of þi wurde, innocent blude is wronguslie spylte? And þerfor̛, Go þi ways, þou þat ert boun with syn̛, and amende þi fawte, & do away þe band att þou ert bun with, and þou may hafe a medcyn̛ to amend̛ þe with, & þou wiƚƚ." And with þies wurdis þis Emperour obeyid̛ hym̛, & made sorow and went home agayn̛ to his place; & þer he wepud, & made mekuƚƚ sorow, & sayd vnto hym̛ selfe on̛ þis maner of wyse; "The kurk is oppyn̛ to þaim þat er my servandis, & it is sparrid vnto me þat am̛ ane Emperour." And þan̛ ane þat was maister of aƚƚ his knyghtis, þat hight Ruffinus, come vnto Saynt Ambroce and besoght hym̛ to assoyle þe Emperour. And when̛ Saynt Ambros saw hym̛, he sayde; "O, þou Ruffinus! at was doar & cowncelur of sucℏ a dede, þinkis now no shame to speke agayns þe magestie of almighti God? I lat þe witt, & þe Emperour com̛ here, I saƚƚ forbid hym̛ to entyr into þis holie place vnto he take his penans for his tyrandrie, and þat done I wiƚƚ resayve hym̛ gladlie." And þis Ruffinus went & tolde þis vnto þe Emperour. And þan̛ þis Emperour said̛; "I wiƚƚ go vnto hym̛ at I may take rightwus penans for myne vnrigh[t]wusnes dedis." So on̛ a tyme he wente agayn̛ vnto þe kurk̘, and Saynt Amb[ros] come agayn̛ & forbad hym̛, & said̛; "whatt penans hase þou done for aƚƚ þi wykkednes?" & þe Emperour ansswerd̛ agayn̛ & sayde; "It longes vnto þe to giff me penans, & it is my parte to obey the, & do at þou commandis me." And þan̛ he shrafe hym̛ vnto þis [Am]brosius, & enionyd hym̛ penance. And þis Emperour tuke it so thankfullie, þat for his opyn̛ syn̛ he did oppyn̛ penans. et c̛.

We rede in 'Historia Tripartita' how on̛ a tyme, when̛ þis Theodosius þe Emperour come in-to þe wher, þis Ambros comm̛ vnto hym̛ & askid̛ hym̛ what he beheld̛ þer; and he ansswerd̛ agayn̛ & said, "I come in to behold̛ how cristen̛ men̛ reseyvis þer sacrament." The[n] Saynt Ambros sayd̛ vnto hym̛, "O þou Emperour! þies inward placis er ordand̛ for prestis; And þerfor̛ go furtℏ, and þer abyde with other vnto þou be howseld̛." And onone þe Emperour did as he bad hym̛." So on̛ a tyme efterward̛ þis Emperour went vnto Costantynople, & stude þer in þe kurk̘ with-owten̛ þe where. And þe bisshopp̛ þer went vnto hym̛ & commaundid̛ hym̛ to go into þe quere. And þan̛ þe Emperour sayde; "vnnethis yit I may knaw whatt differens is betwix ane Emperour & a preste, ffor yitt vnnethis hafe I fon̛ þe treutℏ. Notwithstondying I can̛ verelie fynde at my maister Ambros is wurthi to be made a bisshopp̛." et c̛.

We rede how þat Pictagoras had ij disciples, & þai was passand gude frendis, & ather luffid̛ wele other. And þat one hight Damon̛ & þe toder Phicias. So on̛ a tyme Dionisius, þat was a tirand, wolde hafe slayn̛ þe tone of þaim, & he þat sulde be deade askid lefe þat he myght go home & ordand̛ for his wife & his howshold̛, & he sulde com̛ agayn̛. And þe toder become his borgℏ, & bade behynd̛ hym̛ in his stede. And when̛ þe day come, þis disciple come nott agayn̛, & þan̛ euere man̛ demyd̛ þe toder, þat was his suertie, to dye for hym̛. And þis man̛ at was suertie sayde he dowtid̛ nothyng þe constance of his frend̛, and present hym̛ befor̛ þis tyrand, & bad hym̛ do with hym̛ what he wolde & asoyle hys frend̛. And þan̛ þis tyrand̛ had grete mervayle of his witt, & for his trew frenship̛ he forgaff þaim bothe. et c̛.

Senec tellis how a philosophur þat hight Archisilus MS. Harl. Archelisas philosophus. MS. Arund. Achesilas. had a frend̛ þat was bothe seke & pure. And for shame he wold̛ latt no man̛ witt at he was so. And when̛ þis philisophur vnderstude þis, he callid̛ þis frend̛ vnto hym̛, & lete hym̛ witt in privatie betwix þaim two þat he wolde helpe hym̛, & sulde make hym̛ hale of his sekenes; & he tuke a grete sacheƚƚ & fyllid it fuƚƚ of money privalie, & bande it vnto his side agayns his long in stede of a playstre. And þe toder man trowid̛ it had bene so. And þis he did to the entent at a Latin MSS. vt homo inutiliter verecundus. man̛ þat is shamefuƚƚ vnprofitable sulde titter fynde þat he desyrid̛, þan̛ þat þing att he askid̛.

We rede how þat in þe tyme of Pipinius þat was kyng of France, þer was two childer, and þai war passand like. And þe tone was ane Erle son̛ þat hight Auernus, and þe toder was a knyght son̛ þat hight Bericanus, whilk þat was born̛ vnto Rome for to be baptisid when̛ þai war big childre. Not-withstondyng afor̛ þat, in a cetie at was callid Luca þer þai war broght vp togedur, þai wer grete felows, & ather luffid other passand̛ wele; and att Rome þai wer bothe to-gedur baptisid of þe pope. And he namyd þe erle son̛ Amelius, and þe knyght son̛ Amicus. And he gaff ather of þaim a copp̛ of wud þat was passand like. And þai thankid̛ hym̛ & went þer wayes. And þer was betwix þaim so grete felaschup̛ & so grete evynhed of wiƚƚ, at þai wolde neuer ete nor slepe bod to-gedur. So on̛ a tyme þis Amicus hard teƚƚ þat his fadur was dead, & att malicious men̛ wold̛ take his heritage fro hym̛. And als hastelie als he cuthe, he went vnto After vnto, hym̛, erased. his oþer frend at teƚƚ hym, & he cuthe not fynd hym̛. So als sone as þis Amelius ha[rd] teƚƚ at his frend̛ Amicus fadur was dead, and he went vnto hym̛ att comfurtℏ hym̛, and he cuthe neuer fynde hym̛. So þis Amicus happend to be lugid at a wurthi mans place, & happend to tarie þer, & weddid þe gude mans doghter. And þis Amelius soght hym̛ to ij yere was passid̛, & þan̛ a pilgrem̛ tolde hym̛ þer he was, & how he was expulsid̛ oute of his awn̛ contre. And þis Amelius doffid̛ his cote & gaff þis pylgram̛, & bad̛ hym̛ pray vnto God "þat I mot sone fynde hym̛." And þe same day att evyn̛, Amicus mett þis pylgram̛ and haskid hym̛ if he saw oght þis Amelius. And þis pylgram̛ ansswerd̛ hym̛ agayn̛ & said̛, "wharto spirris þou me? Ert þou nott Amelius att askid me if I saw oght to day After day, Amelius, erased. Amicus? fforsuth I can̛ nott wytt, ffor þou hase changid bothe [þi] hors & þi harnes & also þi felashup̛." And he ansswerd̛ agayn̛ & say[d]; "Nay, I am̛ not Amelius, bod I am Amicus þat sesis not for to seke hym̛." And þe pylgram̛ tolde hym̛ þat he sulde fynde hym̛ at Parissℏ. And he went vnto Parissℏ & fande hym̛ þer. And þai kissid̛, and wer athir fayn̛ of other. And þai went in-to cowrte to king Charlis, and onone þis Amicus was made þe kyngis tresurer, and Amelius was made karvur. And þai war fayr yong men̛ & wise and discrete, and þai war wurshuppid & had in grete dayntie with evur eman̛. So on̛ a tyme þis Amicus went & vissytt his wiffe, and tarid with hur, & Amelius bade stiƚƚ in þe courte. So it happend hym̛ priualie to lie by þe kyngis doghter, And when̛ he had done he tolde it in privatie vnto ane erle þat hight Ardericus, þatt was sworn̛ to hym̛ to be hym̛ trew frend̛ many day befor̛. And he went & accusid̛ hym̛ vnto þe kyng. And he said̛ nay to it, & oblissid̛ hym̛ to feght with hym̛ in þe quareƚƚ. And þe day was appoynttid̛ þaim be þe kyng at þai suld̛ feght vppon̛. And in þe mene while Amicus come home, & Amelius teld̛ hym̛ aƚƚ; and he blamyd hym̛ greteli þerfor̛. And on̛ þe day att þai sulde feght, þis Amicus did on̛ Amelius armur & went into þe place for to feght for hym̛, and our-come þis Ardericus & smate of his head̛; and þan̛ þe kyng gaff hym̛ his doghter. And þis done, þis Amelius went vnto Amicus howse, and þe wife trowid þat it had bene Amicus, and when̛ she wold̛ owder kis hym̛ or hals hym̛, he putt hur away from̛ hym̛. And herefor sho was passand̛ hevie, and tolde hur neghburs þe cauce of hur hevynes, & how he wold̛ euer-ilk nyght, when̛ þai lay to-gedur, lay a nakid swerd̛ betwix þaim and said̛, & sho lay nere hym̛, he sulde kiƚƚ hur. And þis done, þis Amicus & Amelius changid̛ þer clothyng agayn̛, and Amicus went home vnto his awn̛ howse, and sent Amelius agayn̛; & he wed þe kynges doghter. And belife after þis, Amicus happend to wax lepre. And he wex so pure vnto so mekuƚƚ he was so fowle, þat his wife and his childre put hym̛ fro þaim. So on̛ a tyme he was so compulsid̛ with honger and with wrich[id]nes, þat he went vnto þis Erle Amellius Under Amellius, Avellius, erased. place, and þer he layed hym̛ down̛ befor̛ þe ya[tt], & knokkid with his tables as lepre men̛ duse. And þe Erle hard̛, & sent hym̛ brede and flessℏ & a drynk in þe copp̛ þat þe pope gaff hym̛ at Rome. And þe man̛ at broght itt putt it oute of þe erle copp̛ into þe lepre mans copp̛; & hym̛ thoght þat þase coppis wer passand like, and went in & tolde þe Erle how at þis lepre man̛ had a copp̛ þat was passand like his copp̛. And he garte feche hym̛ in to hym̛; & Amicus tolde hym̛ aƚƚ þe MS. repeats, þe. proces how þat it had happend̛ with hym̛. And þis Erle & his wife wepud & made mekyƚƚ sorow for hym̛, & hight hym̛ þat he sulde hafe gude enogℏ whils þat he lyffyd̛. So on̛ þe night after, as þis Amicus lay in his bed, þe aungeƚƚ Gabrieƚƚ apperid vnto hym̛, & bad hym̛ byd̛ Armelius sla his two sonnys at he had, & sprenkle hym̛ with þe blude of þaim, & he sulde be hale of aƚƚ his lepre: and he did so. And when̛ he had tolde hym̛ he was passand hevye. Neuer-þe-les he remembrid̛ of þe faitℏ & gude treutℏ at he had done vnto hym̛, and he come vnto þe bed þer his childre lay, & with grete wepyng & mornyng he drew his swerd̛ & tuke his childre and hedid þaim. And he put þer bodies & þer hedis to-gedur in myddest þe bed̛, & coverd̛ þaim and gaderd̛ þer blude in a vesseƚƚ, & come to Amicus þer he lay & al by-sprenkled̛ hym̛ þerwith, and̛ said in þis maner of wise; " Diuine Iesu Christe, qui fidem hominibus servare precepisti, et leprosum verbo sanasti, þis my trew felow vuchesafe to hele of his lepre, for whose luff I was not ferd̛ to shed̛ my childre blude." And onone he was clensid̛, & þis Amelius cled hym̛ in his beste clothyng. And aƚƚ þe bellis in þe place rang be þer one. And þis cowntes askid̛ whi þai rang & þer cuthe no bodie teƚƚ hur. So þis Erle with grete murnyng & sarow went into þe chawmre agayn̛, þer he had slayn̛ his childer, & he fande þaim ligand̛ in þe bed̛, laykand̛ samen in als gude quarte as evur þai wer. And þer was abowte bathe þer nekkis ij cerkles as þai had bene ij rede thredis. And þan̛ he was fayn̛, & went vnto his wyfe & tolde hur aƚƚ þe proces, how at it had happend̛ hym̛. And fro thens furtℏ bothe he & sho liffid in chastitie. And a fend̛ vexid̛ so Amicus wife, þat onone MS. ononone. he made ane ende of hur. And be strenth of þis Erle, þis Amicus went in-to þe contre þer he dwelte, & ouer-com̛ it & made it to be subgett vnto hym̛; & þer he liffid̛ many day in a holie life, & þan̛ afterward̛ be proces of tyme, Amelius & Amicus dyed bothe, and wer berid̛ in placis far in sondre. So not-withstondyng, afterward̛ be grete miracle, þai wer bothe fun̛ in MS. &. a grafe ligand̛ for þer trew luff. et c̛.

Valerius tellis how þat þer was ij frendis, and þe tone desyrid̛ þe toder to do for hym̛ ane vnrightwus thyng. And he wold̛ not do itt for hym̛. And þan̛ he said̛ vnto hym̛; "what is þi frenship̛ wurth vnto me when̛ þou wiƚƚ not do for me at I pray þe?" And he ansswerd̛ agayn & said, "what profettis þi frenship̛ vnto me, when̛ MS. repeats, when. þu desyris me for to MS. repeats, forto do. do for þe þat þing þat is vnhoneste, and agayn my treuthe?" et c̛.

Amicum mala de amico dixisse non est de facili credendum. Infra vbi agitur de credere.

We rede how som tyme þer was ij merchandis in Egipte, þe tone of Egipte and þe toder of Baldac MS. Waldac; Harl. MS. Daldac; Arund. MS. Baldac. , þat k̘now wele athir other be þer name, & luffid̛ passandlie wele to-gedur. & þis Marchand̛ of Baldac come into Egipte, & þe merchand̛ þer reseyvud hym̛ thankfullie, and a grete while he festid hym̛ & all his meneya. So when̛ a sennett was passid̛, þis merchand̛ of Baldac happend to faƚƚ passand seke, And þai went & gatt hym̛ lechis; and a leche felid̛ his powce MS. pownce. & lukid̛ his watir, bod he cuthe fynde no sekenes in hym̛. So at þe laste he oppynd̛ his harte privalie vnto þe gude man̛ of þe howse, & tolde hym̛ how þat all his sekenes was for luff of a maydyn̛ þat þis merchand̛ of Egipte had in his howse, becauce he wold̛ wed hur̛ vnto his wife. And when̛ þis merchand̛ wuste at it was herefor̛, he gaff hym̛ þis mayden̛ vnto wife, and gaff hym̛ a grete dele of gude with hur. And when̛ he had wed hur, he tuke hur & aƚƚ his meneya & wente into his awn̛ contre. So be proces of tyme after, it happend þis merchand̛ of Egipte to lose his gudis & to wax passand pure, to so mekuƚƚ þat he come vnto þe contrey of Baldac bothe nakid & hongrie on̛ ane evyneng, and þer wold̛ no man̛ luge [hym]; & he went & layde hym̛ down̛ in a kurk̘ porche. So þer happend̛ þat evynyng in þe town̛ a man̛ to be slayn̛, & no man̛ wiste who did itt. And þe men̛ of þe town̛ rase up & soght þis mans queller, & þaim happend̛ to fynd̛ þis man̛ likkand̛ in þe kurk porche. And when̛ þai had fon̛ hym̛, þai said aƚƚ þat it was he þat did þe dede; and he grauntid at he did itt, þuff aƚƚ he did it nott, beyng in wiƚƚ to end his pouertie with dead. And þai tuke hym̛ & putt hym̛ in prison̛ þat nyght, & on̛ þe morn̛ þai had hym̛ vnto þe galos att hang hym̛. And þis oþer merchand̛ þat was his frend̛ come with many oþer to se hym̛ dede. And when̛ he saw hym̛, onone he knew what he was, and þan̛ he said̛; "Leve, ye dampe ane Innocent, ffor I slew þe man̛ my selfe & not he." And þai MS. þan. take hym̛ & lete þe toder go. And a lurdan̛, at did þe dede, stude emang oþer men̛ & saw, & he remordid̛ in his conciens & said̛; "Nowder of þies two did itt, I did it my selfe." And þan̛ þai lete þe toder go & tuke hym̛. And þe iudgies had grete merveƚƚ here-off, And tuke þaim aƚƚ iij, & had þaim vnto þe kyng. And onone þai tolde hym̛ aƚƚ þe proces; and becauce of þer treuth he pardond̛ þaim ilkone. And þan̛ þis merchand̛ of Baldac partid̛ his gudis evyn̛ in two, and gaff it vnto þis pure merchand̛, & he tuke it & went agayn̛ into his awn̛ contrey, and afterward̛ was als riche as euer he was.

We rede how þer was a man̛ in a contrey þat was takyn̛ & had to þe kyngis cowrte, & sulde die. And he come vnto a man̛ þat he luffid̛ passand̛ MS. passid. wele, & prayed hym̛ to helpe hym̛ in þat grete nede; [and he said vnto hym] Latin MSS. qui dixit. , "I hafe oþer frendis at I luff als wele as I do the, & þerfor wiƚƚ nott go with the, bod I saƚƚ giff þe a garment to happ̛ þe with." And þan̛ he mett [with] a secund̛ frend̛ þat he luffid̛ bettir, & he prayed̛ hym̛ to go with hym̛ & helpe hym̛; & he said̛ he wold̛ go with hym̛ a little way, bod he myght not tarie, he wold̛ co[m] sone agayn̛. And þan he mett with his thrid̛ frend̛, þat he luffid̛ bod litiƚƚ, and with grete shame he prayed hym̛ to helpe hym̛. And he ansswerd̛ agayn̛ & sayd̛; "I hafe y[it] in my mynde a little gude turn̛ at þou did me with vsurie, and yitt I saƚƚ reward t[he], ffor I saƚƚ putt my sawle for þi sawle." Frendis! ye saƚƚ vnderstond̛ þat þis ffurst frend̛ is we[r]ldly possessions, whilk þat when̛ we dye giffis vs bod a wyndyng clothe to lap vs in. And þe second̛ frend̛ is owr̛ kynsmen̛ and our frendis, þat MS. repeats, þat. gase with vs vnto we com̛ att owr̛ grafe. And þe iij frend̛ is almighti God̛, whilk þatt putt bothe His life & His sawle for His frendis when̛ He suffred̛ His passion̛.

We rede how þe fadir taght his son̛ for to prufe his frende, & saide; "Take & sla a calfe & lay it in salte. And when̛ þi frende commys vnto the, tell hym̛ þat þou haste slayn̛ a man̛, & pray hym̛ for to go berie hym̛ privalie 'þat þou be not suspecte, nor I nowder; And so þou may safe my life.'" And his furste frend̛ at he come to & tolde þis matier ansswerd̛ hym̛ & said̛; "Nay, bere hame þe deade man̛ with þe, for he saƚƚ not com in my howse; ffor as þu hase done saƚƚ þou ansswer, for me." And so he went fro frend̛ to frend̛, & ilkone ansswerd hym̛ in þis wise. And þan̛ he come vnto a frend̛ of his fadurs, telland hym; And he bad hym̛ go bere hym̛ in-to his howse, and said̛ he sulde do it & kepe it privay enogℏ. And he sent oute his wife & aƚƚ his howse meneya, and wente & grufe it hym̛ selfe. And when̛ þat he had done, he told̛ hym̛ aƚƚ how he had done, & þankid̛ hym̛ for his kyndnes.

Valerius tellis how att þer was a tyrand in Athens, & he had a fayr doghter. And þer was a yong felow þat luffid̛ hur wele and wold̛ hafe had hur to his wife. So on̛ a tyme hym̛ happend to mete hur in ane oppyn̛ place, and befor̛ hur modir he kissid̛ hur. And þe wyfe went & tolde þis tyrant hur husband̛, & walde hafe garte smyte of his hede. And þis tyrand̛ ansswerd̛ agayn̛ & said; "If we sla þaim þat luffis vs, what sulde we do with þaim att hatis vs?" And þus he ansswerd̛ manlie, & þoght for luf þat þis yong man̛ had vnto þis doghter of his, þat MS. yit. he luffid̛ hym̛ agayn̛ & wolde not suffre hym̛ hafe none iƚƚ.

Valerius tellis how that þer was a tyrand̛ þat on̛ a nyght satt att supper with a man̛ þat hyght Crasippus. And as þai feƚƚ at supper þai feƚƚ att varyans. And þis Crasippus was so angrie and flate so, þat þe frothe sprang at þe mowthe of hym̛, becauce he mot not venge hym̛. Neuer-þe-les þis tyrand̛ suffred̛ hym̛ becauce he was in his howse. And on þe morn̛ when̛ he was commen̛ vnto hym̛ selfe, he com vnto þis Crasippus & tolde hym̛ soberlie of his anger, and forgaff hym̛ itt.

Amici mors debet pacienter tolerari So in the Latin MSS. The English MS. has, toƚƚari. . Infra de morte, xiiij.

We rede in 'Libro de dono Timoris' how þat þer was a nygromansier, and he had a dissiple; And he fenyd̛ hym̛ þat he luffid his maister passyng wele. And he beheste his master mekle þing and he wolde helpe att he war riche. And his maister thoght to prufe hym̛, whethir he said̛ treutℏ or noght. And be his enchawntmentis he garte hym̛ thynk at he was ane Emperour. And when̛ it was lattyn̛ hym̛ witt þat þer was mekuƚƚ lande voyd̛, hym̛ þoght his maister come vnto hym̛ and prayed hym̛ to be myndefuƚƚ of his promys, and at he wolde giff hym̛ som̛ lande. And he ansswerd̛ agayn̛ & askid̛ hym̛ what he was, & said̛ he knew hym̛ noght. And his maister said̛; "I am̛ he þat gaff vnto you aƚƚ þies gud[is]; and becauce now ye ken̛ me noght, Now I saƚƚ take aƚƚ away fro you." And with þat he v[a]nysshid̛ his enchawntement, & þer was oght nott lefte of aƚƚ þat hym̛ þoght he saw. In like wise wiƚƚ God do vnto riche men̛ þat whils þai er pure promyssis enogℏ vnto Almighti God̛, and when̛ þai er riche, þan̛ þai wiƚƚ not ken̛ nor giff Hym̛ noght, þat is to say, giff noght for His sake. et c̛ ad libitum.

Amici sunt multi ficti MS. facti, but Latin MSS. ficti.. Infra vbi agitur de fidelitate.

We rede in 'Vita Beati Lupi' how he had in his howse a holie virgyn̛ þat was his predecessur doghter, & he luffid̛ hur passandli wele, and his howsold̛ bakbate hym̛ þerfor̛. So on̛ a tyme, befor̛ þaim aƚƚ, he tuke hur abowte þe nekk̘ & kyssid̛ hur, & said̛ vnto þaim on̛ þis maner of wise; "Other mens wurdis saƚƚ neuer noy a man̛, how þat evur þai say, whome þat his consciens fylis noght." For he luffid God aboue al thyng, and so wiste he wele þat sho did̛; and þerfor̛ he luffid̛ hur with a meke mynde.

We rede in 'Vita Sancti Basilij,' how þer was a wurthi man̛ þat had a fayr doghter; and he had a yong boy vnto his servand̛. And he luffid̛ þis damyseƚƚ so hartlie wele þat he was in poynt to dye for hur. So he went vnto a nygromansier and agreid̛ with hym̛ þat he sulde gett hym̛ þe luff hur. And he, evyn̛ befor̛ þis yong felow, raysid̛ a grete meneya of fendis, and þe grete fende said̛ vnto hym̛; "And þou wiƚƚ at I fulfiƚƚ þi wiƚƚ, make me a wrytyng with þi hand̛ MS. repeats, writing, here. þat þou forsakis God & þi cristendom̛, & at þou sal be my servand̛, and for to dweƚƚ with me for evur." And he grawntid̛ þerto, and wrote it & delyverd̛ it vnto hym̛. And þis done, þir fendis made þe harte of þis maydyn̛ so for to kyndeƚƚ in þe luff of þis [boy] MS. maydyn. , to so mekuƚƚ sho feƚƚ on̛ hur kneis befor hur fadur & cried̛ on̛ hym̛ & said̛; "Hafe mercie on̛ me, fadur! for I am̛ hugelie trubled̛ for þe luff of suche a yong man, and þerfor I pray you latt me hafe hym̛ to husband̛, or els I mon̛ dye." And when̛ hur fadur hard̛ þis, he said̛: "Alas! what is happend̛ vnto my doghter? I purposid to hafe marid̛ þe with a wurshupfuƚƚ man̛, and þou erte streken̛ in þe luste of a yong lad." Neuer-þe-les be cownceƚƚ of his frendis, he lete hym̛ hafe hur, & gaff hym̛ a porcion̛ of his gudis with hur. And when̛ þai had bene wed a while, sho pursayvid̛ þat he wold̛ nowder sayn̛ hym̛ nor com̛ into þe kurk̘ to here no dyvyne serves. And þe neghburs trowid̛ at he was not cristend̛; and sho went & tolde hym̛. And he said̛ þai lyed̛, and sho said̛ þat sho wold̛ not trow hym̛ bod if he wolde go with hur vnto þe kurk̘ on þe morn̛. And þan̛ he saw þat he myght no langer kepe it cownceƚƚ, and told̛ hur aƚƚ how þat it had happend hym̛. And sho made mekuƚƚ sorow, and went vnto Saynt Basyƚƚ & tolde hym̛. And he askid̛ hur husbond̛ if he wold̛ reverte agayn̛ to Criste; and he sayde þat he wold̛ fuƚƚ fayn̛, bot he myght nott; "for I am̛ sworn̛ vnto þe devuƚƚ and hafe denyed Criste, & hafe written̛ my dede þeroff & delyverd̛ it vnto þe devuƚƚ." And þan̛ þis Basilius told hym̛ þat God was mercifuƚƚ, & if he wold̛ shrife hym̛ of his syn̛ & do his penans þerfor, þat God wold̛ forgiff hym̛. And he tuke hym̛ and blissid̛ hym̛ with þe cros, & put hym̛ in a howse be his one in grete penance xlti dayes. And in þe mene while þer was harde grete crying of fendis þat apperid̛ vnto hym̛, bod ilk day þis Basilius come vnto hym̛ and comfurthed hym̛. And efter þis he tuke hym̛ befor̛ aƚƚ his clergie & þe pepuƚƚ, & had hym̛ vnto þe kurk̘. And þe devuƚƚ come þat aƚƚ men̛ might se, & wold̛ hafe taken̛ hym̛ fro hym̛, and þis yong man̛ cried̛ & said̛; "holie fadur! helpe me!" And̛ þan̛ þe devuƚƚ said̛ at aƚƚ myght here; "Basyƚƚ, þou duse me wrong; for I come not to hym̛, bod he come to me, & forsuke Criste, & was sworn̛ vnto me. And þer-of I hafe his writyng in my hand̛ MS. repeats, þerof. . And Saynt Basiƚƚ & his After his, maydyn, erased. clergie sett þaim down̛ & made þer prayer for hym̛, & sodanlie þis chartyr fell down̛, & þis holie man̛ tuke it vp̛ in his hand & opynd̛ it & shewid̛ it vnto þis yong man̛, & askid hym̛ if he kend itt. And he said; "ya, sur, for I wrote it my selfe." And he burnyd̛ it & had hym̛ vnto þe kurk̘, & delyvurd̛ hym̛ vnto his wife, & bad hym̛ be a gude man̛; & so he was evur after.

Amantem carnaliter expedit elongare. Infra, Clementis in principio.Amor carnalis eciam magnorum adiutorium requirit. Infra vbi Agitur de arte magica, ij.Amor carnalis eciam propinquis non parcit. Infra de contricione, iij et vj.Amor carnalis Cristianos Iudeis coniungi facit. Infra de contricione, iiij.Amor carnalis hominem quandoque periculo exponit. Supra de Amicicia, viij.

We rede in Harl. MS. ex lege Lombardicis. For 'Legenda Lombardica.' 'Libris Lombardorum,' how som tyme þer was ane olde man̛ of lxxx After of, xl, erased. yere olde. Ande on̛ a tyme he sayde vnto Saynt Andrew þe apostiƚƚ, þat aƚƚ þe tyme of his life he had vsid̛ evur lichorie. And Saynt Andrew prayed̛ vnto God for hym̛ þat he myght be delyverd̛ þeroff; & so he was a while MS. has also, onone he fell þerto, at the foot of the page. , bod onone he turnyd agayn̛ vnto þe syn̛ as he was wunte to do. Not-withstondyng he bare opon̛ hym̛ a euange[ll] wretten̛. So on̛ a tyme he come vnto þe bordelhouse to fulfiƚƚ his luste, and onone a common̛ womman̛ mett with hym̛, & said̛ vnto hym̛ in þis maner of wise; "O! þou olde man! go þi ways! go þi ways! for þou arte þe Angeƚƚ of God̛. And þerfor̛ tuche me noght, ffor I se vppon̛ þe many mervaylis." And þan̛ þis olde man̛, beyng astonyd̛ gretelie with þis comon̛ womman̛ language, remembred̛ how þat he had vppon̛ hym̛ þe evangeƚƚ. & þan̛ he went agayn̛ vnto Saynt And[r]ew & tolde hym̛ aƚƚ, & prayed̛ hym̛ to pray for hym̛. And þan̛ Saynt Andrew wepid for hym̛ & sayd̛; "I saƚƚ [no] meate eate vnto tyme I know if our̛ Lord̛ wiƚƚ hafe mercie of þe or noght." And so he lay in [h]i[s] prayers & fastid v dayes. & þan̛ þer come vnto Saynt And[r]ew a voyce þat sayd̛; O! þou Andr[ew]! our Lord̛ hase grauntid̛ þe att þis alde man̛ sal be savid̛. Bod as þou with fastyng hase made þe lene, Right so muste hym̛ chastes his flessℏ with fastyng if he sal be savid̛." And so he did, & fastid sex dayes brede & watir, & efterward̛ sex monethis; & afterward̛ he was a gude man̛, & decesid̛ in gude life. And þan̛ þer come a voyse vnto Saynt Andrew & said̛; "Be þi holie prayer MS. pray. , Nicholas þat I had loste hafe I getten̛ agayn̛."

We rede on̛ [a] tyme how a yong man̛ said̛ vnto Saynt Andrew in privatie; "My moder on̛ a tyme þoght me passand fayr, & desyrid̛ me to hafe att do with hur. And when̛ sho saw þat on̛ no wise I wolde consent vnto hur, sho went vnto þe iudgies of þe law & accusid̛ me to þaim þat I had done it with hur. And þerfor I MS. he. pray þe" he said̛, "to pray for me, at I be nott wrongoslie putt to dead̛ MS. repeats, wrongoslie. . Not-withstondyng me had levur suffer to take my deade wronguslie, þan̛ MS. þat. for to hafe corrupte my After my, br, erased. moder." So on̛ a day þis yong man̛ was broght vnto þe bar befor̛ a iudge, and Saynt Andrew felowid̛ hym̛ thedir; and þe moder stude furthe & accusid̛ hur son̛ fellie, saying þat he wold̛ hafe lyen̛ by hur. And þis yong [man] stude stiƚƚ & spak no wurde. Than̛ Saynt Andrew spak vnto þe moder & sayde; "O! þou crowelleste of wommen̛! be þi fals After fals, þ, erased. luste, þow wolde distroy þine awn̛ son̛." And þan̛ þis moder sayd̛ vnto þe iudge; "Sur, when̛ my son̛ wold̛ hafe done þis dede with me, & I had avoydid̛ hym̛, þan̛ he went vnto þis man̛." And þan̛ þe iudge wex wrothe, & commandid̛ þis yong man̛ to be put in a lyn̛ sekk, enoyntyd̛ with pykk & tar, & so to be casten̛ in a depe watir; and he commawndid̛ att Saynt Andrew sulde be put in prison̛. And þis done, Saynt Andrew knelid̛ down̛ & made his prayers, & sodanlie þer feƚƚ a grete thondre & ane erd-quake, & smate down̛ euerilk a man̛ vnto þe ertℏ. And þis womman̛ was burnyd̛ to dede with a thondre-bolte, & feƚƚ down̛ to assℏ. And þan̛ Saynt Andrew made his prayer agayn̛, & aƚƚ sesid̛; and þus þe iudge & aƚƚ þat wer aboute wer tornyd̛ vnto þe f[aith].

We rede how on̛ a tyme þe devuƚƚ apperid̛ vnto a certayn̛ bisshopp̛ MS. repeats, vnto a bisshopp̛. þat had grete devocion̛ vnto Saynt Andrew, in form̛ & lyknes of a fayr mayden̛, & said̛ vnto hym̛ on̛ þis maner of wise; "Sur, I wulde be shreven̛ at you & at no noder." & þis bisshop̛ grauntid̛, not-withstondyng it was agayns his wiƚƚ. And þan̛ sho sett hur down̛ & said̛; "Sur, I am̛ yong & passand̛ fayr, as ye may se; and I am̛ a kyngis doghter, and my fader wolde hafe marid me vnto a wurthi prince, and I am̛ fled away & wold̛ not hafe hym̛, becauce I had avowed̛ my virginitie vnto almighti God̛. And becauce I harde teƚƚ of your halines, þerfor I am̛ commen̛ vnto you for refute." Than̛ þis bisshopp̛ had grete mervayle of hur fayrnes & hur gudelie language, & sayd vnto hur; "Doghter, I latt þe witt for þi gude entent, þat what at evur I hafe saƚƚ be þine; and I pray þe þis day for to dyne with me." And þan̛ sho ansswerd̛ hym̛ agayn̛ & said̛; "Nay, holie fadur, desire it nott, nor pray me not þerto, þat no suspecte rise betwix vs þat myght hurte þi gude name and þi fame." And þis bisshopp̛ ansswerd hur agayn̛ & sayd; "We saƚƚ not be be our one, & þerfor̛ þer saƚƚ no suspecion̛ ryse of vs." So þis bisshopp̛ went to meate, and þis womman̛ was sett enence hym̛ in a chayre. And aƚƚ þe meat-while þis bisshopp̛ beheld̛ hur, & had grete mervayƚƚ of hur fayrnes; & sho purceyvid̛ þis, & encresid̛ hur fayrenes ay more & more, vnto so mekle at þis bisshopp̛ was wowndid̛ gretlie in his harte with flesshlie luste, vnto so mekle þat he thoght to aske hur if sho wulde latt hym̛ ly by hur. And þan̛ sodanlie þer come vnto þe yate a pylgram̛, & knokkid̛ & askid meate for Goddis sake. Than̛ þis womman̛ desyred̛ þe bysshopp̛ þat he sulde hafe no meate vnto at he had̛ essoynyd̛ iij questions þat sho suld̛ ask̘ hym̛. And þe furste question̛ was þis, What was þe grettest mervayle & fayrest þing þat evur God made in leste rowme? And a messanger come vnto þe pylgram̛ & askid hym̛ it; and þe pylgram̛ ansswerd̛ agayn̛ & sayd̛, þat it was þe dyuersitye & fayrnes to a mans vysage; "ffor & aƚƚ men̛," he said̛, "war samen, þat was fro þe byggynyn̛g of þe werld̛ vnto þe endyng, yit ij sulde nott be fon̛ to-gedur þat war lyke in visage in aƚƚ maner of thyng; & aƚƚ þe wittes of a man̛ is sett in þat litle rowm̛." So þis messanger come in & told̛ þe bisshop̛, & he & aƚƚ men̛ sayd̛ þe pylgram had ansswerd̛ weƚƚ. And þan̛ sho sent hym̛ a noder question̛, and þat was þis; Lat. MSS. vbi terra est altior celo? Ille autem respondit; "In celo empireo, vbi corpus Christi." Whether was hyer heven̛ or ertℏe? And he ansswerd agayn̛ & sayde After sayde, & he said̛, erased. þat ertℏ was hyer þan̛ hevyn̛, " quia in celo empirio ibi est corpus Christi, quod est super omnes celos." And when̛ þe messanger come with þis, sho said̛ þatt sho sulde sende hym̛ a war question̛ þan̛ owther off þe tother was, and þat was þis; How far space it was betwix hevyn̛ & ertℏ? And þan̛ he ansswerd̛ agayn̛ & said̛; "He þat sent þe vnto me knowis þat bettyr þan I doo, ffor I feƚƚ neuer fro hevyn̛ to erthe, & he feƚƚ fro hevyn̛ vnto heƚƚ þat is vnder þe ertℏ, & þerfor he mett itt; ffor þat womman̛ at bad þe spyr̛ me þies questions is þe devuƚƚ, þat putt hym̛ in lyknes of a womman̛." And when̛ þe messanger̛ harde þis, he had grete wunder, and went in & befor̛ aƚƚ men̛, & told aƚƚ as he bad hym̛. And aƚƚ att was aboute had grete mervayle, and sodanlie þe devuƚƚ vanysshid̛ away with a grete thonder & a levenyng; and þe bisshop̛ & aƚƚ þe felowschip̛ saynyd̛ þaim, & onone it cesid̛. Than̛ he garte send furtℏ After furtℏ, þis, erased. to seke þis pylgram̛, & þer cuthe no man̛ fynd̛ hym̛. Than þis bisshopp̛ come vnto hym̛ selfe, & had grete sorow for þe temptacion̛ þat he was fallen̛ in, & shrafe hym̛ þeroff & tuke his penans þerfor̛. And afterward̛ he had knowlege be revelacion̛, þat þis pylgram̛ was Saynt Andrew. And fro thyne furtℏ, evur after whils he liffid̛, he had more devocion̛ vnto Saynt Andrew þan̛ he had befor̛.

We rede in 'Vitis Patrum' how, on̛ a tyme, ane angeƚƚ in a mans lyknes come & went with ane hermett a grete way. So þaim happend̛ com̛ be a caryon̛ þat had liggen̛ dead̛ many day, & it stynkid̛ iƚƚ; and þis hermett helde his nece, at he sulde nott fele savur þerof. And þis aungeƚƚ askid̛ hym̛ whi he helde his nece, and he ansswerd̛ hym̛ agayn̛ & said̛; "Becauce I may not fele þis savur." And þai went on̛ furtℏ, & onone þai mett a fayr̛ yong man̛ cled in gay clothyng, þat had a fayr garland̛ on̛ his head, þat rade opon̛ a gay hors in a sadle aƚƚ of gold̛ & sylver. And when̛ þai wer a gude way fro hym̛, þis angeƚƚ in a mans liknes stoppyd his nease-thrillis. And when̛ þis hermett saw, he had grete mervaƚƚ þerof, & said̛ vnto hym̛; "whi stoppis þou þi nece so, & stoppid̛ þaim noȝt right now?" And he ansswerd̛ agayn̛ & said̛; "yone yong man̛ þat is so prowde & fuƚƚ of syn̛, stynkis mor̛ vglie in þe sight of God & aƚƚ his aungeƚƚ, þan̛ done aƚƚ þe carion̛ of þis werld̛ in syght or felyng of crysten̛ men̛." et c̛.

Angelus accusat peccatores. Infra de fideiussor[e]. ij.

As we rede of ane hermett þat had a ceƚƚ far fro þe watir. et c̛.

Vt infra de laborare, ij.

Cesarius tellis how þer was a damyseƚƚ in a chylde liknes þat went in felowshup̛ w[ith] a thefe be þe way, & wiste noȝt what he was. & þis thefe gaff hur to bere a paghald̛ of gere þat he had stoln̛. So it happend̛ at þe men̛ att aght þis gude folowid̛ after þis thefe, & onone as he hard̛ noyse of rynyng of þaim, & he gatt away, & lete þis damyseƚƚ alone with þis stoln̛ gude. And þis childe was takyn̛ with þis thifte & demyd to be hanged; & when̛ sho cuthe gett no skosacion̛ to helpe hur with, bod at sho trewid̛ vereli[e] to dye, sho shrafe hur vnto þe preste & tolde hym̛ aƚƚ þe proces. So þai went & soght þis thefe in þe wud & fande hym̛, & tuke hym̛; and when̛ he was taken̛ he MS. le. alegid for hym̛ selfe, & said̛ þat þis paghald̛ was not of his, & þerfor̛ he said̛ þat þai at þe stoln̛ gude was fun with sulde suffre þe penance. And þus he alegid̛ þat þe childe sulde be dede & not he. So be cownceƚƚ of þe preste, þer was broght furtℏ a hote yrn̛ to prufe þe treutℏ with; and þis damyseƚƚ tuchid̛ þis hote yrn̛ & hur hand̛ was nothyng byrnyd̛. And when̛ þe thefe tuchid itt, his hand was grevuslie burnyd̛, and so þe thiefe was hanged̛ & þe mayden̛ delyverd̛. So þe kynsmen̛ of þis thieff wex wrothe with þis, and tuke down̛ þis thieff, & hanged vp̛ þis damyseƚƚ. And onone þer come ane aungeƚƚ & helde hur vp̛, so at sho felid no grevans bod a grete swettnes, & hard a passand swete melodie, in þe whilk it was tolde hur þat a sister saule of hurs, þat hight Agnes, who had vnto hevyn̛, and at sho suld at ij [yere] ende after folow hur. And þer sho hang ij dayes; & þan̛ hirdmen̛ trowid at sho had̛ bene dead̛, & cut down̛ þe rape & went sho sulde hafe fallen̛ down̛; bod scho was sustenyd̛ with ane angeƚƚ & lattyn̛ down̛ be little & litle, vnto sho stude evyn̛ opon̛ þe ertℏ. And þan̛ þe aungeƚƚ sayd vnto hur; "Now erte þou fre; Go whethur þou wiƚƚ." And sho said̛ sho purposid̛ go vnto þe cetie of Veron̛ ; & onone with-in a stownde sho was sett nere þe cetie of Veron̛ , & þan̛ þe aungeƚƚ told̛ hur þat sho was with-in iij myle of þis cetie. And þis happend̛ att þe cetie of Auguste, & þat is vij day iorney fro Veron̛ For Verona. .

Anima purgatur in loco quo peccauit. Infra de pena.Anima punitur cum persona cum qua peccauit. Infra de penitentia et Purgatorio.Anime aliquando ab amicis iuvantur. Infra de apostata, iij.Anima punitur secundum qualitatem peccati. Infra de purgatorio.Animosus debet esse miles in bello. Infra de milite, vj.

The feste of þe annunciacion̛ of our ladie aght to be had in grete reuerens, & to be wurshuppid with grete devocion̛; and opon̛ þat day aght þe Ave Maria ofte to be said̛, as we rede of a knyght þat was a passand̛ ryche man̛, notwithstondyng he went & made hym̛ a monke in þe Ceustos ordur. And þuf aƚƚ he cuthe no lettre on̛ þe buke, yit for his hy burthe MS. here repeats, yit. he was taken̛ in & putt emang monkis. And a maister was delyverd̛ vnto hym̛ to lern̛ hym̛ on̛ þe buke; and he cuthe lern̛ hym̛ no thyng bod þies ij wordys, Ave Maria. And þat he was evur harpand on̛, to so mekiƚƚ þat whider as euer he went, or what thyng som̛ evur he did̛, he was evur sayand Ave Maria. So at þe laste hym̛ happynd̛ to dye, & was berid̛ with other monkis; and þer sprang oute of his grafe a fayr lelie, and on̛ evur-ilk a lefe þeroff was wreten̛, Ave Maria, with golde lettres. And þe monkis ran̛ þerto & grufe down̛ in his grafe to þai MS. þe. fande þe rute of þe lelie, & þai fand̛ how it sprang furtℏ of his mouthe. And be þat þai vnderstude þat he said̛ þase ij wurdis, Ave Maria, with grete deuocion̛. And perfor̛ our ladie wold̛ lat þaim hafe knowlege.

We rede how som̛ tyme þer was a knyght þat was a thieff, and vsid̛ forto rob men̛ be þe way. So on̛ a tyme þer come be þe way a man̛ of religion̛, and onone he was taken̛ with þis knyghtis men̛, þat was thevis. And when̛ þai had taken̛ hym̛ he prayed̛ þaim speciallie to hafe hym̛ to þer maister; and when̛ he come afor̛ þe knyght he prayed þe knyght þat he wold̛ latt hym̛ se aƚƚ his men̛; and he grauntid̛, & garte feche aƚƚ his men̛. And when̛ þat aƚƚ was befor̛ hym̛, þis holie man̛ of religion̛ askid̛ þis knyght if þer was aƚƚ, and þai said̛, "ya"; and he sayd̛ it was not sa. So þai lukid̛ aboute þaim, & one of þaim sayd̛ þat þe chamberlayn̛ was wantand. And þe knyght sent for̛ hym̛ & he come, bod yit it was with iƚƚ wiƚƚ. And when̛ he saw þis holie man̛ of religion̛, he starte bakk & glorid̛ with his een̛ as he had bene wude, & wulde com̛ no ner for noght at no man̛ cuthe do. Than̛ þis holie man̛ said vnto hym̛; "I adiure þe in þe name of God̛ at þou teƚƚ me what þou erte, and wharefor þou come hedur." And þan̛ he ansswerd̛ agayn̛ & sayd̛; "Allas! now moste me nedis teƚƚ what I am̛! I am̛," he said̛, "a fend̛, & I made me like a man̛, & I hafe wunte with þis knyght þis xiiij yere, & alway ligen̛ in wayte if I cuthe wache what day he sayd̛ not, 'Aue Maria'; ffor what day he had faylid̛ þeroff, I sulde hafe strangled hym̛; and what day as he said̛ þat Ave, I had nevur power on̛ hym̛, nor not mot hafe. And aƚƚ þe tyme þat I hafe bene with hym̛ he faylid̛ nevur a day, bod he said̛ it a tyme of þe day." And when̛ þe knyght hard þis, he was hugelie astonyd̛ & had grete mervayle, & feƚƚ down̛ on̛ his kneis befor̛ þis holie man̛, & askid̛ hym̛ forgifnes, & was shrevyn̛, & tuke penance and amendid̛ his life. And þis holie man̛ commandid̛ þis fend̛ at he sulde go his ways, and nevur aftur presume to dissese any creatur̛ þat had deuocion̛ vnto our̛ ladie, Saynt Marie. et c̛.

Antiphonam Regina celi Angeli cantauerunt. Infra de Maria. x.

We rede in 'Vitis Patrum,' how on̛ a tyme as Saynt Anton̛ lay in a den in wildernes, a grete multitude of fendis come vnto hym̛ and rafe hym̛, & toylid̛ hym̛, to so mekle he was nerehand̛ dead̛. And his brether went & soght hym̛, & fand̛ hym̛ nere dede; & þai wepud & made grete sorow, and fechid̛ hym̛ home. So on̛ a nyght when̛ he was amendid̛, & aƚƚ his brethir was oslepe, he garte bere hym̛ agayn̛ vnto þe sayd den̛: and as he lay þer, & many wowndis vppon̛ hym̛, he lukid evur when̛ þir fendis suld̛ com̛ agayn̛. Than̛ þai come in liknes of wilde bestis, & with þer hornys & þer tethe þai rafe his flessℏ, & wowndid̛ hym̛ hugelie. Than̛ sodanlie þer apperid̛ a mervaylus light, & þies fendis fled̛; & sodanlie Saynt Anton̛ was hele of aƚƚ his wowndis. So att þe laste he vnderstude þat þer was almighti God Hym̛ selfe; & þan̛ he said̛; "A! gude Jesu! whar was þou? whar was þou? whi was þou not with me in þe begynyng, at þou mot hafe helpid̛ me, and helid my wowndis?" And our Lord ansswerrid hym̛ agayn̛ & said̛; "Anton̛, I was here, bod I abade to se þi bateƚƚ; and becauce now at þou has manlelie ouercommen̛ þine enmys, I saƚƚ make þi name to be knowen̛ þurgℏ aƚƚ þis werld̛, and þe for to be wurshuppid̛."

Antonius recreatur cum fratribus. Supra de Abbate.Apparicio. Apparet quandoque deus. Infra de leproso.Apparet quandoque beata virgo. Infra de beata Maria. et alibi MS. et in alij pluribus locis. in pluribus locis.Apparent quandoque angeli. Supra de angelo.Apparent demones. Infra de Maria. viij.Apparent mortui. Infra de morte, fere totum, et de suffragijs.Appetitus est reprimendus. Supra de abstinencia, X et V.

We rede how þer was offerd̛ vnto Damyanus, in an abbay þat Saynt Gregur byggid̛ with-in þe wallis of þe cetie of Rome, a childe be his fader & his moder; and when̛ he come vnto mans age, he forsutℏ forsuke þis Abbay, & went into þe werlde, & tuke hym̛ a wyfe. So afterward̛ hym̛ happend for to faƚƚ seke, and he garte bere hym̛ vnto þis abbay, & þer he lay; & on̛ a tyme, sodanlie, befor̛ his wyfe & aƚƚ þat was aboute, he began̛ to cry faste, & said̛ þat Saynt Andrew & Saynt Gregur had bett hym̛ grevuslie; and when̛ he had ligyn̛ a while, he said̛ at þai had dongen̛ hym̛ becauce he went oute of þe abbay & tuke hym̛ a wyfe. And a while after he sayd̛ þai bett hym̛ agayn̛ becauce he skornyd̛ pure men̛, & wulde giff þaim noght; "& now," he said, "þai bete me becauce I tuke wronguslie vi d̛ of a man̛ & wulde not giff hym̛ þaim agayn̛; & now I hafe for ilk peny a lassℏ" and within ane howr̛ or ij after, he rase oute of his bed, & did on̛ hym̛ a hayr & a scapularie þat lay by hym̛, and ran̛ vnto þe kurk̘, and said̛ þat, be þe grace of God̛, he was delyverd̛ of aƚƚ þis betyng. & he garte make his bed in þe same kurk̘, & garte a monke go vnto mes; and evyn̛ onone, as þe gospeƚƚ was red̛, he endid̛ his life. And þe monkis had his bodie to wassℏ it, & þai fand vppon̛ his bodie wowndis & yedders of þe betyng þat he said̛ he was bett with þase halie Saynttis for þe trispas at he had done. et c̛.

We rede in 'Vitis Patrum,' how þat þer was ij fadurs þat war tempid with þe spiritt of fornicacion̛, & þai went into þe werld̛ & tuke þaim wyfis. So on̛ a tyme þe tone of þaim said̛ vnto þe toder; "whatt hafe we won̛ in þis our vnclennes, sen̛ we consayfe þat euerlastand payn̛ mon̛ folow itt, & we hafe forsaken̛ þe life of angels? And þerfor̛ latt us turn̛ agayn̛, & be as we wer in wilde[r]ness." And þai went agayn̛ vnto þer cellis, and was reclusis a fuƚƚ yere, and had nothyng bod a porcion̛ of bread & watir evurilk day. And when̛ þe yere was done, þe tone of þaim had a pale face, & þe toder a fayr face; & his brethir askid hym̛ whi his face was so pale, & he ansswerd̛ agayn̛ and said̛; "I hafe a pale face for I had mynd̛ of þe paynys of heƚƚ, whilk̘ þat I mond̛ hafe bod if I did penance for my syn̛." And þe toder said̛ his face was so fayr for he thoght of þe gudenes of allmightti God̛, & had a grete comfurtℏ & a ioy þat he was delyverd̛ oute of þe paynys of heƚƚ; & þerfor̛ he said̛, he had grete comfurtℏ when̛ he purseyvid̛ þat he was delyverd̛ of so grete a pereƚƚ, & þan̛ put agayn̛ in so grete wurthines. And when̛ þer brethir hard̛ þis, þai vnderstude att þai wer of evyn̛ penance. et c̛.

Apostate reuertentes frequenter deuocius se habent. Infra de penitencia, ijo.

Cesarius tellis how þer was som̛ tyme a yong man̛ þat made [hym] of a monk̘ of Ceustos ordur, and þuff MS. if. aƚƚ he was gretelie movid̛ be a bisshop̛ at was his Cussyn̛ to com̛ oute of þe place, yit neuer-þe-les he wolde nott, bod abade stiƚƚ & was professid̛, & efterward̛ made a preste. So afterward̛ be temptacion̛ of þe devuƚƚ, he gatt oute of his place & went vnto a grete company of thevis; & he, þat was gude emang his brethir, was þer þe warste of aƚƚ. So on̛ a tyme, at þe sege of a Casteƚƚ, hym̛ happend̛ to be hurte with ane arow, & was bown̛ to dye. And men̛ abowte cownceld̛ hym̛ to shryfe hym̛, and̛ he ansswerd̛ & sayd̛; "What may shrifte profett me, þat hase done so many grete trispasis?" And þe preste told̛ hym̛ þat þe mercie of God was more þan̛ was aƚƚ hys syn̛. And þan̛ he began̛ to shryfe hym̛, & sett hym̛ down̛ on̛ his kneis befor̛ þe preste; and God sent hym̛ swilk contricion̛ þat euer when̛ he began̛ to shryfe hym̛, he sighed̛ & wepid̛ so sore þat he mott not speke a wurd̛. So at þe laste he tuke his spiritt vnto hym̛ & sayd̛; "Sur, I hafe synnyd̛ ofter þan̛ þer is graveƚƚ in þe see, and I hafe gane oute of myne ordur and felashippid̛ me with thevis & lurdans, & slayn̛ many a man̛. And if þai be savid̛ I mon̛ nott, ffor I hafe violatt & fylid̛ many mens wyvis, & þer chuldre, & burnyd þer howsis, & done many other infenyte illis." And þe preste was bod a fule & said̛; " Maior est iniquitas tua quam veniam mercaris: þi syn̛ & þi wikkednes is more þan̛ evur þou may gett forgiffnes off." And he ansswerd̛ agayn̛ & said̛; " Sur, I am̛ a clark̘, & I hafe sene þis written, ' Quacumque hora ingemiscerit peccator, et cetera: Whatt howr̛ som euer þat a synner forthynkis his syn̛, & shryvis hym̛ clene þerof, almighti God wiƚƚ forgiff hym̛.' And þerfor̛ I beseke you for Goddis sake to enioyn̛ me som̛ penance for my syn̛." And þan̛ þe preste said̛; "I wate nevur what penance I sulde enioyne þe, for þou arte bod a loste man̛." Than̛ he ansswerd̛ agayn̛ & said̛; "Sur, sen̛ þou wiƚƚ not enioyn̛ me penance, I saƚƚ enioyn̛ my selfe penance; And þerfor̛ I bynd̛ my selfe to be ij Mƚ . Mƚ. omitted, and added above the line. yere in purgatorie; & after þat at I may hafe forgifnes of my syn̛ of aƚƚmyghti God̛." And þan̛ he askid þat he myght be howseld̛, and þis fond̛ preste wolde not howseƚƚ hym̛. Than̛ at þe laste, he prayed̛ hym̛ write his confession̛ in a scrow, and at he wold̛ giff it vnto þe bisshopp̛ þat was his cussyn̛; and þe preste hight hym̛ þat he suld̛ do so. And þan̛ he dyed & his sawle went vnto purgatorie, as he had bon̛ it to do. And þe preste offerd̛ þis ceduƚƚ vnto þis bisshopp̛; and when̛ þe bisshopp̛ redd itt he was passand̛ hevie & wepud, & said̛ þus vnto þe preste; "þer was neuer man̛ þat I luffid̛ so wele whikk̘, & þerfor̛ I saƚƚ luff hym̛ deade." And in þat yere he sente þurgℏ aƚƚ his bisshoppryke, & garte do message & oders prayers & suffrage of halie kurk̘ for hym̛. And at þe yere end̛ he aperid̛ vnto hym̛ with a pale & a lene face, & tolde hym̛ þat be his suffrage þat he garte do þat yere for hym̛, & did hym̛ selfe, he was remytt of a M ƚ yere þat he sulde hafe suffred̛ in þe payn̛ of purgatorie; & if he wold̛ do als mekuƚƚ for hym̛ þe nexte yere, he said̛ he sulde be clene delyverd̛ þeroff for evur. And þis bisshop̛ garte do for hym̛ þe secund yere as he did þe furste. And when̛ þis was done, as þe bisshop̛ was syngand̛ a mes for hym̛, he apperid̛ vnto hym̛ in a white cowle, & with a passand̛ fayr face, & sayd̛; "Almiȝtti God reward̛ þe at þou hase done for me; for be þi besynes I am̛ delyverd̛ in þies ij yere of þe paynys of ij M ƚ yere in purgatorie. And þerfor̛ I thanke the, for now I go vnto paridice vnto evurlastand̛ blis." et c̛.

Apostate habentes firmum propositum redeundi si sic moriantur saluat eos, et reddit eis habitum monachalem. Infra de voluntate que pro facto reputatur.Apostata a fide aliquando a deo eciam corporaliter punitur. Infra de benedicta.

Cesarius tellis how som tyme in þe cetie of Colayn̛ þer was so grete a fyre, þat a grete parte of þe cetie was brente. So þer was a certayn̛ womman̛ in þe cetie, þat wasshid̛ & amendid̛ for hur hyre aƚƚ þe clothis þat belonged̛ vnto þe kurk̘ of þe apostels. And sho had a howse aƚƚ of wud̛, harde be þe kurk̘, and when̛ þe wykkid fyre was in howsis nere-hand̛ hur, hur doghter began̛ to bere oute hir howsshold̛; & hur moder bad hur lefe, & wolde nott latt hur, bod garte hur bere in aƚƚ agayn̛. And sho lokkid̛ þe dure faste, & wente in-to þe kurk̘, & had grete faythe in þe apostels, & sett hur downe afor̛ þaim & prayed in þis maner of wise; "O! ye holie apostels! & euer I did̛ you any trew or gude serves, kepe my howse & my gudis þat is þerin." Lo! þis was a mervalos faytℏ of a womman̛! And þan̛ þe fyre þat burnyd̛, stiƚƚ owr̛-hippid̛ þis lawnderer howse, so þat nowder it nor hur gudis þat was þer-in was byrnyd̛, þuf aƚƚ þai wer in myddeste þe fyre; & þus hur howse was savid̛ þurgℏ faytℏ, & belefe þat sho had vnto þe apostels. et c̛.

Saynt Gregorie tellis, how at þe Cetie of Terenence Latin MSS., apud Verenensem urbem, = Verona. , þe flude þat is callid̛ Artose bolnyd up so, þat it come vnto þe kurk of Saynt Zenon̛ þe martyr; and yit, þuf aƚƚ þe duris wer oppyn̛, it come not in; and it sparrid̛ vp þe kurk-duris & þe wyndows, as it had bene turnyd̛ into a thyng þat had bene faste as þe stone waƚƚ, vnto so mekuƚƚ þat mekle peple þat was in þe kurk̘ war̛ sparrid̛ in with þe watir, & myghte not wyn̛ oute. And yitt when̛ þai come vnto þe kurk-dure, þai might take þaim water & drynk̘ þeroff. And þus, þurgℏ þe gude prayers of þis holie martir, þe watir was many day as a waƚƚ vnto þaim, & myght nott entir in-to þat holie place. et c̛.

We rede in 'Libro de Dono Timoris,' how som̛ tyme þer was in Ducheland̛ ane archdekyn̛ þat desirid̛ gretelie to be a bisshopp̛, & contyrfetid̛ her̛-for̛ þe bisshoppis deade; & he garte lay a grete stane abown̛ þe yate at þe bisshopp̛ vsid̛ to go in att þe kurk att; and þer was owr̛ þe yate ane ymage of our ladie. And on̛ a tyme, as þe bisshop̛ went befor̛ aƚƚ his felaship̛, & sett hym̛ down̛ to wurshup̛ þis ymage on̛ his kneis, þis stane was put down̛, & smate oute his hernys. And onone aftre, þis archedekyn̛ was made bisshopp̛, & made a grete feste at his stallyng. So at þis ffeste þer was a grete prince þat servid̛ hym̛, & sodanlie he was ravisschid̛ into a vision̛, & þer he saw our ladie with a grete multitude of aungels & Sayntis, berand þe bisshopp̛ head̛ at þe harnys was strekyn̛ oute off, and present it vnto Almiȝtti God, sayand̛ on̛ þis maner of wise; "dere Son! yit þis my servand̛ hede bledis; & yit his succidur þe homycide, at garte sla hym̛, ioyes of his dignytie at he hase after hym̛." And þan̛ our Lord̛ askid̛ hur whome he sulde send vnto hym̛. And sho said̛; "Lo! yonder is his server." And þan̛ our̛ Lorde commanddid̛ hym̛ in payn̛ of dethe, þat he sulde with-oute contynnance teƚƚ þe bisshopp̛ aƚƚ þat evur he had bothe hard̛ & sene. And þan̛ he come vnto hym̛ selfe & wepud̛, & went in & told̛ opynlie vnto þe bissho[p], befor̛ aƚƚ at þer was, aƚƚ þat he had bothe hard̛ & sene. And when̛ þis bisshopp̛ had hard̛ hym̛ oppynlie befor̛ aƚƚ men̛, he wex wude & swelte. et c̛.

Archiepiscopus a demonibus MS. demonijs. Latin MSS. have, de demonibus deportatur. portatur. Infra de demone.Arma religiosorum sunt vestes eorum. Infra de Religione.Arma monachi possunt tempore et loco ex causa MS. leaves a space here. Harl. MS. Arma monachi possunt tempore et loco. Infra de bello. Arund. MS. Arma monachi possunt tempore et loco ex causa. Infra de bello. ... Infra de bello.Arnulphi Metensis. Infra de Remissione.Arsenij senatoris et heremite. Infra de odore et de peccato, de solitudine et vigilia. et c̛.

Tullius tellis how þat Pericles MS. paricles. & Sophocles war made dukis at Athenys. And on̛ a tyme, when̛ þai went to speke to-gedur in a cowncelhows of suche thyngis as was necessarie vnto þe cetie, þer happend̛ a fayr yong man̛ to go be a wyndow at þai sett enence. And þis Sophocles spak vnto Pericles MS. pericℏ. & sayd̛; "Se! yonder gois a fayr yong man̛!" And he ansswerd̛ hym̛ agayn̛ & said̛; "Sur, it semys a man̛ of cownceƚƚ, not alonelie to kepe stiƚƚ his handis & his tong, bod also for to kepe his een̛ contynent from̛ aƚƚ maner of ydiƚƚ sightis in tyme þat he is at conceƚƚ."

As we rede in þe furste yere of þe vij plentyfuƚƚ yeris þat was in Egipte, Kyng Pharao sent Josepℏ to gadr̛ samen cornys þat he cuthe gett in þe bowndis of Cleopilas, of whilk region̛ Pytaphar MS. Pyckaphar. þe preste was prince. & he was a wise man̛ & grete of cownceƚƚ with Pharao; and he had a doghter þat hight Assenecℏ, and sho was a passand̛ fayr mayden̛ emang aƚƚ oþer; & with þat sho was passand̛ statelie & prowde, & thoght skorn̛ be evur-ilk common̛ man̛. And sho was kepid̛ so at no man̛ saw hur. And þer was ioynyd̛ uppon̛ þis Putyphar howse a towr̛, at was grete & hy, & in þe top þerof was a cenacle, þat had in it x chawmers; of þe whilk þe furst was grete & fayr, & dight with-in with precious stonys; and in þat was þe goddis of Egipte, of golde & of syluer, at þis Assenecℏ did sacryfice vnto. & evur-ilk day sho offerd̛ vnto þaim. And þe secund̛ chawmer lay hur clothyng in, & hur gold & hur sylver & hur precious stonys; and in þe iij chawmer war aƚƚ þe gudis of þe lande, & þer was hur buttrie; and in þe toder war̛ vij maydyns þat servid̛ þis Assenecℏ, with whame spak nowder childe nor man̛; and in Assenecℏ chawmer was þer iij wyndows, ane at þe suthe, a noder at þe este, & þe iij at þe weste: & at þe northe was hur bed̛, onowrnyd̛ with gold̛ & syluer, precious stonys, & gay clothis of purpur & sylk at sho slepid̛ in, & þer sat neuer man̛ on̛ þat bed̛. And aboute þis towre was þer ane entre with a hy waƚƚ, with-in þe whilk þer was fayre treis & frutefuƚƚ of dyvers kyndis; & þer was a fayr spryng & a weƚƚ. And þis Assenecℏ was a mekuƚƚ large womman̛ as Sarra was, & als wise as Rebecca, & als fayr as Racheƚƚ. So þis Joseph sent vnto þis Putiphar & lete hym̛ witt at he wald̛ com̛ vnto hys place & se itt; & he was fayn̛ þerof, & lete his doghter hafe knowlege, & said̛ he wolde marie hur vnto hym̛. And sho was wrothe þer-with, & said̛ scho wold̛ be giffen̛ vnto no man̛ at was in thraldom̛ as Josepℏ was, bod rather vnto a kyngis son̛. So as þai war spekand̛ samen, one come & tolde þaim at Josepℏ come. And þis Assenecℏ fled̛ in-to hur cenacle, vp into þe topp̛ of þe towre. And Joseph come rydand in Pharao carte, þat was aƚƚ of gold̛, & iiij white hors drew it, & þai had brydyls aƚƚ of gold̛; & Josepℏ was cled̛ in a white cote & in paƚƚ & purpur wovyn̛ with golde, & a crown̛ of precious gold̛ opon̛ his head̛, & aboute it was xij precious stonys, & he had in his hand̛ a golden̛ wand̛ of þe kynges, & a brancℏ of oliff fuƚƚ off fatt frute. And þis Putiphar̛ & his wife come & mett hym̛, and wurschippid̛ hym̛, and Josepℏ went in-to þis entrie, & þai sparrid̛ þe duris after hym̛. & at þe laste he was war of Assenech oute at a wyndow, and sho saw hym̛. And þan̛ sho was gretelie trubled̛ with wurd at sho had hard̛ on̛ hym̛, and þan̛ sho said̛; "Beholde! þe son̛ is commen̛ fro hevyn̛ to shyne vppon̛ vs in his cowrs; and I wiste not," sho said̛, "at Josepℏ was þe son̛ off Godd̛. What man̛ myght hafe so grete fayrnes, & what wommans wambe myght bere so grete a light?" And þan̛ Josepℏ went vnto Putiphar hows, & þai wasshid̛ his fete. And þan̛ Josepℏ asked̛ what womman þat was þat he saw in þe cenacle oute at þe wyndow, & þai tolde hym̛. & he was aferd̛ þat sho was hevye vnto hym̛, as sho was vnto other þat sent vnto hur messangers with grete giftys; & euer sho keste þaim agayn̛ att þaim with grete After grete, giftis, erased. skorn̛ & dedyne. And þan̛ said̛ Putiphar; "Sur, my doghter is a mayden̛, & hatis evur-ilk man̛, for sho saw neuer man̛ bod me & the at sho saw þis day. And if þou wiƚƚ, sho saƚƚ com̛ & speke with the." And þan̛ Josepℏ thoght þat & sho hatid̛ euer-ilk a man̛, sho sulde not be vnbehuvable vnto hym̛. And þan̛ he said̛ vnto hur fadur; "and your doghter be a mayden̛, I luff hur as my sustre." And hur moder went & fechid̛ hur down̛ & broght hur befor hym̛, and hur fadur bad hur hals hur bruther, þat hatid̛ aƚƚ women̛ as sho did̛ aƚƚ men. And sho halsid̛ hym̛ & sayde; " Ave benedicte a deo excelso! hayle þou blissid̛, commen̛ fro Almyghti God̛!" and þan̛ he said̛ agayn̛; " Benedicat te deus qui viuificat omnes; God blis þe þat whikkens aƚƚ creaturs." And Putiphar bad his doghter kys Josepℏ; and sho wolde hafe done so, & he lett hur with his hand̛ & said̛; "It semys nott a man̛ þat wurschuppis Almyghti God̛ to kys a womman̛ þat wurshuppis mawmettis þat er defe & dom̛." And when̛ sho hard̛ hym̛ say so, sho was passand̛ hevye & wepid̛. And Josepℏ was sorowfuƚƚ for hur, & laid̛ his hand̛ on̛ hur heade & blissid̛ hur. And þan̛ sho was merie & partid̛ with hym̛ & went vnto hur bed̛. And what for ioy & what for drede, sho feƚƚ seke, & did penans for þase fals goddis at sho had wurshuppid̛, and forsuke þaim. And when̛ Josepℏ had etyn̛, he tuke his lefe & went his way, & said̛ he sulde com̛ agayn̛ þat day viij dayes. And when̛ he was gone, þis Assenecℏ did on̛ blak clothyng in token̛ of hevynes & sparrid̛ hur dure, & keste down̛ aƚƚ hur ydolsis, & keste hur supper vnto hundis, & putt assℏ opon̛ hur head̛, & laid̛ hur down̛ on þe payment & wepid̛ bitterlie vij dayes. And on̛ þe viij day come Josepℏ & tuke hur vnto wyfe & wed hur. et c̛.

Asinus portat usurarium ad patibulum. Infra de sepultura.Asinus custoditur a leone. Infra de Leone.Asinus legatus tribus perit. Infra de legato.

We rede in 'Vitis Patrum' how þat som̛ tyme þer was a garthener, & aƚƚ þat evur he gatt off his labur, he gaff it in almos, so þat vnnethis he kepid̛ vnto hym̛ selfe to fynd̛ hym̛ mete & clothe. So afterward̛ be intysyng of þe devuƚƚ, he lefte his almos-giffyng, & gaderd̛ samen a grete some of money þat he myght liff with in his age. So afterward̛ þer happend̛ a surans for to faƚƚ in hys lymbe, þat his fute rotid̛ off. And he spendid̛ aƚƚ his money in lechecrafte, & was neuer þe better; and att þe laste, be cownceƚƚ of a gude leche, he garte cutt it off. And opon̛ þe same nyght at it was cutt off, as he lay in his bed sorowand̛ & mornand̛, þer apperid̛ vnto hym̛ ane angeƚƚ & said̛; "Whar is now þe money att þou gaderd̛ samen to liff with in þine elde? What may þat now helpe the att þou had hope in?" And he ansswerd̛ agayn̛ & said̛, "I hafe synnyd̛, & I wiƚƚ now no mor̛ do soo." And þis aungeƚƚ tuchyd̛ his fute, & it was restorid̛ agayn̛. And þe leche come to hym̛ agayn̛ on̛ þe morn̛, & fand̛ his fute hale, & hym̛ gravand̛ as he was wunt to do in þe felde. Lo! Surs, þus he was restorid̛ for his gude dede, þuff aƚƚ he lefte it, and þerfor ye may see at God̛ wiƚƚ hafe no gude dede vnrewardid̛.

Saynt Gregor̛ tellis how one þat hight Constancius, at was cussyn̛ vnto Bonyface, on̛ a tyme sellid̛ his hors for xij d̛ of gold̛, & he putt þaim in his kiste; & in þe mene while he After he, dyed, erased. went his way. So on̛ a tyme pure men̛ come vnto þis pope Bonyface, & askid̛ hym̛ almos passand̛ faste; & he was in þe kurk̘ & had nothyng to giff þaim. So he trustid̛ gretelie in his cussyn̛, at he had gude, & went vnto his kiste & brak̘ it, & tuke oute þies xij golde penys & gaff þaim vnto pure folke. So þis Constancius come agayn̛ & fand̛ his kyste breken̛, & with a grete rumor̛ & a cry he come vnto the pope, & bad hym̛ giff hym̛ his xij d̛ agayn̛. & with his crying þis pope wente into the kurk̘ & was gretlie sterid̛, & evyn̛ standand̛ he liftid̛ upp̛ his handis vnto aƚƚmyghti God̛, & made his prayer. & sodandlie he grapid̛ in his bosom̛ & fand̛ xij d̛ of gold̛, & he keste þaim in þis wude preste skyrte, & said̛; "Behold̛! now þou hase þe xij d̛ of gold̛ at þou askid̛ me; Bod þou saƚƚ vnderstand̛, þat after my decese þou saƚƚ neuer be pope nor bysshop̛ of þis kurk, as þou trowis to be; and aƚƚ becauce off þi covatusnes, at þou wiƚƚ giff God no þing of þat at he sendis the."

Cesarius tellis how þat a monk som tyme of Ceustus ordur, þat was Celerer, was tempid̛ with covatice. So on̛ a tyme in barganyng he begylid̛ a pure wedow. So it happend̛ þat same yere our Lord̛ sent sucℏ weddur þat stroyed̛ aƚƚ þe vynys þat langed vnto þe abbay, so at þer wyne had nowder colour nor savor. And þe abbott, seyng þis, trowed̛ þat it come for somwhatt at God was displesid̛ with þaim fore. And he went vnto a holie mayden̛ þat hight Acelina, & besoght hur mekely at sho wold̛ aske in hur prayers of almyghti God̛, at sho mot know be reuelacion̛ what was þe cauce here-off; and so sho did̛. & it was ansswerd̛ hur be allmyghti God̛, þat it was for þe fraude & þe gyle þat þis celerer did vnto þis pure wedow. And yit it was said̛ mor̛ vnto þaim be almyghti God̛ in þis wise; "Yit I saƚƚ tuche hym̛ with a plage." & so it happen[d] þat a knyght þat wonnyd beside þaim in þatt yere, sodanlie of iƚƚ wiƚƚ, opon̛ a night sett fyre in þer lathis, & burnyd̛ up aƚƚ þer warn-store at þai had of corn̛. And þan̛ þe plage cesid̛, & þe monke shrafe hym̛ clenelie of aƚƚ hys synnys, & come vnto amendment.

Jacobus tellis how at þer was a womman̛, & hur husband̛ gaff hur keys & kepyng of aƚƚ at evur þai had. And sho was so sparand̛, at sho wolde giff nothyng for Goddis sake vnto pure folke, nor vnto þaim at mysterd̛. So at þe laste hur happend to dye, & hur neghburs cowncellid̛ hur husband̛ to dele som̛ almos to pure folke for hur saule. And he ansswerd̛ agayn̛ & sayde; "Whils scho liffid̛ hur selfe, sho wolde nothyng dele nowder for hur selfe, nor for me; & þerfor̛ I wiƚƚ now nothyng dele for hur."

Auaricia eciam a debita oblacione in missa retrahit. Infra de oblacione in offertorio.Auaricia hospitalitatem impedit. infra de hospitalitate.Auarus moriens a pecunia non potest separari. Infra MS. Supra. de Vsurario.Aue Maria non potest demon audire, sed fugit. Infra, demon.Ave Maria liberat a potestate Demonis. Supra de annunciacione.

Jacobus de Vetriaco tellis, how som tyme þer was a religious man̛, and as he was sayand̛ a sermon̛ in a kurk on̛ a tyme, he saw þe devuƚƚ in þe kurk. & þer he adiurid̛ hym̛, & chargid̛ hym̛ on̛ Goddis behalfe, þat he sulde teƚƚ hym̛ his name, & what he was. And þis Deuyƚƚ ansswerd̛ & said̛; "I am̛ a fend̛, & I am̛ callid̛ Claudens Aurem, Ere sparrer. And I hafe other iij felows, and ane is callid̛ Claudens Cor, a noder, Claudens Os, & þe thrid̛, Claudens Bursam. The furst sparis a mans harte, þat he may not hafe contricion̛ for his syn̛. The second sparis his mouthe, þat he saƚƚ not shryfe hym̛, & þe thrid̛ sparis his purs, þat he saƚƚ make no satisfaccion̛ nor dele none almos-dede, at his syn̛ may be forgyffyn̛ hym̛. And I my selfe sparis a mans eris, þat he saƚƚ nott here noo gude prechyng, þat sulde cauce hym̛ to forsake his syn̛."

Jacobus de Vetriaco tellis, how som tyme þer was a husband-man̛ þat wald nott here of almyghti God. So on̛ a tyme hym̛ happend̛ to dye, and when̛ he was born̛ vnto þe kurk, & þe prestis & þe clerkis was besy aboute hys dirige-doyng, in syngyng & redyng aboute his bodie, þe crucifix, at stude vp in þe rude-lofte, lowsyd his handis fra þe rude, & stoppid̛ his eris þat he sulde nott here þaim. And aƚƚ þat was in þe kurk̘, when̛ þai saw þis, had grete mervayle þeroff. And þan̛ þe preste said vnto þe pepuƚƚ; "Know ye whatkyn̛ a tokyn̛ þis is? ye know verelie, þat he this at lies here had neuer wiƚƚ in aƚƚ his life to here þe wurd̛ of Godd̛, nor at no man̛ sulde speke off Hym̛. And þerfor̛ he is now in þe power of þe devuƚƚ; and þerfor þe crucifix now stoppis his eris, þat he here nott þe prayers þat we syng & say for hym̛." And so þai aƚƚ lefte þer prayers & wolde pray no more for hym̛; & þan̛ the crucifix putt vp his armys as þai war befor. et c̛.

Audire missam est multum vtile. Infra de Incepcione.

We rede in 'Historia Ecclesiastica' how on̛ a tyme Herodes Agrippa come vnto Rome, & þer he was passand famyliari with one þat hight Gayus, þat was þe Emperour̛ cussyn̛. So on̛ a day, as Herod was in a chariott with þis Gayus, Herod lifte vp his handis vnto hevyn̛ & said̛; "Wold̛ God at I mott se yone alde man̛ deade, þat is Emperour, & at þou war lorde of aƚƚ þis werld̛." And when̛ he had hard̛ þis Herod̛ say so, he went vnto Tyberius, þat was Emperour, & tolde hym̛. And he wex passand wrothe þerwith, & garte putt Herod in prison̛ þerfor̛. So on̛ a day as þai satt in prison̛, he & his felous, þai war war of ane owle sytt in þe bewis of a tre. & þan̛ one of þaim, þat was wiseste of þaim aƚƚ, said̛ vnto Herod̛; "dowte þe noȝt, for þou mon̛ sone be delyverd̛, & be so gretelie enhawnsid̛ & þai þat er þi frendis sal be þine enmys; & in þis prosperitie þou saƚƚ dye." So with-in a little while after, þis Tyberius dyed̛, and þis Gayus was chosyn̛ Emperour. And he tuke vp þis Herod oute of prison̛ & gretelie enhawnecid hym̛, & made hym̛ þe chefe kyng in aƚƚ Iurie.

Josephus tellis þat when̛ Herod̛ come vnto Cesarie & aƚƚ þe men̛ of þe contre come vnto hym̛, he had on̛ clothyng of clothe of golde & syluer. So on̛ a day he satt in þer mote-haƚƚ, & þe son̛ bemys shane opon̛ his clothyng. & þai þat saw hym̛ thought at þer was ij sonnys, one at schane on̛ hym̛, & a noder at shane oute of hym̛; & so þai tuke a grete ferdness for hym̛, to so mekuƚƚ at þai said̛ on̛ þis maner of wise; "hedertoward̛ we dred yone man̛ bod as a man̛, bod fro hyne-furtℏ we saƚƚ wurshupp̛ hym̛ abown̛ þe natur of man̛"; vnto so mekuƚƚ þat, þurgℏ þe adulacion̛ of þe pepyƚƚ, he supposid̛ hym̛ selfe more for to be a god þan̛ a man̛. So on̛ a day as he satt vnder-nethe a tre, he was war of ane owle syttand in þe tre abown̛ his head̛; and þerby he wiste þat he sulde sone dy, & said̛; "Lo! surs, I, þat am̛ your lord̛, mon̛ now dy." For he knew be þe sight of þis owle, þat he sulde dy with-in v dayes after. And onone he was smytyn̛ with seknes, and v dayes wormes knew hym̛ so in his bowels þat at þe laste he MS. de. expired̛ & dyed̛.

We rede how on̛ a tyme þer was a man̛ þat had a grete deuocion̛ vnto Saynt Austin̛. & on̛ a tyme he come vnto a monk þat kepid̛ Saynt Austyn̛ shryn̛, & gaff hym̛ a grete dele of money, & besoght hym̛ to giff hym̛ a fyngre of Saynt Augustyn̛. And þis monke [tuke] a noder dead mans fynger & wappid̛ it in a sylken̛ clothe, & gaff hym̛ it & tolde hym̛ þat it was Saynt Austyn̛ fynger. And he tuke it with grete reuerens, & alway wurschippid̛ it als deuotelie as he cuthe, & wolde putt it to his mouthe, his eyn̛ & vnto his breste. So almighti God, seyng þe faitℏ of þis man̛, als wele mercifullie as mervaluslie, gaff vnto þis man̛ a fynger of Saynt Austyn̛. And he went home þerwith in-to his contretℏ; & þer it did̛ grete meracles, vnto so mekuƚƚ at þe fame þerof come vnto þe monasterie þer Saynt Austyn̛ was shrynyd̛. And þe Abbott examynd̛ þis monke þerof, & he said̛ at it was bod a dede mans fynger at he gaff hym̛, & not Saynt Austyns. And þe Abbott & his brethir oppynd̛ his fertir & lukid̛, & fand̛ þat a fynger of his was away. & when̛ þe abbott knew þe treutℏ, he putt þis monke oute of his offes, & punysshid̛ hym̛ grevuslie for þat at he had done.

When̛ Saynt Austyn̛ liffid̛, vppon̛ a tyme as he satt redand̛ on̛ a buke, he was war of a fend̛ berand̛ a grete buke in hys armys. And Saynt Austyn̛ Austyn̛, omitted and added above the line. adiurid̛ hym̛, & chargid̛ hym̛ on̛ Goddis behalfe at he sulde teƚƚ hym̛ whatt was wrettyn̛ in þat buke. & he said̛ þer was wrettyn̛ mens syns. & Saynt Austyn̛ chargid̛ þat [fend], & þer war wretten̛ any of his syns, þat he sulde latt hym̛ se þaim, at he myght rede þaim. & he shewid̛ hym̛ þe buke, & he cuthe fynd̛ nothyng þer wretten̛ of hym̛ selfe, bod at a tyme he had forgetten̛ to say his evynsong. & he commaundid̛ þis fend̛ þat he suld̛ abide þer stiƚƚ vnto he come agayn̛. & he went into þe kurk̘, & devoutelie sayd̛ his complyn̛ & divers other gude orysons & prayers, & þan̛ he come agayn̛ & chargid̛ þis fende to latt hym̛ se þat place agayn̛ in þe buke. And þis fend̛ turnyd̛ þis buke ouer & ouer & soght it, bod he cutℏ not fynde nothyng bod a voyde place. And þan̛ he was wrothe, & said̛ vnto Saynt Austyn̛; "þou hase fowlie deseyvid̛ me. Me forthynkis now at evur I shewid̛ the my buke, for be þe vertue of þi prayer þou hase done away þi syn̛." And with þis he wanysschid̛ away & was confusid̛.

We rede how on̛ a tyme þer was a womman̛ þat mysterd̛ cownceƚƚ, & sho come vnto Saynt Austyn̛ & fande hym̛ at his studie. And sho come vnto hym̛ & salusid̛ hym̛, & he wold̛ nowder luke on̛ hir nor ansswer hur. And sho stude stiƚƚ & vmthoght hur, & trowid̛ þat for his halynes he wold̛ not behold̛ a wommans face. And sho come ner hym̛ and̛ told̛ hym̛ hur erand̛, and he wolde not ansswer̛ hur nor als mekle as ans move hym̛. And when̛ sho saw þis, sho went away fro hym̛ with grete sorow & hevynes. And on̛ þe morn̛ after, when̛ he had said̛ his mes & þe same womman̛ was þer-att, after þe sacryng-tyme sho was ravisshid̛ in hur spyritt, and sho thoght þat sho was afor̛ þe iugement of almighti God̛; and þer, as sho thoght, sho saw Saynt Austyn̛, faste disputand̛ of þe ioy of þe holie Trinytie. & as hur thoght, þer was a voyse at said̛ vnto hur; "when̛ at þou come vnto Saynt Austyn̛, on̛ þis maner of wyse he was disputand̛ of þe ioy of þe holie Trynytie; and þat he thynkys on̛ wele enogℏ. Bod go now vnto hym̛ boldlie, & þou shaƚƚ fynd̛ hym̛ meke enogℏ, and he saƚƚ giff þe gude cownceƚƚ." & sho did so; & he harde hur with gude wiƚƚ & gaff hur his beste cownceƚƚ.

Som tyme þer was a man̛ þat was ravisshid̛ in his spiritt, & he saw many Saynttis in grete ioy; & emangis aƚƚ oþer hym̛ thoght þat he cuthe not se Saynt Austyn̛. And he spyrrid̛ one of þe Saynttis whar Saynt Austyn̛ was, and he ansswerd̛ agayn̛ & sayd̛; "Saynt Austyn̛ is in a hy place; þer he is disputand̛ of þe ioy of þe holie Trinytie. Thus men̛ may Se þat he is a holie Saynt."

Petrus Clunacensis MS. Climacensis. tellis how som tyme þer was a knyght þat was in purgatorie, whilk þat was a gude man̛ & luffid wele for to herber pure folk̘; bod whils he liffid̛ he had a grete delectacion̛ to layke with fewlis; and when̛ he was purgid̛ in purgatorie of aƚƚ his oþer synnys, þat for þis syn̛ þer come evur vnto hym̛ a thyng like a burde, & gretelie turment hym̛. et c̛.

Cesarius tellis how som tyme þer was a burd̛ þat was lernyd̛ to speke. So on̛ a tyme sho flow away in þe feldis, & þe Goshalk sewid̛ after hur & wold̛ hafe kyllid̛ hur. And when̛ sho saw hym̛ com̛, as sho was lernyd̛ at home, sho began̛ to cry, & sayd̛; " Sancte Thoma ! adiuua me ! A ! Saynt Thomas, helpe me!" And onone þis goshalk feƚƚ down̛ dead̛, and þis burd̛ esskapid̛ & had none harm̛. Lo ! surs, what vertue it is to caƚƚ on̛ Saynt Thomas, martir of Cantyrbery, in any tribulacion̛ !

The Cronycles tellis how som tyme þer was a bisshopp̛ of Arryans Harl. MS. episcopus arrianus. , and on̛ a tyme he baptisid̛ a man̛ þat hight Barba. And he said̛ in þis maner of wise; " Baptizo te, Barba, in nomine patris per filium, in spiritu sancto per filium et spiritum sanctum," to þe purpos þat he wold̛ shew whilk of þaim was leste. And sodanlie þe watir was away, and he þat sulde hafe bene crystend̛ ran̛ vnto þe kirk̘, & was cristend̛ þer.

Valerius MS. We rede how þat Valerius, when̛, &c. . We rede how þat when̛ þer was a varyans emang þe senaturs of Rome, whethir of ij men̛ at was ordand þerto sulde be sent for a speciaƚƚ erand̛ vnto þer captan̛, So þai vmthoght þaim at þai wold̛ aske cownceƚƚ att Supercipius For Scipio. Affricanus, at was a lernyd man̛ & dwelte emang þaim. And so þai dyd̛, & þai aƚƚ abade of his ansswer. And when̛ he saw þies ij men̛, of whilk þe tone sulde be sent furtℏ þis message, he consydurd̛ at þe tone of þaim was pure & covatus, & þe toder ryche & sparand̛ & bod a chynche, [&] he sayd vnto þe senaturs in þis maner of wyse; "Me plesis not at nowder of þies sulde be sent þis message; ffor þe tane of þaim hase noght, and no maner of þing is enogℏ vnto þe toder; & þerfor̛ sucℏ men̛ sulde be no baillays, nor go no messagies."

We rede how on̛ a tyme Tyberius Cesar askid̛ Josephus whi he wold̛ not change ofte his Baillays & his servandis, [&] he ansswerd̛ agayn̛ & sayd̛ þat he wold̛ spare þe peple; ffor baillays & servandis þat er long in offes hase ans enogℏ, & wiƚƚ not aƚƚ-way be gaderhand̛ vnto þer selfe; & euer þai þat er putt in of new er gredye, & gaders samen vnto þerselfe aƚƚ þat evur þai may. "And þis," he said̛, "I can̛ shew you be exsample of a man̛ þat was wowndid̛ & lay in þe way. And a grete multitude of fleis come vnto his wownd̛ & satt þer-on̛ & bate hym̛; & he was so sore þat he myght nott remew þaim away. So þer come a man̛ & fand̛ hym̛ & had compassion̛ on̛ hym̛, and onone he drafe away þies fleis & killid̛ þaim at satt vppon̛ his wownd̛. And þan̛ þe wowndid̛ man̛ said̛ vnto hym̛ on̛ þis maner of wise; 'Thow hase done me ane iƚƚ turn̛, ffor þe fleis at þou hase slayn̛ & dongen̛ away war now fillid̛ with my blude, & þerfor̛ evur þe langer þai wold hafe bytten̛ me þe les. Bod þe fleis þat wiƚƚ com̛ vnto my wownd̛ of new, wiƚƚ bite me war & þai wold̛ hafe done; & þerfor̛ me had levur at þai had byddin styƚƚ, [þan] þatt other̛ þat er hongry suld̛ com̛ & pryk me war þan̛ þai did̛.'" et c̛.

We rede in 'Libro de Dono Timoris,' how þat MS. þan. on̛ a tyme a philosophur, when̛ he saw a thief led to be hanged̛ with a baillay, this philosophur said̛; "Lo! þe gretter thieff ledis þe les thieff to hangyng." And so it happens oft sithes now-of-dayes; ffor commonlie þe lytle þieff is hanged, Bod his resettyr & his mayntynnuer is savid̛. et c̛.

Som tyme þer was a ballay of a grete lordshup̛, þat made a feste grete and̛ costios vnto þe weddyng of a son̛ of his. So þer was a tenand̛ in þe lordshup, þat had a grete cauce þer in þe cowrte to be determynd̛ befor̛ þe Stewerd̛. And agayn̛ þis baillay son̛ sulde be wed, he come vnto þe baillay & said̛; "Sur, I pray you stand for me befor̛ þe stewerd̛ in þe courte, at I may hafe ryght, & I saƚƚ giff you a fatt cow to your son̛ weddyng." & he tuke þe cow & sayd̛ þat he suld̛. So þis mans aduersarie harde teƚƚ here-off, and he come vnto þis baillay wyfe & gaff hur a fatt ox, & besoght hur at sho wold̛ labur vnto hur husband þat he wold̛ ansswer for hym̛ agayns̛ his aduersarie in þe courte. And sho tuke þe cow & laburd̛ vnto hur husband̛, & he promysid̛ hur at he suld̛ fulfiƚƚ hur entent. So bothe þe parties come into þe courte afor̛ þe Stewerd̛, & put furtℏ per cawsis, & þe baillay stude stiƚƚ & spak not a wurd for nowdur of þaim, vnto so mekyƚƚ at he þat gaff þe ox was like to be castyn̛. And þe man̛ þat gaff hym̛ þe ox said̛ vnto þe baillay; "Sur, whi spekis nott þe ox?" and þe baillay ansswerd̛ hym̛ agayn̛ & sayd̛; "ffor suthe! þe ox may nott speke, ffor þe cow is so fayr & so gude þat sho wiƚƚ nott latt hym̛ speke."

Hec fabula valet ad quoscumque iudices, et quod̛ munera peruertunt iudicium, et quod̛ mulieres sepius optinent magis quam viri.

We rede how som tyme þer was a holie hermett, þat saw þis Basilius on̛ a tyme walk in his pontificaƚƚ abbett; & he þoght dedeyn̛, & had a dispyte þeratt, & demyd in hym̛ þat he had a delectacion̛ & a pride in þis clothyng. So sodanly þer come a voyce vnto þis hermett, & sayd on̛ þis wise; "Thow hase more delectacion̛ in grapyng of þi catt tayle, þan̛ Basilius hase in his gay pontificaƚƚ clothyng." et c̛.

Basilius Iuuenem a diabolo eripuit. Supra de amore.Basilius mortem Iuliani apostate procurauit. Infra de vindicta.

We rede þat when̛ Saynt Basyƚƚ was seke & drew nere vnto his deadward̛, he commandid̛ to gar feche vnto hym̛ on̛ þat hight Josepℏ, þat was a Iew, whome þat he had sene be reuelacion̛ at sulde be a crysten man̛. And þis Josepℏ was passand̛ connyng in grapyng of þer vaynys at war seke, and he come vnto hym̛ & felid̛ his After his, fel, erased. vaynys. And Saynt Basiƚƚ askid̛ hym̛ how hym̛ thoght of hym̛ , & he ansswerd̛ agayn̛ & sayd̛ MS. repeats, from &, to sayd. ; "Sur, þou saƚƚ dye or þe son̛ sett." And þan̛ Saynt Basƚƚ sayd̛; "what & I dye nott or to-morn̛?" And þis Jew said̛; "Sur, þat may not be; for þou erte bod a dede man̛; for vnnethis wiƚƚ þi life & þi saule byde samen ane howr̛." Than̛ Saynt Basiƚƚ sayd vnto hym̛; "what wiƚƚ þou say & I liff vnto to-morn̛ at vj of þe clok̘?" And þan̛ þis Jew ansswerd̛ agayn̛ & said̛; "and þou liff, I wote wele þat I mon̛ dye." And þan̛ þe Saynt ansswerd̛ hym̛ agayn̛ & said̛; "fforsuth þou sais suthe, for þou saƚƚ dye fro syn̛ and liff vnto Cryste." And þe Jew ansswerd̛ hym̛ agayn̛ & sayd̛; "I wote what þou says, and if þou liff so saƚƚ I do." Than̛ þis holie man̛ made his prayer vnto almyghtti God̛ at his life mott be ekyd̛, at þat man̛ mott be savid̛. So þis Jew went his wayes & come agayn̛ on̛ þe morn̛, and fand̛ þis holie man̛ liffand̛. And he feƚƚ down̛ on̛ his kneis and wurshuppid̛ crystemmens Godd̛. And þan̛ þis holie man̛, yitt als iƚƚ as he myght, rase up̛ & went vnto þe kurk̘, & baptisid̛ hym̛ his awn̛ handis. And when̛ he had done, he went home agayn̛ & layed̛ hym̛ down̛; and abowte none of þe same day he passyd̛ vnto almighti God̛.

We rede how þer was a womman̛ þat wrate aƚƚ hur synnys in a byƚƚ; and emangis aƚƚ oþer sho wrate a grete syn̛ at sho had done, & þis byƚƚ sho delyverd̛ vnto Saynt Basyƚƚ & prayed hym̛ to pray for hur þat hur synnys myght be forgiffen̛ hur. And he sett hym̛ down̛ on̛ his kneis & made his prayers for hur. And þan̛ he oppynd̛ þis byƚƚ, & þis womman̛ with hym̛, and aƚƚ hur synys war away, out-take þis grete syn̛. And þan̛ sho prayed̛ hym̛, þat as he with his prayers had getten̛ hur forgifnes of aƚƚ hur oder synys, at he wold̛ so pray for hur att sho mott be forgiffen̛ of þat syn̛. And he bad hur go away from̛ hym̛, & sayde he was a synner & mysterd̛ forgyfnes of his syn̛ als wele as sho did̛. And sho wolde nott away, bod abade stiƚƚ criand̛ on̛ hym̛ to pray for hyr MS. hym̛. . And he bad hur go vnto Saynt Effrem̛, & he myght grawnt hur at sho askid̛. And when̛ sho come att Saynt Effrem̛ & told̛ hym̛, he sent hur agayn̛ vnto Saynt Basyƚƚ & bad hur go fast, at he wer nott dead or sho come. And when̛ sho come, men̛ was berand̛ hym̛ vnto his grafe. And þan̛ sho began̛ to cry & said̛; "aƚƚ-myghti God deme betwix þe & me; for when̛ þou might hafe prayed for me, þou sent me vnto a noder." And sho keste þis biƚƚ vpp[on] his bere, & with-in a while sho tuke it agayn̛ & opynd̛ it, and fande aƚƚ hir syn̛ clene done away oute þeroff.

Bede presbiteri. Infra de predicacione. I.

We rede how þat Cesar Augustus, þat was moste noble in batayle, euer denyed to take bateƚƚ on̛ hand̛ bod if it war mor̛ for hope of avayntage þan MS. þat. drede of harm̛. For he saide þat in were a little profett myght nott make amendis vnto þe grete harm̛ þat commys of feghtyng; "ffor," as he said̛, "& a man̛ fysshid with a huke aƚƚ of gold̛ & gatt a little fyssℏ, & at þe laste his huke war broken̛ away, þe takyng of þat fysscℏ myght not make amendis vnto þe los þat he had of his golden̛ huke."

Justinus tellis how þat kyng Alexander chose not to go with hym̛ in his weris yong men̛, nor þaim þat was in þe MS. þer. flowr̛ of þer youthe[d] MS. youther. , bode alde knyght[is] þat war wise, & had vsyd batels & cuthe gyff gude cownceƚƚ, at had bene in weris with his fadur. And suche men̛ he trustid̛ for gude knyghtis & made þaim maisters of his chyvalrie. And he sayde þat in batayƚƚ a man̛ sulde nott þink of cowardness nor of fleyng away, bod rather of havyng victorye, and at a man̛ suld̛ giff no truste vnto his fete, bod vnto his wapyn̛ þat was in his hand̛.

We rede how on̛ a tyme when̛ þe grete Emperour Henrie at a grete cetie held̛ his whisson-tyde, a little befor̛ mes, when̛ þai sett burdis in þe haƚƚ, þer began̛ a grete fray, so þat grete blude was shed betwix þe chamberlayns of þe archbysshopp̛ & þe Abbott of Sulden̛; and aƚƚ for ather of þaim wold̛ hafe sett þer lordis sete next þe Emperour sete. For þe Abbott of Suldan̛ fyndyn̛ vnto þe emperour when̛ hym̛ mysters, LX Ml of harnessid̛ men̛. And her̛for he had a privalege of old tyme grawntid̛, þat he sulde att grete festys sytt nexte þe Emperour on̛ his right hand. So þe partis onone war stillid̛ & þe mes begon̛. And when̛ þai war att þe laste end of þe sequens, & had songen̛ þis vers; " hunc diem gloriosum fecisti"; onone aƚƚ þat was in þe kurk hard̛ a voyce say þus; " hunc diem bellicosum Ego ffeci." And in confusion̛ of þe fend̛, þe Emperour garte begyn̛ þe sequens agayn̛ with grete deuocion̛; & aƚƚ þe meate at was ordand̛ for hym̛ & his meneya, he garte dele it furth-with vnto pure men̛ for Goddis sake. et c̛.

Bellare possunt religiosi cum armis Latin MSS., sine armis. in spe diuini auxilij, defendendo ius summum. Infra de Religioso.Bellare nesciunt homines concordes. Infra de Concordia.Bellant eciam aliquando post mortem inimici. [ Reference from Lat. MSS. Infra de Odio.]

Damianus tellis how som̛ tyme merchandis of Venys wer opon̛ þe se, & gretlie vexid̛ with stormys, so at þai wyste neuer whar þai war. So att þe laste þai fand̛ ane Ile in þe see, & þer þai landid̛ & tuke þaim ffressch water & wud, & sucℏ as þaim nedid̛. And þai cuthe fynd no creatur þer bod wilde bestis. So at þe laste, as a meneya of þaim went vp in a cragg to gett þaim wud̛, þai fande how þat a dragon̛ had taken̛ a lyon̛ & wold̛ hafe devowrid̛ hym̛ & drawen̛ hym̛ into his den̛; and þai feƚƚ on̛ þis dragon̛ with þer wapens & kyld̛ hym̛, & delyverd̛ þe lyon̛ & lete hym̛ go. And evur-ilk day als lang as þai lay þer, þis lyon̛ was nott vnkynd̛, & he broght þaim owder a swyne or a schepe new slayn̛, a little befor none of þe day, evyn̛ in þe skyn̛ as he had taken̛ itt. Lo! how frendlie ane vnresonable beste rewardid̛ þaim þat did̛ hym̛ gude & savyd̛ his lyfe. et c̛.

Seneca tellis þat he þat hase benefice in giffyng sulde do as þai do at playes at þe baƚƚ; for & a man̛ caste a baƚƚ fro hym̛ to a noder, & he to hym̛ agayn̛, No doute, of patten̛ from̛ þe tone of þaim it wiƚƚ faƚƚ vnto þe ertℏ. Bod a gude player wiƚƚ vmwhile caste þe baƚƚ ferrer & vmwhile nerrer, at he at is a gude player may play with hym̛. Right so sulde it be betwix hym̛ þat giffis þe benefis & hym̛ þat takis it, for he þat giffis it suld̛ se þat he þatt he gaff it to war able for to take it, & kepe it fro þe erthe; þat is to mene, þat he cuthe reule it to þe plesur of God̛.

Beneficia acquisita male malum exitum habent. Infra De Blasfemia.Beneficia multa eciam prestat deus MS. here repeats, eciam. inuitis. Infra Inuitus.

We rede how þat þer was som̛ tyme a holie mayden̛ in a monasterie of virgyns. And on̛ a day as sho went into hur garthyn̛, sho saw ane herbe þat is callid̛ letes, and sho desyrid̛ to eate þeron̛ gretelie; & sho tuke þerof & blissid̛ it nott & ete þer-on̛, for sho forgatt at bliss it. And onone sho was taken̛ with a fend̛ & feƚƚ down̛; and þer come vnto hur a holie man̛ þat hyght Equirius, & purseyvid̛ þat a fend̛ was in hur, & commandid̛ hym̛ to go oute of hur. And þan̛ þis fend̛ cryed̛ & said̛; "Allas! whatt hafe I done? I satt opon̛ þe letes, & sho come & tuke me vp̛ & bate me." & vnnethis for aƚƚ þis holie mans commandment, wald̛ he go oute of hur. et c̛.

Saynt Gregur tellis how on̛ a tyme opon̛ passℏ day þer was a gude holie preste, & ordand̛ hym̛ bettyr meate in wurshup̛ of þe day. And our Lorde apperid̛ vnto hym̛ & sayd̛; "Thow ordans delicious meattis for þi selfe, & my servand Benett, in such a place, suffres grete honger." And onone þis preste rase & tuke meatt with hym̛ & soght hym̛. And at þe laste with grete labur & sekyng he fand hym̛, & sayd vnto hym̛; "Ryse, & lat vs take vs meate & drynke to-gedur, ffor þis day hafe I broght þe meatt, and it is passcℏ day." And he ansswerd̛ agayn̛ & sayd̛, "I knaw wele þat þis day is passcℏ day, ffor cauce att þou erte commen̛." And he had bene so lang oute of mans felaschup̛ þat he had̛ clene forgetten̛ what day att passℏ day was. Than̛ þis preste said vnto hym̛; "fforsuthe þis day is þe solempnitie of þe resurreccion̛ of our Lord̛, and þerfor̛ as þis day it acordis nott for þe to lyff in abstinens; ffor I was sent vnto the and bedyn̛ bryng þe meatt." And þan þai bothe thankid̛ almyghti God & sayd̛ þer prayers, & tuke þaim meat to-gedur in wurshup̛ of þe resurrecion̛ of our Lord̛. et c̛.

We rede how som̛ tyme þer was a monk þat hight Gregorie, and in no wise he myght nott lang abyde att dyvyne serves, nor at his prayers, bod evur when̛ his other brether sayd̛ þer prayers or þer serves, onone he went furtℏ and made hym̛ to do som̛ other labur. So on̛ a tyme his Abbott, Saynt Benett, was war of a lytle blak boy led hym̛ oute be þe shurte of his clothis. So on̛ a day when̛ he went furtℏ, & þis lurdan̛ led hym̛ oute, þan̛ Saynt Benett strake þis yong monk with a wand̛ & bad hym̛ go in agayn̛, & abide in his prayers as his other brethir did̛. & so for ferd̛ of þis strake of Saynt Benett, þis fende at was in a blak boy lyknes durst nevur after com̛ & feche hym̛ furthe. et c̛.

Saynt Gregur tellis þat on̛ ane evynyng when̛ þis holie man̛ was at his supper, þer stude befor̛ hym̛ a yong gentylman̛ þat come of a hy kynrid̛, & helde þe candyƚƚ. So þis yong man̛ was prowde, & þoght scorn̛ þat he sulde hold̛ þe candyƚƚ, & sayd̛ with-in hym̛ selfe on̛ þis maner of wyse; "what is he þis at syttis att supper & I holde candeƚƚ vnto and duse sucℏ serves? what am̛ I þat I sulde seryff hym̛ þis?" and þan̛ þis holie man̛ sayd̛ vnto hym̛; "Bruther, Cros & mark þi harte! what is þat att þou spekis vnto þi selfe?" and he callid̛ one of his brethir & commanddid̛ hym̛ to take þe candiƚƚ fro hym̛ & halde it, & commawndid̛ hym̛ to go vnto hys chambre & take his reste. & þis yong man̛ was so asshamyd̛ þat he knew his thoght, þat neuer after he was prowde nor thoght disdeingne to done hym̛ serves. et c̛.

We rede how on̛ a tyme as Saynt Barnard was prechand̛, and aƚƚ þat was aboute hym̛ lythed hym̛ with gude deuocion̛, þer entred into his harte suche a temptacion̛ þat, as hym̛ thoght, rownyd vnto hym̛ & sayde; "Behalde, & se now how wele þou prechis, & how gladlie þatt þe pepuƚƚ heris þe, & how wyse and wyttie þou erte callid̛ in þi prechyng!" And þis holie man̛, felyng hym̛ selfe styrrid̛ with þis temptacion̛, tarid a while in his sermon̛, and or he passyd any forther or made ane ende, he began̛ to wax hevy & pensie for þis thoght. And onone he was comfurthid̛ þurgℏ þe helpe of aƚƚmyghti God̛. And privalie he ansswerd vnto þis temptacion̛ in þis maner of wise; "þou fals temptacion̛! be the I began̛ nott, nor be the I saƚƚ nott end̛." And þan̛ he procedid̛ in his sermon̛ & made a gude ende. And onone þis temptacion̛ recedid away, and he had it nevur after.

We rede on̛ a tyme þat as Saynt Barnard̛ rade in þe contrey, hym̛ happend to be harbard at a gude husband̛ howse. And when̛ þai had suppid, þis husband sayd vnto hym̛; "Sur, what aylis you at ye forsake þe labur þat is in þis werld̛ & gase vnto religion̛? for in your prayers ye may hafe als gude a thoght here as þer." So Saynt Barnard tellid̛ hym̛ many cawsis, & at þe laste he thoght he wold̛ ouercom̛ hym̛, & sayd̛; "Go a little from̛ vs, & say þi pater noster with aƚƚ þe entente & gude deuocion̛ at þou can̛, & if þow end it & þinke of no noder þing or þou hase done, I saƚƚ giff þe my hors; & beheste me be þe faythe of þi bodie, þat & þou thynk̘ of any other þing, at þou saƚƚ teƚƚ me." And þis husband was glad & grawntid̛ here-to, trowyng to wyn̛ þis hors, & went a litle asyde, & baldlie went in hand̛ with his pater noster & sayde it. & when̛ he wa[s] skantlie at þe myddest þerof, a besy thoght smate in his harte, & þat was þis; þat & he wan̛ þe hors, whethur he sulde hafe þe sadle & þe brydiƚƚ with hym̛ or noght. And þis done, with grete contricion̛ he went vnto Saynt Barnard agayn̛, and told̛ hym̛ what þoght come in his mynde in þis prayer-saying: and þus he had not þe hors. & fro thens furthe, he had nevur presumpcion̛ in his mynde of his prayers-saying with-oute temptacion̛ neuer after̛.

On a tyme as Saynt Barnard come into Normundie, a womman̛ come vnto hym̛ & tolde hym̛ þat þe space of vj yere sho was gretlie tempid̛ with a fend̛ to faƚƚ vnto lichorie, euer when̛ sho was in hur bed̛. And ay it bad hur at sho sulde nott teƚƚ Saynt Barnard þeroff. And Saynt Barnard̛ gaff hur his staff, & bad hur þat, when̛ sho went to bed, sho sulde lay itt in hur bedd by hur; and sho did so. & onone he come, bod he myght not com̛ nere þe bedd̛. And þan̛ he thred hur, & said̛ þat when Saynt Barnard was gone he sulde venge hym̛ opon̛ hur. & on̛ þe morn̛ sho went vnto Saynt Barnard̛ & told̛ hym̛; & he garte caƚƚ samen aƚƚ þe peple vnto þe kurk̘, and commawndid þat ilk man̛ sulde hafe a candyƚƚ byrnand in his hand̛. And with aƚƚ þase candels he cursid̛ þis fend & entirditid̛ hym̛, & MS. gaff a commawndid̛. commawndid̛ þat he sulde neuer fro thens furtℏ com̛ att þis womman̛ agayn̛. And þus sho was delyverd̛ fro aƚƚ þis illusion̛ of þe fende.

Som tyme þer was a man̛ þat had a son̛ of xv yere age, whilk þat he luffyd passandlie wele, & broght hym̛ vp tenderlie. And þis childe had in condicion̛ þat when̛ any thyng displesid hym̛, onone he wolde blasfeme þe name of God̛. So þe pestelence come & tuke it, so þat it burd dye. & when̛ he had þe spottys þe fadur held̛ hym̛ vp in his armys; and þis childe saw wykkid spirittis com̛ vnto hym̛-ward̛ & said̛; "helpe fadur!" And when̛ his fadur saw hym̛ quake for drede, he askid̛ hym̛ what at he saw; & he ansswerd̛ agayn̛ & said̛, þat iƚƚ men̛ come vnto hym̛ & wolde take hym̛; & he began̛ to blasfeme almyghti God̛, & with þatt he swelte.

Blasfemus per oracionem eciam post mortem ad penitenciam reuocatur. Infra de Oracione. ij.

Damianus tellis how þat in Burgundie þer was a proude clerk & a covatus. So hym̛ happend, be power at was gyffen̛ vnto hym̛, to take wranguslie vnto hym̛ selfe þe kurk of Saynt Maurys. So on̛ a tyme as he hard̛ mes, in þe end of þe gospeƚƚ he hard̛ þis clauce red̛; " Qui se humiliat exaltabitur, et qui se exaltat humiliabitur," [&] þis wrichid clerk made a skorn̛ þerat & sayd̛ þat it was fals. For he said̛, & he had mekid̛ hym̛ unto hys enmys, he had not had þe riches & þe prophett of þat kurk̘. And furtℏ-with a levynnyng like a swerd̛ went in at þe mouthe of hym̛ þat spak, as he was spekand, & onone it killyd̛ hym̛. et c̛.

Damianus tellis þat at Bolayn̛ ij frendis at wer gossops satt to-gedur samen at meate at a feste; and þai war servid̛ of a boylid̛ cokk̘. & þe tone tuke his knyfe & kutt it in sonder in pecis; & he putt þeron peper & musterd̛. And when̛ he had done, þe toder sayd vnto hym̛; "Gossop̛, þou hase broken̛ þis cokk̘ so þat, & Saynt Petur wolde nevur so, it myght nevur com̛ samen agayn̛." And the toder ansswerd̛ hym̛ agayn̛ & sayd̛; "Not now, & Saynt Petir, bod also & Criste hym̛ selfe wold̛ commawnd̛, þis Cokk̘ sulde nevur ryse." And onone as he had sayd̛, þis cokk̘ starte vpp̛ with his fedurs on̛, & clappid̛ samen hys wengis & krew; & þai mot se clefe in his fedurs aƚƚ þe liquor̛ at was putt on̛ hym̛. & with þe sprenclyng of his wengis, þe peper & þe sauce light vppon̛ bathe thies gosseps, & with þat þai wer streken̛ with a lepre whilk held̛ þaim vnto þer lyvis end̛, & made ane end̛ of þaim.

Cesarius tellis how on̛ a tyme ij men̛ played̛ at þe dyce, and when̛ þe tane of þaim began̛ to lose, he began̛ to wax wrathe with þe toder & speke grete wurdis, & rauie & flite with God̛ for þat he wan̛ nott. And þe toder, when̛ he hard̛ hym̛ flite with God̛ & speke grete wurdis, flate with hym̛ agayn̛ & bad hym̛ hold̛ his tong; & he wold̛ not, bod evur when̛ he loste, blasfemyd̛ owder God or our̛ Ladie. So as þai satt threpand þus, þaim þoght þai hard̛ a voyce aboue þaim þat sayd̛; "I hafe suffred̛ hedur-toward̛ iniurie & wrong to be done vnto my selfe, bod I wiƚƚ nor may not suffre no langer þe iniurie & wrong done vnto my moder." And onone he þis att laste, as he lenyd̛ opon̛ þe tabels, was sodanlie strekyn̛ with a wown̛ þat aƚƚ men̛ myght se, & bafid̛ att his mouthe & swelte.

Bos totus vno die ab uno commestus est. Infra de commestione.Bubo aliquando est signum eventuum futurorum. Supra de augurrio.

Cesarius tellis how som tyme in þe Dioces of Colayn̛, a man̛ þat hyght Theodoricus hurte a tade, & when̛ he had hurte hur sho stude vp ayeyns hym̛ on̛ hur hynderfete; & he waxed̛ wrate þerwith, & tuke ane yrn̛ & slew hur. Bod, att is mervalus to teƚƚ, sho gatt life agayn̛, & in a purpos to venge hur, sho persewid̛ after hym̛; & ans or twyce euer with a spade he smate hur in sonder. At þe laste he burnyd hur, & it profettid̛ hym no thyng; to so mekuƚƚ þat, for ferde of hur, he durste not slepe in no place apon̛ þe erthe, vnto so mekuƚƚ þat on̛ nyghtis he garte hyng his bed att a hy balke. So on̛ a day hym̛ happend̛ ryde on̛ huntyng & a felow with hym̛, & he sett speƚƚ on̛ ende & tolde hym̛ aƚƚ þe cace. Sodanlie he lukid̛ behynd̛ hym̛, & þis tade was clymmand̛ in his hors tayle & walde fayn̛ hafe bene att hym̛, and he began̛ to cry. And his felow sayde; "Be war! for þe devuƚƚ is in þi hors tayle, & wold̛ be up̛ att þe." & he lightyd̛ & slew itt. A noder tyme as he satt at ale emang felowshup̛, he was war of þis tade syttand on̛ a poste in þe syde of a waƚƚ, and onone as he saw hur he cryed̛ & sayde; "lo! surs! yonder is a fend̛ þat I mon̛ nevur be delyvurd̛ of or he venge hym̛ on̛ me." And onone be cownceƚƚ, he nakend̛ þe tane of his legis & lete þe tade com̛ vnto it, & sho gatt hym̛ be þe leg & bate hym̛; & when̛ sho had done, he putt hur of with hys hand̛. And he tuke a rasur, & aƚƚ þe bitt at sho had byttyn̛, he cutt it oute & keste it from̛ hym̛; & onone þis pece bolnyd̛ mervaloslie als grete as a fute-baƚƚ & breste; & þus he was delyverd̛. et c̛.

Canonicus. Canonici debent deuote dicere officium diuinum. Infra de Clerico.Canonicus ad altare pure et munde debet ministrare. Infra de contricione.Canonicus amore mulieris quandoque decipitur. Infra de contricione.Canonico possunt adaptari multa MS. adaptari multi multa. que dicuntur infra de clerico.Canis. Canes aliqui sunt fortissimi. Infra de fortitudine.Canis. Canes diligunt dominos suos. Infra de dileccione.

Jacobus de Vetriaco tellis how þat þer was a preste þat trowid̛ he was a passand̛ gude synger, not-with-stondyng he was not so. So on̛ a day þer was a gentyl-womman̛ þat satt behynd̛ hym̛ & hard̛ hym̛ syng, & sho began̛ to wepe; and he, trowyng þat sho wepid̛ for swettnes of his voyse, began̛ to syng lowder þan̛ he did̛ tofor̛; & ay þe hyer sho hard hym̛ syng, þe faster wepud sho. Than̛ þis preste askid̛ hur whi sho wepud̛ so as sho did̛, and sho ansswerd̛ hym̛ agayn̛ & sayd̛; "Sur, I am̛ a pure gentiƚƚwomman̛, & þe laste day I had no calfe bod one; & þe wulfe come & had it away fro me; and evur when̛ þat I here you syng, onone I remembre me how þat my calfe & ye cried like." And when̛ þe preste hard̛ þis, onone he thoght shame, & remembred hym̛ þat þat þing at he thoght was grete lovyng vnto God̛, was vnto Hym̛ grete shame and velany; & fro thens furtℏ he sang nevur so lowde. et c̛

Cesarius tellis how som̛ tyme þer was a monk̘ at þe Mownte of Cassian̛, þat had a passand swete voyce. So on̛ þe pascℏ evyn̛, when̛ he suld̛ blis þe candyƚƚ of þe pascaƚƚ, he sang it in̛ a moste swete voyce, to so mekuƚƚ þat ilk bodie þat hard̛ hym̛ þoght his voyce was a dulcett melodye. & onone as þe pascaƚƚ was blissid̛, sodanlie it was away, and̛ his prior and his brethir trowid̛ þat it was so taken̛ away sodanlie becauce of his pride & his elacion̛ et c̛.

Cesarius tellis how on̛ a tyme, when̛ clerkis wer syngand̛ & makand a grete noyse, a religious man̛ was war of a fend̛ syttand̛ in a hy place in þe kurk, holdand̛ opyn̛ a grete sekk̘ in his left hand̛. And witℏ his right hand̛ he putt þe voyces of þaim at sang into his sekk̘. So when̛ þai had done þer sang, þai made a grete lawde þerof & a grete commendacion̛. & he þat saw þe vysion̛ ansswerd̛ & sayd̛; "fforsuthe ye sang wele, bod ye fillid̛ a tome sekk evyn̛ fuƚƚ with your sang." And þai had grete merveƚƚ þer-off, and spyrrid̛ hym̛ what he ment, & he told̛ þaim aƚƚ what at he saw, & how. et c̛.

Cesarius tellis of a clark̘ þat som tyme had a swete voyce, to so mekuƚƚ þat men̛ at hard̛ hym̛ syng þoght þat it was a grete delite to here hym̛. So on̛ a day a religious man̛ happend̛ to here hym̛ harpe, and onone as he harde hym̛ he sayd̛ in þis maner of wyse; "This voyce & þis melodie is not of a man̛ bod, rather of þe devuƚƚ." And aƚƚ men̛ mervayld̛ of þis at he said̛, & evyn̛ furthwith he co[n]iuryd̛ hym̛; & þe fend̛ onone went his way, & lefte þe bodie as a dead̛, dry caryon̛; & so þai mott wit at it was a dry caryon̛.

Valerius tellis of one þat was a passand̛ famos poett, þat hight Aurilegus Lat. MSS. Archilegus. ; and for cauce of his oppynyons, þe contre at he dwelte in damnyd̛ his bukys & exilde hym̛ selfe, and aƚƚ be-cauce at his bukys spakk of vnclennes of liffyng & of gestis & enchawntementis. þerfor þai wold̛ nott suffer hym̛ abide emangis þaim, at his bukis suld̛ not be ensample to iƚƚ vnto þer contre afterward̛ when̛ he was dead̛.

Cantare aliquando expedit nouas historias sanctorum. Infra de deuocione. vj.

Johannes Damacenus tellis how on̛ a tyme, att þe cetie of Constantynople, þer was tribulacion̛, & peple went aboute þe kurk̘ in þer prayers to pray God̛ to sese itt; [&] a childe sodanlie emang þe peple was taken̛ vp̛ vnto hevyn̛, & þer he was taght þe sang of þe latenye. And sodanlie he was sett agayn̛ emang þe peple & began̛ þe letany hym̛ selfe, & told̛ þe clerkis how þai sulde syng after hym̛. & So þai did̛; and þis done onone þe tribulacion̛ cesyd̛.

Cesarius tellis how on̛ a tyme in þe Ceustus ordur, when̛ þe psalm̛ was begon̛ in a meduƚƚ voyce, & aƚƚ þe monkis felowd̛ after in þe same voyce, a prowde yong monke began̛ at sett it vp̛ abown̛ þaim iij notis; and þuf aƚƚ þe old̛ monkis resistid̛ hym̛, yit som̛ þat was on̛ his syde feƚƚ in tone vnto hym̛ and̛ helpyd̛ hym̛, and so he requorid̛. & þe old̛ monkis, for disclander of Goddis serves, lete hym̛ alone; and onone þer was sene com̛ oute att his mouthe a fend̛ in lykkenes of a byrnyng yrn̛, & went evur fro man̛ to man̛ þat helpyd̛ hym̛, & burnyd̛ þaim.

Captiuitas. Captiui aliquando miraculose liberantur. Infra de Maria. ij.Carcer. Carceratos soluit beata virgo. Infra de odio. j.Caritatiue et non arroganter debet frater accusari. Infra de inuidia. ij.Caritate deficiente eciam et alia deficiunt. Infra de hospitalitate. iij.Caritate vrgente interdum soluitur ieiunium. Infra de hospitalitate.

Heraclides tellis, in 'Libro Paradisi,' how on̛ a tyme a holie monk̘ þat hight Helyas, þat was a virtuos man̛ & had grete petie & mercye of wommen̛, had vndernethe his gouernance in a monasterie CCC wommen̛. And when̛ he had contynued in þis occupacion̛ ij yere, and was bod of xxxti or xlti yere age, sodanlie he was attempyd̛ with his flessℏ, and onone as he felid̛ þis, he went oute of his monasterie ij dayes in-to wyldernes, & made hys prayer in þis maner of wyse; " Diuine deus meus, et c̛. Lord̛, I beseke þe owder to remefe þis temptacion̛ from̛ me, or els sla me!" So at evyn̛ sodanlie he feƚƚ opon̛ a slepe, & hym̛ thoght þer come vnto hym̛ iij angels þat sayd̛; "Why went þou furtℏ oute of þe monasterie of þies wommen̛?" And he ansswerd̛ & said̛, for he was ferd̛ þat owder he sulde noy þaim, or þai hym̛. And þai sayd̛ þai suld̛ delyver hym̛ of þis drede, and bad hym̛ go home & take charge of þaim agayn̛. And he grawntyd̛ þerto & made þaim ane athe at he sulde do so. And þai layd̛ hym̛ down̛, & one of þaim held̛ his handis & a-noder his fete, & þe thrid̛ with a rasur cutt away bothe his balok-stonys, not at it was done, bod as hym̛ thoght it was done; and þan̛ þai askyd̛ hym̛ if he was any better, & if he was any bettyr þan̛ he was befor̛. And he ansswerd agayn̛ & sayd̛; "I vnderstand̛ þat a hevie burdyn̛ is taken̛ fro me, and þerfor̛ I trow þat I am̛ delyverd̛ of þat at I was fuƚƚ ferd̛ for." And with-in v dayes he went agayn̛ in-to his monasterie, & liffid̛ þerin afterward̛ xlti yere. And as holie fadurs says, fro thens forward sucℏ a thoght come nevur after in his mynde.

Carnales cogitaciones a sanctis beneficia dei auferunt. infra de predicacione. iij.Carnalis cogitacio accepta a sanctis demones letificat. Infra de cruce. ij.Carnalem temptacionem demon frequenter procurat. Supra de Sancto Andrea et eciam vbi agitur de Sancta cruce. ij.Caro mouetur ad modicum tactum mulieris quemque. Infra de Sancto leone.

We rede of olde Thebens Latin MSS. Senex Thebensis. þat was a preste son̛ of þe old̛ law, & on̛ a day as he saw his fadur sacrefie vnto þe ydolsis & fals goddis, he was war of þe devuƚƚ & aƚƚ his chyvalrie standand̛ by; and hym̛ þoght at þe devuƚƚ was sett in chayre, and aƚƚ þis felaschup̛ come afor hym̛ & made þer acommptis of þer wykked̛ temptacions. And one come & sayd̛, þat with-in þat xxxti dayes he had made many men̛ ilk one to sla oþer; and a noder sayd̛ þat with-in xxti dayes he had drownyd̛ many men̛ in þe see; and þe thrid̛ said̛ þat he had bene at a weddyng, & þer he had made ilk one to sla other. And when̛ þai had said̛, he commanddid̛ ilk one of þaim to be betyn̛, fore becauce þai had occupyd̛ so lang tyme & done so litle labur. So at þe laste þer come one & sayd̛ þat he had bene besye xlty [yere] Latin MSS. per xl annos. to stir a monke þat was in wyldernes vnto syn̛, & vnnethis þat same nyght he had stird hym̛ to do fornycacion̛. And þan̛ þe grete devuƚƚ rase oute of þe chayre & kissyd hym̛ & sett his crown̛ on̛ his heade, & sayde þat he was wurthi lovyng, & to be sett in þe chayr, for he had done a grete cure.

Carnali temptacione mediante diabolus virum vel mulierem inducit ad negandum deum. Supra de amicicia. ij.

We rede how som tyme þer was a monke þat was of a grete abstinence & lay in a den̛, & fuƚƚ of vertues & gude liffyng. So on̛ a tyme, be temptacion̛, he tuke a presumpcion̛ & þoght his MS. repeats his. holines come more of hym̛ selfe þan̛ of God̛; [and] þe devuƚƚ on̛ ane evynyng fenyd hym̛ selfe in lyknes of a womman̛ goand wyƚƚ in þe wyldernes, and come vnto his den̛ dure, & callid̛ & said̛ sho was a wery womman̛ & had gane wiƚƚ, & sett hur down̛ on̛ hur kneis & besoght hym̛ to hafe mercie on̛ hur. And, "Sur," scho said̛, "it is now nere nyght, & I beseke þe lat me lig to to-morn̛ in a hyrn̛ of þi den̛, att wylde bestis sla me not and eate me." And he had compassion̛ on̛ hur & graw[n]tid̛ hur. And þan̛ sho went in & tolde hym̛ þe cauce of hur gate wiƚƚ. And with hur fayr speche & hur swete wurdis, sho smate his harte in-to a luste & a lykyng, & sho made hym̛ such cownttenans & flaghter, þat it luste lenyd vnto hur ay mar & mare. So þis monke was so attempyd with hur, þat he rase & tuke hur in his armys & hawsid̛ hur, & þoght to hafe done his luste & his lykyng with hur; & sho began̛ to giff a huge cry & ane vglie, & slippid oute of his handis. And þan̛ he hard̛ a grete multitude of fendis in þe ayr, þat sayde; "O! þou monk, at was so extollid̛ in hevyn̛, how depe now þou erte drownyd̛ in heƚƚ! Vmthynke þe how he þatt heightens hym̛ selfe mon̛ be lawuyd̛." And þan̛ þis monk feƚƚ into a despayr, & was nere-hand evyn̛ wude, & gaff hym̛ selfe vnto aƚƚ vnclennes & syn̛, & efterward̛ dyed in wykkid lyffyng. et c̛.

We rede in 'Vitis Patrum' how þer was a certayn̛ womman̛ þat made beheste vnto yong men̛ þat sho was felowshuppid̛ with, þat sho sulde gett oute ane old̛ holie man̛ oute of his ceƚƚ. And sho come vnto his ceƚƚ & fenyd̛ hur ane erand̛, & he lete hur in; & onone he was strekyn̛ with a concupiscens to syn̛ with hur; and onone as he felid̛ þis, he made a fyre & burnyd̛ þe fyngers of bothe his handys, at þai smertid̛ so at it putt away aƚƚ his temptacion̛. And þis womman̛ layde hur down̛ in a noke of his ceƚƚ & slepyd̛, & in hur slepyng sho dyed̛. And on̛ þe morn̛ þies yong men̛ come vnto hym̛, and þis olde man̛ sayd vnto þaim̛; "wiƚƚ ye se how þis childe & doghter of þe devuƚƚ hase burnyd̛ my fyngers? and lo! whar sho lyes slepand̛!" And þai went vnto hur & wold̛ hafe wakend̛ hur, & þai fande hur dead. And þan̛ þis old man̛ made his prayers vnto almiȝttie God, & raysyd hur fro deade vnto life, & bad hur be a MS. as. gude womman̛, & temp̛ no mor̛ no men̛.

Carnales motus dominandi sunt disciplinis et ieiunijs. Infra de temptacione.Carnalis temptacio aliquando extinguitur orationibus sanctorum. Supra de Agnete.

Heraclides tellis of hym̛ selfe & sais þus; "when̛ on̛ a tyme I was gretelie tempyd̛ with temptacion̛ of my flessℏ, I went vnto a man̛ þat hight Pachonius, þat dwelte in wyldernes a solitarie, and tolde hym̛ my dissese, whilk at I durste not for shame teƚƚ att hame vnto Euagerus, þat was my maister. And he ansswerd̛ me in þis maner of wyse, & sayd̛; 'Be it not vnto þe a new thyng at þou suffers, ffor I hafe bene þis xlti yere in my prayers, & liffid̛ in my ceƚƚ ane old̛ man̛ as þou may see, & evur restreynyd̛ me from̛ þat temptacion̛; and now þis laste xij yere, þat temptacion̛ feƚƚ opon̛ me & wolde neuer away fro mee; and þan̛ I thoght att I was destitute of þe helpe of aƚƚmyghti Godd̛, & þoght þat me had levur dy þan̛ for to concent vnto syn̛. And I nakynd̛ me & went furtℏ of my ceƚƚ & layid̛ me befor̛ a wylde beste, & wold̛ hafe bene devowrid̛ & slayn̛; & sho come & lykkid me from my hede vnto my fete, & went hur way. þan̛ I vmthoght mee þat God wold̛ spare mee, & I turnyd agayn̛ vnto my ceƚƚ; and þan̛ with-in a while after, þe devuƚƚ transfygurd̛ into liknes of a fayre damyseƚƚ þat I had̛ sene befor̛, & com̛ vnto me & sat down̛ on̛ hur kneis afor̛ me, & stirrid̛ and̛ movid me so, at I had nere-hand̛ desyrid̛ to hafe had at do with hur. So at þe laste I vmthoght me & I wex wrathe with hur, & gaff hur a grete strake with my right hande; & onone sho vanysshid̛ away. And þan̛ I went vnto wyldernes, & þer I fande a serpent, & I tuke it vp̛ in my hand̛ & fretid itt, & put it vnto my membres, to th'entente þat I mot be peryssched̛ with þe bytyng þeroff. And sho wolde nothyng bite me. And þan̛ I hard̛ a voyce at sayd̛ vnto me; 'Go hame & withstand̛ þi temptacion̛, ffor almiȝti God hase sufferd̛ þe to be tempid̛ becauce at þou sulde know þine infirmyte & þi frelenes, and at þou sulde beseke God for to helpe þe.' And þan̛ I went home vnto my ceƚƚ, & contynowid̛ in MS. repeats, in. my prayers, & bade in a faste belefe þat þurgℏ þe helpe of aƚƚmyghtie God̛ I mott with-stond̛ temptacion̛; & so I thank God I hafe done hedur-toward̛.'"

We rede in 'Vitis Patrum' how þer was a bruther þat gretelie was turment with mynd̛ of a womman̛ þat he saw som tyme. So on̛ a tyme a noder bruther of his come & tolde hym̛ at sho was dead̛; and on̛ þe nyght after he come þer, he hard̛ teƚƚ sho was berid̛, & he grufe down̛ vnto hur & beheld̛ þe fayr clothe at sho was wappid̛ in, and he tuke hur vp̛ & had hur vnto his ceƚƚ. And a litle while after sho began̛ to stynke, and he tuke hur oute & sayd̛, when̛ he lukid̛ on̛ hur; "Lo, flessℏ! now þou hase desyre, ffyƚƚ now þi luste on̛ hur!" And on̛ þis maner of wise he chastid̛ hym̛ selfe many day, vnto hym̛ iƚƚ temptacion̛ went away from̛ hym̛.

Carnales motus per lesionem corporis quandoque sunt reprimendi. Infra de castitate. v.

We rede of a man̛ þat hight Paphencius, how on̛ a tyme he liffid̛ so straytlie many yeris, so þat he trowid̛ he was delyverd̛ fro flesshlie concupiscens, & vnto so mekuƚƚ þat he was so strang in his selfe, þat he mott withstond̛ any temptacion̛ of þe devuƚƚ. So on̛ a tyme he had burnyd̛ his hand̛ iƚƚ, & his brethir come & made a medcyn̛ & layd̛ þer-vnto; and he made grete sorow & was passand̛ hevie þat be instigacion̛ of þe devuƚƚ his hand̛ was burnyd̛; and after þis hevynes he feƚƚ on̛ slepe, and ane angeƚƚ aperid̛ vnto hym̛ & sayd̛; "Whi erte þou hevie, sen̛ þou may not suffer a little burnyng of erdlie fyre, & kepis in þi selfe a movyng of a flesslie luste? Go & take a naked fayr mayden̛ & se hur ons, & if þou fele þi harte for to be in tranquillite & reste, Than̛ þou may wele wete þat þou may, with-oute grete hurte, suffre a little burnyng of fyre." et c̛.

Gregorius Nazarenus tellis, when̛ he duelie kepid̛ hym̛ in chastitie & was bod̛ a yong man̛, & lernyd̛ philosophi att Athenys, he saw in a dreme, as hym̛ thoght he saw syttand̛ by hym̛ redand̛ ij fayr wommen̛, one on̛ his right side & a noder on̛ his lefte syde. And hym̛ MS. me. þoght he Under he, I, erased. durst not for brekyng of his chastite behold̛ þaim, nor he durst not aske þaim whyne þai come nor what þai wold̛. And þai beheld̛ hym̛ & sayd̛; "yong man̛! be not hevie, for þou knowis vs wele enogℏ; ffor þe tone of vs is wisdom̛ & þe toder is chastite, and we erte sent hedur to dweƚƚ with þe; ffor þou hase ordand̛ for vs in þi hard̛ harte a ioyfuƚƚ habitacle & a merie."

Jeronimus tellis how þer was som tyme MS. inserts, man, here. a noble man̛ þat hight Duellus, & he was ane alde man̛ & a wayke of bodie, & he wed a maydyn̛ þat hight Yliana. So on̛ a tyme his neghburs & he feƚƚ at debate, & ane of þaim vpbrayed̛ hym̛ & sayd̛ his ande stynkyd̛, & his mouthe, & said̛ his yong wife was iƚƚ warid̛ on̛ hym̛. And he was displesid̛ þer-with & went hame. And onone as his wife saw his cowtenans, sho askid̛ hym̛ whi he was so hevie; and he blamyd̛ hur & said̛ he was wrothe with hur becauce sho wold̛ neuer sen̛ þai wer wed̛ teƚƚ hym̛ at his ande stynkid̛; for, he said̛, & sho had tellid̛ hym̛ he suld̛ hafe done som̛ medcyn̛ þerfor to distroy itt. And sho said̛; "Sur, I sulde hafe done so, bod aƚƚ oder mens and̛ duse so as yours duse." et c̛.

Castitatis violatores eciam aves puniunt. Supra de adulterio.Castitatis amore vita corporalis contempnitur. Infra de virginitate. I.Castitatis amore propria patria relinquenda est. Infra de Clemente. iij.

Jacobus de Vetriaco tellis Tellis, repeated and erased. how som tyme þer was a myghti prince þat was fowndur of a nonrie þat stude nere-hand̛ hym̛; & he covett gretelie a fayr non̛ of þe place, to hafe hur vnto his lemman̛. & notwithstondyng, nowder be prayer nor be gyfte he cuthe ouercom̛ hur; & at þe laste he tuke hur away be strang hand̛. And when̛ men̛ come to take hur away, sho was passand̛ ferd̛, & askid̛ þaim whi þai tuke hur oute of hur abbay more þan̛ hur other sisters. And þai ansswerd̛ hur agayn̛ & sayd̛, becauce sho had so fayr een̛. And onone as sho hard̛ þis sho was fayn̛, & sho garte putt oute hur een̛ onone, & layd̛ þaim in a dissℏ, & broght þaim vnto þaim & sayd̛; "Lo! here is þe ene at your maister desiris, & bid hym̛ lat me alone, & lose nowder his sawle nor myne." And þai went vnto hym̛ þerwith & told̛ hym̛, & he lete hur alone; & be þis mene sho kepid̛ hur chastite. & with-in iij yere after sho had hur een̛ agayn̛ als wele as evur had scho, þurgℏ grace of God̛.

We rede how on̛ a tyme, when̛ þe cetie of Leodonens Latin MSS. Leodiensis ciuitas. was wastid̛ be þe Brabans, many wommen̛ & maydens & oder, for luff of chastite put þaim in grete pereƚƚ of þer bodis. So as one of þaim, to safe hur chastite, putt hur in grete pereƚƚ of þe watir, ij of hur enmys come vnto hur in a bote, & drew hur into þer ship̛, to þe entent at þai wold̛ devowre hur maydenhede. And sho had levur hafe gane agayn̛ into þe watir & hafe bene drownyd̛, þan̛ at þai had defowlid̛ hur. And sho lepe oute of þe ship̛ into þe watir, and with strenthe of hur lowpyng þe bote drownyd̛, & þase ij men̛ war bathe drownyd̛; and sho be þe grace of allmyghti God was savid̛, & come hole & sownde vnto þe land̛. et c̛.

Castitatis amore pulcritudo debet abscondi. Supra de abscondere et infra de pulcritudine.Castum puerum Maria virgo sibi desponsat. Infra Marie genitricis dei.Castam reginam Maria virgo deliberat. Infra Marie genetricis dei.Castus homo eciam inter meretrices castitatem seruare debet. Infra de meretrice et iuvene. ij.Castitatem suam seruare volens mulier interdum includi debet, et viris non apparere. Supra de Assenecℏ.

Saynt Jerom̛ tellis in þe 'Legent of Saynt [Paul So in the Latin MSS. ] þe Hermett,' how Decius, at som tyme was Emperour, tuke a yong christen-man̛ & garte lay hym̛ in a softe bed, whar̛ þer was temperans of þe ayr̛ & sownd̛ of watir rynyng, & syngyng of burdis, and gude smeƚƚ of flowris, & he garte bynd̛ hym̛ þer so with rapis, þat he myght nowder stur hand̛ nor fute, nor helpe hym̛ selfe. So as he lay, þer come vnto hym̛ a yong wenche & a fayre, bod scho was not clene of hur bodie, & laid̛ hur done be þis yong man̛ & made hym̛ dalyans. And when̛ he felid̛ at sho had movid̛ his flessℏ vnto syn̛ & he mot not helpe hym̛ selfe, nor no maner of wapyn̛ had to fend̛ hym̛ with fro hur, he bate in sonder his tong & spitt it in hur face. And with þe wark þerof his temptacion̛ recedid away. et c̛.

Valerius tellis how ij men þat was samen at hoste with a womman̛ þat held̛ hostre, lefte on̛ a tyme with hur a grete sowme of money, vndernethe þis condicion̛, at sho suld not delyver it bod if þai bothe come vnto hur samen þerfor̛. So with-in a little while after, þe tane come þerfor̛, & sayid̛ his felow was dead̛, & begylid̛ hur & made hur to delyvur hym̛ þe mony; and he went þerwith our se into a noder contre. And onone fro he was gone, þe toder come vnto hur & askid̛ hur þis money, and sho ansswerd̛ agayn̛ & sayd̛ sho was redie to giff þis money, bod sho wold̛ not delyver it or he & his felow bothe samen come þerfor, as þai had bothe bedyn̛ hur do; & þus sho excusid̛ hur.

Cautela fraudulenta reprehensibilis est. Supra de aduocatis.

We rede in 'Libro de Dono Timoris,' how þer was a blynd̛ man̛ þat had a boy þat led hym̛ be þe way; & þai come on a tyme vnto a strayte place whar þer was not bod a little bryg & a strayte, & þis boy durste not lede hym̛ ouer itt, & stude stiƚƚ & told̛ hym̛. And þe blinde man̛ bad hym̛ go ouer it baldlie, and þe boy sayd̛ he durste not; & he gatt þe boy in his nekk̘ & bad hym̛ poynt þe way with his staff, & he suld̛ felow it; & he did̛ so. & þis blynd̛ man̛ went ouer þe bryg baldlie be tellyng of þe lityƚƚ boy.

Cecum esse corporaliter aliquando prodest anime. Infra de paciencia.Cecus eciam inuitus illuminatur a deo. Infra Invitus.

Macrobius MS. Mocrobius. tellis how þer was a nobyƚƚ captayn̛ in Rome þat hight Papirius; & when̛ he was a childe with his fadur, on̛ a day he went with hym̛ vnto the cowrte, and when̛ he come home his moder askid̛ hym̛ what at þe senaturs & þe wyse men̛ of Rome said̛ at þer cowrte & þer parlement. And he ansswerd̛ hur & sayd̛ þat it was not lawfuƚƚ to teƚƚ, for he þat tellid̛ it mond̛ be dead̛ þerfor̛. And sho tuke a wand̛ & bett hym̛, and he saw þat hym̛ burd̛ nedes teƚƚ hur somwhat, & he fenyd in þis maner of wyse & sayd̛, þer aƚƚ þe cownceƚƚ att þe senaturs had at do at þer parlement was for to witt whedur it was more necessarie þat a man̛ sulde hafe ij wyvis, or a womman̛ ij husbandis. And̛ sho went & told̛ it vnto hur commedurs, & tellid̛ þaim aƚƚ þe town̛ our, so þat on̛ þe morn̛ after, wurd̛ come þer-of vnto þe senaturs þat þe cownceƚƚ of þer parlement shulde be dis-curid̛ be þis little childe; & þai garte feche hym̛ aforn̛ þaim, & spyrrid̛ hym̛ what þat was at he had tellid̛ his moder, & he tolde þaim MS. repeats, þaim. aƚƚ þe proces. And þan̛ þe senaturs ordand̛ þat fro thens furtℏ no childe, bod alonelie he, sulde com̛ into þer parlement with his fadur, for pereƚƚ of tellyng of þer cownceƚƚ; & afterward̛ hym̛ happend̛ be þe wyseste man̛ in aƚƚ Rome.

Ruffinus tellis þat on̛ a tyme when̛ þe Emperour Constantyne went into a place whar þer was gaderd̛ many brethyr samen at a cownceƚƚ, he fand̛ at þai had emang þaim many debatis & stryvis; and he tuke of þaim a byƚƚ of aƚƚ þer debatis & þer stryvis, & putt it in his bosom̛, & when̛ he come home he burnyd it, at neuer man̛ suld̛ se it after, as prestis sulde do with confession̛. And̛ afterwerd̛ he sayd̛, when̛ þai askid̛ hym̛ whi he had done so, in þis maner̛ of wise; " Si vidissem sacerdotem vel aliquem eorum qui monachali habitu sunt amicti, et c̛. And I saw a preste or a monke doyng syn̛, rather I suld̛ hide hym̛ with my mantyƚƚ, þan̛ disclander hym̛." et c̛.

Saynt Jerom̛ tellis of a philosophur þat hight Epicurus, þat, if aƚƚ he was a sewer of voluptuosite, at he mott sett his felicite þerin, neuer-þe-les he fillid̛ his bukis & said̛, þat appyls & oþer vile meatis sulde be vsid̛; þat Latin MSS. eo quod exquisite epule maiorem penam habeant inquirendo, quam voluptatem in abutendo. other metis sulde not hafe mor̛ payn̛ in inquiryng þan luste in abusyng. For he sayd̛ we mott nott aƚƚ-way giff hede vnto wisdom̛, if we thoght aƚƚ-way of habundans of our meate.

Helynandus tellis how on̛ a tyme a bisshopp̛ askid̛ a yong man̛ of Religion̛, how it happend̛ þat he was haler & fayrer in his closter þan̛ he was when̛ he was in̛ þe werld̛. And he answerd̛ agayn̛ & sayd̛; "For here I liff weƚƚ & clenlie; ffor as for þe furste, here I hafe my heaƚƚ, and as for þe secund̛, I am̛ here fayr, & so I mott not do in þe werld̛; for þer I liffid̛ in fylthe, & so I did not here." þan̛ þe besshopp̛ askid̛ hym̛ whatt at he had etyn̛ þat day, and he ansswerd̛ agayn̛ & said̛, "enogℏ." And þe bisshopp̛ sayd̛ he askid̛ hym̛ not of quantite, bod of qualitie; "bod what ete þou yisterday, & what to MS. do. -day?" And he ansswerd̛ agayn̛ & said̛; "yisterday I ete cale and̛ pes, & to-day I eete pes & cale, & to-morn̛ I mon̛ eate pess with cale, & after to-morn̛ I mon̛ eate cale with pease." & þus be a fayr circumstans he broght aboute his sentans, so þat he mot shew at acordyng diett makis a man̛ botℏ fayr & hale of his bodie. et c̛.

Cibo eodem vtentes non semper equaliter meliorantur in corpore. Supra de apostatis. ij.Cibum sumere sine benediccione non est bonum. Supra de benediccione.

Jacobus de Vetriaco tellis, þat þe appetite of meate was so wastid̛ in Saynt Marie of Oginiez MS. Ogimiem. , þat a grete while scho mott vnnethis take any meatte; so þat som tyme be viij dayes, & som tyme be x dayes, sho ete neuer meate. & yit it was a grete mervayle, for, for aƚƚ þis, nowder warkid̛ hur hevud̛, nor sho lefte not þe labur of hur handis, & sho was als strang to labur on̛ þe laste day as sho was on̛ þe furste; and if sho wold̛ hafe etyn̛ þase dayes, sho myght nott, vnto Harl. MS. donec sensualitas que a spiritu quasi absorta fuerat ad se ipsam rediret. þe sensualitie þat come of hur spiritt com vnto þe selfe agayn̛. And som tyme when̛ sho was be hur selfe, som̛ tyme be xxxti dayes, sho wolde neuer ete meate. And many dayes sho wold̛ neuer speke wurd̛ bod þis alone; "I wuƚƚ resayfe my sacrament." & daylie sho reseyvid̛ it in privatie. And when̛ v wowkis was done, þan̛ scho oppynd̛ hur muthe & spakk & reseyvid̛ bodelie meatt. et c̛.

Ciconia adulterium abhominatur et punit illud. Supra de adulterio. iij.

Cesarius tellis how þer was in a cetie ij men̛, & þai satt at myrth & at ale on̛ fastyngang̘ evyn̛ vnto mydnyght in a tavern̛; & in þe mornyng þai war so MS. repeats, so. thristie at þai went thedur agayn̛, & sett þaim at þe ale vnto þai rang to mes. And when̛ þai saw gude men̛ wend̛ vnto þe kurk, one of þaim sayd̛ vnto þe toder; "Now hafe we abydyn̛ our lang. Go we vnto þe kurk & take our̛ ass." And þe toder ansswerd̛ hym̛ agayn̛ in skorn̛, & sayde; "Sitt stiƚƚ, & I saƚƚ giff þe ass." And he tuke vp ass & kest opon̛ his hede, & he on̛ his. And furth-with þai war punyshid for þer scorn̛, ffor þai felid̛ so mekuƚƚ duste, bathe aboute þer hedis & þer facis, as it had bene blawn̛ opon̛ þaim with a payr of belows. And when̛ þai felid̛ þis, þai began̛ to cry; and when̛ þai oppynd̛ þer mouthe, so mekiƚƚ ass went in-to þer throtis, at þai war nerehand̛ werid̛. And þai wer ledd̛ into dyvers placis whar̛ þer was no duste, as in-to medows & in garthyns & in selers, bod it profettid̛ nothyng at þai myght defend̛ þaim fro þis duste of ass at was abowte þer hedis, to, att þe laste, þai war bothe whirkenid þer-with & deyid̛: & þat had þai for þer skornyng.

We rede how þat Matidiana, þat was moder of Saynt Clemett, was a MS. repeats, a. passand fayr womman̛, & hur husband̛ broþer feƚƚ amoros of hur, & laburd hur hugelie; & sho wulde neuer consent vnto hym̛ for to cauce hym̛ & his bruther, hur husbond, to be at debate. And sho vmthoght hur þat sho wolde go oute of þe contre a while, and sho fenyd a dreme & told̛ hur husband̛ at þer was a voyce at come vnto hur in hur slepe, & bad hur go furtℏ of þe cetie with hur ij sonnys, Faustus & Faustinus, vnto tyme itt callid̛ hur agayn̛, and els sho & bothe hur sonnys mond be perysshid̛ & distroyed̛. And when̛ hur husband̛ hard̛ þis, he had grete mervayle þeroff, & he sent his wyfe & hir ij sons, & a parte of his meneya with þaim, vnto Athenys, and held̛ Clemett at home with hym̛, þat was bod v yere olde. And as þai war sayland be þe se, þer shup brakk, and þis moder loste hur sonnys & went þai had bene drown̛; & yit sho gatt to land̛ & clam̛ vp on̛ a cragg. And þer scho dwelt a grete while with a womman̛ þat had þe parlesie. So þis Matidiana handis feƚƚ benombe for sorow of hur husband̛ & hur chuldre, so þat sho mot nothyng welde hur handis; so þat þai wer evyn̛ as deade & at sho had no felyng of þaim̛. And afterward̛ hur husband̛ sent vnto Athenas, & hard no tithandis nor wurd of his wyfe nor of his childer. & he putt Clemett in a gude mans gouernans, & gatt hym̛ a ship̛ & went to seke his wyfe and̛ his childre, & so he contenyd̛ xx yere. And in þe mene while, þis Clemett drew vnto Saynt Petur, and told̛ hym̛ what was happend̛ vnto his fadur & his moder. So on̛ a tyme Petur & Clemett vnto-come þer þis Matidiana begid̛ hur meatt. And Saynt Petur askid hur whi sho beggid̛ & wolde nat wyrk for hur meate, & sho ansswerd̛ agayn̛ & sayd̛, þat hur handis was After was, v, erased. benombe & scho mott not welde þaim, & teld̛ hym̛ aƚƚ þe proces how it had happend̛ with hur husband̛ & hur & hur childre. And þan̛ Petur said̛ vnto hur; "as for Clemett þi son̛, I can̛ shew þe hym̛." And when̛ sho hard̛ þat sho swonyd̛ & feƚƚ down̛ vnto þe grownd̛; & Petur tuke hur vp̛ be þe hand̛ & led̛ hur vnto Clemett. And when̛ Clemett saw his maister Petir ledand̛ a womman̛ be þe hand̛, he began̛ to smyle; and onone as þis womman̛ come vnto Clemett, sho hawsid̛ hym̛ in hur armys, & kissid̛ hym̛ & feƚƚ down̛ in swone; & he putt hur from̛ hym̛ & trowed̛ sho had bene wude, and made hym̛ passand wrathe with Petur. And þan̛ Saynt Petur said̛; "what duse þou, son̛ Clemett? Putt not þi moder away fro the." And when̛ Clemett hard̛ þis, he wepud, & tuke vp̛ his moder, & feƚƚ evyn̛ down̛ vnto þe ertℏ hym̛ selfe for fayn̛; & att þe laste he tuke knowlege vnto his moder. And in þe mene whlie Aquila & Niceta, þat war becommen̛ þe discipuls of Petur, wer not þer present, and when̛ þai saw hur þai spurrid̛ faste what sho was, and Clemett told̛ þaim how at sho was his moder; and Saynt Petur tellid̛ þaim aƚƚ þe proces. & þan̛ þai tuke a knowlege vnto hur & sayd̛, "fforsuth we ij After ij, fa, erased. er Faustus & Fastinianus, & þis is our muder, & Clemet is our brother." & þai kyssid̛ samen with grete wepyng & Ioy. And with-in a while after þaim happend̛ be grace of God̛ to fynd̛ þer fadur; and þus aƚƚ þer sorow turn̛ in-to myrthe & Ioy.

We rede how þat a poett, þat hight Valerius, wulde neuer ryse vnto Iulius Cesar when̛ he come in-to þe company of poettis, as it had bene a man̛ þat had̛ nott kend̛ his magestie; and he did̛ it aƚƚ becauce he trustid̛ hym̛ selfe was moste hye in comparyson̛ of studie & lernyng. And he askid̛ hym̛ whi he wuld̛ not ryse vnto hym̛, & he said̛ he wold̛ nott for þer was no place of temporaltie nor of feghtyng in armur, bod aƚƚ of turnyng of bukys & volums.

We rede of Pyocinus MS. Arundel, Protinus. þe filosophur, when̛ he was ordand to make enornementis of vertues, (so þat at he taght, he suld̛ not shew be MS. he. exsample of oþer men̛ bod rather be exsample of hym̛ selfe), becauce he mot sitt stiƚƚ in ryst & pease, he chose hym̛ vnto a quiete place, whar̛ he sulde here no noyse of no creatur; & þer he hedid̛ aƚƚ maner of þing how God ordand̛ þaim. And with-in a while fro he had bene þer, he had in contempte aƚƚ maner of wurshup̛ & said̛ þer was no trew wurshup̛ bod connyng; ffor þat, he said̛, was most delicious, þe whilk att mans witt cuthe ymagyn̛ off trewthe in a mans saule. et c̛.

Clericis necessaria est facundia. Infra de facundia.Clerici aliquando false infamantur. Infra de infamia. io et ijo.Clerici incontinentes vix in fine continent. Infra de contricione.Clerici filiabus iudeorum se commiscent. Infra de contricione. iiij.Clerici qui de sacra scriptura legunt, opere debent adimplere. Infra de Sciencia, primo.Clerici debent in scripturis diligenter studere. Infra de studio.Clerici eciam inter meretrices castitatem seruare debent, et ad hoc faciendum alios inducere. Infra de muliere meretrice.

Jacobus de Vetriaco tellis how on̛ a tyme a holie man̛, as he was in the quere, he was war of þe devuƚƚ & a hevie sakk MS. saƚƚ. evyn̛ fuƚƚ on̛ his bakk̘. & þis holie man̛ chargid̛ hym̛ to charge hym̛ att teƚƚ hym̛ whatt he bare in þat sekk̘ at was so hevy. & he ansswerd̛ agayn̛ & sayd̛; "here in þis sakk̘ er silappis & wurdis þat er ouerhippid̛, & also versis of þe salter & wurdis er mombled̛ þat þir prestis & þies clerkis hase stolne in þis matyn̛-while." & þan̛ þis holie man̛ askid̛ hym̛ what he hight, and he said̛ þat he hight Titiuillus. And hereof þis holie man̛ made ij vers & sayd̛; " Fragmina verborum Titiuillus colligit horum, Et fert MS. ferte. ad forum quo premia reddat MS. reddit. eorum." et c̛.

Jacobus de Vetriaco tellis how on̛ a tyme at Parissℏ, it happend̛ þat a scoler, when̛ he was dead̛, apperid̛ vnto his maister cled aƚƚ in parchemyn̛ writyn̛, with smale letters wretten̛ þeron̛. And emang aƚƚ oþer questions his maister askid̛ hym̛ what bement þat garment att was so light, & þe letters att was wretyn̛ þervppon̛. And he ansswerd̛ agayn̛ & sayd̛; "ilkone of þies letters er hevyer vnto me þan̛ war þe weght of þis grete kurk̘ & I bare it on̛ my nek̘"; and shewid̛ hym̛ þe kurk̘ of Saynt German̛ at was þer, & sayd; "þies er sophyms & subtelties, whare-in I wastis aƚƚ my dayes, & I may not teƚƚ what hete at I am̛ turment with aƚƚ my dayes vnder-nethe þis cape. Bod & þou wiƚƚ hold̛ furtℏ þi hand̛, I saƚƚ shew þe be a dropp̛." And he putt furtℏ his hand̛, and þer feƚƚ þer-opon̛ as it had bene bod a dropp of swete. And it was so hate at it thirlid̛ his hand̛ þu[r]gℏ as it had bene þe sharpe schote of ane arow. And onone þis maister as he saw þis, he lefte þe logykk̘ skule, & made hym̛ a monk̘ of Ceustus ordur. And he made þies ij versis & sayd̛; " linquo coax ranis, cra corvis, vanaque vanis; Ad logicam pergo que mortis non timet ergo." And he become a gude man̛; & als long as he liffid̛ þer was a hole þurgℏ his hand̛. et c̛.

Clerici aliquando carnali amore mulierum decipiuntur. Infra de contricione.Clerici in sacris ordinibus positi mundo corde et corpore debent ministrare. Infra de Contricione. iiij.Cogitaciones varie occurrunt orantibus. Supra Barnardi. ij.Cogitacionibus frequenter immiscet se superbia vt bona opera perdat, sed propter hoc non sunt dimittenda. Supra Barnardi. i.

We rede in 'Vitis Patrum,' how þer was a man̛ þat was gretlie tempid̛ with temptacion̛ of his flessℏ: and he luked̛ vnto a gude ald̛ man̛ & lete hym̛ wete þerof, & prayed̛ hym̛ to pray for hym̛; and so he did̛. & when̛ he had long prayed̛ for hym̛ he mendid̛ no þing, & þis olde man̛ merveld̛ gretlie at his prayer was not hard̛. So on̛ a nyght as he lay in his prayers, he saw in a vision̛ þis yong man̛ sittant, & evuƚƚ spyrittis in lyknes of wommen̛ playand̛ befor̛ hym̛, & makand̛ hym̛ grete myrtℏ; and he saw þis yong mans gude angeƚƚ MS. ans, with g written over the s, to make angeƚƚ. grete wrotℏ becauce he wold̛ nott ryse & make his prayer vnto almighti God̛. And þan̛ þis olde man̛ sayd vnto þis yong man̛; "Bruther! þe fawte is þine þat þe prayers þat er prayed for þe er nott harde. For þou hase a delectacion̛ in evuƚƚ thoghtis, and it is impossible to remofe iƚƚ thoghts fro the with other mens prayers, bod if þou doo som̛ labur þerin þi selfe. For it is with the as it is with a man̛ þat is seke; ffor & a man̛ þat is seke wiƚƚ nott abstene hym̛ fro guttus meatis, what profettis it to do vnto hym̛ any cure of lechecrafte?"

We rede how on̛ a tyme a certayn̛ man̛ of religion̛ made playnt vnto a holie abbott þatt hight Pastor, þat he had so many thoghtis of syn̛ in his mynde þat he was like to be perisshid̛ þerwith. And he had þis monke in-to a playn̛ felde vppon̛ a fayr day, whar þe wynde blew, & he bad̛ hym̛ hald̛ obrade his skyrte & take þe wynde & bere it hame. And̛ he ansswerd̛ agayn̛ & said̛ he myght nott. And þan̛ þe abbott said̛; "No more may þou lett þoghtis to com̛ in þi harte & þi mynde, bod itt is þy parte to with-stond̛ þaim." et c̛.

Cogitacio de diuersis contristat vel letificat hominem, vnum reddit pallidum, alium rubicundum. Supra de apostata. ij.

We rede ex 'Dictis Patrum,' how a yong man̛ sayd on̛ a tyme vnto ane old̛ man̛; "what saƚƚ I do? for I am̛ like to be slayn̛ with fowle þoghtis." And þis ald̛ man̛ ansswerd̛ hym̛ agayn̛ & said̛; "Son̛, a womman̛ when̛ sho wiƚƚ spane hur child̛, sho wiƚƚ enoynt hur pappis with bitter þing, att hur childe, when̛ he wolde sowke, sulde lett when̛ he felid̛ bytternes. And þerfor̛ putt in þi thoght þe bitternes of dede, & of þe paynys þat er ordand̛ in heƚƚ & in purgatorie for syn̛ in tyme to com̛, and onone þies eviƚƚ þoghtis saƚƚ recede away fro the." et c̛.

Cogitacio faciens comparacionem de delicijs presentibus ad supplicia eterna multum est vtilis. infra de delicijs. ij.Cogitacio miserie proprie et nature defectibilis retrahit hominem a malo. Infra de contemptu sui.Cogitacio purgatorij vel inferni inducit hominem ad penitenciam. Infra de penitencia. iiij.

Jacobus de Vetriaco tellis how þer was som̛ tyme a seculer man̛ þat was passand delicate. So on̛ a tyme he vmthoght hym̛ in his mynde, ffurst, if a thowsand̛ of dampnyd̛ sawlis myght be delyverd̛ fro payn̛, and his thoght ansswerd̛ hym̛ & sayd, "nay." þan̛ if a hondreth Mƚ mott be delyuerd̛, & his thoght said, "nay." þan if a thowsand̛ thowsand̛ myght be delyverd̛, & his thoght said, "nay"; and þan̛ if als many thowsand̛ mot be delyverd̛ as þer was droppis of watir in þe see, & euer it said̛, "nay." And as he was in þies thoghtis he was gretlie trubled̛ & waxid̛ ferd̛. So sodanlie he vmthoght hym̛ & said̛ vnto hym̛ self þat þai þat giffes þer luff vnto þis werld̛ war passand̛ blynd̛ & fonde, þat for a little tyme att þai mon̛ liff þerin, for þe transitorie delites and vanyties þeroff, fallis in-to euerlastand̛ dampnacion̛ & payn̛ of heƚƚ.

We rede in 'Libro de Dono Timoris,' how on̛ a tyme þer was a yong man̛ þatt went vnto a fayre; and when̛ he had walkid̛ abowte, & sene many shappis & mekuƚƚ chafir to seƚƚ, at þe laste he come vnto a shop̛ þer ane old̛ man̛ [st]ude; & he had as who say no thyng to seƚƚ. And þis yong man̛ askid̛ hym̛ what at he had MS. repeats, hym what he had. to seƚƚ. And þis alde man̛ answerd̛ & sayd he had to seƚƚ wisdom̛; and þis yong man̛ sayd̛ þat he wolde by itt, and askid̛ hym̛ whatt he sulde pay þerfor̛. And he said̛, "a hondretℏ mark̘." And þe toder þoght itt mekuƚƚ, nott-withstondyng he payed̛ hym̛ itt. And when̛ it was payed̛, þis olde man̛ taght hym̛ þis wysdom̛ & said̛; " In omni opere cogita primo ad quem finem venire potes, vnde versus; 'Quicquid agas operis finem primo mediteris.' þat is to say, in aƚƚ þi werkis, evur at þe begynyng vmthynk þe whatt wiƚƚ com̛ of þe endyng." And when̛ þis yong man̛ hard̛ þis, hym̛ forthoght hys bargan̛ & traystid̛ þat he had bene deseyvid̛. Than̛ þis olde man̛ said̛; "Go þi wais home! and forgett nott þis at I tolde þe, bod write itt in þi howse ouer þi hallyng, & in þi wyndows, & on̛ þi duris, & on̛ þi vesseƚƚ, & in oþer dyvers places in þi howse; & þou shaƚƚ fynd̛ att it saƚƚ be þe best chafir at evur þou boght." And he wente home & did so. And emang aƚƚ oþer he garte browde þis reson̛ opon̛ a clothe þat he was vsid̛ to be shavyn̛ with. So on̛ a tyme þis yong man̛ had enmys þat come vnto a barbur att vsid̛ to shafe hym̛, & hyrid hym̛ for a grete som̛ of money to sla hym̛ when̛ he shufe hym̛; & he tuke þer money & grawntid̛ þat he sulde do so. And when̛ þis barbur come to shafe þis gude man̛, as he was in wetyng of hym̛ he lukid̛ vpon̛ þe raster clathe; & he was somwhatt letterd̛ & red þis reson̛. And onone as he had red it, he vmbythoght hym̛ what ende wald̛ com̛ of þis treson̛ & he did itt. & he said vnto hym̛ selfe þus; "and I sla þis man̛ I mon̛ be slayn̛ þerfor̛." And he began̛ to wax faynt & hevie & swownyd̛. And onone as þis gude man̛ saw hym̛ fare so, he steppid̛ vnto hym̛ & lifted̛ hym̛ vp on̛ his fete, and comfurthed̛ hym̛ & askid̛ hym̛ whatt hym̛ aylid̛. And he prayed̛ hym̛ to hold̛ hym̛ excusid̛ & be not wrothe & he sulde teƚƚ hym̛, & he essurid̛ vnto hym̛ þat he suld̛ not be wrothe. And þan̛ þis barbur sett þe speƚƚ on̛ end̛ & tolde hym̛ aƚƚ þe dede. & he forgaff hym̛ & bad a noder man̛ shafe hym̛. And þan̛ he thankid̛ God & þe wisdom̛ þat he boght, for þus he fand̛ þat it savid̛ þer lifes bothe. et c̛.

Cesarius tellis how som tyme þer was a knight þat luffid̛ wele to bryng vp & brede dowvis in his place in his chaw[m]ber-endis, & in dyvers oþer places. And his curatt tolde hym̛ þat it was grete syn̛ vnto hym̛ for to kepe so many of þaim to-gedur, for als mekuƚƚ as þai hurte & wastid̛ his neghburs cornys. So on̛ a day he tuke a skuttylfuƚƚ of corn̛ & callid̛ þaim to-gedur & gaff þaim meate. And when̛ þai wer aƚƚ to-gedur befor̛ hym̛, he spak vnto þaim with a clere voyce þat aƚƚ men̛ myght here, and̛ sayde on̛ þis maner of wyse; "Ye dowvis! If it be Goddis wiƚƚ att ye bide with me, dweƚƚ stiƚƚ, or els I commawnd̛ you in Goddis name at ye rise vp, & flee away faste." And att þis wurde, onone aƚƚ þies dowvis rase vpp, & flow clene away in a grete flokk̘. And neuer after fro thens furtℏ þai come agayn̛ vnto his place. et c̛.

Columba sacerdoti indigno sacramentum aufert. Infra de sacerdote indigno.Comes a demone iniquo viuus portatur in infernum. Infra de demone. vj.Comiti possunt adaptari multa que dicuntur infra de principe et Iudice.Comitissa propter ornatum vestium dampnatur. Infra de ornatu. I.

Helinandus MS. Belmandus. tellis how on̛ a tyme þe archedekyn̛ of Aurilianens suld̛ go vnto Rome. And he prayed̛ a chanon̛ of his to graunt hym̛ a clerk of his to go with hym̛, þat hight Nathanael, þat was a trew servand̛ vnto hym̛; for hym̛ þoght at he was necessarie vnto hym̛ in his iorney. And þis clerk̘, þuf aƚƚ it was agayns his wiƚƚ, went with hym̛, & he made hym̛ his purs-maister. Soo when̛ þai come nere Rome, þis Archdekyn̛ was bod a chynche, & he askid̛ þis clerk a rekkenyn̛ & a compte of þer expensis straytlie vnto þe leste halpeny. And þer þai feƚƚ vnto rekenyng & varid̛; & þis clerk betuke hym̛ MS. repeats, hym̛. selfe vnto þe devuƚƚ, als witterlie as evur he was in fonte-stone, bod it was as he sayde. So þai went on̛ flytand̛. And as þai went owr̛ at a brygg our̛ a grete watir, þis clerk happend̛ to faƚƚ by þe brygg & was drownyd̛. And he had made a counand̛ befor̛ with þis Chanon̛ þat was his maister, þat whethur of þaim dyed̛ furste, with-in xxxti dayes, & he myght, suld̛ com̛ vnto his felow, & hide no thyng bod teƚƚ hym̛ clerelie how it stude with hym̛. So on̛ þe nyght afterward̛, as þis chanon̛ lay in his bed wakand̛, & a byrnand̛ lampe befor̛ hym̛, þis Nathanaeƚƚ clerk stude befor̛ hym̛, cled as hym̛ thoght aƚƚ in a fayre cape made of feddurs. And þis chanon̛ was nothyng aferd̛ of hym̛, bod was weƚƚ apayed̛ of his commyng, and said vnto hym̛; "Nathanael! welcom̛ home! Is nott þe archedekyn̛ commen̛?" and he ansswerd̛ agayn̛ & sayd̛; "Nay, sur, bod I am̛ commen̛ as I made counand̛ with you þat I suld̛ do; and I am̛ now dead̛ & I pray you to helpe me, for I am̛ in grete turmenttis." And he askid̛ hym̛ whi, sen̛ he liffid̛ so honestlie & so trewlie as he did̛. And he sayd̛ agayn̛; "Sur, forsuthe it sulde hafe bene wele with me, bod þis day I was sodanlie grevid̛, & betaght my selfe vnto þe devuƚƚ: and I pray you warn̛ als many as ye may, at þai do neuer so as I did̛, ffor þai þat wiƚƚ commend̛ þer selfe vnto þe devuƚƚ, þai giff hym̛ power of þaim; & so did̛ I þis day, & þerfor I was drownyd̛, & for no noþer þing am̛ I in payn̛." And þan̛ þis chanon̛ askyd̛ hym̛, sen̛ þat he was in payn̛, how it was þat he had̛ on̛ so fayr a cape. And he ansswerd̛ agayn̛ & sayd̛; "Sur, þis cape is hevyer vnto me þan̛ war þe gretteste towr in aƚƚ þis werld̛ & it wer on̛ my bakk̘. And þe fayrnes þerof is a belefe of forgifnes þat I hafe, if at I be trewlie prayed̛ for̛." And þan̛ þis chanon̛ hyght hym̛ þat at hys power he sulde pray for hym̛. And with þat he vanysshid̛ away; & he hard̛ neuer more on̛ hym̛.

Solinus tellis how som tyme þer was a strang knyght, a man̛ like a grete giand̛, and he was a grete weryor & alway had þe victorie whar-evur he faght. So on̛ a tyme as he was in bataƚƚ, he was passand̛ hongrie, & he gatt in hys armys ane ox, and bare it a-way ane acre lenthe; & with his neve he slew it & made meatt þerof, and ete it vp̛ att ons aƚƚ be his one. And it grevid̛ hym̛ at þat tyme no þing; bod with-in a little while aftre, he þat had victory of aƚƚ oþer men̛ in bateƚƚ, þurght his awn̛ folie deyed away.

Comedens cibos non licitos punitur. Infra de gula. ij.Comedere pluries in die propter hospites caritas est. Infra de hospitalitate. ij.

Cesarius tellis how þat in þe dioces of Leodonens Latin MSS. Leodiensis. , in a town̛ þat hight Chorenbar Harl. MS. Corebam. Arund. MS. Chorenbar. , was þer a wommen̛ þat desirid̛ greatlie oft sithis to be howseld̛. So on̛ a night, as sho lay on̛ a cowche sayand̛ hur prayers, almiȝti God̛ come in-to hur chawmer, & bare in his handis þe box at þe sacrament was in in þe kirk̘, and þer come aungels with hym̛, syngand̛ þis sang; " speciosus forma pro filijs hominum et c̛." And he stude befor̛ hur & said̛; "Becauce þe preste denyed̛ to giff þe my bodie, I saƚƚ howseƚƚ þe myne awn̛ handis." & he did so, & tuke ane hoste oute of þe box & gaff hur, & went his wayis. And þer was in þe same chawmber a noder religious womman̛ þat saw aƚƚ þis, and on̛ þe morn̛ sho went vnto þe preste, and askid̛ of hym̛ how many hostis war in þe sacrament-box in þe kurk̘; and he saide þat wiste he wele enogℏ. & he oppynd̛ þe After þe, buke, erased. box & luked & fand̛ þat one was away; & yit aƚƚ was lokkid̛ as þai war wunte to be; & þan̛ he had grete mervayle, & wepud̛ & made mekiƚƚ sorow, and had grete mer[v]eƚƚ how þis mott happen̛. And þan̛ þis womman̛ comfurthid̛ hym̛ & told̛ hym̛ aƚƚ þat evur sho saw, & whar̛ þe hoste was becommen̛, & cownceld̛ hym̛ þat fro thens furtℏ he sulde nevur gruche to giff þaim þe howsyƚƚ þat askyd̛ itt, & it war nevur so ofte. et c̛.

Communione nemo debet privari qui secundum conscienciam suam est sufficienter confessus, et ad satisfaciendum paratus. Infra de Iusticia.

Cesarius tellis how þat Maister Maurice, þat was bisshopp̛ of Parissℏ, on̛ a tyme was vexid̛ with so grete a seknes in his head̛, þat it strake in-to his brayn̛, & tuke away his witt & his mynde from̛ hym̛. So at þe laste he come vnto hym̛ selfe, & axkyd̛ to be howseld̛; & þai þat wer abowte was ferd̛ at he had bene fallen̛ in-to a wudenes; & þai cownceld̛ þe preste to feche ane hoste þat was vnsacred̛ & giff hym̛; and so he did̛. And onone as he come with-in þe thressℏwold̛ of þe dure, þis bisshopp̛ cryed̛ with a clere voyce & sayde; "hafe it away! hafe it away! for þat is not Not, omitted and added above the line. my Lorde." And aƚƚ þat was abowte hym̛ had grete wonder here-off; and þan̛ þe preste wente agayn̛ & broght with hym̛ þe verray sacrament. And þis bisshopp with grete devocion̛ reseyvid̛ it, þurgℏ vertue of þe whilk he come agayn̛ vnto his right mynde. And so he in fuƚƚ faythe & charitie passid̛ vnto Godd̛.

Som tyme þer was a womman þat be lefe of hur curatt was euerilk Sonday Under Sonday, day, erased. howseld̛, and̛ þat day after sho tuke no bodelie meatt; and yitt sho was nothyng hongrie. And onone as hur curatt purseyvid̛ þis, he went vnto þe bisshop̛ & told̛ hym̛; & he bad hym̛ take ane hoste þat was vnsacred̛ & gyff hur; and so he dyd̛. & þis womman̛ purseyvid̛ it noght, bod tuke it with gude deuocion̛ & went home; & onone as sho come home, sho was so hungred̛, þat, as sho thoght, had sho nott titter getten̛ hur meatt sho sulde hafe dyed̛ furtℏ-witℏ. Yit notwithstondyng sho ran̛ agayn̛ vnto þe preste, & trowed̛ þis honger had̛ bene commen̛ on̛ hur for hur synnys, and with grete wepyng how þat was taken̛ fro hur þat God̛ had giffen̛ sho told̛ hym̛. And when̛ he hard̛ þis he was greatlie reioysyd̛ þeroff, & þankyd̛ God̛, & went with hur vnto þe kurk̘ & gaff hyr þe verray sacrament. And þurgℏ þe vertue hereoff aƚƚ hur hungre was swagid̛, & þis grace þat was withdrawen̛ from̛ hur was giffen̛ hur agayn̛: and onone as þe bisshopp̛ hard̛ þis he þankid̛ almighti God̛ þeroff.

Som tyme þer was a wurthi knyght whilk þat did many eniuries vnto Lowis þat was Erle of Losens, & to his men. So on̛ a tyme þis erle complenyd̛ hym̛ of þis knyght vnto his frendis. So on̛ of þaim was a wurthi man̛ & sayd̛; "I dar vndertake þat I saƚƚ take hym̛, & I may be sekur þat none of you saƚƚ do hym̛ no bodely harm̛." And þe erle & aƚƚ made hym̛ surans; and þis worthi man̛ gatt þis knyght and delyverd̛ hym̛ vnto þe erle. And þe erle, in savyng of his athe, garte make a depe graffe; & he tuke þis knyght & wappid̛ hym̛ in softe clothis & layd̛ hym̛ þerin, & garte caste erthe on̛ hym̛, & so smorid̛ hym̛ to dead̛. And þe frendis of þis knyght complenyd̛ of þis wurthi man̛ vnto þe Emperour̛ Frederike, & said̛ þat he for a grete som̛ of money had taken̛ þis knyght & solde hym̛ vnto þe Erle. And þe Emperour garte caƚƚ hym̛ before hym̛, & wolde hafe garte putt hym̛ to deade herefor̛, and he cuthe not be excusyd̛ for nothyng att he cuthe say. And þan̛ at þe laste he knew þat hym̛ selfe was nott giltie as þai sayd̛, and oblissid̛ hym̛ to profe þatt as right & law wolde; & þer he was demyd̛ to feght þerfor̛. And so a day was sett, & his enmys gatt a strang knyght to feght with hym̛. And on̛ þe day att þai sulde feght vppon̛, þis wurshupfuƚƚ man̛ shrafe hym̛, & with gude deuocion reseyvid̛ hys sacrament & went boldlie into þe place þer þai sulde feght; & his enmy come in manlelie agayns hym̛. And onone as þai mett, þis man̛ att was hyrid̛, þat aƚƚ men hard̛, asked̛ hym̛ if he had etyn̛ oght þat day. And þis wurthi man̛ ansswerd̛ agayn̛ & sayd̛; "ya, I hafe reseyvid̛ & ete þis day þe bodie of almighti God̛." And þis other lurdan̛ ansswerd̛ hym̛ agayn̛ & sayd̛; "fforsuthe, & þou had̛ eatyn̛ þe devuƚƚ þis day, I saƚƚ feght with þe & ouerthraw þe." And evyn̛ furthwith after þis wurde of blasfemyng, almiȝti God tuke his strentℏ from̛ hym̛ & strenthid̛ þis other wurthi man̛ so, þat his enmy þat was hyrid̛ agayns hym̛ had no more strentℏ, nor myght no more stand̛ to feght with hym̛ þan̛ he had bene a childe, vnto so mekuƚƚ he gaff our̛ þe bateƚƚ & held̛ hym̛ selfe as owrecommen̛. And þus þis trew knyght, be etyng of þe bodie of almighti God̛, had a glorious victorie.

Communio eciam vitam corporalem prolongat MS. prolongatt. . Infra de predone.Communio quandoque a proprietarijs religiosis non permittit se recipi MS. non permittit sed recipit. . Infra de proprietate.Communicant MS. comminicant. frequenter tam boni quam mali indifferenter. Infra de eukaristia.Communio eciam a mortali peccato MS. pp-ccơ. retrahit. Infra de obstinacione. ij.

Cassianus tellis how he knew som tyme a man̛ of religion̛, þat gaff hym̛ gretelie vnto chastitie bothe of his harte & of his body, with grete mekenes; noghtwithstondyng he was tempid̛ with grete ludificacions on̛ þe nyght. And evur when̛ he ordand̛ hym̛ to ressayfe his sacrament, on̛ þe nyght befor̛ evur he was pollutt in his slepe. And when̛ he for ferdnes had lang time abstenyd̛ hym̛ fro his mess-saying, for ferdnes hereoff he went vnto ane olde bruther of his & told̛ hym̛ þe mater̛ & askid̛ hym̛ cownceƚƚ þerin. And̛ he vmthoght hym̛ þat þer was nowder in þis man̛ superfluitie, nor at his mynd̛ was giffen̛ vnto suche illusions, & þerbie hym̛ thoght at it was nowder syn̛ of his bodye nor of his mynde, he cownceld̛ hym̛ baldlie to go vnto his mes & reseyfe þe holie sacrament, þat not be þis disseyte þe medcyn̛ of þe helefuƚƚ medcyn̛ & remedy sulde be lefte. And be þis cownceƚƚ he went vnto mes & boldelie resayvid̛ þe sacrament: and be þe vertu þeroff þe custom̛ at he was wunte to hafe of þis illusion̛ fro thens-furt sesyd̛.

Communioni possunt adaptari multa que dicuntur infra de eukaristia.

Agellius tellis how þat when̛ Aresto[ti]le þe philosophyr wexid̛ olde, aƚƚ his scolers & þai þat vsid̛ his facultie come vnto hym̛ & prayed hym̛ to teƚƚ þaim þat, when̛ he was dead̛, who sulde succede & be þer maister in his steade. And þer was in his scole ij principallis, Thofrastus and Memedemus. And þan̛ Arestotile garte bryng hym̛ bere & mead̛ þatt he myght drynk̘ of þaim bothe befor̛ aƚƚ his scolars. And when̛ he had tastid̛ of bathe, he commendid̛ ather of þaim. Neuer-þe-les he sayd̛ þat bere was þe bettyr, becauce it was þe elder. And þus priualie with-outen̛ lakkyng or commendacion̛ of owder partie (þai purseyvid) þat Thofrastus sulde be þer maister after hym̛ when̛ he was dead̛.

Valerius tellis how on̛ a tyme þer was a womman̛ þat had done a grete trespas agayns þe law, & sho was broght þerfor̛ befor̛ þe justice, & þer sho was demyd̛ þat on̛ a certan̛ day after̛ hur head̛ sulde be smyten of. And sho was commandid̛ to prison̛, & he þat had hur in kepyng had petie on̛ hur and gaff a doghter of hurs, at was a womman̛, lefe ilk day to com̛ vnto hur; & ay when̛ sho come in he serchid̛ hur þat sho broght nothyng with hur, & it was commandid̛ hym̛ þat sho suld̛ neuer hafe meate afor̛ scho sulde dy. So when̛ he fand̛ sho abade on life many dayes with-owten̛ meate, on̛ a tyme when̛ hur doghter come, he serchid̛ hur & he fand̛ þat sho had sustenyd̛ hur moder life with hur mylk of hur pap; & he thoght þis a grete mervayle & went & told̛ þe iustice. And þe iustis he[r]for̛ had compassion̛ on̛ hur & forgaff hur hur tryspas for hur doghter sake.

Compati debent viri sancti eciam malis. Infra de obediencia. vij.Compaciendum est eciam animalibus brutis. Infra de obediencia. vij.Compati debent confessores confitentibus contritis. Infra de contricione.Compati debent confessores confitentibus. Supra de abbate. ija.

Jacobus de Vetriaco tellis how som̛ tyme þer was a worthi ladie, & sho had grete petie of seke folk, & speciallie of lepre men̛. And hur husband̛ was a myghti man̛, & he had lepre folk in so grete vgsomnes þat he myght not suffer to se þaim, nor lat þaim com̛ with-in his howse. So on̛ a day as a lepre man̛ was cryand̛ at his yate, þe ladie come to hym̛ & askid̛ hym̛ if he wold̛ owder eate or drynk̘, and he ansswerd̛ agayn̛ & sayd̛; "I am̛ here hugelie turment with hete of þe son̛, & I wiƚƚ nowder eate nor drynk bod if þou take me into þi place." And sho ansswerd̛ agayn̛ & sayd̛; "knowis þou not how my husband̛ vgis to see lepros men? & he wiƚƚ onone com̛ home fro huntyng, & if he fynde þe with-in his place, happelie he wiƚƚ sla bothe þe and me." And he wepid̛ & made sorow. So at þe laste þis ladie might no langer se hym̛ wepe, & sho tuke hym̛ vp̛ in hur armys & bare hym̛ into hur place, and þan̛ sho prayed̛ hym̛ to eate. He said̛ agayn̛ he wald̛ nowder eat nor drynk bod if sho bare hym̛ vnto hur chamber & layde hym̛ in hur awn̛ bed̛, & þer he wolde riste hym̛ awhile & þan̛ he wold̛ eate. And he made so mekuƚƚ sorow þat sho mot not suffre itt, þat sho had hym̛ vnto hur chawmer & laid̛ hym̛ in hur bed̛, & sho laid̛ a softe cod vndernethe his head̛ & happed hym̛ with a gay couerlad̛. And þis done, onone hur husband̛ come home fro huntyng & bad hur oppyn̛ hym̛ þe chamber dure, & he wold̛ lay hym̛ down̛ & slepe a while; & sho was ferd̛ at he suld̛ sla bothe þe lepre man̛ & hur, & made hur to tarie a while, & wold̛e not com̛ & oppyn̛ þe dure redelie. & he seyng at sho tarid̛ & wold̛ nott com̛, brest oppyn̛ þe dure in a grete anger and went in-to þe chambr̛. And̛ onone he come bakk agayn̛ & mett his wyfe & sayde vnto hur; "Now þou hase done wele; for þou hase arayed̛ our bed̛ on̛ þe beste wise, bod I mervayƚƚ whare þou gat so gude spicis þurgℏ whilk aƚƚ our chawmer is fyllid̛ so fuƚƚ of gude savir with, for onone as I come into þe chaw[m]ber, þer was þerin so swete a savur at me thoght I was in paradice." And when̛ sho þat befor̛ was ferd̛ for hur dead̛ hard̛ þis, sho went in-to þe chamber with hym̛ & fand it as he sayde; & þan̛ sho told̛ hym̛ aƚƚ how scho had done; & þai lukid̛ in þe bed̛ and þis lepre man̛ was away. And þan̛ hur husbond̛ þat befor̛ was als wude as a lyon̛, wex als meke as a lambe, & evur afterward̛ luffid̛ God & leplere men̛ better.

Compati debet prelatus subditis temptatis. Supra de abbate. ij.

Saynt Gregor̛ tellis; "we rede of a gude holie man̛ þat had no þing to lif on̛ aƚƚ yere bod a little corn̛ þat he had gravyn̛ þe erd̛ of, & sawen̛ hym̛ selfe. So on̛ a tyme when̛ he had shorn̛ it & broght it home, ane iƚƚ man̛ þat luffid̛ hym̛ nott sett fyre in his lathe, & burnyd̛ vp̛ þe corn̛ and aƚƚ. So a man̛ hard̛ teƚƚ þeroff & come vnto hym̛ & said̛; 'allas! fadur, what is happend̛ vnto þe? wo is me for þe.' And he ansswerd̛ agayn̛ with a chere as he had bene nothyng grevid̛ & said̛; 'wo is me for þat at saƚƚ happyn̛ vnto hym̛ þatt did̛ þis dede!' as he had not sett be hys awn̛ herm̛, bod rather be þe toder mans syn̛." et c̛.

Compositus debet esse homo in sensibus exterioribus, vt habetur supra de Aspectu.

We rede in 'Vitis Patrum' how som tyme þer was ij brether þat dwelte samen many yeris, & þai varid̛ neuer nor neuer was wrothe. So on̛ a tyme þe tone said̛ vnto þe toder; "latt vs make debate betwix vs as other men̛ of þis werld̛ dois." And þe toder ansswerd̛ & sayd̛ þat he wuste neuer what debate was; & þan̛ þe toder sayd̛ vnto hym̛; "lay down̛ þi hude betwixt vs two and I saƚƚ say it is myne, & þou saƚƚ say, 'nay! it is myne.' And̛ here-of saƚƚ a debate brede betwix vs." And þai laid̛ down̛ þis hude betwyx þaim, and þe tone said̛; "it is myne"; & þe toþer said̛; "nay! it is myne." þan̛ þe tother sayd̛; "it is þyne; & þerfor̛ take it vp̛ & don̛ it on̛ þi hede & go þi ways." And þus þai partid̛ & nowder of þaim mott nor cuthe discorde with oþer.

Concubina sacerdotis punitur. Infra de luxuria.

We rede in þe storie of Barlaam̛ how þer was a kyng þat had a son̛; and̛ when̛ he was new born̛, wyse lechis þat saw it told̛ hym̛ þat hym̛ burde gar kepe it to it war x yere olde, þat it saw no þing bod meate & drynk̘ & clothis & a womman̛ to kepe it, & els it suld̛ dye. And so he dyd̛; & at x yere end̛ he garte bryng befor̛ it aƚƚ maner of þingis, þat it mott se þaim & know what att þai war; & þer was b[r]oght befor̛ hym̛ gold̛ & syluer, & hors & cateƚƚ, & evur as he askid̛ what þai war men̛ tolde hym̛. And when̛ yong wommen̛ & maydyns come befor̛ hym̛ & he saw þaim, he askid̛ beselie what at þai hight, & what þingis þai wer̛. And þai þat wer aboute ansswerd̛ hym̛ & said̛; "yone er devils þat begylis men̛." And when̛ he had sene aƚƚ maner of þingis, þai broght hym̛ vnto þe kyng his fadur; and he askid̛ hym̛ of aƚƚ thyngis þat he had sene, whilk he luffid̛ beste. And he ansswerd̛ agayn̛ & sayd̛: "Fadur, forsuthe nothyng els bod devuls þat disseyvis men̛, ffor of þaim alonelie befor̛ aƚƚ oþer is my harte sett."

Concupiscencia gule est reprimenda. Supra de abstinencia.Confessio facta in scriptis valet. Supra de Basilio. iijo.

We rede in þe 'Meracles of Saynt Constantyn̛ Arundel MS. Ex miraculis sancti Constantini Cantuaris; celebrante sancto Lanfranco Cantuaris archiepiscopo missam. The Harleian MS. has; Ex miraculis sancti Dunstani Cantuaris; celebrante sancto Lanfranco Cantuaris Archiepiscopo missam. ,' how on̛ a tyme when̛ Saynt Lamfranke at was bisshop̛ of Ca[n]turberie sayde mes þer, sodonlie a yong monke, þat suld̛ hafe red̛ þe gospeƚƚ at þe same mes, was afore þe gospeƚƚ taken̛ with a fend̛; vnto so mekuƚƚ at þai þat come before, what at evur þai had done & had not bene shrevyn̛ þerof, he wold̛ hafe teld̛ þaim it. And som̛ þat shamyd̛ with þer syn̛, went & shrafe þaim clene þerof for ferd̛ of hym̛. And when̛ þai come agayn̛ before hym̛ he spirrid̛ whatt þai war & whar-for̛ þai come; & had no knowlege þat þai had bene at hym̛ befor̛. et c̛.

Cesarius tellis how þer was a doctur of Dyvinitie þat was a gay prechur, & he hight Thomas. And when̛ he was seke & bown̛ to dye, he was war of þe devuƚƚ standdand̛ in a noke of þe chawmbre þer he lay, and he coniurid̛ hym̛ & spirrid̛ hym̛ many thyngis. And emang aƚƚ oþer thyngis he askid̛ hym̛ what noyed̛ hym̛ & his felos moste. And he said̛ att no þing noyed nor hurte þaim so iƚƚ as did̛ confession̛; ffor when̛ a man̛ is in deadlie syn̛, aƚƚ his membres is bon̛, & he may not mofe hym̛; and onone as he is shrevyn̛, þan̛ is he lowse, and redie vnto aƚƚ gudenes. And when̛ þis holie doctur had hard̛ hym̛ say þus, he thankid̛ God̛ & gaff vpp̛ his sawle in-to hevyn̛.

Confessio mundat peccatorem et peccatum occultat. Supra de adulterio MS. alulterio. . iij.Confessio a visibili et horribili MS. corrigibili. Latin MSS. horribili. pena liberat. Supra de agro. j.Confessio tarda aliquando valet. Supra de ambicione. iij.

Cesarius tellis how som̛ tyme in þe Dioces of Traiecte, þer was a fysscher þat was a fornicatur. & on̛ a tyme he was ferd̛ to be putt vp at þe sene Latin MSS. timens in synodo accusari. ; & he went vnto a preste & shrafe hym̛ of aƚƚ his syn̛, and when̛ he had done þat, if he war accusid̛ he mot sekurlie deny it, & suffer þe burnyng of a hate yrn̛ as þer was vse to þaim at denyed it. And so he did̛, and þis hate yrn̛ þat he bare noyed̛ hym̛ no þing. So afterward he fell þerto agayn̛. And on̛ a tyme he ferid̛ ouer a watir with a man̛ þatt had knawlege of his mysgouernans; & þis man̛ spak vnto hym̛ & said̛; "I merveƚƚ, & so duse many mo, þat þe hate yrn̛ byrnyd þe noght; for we knew wele enoghe at þou was giltie, & hase occupyed it syne." & he ansswerd̛ agayn̛, & sayd̛ þe hate yrn̛ noyed hym̛ no more þan̛ did puttyng of his hand̛ in-to þe watir; & with þat he putt his hand̛ into þe watir. And onone Latin MSS. mira dei iustitia, qui misericorditer penitentem custodiuit iuste, et iuste recidiuantem punivit. , be þe rightwusnes of aƚƚ-myghti God̛, þat hym̛ hy schameles when̛ he was a penytent, becauce of turnyng agayn̛ vnto his syn̛, þer he was punysshid̛; & onone as he tuchid̛ þe watir it was vnto hym̛ as byrnand̛ fyre. For als sone as his hand̛ was in þe watir he gaff a grete cry & tuke vp his hand̛; and aƚƚ þe skyn̛ lefte behynd̛ in þe watir. And þan̛ he told̛ þaim aƚƚ how it happend hym̛.

Cesarius tellis how þat MS. þan. on̛ a tyme, as a grete meneyay of pylgrams saylid̛ to-gedur our̛ þe se, þer feƚƚ suche a tempeste in þe se, at þe shipmen̛ war ferd̛ at þai sulde aƚƚ dye. And þan̛ spak one att was emang þaim att was a grete synner & sayde; "þis tempest is fallyn̛ on̛ vs becauce I am̛ a grete synner; and I pray you aƚƚ att ye wiƚƚ here my confession̛." And þai aƚƚ held̛ þer tong; & he told̛ so mekuƚƚ horrible venom̛ of syn̛ at þaim irkid̛ to here hym̛. And onone as he had done, þurℏ þe mercie of almighti God̛ þer feƚƚ a grete calme in þe see, & þe storm̛ sesyd̛ so sone at euere man̛ had mervaƚƚ þeroff. And when̛ þai come vnto þe havyn̛, almygℏti God tuke oute of þer aller myndis aƚƚ þase synys þat he had shrevyn̛ hym̛ off als verelie as þai had neuer harde teƚƚ of one of þaim.

Confessio pura a confusione temporali liberat. Infra de famulo. v.

We rede how som tyme in þe cetie of Arthebatencis MS. Harl. In ciuitate Attrabanense. MS. Arund. In civitate Atrabacesi. , a yong pure clerk sayd̛ vnto a goldsmytℏ þat þer sulde com̛ vnto his howse a merchand̛, þat wald̛ by of hym̛ syluer vesseƚƚ of dyvers form̛. And when̛ he had told̛ hym̛ þis, þis goldsmytℏ wold̛ fayn̛ hafe solde his chaffer, & commawndid̛ one of his men̛ to go home & feche suche vesseƚƚ & bryng þaim vnto suche a clerke howse. And a sister of þis goldsmytℏ broght þaim þedur þis clerk lay in wayte of hym̛ & his suster as þai come in at þe dure, & slew þaim bothe, & cut þaim in pecis & keste þaim in a sege. And when̛ þis goldsmytℏ meneya saw he tarid long & come not home, þai went vnto þis clerkis howse & spirrid̛ after þer maister & his suster. And þis clerk̘ denyed̛ hym̛ & sayd̛ he come nott þer; & þai areste hym̛ & a bruder & a sister þat he had, & broght þaim befor̛ þe MS. repeats, þe. iustice of þer law, & þer þai cuthe not agaynsay þer gilde, for þe man̛ was fon̛ with þaim, & þe syluer vesseƚƚ bothe; and þai war demyd̛ aƚƚ to be brent. þan̛ þis suster said̛ vnto hur After, hur, h, erased. brother þe clerke; "Bruther, I suffer þis fo[r] þe. And sen̛ we may nott esshew þe payn̛ of dead̛ at we er demyd̛ vnto, lat vs shryfe vs of owr̛ syn̛, at we may so esshew þe euerlastand̛ payn̛ of heƚƚ." And bothe þe brethir wuld̛ nott. Noght-with-stondyng sho sh afe hur of hur syn̛ vnto a preste with grete wepyng & hertlie contricion̛; and þan̛ þai wer aƚƚ takyn̛ & boun vnto a stokk, and a grete fyre made abowte þaim. And þe clerk & his bruther feƚƚ in a dispayr & war burnyd vp̛; & þis damyseƚƚ þurgℏ hur trew confession̛ was kepyd̛ harmeles. & yit þe bandis at sho was boun with wer burnyd̛, & sho felid̛ no more of þe hete of þe fyre, þan̛ it hadd̛ bene þe blaste of a dew wynd̛.

Cesarius tellis þat on̛ a tyme in Braban̛ þer was a man̛ boun in a howse þat had̛ a fend̛ in hym̛, whilk fend̛ cawsid̛ þis man̛ to vpbrayd̛ ilkone at come in with syns at þai had done & war nott shrevyn̛ off. So þer was a man̛ in þe town̛ þat gretelie desyrid̛ to se hym̛ & here hym̛ speke, bod he was ferd̛ þat he suld̛ vpbrayde hym̛ with his syn̛. And for ferd̛ here-of he went & shrafe hym̛ of aƚƚ his synys vnto a preste, bod he kepid̛ with-in hym̛ a wiƚƚ to faƚƚ vnto syn̛ agayn̛; and he trowid̛ þat he was sekur enogℏ & wente boldelie into þe howse vnto þis man̛. And onone as he come in, þis man̛ at was bun̛ cryed̛ & said̛; "A! welcom̛, frend̛! com̛ ner! for þou hase wele whittend̛ þe." & onone, þuf aƚƚ he war shrevyn̛, yit he told̛ aƚƚ his synnys oppynlie vnto aƚƚ þat stude abowte; & þe man̛ þoght he was gretlie confusid̛ becauce his syns wer so fowle, and he was passand̛ hevye & turnyd̛ agayn̛ vnto þe preste, & tolde hym̛ aƚƚ how it happend̛. And he shrafe hym̛ agayn̛ with a fuƚƚ wyƚƚ neuer to syn̛ agayn̛. And þan þe preste bad hym̛ go baldlie agayn̛ and he sulde no more shame hym̛; and he did so. And when̛ he come into þe howse, one at was þer said̛ vnto þis man̛ at was bun̛; "lo! þi frend̛ is commen̛ agayn̛." And he askid̛ whilk was he. And þai said̛; "he þis att þou vpbraydid̛ right now with so fowle synys at þou sayd̛ at he had done." And he ansswerd̛ hym̛ agayn̛ & said̛; "I vpbraydid̛ hym̛ noght, nor I knaw none iƚƚ of hym̛." And fro thens furthe euerilk man̛ trowed att he was bod a lyer, & wolde truste no thyng at he sayd̛. et c̛.

We rede how on̛ a tyme þer dwelte in a town̛ a knyght, & he had a fayr wyfe; & þe preste of þe town̛ held̛ hur. And it was tolde þe knyght, & he wolde nott onone giff faythe þerto; notwithstondyng he had þaim evur in suspecion̛, & he wold̛ nowder latt þe preste nor his wyfe witt at he had þaim so. So on̛ a tyme he prayed þe preste at he wolde go with hym̛ to speke with a man̛ a myle or ij thens. And he said̛ yis, and went with hym̛ vnto a noder town̛, whar̛ þer was a devuƚƚ in a man̛ at wolde teƚƚ euerilk man̛ of aƚƚ þe synys at evur þai had down̛ þat þai wer not wele shrevyn̛ of. And þis preste was aferd̛ þat þe knight broght hym̛ þedur for to aske þis devuƚƚ of his dedis, & he went & soght a preste and þer was nane in þe town̛. And þan̛ he went privalie into þe stabyƚƚ þer þe knightis mann̛ had sett vp þer hors, & he feƚƚ on̛ his kneis befor̛ þe knyghtis man̛, & prayed̛ hym̛ þat he wold̛ here his confession̛, for he was so seke he was bown̛ to dye. And þer, with grete contricion̛ he made a fuƚƚ confession̛ vnto þis man̛, & besoght hym̛ to enione hym̛ penance: and þan̛ þis servand sayd̛; "Sur, I am̛ no preste; I know nott whatt penance I sulde enione you, bod þat penance at ye wolde enione a noder prest and he war shrevyn̛ at you of a like syn̛, þat saƚƚ be your penance." And þis done he went on̛ boldlie with þe knight vnto þis man̛ at had̛ þis devuƚƚ in hym̛. And þan̛ þis knight askid̛ hym̛ if he kend̛ oght with hym̛ selfe; and he sayd, Nay, he knew no þing with hym̛. þan̛ he askid̛ hym̛ what he cuthe say of þe preste, & he sayd̛ þat he cuthe say nothyng of hym̛. And when̛ he had sayd̛ so, he turnyd̛ his tong oute of þe language at þe knyght vnderstude, & spak Latyn̛ & said̛; "In stabulo mundatus est; he was clensid̛ in þe stabyƚƚ." & þe preste vnderstude what he sayd̛, & so did̛ none oþer att was þer. & he was fayn̛ & thankid̛ God & went home with þe knight agayn̛, & lefte þis werld̛ & went & made hym̛ a monke in Ceustus ordur & become evur after a gude man̛.

Jacobus de Vetriaco tellis how at þer was a man̛ þat had done many grete synys at he was neuer shrevyn̛ of, & so hym̛ happend̛ faƚƚ seke & was like to dye. And þe devuƚƚ was ferd̛ at he suld̛ shryfe hym̛ vnto som̛ preste, & come vnto hym̛ hym̛ selfe in liknes of a preste, & cownceld̛ hym̛ to shrife hym̛. And þis man̛ trowed̛ at he had bene a preste, & shrafe hym̛ to hym̛ with gude wiƚƚ of aƚƚ his synys with grete contricion̛. And̛ þis done, þe devuƚƚ sayd̛ vnto hym̛; "Bruther, þies synnes er grevus, and þerfor̛ I enione þe to penance at þou schryfe þe noght of þaim vnto no noder man̛, for þai may gretlie sklander þe"; and þan̛ þe devuƚƚ went his wayes. And onone þis man̛ dyed̛; and þer come aungels & fendys vnto his sawle, & þe fendis sayde; "he is owres, for he was neuer schrevyn̛ vnto no preste." And þe aungels sayd̛ þat he had made a confession̛, for he was contrite; and̛ þuf aƚƚ it was þe devuƚƚ at he was shrevyn̛, yitt he trowed̛ þat he had̛ bene a preste. And þis sawle was broght befor̛ þe hie iugement of almyghtti God̛; & he demyd̛ it for to be putt agayn̛ in þe body, at þe bodi eft mot be shrevyn̛ vnto a preste, and so it was. et c̛.

Confessio pura reddit sacerdotem dignum sacramento misse. Infra de sacerdote. vj.Confessio cum MS. sine. proposito recidiuandi non valet. Infra de contricione. j.Confessionem impedit demon quantum potest. Infra de demone. xj.Confessio penam corporalem inflictam delet. Infra de hereticis. i. et de Maria.Confessio amissa a viuo, fit quandoque a mortuo resussitato precibus sanctorum. Infra de Francisco et oracione.

Cesarius tellis how þer was a monke of Ceustus ordur, & he confessid̛ hym̛ vnto his Abbott, how þat þuff aƚƚ he war no preste, yit he said̛ mes; and he wold̛ not lefe nowdur be prayer, nor charge, nor command̛ of his abbott. And þis abbott told̛ þis case vnto a certan̛ person̛ and sent it vnto pope; and he ansswerd̛ agayn̛ & said̛ it was no confession̛, it was bod a blasfemyng, and "a confessur," he sayd̛, "aw not be þe law to layn̛ sucℏ a blasfeme, whar-þurgℏ grete pereƚƚ myght faƚƚ vnto aƚƚ holie kurk̘." And þus he was dischargid̛ of mes-saying. et c̛.

Confessor non celans confessionem est causa multorum malorum. Infra vbi agitur de Maria Dei genitrice.

Cesarius tellis how þer was a riche huswyfe þat had done many horrible synnys; & sho had grete sorow for þaim in hur harte, and yit sho wold̛ nevur shryfe hur of þaim. So þer was a yong preste þat sho had broght vp̛ of barn̛ little hur self; & sho tuke suertie of hym̛ & shrafe hur unto hym̛ of aƚƚ hur synnys. And when̛ he had hard̛ hur confession̛ he was lathe to displease hur, & cownceld̛ hur to fulfyƚƚ þe luste & þe likyng of hur bodie; & scho wold̛ nott, bod abade in parfite contricion̛. And when he saw þat, he discurid̛ hur synys to ilk man̛ & diffamyd hur. And sho was so gude a womman̛ at no man̛ trowid hym̛ bod held̛ hur a gude womman̛ & cowntid̛ hym̛ bod for a fule.

We rede how on̛ a tyme a maydyn̛ come & shrafe hur vnto a preste; and he as ane vnwyse confessur began̛ to tempe After tempe, hym, erased. hur vnto syn̛, & gaf hur comfurthe þerin þat sho sulde contynue. And so sho contynued̛ it so lang at sho cuthe neuer lefe it Latin MSS. Virgo quedam cuidam sacerdoti confitebatur. Ille sicut imprudens cepit de peccatis sibi ignotis interrogare. Que mox de eis in tantum cepit temptari quod, sicut postea retulit alteri sacerdoti, vix de illis peccatis continuit. .

Cesarius [tellis] how þer was a man̛ þat had done many horrible synnys, and when̛ he had shrevyn̛ hym̛ þerof vnto a preste, he wolde resayfe no penance, bod said̛ he myght do none; to so mekuƚƚ, & þe preste enionyd hym̛ neuer so lityƚƚ penance, yit he wolde nott graunte þerto. So his confessur askid̛ hym̛ if he myght say euer-ilk day his pater noster. & he tuke hym̛ þerto & did itt. And almighti God sent hym̛ suche grace, þat he come agayn̛ oft-sithes & asked evur more penans, vnto þe preste had enionyd̛ hym̛ sufficient penance for his syn̛.

Confessor discretus debet esse compaciens et condescendens peccatoribus. Supra de Abbate.

We rede in 'Libro de Dono Timoris' how þat a man̛ þat was in syn̛ happend on̛ a tyme to be in pereƚƚ of his dead̛; and he made a vow þat, & he mot esskape, he sulde shrife hym̛. And so hym̛ happend̛ be delyverd̛; & þe maister of his felowship̛ went & shrafe hym̛ vnto a preste hermett, & he shrafe hym̛ vnto þe same. And þis preste gretlie blamyd̛ hym̛ for his syn̛, & sent hym̛ vnto þe pope; & þis man̛ wexid̛ hym̛ gretlie and slew hym̛, and did̛ þe same with ane oþer confessur. And þe thrid̛ confessur hard̛ hym̛ mekelie & spak frendlie vnto hym̛, & tretid̛ hym̛, and enionyd hym̛ to penance one thyng alonelie, & þat was; þat when̛ som̛evur he saw any man̛ dead̛, he suld̛ helpe to berie hym̛ & he myght, & putt hym̛ in þe ertℏ, and at he sulde þinke of deade. And so he did oft-sythis; & att þe laste he began̛ devowtelie to þinke on̛ his estate, & went in-to wyldernes, & þer he liffid̛ & dyed in grete penance. et c̛.

We rede in 'Vitis Patrum' how þat ane olde man̛ of religion̛ was seke in Egipte, and he wold̛ algattis go home vnto his frendis at he mot be with þaim to he wer seke, & not emang his After his, breke, erased. brether to noy þaim. And þe abbot Moyses bad hym̛ go noght, þat he feƚƚ not into fornicacion̛. And he was hevy þerwith & sayd̛ his bodie was dead̛ fro aƚƚ maner of swilk luste. And he went on̛ his ways to his frendis; & a damyseƚƚ of hur devocion̛ kepid̛ hym̛. And̛ when̛ he was coverd̛ of his sekenes, he lay by hur & gatt hur with child̛. And when̛ þis child̛ was born̛, þis olde man̛ tuke it in his armys opon̛ a grete festiuaƚƚ day, & come into þe kurk̘ þerwith befor̛ aƚƚ his brether & aƚƚ oþer þat þer was; and his brethir wepid̛ & made sorow for hym̛. And̛ þan̛ he said̛ vnto þaim; "See ye þis childe? Lo! þis is þe son̛ of inobediens; be war!" he said̛, "þerfor̛, ye brether, & take ensample be me, for þis I dyd in myne elde. And þerfor̛ I pray you hertelie pray for me." And he went into his ceƚƚ; & þer he abade aƚƚ his life-days in grete penaunce & prayer.

Confidencia est habenda in sanctis So the Latin MSS. The English version has, in sanctis temporalibus. de rebus temporalibus. Infra de Sancto Nicholao.Confidendum non est in quolibet. Infra de gula. iiij.

Cesarius tellis how on̛ a tyme a yong man̛ gatt a non̛ with child̛; and̛ he was so confusid̛ þer-with, & so ferd̛ at he sulde be descried̛ þat he had done suche a truspas, & no man̛ had hym̛ in suspecion̛, þat he went vnto ane abbay of a strayte ordur & made hym̛ a man̛ of religion, & þer abade in grete devocion̛ & prayer aƚƚ his life. et c̛.

Helinandus tellis how þat shipmen̛ on̛ a tyme come vnto a philosophur þat hight Omerus, & spirrid̛ hym̛ a question̛ & he cuthe not in no wise essoyne it. And becauce he cuthe not, þai said̛ he was bod̛ a fule, & cuthe no wisdom̛. And he was so confusid̛ & esshamyd̛ þat with-in a little while after he dyed̛ for sorow.

Isidorus tellis how [when] þat Philip̛ þat was king of Macedonie was at Athenys, he askid of þe cetie at þai sulde delyvir hym̛ x wyse men After men, at, erased. , and he sulde breke vp his sege. And when̛ a man̛ þat hight Demonstrues Latin MSS. Demostrues. harde teƚƚ þis, he fenyd̛ þis fable & told̛ it emang þe cetisyns of Athenys; how þat, on̛ a tyme, wulfis desyrid̛ of sheperdis at þai & þai myght be made frendis. And þe sheperdis þoght none iƚƚ & grawntid̛ & was made frendis with þaim. And þan̛ þe wulfis askid̛ of þies sheperdis at þai mott hafe þer doggis at kepid̛ þer shepefald̛ delyverd̛; ffor as þai sayd̛, þai wold̛ be occasion̛ and cauce to gar þaim faƚƚ att debate agayn̛. And þe sheperdis agreid þerto, & delyverd̛ þaim þer doggis þat war wunte for to kepe þer faldis. And þan̛ þe wulvis killid̛ þies howndis; & when̛ þai had so done, þai come & werid̛ vp aƚƚ þe shepe att was in þe flokk̘. "And þus," he sayd̛, "wiƚƚ Philipp̛ þe kyng do with vs, þat is to say, take away our wise men̛ & owr̛ oraturs; and when̛ he hase so done, þan̛ he wyƚƚ mys-chefe vs & sla vs, & aƚƚ þat er in þe cetie of Athenys."

We rede in þe life of Abbott Pastur, how þer was a Iustice of þe contre, & he desyrid̛ to se þis Abbott, and he mot nevur com to at se hym̛. And þis iustis saw þat, & he garte take þe sister son̛ of þis abbott, & said̛ he was a thiefe & putt hym̛ in prison̛, & sayd̛ & þis abbott Pastor wold̛ com̛ vnto hym̛ & pray hym̛ for hym̛, he suld̛ delyver hym̛ hym̛. And pan̛ þe moder of þis childe come vnto þis abbott ceƚƚ dure, and̛ callid̛ þer-att & besoght hym̛ to speke with hur, & he wolde no wurd̛ ansswer. And when̛ sho saw þatt, sho wepid̛ & made mekuƚƚ sorow, & sayd̛; "And þou had̛ a harte & bowels of yrn̛ & mott not be movid̛ with no compassion̛, yit at þe leste marke, þou suld̛ hafe compassion̛ of þine awn̛ blude, þi sister son̛." And þan̛ þis abbott sent wurd̛ vnto þis iustis & sayd̛; " Pastor filios non generauit; Abbott Pastor gatt nevur child̛." And when̛ þis iustis saw at þe abbott wold̛ not com̛ hym̛ selfe & pray for hym̛, he said̛ & he wold̛ send wurd̛ for hym̛ be mowthe he suld̛ send̛ hym̛ hym̛. And þan̛ þis Abbott sent hym̛ wurd̛ & sayd̛; "Examyn̛ þe cauce as þe law wyƚƚ, & if he be wurthi to dye lat hym̛ dy; or els do with hym̛ as þou plesis." et c̛.

We rede in 'Historia Tripartita,' þat on̛ a tyme when̛ Iulianus Apostata at a grete ffeste tyme, in maner as emperours dose, garte encens be sett befor hym̛, he made crysten̛ men̛ to com̛ knelyng aforn̛ hym̛ & serve hym̛ þer-of. & he gart hide fals mawmettis vnder-nethe a clothe befor̛ hym̛, at þe cristen̛ men suld̛ not se þaim; & þe cristenmen̛ wiste nothyng þerof. And when̛ þis was done, he garte bare þies & told þe cristen̛ men̛, & threpid̛ of þaim at þai had̛ done sacrifice vnto his goddis, & offred þaim encence. And when̛ þai harde þis, þai cryed & made mekuƚƚ sorow, and desyrid̛ at þer right handis at þai broght it vp̛ with sulde be cutt off for penance et c̛; þuff aƚƚ þai þoght not of no sacrifice vnto fals goddis.

We rede in 'Libro de Dono Timoris,' how on̛ a tyme þer was a riche man̛, & he luffid wele to go to sportis & to grete festis. So on̛ a tyme, as he was be hys ane, hym̛ happend̛ to vmthynk hym̛ of his synnys, & so he contynued̛; and his consciens was so gretlie turment þer-with at he mott hafe no reste. And þerfor̛ evur when̛ suche a thoght come in his mynd̛, he wald̛ evur caƚƚ vnto hym̛ one of his neghburs to hald̛ a talk with hym̛, & for to putt suche thoghtis oute of hys mynde.

Consecracio ecclesie. Infra de dedicacione.

We rede how on̛ a tyme ane archer gatt a little burd̛ þat is callid̛ a nightgale, & he gatt oute his knyfe & wold̛ hafe slane hur. & þan̛ sho spakk vnto hym̛ & sayd̛; "þou man̛! whatt may my dede profett þe? For þou may not fyƚƚ þi body with me, bod & þou wiƚƚ latt me go, I saƚƚ gif þe for my rawnson̛ iij wisdoms, whilk & þou kepe, saƚƚ be grete profett vnto þe." And when̛ he hard̛ hur speke he was gretelie astonyd̛, & sayd̛ þat & sho cuthe teƚƚ hym̛ any new þingis at mot profett hym̛, he suld̛ latt hur go aƚƚ redie; & sho essurid̛ hym̛ at sho suld̛. And as for þe furste, sho bad hym̛ neuer to desyre to gett þat þing at the myght not gett; and make not sorow for þat þing þat is verely loste & can̛ neuer be requoverd̛; and as for þe thrid̛, "Gyff not truste vnto euerilk wurd̛ at þou heris." And þis done he lete hur fle þer sho wold̛; and sho gatt hur vp into a tre & þoght sho wald̛ witt wheþer þies wisdoms sulde turn̛ hym̛ vnto any profett or nay. And sho said̛ vnto hym̛; "A! wo be vnto þe! for þou hase had̛ þis day ane iƚƚ cownceƚƚ; for þer is with-in my body a precious stone callid̛ a Margarite, þat is of grete vertue, and̛ it is more þan̛ ane egg." And when̛ he hard̛ þis, he made mekuƚƚ sorow at he had lattyn̛ hur go, & desyrid̛ hur to com̛ agayn̛, & made aƚƚ þe crafte att he cuthe to gett hur. And þan̛ sho sayd vnto hym̛; "Now I know þat þou erte bod a fule. I bod þou suld̛ not make sorow for þat þing þat was loste and irrecouerable, & I bad þou suld̛ not be besy to labur for þat þing at þou may nott gett, & þou makis mekil MS. mekis. sorow at þou hase loste me, & laburs to gett me agayn̛, & I wiƚƚ not com̛ att þe. And I bad þou sulde not trow euer-ilk wurd̛ att þou hard̛, & þou trowis at þer be in my bodye a precious stone mor̛ þan̛ ane egg; & aƚƚ my bodie is nott so mekuƚƚ as halfe ane egg. And þerfor̛ as I fand̛ þe a fule, so wiƚƚ I lefe þe." & with þat sho flow away syngand̛ þies ij versys; " Non nimis amissis doleas, nec omne quod audis credas, nec cupias id quod habere nequis."

Tullius tellis how som tyme þer was a man̛ þat hight Themistenes, & on̛ a tyme he told̛ vnto þe men̛ at dwelte in Athens þat he cuthe teƚƚ þaim a cownceƚƚ þat war for þer common̛ profett. Bod he said̛ þat it was noght necessarie þat aƚƚ men̛ suld̛ witt it, & þerfor̛ he desyrid̛ þaim at he myght hafe ane to teƚƚ it to. And þai assigned̛ hym̛ a man̛ þat hight Aristes, and he told̛ hym̛ & sayd̛: "A grete shyp̛ of Lacedonye is commen̛ vnto þe haven̛; and it wer ane ethe þing & a profitable to men of þe cetie to go & take oute aƚƚ þe riches þer-of." And when̛ þis Aristes hard̛ þis, he went to þe cownceƚƚ in-to þe cetie & told̛ þaim þat he had hard̛ a profitable cownceƚƚ, bod it was nowder treutℏ nor honestie; and þerfor̛ he sayd̛ he wold̛ not concent þerto.

Consilio bono frequenter peccator ad penitenciam et satisfaccionem attrahitur. Infra de vsurario et multis alijs locis.Consilio malo perdit homo corpus et animam. Infra de heretico.Consilio bono fit iustum iudicium. Infra de promisso.Consilio bono peccatum dimittitur et temperancia augetur. Supra de abbate.Consilium gratis debet dari pauperibus. Supra Augustini. iij.

Jacobus de Vetriaco tellis of Harl. MS. de sancta Maria de Ogniez. Arund. MS. de sancta Maria de Origine. This English version is entirely corrupt. our ladie Saynt Marie, þat when̛ sho norisshid̛ hym̛ in his youthed̛ and sho had ligen̛ with hym̛ iij dayes in bed laykand̛, hur wold̛ hafe þoght it bod ane hour; & sho wold̛ layke so long with hym̛ at he wold̛ be bathe hon[g]rie and threstie. And ay þe hongreer & þe thristier at he was, þe more sho desyrid̛ to hald̛ hym̛ in hur armys; and if he wold̛ hafe bene furtℏ, sho wold̛ cry & hold̛ hym̛ stiƚƚ betwix hur armys. And som̛ tyme sho wold̛ bere hym̛ in hur armys iij dayes, & kis hym̛ & play with hym̛ in dyvers placis, becauce sho had so mekuƚƚ comfortℏ of hym̛ in hur harte; for als mekuƚƚ as sho knew þat he was bothe verray God & man̛.

We rede in 'Libro de Dono Timoris' of a womman̛ þat was devowte; & on̛ a tyme when̛ sho wantyd̛ comfurtℏ at sho was wunte vnto, & was ferd̛ at it suld̛ tary lang or it come, & when̛ at it war commen̛ at it suld̛ sone pas away, and sho spakk vnto hur awn̛ vertues at was with-in hur & sayd̛; "My faythe! go þou vnto my Lord̛ God̛, & charge Hym̛ be aƚƚ þe articles þat er trowed̛ in Hym̛ þat He com̛ vnto me & comfurtℏ me. & my mynde! Be þou His hoste, & ordan̛ for his herberie. And my luff! Luke þou make Hym̛ gude chere. And my charitie! It acordis to þe to hold̛ Hym̛ stiƚƚ, at He pas not away." And when̛ sho had þus chargid̛ aƚƚ hur vertues, onone sho was putt in a mervalos grete comfurtℏ, at contynued with hur lang & recedid̛ noght away from̛ hur.

Consolatur Deus So the Latin MSS. The English MS. has, Consolatur Deus in aliquo in aliquo sacramento, &c. aliquos in sacramento altaris. Infra de sacramento. j.Consolacionem recipiunt aliquando sancti creaturis vel factis. Supra abbatis vi MS. ij. et infra de Iohanne Euuangelista.Consolatur Deus tribulatos. Supra de Antonio.Consolacio Diuina subtrahitur ab hijs qui consolacionem habent in amicis carnalibus. Infra de Peregrino. ijo.

Cesarius tellis of a monk̘ of Ceustus ordur, þat had a grace and a lefe, for feblenes att his body was in, for to ly in his bed̛ & not com̛ att matyns at mydnyght; & yitt for aƚƚ þat he myght not reste in his bed in matyn̛ tyme, bod þat reste at he had, hym̛ burd̛ hafe it in þe kurk̘. So on̛ a day his brether chalangid̛ hym̛ þerfor̛, & said̛ sen̛ he was so wayke of hym̛ selfe, at hym̛ wer bettir for to reste hym̛ in his bed̛ þan̛ for to com̛ vnto þe kurk̘, & specialli becauce he had lefe. He ansswerd̛ agayn̛ & said̛; "When̛ I here my brethir syng, & I be not with þaim, þan̛ I am̛ mervoloslie trubled̛ and turment in my harte; & þan̛ I wax hevy when̛ I vmthynk me þat þe comfurtℏ at God duse vnto þaim þer did it som̛ tyme þer vnto me. & þuf aƚƚ I may nott helpe þaim, yit it comfurthis me gretelie to here þaim."

Cesarius tellis how som tyme þer was a monke in Ceustus ordur, and he was MS repeats, was. a leche & ran̛ þurgℏ þe cuntre ilk day, þat vnnethis he wolde be att hame at his abbay on̛ hy dayes. So it happend̛ opon̛ a night, in þe solempnyte of our̛ Ladie, as he stude at matyns syngand̛ emangis his felos, he saw our Ladie Saynt [Marie] com̛ in-to þe where, & broght a boyste fuƚƚ of lectuarie; & sho putt þerof in-to evur-ilk monk mouthe with a spone. And when̛ sho come att hym̛ sho said̛; "þou mysters not of my lectuarie, for þou erte a leche & takis þine awn̛ comfurtℏ at þe fuƚƚ": & so he had̛ none. And fro þine furtℏ, bod if he had bene compellid̛, he wold̛ neuer oute of his abbay, nor he had neuer after dayntie of bodelie medcyn̛. So þe next ffeste of our Ladie sho come agayn̛, & did vnto þe monkis as sho did̛ before; and when̛ sho come att þis monk̘, sho said̛ vnto hym̛; "Becauce þou hase had mor̛ comfurtℏ of me þan̛ þou had of þi lechecrafte or MS. of of. of þi medcyns, þerfor̛ I saƚƚ giff þe of my medcyns." And when̛ he had tastid̛ þeroff, onone he feld̛ suche a swetnes, þat euer fro thens furtℏ he was so stable in his ordur þat he refusid̛ aƚƚ maner of oþer þing.

Cesarius tellis of a monk of þe same ordur, þat did̛ many grete meracles. So his abbott askid̛ hym̛ on̛ a tyme, how he had þat grace befor̛ aƚƚ his brethir to do so many meracles. And he ansswerd̛ agayn̛ & said̛; "I wote nevur, for I pray no more, nor fastis no more, nor wakis no more, þan̛ duse myne other brether, nor laburs no more; bod I know After know, n and some other letter, blotted. a thyng. Ther may no prosperite make me prowd̛, nor none aduersitie make me displesid̛ nowder of my selfe nor of oþer." And þe abbod̛ askid hym̛ & said̛; "Was þou not trubbled̛ when̛ suche a knyght byrnyd̛ our grange?" And he ansswerd̛ agayn̛ & sayd̛; "Nay! for I betaght þe reward̛ þerof vnto almighti God̛; and wheþer I hafe mekuƚƚ or little, euer I thank̘ allmighti God þerof, & takis it with gude wiƚƚ, ffor I hafe dispysed̛ & forsaken̛ aƚƚ þe riches of þis werld̛." et c̛.

Constans debet esse prelatus in hijs que pertinent ad officium suum. Supra Ambrosij. vj.Constans debet esse bonus subditus [in bono] So Arund. MS. contra prelatum ullum. Infra Hillarij.Constans debet esse miles in bello. Infra de Milite. vj.Constans debet esse quilibet in bono opere incepto. Infra MS. Supra. de nouicio.Constantes Deus adiuvat in necessitate. Infra de virginitate. iij.Constans omnia suffert propter Deum. Supra de compassione.Constantinus imperator. Supra de eodem.

Saynt Gregur tellis how þer was on̛ a tyme a man̛ þat opon̛ þe Pascℏ-evyn̛ corrupte a maydyn̛. So opon̛ þe morn̛ he was ferd̛ for to go into þe kurk̘, att þe devuƚƚ suld̛ hafe no power of hym̛. Not-withstondyng, at þe laste he went in for shame with a grete ferdnes. And so he did̛ on̛ þe secund̛ day, & was les ferd̛; & on̛ þe iij day he was leste ferd̛ of aƚƚ. And þus he did̛ vnto vij dayes was passid, and þan̛ he was nothyng ferd̛, & wold̛ not shryfe hym̛ þerof. & onone after he dyed̛ a sodan dead̛. And when̛ he was laid̛ in his grafe, þer come sodanlie a grete low into his grafe & burnyd̛ ewhils þer was lefte a morceƚƚ of hys bodie to burn̛ opon̛, & to it was clene wastid̛.

Consuetudo eciam naturam aliquando alterat. Infra de lupo et supra de Andrea.Consuetudo MS. inserts eciam here. mala difficile tollitur. Supra de aduocato. iiij.Consuetudo bona semper est seruanda. Infra de milite, v, et de Aue. ij.

Heraclius Latin MSS. Heraclides. tellis how þat Alexandrus Latin MSS. Alexandrinus Macharius. Macharius told̛ hym̛ on̛ a tyme & sayd̛, þat som tyme a vayne covatice of thoghtis of vanytie occupyed̛ his mynde, at he wald̛ certayn̛ dayes contynuallie bere hys mynd̛ vnseuerable, to so mekuƚƚ þat he wald̛ spar his duris at no man̛ sulde speke with hym̛, nor hafe ane ansswer of hym̛. And he wold̛ flite with his awn̛ mynd̛ & say vnto hit; "vmbe-se þe att þou faƚƚ not fro hevyn̛ vnto ertℏ; ffor þer þou hase þi creatur & aƚƚ angels & saynttis. Think̘ of aƚƚ þies." And þus he contynued̛ ij dayes & ij nyghtis; and þan̛ he felid̛ þe devuƚƚ prikkid̛ hym̛ so, att hym̛ þoght att aƚƚ his ceƚƚ feƚƚ opon̛ hym̛.

We rede in 'Vitis Patrum' how a bruther on̛ a tyme come in pylgramege vnto a place of monkis þat was at þe mownt̛ of Synay, & þer he say þe monkis labur & grafe þat þai suld̛ saw corn̛. And he said̛ vnto þaim in þis maner of wise; "Whie wurke ye for meatt þat wiƚƚ do bod̛ waste & perissℏ away? Remembre you of Marie Magdalyn̛, how sho did no bodelie labur, & yitt our Lord̛ sayde þat sho had chosyn̛ þe bettir parte." And when̛ þer abbott harde teƚƚ of þis, he bad a disciple of his giff þis man̛ a buke, & putt hym̛ in a ceƚƚ þat nothyng was in. And at howr̛ of none þis man̛ lukid̛ furtℏ if any man̛ callid̛ hym̛ to mete; & þer was none att callid̛ hym̛. And after none þe abbott come vnto hym̛ & sayde; "how duse þou?" And he ansswerd̛ agayn̛ & sayd̛; "Sir Abbott! Ete none of your brethir no meate to-day?" and þe abbott sayd̛; "yis." And þan̛ he askid whi þai callid̛ not hym̛ to dener; þan̛ þis abbott ansswerd̛ hym̛ & sayde: "Thow erte a spirituaƚƚ man̛ & mysters no meatt; and we er flesshlie men̛ & bus nedelyngis eatt; & þerfor̛ we wurk̘ with oure handis." And when̛ þis MS. his. bruther hard̛ þis, he began̛ to forthynk at he had said̛, & sayd̛ vnto hym̛ selfe; "Now I know wele att it is necessarie to ioyn̛ þe life of Martha with þe life of Magdalen̛: þat is to say, vmwhile to vse spirituaƚƚ life & vmwhile to vse contemplatyfe life," & þan̛ he feƚƚ to werk and did̛ as þai did̛.

Contemplacio rapit hominem extra se vt aliquando sensum non habeat. Supra Augustini. iij.Contemplacionem MS. contemplacioni. intermittere interdum expedit. Infra de Iohanne Euuangelista.

Saynt Jerom̛ tellis of a man̛ þat hight Socraticus, and on̛ a tyme his gudis wer aƚƚ tane fro hym̛ safeyng a mantiƚƚ. And he had a disciple þat hight Diogenes, & he had no gude lefte bod̛ a skrip̛ and̛ taberd̛ & his vvermest clothe to hyƚƚ hym̛ witℏ; & in his scrip̛ he bare his meatt. And he had no howse bod a tome ton̛, & hym̛ þoght þatt was a noble howse; & in wynter when̛ it was cald̛, he wald̛ evur turn̛ þis ton̛ mouthe vnto þe sowthe, & in sommer he wald̛ turn̛ it into þe northe, & evur as þe son̛ turnyd̛ wold̛ he turn̛ his ton̛. And he had kepid̛ hym̛ no gude bod alonelie a copp of tre to drynk opon̛. So on̛ a tyme he saw a childe take vpp̛ watir in þe luff of his hand̛ & drynk þerof; and when̛ he saw þat he caste away his copp̛ & sayd̛ þat he wiste neuer þat natur had giffen̛ a man̛ a vesseƚƚ to drynk̘ off. et c̛.

Contempni[et] elongari debet turba hominum. Infra de solitudine MS. solicitudine. . i. ij. et iij.

Heraclides tellis how þat a gude holie man̛ þat hight Animonus Latin MSS. Animosus. opon̛ a tyme was gretlie desirid̛ to be a bisshopp̛ with þe common̛ peple, to so mekuƚƚ þe cetisens tuke hym̛ & sayd̛ he suld̛ be þer bisshopp̛ magre his tethe. And̛ he saw þat he myght not esskape þaim, and he tuke ane yrn̛ & pullid̛ of his lefte ere of his heade hard̛ be þe rutis, at aƚƚ men̛ mot se. And þan̛ he said̛; "Now may ye see at I may nott be a bisshopp̛, for þe law wiƚƚ not at a man̛ be made a bisshopp̛ & owder of his eris be off." And þan̛ þer was a bisshopp̛ þat hight Dorotheus, & he said̛ vnto [þe] peple þat þe Iewis kepid̛ þat law; "Bod emang vs Cristen̛ men̛ I doute not þat & a man̛ bothe eris war cutt off, & his maners wer gude & honest, bod he wer wurthie to be a bisshopp̛ & myght be made ane." And when̛ þe peple hard̛ þis þai said̛ he sulde be þer bisshopp̛ magre his tethe. And when̛ he saw þat, he was wrothe, & said̛; "fforsutℏ! and ye make me bisshopp̛, I saƚƚ cutt oute my tong at ye saƚƚ nott witt what I say." And when̛ þai hard̛ þis, þai lete hym̛ go.

Contempni potest mundus eciam inter amicos carnales. Infra de pecunia. iiij.Contemptum mundi inducit aliquando memoria mortis. Infra de memoria mortis in pluribus narracionibus, et supra de cogitacione. iiij.Contemptum mundi inducunt transitoria que sunt in mundo. Supra de Ambicione. ij.Contemptum mundi inducit aliquando falsitas amici. Supra de Amico. vj. vij. et x.Contempnentes sacramenta ecclesie aliquando moriuntur sine ipsis. Infra de Sortilegio. j.

Cassianus tellis þat when̛ Socrates þe philosophur be complexion̛ off his bodye was disposid̛ vnto many synys, so on̛ a tyme þer was a man̛ þat beheld̛ hym̛ ons, & sayd̛ he had þe een̛ of childr̛ body. And Socrates disciples þoght þai wold̛ bete hym̛ for þe skorn̛ he gaff þer maister; and þer maister wulde not latt þaim, bod garte þaim lefe & do hym̛ no skatℏ; "for it is with me as he said̛, bod I with-draw me fro þat at I am̛ desposid̛ to."

Continens eciam habita op[p]ortunitate peccandi se custodit. Infra de temptacione carnis.Continens eciam mortem sustinet antequam peccato consensiat. Infra de temptacione carnis. j.

Cesarius tellis how on̛ a tyme when̛ a preste was prechand & telland̛ of synnys & þe paynys of heƚƚ, a womman̛ cried vnto hym̛ & sayd̛; "Sur, whatt saƚƚ wurtℏ of prestes lemmans?" And he knew sho was bod a symple thyng & ansswerd̛ halfe in sporte & said̛; "Thai saƚƚ nevur be savid̛ bod if þai crepe into a hate oven̛." And sho was a prestis lemman̛, & sho tuke not þis wurde in bowrte, bod on̛ a day sho hate a grete oven̛, and no-bodie with hur; & when̛ it was rede hate sho sparrid̛ þe duris to hur & crape into it. And̛ onone sho was burnyd to dead̛. And þer was a grete felashupp̛ of men̛ & wommen̛ standand̛ samen with-oute, nerehand̛ hur place, and þaim þoght þai saw a white dowfe fle fro hur howse vnto heven̛. And þai had grete wonder þeroff, and brak upp̛ hur duris; & þai fande hur burnyd̛ of dead̛ in þe oven̛, & þai drew hur oute & berid̛ hur in þe felde as men̛ duse with þaim att kyllis þer selfe. So afterward̛ aƚƚmighti God wold̛ latt it be knawen̛ þat sho slew not hur selfe of malece nor of iƚƚ wiƚƚ, bod for penans & obediens; opon̛ nightis þer was sene a huge light abowte hur grafe. & þan̛ þai tuke hur vpp̛ & layd̛ hur in Crystens mans beriaƚƚ.

Cesarius tellis how on̛ a tyme þer was a scoler at Parissℏ, þat had done many vglie syn̛, & he wold̛ not shrife hym̛ of þaim for shame; notwithstondyng hertelie contricion̛ ouer̛-come his shame, & on̛ a tyme he come vnto þe priour of Saynt̛ Victors, & wold̛ hafe bene shrevyn̛. & þer was so mekuƚƚ contricion̛ in his harte, & so many sobbis in his breste, & so many syghyngis in his throte, & so many teris in his een̛, þat he mot not speke nor say a wurd̛. And when̛ þe priour saw þis, he bad hym̛ go & write his syn̛; and so he did̛; and come agayn̛, & yitt for sorow he myght not speke a wurd̛, bod gaff þis byƚƚ vnto þe priour. And he red it, & hym̛ thoght þe synnys wer so grete at he desyrid̛ þe scolar þat he mott latt his abbott se itt, at he myght aske hym̛ cownceƚƚ þerin. And he lete þe abbott se it; and when̛ þe abbott lukid̛ þer-vppon̛, he cuthe se nothyng wretten̛ þerin; & þan̛ he said̛ vnto þe priour; "What may I rede here, whar̛ right noght is wretten̛?" And when̛ þe priour saw þatt, he had grete wondre þerof & said̛; "Sur, forsuthe a yong man̛ wrate his confession̛ here-vppon̛, and I redd̛ it my selfe; bot now I se þat God is mercifuƚƚ, þat graciouslie hase behalden̛ his contricion̛ and forgiffen̛ hym̛ his syn̛." And þus bothe þe abbott & þe priour told̛ þis scolar & assoylid̛ hym̛; and þus with grete ioy & myrtℏ he went fro þaim home vnto his lugyng.

Cesarius tellis how som̛ tyme þer was a womman̛ þat lete hur awn̛ son̛ gett hur a barn̛; and when̛ þis barn̛ was born̛, sho bare it in hur armys vnto Rome, & þer with grete wepyng & sorow, sho shrafe hur vnto Pope Innocent afor̛ aƚƚ his cardinallis. And þe pope enioynyd̛ hur vnto penance at sho suld̛ com̛ befor̛ hym̛ on̛ þe morn̛ in þe same clothyng at sho had on̛ when̛ sho went to syn̛ with hur son̛. And on̛ þe morn̛ sho did̛ of aƚƚ hur clothyng, and in hur sarke alone sho come afor̛ þe pope, and said̛ sho was redi to fulfiƚƚ whatt penance som̛-euer he wold̛ enioyn̛ hur. And when̛ þe pope saw þatt, he said̛ vnto hur; "þi syn̛ is forgyffen̛ the." And one of þe cardynals when̛ he hard̛ þis, began̛ to gruche agayn̛ þe pope, & said̛ he demyd̛ vnsufficientlie. And þan̛ þe pope said̛ vnto hym̛; "and I hafe demyd̛ iƚƚ, þe devuƚƚ entre into me; and if I hafe wele demyd̛, þe same happen̛ þe, becauce at þou gruchid̛ here-in." And onone att aƚƚ saw at wer aboute, þe devuƚƚ began̛ to vex þis cardinaƚƚ, becauce att he gruchid̛ þat þe pope declarid̛ vnto þis womman̛ þat hur syn̛ was forgyffyn̛ hur.

Contricio perfecta per opera manifestatur. Infra de penitencia. ij.Contricio aliquando excitatur a presentia bonorum. Infra de visitacione. j.

Cesarius tellis how som tyme þer was in England̛ a clark þat was a chanon̛ in Lincoln̛ Mynster, and he was nere sybb cussyn̛ vnto þe bisshopp̛. & þer was a Iew wonnyd̛ in þe town̛, & he had a fayr doghter: and þis clerk̘ laburd̛ hur so att sho promysid̛ hym̛ att he suld̛ lyg by hyr, bod sho said̛ hur fadur luffid̛ hur so wele & kepid hur so þat þai myght nott com̛ samen bod on Gude Fryday nyght; ffor þan̛ þe Iewis hase bludie flux, & þai vse little to be occupyed̛ or com̛ forward̛. And when̛ þat night come, þis chanon̛ hafeyng no mynd̛ of þe Passion̛ of Criste þat he suffred̛ as þat day, come vnto hur & lay with hur vnto on̛ þe morn̛. And hur fadur rase & come in-to þe chambr̛ þer sho lay, & saw a man̛ in bedd̛ with his doghter, & he thoght for to hafe slayn̛ hym̛. And when̛ he lukid̛ on̛ hym̛, he knew wele enogℏ at he was þe bisschoppis cussyn̛, and þerfor̛ he was aferd̛ to sla hym̛; & he cryed̛ with a hedus voyce & sayd̛; "O! þou fals Christen̛ man̛! what duse þou here in syn̛ þis day? Whar̛ is þi faitℏ? Be þe dome of God rightwuslie þou ert giffen̛ in-to owr̛ handis; and warn̛ it wer for drede of þe bisshop̛ at þou ert cussyn̛ vnto, onone I sulde sla the." And þus with grete confusion̛ he showed̛ hym̛ oute att þe dure; and he went home, & happend̛ þat day, þat is to say Pascℏ-even̛, to be assigned̛ be þe bisshopp̛ to be his dekyn̛ in serves tyme & rede þe pistle; & he was ferd̛ as on̛ sucℏ a day to commytt his offes vnto ane other man̛, for drede of suspecte; & he was also ferd̛ to com̛ nere þe altar̛ & þe halie sacrament with so grete syn̛ as he was in. And yitt for shame he myght nott fynd̛ in his harte to shryfe hym̛, so he was þus ouercommen̛ with shame, & did̛ on̛ his mes clothis, & stude att þe altar̛ befor̛ þe bisshopp̛. And sodanlie þis Iew and a grete meneya of oþer Iewis with hym̛ come in att þe mynster dure with a huge durdom̛ & a noyse, ffor to make complaynt vnto þe bysshopp̛ of his cussyn̛. And als tyte as þis yong chanon̛ saw þaim, he wex pale & was passand̛ ferd̛, and made his prayer vnto God in his harte, & sayd þus; "Lorde Iesu! delyuer me & safe me shameles of þis Iewis at þis tyme, and I beheste þe hertelie þat I saƚƚ shryfe me of þis syn̛ & make a sethe þerfor̛; & fro hens furth I saƚƚ no more offend̛ þe." So þis bisshopp̛ saw þies Iewis & had grete mervayle whatt þai did in þe kurk̘, & speciallie suche a day; and he commaundid̛ þaim to stand̛, & askid̛ þaim what þai mente. And onone as þai wold̛ hafe accusid̛ þis clerk̘, be þe vertue of God, þai wer aƚƚ dombe, & myght nott speke. & when̛ þe bisshopp̛ saw þaim gaspe with þer mowthis agayns hym̛ & mott speke no wurde, he trowid̛ att þai come for illusion̛ of þe sacrament, & with indignacion̛ MS. with indignacion̛ &. he commanddid̛ þaim to be put oute of þe mynster. And̛ þis clerk̘ felid̛ att God had had mercie on̛ hym̛; & when̛ serves was done, he went vnto þe bysshopp̛ & shrafe hym̛, and afterwerd̛ made hym̛ a monk̘ in Ceustus ordur. And þai garte cristen̛ þis damyseƚƚ, & made hur a non̛ of þe same ordur; and afterward̛ þai bothe wer gude halie liffers.

Som tyme þer was a yong man̛ þat was a chanon̛ in Parissℏ, þat liffid incontinent and delicatelie, & did many grevos syn̛. So on̛ a tyme he was passand̛ seke, & shrafe hym̛ & made sorow for his syn̛ & hight to amend hym̛, and reseyvid̛ his sacrament, & was enoyntid̛; and so he dyed̛ & was wurthelie berid̛. So with-in a few dayes after he was deade, he apperid̛ vnto ane þat he was familiarie with, & told̛ hym̛ þat he was dampnyd̛, & said̛ þuff aƚƚ he war shreven̛ & howseld̛ & enoyntid̛, & beheste to do penance, yit he said he forgatt a thyng, withoute þe whilk aƚƚ oþer þinges may nott profett. And he askid̛ hym̛ what was þatt, & he said̛; "Contricion̛; ffor þuf aƚƚ," he said, "I promytt to lefe my syn̛, yit my consciens said̛ vnto me: `what & I mend̛, I saƚƚ faƚƚ vnto syn̛ agayn̛'; ffor my harte more declynyd vnto þat þan̛ not for to syn̛. & þerfor I had no faste purpos in gudnes, & so be þe consequent, I had no perfite contricion̛, & þerfor̛ I am̛ dampned."

Jacobus de Vetriaco tellis how þer was a damyseƚƚ þat synnyd̛ with hur MS. þer. fadur in syn̛ of lichorie, & hur moder on̛ a tyme purseyvid̛ itt & blamyd̛ hur & reprovid̛ hur þerfor̛, vnto so mekle, sho slew hur moder. And when̛ hur fadur wiste þis, he had hur in hatered̛; and when̛ sho pursayvid̛ þis, as hur fadur was slepand̛ vndernethe a matres, sho smoryd̛ hym̛ odead̛, & þan̛ sho become a common̛ womman̛. And on̛ a tyme a gude holie man̛ prechid̛, and hur happend to be at his sermon̛; and he tolde mekuƚƚ of þe mercye of aƚƚ-myghti God̛, vnto so mekuƚƚ þat when̛ his sermon̛ was done, sho come vnto hym̛ with grete contricion̛, & shrafe hur of aƚƚ hur synys, & asked̛ hym̛ if þe mercie of God̛ was so grete as he preched̛ att it was. And he ansswerd̛ & said̛ þat it was mekuƚƚ more; and̛ þan̛ sho bad hym̛ enioyne hur penans, for sho trustid̛ mekiƚƚ in his mercie. And he vmthoght hym̛ þat he cuthe not so sodanlie enioyn̛ hur helefuƚƚ penance for hur syn̛ þat was so grete. And he bad hir abide vnto after meate, & þan̛ he wold̛ preche agayn̛; "& þan̛," he said̛, "I saƚƚ giff þe penans." And sho ansswerd̛ hym̛ agayn̛ & sayd̛; "Sur, I trow ye be in dispayr of my sawle heale." & he sayd̛; "Nay! bod in stede of penance, I enioyn̛ þe to abyde here in þi prayers so lang." And so sho did̛. And in þe mene-while sho had so mekuƚƚ sorow & contricion̛ for hur syn̛, þat hur harte breste in two, & sho dyed̛. And þis was onone told̛ þis prechur how it was, & he commawndid̛ þe pepuƚƚ hertely to pray for hur; and as þai wer in þer prayers, þar̛ come a voyce vnto þaim fro hevyn̛, þat sayd̛; "Pray not for hur, for sho is in hevyn̛. Bod pray vnto hir þer, for to pray for you."

Contricio aliquando excitatur in corde peccatoris exemplo bono. Supra de Abbate. vij MS. vj. .Contricio perfecta voluntatem facit pro facto reputari. Infra de voluntate.Contricio in fine hominem saluat. Infra de milite et supra de ambicione. iij.Contricio eciam imperfecta MS. inperfecta. quandoque iuuat. Infra de obstinacione. ij.Contricio eciam negantes deum ei reconsiliat. Infra de negacione dei, et supra de ambicione. iij.Contricio perfecta eciam vsurarios saluat. Infra de testamento MS. testiơ. et de vsurario.Contricio perfecta eciam latrones et homicidas saluat. Supra de Abbate vj. et de apostata. iij.Contumelias pacienter sustinet humilis. Infra MS. Supra. de humilitate. ij.

Fulco Arund. MS. Fulco Marsilensis: episcopus Tholosamus. Harl. MS. Fulco Marsilione: episcopus Tholosanus. telles how þat Marciliensis þat was bisshopp of Tholosan̛ told̛ of hym̛ selfe; "when̛ I was yong & giffen̛ vnto vanyties of þis werld̛, I began̛ ans sodanlie [to think] of þe evurlastyngnes of þe payn̛ of heƚƚ, and̛ I said̛ in my harte; `and it war putt vnto þe to lig alway in a softe bed̛ & a delicatt, so þat in no maner of wise þou sulde pas oute þerof, and þou might not suffer þatt, how may þou þerfor̛ sustene in þe euerlastand̛ bitter payn̛ of heƚƚ, if it happen̛ þe to be dampnyd̛ thedur?' And be þis occasion̛ I lefte aƚƚ þingis and made me a monke."

We rede in `Libro de Dono Timoris,' how þat þer was a yong man̛ þat was riche and delicate, and he made hym̛ a freer prechur. And his frendis come vnto hym̛ & wold̛ hafe had hym̛ oute of his ordur; and þai said̛ vnto hym̛ þat he myght not suffer þe austeritie of his ordur. þan̛ he vmthoght hym̛ & said̛ vnto hym̛ selfe; "The bitter payn̛ of heƚƚ, þat is vntollerable vnto me, and þerfor̛ I hafe chosyn̛ me rather to suffyr þis payn̛ þan̛ þatt."

Conuersus ad[d]iscens litteras efficitur peruersus. Infra [de demone. vii.Conuersus nequam punitur. Infra de histrionibus. iij.

We rede in `Libro de Dono Timoris,' how som tyme þer was a noble clark̘ þat was a grete baron̛ son̛; and he went & made hym̛ a freer prechur. And when̛ his fadur hard̛ teƚƚ of þis, he vmthoght hym̛ þat he wold̛ dryfe þase freers oute of þe land̛, & take his son̛ fro emang þaim. And when̛ þe freers hard̛ teƚƚ of þis, þai aƚƚ samen went vnto þis baron̛ with aƚƚ þe mekenes att þai cuthe, and told̛ hym̛ þat þai tuke not his son̛ & made hym̛ freer in violent, bod̛ he offerd̛ hym̛ þerto on̛ his awn̛ gude wiƚƚ. And he said̛ þai said̛ wrang, & þat he sulde prufe & evur he myght mete with his son̛. And so þai lete his fadur & hym̛ speke samen, & he trowed̛ þat onone with a wurd̛ he sulde averte his purpos. And he said̛ vnto hym̛ on̛ þis maner of wise; "Son̛, þou hase husely trubled me becauce þou hase made þe a freer. Bod not forthi, & þou wiƚƚ lefe þine ordur & go home with me, I saƚƚ forgiff þe aƚƚ." And þis yong freer ansswerd̛ hym̛ agayn̛ & sayd̛; "Fadur, I wuƚƚ nott go home with you bod if ye wuƚƚ beheste me þat ye saƚƚ fordo ane iƚƚ custom̛ þat is within your lord̛-schup̛." And his fadir said̛ he suld̛ do what att evur hym̛ plesid̛ to byd̛ hym̛ do, and bad hym̛ teƚƚ hym̛ what þis custom̛ was. And þis yong freer said̛ it was þis, thatt als sone dyes a yong man̛ as ane olde man̛. And when̛ his fadur hard̛ þis, he tuke a grete compunccion̛ in his harte & lete hym̛ alone with þe freers, and went home agayn̛, and nevur desirid̛ hym̛ after. et c̛.

Conuertuntur eciam aliqui ex consideracione proprii corporis ne in inferno comburantur. Infra de obstinacione.Conuersus aliquando efficitur [perversus From Latin MSS. ] et dampnatur. Infra de obstinacione.Conuertuntur aliqui solo corde religionis habitum assumentes et non corde vel proposito. Infra de Nouicio.Conuersio ad religionem eciam infirmo corporaliter prodest. Infra de voto.Conuertuntur aliqui occasione confusionis alicuius. Supra de confusione. j.Conuertuntur eciam aliqui ex hijs que vident in defunctis sibi apparentibus. Infra de sciencia nigromantica.Conuertuntur aliqui ex beneficio sibi prestito. Supra de contricione.Conuertuntur eciam aliqui exemplo bono. Supra de Abbate. vij.Conuertuntur aliqui exhortacione bona. Supra de Abbate. iij.Conuertuntur aliqui oratione sanctorum. Infra de beato Dominico. iiij.Cor. Cor hominis non potest saciare quicquid est in mundo. Infra de Saciare. Et supra de ambicione.Cor hominis eleuatur ex honore exhibito. Supra de augurio. ij.Corpori nocet aliquando gaudium, et prodest dolor. Infra de gaudio.Corporales delicias MS. diuicias. Latin MSS. delicias. secuntur frequenter miserie et calamitates corporales. Infra de delicijs. j.

We rede in `Gestis Beati Gregorij,' how þer was a wurthi man̛ þat was knowen̛ with Saynt Gregur; and he sent vnto hym̛ messangers and̛ prayed hym̛ to send hym̛ som̛ relikkis owder of appostels or martyrs. And he reseyvid̛ þaim honestlie & helde þaim with hym̛ a gude while, and went with þaim vnto dyvers placis of Saynttis þat þai askid̛ relikkis of, & sang mes þer. So att þe laste he tuke smale pecis of ilk corprax whar þat he sang, and putt þaim in smaƚƚ boystis, & selid̛ þaim privalie & gaff þaim; and þai tuke þaim. And as þai went hamwerd̛ þai said̛ ilkone to oþer; "we have had̛ a fonde iorney and wate neuer what precious þing we hafe broght hame vnto our lord̛." And þai brak þe pope seale & oppynd̛ þies boystis, & þai fande no þing bod smale pecis of lyn clothe. And̛ with indignacion̛ þai come agayn̛ vnto Rome & told̛ ane archedekyn̛ how þai had done. And at þe laste þai wer broght afor̛ Saynt Gregur; and he said̛ his prayers & did mes. And þan̛ he tuke one of þies little pecis of clothe, & cutt it in sonder in þe myddest with a knyfe; & onone blude come oute þerof, & made aƚƚ þe clothe blodye. And when̛ þies messangers saw þis, þai had grete wonder þeroff, & þai feƚƚ on̛ þer kneis and þankid̛ almiȝtti God̛; and̛ þan̛ þe pope putt þaim in þe boystis agayn̛ & selid̛ þaim & gaff þaim þaim agayn̛, & bad þaim be stedfaste in belefe. & þus þai went home vnto þer lorde with grete myrtℏ & ioy, and delyverd̛ þies relikkis vnto hym̛. et c̛.

Cesarius tellis how som tyme þer was a non̛ att was sacristan̛. So on̛ a day sho wasshid̛ þe corprax & gaff it vnto a damyseƚƚ to dry; and onone as sho tuchid̛ it þer apperid̛ a dropp̛ & a spott of blude. And when̛ þe Sacristan̛ saw it, onone sho wasshid̛ it agayn̛; & als sone as þe damyseƚƚ tuchid̛ it, þer apperid̛ a noder spott of blude. & þan̛ sho lete þe priores & aƚƚ hur susters se it; and þai had grete mervaile þeroff, & went vnto þer prayers, & besoght God̛ att þai myght hafe a knowlege what it ment. And þai serchid̛ þis damyseƚƚ, & fand þat a man̛ had liggyn̛ by hur & gettyn̛ hur with childe.

We rede how þat a preste þat hight Tullius on a tyme opon̛ þe Yole-evyn̛ said̛ mes in a kurk̘ of Saynt Magnus. And þer was in þe kurk-garthe a grete meneya of men̛ & women̛ dawnssand̛ in a cercle and syngand carals, & lettid̛ dyvyne serves with þer noyse & þer cry. And þis preste commawndid̛ þaim to lefe & þai wold̛ not for hym̛. And when̛ he saw þai wold̛ not lefe, in his mes he prayed vnto God & Saynt Magnus þat it mot please þaim at þai sulde abide so stiƚƚ vnto þe yere end̛; and so þai did̛. And aƚƚ þat yere nowder rayn̛ nor snaw feƚƚ opon̛ þaim, nor þai wer neuer hongrie nor thrustie, nor þer clothes ware nott; bod euer þai went aboute syngand̛ carals as þai had be mad folk̘. And þer was a yong man̛ þat had his sister emang þaim, & he tuke hur be þe arm̛ & wold̛ hafe drowen̛ hur fro þaim, & he pullid̛ of hur arm̛; & þer come no blude furthe, bod sho dawnsid̛ on̛ stiƚƚ: & þus þai did̛ aƚƚ þe yere to it was passid̛. And þan̛ Hubertus at was bysshopp̛ of Colayn̛ [com] & assoylid̛ þaim & lowsid̛ þaim oute of þis band̛, and recownceld̛ þer befor̛ þe altar̛. And þer dyed̛ of þaim þer a man̛ & ij wommen̛; and aƚƚ þe toder slepid̛ iij dayes & iij nyghtis to-geder; and som̛ of þaim had a tremblyng of aƚƚ þer bodie evur after ewhils þai liffid̛. And þis happend in a town̛ of Duche-land̛, in þe yere of owr̛ Lord̛ m.ƚ.x.

We rede in 'Libro de Dono Timoris,' how þer was a religious man̛ þat was passand contemplatyfe; and on̛ a tyme he was sodanlie ravisshid̛ vnto his dome. And þer he saw ij grete men̛, of þe whilk þe tane was ane Erle, and þe toder a grete prelatt; and þai wer hugelie accusid̛ befor̛ our Lord̛. Agayns þe whilk, þuf aƚƚ hym̛ semyd̛ passand grevid̛, neuer-þe-les, be prayers of som̛ of þaim att wer of þat cowrte, he putt our his sentans and said̛ vnto þis religious man̛ at he suld̛ make þaim hafe knowlege hereoff be his Abbott; & so he did̛. And þis Erle, for drede of þis vysion̛ at was told̛ hym̛, forthoght his syn̛ & did penans þerfor̛, and dyed a gude man̛. And̛ þis prelatt sett lightly be þis visyon̛ & þis warnyng, and wold̛ nott amend his life. And afterward̛ hym̛ happend̛ to be fon̛ sodanlie dead̛ in his bed on̛ a nyght. et c̛.

We rede in þe same buke how þer was a yong man̛, & he was tenderlie broght vp & noþing correcte nowder of fadur nor moder when̛ he did̛ wrong; so he become a thefe, & stale grete gudis. And on̛ a tyme he was taken̛ & demyd̛ to be hanged̛: and as he was led vnto þe galos he desyrid̛ at he mott se his fadur or he dyed̛; and he was broght. And he besoght hym̛ to forgiff hym̛ aƚƚ offensis at he had made vnto hym̛, & so he did̛; & þan̛ he prayed hym̛ to kis hym̛. And as he kissid̛ hym̛, he bate of his fadur nece; and þai þat wer abowte hym̛ had grete mervayle þeroff, and said̛ ffellie vnto hym̛ þerfor. And he ansswerd̛ þaim agayn̛ & said̛; "I sulde hafe done hym̛ more skathe and̛ I had myght, ffor he is cauce of my dead̛; for he chastid̛ not me when̛ I was yong, bod let me faƚƚ to gouernans & to mysreule at I am now dampned̛ to my dead̛ for̛, & mon be hanged̛."

Corripiendi sunt paruuli. Supra de blasfemia.

Helynandus tellis of a philosophur þat hight Policartus Harleian MS. Policarpus. þat was a techur of þe Emperour Troian̛, þat had ane vnthrifti servand̛ & ane iƚƚ; & on̛ a tyme he had done a grete faute. And þis philosophur his maister gart in his awn̛ presens take off his clothis & bete hym̛ wele nakid̛; and MS. as. as þai bett hym̛ he cryed̛ & sayd̛ þat his maister was no trew philosophur, þat had written̛ so fayr a buke of mekenes as he did̛, & for aƚƚ þat was turnyd̛ in-to wratℏ agayns hym̛. And be þis mene, he said̛, his techyng was contrari vnto his warkis. And his maister ansswerd̛ hym̛ agayn̛ & sayd̛; "Semys it to þe þat I am̛ angri becauce þou erte bett? And þinkis þou at it is yre, at I pay þe at I aw? þou seis I hafe no burnyng een, nor no spome at my mouthe, nor I cry not lowde, nor I wax not rede, nor trembles nott, nor hase no synge on̛ me þat sulde be yrefuƚƚ." And in þe mene-while he bad hym̛ þat bett hym̛ þat he suld̛ contynue as he began̛ ewhiƚƚ þai ij disputid̛; "And with-outen̛ any yre þou saƚƚ se me correcte þis iƚƚ servand̛, & teche hym̛ rather to be meke & speke fayr, þan̛ for to flite or strife with his maister."

Ther̛ was som̛ tyme a man̛ þat had a speciaƚƚ deuocion̛ vnto Saynt Cosme & Damyan̛, & þe canker happend̛ into þe the of hym̛ & had̛ wastid̛ it nerehand̛ away. And on̛ a tyme as he was slepand̛, hym̛ thoght þies ij saynttis come vnto hym̛, & þai broght with þaim oyntementtis & playsters. And þe tone of þaim said̛ vnto þe toder; "Whar saƚƚ we take vs flessℏ, þat we may fiƚƚ þe hole with agayn̛ when̛ we hafe cut oute þe rotyn̛ flessℏ?" And þe toder ansswerd̛ agayn̛ & sayd̛; "In þe kurk gartℏ of Saynt Petur ad Vincula MS. Saynt Petur Aduincula. , ffor þis day was þer a man̛ of Ynde Latin MSS. Ethiops. new berid̛; and þerfor̛ go feche vs of þat, at we may fiƚƚ þe hole with." & þis man of Ynd̛ hight Maurus; & þai went & fechid̛ his bodi, and þai cut of þe þe of þe whik man̛ & þan̛ of þe dede man̛ & putt þe dead̛ mans the vnto þe whik mans, & anoyntid̛ þe wownd̛ diligentlie; & þai tuke þe seke man̛ the & put it with þe bodie of þis Maurus, and layd̛ hym̛ agayn̛ þer he was. And þan̛ þis seke man̛ wakkend̛, and felid̛ at hym̛ aylid̛ no sore, & putt down̛ his hand vnto his hambe, & he felid̛ no hurte; & he garte light a candyƚƚ, & lukid̛, and his the aylid̛ nothyng. And þan̛ he was fayn̛ & rase oute of his bed̛; and he told̛ vnto euer-ilk man̛ what he had sene in his slepe, & how he was helid̛. And þai at he told̛ it vnto, went vnto þis Maurus grafe, & lukid̛; & þai fand̛ his legg away, & þe whik mans leg layd̛ þer in-stede þeroff in þe grafe with þe dead̛ mans bodie.

Valerius tellis how on̛ a tyme it was told̛ vnto Plato þat Democrates Latin MSS. Zenocrates. his disciple had said̛ mekuƚƚ iƚƚ agayns hym̛; & he wold̛ giff no faytℏ þerto. So he att told̛ itt, askid̛ hym̛ whi þat he wold̛ not truste hym̛, & he said̛ he was redie to profe it at he had told̛ hym̛. [Than] this Plato ansswerd̛ & said̛; "It is not trowable at he þat I hafe luffid so lang, att I sulde not be luffid̛ of hym̛ agayn̛." And so he wold̛ gif no truste vnto þe complaynt vnto he spak with hym̛ hym̛ selfe.

We rede in Cronicles, how on̛ a tym̛e þe Emperour Latin MSS. Otto tertius imperaor. had a wyfe, þat wold̛ at ane Erle of his on̛ a tyme had liggen̛ by hur. And when̛ sho desirid̛ hym̛ þervnto, he excusid̛ hym̛ & said̛ he wold̛ not do sucℏ a truspas vnto his lord̛. And sho saw þat, & went & accusid̛ hym̛ vnto þe Emperour̛, and̛ said̛ he wold̛ hafe defowlid̛ hur. And þe Emperour tuke it vnto so grete wratℏ, þat he garte smyte of his head̛ with-owten̛ Iugement; and he was neuer Neuer omitted, and added above the line. olife agayn̛. & þan̛ þe emperour desyrid̛ his wyfe at þis erle mot be knowen̛ after he was dead̛ be beryng of a hate yrn̛, at luke wheþer he war innocent or noght; & sho grawntid̛. And þe day of Iugement was assigned̛, and many wedos & maydens callid̛ vnto þe dome; and þis Erlis wife come with hur husband̛ heade in hur arm̛. And sho asked̛ of þe Emperour what deade he war wurthi to hafe, þat slew a man̛ wronguslie. And he said̛ his head̛ war wurthi to be smetyn̛ off. And sho ansswerd̛ hym̛ agayn̛ & sayd̛: "Thou ert þat man̛, þat at fals suggestion̛ off þi wife slew my husband̛. And for to make prefe here-of, I oblissℏ me to bere þe hate yrn̛." And when̛ þe Emperour saw þis, he had grete merveƚƚ, & commytt hym̛ selfe to abide what punyssment at sho wolde deme hym̛ vnto. So be prayer of bisshoppis & oþer worthi men̛ he tuke respecte with hur furst for x, ten dayes, & þan̛ for viij, & þan̛ for vij, & þan̛ for vi. And in the mene while he garte examyn̛ þe cauce. And when̛ he knew þe trewtℏ, he gaff hur for his rawson̛ iiij castels þat er in þe bisshop[ryk] of Lunens. And be respecte at he had of þe dayes, þai er callid̛, Decimum, Octauum, Septimum, & Sextum, yitt vnto þis day.

We rede ex 'Dictis Patrum,' þat a certan̛ religious man̛ on̛ a tyme said̛ vnto þe abbott Pastor, þat he was so trubbled̛ att hym̛ burd̛ lefe his place, becauce at he hard̛ certan̛ wurdis of a bruther of his þat hym̛ thoght plesyd hym̛ noght. And þis Abbott bad hym̛ at he suld̛ nott trow þies wurdis, for þai wer not trew. And þe toder said̛ þai wer trew, for a trew broder of his tolde hym̛ þaim; and þe abbott sayd he was not trew at told̛ hym̛, ffor he sayd̛, & he had bene a trew bruther he sulde noght hafe said̛ so. And þan̛ he askid̛ hym̛ of þe balke & þe mote, what þai wer; and he told̛ hym̛ whatt þai war. And þan̛ he bad hym̛ vmthynk hym̛ in his awn̛ harte þat þis balk was his awn̛ synys, and þis litle mote was þe synnys of þe toder man̛.

Credere cito contra vxorem non debet vir. Infra de regina vel imperatrice.Credendum non est omni verbo. Supra de consilio et infra de paciencia, iij. Et supra de accusacione. iij.

We rede in 'Vitis Patrum,' how þe devuƚƚ, made hym̛ in liknes of a gude angeƚƚ, come vnto a solitarie at his fadir vesett euer-ilk day, and bad hym̛ be war of þe devuƚƚ, for he was besy euere day to begyle hym̛; "and tomorn̛," he said̛, "he wiƚƚ come to þe in liknes of þi fadur; and þerfor̛ now venge þe on̛ hym̛, & luke at þou hase a sharpe ax redie, at when̛ he commys nere the, gif hym̛ so grete a strake on̛ þe hede att he presume no mor̛ to com̛ vnto the." And þis ankir trowid̛ þat he had bene ane angeƚƚ at had bene sent vnto hym̛ fro God Hym̛ selfe to giff hym̛ þis cownceƚƚ; & on̛ þe day after his awn̛ fadur come vnto hym̛ at vissit hym̛, and he with ane ax killid̛ hym̛, and was takyn̛ þerfor & hanged evyn̛ furtℏ-with.

Crimen falso imponitur. Infra de infamia.Cristus. Cristianus, vbi agitur de Cristo infra.

We rede in þe storie of Nero, when̛ Senec at was his maister askid̛ hym̛ his ffe for his labur, he ansswerd̛ agayn̛ & said̛; "Maister MS. Maistes. , þou must dye; for als lang as þou liffis I may hafe no reste; ffor I hafe bene als ferd̛ for þe as a barn̛ wold̛ hafe bene, & yitt is." And þan̛ Seneca ansswerd̛ agayn̛ & said̛; "Sur, sen̛ me bus nedis dy, I pray þe grawnt̛ me att I may dy what maner of dead̛ at me likis to chese my selfe." And Nero grawntid̛ hym̛, & bad hym̛ chese it hastelie, ffor hym̛ burd̛ nedis dye. And þan̛ Senec garte make a grete battℏ of warm̛ watir & garte putt hym̛ selfe þerin, and garte latt hym̛ blude of bothe his armys. And so he bled̛ odeade. And be þis mean̛ he was callid̛ Seneca, quasi se necans; and be þis mean̛ he was dead̛.

We rede in 'Historia Neronis,' how at þis Nero garte sla his moder & cutt hur in sonder, at he might se how he lay in hur wombe, & whar̛-with he was nurrisshid̛. And þe philosophirs reprovid̛ hym̛ þerfor̛ & said̛, "þe law denyes, & rightwusnes forbiddis MS. forbiddid. , att þe son̛ sulde sla his moder þat sufferd̛ so grete payn̛ for hym̛ in hur burtℏ as sho did̛, & broght hym̛ vp̛ with so grete labur." And þan̛ Nero said̛ vnto þaim; "Make ye me to be with childe, and afterward̛ to be delyver þeroff, at I may hafe verray knawlege whatt sorow my moder had̛ with birtℏ of me when̛ I was born̛." And þai ansswerd̛ agayn̛ & said̛ þat it was not possible, þat was contrarie vnto natur. And he said̛ bod if þai did̛ itt, þai sulde dye ilkone. And þan̛ þai made hym̛ drynkis, and privalie þai made hym̛ to drynk̘ a froske; and be þer crafte þai made it to grow in his body & to wax. And so his bely began̛ agayns natur to bolne, to so mekuƚƚ att he trowid̛ he was with childe; and þai made hym̛ daylie to be dyett with sucℏ meatt as þai knew wolde nurissℏ a frosk̘. So on̛ a tyme his belie warkid̛ hugelie, & he said̛ vnto þies lechis; "Take hede on̛ me, ffor þe tyme of my birtℏ is nere; ffor my belie warkis so, þat I may vnnethis draw myne and̛." And þan̛ þai gaff hym̛ a purgacion̛, and he spewid̛ oute a grete froske and ane vglie to luke on̛, bludie & infecte with humers. And when̛ Nero lukid̛ þervppon̛, hym̛ vggid̛ þerwith, & he askid̛; "Had my moder als mekuƚƚ sorow for beryng of me, as I had̛ for beryng of þis?" And þai said̛, ya. And þan̛ he commandid̛ þat þis vglie burtℏ of his sulde be norisshid̛ & kepyd̛, and at it sulde be closid̛ in a stone, as a snyle is in hur sheƚƚ.

We rede in þe same storie, how on̛ a tyme Nero had grete mervaƚƚ whatkyn̛ a thyng burnyng was; and he garte sett fyre in ane end̛ of Rome, & it burnyd̛ vij dayes & vij nyghtis. And evur he lay in a hy towre & beheld̛ it; & when̛ he saw þe low rise vp̛ into þe ayr, hym̛ thoght it was a fayr syght. And þan̛ þe Romans wex grevid̛ & wold̛ suffre it no langer, & rase & pursewid̛ opon̛ hym̛, & drafe hym̛ oute of þe cetie, & wold̛ hafe slane hym̛ & þai myght hafe getten̛ hym̛. And when̛ he saw þat he mot not esskape, he gatt hym̛ a stowre, & gnew vppon̛ þe tone end̛ & made it sharpe with his tethe, & þrustid̛ hym̛ selfe evyn̛ thrugℏ þerwith. And þus he made his end̛. Neuer-þe-les we rede in a noder place þat he was devowrid̛ with wulfis MS. wulfid̛. .

Crudelis non debet esse iudex. Infra de iudice.Crudelis non debet esse prelatus. Infra de prelato.

We rede how þat in þe tyme of Constantyne þe iiij Lat. MSS. In Siria, Ciuitate Bericho, Iudei ymaginem crucifixi inuenientes in domo cuiusdam Iudei, relictam ibi a quodam Cristiano qui ibi manserat, eam iniuriose doposuerunt. et cet. , þe Iewis fand̛ in a cetie ane ymage of þe crucifix; & þai broght it into a Iewis hows, & MS. repeats, &. þer þai spitt þeron̛ & strake it with þer handis, & naylid̛ þe fete þerof vnto þe cros with naylis, & þai put vnto þe mouthe þerof ayseƚƚ & gaƚƚ. And at þe laste þai oppend̛ þe syde þerof, & þer come blude & watir; and þai sett ane ampuƚƚ vndernethe it & kepyd it in. And ilkone of þaim att was seke, þai wold̛ sprencle of þis blude on̛ þaim, & onone þai war hale. So at þe laste þies Iewis forthoght att þai had done, and tuke þis ymage & þe blude, & had it vnto þe bisshopp̛ of þe cetie; and so þai wer cristend̛ & turnyd̛ vnto þe faytℏ. And of þis blude was sent to many cetis & kyngdoms; & yit to þis day it duse many meracles.

Saynt Gregor̛ tellis how þat a bisshopp̛ of þe cetie of Fundan̛ Latin MSS. Andreas, Fundare civitatis episcopus. had som tyme in his howse soiornand̛ a non̛; & be fals temptacion̛ of þe devuƚƚ, on̛ a tyme he was so tempid̛ at he thoght he wold̛ hafe at do with hur. So it happend̛ a Iew to go wiƚƚ on̛ a nyght, & cuthe fynd̛ no place to reste hym̛ in. And he went into a temple of Appollo, & þer he layd̛ hym̛ down̛ & slepid̛. And abowte mydnyght, þer come a company of fendis, & þer chiftan̛ was sett in a chayr emangis þaim, & garte þaim com̛ befor̛ hym̛, & examynd̛ þaim of þer craftis. And when̛ ilk one of þaim had tald̛ hym̛ aƚƚ, ane of þaim steppyd̛ befor̛ hym̛ at satt, & said̛ how he had tempyd̛ þis bisshopp̛ with þis womman̛, & in a burte to giff hur a knokk̘ on þe bakk̘. And þan̛ þer chiftan̛ commendid̛ hym̛, & chargid̛ hym̛ to perform̛ at he had begon̛. And he commandid̛ þaim to seke aboute in þe temple, & luke who was þerin mo þan̛ þai. And þis Iew hard̛ þat & made a cros on̛ hym̛; and þai soght aboute & fand̛ hym̛. And onone as þai saw hym̛, one of þaim saw, & said̛; " ve! ve! vas vacuum sed bene signatum; wo! wo! here is a voyde vessaƚƚ, bod it is wele merkid̛." And with þis voyce, aƚƚ þe fendis vanysshid̛ away; and þe Iew rase vpp & went vnto þe bisshop of þe cetie & told̛ hym̛. And he made mekuƚƚ sorow for his syn̛, & put away þis womman̛ & cristend̛ þis Iew. et c̛.

Jacobus de Vetriaco tellis of hym̛ selfe & says; "On a tyme as I was in a town̛ prechand̛, þer was a man̛ þat durste not com̛ vnto þe sermon̛ for his wyfe, not in-to þe kurk̘. And he come to a wyndow & harde þe sermon̛; and when̛ he had hard̛ of þe ind[ulg]ence at longis vnto þaim at er merkid̛ with þe cros, for als mekuƚƚ as he durste not com̛ in att þe dure for his wyfe, he crope in att þe wyndow in myddeste the peple, & tuke þe cros as þai did̛."

Jacobus de Vetriaco tellis of hym̛ selfe and says: "ans in my childed̛, when̛ I was in a howse of Ceustus ordur, þer I hard̛ a sermon̛ of þe cros. And mekiƚƚ pepuƚƚ lefte aƚƚ MS. repeats, all. þe gudis att þai had̛, and come and wurshuppyd̛ þe cros. So emang þaim was a bruther þat hight Symond̛, and he besoght God att he mott hafe som̛ knowlege whatt mede þai sulde hafe att wurshuppyd̛ þe cros; and on̛ þe nyght after he was ravisshid̛ in his spiritt, and þer he saw our Ladie Saynt Marie holdand hur dere son̛. And aftre þat euerilk a man̛ with a contrite harte had taken̛ þe cros, sho gaff vnto hym̛ hur son̛." et c̛.

Cesarius tellis how þat in þe bisshoppryk̘ of Traiectens, ane vsurer tuke þe cros & lete as he wald̛ go vnto þe Holie Land. And when̛ he sulde go furtℏ, he fenyd̛ hym̛ selfe seke & wayke, & sayd̛ he myght not go, and hyrid̛ a-noder to go for hym̛, & gaff hym̛ bod̛ v marcis, þuf aƚƚ he myght have giffen̛ hym̛ xlti marcis. So afterward̛ when̛ þai at wer burnyd wer bown̛ furtℏ, he satt with þaim in þe tavern̛ & sayde vnto þaim; "ye wrichis, now ye forsake your̛ wyvis and your childer, & your frendis, and aƚƚ your other gudis, & puttis your bodis in perels be-yond þe see; and I sitt att home with my wyfe and my childer, & with aƚƚ MS. after aƚƚ al, erased. my gudis, and for v marke hase als mekuƚƚ perdon̛ as ye hafe." Bod̛ almyghti God, att is rightwus, shewyng how mekuƚƚ þe labur & expensis of pylgramys plesis hym̛, & how mekuƚƚ desayte & blasfeme of bakbyters displesis hym̛, sufferd̛ þatt on̛ þe night after þe devuƚƚ come vnto hym̛ in liknes of a servand̛ of his awn̛, and broght with hym̛ ij grete blak hors, and bad hym̛ faste caste of his vppermest clothe, & go with hym̛ & lope on̛ one of þies hors. And þe cross at he had takyn̛ was sewid̛ opon̛ his ouermeste clothe, and so he vmthoght hym̛ þat he mott not esskape, & keste away his ouermeste clothe & onone lepid̛ on̛ þe to hors, & þe devuƚƚ lepid̛ on̛ þe tother; & with-in a while þai war led þer dyvers paynys wer. And þe devuƚƚ shewid̛ hym̛ þe seatt þer he sulde sytt in paynys, and þe devuƚƚ sayd̛ vnto hym̛; "Now þou saƚƚ turn̛ agayn̛ into þi howse, bod with-in iij days þou saƚƚ dy, & turn̛ agayn̛." And þan̛ he was broght agayn̛, and men̛ askid̛ hym̛ whar he had bene; and he tolde þaim aƚƚ as is afor sayd̛. And þan̛ a preste was broght vnto hym̛, þat counceld̛ hym̛ to shryfe hym̛ & do penance for his syn̛. And he wold̛ nott, bod feƚƚ in despar & dyed withouten̛ owder shrift or howsiƚƚ or contricion̛, & was berid̛ in heƚƚ. et c̛.

Cruce signatus relinquens amicos carnales meretur. Infra de milite. iiij.Crucifixi amore culpa inimici remittitur. Infra de misericordia.Crucem predicantes a deo remunerantur. Infra de predicacione. j.Cruce signati in via transfretacionis morientes gloriose remunerantur. Infra de peregrino MS. perigrino. , et in multis alijs locis.Cruce signatos crucifixus honorat. Infra de Maria.

Cesarius tellis how att þe cetie of Susas þer was a cetysyn̛ at was merkid̛ with þe cros. And in þe mene-while, or he went furtℏ, happend̛ his howse to be burnyd̛, & aƚƚ his other gudis safeyng onelie als mekuƚƚ of a garment of his as þe cros þat he had̛ taken̛ was sewid̛ opon̛, & þat was fon̛ vnbyrnyd̛ emang þe hate colis. And aƚƚ þat saw it had grete mervayle þeroff, at þe cros had so mekuƚƚ mervayle & vertue þerin. et c̛.

Culpa. Culpe respondet pena. Supra de agro, primo et ij.Curatus male intrans ecclesiam punitur. Supra de blasfemia. ij.Curato ecclesie possunt coadaptari multa que dicuntur infra de prelato et sacerdote.Custodia. Custodire debet homo sensus suos. Supra de aspectu.Custodiri non potest mulier. Infra de muliere.Dampnacio. Dampnatur homo qui toto tempore vite sue sancte vixit, quia finaliter peccauit. Supra de carnis temptacione. 3.Dampnati non iuuantur orationibus viuorum. Infra de oracione. iiij.Dampnatis non prosunt suffragia. Infra de suffragijs. 3.Dampnatus ab inferis ex speciali gratia reuocatur. Infra de oratione ij. et viij.Dampnatis aliquando beata dei genitrix vitam inpetrauit. Infra de Maria.Dampnum. Dampnificare proximum nemo debet rebus suis. Supra de columbis.Dampnum debet restitui dampnificato. Infra de restitucione.Dari non debet hostia non consecrata loco eukaristie. Infra de eukaristia et infra de oratione. ij. Dacio siue donum. Dare non debet vxor sine licencia viri. Infra de muliere.Dare debent principes liberaliter. Infra de liber[ali]tate.

We rede in 'Gestis Serapionis Abbatis' how þat þis Serapion̛ apon̛ a day gaff his amett vnto a pure man̛, and it was cald̛ weddur; & he mett a noder pure man̛, & he gaff his cote. And þan̛ he was nere-hand̛ nakid̛; and he sett hym̛ down̛ and ane evangiƚƚ in his hand̛. And þan̛ one of his brether come vnto hym̛ & sayd̛; "Abba, who hase robbed̛ you?" And he shewid̛ þe euaungyƚƚ & sayd̛; "this hase robbid̛ me." And with-in a while after he sold̛ þis euaungiƚƚ, & gaff þe price þer-of vnto pure men̛. So on̛ a tyme his disciple askid̛ hym̛ whar it was, and he sayd̛; "I hafe sold̛ it & giffen̛ it vnto pure men, becauce it says: 'vende que habes et da pauperibus.'" So on̛ a tyme afterward̛ þer come a wedow vnto hym̛ & askid̛ hym̛ som̛ almos, for sho said̛ sho had nowder meate nor drynk̘ to hur nor hur childer. And becauce he had no thyng to giff hur, he gaff hur his awn̛ selfe, & bad hur seƚƚ hym̛; & so sho did vnto a lorde of Grece land̛. And with-in a while fro he had bene þer, he conuertid̛ aƚƚ þat contretℏ & made it cristend̛.

Dari semper debet elemosina. Infra de Elemosina.Data pauperi elemosina datur deo. Infra de elemosina, et de Gregorio ij, et supra de Abbate. iiij.Dona excecant oculos iudicum. Supra de balliuo. iiij.

Petrus Alphonsus MS. Alphensus. tellis how þer was a porter of a cetie, and he had be a gifte of þe kyng of þat land̛ þat ilk man̛ or womman̛ þat come in att his yate, þat was owder crukyd̛-bakkid̛, or skabbid̛, or þat had̛ bod one ey, or war in þe parlesie, or a crepyƚƚ, he sulde hafe of þaim a peny. So on̛ a day þer come in at þe yate a man̛ with a crukid bak̘, & he was wele cled̛ & warm̛. And þe porter arestid̛ hym̛ and bad hym̛ pay hym̛ a peny; & he wold̛ nott. & þe porter gatt hym̛ be þe cloke & lifte vp his hude, & he fand̛ þat he had bod one eye, and þan̛ he said̛; "Now þou awis me ij d." & he wold̛ hafe bene away, & þe porter gatt hald̛ on̛ hys hude, & it went off, & þan̛ his hede was skallid̛. And þe porter said̛; "Now þou awis me iij d̛." And þis man̛ saw at he mott nott gett away, & began̛ to defend̛ hym̛; & his armys happynd̛ bare, & þai wer skabbid̛. And þan̛ þe porter sayd̛; "Now þou awis me iiij d̛." And þus þai wrasteld̛ to-gedyr, & þis man̛ feƚƚ, & þan̛ þai mott se he had a croked̛ fute. And þan̛ þe porter said̛; "Now þou awis me v d̛"; and garte hym̛ pay itt. And so it happend̛ hym̛ þat wold̛ not pay a peny with his gude wiƚƚ, to pay v d̛ ageyns his wiƚƚ. et c̛.

Seneca tellis of a philosophur þat hight Pictagoricus Arund. MS. Pictagorus. , þat boght a payr of shone on̛ a tyme of a sho-maker, bod he had not money enogℏ to pay for þaim; & so he frustid hym̛, & with-in a few dayes, he come agayn̛ & callid̛ at þe shomaker dure. And one ansswerd̛ hym̛ with-in & sayd; "Wharto losis þou þi labur? þis sho-maker is dede." þan̛ þis philosophur, fro he hard þis, went home with his syluer. So on̛ a tyme, when̛ he was be hym̛ selfe & þoght of þis syluer, hym̛ thoght his conciens sayd̛ vnto hym̛; "þou aw yone man̛ syluer. Ga pay hym̛ þat att þou aw hym̛." And he went agayn̛ þerwith, & in at a hole in þe dure he putt ma penys þan̛ he aght, and putt away fro hym̛ þe pereƚƚ of his wiƚƚ, þatt gruchid̛ to pay itt.

We rede in þe 'Cronicles of Rome,' how þer was som tyme in þe cowrte at Rome a famos clerk̘ þat hight Machomett, and he desyrid̛ to hafe bene made pope Latin MSS. in Romana curia honorem quem cupiebat assequi non potuisset. , & myght not com̛ þerto. And herefor̛ he wex wrotℏ, & went fer þens our̛ þe se; and þer, with a symulacion̛, he gadurd̛ samen a grete multitude of yong folk̘ vnto hym̛, & told̛ þaim þat þaim burd̛ hafe emangis þaim a man̛ to govern̛ þaim. And in þe mene-while he vsid̛ to putt whete-cornys in his ere, & he lernyd̛ a white dowffe to stand opon̛ his shulder & take þaim oute. So on̛ a day he callid̛ his pepuƚƚ to-geder, & sayd̛ þaim þat it was Goddis wiƚƚ þat he suld̛ be made rewler of þaim, whame þat God shewid̛ for be þe Holie Gaste. And privalie þis dowfe was lattyn̛ go; & onone sho light on̛ Machomett shulder þer he was emang þe prese of peple; & putt hur byƚƚ in his ere, & tuke oute þe cornys. And aƚƚ þe peple at was aboute went at it had bene þe Holie Gaste þat had commen̛ fro heven̛ and descended̛ on̛ hym̛, & told̛ hym̛ þe wurd̛ of God̛ in his ere, & what at God wolde hafe done; & þus he was made rewler of aƚƚ þe Sarracens, & desayvid̛ þaim; & he made þaim a law att þai kepe yit, whilk þat is callid̛ Machomett law.

Decipit demon bonos sub specie boni. Infra de demone.Decipitur iudex frequenter si iudicet secundum apparenciam exteriorem. Infra de Iudicio humano.Decipit vicinus vicinum. Supra de Adulterio.Decipiuntur tam boni quam mali per demones multipliciter. Infra de demone MSS. de decem. , et alijs locis.

Heraclides tellis how þat a man̛ of Egipte was stryken̛ in-to a luste with his neghbur wyfe; and he mot neuer gett hur wiƚƚ. And he sayd vnto a nygramansyer to make hur to loff hym̛, & to hate hur awn̛ husband̛. And he with hys crafte made hur a mere, so þat hur husband̛, when̛ he wakend̛ in his bed̛, he fand̛ hur a mere lygand̛ by hym̛. And when̛ he spak vnto hur sho wold̛ giff hym̛ none ansswer. And he fechid̛ prestis & lete þaim se, & ledd hur vnto þe wud̛ as sho had̛ bene a beste. And he went vnto þe ceƚƚ of Saynt Machari with hur; and þe monkis blamyd̛ hym̛ becauce he come vnto þer monasteri with a mere. And he told̛ þaim at sho was his wife, & at sho was forshapyn̛ in his bed vnto a mere, & how att þat iij dayes he had etyn̛ no meat. And Saynt Macharie wiste þer-of wele enogℏ be a reuelacion̛; & his bretherin went & told̛ hym̛. And he come vnto þaim & sayd̛; "Ye er bathe as hors, & hase hors een̛. And hur þis is a womman̛, & sho is not transfigurd̛ into þe lyknes of a hors bod vnto þer sightis þat may be begylid̛ with vanyte syght." And he made his prayers & kest hali watir on̛ hur & onone sho was a womman̛ agayn̛. & þan̛ he garte refressℏ hur with meatt & drynk̘, & bad hur go home with hur husband̛; and at sho sulde euer whils sho liffid̛ say hur prayers & daylie here mes. For he said̛ sho sufferd̛ all þis becauce þe space of v wekis sho nowder hard̛ dyvyne serves nor mes.

Decipiens prius aliquem MS. aliquando, Harl. MS. aliquem. postea quandoque ab eo decipitur. Infra de vindicta et de muliere.

Petrus Alphonsus MS. Alphensus. tellis how on̛ a tyme ij burges went on̛ a fer pylgramege, and þer went with þaim a husband-man̛; and þai made þaim felows in þer vitals. And when̛ þer vitaƚƚ was nerehand̛ gane so at þaim was left bod a little flowr̛, þe burges sayd̛, tone of þaim vnto þe toder; "we hafe bod litle bread̛, & our̛ felow etis mykiƚƚ." And þai ij tuke in cownceƚƚ to-gedur at þai sulde take þis flowr̛ & make it aƚƚ in a lafe & sethe itt; and ewhils it wer in sethyng þai sulde lay þaim down̛ & slepe. And whilk of þaim iij dremyd̛ þe mervolest dreme suld̛ hafe þis lafe & ete it aƚƚ be his one. And þus þai fenyd̛ to begyle þis husband-man̛. And þai made þer counand̛, & þis husband̛ consentid̛; þan̛ þai made þis lafe & put it to sethyng, & layd̛ þaim to slepe. And þis husband̛ purseyvid̛ þer suteltie, & ewhils þai wer slepand̛ he tuke þis lafe halfe-soden̛ & eete it & laid̛ hym̛ down̛ agayn̛. Than̛ þies burges wakend̛, and one of þaim sayd̛ at he had dremyd a mervalus dreme; for hym̛ thoght at ij angels oppynd̛ hevyn̛ yatis, & tuke hym̛ & ledd hym̛ befor̛ aƚƚmyghti God̛. And þe toder sayd̛ at hym̛ thoght þat ij angels cutt þe erthe evyn̛ in sonder, & led hym̛ down̛ vnto heƚƚ. And þis husband aƚƚ þis tyme lete as he slepid̛ & hard̛ þaim weƚƚ enogℏ; and þan̛ þai wakkend̛ hym̛ & he starte vp as he had bene flayed̛, & sayd̛; "Who is þat att callis me?" And þai sayd̛; "We, þi felows." And he ansswerd̛ & sayd̛; "Er ye commen̛ agayn̛ now?" & þai sayd̛; "Whethyr went we at we sulde com̛ agayn̛?" And þan̛ þe husband̛ told̛ his dreme, & sayde; "Me thoght att ij angels led þe tane of you vnto hevyn̛ & þe toder vnto heƚƚ. And I trowid̛ at ye sulde neuer com̛ agayn̛, & rase & tuke þe lafe & eet it." & þan̛ þai lukid̛ whar it was, & it was gone, et c̛. And þan̛ þe tane of þaim was wrotℏ & sayd̛ þai wer begilde; & þe toder sayd̛ nay, & sayd̛ " Fallere fallentem non est fraus." et c̛.

Decipit aliquando discipulus magistrum. Infra de vindicta.Decipit aliquando vxor virum. Infra de muliere.Decipit mulier mulierem. Infra de muliere.Decipit Demon hominem sub specie boni. Infra de solitudine MS. solicitudine. . Decipiuntur aliqui verbis multorum. Infra de verbo et de promisso.

We rede in 'Libro de Dono Timoris,' how þer was a lord̛ þat had a fule, & þis lorde had also a gay falcon̛ & a swyfte, þer was [bod] sucℏ one in aƚƚ þat land̛. And ilk man̛ at saw it fle commendid it & praysid it. So þis fole hard̛ at ilk man̛ commendid̛ þis falcon̛ so, and privalie on̛ a nyght he gat þis falcon̛ of his lordis & slew itt, and sothe itt, & ete itt. And when̛ þe lord̛ myssid̛ þis hawke, he made grete sorow þerfor, becauce he wiste nott how it was loste. And he commendid it gretelie in presens of þis fule; and when̛ þe fule hard̛ hym̛ commend it so, he ansswerd̛ & sayd̛; "Forsuthe lord̛, it dught nott; ffor I ete neuer bitterer flessℏ þan̛ it was." And so þis fule fand̛ a noder þing þan̛ he trowid̛.

Cesarius tellis how þer was a knyght þat had so grete deuocion̛ about payment of his tendis, & þat he wold̛ euer of rightwusnes pay þaim with-owten̛ any tarying or with-oute dissayte or vexacion̛. And he had a certan̛ vyneyard̛ of þe whilk he had yerelie x ton̛ of wyne. So it happend̛ on̛ a yere when̛ he had gaderd̛ aƚƚ his vynys & brayed̛ þaim, he had bod a ton̛ of wyne. And when̛ þis knyght saw þat, he sayd vnto his servand̛; "That at was myne, God hase taken̛ it fro me; and yitt I wiƚƚ not take His parte fro Hym̛. And þerfor̛ go byd þe preste feche þis ton̛ of wyne for his tend̛." And þe prest did so. And þe same yere on̛ a tyme, a bruther of þe same knyghtis, at was a preste, went down̛ be þe garthyn̛ abowte þe Martynmes; and he saw aƚƚ þe vynys hang fuƚƚ of grapis. And he went in-to his bruther & flate with hym̛ for his neclegens, & sayd̛; "Whi hafe ye noght yitt garderd̛ your vynys, & þe yere is so-fortherlie paste?" And þe knyght sayd̛ þat þai war gaderd̛ lang befor̛. And þe preste sayd̛ nay it was not so; "ffor," he sayd̛, "I was þeratt þis day, & I saw it grow fuƚƚ of vynys." And þe knyght & his meneya went & lukid̛, & þai fand̛ it was so. And þai gaderd̛ þaim & made wyne þeroff; & þer grew neuer ryper nor mor̛ plentefuƚƚ vynys in þat gartℏ þan̛ þase wer. et c̛.

Cesarius tellis how þat in tyme of Hereticus Latin MSS. Tempore Henrici imperatoris. þe Emperour, in þe kurk of Palernens was þer a certan̛ dean̛ þat sent a servand̛ of his to seke a palfray of his þat hym̛ wantid̛; & þer mett ane ald̛ man̛ þis servand̛ & askid̛ hym̛ whedir he went & whatt he soght. And he said̛ he soght his maister hors. And þis ald man̛ teld̛ hym̛ þat þis hors was att þe Mownte of Gybber; "and þer," he sayd̛, "hase my lord̛ kyng Arthur hym̛. And þat mownte byrnys evur on̛ a grete low as it war fuƚƚ of burned-stone." And þis servand̛ had grete mervayle of his wurdis, and þe alde man̛ said vnto hym̛; "Saw vnto þi maister & charge hym̛ at þis day xiiij dayes he com̛ thedur vnto Kyng Arthur solempne courte. And if þou forgett & teƚƚ hym̛ nott, þou saƚƚ be grevuslie punysshid̛ þerfor̛." And þis servand̛ went home & told̛ his maister aƚƚ at he sayd̛ vnto hym̛ with grete ferdnes. And when̛ þe dean̛ hard̛ att he was sommond̛ vnto þe courte of Arthur, he logℏ þerat & made a skorn̛ þerof. And onone he feƚƚ seke, & þe same day att he was somond̛ he dyed̛. et c̛.

Saynt Gregur tellis in his Dyaloggis, how on̛ a tyme a kurk of þe Arryans was gyffen̛ vnto Cristen̛ men̛; and þai garte halow itt. And þe relikkis of Saynt Sebastian̛, & Saynt Agnes & Saynt Agas Latin MSS. relique ... sancte Agathe. war broght thedur, aƚƚ þe peple at was gadderd̛ thedur felid̛ þe grond̛ in the kurk-dure quake, & mofe heder-ward̛ & þedurward̛. And when̛ þai wer with-in þe kirk, þai felid̛ nothyng þeroff. And þai had grete merveƚƚ here-off, and aƚƚ-myghti God lete þaim aƚƚ hafe a knowlege þat it was þe fend̛ þat garte þe ertℏ stir when̛ he went furthe of þat place & it was halowd̛. et c̛.

Defectus proximorum non sunt reuelandi indifferenter. Supra de celacione.Defunctis valent indulgencie. Infra de indulgencijs.Defunctis prosunt suffragia. Infra de suffragijs.Defuncti adiuuantur orationibus viuorum. Infra de oratione.Defunctis valent misse pro eis dicte. Infra de mortuis.Defunctis [conueniunt] From the Latin MSS. que infra dicuntur de mortuis.Delectacio. Delectant Or delectantur. MS. not clear. aliquando aliqui in modicis. Supra de Basilio.Delectabile non est videre malos. Infra de videre.Deleccio mala est fugienda. Infra de periculis.

Petrus Damyanus tellis how som tyme þer was a duke at had a wyfe þat liffed̛ so delicatlie & so tenderly þat sho wolde nott wassℏ hur with common̛ watirs as we do, bod sho wolde gar hur maydyns gader þe dew on̛ sommer mornyngis at sho mot wassℏ hur with. And sho wold̛ not tucℏe hur meate with hur handis hur selfe, bod after hur carvur had cutt itt in morcels sho wold̛ take it vpp̛ with poyntels & crukis of gold̛ & putt itt in hur mowthe. And sho wolde make hur bed so redolent savurand with spice þat it was a mervayle to teƚƚ off. And as sho liffid̛ þus, be þe rightwusnes of God̛, sho was so smytyn̛ with canker and seknes þat sho rotid̛ so, & sho on̛ life, þat no creatur mot fele þe stynk̘ of hur; to so mekuƚƚ at aƚƚ folke lefte hur & aƚƚ hur servandis, bod onelie a damyseƚƚ þat was left to kepe hur; & yitt sho mott not com̛ att hur for stynk̘ with-oute sho had at hur nece many wele-saueryng spycis; & yitt sho mott not tarie with hur no tyme for horrible stynk̘. And when̛ sho had ligen̛ þus many day sho dyed̛, & no body with hur. et c̛.

We rede in 'Libro de Dono Timoris' how þer was a delicatt scoler of Bolan̄, and he fled̛ þe state of penance and he wold̛ nowder here sermon̛ nor no wurd̛ of God̛, þat he suld̛ not be movid̛ to be a religious man̛. So it happend̛ at a freer-prechur, þat was his contrey-man̛ & kend with hym̛, come & visett hym̛ & luked̛ how he did̛. And when̛ þe scolar saw hym̛ he sayd̛ unto hym̛; "Freer, & þou wiƚƚ speke with me of God I charge nott, and if þou speke with me of oþer thyngis þou erte welcom̛." And þe ffreer ansswerd̛ hym̛ & sayd̛; "I saƚƚ speke furste of oþer erandis, and att þe end I saƚƚ speke of God bod a wurd̛." And when̛ he had said̛ aƚƚ his erandis, be lefe of þis scolar vnnethis grauntyd̛, þe freer sayd̛; "Maister, I pray you for Goddis sake þat þis nyght when̛ ye lye in your bed warm̛ happed̛, þat ye wold̛ vmthynk you of þe bed̛ þat is ordand̛ in heƚƚ to þaim þat mon̛ be dampnyd̛, þat liffis here in aƚƚ þe delicatis att þaim liste hafe." And þan̛ he askid̛ whatkyn̛ a bed̛ þat was; & þan̛ þe freer said̛ þe saying of þe prophett Ysai; " Subter te sternentur, et c̛." And when̛ þe freer had þus said̛, he went his ways, and þis scoler on̛ þe nyght after as he lay in his bedd̛, he vmthoght hym̛ on̛ þies wurdis, & he mott not slepe a dele for thoght of þis bed in heƚƚ, unto so mekuƚƚ þis þoght prevaylid̛ so on̛ hym̛ þat with-in a litle while after he made hym̛ a freer of þe same ordur. et c̛.

We rede in 'Libro de Dono Timoris' how som̛ tyme a husband-man̛ was biddyn̛ vnto a kyngis brydaƚƚ, and as he went thedurward̛ he wex passand thrustie, & he fand̛ drovy watyr & stynkand̛, & drank þeroff. And his felows cownceld̛ hym̛ not to drynk þerof, bod to byde to he come att þe brydaƚƚ, & þer he sulde hafe gude wyne enogℏ, & clarett; & he wold̛ not, bod fillid̛ his body of þis stynkand̛ watir, into so mekuƚƚ at he began̛ to bolk, & his brethe for to stynke. And when̛ he come vnto þe kyngis yate with his felows, þai went in & he was holden̛ oute for his bolkyng & his stynkand̛ brethe.

Qui delicantur corpore frequencius infirmantur. Supra de abbatissa.Demon impedit orationes quantum potest. Infra de Oratione.Demon sanctos plus in desperacionem precipitat per mulieres quam per alios. Supra de carne.Demon gaudet quando sanctum virum precipitat in peccatum. Supra de carne.Demon temptat homines ieiunantes. Supra de abstinencia.

Saynt Gregorie tellis how a preste þat hight Stephan on̛ a tyme was wate-shodd̛, and necligentlie he commanddid̛ his servand̛ & sayd̛; "þou devuƚƚ! Com̛, doff my shone!" And at þis biddyng onone þe thwangis of his shone lowsid̛ passand tite. And when̛ þe prest felid̛ þis, he was passand̛ ferd̛ and cried with a grete voyce & sayd̛; "þou wriche! Go fro me! Go fro me! ffor I spakk not vnto þe, bod vnto my servand̛." And so þe shone lefte vndofte vnto his servand̛ did þaim off.

We rede in þe 'Life of Saynt German̛' how þat on̛ a tyme he was lugid̛ on̛ a night in a howse vp of land̛; and when̛ aƚƚ had suppyd̛ þai sett þe burde agayn̛. And he had mervayle þerof and askid̛ for wham̛ þai did so. & þai told̛ hym̛ þai MS. þat. sett þe burd̛ for þase gude wommen̛ þatt gase on̛ nyghtis. And he thoght þat he wold̛ se whatt þai wer, & awakid̛ aƚƚ þat nyght. And aboute mydnyght he saw a multitude of fendis com̛ to þis burd̛ in form̛ & liknes of men̛ & wommen̛; and he chargid̛ þaim remow þaim, & he callid̛ vp̛ aƚƚ þe meneya in þe howse & shewid̛ þaim þies men̛ and þies wommen̛, & askid̛ þaim if þai knew any of þaim. And þai said̛ at þai knew þaim wele enogℏ, þai wer aƚƚ þer neghburghs, bothe men̛ & wyvis. And he sent vnto þer howsis at þai sayd̛ war þer, & þai þat went fand þaim in þer beddis. And þan̛ he coniurid̛ þies fendis, & þai told̛ how þai war fendis & come to dissayfe þe peple.

Demon eciam religiosos retrahit ab oratione. Supra de beato Benedicto.Demon eciam sanctos sensibiliter quandoque in corpore verberat. Supra de Antonio. Et infra de perseuerancia.Demonis diuerse sunt temptaciones. Infra de temptacione. Demonem sola humilitas confundit. Infra de humilitate.Demon aliquando amicos vita corporali privat. Infra Nicholai.Demon Episcopos per mulieres temptat. Supra Andree.

Jacobus de Vetriaco tellis how on̛ a tyme when̛ a sister of þe fraternitie of Oegniez was seke & bown̛ to dye, Saynt Marie of Oegniez MS. Oegimez. , as sho was in hur ceƚƚ, sho purseyvid̛ & saw a multitude of fendis rumyand̛ abowte hur MS. his. sister bed̛, & sho bown̛ to dye. And as hur sisters war sayand̛ þer prayers for hur, & trowid̛ þat sho suld̛ dye, sho ran̛ vnto þe bed̛ of hur seke sister & werid̛ away with hur shirte þir evuƚƚ spyrittis as þai had bene fleis, & said̛ hur prayers alsso. And þai wythstude hur & chalangid̛ hur sister sawle as þer awn̛. þan̛ sho mot suffer þaim no langer, & cryed̛ on̛ Criste for His bittyr passyon̛ & His blude to helpe hur. And þan̛ þies evuƚƚ spirittis laburd̛ gretelie to hafe getten̛ þis saule, and sho saw þat & sayd̛; "Lord̛, I becom̛ borgℏ for þis sawle; for þuff aƚƚ sho hafe synnyd̛, yit sho is confessid̛ þerof. And if oght be ignorans or neclegens be left behynd̛ with hur, Lord̛, latt hur lyff, & I vndertake sho saƚƚ amend̛ hur." & so sho did̛; & þe fendis vanysshid̛ away.

Demoni se commendare periculosum est. Supra de Commendacione.

Jacobus de Vetriaco The Latin MSS. attribute this tale to Helinandus. tellis of Elebrandus þat was archebisshopp̛ of Beme Latin MSS. Remensis. , how on̛ a tyme his bed-felow tolde on̛ hym̛ & sayd̛; "My lord̛ on̛ a tyme sent me ane erand̛ vnto Attrebatt Latin MSS. Attrebater, Atrebater. ; and when̛ I and my servand̛ wer in a wud, we hard̛ a grete noyse of armyd̛ men̛, & as vs thoght, of harnessid̛ hors, and fendis cryand̛, & sayd̛; 'Now we hafe our purpas of Arta , and onone we saƚƚ hafe our purpos Latin 'prepositum' misread as 'purpos'='propositum,' and repeated before 'bisshopp of Beam.' Latin: Iam habemus prepositum de Isrea, in proximo habebimus archiepiscopum Remensis. of þe bisshopp̛ of Beam̛'; bod we may nott gett furtℏ our hors, nowder with staffis nor spurris. And þan̛ I sayd̛ vnto my servand̛; 'Latt vs make crossis in our forhedis, & þan̛ saƚƚ we go sekurlie.' And so we did̛. And when̛ we come home, we fand̛ þe prefecte MS. prefeste; Latin MSS. prepositum. of Arta Arund. MS. de Arta; Harl. MS. de Isrea. dead̛, and þe archbisshop̛ of Beam̛ bown̛ to dye."

Helynandus tellis how on̛ a tyme, opon̛ a solempne day, as þe erle of Maciscon̛ Harl. MS. Comes Matistonensis; Arund. MS. comes Mastisconensis. satt in his awn̛ palas & many knyghtis abowte hym̛, sodanlie ane vnknowen̛ man̛ sittand̛ on̛ a hors come in at At omitted and added above the line. þe pales yate, and, att þai aƚƚ saw, rade evyn̛ vp to hym̛ þer he satt, & said̛ he come to speke with hym̛, & bad hym̛ ryse & go with hym̛. And he myght not agaynstand hym̛, & rase & went vnto þe dure; & þer he fand̛ a hors redie. And he bad hym̛ lepe on̛, & so he did̛; and þe toder tuke his bridyƚƚ-rene at come for hym̛, & at þai aƚƚ saw, þai rade vp in-to þe ayre. And þe erle cryed̛ as he war wude; "Helpe me my cetysyns! Helpe me my cetisyns!" And euer-ilk man̛ in þe cetie hard̛ þis voyce, & ran̛ oute; & þai mot a grete while se hym̛ rydand in þe ayre. And at þe laste he was with-drawen̛ fro þer syght, & had vnto heƚƚ. et c̛.

Demon bonos bellare facit. Supra de bello.Demon iuuenem anulo desponsauit. Infra de sponsalibus. Demon peccata confessa tradidit obliuioni. Supra de confessione.Demon. Morientes temptantes per orationem expelluntur. Infra de morientibus.Demon immittit ymagines eorum que nunquam visa sunt vel facta. Infra de temptacione.Demones in morte vsurarios in corpore et in anima vexant. Infra de Vsuris.Demones eciam ad obitus beatorum veniunt. Infra de morientibus.Demon corpus peccatoris loco anime aliquando vegitat. Infra de suffragijs.Demon in corpore humano cantat. Supra de cantu.Demon secundum modum suum servit fideliter. Infra de milite.Demon accusat morientes. Supra de accusacione.Demon decipit ambiciosos. Supra de ambicione.Demon sibi adherentes ditat temporaliter. Infra de Milite.

We rede how on̛ a tyme þer was a Iew conuertid̛ in þe bisshopprik of Colan̛; and he was emang monkis, & þai lernyd̛ hym̛ on̛ þe buke to he cuthe rede wele. And þan̛ he garte write bukis, & þe monkis lettid̛ hym̛ & wold̛ not lern̛ hym̛ no more; & onone as he saw þat, he stale away from emang þaim and went his ways, to þe entent at he wold̛ lern̛. And þan̛ þe deviƚƚ appered vnto hym̛ in liknes of ane aungeƚƚ, and bad hym̛ lern̛ faste, ffor he sulde be a bisshop̛. And a little while afterward̛ he apperid̛ vnto hym̛ agayn̛ on̛ þe same wise, and said̛ vnto hym̛; "To-morn̛ mon̛ þou be a bisshop̛, ffor þe bisshopp̛ is dead̛ & þerfor haste þe to go vnto þe cetie, ffor God wiƚƚ at þou be made bisshopp̛ þer-of." And onone þis wriche privalie went his way; & þat night he was hostid̛ with a preste nerehand̛ þe cetie; and becauce þat he wold̛ com̛ wurthelie vnto þe cetie, he rase vp þat same nyght befor̛ day, & stale þe prestis hors & his cloke, & went his way. Men̛ on̛ þe morn̛ missid̛ þe hors, & sewid̛ after hym̛ & tuke hym̛, & broght hym̛ vnto a seculer iugement, & þer he was dampnyd̛. And þus he ascendid̛, nott as a bisshopp̛ vnto þe chayr, bod as a thefe vnto þe galows.

Cesarius tellis how on̛ a tyme when̛ a devuƚƚ had turment horrebly a man̛ þat he was in, it was sayd̛ vnto hym̛ of a certan̛ man̛; "Teƚƚ me, þou fend̛, if þou may com̛ agayn̛ vnto þe blis at þou hase loste; and if þou might, what wold̛ þou do þerfor̛?" And þe fend̛ ansswerd̛ agayn̛ & said̛; "And it war in my chose, I had leuer go vnto heƚƚ with a sawle þat I had desayvid̛, þan̛ for to turn̛ agayn̛ vnto hevyn̛." & þai þat hard̛ hym̛ say so, had grete mervayle þerof, & þan̛ he sayd̛ agayn̛ vnto þaim; "wharto merveƚƚ ye here-of? My malice is so mekuƚƚ and̛ I am̛ so obstinatt & so fraward̛, þat I may not wiƚƚ nor desire nothyng att is gude nor profetable vnto my selfe." et c̛.

Cesarius tellis how þat in Colan̛ þer was a womman̛ vexid̛ with a fend̛, & be grace of God̛, a holie man̛ drafe hym̛ oute of hur. And þan̛ þis holie man̛ hard̛ a noder fend̛ & hym̛ to-gedur, & saw þaim bathe. And̛ þe tane said̛ vnto þe toder; "O! þou wriche! why consentid̛ þou to Lucifer? For þerfor̛ we feƚƚ fro euerlastand̛ ioy." And þe toder ansswerd̛ hym̛ agayn̛ & sayd̛; "Whi did̛ þou so?" And þai bothe forthoght it, & said̛ þe tane vnto þe toder; "Halde þi tong! þis penans is our late; ffor & þer was a pyler of yrn̛ byrnand̛, sett fuƚƚ of sharpe rasurs, sett evyn̛ vp fro ertℏ to hevyn̛, me had levir, & I mot suffer it & I had flessℏ, be drawen̛ þeron̛ vp & down̛ to þe day of dome, with counand̛ at I mot com̛ agayn̛ vnto þat ioy þat I was in." et c̛.

Demon in ornatu vestium delectatur MS. dilectatur. . Infra de ornatu.

Cesarius tellis how on̛ a grete solempne nyght at matyns, þe Covent of Hemmerode, as þai war sayand̛ þis psalm̛; ' Domine, quid multiplicati, et c̛,' þer was so many fendis in þer quere, þat with sight of þaim goyng vp & down̛, þe ta side falid̛ in þe psalm̛. And when̛ þe toder syde laburd̛ to gar þaim say right agayn̛, þai whettid̛ þer tethe agayns þaim & flayed̛ þaim so at þai wiste neuer what þai suld̛ say; bod þe ta syde cried̛ agayn̛ þe toder, þai wiste neuer whatt. And nowder þe abbott nor þe priour cuthe bryng þaim vnto þe psalmodie agayn̛, nor none acordans. And at laste, ilfarandlie, þai made ane end̛ of þis little psalme, with grete labur and̛ confusion̛; & þan̛ þe devuƚƚ & aƚƚ his felashup̛ went away, & þe prior saw þaim fle a-way in liknes of dragons.

Demon nigromancia compellitur apparere. Infra de Nigromancia.Demon ludit ad taxillos. Infra de ludo taxillorum.

Cesarius tellis how þat in þe town̛ of Bon̛, in þe dioces of Colayn̛, þer was a prestis lemman̛; & hur irkid̛ so with hur syn̛ at sho hangid̛ hur selfe. And as sho did it þe rape braste, & sho was stiƚƚ on̛ life; and when̛ sho saw sho was delyverd̛ of þat deade, sho went & made hur a non̛. And þan̛ be temptacion̛ of þe devuƚƚ, hur luffer come agayn̛ & laburd̛ to hafe hur as he was wunte; and sho wold̛ noȝt grawnt vnto hym̛ be no mene. And þan̛ he hyght hur þat, & sho wold̛ consent vnto hym̛, he sulde make hur a ladie. And þus he laburd̛ hur nyght & day, & sho cuthe not avoyd̛ hym̛; so sho kest on̛ hur hali watir, & made a cros on̛ hur, & he vanysshid̛ away for a while. And þan̛ þe devuƚƚ come in his lyknes vnto hur agayn̛, & laburd̛ hyr. And þan̛ be cownceƚƚ of a gude man̛ sho sayd̛ hur Ave Maria; and onone as sho had sayd̛ it, he fled̛ away as he had bene stryken̛ with ane arow, and durste not com̛ nere hur; not-withstondyng he lefte hur not aƚƚ. And a man̛ cownceld̛ hur to go shryfe hur; and as sho went, he come vnto hur & askid̛ hur whyder sho was bown̛, & sho said̛; "I am̛ bown̛ to distroy bothe þe & me." And he sayd̛; "Nay, nay, do not so! Turn̛ agayn̛!" And sho ansswerd̛ agayn̛ & sayd̛; "þou hase oftsithis confowndid̛ me, & þerfor̛ I wiƚƚ now go shryfe me." And evur as sho went he flow abown̛ hur in þe ayr, as it had bene a After a, g & half 1, erased. glede. And als sone as sho oppynd̛ hur mouthe to shryfe hur, he vanysshid̛ away with grete crying & yowlyng; and he appered̛ nevur vnto hur afterwerd̛, nor sho hard̛ hym̛ neuer efter.

Cesarius tellis how þat in þe same town̛ of Bon̛, how þer was a preste þat had a doghter at was wedd̛, & hur husband̛ was dead̛; & sho was so fayr þat he was ferd̛ for hur, to so mekuƚƚ þat evur when̛ he went furtℏ he wold̛ spar hur in a lofte. So on̛ a tyme þe devuƚƚ apperid̛ vnto hur in lyknes of a man̛, & spak vnto hur wurdis of luff to gar hyr inclyne to hym̛, to so mekuƚƚ at he lay by hur & had at do with hur. And sho purseyvid̛ at sho was desseyvid̛ be a fend̛, & told̛ hur fadur. And he was passand̛ hevye and̛ made mekuƚƚ sorow þerfor̛, & had hur thyne owr̛ a grete watir in-to a noder contretℏ, at sho suld̛ be ferrer fro þis fend̛, & & omitted and added above the line. at sho sulde be bettur be changyng of þe ayr. And þis Devuƚƚ myssid̛ hur, & was wrotℏ þerwith, & come vnto þe preste & sayd̛, "þou cursid̛ preste! Whi hase þou taken̛ my wife fro me?" And when̛ he had sayd̛ so, he strake hym̛ opon̛ þe breste, at he spytt blude with iij dayes; & on̛ þe thrid̛ day he dyed̛. And we rede also how þat a fend̛ held̛ a woman̛ vj yere, & come vnto hur ilk nyght in lyknes of a knyght, & lay with hur in bedd̛ as he had̛ bene a man̛. And onone as sho made ane oppyn̛ [confession] þerof vnto Saynt Barnard̛ sho was delyverd̛; and he come neuer to hur after.

We rede of a scoler þat was a lustie yong man̛, & so he agreid̛ with a womman̛ at he sulde com̛ vnto hur on̛ a nyght; & sho agreid̛ þerto. So on̛ þe nyght he come noght to hur, bod a fend̛ in lyknes of hur come vnto hym̛ & lay with hym̛ aƚƚ nyght, & lete hym̛ hafe his liste. And on̛ þe morn̛ þis fend̛ askid̛ þis scoler if he wuste whame he had̛ ligen̛ with aƚƚ nyght, & he sayd̛, ya, with sucℏ a womman̛. And he sayd̛; "Nay, þou hase ligen̛ & had̛ at do with þe devuƚƚ;" & þat he sayd̛ it in sucℏ fowle wurdis at it wer shame to teƚƚ. & with þat þe devuƚƚ vanysshid̛ away.

We rede how þe devuƚƚ luffid̛ a yong womman̛, and apperid̛ vnto hur oft-sithis on̛ þe night with grete lightis aboute hym̛, so þat aƚƚ þe chawmer myght be seen̛ with þe light, & þe droppis of þe seargis myght be sene; & he gaff vnto hur rynges & oþer iewels of gold̛, and many other þingis. And sho come vnto hur confession̛, & shewid þaim vnto þe preste. et c̛.

Demon orationibus sanctorum a malo inchoato impeditur MS. inpeditur. . Supra Barnardi.Demon impedit audire sermonem. Supra de audire sermonem. Demon conscribit peccata hominum. Supra Augustini.Demon insidiatur clericis in choro. Supra de.

We rede in 'Libro de Dono Timoris,' how þer was a religious man̛ þat lay in his dortur with his brethir, and sodanlie as [he] lay, he began̛ to cry vgsomlie. And þe covent rase and come vnto hym̛; and þai fand hym̛ glorand̛ faste agayns þe waƚƚ, & he wolde speke no wurd̛, bod he was evyn̛ as he had bene flayed̛. So in þe mornyng he come to hym̛ selfe, and þe MS. þi. priour askid̛ hym̛ what hym̛ aylid̛. And he said̛ at he saw þe devuƚƚ; "and his shap," he sayd̛, "was so vglie, it mot not be discryvid̛; bod I say þis," sayd̛ he, "þat & þer war a hate oven̛ on̛ þe ta side me, & þe shapp̛ of hym̛ on̛ þat other partie, me had levur crepe in-to þat hate oven̛ þan̛ ans behold̛ hym̛ agayn̛ as I did̛."

Cesarius tellis how some tyme þer was ane vsurer þat lent a certayn̛ of mony vnto a selerer of þe Ceustus ordur; and he selid̛ it & layd̛ it in a kyste besyde a certan̛ money of þer awn̛. So afterward̛ þis vsurar askid̛ it agayn̛; and þe monke went vnto þe kiste, and̛ he fand̛ nowder þer awn̛ money nor itt. And he lukid̛ & saw at no bodie had tuchid̛ þe lokk bod hym̛ selfe, & þe selis of þe sakettis safe, at he mot know no suspecion̛ of þifte. þan̛ he conseyvid̛ in his mynd̛ þat þe mony of þe vsuraris had devowrid̛ and distroyed̛ þe money of þer monasterie.

Depositum debet reddi eo modo quo commissum est. Supra de Cautela.

Johannes Beletℏ tellis how on̛ a tyme þer was a womman̛ þat had iij pottis fuƚƚ of gold̛, & sho delyverd̛ þaim to kepe vnto Julianus Apostata The Latin MSS. explain, aurum illud ne appareret in orificijs ollarum, cinere operuit. , for sho trowid̛ þat he was a gude holie monke befor̛ other of his brether. And̛ sho told̛ hym̛ not þat þer was gold̛ in þaim. Than̛ þis monke tuke þies pottis, & fand̛ þer was so mekuƚƚ gold̛ in þaim, & he stale it & fillid̛ þe pottis agayn̛ fuƚƚ of assℏ. And when̛ þe womman̛ come & askid̛ þe pottis agayn̛, he delyverd̛ hur þaim, & þai war fuƚƚ of assℏ; & sho said̛ at sho had̛ delyverd̛ MS. has another hym here. þaim vnto hym̛ fuƚƚ of gold̛. Bod sho cuthe neuer gett no mendis on̛ hym̛ becauce sho had no witnes, and his brethir þe monkis, at war by, saw no þing abown̛ þe pottis bod̛ assℏ. et c̛.

Jacobus de Vetriaco tellis þat he had sene bothe men̛ & wommen sett vnto Godward̛ with so mervalos & so spirituaƚƚ affeccion̛, þat for desyre þai wex seke, & som̛ so mekuƚƚ, þat many yeris þai lay in þer beddis, and myght not ryse vp bod seldom̛ tymys. & þai had none other cauce of sekenes bod at þer hertis was so sett vnto Godward̛, & of þe ioy of hevyn̛. And als lang as þai war in þat thoght þai war evur seke & at male ease. et c̛.

Desiderium carnale est reprimendum. Supra de abstinencia.

Cesarius tellis how on̛ a tyme þer was a religious man̛ þat liffid lovable emang his brethir fro his youthe vnto his age, so þat þer was none þat was more religious þan̛ he was. So on̛ a tyme hym̛ happend̛ to faƚƚ in-to suche a sadnes & a hevynes, þat he dowtid̛ of his synnys, & feƚƚ in-to a dispayr. And he mot not be broght oute þer-of with none auctorite of scriptur, nor he mot not be broght into no hope of forgifnes, not-with-stondyng he had not done no grete syn̛. And when̛ his brethir askid̛ hym̛ what hym̛ MS. repeats, what hym. aylid̛ at he was fallen̛ into suche a drede & a dispayr, he ansswerd̛ agayn̛ & sayd̛; "I may not as I was wunte to do say my prayers, & þerfor̛ I am̛ ferd̛ to be dampnyd̛." And þan̛ he was putt in a fermorie aƚƚ a nyght, & on̛ þe morn̛ he come vnto his maister & sayd̛; "I may no longer feght agayns God̛." & þan̛ he went furtℏ vnto þe myln̛-dam̛ of þe abbay, & þer he lowpid̛ in & drownyd̛ hym̛. et c̛.

Desperandum non est de aliquo. Supra de Abbate et apostata.Desperans sacerdos dampnatur. Infra de sacerdote.

Petrus Clunacensis tellis how som tyme MS. repeats, how some time. þer was in Pycardi a preste þat was fuƚƚ of vices & syn̛; so on̛ a tyme he promysid̛ be counceƚƚ for to make hym̛ a monke in Ceustus ordur; bod he put it in contynance, and in the mene-while While is repeated and erased. he feƚƚ seke MS. repeats, & in þe mene while he felt seke. . And him thoght at þer come vnto hym̛ ij dragons and wold̛ hafe devowrid̛ hym̛, bod be þe prayer of þe priour of þat ordur he was delyverd̛, and becounand̛ þat he sulde fulfyƚƚ his promys at he had made, as he behestyd̛. & þan̛ he coverd̛, and yitt he fulfillid̛ not his promys, bod putt it in contynnance. And þan̛ he feƚƚ seke agayn̛, & cried & sayd̛; "Lo! a fyre occupyes me for to burn̛ me!" & he helde vp̛ þe coverlad betwix hym̛ & it; and yitt be prayers of þe monkis he was delyverd̛, and þan̛ he fulfillid̛ at he beheste. And þan̛ he was ravisshid̛ vnto þe dome, and þer he hard̛ a sentans, at he sulde be dampned̛, put furthe agayn̛ hym̛. And when̛ he come agayn̛ vnto hym̛ selfe, þan̛ he told̛ his brether & sayd̛; "Lo! two fendis brynges a grete arow to slo me with:" & þan̛ þer feƚƚ fro þis arow a drop̛ þat þrillid̛ his hand̛ vnto þe bare bone. And þan̛ he cryed̛ agayn̛ & sayd̛; "Now takis þe fendis me, & castis me into a frying pan̛ to bole me þerin." And with þat he swelte.

Desponsat virgo Maria se amantes. Infra de Maria MS. Infra de amantes. The Latin MSS. have, de Maria. .Despectus. Despiciunt superbi alios. Infra de Gloria.

We rede in 'Vitis Patrum' how þer was ij religious men̛ þat on̛ a tyme went furtℏ of þer abbay, & þai waxed̛ faynt for travellyng; & so þai warr hostid̛ with ane hermett, and he sett befor̛ þaim suche as he had in his ceƚƚ. So on̛ þe nyght as þai lay samen, he hard̛ þe tone of þaim say vnto þe toder; "This hermett hase better meate, & is better fed̛ þan̛ þai er þat liffis in abbays." And when̛ he hard̛ þaim say so he held̛ his tong. And on̛ þe morn̛ he had þaim vnto a noder hermett, & bad Latin MSS. "Salutate eum ex me, et dicite ei; 'obserua et noli illud irrigare scilicet olera'." Quod ille intelligens, tenuit eos. at þai sulde hayls hym̛, & teƚƚ hym̛ how he had made þaim at fare. And þai bad hym̛ þat, & he had any gude meate, þat he suld̛ kepe it & giff þaim nothyng bod potage. And he vnderstude þaim weƚƚ enogℏ, & held̛ þaim with hym̛ & garte þaim wurk with hym̛ euer-ilk day, & make skuttels & lepis of wandis evyn̛ vnto evyn̛; & þan̛ þai went vnto þer prayers. And þan̛ he sayd̛ he was nott wunte to supp, bod he sulde supp̛ for þer sake; and he sett befor̛ þaim sture brede & salte. And þan̛ he sayd̛ he wold̛ fare better for þer sake, and he sett befor a little ayseƚƚ & garlykk̘; & when̛ þai had suppid̛ þai went vnto þer prayers agayn̛ vnto it was myrk̘ nyght. & þan̛ he sayd̛ þat he myght not for þaim saw aƚƚ his prayers. And on̛ þe morn̛ þai wold̛ hafe gane þer way & tuke þer lefe, & he wolde not latt þaim, bod he sayd̛ þat he wold̛ for charite hold̛ þaim iij dayes. And on̛ þe night after þai rase and stale away & wolde no langer abide with hym̛.

Detractoribus non est credendum. Supra de credere.Detrahendum non est eciam mortuis. Infra de mortuis.Detrahitur bonis frequenter iniuste. Infra de sancto Lupo.Deviacio. Deuiare non debet a iusticia iudex. Infra de iudice.Devocio. Devotos sibi Maria ab opprobrio liberat. Supra de abbatissa.Deuocio quandoque excitatur ex presencia beatorum. Infra de lacrima et de visitacione.Deuocio contra naturam subuenit. Supra de apostolis. MS. repeats this heading. Deuotos sibi Maria desponsat. Infra de Maria.Deuocio quandoque prorumpit in lacrimas. Infra de lacrima.Deuocio excitatur ex sumpcione cibi spiritualis. supra de cibo.Deuotis conceditur consolacio diuina. Supra de consolacione.

Cesarius tellis how þer was som̛ tyme a chylde þat kepid̛ shepe of a wedous, and he had a grete deuocion̛ vnto Saynt Nicholas, vnto so mekuƚƚ at halfe þe meatt at he had euere day, he wold̛ dele it vnto pure men̛ in wurshup̛ MS. repeats, in wurshup̛. of Saynt Nicholas; & euer he made his prayers vnto hym̛. So on̛ a tyme Saynt Nycholas aperid̛ vnto hym̛ in habett & lyknes of a fayr olde man̛, and bad hym̛ dryfe hys shepe hame. And he said̛ his huswyff wold̛ be wrothe þan̛, for it was ouer Harl. MS. quia nimis mane est. tymelie of þe day. And þis Say[nt] MS. Say. command̛ hym̛ to do as he bad hym̛, & sayd̛; "Son̛, þis day saƚƚ þou dye, & þerfor̛ make þe redie, & go home & take þi sacramentis; ffor I am̛ Saynt Nicholas at þou hase bene devote to, & I wiƚƚ rewarde the." And he went home; & his dame was wrathe & blamyd̛ hym̛. And he sayd̛ he had myster to com̛ home, ffor he mond̛ dye þat same day And his huswyffe trowed̛ þat he had bene fond̛ & at he had sene som̛ þing in þe feld̛, and prayed̛ þe prest to inquere hym̛ þeroff. And he tolde þe preste of aƚƚ his vision̛, and he tuke his sacramentis of holy kurk̘ and dyed̛; and̛ his saule went vnto hevyn̛.

Deuotos deus in sacramento altaris confortat. Infra de sacramento.

We rede in þe 'Meracles of Saynt Nicholas' how on̛ a tyme in a kurk̘ þat was of þe holie cros, þe monkis of ane abbay desyrid̛ þer priour att he wold̛ suffre þaim go þeder on̛ Saynt Nicholas MS. repeats, on̛ Saynt Nicholas. day, at þai myght syng þe storie of Saynt Nicholas, for þan̛ it was new made; and he wolde not latt þaim. So on̛ a nyght after, as þe prior and aƚƚ his brether was in þer beddis, Saynt Nicholas visible apperid̛ vnto þe priour in a ferdfuƚƚ wyse, and he drew hym̛ oute of his bed be þe hare, & keste hym̛ apon̛ þe dortur flure. And he began̛ to syng þis antem̛, ' O! pastor eterne'; and sang it softlie vnto þe end̛; & at euere wurd̛ MS. euer ewurd̛. he gaff a lassℏ, & sang it with a grete tarying, to so mekuƚƚ þat with his holie crying he wakend̛ aƚƚ þe monkis. And þan̛ þai tuke þer priour & bare hym̛ vnto his bed̛, & euere yere, fro thens furtℏ, he bad̛ hys brether on̛ Saynt Nicholas day go vnto þat kurk̘ and syng þe storie off Saynt Nicholas.

Petrus Damianus tellis how on̛ a tyme þer was a man̛ þat stale his neghbur sew; and þis man̛ at stale þis sew was a man̛ þat luffid̛ wele to herber pure folk. So on̛ a tyme our̛ Lord̛ apperid̛ vnto hym̛ in lyknes of a pure man̛; & he was lang-harid̛, & he prayed̛ hym̛ þat he wold̛ for charite cutt it shorter. And with gude wiƚƚ he welcomd̛ hym̛ & sayd̛ he wold̛, aƚƚ redie; & he garte hym̛ sett hym̛ down̛, & tuke a payr of sisurs and began̛ to clypp hym̛ before. And in þe hynderparte of his head̛ he fand̛ ij privay een̛ lurkand̛; and he had grete mervaƚƚ þerof & askid̛ hym̛ whi þai war þer. And he ansswerd̛ & sayd̛; "I am̛ Iesus, þat seis our aƚƚ þis werld̛, and þies er þe een̛ whar̛-with I saw þi neghbur sew at þou stale, & slew it & hyd̛ it in a cafe." And with þat he vanysshid̛ away. And þis man̛ amendid̛ hym̛ & made restitucion̛ privalie for hur vnto hym̛ att aght hur, be advice of his confessur.

Dileccio. Supra, sicut de amicicia et amore.

We rede how on̛ a tyme when̛ bysshopp̛ Regulus sang mes, and in hys canon̛ he namyd̛ þe apostels o-raw, & þan̛ þe martyrs, sodanly he sayd̛; " Et beatis martiribus tuis Latin MSS. et beatis Martiribus tuis, Dyonisio, Rustico et Eletherio. , Rustico et Eleutherio." And when̛ he had sayd̛ so, sen̛ als mekuƚƚ as he kend̛ þies servandis of God̛ at þai war olyfe, he had grete mervale how þer namys happend̛ so sodanly in his mouthe, & he wiste no þing of þaim. And as he was in þis mervaƚƚ, þer apperid̛ vnto hym̛ iij dowffes sittand̛ opon̛ þe cros of þe awter; and þai had þe namys of þies holie martyrs writtyn̛ with blude on̛ þer brestis. And onone as he saw þat, he vnderstude at þies holie saynttis was martyrd̛ & putt to dead̛.

Discrecio. Discretus debet esse prelatus. Supra de Abbate.Discretus est a cibo abstinendum. Supra de Maria.Disciplina. Disciplinandi sunt iuuenes ne insolescant. Infra de iactantia.Discordia inter bonos non facile oritur. Supra de concordia.

Solinnus tellis how þat Apius, Funius Latin MSS. Iunio. & Puplius, & dyvers other with þaim, wer dampned̛ att Rome; & when̛ þai war dead̛, one of þaim had a hond̛, & he satt at þe galos att þai hang on̛ iij dayes murnand̛ for his maister, & wolde neuer eate meate of no mans hand̛. & when̛ his maister was taken̛ down̛, þai put brede in his maister mouthe, & he tuke it & eate it; & þan̛ þai keste his maister in-to Tybur, & euer as he flett in þe watir, þe dogg swam̛ with hym̛, & at his power held̛ vp̛ his head̛.

Solinus tellis how þat when̛ Iasalicius MS. Harl. Infelicio interfecto. MS. Arund. Iasolicio interfecto. was slayn̛, his hond̛ lay by hym̛ & wold̛ neuer eate meate after. And þe kyng saw þat, & garte make a grete fyre, & caste þe dead̛ bodie in; & onone þe hunde folowid̛ into þe fyre, and gruchid̛ not to be burnyd̛ with his maister bodie.

Valerius tellis of ane of þe vij sagis, & he wold̛ aƚƚ-way say þat he was redie to lern̛; so hym̛ happend̛ on̛ a tyme for to faƚƚ seke, & was bown̛ to dye, and aƚƚ hys ffrendis come aboute hym̛ & comfurthid̛ hym̛. And evyn̛ sodanlie, als seke as he was, he sett hym̛ vp emang þaim, & tuke a buke & lukid̛ þeron̛; and þai askid̛ hym̛ whi he did̛ so, and he ansswerd̛ agayn̛ & sayd at he wold̛ lern̛ somwhatt of a disputacion̛, & þan̛ lay hym̛ down̛ & dye.

Jacobus de Vetriaco tellis þat on̛ a tyme he askid̛ a passand wyse man̛ and a wele-letterd̛, how he had lernyd̛ so mekuƚƚ. And he ansswerd̛ agayn̛ & sayd̛; "I had iij spirituaƚƚ maisters, and þe furste was drede, & the secunde was shame, and þe iij was luff. And me þoght evur in my mynd̛ þat I saw þaim, & ilkone of þaim a wand̛ in his hand̛ to bete me witℏ. And becauce I was euer ferde to be bett, I sesid̛ neuer to lern̛. And also me þoght þat my felows þat was yonger þan̛ I passid̛ me, and euer I vmthoght me at I wold̛ not be lawer þan̛ þai. And so doctryne ffeƚƚ somwhatt vnto me, & keste me in a grete luff þerto, so þat I lernyd̛ not alonelie for drede nor yitt for shame, bod rather for perfite luff & curage þat I had vnto lernyng."

Discretus debet esse confessor. Supra de confessione.Discrecio multiplex est necessaria. Supra, infra, in multis locis.Discursus impediunt consolacionem divinam. Supra de consolacione.Discursus iuuenis est periculosus. Infra de iuuene.Disputandum non est de meritis sanctorum proterue. Infra Iohannis utriusque. Discurrere non debet religiosus causa visitandi cognatos. Supra de affeccione carnali et de affectu.Dissimulacio. Dissimulande sunt aliquando iniurie. Infra de Iniurijs. et c̛.Dissimulat deus peccatum vt postea plus peniteat. Supra de Consuetudine peccandi.

Valerius tellis how þat when̛ Anaxagoras þe philosophur had traveld̛ far for þe studie of philosophie, & when̛ he come agayn̛ he fand̛ aƚƚ his gudis destroyed̛; "Ya," he said̛, "no fors of my gudis & I hafe conn̄yng & my heaƚƚ of my bodie; for þies two er wurtℏ mekuƚƚ riches." And so he cowntid̛ more be riches of connyng & of hele þan̛ he did̛ be riches of gudis.

Valerius tellis how ane of þe vij sagis, when̛ his enmys come into his contrey & tuke aƚƚ his gudis & his riches & fled̛ away þerwith, he was askid̛ whi he folowd̛ not on̛ þaim & tuke som̛ of his gudis fro þaim. And he ansswerd̛ agayn̛ & sayd̛; "Forsuthe whar-som̛-evur I go, I bere aƚƚ my gudis with me." For he bare þaim in his breste and noght on̛ his shulder, & not be syght of his ene, bod rather in his mynd̛ & his witt; "ffor þat," he sayd̛, "þat is closid̛ in a mans mynde & in his harte may not be takyn̛ away with no mans hand̛, nor þai may not stele nor fle away þerwith."

Jacobus de Vetriaco tellis how þer was a pure man̛ þat with þe labur off his handis vnnethis cuthe gett his lifelod̛, ffor when̛ he had suppid̛, þer lefte right noght ouer night vnto in þe mornyng; & evur he was merie, to so mekuƚƚ þat euerilk night, when̛ he was in his bed̛ with his wife, he wolde, & sho, syng a sang merelie at aƚƚ þer neghburs mott here; & þan̛ þai wold̛ faƚƚ on̛ slepe. So þer neghburs had grete mervaƚƚ þeroff, and one of þaim said̛; "I saƚƚ make swilk a way at I saƚƚ gar hym̛ lefe hys syngyng." & in presens of som̛ of his neghburs, opon̛ a night he tuke a sacheƚƚ fuƚƚ of sylver, & lete faƚƚ afor̛ þis pure mans dure. And when̛ at he rase & sulde go furth to seke his lifelod̛, he fande þis bagg, & he tuke it vp & turnyd̛ agayn̛ þer-with in-to his howse & hid̛ it. So on̛ þe night after, als tyte as he was in his bed̛, he vmthoght hym̛ in his mynde what he wolde do þer-with; & he was ferd̛ þerfor̛ þat he war not culpid̛ with felony þerfor̛, & also at no thevis sulde stele it from̛ hym̛, or if so be at he boght or solde þer-with, or boght any lande, he mond̛ be suspecte, vnto so mekuƚƚ at he was so occupyed̛ in his thoght þat at þat nyght he sang not, nor was not merie; bod a grete while after he was passand̛ hevy & thoghtfuƚƚ. & þan̛ his neghburs askid̛ hym̛ whi he was so hevie, and whi he sang nott as he was wunte to do; and he wolde nott teƚƚ þaim þe treutℏ. And þan̛ he at aght þis money said̛ vnto hym̛; "I knaw þe treutℏ; for suche a day & in suche a place þou fande my money, & tuke it vp at I & myne neghburs saw, & had it in-to þi howse." And when̛ he hard̛ þis he wex ferd̛ & shamefuƚƚ, & sayd̛; "woo wurtℏ þat money þat hase turment me thus; for sen̛ þat I fand̛ it I had neuer ioy in my harte; & I hafe bene trubbled in my witt euer syne, more þan̛ euer I was before when̛ I with grete labur of my bodie & my handis gat my meat. And þerfor̛ take þi mony þi selfe agayn̛, at I may syng & be mery as I was wunte to done." And so he did̛; and fro it was gone, þis pure man̛ made als merie as evur did he.

Diuicie temporales impediunt spirituales. Infra de fideiussore.

Saynt Gregur̛ tellis of ane hermett þat was a man̛ of grete vertue & lefte aƚƚ maner of gudis for Goddis sake, to so mekle at he had no gude lefte bod a catt. And he prayed vnto God at He wulde vuchsafe to latt hym̛ witt who sulde be his felow in þe blis of hevyn̛. And it was ansswerd̛ hym̛ from̛ aƚƚ-myghtie God & sayd̛, þat Gregur sulde be his felow. And when̛ he hard̛ þis he made mekuƚƚ sorow, & þoght his wilfuƚƚ pouertie profettid̛ hym̛ bod little, sen̛ Gregur þat had so mekuƚƚ riches sulde be his felow in hevyn̛. So on̛ a nyght as he was in his prayers, hym̛ þoght þat he hard̛ almighti God say vnto hym̛; "Gregur, þat is so riche of gudis, is als pure in his spiritt as þou erte, for þou hase more lykyng in þi pouertie þan̛ he hase in his riches."

We rede ex 'Dictis Patrum' þat þe abbott Iohn̛ was askid̛ whi he liffid̛ so straytelie emang his disciples, & gaff þaim so strayte chargis & commaundmentis, and he & þai bothe mott hafe commen̛ vnto hevyn̛ be other menys. And he made sorow & ansswerd̛ agayn̛ with grete wepyng, and̛ sayde; "In aƚƚ my life I did neuer myne awn̛ wiƚƚ, nor I taght nevur no man̛ to do noght bod at I did̛ my selfe befor̛."

Doctor debet habere discretum modum et gestum compositum. Infra de predicacione.Dolor. Dolendum est non de re que recuperari non potest. Supra de Consilio.Dolor quandoque prodest corpori. Infra de gaudio.Dolendum non est de morte amici temporalis. Infra de morte.Doluspunitur grauiter. Supra de adulterio.

We rede how on̛ a tyme when̛ Saynt Dominyk was in his prayers at Rome, and laburd̛ beselie vnto þe pope for confirmacion̛ of his ordur, on̛ a tyme he saw in his spiritt almyghti God in þe ayre, shakand iij speris like as He wold̛ hafe destroyed̛ aƚƚ þis werld̛. And our Ladie, His meke moder, come vnto Hym̛ and askid̛ Hym̛ whatt He wuld̛ do; & He sayd̛ þat Latin MSS. "Mundum," inquit, "tribus vicijs corruptum, punire uolo." He wolde destrow þis werld̛, with iij vicis þat was corrupte; þat was, with pride, concupiscens & avarice. And þan̛ sho sayd̛; "Dere Son! Meng þi rightwusnes with mercie! For I hafe a trew servand̛ at saƚƚ caƚƚ þis werld̛ agayn̛ vnto þe; & in euer-ilk place shaƚƚ destroy vicis." And þan̛ hur Son̛ was soberd̛ & sayd̛; "I wold̛ se hym̛ at sulde be ordand̛ vnto suche ane offes." & þan̛ our Lady shewid̛ Hym̛ ffurst Saynt Dominyk, & þan̛ Saynt Frauncys; & hur Son̛ commendid þaim gretelie. And after þis vision̛ Saynt Dominyk mett Saynt Frawncis þat he neuer saw befor̛ bod in þe vysion̛, & he kend hym̛ wele enogℏ, & kissyd̛ & sayd̛; "þou erte my felow; latt vs stond̛ bothe samen, & none aduersarie saƚƚ prevayle ayeyns vs."

We rede in his Legend how on̛ a tyme, when̛ he come home & fande his brether at þer reste, & þe yate sparrid̛, he wald̛ not waken̛ þaim, bod with his holie prayers he oppynd̛ þe yate, & he & his felow went in. And a noþer tyme he had with hym̛ a monk̘ of Ceustus ordur, & on̛ a tyme when̛ þai wold̛ hafe gone into a kurk to say þer prayers, & fand þe dure lokkid̛, þurgh his prayers þe dure oppynd̛, & þai went in & sayd̛ þar deuocions.

Also we rede in his Legend̛ ewhils Mayster Raynald̛, at was dene of Aurilianens & a maister of law, was essurid̛ vnto Saynt Dominyk to com̛ into his ordur, & hym̛ happend̛ for to faƚƚ seke, & was in despayr of lechecrafte, þis holie Saynt prayed feruentlie for his heaƚƚ. And our Ladie & ij virgyns with hur apperid̛ visible & enoyntid̛ þis seke man̛ with ane oyntement þat ane of þies virgyns bare, & curid̛ hym̛ bothe spirituallie & bodelie, to so mekuƚƚ þat fro thens furtℏ he felid̛ nevur movyng of his flessℏ vnto syn̛; & sho schewid̛ hym̛ þe abbett of þe ordur at þe toder virgyn̛ broght.

We rede also in his Legend̛ how þat Saynt Domynyk on̛ a tyme [come] vnto a priour of Ceustus ordur, þat was a devote man̛ & famyliari with hym̛, that askid̛ hym̛ in privatie & prayed̛ hym̛ to teƚƚ hym̛ som̛ of þe gracis at God had giffen̛ hym̛; and he ansswerd̛ agayn̛ & sayd̛; "I tolde neuer man̛ at I saƚƚ teƚƚ you, and I warn̛ you teƚƚ no man̛ whils I liff, ffor I latt you witt þat I askid̛ neuer of God no thyng bod I had my desyre." So þis priour thoght þat he wold̛ prufe þis, & said̛; "Besoght Latin MSS. "Impetretis ergo a deo ut magister C. Theutonicus intret ordinem uestrum." ye of God̛, & I pray you beseke it, at Maister C[lemet] enter in-to your ordur, for your brether gretelie desyris hym̛, & he hase no wiƚƚ þer-to; & he is a famos man̛ and a gracious & a wele-letterd̛." & þan̛ þis holie man̛ sayd̛; "Ye hafe askid̛ of me a grete þing. Not-withstondyng pray ye with me þerfor þis night, & to-morn̛ saƚƚ maister Clemett com̛ befor̛ day & aske þe abett of our ordur." And so he did̛, & liffid̛ in þe ordur many day in perseuerans of gude holynes.

We rede in þer Legend̛, when̛ Decius þe Emperour persewid̛ Cristen̛ men̛, þer was vij yong Cristen̛ men̛, & þai fled̛ aƚƚ samen for drede off þis Decius vnto þe mownt of Celion̛ beside þe cetie of Ephesim, whar þai war born̛, & þer þai hid̛ þaim in a den̛. And þai warr accusid̛ vnto Decius Cesar at þai war þer, & he garte close vp þe den mouthe at þai sulde not com̛ oute, bod at þai sulde dy þer. And as God wold̛, sodanlie þai feƚƚ on̛ slepe; and þer was oþer privay Cristen̛ men̛ þat wrate þer martirdom̛ & put it betwix ij stonys. And þan̛ when̛ Decius & aƚƚ his kynrid̛ was dead̛ ccclxxij [yeris], after þe xxxti yere of Theodoce þe Emperour, þat was a Cristenman̛ & made grete sorow for ane heresye þat þan̛ began̛ at rise in þaim þat trustid̛ not in vprysyng of flessℏ, almighti God raysid̛ þaim in þis maner of wyse. Ther̛ was in þe cetie of Ephesie a cetisyn̛ þat went vnto þis mownt & þoght to make þer a stable for his cateƚƚ. And he oppynd̛ þis den̛, and when̛ it was oppyn̛, thies Saynttis rase vp and trowed̛ at þai had slepid̛ bod a nyght; and one of þaim þat hight Malchus, þat vsid̛ to seriff þaim, þai sent hym̛ in-to þe cetie to by þaim bread̛, & for to witt whatt Decius sayde. And he tuke with hym̛ v soldi of þer money. And when̛ he come att þe cetie yate, he saw a cros set vp̛ þer-opon̛, & he had grete mervayle; and þan̛ he went vnto euer-ilk yate, & he fand̛ it so. And þan he went agayn̛ vnto þe furste yate, & he trowid̛ þat he had dremyd̛, and with grete ferdnes he went into þe cetie. And when̛ he hard̛ þat euer-ilk man̛ was a Cristen̛ man̛, and [purseyvid] at þe cetie was oþerwice biggid̛; & at he cuthe know no man̛ at he saw, he askid̛ if þat was þe cetie of Ephesim; and ane ansswerd̛ hym̛ & sayd̛ ya. & he tuke oute his syluer to by bread with, & he was taken̛ onone, & þai sayd̛ at he had fon̛ a tresur, & þai putt a rape aboute his nekk & harlid̛ hym̛ MS. þaim. þurgℏ þe cetie to þer bisshop̛; & he trowid̛ at þai had drawen̛ hym̛ vnto Decius Cesar. And when̛ þe bisshop̛ askid̛ hym̛ if he had fon̛ any tresurrie, he ansswerd̛ & sayd̛ þat he had þat syluer of his fadur & his moder. And þan̛ he askid̛ hym̛ whyne he was, & who was his fadur & his moder; & he said̛; "þai dweƚƚ in þis Cetie, in suche a place, & here-in I was born̛ & þis be Ephesim." And þer was no man̛ þat kend̛ nowder his fadur nor his moder; & he luked̛ aboute hym̛ if he saw any of his cussyns, and he was evyn̛ emang þaim as he had bene fond̛. And þan̛ þe bisshopp̛ said̛ vnto hym̛; "How may it be trew at þou had̛ þis syluer of þi fadur, & þe scriptur of þaim is mor̛ þan̛ ccclxxij yere old̛, & þai hafe þe figur of Decius Cesar made opon̛ þaim?" And þan̛ he had grete merveƚƚ & sayd̛; "Liffis not Decius Cesar yit?" And þe bisshop̛ sayd̛; "Nay, son̛, þer is none now in aƚƚ þis land̛ þat is callid̛ Decius, bod here hase bene a noder emperour of long tyme." And þan̛ þis Malchus; "In þis I hafe a grete mervayle, ffor yisterday I saw Decius com̛ into þis cetie, & þis be Ephesim, bod no man̛ trowis me; bod folow me & ye saƚƚ trow my felows." And þan̛ þe bisshopp̛ vmthoght hym̛, & sayd̛ vnto þe iustice; "þis is som̛ vision̛ att God wiƚƚ shew vs." And̛ þai rase vp̛ & fand̛ betwix ij stonys letters selid̛ with gold̛; & þe bisshop̛ garte semble þe peple, & red it befor̛ þaim. And when̛ þai come at þe den̛, þai lukid̛ opon̛ þies Sayntis Harl. MS. videntesque facies sanctorum in spelunca quasi rosas florentes, procidentes glorificauerunt deum. , and þai feƚƚ evyn̛ down̛ in-to wele-saueryng rosis. And when̛ þe Emperour hard̛ teƚƚ of þis, he come vnto þaim & he saw þer facis shyne, & feƚƚ down̛ on̛ kneis befor þaim & wepid̛, and̛ halsid̛ þaim & þankid̛ God̛. And þan̛ Maximian̛ said̛ vnto hym̛; "For þe almyghti God̛ hase raysid̛ vs, þat þou may trow vndowtable at þe rysyng of deade folk saƚƚ be trew. For now we hafe ryssyn̛ & liffid̛, and we wer evyn̛ as a childe is in his moder wambe, bod slepid̛ & felid̛ no hurte." And with þis þai lenyd̛ þaim down̛, þat aƚƚ folk saw, & yeldid̛ vp̛ þer sawlis vnto aƚƚmighti God̛. et c̛.

Cesarius tellis how þer was a young monk̘ þat was a gude liffer, & he was so wayke & so feble þat hym̛ yrkid̛ to liff Latin MSS. sed uite sancte adeo debilis erat corpore, vt eum viuere tederet. . And on̛ a nyght when̛ matyns was done, he lenyd̛ hym̛ down̛ opon̛ a tre befor̛ ane altar vnto Laudes tyme, as was his ordur, & þer he feƚƚ on̛ slepe. And our Ladie, Saynt Marie, come & Latin MS. et ueste eum feriens. putt opon̛ hym̛ & sayd̛; " Non est hic locus dormiendi; here is not þe place off slepyng, bod rather of praying." And with þat he wakend̛ & luke aboute hym̛ who spakk̘, & he saw þe bak of a womman̛, & perseyvid̛ at itt was a wommans voyce at spak.

Dormire parum debet sufficere religioso. Infra de labore.

Cesarius tellis of ane olde monk̘ þat was a grete sleper; so on̛ a nyght as he stude at þe psalmodie at matyns & slepid̛, hym̛ thoght at he saw in his slepe, standand̛ befor̛ hym̛, a long man̛ & a difform̛, þat held̛ in his hand̛ a lang, grete, clayie wispe MS. repeats here, in his hand. , as it had wypid̛ hors. & he lukid̛ angrelie of þis monk & said̛ vnto hym̛; "Wharto stondis þou her̛ al night & slepis?" And he hytt hym̛ in þe face with þis clayie wispe. And with þat he wakend̛, & was ferd̛ at he suld̛ hafe strekyn̛ hym̛. And he plukkid̛ his hede so hastelie bakk̘, at he brakk it behynd̛ hym̛ on̛ þe waƚƚ. et c̛.

Duplicitas semper est vitanda. Infra de honore parentum.Dux. Ducis vxor siue ducissa delicate viuens eciam in presenti punitur. Supra de delicijs. Dux malus in infernum portatur. Infra de Inuidia.Dux bonus in fine conuertitur. Infra de morte.

Cesarius tellis how þer was a pylgram̛ at, when̛ he fand̛ gude wyne on̛ a tyme, he seld̛ his slavyn̛ & drank it þer-att. And he drank so mekuƚƚ at he was dronken̛, and feƚƚ evyn̛ wude, to so mekuƚƚ at men̛ trowid̛ at he was MS. repeats, was. verelie dead̛. So his spiritt was takyn̛ & led̛ þer paynys was, and þer he saw þe devuƚƚ sitt in a hy tre, as him thoght, couerd̛ with burdis. And emang oþer þer was broght befor̛ hym̛ þe abbott of Corbey̛; and þe devuƚƚ rase vp̛ & haylsid̛ hym̛ & servid̛ with a drynk mengid̛ with burnston̛ on̛ a burnyng chales. And when̛ he had dronkyn̛, he was commandid̛ vnto þe depe pitt. And when̛ þe pylgram̛ saw þis he was passand̛ ferd̛. And þan̛ þe devuƚƚ cryed̛ with a hy voyce & said̛; "Bryng hedur þat lord̛ of ours þat late seld̛ hys pylgram̛ clothyng & drank it att þe gude wyne, and̛ was dronkyn̛." And when̛ þis pylgram̛ hard̛ þis, he lukid̛ vppon̛ his gude aungeƚƚ þat broght hym̛ thedur, & said̛, & he wold̛ delyver hym̛ fro thens, he suld̛ neuer after be dronken̛. And so he come agayn̛ vnto hym̛ selfe, and notid̛ þe day & howr̛, & went & shrafe hym̛ & did̛ his pylgramege, & come home agayn̛ vnto his awn̛ land̛. And he fand̛ att þe same Abbott dyed̛ þe same tyme at he saw his saule commytt vnto perpetuaƚƚ payn̛.

Ebrietatis causas sapientes fugiunt. Supra de abstinencia.

We rede how on̛ a tyme, when̛ ane vsurar of his ravyn̛ & his vsurye had̛ byggid̛ a kurk̘, he desirid̛ a bisshopp̛ to com̛ & halow itt. And as þe bisshop̛ and̛ his clergie did̛ þe offes of consecracion̛, he was war of þe devuƚƚ syttand̛ vppon̛ þe hy altar̛ in a chare, þat said̛ vnto hym̛; "Why halows þou my kurk? Sese! for þe iuridiccion̛ þeroff longis vnto me; ffor it is byggid̛ aƚƚ of ravyn̛ & vsurie." And with þis, þe bisshopp̛ & his clerkis wer ferd̛ & went þer ways. And onone as þai wer getten̛ oute þer-of, þer was a grete noyce þer-in, & þe devuƚƚ sett fire þerin & burnyd̛ it vp & destroyed̛ itt euere dele, att aƚƚ folke mott se. et c̛.

Ecclesie dedicacione expellitur demon. Supra de dedicacione.Ecclesie sepultura parum prodest aliquando. Infra de sepultura.

Petrus Damyanus tellis how som tyme þer was ane erle þat was of gude name and liffid̛ weƚƚ; and when̛ he was dead̛, a man̛ of religion̛ was ravisshid̛ in his spiritt, and Harl. MS. vidit ... dictum Comitem in inferno, in supremo gradu cuiusdam scale erecte(s)* inter stridentes et crepitantes flammas. * Arund. MS. erecte. he saw [þis erle] in heƚƚ in a grete degre, syttand vppon̛ a hy leddir in myddest of burnand̛ paynys; and as hym̛ thoght, þat stie stude evyn̛ in myddeste of heƚƚ. And þan̛ he askid̛ whi þis erle þat was so gude a man̛ and liffid̛ so rightwuslie, was so turmente. It was tolde hym̛ þat it was for a possession̛ þat he had taken̛ fro þe kurk̘ off Metence, þat was giffen̛ vnto God & Saynt Stephan; and for þis, fro hensfurtℏ, aƚƚ his sequele at holdis þis same possession̛ & knowis þerof mon̛ be punysshid̛ vppon̛ þis same stye.

Elacio cordis semper causatur ex adulacione et ex vestium apparatu. Supra de augurio.Elacio cordis aufert graciam a deo concessam. Infra de locucione.

Petrus Clariuall tellis how in a Cathedraƚƚ-kurk of Fraunce þer feƚƚ a MS. repeats, a. dis-corde for chesyng of þer bisshopp̛. So þai compromysid̛ vnto a cardinaƚƚ þat was þer, þat he sulde chese þaim one of ij, whame þai namyd̛. And þis Cardinaƚƚ tuke counceƚƚ att þis holie man̛ Petrus Clariuaƚƚ, whethur hym̛ was bettir to chese to be bisshopp̛; and he ansswerd̛ agayn̛ & sayde, þat of ij fals penys þe bettur may nott be chosyn̛.

Eligi non debet puer in prelatum vel iudicem. Infra de puero.Eligi non debet prelatus racione carnalitatis. Infra de prelato. Et supra de abbate.Elemosina semper est danda. Supra de dacione et dono.Elemosina pauperi negari non debet. Infra de paupertate.Elemosina eciam in presenti deus reddit. Supra de auaricia.Elemosina temperata auget, negata, temporalia tollit quandoque. Supra de auaricia.

Petrus Damianus tellis how som tyme þer was a bisshopp̛ þat thurstyd̛ gretelie to drynk̘ wyne, and commandid̛ it to be broght vnto hym̛; and̛ þe butler powrid̛ furtℏ aƚƚ þat was in þe flakett & broght it vnto hym̛. And sodanlie þer come a pure man̛ & prayed̛ þaim to giff hym̛ it, or els he monde dye for threste; and þe bysshop̛ commandid̛ it to be giffen̛ vnto hym̛. And when̛ he had dronken̛ it he cryed̛ for more, & said̛ his thriste was not slakid̛; and þe bisshop̛ bad giff hym̛ more. And þe butler said̛ at þer was no more; and þan̛ he bad þaim go vnto þe vyne-gartℏ & luke if þer war lefte any vynys growyng, & feche hym̛. And when̛ þai come þer, þe vyne-gartℏ, at no frute was in befor, was growyng fuƚƚ of rype grapis.

Petrus Damianus tellis how som tyme þer was a pure husband-man̛, and he had no mor̛ money lefte to by hym̛ with soule vnto his bread̛ bod a peny; and sodanlie þer come a pure man̛ & askid̛ hym̛ a peny for Goddis sake, & he gaff hym̛ þis peny with gude wiƚƚ. And so he went home & sett hym̛ down̛ to his meatt, and his wife sett bread̛ befor̛ hym̛ & no soule. And sodanlie þer come in ane vncutℏ man̛ hastelie with xx soldi bon̛ in a clothe, & putt it in his hand̛, & said̛ his lorde sent hym̛ it. & he thankid̛ hym̛ & prayed̛ hym̛ bide & drynke. And ewhils þai went at feche hym̛ a drynk, sodanlie he was away.

We rede in 'Gestis Iohannis Elemosinarij' how þer was a knyght at was robbid̛, and he come vnto þis Iohannes & told̛ hym̛ of his myschefe; and he commandid̛ a servand̛ of his to gyff hym̛ xv libra of gold̛, and he gaff hym̛ bod v libra. And þer come a wedow vnto hym̛ with a byƚƚ, & xv Latin MSS. dedit ei ... noticiam exennij v. centenariorum auri. markis of gold̛ wretyn̛ þerin, & he tuke it & delyvird̛ it vnto his men̛, & askid̛ þaim what þai gaff þe pure man̛, & þai said̛ xv libra, as þai had in commandment; & he had knowlege at þai did wrong & askid̛ þaim þe byƚƚ agayn̛, and þer was wretten̛ þerin bod v The Latin MSS. further explain that Iohannes said, "Si dedissetis xv ut iusseram, que attulit v. centenaria xv attulisset." . And þan̛ he askid̛ þe wedow how mekuƚƚ at sho had written̛, & sho said̛ xv, bod x was away; and sho said̛ sho trowed̛ it was Goddis wiƚƚ att sho suld̛ offer bod v. And̛ þan̛ his servand̛ was ashamyd̛ & grawntid̛ treutℏ, & tellid̛ hym̛ aƚƚ, & besoght hym̛ of forgifnes.

Saynt Gregorie tellis how som̛ tyme þer was a shomaker þat wold̛ wurk aƚƚ þe weke day, & on̛ þe Satturday Latin MSS. die Sabbato. he wold̛ evur go vnto þe kurk̘. So þer was a gude halie man̛, & he saw be revelacion̛ of þis man̛, þat a howce was byggid̛ for hym̛ in hevyn̛, and þai at bigid̛ it wroght alway on̛ þe Satturday; and he spyrrid̛ of þat mans life, & he fand̛ how þat he wroght aƚƚ þe weke day, & what at he mott safe ouer his meatt & his clothe, he wold̛ go vnto þe kurk̘ vpon̛ þe Satturday & giff it vnto pure men̛.

Petrus Damianus tellis how som tyme þer was a bisshopp̛, and in a visyon̛ he saw a pope at hight Benett, att wold̛ new be dede, & hym̛ þoght he saw hym̛ bodelie syttand̛ on̛ a blak hors. And þis bisshopp̛ said̛; "Allas! erte þou nott pope Benett, at is newlie dead̛?" & he said̛; "Yis, I am̛ þat same vnhappy man̛; and here," he sayd̛, "I am grevuslye turment, bod I despayr nott of þe mercie of God̛, & I may gett any helpe. And þerfor̛ I pray þe go vnto my successur, & bid̛ hym̛ do almos for me in suche a place, for þat almos at is giffen̛ for me hedur-toward̛ profettis me noght, for it was aƚƚ of robbery & of wrong-getten̛ gudis."

Elemosina debet fieri de vestibus. Infra de histrionibus.

Heraclides tellis how a halie womman̛ of Rome, þat hight Sancta Melama Harl. MS. Melana. , broght on̛ a tyme vnto abbott Pampus Harl. MS. Paulo. Arund. MS. Pambo. iij c. libra, & he thankid̛ hur þerfor̛ & bad God reward̛ hur MS. hym. ; & he gaff it vnto his servand̛ & bad hym̛ go devide it emang his brethir. And sho stude stiƚƚ and̛ þoght sho suld̛ hafe had̛ owder grete lovyng, or grete blissyng, for þis gifte; & when̛ sho hard̛ he wold̛ say no mor̛, sho said̛ vnto hym̛: "Sur, I latt þe witt þer is in þatt pokett iij c. libra." & yit he lukid̛ not vp̛; & þan̛ he said: "Doghter, þou sulde say þis easyelie when̛ þou hase gyffen̛ þine almos Latin MSS. "Si inde, o filia, hoc offerens, competenter hoc diceres." . And þerfor̛ be stiƚƚ & luke after no lawde of man̛, bod of Hym̛ þat þou giffes it for̛; ffor He þat made aƚƚ þing of noght, He can̛ reward̛ þe when̛ att Hym̛ plesis; & þerfor̛ luke after no noþer thank̘ nor reward̛ bod of Hym̛."

Elemosina data amore alicuius sancti ipsi datur, et in presenti aliquando remuneratur. Infra de peregrino.

Iohannes Elemosinarius tellis how þer was a riche tol-gadurer þat hyght Peirs, & he luffid̛ no pure men̛ nor wold̛ giff þaim none almos; & when̛ þai come to his howse he wold̛ shute þaim oute, & giff þaim noght. So on̛ a tyme þer was a grete meneya of pure men̛ samen, & þai made grete complaynt emang þaim how þai cuthe gett none almos of þis riche man̛, þis Peirs Toller. So emang þaim aƚƚ ane starte vp̛ & sayd̛; "I dar lay with you aƚƚ a grete wageour att I saƚƚ þis day or evyn̛ gett almos on̛ hym̛." & þai laid̛ a wageour agayns hym̛. So þis pure man̛ went vnto his howse & stude at þe dure, & askid̛ almos. So þis Peirs bad hym̛ pakk̘, & said he sulde hafe none; and euer he cried̛ for almos & wold̛ not sease. So þis Peirs wex wrothe with hym̛, and̛ soght a stone to caste at hym̛, & he cuthe fynd̛ none. So þer happend̛ a servand̛ of his awn̛ to com̛ in at þe dure in the mene-while with a baskett fuƚƚ of ry lovis, and in a grete tene he tuke ane of þies rye lovis & slang it att þis pure man̛, and gaff hym̛ a grete strake þerwith; & þe pure man̛ was fayn̛ of þis lafe & tuke itt & went vnto his felous & told̛ þaim how he had̛ it at þe hand̛ of þis Peirs Toller. And with[in] ij dayes after þis man̛ feƚƚ seke, lyke to dye. And he was takyn̛ in a vysyon̛ & hym̛ þoght at he was broght befor a iuge, & hym̛ þoght þer was fowle blakk men̛ þatt putt aƚƚ his iƚƚ dedis in a wey-skale. And on̛ þe toder hand̛ hym̛ þoght þer was fayr̛ men̛, bod þai wer passand̛ hevy, & said̛ þai had no gude dede of his to putt in þe toder wey-skale agayns his iƚƚ dedis, bod alonelie a rye lofe þat he had giffyn̛ God̛ halfe agayn̛ his wyƚƚ. And þai putt it in þe toder wey-skale, & yitt it was þe lighter be a grete dele, & þan þies men̛ bad̛ hym̛ eke more weght to putt in þat wey-skale agayns his evuƚƚ dedis, or els þies blak men̛ wulde take hym̛. And with þat he wakend̛ & was delyverd̛, & sent after þe preste & tolde hym̛ aƚƚ þe cace, & said̛ in þis maner of wyse; "Sen̛ a rye lafe þat I keste in ane anger fro me profettid̛ me so mekuƚƚ, þan̛ I wote weƚƚ þat & I giff aƚƚ my gudis for Goddis sake, att þat wiƚƚ gretelie profett me." And so he did̛ afterward̛ & become a gude man̛.

Elemosina occulte debet dari. Supra de amicicia.Elemosinam impedit avaricia. Supra de auaricia.

Iohannes Elemosinarius tellis how on̛ a day afterward̛, when̛ þis same Peirs was arayed̛ in þe beste clothyng at he had̛, a pure shipman̛ at was nere-hand̛ nakid̛ come vnto hym̛ & askid̛ hym̛ almos, & he gaff hym̛ his vppermeste garment̘. And when̛ he had it, onone he sold̛ itt. And when̛ Peirs had knowlege þerof, he was somwhat trubblid̛ in his mynd̛ & said̛; "I was nott worthi at þis pure man̛ sulde were my clothe, nor hafe me in remembrance." And on̛ þe nyght after, when̛ he was on̛ slepe, he was war a man̛ þat was bryghter þan þe son̛, & hym̛ thoght he said̛ vnto hym̛; "Peirs, whi wepis þou? Knowis þou þis clothyng?" & he said̛; "Ya, sur." And our Lord̛ sayd̛ agayn̛ vnto hym̛; "þat clothyng at þou gaff þe pure man̛, þou gaff it me; and̛ þis is it at I am̛ cled in."

Iohannes Elemosinarius tellis how som̛ tyme þer was After was, þat, erased. a man̛ þat was taken̛ with MS. repeats, with. þe Persies & putt in-to prison̛. So other prisoners of his awn̛ contre þat was with hym̛ esskapid̛ & went home vnto his contrey, and told̛ his wyfe þat he was dead̛ & berid̛. And his wyfe & his frendis garte iij yere to-gedur þe preste euer-ilk a day do a colett for hym̛ in his mes. And in þe iiij yere hym̛ happend̛ esskape and com̛ home. And þai war fayn̛ on̛ hym̛ & told̛ hym̛ how þai had done for hym̛. And when̛ þai had̛ tolde hym̛, he said̛ þat euer-ilk a day at þat colett was said̛ for hym̛, aboute mes-tyme, þer come a fayr man̛ & lowsid̛ hym̛ oute of his yrnys. And so he was lowse aƚƚ day afterward̛ to nyght come; and þan̛ he wold̛ lay hym̛ down̛, & on̛ þe morn̛ he felid̛ hym-selfe bon̛ agayn̛ in yrnys as he was befor̛.

Cesarius tellis how som̛ tyme þer was a pylgram̛ þat tuke sekenes, and̛ dyed in his pylgramege. And he bewitt þe preste his slavyn̛, & þe preste tuke it, bod̛ he had litle charge of þe saule. So it happend̛ afterward̛ at þis preste made hym̛ a monke in Ceustus ordur; and as he lay on̛ a nyght in his dortur, he was ravisshid̛ in his spiritt, & had vnto þe place of paynys, þer he saw many sawlis grevuslie punysshid̛. And he hid̛ hym̛ behynd̛ þe dure. So he was war of þis slavyn̛, þer hym̛ þoght, at þe pylgram had giffen̛, and þe devuƚƚ askid̛ who aght it; & þai told̛ hym̛ at it was þe prestis at stude behynd̛ þe dure, & at a pylgram̛ had giffen̛ hym̛ itt to pray for hym̛, & he had owder liteƚƚ prayed̛ for hym̛ or noght. And þe devuƚƚ [said] Latin MSS. ad quod diabolus. ; "Latt vs reward̛ hym̛"; & he tuke þis slavyn̛ & putt it in hate, bulyng, stynkand̛ watir, & clappid̛ þe preste in þe face þer-with. And with þat he wakend̛ & cryed̛; "Helpe me! helpe me! ffor I am̛ so burnyd̛ þat I dye." And þe monkis his bruther rase vp & come vnto hym̛, & þai fand̛ aƚƚ his face & his head̛ burnyd̛ aƚƚ þe flessℏ nerehand̛ of, & hym̛ halfe dead̛; & þai tuke hym̛ vp & had hym̛ in-to þer ffermorye, & þan̛ he told̛ þaim þer-of. & ilk-one of þaim sayd̛ mes þat day for þis pylgram̛; & onone after þis monke amendid̛ & was als hole as he was befor̛.

Cesarius tellis of a vision̛ þat was sene in Balmarie Arund. MS. Balbaria. Harl, MS. Balwaria. , how þat a ryche lord̛, att was dead̛, vppon̛ a nyght apperid̛ vnto his wife, and sho askid̛ hym̛ whatt estate he stude in; & he ansswerd̛ agayn̛ & sayd̛ þat he was dampnyd̛. And sho askid̛ hym̛ whi he said̛ so, & said; "Whatt profettis you your grete almos-ded̛, & þe herberie at ye did̛?" And he said̛ þai profett hym̛ no thyng vnto evurlastand̛ life, for he sayd̛ he did þaim nott be way of charite, bod rather for vayn̛ glorie. And sho askid̛ hym̛ mekuƚƚ mor̛, & he said̛ þat he myght nott abyde & tarye with hur, for his maister þe devuƚƚ bade hym̛ with-oute þe dure. And he said̛, & þe levis of aƚƚ treis in þis werld̛ wer turnyd̛ into tonges, þai might nott aƚƚ teƚƚ his paynys. And þan̛ his maister callid̛ hym̛; and when̛ he wente aƚƚ þe casteƚƚ shuke with.

Cesarius tellis how som tyme þer was a riche man̛, and vndernethe þe colour of almos-dede, he made pure men̛ a feste. So emang þaim þer was one and he wold̛ not ete, nor a noder þat satt by hym̛ þat wold̛ hafe etyn̛, he wold̛ not latt hym̛, bod euer as he putt meatt vnto his mowtℏ, he tuke it fro hym̛. And þai att wer aboute hym̛ askid̛ hym̛ whi he wold̛ nott suffre þe man̛ to eatt; and he ansswerd̛ & said̛; "I wiƚƚ nott att he syn̛; ffor þis almos is done of stoltherie." And þai said̛ he leyid̛, ffor he þat did̛ þe almos was a gude man̛. And he ansswerd̛ agayn̛ & said̛; "Nay, I lee nott; ffor þis calfe þat is devidid̛ her̛ in almos emang pure men̛, in þe v generacion̛ fro hyne was of a cow þat he had stollen̛." And þai þat wer aboute had grete mervaƚƚ here-off.

Elemosine vsurariorum eciam non sunt grate deo. Infra de vsuris.

Iacobus de Vetriaco tellis how at þer was a bisshopp̛ þat made a sermon̛, & in his sermon̛ he said̛ at þai þat delte þer gudis to pure men suld̛ hafe þerfor̛ a hondrethfolde reward̛. And þer was a riche man̛ at hard̛ hym̛, & aƚƚ þe gudis att he had, he putt þaim vnto þe bisshopp̛, & he delte þaim vnto pure men̛ for Goddis sake. So hym̛ happend̛ to dy, & his childre tuke a sute agayn̛ þis bisshop̛ & askid̛ þer fadur gudis agayn̛. And he was not in power to giff þaim agayn̛. Not-with-stondyng he was a holie man̛, & had a commandment be revelacion̛, and he and þai to-gedur suld̛ go vnto þer fader grafe; & so þai did̛, & tuke hym̛ vpp̛. & þai fand̛ in his hand̛ a quytans, wreten̛ & selid̛ with his awn̛ seale, þat he not alonelie had reseyvid̛ agayn̛ aƚƚ þe gudis at he had delyverd̛ þe bisshopp̛, bod also þatt he had reseyvid̛ a hondretℏ tymys mor̛. And when̛ þis riche mans childer saw þis, þai lete hym̛ alone & sewid̛ hym̛ no more.

Elemosina eciam in presenti redditur in centuplum. Infra de Hospitalit[at]e.

We rede in 'Legenda Sancti Fursij,' when̛ þe sawle of hym̛ was passid oute of his bodye, ffendis accusid̛ hym̛ befor̛ almighti God̛, and þai cuthe not fynd̛ nothyng to accuse hym̛ off, bod at he had on̛ a tyme taken̛ a cape of ane vusurar, & þis sentans þai fand̛ agayn̛ hym̛. And gude angels stude on̛ þe toder syde & pleyid̛ agayns þaim, and almighti [God] gaff eniugement þat his sawle sulde go agayn̛ vnto his body & do penans þerfor. So with þis þer was a fend̛ wrothe, & in a tene he tuke þis vsurar saule & keste in his face. And so his saule come vnto his bodye; and euer after þer was in his saule Saule, for face, Lat. MSS. apparuit in facie. a spott as it war byrnyd̛ with þis vsurar saule. Yit not-with-stondyng þis holie man̛ had nott þis cape of þis vsurar MS. vsusar. bod as almos-dede.

Elemosinarius per preces pauperum liberatur a dampnacione. Ex miraculis Beate Virginis vt infra Laurencij.Eleuatur cor hominis quando honoratur. Supra de Augurio.

We rede in 'Libro de Dono Timoris,' how on̛ a tyme a bisshopp̛ happend̛ to faƚƚ seke, and̛ a fend̛ come & somond̛ hym̛ to com̛ afor̛ þe pope, & for to giff rekynyng of his adminystracion̛. So vppon̛ þe day at was assigned̛ hym̛, hym̛ thoght þat he was drawen̛ vnto iugement befor̛ þe pope, and at þe devuƚƚ suld̛ article agayns hym̛ for to giff a rekenyng. And he cuthe not giff a due rekynyng; so hym̛ thoght hym̛ was assignyd̛ a day to take his fuƚƚ sentance on̛, and her̛-for he wex passyng hevy, and callid̛ aƚƚ his howshold̛ aforn̛ hym̛, & told̛ þaim how it was. So a noder day hym̛ thoght at a fend̛ come & constreynyd̛ hym̛ to com̛ to his rakenyng befor̛ þe hye iuge of hevyn̛, and he vgged̛ so with þe fend̛ þat he cryed̛ hugelie, & said̛ he wold̛ nott go with hym̛; & he clekid̛ a pyler in his armys to hold̛ hym̛ by þat he suld̛ nott take hym̛, and with þat his head̛ was plukkid̛ off & he dyed̛.

Episcopus de religione sumptus, cibaria delicata vitare debet. Infra de Gula.Episcopus a demone temptatur. de Andrea supra.Episcopus bonus deuote moritur. Supra de Communione.

We rede in 'Libro de Dono Timoris,' how þer was in þe cetie of Turan̛ a gude man̛; and he vsid̛ of costom̛ to com̛ on̛ þe night to matyns vnto þe cathedraƚƚ-kurk þer. So on̛ a tyme hym̛ happend̛ com̛ tymelie, & he fand̛ þe yatis opyn̛, & he saw a grete light in þe kurk̘, & a iuge syttand̛ in a trone. And hym̛ þoght þer come Saynt Martyn̛ & many oþer Saynttis with hym̛, and accusid̛ þe archbisshopp̛ of þe same kurk̘, & he was cityd̛ & come. And he was sett in a chayr in his pontificaƚƚ aray, and he was grevuslie accusid̛ and wold̛ giff none ansswer, to so muche þe iuge wex wrotℏ with hym̛, & smate þe chayre & hym̛ bothe owr̛ with his fute. & with þat þe vision̛ vanysshid̛ away, & þis gude man̛ went vnto þe bisshoppis place, & spirrid̛ how þe bisshop̛ did̛; & his meneya went in-to his chawmer & lukid̛, and fand̛ hym̛ stark dead̛ in his bed̛ sodanly.

Cesarius tellis how on̛ a tyme þer was a monk̘ of Clariuaƚƚ þat was chosyn̛ to be a bisshopp̛; and he forsoke to take it & wold̛ not agre þerto, nowder be commandment of his abbott nor yitt of þe archbisshopp̛. So with-in a while after hym̛ happend̛ to dy, and on̛ þe night after he apperid̛ to a man̛ þat he luffid̛, a bruther of his, and he askid̛ hym̛ of þis inobediens, whether it noyed̛ hym̛ or nay. And he ansswerd̛ agayn̛ & said̛ nay, it noyed̛ him not; "ffor," he said̛, " si episcopatum suscepissem, eternaliter dampnatus essem. And I had̛ taken̛ þe bisshopprike, I had bene dampnyd̛ for evur." And he ekid̛ to & sayd a fuƚƚ ferdfuƚƚ wurd̛, & þat was þis, þat þe estate of þe kurk̘ sulde happen̛ so, at it suld̛ not be wurthi to be gouernyd̛ bod with reprevable bisshoppis.

Episcopus habens iusticiam secularem diligenter debet auertere quid balliuis suis precipiat. Infra de iudice.

Petrus Damyanus tellis how þer was som̛ tyme a bisshopp̛, & he garte ordand̛ for hym̛ selfe a lawmpron̛; and when̛ he had said̛ mes, he garte giff þis lampron̛ vnto a pure man̛ for Goddis sake.

Evagacio cordis. Euagatur cor frequenter in oracione. Supra Barnardi.

We rede how on̛ a tyme þer was a childe þatt was a Iew son̛; and he was fayr and gentyƚƚ, so þat cristen̛ men̛ childre luffid hym̛ passandlie wele, vnto so muche þat vppon̛ a tyme þai desyrid hym̛ to go into a kurk̘ of our Ladye with þaim, and̛ þer for to take þe sacrament as þai did̛; and he did so. And onone as he come home he tolde his fadur, & he was hetand ane oven̛, and he was so wroth þer-witℏ þat he tuke þis chylde, his awn̛ son̛, & keste hym̛ in þe hote ovyn̛. And þe childes moder saw how he had putt hym̛ in þe ovyn̛, & how þe low come oute at þe moutℏ þer-of; & sho wex evyn̛ wude and ran̛ oute att þe dure and̛ cryed as sho war wude. And cristen̛ men̛ had grete mervaƚƚ & ran̛ into þe Iewis howse, and with-drew þe fyre oute of þe oven̛ mouthe, and fand þe child̛ in þe ovyn̛, syttand̛ opon̛ þe hate colis, right as had syttyn̛ opon̛ fayr flowris; and hym̛ aylid̛ no rew sore. And þai tuke hym̛ furtℏ, & he told̛ þaim aƚƚ þe cace. And onone þai tuke þis Iew, his fadur, & threste hym̛ in-to þe oven̛; and onone þe fire had made a nend̛ on̛ hym̛, so þat þai cuthe nowder fynd of hym̛ bone nor litℏ. And þan̛ þe childe told̛ þaim how þat womman̛ MS. repeats, þat womman. þat was in þe kurk̘ þer he had etyn̛ bread̛ with his felous, syttand̛ in a chayr, þat had a little chylde syttand on̛ hur kne wappid̛ in a clothe, coverd̛ hym̛ with hur mantyƚƚ þat þe fyre shuld̛ nott burn̛ hym̛. And so þis childe and his moder, and many other Iewis, wer cristend enspeciaƚƚ for þis fayr meracle of þe sacrament.

Saynt Gregur tellis how þer was a womman̛ at Rome, and sho had grete devocion̛ to make offrand̛ vnto þe pope, and in esspeciaƚƚ opon̛ þe Sononday. So opon̛ a day sho come with other to be howsyld̛ of þe popis hand̛, and when̛ þe pope sulde howseƚƚ hur, & said̛; " Corpus Domini nostri, Iesu Cristi, et c̛," sho smylid̛; & he pursayvid itt, and with-drew þe sacrament fro hur, & laid̛ it on̛ þe altar fro þe toder. And when̛ he had done, he callid̛ þis womman̛ on̛ syde, and askid̛ hur whatt þing was in hur harte þat sho smylid̛ whe[n] he sulde hafe howseld̛ hur. And sho ansswerd̛ agayn̛ & sayd̛; "Sur, I vmthoght me þat þat porcion̛ of bread̛ was of þe same offrand þat I made with myne awn̛ handis; and when̛ I hard̛ you caƚƚ itt a body, þan̛ I smylid̛." And evyn̛ furtℏ-with þis holie man̛ hereof made a sermon̛ vnto þe peple, & he & þai feƚƚ in þer prayers vnto almyghti God̛, & evyn̛ opynlie, at þai aƚƚ saw, þis porcion̛ turnyd̛ in-to a little fynger aƚƚ bludy. And when̛ þis womman̛ & aƚƚ þe peple saw þis, þai war passand̛ fayn̛ MS. fayr. , & mekuƚƚ more stirrid̛ into deuocion̛ & confermyng of þe faithe þan̛ þai wer afor. et c̛.

Eukaristia liberat a purgatorio. Infra de proprietario.Eukaristia sustentatur aliquis sine aliquo cibo. Supra de cibo.Eukaristia vbique est adoranda. Infra de Milite.

We rede how þat when̛ Hugo de Sancto Victore, þat was ane excellent doctur and a devoute in religion̛, agayn̛ he sulde dye laburd̛ gretelie in sekenes & no meate mott hold̛, he prayed̛ his brethir with a grete instans for to giff hym̛ þe sacrament. And his brethir þoght þai wuld̛ somwhat slake his truble, and þai tuke a symple oste & broght hym̛ in-stead̛ of þe sacrament. And he conseyvid̛ in his spiritt at þai did̛ wrong, & sayd̛; "God hafe mercie of you, brether, whi wuld̛ ye hafe disseyvid̛ me? For þis is not my Lord̛ at ye hafe broght." And þai had grete merveƚƚ here-of, and went and fechid̛ þe sacrament. And when̛ he saw þat he myght not resayfe it, he held̛ vpp̛ his handis vnto hevyn̛ and prayed̛ on̛ þis maner of wyse; " Ascendat filius ad patrem et spiritum sanctum qui me fecit Latin MSS. "Ascendat filius ad patrem et spiritum sanctum, ad deum qui fecit illum." ." And in þies wurdis saying he swelte; and þe sacramente evyn̛ þer emang þaim vanysshid̛ away.

Eukaristie loco falsus denarius malo rustico administratur. Infra de oblacione.Eukaristie sumpcio eciam obstinatum de obstinacione et dolentem reuocat ad penitenciam. Infra de obstinacione.Eukaristia a religioso proprietario non potest sumi. Infra de proprietate.

We rede in þe Legend̛ of Saynt Eustace þat befor̛ was callid̛ Placidus, how on̛ a tyme as he went on̛ huntyng att þe harte, emang aƚƚ oþer he fand̛ a fayre harte, and hym̛ he pursewid̛ & folowd̛. So at þe laste þis harte turnyd̛ agayn̛ & lukid̛ on̛ hym̛, and he beheld̛ þis harte, and he saw betwix his hornys a cros and þe ymage of our Lord̛ Iesu, þat spakk vnto hym̛ be þe mouthe of þis harte, & tolde hym̛ & taght hym̛ þe faythe of þe kurk̘, & bad hym̛ teche þe same vnto his wyfe & his childer; and so he did, & þai trowid̛ þer-in. And þai war cristend̛ at Rome; and Placidus was callid̛ Eustachius, and his wife was callid̛ Theospita, and his sons Agapitus and Theospitus. And opon̛ þe morn̛ our Lord̛ aperid̛ vnto hym̛ in þe same place & in þe same figur, and tolde hym̛ þat he sulde suffer mekuƚƚ þing bod he sulde giff hym̛ þe vertue of paciens. So with-in a little while after, dead̛ come and tuke aƚƚ his hows-meneya, and thevis come and robbid̛ hym̛ of aƚƚ his gudis, so þat hym̛ was lefte right noght, bod was almoste nakid̛. So on̛ a nyght he fled̛ away with his wife & his childer, and went our att a ferie, and had nothyng to pay for his ferilay, [&] þe maister of þe shipp̛ tuke his wyfe from̛ hym̛ for his ferilay, mawgre his tethe, becauce sho was a fayr womman̛. And he made grete sorow & went on̛ his wayis with his childer. So hym̛ happend̛ to com̛ vnto a watur, and itt was so grete he myght nott bere þaim ouer bothe att onys. So he tuke þat one on̛ hys bak & bare it our, & lefte þat other behynd̛; and when̛ he come agayn̛ for þe toder, & was in þe myddeste of þe watir, þer com̛e a lyon̛ on̛ þe tone syde & tuke þat one of his barnys, and a wulfe on̛ þe toder syde & tuke þat oþer. And he, when̛ he was in þe myddeste of þe watir, saw þis, and mornyd̛ & made mykiƚƚ sorow, & luhid̛ þe hare of his head̛, and turnyd̛ agayn̛ & went on̛ his wayis mornand̛. Not-with-stondyng, at he wyste not, hurde-men̛ & plew-men̛ rescowid̛ his childer fro þis lyon̛ & þis wulfe, & þai war bothe nurisschid̛ & broght vp in þe next town̛. So Eustace wiste nevur what he moght do, & he become a mans hird-man̛, & kepid̛ his cateƚƚ xv yere; and almighti God kepid̛ his wyfe. Than̛ þe Emperour of Rome happend to be oppressid̛ with enmys, and he vmthoght hym̛ of þe nobylnes of þis Eustas, and he sent ij knyghtis to seke hym̛ in euere place; so þai happend to com̛ by hym̛ þurgℏ þe feld̛ þer he walkid̛, and þai askid̛ hym̛ if he war oght wer of a pylgram̛ at hight Placidus, & his ij sonys & his wife: and he said̛ he saw þaim noght. Neuer-þe-les he knew þaim, and he had þaim home vnto his maister howse; and as he servid̛ þaim, be dyvers tokens þai kend̛ hym̛ wele, & þai tuke knowlege vnto hym̛ and kissid̛ hym̛, & spirrid̛ hym̛ of his wyfe & his childer; and he told̛ þaim at his wife was taken̛ from̛ hym̛, & how his childer war dead̛. So þai broght hym̛ vnto þe Emperour, and he resayvid̛ hym̛ with mekuƚƚ ioy and wurshup̛, made hym̛ maister of þe knyghtis as he was befor. And he fand̛ few knyghtis þat war able vnto þe were, and he garte gadur to-gedur yong men̛ þat wer able vnto chyvalrie, emang þe whilk was his ij sons broght; and þai plesid̛ hym̛ gretelie. So þurgℏ þe grace of God þaim happend̛ to hafe þe victorie of þer enmys. And as God wold̛, þis ij yong men̛ war att hoste in þer moder howse, and be knowlege þat ather of þaim told̛ other, how þai war takyn̛ fro wylde bestis, athir of þaim knew other weƚƚ enogh; and þer moder þoght of þis in hur harte, bott sho knew nothyng þeroff. So with-in a little while, when̛ sho saw þis maister of þe knyghtis, sho knew hym̛ weƚƚ enogℏ & he hur; and sho askid̛ hym̛ of þer childer, & he told̛ hur how þai war devowrid̛ with wylde bestis. And þan̛ sho told̛ hym̛ how þies ij yong men̛ had told̛ hur, and he was passand̛ fayn̛ & sent for þaim & knew þaim wele enogℏ. And þai wer aƚƚ passand̛ fayn̛ to-gedur, and̛ thankid̛ God̛. And afterward̛ þai wer aƚƚ martyrd̛ samen for Goddis sake.

Exactor talliarum grauiter punitur. Infra de gula.

Jacobus de Vetriaco tellis how som tyme in þe bisshopprik of Lincoln̛ þer was a smytℏ, and he dispysyd̛ þe sentens of þe kurk̘; and þai cursid̛ hym̛. So on̛ a day he satt at meatt with oþer folk̘, and þer come in-to þe howse vnto þaim a swyne of Saynt Antons. And he tuke bread & keste vnto it, & said̛; "Now saƚƚ itt appere wheþer þis Anton̛ swyne wiƚƚ eatt of my bread̛ þat am̛ cursyd̛, or nay." And þe swyne smellid̛ þe bread̛ & wolde not eate it. And þan̛ he bad one of his felous take þe same bread̛ & giff it; and so he did̛, & yitt it wold̛ not tuche it. And þe toder þat satt aboute gaff it of þer bread̛, and̛ onone þe swyne eate itt.

Excommunicatus MS. Excomminicatus. quantecumque auctoritatis ecclesiam intrare non debet. Supra de adulterio.

We rede in þe 'Legend̛ of Saynt Benedicte' how on̛ a tyme þer was ij wurthie nonnys in a monasterie, and oft sithes, with þer vnthrifti language, hym̛ at had̛ rewle of þaim þai provoked̛ & stirrid̛ to be angrie and wrothe. And þis holie man̛ purseyvyd̛ þis, & gaff þaim a charge & said̛; "Amend̛, & correcte your tongis, or els here I curse you." And þai wold̛ not amend̛ þaim; & with-in a little while after þai dyed̛, & was berid̛ in þe kurk̘. And þer was ane vsage, þat euere day afor̛ mes, a deken̛ stude vp̛ & said̛; "He þat is curste, go his ways!" So þer was a noryss of þairs þat euer-ilk day offerd̛ for þaim, & sho saw þaim rise oute of þer gravis & go oute of þe kurk̘. And sho went & told̛ Saynt Benett; he tuke ane offrand̛ hym̛ selfe and gaff vnto þer nuress; "Goo & offyr for þaim þis offrand̛, and fro hyne furtℏ þai saƚƚ not be cursid̛." And so sho did̛; and when̛ þe dekyn̛ cryed̛ as he was wunte to done, þai war neuer after sene go furtℏ of þe kurk̘.

Excommunicacio non debet cito proferri. Supra de absolucione.

Turpinus the Archebisshopp̛ tellis how som̛ tyme in þe felowshipp̛ of greatt Charles, þer was a knyght þat happend̛ seke, & he made his testament and̛ commawndid̛ a cussyn̛ of his to take his hors, and he dyed̛, and seƚƚ itt, & giff the pryce þer-off vnto pure men̛ & clerkis, to pray for hym̛. And when̛ he was dead̛ he sellid̛ a noder hors & spendid̛ þe price þer-of for hym̛ in meate & drynk̘. And with-in xxxti dayes after, þis dead man̛ apperid̛ vnto hym̛ and sayd̛; "Be-cauce I gaff my gudis for the to deale for my sawle, & þou did not as I bad þe, þou saƚƚ vnderstand̛ þat aƚƚ my synnys er forgiffen̛ me; bod becauce þou hase with-holden̛ myne almos þis xxxti dayes, & lattyn̛ me be in purgatorie, þerfor̛ I latt þe wett, þat to-morn̛ saƚƚ I be taken̛ into paradice, & þou sal be putt in heƚƚ." And þe same day as he rade with his felows, & told̛ þaim aƚƚ þis cace, sodanly þer began̛ a cry in þe ayre, as it had bene of lyons, wulvis & beris; and sodanlie he was taken̛ vpp̛ with fendis, & putt þer he was ordand̛ to be. And his felows went & soght hym̛; and his body was fon̛ dead̛ oppon̛ a hy hiƚƚ & revyn̛ in sonder, iiij day iorney from̛ þe place þer he was taken̛.

Saynt Bede tellis in 'Gestis Anglorum' how, when̛ Englond̛ was oute of þe belefe, þe pope sente in-to it to preche a bisshop̛ þat was a passyng suteƚƚ clerk̘, & a weƚƚ-letterd̛; and he vsid̛ so mekuƚƚ soteltie & strange saying in his sermons, þat his prechyng owder litle profettid̛ or noght. And þan̛ þer was sent a noder þat was les of connyng of literatur þan̛ he was, & he vsid̛ talis & gude exsample in his sermon̛; and he with MS. repeats, with. -in a while MS. has, he, again here. conuertyd̛ MS. coneruertyd. nere-hand aƚƚ Englond̛.

Exemplo vnius debet alius edoceri. Infra de Iudice.Exemplum bonum aliquando conuertit peccatorem. Supra de Abbate.Exemplum malum multis nocet. Infra de monacho.

We rede in 'Vitis Patrum' how on̛ a tyme þer was two, þat was to say, a man̛, & a womman̛ his wyfe. And þe man̛ was a holie man̛, bod he was infortunatt in werdlie MS. werlrdlie. thyngis, to so mekuƚƚ þat on̛ þe day at he was berid̛ on̛, þer feƚƚ suche a wete and a rayn̛, þat ij dayes after þai mott nott berie hym̛. And his wife was ane iƚƚ liffer, bod scho was fortunatt; and when̛ þai war bothe dead, a doghter at þai had began̛ to vmthynk hur whedur of þer lyvis sho wolde folow. So after-ward̛ hur happend to be in a trans, & hur thoght sho saw a fayr place & a merie; and þer hur þoght sho saw hur fadur, and sho hawsid̛ hym̛ and kyssyd hym̛, & besoght hym̛ at sho mott abyde þer stiƚƚ with hym̛. & he said̛ nay, sho mott nott; bott and sho led hur lyfe as he did̛, he said̛ sho suld com̛ thedur. And onone sho was removid̛ fro thens, & had vnto a noder place. And þer sho lukyd behynd̛ hur, & sho saw hur moder in ane horrible turment. And sho made sorow, & cryed on̛ hur doghter & said̛; "Doghter! Se what I suffer for myne vnclene lyfe!" And with þatt sho come agayn̛ vnto hur selfe, & thankid God of þat att sho had sene. And scho confermyd̛ to folow þe lyfe of hur fadur, and so sho did̛, and afterward̛ sho was a holie womman̛.

Valerius tellis how þat when̛ Demostenes moght not easylie bryng furth certayn̛ lettres, he laburd̛ so agayn̛ a vice & ane impediment in his mouthe, þat no man̛ myght speke fayrer þat at he wold̛ speke þan̛ he did̛ The latter part of this tale differs from the Lat. MSS., which give the well-known version. . So on̛ a tyme hym̛ happend go vnto þe se-side, & þer he harde grete noyse & dusshyng of þe wawis to-gedur; and he gaff grete hede þer-to. And evur when̛ his MS. he. mowthe was fuƚƚ of sentance & reson̛, he wolde speke mekuƚƚ, & be long in spekyng; and when̛ it was tome, þan̛ it was redie & as it had bene lowse.

Fallacia mulieris. Infra de muliere.Falsitas testium nocet. Infra de testimonio.Falsum iurans punitur. Infra de iuramento.

We rede in 'Legenda Sanctorum Prothi et Iacincti,' how Eugenia, þat was Philip̛ doghter þat was governer of Alexandria, wold̛ not be wed̛ vnto a wurthi man̛ þat wold̛ hafe had hur when̛ sho was xv yere olde. And sho fled away and gatt hur mans clothyng, & fenyd at sho sulde be a man̛, & went vnto ane abbay & made hyr MS. hym̛. a man̛ of religion̛; and sho callid̛ hur selfe Eugenius. And when̛ þer principaƚƚ was dead, sho was made principaƚƚ. So þer was in Alexandria a wurthi womman̛, a wedow, þat was passand̛ riche, and sho trustid̛ at he had bene a man̛, & feƚƚ in ane amorositie vnto hym̛, vnto so mekuƚƚ at sho fenyd hur seke & sent for hym̛, and said̛ sho wold̛ speke with hym̛. And when̛ he was befor̛ hur bed̛, & none was þer bod þaim two, sho wold̛ hafe halsyd̛ & kyssyd̛ þis Eugenius, & told̛ hym̛ þe matir, and desyrid̛ hym̛ to hafe at do with hur. And he vgged̛ þer-with, and wold̛ not consent vnto hur, bod reprovid̛ hur & blamyd̛ hur for hur desyre. And̛ þan̛ sho was ferd̛ at he suld̛ discure hur, and sho began̛ to cry, and̛ said̛ at þis Eugenius wolde hafe ravisshid̛ hur. And aƚƚ hur howse-meneya come and hard̛, and went & tolde þis Philipp̛, & bare witnes þeroff. And þis womman̛ accusid̛ him̛ als-so, als strongli as sho cuthe. And þan̛ þis Eugenius was broght befor̛ þis Philipp̛ to giff ane ansswer, & he suffyrd̛ mekuƚƚ truble. And so at þe last, when̛ he saw it wold̛ no bettyr be, he began̛ to speke & said̛; "Now it is tyme to speke, ffor it is not right at a lichur putt a fals cryme vnto þe servand̛ of almiȝtty God; and þerfor̛, to declar̛ þe treutℏ, I saƚƚ shew my selfe whatt I am̛." And with þat þis Eugenius with a knyfe cutt down̛ aƚƚ hur cote, & shewid̛ at sho was a womman̛, & sayd̛ vnto þis Philipp̛; "Forsuthe þou erte my fadur, and þi wyfe Elendia is my moder, and I am̛ Eugenia your doghter." And when̛ hur fadur & hur moder hard þis, þai tuke hur in armys & kissid̛ hur. And þai & aƚƚ þer howsold̛ become crestend̛, þat war haythen̛ befor̛ and vncristend̛.

Falsitas punitur. Infra de honore.Fama necligi non debet. Supra de falso.Fama aliquando perditur sine culpa. Infra de Infamacione.

We rede in þe 'Cronicles' þat when̛ Titus had vmsegid̛ Jerusalem ij yere, þer was sucℏ a honger in þe cetie þat þe fathir fro þe son̛, & þe son̛ fro þe fadir, and þe husband̛ fro hys wife, and þe wife fro hur husband̛, not alonelie tuke meate oute of þer handis, bod also þai wold̛ refe it furtℏ of þer mowthis. And when̛ þer meate faylid̛ þaim, þai dyed̛ so thik for hungre þat þai mot not suffre þer caryons lygg with-in þe cetie for stynke, bod þai keste þaim ouer þe wallis. And þan̛ Titus saw how þe dykis was fyllid̛ with carion̛, & at þe contre began̛ to be corrupte with savur of þaim, þan̛ he made his prayers & said̛; "Lord̛! þou seis I do nott þis, þai do itt þer selfe." & þai had so mekuƚƚ honger emang þaim att þai eete þer shone & aƚƚ þing þat was made of leddur. So þer was emang þaim a riche huswiffe, and a wurthie, and aƚƚ hur gudis was taken̛ fro hur, & no thyng lefte hur þat sho might eate. And sho had no child̛ bod one; & þat sho slew, & sethid̛ þe tone halfe þerof. And onone as þe lurdans in þe cetie felid̛ savur of sodyn̛ flessℏ, þai ran̛ in-to þe howse & askid̛ hur parte; & sho tuke þe toder parte & shewid̛ þaim & told̛ þaim how sho had done with hur awn̛ barn̛. And þai vggid̛ þer-with, & went þer ways. And so in þe secund̛ yere Ierusalem was yolden̛ vpp̛, and xxx Iewis war sold̛ for one penye becauce þai solde Criste for xxxd̛. And, as Iosephus tellis, lxxxxvij thowsand̛ war solde, and̛ xi C. Mƚ. was slayn̛ & perisshid̛ for hungre.

Fames terrenorum est insaciabilis. Infra de sacietate.Fame temptantur ieiunantes. Supra de abstinencia.

We rede in þe 'Meracles of Our̛ Ladie, Saynt Marie' how som tyme in Rome þer was a wurthie womman̛, and scho had with hur husband̛ a son̛, and̛ þatt sho broght vpp̛ passand̛ tendurlie, & luffid̛ it so wele þat, when̛ he was a grete yong sprynhold̛, sho wold̛ kys hym̛ & halsse hym̛ & lat hym̛ lig with hur as he had̛ bene a barn̛. So on̛ a tyme when̛ hur husband̛ was gone of pilgramege in-to a fer land̛, as hur son̛ lay by hur he had at do with hur, and belife sho was with childe; & þan̛ sho wex passand̛ hevy, & had grete sorow in hur harte, and sho feƚƚ to hur prayers as sho was wunte to do, & besoght God & our dere Ladie to helpe hur. So at þe laste sho traveld̛; & when̛ þe barn̛ was vnnethis born̛, sho slew it & ekid̛ syn̛ vppon̛ syn̛, & keste it in-to a sege. And þan̛ þe fende had despite her̛-att, and þoght for to gar hur be destroyed̛, & made hym̛ in habett like a clerk̘, and come afor̛ þe iugges & þe men̛ of law, and desyrid̛ þaim to here hym̛, & he sulde teƚƚ þaim a huge mervayle for any man̛ to here, & a passand̛ crueƚƚ dede: "ffor sucℏ a womman̛, at ye trow is a passand̛ halie womman̛, is a passand̛ wikkid womman̛, & a creweƚƚ, & fuƚƚ of syn̛. For sho conseyvid̛ a childe of hur awn̛ son̛, & yit also when̛ it was born̛, sho slew it & keste it into a sege." And þai had grete merveƚƚ here-of, & said̛ þai trowid̛ it was not so. And he bad feche hur & examyn̛ hur; "& in þe mene while make a fire, and if sho grawnt or be convicte þer-in, latt kaste hur whik in þe fire & burn̛ hur." And if sho wer nott, he bad̛ þaim take and burn̛ hym̛. And sho was fechid̛ and broght befor̛ þe iuggies & þe men̛ of law; and þan̛ þe iuge sayd̛ vnto hur; "Womman̛, we hafe her̛ a new prophett in Rome, & he, þuff aƚƚ vs for-thynk̘ it gretelie, hase accusid̛ þe in grete trispasis. And þerfor̛ þou muste owder knowlege þi trispas, or els þou must excuse þe þeroff." And þan̛ sho askid̛ of þe law a respecte, & had it grawntid̛. & scho went home & made grete sorow for hur trispas, and̛ went vnto a preste, & with hartlie contricion̛ sho shrafe hur & told̛ hym̛ aƚƚ how sho had done. And he saw þat scho wepid̛ & made grete sorow, & comfurthid̛ hur, and enioynyd̛ hur in penans to say bod one pater noster. And he bad hur at sho sulde pray hartelie vnto our̛ dere Ladie to helpe hur. And so sho did̛, with grete deuocion̛. And so vppon̛ þer courte-day, sho was sent after agayn̛; & sho come After come, n, erased. onone with aƚƚ hur houshold̛, & hur frendis with hur. And sho was sett in myddeste þe courte, at aƚƚ men̛ might se hur; and þan̛ þe Iustis chargid̛ aƚƚ to be pease, & said̛ vnto þis clerk̘ at accusid̛ hur; "Loo! her̛ is sho at þou hase accusid̛. Say now vnto hur & þou hase oght at say." And þis fend̛ beheld̛ þis womman̛, & had grete mervayƚƚ off hur, what sho sulde be. & þan̛ he said̛; "This is not þatt synner nor þat man-queller þat I accusid̛; ffor þis is a holie womman̛, and Marie, þe moder of Criste, stonditℏ by hur & kepis hur." And þan̛ aƚƚ þat evur was aboute had grete mervayle, & lifted̛ vpp̛ þer handis & saynyd̛ þaim. And þe fend̛ myght not suffre þis & vanysshid̛ away with a grete reke and a stynkkand̛; and þus þis womman̛ was delyverd̛. et c̛.

We rede in 'Legenda Sancti Remigij' how þer was one þat hight Genelandus, & he was a wurthi man̛, & wed Saynt Re[mi]gius MS. Saynt Regius. sister doghter vnto his wife. And so be conceƚƚ of þis gude holie man̛ þai departid̛ Lat. MSS. Et se religionis causa mutuo absoluissent. ; and þis Genelandus was made bisshopp̛ of Lugdun̛, and he was a gude clerk̘ & a wurthi prechur. And his wife wold̛ oft sithis com̛ vnto hym̛ becauce of instruccion̛, & to here hym̛ preche. And so att þe laste, be temptacion̛ sho conseyvid̛, & was with child̛ with hym̛; and when̛ þis child̛ was born̛, þis bisshopp̛, þe fadur þeroff, garte caƚƚ it Latro, becauce it was getten̛ be stoltherie. Not-with-stondyng, becauce of suspicion̛, he suffred̛ his wife com̛ to hym̛ agayn̛ as sho did befor̛; and belife scho was with childe agayn̛. And when̛ þe childe was born̛, þe fadur garte caƚƚ it Vulpiculus. So at þe laste hym̛ repentid̛, and went vnto Remigius, and shrafe hym̛ to hym̛ & knowlegid̛ his syn̛. And he closid̛ hym̛ vp̛ in a ceƚƚ vij yere, & in þe mene while he gouerned̛ his bisshopprik̘. And at þe vij yere end̛, ane angeƚƚ aperid̛ vnto þis Genelandus MS. Gelelandus. , & told̛ hym̛ at his syn̛ was forgyffyn̛ hym̛, and bad hym̛ go furtℏ, & opynd̛ þe dure and savid̛ þe seale hale at Saynt Remigius sett on̛ itt. And þan̛ þis Genelandus layd̛ hym̛ down̛ in þe dure opon̛ þe ertℏ in liknes of a cros, & said̛ vnto þe aungeƚƚ; "And my Lord, almighti God Hym̛ selfe, com̛ vnto me I wiƚƚ not away bod if my maister Remigius at sparrid̛ me here com̛ & take me furtℏ." And þan̛, be commandment of þe angeƚƚ, þis Remigius come vnto hym & tuke hym̛ oute, & had hym̛ vnto Lugdon̛ & restorid̛ agayn̛ vnto his bisschopprik. And he was a halie man̛ aƚƚ his life-dayes after; and when̛ he dyed̛, þis Latro his elder son̛ was made bisshopp̛ after hym̛.

Familiaritas MS. Familieritas. eciam mulieris sapientibus est periculosa. Infra de muliere.

Heraclides tellis how som̛ tyme þer was in a monasterie of nonnys a maydyn̛, and for Goddis luff sho made hur selfe evyn̛ as a fule, & meke & buxhom̛ to euer-ilk bodis commandment; & sho made hur selfe so vile, & so grete ane vnderlowte, þat ilkone vggid̛ with hur, to so mykeƚƚ þat þai wold̛ not eate with MS. repeats, with. hur, bod ilkone strake hur & skornyd̛ hur: & evur sho tuke it in plesans. So sho passid̛ neuer þe kichyn̛, bod bade þer, & wasshid̛ dysshis & skowrid̛ pottys, and did̛ aƚƚ maner of fowle labur. And sho satt neuer at meatt, bod held̛ hur selfe content with crombys & crustis þat war lefte at þe burd̛; & þer-with sho liffid̛, and sho war̛ nevur shone nor hose, & sho had nothyng on̛ hur head̛ bod revyn̛ clothis, & raggid̛. And sho was seruyciable to euerilk creatur, and wold̛ do no bodye wrong, and what at evur was done vnto hur, þer was none at hard̛ hur gruche þer-with. So emang aƚƚ þies, be þe commawndment of ane aungeƚƚ, Saynt Patryk, at was a holie man̛ & liffid̛ in wildrenes, come vnto þis same monasterie, and callid̛ befor̛ hym̛ aƚƚ þe nonnys & aƚƚ þe susters of þe place, at he might se þaim, and sho come not: & þan̛ he said̛; "Ye er not aƚƚ here." And þai said̛; "Yis, fadur, we er aƚƚ here, outtakyn̛ one þat is bod a fule." And he bad þaim caƚƚ hur; and als sone as he saw hur he knew in his spiritt þat sho was mor̛ halie þan̛ he. And he feƚƚ down̛ on̛ his kneis befor̛ hur & said̛; "Spirituaƚƚ moder! giff me þi blissyng!" And sho feƚƚ down̛ on̛ kneis before hym̛ & said̛; "Nay, fathur, rathur þou sulde blis me." And with þat þe susters of þe howse had grete wonder, & said̛ vnto hym̛; "Fathir, suffer not þis eniorie, for sho is bod a fulle." And he said̛; "Nay, sho is wise, & ye er bod fules; ffor sho is bettyr þan̛ owder ye or I." And þan̛ aƚƚ þe susters feƚƚ on̛ þer kneis befor hur, & askyd̛ hur forgifnes of wrangis & iniuries þat þai MS. þai þa. had done vnto hir, ffor̛ The MS. has a contraction sign above ffor̛. scho forgiffes þaim ilkone with aƚƚ hur harte.

Feruor fidei laudabilis est. Infra de Martirio.

Jacobus de Vetriaco tellis how som̛ tyme þer was a man̛ þat had a guse, & sho warpyd euer-ilk day ane egg. And on a tyme he vmthoght þat he wold̛ hafe aƚƚ þies eggis at ons, & he slew his guse & oppend̛ hur, and he fand̛ bod one egg in hur. And so for grete haste þat he had of þat at was for to com̛, he loste aƚƚ. et c̛.

The same Jacobus tellis how, on̛ a tyme in France, þer was a grete meneya of men̛ rydand̛ in a carte. And agayn̛ evyn̛ þai ouertuke Saynt Martyn̛ rydand vppon̛ ane ass, & þai askyd̛ hym̛ if þai myght com̛ with day vnto Pariss. And he said̛; ya, & þai drafe bod playnlie & softelie. And þai gaff no hede vnto his wurde, & drafe faste, & garte þer carte ryn̛ als faste as þe hors mot preke. So þaim happend̛ breke þer whele; & Saynt Martyn̛ went bod softelie & he come to Parissℏ at a gude howr̛, lang befor̛ evyn̛, whar þai lefte behynd̛ with þer hastynes.

We rede how, on̛ a tyme, in þe Cetie of Nazarencis Lat. MSS. in urbe Nasatense. , when̛ þe bisshopp̛ was at mes, he was war of iij clere droppis, aƚƚ elike mekiƚƚ Latin MSS. vidit tres guttas clarissimas, equales magnitudinis. , dropp̛ opon̛ þe altar̛; & þai flewid̛ to-gedur & turnyd̛ into a precious stone. And he garte take þis stone & sett itt in myddeste of a cros of gold̛ emang many other precious stonys; and onone as it was sett in, aƚƚ þe other precious stonys feƚƚ oute. et c̛.

Fides corroboratur per eukaristiam protegentem a combustione. Supra de Eukaristia.Fides roboratur per corporale sanguinolentum. Supra de corporali.Fides roboratur per crucifixum sanguinolentum. Supra de crucifixo.Fides roboratur per eukaristiam in carne versam. Supra de Eukaristia.Fides fracta displicet Deo. Infra Iacobi.Fides contra naturam aliquando subuenit. Supra de Apostolis et Augustino.Fidelis est canis domino suo. Supra de dileccione.

Justinus tellis in 'Gestis Alexandri' how at Alexander had a hy naturaƚƚ witt aboue aƚƚ other men̛, vnto so muche þat his knyghtis had such a faitℏ in hym̛, at als lang as he was present þai trustid̛ þat, & þai had bene vnarmyd̛, yit þer enmys sulde nott hafe ouer-commen̛ þaim, & at what peple at þai sulde feght with, þai trustid̛ to our-com̛ þaim, & what cetie at þai vmsegid̛, þai trustid̛ to gett & wyn̛ itt. For þer was neuer enmy þat he faght with bod he ouer-come hym̛, nor neuer cetie þat he segid̛ bod he wan̛ it, nor neuer peple nor nacion̛ att he rase agayn̛ bod̛ he had̛ þe ouer-hand̛ of þaim. And neuer-þe-les, at þe laste end̛, he was ouer-commen̛, & not in bateƚƚ be feghtyng with his enmys, bod Lat. MSS. sed insidiis suorum et fraude civili. with gyle & dessayte of ane of his awn̛ knyghtis þat poysond̛ hym̛ with a drynk.

Valerius tellis how som tyme þer was a man̛ þat hight Papulion̛ Lat. MSS. Papinion. , and be chance be þe peple he was condempnyd vnto dead̛. And þer was knyghtis sent be þe law to punyssℏ hym̛ after þe decre. And he had in his howse a servand̛ þat luffid̛ hym̛ hugelie wele, and when̛ he wiste at þies knyghtys war commen̛ to sla his maister, he did on̛ his maister clothyng, & putt on̛ his ryng on hys fynger, & put oute his maister at a postern̛, & went in-to his maister chawmer hym̛ selfe. And onone þies knyghtis come & fand hym̛ in þe chawmer, and þai went he had bene Papulion̛ hym̛ selfe, & slew hym̛ in-stede of his maister. et c̛.

Fidelis amicus omnia sua exponit pro Amico. Supra de Amicicia.

We rede in 'Vitis Patrum' how som tyme þer was ane holie hermet, & on̛ a tyme hym̛ happend to be herberd̛ at a mason̛ howse. And be þer commonyng samen at evyn̛, þis hermet fande wele þat þis mason̛ despendid̛ his adlyng, one parte in suche thyng as hym̛ nedyd̛, & a noder parte in almos-dede, and þe thrid̛ parte in herberyng of pure folk̘. And here-for̛ þis hermett, when̛ he come at home at his ceƚƚ, made his prayer vnto God̛, and besoght Hym̛ at He wold̛ multiplie þis mason̛ gudis, becauce he spendid̛ þaim so wele. And þan̛ it was ansswerd̛ hym̛ in a vision̛, þat it wold̛ not be expedient vnto hym̛ þat he had mor̛ gude þan̛ he had. And þe hermett said̛ yis, & said̛ at he wold̛ becom̛ his borgℏ. And vppon̛ þat it was grawntid̛ hym̛, vnto so mekuƚƚ þat vpon̛ þe morn̛, as þis mason̛ was brekand̛ ane old̛ waƚƚ, he fand̛ a grete som̛ of golde stoppyd̛ in a hole. And he tuke it, & gaff our̛ his crafte, and went to cowrte in-to þe emperour howshold̛. And belife he was so grete with þe Emperour at he was made a baillay; & þan̛ he was a grete oppresser of pure men̛. So it happend̛ þis hermett in a vision̛ was taken̛ & led vnto þe dome; and þer he saw aungels compleyn̛ of þis mason̛. And it was ansswerd̛ þaim þat his borgℏ suld̛ ansswer for hym̛; and þis hermett was passand̛ ferd̛, and besoght our Ladie, Saynt Marie, to helpe hym̛. And scho gat grant at þis hermet sulde be sent vnto hym̛ to make hym̛ to amend̛ hym̛. And when̛ he come at hym̛ & told̛ hym̛ here-of, he sett lityƚƚ þer-by, & wold̛ not amend hym̛, nor speke a wurd̛ vnto þis hermett, bod with his staff he bett þis hermett aƚƚ to clowtis. And þis hermett was sorowfuƚƚ & went home agayn̛ vnto his ceƚƚ. And on̛ þe night after, he was ravisshid̛ agayn̛ vnto þe dome, and accusid̛ as he was befor̛, bod our Ladie, Saynt Marie, helpid̛ hym̛ wele. And with-in a little while after þis Emperour dyed̛, & a noder was made in his steade, þat wold̛ hafe tane þis mason̛ & punysshid̛ hym̛ for his mysgouernans. And he fled, & aƚƚ his gude was loste, vnto so mekle he was fayn̛ to turn̛ agayn̛ vnto his crafte, & do as he was wunte to do; & þan̛ he felid̛ at he had displesid̛ God̛, & amendid̛ hym̛ & devydid̛ his adlyng in-to werkis of charitie as he did befor̛. et c̛.

Filij parum curant de animabus parentum post mortem. Infra de morte. Filij non sunt maledicendi a parentibus. Infra de honore.Filij propter deum derelinq[u]unt parentes. Infra de visitacione.

Seutonius Philosophus tellis how þat Augustus Cesar garte ordand̛ so for a doghter & a sister doghter þat he had, þat he mott wunte þaim & make þaim perfite in wirkyng of wuƚƚ; and he forbad þaim to speke any thyng bod opynlie, and dischargid̛ þaim þe company & spekyng with of any strangiers. So it happend̛ a wurthi man̛ Licrinius, for to com̛ to þe Emperour doghter & halsid̛ hur, & sho wolde speke no wurd̛ agayn̛. So afterward̛ it wald̛ tolde þe Emperour, and he wrote vnto hym̛ & said̛ at he had done hym̛ a litle sober trispas, for als mikeƚƚ as he come to haylse his doghter contrary vnto his commandment.

Finem malum quandoque habent mali. Infra de salutare.Fletus malus vel multiplex. Infra de lacrima.Fornicacio. Fornicaria mulier infamat aliquando innocentes. Supra de accusacione. Et infra de infamia.Fornicacionem committunt aliqui incaute se custodientes. Supra de Confidencia.Fortitudo semper est laudabilis in vtentibus Arund. MS. bene utentibus ea. ea. Infra de milite.Fortitudo animi. Infra de morte.Forcior aliquando est vnus quam plures. Supra de commestione.

Solinus tellis þat þer er bred in Albanye hondis þat & þai be set at any maner of beste, þai will kiƚƚ it & halde stiƚƚ what at evur þaim happynd to mete. So when̛ kyng Alexander went into Ynde, þe kyng of Albany sent hym̛ ij of þies hundes, and þe tane of þaim wolde nowder luke on̛ swyne nor on bere, and he wald̛ eate no meat, in his keneƚƚ þer he lay. And kyng Alexander garte lowse hym̛ & lete hym̛ go. And þe toder, evur when̛ he was commandid̛ be þaim at folowid̛ hym̛, he wold̛ sla lyons or any other wylde beste. So þai lete hym̛ se ane olyfante, and he chasid̛ so þat he was werie; and at þe laste he pullid̛ hym̛ down̛ & killid̛ hym̛.

Fortuna est variabilis So Harl. MS. The Engl. MS. has, inenarrabilis. . Infra de gloriacione et ordinacione.

We rede how som tyme þer was a womman̛ þat had a grete deuocion̛ vnto Saynt Frawncis; so hur happend̛ to dye, and þe þrestis come & sang hur a dirige. So sodanlie sho spak vnto one of þe prestis at stude abowte hur, & said̛; "Fadur, I wulde be shrevyn̛; I was dead̛ & commaundid̛ vnto a grevus preson̛ for a syn̛ þat I was neuer shrevyn̛ of, þat I saƚƚ now confess me off to the. Bod Saynt Frawncis prayed for me, at my saule mott com̛ agayn̛ vnto my bodye & confes þat syn̛, & so hafe forgyfnes þerof." And þer sho shrafe hur þeroff, & tuke hur absolucion̛, & onone after sho swelt agayn̛.

Fraus. Fraudem debent omnes vitare. Infra de negociacione.Fuga. Fugienda est turba. Infra de turba.

We rede in 'Libro de Dono Timoris' how þat a thefe come privalie on̛ a nyght vnto a philosophur bed̛ þer he lay, & nemelie he drew at þe couerlad̛ att lay on̛ hym̛, & wolde hafe stollen it away. And he felid̛ at one pullid̛ at itt, & put vp his hand̛ & drew it agayn̛. And with-in a while after, þis thief drew agayn̛, & he held̛; and þus þai did̛ twice or thrice. And when̛ þai had long done so, þe philosophur spak vnto hym̛ & said̛; "þou vnhappie man̛! Take þe couerlad, & go þi wais þer-with, & latt me lygg in reste."

Fur videtur aliquando quando credit non videri. Supra de deo.

In a town̛ in Normundie þar̛ standis a kurk with-oute þe town̛, vppon̛ a hyƚƚ; and ij thevis mett þer in ane evynyng, and þai made counand̛ at þe tane of þaim þat night sulde go stele a lambe, an þe tother sulde go stele nuttis. And he þat had̛ furste sped̛ sulde furste com̛ vnto þe kurk̘, & þer abide his felow in þe porcℏ. And he þat stale þe nuttis was sped̛ belife, & come furste, & satt down̛ & abade his felow, & krakkid̛ nuttis in þe kurk-porche & ete þaim. So with-in nyght, late, þe clerk come to þe kurk to ryng curfur. And onone as he come in þe porche & harde at one was þer, & he trowed̛ it had bene þe Devuƚƚ; and als faste as he cuthe he ran̛ home vnto þe prestis howse & was passand̛ ferd̛, & said̛ þe Devuƚƚ was in þe kurk-porche. So þer was in þe howse a halte man̛, & he scornyd̛ þe clerk̘, & said̛ þat he dughte nott. So þer was a noder yong strong felow, & þis halte man̛ said̛ vnto hym̛, and he wolde bere hym̛ to þe kurk in his nekk̘, he sulde go luke whether þe Devuƚƚ war in þe kurk-porche or nay. And he said̛ yis. And þis halte crepyƚƚ was sett vpp in hys nek̘, & he bare hym̛ vnto þe kurk̘. And þis thief at was in þe kurk-porche saw a man̛ com̛ & a thyng in his nekk, & he trowed̛ it had bene his felow at had broght a lambe. And when̛ he was nerehand̛ at þe porche dure, he cryed̛ vnto hym̛ & sayd̛; " Est ne crassus? Is it not fatt?" And so þis yong felow at bere þis crippiƚƚ hard̛ what he said̛, & ansswerd̛ agayn̛ & said̛; "Whethur he be fatt or lene I saƚƚ lefe it with the." And with þat he keste hym̛ fro hym̛, & ran̛ hame als faste as he cuthe. And þis cripyƚƚ gadurd̛ his strentℏ vnto hym̛, & began̛ at ryn̛ home alsso. And yit he was furste at þe howse þan̛ þe yong man̛ at bar̛ hym̛. And evur after he went on̛ his fete þat stude not on̛ þaim vij yere before.

Furis societas periculosa est. Supra de Angelo et heremita.

Saynt Austyn̛ tellis how þer was a maister of a ship̛ þat hight Dironides, & he was a grete robber be þe se; so on̛ a tyme hym̛ happend̛ to be taken̛ & broght befor̛ kyng Alexander. And kyng Alexander askid̛ hym̛ whi he vsid̛ suche robburi with his shupp̛; and he ansswerd̛ agayn̛ & said̛; "Whi laburs þou to hafe dominacion̛ of aƚƚ þis werld̛, and I þat vsi bod̛ a little schup̛, I am̛ callid̛ a thefe, and þou þat vsis to rob & refe with a grete navie of schuppis erte callid̛ ane Emperour? And forsuthe, þou saƚƚ verelie know, þat, & rightwusnes be removid̛ away, what er kyngisdoms? Not els bod grete thyfte; & what er little kyngdoms? Not els bod little thifte. And þus, þou erte a grete thefe, & I am̛ bod a little thefe."

Fures in presenti sepe puniuntur. Supra de agro.

We rede in 'Legenda Sancti Patricij' how som̛ tyme þer was a man̛ at stale his neghbur shepe, & ete it; and þis man̛ at aght þis shepe come vnto Saynt Patryk, & told̛ hym̛ how a shepe was stollen̛ from̛ hym̛: & he chargid̛ oft sithis þat who som̛-evur had̛ it sulde bryng it agayn̛, and no man̛ wolde grawnte it. So on̛ a haly day, when̛ aƚƚ þe peple was in þe kurk̘, Saynt Patrik spirrid̛ & commandid̛, in þe vertue of Iesu, at þis shepe sulde blete in his belie þat had etyn̛ itt, at aƚƚ men̛ might here. And so it did̛; & þus þe thefe was knowen̛, & made amendis for his trispas. And aƚƚ oþer þat hard̛ euer after was ferd̛ to stele.

Seuerius For Severus. tellis how som̛ tyme þer was ane hermett þat dwelt in wyldernes, and euer-ilk day, at meate tyme, þer come vnto his yate a sho-wulfe; and̛ sho wulde neuer away or he gaff hur somwhatt at eate. So on̛ a day þis hermett was with a noder bruther of his in occupacion̛, & come not Not, omitted and added above the line. home att meate-tyme of þe day. And þis wulfe come & fand̛ hym̛ not þer, & was war of a litle bread̛ in a wyndow, & sho brak in & tuke it, & eete it & went away. And when̛ þe hermett come home, he fand̛ þe crombis of þe bread̛ at þe wyndow, & he demyd̛ who had takyn̛ it. And þis wulfe knew hur defaute, & wolde not com̛ at þis hermett a sennett afterwerd̛. And when̛ þis hermet myssid̛ þis wulfe, at vsid̛ to com̛ daylie vnto hym̛, he made his prayer vnto God̛; & þis wulfe come agayn̛ vppon̛ þe sennet day, bod sho stude of ferrom̛, & durste not com̛ nere hym̛. And sho layd̛ hur down̛ & held̛ down̛ hur head̛, as sho suld̛ aske hym̛ forgyfnes; and he tuke it for a confession̛, & bad hur com̛ ner hym̛ boldly, & he suld̛ forgiff hur. & sho come to hym̛ & feƚƚ down̛ on̛ kneis; & he forgaff hur, and̛ gaff hur als mekyƚƚ to brede as he was wunte to giff hur. And fro thens furtℏ evur after, scho come at tyme of þe day, and did̛ hur offes as sho was wunt.

Furtum restituere MS. sustenere. Lat. MSS. as above. eciam bruta animalia compelluntur per oracionem. Infra de oracione.

Cesarius tellis how som̛ tyme þer was a preste of þe Templer ordur, and when̛ he was a childe hym̛ happend̛ for to faƚƚ seke, and he askid̛ for to be enoyntyd̛, and he was not. So hym̛ After hym̛, hyn, erased. happend̛ to dy, & when his saule passid̛ furtℏ of his bodye, he askid̛ helpe, and̛ ane angeƚƚ come, & said̛ it was euyƚƚ done att he dyed̛ with-oute enoyntment. So þis sawle was present before þe iuge, so þat þe child̛ saw hym̛ & was passand̛ angry agayn̛ hym̛. And þan̛ come þe devuƚƚ, & accusid̛ þis childe, & said̛; "Lord̛! þis childe stale ane halpeny from̛ his bruther-german̛, & nowder yit hedurtoward̛ did̛ penans þerfor̛, nor rewardid̛ itt agayn̛." And þan̛ owr̛ Lord̛ ansswerd̛ hym̛ agayn̛, & said̛; "Wold̛ þou at I dampnyd̛ þis childe for suche a lityƚƚ thyng? Bod þou saƚƚ vnderstand̛ att my rightwusnes is mengid̛ with mercie." And þan̛ prayed MS. prayer. for þis childe þe xxiiij seniores; and so þis childe was forgyffen̛ his tryspas. Neuer-þe-les, be þe commandment of our Lord̛, he was casten̛ in-to a byrnand̛ pitt, whar̛-in he sufferd̛ so mekle payn̛, þat he cuthe not afterward̛ teƚƚ with his mouthe. And after þis he was drawen̛ oute of þe pitt, & þan̛ hym̛ thoght þat þe iuge shewid̛ hym̛ frendlie chere; and þan̛ he gaff a sentance þat his saule sulde be restorid̛ agayn̛ vnto þe bodie, and so it was. & when̛ he come vnto hym̛ selfe, he told̛ aƚƚ att was abowte hym̛ how it had̛ happend̛ hym̛; and aƚƚ þat hard̛ hym̛ had grete mervell here-off. And be signes þat þai fand̛ of burnyng opon̛ his bodie, þai knew at aƚƚ þat he said̛ was trew. et c̛.

Gallus mortuus revixit MS. reviuixit. . Supra de blasfemia.Galline intestina in bufonem MS. combustionem. Lat. MSS. in bufonem. sunt versa. Infra de gula.

We rede in þe 'Storie of Aprocryfattis Lat. MSS. Historia Apocriphi. ' of Titus and Vespacyan̛, how þat when Titus hard̛ teƚƚ þat his fadur Vespacian̛ was made Emperour, he was strykyn̛ with such a ioy and a comfurtℏ, þat he was shronken̛ aƚƚ his synowes to-gedur in a lumpe, as it had bene with a crampe. And Iosephus hard̛ teƚƚ how he was þus fallen̛ seke, & serchid̛ þe cauce of his sekenes, & þe tyme at it tuke hym̛ in. And he conseyvid̛ at he tuke it with a hertelie ioy and a comfurtℏ þat he tuke when̛ he hard̛ teƚƚ of þe sublimacion̛ of his fadur. And þan̛ he vmthoght how þat a sekenes may be curid̛ with þe contrarie, & he garte spur if þer war̛ any man̛ þat Titus was wrothe with, or grevid̛ agayn̛, or þat he wold̛ not suffer com̛ in his sight. And belyfe þai told̛ hym̛ of one Lat. MSS. et erat ibi seruus adeo Tito molestus, ut sine uehementi turbacione nulla tenus in ipsum respicere posset. . And þan̛ he come to Titus & sayd̛; "And þou desyre to be hale, þou bus pardon̛ & suffer aƚƚ þaim þat commys in-to þi presens with me." And Titus grawntid̛ at he suld̛ so do. And Iosephus garte sett a burd̛ in þe chawmer anence his bed̛, and he garte Titus be sett att meatt at þe burd̛-end, in a chayr, & he sett þis servand̛, at he was so wrothe with, on̛ his right hand̛, & himselfe on̛ his lefte hand̛. And Titus saw at it was þis man̛ at he was wrothe with, & remembred̛ hym̛ how þat he mott say nothyng vnto hym̛; & he was so angred̛ & so trubbed̛ in his mynde, vnto so mekuƚƚ, þat he þat with a cald̛ for ioy was shronken̛ to-gedur, þan̛ with a hete of angrynes hys synos rached̛ & lowsid̛. & þus he gatt vp on̛ his fete, and was curid̛, & tuke hys MS. hym̛. servand̛ vnto grace, & forgaff hym̛ his truspas; & evur after, fro thens furtℏ, he luffid̛ þis Iosephus specialli befor̛ aƚƚ oþer.

Gaudium est aliquando causa mortis corporalis. Infra de morte et gueracione.Gaudia celi superant omnem melodiam. Infra de nouicio.Gaudent mali de malis. Infra de predicacione.

We rede in his Legend̛ how þis Germanus was Duke of Normundye For Burgundye. ; & after-ward̛ his wyfe, be þer bother consent, was made a non̛, and he was made bisshopp̛ of Antissiodorensis; & þai delte aƚƚ þer gudis vnto pure folk. And he punysshid̛ so his bodi xxxti yere to-gedur̛, þat he neuer eate bread̛ of whete, nor potage, nor salte; nor dranke neuer wyne bot twyce in þe yere, att Yole & att Pacℏ. And aƚƚ oþer tymys he drank̘ watir & wyne to-gedur, and furste he wold̛ eatt assis & fyne barlie bread̛. And̛ nowder wynter nor sommer he ware no clothe bod hare, & aboue it a cote & a cowle; & þase wolde he neuer doff vnto þai war clene worn̛ away. And his bed was bod of sek-clothe & of hare, & he had no cod at his hede bod a stone, & he ware bod seldom̛ shone nor gyrdeƚƚ aboute hym̛. And so & he do nott meracles it is a grete mervayle.

Saynt Austyn̛ tellis how þat Alcibiades MS. Abibiades. , þat was Socrates discipyƚƚ, was a passand̛ fayr̛ man̛ & a riche, & ane eloquent speker; and here-in he had grete pride. And when̛ Socrates purseyvid̛ þis, with his disputacions he provid̛ hym̛ bod a wriche & a naturaƚƚ fule, so þat he garte hym̛ wepe for tene. And þan̛ Tullius said̛ þat þer sulde a myserie and a wrichidnes folow þe ioy att he had̛, & þat sulde be partid̛ in-to ij fortuns. And ane sulde be MS. repeats, & ane sulde be. þat he had riches, favour, and witt at his awn̛ wyƚƚ. And a noder fortun sulde folow hym̛ after-ward̛, and þat sulde be outelawrie, myserie & hatred̛ of þe contre; & at þe laste he sulde hafe a vylans dead̛.

Gloriandum non est de virtutibus. Infra de iactantia.

Valerius tellis þat when̛ Sophocles wex ane alde man̛, he sent a man̛ of his, at he luffid̛ passand̛ wele, vnto a iustyng; and þer he wan̛ þe victorie aboue aƚƚ oþer. And when̛ he hard̛ teƚƚ þeroff, he tuke so mekuƚƚ comfurtℏ & ioy vnto hym̛, þat evyn̛ sodanlie he feƚƚ down̛ & dyed̛.

Gloria vana semper est fugienda. Infra de vanitate.Gloria vana oritur aliquando ex bonis operibus. Supra Barnardi.

Esopus in 'Fabulis' tellis how þer was a hors þat was arayed̛ with a brydyƚƚ of gold̛, & a gay saddyƚƚ, & he mett ane ass þat was ladyn̛; & þis ass made hym̛ no reuerens, bod held̛ evyn̛ furtℏ his way. So þis prowde hors was wrothe þer-with, & said̛; "Bod at I will not vex my selfe, els I sulde sla þe with my hynder fete, becauce þou wolde not voyde þe way, & giff me rowm̛ to pass by þe." And when̛ þis ass hard̛ hym̛, sho made mekyƚƚ sorow. So with-in a little while after, þis hors, þat was so gaylie cled̛, was wayke & lene, & had a sare gallid̛ bakk̘; & þe ass mett hym̛ vndernetℏ a carte, ledand̛ muke vnto þe felde: & þe ass was fayr & fatt. & þan̛ þe ass said̛ vnto hym̛; "Whar is now þi gay aray at þou was so prowde of? Now blissid̛ be God̛, þou erte put to þe same occupacion̛ at I vse, & yit my bak is haler þan̛ þyne. & þerfor̛ now þi gay gere helpis þe nott̛." et c̛.

Helinandus MS. Heliandus. tellis how som tyme þer was a freer, & he said he saw neuer þat þing bod he tuke a comfurtℏ with þe sight þeroff. And a noder askid̛ hym̛ what comfurtℏ he had̛ when̛ he saw a fowle tade? And̛ he said̛; "yis, als oft sithes as I se a tade, I vmbethynk me, & thankis God̛ þat gaf me so fayr a form̛, & so fayr a liknes as I hafe, lyke His awn̛ selfe, whar̛ þat He myght, and He had wald̛, hafe made me als fowle & als vglie as a tode is."

We rede how on̛ a tyme, when̛ Saynt Gregur was a chyld̛, our Lord̛ apperid̛ vnto hym̛, at his moder yate, in liknes of a pure shipman̛, and askid̛ hym̛ his almos. & he had̛ bod̛ xd̛ in his purs, & he gaff hym̛ vjd̛ þeroff. And belife after, þe same day, he come agayn̛, & askid̛ hym̛ mor̛; & þan̛ he gaff hym̛ þe toder iiijd̛. And agayn̛ evyn̛ he come agayn̛, & askid̛ mor̛; & he had no thyng at giff hym̛, bod̛ a syluer disscℏ þatt his moder had giffen̛ hym̛ potage in, & þat he gaff hym̛. And he was fayn̛ þer-of, & went his wayes þerwith. And efterward̛, our Lord̛ lete hym̛ se be reuelacion̛, þat Hym̛ selfe was þat shipman̛ þat he gaff þat syluer dissℏ vnto.

Gregorius antiphonam Regina celi primo cantari audiuit ab angelis. Infra de Maria. Gregorius Deum hospicio recepit. Infra de hospitalitate. Gregorius Traianum ab inferis reuocauit. Infra de oratione.

On a tyme when̛ Saynt Gregur opon̛ Pacℏ day sang mes in Rome, in Sancta Maria Maiori, and sayd̛, " Pax Domini," et c̛, Aungels of our̛ Lorde ansswerd̛ hym̛ and sayd̛; " Et cum spiritu tuo." And herefor̛ þe pope at þat kurk̘ ordand̛ þe stacion̛ vppon̛ Pacℏ day. And in witnes here-of, when̛ þe pope synges þer on̛ þat day and says, " Pax Domini," þer ansswerd̛ no body hym̛.

Petrus Damianus tellis how on̛ a tyme as a monke bare fryed̛ fruturs in-to þe fratur, he was prikkid̛ with glotonny, and onone he withdrew one of þaim, & keste it in his mouthe, & ete it privalie at none of his neghburs saw. And onone after he was strekyn̛ with a luste of his flesscℏ, at he laburd̛ hym̛ selfe in sucℏ form̛ as he did̛ neuer befor̛, vnto so muche, at with his awn̛ hand fretyng he had a pollucion̛ of his sede. And so after þe morseƚƚ at he stale, onone þe fende entird̛ in-to hym̛.

Gulam refrenare expedit. Supra de Episcopo et Abbate.Gulosi cibum sumunt sine benediccione et puniuntur. Supra de benediccione.

Cesarius tellis how þer was som tyme a wurthie man̛ þat hight Otto de Normu[n]borgis Harl. MS. Normanburgis. , þat made grevus accions ayeyns his neghburs; and sodanlie he was streken̛ with a grete sekenes, and he had a passand̛ payn̛ þer-with, ffor aƚƚ lentren̛ tyme he had sucℏ ane appetite to ete flessℏ, at he wold̛ not alonelie hold̛ hym̛ contente in etyng þerof hym̛ selfe, bod also he compellid̛ aƚƚ at was aboute hym̛ to do þe same. And when̛ he had done so aƚƚ þe lentren̛, and Gude Fryday come, his meneya spakk vnto hym̛ & sayd̛; "Sur, þis day is Gude Friday, & þe day of þe passion̛ of our̛ Lord̛, and þis day christen̛ men̛ liffis in abstinence; & þerfor̛ it is not lefuƚƚ to eat flessℏ as þis day." And he ansswerd̛ agayn̛ & sayd̛; "This day I saƚƚ ete fflessℏ as I hafe done hedirtoward̛." And so he did̛. And on̛ þe Pacℏ day it happend̛ mervaluslie with hym̛, for when̛ other trew crysten̛ peple ete flessℏ, evyn̛ be þe dome of almighti God̛ he tuke sucℏ ane vgsomnes with flessℏ, þat he mot not eate it, bod ete fyssℏ. & so he did̛ euer whils he liffid̛ after.

Cesarius tellis how þer was som tyme monkes þat war prestis, and opon̛ þe fastynggang evyn̛ þai satt etand̛ & drynkand̛ in a prest howse vnto mydnyght; and at mydnight þai satt stiƚƚ & ete on̛ as þai had nevur etyn̛ a morseƚƚ. And so when̛ cokkis krew & þai war bown̛ at ryse, þe gudeman̛ of þe howse sayd̛; "Yit we wiƚƚ not parte or we ete somwhatt." & he bad his servand̛ feche þaim a After a, rostid̛, erased. hen̛, "þe beste at þou fyndis sittand̛ next þe kokk̘, & sla hur & roste hur." And he went & fechid̛ hur, & slew hur & skaldid̛ hur & oppend̛ hur. And when̛ he putt in his hand̛ att draw hur, he went he had drawen̛ furtℏ aƚƚ hur guttis, & he drew oute a gre[te] whik tade. And with þat he gaff a grete cry; and þai come aƚƚ & luked̛ whatt hym̛ ayled̛. And he lete þaim se; and when̛ þai saw att þe hen̛-bowels was turnyd̛ in-to a whik tade, þai vnder-stude at þai had servid̛ þe Devuƚƚ & displesid̛ God̛, & þai were aƚƚ confusid̛ & went þer ways. et c̛.

Cesarius tellis how þer was on̛ a tyme, in þe bisshoppryk of Colayn̛, a certan̛ meneya of knyghtis þat was att grete were with a grete lord̛. & þai gaderd̛ þaim samen in-to a strang place & harnessid̛ þaim, & tuke þe keyis & gaff þaim vnto ane of þer servandis, att þai went had bene a trew man̛. And þis servand̛ went & agreid̛ with his maisters enmys, & made þai[m] com̛ at mydday, when̛ þe knyghtis was on̛ slepe; and he oppynd̛ þe yatis & lete þaim com̛ in, and gaff þaim his maisters swerdis MS. swerders. . And þai come on̛ þaim & slew þaim. So afterward̛ þis wrichid̛ traytur was compuncte, & forthoght his dede; & he wente vnto þe pope & shrafe hym̛, and tuke his penance. And ofte sithes he brakk his penance, and euer he went vnto þe popis penytawnser agayn̛, & tolde hym̛. So on̛ a tyme þe penitawncer wax wery on̛ hym̛, and he askid̛ hym̛ if þer war any thyng þat hym̛ selfe wold̛ grawnt to doo for penance. And he said̛, yis, he mott neuer ete garlykk̘. And his confessur bad hym̛ go home, & enionyd̛ hym̛ for his penans þat he sulde neuer whils he liffid̛ eatt garlykk̘; & he grawntid̛ þerto and went home. So on̛ a tyme afterward̛, hym̛ happend̛ com̛ in-to a gartℏ þer garlykk̘ grew, & he began̛ to hafe a liste to eatt þeroff, and he durste not negℏ itt. So on̛ a noder tyme he come vnto þe same gartℏ, & he had sucℏ a luste vnto þis garlykk̘, þat he brakk his penance & tuke þeroff, & ete it raw, þat befor̛ he myght nowder ete raw nor soden̛. And belife after hym̛ for for, omitted and added above the line. -thoght itt, & went vnto þe penytawnser & told̛ hym̛ & he with grete indignacion̛ putt hym̛ from̛ hym̛, & wold̛ enioyn̛ hym̛ no mor̛ penans, bod reprovid̛ hym̛.

Cesarius tellis how som̛ tyme þer was a monk̘ of Ceustus ordur, and hym̛ happend̛ be made a bisshopp̛, and afterward̛ a cardinaƚƚ. So on̛ a tyme hym̛ happend̛ to ride, & emang aƚƚ þe felaship̛ þat was with hym̛ he spak vnto a monk̘ þat was bod lightlie letterd̛, & said̛; "Teƚƚ vs now som̛ gude wurd̛ or som̛ gude tale as we ride." And he excusid̛ hym̛ faste, & said̛ he cuthe nott; & be no mene cuthe he gytt excusid̛. So at þe laste he began̛ att teƚƚ, & said̛ vnto þis cardynaƚƚ; "When we shaƚƚ be dead̛ & broght into paradice, þan̛ saƚƚ Saynt Benett com̛ & take vs in, þat er cullid̛ with grete ioy & myrtℏ. And þan̛ he saƚƚ speke vnto þe, þat is a bisshop̛ & a cardynaƚƚ, & say, 'Whatt erte þou?' And þou saƚƚ ansswer agayn̛ & say, 'ffathur, I am̛ a monke of Ceustus ordur.' And he [saƚƚ say] MS. said̛. , 'Nay, þat erte þou nott; ffor a monke is nott so gaylie arayed̛ as þou erte.' And þan̛ þou saƚƚ alege many thyngis for þe. And þan̛ saƚƚ Saynt Benett giff a sentance, & bid̛ þe porters oppyn̛ þi bodye & luke what at þai fynd̛ þer-in; 'and if ye fynd̛ þar cale & peas & benys, & no noder meatt, latt hym̛ com̛ in with þe monkis: & if ye fynde þerin grete ffissℏ, or delicatt meatis, lat hym̛ stand þeroute.' What may þou þan̛ say, þat now faris so wele, and we far̛ so iƚƚ?" So þis Cardinaƚƚ smylid̛, & commendid̛ hym̛ for his gude tale.

Saynt Gregor̛ tellis of a monk̘ þat hight Theodorus, þat euer fenyd̛ hym̛ as he had liffid in grete abstinens, & in priuatie be hym̛ selfe, he wold̛ evur eate when̛ hym̛ liste. So hym̛ happend̛ to faƚƚ seke, & was bown̛ at dye. And sodanlie he began̛ to cry, & sayd̛ þat þe devuƚƚ in liknes of a dragon̛ swalod̛ hym̛ hand̛ & fute, & put his hede in his mouthe, and swelud̛ his sawle. And evyn̛ in þis saying he deyid̛.

Habitus religionis aliquando a deo inuenitur. Supra Dominici.Habitus monachalis apostate contrito morienti eciam post mortem a deo redditur. Supra de apostatis et infra de voluntate.

Cesarius tellis þat in þe cetie of Attrabicens on̛ a tyme þer was takyn̛ many heretikis; and for drede of dead þai forsuke þer fals title. And þai wiƚƚ prufe þaim with a hate burnyng yrn̛, & þai þat war foun giltie war burnyd̛. And emangis þaim þer was a wurthi clerk̘, and þe bisshopp̛ entretid̛ hym̛ to lefe his heresie, and do penans þerfor̛. And he ansswerd̛ agayn̛ & sayd̛, he knew wele he had errid̛, bod it was to late to do penaunce. And þe bisshop̛ ansswerd̛ hym̛ agayn̛ & said̛, þat verray penans was neuer done ouer late. So þai callid̛ a preste, & he confessid̛ hym̛ of aƚƚ hys synys; & þe hate yrn̛ was in his hand̛, and be þe vertue of confession̛, aƚƚ þe hete of þe yrn̛ vanysshid̛ away, & þer it had burnyd̛ hym̛, sodanlie it helid̛ agayn̛. And þan̛ þai broght hym̛ befor̛ þe iuge, & tolde hym̛ þe matir, & lete hym̛ se how his hand̛ was byrnyd̛ & sodanlie in his confession̛ helid̛ agayn̛. And þus he was savid̛, and aƚƚ þe toder war dampned̛.

Cesarius tellis þat in þe cetie of Argentyne þer was ane heretike, at was purseyvud̛ be burnyng with a hate yrn̛; bod he renayid̛ & shrafe hym̛, & tuke his penance. And when̛ he had done, his wyfe chiddid̛ hym̛ & said̛; "O þou vnhappye man̛! Whatt hase þou done? For þou sulde titter hafe putt þi bodie in a hondretℏ fyris, þan̛ for to recede away fro so provid̛ a faithe." And so be fals cownceƚƚ of his wife, he turnyd̛ agayn̛ vnto his fals error þat he was in befor̛. And onone he was taken̛, & þe hate yrn̛ layd̛ in his hand̛, and it burnyd̛ hym̛, & his wife was burnyd̛ also hir handis, evyn̛ vnto þe hard̛ bonys. And þan̛ þai war lattyn̛ go, & þar̛ handis war so sore at þai might not forbere crying; & þai durst not cry in þe cetie for purseyvyng, & þai went vnto þe wuddis. & þer þai war so turment with þer burnyng, at þai cryed̛ and yowlid̛ as þai had bene wulvis, vnto so mekuƚƚ, at þai of þe cetie fand̛ þaim & broght þaim home, & keste þaim bothe in a grete fyre. And̛ onone þai war burnyd̛ vpp̛ vnto verray assℏ.

Hereticus pretermittens formam non baptizat. Supra de baptismo.Herodis Agrippe. Supra de Augurrio.Herodis nequicia. Infra de nequicia.

We rede in his Legend̛, how þat a pope þat hight Leo was dampnid̛ of heresye, and he gadurd̛ samen to a cownceƚƚ aƚƚ þe bisshopp̛[is]. And þis Hillarius come to þis cownceƚƚ vncallid̛; and þe pope hard̛ teƚƚ att he come, & warnyd̛ at no man̛ sulde rise nor giff hym̛ rowme. And when̛ he come in, þe pope said̛ vnto hym̛; "þou erte Hillarie & a Frawncℏe man̛!" And he ansswerd̛ agayn̛ & said̛; "I am̛ no Franche man̛, bod I am̛ bisshop̛ of France." And þe pope ansswerd̛ agayn̛ & said̛; "And I am̛ Leo, þe pope, and a iustis." And Hillarius ansswerd̛ hym̛ agayn̛ & sayd̛; "Thuff aƚƚ þou be Leo, yitt þou erte noght of þe trybe of Iuda; & þuff aƚƚ þou be a iustis, yitt þou sittis noȝt in þe seate of magestie." Than̛ þe pope wex wrothe, & said̛; "Bide a while vnto I com̛ agayn̛, and I saƚƚ giff þe att þou adlis." And with þat he rase & went his ways. And Hillarius sayde; "And þou com̛ not agayn̛, who shaƚƚ answer for the?" And he answerd̛ agayn̛ & sayd̛; "Dowte not I saƚƚ com̛ agayn̛ onone, and meke aƚƚ þi pride." And he went vnto a seage, & sett hym̛ down̛ þer-on̛ to ease hym̛. And þer he feƚƚ in-to suche a flux, þat aƚƚ his bowels ran̛ oute att his hynderhend̛. And þer he deyed̛ in grete myserie. And in þe mean̛ while þis Hillarius saw att no man̛ rase vnto hym̛, and mekelie he sett hym̛ down̛ opon̛ þe erthe & sayde; " Domini est terra," et c̛. And onone, þurgℏ þe ordinance of allmighti Godd̛, þe erthe att he satt oppon̛ rase vpp̛ als hy as þe toder bisshoppis satt att was aboute hym̛. And þan̛ come tythandis at þe pope was myserablie dead̛. And þan̛ þis Hillarie rase, & confermyd̛ aƚƚ þies bisshoppis in þe trew faytℏ. & þan̛ he wente home agayn̛ in-to his awn̛ bisshoprykk.

Cesarius tellis how MS. hom̛. som̛ tyme þer was a husband̛-man̛, þat had bygand̛ in his howse euer-ilk yere many swalows. So at tyme of þe yere when̛ þai wer bown̛ att goo, he tuke ane of þe old̛ swalows, & he wrate a byƚƚ with þir wurdis þer-in; " O Irundo MS. Irunde. ! vbi habitas in yeme?" & he band̛ it vnto þe fute þer-of, & lete hur goo; for he knew be experiens þat sho wold̛ com̛ agayn̛ þe nexte yere. And so sho flow hur wais with other in-to þe lande of Asie; & þer sho biggid̛ in a howse aƚƚ wynter. And so þis gude man̛ of þe howse on̛ a tyme beheld̛ hur. And he tuke þis burd̛, & lowsid̛ þe biƚƚ, & lukid̛ whatt was þer-in; & he tuke it away, & wrate a noder of þies wurdis; " In Asia, in domo Petri." & he knytt it vnto hur fute, and lete hur go. And sho come agayn̛ att sommer vnto þis husband̛ howse, wℏar̛ sho had bred befor̛; & he tuke hur & lowsid̛ þis biƚƚ, & redd it. & he told̛ þe storie þer-of vnto many men̛, evyn̛ as it had bene a meracle.

We rede in 'Gestis Francorum' how Philypp̛, at som tyme was kyng of France, on̛ a tyme when̛ he saw mynstrallis & iogullurs hafe gay clothyng & grete giftis giffen̛ þaim oute of courte; and he promysid̛ with aƚƚ his harte, þat als lang as he liffid̛, þer sulde no mynstraƚƚ were no clothe at langed̛ vnto his bakk̘. For, he said̛, hym̛ had levur clethe Criste þer-with, or pure men̛, þan̛ for to giff þaim to mynstrallis. "For," he said̛, "it was no noder to giff to mynstrals bod for to offyr to fendis."

Iacobus de Vetriaco tellis how som̛ tyme þer was ane abbott of Ceustus ordur; and when̛ he was a monke, he was a passand hard̛ man̛, & a sparand̛. So hym̛ happynd̛ be made hosteler̛, to kepe gestis in þer ostrie, afor̛ he was made abbott. So on̛ a tyme þer come vnto þis abbay on̛ a day a mynstraƚƚ, & was sett in þe ostrie att dyner. And þis monke servid̛ hym̛ of passand̛ gray bread̛, & thyn MS. thyng. potage, & a little salte; & he had no drynk bod watir. & at evyn̛ he was layd̛ in a uyƚƚ bedd̛, & a hard̛. And opon̛ þe morn̛ þis mynstraƚƚ was iƚƚ plesid̛, & vmthoght hym̛ how þatt he mott venge hym̛ on̛ þis monke at had servid̛ hym̛ so evuƚƚ. So as he went furth of his chamber þer he lay, hym̛ happend̛ to mete with þe abbot, and þis mynstraƚƚ come vnto hym̛ & haylsid̛ hym̛, and said̛; "My lord̛, I thanke you & your wurthie covent of grete cher̛ at I hafe had here, & of grete coste þat I hafe taken̛ of you; ffor yone gude liberaƚƚ monke, your hostley, servid̛ me yistrevyn̛ at my supper wurthelie, with many dyvers costious mece of ffissℏ, & I drank̘ passand̛ gude wyne. And now, when̛ at I went, he gaff me a payr̛ of new butis, & a gude payr of new knyvis, and a poynt to hym̛ þaim with." And when̛ þe abbott had hard̛ þis, onone he went vnto þe closter, & callid̛ þis monke befor̛ aƚƚ MS. repeats, aƚƚ. his covent, & betid̛ hym̛ grevuslie here-for̛, & putt hym̛ furtℏ of his offes for þis mynstraƚƚ saying, þuf aƚƚ he war not wurthi.

Valerius tellis how on̛ a tyme þe cetie of Massalience Lat. MSS. Civitas Massiliensis. wold̛ suffer no mynstraƚƚ com̛ with-in it, & if any happend̛ at com̛, þai wold̛ reprufe hym̛. So þer was a philosophur, & he reprovid̛ þaim of þe cetie þer-of, & tolde þaim þat þai sulde with-in a while hafe war mynstraƚƚs þan̛ þai war. And so it happend̛ with-in a while after, þe cetie was evyn̛ fuƚƚ of common̛ wommen̛; and þan̛ þai purseyvid̛ at it was trew at he told̛ þaim.

Homagium factum est Diabolo. Supra de ambicione, iij. et de amore. iij.Honestas est moribus servanda. Supra de amicicia. iiija. et c̛.

Cesarius tellis how som tyme þer was a yong man̛ þat hight Henrye, & his moder was a wedow & a riche wommon̛. So þis yong man̛ on̛ a tyme keste hym̛ to begile his moder, & sayd̛ vnto hur; "Gyff me aƚƚ þi gudis, at þurgℏ name of þaim I may richelie be marid̛ & gett a gude wyfe; and þou saƚƚ hafe þaim agayn̛ when̛ I am̛ marid̛. And̛ in þe mene while I saƚƚ honestelie provide for þe." And sho grantid̛ to hym̛, & gaff hym̛ it. So belyfe after he was wedd̛, and with-in a while after he was wed̛, hys wyfe garte hym̛ putt hur oute; & so sho had nothyng bod att sho beggid̛ hur meatt, & evur when̛ sho come & compleynyd̛ hur vnto hym̛, he sparrid̛ his eris & wold̛ not here hur. So on̛ a day he & his wife satt at meat to-gedur and his moder come vnto his dure & knokkid̛, & askid̛ meatt for Goddis sake. And he said̛; "Lo! yonder is þe devuƚƚ at cryes at þe dure!" And his moder come in & besoght hym̛ to hafe mercie of hur & giff hur som̛ meatt; & he flate with hur as he had bene wude. So at þe laste he bad a childe go feche þe reuersion̛ of a pulett þat was sett in a kiste, & giff hir it. & þe childe went & lifte vp̛ þe kiste lid̛, & whar̛ þe pullett was on̛ þe platir he fand̛ nothyng bod a wrethyn̛ serpent; & he was ferd̛, & told̛ his maister what he saw. And þan̛ he sente a mayden̛ & bad hur go feche it, & sho come agayn̛ & was iƚƚ flayed̛, & told̛ hym̛ at sho had sene þe same. And he rase vp̛ in a wretℏ hym̛ selfe, & sayd̛; "& þe devuƚƚ lig on̛ þe dubbler, I saƚƚ go feche hym̛." & he liftid̛ vp þe kiste lid̛ & stowpyd̛ vp to take þe platir. & þe serpent clappid̛ aboute his throte, & dubbled̛ evyn̛ aboute his nekk̘; & evur as he eatt, sho ete; and ay þe more at þai laburd̛ to gett hur lowse, þe faster clave sho, vnto so mekuƚƚ at his vesage was so bolnyd̛ at his ene feƚƚ oute on̛ his chekis. & so he liffid̛ xiij yere & more, blynd̛, & alway þis serpent aboute his nekk̘. And he was carid̛ vnto dyvers placis of pylgramege, & cuthe gett no bute. And his moder at þe laste hadd̛ compaciens of his payn̛ & forgaff hym̛, & þan̛ he dyed̛.

Honoratur qui facit quod debet sine accepcione persone. Supra Ambrosij. ijo.

Helinandus MS. Heliandus. tellis of ane þat hight Taurus, þat was rewler of þe cetie of Athenys. So on̛ a tyme þe prince of Crete come vnto Athenys, & broght with hym̛ his son̛ & his ayre. And þis Taurus desyrid̛ þaim to com̛ dyne with hym̛, & so þai did̛. & he bad̛ þe fadur sytt hym̛ down̛, and þe fadur bad his son̛ sit down̛ furste, for cauce at he had a gouernans & a maistershup̛ of þe pepuƚƚ at Rome. And þan̛ Taurus sayed̛ vnto þe prince; "Sit þou furste down̛ befor̛ þi son̛ vnto we examyn̛ þe cauce, whethir is wurthi to sit aboue att the table, þe fathur or þe son̛." And when̛ he was sett, þai sett a chayr þan̛ for his son̛. And þan̛ Taurus sayd̛ to þaim at satt abowte; "In oppen̛ placis, & þer þe son̛ hathe a reule, or a maistershupp̛, or a gouernans abown̛ þe fadur, þer it is semand̛ þat þe fathur suffer þe son̛ to hafe a prioritie. Bod att home, or in oþer privan placis, or in gude felowshupp̛ whar̛ þai walk samen, or etis samen or sittis samen, þer suld̛ aƚƚ publicaƚƚ honor and wurshup̛ sese betwix þe fadur & þe son̛, & þer suld̛ naturaƚƚ curtasy & honor be kepid̛: þat is to say, þar̛ þe son̛ suld̛ wurshup̛ þe fadur or þe mother, & lett for no thyng."

Honorande sunt reliquie sanctorum. Infra de reliquijs.Honore exhibito cor hominis eleuatur et superbit. Supra de augurrio.Honorandi sunt sancti in cantu secundum merita sua. Infra Thome martiris.

We rede in þe 'Life of þe Hermett Saynt Paule' how on̛ a tyme Saynt Anton̛ come to luke how he did̛, & he resayvid̛ hym̛ wurshupfullie. So at tyme of day when̛ þai suld̛ go to meatt, a raven̛ come & broght hym̛ ij smale lavis. And Saynt Anton̛ had merveƚƚ here-of; and þan̛ Saynt Paule sayd̛ vnto hym̛; "Almighti God euer-ilk day hase servid̛ me þus, and þis day He dubbles itt for þi sak̘e." And þan̛ betwix þaim þer was a meke stryfe whethur of þaim suld̛ blis þe brede; and Paule bad̛ his oste do it, & he bad hym̛ do itt. So at þe laste þai put bothe þer handis þerto & did it to-gedur; and̛ þan̛ þai partid̛ þe brede evyn̛ betwix þaim.

We rede how on̛ a tyme when̛ þe Normondis destroyid̛ France, the bodie of Saynt Martyn̛ was translatt vnto þe cetie of Antysiodorence; and þer, for grete mervals & meracles at it did̛, þer was grete offrand̛ made therto. So þer feƚƚ a grete debate be-twix þe men̛ off Turans St. Martin's body had been translated from Tours; St. German's remains were at Antisiodorens=Auxerre. & of Antisiodorens, for skiftyyng of þis money betwix þaim. So þai made a counand̛, at þai suld̛ take a lepre man̛ & lay hym̛ aƚƚ nyght betwix þe bonys of Saynt̛ Martyn̛ & Saynt German̛, at luke be vertue of wheþer of þaim he was curyd̛, & þai to hafe þe money; and so þai did̛. & on̛ þe morn̛, when̛ þai come & lukid̛ hym̛, þat side at was next Saynt Martyn̛ was curid̛ & hale, & þe tother syde was lepre; & þan̛ þai turnyd̛ & layd̛ þe sare syde to Saynt Martynward̛, & þe hale syde vnto Saynt̛ German̛ward̛. And on̛ þe toþer morn̛ he was hale ouer aƚƚ his bodie. And þus þe men̛ of Turence had þe offrand̛.

Honorare se mutuo debent omnes eiusdem status. Infra de Reuerencia.

Cesarius tellis how þat in ane abbay of Saynt Saluaturs, of Ceustus ordur, þer dyed̛ a damyseƚƚ of þe age of x yere or mor̛. So opon̛ a day when̛ aƚƚ þe covent of þe nonnys stude in þe where at þer serves, sho come vp̛ in-to þe where & lowtid̛ up̛ vnto þe altar; & þan̛ sho went vnto þe place þer sho was wunte to sytt in, & bade þer stiƚƚ to sho had said̛ evynsang & commendacion̛ of our̛ Ladie. And att þe colett sho bowed down̛ vnto þe erthe, & when̛ it was done sho went hur wayis. So þer was a noder damyseƚƚ of þe same age, þat hight Margrett, þat satt next hur; & sho saw hur & teld̛ þer abbatis aƚƚ at sho had sene, & [t]he Abbatis bad hur þat, & scho come agayn̛ on̛ þe nexte day, sho suld̛ aske hur how it stude with hur. And on̛ þe morn̛, at þe same howr̛, sho come agayn̛, and þan̛ þis Margrett sayd̛ vnto hur; "Gude suster Geretrude, fro whens come þou, & what duse þou now here at vs when̛ þou erte deade?" And sho ansswerd̛ agayn̛ & sayd̛; "Suster, I come hedur to make satisfaccion̛, for I rownyd̛ oft sithis with þe in þe where in serves-tyme, & said̛ not oute þe wurdis fuƚƚ. And þerfor̛, in the same place þer I truspasid̛, am̛ I commanddid̛ to come & make a sethe. And þer-for̛ be þou war of rownyng in þe where, at þou suffer not þe same payn̛ when̛ þou erte deade." And opon̛ þe iiij day sho said̛; "Suster, now I trow þat I hafe fulfillid̛ my penance, & fro hyne furthe þou saƚƚ se me no mor̛." And þus sho was had vnto hevyn̛ with aungeƚƚ-sang. et c̛.

Hore non sunt pretermittende. Supra Augustini. ij.

Cesarius tellis how þat in Spayn̛, in ane abbay of þe ordur of Ceustus, was þer a yong monk̘ þat was passand̛ devowte in saying of our̛ Ladie serves & hur howres, vnto so mekuƚƚ þat not alonelie att euer-ilk vers, bod at euer-ilk wurd̛ at he said̛, he had mynde of hur; and þis he vsid̛ many day with grete labur. And when̛ he had̛ vsid̛ þis xvj yere, hym̛ happend̛ faƚƚ seke and drew to deadward̛. And a bruther of his askid̛ hym̛ how he did̛, and he said̛, wele, and̛ told̛ hym̛ þat our Lady Saynt Marie had visett hym̛ & tolde hym̛ þat he sulde dye opon̛ þe vij day after þatt, and go vnto hevyn̛. And he told̛ hym̛ þat our Lady sayd̛ vnto hym̛, þat for gude serves & trew at he had done hur, sho sulde do vnto hym̛ þat sho did neuer vnto no noder. And with þat sho tuke hym̛ abowte þe nekk̘ and kissid̛ hym̛. And on̛ þe vij day, as he told̛ þaim, he deyid̛, & passid̛ vnto God̛ with a grete sang of angels. et c̛.

Saynt Gregur tellis how som̛ tyme þer was a husband̛-man̛ whilk þat vsid̛, & aƚƚ his howse-meneya, gretelie to herbar pure folk̘; and he vsid̛ ilk day to hafe att his burde owder pylgrams or pure men̛. So on̛ a day þer was a pylgram̛ emang þe pure men̛, and so as he was wunt to do he servid̛ þaim of watir; & when̛ he suld̛ take þe lavur & powr̛ watir on̛ þis pylgram̛ handis, sodanlie he was away. And he lukid̛ abowte for hym̛, & cuthe not fynd̛ hym̛; and he had grete merveƚƚ here-off. And þe same night when̛ he was in his bed̛, almighti God̛ apperid̛ vnto hym̛ & said̛; "Other dayes þou hase reseyvid̛ me in my membrys, and yisterday þou receyvid̛ [me] to þine hoste in myne awn̛ person̛." et c̛.

Cassianus tellis how on̛ a tyme when̛ he & other war samen in þe land̛ of Egipte, þai fastid̛ not on̛ þe Fryday. And so þer was certayn̛ persons þat askid̛ hym̛, whi he and̛ his felowshipp̛ brak þer faste so as þai did̛. And̛ he ansswerd̛ agayn̛ & said̛; "I faste always, for I hafe not halfe meate enogℏ; & þerfor̛, be way of charite, & for to gar my felows eate at þai be strong to do þer pylgramege, I breke my faste to make þaim at eate when̛ þai wold̛ nott."

Cesarius tellis how som tyme ther was ane Abbott of þe Blak Ordur, þat was passand̛ mercefuƚƚ in hospitalitie, & anence pure men̛. And he helde servandis evyn̛ therefor̛, & ay þe more att he gaff in hospitalitie or to pure men̛, ay þe mor̛ God blissid̛ his howse, and multiplied þe gudis þerof. So hym̛ happend to dye. And after his dead̛, his successur was covatus, & he putt oute þies offisurs at his predecessur had ordand̛ to do warkis of mercy. And þe charitie at was giffen̛ vnto pure men̛ in þe toder abbott dayes, he withdrew itt, and herefor̛ almighti God with-drew His hand̛; & he put in offisurs at war hard & strayte, & wald̛ vse none hospitalitie, for he sayd̛ it was ane vndiscrete defawte. And with-in a while his cornys faylid̛, so þat he & his brethir had skantlie at þai myght eate. So vppon̛ a day a man̛ happend att com̛ & askid̛ hospitalitie, and þe porter tuke hym̛ in privalie, & with grete ferdnes, of suche littiƚƚ meat as he had with-in hym̛, he servid̛ hym̛ & said̛ vnto hym̛; "Now it is so þat I may serve þe of na bettyr meatt, þuff aƚƚ I hafe som tyme sene in þis place þat, & a greate bisshopp̛ had commen̛ hedur, he sulde hafe bene reseyvid̛ with greate habundans & plentetℏ." And þis pure After pure, p, erased. man̛ ansswerd̛ hym̛ agayn̛ & sayd̛; "Two brether er putt oute of þis place, and þe tone was callid̛ Dare, and þe toder Dabitur; and vnto þies two com̛ agayn̛ saƚƚ neuer plentie nor weltℏe be in þis monasterie." And with þatt, sodanly he vanysshed̛ oute of his sight. And þis porter went vnto þe abbott & þe covent, and told̛ þaim. And þai tuke þaim to cownceƚƚ att þai wald̛ resume hospitalite, & giff almos agayn̛ as þai war wunte. And so þai did̛; and onone almighti God blissid̛ þaim, & þai had als gude plentie as evur þai had afor of corn̛ & aƚƚ oþer gudes.

Hospites sunt honorandi. Supra de honore. ij & iij.

Sigilbertus tellis how a town̛ þat hight Anthiochia was subuertyd̛ be þe sande of God̛, and be þis maner of wyse. Ther̛ was a cetysyne þerof þat was so giffen̛ vnto hospitalite and almos-dede, to so mekuƚƚ þat he wolde neuer day eate with-oute a pure man̛ or a geste. So on̛ a day hym̛ happend̛ go þurgℏ þe cetie to it was nyght, to sek̘e owder̛ a pure man̛ or a geste to eate with hym̛, and he cuthe fynd̛ none. So att þe laste he fand̛ a fayr olde man̛ standyng, & two felos with hym̛, in þe myddeste of þe cetie. And he prayed þaim com̛ & be his hostis & eate with hym̛; and Harl. MS. Hoc responsum accepit ab eo; "Non poteras, o homo Dei, cum vostro Simeone hanc urbem saluare ne subuerteretur?" he ansswerd̛ hym̛ in þis maner of wyse & said̛; "O, þou man̛ of God̛! þou may not with our Symond̛ safe þis cetie at it be not subuertid̛." And with þat he keste þe sudurye at he held̛ in his hand̛ opon̛ þe tone halfe of þe cetie, & onone þat halfe & aƚƚ þe howsis þerof & þai þat dwelte in þaim was destroyed̛. & he tuke agayn̛ his sudarie and wolde hafe casten̛ it on̛ þe toder halfe, and vnnethis his felows myght restren̛ hym̛ to spare it; and with þat he vanysshid̛ away. And þis was done, & þan̛ þe man̛ was passand̛ ferd̛ & went home vnto his howse, & fand̛ safe & thankid̛ God þer-of. et c̛.

Hospitalitate aliquando Deus recipitur. Infra Iuliani.

Cassianus tellis in þis maner of wise & says; "Som tyme þer was a halie man̛ þat tuke me to hoste & refresshid̛ me, & spirrid̛ me & exhortid̛ me what I wold̛ eate. And I answerd̛ agayn̛ & sayd̛ I myght not eatt. And þan̛ he ansswerd̛ & sayd̛; 'þis day I hafe sett þe burd̛ to dyvers brether vij sythes, & desyrid̛ þaim att ete Harl. MS. hortansque singulos, cum omnibus cibum sumpsi. , and yit I am̛ hongrie. And þou, at yit ete no þing, says now at þou may nott eate.' And on̛ þis MS. repeats, þis. maner þai war wunt in commyng of þer brether for to solve þer faste, and in refeccion̛ of þaim þai helde it a charitiable contynans." et c̛.

We rede in þe 'Legend̛ of Saynt German̛ of Antissiodorens,' how on̛ a tyme when̛ Saynt German̛ prechid̛ in Britannye, and þe kyng denyed̛ hym̛ a benyfice, þat was to say, meat & drynk̘ & herber̛. So þe kyngis nowte-hard̛ come home with his cateƚƚ fro þer pastur, & tuke provand̛ in þe kyngis pales to his cateƚƚ, & had it home vnto his tofaƚƚ at he dwelte in. And he was war of Saynt German̛ & his felos sare laburyng, & war passand̛ calde & hongrie; and he reseyvid̛ þaim buxsomly into his place. And he had no calfe bod one, & þat he slew vnto þer supper. And when̛ þai had suppid̛, þis holie man̛ gadderd̛ samen þe bonys of þis calfe in þe skyn̛ þer-of, and̛ onone, at his commandment, þis calfe rase agayn̛ whik̘. And on̛ þe day next after, he went vnto þe kyng, and askid̛ hym̛ whi he denyed̛ meat & hospitalitie vnto Saynt German̛ & his felows, and þis kyng was so astonyd̛ þat he cuthe not ansswer hym̛. And with þat he bad hym̛ go furthe, & lefe his kyngdom̛ vnto a better man̛ þan̛ he was. And þan̛ Saynt German̛, be þe commandment of almyghti God̛, made þis nowterd̛ & his wife to com̛ aforn̛ hym̛; and, at aƚƚ men̛ had wonder of, he made hym̛ kyng. And evur sethen̛, þe kynges þat come of þe nowtherd̛ kynred̛ hase reingned̛ vppon̛ þe pepuƚƚ & þe land̛ of Brytany. et c̛.

Hospitalitas non propter Deum facta parum valet. Infra de intencione. Hospitis curialitate et libertate multi abutuntur. Supra de detraccione.Hospes male receptus aliquando vindicat se de recipiente. Supra de histrionibus.Hospicio receptus debet circa se et sua esse cautus. Infra Iacobi. ij.Hospicio recipitur Deus sub specie leprosi. Supra de compassione.Humilitas est semper in omnibus obseruanda. Supra de fatuitate.

We rede in 'Vitis MS. Vitas. Patrum' how on̛ a tyme when̛ Macharius went furtℏ of his ceƚƚ, þe devuƚƚ come on̛ hym̛ with a ley & walde hafe smetyn̛ hym̛, & he myght noght. And þan̛ he cried & said̛; "Thow Macharie ! Thow fastis oþer-while, & I am refresshid̛ with no maner of meate; & þou wakis oft-sithis, and I slepe neuer. And yit þi mekenes alonelie ouercommys me." ā.

Humilis verus humilia de se sentit. Infra de timore.Humiliandi sunt iuuenes per disciplinas. Infra de iactancia.Humiliari debet homo ex consideracione sui. Supra de ambicione. ij.Humilitas eciam a corporali morte liberat. Infra de misericordia. i.Humilitas eciam in potentatibus huius seculi inuenitur. Supra Ambrosij. Humilitatem ostendere debent religiosi eciam in persecucione iuris MS. viris. sui. Infra de Religiosis.

Saynt Gregor̛ tellis of a holie man̛ þat hight Constantinus, & he was passand̛ litle of person̛ & of a feble makyng. So on̛ a tyme a buxtus man̛ come fer fro vp o land̛ to se hym̛, and when̛ he saw hym̛, at he was so febuƚƚ & of so little a statur, he trowed not at it had bene he; notwithstandyng ilk man̛ tolde hym̛ at it was he. And he dispysid̛ hym̛ & skornyd̛ hym̛, & said̛; "I trowed̛ at þis man̛ had bene a grete man̛, and he hase nothyng of a man̛." And onone as þis holie man̛ hard̛, onone he hawsid̛ þis buxtos man̛ & said̛; "þou alonelie is he þat hase had in me þine een̛ oppyn̛ & sene me." Be þe whilk þing it is for to trow what meknes he had, þat so luffid̛ þis buxtus man̛ þat despysid̛ hym̛ & set hym̛ at noght befor̛; ffor be þe language at was sayd of hym̛ myght men̛ se what mekenes he had.

We rede in his 'Meracles' how xxx men̛ of Lothoringia come vnto Saynt Iamys, & þai aƚƚ bod one made hym̛ a privey athe of serves. So one of þaim feƚƚ seke, & his felows bade [with] hym̛ xv dayes; neuer-þe-les þai lefte hym̛ behynd̛ þaim, and þer wolde none at bade with hym̛ bod he þat was not sworn̛ to kepe felowshup̛: & he bade with hym̛ & kepid̛ hym̛ stiƚƚ at þe fute of þe Mownt Saynt Micheƚƚ, & þer on̛ a day he dyed̛. And onone Saynt Iamys [com] & comfurthid̛ þe whik man̛. And he had a gude hors, & he bad þis whik man MS. may. lay þe dead man̛ ouerthwarte befor̛ hym̛, & lepe on̛ hym̛ selfe behynd̛ hym̛; and so he did̛. And opon̛ þat night þai went xv day iorney and come ad Montem Gaudii, whilk þat is bod halfe a lewke fro Saynt Iamys, and þer þai lightid; & he bad hym̛ charge þe chanons of Saynt Iamys to bery þis pilgram̛. And he bad hym̛ teƚƚ his felows þat, for þai had broken̛ þer faithe, þer pylgramege was no wurtℏ nor of no valew. And he did as he was biddyn̛ & tolde his felows as Saynt Iamys had chargid̛ hym̛, & þai had grete wonder þeroff.

We rede in his 'Meracles' how þat a Duche-man̛ & his son̛, abowte þe yere of our̛ Lord̛ M ƚ xx, went vnto Saynt Iamys. And in þe cetie of Thososti Lat. MSS. in urbe Tolosa. a syluer pece was put in his skripp̛ MS. skipp̛ privalie, at he wiste not off; and on̛ þe morn̛ þai went þer wayis. And þer oste folowed þaim & tuke þaim as thevis; & he oppynd̛ þer skrip̛, & onone he fande þis syluer pece, and þan̛ þai war broght befor̛ þe iuge. & onone þe sentans was giffen̛ þat aƚƚ þat þai had sulde be giffen vnto þer oste. & þe tane of þaim was demyd to be hangid̛, & þe fadir wold̛ hafe dyed̛ for þe son̛, & þe son̛ for the fadur; bod neuer-þe-les þe son̛ was hanged̛. And þe fadur made grete sorow & went his ways on̛ to Saynt Iamys. And xxxvj dayes he come agayn̛ þer away, & come vnto þe galos þer his son̛ hang, & wepid̛ & made mekle sorow. And his son̛, þat hang, spak & began̛ to comfurtℏ hym̛, & said̛; "Swete fathir! Wepe noght! ffor it was neuer so wele to me; ffor Saynt Iamys beris me yit vp̛, & fedis me with hevynlie swetnes." And when̛ þe fadur hard þis, he ran̛ vnto þe cetie & tolde þe pepuƚƚ how it was; and þai come & tuke down̛ þis pylgrem̛ son̛ hale & sownd̛. & þan̛ þai tuke his oste & hanged hym̛, when̛ he had grauntid how he had done.

Hugo de Sancto Victore tellis how on̛ a tyme þe devuƚƚ apperid̛, in liknes of Saynt Iamys, vnto a pylgram̛ þat was bown̛ to Saynt Iamys, & said̛ þat he sulde be passand happie & so wer he wolde, for honor of hym̛, sla hym̛ selfe. And he onone, as he bad hym̛, tuke his swerd̛ & slew hym selfe þer he was hostid̛. And when̛ his oste fande hym̛, he was passand̛ ferd̛ to be suspecte for hym̛. And with þat, he þat was dead̛ turnyd̛ vnto life agayn̛, & said̛ þat when̛ þe devuƚƚ wolde hafe drawen̛ hym̛ vnto payn̛, Saynt Iamys come and delyverd̛ hym̛ & broght hym̛ befor̛ a iuge. And be þe sentance of þat iuge he was restorid̛ agayn̛ vnto life, & his wownd̛ helid̛, þat ilk man̛ might se itt.

Hugo Clunacensis tellis how on̛ a tyme þer was a yong man̛ þat went in pylgramege vnto Saynt Iamys. And hym̛ happend to do fornicacion̛ be þe way. And þe devuƚƚ apperid̛ vnto hym̛ in fygur of Saynt Iame, & reprovid hym̛ for his fornicacion̛ & said̛ þer-for̛ his pylgramege was na wurtℏ. And he cownceld̛ hym̛ for Goddis sake and his, to cutt of his membris and so to kyƚƚ hym̛ selfe; and he did so, & was dead onone. And onone his sawle was takyn̛ with fendis; & þurgℏ þe merettis & prayers of Saynt Iamys, onone it was delyverd̛, & þe bodie restorid̛ agayn̛ vnto life and hale, safeyng onelie hym̛ wantid his membrys euer after.

Seuerus. He tellis how on̛ a tyme þer was ij brethir, & þat one was of xv yere age, & þe tother of xij yere; and as þai went samen in wyldernes, þaim happend̛ mete with a passyng grete neddur. And þai war bathe men̛ of religion̛ in ane abbay. And þe les of þaim tuke vpp þis nedder in his hand̛, & wappid̛ it in his skyrte, and come home þer-with. And̛ befor̛ aƚƚ his brether he putt it oute of his skyrte, & lete þaim se how þat it had hurte hym̛ nothyng. And þar̛ After þar̛, p, erased. brether tellid̛ it ilkone vnto other, & said̛ it was be faitℏ & vertue att Godd had giffen̛ þaim at it hurte þaim nott. So þer Abbott was a passand̛ wyse man̛, & þurgℏ grete cownceƚƚ he tuke a wand̛ and skowrid̛ þaim bathe, & blamyd̛ þaim þat þai lete þe vertue at God had giffen̛ vnto þaim be knawen̛; to þe entent þat þer yong elde sulde nott wax wanton̛ nor prowde, bod at þai sulde rather seryff God in mekenes þan̛ for to hafe a ioy or a cumfurtℏ of sucℏ vertue as God had giffen̛ þaim.

Iactantia in verbis vitanda est. Infra de presumpcione. ij.Iactant se aliqui de virtutibus. Infra de obediencia. ix et x.Ieiunium eciam cum quadam violencia est implenda. Supra de abstinencia. vj.Ieiunio possunt adaptari omnia que supra dicuntur de Abstinencia, et multa que dicuntur infra de oratione et supra de cibo.Ieronimi. Infra de leone asini custode.Ignacij MS. Ignasij. martiris Infra de nomine.

As Helinandus tellis, when̛ Harl. MS. Cum Homerus poeta aliquando in quadam insula uenisset, proposuerunt ei naute quamdam questionem facilem. þe poett Omerus & many other shypmen̛ apon̛ a tyme war purposid̛ for to com̛ in-to ane yle, þe shipmen̛ putt vnto hym̛ a light question̛. et c̛.

vt supra de confusione. i.Ignorans clericus aliquando audacior est quam sciens. Supra de ceco.Impedimentum. Impedit Deus aliquando malos aliquos ne impleant quod facere poterant vel precogitabant. Infra de signis.Impeditur raptor oratione et compellitur restituere. Infra de Raptore nocturna.Impedit communionem MS. communione. pollucio nocturna aliquando. Infra de pollucione.Imperator iudicium sine causa inferre non debet. Infra de Iudice. iiij.Imperator obedire debet prelatis ecclesie. Supra de Ambrosio.Imperator honorare debet personas ecclesiasticas. Supra de celare. ij.Imperator eciam proprio filio in iudicio non parcit. Infra de Iusticia.Imperatrix per beatam virginem de infamia liberatur. Infra de Regina.Impetracio. Impetrat beata Maria vitam eciam dampnatis. Infra de Maria.Impetracioni possunt multa adaptari que dicuntur de oratione. iij.Impetratur peccatoribus gratia oracionibus. Infra de oratione.

We rede in 'Legenda Lombardica' how on̛ a tyme a legatt of þe courte of Rome gatt a grete pardon̛ vnto his fadur, þat was dead̛, of þe pope. And he sent þer-with a wurthi knyght in-to the contre of Albygensis to a kurk þer his fadur lay; & þis knyght taryd þer-with aƚƚ a lentren̛. And þis done, vppon̛ a nyght his fadur aperyd̛ vnto þis legatt, clerar þan̛ any light, and thonkid̛ hym̛ hartelie for his pardon̛ at he was delyverd̛ by.

Heraclides tellis how som tyme þer was a preste þat had a doghter, and sho happend to be corrupte & be with childe; and sho put þe cryme þer-of apon̛ a dekyn̛, & made a lye on̛ hym̛. And þe bisshopp̛ & þe preste hur fadur sent after hym̛, & inquyred hym̛ þerof; and he denyed itt. And þe bisshopp̛ wax wrote þerwith, and said̛ þat he was bod a lyer; and þe clerk̘ ansswerd̛ agayn̛ & said̛; "For suthe, sur, I hafe sayde as it is in my consciens, and ye wold̛ here me now; for it was not I þat did̛ þis dede." And when̛ he had þus said̛, þai putt hym̛ oute of his dekynshup̛, and garte hym̛ wedd hur. And he commendid hur vnto a monasteri & hym̛ selfe was closid̛ vp̛ in a ceƚƚ; & þer, with grete prayers & wepyngis he besoght God at þe treutℏ mott be knawen̛. And when̛ þe day of hur byrtℏ drew nere, sho traueld̛ vij dayes to-gedur, & was hugelie vexid̛ with grete paynys, so mekuƚƚ þat sho mot nowder eate, nor drink, nor slepe, bod trowed hur selfe verelie at sho sulde dye. And sho was passand̛ ferd̛ at sho sulde be dampnyd̛, and þan̛ sho began̛ to cry horrible & sayd̛; "Wo is me, wriche! for I am̛ fallen̛ into a dubble periƚƚ. Furst, for I hafe loste my maydenhed̛; and þe secund̛, I hafe putt a fals cryme vppon̛ þe Deken̛." And þe susters of þe place hard̛ hur, & went to þer prayers for hur, at God wold̛ vuchesafe at sho mot be delyver; bod it profett nott, vnto so mekuƚƚ þe bisshopp̛ sent vnto þis Dekyn̛ & bad hym̛ pray for hur. Bod he wolde nott here þe messangers, nor giff þaim none ansswer. So at þe laste þe bisshop̛ come vnto hym̛ and bad hym̛ lowse þat he had bun̛. And at þe bisshoppis commandment he prayed̛ for hur, & onone sho was delyver. And on̛ þis maner of wyse þis dekyn̛ was purgid̛ of þis defame, & restorid̛ agayn̛ vnto his offes.

Infamat aliquando meretrix quos ad peccatum trahere non potest. Infra de meretrice.

Prudencius tellis in þe 'Life of Iohannes Damascenus' how at þis Iohannes was a passand̛ holie man̛ emang his brethir, & a mayden̛, and passand devowte vnto our̛ Ladie; and bothe in Grew & in Latyn̛ he was passandlie wele lernyd̛, in wrytyng & endytyng and syngyng. So on̛ a tyme hym̛ happend be taken̛ with þe Sarrazens, and þat lord̛, þat happend̛ to hafe hym̛ in his parte, had a son̛. And þis Iohannes Damascenus lernyd̛ hym̛ so in writyng & in endytyng & in syngyng, and in other þingys þat perteynyd̛ vnto þis sciens, so þat in writyng, in endytyng, & in voyce, his werk semyd̛ no noder bod at it had bene þis Iohannes Damascenus his maister. So the Emperour Theodosius send for hym̛ & payed his rawnson̛, & borowd̛ hym̛; & his disciple wold̛ hafe gone with hym̛, & he wold̛ not latt hym̛. And ffor envy here-of this his his, omitted and added above the line. disciple, with-in a few yeris after, endityd̛ a After a, luru, erased. lettyr & wrate þer-in treson̛ of þe Emperour̛, & how he was in purpos to destroy hys roalm̛; and þis lettre he garte hafe privalie vnto Constantynople, & caste it in þe Emperours pales. And onone, as it was fon̛ & redd̛, þe maner & þe form̛ of þe lettir & of þe endytyng was knowen̛, at it was of þis Iohannes Damascenus. And þe Emperour when̛ he saw it accusid̛ hym̛, & þer he was taken̛ & fowle farn̛ with & callid̛ traytur. And when̛ þe lettre was shewid̛ hym̛, he ansswerd̛ & said̛; "Forsuthe, surs, þis I knaw wele is þe form̛ of my wrytyng & of myne endytyng, bod God I take to witnes þat I did it noght." And aƚƚ men̛ wondred & cryed on̛ hym̛ becauce he wolde not say þe treutℏ & graunt, & þai cryed̛ & sayd̛ he was wurthi to dy; & þer he was broght befor̛ þe iuges. And becauce he was þe Emperour̛ cussyn̛ þai wold̛ not deme hym̛ to dy, bod þai demyd̛ at his hand̛ at he did þis trispas with sulde be cutt off. And when̛ þis was done, in reprefe of þis felony at þai trowed þat he had done, his hand at was cut off, þai hang it in his awn̛ kurk. So on̛ þe night after, þis Iohannes Damascenus with a hand̛ come befor̛ a speciaƚƚ ymage of our̛ Lady, & barid̛ his wownd̛ & shewid̛ hur his arm̛. And mekelie he flate with hur & said̛ in þis maner of wyse; "Behalde, swete lady! What rewardis is of vs þi servandis? Behold̛ our̛ reward̛! Lady, þow hase willid̛ me, a synner, þi servand̛, for my reward̛ to suffre suche a turmentrie, at þou sufferd þe instrument of þine offes for to be þus cut off. For þis hand̛ at is cutt off wrate oft sythis sangis of þi lovyng, & oft sithes sacred̛, & offerd̛ þe flessℏ & þe blude of þi son̛." And when̛ he had þus made his complaynt & his prayers, he went vnto his bed̛; and as he was halfe slepand̛, halfe wakand̛, þe blissid̛ mayden̛, our Lady Saynt Marie, apperid vnto hym̛ with grete light & a gude chere, & said̛ vnto hym̛; "My trew childe, what duse þou?" And he ansswerd̛ agayn̛ & sayd̛; "Allas! Lady, wharto askis þou me? For rather I sulde aske þe whar̛ þou was when̛ I sufferd̛ þis. Behald̛, Ladie, how, bathe to þi shame & myne, þi hand of þi servand̛ at was cutt of is hongen̛ vp in þe kurk." And þan̛ sho ansswerd̛ agayn̛ & sayd̛; "Son̛, be of gude comfurtℏ in God̛!" And þis said̛, evyn̛ att he myght see, sho went into þe kurk̘ & broght his hand̛ fro thens, & restorid̛ it agayn̛ vnto þe arm̛ & made it hale. And he held̛ vp his handis & thankid̛ hur, & with þat sho vanysshid̛ away. And on̛ þe morn̛ he rase & callid̛ samen his brethyr, & shewid̛ þaim his hand̛; and onone, with a mery voyce & a lowde, he began̛ our̛ Ladie mes. And on̛ þe morn̛, when̛ þe Emperour̛ hard̛ teƚƚ of þis meracle, he come on̛ his fete vnto hym̛ & sett hym̛ down̛ on̛ his kneis, and kyssid̛ his hand̛, and askid̛ hym̛ if he knew any þat had his maner & form̛ of writyng & endityng. And he told̛ hym̛ how þat he had lernyd one it; and þan̛ þe treutℏ was serchid & it was fon̛ who it was.

We rede ex 'Gestis Beati Amandi' how þat when̛ þe kyng of Fraunce had no chylde, he made a grete prayer vnto Allmiȝty God̛, & God̛ sent hym̛ one. And when̛ it was born̛, he vmthoght hym̛ whome he mot make to baptys itt. And so þis Amandus come in his mynde & he made hym̛ to baptis it. And when̛ it was namyd̛ & crystend̛, þe childe ansswerd̛ þat aƚƚ myght here, and said̛, "Amen!"

We rede in þe 'Legend of Symond & Iude' how on̛ a tyme a dukis doghter happend̛ to do fornycacion̛, & was with childe. And sho putt it vppon̛ a dekyn̛, and hur fadur tuke þis dekyn̛ & wolde hafe putt hym̛ to dead̛. And þe Apostels Symond̛ & Iude askyd when̛ þe childe was born̛, and it was ansswerd̛ þaim & said̛, þat same day in þe mornyng. And at commandment of þe apostels, þis dekyn̛ & þis childe was fechid̛ afor þaim. And þe apostels sayd̛ vnto þis yong child̛, "In þe Name, speke, þou yong childe, & teƚƚ if þis dekyn̛ did þis trispas!" And þe yong childe ansswerd̛ & said̛, at aƚƚ men̛ mot here; "þis dekyn̛ fylid̛ neuer his flessℏ with lichorye." And þan̛ þis duke besoght þaim to spur who did þis trispas. And þe Apostels ansswerd̛ agayn̛ & sayd̛; "It is owr̛ parte to excuse þaim þat er innocentis, and not for to discure þaim þat er mysdoers."

Saynt Bede tellis in 'Gestis Anglorum' how þer was a man̛ þat was dead & restorid̛ agayn̛ vnto life, abowte þe yeris of our̛ Lord̛ cccc vj. And he was so ferd̛ for paynys þat he had sene, þat he fled in-to wyldernes, & þer biggid̛ hym̛ a ceƚƚ beside a grete watir. And he wolde gang in-to þe watir with his clathis on̛ vp to þe nek̘, and þan̛ he wold̛ com̛ vp̛ & latt þaim frese on̛ hym̛ vnto his flessℏ. And þan̛ onone he wolde go into a hate batℏ, & þus evur whils he liffid̛, he sufferd̛ ay þe tone after þe toder vnto he dyed̛. And when̛ þai MS. þat. att saw hym̛ reprovid̛ hym̛ whi he did so, he ansswerd̛ þaim agayn̛ & sayd̛; "And ye had sene þat I saw, ye wold̛ hafe done þe same with me þat I did̛." et c̛.

Infernalis meditacio. Supra de Apostasia.

We rede in 'Libro de Dono Timoris' a grete meracle & a solempne, how som̛ [tym] at Parissℏ, a scolar þat was dead̛, in a garthyn̛ apperid̛ vnto his maister, and shewid̛ hym̛ þe payn̛ of heƚƚ att he was dampnyd̛ vnto in þis maner of wyse; he lete a drope of hys payn̛ faƚƚ of his After his, maister, erased. fynger apon̛ his maister hand̛, whilk þat evyn̛ furtℏ-with a grete warke went þurgℏ his hand̛. So þat evur after vnto he dyed̛ þer was ay a hole þurgℏ his hand̛.

We rede in 'Vitis Patrum' how on̛ a tyme as Macharius went in wyldernes he fand̛ a dead mans head̛, and he had grete mervayƚƚ whose it was. And he commandid̛ it to spek & teƚƚ hym̛, & so it did̛, and sayd̛ it was a prestes head̛ þat was a gentyle, þat was vncristend̛. And he askid̛ it whar̛ þe saule þer-of was in payn̛. And it ansswerd̛ agayn̛ & sayd̛ þat it was in heƚƚ, als depe as is fro hevyn̛ vnto erthe, & he said̛ þat it was als depe vnder-nethe hym̛. And þer he sayd̛ wer fals cristen̛ men̛. And a noder tale like þis tellis Saynt Gregur in his 'Dialoggis' of a grete man̛ þat hyght Reperatus; and on̛ a tyme he was kepyd̛ as dead̛ & sodanly turnyd̛ vnto life agayn̛. & he tellid̛ how þat he had sene a grete kyngdom̛ and it was aƚƚ coverd̛ ouer; and hym̛ thoght þe heght þer-of was als hy as is fro hevyn̛ vnto ertℏ.

A tale like vnto þe same tellis Saynt Gregur̛, how on̛ a tyme þer was a fond̛ womman̛ þat somwhatt vnderstude Latyn̛. And on̛ a tyme as sho was in þe kurk at a Dirigie, sho harde þaim syng; " In inferno nulla est redempcio." And when̛ sho had hard̛ it, sho cryed̛ with ane horrible voyce & sayde; "I wiƚƚ neuer com̛ þer, ffor þat is ane iƚƚ place for me to putt my truste in." et c̛.

Infernalis pena intolerabilis MS. intollerabilis. est. Supra de conuersione.Infernales pene horribiles sunt ad videndum. Infra de sciencia nigromancie. et c̛.Infernales pene viuis MS. vicijs. Harl. MS. viuis. aliquando ostenduntur. Supra de cruce signatis, v., et infra de sciencia nigromancie.Infernales pene sunt multiplices. Supra de elemosina, xj.Infideles minus puniuntur in inferno quam mali Christiani. Infra de Christianis. Infideli defuncto valuit oracio Sancti. Infra de oracione, iiij.Infidelis a deo occiditur. Infra de vindicta, v.Infidelis aliquando bonas leges condit. Infra de lege, j.

Saynt Gregor̛ tellis in his 'Dialoggis' how som tyme þer was a man̛ þat hight Seruulus, and he was passand pure of gudis, bod he was riche of merettis. And aƚƚ his lyfe-tyme he lay alway in þe peralysye, þat he neuer rase oute of his bed, nor neuer put his hand vnto his mowthe, nor neuer myght turn̛ hym̛. And his moder and his bruther come vnto hym̛ to kepe hym̛ & seryff hym̛; and what at evur he gatt of almos ouer þat at þai expundid̛, he made þaim to deale it vnto pure folke. And with any money þat he gatt, euer he boght hym̛ bukys of holie scriptur; and he garte religios men̛ þat herbard̛ with hym̛ rede þaim vnto hym̛, to so mekle þat with-in a proces he, þat cuthe no wurd̛ on̛ þe buke, lernyd̛ holie scriptur. And when̛ he knew hym̛ selfe þat he drew nere his dead̛, he garte caƚƚ vnto hym̛ aƚƚ þais pylgramys þat he was wunte to herber, and commawndid̛ þaim þat þai sulde sitt abowte hym̛, & say þer prayers & syng þe latynie vnto þat he dyed̛; and he sang with þaim. And evyn̛ as he was bown̛ to dye, he spakk vnto þaim & sayd̛; "Be stiƚƚ! be stiƚƚ & holde your tongis! For ye hard̛ neuer suche voyces as I here now songen̛ in hevyn̛." And as he was giffand̛ hede vnto þaim his holie sawle passid̛ furtℏ of his bodye vnto blis.

Heraclides tellis how a man̛ þat hight Eulogius forsuke þis warld̛ so þat he myght nothyng do be his one nor wirk̘ Lat. MSS. quia per se nichil poterat operari. ; and few of his gudis he kepid̛ vnto hym̛ þat he myght liff vppon̛. And he mott nowder be in þe monasterie with many, nor he myght nott liff be his one. On̛ a tyme he fande a man̛ þat had a sekenes þat was callid̛ Morbus Elefanticus, and he had it so fellie þat it had distroyed his fete & his handis, & aƚƚ his membris bod his tonge. And þan̛ þis Elogius, evyn̛ as he had made a counande with almyghti God, said̛ on̛ þis wise; "Lorde God! In Þi name I saƚƚ take þis man̛, & take hym̛ as Þi servand̛, and kepe hym̛ vnto þat he dye." And he sett hym̛ on̛ his ass, & led hym̛ vnto þer he was lugid̛, & kepid̛ hym̛ & servid̛ hym̛ his awn̛ hand̛ þe space of xv yere. And þan̛ þis seke man̛ be þe instinccion̛ of þe devuƚƚ desyrid̛ to be away fro hym̛, & flate with hym̛ & reprevid̛ hym̛, & said̛; "Thow come & stale me furthe of my howse becauce be me þou trowid̛ to hafe welthe of gudis, and to requeuer helthe of þi bodie." And þan̛ þis Eulogius spakk fayr with hym̛, & prayed hym̛ to be in peace & said̛; "Gude sur! Say nott so, bod teƚƚ me & I hafe oght trispasid̛ vnto the, & I saƚƚ amend̛ itt." And he said̛; "Nay, go þi wayes, I will none of þi fagyngis! Lay me þeroute opynlie; me misters none of þi refresshyng, ffor I desyre to eate flessℏ." And he garte ordan̛ flessℏ soden̛ & broght hym̛ itt: and þan̛ he wolde none þer-off, & said̛; "I may nott dweƚƚ with þe, for I wiƚƚ go se þe peple." And þan̛ Elogius tolde hym̛ he sulde bryng in a grete meneya of brethir & latt hym̛ se. And he ansswerd̛ agayn̛ & said̛; "I wiƚƚ se none suche distroyers as þou erte; hafe me agayn̛ þer þou tuke me fro!" þan þis Elogius layde hym̛ in a bote & had hym̛ vnto Saynt Anton̛ þe Abbott, & tolde hym̛ aƚƚ his reule & how he wolde putt hym̛ oute. And Saynt Anton̛ said̛; "Peraventur, & þou forsake hym̛, a bettir man̛ þan̛ þou shaƚƚ take hym̛ in & fynde hym̛." And þan̛ he said̛ vnto þis seke man̛; "þou behaldis nowder wurtℏelie heyvn̛ nor ertℏe; knowis þou not at þis is Criste att servis the? For aƚƚ þe serves at hym̛ þis duse the, he duse it for Cristis sake." And after þatt he comfurthid̛ þaim bothe & said̛; "Childre, parte you nott in sonder, ffor ye mon̛ be bothe savid̛. And þerfor̛ þis temptacion̛ happend you now, when̛ ye er bothe nere at end̛ of your life." And þis done, þai turnyd̛ agayn̛ vnto þer ceƚƚ, and within xlti dayes after þai bothe dyed̛.

We rede in þe 'Legend̛ of Saynt Petroneƚƚ,' þat was Saynt Petir doghter, how þat sho was a passand fayr womman̛. And be þe wiƚƚ of hur fadur sho had þe axes. And on̛ a tyme when̛ þe disciples come & dynyd̛ with hym̛, þai said̛ vnto hym̛; "Sen̛ aƚƚ seke folk er helid̛ be þe, whi suffres þou þis Petroneƚƚ MS. Peroneƚƚ. þi doghter to lye so sore seke?" And he ansswerd̛ þaim agayn̛ & said̛ þat it was necessarie for hur. And becauce þai sulde nott trow þat it wer impossible þat sho sulde be hale be his wurdis, þerfor̛ he said̛ vnto hur; "Thow Petroneƚƚ! Rise switℏe & seryff vs!" And onone at his wurde sho rase & servid̛ þaim. And when̛ þai had etyn̛, he bad hur go vnto hur bed agayn̛, & so sho did & was als seke agayn̛ in þe axis as evur was sho; and so sho lay many day vnto hym̛ þoght att sho was parfite in þe luff of Godd̛. And þan̛ he made hur fisscℏ-hale. And þan̛ þer come vnto hur ane erle þat hight Flaccus, & desirid̛ for hur fayrnes to hafe hur vnto his wife. And sho ansswerd̛ agayn̛ & said̛; "If þou desire to hafe me vnto þi wyfe, command̛ a certayn̛ of maydens to com̛ vnto me & bere me felachup̛ vnto þi place." And so he did. And þan̛ þis Petroneƚƚ fastid̛ hugelie, & made devowte prayers vnto almyghti God̛, & tuke þe holie sacrament, and with[-in] iij dayes after sho passid̛ oute of þis warld̛.

We rede ex 'Dictis Patrum' how som tyme þer was ane olde man̛ þat evur-ilk yere had a grete sekenes. So it happend a yere þat he was not seke, and þerfor̛ he tuke a grete sorow & wepyd̛, and sayd vnto hym̛ selfe; " Dereliquit me Deus, et c̛. Almighti God hase forsaken̛ me, becauce He vissettis not me as He was wunt."

Jacobus de Vetriaco tellis how som tyme in þe bysshoppryke of Parissℏ þer was a paress clerk̘, & he vsid̛ to com̛ vnto a knyghtis place with halie water evur-ilk wuke; & he cuthe neuer gett nott on̛ hym̛ bod flytyng & bannyng. And it happend on̛ a tyme þis knyght feƚƚ seke, and when̛ þe clerke come with holi watyr & keste on̛ hym̛; he prayed̛ þis clerk to pray for hym̛. And he garte giff hym̛ a kirk̘. And þan̛ þis clerk̘ spakk vnto hym̛ & said̛; "How is þis happend, sur, þat ye þat so ofte hase flittyn̛ with me, & bannyd me so oft, is now þus turnyd̛ at ye pray me now for to pray for you?" And þe knyght ansswerd̛ & said̛; "Seis þou not how I am̛ seke, & how þe gowte is in my fute on̛ þe to syde?" And þan̛ þe clerk̘ said̛; "Sur, I saƚƚ pray God þat it may be also in þe toder fute." And þe knyght askyd̛ hym̛ what he said̛. And þe clerk ansswerd̛ hym̛ agayn̛ & said̛; "þou was als prowde as a lion̛ when̛ þou was hale, and now in þi sekenes þou erte made als meke as a lambe. And yit for þi gude I saƚƚ pray for the."

Infirmus aliquando convalescit per votum religionis. Infra de voto.Ingratus Deo de beneficio percepto ab eo merito perdit illud. Supra de heretico.Ingratitudinis vicium incurrit vane glorians de beneficio percepto, et ideo merito illud perdit. Supra de confessione.Ingratus homini de beneficio ab eo recepto multum est reprehensibilis. Supra de Infirmo.

We rede ex 'Dictis Patrum' how þat þe Abbot Hillarion̛, when̛ on̛ a tyme he visit a certayn̛ bisshopp̛, and when̛ þai war at meatt, þis bisshop̛ sett befor̛ hym̛ a capon̛ & bad hym̛ eatt. And þe Abbott ansswerd̛ hym̛ agayn̛ & said̛; "Sen I tuke þis abbett I ete neuer þing þat suffred dead̛." Than̛ þe bisshop̛ ansswerd̛ hym̛ agayn̛ & said̛; "And I, sen̛ I tuke þis abbett, suffred neuer man to slepe þat had oght agayn̛ me. Nor I slepid̛ nevur als lang as I had oght agayns̛ hym̛ vnto we war in charite." And þan̛ þis Abbott said̛; "Fathir! fforgiff me; for þi conuersacion̛ is more þan̛ myne."

Iniurie sunt aliquando dissimulande. Supra de amicicia, viij et ix.Inobediencia. Infra de obediencia et religione.Insidie. Insidiantur superbi bonis operibus. Infra de superbia.Insidiantur demones hominibus multipliciter. Supra de demonibus pluribus locis.Insidiantur mali quandoque bonis. Supra de carne, iiij.

Saynt Gregorie tellis how som̛ tyme þer was a holie man̛ þat hight Fortunatus, & he was a bisshop̛. And on̛ a day he drafe oute ane evuƚƚ spiritt oute of a man̛ þatt was vexid̛ þer-with, whilk spiritt agayn̛ evyn̛ fenyd̛ hym̛ selfe like a pylgrem̛, & went aboute in þe cetie þurgℏ þe stretis, & said̛ & cried̛; "O! þou holie man̛, Fortunatt þe bisshopp̛, þat putt oute a pylgram̛ oute of his hoste! And I seke now in his cetie þer I mot be lugid̛, & I can̛ gett no herberie." And þer was a man̛ þat satt in his howse be þe fyre with his wife & his childre, and he come furtℏ & askid̛ hym̛ what þe bisshop̛ had done vnto hym̛; & he tolde hym̛. & he tuke hym̛ in & herberd̛ hym̛, and as þai satt talkand̛ be þe fyre, þis same spiritt keste a barn̛ of hys in þe fyre and burnyd it o dead̛. And with þat he flew away with a grete noyse. And þis sorie man̛ purseyvid̛ þat he þat he had resayvid was not putt oute be þe bisshopp̛, bod at it was ane iƚƚ spiritt þat come for to disclander hym̛ Harl. MS. Qui miser orbatus ... quia non hospitalitatis pietate delectabatur sed episcopi derogacione..

Inuencio. Inuenta res debet restitui. Infra de promisso. Inuidia inter religiosos inuenitur. Infra de obediencia.

Cesarius tellis how som tyme þer was a monke þat was stirrid̛ with envie, and he accusid a yong man̛ vnto þe Abbott, & putt vppon̛ hym̛ grevus trispas. And þe Abbott belevid̛ hym̛ noȝt, & so oppynlie in þe chapitr̛ he putt furtℏ aƚƚ þies trispas of þis yong man̛, when̛ þer visitur was þer. And þe visitur belevid̛ hym̛ & putt þies trispas vnto þis yong man̛; and he said̛ he was nott giltie, & þat he tuke God to witnes. Notwithstondyng he was commytt vnto prison; and onone after þis envious man̛ feƚƚ seke and was ferde to dye. And þan̛ he grauntid̛ opynlie how he for envye had accusid̛ þis yong man̛. And so þis yong man̛ with grete ioy be his visitur was taken̛ oute of prison̛ agayn̛, & restorid̛ vnto his olde estate as he was befor̛.

Inuident mali bonis. Supra de carne, iiij.

Cesarius tellis how þat in Freseland̛ in a nonrie þer was ij little maydens þat lernyd on̛ þe buke, & euer þai strafe whethur of þaim shulde lern̛ mor̛ þan̛ þe toder. So þe tane of þaim happend̛ to faƚƚ seke, and sho garte caƚƚ þe Priores vnto hur & sayd̛; "Gude ladie! suffre nott my felow to lern̛ vnto I cover of my sekenes, and I saƚƚ pray my moder to gif me vjd̛ & þat I saƚƚ giff you & ye do so; ffor I drede þat whils I am̛ seke, þat sho saƚƚ pas me in lernyng, & þat I wolde not at sho did̛, et c̛." And at þis wurde þe priores smylid̛ & hadd̛ grete mervayle of þe damyseƚƚ conseyte. et c̛.

Cesarius tellis þat when̛ þe Duke of Siringie was deade, þer was harde a voyce besyde þe Mownt of Tybir Arund. MS. Montem Geber. Harl. MS. Montem Ciber. , þat spat fyre, & it sayd̛; "Ordand fyre!" And a noder voyce ansswerd̛ & sayd; "I wote neuer whatt, nor to whame I saƚƚ ordan̛." And þe toder said̛ agayn̛; "Our gude & wele-beluffid̛ frend̛, þe Duke of Siringie, commys hedur." And onone it was knawn̛ þat in þe Empyre of Frederyke, vnto whome þies war̛ wreten̛, þe same day & howr̛ was Bertolfus Lat. MSS. Bertoldus. , þat was Duke of Siringie, dead̛; þat was a grete tyrand and a robber bothe of riche men̛ & pure men̛. And for als mekyƚƚ as he had no child̛, or he dyed̛ he prayed̛ þat aƚƚ his tresurs, þat war of grete valow, mott be molten̛ in-to a grete mace, & sayd̛ vnto hym̛ selfe; "I gnaw weƚƚ at my cussyns wiƚƚ be fayn̛ of my dead̛; and if þai fynd̛ me tresurs, sone þai wiƚƚ devide þaim emang þaim. And if þai be aƚƚ in a grete lompe þai er noght ethe to parte emang þaim." et c̛.

We rede in þe 'Legend of Saynt Martyn̛' how þat þer was two at war felowse to-geder, & þai war beggers; & þe tone was blynde & þe toder myght not goo. And he þat was blynde was a strong man̛ & bare After bare, to, erased. the tother in his nekk, & he tellid̛ hym̛ alway how he sulde goo; and þus þai beggid̛ many day & gatt mekle syluer. And when̛ þai hard̛ teƚƚ how þat att Saynt Martyn̛ tombe many seke folke wer helid̛, opon̛ þe day of his translacion̛ it was vse to bere his bonys furtℏ of þe kurk̘, and þai come thedir. And yit þai war aferd̛ þat peraventur, and þai abade in þe strete þer his bonys war born̛ thrugℏ, þat þai sulde be made hale; & þa[i] wold̛ not be made hale for drede þer begyng sulde defayle þaim. And þai went furtℏ of þat strete. And sodanlie þaim happend̛ mete with his shryne in a noder gate, & þer þai war made hale agayn̛ þer wyƚƚ.

Cassianus tellis how on̛ a tyme a man̛ come & broght Saynt Iohn̛ Euuangeliste a pertrykk̘ whikk, & gaff hym̛ it; and he tuke it & held̛ it in his hand̛ & strakid̛ it & made mekyƚƚ þer-off. And þer was a yong felow at saw & skorynd̛ hym̛, said̛ vnto his felows att stude abowte hym̛; "Wiƚƚ ye se yone olde felow how he laykis with yone byrd̛ as it wer a yong barn̛?" And Saynt Iohn̛ be þe Holie Gaste purseyvid̛ þis, and callid̛ þe yong man̛ vnto hym̛ & askyd̛ hym̛ what þat was at he held̛ in his hand̛. And he ansswerd̛ agayn̛ & said̛ þat it was a bow. And he askid̛ hym̛ what he did̛ þerwith, and þe yong man̛ sayd̛; "I shute burdis & bestis þerwith." And þe aposteƚƚ askid̛ hym̛ whi it was vnbendid̛, and he said̛, for & he helde it allway bendyd̛, it wolde be þe wayker to shute away his shaftis with. Than̛ þe aposteƚƚ ansswerd̛ hym̛ agayn̛ & sayde; "Son̛, on̛ þe same wise mans freletie wolde be passand̛ wayke & it wer allway bendyd̛ in þoght of contemplacion̛; ffor as þe egle emang aƚƚ burdis fleis hyest & seis nexte þe son̛, & yit hur muste nedelyng com̛ down̛ vnto þe law placis, right so mans witt, when̛ it withdrawis it a little from̛ contemplacion̛ & hase a litle comfurtℏ, afterward̛ it is mor̛ ardent vnto hevynlie matyrs." et c̛.

We rede in 'Legenda Lombardica' how som tyme þer was ij docturs of dyvynyte, and þe tone of þaim luffed̛ in esspeciaƚƚ afor̛ aƚƚ oþer Saynttis Saynt Iohn̛ Baptiste MS. Saynt Iohn of Baptiste. , þe toder Saynt Iohn̛ Euuangeliste, into so mekuƚƚ þat betwix þaim þai made grete disputacions of þer ioy & þer excellence, vnto so mekuƚƚ at ather of þaim war passand̛ besy to fynd̛ resons & auctorities to prefer þe Saynt Iohn̛ þat he luffid̛ with. And so þai poyntid̛ a day of disputacion̛. And in þe menewhile ather of þies Sayntis aperid̛ vnto his doctur at held̛ with hym̛, & sayd̛; "We er wele acordid̛ in hevyn̛, and þerfor̛ dispute nott of vs in erthe." And when̛ þai mett samen, ather of þaim aforn̛ aƚƚ þe peple tellid̛ other þer vision̛, and thankid̛ Almiȝti God & þase holie sayntis.

We rede ex 'Legenda Lombardica' how one þat hight Pawle, þat was historiographus Longobardorum, and a dekyn̛ of þe kurk of Rome, and afterward̛ a monk̘ of Cassynence, on̛ a tyme when̛ he sulde hafe halowid̛ þe pascaƚƚ, hym̛ happend to wex dom̛, þat he cuthe not als mekuƚƚ as say A, þat is þe furst voweƚƚ. And he made hys prayer vnto Saynt Iohn̛ at he mott speke agayn̛, & in wurshup̛ of hym̛ he made þis ympne, " Vt queant laxis, et c̛," & als tyte as he had made þat he mot speke.

We rede in þe same 'Legend̛' how som̛ tyme þer was a huswyff þat punysshid̛ hur selfe with fastyng & prayers. And euer sho prayed Almyghti God̛ to send hur som̛ of þe relikkis of Saynt Iohn̛ Baptiste. And sodanly apon̛ ane altar̛ sho saw a thombe þat was passand white, and sho was glad þerof & tuke itt. And̛ þer come vnto hur iij bysshoppis, when̛ þai harde teƚƚ þat sho had sucℏ a relyk, & desyrid̛ to hafe parte þerof; & sho lete iij droppis of blude dropp̛ opon̛ a clothe, & þai cut it in sonder & tuke ilkone of þaim a drop̛, and went home þerwith & was passyng glad̛.

Iohannis Damasceni. Infra de infamia.

Valerius tellis how on̛ a tyme ane arschedekyn̛ Harl. MS. archidiaconus Canentinus. þat was callid Carentinus, on̛ a tyme when̛ a bondman̛ of his had grevid hym̛, he said̛ on̛ þis maner vnto hym̛; "Had I not bene angred̛ vnto þe I sulde hafe putt þe vnto grete punyssment." And so he had levur lefe þe blame vnpunysshid̛ þan̛ fulfyƚƚ þe movyng of his yre. We rede also of Plato, when̛ on̛ a tyme he was grevid̛ agayns his servand̛ for a tryspas, ffor drede þat he sulde be vengeable & pas mesur, he commytt þe chastiment of his seruand̛ vnto þe fre liste of a noder man̛.

Ire signa. Supra de Correcione, iij.Irasci non debet iudex corrigendo. Supra de correccione, iij.

We rede in 'Vitis Patrum' how som tyme þer was a brother þat was passand̛ angrie in hym̛ selfe. So on̛ a tyme he said̛ vnto hym̛ selfe; "Þou bodie! & þou war be þine ane, þou sulde not be so ofte movid̛ vnto angrynes." So he went vnto wildernes & liffid be hym̛ selfe. & on̛ a tyme he tuke a little pott & fillid̛ itt fuƚƚ of watyr, and he turnyd̛ vp þe pott & powrid̛ it oute. So þe secund̛ tyme he fyllid̛ it & wex angrie & powrid̛ it oute agayn̛; and þan̛ he wex so tene þat he tuke þe vesseƚƚ & brakk it aƚƚ to gobettis. And þan̛ he come vnto hym̛ selfe & knew þat he was stirrid̛ to wratℏ be a fend̛. And þan̛ he said̛; "Lo! þuff aƚƚ I be be myne ane, neuer-þe-less I am̛ ouer-commen̛ with angrynes." And þan̛ he turnyd̛ agayn̛ vnto his felashup̛; for whar̛ þer is labur & felashup̛ commonlie þer is paciens & Goddis helpe.

Cesarius tellis how som tyme þer was a riche mans doghter, and sho was so angrie þat whare at evur sho war̛ sho made stryfe & debate; & yit sho lete hur selfe holye & sho mott nott restrene hur tong. So at þe laste hur happend to dye, & þai berid hur in þe kurk̘ porche. And on̛ þe morn̛ when̛ folk come vnto þe kurk̘, þai saw reke com̛ oute of hur grafe, & þai had merveƚƚ þer-of, & was ferd̛ & opynde it, & keste oute þe erthe. & þai fande þe vpper halfe of hur bodie to hur naviƚƚ burnyd̛ clene away with fyre, & þe lawer partie lay hale, in betokynyng þat sho was a clene maydyn̛ bod yit sho was passand̛ angrie.

Irreuerencia facta sanctis punitur. Supra de blasfemia, iij.

Cesarius tellis how som̛ tyme in þe cetie of London̛ Harl. MS. Lomodonensis. Arund. MS. Lomonidensis. a clerk gatt a Iewis doghter with childe; & he was ferde for grevans of hur fadur & hur moder, & he gatt hym̛ a long rede & come on̛ þe night to þe waƚƚ þer hur fadur & hur moder lay within. & he put þe vpper end̛ of þe rede in at a hole, & he spakk̘ in att þe toder end̛ & said̛; "O! ye rightwus folk, in God wele-beluffid̛!" & callid̛ þaim be þer names & bad þaim be merie, for þer doghter had conseyvid̛ Messias & yit sho was a mayden̛. And with þat þe man̛ was estonyd̛ & askid̛ his wife if sho hard̛ þis voyce, and sho said̛ nay; & þai made þer prayers at þai myght here it agayn̛. And þe clerke stude stiƚƚ & harde þaim; and as he did befor̛, he spakk̘ agayn̛. And when̛ þai hard̛ hym̛ þai war passand̛ fayn̛, & trowid̛ þat it had bene trew; & vnnethis þai abade a day vnto þai grapid̛ þer doghter bodie & fand̛ at sho was with childe. & þai askid̛ hur how sho conseyvid̛, and sho ansswerd̛ as þe clerk had̛ bedyn̛ hur, & sayd̛; "I wote neuer wheþer I be with childe or nay, bod I know wele I am̛ a mayden̛ & had neuer at do with man̛." And þer was hur fadur & hur moder so ioyfuƚƚ þat onone þe noyse ran̛ þurgℏ þe cetie þat þer doghter was with childe with Messias. So tyme come sho sulde be delyver, & þer come vnto hur many Iewis with grete myrtℏ & ioy, & abade to sho war delyver at þai mot se what sho had born̛. And in hur travellyng sho had grete payn̛, & at þe laste with grete sorow & crying sho bare a doghter, þat cryed & grete & made mekyƚƚ mornyng. And when̛ þai saw þis þai aƚƚ war confusid̛ passynglie, to so mekiƚƚ þat ane of þaim in a tene tuke þis childe be þe legg & threw it agayn̛ þe waƚƚ & killid̛ it. et c̛.

Iudei filius in fornacem missus per beatam Mariam est liberatus. Supra de eukaristia.Iudei canonicum accusantes vsum loquendi perdiderunt. Supra de contricione.Iudei ymaginem crucifixi verberantes sanguine ex ea prosiliente conuersi sunt ad Christum. Supra de cruce.

Helinandus tellis of Cambises added above the line. of Cambises, þat was Cyrus MS. Ciri. þe kyng of Perce son̛, when̛ he had optenyd̛ his kyngdom̛ & fande a iustis þat had giffen̛ a wronges eniugement, he commandid̛ at he sulde be flane, & his son̛ to be made iustis after hym̛; & at þe sete at his son̛ suld̛ sitt in for iugement sulde be couerde with his fadir skyn̛, at he sulde hafe mynde of hys MS. hym̛ faders iugement & of þe payn̛ att he had þerfor̛, and so at he sulde be ferde to giff a fals eniugement.

Iudex a ueritate non debet deuiare propter amiciciam MS. amicisiam. . Supra de amicicia.Iudex debet esse sobrius maxime in potu. Supra de abstinencia, vij.Iudex non debet eligi puer. Infra de puero.Iudex non debet constitui pauper vel auarus, vt supra de balliuo.Iudex cito credere non debet. Supra de credere, ij.Iudex veritatem vendere et aliena rapere non debet. Infra Laurencij, ij.Iudex debet astutus esse in causis obscuris inquirendis. Infra de muliere.

Cesarius tellis of a bisshop þat was a holie man̛ & a devowte, and on̛ a tyme in þe Lentren̛ he red owr̛ his psalter, and when̛ he come at þis place in his psalter, " Quis loquetur potentias Domini, auditas [faciet] omnes laudes eius? This comes after: Confitemini Domino, quoniam in saeculum misericordia eius. " sodanly ane of his iustis come in vnto hym̛ and askid̛ hym̛ what he sulde do with a man̛ þat had done a grete cryme & a trispas. And þis bisshopp̛ was fuƚƚ of mercie and bad hym̛ spare hym̛ for þe holie tyme. And with þat þe Iustis turnyd̛ agayn̛ purposyng to lat hym̛ go. And þe bisshop red on̛ on̛ þe psalter þer he lefte, & onone he fande þis verce, " Beati qui custodiunt iudicium et faciunt iusticiam in omni tempore, et c̛." And with þis he was flayed̛ as he had bene resond̛ be almighti God. And onone he garte caƚƚ þis iustis agayn̛ & said̛ vnto hym̛; "Serche diligentlie þe cauce & deme hym̛ rightwuslie." And so be þe voyce of þe prophett he þat was giltie loste his lyfe.

Valerius tellis of one þat hight Zaleucius þat was a iustis. And on̛ a tyme hys son̛ for avowtrie was condempnyd̛ afor̛ hym̛ þat bothe his een̛ sulde be putt oute. And aƚƚ þe cetie withstude it for wurship̛ of his fadir a grete while, vnto so mykiƚƚ he was evyn̛ ouercommen̛. And at þe laste, becauce he wolde þe law war kepid trewlie & not broken̛, he garte furst put furtℏ one of his awn een̛ for his son̛, & syne one of his son̛ een̛, at his son̛ sulde not hafe bothe putt oute. And so be temperans of a mervalos evynhed̛ Arund. MS. sibique mirabili equitatis temperamento, se misericordie patrem et iustum legislatorem ostendit. , ather of þaim loste ane ee. And þus he shewid̛ hym̛ selfe bothe a rightwus man̛ of law & a mercyfuƚƚ fadur. et c̛.

Iudex debet esse compositus in sensibus exterioribus. Supra de aspectu.Iudici malo frequenter succedit deterior. Supra de balliuo MS. balneo. .Iudices MS. Iudeces. frequenter mutare non expedit. Supra de balliuo, ij.

Helynandus tellis of þe Emperour Traiane, how on̛ a tyme when̛ he sulde go vnto bateƚƚ and lepid opon̛ his hors, a wedow come & tuke hym̛ be þe fute; & with grete sorow & lamentacion̛ sho prayed̛ hym̛ at sho mott hafe right of þaim at had slayn̛ hur son̛ wronguslie. And sho said̛; "Sur! þou reingnes as emperour, & whi lattis þou me suffer þis fowle eniurie?" And he said̛ he sulde make it to be amendid̛ when̛ he come agayn̛; and sho askid̛ hym̛ how sho sulde do & he neuer come agayn̛, and he said̛ his successur sulde make hur to be asethid̛. And sho askid̛ hym̛ how scho sulde know þat; "and if he do," sho said̛, "whatt wiƚƚ þat profett the? And if no man̛ make me a sethe, yit þou erte dettur vnto me, & þou mon̛ be rewardid̛ aftir þi warkis. And þi successur is bon̛ for the, bod a noder mans rightwusnes saƚƚ not delyvir þe for þat at þou sulde hafe done þine awn̛ selfe." And with þies wurdis þis Emperour Traiane was somwhat movid̛ lightid̛ of his hors, and in his awn̛ person̛ he exsamynd̛ þe wedous cauce, & he comfurthid̛ hur & made hur to hafe a due satisfaccion̛ for hur hurte.

Iacobus de Vetriaco tellis how som tyme þer was ane hermett þat was tempid̛ with þe spiritt of blasfemyng, vnto so mek[ill] MS. mekyng. he thoght in his awn̛ mynd̛ þat þe domys of Almiȝtti God wer nott rightwus, þat sufferd̛ synners & iƚƚ men̛ to hafe prospertie & welefar of þis warlde, & gude men̛ & rightwus to hafe disease & tribulacion̛. And þer apperid̛ vnto hym̛ ane angeƚƚ on̛ a tyme in a mans liknes, & said̛ vnto hym̛; "Folow me & þou saƚƚ se þe privay Iugementtis of almiȝtti God̛." So þai come vnto a gude mans hows þat herberd̛ þaim al nyght MS. repeats, with gude chere. , & made þaim gude chere. & on̛ þe morn̛ when̛ þai went, þe aungeƚƚ stale þe syluer copp̛ at þai dranke of, & tuke it with hym̛; whilk cop þe gudeman̛ luffid beste of any thyng þat he had̛. And þai wente þer wayse, & on þe nexte nyg[ht] þai herberd̛ with ane iƚƚ man̛ & a wykkid̛, whare þai were reseyvid with iƚƚ wiƚƚ & fure iƚƚ. And þe copp̛ at he tuke fro þe toder man̛, þe angeƚƚ gaff ℏym̛ itt. And þis hermett thoght iƚƚ þer-with, bod he sayde noght. And on̛ þe iij nyght þai wer hostid at a gudemans howse þat reseyvid̛ þaim with gude wiƚƚ & made þaim wele at fare. And on̛ þe morn̛ he sent a servand̛ of hys furtℏ with þaim to teche þaim þe way, & when̛ þai war aƚƚ on̛ a bryg þis aungeƚƚ keste þis mans servand̛ our̛ þe bryg & drownyd̛ hym̛. And þis hermett saw & had grete mervayle þer-of & yit he said̛ noght; and on̛ þe iiij nyght þai war herberd̛ in a gude mans howse & had grete chere. And he had a yong childe þat wepid̛ aƚƚ nyght & wolde nott lat þaim slepe, and þis aungeƚƚ rase vp̛ & wrathe þe nekk in-sonder þeroff. And when̛ þe hermett saw aƚƚ þis, he thoght þat he wolde sodanlie stele away & lefe hym̛, & trowid̛ þat he had bene rather ane aungeƚƚ of þe devuƚƚ þan̛ off God̛. And þan̛ þe aungeƚƚ bad hym̛ abyde, & sayde vnto hym̛; "Almiȝtti God sent me vnto þe at I mot shew þe His privay domys. The furste man̛ at reseyvid vs so wele, luffid þat copp̛ abown̛ aƚƚ oþer thyngis; þerfor̛ I tuke it fro hym̛ for his gude, & gaff it vnto hym̛ at reseyvid̛ vs with iƚƚ wiƚƚ, at he may resayfe his mede in þis werlde. And our thrid oste servand̛ þat I drownyd̛, he was purposid̛ als tite as he had commen̛ home, to hafe slayn̛ his maister. And so I delyverd̛ our gude oste fro dead̛, & þe toder fro mansslaghter, at his punyssment myght be les in heƚƚ. And our iiij hoste, befor he had a childe, did grete almos dede, bod als sone as his childe was born̛, he withdrew his hand̛, & þoght to be covatus & gadir gudes vnto his childe. And þerfor̛ I hafe taken̛ fro hym̛ þe cauce of his covatice, at he may be as he was befor̛. And þe saule of þe innocent childe I hafe putt in Paradice." And when̛ þe hermett hard̛ þis, he thankid̛ God̛ & tuke his lefe at þe aungeƚƚ; & fro thens furtℏ he was delyverd̛ fro al maner of suche temptacion̛.

Som tyme þer was a kyng, & he garte make iiij kistis of tre. And ij of þaim he fillid̛ fuƚƚ of stynkand̛ banys of dead folk̘, & he garte cover þaim clene abown̛ with platis of golde; & þe toder ij he fillid̛ fuƚƚ of fyne precious stonys; & enoyntid̛ þaim withoute with pykk & tarr. And þan̛ he callid̛ aforn̛ hym̛ aƚƚ þe wyse men̛ of his cownceƚƚ, and askid̛ þaim whilk of þies war moste wurthie. And þai said̛ þase at war coverd̛ with golde, & þe toder þai reprovid & sett at noght. And þan̛ þe kyng sayd̛; "I wiste wele ye walde say so." & þan̛ he commawndid̛ at oppyn̛ þies kystis at war giltid̛; & so þai war, & þar come oute of þaim a fowle stynke & ane iƚƚ. And þan̛ þe kyng said̛; "This is a figur of þaim þat er cled withoute with gay aray, and within er fuƚƚ of syn̛ & iƚƚ dedys." And he garte oppyn̛ þe toder, and þer come oute a swete smeƚƚ at aƚƚ men̛ myght fele. And þan̛ þe kyng sayde, "This is a figur of þaim þat er cled with feble clothis withoute, & within hase a grete fayrnes in a þer sawle, & er fuƚƚ of gude warkis."

Iudicare non debent religiosi seculares. Infra de religiosis et supra de Basilio.

We rede in 'Legenda Iohannis Elemosinarij' of a yong man̛ þat ravisshid a non̛. And when̛ clerkis broght þis man̛ befor̛ Johannes Elemosinarius, þai reprovid̛ hym̛ & said̛ he was wurthi to be cursid̛ as he þat had slayn̛ ij sawlis, þat was to say, bothe his & hurs. And þis holie man̛, Iohn̛, snybbid̛ þaim, & said̛; "Not so brether, not so! ffor I saƚƚ shew you ye do ij synys; ffurst ye do agayns þe commandment of God̛ þat sais; ' Nolite iudicare.' And þe secund̛, [ye wote noght Harl. MS. "secundo, quia nescitis pro certo si usque hodie peccent aut peniteant." ] whethir þai forthynk þer syn̛ & hafe done penans þerfor̛ or noght, nor whethir þai contynue in syn̛ to þis day or noght."

Iudicium plurimorum aliquando comprobatur. Infra de suspicione.Iudicando aggrauantes facta aliorum aliquando eciam visibiliter puniuntur. Supra de contricione, iij. Iudicium medicorum de infirmis frequenter non evenit. Supra de Basilio, ij.

We rede of a husbandman̛ þat on̛ a tyme went fro home, & he lefte behynd̛ hym̛ to kepe his place iij servandis, and he tolde none of þaim when̛ he wolde com home. So emang þies iij servandis þer movid̛ a question̛ of þe commyng home of þer maister, when̛ it sulde be. And one said̛ he wolde com̛ home sone, & þe secund̛ said̛ nay, it wolde be lang or he come home. And þe iij said̛; "Forsuthe I wote neuer when̛ he wiƚƚ com̛ home." And so it is certayn̛ at þe thrid said̛ þe moste trew. And so it is of þe laste day, þe day of dome; we wote wele it mon̛ com̛, bod we wote neuer when̛, nor what tyme.

We rede of a kyng þat traveld̛ be þe way with his baronage in a gay kyngis charyott. So hym̛ happend to mete ij men̛ cled in hevie clothyng, whilk þat war iƚƚ hewid̛, & had pale facis, and þe kyng come down̛ oute of his chariott & wurshuppid̛ þaim. And his baronage tuke it to iƚƚ, & be þer cownceƚƚ his bruther resond̛ hym̛ þerfor̛. And in þat realm̛ þis was þe custom̛, þat vnto þe yate of hym̛ þat sulde be iugied vnto dead̛, sulde þe kyngis messanger be sent befor̛, to make ane oyas. And when̛ þai come home þe kyng garte þat be done befor̛ his bruther yate. And þat done, his bruther & his wife & his childer come in a mornyng clothyng vnto þe kyng, wepand̛ & makand̛ sorow. And þan̛ þe kyng spak vnto his bruther & sayd̛; "O, þou fule! If þou hafe dred þe bedeƚƚ of þi bruther, whome þou knowis þou trispasid̛ noȝt vnto, how durste þou take on̛ hand̛ to chalange me becauce I mekend̛ me befor̛ þe bedels & þe messangiers of aƚƚmighti God̛ whome þat I know þat I hafe grevid̛ many tymys & ofte, and þat grevuslie?"

Iudicio vltimo redditur racio de omnibus. Supra de episcopo, et infra de risu et de mercatore.Iudicio vltimo reddetur cuilibet iuxta opera sua A Tale of Silvanus in illustration omitted from the English MS..

We rede how þat when̛ Saynt Iulian̛ was a yong man̛ & went on̛ huntyng, he pursewid̛ on̛ a tyme after a harte. & þis harte turnyd agayn̛ & spak vnto hym̛, & sayd̛; "Thow þat mon̛ sla bothe þi fadir and þi moder, whar-to pursewis þou me?" And he had grete wonder here-of, and becauce þis sulde not happyn̛ hym̛, he went away oute of a fer contretℏ & servid̛ a wurthi prince: & he made hym a knyght and gaff hym̛ a warde, a grete gentylwomman̛, vnto his wife. And his fadur & his moder at home, hafyng grete sorow þat he was gone oute of þe contrey fro þaim, went & soght hym̛ many mylis. So on̛ a tyme when he was furthe, be a sodan̛ cace þaim happynd̛ to com̛ vnto his casteƚƚ. And be wurdis at þai said̛ þer, his wyfe vnderstude at þai war fadir & moder vnto hur husband, be aƚƚ þe proces at sho had hard̛ hur husband say. And when̛ scho had made þaim wele to fare, sho laid̛ þaim samen in hur awn̛ bedd̛; and þis Iulian̛ come home sodanlie in þe mornyng & wente vnto his chambr̛, & fand̛ þaim ij samen in þe bed̛. And he, trowyng þat it had bene one þat had done avowtry with his wyfe, he slew þaim bothe and went his ways. & he mett his wife fro þe kurkward̛, and sho tolde hym̛ how his fadir & his moder was commen̛, & how sho had layd̛ þaim in hur awn̛ bedd̛. And þan̛ he began̛ to wepe & make sorow, & said̛; "Lo! þat at þe harte said̛ vnto me, now I a sarie wriche hafe fulfillid̛ itt." & þan̛ he went oute of contre & did̛ penans, & his wyfe wolde neuer forsake hym̛. & þer þai come vnto a grete watir, þer many war perisschid̛, and þer he byggid̛ a grete hostre; & aƚƚ þat euer come he herbard̛ þaim, & had þaim ouer þis watyr. And þis he vsyd a lang tyme. So on a nyght aboute mydnyght, as he lay in his bed and it was a grete froste, he hard̛ a voyce cry petifullie, & sayd̛; " Iulian! com̛ & feche me owr̛, I pray the!" And he rase onone & went our̛ þe watir, & þer he fand a man̛ þat was nerehand frosyn̛ to dead̛, and he had hym̛ our̛, & broght hym̛ into his howse & refresshid̛ hym̛, & laid̛ hym̛ in his awn̛ bed̛ & happid hym̛. And within a little while he þat was in þe bed̛, þat semyd̛ seke & like a leppre, ascendid vnto hevyn̛ & sayd̛ on̛ þis maner of wyse; "Iulyan̛! Almighti God hase reseyvid̛ þi penans. And with-in a little while ye bothe shaƚƚ com̛ vnto Hym̛." And with þat he vanysshid̛ away. et c̛.

We rede how on̛ a tyme a gude, trew, innocent man̛ lent vnto one of his neghburs a certan̛ þing, & when̛ he wold̛ hafe had it agayn̛ he said̛ he had borowid̛ none swilk on̛ hym̛, & wolde nott giff hym̛ it agayn̛. And he was compellid̛ to swer̛ þerfor̛, & sware; & þus þe gude, trew man̛ loste it. So vppon̛ þe same nyght þis man̛ was ravisshid̛ vnto þe dome of Almighti God̛. And he was askid̛ on̛ þis maner of wyse; "Whi hase þou made yone man̛ to swer̛ ane athe whilk þou knew was a fals athe?" And he ansswerd̛ agayn̛ & said̛; "For he gaynsaid̛ me þe þing þat I lent hym̛." And þan̛ þe iustis said vnto hym̛; "It had bene bettir to þe to hafe loste þi þing þan̛ for to lat hym̛ lose his saule." And þer þe iustis commawndid̛ þat for his truspas he sulde be bett. And with þat he wakend̛ & grapyd̛ his bakk̘, & it was passand sare & fuƚƚ of yeddyrs & wowndis as he had bene betyn̛. And þus his trispas, after he was þus amendid̛, was forgiffen̛ hym̛.

We rede how som̛ tyme ij men̛ war at debate, & þat grete; and þe iustis cuthe nott witt whethir of þaim was gyltie. And he broght þaim bothe vnto ane altar & garte þaim purge þaim be þer athe. And he besoght þe aposteƚƚ at aght þe altar to send hym̛ som̛ takyn̛ þat he mot knaw þe treuthe. And when̛ he þatt was giltie sware Arund. MS. et nichil mali passus esset, iudex, eius malicie conscius, exclamauit; "Senior iste Petrus aut nimis misericors est, aut iunioribus defert." , he began̛ to wax aƚƚ seke & iƚƚ at ease. And þe iustis purseyvid̛ it, & he said̛; "Owder is þis gude aposteƚƚ Petur passand mercefuƚƚ, or els he differs þis martyr. And þerfor̛," he said, "we wiƚƚ go vnto Pancrace grafe." And when̛ he þat was gyltie sware on̛ Pancrace grafe, he wold̛ hafe takyn̛ his hand̛ away bod he myght nott, bod it held̛ hym̛ stiƚƚ. & with-in a little while after, þer he swelte. et c̛. And so yit vnto þis day in þat MS. þan. contrey þai swer̛ yit vppon̛ Saynt Pancras tombe, and any þing be in varyans emang þaim.

Iuliani Apostate. Infra de sancto et de signo de vindicta et de vsu.Iusticia aliquando temperanda est. Supra de Iudice, iij.Iusticie execucio non debet differri sine causa. Supra de iudice, iiij.

We rede how on̛ a tyme, when̛ a son̛ o Traiane rade prowdlie þurgℏ þe cetie, hym̛ happend̛ or racklesnes with his hors to kyƚƚ a wedow son̛; and þe wedow with mekiƚƚ sorow [com̛] & tellid̛ Traian̛ þe Emperour. And he gaff þe wedow in-stede of hur son̛ his son̛, þat had done hur þe trispas, and magnified̛ hur with riche giftis.

Herkenwaldus MS. Harl. Herkyndaldus de Bornayre, vir nobilis, etc. tellis of ane þat hight Bormar, þat was a noble man̛ and a myghti, & in dome he sett by no man̛. So on̛ a tyme he feƚƚ seke & lay in his bed in his chambre, and as he lay he hard̛ in þe nexte chambr̛ by hym̛ grete cryingis as it had bene of wommen̛. And he spurrid̛ what it was & þai wold̛ not teƚƚ hym̛. And þan̛ he sent one of his childer þedur and warnyd̛ hym̛, a payn̛ of puttyng oute of bothe his een̛, to teƚƚ hym̛ þe treutℏ. And þan̛ he went & saw it & com̛ agayn̛, & with grete drede tellid̛ hym̛ what it was & said̛; "Sur! my felow, your sister son̛, wold̛ þer hafe oppresid̛ a womman̛ & defowlid̛ hur, and þis was þe cauce of þe cry." And at þis wurd̛ he was gretely grevid̛, and bad ij of his knyghtis go & hang hym̛. And þai said̛ þai sulde, and went furtℏ & tolde þe yong man̛ what his eam̛ had bydden̛ þaim doo. And þai bad hym̛ withdraw hym̛ oute of his eam̛ sight at he saw hym̛ not, & þai sulde teƚƚ hym̛ at þai had done as he bad þaim do; for þai durst not sla þis yong man̛. And with-in a few howris þai come agayn̛ vnto þer maister, & tolde hym̛ þai had done as he commanddid̛ þaim. And vppon̛ þe fifte day after þis yong man̛, trowyng þat his eam̛ had forgetten̛ þis trispas, putt oppyn̛ þe chambr̛-dure & lukid̛ in. And onone as þis seke man̛ saw hym̛, he callid̛ hym̛ vnto hym̛ & gaff hym̛ fayr language, & made hym̛ to sitt down̛ by hym̛. And sodanlie with his one arm̛ he gatt hym̛ aboute þe nekk̘, & held̛ hym̛; & with þe toder arm̛ he drew his knyfe & shewid̛ it in his throte & kyllid̛ hym̛. And aƚƚ þat was aboute wondred̛ þerof & vgged þerwith. So his sekenes swagid̛ a littyƚƚ, & þan̛ he sent for þe bisshop̛ Herkenwaldus Harl. MS. Episcopus uocatus cum sacris aduenit. Herbinbaldus, cum multis lacrimis et cordis contricione, omnia peccata sua confessus est, tacita iuuenis interfectione. , and he come with þe sacrament & shrafe hym̛, & howseld̛ hym̛ not MS. not added above the line. . & he made grete sorow & had grete contricion̛ in his harte for his syn̛. And in his confession̛ he spak no wurd̛ of þe slayng of his cussyn̛. And þe bisshop̛ had grete mervaƚƚ þerof, & said̛; "Whi layn̛ ye þe mansslaghter of your cussyn̛ at ye slew?" And he ansswerd̛ agayn̛ & said̛; "Sur, was þat a syn̛?" & þe bisshop said̛, ya, it was a crueƚƚ syn̛. And þe seke man̛ ansswerd̛ agayn̛ & said̛; "I am̛ a Iustis & hafe þe law in gouernans, & nowder I deme it a syn̛, nor I wiƚƚ neuer aske God forgifnes þerof." Þan̛ þe bisshopp̛ ansswerd̛ & said̛; "I wiƚƚ neuer gyff you þe sacrament or ye shryfe you þeroff." þan̛ þis Iustis ansswerd̛ hym̛ agayn̛ & said̛; " Non ex rancore, sed ex zelo iusticie et Dei timore illum interfeci; I slew hym̛ not of rankor nor of il wiƚƚ, bod for luff of rightwusnes & drede of God; ffor þer was neuer man̛ luffid̛ his sister son̛ bettyr þan̛ I did̛ hym̛. And þer-for & ye deny me þe holi sacrament þat is Goddis bodie, I betake bothe my body & my saule vnto þat holie sacrament, þat is God Hym̛ selfe." And þus þe bisshop̛ went away & wulde not howsyƚƚ hym̛. And onone after, þis seke man̛ sent for hym̛ agayn̛. And when̛ he come att hym̛, þis seke man̛ bad hym̛ luke in his box if þe sacrament war þer. And so he did & fande riȝt not þerin. Þan̛ þis seke man̛ said vnto hym̛; "Lo! þat at ye denyed me, Almiȝtti God Hym̛ selfe hase giffen̛ me & not denyed me." And with þat he oppynd̛ his mouthe, & þai mot se þe sacrament þerin; and þan̛ he dyed̛. And þan̛ þe bisshopp̛ was ferd̛ & had grete sorow herefor̛, & prechid̛ þis in euer-ilk place for a grete meracle.

We rede of a profeste of þe ordur of Premonstracence, on̛ a tyme as he rade witℏ a yong man̛, a bruther of his howse, þaim happend̛ to mete a fayr yong damyseƚƚ; & þis profeste stoppid̛ his hors & haylsid̛ hur honestelie, & sho stude stiƚƚ & lowtid̛ vnto hym̛ & thankid̛ hym̛. And when̛ sho was passid̛ þaim a littyƚƚ, þis profeste þoght he wold̛ prufe þis yong man̛ & said̛ vnto hym̛; "Me þoght þis was a passand fayr maydyn̛." & þis yong man̛ ansswerd̛ & said̛, so þoght hym̛. And þan̛ þe profest said̛ agayn̛; "A thyng difformys hur hugelie, þat is sho hase bod one ey." And þe yong man̛ said̛; "Sur, forsuthe sho hase bothe hur ene, ffor I behelde hur graythelie." And þan̛ þe profest said̛ vnto hym̛; "And I saƚƚ considur þi bakk, ffor þou sulde be of so mekyƚƚ symeplenes, & þou met a womman̛ þou suld̛ not luke wheþer sho had bothe hur een̛ or bod þe tane." And þan̛ he turnyd̛ agayn̛ vnto his monasterie & said̛ vnto his brethir; "Ye repruvid̛ me for I take no yong men̛ furtℏ with me." And þan̛ he tellid̛ þaim þe cauce, & snybbid̛ þis yong man̛ & chastid̛ hym̛ for his truspas.

Iuuenes puelle pulcritudinem corporalem abscondere debent. Infra de temptacione et supra de abscondere.Iuuenis non debet prefici mulieribus. Supra de carne.

This kyng Charlis was of a fayr̛ statur, for he was viij fute long & wele shapyn̛ & awfuƚƚ to sight; & he was passand̛ large of renys, & he was clenlie bothe in bely & in armys & had grete theis; & he was a passand̛ wyse knyght & a bitter & strong of lym̛. & his face was in lenthe oderhalfe palme (and̛ his berd̛ a fute long), & his nese emyddiste þerof & halfe þat lentℏ. & his fored̛ was a fute long, and he had een̛ like a lyon̛ þat shane as a precious stane, and his browis was a palm̛ brede. And if he had bene wrathe & lukid̛ on̛ a man̛ he wolde hafe flayed̛ hym̛. And his gyrdyƚƚ was viij fute lang with-oute þat at hang. And he ete bod littyl brede, bod at ans he wolde ete a quarter of a weddur, or ij hennys, or a guse, or a swyne shulder, or a pacok, or a crane, or a hale hare. And he wolde drynk bod esy wyne, bod if it war medlid̛ with watir. & he was of suche strenthe þat, at a strake with his swerd̛, he wald̛ cut in sonder ane armyd knyght syttand on̛ a hors fro þe crown̛ of þe hede vnto þe sole of þe fute, & his hors als; and he wolde lightlie breke iiij hors shone at ans, and he wold̛ lifte eselie to his hede ane armyd knyght stondyng on̛ þe luff of his hand̛. And̛ he bare tables with hym̛ þat he bare aƚƚ his actis in. And he drank bod seldom̛ mor̛ þan̛ thrise at his meat. And he luffid̛ wele to ride and bere armys, and he made his doghters to be clothe-makers, & for to lere at spyn̛ on̛ þe rokk̘, at þai sulde nott be ydiƚƚ. And at Coleyn̛ he garte byg ij briggis our̛ þe watir of Reine. And when̛ he come to Rome he wold̛ light a myle with-oute þe town̛, & go vnto þe cetie apon̛ his fute, & kys euer-ilk kurk dure, & giff grete rewardis vnto euer-ilk kurk̘. And he delyverd̛ þe Holie Lande oute of Saracens handis, and come fro thens-ward be Constantynople; and he broght thens many wurthi relikkis, þat is to say, parte of þe crown̛ of our̛ Lord̛, whilk þat florisshid̛ in his syght, and ane of þe naylis þat our Lord̛ was naylid̛ vnto þe cros with, and His sudarie, & our̛ Ladie sarke, and Saynt Symeon̛ arm̛. And aƚƚ þies he putt in a kurk of our Layde þat he byggid̛, and he fowndid̛ & byggid̛ als many abbays as þer was lettres in þe Abce. And in euer-ilk one of þaim he lefte a letter of golde. And at þe laste, when̛ his son̛ Lowis was crownyd̛, he was fuƚƚ of gude werkis & decesid̛, and was berid̛ at Aquis Granum in a kurk of our̛ Ladye þat he byggid̛. And yit or he dyed̛ he callid̛ samen aƚƚ his prelattis, & gaff þaim aƚƚ his tresurs to distribute þaim whar̛ þaim þoght nede emang þer kurkis.

Som tyme þer come a monk of Rothomagence vnto þe monkes & þe abbay þat is on̛ þe Mownte of Synay, and þer he abade in serves of God & Saynt Katryn̛ vij yere. And he was a passand devoute man̛; and he prayed evur vnto Saynt Katryn̛ at he mott hafe som̛ relykk̘ of hur bonys. And sodanlie, as he satt at his prayers, þer was putt in his hand̛, at he wiste nevur how come, hur little fynger; and he thankid̛ God þerof, & Saynt Katryn̛, & had it home vnto his monasterie, and þer it is wurshuppid̛ vnto þis day.

We rede of a man̛ þat was passand devoute vnto Saynt Katryn̛, & made his prayers speciallie vnto hur MS. hym̛. a long while & besoght hur to helpe hym̛. So afterwerd̛ he forgatt hur, & made nott his prayers nor his offrand̛ vnto hur, nor did hur nott wurshup̛ as he was wunte to doo, bod cesid̛ þeroff. So on̛ a tyme as he was in his prayers he feƚƚ on̛ slepe, and hym̛ þoght þat he saw in a vision̛ a grete multitude of virgyns goyng on̛ a raw by hym̛. And emang þaim ane þat was passand̛ shynand̛ & fayr forby aƚƚ þe toder, when̛ sho come nere hym̛ sho coverd̛ hur face þat he sulde not se hur, and so sho passid̛ away by hym̛ & he mot se aƚƚ þe toder facis bod hurs. And he had grete merveƚƚ what sho was at shynyd̛ so forbe aƚƚ þe toder, & hid hur face þat he sulde not se hur. And one of þaim, when̛ he spurryd what sho was, tolde hym̛ at sho was Katryn̛, whilk þat he was wunte to know & to do wurshup̛ to. "And becauce," sho said̛, "at þou hase now forgettyn̛ hur & giffes none almos-dede in wurshup̛ of hur, nor makis no prayer vnto hur nor wurshuppis her noȝt as þou was wunte to do, þerfor̛ sho covers hur face when̛ sho passis by the, att þou sulde nott know what sho was becauce þou had forgetten̛ to know hur." et c̛.

Arsenius aƚƚ his life-tyme he vsid̛ at sitt & wurk a crafte with his handis, & he had evur so mekiƚƚ þoght of þe Passion̛ of our̛ Lord̛, þat he had alway in his bosom̛ a clothe to wype his ene with, he wepid̛ so when̛ he thoght þeron̛. And aƚƚ þe night he wolde be in his prayers & slepe nott, & in þe mornyng when̛ he was wery for wakyng & liste slepe, þan̛ he walde say þus; "Com̛, þou vnthrifti servand̛, slepe!" And so sittand̛ he wold̛ slepe a while, and þan̛ onone he wolde rise & say; "Itt sufficis vnto a monk̘, & he had neuer so grete labur, to hafe a nyght slepe ans in a yere, or ilk nyght to hafe ane howr̛ slepe."

We rede of ane hermet þat dwelte in wildernes, and þe watir was passand farr̛ fro his ceƚƚ. And on̛ a tyme as he went for watir he wex irk̘, & sett hym̛ down̛ & said̛; "Whatt nedis me þus to labur when̛ I may dweƚƚ harde be þe watir & I wiƚƚ?" And alssone he was war of a man̛ þat folowed after hym̛ & tellid̛ his fute-steppis, and he askid̛ hym̛ & said̛; "What erte þou?" And he said̛ agayn̛; "I am̛ þe aungeƚƚ off God sent for to nowmer þi fute-steppis, at þi mede may a noder day he rewardid vnto þe after þat þi labur is." And þan̛ þis hermett with a strong wytt removid̛ his ceƚƚ v myle ferrer fro þe watir. et c̛.

On a day when̛ Sancta [Maria] de Oginiez MS. Sancta Deoginiez. satt þinkand̛ of þe benefice of Almighti God, how largelie he gaff þaim vnto mans kynd̛, sho tuke suche a compunccion̛ & feƚƚ opon̛ sucℏ a wepyng, þat as sho went abowte in þe kurk men̛ mot hafe folowd̛ hur steppis be þe confluens of þe teris of hur een̛ þat feƚƚ down̛ on̛ þe payment, vnto so mekuƚƚ þat a long tyme sho mot nowder luke on̛ þe crucifyx nor speke, nor yitt here no noder speke, of þe Passion̛ of Criste, þatten̛ evur sho feƚƚ in swone as sho had bene dead̛. & þerfor̛ to restrene hur wepyng sho lefte thynkyng of þe manhede of Criste & toke hur to vmbethynkyng of His godded̛, at be þinkyng þerof sho mott take a comfurtℏ. Nevur-þe-les hur wepyng was evur mor̛ & more when̛ sho thoght of His godhed, als mekuƚƚ as it was when̛ sho thoght of His manhede. And þus hur sorow was renewid̛ and hur sawle prikkid̛ with a swete compunccion̛. et c̛.

Paulus Heremita, þat was a moste provid man̛ emang alde fadurs, on̛ a tyme when̛ he liffid̛ in wildrenes, & had bod esi fude bod of þe frute of þe palm̛ tre, and if he wroght oght with his handis no man̛ wolde giff hym̛ noght þerfor̛ becauce he was so fer fro townys & no man̛ come nere hym̛, becauce he wold̛ somwyse be occupyed̛ ilka day, he wald̛ gaddur samen a grete meneya of palmelevis & bryn̛ þaim, in exsample þat he did som̛ bodele labur for his sustentacion̛; provand be þatt a monk myght not be in a place with-oute laboryng with his handis, or els he mot not esskape many iƚƚ thoghtis & vnthrifti. et c̛.

On a day befor̛ þe Gude Fryday, MS. has another when̛ here. Maria de Oginiez, when̛ þe passion̛ of Aƚƚmyghti God neghid nere, sho þoght sho wold̛ suffer a passion̛ hur selfe in wurshup̛ of His passyon̛; and sho feƚƚ vpon̛ a grete wepyng & a sorow & a syghyng þerfor̛. And so as sho sat þus wepand in þe kurk̘, a preste come to hur & blamyd̛ hur & bad hur lefe hur wepyng & say hur prayers in sylens. And sho, knowyng wele enogh at sho mot not forbere wepyng, rase vpp̛ & went furtℏ of þe kurk̘ and hid hur in a privay place far thens; & þer sho wepid̛ & besoght Almighti God in hur prayers þat he wolde shew vnto þis preste þat a man̛ may not restren̛ hym̛ fro wepyng when̛ it flewis vppon̛ be grace of þe Holie Gaste. And on̛ a day as þis preste was att mes, be prompyng of þe Holie Gaste he feƚƚ on̛ suche a wepyng þat he was nerehand̛ strangƚed þer-with. And ay þe mare at he laburd̛ to restrene hym̛ þe more he wepyd̛, vnto so mekuƚƚ at nott alonelie hym̛ selfe, bod also his buke & aƚƚ þe altar̛ clothis war aƚƚ bod water with his wepyng. And afterward̛ þis holie maydyn̛ come vnto þis preste and teld̛ hym̛ aƚƚ þis als playnlie as sho had sene it hur awn̛ selfe, & said̛ vnto hym̛; "Now ye hafe lernyd̛ be experiens þat a man̛ may not with-draw hym̛ fro wepyng for þe passyon̛ of Almighti God̛, when̛ he thynkys þeron̛ & is movid þerto be the Holie Gaste."

Lacrime contricionis impetrantur orationibus sanctorum. Infra de Oratione.Laicus non debet stare in choro et audire diuina. Supra Ambrosij.

We rede how þat þis Lantgrauius Lowicus was a passand̛ grete tyrand̛ and a mysdoer. And agayn̛ þat he sulde dye he commawndid̛ þaim at was aboute hym̛ þat als tyte as he was dead̛ þai sulde clethe hym̛ in a monkis cowle of þe Ceustus ordur, bod not or he war dead̛; & so þai did̛. And when̛ he was so cled, one of his knyghtis lukid̛ opon̛ hym̛ & said̛ þus in skorn̛; "Lo! hym̛ þis is not now like my lord̛ in aƚƚ his vertues, ffor he was a wurthi knyght, & now he is a passand̛ gude monke & kepis his sylence passand wele." So his sawle was broght vnto þe prince of Heƚƚ syttand̛ opon̛ þe pytt bra, & he held̛ a copp̛ in his hand̛ & said̛ vnto hym̛; "Welcom̛, our̛ wele-belufid̛ frend̛! Shew hym̛," he said̛, "your chawmers!" And belife was shewid̛ hym̛ aƚƚ þe paynys. And þan̛ he sayd̛ vnto hym̛ agayn̛; "Drynk, frend̛, of my copp̛!" And þuf aƚƚ he war not Not omitted, and added above the line. welewillid̛ þerto, yit he was compellid̛ to drynk̘; and als sone as he had done þer come oute stynkkand flawmys oute of his ene, his nease-thrillis, & his eris. And after þis he said̛ vnto hym̛; "Now þou saƚƚ se my pitt þat is withouten̛ bothom̛." And belife it was opynd̛ & he casten̛ þerin.

Latroni possunt adaptari que supra dicuntur de ffure, et infra de predone et raptore.Laudacio. Laudant multi aliquem in comparacione alterius. Supra de comparacione.

We rede how on̛ a tyme, when̛ a man̛ spirrid̛ Macharius whi he sufferd̛ so mekuƚƚ honger in wyldernes, þat Harl. MS. qui in monasterio ebdomadis integris abstinens non sensisse esuriem. mot wekelie hafe byddyn̛ in his abbay & suffred no honger, he ansswerd̛ agayn̛ & said̛; "For here is no wittnes of þi faste þat sulde nurissℏ þe with lovyng, nor at mot susteyn̛ þe. And þer mans serves & refresshyng of a vayn̛ glorie makis þe fatt."

Laudem nolunt aliqui acquirere per facta enormia. Infra de memoria.Laudes adulatoris contempnunt sapientes. Supra de adulacione.Laudem fugiunt aliqui ne in ea dilectentur. Infra de vanitate.

We rede in 'Legenda Lombardica,' of Eusodia þat was doghter vnto Theodose þe Emperour, how sho was vexid̛ with a fend̛, and was had vnto Constantynople to þe body of Saynt Stephan to be curid̛. And þis fend̛ spak within hur & said̛; "I will not pas oute on̛ hur bod if Stephan com̛ to Rome, for so it is þe apostels wiƚƚ." And so, be þe consent of þe pope & þe Emperour̛, þe bodie of Saynt Stephan was sent vnto Rome be þe Grekis, with counand at þai suld̛ bryng vnto Constantynople þe bonys of Saynt Laurens. And when̛ þai come at Rome with hym̛ & sett down̛ his bodie in ecclesia Sancti Petri ad Uincula, þase at sulde bere hym̛ myght gett hym̛ no ferrer. And þan̛ þis fend̛ cryed agayn̛ in þe maydyn̛ & sayd̛; "Ye labur in vayn̛, for he hase not chosyn̛ his seate here, bod att his bruther Laurens." And þai bare þe bodye thedur, & onone þe maydyn̛ was hale. And Saynt Laurens, as he had bene ioyfuƚƚ of his bruther commyng, remowid̛ hym̛ vnto þe ta side of þe sepulcr̛, & left þe toder syde voyde vnto his bruther. And̛ þan̛ þe Grekis putt þer handis to take Saynt Laurence away, & þai feƚƚ down̛ vnto þe erth as þai had bene fonde. And with-in x dayes after þai war aƚƚ dead̛. And þan̛ a voyce was harde in Rome þat sayde; " O, felix Roma! et c̛. O! þou happy Rome, þat sparris bothe in a grafe þe bodie of Saynt Laurens þe Hyspany, & þe bodie of Saynt Stephan of Ierusalem."

We rede in þe 'Meracles of our̛ Ladie,' how at Rome þer was a yong man̛ þat hyght Stephan̛, þat vsid̛ gladlie to take giftis & so for to forbar right of many folke in þe law. And he wronguslie tuke away & held̛ in possession̛ vnto hym̛ selfe iij howsis of Saynt Laurens kurk, and a garthyn̛ of Saynt Agnes kurk̘. So hym̛ happend̛ to be seke & sulde dye, and hym̛ þoght he was broght befor̛ þe iugement of Almighti God̛. And onone as Saynt Laurens saw hym̛, he come vnto hym̛ with a grete indignacion̛ & iij tymys he thrustid̛ hym̛ be þe arm̛, & þat sare, & crusid̛ it att it warkid̛ gretlie with. And Saynt Agnes nor none oþer vyrgyn̛ wold̛ nott ans luke on̛ hym̛, bod turnyd̛ þer facis fra hym̛-ward̛. And þan̛ þe iustis gaff a sentans of hym̛ & said̛; becauce he tuke oþer mens gude fro þaim & selde þe treutℏ for takyng of giftis, he sulde be putt into þe place at Iudas þe traytur was in. And þan̛ come Sanctus Proiectus, whome þis Stephan had had grete deuocion̛ to in his life, & prayed Saynt Laurens & Saynt Agnes to forgiff hym̛. And so our̛ Ladye & þai prayed for hym̛ vnto þis iustis, to so mekuƚƚ he grauntid̛ þat his saul [sul]de MS. his saulde goo. goo agayn̛ vnto his body, & þer he sulde do penans xxxti dayes. And our Ladie gaff hym̛ in commandment þat he sulde daylie say þis psalme, ' Beati immaculati,' whils he liffid̛. And when̛ his saule come vnto his bodie agayn̛, his arm̛ was als bla & als sare with þe thrustyng of Saynt Laurens as he had suffred̛ it evyn̛ on̛ his body, whilk takyn̛ was apon̛ hym̛ ewhils he liffid̛. And þat at he had wronguslie takyn̛ away, he restorid̛ itt and did penans þerfor̛. & opon̛ þe xxxti day he passid̛ vnto Almighti Godd̛.

We rede in 'Legenda Lombardica' when̛ þe Emperour Henrie and Ranegunde MS. Ranegude. his wyfe abade alway clene virgyns, þurgℏ instigacion̛ of þe fend̛, he suspecte his wyfe with a knyght, & made hur for to gang on̛ hate coles, barefute, xv fute lang. And als sone as sho began̛ to ga sho said̛ in þis maner of wise; "Lord̛ Criste! As þou knowis that I am̛ vnfylid̛ bothe of Henry my husband̛ & aƚƚ oþer, so I beseke þe helpe me!" & with þat þis Emperour was esshamyd̛ & gaff hur on̛ þe cheke with hys nefe. And þan̛ a voyce sayde vnto hur; "Marie þat is a mayden̛ hase delyverd̛ þe becauce þou erte a mayden̛." And þan̛ sho passid̛ þurgℏ aƚƚ þis fire vnhurte. And efterward̛, agayn̛ þis Henry sulde dye, a grete multitude of fendis come be þe ceƚƚ of ane hermett, and he oppynd̛ his wyndow & askid̛ one of þaim what þai wer. And þai ansswerd̛ agayn̛ & said̛; "We er a legion̛ of fendis þat bownys vs vnto þe dead̛ of þe Emperour Henrie, to luke if we can̛ fynd̛ any thyng of owrs in hym̛." And he chargid̛ hym̛ to com̛ agayn̛ by hym̛ & teƚƚ hym̛ how þai had done. And he come agayn̛ & tolde hym̛ þai had not sped̛, & said̛; "Ewhils þe fals suspecte þat he had in his wife & aƚƚ his oder iƚƚ dedis war weyed̛ in a weyscale with his gude dedis, þat swythyn̛ Laurens broght a grete hevy pott of gold̛. And when̛ his evuƚƚ dedis was like to hafe bene þe heviar, he kest it in-to þe tother weyscale, & it was hevyar & weyed̛ aƚƚ down̛. & with þat," he said̛, "I was angrie, and starte vnto þe pott & brakk of þe tone ere þeroff; and þis pott was a chales at þis Henre had giffen̛ vnto Ceustus ordur, in wurshup̛ of Saynt Laurens. And becauce it was so grete, he garte make it ij eris, at it mot be liftid̛ vp by." And þis Emperour was dede þe same tyme as þe hermett had knowlege. And he garte luke þe chales and̛ [þe] ta ere wantyd̛, as þe fend̛ sayd̛.

We rede in his 'Meracles Latin MSS. Ex Miraculis Beate Virginis. ' how Leo þe pape opon̛ a Pace day said̛ mes in a kurk of our̛ Ladie, and as he was howsylland̛ cristen̛ men̛, ilkone in þer ordur, a certan̛ womman̛ kissid̛ his hand̛, þurgℏ þe whilk he had a huge temptacion̛ in his flessℏ. And so þis holie man̛ þoght he wolde venge þis temptacion̛ in hym̛ selfe, & þe same day þat hand̛ at slanderd̛ hym̛ so, privalie he cut it off & keste it fro hym̛. And in þe mene while þer rase emang þe common̛ peple a gret murmor whi þe pope said̛ not mes as he was wunt to doo. Than̛ þis Leo made his prayer vnto our̛ Ladie, Saynt Marie, & commytt hym̛ aƚƚ vnto hur providens; and sho onone come vnto hym̛ & with hur holie handis sho restorid̛ his hand̛ agayn̛ vnto his arm̛, & commawndid̛ hym̛ for to go furtℏ & do his mes, & offer þe sacrament vnto hur son̛ as he was wunte to do. And than̛ þis Leo prechid befor̛ aƚƚ þe pepyƚƚ, & tolde þaim what had happend̛ hym̛, and shewid̛ þaim his hand̛ how it was cott off, & þorow our̛ Ladie restorid̛ agayn̛ vnto his arm̛. et c̛.

We rede in his Legend̛ how þer was a knyght presond̛ in Bretany, & he made his prayers speciallie vnto Saynt Leonard̛ to helpe hym̛. And onone, at aƚƚ men̛ saw & might know hym̛, Saynt Leonard̛ apperid̛ in myddest of þe mute-haƚƚ, & went into þe preson̛ & brak his fetters & put þaim in þe mans hand̛, & opynlie emang aƚƚ men̛ he broght hym̛ furth þorow þaim. And aƚƚ þat saw had so mekuƚƚ wonder þerof þat þai war̛ passynglie astonyd̛.

We rede how som tyme þer was a man̛ þat when̛ he dyed̛ bewytt vnto iij sonnys þat he had ane ass, so þat one suld̛ labur it a day, and a noder a noder day, and̛ þe iij þe thrid̛ day, & at þai sulde vpholde it & giff it meate emang þaim. And opon̛ þe furste day þe eldeste bruther had þis ass, & laburd̛ it sore and gaff it nothyng to eate, ffor he vmthoght hym̛ þat his medyƚƚ bruther suld̛ hafe it þe secund̛ day & he wolde giff it meate enogℏ. And on̛ þe secund̛ day þis secund̛ brother had þis ass, & laburd̛ it sore, & gaff it no mor̛ meat no mor̛ þan his furste bruther did̛; ffor he vmthoght hym̛ þat his thrid bruther, þat was richest of þaim aƚƚ, sulde hafe it on̛ þe thrid̛ day, & he said̛ he wold̛ giff it enogℏ. And vppon̛ þe thrid day þe iij bruther had it, & laburd̛ it & gaf it no meate, ffor he vmthoght hym̛ þat his ij brethir had bothe had̛ it, & þai had giffen̛ it meat enogℏ, for þai war richer men̛ þan̛ he. And þus for grete labur & no sustentacion̛ þis ass dyed̛; & þus for þer covatis none of þaim had gude on̛ itt.

Legatarij debent pro legatoribus MS. legatarijs. Lat. MSS. legatoribus. orare. Supra de elemosina, xi MS. iij. .Leo virginem defendebat a corrupcione. Infra de virginitate, iij.

On̛ a day when̛ Saynt Ierom̛ satt with his brethir, sodanlie þer come a haltand lion̛ & went into þe abbay. And onone as þe brethir saw hym̛ þai fled aƚƚ, and Saynt Ierom̛ rase & mett [him] as he had bene a geste. And þis lyon̛ lifte vp̛ his sare fute & lete hym̛ se it, and he callid̛ his brethir & garte one of þaim wassh it, & layd̛ salvis & medcyns þerto, made of herbys, & onone þis lion̛ was hale and was als meke as a hors. And Saynt Ierom̛ chargid hym̛ þat he suld̛ evur[e]day take charge of & kepe ane ass þat broght hym̛ & his brethir feweƚƚ fro þe wud, & he wolde euerilk day at dew tyme hafe þis ass of þe felde & bryng it hame, & kepid hur surelie. So on̛ a day as þis ass was pasturand̛, þis lyon̛ liste wele slepe, & layde hym̛ down̛ & feƚƚ apon̛ a sad slepe; and þer come merchandes with camels be þis ass away, & saw at no bodie was stirrand̛, & þai tuke þisass with þaim. And when̛ þai war gone, þis lyon̛ wakend̛ & myssyd̛ his felow, & soght here & þer romyand̛ & couthe not fynde hit. And when̛ he saw he cuthe not fynd̛ it, he went home aƚƚ hevylie vnto þe Abbay, & stude at þe yate oferrom̛ & durste com̛ no ner̛ becauce he broght not hame þe ass; & he durste not com̛ in as he was wunte to do. And þe monkis, when̛ þai say hym̛ at he come home & broght not þe ass with hym̛ as he was wunt to do, & þai trowed he had etyn̛ hur, & here-for þai withdrew his meate fro hym̛ at þai war wunte to giff hym̛ & wold̛ not giff hym̛ it, bod bad hym̛ go & ete þe hynder-end̛ of þe ass as he had etyn̛ þe for-end̛. And þan̛ Saynt Ierom̛ chargid̛ þis lyon̛ to do þe ass offes, & to bryng home wod on̛ his bak daylie to þe kychyn̛ as it was wunt to do; & mekelie he did̛ it as he was commandid̛ & gruchid̛ nothyng þerwith. So on̛ a day as þis lyon̛ was walkand̛ be his one, he was war of þies merchandis com̛ of ferrom̛ with þer camels ladyn̛, & þis lyon̛ ass̛ at he kepid̛ emang þaim. And with a grete romying he ran̛ opon̛ þaim, & aƚƚ þe men̛ fled & war passand ferd̛, and aƚƚ þies camels & þis ass, bothe with merchandis as þai war ladyn̛, he broght vnto þe Abbay. And when̛ Saynt Ierom̛ saw, he commawndid̛ his brethir to giff þies cateƚƚ meate, and þan̛ to abyde þe wiƚƚ of God̛. & þan̛ þis lion̛ come into þe abbay as he was wunte to do, & wente to Saynt Ierom̛ & syne fro monk to monke, & fawnyd̛ þaim & lowtid̛ vnto þe ertℏ, evyn̛ as he had askid̛ þaim forgyfnes. And þan̛ þe merchandis come & knew þer fawte & askid̛ Saynt Ierom̛ forgyfnes; & he forgaff þaim when̛ þai confessid̛ how þai did̛, & lete þaim hafe aƚƚ þer gudis agayn̛. And þai gaff þe abbay to amendis a messur of oyle, and band̛ þaim & þer successurs for evur more yerelie to giff vnto þat abbay þe same messur, and so þai do yerelie vnto þis day.

Lena impetrat quod petit. Infra de oratione.Letania cantari MS. cantaria. debet. Supra de cantu, vj.

Theobaldus, þat was þe noble Erle of Campanye, with grete deuocion̛ wold̛ visit layser howsis, and befor̛ his casteƚƚ-yate þer dwelte a layser. And þis lord̛ had in condicion̛, þat als ofte as he come be his howse away he wolde go in & wassℏ hys fete & giff hym̛ almos. So it happend afterward̛ þis layzer dyed̛ & was berid̛, & þe erle wiste [not]. So hym̛ happend̛ afterward̛ com̛ be þis howse & wiste not at þe layzer was dead, bod he went in as he was wunt to do, & þer he fand̛, not þe layzer, bod Almyghti God in þe layser clothyng, and he did hym̛ serves as he was wunte to do; and in his harte he felid a grete swetnes. And when̛ he was gone furtℏ, one of his men̛ tolde hym̛ þat þis layzer was dead̛ & berid in suche a place. And als tite as he harde þis, þis trew man̛ thankid̛ Almiȝtty God̛, whome þat he adlid̛ to serve in His awn̛ presens; and afterward̛ he servid̛ Hym̛ ofter in his membres. et c̛.

In Frawnce þer was a man̛ of grete mekenes & mercie, & inspeciaƚƚ vnto laysers, vnto so mekuƚƚ þat wharesom-evur he mett þaim he wolde giff þaim almos. So on̛ a tyme hym̛ happynd̛ to mete a man̛ þat was passand̛ horrible lepre, & wolde hafe giffen̛ hym̛ almos. And he said̛; "Nay, I wiƚƚ no money. Bod I pray þe wype þe filthe fro my nease." And þis man̛, furste with his fynger & syne with his sarke skirte, wypid it als softlye as he cuthe. Þan̛ þe layser man̛ sayd̛; "I may not suffer so mekyƚƚ sharpnes, & þerfor̛ I pray þe lykk̘ it away with þi tong." And he neuer-þe-les, þuf aƚƚ his natur vggid þer-wit, yit he lykkid̛ it away with his tong. And sodanlie oute of þe layzer nese in-to his mouthe þer feƚƚ ij precious stonys Lat. MSS. Subito gemma preciosissima in os suum de naribus leprosi cecidit, et, ipso uidente, ad celum ascendit. , & furthwith, evyn̛ at he say, þis layser stevend̛ vp̛ vnto hevyn̛. et c̛.

Leprosi specie deus hospicio recipitur. Supra de hospicio.Leticiam aliquando gerit paupertas, et diuicia tristiciam. Supra de diuicijs.Lex. De Lege, et c̛ A discourse on Law omitted here. .

Commestor Mallius Torquetus Harl. MS. Manlius Torquatus. , þat was a conselur of Rome, when̛ he had betyn̛ his son̛ with a wand̛, he strake hym̛ with ane ax, becauce he faght with his enmys agayns þe commandment of þe concelurs; & neuer-þe-les yit he ouer-come þaim. et c̛.

Leges quas imperatores faciunt eciam ipsi observare debent. Infra de prelato.

Lantigonus Lat. MSS. Antigonus. , þat was kyng of Macydony, on̛ a tyme when̛ a pure man̛ Lat. MSS. amicus. askid hym̛ a peny, he ansswerd̛ agayn̛ & said þat it was mare þan̛ a pure man̛ Lat. MSS. plus esse quam amicus deberet petere. sulde aske. And þan̛ he askid̛ hym̛ a halpeny, & he ansswerd̛ agayn̛ & said̛; "It is les þan̛ it semys a kyng for to giff." And Senec stude by & saw, & he said̛ þis was a fowle cauillacion̛, when̛ he mot nowder se þe kyng giff þe pure man̛ a peny, nor þe pure man̛ resayfe a halpeny of þe kyng; ffor þer is no þing so mekuƚƚ made of as is þat þyng þat a man̛ giffis with his gude wyƚƚ. et c̛.

We rede of þe Emperour̛ Titus, how þat he was so liberaƚƚ of gifte þat on̛ a day when̛ no man̛ come & askid hym̛ noght, he sayd at evyn̛ vnto hys men̛; "O, ye frendis! This day hafe I loste!"

Liberacio. Liberat Maria incarceratos. Infra de Maria, ij. Liberant diuersi sancti diuersos. Supra et infra in locis suis.Libido. Infra de muliere.Lingua mala multum est detestabilis. Supra de excommunicacione.Lingua aduocati est venalis. Supra de Aduocato, iiij.Lingua mala turbat multos. Supra de Iracundia, iij.

When̛ a meneya MS. meneza. of brether war at a calacion̛ & þai spak to-gedur of þingis þat perteynyd̛ vnto þe bodie, þer was one alde man̛ emang þaim þat hyght Corpreys. & he rase & went away, & knokkid̛ on̛ his breste & said̛; "Wo is þe, Corpres! For þou levis þase þingis þat God commandid̛ þe, þat is to say, meknes & paciens & sike oþer thingis lyke, and Harl. MS. et loqueris de hijs que deus non requirit a te. spekis nothyng of swilk þingis as God askis of þe." et c̛.

On̛ a tyme when̛ Saynt Petur prechid̛, þer was som̛ þat wolde mofe vnto hym̛ vnprofitable questions, & þan̛ he wolde say vnto þaim; "Þe tyme is shorte, & þe dome of God drawis nere, & þerfor̛ befor̛ al thyngis latt vs seke how & of what maner of wise we sulde doo to gett vs euer-lastand life."

Som tyme þer was a non̛ þat was chaste of bodie, bod sho wold̛ nott restrene hur tong fro fowle langwage; so hur happend to dy & be berid in þe kurk̘. And opon̛ þe night after, he þat kepid þe kurk̘ saw hur broght befor̛ ane altar & cut in sonder evyn̛ be þe myddeste. & þe [tone] parte was burnyd̛ and þe toder parte putt in þe grafe agayn̛; and on̛ þe morn̛ þai mot se þe prynte apon̛ þe merbyƚƚ stonys, like as a woman̛ had bene bodelie burnyd̛ þer.

Loquendum non est indifferenter coram omnibus. Supra de augurio MS. augurrio. .Loqui non debemus de defectibus aliorum. Supra de iudicio, iij MS. i. .Loquendum est semper caute et non est demon denominandus. Supra de demone.

In þe iiij yere of Iustinyan̛ was þer ij bisshoppis, and þer enmys come on̛ þaim & pullid̛ þer tongis oute of þer hedis. Afterward̛ be revelacion̛ þai wer restorid̛ vnto þer tongis & mot speke, & did̛ many meracles. So at þe laste þai began̛ to wax prowde of speche, and onone, as God wold̛, þai wex bothe dom̛, & did neuer meracles after. And Saynt Gregor̛ tellis in his 'Dialoggis' þat þe tone of þaim feƚƚ vnto þe syn̛ of lichorie, & her̛-for̛ God deprivid̛ hym̛ of meracles-doyng; and þe toder of þaim feƚƚ vnto pride, & loste aƚƚ þe vertue of his meracles-doyng.

Ther̛ was som̛ tyme in a cetie a passand̛ curios barbur, and for euer-ilk man þat he shufe he tuke a peny, and at þe weke-end̛ he mot pay for his burd̛ & putt in his purs ij or iij shelyng. So hym̛ happend̛ on̛ a tyme to here teƚƚ of a noder cete þat barburs tuke for ilk man̛ shavyng in a shelyng, and he tuke his instrumentis with hym̛ & þoght he wolde go dweƚƚ þer. Not-withstondyng, or he went, aƚƚ þat evur he gatt of his wynnyng he spendid it & made hym̛ mery þerwith. So he come vnto þe toder cetie & sett vp his crafte, & on̛ þe furste day he gatt mekuƚƚ money. And he was fayn̛ þerof & wente vnto þe bowcherie & thoght to by hym̛ flessℏ vnto his supper, & it was spitefuƚƚ dere, and so with-in a while he conseyvid̛ þat, if aƚƚ he tuke neuer so mekuƚƚ for a mans shavyng, yit his meat & his drynke koste so mekiƚƚ þat he mot not spare no syluer bod spendid̛ it euer as he gatt it. And þan̛ he vmthoght hym̛ & said̛ vnto hym̛ selfe; "I spend aƚƚ my wynnyng of my meatt & my drynk & can̛ not safe a peny, þuf aƚƚ I take a shelyng for a shavyng, and when̛ I tuke bod a peny for a shavyng, I couthe wele spar som̛ syluer euer-ilk day, & now I can̛ not so, for here I may not get my lyfelod̛." And he gatt his gere to-gedur & went agayn̛ vnto þe toder cetie & right not in his purs.

When̛ Altibiades Socrasticus was with ane eame of his & lernyd̛ þe vij scians liberaƚƚ, his MS. he. eame gaff a tromper a trompe þat is callid̛ Tibia, to thentent þat he sulde lern̛ his cossyn̛ to trompe þerwith & to syng þerwith, ffor in þat contre it was a common̛ mynstraly. And he sett þis trompe to his mouthe & began̛ to blaw, & it was foyste & iƚƚ-saverd̛ & garte hym make grete chekis, & as hym̛ þoght, it deformyd̛ his face when̛ he blew þerin. And her̛-for̛ he keste it fra hym̛ & brak it. And be exsample of hym̛, þat he luffid it nott, he chargid̛ aƚƚ þe contre þer he dwelte afterward̛ þat þai sulde neuer vse þat mynstralcie, and so þai vsid̛ it neuer vnto þis day.

In þe Cetie of Susan̛, with-in þe dioces of Colan̛, þer was a knyght, and he was so giffen̛ vnto playing at þe dice, at nyght & day he was evur redie to play with any þat wolde com̛; and he was passand fortunat in playing & temyd many mans purs. So on̛ a nyght þe devuƚƚ come in a mans liknes & desyrid̛ to play with hym̛, & he went in-to þe howse with hym̛, & a grete sakett fuƚƚ of mony in his hand̛, & þai played to-gedur to þis knyght had nere-hand̛ loste aƚƚ þe mony þat he had̛. And þis knyght, when̛ he had loste, began̛ to wax angrie & said̛; "Þou erte þe devuƚƚ, hope I." And þan̛ þe toder said̛; "Now we hafe played enoghe, and vs bus now go." And he tuke þe knyght be þe nekk & drew hym̛ oute þurgℏ þe thakk of þe howse. And his body breste & his bowels cleuyd̛ on̛ þe sclathe stonys. And on̛ þe morn̛ his bowels was fon̛, bod what at wurthed of þe bodie cuthe neuer man̛ teƚƚ to þis day, & þai went & berid̛ his bowels.

Ludus avium in hoc seculo punitur. Supra de Aue.Lupi confessoris. Supra de Amore.

We rede how on̛ a tyme a wulfe ouercome a damyseƚƚ & gatt hur be þe arm̛ in a town̛, & sho cryed̛ faste; & euer when̛ sho cryed he wolde strene hur sore, & when̛ sho held̛ hur tong he sparid̛ hur. Notwithstondyng he haylid̛ hur vnto þe wud̛ vnto a noder wulfe þat had a bane stykkand̛ in his throte, and he was gretely turment þer-with & he gapid̛ wyde. & þe After þe, j, erased. damyseƚƚ saw þe bane stik in his throte, & sho put in hur hand̛ in his mowthe & pullid̛ it oute. And he & his felow broght hur agayn̛ vnto þe town̛ safe & sownd̛, & lowtid vnto hir and went þer wayes. et c̛.

In companye scolers on̛ a tyme had remedy & went to play þaim, & þai fande in þe wud a wulfe den̛; & þer was wulfe-whelpis þerin, bod þer dam̛ was away. So one of þies scolers cut of aƚƚ þe fete of þe wulfe-whelpis, and when̛ þe scolers was gone þe wulfe come vnto hur den̛ and fand̛ hur whelpe fete cut of. & sho gat oute & folowid̛ opon̛ þies scolers, and sho sewid̛ alonelie on̛ hym̛ þat did þe dede. And he was passand ferd̛ & clambe vp in-to a tre, and when̛ sho saw sho mot not gett hym̛, sho began̛ to skrape & grafe abowte þe rowte with hur naylis. & when̛ sho saw sho mot not so com̛ to hym̛, sho cryed & gaderd̛ samen a grete meneya of wulvis to helpe hur. And in þe mene-while þe scolers tolde men̛ in þe town̛, and þai come oute with clubbis and staffis & flayed þies wulvis MS. wufvis. away, & broght þis scolar hame emyddeste of þaim aƚƚ. Þe wulfis folowid̛ þaim oferrom̛, bod sho alonelie come evur on̛ þaim & wolde not lett for þaim aƚƚ, bod come rynand̛ in emang þaim & gatt þis scolar be þe nekk, & onone sho werid̛ hym̛. And þai feƚƚ vpon̛ hur & slew hur. et c̛.

Petrus de Lombardia tellis & says; "I saw ans a yong man̛ þat was born̛ in Fraunce & broght vnto he was at mans age Harl. MS. educatus vt more luporum semper ad manus et pedes sciuit currere atque ululare. , and he cuthe gang on̛ his fete & his handis as a beste and crye like a wulfe."

Lupanari expositam virginem custodiuit deus. Infra de virgine.

In þe Cetie of Susace was þer a womman̛ þat keste hur harte hugelie on̛ a clerk þat had fayr̛ een̛, to hafe at do with hym̛, vnto so mekuƚƚ at sho said̛ vnto hym̛; "And þou wiƚƚ hafe at do with me aƚƚ my gude sal be thyne." And he excusid̛ hym̛ & wolde nott. And sho saw þat & went vnto þe iustis & accusid̛ hym̛, & said̛ he wold̛ hafe oppressid̛ hur. And þe iustis sente for hym̛ & dampnum For dampnatus est? for lichori vnto prison̛. And sho contynod stiƚƚ in hur fals syn̛ & luste, & gatt a stye & clam̛ vp at a hy waƚƚ to a wyndow of þe prison̛, & clambe our & lepyd down̛ vnto hym̛ & laburd̛ hym̛ to hafe att do with hym̛, and he wolde not grawnt vnto hur. And als tyte as sho was fon̛ with hym̛ þai went & tellid̛ þe iudgies, and þai trowid̛ he had bene a wyche & vsid̛ sorcerye, & demyd̛ hym̛ to be burnyd̛, and so he was. & when̛ his ribbys was burnyd̛ þat men̛ myght se his longis, he began̛ to syng "Ave Maria," at aƚƚ folke hard̛. And onone one of þe wommans cussyns putt a grete colle in his mouthe & said̛; "I saƚƚ putt away þi prayers." & with þat he worod̛ hym̛; & his bonys war berid̛ in þe felde & did many grete meracles. And now vpon̛ his grafe is þer made a wurthi kurk.

Luxuriosa mulier. Infra de muliere, iiij.

We rede of a non̛ of þe dioces of Colan̛, and sho conseyvid̛ & bare a child̛ & when̛ it was born̛ she slew it. So afterward̛ hur happend faƚƚ seke & was bown̛ to dye, and sho shrafe hur of aƚƚ hur synys outtakyn þis syn̛ of þe slayng of hur childe; and þan̛ sho dyed̛. So afterward̛ sho apperid̛ vnto a cussyn̛ of hurs at prayed for hur, and sho bare in hur armys a burnande childe, & said̛; "þis childe I conseyvid̛, & when̛ it was born̛ I slew it. & þerfor̛ euer I mon̛ bere it abowte & it is a passand̛ byrnand̛ fyre vnto me. And if I had bene shrevyn̛ þerof I had had grace, & now I mon̛ hafe none for I am̛ dampnyd̛."

Luxurie peccatum committunt eciam religiosi, vt hic et supra et infra diuersis locis.Luxuria religiosos religionem relinquere facit. Infra de Maria, vij.

We rede of a prestis concubyne, þat when̛ sho was bown̛ to dye sho cried̛ opon̛ þaim at was aboute hur with grete instans, & bad þaim gar make hur a payr of hy bottois & putt þaim on̛ hur leggis for þai war passand̛ necessarie vnto After vnto, h, erased. hur, and so þai did̛. And opon̛ þe night after þe mone shane bryght, and a knyght & his servand̛ was rydand̛ in þe feldis to-gedur, and þer come a womman̛ rynand̛ fast vnto þaim, cryand̛ & prayed̛ þaim helpe hur. & onone þis knyght light & betaght his man̛ his hors, & he kennyd̛ þe womman̛ wele enogℏ, & he made a cerkle abowte hym̛ with his swerd̛, & tuke hur in vnto hym̛; & sho had nothyng on̛ bod hur sarke & þies buttois. And belife he harde a blaste of ane vgsom̛ horn̛ at a hunter blew horrible, & huge barkyng of hundis, and als sone as þai hard̛, þis womman̛ was passand ferde. And þis knyght spirrid̛ hur whi sho was so ferd̛, & scho tellid̛ hym̛ aƚƚ; and he light & tuke þe tressis of hur hare & wappid it strayte abowte his arm̛, & in his right arm̛ he helde his swerd̛ drawen̛. And belife þis hunter of heƚƚ come at hand̛, & þan̛ þis womman̛ said̛; "Lat me go, ffor he commys." And þis knyght held̛ hur stiƚƚ, & þis womman̛ pullid̛ faste & wolde hafe bene away. So at þe laste sho pullid̛ so faste at aƚƚ hur hare braste of hur heade, & sho ran̛ away & þis fend̛ folowd̛ after & tuke hur, & keste hur ouerthwarte behynd̛ hym̛ on̛ his hors at hur hede & hur armys hang down̛ on̛ þe ta syde, & hur legis on̛ þe toder syde. & þus, when̛ he had his pray, he rade his ways, and be þan̛ it was nere day. & þis knyg[ht] went in þe mornyng vnto þe town̛, & he fand̛ þis womman̛ new dead̛, & he teld̛ aƚƚ as he had sene, & shewid̛ þe hare at was wappid̛ abowte his arm̛. And þai lukyd̛ hur head̛ þer sho lay, and þai fande how aƚƚ þe hare was plukkid̛ of be þe rutis. And þis happend̛ in þe bisshopprik of Magentyne.

In þe dioces of Coleyn̛ þer was a yong damyseƚƚ þat was rakles & lichoros. So at þe laste, after grete sekenes, hur happend̛ to dye, and as sho lay nakid̛ on̛ þe flure, couerde with a shete, aƚƚ þe doggis of þe town̛ come samen into þe howse, & drew of þe shete and pullid̛ hur aƚƚ to gobettis so þat vnnethis þe husbandis After husbandis, þe h, erased. myght dyng þaim away. And þan̛ þai gaderd̛ samen þe pecis of hur body & berid̛ it. And þe dogis come agayn̛ vnto hur grafe & skrapid̛ vp þe pecis agayn̛, & bate þaim as þai did̛ befor̛ in sonder, & faght ilk one with oþer als faste as þai myght, to þai had aƚƚ etyn̛ hur for oght at any man̛ cuthe lett þaim.

Luxuria inter alia peccata impedit confessionem. Supra de contricione.Luxuria eciam a sene difficile vincitur. Supra de Andrea.Luxurie possunt adaptari ea que supra dicuntur de adulterio, Andrea, carnis temptacione et fornicacione MS. et infra de fornicacione. .Macharij Abbatis. Macharij humilitas demonem confundit. Supra de humilitate.Macharius MS. Macharij. de occisione culicis MS. Harl. pulicis. MS. Arund. culicis. se mordentis penitenciam egit. Infra de vindicta.Macula nocet homini multipliciter MS. multiplex. . Supra de debito.Machometi. Supra de decepcione, j.

We rede ex 'Legenda Lombardica' how þe Duke of Marsilie & his wife þurgℏ techyng and prechyng of Marie Magdalen̛ war turnyd vnto þe faitℏ and þai had no child̛, & þai prayed̛ vnto hur at þai myght hafe a childe. So his wife happend to be grete with childe, and Mary Magdalen̛ markid̛ þaim bothe with þe cros, for þai desyrid̛ to see Saynt Petur þe apposteƚƚ, & to be enformyd̛ of hym̛ and þe wife was grete & wolde nott lefe hur husband̛. So as þai wer vppon̛ þe se it feƚƚ a grete storme of wedur, so mekuƚƚ at þai aƚƚ, & in speciaƚƚ þis womman̛ with childe, war passynglie trubbled̛ & dissesid̛, vnto so mekuƚƚ þis womman̛ was delyver of a childe & dyed̛. & when̛ þis childe was born̛ it laytid̛ after þe moder papp̛, & wepid and made grete murnyng. And þe fader þerof wepid & said̛ vnto hym̛ selfe; "Allas, wriche! þou desyrid̛ a childe & now þou hase loste bathe þe moder þerof and þe childe." And þe shipmen̛ wolde hafe casten̛ hur bodie into þe see, and hur husband̛ gatt grawnte of þaim at sho sulde be had to land̛, & so sho was; & hur husband̛ laid̛ ℏur þer wappid̛ in a mantyƚƚ dead̛, & hur childe whik in hur arm̛. And þan̛ he said̛ with grete wepyng; "O þou Magdalene! Wold̛ God þou had neuer commen̛ vnto Marsilie, and wold̛ God my childe had bene born̛ þer. Bod þat I purchasid̛ be the, I beteche it to God & þe to kepe." And so he went vnto þe shupp̛ agayn̛ & come vnto Rome vnto Saynt Petur, and told̛ hym̛ aƚƚ þe case. And Saynt Petur comforthid̛ hym̛ & said̛ vnto hym̛ þat God was of power to turn̛ his sorow into ioy. And he informyd [hym] in þe faitℏ, and shewid̛ hym̛ aƚƚ þe conuersacion̛ of Criste, & þe placis of His passion̛; & he went agayn̛ vnto shipp̛. And after þe space of ij yere afterward̛ he landid̛ at þe same place þer he lefte his wyfe, and he was war of a little childe þer on̛ þe see-bank, playing hym̛ with little stonys, and he had grete mervaƚƚ what it was & went þerto. & onone as þe childe saw hym̛ & had neuer sene man̛ befor̛, he ran̛ vnto his moder breste, & crepid̛ vnder-nethe þe mantyƚƚ & hid̛ hym̛. And when̛ his fadur come at hym̛ a lifte vpp̛ þe mantyƚƚ & fand̛ it was a fayr, whikk̘ childe, "O þou, Marie Magdalen̛!" he said̛, "how happy war I if my wyfe war now on̛ life & myght go home with me into myne awn̛ contretℏ, ffor I knaw wele enogℏ at þou, whilk hase nurisshid̛ my childe, is of power to rayse my wife fro dead̛ to life, & þou wiƚƚ." And at þis wurd̛ þe womman̛ was olife & rase vp, and said̛; "O, þou Magdalen̛! þou erte of grete merett, whilk þat in my childyng was medwife vnto me, & evur syne hase helpid̛ me in aƚƚ my nedis!" And when̛ hur husband̛ hard̛ hur speke, he was fayn̛ & sayd̛; "Womman̛, liffis þou?" And sho ansswerd̛; "Ya, & I hafe [bene] with þe in euerilk place þer þou hase bene." And sho tellid̛ hym̛ aƚƚ & faylid̛ neuer a wurd̛. And þan̛ þai aƚƚ samen wente hame vnto Marsulie, þer awn̛ contrey. And when̛ þai come at home þai feƚƚ on̛ kneis befor̛ Marie Magdalen̛ & thankid̛ hur hertelie, & tolde hur aƚƚ how it had happend̛ þaim.

We rede in 'Legenda Lombardica' how, on̛ a day, Marie Magdaleyn̛ in þe vij canon̛ howris was liftid̛ vp in-to þe ayre with angels, and with hur bodelie eris sho hard̛ glorios sangis of hevynlie companys, þu[r]gℏ þe whilk euerilk day sho was fed, & wytℏ þe same aungels had in-to þe ayr & broght down̛ agayn̛, so þat sho mysterd̛ nor desyrid̛ no bodelie meat. So opon̛ a day þer was a solitarie preste at dwelte bod a little þine, and with his bodelie een̛ he saw how sho was daylie liftid̛ vp̛ into þe ayr with angels, & þer holden̛ ane howr̛ space, & how angels with mery sang sett hur down̛ agayn̛ þer sho was.

We rede in 'Legenda Lombardica' how þer was in Flandres a clerk̘ þat hight Stephan, & he feƚƚ vnto so grete syn̛ & folie so þat he vsid̛ to do aƚƚ maner of folie, bod he wold̛ nowder do nor here nothyng þat was gude. Neuer-þe-les he had grete deuocion̛ vnto Marie Magdaleyn̛, & wurshuppid̛ hur day & fastid̛ hur evyn̛, and wold̛ go in pylgramege vnto hur grafe. So on̛ a tyme sho aperid̛ vnto hym̛ in lyknes of a fayr womman̛, bod sho had wepyng een̛, and sho said̛ vnto hym̛; "Stephan, whi duse þou iƚƚ dedis agayn̛ my gude merettis? Whi ert þou not movid̛ with no compunccion̛ for þi syn̛? And I hafe prayed so hartlie for þe sen̛ þou had deuocion̛ vnto me, and þerfor̛ rise & forthynke þe, for I wiƚƚ not forsake þe to þou be recownceld̛." And fro thens furtℏ he felid̛ so mekuƚƚ grace yett in hym̛ þat he forsuke þis werld̛, & tuke hym̛ vnto religion̛ & shrafe hym̛ & did penance, & lifid̛ a gude life & died̛ a holie man̛. And when̛ he dyed̛ Mari Magdaleyn̛ was sene at his dying, & had his sawle vnto hevyn̛ in ane angeƚƚ lyknes.

Magistro est exhibenda reuerencia. Infra de peticione.Magistro possunt adaptari que dicuntur de doctore et predicatore.Magus multa signa facit. Infra de Simone Mago.Magus arte sua multos decipit. Supra de decepcione.

We rede in þe Cronicles how Titus þe Emperour was fuƚƚ of aƚƚ vertues, to so mekuƚƚ he was callid̛ þe delitis of aƚƚ mans kynd̛; and þai þatt war convicte of coniuracion̛, he tuke þaim After þaim, toke, erased. to familiarite & forgaff þaim, & he wolde deny nothyng to no man̛ þat askid̛ hym̛, becauce he wolde at no man̛ went hevylie fro hym̛, & þat day hym̛ thoght was loste at he gaff no thyng on̛.

Mansuetus iniurias remittit. Infra de paciencia, ij.Malicia sacerdotis non polluit sacramentum. Infra de sacerdote, ij.Malicia societatis nocet eciam bonis. Infra de societate, i et iij.Malicia mulieris multa mala facit. Infra de muliere, ix et x.Malicia mulieris quandoque in caput suum reuertitur. Infra de muliere.

We rede in 'Our̛ Ladie Meracles' how som̛ tyme þer was a noble knyght of Kurkby þat was deuowte vnto our̛ Ladie, and on̛ a tyme as he went vnto þe were, he went in-to ane abbay þat was fowndid̛ of our̛ Ladie & was in his way, & þer he hard̛ mes. And when̛ ilk mes was done after oþer, & he for wurshup̛ of our Ladie wold̛ not go or he had hard̛ þaim aƚƚ, at þe laste he wente furtℏ of þis abbay & hastid̛ hym̛ vnto þis turnament. He mett meneya command̛ fro þe turnament, & aƚƚ was done; þai said̛ at he had foghten̛ manlelie in þe bateƚƚ & born̛ hym̛ passand̛ wele. And̛ þai stude stiƚƚ vnto aƚƚ come aboute, & ilk man̛ with a hale voyce commendid̛ & said̛ he had foghten̛ wurthelie. And þer come som̛ & offerd̛ þaim vnto hym̛ & said̛ þat he had̛ taken̛ þaim prisoners in þe bateƚƚ. So þe man̛ was discrete and purseyvid̛ how our Ladie had rewardid̛ hym̛, & he gaff vp aƚƚ werldlie þingis & servid̛ hur Son̛ & hur euer after whils he liffid̛.

We rede in hur 'Meracles' how þer was a wedow þat had no childe bod a son̛, whilk þat sho luffid̛ passandlie. So on̛ a tyme hym̛ happynd̛ to be taken̛ with his enmys and putt in prison̛, and his moder was passand̛ devowte vnto our̛ Ladie & made hur prayers hertlie vnto hur for hur son̛. And so sho saw at it profettid̛ nott, & sho wente vnto þe kurk þer our̛ Ladie was berid̛, and þer was a fayr ymage of our̛ Ladie with hur Son̛ opon̛ hur kne, and be hur one sho sett hur down̛ on̛ hur kneis & said̛ vnto our̛ Ladie on̛ þis maner of wyse; "Thow blissid̛ Ladie! I hafe ofte prayed vnto þe for my son̛, & þou hase not hard̛ me, & þerfor̛ as my son̛ is takyn̛ fro me, so saƚƚ I take þi Son̛ fro the, & kepe hym̛ in wed for my son̛." & sho tuke away þe ymage of our̛ Ladie Son̛ þat satt on̛ hur kne & had it home, & wappid̛ it in a clene shete, and putt it in hur arke & lokkid̛ it, & was ioyfuƚƚ & trowid̛ sho had a gude wed for hur son̛. And on̛ þe night after, our̛ Ladie apperid̛ vnto þe yong man̛ and lowsid̛ his fetters, & oppend̛ hym̛ þe prison̛ dure & lete hym̛ furtℏ & sent hym̛ vnto his moder, and bad hym̛ say vnto his moder þat sho suld̛ bryng hur hur Son̛ MS. Sons. agayn̛ for sho had sent hur hurs. And þis yong man̛ come vnto his moder & tellid̛ hur aƚƚ how our̛ Ladie had delyuerd̛ hym̛. And sho was passand̛ fayn̛, & bar̛ agayn̛ þe ymage-childe vnto þe kurk̘ and said̛, "Blissid̛ Ladie, I thank þe at þou hase giffen̛ me my son̛ agayn̛, & behold̛, lo, I bryng þe thyne agayn̛."

We rede in hur 'Meracles' how som tyme þer was a thefe, & he had a grete deuocion̛ vnto our̛ Ladie, & said̛ hur salutacion̛ oft vnto hur. So at þe laste he was takyn̛ with thift & hanged̛, and our Ladie come & held̛ hym̛ vp iij dayes, hur awn̛ handis, so þat he felid̛ no sare. So þai þat hanged̛ hym̛ happend̛ be cace to com̛ by hym̛ away, & fand̛ hym̛ mery and̛ liffand̛, and þai trowed̛ he had̛ not bene wele hanged̛. & þai wer avysid̛ to hafe stykkid̛ hym̛ with a swerd̛ as he hang, and as þai wold̛ hafe stryken̛ hym̛, our Lady putt it away with hur hand̛, so at þai noyed hym̛ noght. And he told̛ þaim how our Ladie helpid̛ hym̛, & þai tuke hym̛ down̛ & lete hym̛. & he went vnto ane abbay & þer servid̛ our̛ Ladie ewhils he liffid̛.

We rede in hur 'Meracles' how þer was a devowte clerk̘, and euer-ilk day he wolde say deuotelie þe howris of our Ladye. So his fadur & his moder dyed̛, and he was þer heir & had a grete heritage. So he was compellid̛ & cownceld̛ be his frendis to take hym̛ a wyfe, and so he did̛. & on̛ þe day at he was wed, as he went hamward̛ fro þe kurk̘, þer was ane abbay of our̛ Ladie in his way, & he had forgetten̛ to say his howris & went into þe abbay to say þaim, & sett hym̛ down̛ on his kneis befor̛ owr̛ Ladie & said̛ þaim. And sodanlie our̛ Ladie spak to hym̛ & said̛; "O, þou fule, & vnwise clerk! Whi forsakis þou me, þi best frend MS. frendis. , & takis a noder spowse?" And with þis wurdis he was gretlie compuncte & went hame & made a nend̛ of his weddyng. & att evyn̛ he lefte his wife & aƚƚ his lifelod̛, & went vnto þe abbay & made hym̛ a monke, & servid̛ God & our Ladie aƚƚ his life. et c̛.

Marie placet missa de eadem MS. eo. dicta. Infra Thome martiris, v.

We rede in hur 'Meracles' of a man̛ & a womman̛ þat wunte nere þe cetie of Lugdun̛, abowte þe yere of our Lord̛ M. C., & þai had no childe bod a doghter. & þai marid̛ hur with a yong man̛, & þai helde hym̛ in þer howse, & þe moder luffid̛ hym̛ als wele as sho did hur awn̛ doghter. And kurste tongis said̛ þat sho luffid̛ hym̛ not alonelie for hur doghter sake, bod rather becauce sho lete hym̛ lig by hur in-stede of hur doghter, & sho hard̛ teƚƚ þeroff & was ferd̛ þat sklanderd̛ sulde rise of hur betwix hym̛ & hur, and privalie scho slew hym̛ when̛ hur husband̛ & hur doghter war away, & layd̛ hym̛ in hur doghter bed. So in þe mornyng, as þai satt at dener sho bad hur MS. our. doghter go wakyn̛ hur husband̛, & byd̛ hym̛ rise. And sho went & fand̛ hym̛ dead̛, & cryed̛, and sho & þe moder made bathe mekuƚƚ sorow; neuer-þe-les sho forthoght hur þerof, & wente vnto þe preste & shrafe hur, & tolde hym̛ aƚƚ how sho had done. So afterward̛ þis womman̛ & þis preste feƚƚ at debate, and he disclanderd̛ hur & tolde hur cownceƚƚ, & vpbrayed hur þerwith. And when̛ it come to knowlege of þe yong man̛ fathir & his moder, thai garte take hur & bryng hur befor̛ a iustis, & þer sho was demyd to be byrnyd̛. And scho wepyd̛ & betuke hur vnto our Ladie. And when̛ þe fyre was kyndled̛ abowte hur, sho stude stiƚƚ vnhurte, and hur enmys kyndled þe fire ner hur & it profetid̛ þaim noght. So þai tuke forkis & stowris & thruste hur down̛ with, & it stedid̛ þaim of noght. And þan̛ þe iustis had grete merveƚƚ & beheld̛ hur graythlie, & he cuthe se no takyn̛ of burnyng on̛ hur, bod alonelie wowndis þat sho had with þe forkis & þe stowris. So sho was takyn̛ furtℏ & led hame, & balmyd & refresshid̛, and with-in iij dayis after sho, perseuerand in grete lovyngis of our Ladie, gaff vp hur gaste, and passid̛ vnto Almighti God̛.

We rede in hur 'Meracles,' þat aboute þe yere of our̛ Lord̛ CCC vij Lat. MSS. xxxvij. , in þe land̛ of Cecilie, [was] one þat hight Theophil, at was chauncelur vnto a bisshopp̛, & was wise & gracious. So on̛ a tyme he was putt oute of his offes, and her̛-for̛ he feƚƚ in a grete sorow & a dispayr. And so hym̛ happend speke with þe devuƚƚ, and be command̛ of hym̛ he forsuke Criste & His moder, & he renownced̛ his faithe, and herefor̛ he made hym̛ a cyrographatt wretten̛, & selid̛ it with his awn̛ ryng. And when̛ it was selid̛ he delyverd̛ it vnto þe devuƚƚ, and band̛ ℏym̛ to do hym̛ serves whils he liffid̛. So with-in a while after, be procuryng of þe fend̛, he was restorid̛ agayn̛ vnto his offes. So after hym̛ forthoght, and callid̛ opon̛ our Ladie, & made his prayer vnto hur; & sho apperid̛ vnto hym and blamyd̛ hym̛ for þat at he had done. And be hur commandmend [he] forsuke þe devuƚƚ and tuke hym̛ vnto God & our Ladie, and he was broght befor̛ a iustis. And þe devuƚƚ shewid̛ þis cirographatt, and our Ladie tuke it fro hym̛ & laid̛ it on̛ Theophiƚƚ breste, þer he was slepand̛. And when̛ he wakid̛ he fand̛ it, & was passand fayn̛ þer-of, and evyn̛ opynlie, befor̛ þe bisshopp̛ & aƚƚ þe peple, he stude vpp & confessid̛ hym̛. And aƚƚ men̛ had grete mervayle þer-off, & he did his penans þat was ioyned hym̛ þerfor̛, & with-in a while after he decesid̛ & made a gude endyng.

Marie salutacio causa est miraculi post After post, p, erased. mortem. Supra de annunciacione dominica.Maria protegit a combustione. Supra de eukaristia.Maria liberat de infamia. Supra de infamia, ij, et de abbatissa, j.Maria ordinem predicatorum attulit. Supra Dominici, iij.Maria deuotis sibi in necessitate adiuvat. Supra de familiaritate.Maria horas de se dicentibus apparet in morte. Supra de horis, ij.Maria consolatur suos. Supra de consolacione.

Som tyme þer was a non̛ þat hight Betres, a passand fayr womman̛, & sho was sacristan̛ of þe kurk̘ and sho had grete deuocion̛ vnto our Ladie; and oft sithis men̛ desirid̛ hur to syn̛. So at þe laste sho consentid̛ vnto a clerk̘ at go away with hym̛ when̛ complyn̛ was done, and or sho yode sho went vnto ane altar of our̛ Ladie & said̛ vnto hur; "Lady, as I hafe bene deuoute vnto þe, now I resigne vnto þe þies keyis, for I may no langer susteyn̛ þe temptacion̛ of my flessℏ." & sho laid̛ þe keyis on̛ þe altar & went hur wayes vnto þe clerk̘. And when̛ he had defowlid̛ hur, with-in a few dayes he lefte hur & went away; & sho had nothyng at liff on̛ & thoght shame to gang home agayn̛ vnto hur clostre, and sho feƚƚ to be a common̛ woman̛. And when̛ sho had liffid̛ in þat vice xv yere, on̛ a day sho come vnto þe nonrie yate, & askid̛ þe porter if he knew evur a non̛ in þat place þat hight Betres, þat was sacristan̛ & keper of þe kurk̘. And he said̛ he knew hur on̛ þe beste wyse, and said̛ sho was a wurthi womman̛ & a halie of barn̛ little, "& euer hase kepud hur clene & in gude name." And sho vnderstode not þe wurdis of þis man̛, & went hur wayis. And our̛ Lady apperid̛ vnto hur & said̛; "Behold̛! I hafe fulfillid̛ þine offes þis xv yere, and þerfor̛ turn̛ agayn̛ now into þi place & be agayn̛ in þine offes as þou was, & shryfe þe & do þi penance, for þer is no creatur her̛ at knowis þi truspas, for I hafe euer bene for the in þi clothyng & in þine abbett." And onone sho was in hur abbett & went in & shrafe hur & did̛ her panance, and told̛ aƚƚ þat was happend̛ vnto hur.

We rede how þat þe fend̛ oft sithis in liknes of a gude angeƚƚ apperid̛ vnto ane ancres. So at þe laste he told̛ hur þat he come to comfurtℏ hur, and sho had a grete comfurtℏ þerof, & told̛ hur confessur of his apperans. & he was a gude man̛ & bad hur, when̛ he come agayn̛, þat sho sulde [bid him] Harl. MS. 'Dic ei vt ostendat tibi beatam Mariam.' shew vnto hur our̛ Ladie, Saynt Marie; and if he did so þat onone as sho saw hur sho sulde say, " Ave Maria." And þe next tyme he come agayn̛ sho desirid̛ hym̛ þat sho mot se our Ladie, and he said̛ it nedid not, ffor it suffisid̛ vnto hur his presens. And euer sho desyrid̛ hym̛ more & mor̛ at sho mot se our̛ Ladie. So on̛ a tyme þis fend formyd̛ hym̛ selfe in lyknes of a fayr womman̛, and apperid̛ vnto hur. And onone as sho saw ℏur, sho feƚƚ on̛ kneis befor̛ hur and said̛; " Ave Maria." And onone sho dispayrid̛ away as a fantasie. Hec valet ad decepcionem demonis.

So fure it on̛ a tyme þe Devuƚƚ aperid̛ oft sithis vnto ane hermett in lyknes of a man̛ of law, so a noder wise man̛ cownceld̛ hym̛ þat when̛ at he come, he suld̛ say his Ave Maria; and so he did̛. & þe fend̛ flow away in liknes of a whorle-wynd̛ & gnaystid̛ his tethe, & warid̛ hym̛ þat taght hym̛ to say it.

Som̛ tyme a non̛, tempid̛ for luff of a yong man̛, wold̛ hafe gane into þe werld̛, and sho mot not gett oute bod if sho had went þurgh þe kurk̘. And so as sho went þurgℏ þe kurk sho MS. & set. set hur down̛ befor̛ our Ladie, as sho was wunt to doo, & lowtid̛ down̛ & said̛ hur Ave Maria. And sodanlie þer come on̛ hur so grete a drede þat sho mot no ferrer go furtℏ; and so it happend̛ oft sithes with hur. And at þe laste sho was tempid̛ with so grete temptacion̛, to so mekuƚƚ at sho thoght at sho suld̛ pas furthe by our Ladie & nothyng lowte vnto hur, nor at sho wold̛ not say hur Ave Maria. And þis done þe devuƚƚ tuke a power in hur, and gaff hur a hardynes to go oute of hur ordur with, & þus on̛ a tyme sho went hur wayes & fulfillid̛ þe luste of hur flessℏ.

Saynt Gregor̛, when̛ þat he was pope, agayn̛ þe infeccion̛ of þe ayre þat was cauce in Rome of grete dead̛ & mortalitie MS. inserts and here. , he garte make solempne processions: and ane ymage of our̛ Ladie þat Saynt Luke had payntid̛, evyn̛ after þe lyknes of our Ladie, he garte bere befor̛ þe procession̛. And onone þis infeccion̛ of þe ayr vanysshid̛ away and fled fra þe ymage, and a grete reste & a quietnes come. And abown̛, þe aungeƚƚ in þe ayr enence þe ymage sang; " Regina celi letare, Alleluia! Quia quem meruisti portare, Alleluia! Resurrexit sicut dixit, Alleluia!" And onone Saynt Gregur & his felashupp̛ addid þerto & sang; " Ora pro nobis Deum, Alleluia!"

Marini qui eciam Marine dicitur. Supra de accusacione, iij.

We rede in 'Legenda Lombardica' þat [when] Saynt Martha was dead̛ at Clarascon̛ Harl. MS. Tharasconem. , apon̛ þe day afterward̛ at Pictagoras Latin MSS. Petragoricas. our Lord̛ apperid̛ vnto Saynt Francon Harl. MS. beato Frontoni Episcopo. , þe bisshopp̛, as he was at mes and after þe epistuƚƚ was fallen̛ on̛ slepe in his chayr, and said̛ vnto hym̛; "My welebeluffid̛ Franco Harl. MS. "Dulce mi Fronto!" ! Ryse tite & folow me!" And so he did̛; and sodanlie þai come vnto Therascon̛ bothe to-gedur, and þai sang aboute þe bodie of Saynt Martha, & aƚƚ þat was abowte ansswerd̛ þaim. And þus þai did̛ aƚƚ þe offes, & layd̛ hur in hur grafe. And at Pictagoras, when̛ aƚƚ þe sang after þe epistuƚƚ was done, & þe dekyn̛ suld̛ go rede þe gospeƚƚ & take þe blissyng of þe bisshopp̛, he was on̛ slepe. And þe dekyn̛ went to hym̛ a wakend̛ hym̛, and þan̛ he said̛; "Brethir, whi wakkend̛ ye me? For our Lord̛ Iesu Criste had led me vnto þe bodie of Martha his hoste, & he & I hase berid̛ hur. And þerfor̛ send faste thedur for to feche vs our̛ gold̛ ryng & our glovis, þat we hafe lefte þer, whilk þat I betuke vnto þe sacristan̛ when̛ we putt hur in hur grafe. And becauce ye callid̛ me so tyte or þe mes was done, þerfor̛ I hafe lefte þaim behynd̛ me." And þai sent a messanger onon̛ & fand̛ aƚƚ as þe bisshopp̛ said̛, bothe þe ryng & þe gluvis, & broght þaim home. And in tokyn̛ here-of þe sacristan̛ kepid̛ þe ta glufe, & so þai hafe it yitt for a relikk.

Seuerus MS. Severius. in his 'Dialoggis' tellis how on̛ a ffestiuaƚƚ day a pure nakid̛ man̛ folowid̛ Saynt Martyn̛ vnto þe kurk-ward̛, and he commandyd̛ his archedekyn̛ to garr hym̛ be cledd̛, and he lachid̛ þerin. And Saynt Martyn̛ saw þat, & went in-to his secretorie & doffid̛ his cote & gaff it vnto þis pure man̛, and bad hym̛ go faste his wayis þerwith. And þan̛ þe archdekyn̛ desyrid̛ at he wold̛ go to mes, & he, spekand̛ of hym̛ selfe, said̛ þat he mot not go to mes vnto þis pure man̛ was cled̛. And so in a tene þis archdekyn̛ went in-to þe markett & boght a sary old̛ cote for vd̛, & broght it vnto Saynt Martyn̛ & said̛ he cuthe not fynd̛ þis old̛ pure man̛. And Saynt Martyn̛ bad hym̛ giff hym̛ þe clothe, & þe pure man̛ suld̛ nott want itt. And in a tene he threw it vnto hym̛, and he tuke it & went privalie & gatt it on̛ hym̛, & þe slevis þerof come bod vnto his elbow, & þe lenthe þerof was bod vnto his kne; and so he went vnto mes. And as he was att mes, a byrnyng globe aperid̛ abown̛ his head̛, whilk þat many folk saw, and for þat he was callid̛ Par Apostolis, Evyn̛ vnto þe Apostels. And vnto þis meracle addid̛ maister Iohn̛ Beletℏ, and says þat when̛ he was at mes and sulde lifte, as þe vse is, his lyn̛ slevis slafe bakk, & his armys was bod smaƚƚ, and þe slevis of þe olde cote come bod vnto his elbow, and so when̛ he liftid̛, his armys war bare. And þan̛ a mervalos wrethe of golde & precious stonys was sene aboute his armys, þat coverd̛ his armys vnto his elbow.

Martinus eciam inuitis beneficia prestitit. Supra de invitis MS. inimicis. .

Opon̛ þe same day at Saynt Martyn̛ decesid̛, Saynt Ambros þe bisshopp̛ was att mes at þe cetie of Mediolan̛, and as he lenyd̛ on̛ þe altar̛, betwix þe prophesie & þe epistuƚƚ, he feƚƚ on̛ slepe; and þer was none at durste wakyn̛ hym̛. And þe subdekyn̛ sulde go rede þe pisteƚƚ, & he durst not go or þe bisshop assigned̛ hym̛. And so þai stude þe space of ij or iij howris abydand̛ hym̛. So at þe laste one of þaim wakend̛ hym̛ & said̛ þe peple recedid̛ away, and desyrid̛ hym̛ to command MS. commandid. þe dekyn̛ to rede þe epistiƚƚ. And þan̛ he said̛; "Brether, be not trubled̛, ffor my bruther Martyn̛ is passid̛ vnto God and I did̛ þe obseruance at his beryaƚƚ. & becauce ye wakend̛ me so sone I hafe lefte þe laste colett vnsaid̛." And þan̛ þai notid̛ þe day & þe howr̛, and þai fand̛ at Saynt Martyn̛ was decesid̛ þe same tyme, & passid vnto Godd̛.

Saynt Ambrose tellis how on̛ a tyme when̛ a grete multitude of cristenmen̛ war drawen̛ vnto martirdom̛, þer come a mayden̛ of hur fre liste with a hertelie desyre vnto þaim for to be slayn̛ with þaim. And þan̛ a ryche man̛ þat was a paynom̛ spak vnto hur & said̛; "Womman̛, whedur rynys þou so faste?" And sho ansswerd̛ agayn̛ & sayd̛; "I go vnto my frend̛ þat hase biddin̛ me with oþer vnto þe weddyng þer grete daynttys er." And so he vmthoght hym̛ at sho callid̛ Criste hur frend̛, and at she ran̛ to be martyrd̛, & trowid̛ sho had bene a fule & skornyd hur, & said̛; "Say vnto þi frend̛ at send̛ me ane of his rosis." And so sho was martird̛ emang oþer. & als sone as sho was dede and fallyn̛ down̛, a fayr chyld̛ come vnto hym with a white copp̛ fuƚƚ of rosis þat saverd̛ passand̛ wele, & told̛ hym̛ at þe womman̛ frend̛ þat was passid̛ sent hym̛ som̛ of his rosis as he had̛ askid̛. & he sett þaim down̛ & onone he was vanysshid̛ away. And þis man̛ was passand̛ ferd̛ & compuncte, for als mekuƚƚ as it was not rose tyme; and he vmthoght hym̛ at God of cristen̛ men̛ had callid̛ hym̛ vnto martyrdom̛. And evyn̛ furtℏ-with he went vnto þe place of þe martyrdom̛ and said̛ he was a cristen̛ man̛. & onone he was hedid̛ & cristend̛ in his awn blude, & broght vnto þe rosary of paradyce.

Mater tenere diligit filium suum. Infra de morte, ij MS. iij. , et de visitacione, ij MS. j. .

Iustinus tellis how on̛ a tyme a man̛ askid̛ cownceƚƚ at Theristides Harl. MS. Thimistidem. of Athenys wheþer Vtrum filiam suam pauperi sed ornato, uel locupleti sed parum probato collocaret. hym̛ was bettir giff his doghter vnto a pure man̛, or to a riche man̛. And he ansswerd̛ agayn̛ & said̛; "I hafe levur þe money of þe man̛ þan̛ money be boght vnto þe man̛."

Matrimonio debet accipi vxor prudens magis quam diues. Infra de vxore.

Agellius tellis how þat Caton̛ som tyme had a doghter, and when̛ hur furst husband was dead̛ sho come & askid̛ hur fader whi he wold̛ not make hur to hafe a noder husband̛. And he ansswerd̛ hur agayn̛ & said̛; "For I can̛ not fynde a man̛ bod he wolde titter hafe þi gudis þan̛ þi selfe."

Valerius tellis how on̛ a tyme a yong man̛ come vnto Socrates & askid̛ hym̛ cownceƚƚ, whether hym̛ was bettir wed hym̛ a wife or nay. And he ansswerd̛ hym̛ agayn̛ & sayd̛; "Ather of þaim is a grete penance to do, for & þou be not wed̛, þou may happely syn̛ in fornicacion̛, or in avowtrie, or els be iƚƚ defamyd̛ & sklandred̛ & neuer be at no certantie with þi selfe. And if þou be wed̛ þou may happen̛ wed̛ a shrew at will be þi maister, and̛ þou bus be ferd̛ for hur frendis, & euer be besy & labur, & ofte in stryfe and̛ debate, & suffer many grete wurd̛ & say nothyng agayn̛, & hafe a snowryng cowntenance, & happelie bryng vp oþer mens childer. & if þou do nott wele to þi wyfe þou saƚƚ be bostid̛ with hur frendis, & þus þou saƚƚ euer liff in trubble & in dissese."

Theofrastus þe philosophur sayd̛, a womman̛ is owder fayr or fowle, and if sho be fayr onone sho saƚƚ be luffid̛ & desyrid̛ to be had, and if sho be fowle sho wiƚƚ desyre to be had. And þerfor̛ it is hard̛ to kepe þat at many men̛ desyris, and it is hevie to hafe þat in welde þat no man̛ dedengnys to hafe.

Mediatrix mulier. Infra de muliere.Medicorum iudicia de infirmis non semper eveniunt. Supra de Basilio.Medicus proprietarius monachus in sterquilinio sepelitur. Infra de proprietate, ij.Medicus debet infirmis ea que sunt salutis sue proponere. Infra de predestinacione.Meditacio inferni penitentem corporaliter extenuat, et meditacio paradisi exhilarat MS. exhillarat. . Supra de apostasia.

Valerius tellis & says how þat, som tyme MS. adds som while here. , certayn̛ folk̘, for to assecute euerlastand̛ memorie, dowtis not for to do grete trispas, whase namys he said̛ þat he kennyd̛ nott. So þer was a man̛ þat spirrid̛ Ermodeus how clere he might be had̛ Lat. MSS. quo modo subito clarus posset haberi. ; he ansswerd̛ agayn̛ & said̛, þat & he slew any wurthi man̛, it suld̛ turn̛ hym̛ vnto grete MS. repeats grete. glorie. And so he slew one þat hight Philipp̛, and he was taken̛ & putt to dead̛ þerfor̛. And after-ward it was fon̛ þat he did̛ it be commandment of þe Dyan̛ of Ephesie Harl. MS. Sic eciam inuentum est, quod Diane Ephesei sic templum incendere uellet, ut opere pulcherrimo consumpto nomen suum per totum orbem innotesceret. , for sho wolde hafe burnyd̛ þe temple. et c̛.

We rede in 'Vitis Patrum' how þat a noble womman̛, ane olde wyfe Lat. MSS. Matrona quedam nobilis et senex. , come vnto ane abbot þat hight Arsenius, to se hym̛, & he prayed þe bisshop at sho suld̛ not se hym̛, & he wold̛ not graunt þerto. So sho come vnto his ceƚƚ dure, & fand̛ hym̛ þer-att, & feƚƚ down̛ on̛ hir kneis aforn̛ hym̛. & he with grete dedeyng tuke hur vpp̛ and said̛ vnto hur; "And þou wiƚƚ se my face, se itt now." And sho for shame durst not luke vpon̛ hym̛, bod sho went away & prayed̛ hym̛ to pray for hur vnto God̛, & hafe hur in his mynde always. And he said̛, nay, he wold̛ nott, he sulde pray God̛ to do away þe mynd̛ of hur oute of his harte. And when̛ sho hard þis, sho was gretelie trubbled̛, and went in-to þe cetie & feƚƚ into þe axis. And when̛ þe bisshop̛ come to vyssit hur, sho said̛ vnto hym̛; "I am̛ so hevie þat I mon̛ dy." & þe bisshopp̛ ansswer[d] hur agayn̛ & said̛; "Knowis þou not at þou ert a womman̛? And þe devuƚƚ tempis men̛ with wommen̛, & speciaƚƚ haly men̛. And þerfor̛ yone man̛ said̛ vnto the as he did̛. Bod þuf aƚƚ he said̛ so, yit he prayis for þi saule." And so he comfurthid̛ hur and sho wente home vnto hur awn̛ place. et c̛.

Memoria mortis est multum vtilis. Supra de conuersione, iiij, et de confessore, v, et infra de morte.Memorie labiles MS. labilis. sunt aliqui. Infra de muliere, iiij.

We read̛ in 'Legenda Lombardica' how Iulius & Iulianus wer brether, and þai bygid̛ a kurk, and be commandment of þe Emperour Theodoce, aƚƚ þat evur come by þaim þai wold̛ gar þaim abyde, & helpe þaim. So þer happend̛ a meneya com̛ þer-away [with] a carte, & þai laid̛ ane of þer felows in þe carte, & coverd̛ hym̛ with a clothe as he had bene dead̛. And when̛ þai come be þis werke, þies ij saynttis bad þaim abide with þer carte & helpe þaim, and þai said̛ þai had in þer carte a dead man̛ & þerfor̛ þai had nede at haste þaim away. And þe sayntis ansswerd̛ þaim & said̛; "Whi lie ye? Go your wais, & as ye say so be it vnto you." And when̛ þai war passid̛, þai callid̛ vppon̛ þer felow and þai fand̛ hym̛ starke dead̛. And fro þens furtℏ þer was nane at come þer-away at durst ans make a le vnto þies sayntis. et c̛.

Ex 'Legenda Lombardica' we rede how þat a grete aduocatt of þe Ceustus ordur was made a monk̘, & he went oft sithis for to defend cawsis of þe abbott, & euer he was casten̛ & had þe war. And þe abbott & þe monkis wax wrathe with hym̛ & said̛ vnto hym̛; "How is it at þou fallis alway in our cawsis, and whils þou was in þe werld̛ þou prevaylid̛ alway in oþer mens cawsis?" And he ansswerd̛ þaim agayn̛ & said̛; "While I was secular I was not ferd̛ to lie, ffor oft sythes be my fraudis & be my lesyngis I ouercome myne aduersaries. And now becauce I dar say no þing bod treutℏ, it happens me þe contrarie." And so he was commawndid̛ vnto his cloystur.

Mentiri non debet religiosus. Infra de religione.Mendacium eciam punitur in presenti. Infra de periurio et de paupertate.

We rede in 'Libro de Dono Timoris,' how ane Erle of Pictauence cled hym̛ dyuers tymys in pure mans clothyng whils he had sene aƚƚ maner of craftis & offes. And when̛ he had serchid̛ aƚƚ þies, he said̛ at þe merchand̛ crafte war þe beste crafte þat he fand̛, & þe beste offes, war not a thyng war, þat is MS. it. to say, cowntyng & rekynyng in þe end̛. For, he said̛, at evyn̛ when̛ þai come home þai made rekkenyng of þe leste peny at þai reseyvid̛, and at þai expundid̛, and he þat made not a gude rekynyng was casten̛ in prison̛ & holden̛ þer.

Cesarius tellis of ij cetisens of Colayn̛ confessid̛ þaim of ij maners of syns, & þe tane was leyng & þe toder manesweryng. And þai tolde þe preste þat with-outen̛ þies ij þai myght nowder by nor seƚƚ. And þe preste told̛ þaim at þies was grete synnys, bod he bad þaim vse þaim on̛ þis maner of wyse; "Furste lofe your gude as ye wiƚƚ giff it, and it saƚƚ be wele with you, I warand̛." And þai promysid̛ hym̛ þai sulde so doo þat yere. Bod be lettyng of þe devuƚƚ þat yere þai wan̛ no thyng, and at þe yere end̛ þai come vnto þe preste & tolde hym̛. And þe preste told̛ þaim at it was bod a temptacion̛ of þe fende, & bad þaim trow hym̛; bod he said̛, "Feste it faste in your mynde, and þink̘ at ye wiƚƚ kepe hit fro hens forwhard̛, and it saƚƚ be wele enogℏ with you." And so þai did̛, and with a few yeris þai war passand̛ riche men̛.

Mercator de bonis suis et non de alienis debet mercari. Supra de abbate. Mercator MS. marcator. vicium rei non debet celare. Infra de negociacione.

Cesarius tellis how in þe bisshopprik in Colan̛ som tyme þer was a wedow at was a brewster, & vsid̛ to seƚƚ ale, & fyre happend̛ in þe town̛ & byrnyd a grete dele þeroff. And when̛ sho saw it come nere hur howse, sho wold̛ nothyng remow furtℏ of hur howse, bod tuke hur mettis & hur messurs at sho fillid̛ ale with, and sett þaim at hur dure with-oute, & said̛; "O, þou rightwus & mercifuƚƚ God! If I hafe rightwuslie & trewlie mesurd̛ with thies mesurs to þaim at I selde ale to, I beseke ye at þis tyme to behalde my myster, and at þou wolde vuchesafe to spare me and my hows & my howsold̛ þat is þer-in. And if I hafe with þies messurs messurd̛ wrang, or disseyvid̛ any creatur, þan̛, Lord̛, I wiƚƚ at my howse be burnyd & aƚƚ þe gudis at I hafe." Lo! þis was a mervalos faythe of þis womman̛! And yit was þe mercie of God mor̛ mervalos, ffor when̛ þe fire come at hur howse, at aƚƚ folk saw & had grete wonder þeroff, as God MS. gold. wold̛, þe fflawme at had burnyd̛ aƚƚ þe town̛-end to thedir sesid̛, & wold̛ burn̛ no maner of þing of [hur] howse, nowder thak nor tymmer. & yit not-withstandyng, aƚƚ þe howse semyd̛ clene our with fire as it had burnyd̛, & yit was it nothyng hurte with þe fyre, nor no gude of hurris þat was þerin. And þe fire sesid̛ & burnyd̛ no ferrer, þat a hondretℏ men̛ cuthe not sease befor̛. And here-by hur neghburs vnderstude þat hur messurs warr gude & trew. et c̛.

Cesarius tellis how som̛ tyme þer was a common̛ womman̛ þat was fayr, and sho folowid̛ a grete lord̛ fro town̛ to town̛, for þe lordis men̛ synnyd̛ with hur euer when̛ þaim liste, and þe lord̛ wiste not. & at þe laste þe lord̛ preste accusid̛ hur vnto þe lord̛, & þe lord̛ garte caƚƚ hur befor̛ hym̛, & sho denyed itt and accusid̛ þis preste, & said̛ he complenyd̛ on̛ hur becauce sho wold̛ not consent vnto hym̛, and þis sho oblisshid̛ hur to prufe. So at þe laste sho fenyd̛ hur contrite, & come vnto þis same preste & shrafe hur. And in þe end̛ of hur confession̛ sho said̛ þat sho was so tempid̛ with his luff þat bod if sho had itt sho sulde sla hur selfe. And þis preste was aferd̛ on̛ hur & had no faste purpos to syn̛ with hyr, yit he assigned̛ hur a place & a tyme þer he suld̛ com̛ vnto hur; and sho was fayn̛ þerof & went & tellid̛ þe lord̛ how þe prest had promissid̛ vnto hur. And þis preste come to þe place befor̛ þe howr̛, & he made in þe same place a bed of dry wud̛, & put stra þerin & put fyre vnder-nethe in tow, & coverd̛ it clenlie with a shete. And belife sho come & þe fyre began̛ to kyndeƚƚ in þe bed̛, & þe prest went þerto, & laid̛ hym̛ down̛ þeron̛, evyn̛ in þe fire, & bad hur com̛ vnto hym̛. & þe fire rase aƚƚ abowte hym̛ & sho callid̛ on̛ hym̛ & wold̛ hafe had̛ hym̛ þine, & he lay stiƚƚ & was nothyng burnyd̛, nor his clothes nowther. And þan̛ þis wrichid̛ womman̛ was conpuncte & reknowlegid̛ hur selfe þat sho accusid̛ þis holye man̛ of verray rancor & iƚƚ wiƚƚ. And þis done þis holie preste went & made hym̛ a monk̘.

Meretrix multa mala facit. Infra de muliere pluribus locis.Meriti causa est aliquando temptacio. Infra de temptacione.Meretur homo relinquens omnia propter deum. Infra de milite, iiij.

Cesarius tellis of a knyght þat MS. þan. on a tyme was taken̛ with his enmys & slayn̛. And when̛ he saw þat hym̛ burde nedelyngis dy, he said̛ þies iij wurdis, " Domine, miserere mei. Lord̛, hafe mercie on̛ me." And when̛ he dyed̛, a man̛ þat was vexid̛ with a fend̛ was delyverd̛. So afterward̛ þe fend̛ come agayn̛ vnto þis man̛ and vexid̛ hym̛ hugelie, more þan̛ he did̛ afor̛. And a gude holie man̛ come vnto hym̛ & askid̛ hym̛ whi þat he did so. And he ansswerd̛ agayn̛ & said̛; "We war many fendis gadurd̛ samen at þe dead̛ of swylk a knyght, and becauce we gatt nothyng þer, þerfor̛ aƚƚ þat I can̛ saƚƚ I venge me in hym̛ þis." And þis holie man̛ spirrid̛ hym̛ þe cauce how þai had no power of þat knyght, and he ansswerd̛ agayn̛ & sayd̛ þat þe knyght sayd̛ alonelie iij wurdis or he dyed̛, "be þe whilk aƚƚ þe power þat we had in hym̛ was loste."

Cesarius tellis how on̛ a tyme þer was a knyght of Saxon̛, þat was cled in new skarlett clothes, and on̛ a day as he was rydand̛, he mett a husband̛-man̛ dryvand̛ his carte. And with þe sprenclyng & dasshyng of þe whelis, þis knyghtis clothis war al todasshid̛ with myre. And þis knyght, as a prowde man̛ & a tyrand̛, drew hys swerd̛ & smate of þe ta legg of þis husband̛ be his kne. So afterward̛ þurgh þe grace of God̛ he wex sorowfuƚƚ for his syn̛, & made hym̛ a monk̘ of þe Seustus ordur. And with-in a few yeris after he was made monke, þer began̛ to brede a sur like a sylk threde in his legg, on̛ þe same syde & in þe same place whar he cutt of þe husbandman̛ legg. And be little & little it began̛ to rote, so þat att þe laste mawkis bred̛ þerin. And þan̛ he wex fayn̛ & sayd̛; "Now I trow for to hafe forgyfnes, ffor I se on̛ my body þe syngne of Iob." And so he liffid̛ many day in grete contricion̛, and at þe laste, þurgℏ þis maledie, he dyed̛ & yeldyd̛ God a gude sawle.

Cesarius tellis of a knyght þat dwelte in Saxon̛, and he was famos & noble in armys, and his name was Albert Stobberd̛. So on̛ a day hym̛ happend̛ to com̛ vnto a place þer a damyseƚƚ was vexid̛ with a fend̛, and onone as he come sho began̛ to cry and sayd̛, " Ecce! amicus meus venit. Lo! my frend̛ is commen̛." And evur as he come inward̛ sho bad gyff hym̛ rowm̛, and lat hur frend̛ com̛ ner hur. And þuf aƚƚ he war wrothe þerwith, yitt he smylid̛ & said̛; "þou fende, þou ert bod a fole! Wharto vexis þou þis womman̛ on̛ þis maner, þat is so innocent? Lefe hur & go with me vnto turnamentis & batels." And þis fend said̛ he wold̛ gladlie go with hym̛ and he wold̛ latt hym̛ entre into his bodie, "or els to lat me in þi sadle or in þi brydiƚƚ, or in som̛ other parte at longis vnto the." And þis knyght had grete compassion̛ of þis noble maydyn̛ and said̛; "And þou wiƚƚ pas from̛ hyne I wiƚƚ grawnt þe a plyte of my gown̛ vnder-nethe a condicion̛, at þou saƚƚ not hurte me, bod when̛ at I wiƚƚ, onone þou saƚƚ pas fro me." And he beheste hym̛ þat he shuld̛. And with þat he went oute of þe maydyn̛ & come in-to a plite of þe gown̛ and made þer a grete movyng. And from̛ þat howr̛ þis knyght had so gret a strentℏ & a comfurtℏ, at whoso-euer he wold he mot ouerthraw þaim, & whom̛ so euer hym̛ liste take, and þai war ne so swyfte, yit he mott take þaim. And when̛ þe knyght satt in þe kurk̘ at his prayers, þis fend̛ made a grete gruchyng and said̛ hym̛ thoght þat he taryd long þer. And he kaste holie watir on̛ him MS. he. , þis fend wolde byd hym̛ war at the tuchyd not hym̛. So on̛ a tyme þis knyght happend to com̛ in-to a kurk whar þer was made a sermon̛ of þe cros. And þan̛ þe fend said vnto hym̛; "What duse þou her?" And þis knyght ansswerd̛ agayn̛ & said̛; "Now I wuƚƚ forsake þe & seryff Almightie God̛." And þe fend̛ ansswerd̛ agayn̛ & said̛ "What displesans haste þou fon̛ in me! I neuer yit hurte þe, bod I hafe broght þe vnto mekuƚƚ wurshup and riches, and þurgℏ me þou erte made passyng glorious." þis knyght ansswerd̛ hym̛ agayn̛ & said̛; "Loo! now I behold̛ þe cros, and I command̛ þe now, in vertue of Hym̛ þat was done on̛ þe cros, þat from̛ hens furtℏ þou nevur turn̛ vnto me agayn̛." And with þat þis fend lefte hym̛. And þis knyght burnyd hym̛ with þe cros, and went to beyond̛ se, & þer he servid Almightie God ij yere. And after þat he come home agayn̛, and byggid̛ ane hospitaƚƚ. And þerin he abade aƚƚ his life after, & serryffed seke folk of swilk as þaim nedud̛. And so in peas þer he endid̛ his life.

Miles executor necligens punitur. Supra de execucione.Miles ludo avium deditus punitur. Supra de avibus, j.Miles obstinatus in peccatis dampnatur. Supra de accusacione.Miles spoliat modica occasione habita. Infra de monacho, iiij.Militi per beatam virginem gratia dei eciam temporalia perdita restituuntur. Infra de negacione, j.

Iacobus de Vetriaco tellis how on̛ a tyme a knyght þat was markid̛ with þe cros went from̛ his awn̛ place to beyond̛ þe se. Or he wente, afor̛ a grete parte of his frendis, he callid̛ aƚƚ his childer aforn̛ hym̛, & he hawsid̛ & kyssid̛ þaim frendlye, & kyssyd̛ þaim tenderly, & wepyd swetelie. So one come in & callid on̛ hym̛ & said̛; "Sur, your felows abydis you, lefe þies childer & com̛ your wayes!" And þis knyght ansswerd̛ agayn̛ & sayd̛; "I do þis to make me mor̛ hevie & sad when̛ I parte with þaim, at my mede may be þe mor̛ for þe levyng of þaim."

Militis vxori aliquando sacerdos copulatur. Supra de confessione, vij.Miles amore crucifixi culpam inimico remittit. Supra MS. Infra. de Maria.Miles obstinatus per imperfectam contricionem a peccato retrahitur. Infra de obstinacione, ij. Miles corpore Christi percepto eciam corporaliter efficitur forcior. Supra de communione, iiij MS. iij. .Miles predo per aliquas orationes dictas saluatur. Infra de remuneracione.

Cesarius tellis how som tyme þer was a knyght of France. And he was of suche devocion̛, þer whare-somevur he saw Goddis bodye he wolde faƚƚ down̛ and wurshup̛ it, and it had̛ bene evyn̛ in þe myre. So it happend̛ on̛ a tyme þat he was cled in gude clothes, & he went into a cetie, and þe strete þat he rade in was passand̛ myrye. And sodanlye hym̛ happend̛ mete þe preste with Goddis body, and onone as he saw itt, he avysid̛ hym̛ a while & said̛ vnto hym̛ selfe; "What wyƚƚ þou do now? And þou knele down̛ here þou losis aƚƚ þi gay clothyng. And if þou do it nott, þou erte breker of a helefuƚƚ condicion̛ at þou was wunt to vse." And with þat, with-outen̛ more, he lightid̛ of his hors and sett hym̛ down̛ in þe myre on̛ bothe his knethis, and held̛ vp̛ his handis and wurshuppid þe sacrament. And our Lord̛, þat wurshuppid̛ þaim at wurshuppis Hym̛, shewid̛ þis meracle þurgℏ his power, at þer was not on̛ aƚƚ his clothis a drope of MS. repeats, of. myre nor a spott of clay. And when̛ he saw þis, he had grete merveƚƚ & lepid̛ vp̛ vppon̛ his hors agayn̛. And evur fro thens furtℏ, he was mor̛ comforthed̛ in þe faitℏ þan̛ he was afor̛, and thankyd̛ Almighti God̛.

Militum magistri quales debent esse. Supra de bello, ij.Miles demones esse non credidit. Infra de nigromancia.Miles videt visionem de paradiso. Infra de paradiso. Miles malus post mortem apparens terret suos. Infra de mortuis xvi & xvij.

Iustinus tellis of a knyght of Athenes þat hight Cinigrus how on̛ a tyme when̛ he saw hys enmys had done grete slaghter, and þai gaderd̛ mekuƚƚ gude to-gedur & had it vnto a ship̛, and when̛ þai wer aƚƚ þerin, he gatt hold̛ on̛ þe ship̛ & held̛ it with his right hand̛ & wold̛ not lat þaim go. And þai saw þat, and smate it of. And when̛ it was of, he gatt hold̛ þeron̛ agayn̛ with his lefte hand̛, and held̛ it, & þai smate it of. And when̛ he saw bothe his handis was of, he gatt held̛ it with his tethe. And þus nowder for los of bothe his handis, nor for no oder hurte at he had, he wolde not lefe, bod faght as he had bene a wude beste, tyƚƚ att þe laste þai smate hym̛ down̛ & kyllid̛ hym̛.

Miles magnus et senator vrbis heremita efficitur. Infra de solitudine, ij.Miles crudelis per infirmitatem mansuetus efficitur. Supra de infirmitate, ij & v.Miles devotus beate virgini eciam temporaliter honoratur. Supra de Maria virgine, j.Mimo possunt adaptari que dicuntur supra de histrionibus.

Cesarius tellis how som tyme þer was a clerk þat was wele and sufficientlie letterd̛. And on̛ a tyme he garte latt hym̛ blode, and when̛ he had bled̛ he loste aƚƚ his letteraƚƚ connyng, right evyn̛ as he MS. repeats, he. had loste þaim be blode-lattyng MS. blode lastyng. , so þat he knew not a lettre nor cuthe not vnderstand̛ a lattyn̛ wurd̛; not-withstondyng he was refte no thyng els. And þis he tolde vnto many men̛. So þer was a man̛ on̛ a tyme cownceld̛ hym̛ & sayde, "þe same day twelmo[n]th at þou was lattyn̛ blude on̛, and þe same howre," he sulde lat hym̛ blude agayn̛, and so peraventur he sulde gytt agayn̛ his connyng. And so he did, & he requoverd̛ hys connyng agayn̛ als wele as evur he had it.

Cesarius tellis how in̛ Ducheland̛ þer MS. þat. was a knyght þat happend sla þe fadur of a noder knyght. So be chawnce his son̛ att was slayn̛ happend̛ to take hym̛ at slew his fadur. And he drew his swerde and wold̛ hafe taken̛ hym̛ and slayn̛ hym̛. And he feƚƚ on̛ kneis befor̛ hym̛ & said̛; "Sur, I beseke you, ffor His luff þat dyed on þe cross & had mercy of aƚƚ þis werld̛, þat ye wold hafe mercie on̛ me now." And with þies wurdis he was compuncte, & tuke hym̛ vpp̛ & sayde vnto hym̛; "Loo, in wyrshup̛ of þe holie cros, & for His sake þat dyed̛ þeron̛, at He may forgyf me my synnys I forgyff þe, not alonelie þe truspas at þou hase done vnto me, bod from̛ hens furtℏ I shaƚƚ be þi frend̛." And with þat he tuke hym̛ abowte þe nekk̘ & kyssyd̛ hym̛. And with-in a little while after, þis same knyght burnyd̛ hym̛ with þe cros & went vnto þe holie land̛. And when̛ he come at þe kurk̘ of þe sepulcre of our̛ Lord̛, he went in-to it as other did̛. And, at aƚƚ folk saw, þe ymage of þe crucifix bowed̛ evyn̛ down̛ & lowtid̛ vnto hym̛. And when̛ þai at saw vnderstude not vnto whome he did̛ it, þai aƚƚ went aforn̛ þe rude ilkone after oþer. And itt inclynyd vnto none of þaim bod vnto hym̛. And þai axked hym̛ what was þe cauce, and he tolde þaim aƚƚ as is aforn̛ sayd.

Maister Alexander, þe bisshop of Mylan̛, tellis how som̛ tyme þer was a scoler off Bolayn̛. And on̛ a nyght as he lay in his bed, hym̛ þoght he was be his one in a grete felde, & þer he was war, as hym̛ þoght, of a grete tempeste, & a huge, of storm̛ & evuƚƚ weddur com̛ oute of þe nortℏ. And he hym̛ selfe was gretelie giffen̛ to syn̛ and wrichidnes. So hym̛ þoght he was ferd̛ for þis storm̛ & was nere evyn̛, & he ran̛ als faste as he myght & gatt hym̛ to þe town̛, and come vnto a howse & knokkid̛ at þe dure & prayed þaim latt hym̛ com̛ in. And a womman̛ within answered̛ hym̛ & said̛; "I am̛ Rightwusnes att dwellis here, and þou þat erte nott riȝtwus may nott com̛ in here." And þan̛ he went vnto a noder dure & knokkid̛, & prayed̛ þaim latt hym̛ com̛ in. And one within ansswerd̛ hym̛ & said̛; "I am̛ Trewth at dwellis MS. dwellid. here, & þou þat luffis not trewtℏ saƚƚ not com̛ in here." And þan̛ he went vnto þe iij dure, & knokkid̛ & prayed̛ at he mott com̛ in, & one ansswerd̛ hym̛ within & said̛; "I am Pease þatt dwelles here, & becauce þat peas is not to wykkyd men̛, þerfor̛ þou saƚƚ not com̛ in here, ffor aƚƚ my thothtes er of peas, & not of affliccion̛ nor of dissese. Bod I cownceƚƚ þe att þou go vnto my suster þat dwellis by me att þe next howse, þat helpys aƚƚ þat er in dissese." And he went vnto þe iiij dure & knokkid̛, and a womman̛ ansswerd̛ hym̛ with-in & said̛; "I am̛ Mercye þat dwellis here, and if þou wiƚƚ hafe me & be savid̛ fro yone grete tempeste, þou muste go vnto þe howse of þe freer prechurs in Bolayn̛ & make þe a freer, & þer þou saƚƚ be savid̛." And þis scoler with þis wakynd̛, & on̛ þe morn̛ he rase & went vnto þe freers & told̛ þaim aƚƚ his vysion̛ & askyd̛ þaim þe abbett & reseyvid̛ it, & liffid̛ þer many a day & was a gude man̛ & a holie.

Wee rede in 'Vitis Patrum' how on̛ a tyme þer was a monke þat gretelie was tempid, & he went into a strete of Egipp̛; & þer hym̛ happend se þe doghter of a paynoms preste, & he axked to hafe hur vnto his wyfe. And þis preste wente vnto his MS. our; Harl. MS. deos suos. goddis in his temple, & axkid̛ þaim cownceƚƚ & said̛ þe monk wold̛ algatis hafe his doghter to wyfe, "whethur saƚƚ I giff hur vnto hym̛ or nay?" And þe fend ansswerd̛ hym̛ agayn̛ & said̛; "Gyff hur not vnto hym̛ bod if he furste forsake his God̛ & his baptym̛." And he went & told̛ þe monk, & he did aƚƚ as he bad hym̛. And onone þer come oute of his mouthe a white duffe, whilk þat flow vnto hevyn̛. And þan̛ þis preste went agayn̛ and axkid cownceƚƚ att ℏis god̛, and he ansswerd̛ hym̛ agayn̛ & said̛; "Gyff nott yitt þi doghter vnto hym̛, for yitt his God helpis hym̛, þuf aƚƚ he hafe forsaken̛ Hym̛." And þis preste come agayn̛ & tolde þe monke, and þis monke made grete sorow & said̛; "A, so wo is me! Loo! God duse me gude agayn̛ iƚƚ." And be þe cownceƚƚ of a gude holie olde man̛ he was shrevyn̛ and did penance, and adled̛ afterward̛ for to see þe duffe þat he had loste commyng agayn̛ vnto hym̛, and entred in att his mouthe.

Misericordie dei possunt adaptari multa que dicuntur supra de contricione et confessione, et alibi.

Saynt Gregur tellis how on̛ a tyme þer was a ship̛-man̛, & hym̛ happend be perisshid be þe see. And he had a gude frend̛, a preste, þat said̛ a mes for hym̛ & offred̛ þe sacrament for hym̛. And as þis preste was at þe sacryng of his mes, þis man̛ come al hole furthe of þe see, and come vnto þis preste and tolde hym̛ þat when̛ he was in þe se and alsmoste defaylid̛, sodanlie þer come one vnto hym̛ & broght hym̛ a lafe. & when̛ he had eten̛ itt, onone he was comforthed̛ & had strenthe, & was takyn̛ vp into a ship̛, & so he was savid̛. And be his tellyng, þis preste knew þat þe same howr̛ at þe lafe was broght vnto hym̛ he was att mess, & offred̛ þe sacrament for hym̛.

Petrus Clunacensis MS. Climacensis. tellis þat in þe dioces of Politan̛, in Grece Harl. MS. in diocesi Greciopolitana., þer was a man̛ For men, Latin viri. þatt wroght in a banke for syluer vre. And sodanlie þe banke feƚƚ and kyllid aƚƚ þat was vnder-nethe. So þer was one of þaim ran̛ in-to a corner of þe banke and was savid̛, neuer-þe-les he mott nott gett oute. And his wyfe, trowyng þat he was dead̛, euerilk day garte do a mes for hym̛, and daylie at þat mes sho offerd̛ a candeƚƚ and a lofe of bread̛ and a litle pott fuƚƚ of wyne. And on̛ a tyme þe devuƚƚ had envy at hur dede, & daylie iij dayes to-gedur, in a mans liknes, he mett hur and axkid̛ hur whedur sho went, and evur sho tolde hym̛ þe cauce of hur gate. And he ansswerd̛ hur agayn̛ & said̛; "Labur not to þe kurk in vayn̛, for þe preste hathe done mess." And so þies iij dayes to-gedur sho owr̛-hippid̛ & offird̛ nott. So afterward̛ þer happend̛ a man̛ grafe in þe same banke. And sodanlie as he wroght, he hard̛ one speke & say; "Smyte softelie, for þer is a grete stone bown̛ to faƚƚ on̛ me." And þis man̛ was ferd̛ with þis voyce, & callid̛ dyvers folke to here it. And he grofe on̛, and belife he harde þe same voyce. And with þat he wroght on̛ & fond̛ þis man̛ & tuke hym̛ oute quykk̘, & axkid hym̛ how he liffid̛ þer so long. And he told̛ þaim þat euerilk day, outtaken̛ iij dayes to-gedur, sen̛ þe banke feƚƚ on̛ hym̛ was broght vnto hym̛ a lofe of bread̛ and a pygg with wyne & a light candyƚƚ. And when̛ his wyfe hard þis sho was passyng glad̛, & knew verelie þat he was sustenyd̛ with hur offrand, and at þe devuƚƚ begylid̛ hur þies iij dayes þat sho sulde nott gar mes be done, to thentent þat he wold̛ nott þe meracle of þe mes had bene provid̛ nor of þe sacrament nowther.

Missa prodest defunctis. Infra de Oculis.Missam pro defunctis celebrare est vtile. Infra de sacerdote, j. Missa iterum valet defunctis. Infra de purgatorio, iij, et de peccato, iij, et de suffragio i et iij.Missa debet celebrari cum omni diligencia. Infra de sacerdote, v.Missa celebrari non debet ab indigno. Infra de sacerdote, x et vj.Missam omni die audire bonum est. Supra de Maria, i MS. v. , et de decepcione, ij.

We rede in 'Vitis Patrum' how one þat hight Iosepℏ axked̛ abbott Pastor how he sulde make hym̛ selfe a monke. And he ansswerd̛ hym̛ agayn̛ & said; "And þou wiƚƚ fynd̛ riste bothe in þis werld̛ & in þe toder werld̛, in euer-ilk cauce say vnto þi selfe, 'whatt am̛ I?' And þan̛ shaƚƚ þou nevur deam̛ no man̛."

Cesarius tellis how in an abbay of Ceustus ordur þer was a monk̘ þat was gretelie vexid̛ with sekenes, & he doffid̛ his cowle & did on̛ his skaplorie, and so he dyed̛. And he was born̛ in-to þer oratorie, & þe monkis began̛ att say þer psalters for hym̛. And sodanlie he rase vp̛ & callid̛ þe abbot vnto hym̛. And his brethur war ferd̛ & ran̛ away, & þe abbott come vnto hym̛. And he said̛ vnto þe abbott; "Sur, I shryfe me vnto you þat I dyed̛ withowten̛ my cowle vppon̛ me. And when̛ I trowed̛ frelie to hafe entred̛ into paradice, Saynt Bennett come vnto me & said̛; 'Whar is þine abbett? Here may þou nott enter̛ withouten̛ itt.'" & one, he said̛, axked̛ hym̛ whatt he was, and he tolde hym̛ þat he was a monke of Ceustus ordur. And he said̛, "'& þou be a monke, whar̛ is þine abbett?' and with þat oþer þat was aboute prayed̛ for me, and þus I was suffred com̛ agayn̛ vnto my bodye at I mott resayfe myne abbett of þe, and at I mott so be wurthie to entre into paradice."

We rede ex 'Dictis Patrum' how þat abbott Pastor said̛ in his life; "He þat is evur compleynand̛ sulde nott be a monke, and he þat duse iƚƚ for iƚƚ is no monke, and he that is angrie is nott wurthie be callid̛ a monke." et c̛.

Monachus apostata penitens, et sic moriens, eciam post mortem habitum recuperauit. Infra de voluntate, ij.Monachus cibaria exquisita comedere non debet. Supra de gula, v.

Iacobus de Vetriaco tellis how som̛ tyme þer was a knyght þat happend in were to take a pure man̛. And þis pure man̛ prayed hym̛ to latt hym̛ gone, and gett his rawson̛. And þis knyg[ht] had petie off hym̛ & said̛; "Whatkyn̛ suertie shaƚƚ þou lefe me for þi commyng agayn̛?" And he ansswerd̛ agayn̛ & sayd; "I shaƚƚ fynde you God to borgℏ & a cawson̛ be myne othe, for other þing I may not fynd you." And þus he went his ways and selde aƚƚ his lyfelod̛, and yit he mott nott com̛ agayn̛ at þe day att he had poyntid̛; and here-for̛ þis knyght wex passyng wrotℏ. So on̛ a day, as he rode, he was wer of a monke þat was passand fatt & read̛, syttand prowdelie vppon̛ a fayr palfray, and rydyng passand secularelie. And þis knyght ansswerd̛ to his sweyers & sayd̛; "Wuƚƚ ye se þis monke, þat be his ordur sulde ride on̛ ane ass, hase a better hors þan̛ I hafe." And with þat he rade vnto hym̛ & tuke hym̛ be the brydyƚƚ, and askid̛ hym̛ whose man̛ he was. & he said̛ he had no lord̛ bod Almiȝti God. And þan̛ þe knyght sayd vnto hym̛; "Thi lorde is a suertie bon̛ vnto me, & I wiƚƚ att þou for him̛ make a sethe vnto me." And with þat he garte hym̛ light, and tuke þe hors from̛ hym̛. And with-in a while after come þis pure man̛ and broght þe knyght his rawnson̛, & prayed hym̛ to forgiff hym̛ att he kepid̛ not his day. And þe knyght wolde nott take his money, bod bad hym̛ take it agayn̛; for, he said̛, his borgℏ had payed hym̛ for hym̛ & delyverd̛ hym̛. And when̛ þe pure man̛ harde þis he was passand fayn̛ & tuke his money vp̛ agayn̛, and went home als merie as he mott be & thonkid̛ God̛.

Monachus eciam post mortem ab abbate suo est a peccatis suis absolutus. Supra de absolucione.

In 'Libro Purgatorio Beati Patricij,' we rede how som̛ tyme þer was a monk̘ þat entred̛ into þe purgatorie of Saynt Patrykk, and evur after whils he liffid̛ he had wowndis aƚƚ ffressℏ & new, whilk he tuke þer. And he was also evur in grete penaunce, and evur when̛ he saw any yong monk̘ lagℏ vnmesurable or otherwyse be lewidlie governyd̛, he wold cry & say; "O! wold̛ God þou wist whatkyn̛ byttyr payn̛ is giffen̛ for mysgovernans, for þan̛ þou wold̛ nowder do nor say as þou dose." et c̛.

Monachus recuperauit de vacca quod potuit. Infra de simplicitate.Monachus proprietarius in sterquilinio sepelitur. Infra de proprietate, ij.

Saynt Ambros tellis how þer was som tyme a gude huswyfe, & sho besoght ane abbatice at sho wulde graunte hur a non̛ for to dweƚƚ with hur awhile for recreacion, & sho grauntid hur one whilk þat was a gude buxsom̛, and was as a servand in þe howse, bothe vnto hur and all hur meneya. & sho servid hur aƚƚ a yere & grevid̛ no creatur in þe howse. So at þe yere end̛ þis abbatis come & visit þis huswyff & þis non̛. And þis huswyff prayed þis abbatis to take home hur non̛ agayn̛, for, sho said̛, sho mot wyn̛ no þing by hur, sho was so pacient and so buxsom̛ & so servisable in aƚƚ þingis, & wiƚƚ nowder truble hur selfe nor oder folk. And sho prayed hur to send hur one at sho myght wyn̛ somwhatt bye. And þan sho sent hur one þat was a maydyn̛ and vncorrupte, bod sho was debatus & passyng angrie & euer chidand̛, & alway gruchand agayns hur huswyffe, & wolde flite with hur and with aƚƚ þe howse-meneya. And when̛ þe yere end was done, þis abbatice come agayn̛ & visitt þis huswyffe, & þan̛ þis huswyfe spak vnto hur & said̛; "Ye hafe now giffen̛ me a gude non̛, whilk I wold̛ þat neuer sulde parte with me; ffor I hafe won̛ als mekuƚƚ mede be suffryng of hur inpaciens þis yere as I loste be þe mekenes of þe toder þe laste yere." And so þis non̛ was with hur aƚƚ hur lyfe. et c̛.

Monialis debet esse casta et constans. Supra de castitate, iij.Monialis bona mittit occasiones videndi viros et propinquos carne. Supra de affectu carnali.Monialis cum puritate cordis et corporis debet sacras vestes contractare. Supra de corporali.Monialis absentis officium su[p]plet beata Maria. Supra de Maria, vij. Monialis amore carnali capta monasterium vvlt relinquere. Supra de Maria, ix.Monialis debet ad omnes et in omnibus MS. hominibus. esse humilis. Supra de fatuitate.Monialis luxuriosa. Supra de luxuria.Monialis temptata fuit carnaliter et postea spiritualiter MS. Monialis carnaliter fuit et postea. . Infra de temptacione, vij.Moniali possunt adaptari multa que dicuntur infra de muliere.

Valerius tellis how som tyme at Tracie þar̛ was a grete fray with-oute þe town̛, and þer was a wedow had hur son̛ þer, and aƚƚ was nerehand slayn̛ þat þer was. & when̛ wurde come in-to þe town̛, þis wedow went hur son̛ had bene slayn̛, & sodanlie hur happend̛ to mete hur son̛ in þe yate, þat sho went had bene dead̛. And sho was passand fayn̛ & hawsid̛ hym̛ aboute þe nekk, & kyssyd hym̛, & evyn̛ furthwith for ioy sho swelte & was dead̛.

Valerius tellis how after þe same fray þer was a womman̛ in þe cetie, and message come vnto hur at hur son̛ was dead̛; and scho went home vnto hur howse & was passand hevye. So at þe laste sho sett hur down̛ to mete, and sodanlie hur son̛ come in, and als tyte as sho saw hym̛, for ioy sho wex evyn̛ oute of hur mynde. And so it was mor̛ suffrable vnto hur, þe sorow of dead̛, þan̛ was þe mirthe of life.

Mors aliquando causatur ex confusione. Supra de confusione MS. confucione. et infra de silencio, ij. Mortis cogitacio mitigat temptacionem carnis. Supra de cogitacione, iij.Mors aliquando differtur orationibus sanctorum. Supra de Basilio, ij MS. iij. .

Petrus Damyanus tellis how som̛ tyme þer was a prynce þat hight Salamitanus Lat. MSS. Princeps Salamitanus, Salanitanus. . So on̛ a day hym̛ happend̛ to luke vp vnto a hyƚƚ, and he saw bruste oute at þe top of þe hiƚƚ grete low & smoke. And when̛ he saw it he said̛ vnto þaim at stude abowte hym̛; "Withouten̛ dowte þer is som̛ curste ryche man̛ dead̛ & gane vnto heƚƚ, ffor þer is swilk a custom̛ in þat contretℏ, þat when̛ þe dead̛ of a curste riche man̛ drawis nere, þat hyƚƚ wiƚƚ caste oute low & stynk of pykk and burnte stane." And when̛ þis was said̛, apon̛ þe nexte nyght after, as þis prince thoght he was sekur enoghe & lay in his bed with a strompett, sodanlie he dyed̛. Whame, as sho teld̛ afterward̛, sho suffred̛ lyg long vppon̛ hur body, and at þe laste sho felid̛ he was no man̛ bod a stynkyng caryon̛, & keste hym̛ of hur.

We rede in 'Cronicles' of ane þat hight Saladinus, when̛ on̛ a tyme he knew þat he sulde dye att Damaske, he callid̛ his hansman̛ vnto hym̛ & said̛; "þou at was wunt to bere my banor vnto bateƚƚ, bere now þe banor of my dead̛, þat is to say a fowle clothe, þurgℏ aƚƚ Damaske, & cry & say þus, 'Behold̛! þe kyng of þe Orient is bown̛ to dye, and he mon̛ nothyng bere with hym̛ bod þis fowle clothe.'" And onone after he dyed̛, & was won̛ in þe same clothe.

Morientes in hora mortis temptati per orationes sanctorum adiuuantur. Supra de demone, iij MS. iiij. . Mors est timenda. Infra de timore.Morte improvisa MS. inprovisa. moriuntur aliquando aliqui. Supra de Archidiacono.

We rede in 'Libro de Dono Timoris' how þat þe kyng of Lothoringe, þat was bod a yong man̛, on̛ a tyme when̛ he was in a trans of dead̛, he beheld̛ his palas & his grete howsis and sayd̛; "O! þou Lord God̛! How mekuƚƚ þis werld̛ aght to be dispysyd̛! For I, þat hase had so many grete palas and so many howsis to lygg in, þis nyght I wate nott whythir I mon̛ goo, nor who þat mon̛ take me to herberye."

Petrus Alphonsis MS. Alphensis. tellis how þat when̛ kyng Alexander was dead̛ & his tombe was gaylie made of sylver & of golde, in his palas þer gader in many philosophers. And ane of þaim said̛; "Alexander yisterday made tresur of golde and now it is evyn̛ contrarie, for golde makis tresur of hym̛." And þan̛ a noder said̛; "Yisterday wolde not aƚƚ þis werld̛ suffis vnto hym̛, and þis day for yerdis of grond̛ alonelie sufficis hym̛." And þan̛ þe thrid said̛; "Yisterday he had rewle of aƚƚ þe peple, and þis day þe peple hase rewle of hym̛." Than̛ þe iiij said̛; "Yisterday he myght hafe delyverd̛ many peple fro dead̛, and þis day, for aƚƚ his power, he mot [not] esshew dead̛." Than̛ þe v said̛; "Yisterday he led̛ a grete hoste, and today he is led of þaim & putt vnto beryaƚƚ." Than̛ þe sext sayd̛; "Yisterday he thristid̛ down̛ þe ertℏ, and þis day þe ertℏ þrustis hym̛ down̛." And þan̛ a noder said̛; "Yisterday þe peple dred hym̛ gretelie, and þis day þai sett right not by hym̛." And þan̛ a noder said̛; "Yisterday he had bothe many frendis and enmys, and þis day aƚƚ er in lyke vnto hym̛."

Ysidorus tellis how som̛ [tyme] þer was a custom̛, þat on̛ þe furste day of þe crownyng of þe Emperour of Constantynople, when̛ he was in his moste ioy, a mason̛ sulde com̛ & bryng hym̛ iiij or v maner of stonys of marble and say vnto hym̛ on̛ þis maner of wyse, and byd hym̛ chese of þies of whilk he wolde hafe his grave made. And so it was wunt to be done in þe cowrte of Rome, for when̛ þe Pope was chosen̛ þer was broght aforn̛ hym̛ a pece of lyne-tow, & when̛ fyre was sett in it, þan̛ was sayd vnto hym̛; "Thus gose þe ioy of þis werld̛ away, as þis fyre bryngis þis tow in-to a spark̘, and afterward̛ in-to right noght."

We rede in 'Libro de Dono Timoris' how þer was a man̛ þat had mekyƚƚ connyng in literatur̛ of phisykis, and he was giffen̛ vnto vanyties of þis werld̛. So on̛ a tyme hym̛ happend to be at matyns on̛ a Sonday, & þer he harder in þe legend̛ of lang life of olde fadurs, and how alway in þe end̛ of ilkone it was sayd̛, 'Mortuus est, he is dead̛.' He vmbethoght hym̛ þat it wold̛ happen̛ so on̛ hym̛, and he liffid̛ neuer so lang, and when̛ he conseyvid̛ þis, he dispysid þe werlde & entred̛ into þe ordur of freer prechurs. And þer he was made a freer prechur at vniuersitie of Paryssℏ, and he was a man̛ of grete auctoritie and holynes.

We rede in `Historia Dragmanorum,' how þat þies Dragmans, like philosophurs, beand in wyldernes, dispysyd aƚƚ werldly thyngis. And kyng Alexander sent message vnto þaim & said̛, aske what þai wold̛ & þai sulde hafe it. And þai wrote vnto hym agayn̛ & said̛; "Grant vs þat we shaƚƚ nevur dy, for þat we desyre moste of aƚƚ." And he wrote vnto þaim agayn̛ & sayd̛; "When̛ I am̛ mortaƚƚ & mon̛ dy my selfe, how mot I graunt you þat ye saƚƚ nevur dye?" And þai wrote vnto hym̛ agayn̛ & sayd̛; "Sen þou knowis at þou mon̛ dye, whi duse þou so mekuƚƚ iƚƚ & puttis þi selfe in so many perels?"

Mortis certitudo inducit hominem ad provisionem necessariorum post mortem. Infra de providencia, ij.Mortis certitudo confirmat hominem in bono inchoato. Infra de sortilegio.Mortui corpus aliquando vegetur MS. vegetatur. a demone. Infra de suffragijs.

We rede in `Libro MS. repeats, in Libro. de Dono Timoris' how at þe cetie of Dyvyon̛ þer was ane vsurar þat wed a wyfe, and þer was made abown̛ þe porche-dure many ymagis of stone. And emang other þer was made ane ymage of ane vsurar with a grete purs in his hand of stone, and sodanly as þis vsurar̛ stude at þe porche-dure to be wed̛, þis ymage of þe vsurar abon̛ lete faƚƚ þe purs of stone apon̛ þe vsurar̛ head̛ þat shulde be wed̛, & kyllid̛ hym̛.

We rede in þe `Gestis of Alexander' how at þer was sent on̛ a tyme vnto Alexander þe kyng a stone, and when̛ it was put in þe balance to be weyed̛ in þe to skale, it weyed more þan MS. þat. aƚƚ þat evur þai cuthe put in þe toder skale. And when̛ þai put a little powder þeron̛, it weyid̛ les þan MS. þat. any thyng did̛ at þai cuthe put in þe toder skale. And when̛ þai say þis, many wise men̛ had grete merveƚƚ þerof. And emangis þaim ane said vnto kyng Alexander; "þis stone shewis vnto you what ye er; ffor now ye wey mor̛ þan̛ duse aƚƚ þe werld̛, for it may skantlie bere you. Bod fro ye be deade and a little powder of ertℏ casten̛ on̛ you, þan̛ shall ye be les þan̛ any thyng þat is in þis werld̛."

We rede in `Libro de Dono Timoris,' when̛ þe kurk of Crepsie Harl. MS. Cresby. shulde be halowed̛, & for þat þai wolde take oute þe bodie of ane erle þat was berid̛ þer, þai fand̛ a tade sittand̛ on̛ his face knawand̛, & many wormys and serpentis, to so mekuƚƚ at aƚƚ þat þer was fled̛, aƚƚ bod a son̛ of his awn̛. And he come to it & saw it, & tuke hym̛ so mekuƚƚ þoght þerfor̛ þat he lefte aƚƚ his gude & tuke hym̛ to pouertie, & was so pure at efterward̛ he beggid̛ his meat. And so he perseverd̛ many day. So hym̛ happend̛ on̛ a tyme to com̛ vnto Rome, & þer he become a collear to gett hym̛ meat with, & he had no noder place to lig in bod vnder-nethe a grece in þe howse of a cardinaƚƚ. And þer he lay vnto he dyed̛, and made a gude end̛. And on̛ þe nyght when̛ he dyed̛, aƚƚ þe bellis of þe kurk̘ rang be þer one.

Mortis timor reddit hominem tristem et cogitatiuum. Infra de timore, iij & iiij.Mortuis valent suffragia et orationes et oblaciones. Supra de missa, iij, et infra de suffragio, iij.

We rede in `Libro de Dono Timoris' how on̛ a tyme þer was a cursid̛ knyght, and he wolde do no penance þat was enionyd̛ hym̛ for his syn̛ be Pope Alexander. & so þe Pope gaff hym̛ his ryng, & enionyd hym̛ to penans for to bere itt, vndernethe þis condicion̛, þat evur when̛ he lukid̛ þer-vppon̛, he sulde vmthynk hym̛ of his dead̛. And when̛ he had worn̛ it many day, and done as he bad hym̛, he turnyd agayn̛ vnto þe Pope, & said̛ þat he was redie to fulfyƚƚ whatt penans at he wolde enioyn̛ hym̛. & so he did̛ & was a gude man̛.

Maister Nicholas, þe Archebisshop̛, tellis how som̛ tyme þer was ij felowis at war passand trew to-gedur, and ane of þaim happend̛ to do a grete syn̛. So be counceƚƚ of þat oþer he went vnto Rome & shrafe hym̛ þerof, & hym̛ was enionyd̛ þerfor̛ iij yere penance, & þis taken̛, hym̛ happend̛ faƚƚ into a grete sekenes. And he made grete sorow at he might not fulfyƚƚ his penance, and his felow beheste hym̛ þat, & he dyed̛; he shuld̛ do itt for hym̛. And when̛ he was dead̛ & his felaw had done þis penance for hym̛, in þe end̛ of þe furste yere he þat was dead̛ apperid̛ vnto hym̛, and þe thrid̛ parte of his bodie was passand white and þe toder ij partis blak as pykk. And in þe end̛ of þe secund yere he apperid̛ vnto hym̛, & ij parties of his body white & þe iij blakk̘. And in þe end̛ of þe iij yere he apperid vnto hym̛ aƚƚ white, and thankid̛ hym̛ gretelie for his delyverans.

We rede in `Libro de Dono Timoris' how a duches son̛ was bown̛ to dye, & he was shrevyn̛ & yit he was bod ix yere olde. And when̛ he was dead̛ he aperid̛ vnto his moder & told̛ hur he was in grevus payn̛, becauce MS. repeats, becauce. he had not payed̛ dettis þat he had borowid̛ of his fadur meneya to play hym̛ with, becaus he had no thoght þeron̛ when̛ þat he dyed̛. And his moder garte spyr att whome he borowid̛ it, & garte pay it vnto þaim. And afterward̛ þe child̛ apperid̛ vnto hur agayn̛, & lete hur hafe knowlege that he was delyverd oute of payn̛, & put in grete ioy and felicitie.

We rede of ane, Isabeƚƚ, þat was hy Whene of Navern̛, and when̛ sho drew nere hur dead̛ sho garte light many lightis aboute hur bed̛, and garte feche in many knyghtis & grete men of þe cetie. Sho sayde vnto þaim on̛ þis maner of wyse; "Vmthynk you & se þat I, þe Whene of Navern̛, þe Cowntas of Campanye, and þe doghter of þe Kyng of Fraunce, whilk þat was clere & fayr & discrete, and gracious in euer-ilk mans sight, now, as ye see, dead wyƚƚ com̛ to me & destroy all þies."

Mori debet religiosus in habitu suo. Supra de monacho, ij.Morientes aliquando demones asserunt. Infra de vsurario, ij.Mortui eciam in odio morientes post mortem illud retinent. Infra de odio.Mortuorum peccatorum corpora eciam post mortem visibiliter puniuntur. Supra de luxuria.

Cesarius tellis how þer was a knyght, þat hight Fredericus of Kelle, when̛ he was dead apperid̛ vnto a man̛ sittand̛ vppon̛ a blak stede, & oute of his nese-thrilles come a grete reke & flawm̛ & he was coverd̛ aƚƚ with skynnys & bare a grete lumpe of ertℏ betwix his shulders. And þe man̛ þat he apperid̛ vnto askid̛ hym̛ if he war Fredericus, and he ansswerd̛ agayn̛ & said̛ he was. & he axkid̛ hym̛ fro whyne he come, and what aƚƚ þat bement att he saw. And he ansswerd̛ hym̛ agayn̛ & said; "I am̛ in grete paynys, and þies skynnys I tuke fro a wedow & now I fele þaim burnand̛ vppon̛ me. Also þer was solde vnto me wronguslie a certayn̛ porcion̛ of land̛, & now it burnys on̛ my bakk̘ & thrustis me down̛. Bod & my childer wulde restore it agayn̛, my payn̛ mon̛ be lestend." And þus he vanysshid̛ away. And when̛ his childer hard̛ teƚƚ of þer fadur wurdis be þis man̛ þat spak with hym̛, þai wolde not yelde þis lande agayn̛, bod had levur at þer fadur sawle war evur in payn̛ þan at þai partid̛ with þis lande.

Cesarius tellis how þat in þe bisshoppryk̘ of Tryuarens þer was som tyme a knyght þat hight Henrie, & he vsid robborie, avowtrie, inceste, & to be mane-sworn̛. And when̛ he was dead̛ he apperid̛ vnto many folk. So at þe laste he apperid̛ vnto a doghter þat he gatt in avowtrie, & afterward̛ lay by hur hym̛ selfe, and he wolde nowder lett for crossyng nor strykyng with swerd̛. And when̛ he was stryken̛, he mott not be wowndid̛, and þer come fro hym̛ swilk a sownd̛ like as þe bed had bene dongen̛ on̛ with mellis. So at þe laste, when̛ he wold̛ no wyse away, thurgℏ cownceƚƚ of þe archebisshopp̛ þai tuke holy watyr on̛ a Sononday, & keste on̛ hur & our̛ aƚƚ þe chawmer. And when̛ þis was done þai saw hym̛ nevur after.

Valerius tellis of ane þat hight Anaxagor, a whilosophur, when̛ one tolde hym̛ þat his son̛ was dead̛ he ansswerd̛ agayn̛ & sayd̛; "Tell me not þat I wate, ffor I knew when̛ he was born̛ þat he sulde dye." Also Oracius tellis of a bisshop̛ þat hight Iovis Harl. MS. Oracius, quoque Iouis pontifex. , how on̛ a tyme as he was halowand a howse, as he was enoynttand̛ þe poste with his hand̛, ane come & teld̛ hym̛ þat his son̛ was dead̛; and he nowder removid̛ his hand fro þe poste, nor left his observance for no sorow, þat he sulde not be sene of þe peple to do mor̛ þat longed vnto a fadur þan̛ vnto a bisshopp̛. Also we rede of Socraticus, when̛ þat he did his offrand̛, one lete hym̛ witt þat þe more Harl. MS. maiorem e duobus filijs. of his sons was dead̛, he wold̛ not lefe his offrand̛, neuer-þe-les he doffed̛ his crown̛. Neuer-þe-les he spurrid̛ how he dyed̛, & it was told̛ his son̛ dyed̛ & faght manlelie in þe felde; & when̛ he harde teld̛ of þat he tuke þe crown̛ agayn̛ & dond̛ it on̛ his head̛, and said̛ he made mor̛ gladnes þat his son̛ dyed manlely þan̛ sorow for his dead̛.

Saynt Gregur tellis þat in his monasterie þer was a childe þat hight Theodorus, whame he was passand feƚƚ & grevus with, & þis childe wolde be passand wrothe with any þat tolde hym̛ oght for his gude, and gladlie he wold̛ not here þaim. So be proces of tyme hym̛ happend to be seke & lay in trans of dead̛, and when̛ aƚƚ þe monkis stude aboute hym̛ he began̛ to cry, & sayd̛; "Go your ways! Go your ways! For I am̛ gyffen̛ vnto þe dragon̛ to devowr̛. Now he hase swolod in-to his mouthe my head̛, bod for you he may not swolow me aƚƚ. Gyff hym̛ rome þat he no langer turment me, bod þat he may do att he come for to do." And one of þaim bad hym̛ sayn̛ hym̛, & he said̛ he wold fayn̛ bod he myght nott. So þai feƚƚ vnto þer prayers devoutelie, & þan̛ þis seke childe began̛ to cry, & sayd̛; "I thank aƚƚ-myghti [God], for þurgℏ your prayers þe dragon̛ is fled̛ & I am̛ delyverd̛."

We rede ex 'Legenda Lombardica,' how þat in þe monasterie of Saynt Gregor þer was a monk þat was so vexid̛ with þe axis at he was like to dye. & his brethir said̛ þer psalters aboute hym̛, trowyng þat he sulde dye. And when̛ þai had done þai began̛ to bakbyte hym̛. So yitt hym̛ happend̛ to turn̛ agayn̛ vnto lyfe, & he lifte vp his ene & smylid & said̛; "God forgyf you, brethir! Whi wolde ye bakbyte me? Ye hafe done vnto me a grete impediment, ffor I was bothe at onys accusid̛ bothe of you & of þe devuƚƚ and I wiste neuer to whethur dissease I might ansswer. And þerfor̛ when ye se any man̛ bown̛ to dy, bakbite hym̛ not, bod hafe compassion̛ on̛ hym̛, at ye make hym̛ no lettyng when̛ he commys afor̛ þe strayte iugement of almyghtie God̛."

Thar̛ was a man̛ of religion̛ þat on̛ a tyme went o-gateward̛ Latin, cum matre sua iter faceret. with his moder. And when̛ þai come vnto a watyr, & he sulde bere our his moder, he MS. & he. tuke his handis & wappid̛ þaim in his skirte, at he sulde not tuche þe handis of his moder. And when̛ he had born̛ hur our, sho askid̛ hym̛ whi he did so. And he ansswerd̛ agayn̛ & said̛, "þe body of a womman̛ is fyre, & becauce I thoght what wommen̛ er, þerfor I wold̛ not tuche þe for pereƚƚ þat mot happen̛ þer vppon̛."

Mulier debet cauere ne MS. ne donis ornatu. ornatu, vel pulcritudine, vel alloquio provocet virum. Supra de abscondere.Mulier casta est amanda. Supra de castitate, ij.Mulieribus naturaliter inest compassio. Supra de compassione, ij.Mulier diligenter debet custodiri. Supra de ffilia. Mulier vltro se ingerit viro. Supra de castitate, v, et de luxuria, i.Mulier amore castitatiseciam propria membra corporis debet contempnere. Supra de castitate, iij.Mulier amore castitatis eciam propriam patriam debet relinquere. Supra de Clemente.Mulier amore castitatis eciam corpus proprium exponit periculo. Vt supra.Mulieris cohabitacio non est secura viro. Supra de cruce, ij, et de carne, i.

Valerius tellis of one þat hight Zenocrates Platonicus, whilk þat was a man̛ of sucℏ vertue, þat he wolde lat no man̛ swere for no maner of cauce, bod att euere man̛ sulde be trowid̛ be his playn̛ wurd̛; & he was ffamilier vnto a womman̛ of Athenis. So on̛ a day as sho spak with oþer wommen̛, sho trustyng gretelie in þe familiaritie of þis philosophur, sho laid̛ a grete wageor at sho sulde bryng hym̛ oute of þe purpos of chastite. So þis philosophur on̛ a tyme come vnto hur, & sho made hym̛ mery of wyne so þat he liste slepe. & sho lenyd his head̛ down̛ in hur kne, & of his awn̛ wyƚƚ þer he lay a grete while. And evur sho talkid vnto hym̛ wurdis to provoce hym̛ to luste of his bodie, and yit be no wyse myght sho induce hym̛ þerto, & so he went his wais & sho loste hur wageor. And when̛ þe toder wommen̛ axked hur þat at sho had loste, sho ansswerd̛ agayn̛ & said̛, þat sho layd̛ hur wageor of a man̛ & not of a stokk̘, for he was a stokk, sho sayd̛, & no man̛.

Valerius tellis how þer was a man̛ þat hight Ninus, þat had a wyfe. & when̛ he was dead̛, on̛ a day as scho was byndand̛ vpp hur head̛, it was lattyn̛ hur wit þat Babylon̛ defaylid̛ in bataƚƚ. And with þe ta syde of hur heade vnbun vpp̛ sho ran̛ to feght agayn̛ þaim of Babilon̛, & neuer wold sitt at bynd vp hur head̛ vnto aƚƚ was won̛ & þai ffled̛. & þerfor̛ is ane ymage made of hur & sett vp̛ in þis maner of wyse.

Orosius tellis of one þat hight Semiramis, þat was burnand in lichorie & thristie in blude, made ane ordinans and a constitucion̛ þat for no maner of reuerens nor inceste þer sulde no lettyng be, bod at betwix þe fadur & þe moder & þer childer, als ofte as þaim lykid̛, it sulde be lefuƚƚ to hafe at do samen or for to hafe to wyfe or husband̛. So on̛ a tyme sho desyryd hur awn̛ son̛ to hafe at do with hur, and þer in despite he slew hur.

We rede in `Cronicles' of þe wyfe of Claudius, how þat sho was so gyffen̛ vnto luste & lykyng, þat furste privalie and syne opynlie sho wold̛ expownd̛ hur selfe, & cownceƚƚ þerto other noble wommen̛, so þat sho þoght þat sho had neuer enogℏ þerof. And at þe laste þe Emperowr̛ & hur husband̛ to-gedur slew hur; and sho was so forgetteƚƚ of mynd̛ þat when̛ þai slew hur sho askid̛ þaim whi þai wolde not com̛ & hafe att do with hur.

Mulier superba et despiciens virum quandoque postea viro capitur. Supra de Assenecℏ.Mulieres non expedit videre. Infra MS. supra. de videre.Mulier rixosa pacienter a viro est toleranda MS. tolleranda. . Infra de paciencia.Mulier loquax grauiter punitur. Supra de locucione. Mulieris nequicia comparatur serpenti. Infra de serpente.Mulier adultera virum suum contempnit. Supra de adulterio, j.Mulier bona debet esse que ducitur in vxorem. Infra de vxore.Mulier debet esse quieta et non vaga. Infra de vxore.Mulier ad peccandum est parata si requiratur. Infra de silencio, ij.Mulier naturaliter ad se attrahit affectum viri. Supra de concupiscencia, j.Mulier temptat virum. Infra de temptacione, v.Mulier aliquando feruens est ad After ad, h, erased. bonum. Supra de martirio.

We rede how a womman̛, when̛ hur husband lay in dead thrawis, callid hur mayden̛ & bad hur go by hur iij yerdes of hardyn̛, 'to wynde my husband in." And sho ansswerd̛ agayn̛ & sayd̛; "Dame, ye hafe enogℏe of fayr lyn clothe. Take þerof iiij yerdis and wynd hym̛ in." And sho was wrotℏ After wroth, s, erased. & said̛; "May not iij yerdis of harden̛ serriff hym̛ weƚƚ enogℏ?" So þis man̛ at lay seke happend for to here hur, and when̛ he come to hym̛ selfe, als iƚƚ as he myght, yitt he said̛; "Ya, make it shorte enogℏ þat it be not fylid̛ with clay A hand with Nota above it points to this tale. ."

We rede in `Libro de Dono Timoris' how þer was ij women̛ pleyd befor a iuge for a clew of threde. And þe iuge axkid ather of þaim whar̛-of þe bothom̛ at þe clew was won̛ on̛ was. And þe tane said̛ it was on̛ a cole & þe toder said̛ it was on̛ a lyn̛ clowte. And þan̛ he rewardid̛ at þe clew sulde be won̛ of, & sho at said̛ sothe of þe bothom̛ sulde hafe it.

We rede in `Vitis Patrum' how on̛ a tyme a monk ran̛ for to se maydens as þai come samen goyng be þe way. And when̛ he had sene þaim he turnyd oute of þe way. And þan̛ ane olde wyfe at was with þur maydyns sayd vnto þis monk; "And þou wer a parfite monke þou sulde not behalde vs, nor know þat we wer wommen̛."

Mulier papa creatur. Infra de papa.Mulierem demon incumbens infestat. Supra de demone, xj et xij.Mulier nobilis eciam viro aliquando se ingerit. Infra de temptacione, vj.Mulier molestia carnis est temptata. Infra de temptacione, vij.Mulierum ornatui congaudet demon. Infra de ornatu, ij.Mulier virum suum in remotis partibus pergentem debet expectare diu ante quam nubat. Infra de peregrino et supra de celacione, j.Mulier secretum est male celans. Supra de celacione.

Petrus Alphonsis MS. Alphensis. ; how som̛ tyme a man̛ went to wede hys vynys, and his wyfe trowid̛ þat he wold̛ hafe tarid̛ long and callid̛ hur luff into þe hows. So þis man̛ happend to be smyten̛ in þe ee with a twyste, so þat he mot not se, & he mott hafe no ruste þerof & went home. And when̛ he knokkid̛ at þe dure þe wyfe was ferde, & hid hur luff in a chawmer & afterward̛ oppynd þe dure. And hur husband went in & wolde hafe gane vnto þe bed̛, and sho axkid̛ hym̛ what he wolde do at þe bed̛, and he tellid̛ hur aƚƚ as it had happend hym̛. And sho bad hym̛ sitt down̛ & latt hur charm̛ þe hale ee, þat it happend nott þe same. And sho putt hur mowthe vnto þe hale ee to likk it, vnto hur luff was gone his way, at hur husband wiste nott. And þan̛ sho bad hur husband ryse, & sayd vnto hym̛; "Now I am̛ sekur of þis ee. And now if you like ye may go vnto your bed and riste you." And so he did.

Petrus Alphonsis MS. Alphensis tellis how som tyme þer was a man̛ þat went on̛ pylgramege, and he betuke his wyfe to kepe vnto hur moder vnto he come home. And when̛ he was gone sho sent for hur doghtur lemman̛ to sup̛ with þaim, & þai ete & drank̘ samen & made merie. And sodanlie þe gudeman̛ come vnto þe dure & callid̛, and sho was gretelie trublid̛ þer-with, & hid hur lemman̛ in þe chawmer and þan̛ lete hur gudeman̛ com̛ in. And̛ he was wery & wete, & bad þaim go make his bed̛. And þis olde wyfe bad hur doghter bryng a shete & latt hym̛ se it þat he sulde lig in, or sho made þe bed̛. And sho broght a fayr shete, and þe olde wyfe toke þat one end þerof, & þe yong wyfe þe toder, and held it vp̛ on̛ ege als hy as þai might aforn̛ þe chawmer dure, & þus þai hid þe gude man̛ at he might not se to he was gone, at þai had hyd, oute att þe chawmber dure. And þe gude man̛ bade styƚƚ & had a mokk̘ Latin, et maritus delusus remansit. . And þan þis olde wyfe said vnto hur doghter; "Ga now & make þi husband̛ bedd with þis shete at I made myne awn̛ handis sen̛ he went." And he said̛; "Dame, can̛ ye wefe sucℏ clothe?" "Ya, son̛," sho said̛, "forsutℏ I hafe wroght mekuƚƚ suche sen̛ I was born̛."

Petrus Alphonsis MS. Alphensis. tellis how som tyme þer was a wurshupfuƚƚ man̛ þat went on̛ pylgramege, and he had a gude wyfe and a chaste. So þer was a yong man̛ þat luffid̛ hur passandly, & wolde hafe giffen̛ hur grete giftis to hafe had his luste on̛ hur, and sho wolde not on̛ no wyse. So at þe laste he feƚƚ seke for sorow at he mot not spede, & lay in his bed̛. So þer come in ane olde wyfe & vysitt hym̛ & askid̛ hym̛ what was þe cauce at he was seke for̛. And he oppynd̛ his herte vnto hur & tolde hur aƚƚ þat hym̛ aylid. And sho said̛ hym̛ þurte not be seke her̛-for̛, sho cuthe help̛ hym̛ weƚƚ enogℏ. And he promysid̛ hur a gude rewarde to helpe hym̛. So sho had a little bykk whelpe, & sho held̛ it fastand̛ ij dayes. So on̛ þe iij day sho made a cake of mustard̛ & mele & gaff it, & it ete it. And for bytuernes of þe musterd̛ it began̛ hugelie to grete, & þe een̛ þerof to ryn̛. So sho went vnto þis gude wyfe hows, and þis whelpe folowid̛ hur. And sho, becauce sho was ane olde wyfe, welcomyd̛ hur fayre, & gaff hur meat & drynk̘. So at þe laste sho askid̛ hur what þis whelpe aylid̛ to wepe þus. And sho ansswerd̛ & said̛; "Dere Dame! it is no merveƚƚ if I make sorow & wepe, for þis whelpe was my doghter, & was a fuƚƚ leaƚƚ maydyn̛, & a gude & a fayr̛. And becauce sho wolde not consent̛ vnto a yong man̛ þat luffid̛ hur, to be his luff, þus sho was shapen̛ to be a biche whelpe." And with þat sho lete as sho swownyd̛ & wepid̛ sore. So þis gude wyfe made mekuƚƚ sorow, & said̛; "What mon̛ I do? Allas! for I am̛ in þe same cace; ffor a yong man̛ luffis me & I hafe dispysid̛ hym̛, and I am̛ aferd̛ þat I saƚƚ oght be mysshapend̛." And þan̛ þe olde wyfe ansswerd̛ & cownceld̛ hur to consent vnto hym̛, & latt hym̛ hafe his liste at sho wer not forshapyn̛ & made a byche whelpe. & sho prayed hur to go for̛ hym̛, and so sho did̛ & fechid̛ hym̛ vnto þis womman̛, & þer he had his luste & his desyre; & þis false alde when̛ had a gude reward̛ of ather partie.

Petrus Alphonsis MS. Alphensis. tellis how som̛ tyme þer was a yong wed man̛, and þurgh conseƚƚ of ane olde wyse man̛ he closid̛ his wyfe in a hye chawmer þat had no dure butt one, and a wyndow, & evur as he come owder in or oute, he sparrid̛ þe dure faste. And on̛ þe night he wolde hyde þe keyis at his bed head̛. And þus he did a long tyme. So on̛ a tyme when̛ hur husband̛ was away, sho lukid̛ furtℏ at þe wyndow, and sho was war of a fressℏ yong man̛, & onone sho wex iolious on̛ hym̛. And to þe entent at sho mott gett oute vnto hym̛, iij nyghtis or iiij, by & by sho made hur̛ husband̛ dronken̛. And on̛ a nyght privalie when̛ he was on̛ slepe, sho stale þe keyis fro his head & oppynd þe durys. And privalie sho went vnto þis yong man̛. So hur husband̛ wakynd̛ & myssid̛ hur, & compasid̛ þat with-owten̛ a cauce sho wolde not hafe desyrid̛ [hym] to drynk so faste on̛ evyns as sho did̛, & said̛ no þing bod lay stiƚƚ & slepte. So when̛ sho had had hur luste, sho come in agayn̛, and he lete as he myssid̛ hur nogℏt. So on̛ a night afterward̛, he fenyd̛ hym̛ selfe dronken̛, and þe same night sho rase vp̛ as sho did afor̛, and went vnto hur luff. And onone as sho was gone, he rase privalie & folowid̛ hur & come vnto þe dure & sparrid̛ it faste, & went vp agayn̛ & stude in þe wyndow wachand̛. And at þe laste he was war of hur command in hur sark̘. And sho knokkid̛, & he axkid who was þer? And sho besoght hym̛ forgyff hur at sho went furtℏ, & to latt hur com̛ in. And he said̛ sho suld̛ not com̛ in, bod sho sulde stand̛ stiƚƚ þer & he suld̛ shew hur vnto hur fadur & hur moder in þe aray at sho was in. And þe vse was þat þai þat wer fon̛ þer-oute at mydnyght, wachemen̛ sulde take þaim & on̛ þe morn̛ sett þaim on̛ þe pyllorie, þat aƚƚ men̛ myght wonder on̛ þaim. And when̛ sho saw þat on̛ na wyse he wolde lat hur in, sho said̛ sho sulde lepe into a draw-weƚƚ at was bod a litle fro þe dure, & drown̛ hur selfe, rather or sho war takyn̛ & shamyd̛. And when̛ sho saw for aƚƚ þis at he wold̛ not lat hur in, sho tuke vp̛ a grete stone & keste in-to þe draw weƚƚ, and bad fare-wele for evurmor̛. And when̛ he herd̛ it faƚƚ in-to þe weƚƚ, he went it had bene sho had loppyn̛ in-to þe weƚƚ, and he was somwhat asstonyd̛, and he oppyn̛ þe dure faste, & ran̛ vnto þe weƚƚ at luke if he mott gett hur oute. And sho had hid hur be þe waƚƚ & saw þe dure was oppyn̛, & whippid̛ in & lokkid̛ þe dure faste, & gatt hur vp in-to þe wyndow. And when̛ he hard̛ sho was getten̛ in, he said̛; "O, þou fals womman̛, and fuƚƚ of þe devuls crafte! Lat me com̛ in!" And sho said̛, nay, he sulde nott. And þer sho held̛ hym̛ oute vnto wache-men̛ come & tuke hym̛, & had hym̛ vnto prison̛. And on̛ þe morn̛ sho went vnto hur fadur & hur modir, and told̛ þaim how þat he went oute on̛ þe nyght to his strompettis & forsuke hur, & þer þai come vnto þe prison̛ aƚƚ samen & made playnt on̛ hym̛. And þer in his sarke & his breke he was sett on̛ þe pellorye, at aƚƚ folk wonderd̛ on̛ hym̛, & þus maliciouslie sho put hur blame opon̛ hym̛.

We rede in `Cronicles,' when̛ kyng Albyon̛ was at Veron̛ at a grete feste, he commanddid̛ his butler to feche hym̛ a copp þat he had made of þe heade of þe furst husband̛ of Rosamond̛, at was his wyfe, whame he had slayn̛ in bateƚƚ; & he garte fyƚƚ it fuƚƚ of wyne & dranke þerof, & gaff Rosamond̛ his wyfe & made hur to drynk þerof. And he bad hur drynk with hur furst husband̛, and sho conseyvid̛ what he ment & was passand̛ wrothe with hym̛. So þer was in þe cowrte a duke þat held̛ MS. repeats, þat held̛. a chawmerer of þe whene, & sho had knowlege þerof. And on̛ a tyme when̛ þe kyng was fro home, opon̛ a nyght sho went into þis chawmerer bed, & sent privalie vnto þis duke a message as it had commen̛ from̛ hur chawmerer, & bad hym̛ com̛ & lye with hur; and þer þis duke lay bye hur. And when̛ he had done sho said vnto hym̛; "Knowis þou what I am̛?" and he said̛; "Ya, þou erte þe chawmerer, my lemman̛." And sho said̛, "Nay, I am Rosamond̛, att þou has done þis dede with; & chese þe oon̛ of ij. For owther þou saƚƚ sla kyng Albyon̛ at slew my furst husband̛ & garte me drynk of his head̛, or els I saƚƚ teƚƚ hym̛ what þou hase done, & make hym̛ to sla þe. And þerfor̛ venge me of hym̛ þat made my husband̛ head in a copp, or els þou saƚƚ dye þerfor̛." And he said̛, nay, he wold̛ not do it hym̛ selfe, bod he promysid̛ hur att he sulde gett a noder þat sulde do it. And sho gart hide þe kyngis armor & his bateƚƚ-ax at stude at his bed-head̛, & his swerd̛ at hang sho gart bynd̛ it, so at it mott not com̛ oute of þe shetℏe. And when̛ þe kyng was in his bed & of slepe, þis manwheller come in, & þe kyng gat his swerd̛ & wold̛ hafe drawen̛ oute, & it wold̛ not; & so he was slayn̛. And þan̛ he tuke Rosamond̛, & aƚƚ þe knygis tresur & ffled vnto þe Cetie of Raven̛ Lat. MSS. Ravenna. ; & þer he wedd hur. And hur happend̛ þer on̛ a tyme to se a fayr yong man̛, & sho wex amoros of hym̛, and þoght þat sho wolde hafe hym̛ to hur husband̛. And sho gaff hym̛ þat had wed̛ hur poysen̛ to drynk, and kyllid̛ hym̛. And when̛ he felid þat it was venom̛, he garte hur drynke of þe reuercion̛. And sho wolde nott, & he tuke oute hys swerd̛ & bad hur drynk̘ it, or he sulde kyƚƚ hur. And so sho drank it, & þer þai wer botℏ dead̛.

We rede in 'Vitis Patrum' how þe abbot Semestras had certan̛ disciples þat on̛ a tyme said̛ vnto hym̛; "Sur, [go] we into þe werld̛ a while, & latt vs dweƚƚ þer." And he ansswerd̛ agayn̛ & sayd̛; "Go we þan̛ whare no womman̛ is." And þai ansswerd̛ hym̛ agayn̛ & said̛; "Whar̛ is þat place þat a womman̛ is not in, bod if þat it be in wyldernes?" And þan̛ þe abbott ansswerd̛ agayn̛ & said̛; "Ther̛for̛ I pray þe, lat vs abide in wyldernes."

Mulieris memoria in corde viri esse non debet. Supra de memoria, ij. Mulier luxuriosa in proprium filium impetit. Supra Andree, ij.Mulieris specie diabolus sanctos temptat. Supra Andree, iij.

Iustinus tellis of ane þat hight Olimpias, and when̛ she saw armyd̛ men̛ come and̛ wold̛ hafe slayn̛ hur, sho went & cled hur in gay clothyng, & tuke ij maydens with hur and went to mete þaim. And when̛ þai saw hur in þat aray, þai wer astonyd̛ at sho did so & þai went agayn̛ vnto þer maisters [& teld] how þai fand̛ hur not ferd̛ nor fleand̛ fro dead̛, nor at sho was not ferd̛ for swerd̛ nor wownd̛, nor wepid̛ wommanlyke, bod resayvid̛ armyd men̛ mekelie with ioy & murtℏ, and obeyid̛ hur to vndergo dead̛. And þus sho was delyverd̛.

Iustinus tellis of þis same womman̛, how on̛ a tyme MS. tyme when̛. sho was stryken̛ with a swerd̛ & feƚƚ down̛ & dyed̛, & yit with hur clothis & hur hare sho coverd̛ hur theis, so þat none vnwurshup̛ of hur bodie sulde be sene. Also we rede of the whene of Narvan̛ Harleian MS. de regina Navarre. , þat hight Isabeƚƚ, & was doghter vnto Saynt Lowyce þat was kyng of Fraunce, þat if aƚƚ sho was yong and passand̛ fayr, neuer-þe-les sho wolde neuer lyg with Kyng Theobald̛, at was a fayr yong man̛ at had̛ wed hur, bod in hur sark, nor lat hym̛ lig with hur bod in his sark & his breke. Nor þer was neuer none of hur maydens, nowder privalie nor apert, þat nowder in batℏ nor in wasshyng saw als mekuƚƚ as hur ancle bare. And when̛ sho dyed̛, sho commandid̛ hur maydens þat þai sulde wapp̛ aƚƚ hur bodye & hur membres in a long webƀ & sew it, at when̛ becauce of sethyng hur membrus burde be cutt, þe clothe sulde be cutt, at þai þatt cutt hur sulde not se none partie of hur body bare.

Mulier sine assensu viri non debet dare magna. Infra de vxore.Mundi debent esse qui contractant sancta vasa et vestes. Supra de corporali.Mundi pericula sunt evitanda. Infra de risu et de periculis.Mundo possunt adaptari que supra dicuntur de contemptu mundi, de diuicijs et morte.

Senec tellis how þat when̛ þe disciples of Socrates come and broght hym̛ many giftis, he had a pure scolar þat hight Escharmes, þat come & offerd̛ hym̛ selfe vnto hym̛ and̛ said̛; "Sur, I giff you þe beste þing þat I hafe, þat is myne awn̛ bodye." & he said̛ þat oþer þat gaff hym̛ smaƚƚ giftis helde þer beste giftis behynde, & so wolde not he doo, bod he prayed his mayster to take þat pure gifte, & so labur it with aƚƚ his diligens, att it mott be better & fayrer for his sake. And his maister ansswerd̛ hym̛ agayn̛ & sayd; "I have tane a grete gyfte of þe bod if þou þinke þi selfe little, and giff þi selfe besylie for þine awn profett to do aƚƚ thyng at I command̛ the."

Munera magna non debet dare vxor sine licencia viri. Infra de vxore.

Valerius tellis of one Marchus Thurius, þat was þe nobyllest cowncelor within Rome. & on̛ a tyme a grete man̛ come vnto hym̛ & fand̛ hym̛ syttand̛ at his supper be þi fyre, & aƚƚ his meat on̛ a tre-dubler. And he offerd̛ vnto hym̛ & wold̛ hafe gyffen̛ a grete porcion̛ of syluer vesseƚƚ, & bad hym̛ were þaim for his sake. & he forsuke þaim & wolde not take þaim. And he was wrothe þerwith & said̛; "Ye saƚƚ nevur teƚƚ þat Marchus Thurius had lere be lorde of riches þan̛ for to be maid̛ riche of wisdom̛. For vmthynk you þat ye neuer saw me ourcommen̛ in bateƚƚ, nor yit be corrupte with money."

Murmurare non debet pauper cui datur elemosina. Infra de paupertate.

We rede in 'Cronicles' þat in þe tyme of þe iij Henrie þe Emperour, how þer was a riche man̛ on̛ a day satt at his meate. And sodanlie he was vmlappid̛ with a grete flok̘ of myce, and sodanly þai lefte aƚƚ MS. repeats, aƚƚ. at was in þe howse, & pursewid̛ vppon̛ hym̛. & men̛ tuke hym̛ and had̛ hym̛ vnto a ship̛ on̛ þe watir at he mot so esskape þe myce, & voyde þaim fro hym̛. And þai lepid̛ after hym̛ in-to þe watyr, & come to þe shupp̛ & gnew it þurgℏ. & so he mott on̛ no wyse kepe hym̛ fro þaim, vnto so muche att he was had to land̛ agayn̛; & þer þe myce feƚƚ on̛ hym̛ & kyllid̛ hym̛, & ete hym̛ vp euere morseƚƚ vnto þe bare bonys.

We rede ex 'Legenda Lombardica MS. ex legibus Lombardorum. ' how at þer happend̛ on̛ a tyme a grete multitude of fleis in ane abbay þat Saynt Barnard̛ made, vnto so mekuƚƚ at þai did̛ mekuƚƚ noysans vnto aƚƚ men̛ þat dwellyd̛ þerin. And when̛ þai come & tolde hym̛, he said̛ þat he sulde curs þaim, & on̛ þe morn̛ þai wer fon̛ dead̛, ilk one.

Mutacio frequens iudicum MS. iu den̛. Harl. MS. iudicum. non est populo vtilis. Supra de ballivo, ij.

The birtℏ of our Lord̛ is prevyd̛ be many meracleys, ffor Innocencius þe iij telles how at Rome þer was contynuaƚƚ pease xij yere to-gedur, and þerfor̛ þe Romans byggid̛ a fayre temple, & sett þerin þe ymage of Romulus, & garte caƚƚ it Templum Pacis. And þai askyd̛ Appollo how long it sulde laste, & he said̛ vnto a womman̛ þat was a clene mayden̛ bare a childe. And when̛ þai hard̛ þat, þai said̛ it sulde laste evur, & wrate abowne þe dure in golden̛ letters; ' Templum Domini Lat. MSS. Templum Pacis. in eternum manet.' And when̛ our̛ Ladye bare hur childe, vppon̛ þat same nyght it feƚƚ down̛ vnto þe hard̛ ertℏ, and þer is now Ecclesia Sancte Marie Noue MS. Sancte Marie de nouo. .

Ex 'Legenda Lombardica MS. Legibus Lombardorum. ' we rede how þat vppon̛ þat day þe ymage of Romulus and aƚƚ oþer ydolfis in Rome feƚƚ down̛ & brak̘. And Saynt Ierom̛ tellis also how þer come a tokyn̛ in Egipte for aƚƚ þer idolfis fellis when̛ our Ladye bare hur chylde. And her̛-for̛ þe prestis of þe temple garte make ane ymage of a maydyn̛ with a barn̛ in hur arm̛, and sett it in a privay place in þer temple, & vnto þat þai did wurshup̛.

We rede ex 'Legenda Lombardica' how þat same nyght þe derknes of þe nyght and̛ clerenes of þe day war turnyd̛ evun̛ contrarie.

Orosius and Innosins Harl. MS. Innocens iij. tellis how þat a weƚƚ in Rome þat same nyght was turned̛ in-to oyle & ran̛ in-to Tyber, and aƚƚ þe day after spran̛ habundandlye; ffor Sibilla had prophecyed & said̛ þat our Savyor sulde not be born̛ or a weƚƚ of oyle sprang oute of þe erthe.

Crysostimus tellis þat vppon̛ þe nyght of þe natiuitie, vnto þe kynges þat war prayand̛ on̛ a hyƚƚ, a fayr starn̛ appered̛ MS. appeyed. vnto þaim. & it had̛ in it a fayre childe, and vppon̛ his shulder a fayr cros shynyng, whilk childe spak vnto þe kyngis and bad þaim go in-to Iudea & seke hym̛, & þer þai sulde fynd̛ hym̛ born̛.

We rede in 'Legenda Lombardica' how þat vppon̛ þat day þer apperid̛ in þe este iij sonnys Harl. MS. qui paulatim in vnum corpus solare redacti sunt. Eusebius in Cronicis, et Magister in Historia Scolastica dicunt quod non ipso die apparuerint tres soles, sed autem per aliquod tempus, scilicet post mortem Julij Cesaris. , and somwhat befor̛ þat tyme after þe dead̛ of Iulius Cesar.

Innocencius þe iij, pope, tellis how þat Ottouianus þe Emperour̛, þat aƚƚ þe werld̛ was subgett vnto, and be his reson̛ he plesid̛ so vnto þe senaturs of Rome, þat þai wolde hafe wurshuppid̛ hym̛ as Godd̛. And he callid̛ Sybilla þe prophetice vnto hym̛, & axkyd̛ hur if evur þer sulde be any born̛ þat sulde be gretter þan̛ he was. So it happend on̛ þe yole-day, and þis Sybyƚƚ was in þe Emperour chawmer. And evyn̛ aboute mydday þer apperid̛ aboute þe son̛ a golden̛ cercle, and in myddeste of þe cercle was þer standand̛ a fayr maydyn̛ and a chylde in hur armys. And sho shewid̛ þis vnto þe Emperour, and þe Emperour had grete mervaiƚ here-of, & said̛ þat he hard̛ a voyce þat spak, saying, " Hec est ara celi." And Sybyƚƚ said̛ þat childe sulde be mare þan̛ he was, and þerfor̛ sho bad hym̛ wurshup̛ hym̛. And þat chawmer is consecrate a kurk in honor of our Ladie, & is callid̛ to þis day Sancta Maria de Ara Celi MS. Cela. . And fro thens furtℏ þe Emperour wurshuppid̛ þis childe & wolde wurshup̛ none oþer goddis. And vnto þis sentans accordis Timotheus, historiagraphus, and Orosius for þe moste partie.

We rede ex 'Legenda Lombardica' how þat þe oxe & þe ass, knowyng mervolosly Almighty God̛ layd̛ in a cryb befor̛ þaim, þai feƚƚ down̛ on̛ þer kneis and wurshuppid Hym̛. And Saynt Ierom̛ tellis þat vppon̛ þat nyght aƚƚ þat euer laburd̛ in vicio sodomitico was slayn̛, so þat not in þe kynd̛ þat Almiȝty God had taken̛ fro thens furtℏ þer sulde be fon̛ so mekuƚƚ vnclennes. For als Saynt Austyn̛ sayd̛; " videns Deus vicium contra naturam in natura humana fieri, fere desijt incarnari."

Cesarius tellis how þat in þe dioces of Leodenensis Harl. MS. Leodiensis. , besyde Florens, þer was som tym̛ a yong knyght & noble in tornamentis, & giffen̛ vnto vanytis of þis werld̛, vnto so mekuƚƚ þat þer aboute he consumyd̛ aƚƚ his gudis, so þat he feƚƚ evyn̛ in despayr. Vnto so mekuƚƚ þat on̛ a nyght he garte a man̛ of his lede hym̛ in-to a wude, & þer þai raysid̛ the devuƚƚ as þai was wunt to do, & made hym̛ to speke witℏ þaim. And þer he bad þe knyght make no charge of his povertie, & he askid̛ hym̛ if he wold̛ hafe riches agayn̛, & ioy, as he was wunt to hafe. And þe knyght said̛, ya, he wolde, and it mot be done be God̛ Almyghtie. And þan̛ hys man̛ sayd vnto þe fende; "Here hafe I broght you a noble man̛, my maister, at ye may restore hym̛ vnto þe degre at he was in afore tyme." And þe fende saide, hym̛ burde furst forsake Almyghti God & make homage vnto hym̛. And þis knyght, þuf aƚƚ it war tremland̛ & makand̛ sorow, neuer-þe-les, in hope of requoveryng agayn̛ of þat at he had loste, þurgℏ cownceƚƚ of þis man̛ he did itt. And þan̛ þe fend said̛ hym̛ burd nede forsake Goddis moder. And þe knyght ansswerd̛ agayn̛ & said̛, þat wolde he neuer doo. And þus he partid̛ away fro þaim, and went agayn̛ vnto þe town̛. And þer was a kurk̘ in his way, and he went in and sett hym̛ down̛ on̛ his kneis befor̛ ane ymage of owr̛ Ladye, & wepid̛ & made grete sorow, at aƚƚ þe kurk rang with. So evyn̛ þe same howr̛, a knyght þat had boght aƚƚ his lifelod befor̛, happend com̛ by þe kurk̘ away, & hard̛ grete noyse & went in, & when̛ he fand þe knyght, þat he kend weƚƚ enogℏ, cryand & makand̛ his prayer so devowtly, he had grete merveƚƚ, & drew hym̛ be-hynd̛ a pyler & stude stiƚƚ, & þogght he wolde wit what aƚƚ þis bement. And, at bathe þies knyghtis hard̛, our̛ Ladie spak vnto hur Son̛ & said̛; "O, þou swete Son̛! Hafe mercie of þis man̛!" And þe childe at satt on̛ hur kne wolde not speke agayn̛ vnto his moder, bod turnyd̛ his head̛ awayward̛ fro hur. And sho prayed̛ hym̛ agayn̛, & sayd̛ þat þe man̛ was dessayvid̛, and with þat he turnyd̛ his bak opon̛ hur and said̛; "This man̛ hase denyed̛ me, what shulde I do vnto hym̛?" And þan̛ þe ymage of owr̛ Lade rase vp & sett hur Son̛ apon̛ þe altar, and feƚƚ down̛ on̛ hur kneis at His fete and said̛, "I pray þe, swete Son̛, þat for my sake þou forgyff hym̛ his syn̛." And onone þe child̛ liftyd̛ vp His moder and said vnto hur; "Moder, yit I neuer denyed̛ þe thyng att þou axkid̛ me. And now, beholde, for þi sake I forgyff hym̛." And þan̛ þis knyght was fayn̛, & rase & went his ways furtℏ of þe kurk̘, and was passyng sadd̛ & hevy for hys syn̛, & glad þat it was forgyffen̛ hym̛. And þe toder knyght folowid̛ hym̛ privalie, & ouertuke hym̛ & axkid hym̛ whi his een̛ war so wate & so bownyd̛. And he ansswerd̛ agayn̛ & said̛ þe wynd garte itt. And he said̛ agayn̛; "Sur, I knaw þe cauce of your truspas weƚƚ enogℏ. And Sur," he said̛, "I hafe a doghter & no mo childer, and if ye wuƚƚ wed hur I saƚƚ giff you aƚƚ your lyfelod̛ agayn̛, & you ij I saƚƚ make heyris of aƚƚ my riches." And he thankid̛ hym̛ & wed hur, & was afterwerd̛ a gude man̛ & a ricℏe.

Negant eciam deum religiosi. Supra de misericordia.Negacionem dei inducit amor carnalis. Supra de amore.Negacionem dei inducit ambicio dignitatis. Supra de Maria, vj So Lat. MSS., Eng. MS. has, de iniuria, iij. .Neganda non est pauperi elemosina. Infra de paupere, ij MS. iij. .Necligencia hominis impedit ne ei ab aliquo subueniatur. Supra de cogitacione.Negligencia executorum nocet testatori. Supra de executore, j.Negligencia vtencium aliqua re perditur aliquando ipsa res. Supra de legato.Necligencia dicendi horas. Supra de Augustino, ij.

Tullius tellis how on̛ a tyme it was disputid̛ betwix Diogenes & Stocius Arund. MS. inter Diogenem, Babilonum stoicum, et discipulum eius, Antipatrem. Harl. MS. inter Diogenem, Babilonium storcum, etc. , þat was his disciple. And Diogenes sayd̛; "Aƚƚ þe vices of a thyng þat is selde aw not to be expowndid̛ to hym̛ þat byes it, bod ewhils it is constitutt be þe law; ewhils neuer-þe-les oþer thynges er done withouten̛ gyle." And his scoler ansswerd hym̛ agayn̛ & sayd̛, þat when̛ þe byer trowes att þe thyng be gude, & puttis truste in hym̛ þat sellis it, þe sellar aw to teƚƚ þe byer & þer be any fawte þerin. Than̛ Diogenes sayd̛; "It is one to be styƚƚ & anoder to layn̛, and þe tane is not profitable to þe to here, nor it is not nedefuƚƚ to me to say." And þan̛ his scoler sayd̛; "And it be dampned̛ at Athenys at a man̛ saƚƚ not teƚƚ þe way vnto hym̛ þat travels, mekuƚƚ mor̛ dampnable it is wittandlie to suffer a man̛ faƚƚ in-to error." Than̛ Diogenes sayd̛; "He hase not garte þe bye þat stirris þe not to bye; and þou byes þat þing at plesis þe, and he praysis þat þing þat is his awn̛. And whar þe dome is in þe byer, þer is no begyle in þe seller. And þerfor MS. repeats, and þerfor. a MS. & seller aght to layn̛ nothyng vnto þe byer MS. seller. , neuer-þe-les hym̛ thar not teƚƚ hym̛ bod if he wyƚƚ, for what-som̛-evur langis to hym̛ þat byes it, longes to hym̛ þat sellis, to witt how þat he saƚƚ seƚƚ."

Nequicia mulieris comparatur serpenti. Infra de serpente.

We rede in 'Cronicles' how þat Herode, when̛ he hard̛ teƚƚ þat þe Iewis abade with grete myrtℏ agayn̛ he sulde dye, he garte gadur samen aƚƚ þe noble yong men̛ of Iudee, & garte spar þaim in a prison̛, & commandid̛ vnto Salome his wyfe þat als tyte as he war deade, þat sho sulde sla þaim ilkone, at on̛ maner of wyse aƚƚ Iudee sulde make sorow when he was dead̛ as wele as þai dyd in his lyfe. And so was done.

Nero. Supra de crudelitate, et infra de prodigalitate et Simone.

We rede in his 'Meracles,' how som̛ tyme þer was a Iew þat hard̛ teƚƚ of þe meracles of Saynt Nicholas, and he garte make ane ymage of hym̛, & sett hym̛ to kepe aƚƚ his gudis. And when̛ þe Iew on̛ a tyme was fro hame, thevus come & stale away his gudis, & when̛ he come and fand þai wer away, he began̛ to reprufe þis ymage, and bett itt sore. And Saynt Nicholas apperid vnto þies thevis, & shewid̛ þaim how his body was betyn̛ for þat gude att þai had stollen̛, and thretid̛ þaim at þai sulde be hanged̛ bod if þai had þis gude agayn̛ & restorid it, & teld̛ þaim at he was Saynt Nicholas, in whose kepyng þis Iew had putt aƚƚ his gudis. And þies thevis wer fferd̛, and broght aƚƚ þies gudis agayn̛, and tolde þe Iew þis meracle. And he was turnyd̛ & þai, bothe, and become gude men̛; & þe Iew was cristend̛.

We rede in his 'Meracles' how þer was a gude man̛ þat vsid̛ yerelie, becauce of a son̛ þat he had þat was a scolar, apon̛ Saynt Nicholas day for to make a grete feste, & dele grete almos in wurshup̛ of Saynt Nicholas. So þe devuƚƚ had a dispite þeratt, & come to þe dure in a pure mans liknes, & axkid̛ almos vppon̛ þe Saynt Nicholas day. And þe gude man̛ sent hym̛ almos with þis scoler, and þer þe devuƚƚ strangeld̛ þe childe & kyllid̛ hym̛. And when̛ þe fader come vnto þe dure and fande his son̛ dead̛, he made mekuƚƚ sorow & had vp þe dead̛ childe in-to a chambr̛, and sett hym̛ down̛ on̛ his kneis & made his complaynt vnto Saynt Nicholas, & said̛; "Loo! Saynt Nicholas! behold̛, is þis your reward̛ of þe wurshup̛ þat I hafe þis many day done vnto you?" And as he was þus complenand̛ þe childe oppynd̛ his ene & rase vp̛ & was olyfe agayn̛.

We rede in his 'Meracles' how þat a man̛ þurgℏ þe merettis of Saynt Nicholas had a childe, whilk þat when̛ he was a yong man̛ was taken̛ in þe were with þe Aragans Lat. MSS. ab Agarenis. , & depute into serves with þer kyng. So it happend̛ vppon̛ Saynt Nicholas day þis yong man̛ broght þe kyng wyne in a copp of golde, and as he held̛ it befor̛ þe kyng he remembred̛ hym̛ þat it was Saynt Nicholas day, & how his fadur as þat day was wunte to make a grete feste. And sodanly he gaff a grete sigℏ, and þe kyng wold̛ algattis wete þe cauce at he sighed̛ for, and he told̛ hym̛ evure dele. And þis vncrestend̛ kyng thrett hym̛ & said̛; "What at evur þi Nicholas duse, þou shaƚƚ dweƚƚ here with vs." And with þat sodanlie þer come a grete wynd̛, & smate down̛ þe howse and liftid̛ vp̛ þe childe with þe copp̛ in his hand̛ & þe wyne in it, & sett hym̛ evyn̛ at his fadur dure. And he went in & fand̛ his fadur & aƚƚ his frendis at dyner, & þer he teld̛ þaim aƚƚ how it happend̛. And þai war passand̛ fayn̛ & thankid God & Saynt Nicholas.

Nicholaus indeuotos sibi verberat. Supra de deuocione, ij.Nicholaus deuotos sibi remunerat. Supra de deuocione, j.

Cesarius tellis how som tyme þer was a knyght at wold̛ not trow at þer was any fendis. So on̛ a tyme he come vnto one þat was callid̛ Philip̛, þat was practyse in nygromancye, and prayed̛ hym̛ to latt hym̛ se som̛ fendis. And he re[cu]sid̛ & said̛ he durst nott; & yit he laburd̛ hym̛ beselie. So on̛ a day, aboute none, þis Philip̛ garte þis knyght put his swerd abowte hym̛, and at a gateshatyƚƚ, with a After a, w, erased. swerd̛ he made a cercle aboute þis knyght, and bad hym̛ kepe hym̛ wele within þis cercle, ffor and any membre of hym̛ come withoute itt, he mond lose itt vnto tyme þat he come agayn̛ vnto hym̛. And he bad hym̛, & he saw any bodie, nowder giff þaim right not, nor take right not of þaim, and he tolde hym̛ þat þai wolde bothe tempe hym̛ & flay hym̛; bod & he wolde do so he bad hym̛, he sayd̛, þer shuld̛ nothyng noy hym̛. And when̛ he was gone & þe knyght was be his one in þe cercle, belyfe þer come as it had bene grete fludis, & a nowder tyme as it had bene gruntyng of swyne, and now blastis of wynd̛. And now hym̛ þoght he saw a man̛ als hye as treis, and when̛ he come nere þe cercle he axkid̛ þis knyght what he wold̛, & bad hym̛ aske & he suld̛ teƚƚ hym̛. So he lukid̛ opon̛ hym̛ & hym̛ thogℏt he was a grete man̛ & a blakk, & of grete difformytie, so þat he durste not verelie behald̛ hym̛. So att þe laste þis knyght spak̘ & said̛ vnto hym̛; "I hafe desyrid̛ gretelie to se þe." And he axkid̛ hym̛, whareto. And þe knyght said̛, for he had hard̛ teƚƚ mekuƚƚ iƚƚ of hym̛. And þe fend̛ ansswerd̛ hym̛ agayn̛ & said̛; "Men demys me oftsithis withowten̛ cauce, and I do no man̛ skathe bod if he gar me. And Philip̛ þi maister is my frend̛, & I do aƚƚ þat plesis hym̛, for I grevid̛ hym̛ nevur yitt, vnto so mekuƚƚ when̛ he callid̛ me & bad me now com̛ vnto þe, I come." And þe knyght askid̛ hym̛ whar̛ he was when̛ he callid̛ hym̛. And he said̛ he was als far beyonde þe se as þe se was fro tℏens; " & þerfor̛," he said̛, "it is right at þou reward̛ me for my labur." And þe knyght axkyd̛ hym what he wold̛ hafe, and he said̛ owder his gown̛ or his gyrdyƚƚ, or a shepe of his flokk; & þan̛ he askid̛ a hen̛, & att þe laste a cokk̘. And þe knyght said̛ hym̛ evur nay, and wold̛ giff hym̛ none of þies. So þe knyght axkid̛ hym̛ whare he had so muche connyng as he had̛, and he ansswerd̛ agayn̛ & said̛ at þer was none iƚƚ done in aƚƚ þis werld̛ bod he knew itt. "And to so mekuƚƚ," he said̛, "þou in sucℏ a town̛ & in suche a howse loste þi maydenhede, and swylk synnys & swilk hase þou done." And þis knyght cutℏe not agayn̛-say itt. And þan̛ þe devuƚƚ put furtℏ his hand̛ as he wold̛ hafe taken hym̛, and þe knyght was ferd̛ & feƚƚ bakward̛ in þe cercle, & cryed as he had bene wude. And als sone as þis Philip̛ harde hym̛, he come and made aƚƚ þis fantasies to vanyssℏ away. And evur after, fro þat howr̛ forward̛, he was pale & iƚƚ hewid̛, & trowid̛ alway at þer was fendis. And afterward̛ he amendid̛ his life & become a gude man̛.

Cesarius tellis how at þe cetie of Tholett þer was ane þat held̛ a skule of nygromancy, and his scolers on̛ a tyme desyrid̛ þer maister þat he wolde prufe þat befor̛ þaim þat he taght þaim. And þer maister, þuf aƚƚ he wer il-wyllid̛ þerto, on̛ a tyme led̛ þaim into þe feld̛, and with a swerd̛ he made a cercle aboute þaim, & he bad þaim if þai saw any thyng nowder gif it nor take þer-off, bod at þai sulde holde þaim iustelie within þe cercle. And þan̛ he went a littyƚƚ fro þaim, & began̛ to say his enchawntmentis. & belyfe fendis þat war callid̛ come, som̛ in liknes of a man̛, som̛ of a womman̛, & som̛ makand mynstralcy, & som̛ dawnsand̛. And emang þaim þer was ane like a fayr̛ womman̛, fayrer þan̛ aƚƚ þe toder was, and sho profurd̛ a golde ryng vnto ane of þe scolers ofte sythes, & lang he forsuke it, & at þe laste he tuke it, and onone sho clekid̛ hym̛ oute of þe cercle & þe ryng, bothe, & onone sho was away with hym̛. And his felos began̛ to cry, & þer maister come onone, & þai told̛ hym̛. And onone he callid̛ vp þe maister-fend̛, and tolde hym̛ of þe wrong at was done vnto his scolar, and desyryd to haffe hym̛ agayn̛. And þis fend̛ callid̛ aƚƚ þe toder fendis vnto a cownceƚƚ, and reprovid̛ hym̛ þat did þe dede. And he excusid̛ hym̛ & sayd̛ he dyd no wrong, becauce þe scoler was inobedyent vnto his maister. Neuer-þe-les a sentans was gyffen̛ at he sulde be delyverd̛ agayn̛ vnto his maister, for he was a behufable scolar vnto his maister, and þus he was restoryd̛ agayn̛ vnto his maister. And fro þat day forward̛ his felows þoght att his face was lene & pale, evyn̛ as he had bene taken̛ oute of his grafe. & he told̛ his felows what he saw at heƚƚ yatis, & told̛ þaim it was cursid̛ scule at þai wer at, & desyrid̛ þaim to lefe itt. And he went and made hym̛ a monk of Ceustus ordur, and afterward̛ was a hali liffer.

Nigromanticam scienciam adipiscens dampnatur. Infra de sciencia, iij.

We rede in 'Legenda Beati Ignacij,' þat when̛ he was in dyvers grete turmentis, he wold̛ neuer sease of calling of þe name of Cryste, & þe turmenturs axkid̛ hym̛ whi he rehersyd þat name so ofte. And he ansswerd̛ agayn̛ & sayd̛; "I hafe þat name wretten̛ in my herte, & þerfor̛ I may not sese fro calling þer-vppon̛." And when̛ he was dead, þai tuke his harte oute of his body, & cut it sonder be þe myddeste. And þai fand aƚƚ his herte written̛ within with þies namys, Iesus Christus, & aƚƚ of letters of golde. And herefor̛ many oon̛ trusted in hym̛ & was cristend̛.

Nomen acquirunt aliqui eciam per aliqua mala opera. Supra de memoria, i.

We rede in 'Vitis Patrum' how þer was one þat wolde entir into religion̛, and he lete his moder̛ hafe knowlege of his purpos. And sho cownceld̛ hym̛ nay; & he wold̛ not lefe his purpos for hur, bod sayd̛ þat he wolde go safe his sawle. And when̛ he was entred into þe religion̛ & governyd̛ hym̛ wele, & was fervent in þe begynnyng, fro he had contynued awhile he began̛ to wax slaw, & yrked̛ with þe strate[nes] of his religion̛. So on̛ a tyme hym̛ happend to faƚƚ seke & lay in a trans. So hym̛ þoght þat he was broght vnto his dome, & þer hym̛ thoght he fand his moder þat was dead̛. And when̛ sho saw hym̛ sho sayd vnto hym̛; "Son̛, how is it with the? Come þou hedur̛ to be demyd with vs? Whar̛ is it now at þou said̛ vnto me, 'I wiƚƚ go safe my sawle ?'" And at þis wurde he was confusid̛, & wuste nevur what he suld̛ say vnto hur agayn̛. And with þat he wakend̛ of his trans, & amendid̛ of his sekenes, and vmthoght hym̛ þat for he wex somwhatt yrke in his religion̛ he was in way of dampnacion̛, & he turnyd hym̛ vnto þe fervor & þe luff þat he had̛ vnto his religion̛ at his furste entre, and̛ said̛ vnto hym̛ selfe; "I þat myght not abyde & suffer þe blame & chalange of my moder, how may I abyde þe blame of Aƚƚmiȝttie God & aƚƚ his aungels & aƚƚ þe saynttis off hevyn̛?"

Nouicius confirmatur in religione ex consideracione penarum inferni. Supra de conuersione .Nouicius confirmatur in religione ex certitudine mortis. Supra de conuersione.Nouicij dissoluti debent corripi. Supra de correccione, iij.Nouicij orationibus iuuantur ad perseuerandum. Infra de oracione.Nouicio possunt adaptari multa que dicuntur supra de contemptu mundi, conuersione MS. conuersacione. , monacho, et infra de religione et obediencia.

Ieronimus tellis how on̛ a tyme þer was a yong wedow þat hight Ann, and̛ when̛ hur husband was dead̛ sho thoght sho wolde not Added above the line. be wed̛ with a noder man̛. Hur frendis come & cownceld̛ hur yis, & said vnto hur; "Thow erte yit bod of a myddiƚƚ age, & a fayr̛ womman̛ & a listie, take þe a noder husband̛." And sho said̛; "Nay, þat wiƚƚ I not doo; ffor & I hafe als gude a husband̛ as I had befor̛, I wiƚƚ evur be ferd̛ þat I saƚƚ lose hym̛, & if he be yƚƚ, me wyƚƚ gretelie repent þat I had̛ ane iƚƚ after a gude."

We rede in 'Vitis Patrum' of a monk þat was a writer, þat hight Marchus, & as he was writand̛ & in makyng of ane O, his abbott callid̛, & he lefte it half vnmade & went at his caƚƚ, becauce he wolde not breke his obedyans.

Senek̘ Arund. MS. Seuerus. Harl. MS. Seuarius. tellis how þat vnto a man̛ þat shulde entre in-to religion̛ þe abbott declarid̛ þe grevus laburs þerof, & how þat hym̛ burd̛ doo aƚƚ suche þing as was commanddid hym̛; & he was nothyng ferd̛ þerfor̛ & recusid̛ nott to com̛ into religion̛, bod promysid̛ to be always pacient & obedient. So afterward̛ his maister þoght at he wold̛ prufe hym̛, so be cace it happend̛ at þe oven̛ of þer abbay was hate, redie to sett bread̛ in; and his maister commawndid̛ of obedyans to go into þis ovyn̛. And he left not to do his maister commandment, bod went in boldlie with a gude belefe; & when̛ he was in þe oven̛, þe hete þerof turnyd̛ in-to cold̛, so þat he felid̛ nothyng bod as it had bene sprencled̛ ouer with dew.

Seruius Lat. MSS. Severus. tellis how on̛ a tyme þe same abbott þoght þat he wold̛ prufe a novace, & he tuke a dry stowre þat he vsid̛ to bere in his hand̛ & smate it into þe ertℏ, & bad a novice þat he sulde watir it evurilk day vnto þat it waxid̛ grene & bare liffis agayn̛ kynde. And he did as he commandid̛ hym̛, and evur-ilk day bare a grete pott fuƚƚ fro a watur ij myle thens, & watyrd̛ þis stowr̛ unto he had done it a yere; and yitt he wex nott werie bod did on̛ as he did afor̛. And þuf aƚƚ hym̛ thoght þer come no frute on̛ his warke, yit hym̛ thoght he wolde not breke his obediens, bod endurid̛ in his labur aƚƚ þe secund̛ yere. And in þe iij yere when̛ þis watir-ber sesid̛ not of his labur, þis stowr̛ at was dry florisshid̛, & bare levis & frute. And he went vnto his abbott & told̛ hym̛, & he tuke aƚƚ his monkis with hym̛ & come & saw it & sayd̛; "Loo! brethur, þurgℏ vertue of fulfyllyng of obediens, þis dry stowr̛ agayn̛ kynde is now fayr florisshid̛ & beris levis."

Cassianus tellis how on̛ a tyme þer was ane abbott þat commawndid̛ his dissiple & said̛ vnto hym̛; "Go, ryn̛," he said̛, "als faste as þou may, and als tyte as þou may turn̛ me yone grete stone." And onone his dissiple a grete stone, þat many men̛ myght not hafe turnyd̛, now with lifte at his head̛ & now at his breste, with grete strentℏ he turnyd̛ it ouer; & he swett so þat aƚƚ his clothis warr̛ wett thrugℏ, for he supposid̛ þat nothyng was commandid̛ vnto hym̛ þat was impossible to doo.

Cassianus tellis how som tyme þer was oon̛ taken̛ in-to ane abbay, & he broght with hym̛ his son̛ of viij yere olde; and he was disseverd̛ fro hym̛ & put in a-noder ceƚƚ. So þis abbot þoght þat he wolde [prufe] his obedians & his affeccion̛, & he commaundid̛ hym̛ to caste his son̛ in-to a grete watir. And onone as he had commandid̛ hym̛, he gatt his son̛ in his armys and come vnto þe watur-syde, and wold̛ hafe castyn̛ in his awn̛ barn̛ bod at þer was monkis þat wachid̛ what he wolde doo & lettid̛ hym̛. And yitt for aƚƚ at þai cutℏ do he keste it in, & onone þai gatt it oute and savyd itt olyfe.

Saynt Gregorie tellis how þat in þe cetie of Placens þe watur þat was MS. wald̛. cald̛ Padus rase vp opon̛ a grete spate and owr̛yode aƚƚ þe feldis þat langid vnto ane abbay. & þer was a gude, holie man̛ þat hight Sabinus, a bisshopp̛, and when̛ he saw þis he garte a notorie of his write a byƚƚ & caste in þe flude, and þis was þe wrytyng; "Sabinus, þe servand̛ of owr̛ Lord̛ Iesu Criste commandis vnto þe, Pado, þat our̛ þi bankis þou pas no mor̛ fro hens furtℏ, nor at þou hurte nott landis þat longis vnto þe kurk̘." And his notarie did̛ as he bad hym̛. And onone þe watir feƚƚ of þe kurk-land̛ and come vnto þe bowndis at it was wunte to ryn̛ in; and nevur after vnto þis day rase it ouer þe bankis nor passid̛ þe bowndis.

Saynt Gregorie tellis how þat Florencius, þe servand̛ of Almighti God̛, dwelt alone be hym̛ selfe in a ceƚƚ, & he had v or vj shepe. And he made his prayer vnto Aƚƚmyghti God & besoght Hym̛ at He wold̛ send hym̛ somwhatt to dweƚƚ with hym̛ to comfurtℏ hym̛. And onone as he had made his prayer, he fand at his ceƚƚ-yate, standand̛, a bere, whilk þat lowtid̛ vnto hym̛ and fawnyd̛ hym̛, & was nothyng wylde. And he conseyvid̛ at it was sent hym̛ be Almyghti Godd̛, & bad it go hafe his shepe furtℏ & kepe þaim, & at it sulde bryng þaim home at sex of þe clok at evyn̛; and it did trewlie as he bad it. And in þe mornyng he commandid̛ it not to com̛ home or ix of þe clok̘, and he fastid̛ evur to it come home. And evur þis bere did as he bad itt, and so he tarid̛ long fastand̛ o days Harl. MS. cepit ex hoc fama eius longe lateque crebrescere; cui inuidentes, quatuor discipuli Euthici, eo quod magister eorum, Euthicius, signa non faceret, latenter vrsum occidunt. . And he had iiij disciples þat war wrothe with þis bere becauce it held̛ þaim long fastand̛ o days, & þai dwelt with anoder man̛ in þe wyldernes þat hyght Euticius. Becauce þer maister did no swilk takens, and privalie, þai slew þis bere. And þis holie man̛ bade of his dener to evyn̛, & evur lukid̛ aftur þis bere, & she come nevur home. So opon̛ þe morn̛ he went vnto þe felde and fand þis bere slayn̛, and als sone as he saw hur MS. hym. he knew wele enogℏ who did itt, and he feƚƚ opon̛ a wepyng, more for þe malice of his bredur þan̛ for þe dead of þe bere. And þus he said̛ vnto hym̛ selfe; "I trow þat in þis life at vengeange saƚƚ be taken̛ on̛ þaim for þer males." And belyfe after it happend̛ as he said̛, ffor þies iiij brethur war onone streken̛ with a sodan̛ sekenes, & rotid abown̛ erde at þai stynkyd̛ with. And her̛-vppon̛ þis holie man̛ had conciens & tolde his brethur þat hym̛ forthoght at he had sayd̛. And aƚƚ þe dayis of his lyfe he had sorow þerfor̛, & wepud & made muche murnyng, and held̛ hym̛ selfe as a croweƚƚ man̛ & a vengeable homycide.

We rede in 'Vitis Patrum' how som̛ tyme iiij brethir þat was cled aƚƚ in pylchis come vnto ane abbott þat hyght Pambo, & ilkone of þaim tolde hym̛ þe vertue of oþer, when̛ þai war away at þai spak off. So one of þaim was a grete faster, and anoder was passand̛ pure, and þe iij had passand mekuƚƚ charitie, and þe iiij had xij yere dwelte in obediens emang olde men̛ & brak neuer his obedyens. And þan̛ þis abbot Pambo sayde; "I saw þat þe vertue of hym̛ þis is mor̛ þan̛ of aƚƚ þe toder, ffor ilkone of you þe vertue þat he hase holdys it þurgℏ his awn̛ wyƚƚ, and he this makis his wyƚƚ his servand̛. And sucℏ men̛ er acordable in religion̛, and speciallie þai þat perseuers þerin vnto þer lyfis end̛."

Cesarius tellis how som̛ tyme þer was a husband̛ þat had a servand̛ þat was profetable & trew vnto hym̛. And when̛ he hard̛ teƚƚ of þe inobediens of Adam̛, owr̛ former fadur, he had grete dedeyn̛ þeratt. And on̛ a tyme he said̛ vnto his master þat hym̛ þoght þat Adam̛ was a grete fole, þat wolde not kepe his maisters commandment. "For," he sayd̛, "& ye commandid̛ me a thyng I sulde not breke itt." So with-in a few dayes afterward̛ his maister delyverd̛ hym̛ a box at was sparrid̛, bod nott bod at he mygℏt oppyn̛ itt, and said̛ vnto hym̛; "þis boyste I delyver þe; bod I charge þe att þou oppyn̛ it natt, for & þou do, þou saƚƚ lose my grace, & I wuƚƚ giff þe no hyre." And when̛ he had takyn̛ þis box and was be his one, he turnyd it abowte & sayd̛ vnto hym̛ selfe; "I am̛ now be myne one, whatt & I oppyn̛ þis boyste? Na man̛ may se me & I doo." So þus he was ouercommen̛ with temptacion̛ and oppynd̛ þis boyste. And þer was þerin a little burde, & it flow away; and þan̛ he was passand̛ hevy & feƚƚ on̛ kneis befor̛ his maister & askid̛ hym̛ forgyfnes, bod he had it noȝt.

Cesarius tellis how som tyme þerfor̛ þer was a knyght þat had a wurthi gentyƚƚ-womman̛ vnto his wyfe, and a gude, whilk þat had a grete skorn̛ & a hethyng agayns [Eve], þat sho sulde be so vnobedient vnto Adam̛ hur husband̛. And þis knyght blamyd̛ his wyfe herefor̛ and said̛ þat sho was inobediente vnto hym̛ in les þing þan̛ evur was Eve vnto Adam̛. And sho sayd̛ nay, & he yis. So he chargid̛ hur in payn̛ of xlti mark̘ þat opon̛ þat day at sho shulde be wasshid̛ or bathid̛, at sho sulde not entre in-to þe cowrte nor into þe dyke barefute. And lo! so mervaloslie it happend̛; ffor fro thens furtℏ sho was so turment with temptacion̛ þat on̛ a tyme when̛ sho was bathid̛, sodanlie sho sterte oute of hur bathe & went barefute in-to þe cowrte & in-to þe dyke vp to þe kneis. And one at saw hur come & tellid̛ his lord̛, & he come vnto þe ladie & teld̛ hur þat sho had broken̛ hur obediens in les þing þan̛ Eve did̛, & þer he blamyd̛ hur gretelie & made hur pay hur money at he had putt hur in payn̛ of evurilk dele.

Obedienciam tollit aliquando temptacio gule. Supra de gula. Obedire nolens quandoque visibiliter MS. invisibiliter. Harl. MS. as above. punitur. Infra de religione.Obediunt perfecti suscipere penitenciam quam non meruerunt. Supra de accusacione.

We rede in 'Vitis Patrum' how a gude, symple man̛, þat hight Paule, left aƚƚ his gudis & went vnto Saynt Anton̛ þe abbott. And þe furste nyght þis abbott commawndid̛ hym̛ at he sulde sitt hym̛ down̛ in his prayers vnto he come vnto hym̛. And he sett hym̛ down̛ befor̛ þe olde man̛ ceƚƚ dure & made his prayers, and nowder for þe dew of þe nyght, nor yit for hete of þe day, he wold̛ not move hym̛ nor go away or his maister come. So it happend̛ on̛ a tyme when̛ he was emang his brether, he askid̛ þaim whethur was furste, Criste or His profettis; and so Saynt Anton̛ was ashamyd̛ with his question̛ & commaundid̛ hym̛ to go his wais & holde his tong. And onone he did so; and fro thens furth he kepyd̛ sylens so ferventlie, at he wold̛ neuer speke bod when̛ his fadur commawndid̛ hym̛.

Iacobus de Vetriaco tellis how som̛ tyme þer was a husband-man̛ þat was ane yƚƚ payer of his tenndis, and he wold̛ seldom̛ offer bod if it wer on̛ solempne dayis, and þan̛ he wold̛ offr̛ a fals peny or ane yƚƚ. So on̛ a passcℏ-day hym̛ happend̛ emang oþer to com̛ vnto þe howselburde, and þe preste, þat knew þat he vsid̛ evur to offer a fals peny, when̛ he had gyffen̛ oþer men̛ þer howseƚƚ, he gaf þis husband̛, in-stead̛ of his howseƚƚ, þe same yƚƚ peny þat he offerd̛. And he chewid̛ & feld̛ at it was hard̛, & grapid̛ in his mouthe what it was, & he fand̛ it was þe same fals peny þat he had offerd̛; & when̛ he saw it he had grete merveƚƚ þerof, and made mekuƚƚ sorow. So when̛ mes was done, he come vnto þe preste wepand̛ & sayd̛; "A! sur, my syn̛ is so grete þat it happend̛ me þis day at þe sacrament att ye gaff me is turnyd̛ in-to a fals peny." And þe preste ansswerd̛ hym̛ agayn̛ & said̛; "This thyng happynd̛ not vnto þe with-oute som̛ cawce, and þerfor̛ þou haste done som̛ horrible syn̛. Teƚƚ me what it is!" And with grete shame he tolde hym̛ in confession̛, & said̛; "I shryfe me þat I was so attemptid̛ with After with, ov, erased. covatice, þat evur when̛ oþer folk offerd̛ gude syluer I offerd̛ alway ane iƚƚ penye." And þan̛ þe preste said̛ vnto hym̛; "This was þe iugement at þou tolde me off; and herefor̛ in-stede of þe sacrament þou fand̛ in þi mouthe ane iƚƚ peny. And þerfor̛ þou moste make restitucion̛." And so he did̛, & promysid̛ þat evur after fro thens furtℏ he sulde trewlie pay his tend̛ & offer gude syluer. And̛ so þe preste asoylid̛ hym̛ & gaff hym̛ his howseƚƚ, and evur after he was a gude man̛.

Oblacio sacramenti in missa valet ad viuos et defunctos. Supra de missa.

Petrus Damianus tellis how þer was a monke þat was a grete synner, & grete penance at was enionyd hym̛ he besoght one þat was familiarie vnto hym̛ to helpe hym̛ to do. And he vndertuke to do þat one halfe of his penance, & bad hym̛ be not ferd̛ þerfor̛. So hym̛ þis at band̛ hym̛ selfe þus, with-in a while after deyid̛, and he was a gude man̛ emangis his brethir; and with-in a little while he apperid̛ vnto þis oþer monk̘. And he axkid̛ hym̛ how it stude with hym̛, and he said̛; "Iƚƚ & hardlie, not for my selfe bod for the; ffor when̛ I was fre of myne awn̛ selfe I bande me for þe. And þerfor̛," he said̛, "go, & pray þe covent at þai fullfyƚƚ aƚƚ þat at I promysid̛ to do for the." And when̛ þat was done he apperid̛ vnto hym̛ agayn̛, and lete hym̛ witt þat onone he was delyverd̛ þurgℏ his brethir prayer.

Obligare se MS. Obligare se semper pro aliquo. pro aliquo non semper est securum. Supra de fideiussore.Obliuio scitorum prius causatur aliquando ex minucione. Supra de minucione.Obliuissi debet confessor ea que in confessione audiuit. Supra de confessione, iiij.Obloquendum non est sanctis. Supra de blasfemia, iij.

Saynt Bede tellis in 'Gestis Anglorum' of one þat was turnyd̛ in name bod he was shrewid̛ in condicions, and when̛ he was correcte he wolde not amend̛ hym̛ bod was ay longer war; bod becauce he cuthe gude skyƚƚ of ane offes, þerfor̛ he was suffred more. So at þe laste hym̛ happend to faƚƚ seke, and he garte caƚƚ aƚƚ his brethir aforn̛ hym̛, and was aƚƚ comen̛, he tellid̛ þaim his sete was ordand̛ in heƚƚ, noght ferr fro Pylatt & Cayphas. And when̛ his brethir cryed on̛ hym̛ & bad hym̛ aske mercye & do penans for his syn̛, he said̛ he might not forthynk̘ his syn̛, for iugement was passid̛ agayns hym̛. And þus he dyed̛ in wrichidnes.

Obstinacio impedit restitucionem forisfactorum. Infra de vsurario, vj et x.Obstinacio impedit contricionem. Supra de contricione, v, et de heretico, ij; de accusacione, et de aduocato, iiij.Occasionem querit potens et princeps contra impotentem. Infra de potente.Ocium est semper fugiendum. Supra de labore, ij.

We rede in 'Vitis Patrum' how som̛ tyme þer was ane hermett in wyldernes, neuer-þe-les, þuf aƚƚ he mott nott seƚƚ þaim, yit he wolde make baskettis and swyllis of palme levis, þat he sulde not be ydiƚƚ, and for to kepe his harte fro yduƚƚ thoghtys & vanyties þat wiƚƚ com̛ in a mans mynd̛ and he be not occupied̛.

Ociosa verba non sunt dicenda. Infra de verbo, j, & ij.

Iacobus de Vetriaco tellis at þe devuƚƚ wrate in a kurk̘ aƚƚ maner ydul wurdis þat was wretten̛ þer Lat. MSS. verba ociosa que ibi dicebantur. , and when̛ he had not parchement enogℏ to write on̛ he drew it oute with his tethe & his handis, & he drew so faste at he rappid̛ his head̛ agayn̛ þe waƚƚ. And þer was a holie man̛ at saw hym̛, and he askid̛ hym̛ what he did̛, and he tolde hym̛ aƚƚ þat is befor̛ said̛.

We rede in 'Vitis Patrum' of one þat hight Gladius Harl. MS. Claudius. , when̛ he had bene lang in his ceƚƚ, xx yere or more, yit he lukid̛ neuer vp, nor neuer saw þe rufe þerof within.

We rede in 'Gestis Petri Clareuallis' how on̛ a tyme, when̛ he had þurgℏ raklesnes loste ane of his een̛ and was made monoculus, afterwarde in his sporte he wolde say he had loste ane of his enmys, & at he was mor̛ dredefuƚƚ for þat ee þat was lefte hym̛ þan̛ for þe los MS. repeats, of þe los. of þe toder ee.

We rede in 'Vitis Patrum' off ane þat hight Arsenius, þat was a passand grete laburer with his handis, when̛ he was in wyldernes he wolde nevur skyfte his clothis bod ons in a yere, to so mekuƚƚ þat when̛ he doffid̛ þaim þai stynkid̛. And þan̛ he wolde say vnto hym̛ selfe; "For þe vntement and gude savurs þat I hafe felid̛ in þe werld̛, þerfor̛ it is necessarie to me to fele þis stynke."

Odore nimis delicati eciam corporaliter puniuntur MS. peruniuntur. . Supra de delicijs.Offertorio possunt adaptari que supra dicuntur de oblacione.Officialis malus est ammonendus Reference missing in the MSS. .

Saynt Ierom̛ tellis how som tyme þer was a man̛ þat hight Iohn̛, & in a banke vndernethe a grete stone he contynued̛ iij yere in his prayers, and aƚƚ-way standdand̛. And he neuer satt nor lay, nor neuer slepid̛ bod standand̛, and he had neuer meate bod on̛ þe Sonday when̛ a preste come vnto hym̛ and said̛ a mes aforn̛ hym̛; and þat was his fude. So at þe laste he was our̛-commen̛ & myght stand no langer, for his leggis & his fete warr rotyn̛ vndernetℏ hym̛ & ware come oute of þaim. And when̛ þies iij yere was done, aungels come vnto hym̛ & helid̛ hym̛.

Oratione impeditur raptor et restituere compellitur. Infra de raptore, ij.

Saynt Gregur tellis how on̛ a tyme when̛ þe holie man̛ Boniface stude vppon̛ a grece lenand̛ our̛, þer come a fox & tuke a hen̛ evyn̛ befor̛ hym̛. And when̛ he saw þat, he went in-to þe kurk̘ & feƚƚ down̛ in his prayers & said̛; "Lorde! Plesis it þe at I may not eatt of þat at my moder bryngis vp̛? Lorde, behald̛, sho bredis hennys, & þe fox commys & eatis þaim." And when̛ he had done his prayer he rase & went furtℏ of þe kurk̘; and onone þe fox come agayn̛, & þe hen̛ att he had takyn̛ lete hur faƚƚ owte of his mouthe. And with þat he feƚƚ dead̛ befor̛ þis holie man̛.

Petrus Damascenus Lat. MSS. Petrus Damianus. tellis how on̛ a tyme þer was a monk̘ at was dead̛, & was born̛ in-to þe kurk̘ whils a mes sulde be songen̛ for hym̛. And when̛ þe Agnus Dei was said, þis dead monke rase evyn̛ vp sodanlie & spakk & blasfemyd̛ God̛ & bannyd Hym̛, & spitt vppon̛ þe crucifix, and wolde hafe revyn̛ down̛ þe ymage of owr̛ Ladie. & he said̛ vnto þe monkis; "Wharefor̛ syng ye or prayes for me? I am̛ dampnyd and in þe paynys of heƚƚ." And þan̛ þe monkis with aƚƚ þer hertis prayed for hym̛, & did of þer clothis & bete þer selfe for hym̛, & made tunsions on̛ þer breste. So at þe laste, þurgℏ þer prayer, he come agayn̛ vnto hym̛ selfe, and began̛ to dispice þe fend̛ & lofe God & our̛ Ladie, & wurshuppid̛ þe cros & askid̛ confession̛ & penance. And þer he confessid̛ hym̛ þat after he had forsaken̛ aƚƚ þe werld̛ he had fallen̛ in-to fornicacion̛ & laynyd it, & was neuer shrevyn̛ þeroff. And þus he liffid̛ to on̛ þe toder day in prayer & in penance. And þan̛ he passid̛ vnto God̛.

Iacobus de Vetriaco tellis þat when̛ Saynt Marie of Oigniez MS. Ogimet. apon̛ a day had made hur prayer vnto God for a certayn̛ dead man̛, hur was bydden̛ at sho sulde no mor̛ pray for hym̛; "ffor he is reprovid̛ of Almiȝtty God̛." And when̛ þat he vnhappelie was slayn̛ in turnament, he was dampnyd̛ vnto evurlastyng payn̛.

Iacobus de Vetriaco tellis how on̛ a tyme þis Saynt Marie of Oigniez MS. Oxninez. was in hur ceƚƚ, and sho saw afor̛ hur a grete multitude of handis haldyng vp̛ as it had bene to pray vnto hur. And sho besoght God to latt hur hafe knowlege what it bement. And it was ansswerd̛ hur at þai war sawlis of þaim þat war in purgatorie, þat besoght hur to pray for þaim. And sho was fayn̛ þerof & prayed speciallie for þaim.

Oracio avis audita est. Supra de aue, ij.Oracione Deus aliquando mortem tardat. Supra de Basilio.Orantes impedit demon. Supra de oracione, iij.Oraciones aliquas dicere omni die vtile est. Infra de remuneracione.Oracioni cordis plus attendit deus quam vocis. Supra de Annunciacione.

Saynt Ierom̛ tellis how þat when̛ Hillarion̛ had lefte aƚƚ maner of oþer þingis and was giffen̛ alonelie vnto his prayers, he sufferd̛ many snybbis of þe fend̛; & when̛ he was in his prayers þe fend̛ apperid̛ vnto hym̛ in many lyknessis. So it happend̛ on̛ a tyme when̛ he was in his prayers, becauce he wolde be lett with no maner of sight, he sett hym̛ down̛ on̛ his kneis & on̛ his elbowys, & layd̛ his face down̛ vnto þe ertℏ. And onone þe devuƚƚ come & sett hym̛ stridlyngis on his bakk̘, & dang hym̛ in þe sydes with sharpe spurris, & laid̛ on̛ his head̛ with a swip̛ & said̛; "Wharto syttys þou þus scornand̛ & nappis?" And he was als hevy on̛ his bakk as it had bene a grete sekk fuƚƚ of barlie.

We rede in 'Vitis Patrum̛' how on̛ a tyme þe devuƚƚ said̛ vnto þe Abbott Macharie; "Go we vnto gaderyng samen of our̛ brethir." And he askid̛ hym̛ what he had at do with þe gaderyng samen of þaim, and þe fend ansswerd̛ hym̛ agayn̛ & said̛; "Knowis þou not at withouten̛ vs þer is no gaderyng? Com̛ and þou saƚƚ se our̛ besynes." And he went with hym̛ & saw, & þer was aƚƚ þe kurk̘ our as it had bene littyƚƚ men̛ of Ynde, & let þe monkis to make þer prayers, & turnyd þaim in wommen̛ liknes & made þaim thynke on̛ þaim, & samen þai garte slepe & be wery of þer prayers. And when̛ þis holie man̛ saw þat, he made his prayers vnto God, & sodanlie þai vanyshid̛ away.

Oracionibus iuuantur morientes. Supra de morte, xix.Oracio predonis ei vitam prolongat. Infra de remuneracione, viij.

We rede in 'Gestis Beati Gregorij' how on̛ a tyme as Saynt Gregor̛ walkid befor̛ þe palace of Traian̛ and vmthoght hym̛ of his mekenes, he began̛ to faƚƚ opon̛ a sore wepyng. And he prayed hym̛ so long for hym̛ at Saynt Petur altar̛, wepyng & makyng sorow, vnto a voyce spak vnto hym̛ & sayd̛, þat Traiayn̛ þurgh his prayers was delyverd̛ oute of þe payn̛ of heƚƚ; bod it bad hym̛ at fro thens furtℏ he sulde bewar, & not presume hym̛ to pray for none vncristend man̛ þat was dampned̛.

We rede in 'Cronicles' þat in þe yere of our̛ Lorde M ƚ XV, the erle þat was callid̛ Corandus Lat. MSS. Conradus. , beyng ferd̛ on̛ a tyme for þe emperowr̛ wretℏ, ffled with his wife in-to a wudd, & þer he hid hym̛ in a tufaƚƚ. So þe Emperour happend̛ on̛ a tyme to com̛ to þis wud on̛ huntyng, & folowid̛ a dere so lang at it was nyght, & he cuthe fynd none of his meneya; so hym̛ happend̛ com̛ to þis tofaƚƚ. Bod þe Erle was gone & þe ladie was þer be hur one, grete with childe; so hym̛ burde nedis be herberd þer þat nyght & sho, als iƚƚ as sho myght, made hym̛ a bed̛. & þat nyght sho traveld̛ & was delyverd̛ of a son̛, and when̛ þe childe was born̛ þe emperour hard̛ a voyce say vnto þe childe; "Childe! þis emperour saƚƚ be þi fadyr-in-lay." And vpon̛ þe morn̛ þe Emperour rase & went his wais, & commandid̛ ij of his squeyers to feche þis childe in þe wud̛, & for to sla itt & bryng hym̛ þe harte þeroff. And when̛ þai saw þis childe þai had compassion̛ þeron̛, and þai gat a hare & tuke þe harte þerof, & broght it vnto þe emperour, and lefte þe childe lygand̛ in þe wudd. & onone after þer come a duke & fand þis childe, and he sent it home vnto his wyfe becauce he had no childe hym̛ selfe, and bad þaim teƚƚ hur at he had getten̛ it, & bad name it Henrie. So when̛ þis chylde was waxen̛ he was fayr & semely & wele-spoken̛, and passand gracious. And when̛ þe emperour saw at þis childe was fayr & wyse, he tuke hym̛ into his cowrte. So on̛ a tyme he keste in his mynde a dowte wheþer þis was þe childe at he commaundid̛ to sla or nay. And he thoght he wolde be sekur, and he garte make a lettre vnto his wyfe in þis maner of wyse; "As þou luffis þi lyfe, onone as þou hase red þis lettre sla þis childe"; & he sent þis childe with þe same letter. So as he went vnto þe wheneward̛ hym̛ happend̛ com̛ into a kurk, & he was werie forgone & lenyd̛ hym̛ down̛ & feƚƚ on̛ slepe; & his purs at þe lettyr was in hang oute of his bosom̛. So þer come a preste & fande hym̛ & opynd his purs & lukid̛ þe letter, and hym̛ vgged with þe wykkydnes at was þer-in, & he skrapid oute, " puerum hunc necabis," & sett in þies wurdis; " puero filiam meam dabis." And so he went furtℏ with þis lettre & he was wele welcomd̛; and onone he wed þe Emperours doghter. So when̛ þe Emperour come home & saw how it was, ffro he wiste þat he was ane erle son̛ his sorow began̛ to slake. And he made mekuƚƚ off hym̛, & after when̛ þe Emperour was dead̛ he was made Emperour. And in þe place þer he was born̛ he byggid a wurthie abbay.

We rede in 'Libro de Dono Timoris' how som tyme þer was a holie ladie in Fraunce. So on̛ a tyme sho was ravysshid̛ in hur spirutt and sho saw a cowntas dead þat sho was passand̛ familiarie with, and sho saw hur drawen̛ with fendis vnto heƚƚ. And sho made grete sorow, & cried̛ & said̛; "Allas! Allas! I sary wricℏ, I was chastie enogℏ & a grete almos-deler, & I am̛ now dampnyd̛ & for none oþer þing bod for varios & prowde arayment þat I luffid̛ passand̛ wele; & when̛ I was snybbed̛ þerfor̛ yitt I wolde not lefe it This and the following tale are marked Nota. ."

Cesarius tellis how som tyme þer was a preste at hight Catus, & on̛ a tyme he saw a womman̛ com̛ fro þe kurk̘, & he met hur at þe kurk̘-dure. & sho was gaylie atyrid̛ in cowrchevis, and sho had a passand̛ lang tayle folowand̛ hur, and þer was þer-vppon̛ dawnsand a huge multitude of fendis, as it had bene blak men̛ of Ynde, skornand̛ with þer mowthes and̛ clappand with þer handis. And þai war als thykk as it had bene fyssℏ in a nett. So he commaundyd̛ aƚƚ þe peple to stand styƚƚ, and he coniurid̛ þies fendis at þai sulde nott go away, & he made his prayer & besoght God att þe peple myght se þaim; & so þai did̛. And when̛ þis womman̛ saw at þe fendis had so mekuƚƚ power on̛ hur for þe pryde of hur clothyng, & at þe peple yrkid for to luke on̛ hur, sho went home and skyftid̛ hur clothyng & wold neuer were tayle after. And bathe vnto hur and aƚƚ oþer at say þis vision̛ it was ane occasion̛ of mekenes, & at þai sulde neuer after vse prowde clothyng.

Ornare se potest mulier interdum per virum. Infra de vxore, iij.

Helynandus tellis how som̛ tyme þer was a kyng in Yngland̛ þat hight Gillelmus, and he wolde were no clothyng bod of a huge price; and if it war light of price, & it war neuer so gude, he wold̛ hafe grete dedeyn̛ þer-att. So on a tyme hys chamberlayn̛ did on̛ hym̛ a payr of new hose, and he axkid̛ hym̛ what þai coste, & he sayd̛ iij s; and he grynnyd̛ & had grete dedyn̛ þeratt & said̛ vnto hym̛; "þou hureson̛! Whar̛ saw þou evur kyng were hose off so vile a price? Go," he sayd̛, "faste, & bryng me a payr of a marke price." And he went furtℏ & broght hym̛ a payr þat was mekuƚƚ better þan̛ þe toder, bod he made a lee of þe price of þaim. And when̛ þe kyng saw þaim he said̛; "Ya, thies acordis vnto a kyng to were." And fro þat tyme evur afterward̛ his chawmberlayn̛ tellid̛ hym̛ þe price of his clothyng as hym̛ lyste, and as it plesid̛ hym̛. And bod if he said̛ it coste mekuƚƚ he wold not were it.

Ornatus vestium quandoque eleuat cor hominis in superbiam. Supra de augurio, ij MS. iij. .

Saynt Ierom̛ tellis how Socrates had ij wyfis, & oft sithes ather of þaim wold̛ flite with other, & evur he wolde do bod scorn̛ þaim. And att þe laste þai wex bothe wrothe with hym̛ & callid̛ hym̛ bellud̛ chule, & said̛ his nease droppid̛ & his een̛ ran̛, and þe harys on his browis war lyke swyne-brustyls. And þus þai made hym̛ fayn̛ fle fro þaim & leve þaim be þer one. And a man̛ axkid̛ hym̛ whi he wold̛ not bete þaim, and he ansswerd̛ agayn̛ & sayd̛ þat womman, ay þe mor̛ sho was bett, þe wars was sho.

Paciens iniurias illatas de naturalibus defectibus pacienter tolerat . Supra de castitate.Paciens ab indignis iniurias tollit. Infra de paupertate, iiij.Paciens equanimiter tolerat . Supra de Anthonio.Pacienter conuicia ferre signum est humilitatis. Supra de humilitate, ij.Paciens eciam infamia de crimine falso sibi imposito MS. inposito. pacienter tolerat MS. tollerat. . Supra de infamia.Pacienter debet sustineri infirmitas corporales. Supra de infirmitate.Pacientes debent esse religiosi in amissione temporalium. Infra de religioso Reference from Arund. MS. . Paciens obiurgaciones et contumelias pacienter portat. Supra de moniali, xiij.

We rede in 'Gestis Iohannis Elemosinarij' how on̛ a tyme when̛ a cussyn̛ of his had a grete wrang of a tavurner, & when̛ he made playnt vnto þe patriarke, he mott gett no comfurtℏ, and þe patryarke said vnto hym̛; "Who is he att dar gaynsay þe or oppyn̛ his mouthe agayns þe? Truste, son̛, vnto me, þat I shaƚƚ do to-day vnto hym̛ suche a thyng þat aƚƚ Alexandria saƚƚ hafe merveƚƚ þeroff." And when̛ he hard̛ þis he tuke a grete comfurtℏ, & trowid̛ þat he wold̛ gar hym̛ be grevuslie betyn̛. And þan̛ when̛ Iohn̛ saw he tuke a grete comfurtℏ, he kyssid̛ his breste & said̛; "Son̛, & þou will be cussyn̛ vnto my mekenes, þou bus make þe to be betyn̛ & suffr̛ stryfe & debate of ilka man̛, for a trew thoght is nowder of flessℏ nor blude, bod it is knowyn̛ of trewtℏ of þe mynd̛." & onone þai sent for þis man̛, and he made hym̛ fre of al maner of tributt & pension̛. And aƚƚ þat evur hard̛ þis had grete mervayle and vnderstude what he ment when̛ he sayd̛; "I saƚƚ do vnto hym̛ suche a thyng þat aƚƚ Alexandria shaƚƚ hafe merveƚƚ þeroff."

We rede in 'Legend̛ Longabardica' of ane þat hight Theodora, a noble womman̛ & a fayr̛, þat had a husband at Alexander in tyme of Zenonis þe Emperour; and hur husband was a gud man̛ & a riche, and dowtid̛ God̛. So þer was a yong man̛ þat wex passand ameros of hur and begylid hur be þe mene of ane alde wyfe, þat tolde hur at Godd knew not þat at was done on̛ þe nyght, bod alonelie þat at was done on̛ þe day. And þus sho made hur to latt þe man̛ lygg by hur. So afterward̛, when̛ sho come to hur selfe, & felid̛ at sho had done wrong and at God knew aƚƚ maner of þing þat was done, sho wepid̛ & made mucℏ sorow & garte cut hur head̛, & gatt hur mans clothyng of hur husbandis & did it on̛ hur & went vnto ane abbay far thens & made hur a monk̘, & sayd̛ hur name was Theodorus. & þer sho liffid̛ a gude haly lyfe and did meracles. So on̛ a tyme hur MS. hym. happend̛ to be hostid̛ with his camels at sho drafe vnto þe cetie be þe commandment of þe abbott, at a mans howse þat had a fayr doghter; and on þe night sho come vnto þis Theodora & wold̛ have lyggyn̛ with hur, & sho wold̛ not latt hur. So with-in a while after þis wenche was with barn̛, and sho said̛ at þis Theodora had gettyn̛ itt; and hur abbott gretelie blamyd̛ hur þerfor̛, and when̛ þe childe was born̛ it was broght & layd̛ in hur skurte. And sho & it was putt furtℏ of þe abbay for vij yere, and with mylke & swilk as sho cuthe gett [sho nurisshid it]. And in þis menewhile sho was gretlie tempyd̛ with þe devuƚƚ to syn̛, bod he prevaylid not on̛ hur. And when̛ vij yere was gone þe abbott consydurd̛ hur paciens & tuke bothe hur & þe childe in agayn̛. And þer sho & it to-gedur was sparyd̛ samen in a ceƚƚ. And þer with-in ij yere to-gedur sho passid̛ vnto God̛; and yit sho had enformyd̛ þis child̛ or sho dyed̛ in lernyng & in holie liffyng to persevur. And þat night at sho dyed, þe Abbott þoght at he saw aƚƚ þe ordurs of Aungels & Patriarkis & Prophettis & aƚƚ Saynttis com̛ & feche hur sawle vnto hevyn̛; & hym̛ thoght þai made grete ioy. And þer was a voyce at sayd̛ vnto hym̛; "þis Theodorus was falsly accusid̛ of þis childe-gettyng." And with þat þe Abbott wakend̛ and̛ callid̛ vp his brether, and went vnto hur ceƚƚ & fand̛ hur dead̛; and when̛ þai nakend̛ hur þai fand̛ sho was a womman̛. And he garte caƚƚ þe wenche fadur & said̛ vnto hym̛; "Lo! now, whethur he this corrupte þi doghter or nay." And aƚƚ men̛ had wonder her̛-of. So þer come a voyce vnto þe Abbot & bad̛ hym̛ go in-to þe cetie. And so he did, & þer mett hym̛ a man̛, and he axkid̛ hym̛ whyter he was bown̛. And he said̛; "My wyfe is dead̛ & I go to se hur." And þe Abbott & he went samen wepand̛, and with grete devocion̛ þai beryd̛ hur. And þan̛ hur husband̛ made hym̛ monke & dwelte in hur ceƚƚ, & was a gude man̛ evur whils þat he liffid̛. And þis childe persevurd̛ in gude warkis & was made a monk in þat same place. And afterward̛, when̛ þe Abbott was dead, he was chosyn̛ vnto Abbott.

We rede in 'Gestis Alexij' þat þis Alexius was þe son̛ of Eufemian̛ at was a wurthi offesur in þe Emperour haƚƚ, and he was made rewler of iij M ƚ childir at wer aƚƚ cled in sylk & had gurdils of gold̛. And þis Eufemyan̛ & Aglaes MS. Alglaes, with the first l erased. his wyfe war passand̛ mercyfuƚƚ & fuƚƚ of gude werkis; and þai had no childe bod þis Alexius, and hym̛ þai maryed̛ vnto a wurthie womman̛ of þe emperour̛ howsold̛. So vppon̛ þe nyght after þai war wed̛, he desyrid̛ his wyfe to kepe hur in clene virginytie. And when̛ sho had grauntid̛ hym̛, he lefte hur a gold̛ ryng and a bygyrdyƚƚ fuƚƚ of gold̛, and went privalie away from̛ hyr & fled far thens into Syrie, vnto þe cetie of Egissam̛, whar̛ þer is ane ymage of oure Lord̛ þat nevur was made be mans hand̛. & þer he come in-to ane almos howse at was callid̛ Syndo, & þer he satt in ane entry emang pure men̛, & liffid̛ of almos þat was giffen̛ þaim. And his ffadur sent men̛ þurgℏ aƚƚ þis werld̛ to seke hym̛. So one of þaim at soght hym̛ come þurgℏ þis entry & gaff hym̛ almos, and he knew hym̛ wele enogℏ, bod he knew not hym̛. And þan̛ he said̛ vnto hym̛ selfe; "Lord̛, I thanke The at Þou hase made me to reseyfe almos of myne awn̛ servand̛." So aƚƚ þies messangers come agayn̛ & tolde his fadur þai cuthe not fynde hym̛, and he & his wyfe & his doghter made mekuƚƚ sorow for hym̛. And̛ when̛ he had bene in þis hospitaƚƚ xviij yere in pouertie & in Goddis serves, þe ymage of our̛ Ladie spak vnto hym̛ þat kepid̛ þe kurk̘, & said̛; "Make þe man̛ of Almyghti God to com̛ in, for he is wurthie þe kyngdom̛ of hevyn̛." And þis keper wiste not whome sho ment off, and sho said̛; "He þat is withoute þe dure, þat is he." And when̛ he was broght in & þis was knowen̛ vnto aƚƚ his felows, þai began̛ to wurshupp̛, and he saw þat & fled away fro þaim & gatt our̛ þe see. And as God wold̛, hym̛ happynd̛ to land̛ at Rome, and when̛ he conseyvid̛ þat he said̛ vnto hym̛ selfe; "I saƚƚ ga dweƚƚ vnknowen̛ in my fadurs hows, and I saƚƚ bere no grete coste of hym̛." So he come vnto his fadur place & sayd̛ vnto his ffadur when̛ he mett hym̛; "Thow servand̛ of Almyghti God̛, take me into þi howse at I may liff of þe crombis commys fro þi burd̛, for þi son̛ sawle þat was a pylgram̛." And he tuke hym̛ in for his son̛ sake, & commandid̛ hym̛ into a place in his howse, & gaff hym̛ meate euerilk day from̛ his awn̛ burd̛, & made hym̛ his awn̛ servand. And he did̛ aƚƚ þing þat evur any bodye bad hym̛, & none knew hym̛, ffor with fastyng & with wakyng he made hym selfe lene and oute of knowlege, and her̛-for̛ þe servandes of þe howse wolde skorn̛ hym̛, & stryke hym̛, & powr̛ watyr at þai had wasshid̛ vesseƚƚ in vppon̛ his head̛; and aƚƚ þis he suffred̛ xvij yere & nevur was knowen̛. So at þe laste he knew be reuelacion̛ at his dead drew nere, and he wrate aƚƚ þe cowrs of his lyfe in a grete roƚƚ. And vppon̛ þe Sononday at evyn̛ þer was a voyce hard̛ in þe kurk̘ at Rome, þat said̛; " Venite ad me omnes qui laboratis et onerati estis, et ego [refficiam uos]." And aƚƚ þat hard̛ it feƚƚ down̛ on̛ þer kneis & had grete merveƚƚ þeroff. And þan̛ it said̛ agayn̛; "Go, seke þe seruand̛ of God, at he may pray for Rome." And þai soght hym̛ & cuthe not fynde hym̛. So þai hard̛ it say agayn̛ þat he was in þe howse of Eufemyan̛; and þan̛ þe pope and þe imperour, a bisshop̛ & ane archdekyn̛ come vnto þis mans howse and desyrid̛ to se þis pure man̛ & bad hym̛ luke graythelie whethir it war his son̛ or nay, for he was a man̛ of gude life & of grete pacyens. And Eufemianus ran̛ in-to þe howse vnto hym̛ and fand hym̛ dead̛, and his face shane as it had bene ane angeƚƚ. And he had a roƚƚ in his hand̛, & Eufemyan̛ wolde hafe takyn̛ it & sene it, & he wold̛ not latt it goo; bod when̛ þe pope come he lete it go alredy. And when̛ it was red befor̛ his fadur, at aƚƚ þe peple hard̛, his fadur wex nerehand̛ mad & drew of þe hare of his head̛ & of his berd̛, & feƚƚ down̛ vppon̛ þe body of his son̛ & sayd̛; "A! son̛, fuƚƚ wo is me þat I se þe þus lygg in a bedd̛ & may not speke vnto me." And þan̛ his moder come, & when̛ sho saw hym̛ sho swonyd̛ & made grete wepyng & said̛; "Allas! son̛, whi did þou so vnto vs, þat when̛ þou saw þi fadur & me wepe for owr̛ son̛ þou wolde neuer shew þe vnto vs? þine awn̛ servandis hatℏ done þe grete wrong, & þou hase evur suffyrd̛ it." & evur sho swonyd̛ & cryed̛ & made mekuƚƚ sorow, & sayd̛; "Aƚƚ þat bene here, I pray you wepe with me, ffor xvij yere I hafe had myne awn̛ son̛ in my howse daylie, & knew hym̛ noght." And þan̛ his wyfe come & made þe maste sorow of aƚƚ. And þan̛ þe pope, þe Emperour, þe bisshop̛ & þe archedekyn̛ tuke vp his body on̛ a bere, & bare it on̛ þer awn̛ shuldres vnto þe beryaƚƚ; & þai myght nott pass away þer-with, ffor nerehand̛ aƚƚ Rome was gadurd̛ þedur, & þe peple was passand̛ thrang. And þai garte caste golde & syluer by þe way at peple sulde be besy þer aboute & so lat þaim pas, bod þe peple lukid̛ nowder after þe gold̛ nor yit þe sylver, bod evur was besy abowteward̛ for to tuche his bodye. So at þe laste with grete labur þai broght hym̛ vnto his grafe. And þer þe peple abade vij dayes & made grete lovyng vnto Almyghti God. & þer [he] was berid̛ & his grafe coverd with golde and precious stonys; and fro his body þer come a passyng gude odur. And he dyed xvij Kalends of Auguste, in þe yere of our Lord̛ CCC xviij.

Paciens in amissione membrorum pacienter tolerat . Infra de oculo, ij.Paciens eciam mortem pro deo tolerat MS. tollerat. . Supra de martirio.Paganus aliquando bonas leges condit. Supra de lege, j.

We rede in 'Cronicles' how som tyme þer was a yong damyseƚƚ, and a luff of hurs went away with hur & broght hur in mans clothyng vnto Rome; and þer sho went vnto þe scule and wex so parfyte in connyng þat sho had no make in aƚƚ Rome. So att þe laste, be ane hole consent, sho was chosyn̛ to be pope and was made pope. And when̛ sho was pope hur luff lay with hur & gatt hur with chylde, so he wiste not at sho was with childe to sho was evyn̛ at travellyng Harl. MS. verum autem partum ignorans, cum de Sancto Petro, &c. . So hur happend̛ on̛ a day to com̛ in procession̛ fro Saynt Peturs vnto Saynt Iohn̛ Latarenens, and þer sho began̛ at traveƚƚ, and bare hur chylde betwix Colliseum & Saynt Clemett kurk̘; & þer sho dyed̛, & þer þai berid̛ hur. And becauce of þat detestable dead̛, þe pope vsid̛ neuer syne to com̛ þer-away with procession̛, and here-for hur name is not putt emang other popes namys in the Martiloge.

Papa per diaboli procuracionem creatur. Supra de ambicione.

We rede in 'Cronicles' of one þat hight Formosus, at was furste a cardynaƚƚ & syne pope. And pope Iohn̛ cursyd̛ hym̛ & degradid hym̛ agayn̛ vnto the lay astate, and made hym̛ swere þat he sulde nevur com̛ in Rome, nor desyre nor take þe papeshup̛ on̛ hand̛. Neuer-þe-les after-ward̛, of þis pope John̛ successour he was asoylid̛, & restorid̛ to com̛ agayn̛ vnto Rome; and he tuke þe popeshup̛ agayn̛ on hand̛. And when̛ he was dede, Stephanus VI garte take his bodye, & doff aƚƚ þe his pope clothyng & clethe hym̛ in lay wede, & garte cutt of Harl. MS. et duobus digitis dextere abscisis, manu priuauit, et eam in Tiberim iactari precepit. ij of hy[s] fyngers of ather hand̛ & cutt of bothe his handis & keste hym̛ into Tybur. So vnto þis Stephan succedid John̛, and he reprovid̛ aƚƚ þe warkis off Stephan, & provid̛ þe warkis of þis Formosius. Than̛ after hym̛ come Sergius III, & he garte take Formosius oute off his grafe & vnordurd̛ aƚƚ þat he had gyffen̛ ordurs to, & garte caste hym̛ in Tybur. And ffysshers happend̛ at ffynd̛ hym̛ in þer nettis, & þai broght hym̛ into Saynt Peturs; and when̛ þai broght hym̛ in, aƚƚ þe ymagis in þe kurk, att aƚƚ men̛ myght se, as he come by þaim lowtid̛ vnto hym̛ & wurshuppid̛ hym̛. And here-by þai wyste he was a gude man̛.

Papa bonus. Supra de Gregorio.Pape possunt adaptari multa que infra dicuntur MS. repeats, infra after dicuntur. de prelato, et supra de morte.

Saynt Gregur tellis how som tym̛ at Rome þer was a knyght þat feƚƚ seke, & was evyn̛ bown̛ to dye & lay in a trans. And when̛ he come agayn̛ vnto hym̛ selfe, he said̛ þat he saw a bryg, and vndernetℏ it ran̛ a grete blak watur at keste owte intollerable savurs & stynkis. And when̛ he was passid̛ þis brygg, on̛ þe toder syde of þis watyr was fayr medows & grene, & fuƚƚ of gude flowris wele savurand̛. And þer he saw a grete company of white men̛ in albys; and þer was suche a gude savur emang þaim at þai war saciatt & fulfyllid̛ þer-with as it had bene with meate or drynk̘. & þer he saw dyvers mansions for evure man̛, at war fuƚƚ of grete light. And þer was byggid̛ a howse, and aƚƚ þe sydis þeroff wer off fyne gold̛, for he cuthe not wytt whose it was. And þer was many habitacles apon̛ þe banke of the same watir; and he said̛ he saw many on̛ þis brygg þat, þurgℏ felyng of þe iƚƚ savur on̛ þe watur, þai feƚƚ in-to itt.

Parentes frequenter visitare non expedit religiosis. Supra de affectu carnali.Parentes debent filij honorare. Supra de honore, j.Parentes non debent filijs maledicere. Infra de Stephano.Parentes sunt relinquendi perfectis. Infra de relinquere. Paruulus male disciplinatus eciam deum blasfemans dampnatur. Supra de blasfemia.Patris necligencia circa correccionem filiorum frequenter est ipsis filijs in detrimentum. Supra de blasfemia.Pater filios So Latin version. English MS. has liberos. instruere debet. Supra de ffilia, j.Patriarchia. Infra de veste.

We rede in his legend̛ how on̛ a tyme when̛ Pawle was hostid̛ att þe Ile of Mustelan̛, þer come ane erdur in-to his skurte and hurte hym̛ noght, & he keste it in þe fyre. & þe gude man̛ was wrothe, ffor aƚƚ þat evur was born̛ of the kynred̛ of þat person̛ at he was at hoste with was neuer hurte with þase venomos bestis. And when̛ þer childer war born̛, þai wolde put þies serpentis in þe creduls with þaim, at þai mot prufe whethur þai wer þer trew fadurs or nay.

We rede of Saynt Pawle þat when̛ he went vnto his passion̛, Plautilla, at was his disciple, delyverd̛ hym̛ hur curchyff to wype þe swete of his face, & to covur his een̛ in þe howr̛ of his passion̛. And̛ when̛ þe turmaturs smate of his head̛, evyn̛ in þe strake he tuke þis curchyff and̛ MS. repeats, and. gadurd̛ þerin aƚƚ his awn̛ blude. And he wappid̛ [it] samen [& gaff it] vnto þis Plautille Harl. MS. Paulus in ipso ictu uelum explicuit, et in eo sanguinem proprium collegit, obuoluit, et tradidit Plautille. . When̛ þe turmatur was gone, þis Ploattyƚƚ mett hym̛ & axkid̛ hym̛ whare he had done hur maister Pawle, and he teld̛ hur þat he lay with his felow dead̛ with-oute þe cetie. And sho said̛ agayn̛ vnto hym̛; "Petur & Pawle is gone in-to þe cetie, & fayr crownys vppon̛ þer hedis, & þai er cled in gay clothyng." & sho tuke furtℏ hur curchiff fuƚƚ MS. repeats, fuƚƚ. of blude & shewid̛ hym̛ & many oþer. And herefor̛ many folke become crystend̛.

Dionisius tellis how þat many yeris after þe passion̛ of Saynt Pawle, his MS. he. head was fon̛ in̛ þe felde with a hurd̛-man̛, & he sett it vp̛ on̛ a rodd̛. & oppon̛ þe nyght a grete light shane þer-oppon̛ fro hevyn̛; and when̛ þe pope hard̛ teƚƚ of þis, he tuke þe hede & laid̛ it at Saynt Paule fete. And, at mekuƚƚ pepuƚƚ saw, þe body of Saynt Pawle rase & turnyd̛ it, & ionyd in vnto þe hede; & mekuƚƚ pepuƚƚ had grete mervayle þeroff.

Pauli primi MS. prime. heremite. Paulus honorat hospitem So Latin MSS. The English MS. has hostem. suum. Supra de honore, iij MS. j. .

Iacobus de Vetriaco tellis how som tyme þer was ij pure men̛, ane meke and̛ a noder prowde; bod þe meke man̛, whare-so-evur þai berid̛ corn̛, he wold̛ com̛ with his glofe & ask þaim itt fuƚƚ, & no man̛ grucid̛ bot gaff hym̛. And with-in a while he was a MS. repeats, a. r[i]che man̛. And þe prowde pure man̛ wolde com̛ with a sekk̘ and ax corn̛. And þe gretnes of þe sakk flayed̛ ilk man̛ so and þai wolde giff hym̛ noght; and so he was neuer bod a pure man̛.

Sigilbertus tellis how þer was a pure man̛ axkid̛ almos of a ship̛man̛, and he wolde giff hym̛ none. And the shipman̛ bad hym̛ lefe his almos-axking for þai had nothyng þer bod stonys. And þe pure man̛ ansswerd̛ agayn̛ & said̛; "Stonys be þai þan̛." & aƚƚ þat evur was in þe ship̛ was turnyd̛ in-to stonys, & þe color & þe facion̛ abade styƚƚ.

Pauperis meritis bona temporalia augentur. Supra de elemosina, iij.Pauperi data elemosina datur deo. Supra de abbate, iiij MS. iij. .Pauper plus dilectatur in minimis quam diues in magnis. Supra de Basilio.Pauperi est gratis consulendum. Supra de Augustino, iij.Pauperi datum datur deo. Supra de abbate, iiij, et de Gregorio, i MS. iij. .

We rede in 'Gestis Iohannis Elemosinarij' when̛ Iohannes Elemosinarius, þat was patriark̘ of Alexander, vnto a pure man̛ þat axkid̛ hym̛ almos commandid̛ to be gyffen̛ v d̛ he had grete dedeyng at he wold̛ gyff hym̛ no more. And onone he feƚƚ at debate with hym̛, & began̛ to flite. And when̛ þe patriark servandis saw þis, þai wold̛ hafe betyn̛ hym̛. And þis holy man̛ Iohn̛ sayd nay, and said̛; "Suffre hym̛, brethur, to ban̛ me; ffor I am̛ lx yere old̛ and I have oftsithis blasfemyd almyghti God̛; & þerfor̛ I may suffer a flytyng of þis man̛." And with þat he garte bryng a sacheƚƚ fuƚƚ of syluer and lay befor̛ hym̛, & bad hym̛ take enogℏ þeroff.

Pauper non debet fieri villicus aut balliuus. Supra de balliuo, jo.Pauper[es honorare debent Supplied from the Latin MSS. The English MS. leaves a blank. ] principes et prelati. Supra de iudicio.Pauperes non sunt deridendi. Supra de apostasia, j.Pax. Pacem̛ semper cum omnibus quantum possibile est debet habere bonus christianus. Supra de odio et inuidia.

We rede in 'Vitis Patrum' how som tyme þer was a voyce at said̛ vnto þe abbot Arsenius; "Com̛, and I saƚƚ shew þe werkis of men̛." And he went furtℏ & he saw a man̛ of Ynde cuttant treis and makand̛ a burdyn̛ þat he mot not bere. And þe voyce sayd̛; "Thies er þai þat ekys syn̛ vppon̛ syn̛." And þan̛ he saw a temple & ij men̛ syttand̛ on̛ hors, holdand̛ vp̛ a brade tre for þe whilk þai myght not entre in. And þan̛ þe voyce sayd̛; "Þies er þai þat beris rightwusnes with pride." And þan̛ he saw a man̛ standand̛ vppon̛ a dyke, & filland̛ a veseƚƚ with watir þeroff & puttant it in-to ane iƚƚ cistern̛. And þan̛ þe voyce said̛; "Thies er þai þat hase som gude dedis, and blendis þaim with evuƚƚ warkis."

Heraclides tellis & sais þat on̛ a tyme when̛ he visitt ane olde man̛ þat had þe grace of prophecying̛ & spak with hym̛, þer come þe mayr of þe cetie, and he forsuke Heraclides & talkyd with hym̛. & afterward̛ when̛ þai commoned̛ to-geder, þai commond̛ of þis, at he sulde forsake hym̛ & talk with þe mayr, & þan̛ he said̛; "Wherefor hase þou reprovid̛ me in þi saule? þou & I luffid̛ wele athur of vs to com̛ vnto oþer, at ather of vs myght hafe solas & comfurtℏ of other with owr̛ talkyng; and he is gyffen̛ aƚƚ vnto þe devuls power, and vnnethis he may brethe in ane howr̛. And now he as a servand̛ come hedur from̛ his lorde to seke refute, it wer ane vnsondabyƚƚ thyng to do, if it sulde be he lefte & [I] taryd̛ with þe MS. if it sulde be taryd̛ with þe & he left þat hase, &c. þat hase bene wunte beselye to caƚƚ me vnto þi hele."

Peccatum incurrit aliquando nimis de se presumere. Supra de carne, iij.Peccata remittuntur orationibus sanctorum. Supra de Basilio, iij.

Iacobus de Vetriaco tellis how þer was a monk þat luffid̛ passand̛ wele clennes and innocentrie fro þe state of childyd̛ vnto þe state of man̛. And he wold̛ eatt, bod he wold̛ not hafe delectacion̛ þerin, and he studyd̛ for to put away syn̛, and for to luff Should be liff; Harl. MS. ducere uitam sine omni peccato. with-owten̛ any syn̛. And becauce for ane impossible thyng Harl. MS. et quia laborabat ad impossibile, decidit in desperacionem, ad eo [ut] quia sine veniali non poterat uiuere, iudicabat se saluari impossibile. he feƚƚ into a dispayre, vnto so mekuƚƚ þat he myght not liff with-owten̛ venyaƚƚ syn̛, [he] demyd̛ hym̛ selfe þat it was impossible þat he sulde be savyd̛.

Helynandus tellis how som tyme þer was a colyer Lat. MSS. uir carbonarius, pauper sed religiosus, et comiti Munensi plurimum familiaris. & he was servand̛ vnto religious men̛ and vnto þe commontie of Meruernens. So on̛ a nyght as he was kepand̛ his cole-pitt, & þer was a light fyre by hym̛, he was warr of a nakyd̛ womman̛ rynand̛, and ane on̛ a blak hors with a swerd̛ in his hand̛ drawen̛, folowand̛ after hur for to take hur. And as sho come, sho ran̛ vnto þe cole-pytt, & þer he tuke hur & strake hur þurgℏ with his swerd̛; & when̛ sho was nere dead̛ he keste hur into þe fyre. And when̛ sho was aƚƚ to-swythyn̛, he drew hur oute, & layd̛ hur befor̛ hym̛ on̛ þe hors & rade away. And þis he saw dyvers nyghttis; and aƚƚ þis he tolde vnto þe said̛ commontie Lat. MSS. Quod ille comiti predicto per ordinem narrauit. . So on̛ a nyght þer come a felow Ac comes vna cum carbonario ad prefatum locum ... veniens. with þis colleyer vnto þe same place, and he saw aƚƚ as þe colyer told̛. And he tuke þis hors-man̛ be þe brydiƚƚ when̛ aƚƚ was done, and askyd̛ hym̛ what he was. And he ansswerd̛ agayn̛ & said̛; "I was swilk a knyght, and þis was þe wyfe of swylk a knyght whome sho slow for my luff, att sho & I mot mor̛ frelie hawnte our syn̛; and in þat syn̛ we er bothe dead̛. And vnnethis when̛ we dyed̛ we forthoght our syn̛; and þus ilk a nyght I sla hur & burnys hur, and sho suffers mor̛ payn̛ with þe strake of my swerd̛ þat I stryke hur with, þan̛ evur sho did̛ with dead̛; and with þe burnyng sho felis mekuƚƚ mor̛." And þan̛ he askid̛ hym̛ what hors þat was at he satt on̛, and he said̛; "It is a fend̛ þat turmentis vs." Than̛ he askyd̛ hym̛ if any þing mot helpe þaim, & he sayd̛; "Ya, and ye wold̛ gar syng so many messis & gar say so many psalters for vs, onone we sulde be helpyd̛ & our̛ payn̛ relesid̛." And þus þai partid̛, and þis man̛ garte do þies messis & say þies psalters for þaim, & þai wer neuer sene after.

Peccatum punit Deus quandoque in hac vita. Supra, ambulacio, ij.Peccator per que peccat per hec et punitur. Supra de agro, i & ij.Peccata esse remissa ostendit aliquando deus aliquibus signis. Infra de remissione. Peccatum quandoque dissimulat MS. dissimilat. Deus ut plus puniat. Supra de dissimulacione.Peccata sua eciam bruta aliquando cognoscunt. Supra de furto, ij MS. iij. .Peccata delet confessio quandoque de memoria confessoris. Supra de confessione, iiij.Peccata delet confessio de consciencia penitentis. Supra de confessione, iij.Peccata celat confessio multiplex. Supra de confessione in pluribus locis.Peccatum unum quandoque inducit in aliud. Supra de contricione, vj.

We rede in 'Vitis Patrum' how þer was som tyme a gude man̛ þat suffred wrong of a noder, and he compleynyd hym̛ vnto ane olde man̛. And þe old man̛ ansswerd̛ hym̛ agayn̛ & said̛ "He did̛ not þis, bod þi synnys did itt. And þerfor̛ blame not þis man̛ in nothyng at he duse vnto þe, nor at is happend vnto þe, bod say at þi synnys hatℏ adlid̛ þaim."

Peccatum fetet coram deo et angelis. Supra de Angelo, iij.Peccatum onerat hominem et animam. Infra de simia.

We rede in 'Vitis Patrum' how þat on̛ a tyme when̛ ane ypocryte was dead̛, mean̛ þat wer present aboute hym̛ hard̛ a voice say vnto fendes on̛ þis maner of wyse; "Draw hym̛ oute wheder he wiƚƚ or nay. And as he gaf me no reste in þe synnys þat he did̛ beselie befor̛ me, on þe same maner of wyse giff ye hym̛ no reste."

Peccatores portat demon ad infernum. Supra de demone in pluribus locis.Peccator in inferno punitur. Supra de Langrauio.Pena infernalis est multiplex. Supra de inferno per totum.Penam debitam minuunt suffragia. Infra de suffragijs.Pena respondent culpe. Supra de agro.

Iacobus de Vetriaco tellis & says; "Som̛ tyme I saw a holye womman̛ whilk þat when̛ sho was long dead̛, or hur body was beryd & layd in ertℏ, hur sawle turnyd̛ agayn̛ vnto hur bodye. & sho had grawntid̛ at sho suld̛ liff styƚƚ in þis werld̛, and sho sulde suffre in purgatorie penans for hur syn̛ & sho wold̛, & if sho wold̛ not, sho suld̛ suffre penance in þis werld̛: & sho tuke hur to suffre penance in þis werld̛. So a long tyme, as God wold̛ MS. repeats, a long tyme, here. , sho was gretelye turment, to so muche at sho wold̛ som tyme weltyr in þe fyre, and som̛ tyme in wynter sho wolde lay hur down̛ in frosyn̛ watyr & lay hur þer a long while; and̛ som̛ tyme sho was constreynyd̛ to entyr dead mens gravis. So at þe laste sho had grace grauntid̛ of almyghtie God̛ at sho was oft sythes ravysshid̛ in hur spyritt at sho led̛ dyvers tymys þe sawlis of þaim at wer dead̛ into purgatorie, & thrugℏ purgatorie, & sho had no hurte, vnto þe kyngdom̛ of hevyn̛."

Penitere potest interdum unus pro alio. Infra de satisfaccione.

Cesarius tellis how som̛ tyme þer was a blak monk̘ þat feƚƚ in apostasye, & syne he was a Premonstracence & went oute; and at þe laste he was a monk̘ of Ceustus. And evur he gaff hym̛ vnto luste & lykyng of his bodie, & vnto oþer innumerable vices. So at þe laste, as God wold̛, he tuke þe ordur & habett of Ceustus ordur, and onone he shrafe hym̛ and tuke his penance. And he did̛ his penance trewlie, in wepyngis, prayer, & fastyng, & in aƚƚ oþer thyngys. So at þe laste he feƚƚ seke and was bown̛ to dye, & evur he contynewid̛ in syngyng, prayers-saying, and wurshippyng our Lady vnto þe stounde of dead̛. And in presens of his abbot & his brethyr he said̛ on̛ þis maner of wyse; "Wurshupfuƚƚ brethur, I, a synner & a penytent, ye beryng me wytnes, covettis of almyghtie God to hafe a space to make a clere confession̛, & to do verray penans for my synnys. And if God wyƚƚ graunt me lyfe, I am̛ redie to make a sethe, and for to vnder-go aƚƚ maner of turment, and aƚƚ maner of hard̛ thyng & labur; ffor nothyng is hard̛ nor inpossible vnto hym̛ þat is verray penytent." And þus, emang þies wurdis, with a grete compunccion̛ & a grete forthynkyng, he gaff vp vnto God a gude sawle; and þer was sene com̛ vnto hym̛ aungels, whilk þat bare his sawle into hevyn̛ with a grete myrtℏ & a ioy.

Penitencia magis unum quam alium attenuat. Supra de apostata, ij.Penitere facit hominem cogitacio penarum. Supra de delicijs et de inferno, i.

We rede in 'Vitis Patrum' how som tyme þer was a monk̘ þat askid̛ abbott Pastor, & said̛ on̛ þis maner of wyse; "I hafe done a grete syn̛, & I wiƚƚ After will, not, erased. þis iij yere be penytent þerof." And þan̛ þis abbot Pastor ansswerd̛ hym̛ agayn̛, & sayd̛; "þat is mekuƚƚ!" & þis monk̘ bad hym̛ commawnd hym̛ a yere, & yitt þe abbott said̛ þat was mekuƚƚ. And þai at was aboute desyrid̛ at he sulde be enionyd̛ þerfor̛ XLti dayes, and yitt þis abbott said̛ it was mekuƚƚ, & said̛ on̛ þis maner of wyse; "I trow þat & a man̛ forthynk his syn̛ with aƚƚ his harte, & turn̛ not þerto agayn̛, at God wiƚƚ for iij dayes penans-doyng forgyff hym̛ hys syn̛."

Penitenciam impedit gula. Supra de gula, iiij et vto.Penitenciam facit peccator inductus. Supra de abbate, iij.Penitencia debet esse firma et perseverans. Supra de familiaritate et infra de perseuerancia.Penitencia in fine vite valet. Supra de peccato, iij.

Iacobus de Vetriaco tellis how on̛ a tyme Charlis þe Emperour garte caƚƚ befor hym̛ his iij sonnys, Gobardus, Lotharius, and Lodouicus; and he helde ane appyƚƚ in his hand̛ & bad þaim aƚƚ oppyn̛ þer mouthes. & þe ij yonger oppynd̛ þer mouthis, & þis Gobardus wold̛ nott. And he gaff vnto þe ij yonger, þe tone a kyngdom̛, and þe toder a dukedom̛. And when̛ þis Gobardus saw, he said̛ vnto his fader at he wolde oppyn̛ his mouthe & hafe parte of þis appyƚƚ. And his ffadur ansswerd̛ hym̛ agayn̛ & sayd̛ "Þou oppynd̛ þi mouthe to late, & þerfor̛ I wyƚƚ nowder gyff þe appyƚƚ nor land̛." And hereof come a proverb þat is said̛ in Franche, " A tart bea MS. 'Acarbea Gobard,' &c. Gobard, qe eu la tere nout parte."

Penitent simul qui simul peccant. Supra de peccato, iiij MS. iij. . Penitencia viuorum facta pro mortuis valet eis. Supra de morte, xiij.Penitencia debet a confessore acceptari quam a confitente potest extorquere. Supra de confessore.

Cesarius tellis how som̛ tyme in þe town̛ of Halybacℏ, þer was a knyght þat hight Gerard̛, and he had grete deuocion̛ vnto Saynt Thomas þe apostell. So on̛ a tyme þe devuƚƚ in lyknes of a pure man̛ come vnto hym̛, & askyd̛ hym̛ gestynnyng for Saynt Thomas luff; & he grauntid̛ hym̛ it. And when̛ he was gone vnto his bed̛; þis knyght sent vnto hym̛ his beste furryd̛ gown̛ to happ̛ hym̛ with for colde, and he vppon̛ þe nyght had þis cape away, & wolde not be fon̛ in þe mornyng. And þe knyghtis wyfe was wrothe here-with, & blamyd hugelie MS. repeats, hugelie. hur husband̛ for herberyng of pure beggers, & said̛; "Þou sulde nevur do hym̛ mor̛ gude." And þis knyght ansswerd̛ hur agayn̛ mekelie & said̛; "Saynt Thomas is in power to do me als gude a turn̛ as my gown̛ was wurtℏ." So on̛ a tyme after þis knyght wold̛ go in pylgramege vnto þer Saynt Thomas lay, and he brak a golde ryng in ij befor̛ hys wyfe, & he gaf þe tone halfe vnto his wyfe and sayd̛; "Trust vnto þis tokyn̛, & I send þe itt, and abyde my commyng home vnto v yere be passyd." And sho said̛ yis & tuke þis ryng, & he went his ways. So after dyvers yeris he come vnto þe cetie of Saynt Thomas, and when̛ he was in þe kurk̘ & made his prayer vnto Saynt Thomas, & commendid̛ in his prayers his wyfe and his childer & his meneya, he was war of þe fend̛ walkand vp & down̛ in his furryd̛ gown̛. And þe fend̛ come vnto hym̛ & sayd̛; "Gerard̛! knowis þou oght me?" And he said̛; "Nay, I know þe not, bod I know þat gown̛ weƚƚ enogℏ." And̛ þan̛ þe fend̛ said̛; "I am̛ þe devuƚƚ þat in lyknes of a pure man̛ was herbard̛ with þe, and I stale þi gown̛; & herefor̛ I hafe bene gretely punysshid̛. And I am̛ chargid̛ at I shaƚƚ onone hafe þe home agayn̛ vnto þi place safe & sownd̛, for als mekuƚƚ as þis day þi wyfe is wed̛ with a noder man̛; for now it is xv yere sen̛ þou come fro hur." And with þat, when̛ he had offerd̛, he tuke hym̛ vpp̛ in Ynde, and onone he broght hym̛ home to his awn̛ yate in Ducheland̛. And his wyfe & hur husband, att war wed̛ þat same day, wer at meatt, & he come in & keste in hur copp̛ þer sho satt þe halfe of þe golde ryng. And when̛ sho saw it sho tuke þe tuder parte þer-of & putt þerto, & þai acordid̛; & here-by sho wyste he was hur husband̛, and þer sho forsuke hur new husband̛ & tuke hur to hur olde.

We rede in 'Vitis Patrum' how som tyme þer was ij brethir, & þe tone was a pylgrem, and þe toder gaff hym̛ vnto quiete & ryste. So it happid̛ at þis pylgram̛ dyed̛, and angels tuke his saule & flow up̛ vnto hevyn̛ þer-with, & wolde hafe broght it in. And þan our Lord̛ said̛; "He was a little necligent, bod becauce he was a pylgram̛, þerfor̛ take hym̛ in." So onone after his other bruther dyed̛, and a gude olde man̛, þat saw aungels com̛ to þe furst & not to þe latter, he axked̛ our Lord̛ why þis was. And our̛ Lord̛ ansswerd̛ hym̛ agayn̛ & sayd̛; "Þis pylgram̛ in aƚƚ his life had̛ no comfurtℏ of none of his frendis, and þerfor̛ me behuvis comfurthe MS. comfuthe. hym̛ with myne angels; bod his bruther in his life had comfurtℏ of his gude frendis, & þer-for I comfurthid̛ hym̛ not with myne aungels."

Cesarius tellis how som tyme þer was a cetysyn̛ of Tulpytt þat hight Cono, & he went with other pylgramys vnto þe see; and þer he feƚƚ passand̛ seke and dyed̛. And when̛ he was dead̛lyke, he began̛ to wax passand̛ mery, and̛ his felows axkid̛ hym̛ whatt was cauce att he was so merye. He ansswerd̛ agayn̛ & sayd̛; "Whi sulde I nott be mery? Our Ladie was here & sayd̛ vnto me, 'Cono! becauce þou left þi wife, þi childer, & aƚƚ þi gudis for þe luff of my son̛, I shaƚƚ wele reward̛ þe.'" And with þat he cryed̛ & said̛; "Behold̛! I se hevyn̛ oppyn̛ & a seatt ordand̛ for me." And with þat he passid̛ away, & his sawle went vpp̛ vnto hye hevyn̛.

Peregrino inclinat ymago crucifixi. Supra de misericordia.Peregrinacio mentalis valet. Infra MS. Supra. , Petri martiris.

We rede in 'Dictis Barlaam' how som tyme þer was a man̛ þat fled from̛ ane vnycorn̛, and hym̛ happend̛ faƚƚ in-to a grete pytt. And as he feƚƚ, hym̛ happend with his handis to gett holde be a buske at grew in þe syde of þe pytt, and his fete wer strayte in a vesseƚƚ Harl. MS. pedibus uase quodam impressus, for pedibus base quadam lubrica impressis. . So he lukid̛ aboute hym̛ & he saw ij myce, ane white & a noder blakk̘, & daylie þai gnew vppon̛ þe rute of þis buske, to it was nerehand̛ in sondre. And he consydurd̛ þe depenes of þis pytt, & he saw þer-in ane vglie dragon̛ spowtand fyre. So he lukid̛ vnto þe grownd̛ þeroff, & þer he saw iiij neddyr-hedis knytt to-gedur. So he lukyd wpward̛, & he saw a dropp̛ of hony drope in þe bewis of þis buske, & he, negligent of þe said̛ perels, he thoght he wold̛ no lefe, bod he wold̛ hafe þis drope of honye. et c̛. Moraliter sic. Frendis! Be þis vnycorn̛ is vnderstond̛ deade, & be þis pytt þe werld̛, and be þis buske þe lenthe of our lyfe, whilk þat be howris of þe day & of þe nyght, as a white mowce and a blak̘, cuttis it down̛; & be þe iiij neddyrs is vnderstand̛ þe iiij elementis þat mans body is made of, & be þe dragon̛ is vnderstand̛ heƚƚ, and be þis drope of hony, þe swettnes of þis life, whilk who-so covattis er casten̛ in þe said̛ perels.

Periculis possunt adaptari multa que dicuntur supra de morte et de mundo.

Cesarius tellis how þat þe dean̛ of Bononye Harl. MS. decanus Bonnensis. , beyng in þe dioces of Colayn̛, lent vnto a bruther þat he had̛ xx marcis of cone of mony of his kurk̘. And when̛ þis dean̛ was dead̛, his MS. repeats, his. bruther, a knyght, denyed̛ þis said̛ dett. And þe chanons, þat had no prefe þer-in, made þis knyght for to swere þerfor̛, and so he did̛, and̛ forswore hym̛. Bod when̛ he went fro Bononye, whar̛ he sware, vnto his awn̛ howse-ward̛, hym̛ happend̛ to stand̛ in myddest of þe way styƚƚ, & mott go no ferrer nor yitt turn̛ bakk̘. And his tong was taken̛ from̛ hym̛, vnto he promysid̛ in his harte þat he sulde turn̛ agayn̛ vnto Bonon̛ & knowlege his manesworn̛ athe & restor̛ þe said̛ money vnto þe chanons agayn̛. And so he did & was hale.

Periurio possunt adaptari que supra dicuntur de iuramento.

We rede of one þat hight Iohn̛, þat was ane ankyr, þat was a man̛ þat had lede ane iƚƚ lyfe. And when̛ he was compu[n]cte, he garte spar hym̛ selfe in a grafe, and þer he wasshid̛ away his synnys with salte teris, and he lay on̛ his kneis & his elbows, and wolde not lifte vp̛ his een̛ nor name þe name of almyghtie God̛, bod þar he enduryd a long tyme in his prayer. So þer come fendis into þis grafe vnto hym, and cryed̛ vppon̛ hym̛ & sayde; "Þou cursid̛ caytuff! Whatt duse þou here? For when̛ þou was fulfyllid̛ with al maner of syn̛ & vnclennes, & now þi strentℏ sufficies not to do no syn̛, now þou wiƚƚ liff in chastite and seme a gude man̛. Turn̛ agayn̛ vnto vs, ffor þou erte one of vs." And̛ þan̛ a noder spak vnto hym̛ & sayd; "What hopis þou att þis place shaƚƚ do þe gude? Do as þou hase done befor, & lyff in luste & lykyng of þi flessℏ; ffor what payn̛ mott þou suffer mor̛ in heƚƚ þan̛ þou suffres now?" And euer he lay styƚƚ & nothyng wold̛ say. And when̛ þe fendis saw þatt, þai bett hym̛ & gaff hym̛ many a sore wownde, and þat anys, twyse, thryce, to so mekuƚƚ þat att þe laste þai lefte hym̛ halfe deade. And þai cryed̛ with a hedus noyce & sayd̛: " Vicisti! Vicisti!" And with þat þai vanyshid̛ away, and nevur after apperid̛ vnto hym̛.

Perseuerans in bono eciam mortem contempnit. Infra de silencio, ij.Perseuerare debent novicij in deuocione. Supra de Novicio.

Valerius tellis how on̛ a tyme Grete Alexander was streken̛ in a grete yre, & thoght to kaste down̛ þe cetie of Lapsatum. So hym̛ happend̛ mete sodanlie one þat was callid̛ Anaximetes, þat was his preceptur & his maister, and he was ashamyd to mete his maister becauce he was in suche ane angre, and he grawntid̛ his maister þat what þing som̛-evur at he wulde axke hym̛, he wolde grawnt hym̛ itt. And when̛ þis Anaximetes hard̛ þis he said̛; "Sur Kyng, I aske at þou dof þine envie ayeynste þe cetie of Lapsatt." And he grawntid̛ hym̛ it. And þus þurgℏ his benefice was þe cetie savid̛.

Petri Apostoli. Petrus cum voluit Petronillam sanauit et cum placuit eidem infirmitatem reddidit. Supra de infirmitate, iiij.

We rede in his Legend how on̛ a tyme when̛ he was at þe cetie of Melayn̛ Lat. MSS. Apud Mediolanem. & prechid þer, he disputid̛ with a maister þat hight Hesiarcha Harl. MS. et quemdam magistrum heresiarcham examinante. in presens of aƚƚ þe prelattis of þe cetie. And þis Hesyarcha said̛ vnto hym̛; "O! þou fraward̛ Petur! And þou be als holie as þies fond̛ peple trowis, whi prayes þou noght þi God̛ to putt a clowde betwix þaim & þe son̛, at þai dye nott for so grete hete as þai d[oo]?" And þis Petur ansswerd̛ hym̛ agayn̛ & said̛; "And þou wiƚƚ promytte me at þou shaƚƚ renownce þine heresie, I shaƚƚ do as þou hase axkid̛." And þe heretykis, trowyng at þat myght not be done, cryed oppon̛ þis maister, and bad hym̛ make a promys. And yitt he wolde nott. Neuer-þe-les þis Petur, to shew þe power of almightie God, and at He was former of al thyngis visible and invisible, made his prayer & made a cros agayn̛ þe son̛; and þer apperid̛ betwix þe son̛ & þe peple a little clowde like a tent þat coverd̛ þe peple fro þe son̛. And befor̛ þar̛ was no clowde in aƚƚ þe ayre.

We rede also in his Legend how þer was som tyme a womman̛ in Flawndres, and when̛ sho had born̛ iij childer sho prayed̛ Saynt Petur for to helpe hur. And sho bare þe iiij childe and it was d̛ead̛, and sho tuke þis childe & broght it vnto Saynt Petur & besoght hym̛ hertelie þerfor̛. And onone þis dead̛ childe become whik̘. And when̛ it was ordand̛ þat at his baptym̛ he sulde be callid̛ John̛, þe preste, not wittand̛ what he suld̛ say, namyd̛ hym̛ Petur; and þat name remaynyd̛ with hym̛ ewhils he liffid̛.

We rede also in his Legend̛ how þer was a non̛ in Lombardye þat had þe gutt grevuslie in hur kne, and sho cuthe not be helid̛ with no medcyn̛. And when̛ sho hard teƚƚ at it was bod xiiij day iorney fro hur place vnto Mylayn̛, þat at sho mot not do with hur bodye sho thoght to go in hur mynde. And ilka day sho sayd̛ a hondretℏ patyr noster, and þus sho thoght ilk day to make a iorney. And onone as sho began̛ þus for to go in hur MS. his. mynde, sho wex evur bettur and bettyr. And when̛ sho did̛ hur laste day iorney, & in hur mynde went vnto his tombe, kneland on̛ hur kneis as sho had bene at hys tombe in hur prayer, sho said̛ our̛ hur psalter with a grete devocion̛. And be sho had done it, sho felid̛ bod a litle of hur sekenes. And so sho turnyd̛ agayn̛ with hur prayers as sho began̛, and be sho had done aƚƚ hur day iorneys, sho was al hole & sownd̛ as evur sho was.

Pietas. Pietati conueniunt multa [que dicuntur supra de elemosina, hospitalitate, leprosis et pauperibus From the Harl. MS. ].

Saynt Ierom̛ tellis how som tyme þer was ane olde monke, & he thoght to comfurtℏ a slaw bruther of his, and sayd̛ vnto hym̛ in þis maner of wyse; "Som tyme þer was a man̛ þat had lande to be sawen̛, bod becauce of his negligens it grew fuƚƚ off thornys & breers. So he bad his son̛ go & clence itt of þaim. And when̛ he come þerto, & saw þer was so grete multitude of thornys & breers, he began̛ to fayle in his herte & sayd̛ vnto hym̛ selfe; "When̛ shaƚƚ I hafe clensid̛ aƚƚ þies?" And with þatt he layed hym̛ down̛ & slepyd̛. And when̛ his fadur knew how he did̛, he sayd vnto hym̛ "Son̛! wurke & clence evurilk day als mekuƚƚ grownd as þou occupyes when̛ þou lyes on̛ þe erthe & slepis." And he obeyed̛ his fadurs commawndment and did so. And þus be little & little he clensid̛ aƚƚ þis grownd̛

Piscator. Infra purgatorij, iij.Pollucio nocturna aliquando non impedit communionem et aliquando impedit. Supra de communione, v.

Esopus tellis in his fables how þe lambe & þe wulfe war bothe thrustie, and þai come bothe vnto þe watir to drynk̘; & þe wulfe dranke abown̛, & þe lambe benethe. Than̛ þe wulfe sayd vnto þe lambe; "Whi haste þou trubled̛ þe watyr vnto me?" And þe lambe ansswerd̛ hym̛ agayn̛ & sayd̛; "How sulde I make þe watir drovy when̛ itt come fro the vnto me?" And þan̛ þe wulfe said̛; "Whi MS. whan̛. Lat. MSS. cur. bannys þou me?" And þe lambe sayd̛; "Nay, I ban̛ þe nott." And þan̛ þe wulfe said̛; "Thi fadur did vnto me mekuƚƚ iƚƚ, and now I saƚƚ venge me of the." And with þat he ran̛ onn̛ þe selie lambe and worod̛ itt. And þis had þe lambe þat did no tryspas

Potus superfluus est vitandus. Supra de abstinencia, ebrietate et gula.

Cesarius tellis how þer was a monk̘ som tyme of Ceustus ordur þat dyed̛ and he apperid vnto a bruther of his and requirid̛ hym̛ of his estate. And þe dead monk ansswerd̛ agayn̛ & sayd̛; "I trowed̛ neuer God had bene so strayte, ffor He thynkis of þe leste thyng. Bod God," he said̛, "for-giff our̛ prelattis, for þai make vs oftsithis to vnder-go great paynys, & many. And He byndys hugelie þe preceptis of þaim when̛ þai commawnd̛ anythyng vndiscretelie, & þer subgettis giffis little hede þerto, or els sett it at noght; & so it is reservid̛ vnto þe laste iugementt."

Precepto conveniunt que dicuntur supra de obediencia.

Cesarius tellis of one þat hight Lodowicus, Lattgravius Thurungie, þat was a letterd̛ man̛, & he was deseyvid̛ with suche ane errour at he said̛ hym̛ burd̛ nedis be savyd̛ & he wer destanyed̛ þerto, or els he sulde be dampned̛ and he war destanyd̛ þerto. And also he said̛ he mott not fle þe howr̛ of his dead̛, nor nowder lenthe it nor shorten̛ itt; and for þis, with-owtyn̛ any drede, he gaff hym̛ vnto aƚƚ maner of vices. So att þe laste he feƚƚ in a huge sekenes, & he garte gett hym̛ a leche, and prayed̛ hym̛ to take hym̛ in cure and amend hym̛ of his sekenes. And þis leche was wele lernyd̛, not alonelie in lechecrafte, bod also in dyvynyte, and knew wele enogℏ his errour, and said̛ vnto hym̛ in þis maner of wyse; "Sur, and þe day of your dead be commen̛, þan̛ it wer in vayn̛ þat I sulde do any cure vppon̛ you." And þe seke man̛ axkid̛ hym̛ why he sayd̛ so, & said̛; "I know weƚƚ enogℏ bod if I hafe sone helpe I mon̛ dy befor̛ þe tyme." Than̛ þe leche sayd̛ vnto hym̛; "And ye trow at your lyfe may be lenthend̛ be þe vertue of medcyns, wharto denye ye to do penance, þat is medcyn̛ of þe sawle?" And þan̛ þis Lattgravius, consydurand þe vertue of his wurdis, sayd̛ vnto hym̛ in þis maner of wise; "Fro hens furth be þou þe leche of my sawle; ffor be þi medycynable tong I trow at God shaƚƚ delyver me from̛ my moste errour."

Cesarius tellis how þer was ane of þe Premonstracencis ordur þat, when̛ he had̛ prechid̛ of þe cros, he dyed̛ and apperid̛ vnto his felow. And he axkid̛ hym̛ how at it stude with hym̛, and he ansswerd̛ agayn̛ & sayd̛; "When̛ I dyed̛ devuls vmbelappid̛ me MS. þaim. Lat. MSS. circumdederunt me demones. , and ane of þaim sayd̛, 'þou kepyd̛ neuer trewlye þine ordur.' And a noder said̛, 'þou prechid̛ neuer trewlie for Goddis cauce.' And̛ I vnderstude at þai said̛ bothe trewlie, and I was nerehand̛ in despayr becauce þer was none att ansswer for me. And þan̛ almyghti God held̛ me with His hand̛ & sayd̛; 'ffolow Me, ffor þou prechid̛ for Me.' And onone þe fendes fledd, and I folowid̛ Cryste vnto evurlastand ioy; and I had none other payn̛ bod alonelie þis drede."

Cesarius tellis how some tyme þer was a symeple monke, & he was bod ane ydiott, bod he was devowte. And on̛ a tyme hym̛ thoght in his slepe þat he was ravisshid̛ in-to hevyn̛ & was cled in aray like a dekyn̛ befor̛ God̛, as he sulde hafe red̛ þe gospeƚƚ. And when̛ he sulde hafe axked̛ þe blissing MS. blissid. Harl. MS. a quo cum benedictionem acciperet. , hym̛ þoght at þis was sayd̛ vnto hym̛; "Fro þis day forward̛ þou shaƚƚ hafe connyng & vertue in prechyng þe wurd̛ of God." And he was gretelie mervaylid̛ of þis vision̛ at hym̛ þoght he saw so oppynlie, and þoght he wold̛ rede þe gospeƚƚ þat day, if so wer at þe sacrestan̛ ordand̛ hym̛ suche a stole and a vestement as he saw in hevyn̛ ffor þan̛ he wold̛ trow at his vision̛ wer trew. And so when̛ he come in-to þe revestiarie, & saw þe stole and þe vestiment at was layd̛ furtℏ for þe dekyn̛, he knew it wele enogℏ; & þan̛ he was certayn̛ of his vision̛ and went vnto his abbott & tolde hym̛ aƚƚ þat he had sene. And he commandid̛ hym̛ go rede þe gospeƚƚ & for to preche. And so he did̛, and he feƚƚ vnto prechyng and prechid̛ so clerklie at vnto þis day his saying is taken̛ for auctorite. And aƚƚ men̛ þat hard̛ hym̛ had grete mervayle how þat he, þat had no connyng befor̛, had so connynglie prechud, & had so grett perfeccion̛ in conyng.

Predicantes demon nititur impedire. Supra de auditu.

Iohannes Anachorita was a monk in wyldernes, and was enowrned̛ with þe flour of aƚƚ maner of vertues; and he was in bodye lyke vnto ane aungeƚƚ. And he was sent ilk day his fude from̛ almyghti God̛, ffor evure day he wold̛ go into his cafe, & þer he fand a burd, & bread̛ sett þer vppon̛ þat was passand white & of a mervalus swetnes. & when̛ he had etyn̛ þer-of, he wold̛ þonk God̛ & go vnto his prayers and his ympnes. And when̛ he began̛ to hafe a ioy of his merettis, onone þer entred into hym̛ certan̛ desyris of his witt be little & litle, at he mot vunethis purseyve þaim, and afterward̛ gretter, vnto so mucℏ at he wexid necligent, & mor̛ slow in his prayers þan̛ he was wunte to be. And so þer folowid̛ in his hert fowle thoghtis & wykkid̛, & he made no charge to correcte hym̛ for þies little thyngis. So on̛ a tyme when̛ he was strekyn̛ with a grete luste of his flessℏ, he went into his cafe to take hym̛ bread̛, and he fand bread̛, bod it was browner somwhatt þan̛ MS. þat. þe toder was; & he had grete merveƚƚ þeroff & was passand̛ hevye. Notwithstondyng he ete þerof and refresshid̛ hym̛. And vppon̛ þe toder day his thoghtis grew apon̛ hym̛, & on̛ þe nyght hym̛ thoght he lay be a womman̛; neuer-þe-les in þe mornyng he went vnto his prayers, & stude with a waveryng ee and a waveryng mynde. So he went into his cave to take hym̛ meate, and he fand̛ a lafe, bod it was passand brown̛, & hard þerwith, and as it had bene gnawen̛ aƚƚ aboute with myce. And̛ þan̛ he began̛ to make sorow & weppyd, bod his sorow was not so great to distroy þe flawmys of his iƚƚ thoghtis. So at þe laste he was ouercommen̛ with thoghtis, to so mucℏ þat at mydnyght he rase & went vnto þe cetie; and when̛ it was day he was war of a lityƚƚ ceƚƚ of freers & he was werye, & þer he restid̛ hym̛. And þe brethur began̛ to axke of hym̛, as of a wyse fadur, who may esshew þe temptacions of þe devuƚƚ & evuƚƚ thoghtis. And þan̛ he sufficientlie techand̛ þaim̛ turnyd̛ agayn̛ vnto hym̛ selfe & sayd̛; "How may I command̛ other men̛ & is deseyvid̛ my selfe?" And þan̛ he said̛ vnto hym̛ selfe þus; "O þou wriche! Do furste þi selfe at þou techis oþer men̛ to do." And he tuke his lefe at his brethur & ran̛ als faste as he myght into wyldernes vnto his cafe agayn̛, & þer he sparrid̛ hym̛ selfe þerin, & cled his bodie in hare & putt askis on̛ his head̛. & þer he lay a long tyme in prayers & wepyngis, vnto ane angeƚƚ come vnto hym̛ & sayd̛ "Almighti God hase reseyvid̛ þi prayers and þi penance, bod fro hens furtℏ bewar at þou wex no mor̛ prowde, and so be deseyvid̛ when̛ þou leste wenys."

We rede in þe 'Gestis of Bede' when̛ for grete age his sight faylid̛ hym̛, he had a leder to lede hym̛ to townes & castels, & in evur-ilk place þer he come he wolde preche þe wurde of God. So on̛ a tyme as þai went þurgℏ a valie fuƚƚ of stonys, his leder in a skorn̛ tolde hym̛ at þer was a huge peple, þat bade vppon̛ hym̛ in sylence to here hym̛ preche, and þan̛ he began̛ ferventlie to preche. And when̛ he had done, & concludid̛ his sermon̛ with ' per omnia secula seculorum,' onone, as men̛ sais, þe stonys with a hye voyce cried̛ & sayd̛; " Amen! Venerabilis pater!" Som̛ says þat aungels ansswerd̛ & sayd̛; " Amen! Bene, venerabilis pater, dixisti!"

Valerius tellis how som tyme þer was at Athens a yong man̛ þat hight Pollonius, & he was gyffen̛ to suche luste of his bodie þat he had grete ioy in his infame. So on̛ a tyme he was at a feste, & he satt þer not alonelie vnto þe son̛ sett, bod also vnto þe morn̛ at þe son̛ rase. & he was fuƚƚ of wyne and of gude meatis, & had enoyntid̛ hym̛ with precious oyntementis, he cled hym̛ in gay clothyng, & made hym̛ a gay head̛ & went home. So hym̛ happend se þe scolehowse dure oppyn̛ of one þat hight Zenoccrates þat was techand̛; he went in at he mot here what he said̛. And when̛ aƚƚ þe scolers loghe at hym̛ & had grete disdeyn̛ at he come in, þis Zenocrates with a merie chere began̛ to preche hym̛ of sobernes and temperans, not-with-stondyng aƚƚ þat he sayd̛ befor̛. And þurgℏ sadnes of his wurdis þis Pollonius was gretelie movid̛, so þat he keste of þe hatt þat was on̛ his head, & afterward̛ he keste of his gay clothyng & was passand̛ glad of his prechyng. And at þe laste he lefte aƚƚ his luste & lykyng þat he had in lychorie, and become a gude man̛. And þus with medcyn̛ of ane howr̛ he was helid̛ of aƚƚ hys infame. et c̛.

Valerius tellis of one þat hight Eschines commendid gretelie Demostenis eloquens MS. Eschines Demostenis commendid gretelie eloquens. Harl. MS. Eschines Demostenis eloquentiam commendabat. ; and he said̛ he consydurd̛ þerin a bytter strentℏ of een̛ and a ferdfuƚƚ chere, and a hevye burdyn̛, & in evure wurd̛ a sownd̛ of voyce, & at he knew þer-in þe spedefuƚƚ movyngis of þe bodie, vnto so mekiƚƚ þat nothyng mot be putt vnto þe nede þeroff. Neuer-þe-les a grete parte of Demostenes wantys when̛ it is red̛, mor̛ þan̛ when̛ it is hard̛.

Predo. Predonem deus in hac vita remunerat si aliqua bona ab eo sint facta. Infra de remuneracione.

Valerius tellis of one Fabius, þat was a grete cowncelur of Rome; & he govern[id] nobyllie after his grawncer & his fadur þe offes of cownceƚƚ þat he bare. So on̛ a tyme þe peple desyrid gretelie þat his son̛ sulde be made a cowncelur of Rome, and he alone, als muche as he myght, laburde to lett it. Notwithstondyng he was not dowtand̛ of þe vertues of hys scn̛, for he was passand̛ connyng, bod for cauce he wold̛ not hafe many maisters in one howshold̛.

Prelatus non debet eligi puer. Infra de puero, iij.Prelatus non debet eligi pauper vel auarus. Supra de balliuo.

Valerius tellis how on̛ a tyme þe consullis of Rome desyrid̛ gretelie one þat hyght Manliciosus Harl. MS. Cum consulatus Manlio, seni, . . . offerreretur. to be of cownceƚƚ with þaim, and evur he excusid̛ hym̛ & sayd̛ nay, & said̛ his syght faylid̛ hym̛; bod nevur-þe-les þai aƚƚ laburd̛ hym̛ hugelie therto MS. repeats, hugelie, here. . And evur he bad þaim take a noder in-to þat wurschup̛, ffor he said̛; "And ye make me to bere itt, I may not suffer your maners, nor ye may not suffer me to hafe rewle abown̛ you, nor ye wuƚƚ not fulfyƚƚ my commandmenttis."

Hugo Florianensis tellis when̛ þe knyghtis of Rome saw Vaspasyan̛, at he was a nobyl man̛ and a redy to cownceƚƚ, and comfurthable to yong men in bateƚƚ, þai besoght hym̛ at he wold̛ take governance of þe empyre of Rome. And when̛ he denyed̛ þaim & sayd̛ he was not wurthie þerto, & þai laburd̛ hym̛ þerto daylie, at þe laste he grauntyd̛ vnto þaim, þuf aƚƚ it wer agayns his wiƚƚ, at he wulde furste tytter take þe charge of þe empyre rather þan̛ þe wurschup̛ þeroff. And when̛ he had reseyvid̛ þe empyre he sayd̛ þat in his begynyng onone he wold̛ clens þaim at wer fowle, & putt vnwurthi men̛ oute of þer placis and fulfyƚƚ þair rowm̛ with honeste men̛. And he was neuer prowde nor statelye, bod aƚƚ-way consydurd̛ of what kynryd̛ at he come; & he wold̛ neuer do grete punysshment for offens.

Helinandus tellis how som tyme in þe kyngdom̛ of Iurie þer was a hurd-man̛ þat hight Gygens, þat on̛ a tyme after a grete rayn̛ he went down̛ in-to a law crak̘ in þe erde, and þer he fande a man̛ dead, syttand vppon̛ a hors of bras. And vppon̛ his fynger he fande a ryng, be þe whilk he made hym̛ selfe invisible, & lay be þe whene; & als sone as sho knew þis sho garte sla þe kyng MS. kyngdom̛, -dom̛ erased. , & he vsurpid̛ þe kyngdom̛. And Valerius tellis þat when̛ he had getten̛ þe kyngdom̛ be þis chawnce, he wexid̛ so prowde þat he axkid̛ cownceƚƚ of Apollo his god̛, if þer war any in þis werld̛ þat was happyer þan̛ he was. And Apollo ansswerd̛ hym̛ agayn̛ & sayd̛; "þou sulde be bettur provid̛ with sekurtie of a sheperde tofaƚƚ þan̛ for to hafe a grete haƚƚ & lathis, & giff þi selfe to grete charge and̛ besynes; for it is bettur vnto a man̛ [hafe] bod att hym̛ nedis vnto his lyfe, and so for to hald̛ hym̛ plesid̛, þan̛ for to gett hym̛ samen grete tresurs & evur lyff in drede and covatyce."

Valerius tellis how on̛ a tyme when̛ Dionisius Situlus shewid̛ hym̛ selfe vnto his [suggettis] Lat. MSS. subditis suis; Engl. MS. tyrandis. mor̛ to be a tyraunt þan̛ a prince, he was so hatefuƚƚ vnto aƚƚ men̛ at aƚƚ folk desyrid̛ at he had had a myschefe. Neuer-þe-les one old̛ wyfe evurilk day in matyn-tyme prayed vnto þer goddis to kepe hym̛ hale & sownd. And when̛ he axked̛ hur þe cauce at sho did so for̛, and sho ansswerd̛ hym agayn̛ & sayd; "Me had levur hafe þe a grevus tyrand̛ as þou erte, þan̛ þou sulde dye & a war succede after þe; and þerfor̛ I bow down̛ hy head̛ & prayes for the." & when̛ he herd̛ hur say þus MS. repeats, þus. he wexid̛ confusid̛ & ashamyd̛, and began̛ to forthynk and amend hym̛.

Prelatus aliquando morte subitanea moritur. Supra de archidiacono.Prelatus a demone aliquando deportatur. Supra de demone, v.Prelatus eciam malus MS. malos. debet subditos in disciplina tenere. Supra de abbatissa Reference from Lat. MSS. , i.

Seutonius tellis how þat when̛ Titus was made emperour, he vsid̛ to make mony ryaƚƚ festis, & he wold̛ dispyse no cetysyn̛, bod gladlie wold̛ speke with þaim & here what þai sayd̛; & he wold̛ neuer gyff o man̛ bettyr gyfte þan a noder. And he was so beneuolus at he wold̛ latt none go away from̛ hym̛ with-owtyn̛ a gude hope. So on̛ a tyme his howshold̛-men̛ cownceld̛ hym̛ at he sulde not do so, and he ansswerd̛ þaim agayn̛ & sayd̛ þer sulde no man̛ go hevylie away þurgℏ þe wurdis of a prince. So on̛ a day when̛ he went to supper, he vmthoght hym̛ how þat he had þat day nothyng nowder gyffen̛ nor lent, and he said̛ unto hym̛ selfe; " Diem perdidisti." Also Eutropius tellis of Troiayn̛, þat when̛ his frendis blamyd̛ hym̛ for he was so hamelie with evure man̛, he ansswerd̛ agayn̛ & said̛; "Ane emperour sulde be sucℏ a man̛ outeward̛ anence his commons as he wold̛ þai war inward̛ vnto hym̛ agayn̛."

Prelatus pauperes debet habere in reuerencia. Supra de iudicio vltimo.Prelatus non debet cito credere contra subditos. Supra de accusacione, iij.Prelati aliqui nolunt audire nisi placencia. Supra de adulacione.Prelati debent beneficia dare dignis. Supra de beneficio, ij.Prelati non debent munera suscipere. Supra de munere, ij.Prelatus debet esse liberalis. Supra de liberalitate.Prelatus debet fugere rapinam. Infra de rapina, j.

Valerius tellis how one þat was callid̛ Licinius ordand̛ a law, þat no man̛ suld̛ by our 1 acre of land; and he boght many ma. And vnder grace of a fenyng he excusyd̛ hym̛ þerof & gaff parte þeroff vnto his son̛. And for þis he was accusyd̛, furst þat he made a law & chargid̛ it to be kepyd̛, & syne þat he was furste at brak it hym̛ selfe.

Prelatus non debet esse nimis rigidus vel durus. Supra de abbate, ij.Prelato possunt adaptari fere omnia que dicuntur supra de abbate.Prelatus debet esse constans in execucione officij sui. Supra de Ambrosio, j.Prelatus infirmis debet condescendere. Supra de leproso, i, & ij. Prelatus debet compati peccatoribus. Supra de abbate, ij.Prepositus dampnatur. Supra de demone, v.Presciencia. Prescitus potest saluari. Supra de predestinacione.Presciunt demones aliqua futura. Supra de demone, iv MS. v. .

We rede in 'Vitis Patrum' of ane abbott þat hight Iohn̛, þat þoght he wold̛ seryff aƚƚmyghtie God in maner as aungels duse, and he doffid̛ aƚƚ his clothis and he stude aƚƚ a weke so in wyldernes. And when̛ he was like to perissℏ for hunger & was shrewidlie wowndid̛ with waspis & fleis, he turnyd̛ agayn̛ vnto his bruther dure, & knokkid̛ þer-att. And he axkid̛ who was þer, and he sayd̛; "I, Iohn̛." And his bruther ansswerd̛ agayn̛ & sayd; "Nay, it is not Iohn̛, for Iohn̛ is made ane aungeƚƚ & wyƚƚ be no mor̛ emang men̛." And he said̛ agayn̛; "Forsuthe I am he." And he wold̛ not oppyn̛ þe dure, bod lete hym̛ alone stondyng þer vnto in þe mornyng on̛ þe toder day. And þan̛ he oppynd̛ þe dure & said̛ vnto hym̛; "And þou be a man̛, þou hase myster to hafe þe dure opynd̛, and to hafe meatt and warm̛ þe; and if þou be ane angeƚƚ, wharto desyris þou to come in-to my ceƚƚ?" And þan̛ þis Iohn̛ sayd̛ agayn̛ vnto hym̛; "Bruther, I pray þe forgyff me, ffor I know my selfe þat I hafe synnyd̛."

Presumptuosus aliquando cadit in peccatum. Supra de carne, iij.Presumpcio nimia de se ipso aufert dei beneficia. Supra de predicare, iij.Presumpcio est aliquando occasio desperacionis. Supra de peccato, ij. Presumunt aliquando religiosi nimis de statu suo in comparacione secularium. Supra de Basilio, j.Presumptuosus debet humiliari ex consideracione sui. Supra de consideracione, ij.

We rede in 'Dictis Patrum' MS. repeats, we rede. of ane ankyr, when̛ he come vnto þe cetie of Pemenen, þer was a gude man̛ reseyvid̛ with gladnes hym̛. And as þai satt, þis ankyr began̛ to talke of holie writt, and of privaties of hevyn̛. And þan̛ þis olde man̛ turnyd̛ his face vnto a noder of his brethir, and wold̛ nothyng ansswer þis ankyr; and so he went furtℏ and was passand hevye. So a disciple come vnto þis olde abbott & sayd̛; "For þe come þis man̛ hedur, þat had grete myrtℏ at home in his awn̛ place, and þou dedeynys not now to speke vnto hym̛." This olde abbott ansswerd̛ hym̛ ayeyn̛ & sayd̛; "He is a man̛ of hie placys, & spekis aƚƚ of hevynlie thyngis; and I am̛ a man̛ of law place, and vnnethis I may vnderstond erdlie thyngis." And þis dissiple went furtℏ & tolde þis ankir what he said̛. And he was gretelie compuncte here-with, & went in-to þis olde abbott agayn̛ & said̛ vnto hym̛; "What shall MS. shat. I do, ffadur abbott? For þe passions of my sawle hase lordschup̛ on me." And þan̛ þis old̛ abbott had ioy of hym̛ & sayd̛; "Now þou erte welcom̛, fadur. Oppyn̛ þerfor̛ my mowthe and I saƚƚ fulfyƚƚ it with þi gudis." And with þis wurd̛ þis ankir was gretlie comfurthid̛ & sayde; "Forsuthe it is a gude way at þou holdes, & a trew." And þan̛ he thankid̛ þis olde abbott & went agayn̛ vnto his awn̛ region̛.

Presumptuosus frequenter credit habere gratias quas non habet. Supra de cantu So the Latin versions. The English MS. has cantiri. et de obediencia.Princeps debet esse compositus in aspectu. Supra de aspectu. Princeps non debet esse odiosus subditis. Supra de prelato.Principi possunt adaptari multa que dicuntur supra de abbate, iudice et prelato.Princeps subito moritur. Supra de morte, iij.Princeps debet humiliter suscipere correccionem. Supra de Ambrosio MS. anbrosio. .Probacio. Probat deus aliquos. Infra de temptacione, vij.

Seutonius tellis how þat Nero þe emperour was so statelie þat he trowed̛ þe frute of MS. repeats, of. riches and of money was no nodur þing bod ordynance made for a mans expens, vnto so mekuƚƚ at he wuld nevur were a garment twyce, and he wold̛ fyssℏ with a nett made of gold̛ wyre, and aƚƚ þe duris of his pales was made of evurye & enowntid̛ with precious oyntementis. And he had rownd̛ chawmers þerin, þat day & nyght turnyd̛ abowte as þe firmament duse. And yit at þe laste hym̛ þoght he had not tresur enogℏ, bod he gart punyssℏ and sla dyvers ryche men̛ at he myght hafe þer gudis.

Petrus Alphonsis MS. Alphensis, as elsewhere, for Alphonsus. tellis how som̛ tyme þer was a knygh[t], and hym̛ happend on̛ a tyme to lose a sakett and a thowsand̛ talentis þerin and a serpent of gold̛; and a pure man̛ happend to fynd̛ itt. And he garte cry it in þe markett, & promysid̛ in his cry þat he þatt had fon̛ itt sulde hafe for þe fyndyng þerof a hondretℏ of þe talentis with gude wiƚƚ. So þis pure man̛ at fand it þoght hym̛ had levur hafe les with-owten̛ syn̛ þan̛ more with syn̛, þuf aƚƚ his wyfe agayn̛-said̛ it, [&] gaff agayn̛ þis sakett vnto þe knyght & askid̛ þerof a hondretℏ talentis as he promysid̛ in his cry. Bod þe riche man̛, when̛ he had þe sakett agayn̛, wolde not pay þe salfay, and he said̛ þer was ij serpentis of gold̛ in þe sakett, & at þe pure man̛ had with-drawen̛ þe tone of þaim̛. And þe pure man̛ said̛ nay; so he complenyd̛ of þis pure man̛ & þai war bothe broght afor̛ þe knyg. And evur-ilk man̛ held̛ with þe riche man̛, & none with þe pure man̛. So þer was a philosophyr & he had grete petie of þis pure man̛, and sayd̛ vnto þe kyng in þis maner of wyse; "Sur kyng! It is mekuƚƚ to trow vnto þis riche man̛, for he wold̛ not say at he loste ij serpentis of gold̛ bod if he did so. And on̛ þe toder partie, þis pure man̛ at fand þis gude, and he had not bene a gude man̛ and a trew, he mot hafe holden̛ aƚƚ þis gude privalie, & nevur giffen̛ it agayn̛. And þerfor̛ caƚƚ þe riche man̛ & say vnto hym̛ in þis maner of wyse; 'This sakett and þis gold̛ is not þine, for þou says þou lost ij serpentynys & here-in is bod one,' & kepe þis styƚƚ in your handis & gar cry agayn̛ in þe markett a sakett with ij serpentynys þerin." And when̛ þis riche man̛ hard̛ þis, at he sulde be þus betyn̛ with his awn̛ staff, he grawntyd̛ vnto þe kyng at he said̛ þer was ij serpentynys in þe sackett when̛ þer was bod one, becauce he wold̛ nott hafe gyffen̛ þe pure man̛ a hondretℏ talentis to safye, as he promysid̛ he sulde do. And when̛ þe kyng hard̛ þis, he made þe riche man̛ to pay vnto þis pure man̛ þis hundretℏ talenttis, as he promysid̛ he sulde doo.

Promittunt multi multa que non soluunt. Supra de amicicia MS. amicisia. .Promocio MS. promosio. . Promocionem in temporalibus impedit aliquando auaricia. Supra de auaricia, iij MS. ij. .

Cesarius tellis how som tyme in Pycardye, þer was ane abbay of Ceustus ordur, þer was a lewid monk̘, and hym̛ happend̛ faƚƚ seke and lyke to dye. And he was shrevyn̛, and þan̛ þe sacrament was broght to hym̛ and he was howseld̛; and when̛ it was in his moutℏ he myght nowder chew it nor swelow it. Neuer-þe-les þe same day, a little befor̛, he had etyn̛ a hen̛ be his ane. So hym̛ happend sone for to dye, and when̛ he was dead̛ þer was fon̛ with hym̛ v soldi, not of clene syluer bod of coppur; and her̛-for̛ it was demyd þat he myght not ressayfe his sacrament.

Proprium aliquando est causa confusionis religioso. Infra de simonia, i.

Saynt Gregor̛ tellis how som tyme þer was a monk̘ in ane abbay, and he was a leche, & he had a noder bruther, monke in þe same place. So hym̛ happynd̛ faƚƚ seke, bown̛ to dye, & þer was fon̛ emang his medcyns iij nobles of gold̛. And when̛ Saynt Gregur saw þaim he made mekuƚƚ sorow what he sulde do here-in, in clensyng of hym̛ þat was bown̛ to dye, and in exsample also of þaim at warr olyfe. And herefor̛ he commawndid̛ at none of his brethyr bod his fuƚƚ bruther sulde speke with hym̛, nor gyff hym̛ no wurd of comfurtℏ, bod at his bruther sulde teƚƚ hym̛ þat his brethir vggid with hym̛ becauce he kepyd̛ golde privalie vnto hym̛ selfe. And when̛ he wiste þis he made mykyƚƚ sorow, and in þis sorow and wepyng he decesid̛. And when̛ he was dead, Saynt Gregor̛ commandid̛ he sulde be beryd̛ in a myddyng, and at þe money sulde be casten̛ on̛ hym̛, and at þai sulde say when̛ þai keste it; " pecunia tua tecum sit in perdicionem." þurgℏ þe whilk þing it sulde be bothe punyssment to hym̛ þat dyed̛, & ferdfulnes to þaim þat liffid̛, at þe bitternes of dead mott do away his syn̛, and at þis penance done vnto hym̛ mot flay þaim att war on̛ lyfe. And þus it was done. So afterward̛ þe monkis durste nevur prive to þer selfe kepe no maner of þing, and it was nevur so feble. And when̛ xxx dayes war passyd̛ he had compassion̛ of þis monk̘, and garte say mes for hym̛ xxx dayes. And when̛ þies war passid̛ he apperid̛ vnto his bruther german̛, & sayd̛ vnto hym̛; "Vnto now it was bod iƚƚ with me, bod now I thank God it is wele, ffor þis day I reseyvid̛ my howsyƚƚ."

Proprietarius monachus est excommunicandus MS. excominicandus. . Supra de absolucione, ij.Proprietarius eciam post mortem absoluitur. Supra de absolucione, ij.Propria voluntas est deserenda. Infra de voluntate, j.Propositum bonum debet impleri. Infra de voto et voluntate.

We rede in þe 'Legent of Saynt Ambros' how on̛ a tyme as Saynt Ambros went to Rome-ward and was herberd̛ at a riche man̛ howse in a town̛ in Tussie, he emang oder carpyngis askid hym̛ of his astate. And he ansswerd agayn̛ & sayd; "Sur, my state was evur happie & glorious, ffor I hafe at wiƚƚ grete riches, many servandis, many childer, & many cussyns, and aƚƚ þies I hafe evur had at my liste. And I had nevur none aduersitie." And when̛ Saynt Ambros hard̛ þis, he had mekuƚƚ merveƚƚ & sayd vnto his felows; "Ryse, go we hyne, for God is not in þis place; and þerfor̛ haste us hyne at þe vengeange of God tak̘ vs not here." So in þe mornyng þai MS. þat. gatt þaim faste vp̛ & wente þer wayes; and when̛ þai war passid̛ a little, þai lukid̛ behynd þaim, and sodanly þe ertℏ oppynd̛ and swolud̛ þis man̛ & aƚƚ þat longid̛ vnto hym̛, at þer was nothyng left aboue erde. And when̛ Saynt Ambros saw þis, he sayd vnto his felaschup̛; "Lo! brethur, how mercyfuƚƚ at God is! For He sparis þaim at He sendis aduersitie & truble in þis werld̛, & how felly He is grevud vnto þaim at He sendis prosperite and no dissese." And in witnes here-of yit vnto þis day in þat MS. þan̛. place þer is a passand̛ depe dyke MS. repeats, dyke. , callid̛ þe ricℏe man̛ pitt of Tuscan This Legend has two hands pointing to it, nota, written above them. .

We rede of þe kyng of Crete he was a semelie man̛, & he had a nygromancier in his courte at hight Estus. And þis kyng had a doghter, and þis Estus happend to gett hur with childe. And when̛ it was born, for tene þis kyng hur fadur garte caste it oute in þe wud emang wylde bestis. So with-in a while after hunters fand it in a cafe emang wyle bestis, & þer it was nurisshid with hur mylk. And when̛ it was broght home in a strayte gate whar cateƚƚ vsyd̛ to com̛ by, and when̛ he saw þai wolde do it no skathe bod rather norysshid̛ it, he commaundid̛ at it sulde be casten̛ vnto hundis þat long had bene kepyd̛ fastyng, at þai mott destroy itt, & þai wold̛ do it no skathe. & þan̛ he garte caste it emang swyne at þai mott devowr̛ it; and þer it was nurisshid̛ on̛ a sew papp̛. And when̛ he saw þat, he garte caste it in-to þe occian̛; and when̛ it was casten̛ þer, þis Estus, þe fadur þerof, be his craft broght it vnto þe land̛ agayn̛ whikk̘; & þer it was nurisshid with a hynde. And fro thens furtℏ it wexid so swyfte of fute at whare at evur þe hartys went it wold̛ go with þaim. So at þe laste it was taken̛ in a snare, & broght to þe kyng & gyffen̛ hym̛ to a present. And onone he knew it & had compassion̛ þeroff, & garte name it & nurtur it; & þe name þer-of was Avidus. And afterward̛ he made it his successur. And þis kyng Avidus, as we rede, was furste þat evur garte tame oxen̛ & learn̛ þaim to draw; and he was furst þat evur fand pleugℏ, & he taght men̛ to plew & to saw whete & oþer cornys A sidenote here has a small hand pointing to the words [Su]pra de [in]vencione aratri. .

Providet Deus suis in necessarijs. Supra Benedicti et de hospite, iij, et iiij.

Barlaam̛ tellis how þat in a cetie beyond se þe cetysyns had suche a custom̛ þat euerilk yere þai wolde chalange a strange man̛, & chese hym̛ vnto þer kyng þat knew nothyng of þe lawis of þe cetie. And alway fro he war chosyn̛ he suld̛ hafe his commandmentis fulfyllid̛ vnto þe yere end, & what at evur he bad be sude be done. And when̛ þat yere was gone, when̛ hym̛ thoght he was in his moste sekurtie & his moste mirthe, sodanlie þe cetyzens wolde rise vppon̛ hym̛ and wolde take from̛ hym̛ þe kyngis crown̛ & nakyn̛ hym̛ & harle hym̛ þurgℏ þe cetie, & send hym̛ in-to ane yle in þe se þer he sulde nowder hafe mete nor clothe, bod at he sulde þer dye for honger & sorow. So on̛ a tyme þer was a man̛ made kyng þat vnderstude þis custom̛ & þis law at þai hadd, and when̛ he was made kyng he garte opyn̛ þe kyngis tresurie, and sent a grete copye þeroff into þis yle. And when̛ his yere was done & he was sent into þis ile, he had habundance enogℏ of riches at he had ordand for̛ be hys wisdom̛ ewhyls he liffid̛ as a kyng in þe cete.

Prudencia necessaria est multis. Supra de cautela et provisione.

We rede in þe 'Mereclas of Our Ladye' how som tyme þer was a felaship̛ of childer þat vsid̛ to play at hand-baƚƚ befor̛ a kurk̘; and þer was one of þaim þat had on his hand̛ a ryng whilk þat a maydyn̛ þat luffid̛ hym̛ be flesshly luff had gyffen̛ hym̛. And he was ferde at he with his faste rynyng at þe baƚƚ sulde breke it, and he went in-to þe kurk̘ to gyff som bodie it to kepe to he had laykid̛ hym̛. And when̛ he come befor̛ þe ymage of our Lady, he stude merveƚƚand and beheld hur fayrnes, & he set hym̛ down̛ on̛ his kne and deuotelie sayd afor̛ hur his Ave Maria. And when̛ he had done he said̛ vnto hur; "Forsutℏ, Ladie, þou erte fayrer þan̛ any oþer & mor̛ fayr þan̛ sho þat gaff me þis ryng, and þerfor̛ I forsake hur. I, fro hens furtℏ, I wiƚƚ luff the, so at þou wyƚƚ luff me agayn̛." And he profurd̛ þe ryng vnto þe ymage fynger, and þe ymage put furth hur fynger streght & he putt it on̛. And þan̛ þe fynger closyd agayn̛ vnto þe ymage as it was are. And when̛ he saw þis he had grete merveƚƚ þeroff & callid̛ his felous & tolde þaim & lete þaim se itt. So afterward hym̛ happend breke þis promys and was wed̛, and on̛ þe furste nyght at he was wed our Ladie come & lay betwix hym̛ & his wyfe, & putt furtℏ hur hand & lete hym̛ se þe ryng on hur fynger, & reprovid hym̛ þat he had broken̛ his beheste. So with þat he wakynd & grapyd after þe ymage MS. ymange. & fand hur not þer, & lay styƚƚ & trowed þat it had bene bod a fantasye. So afterward̛ sho apperid vnto hym̛ & thretid hym̛ att he was ferd̛ for hur. And when̛ he wakend̛ on̛ þe morn̛, at evyn̛ privalie he forsuke his wyfe & aƚƚ his gudis & went to wyldernes, and þer devotelie he servid our Ladie vnto his lyfis ende.

We rede in 'Cronicles' how on̛ a tyme kyng Agibundus, kyng of Lombardie, soiornyd̛ in Germanye, he fasted & walkid̛ abowte, & he fand̛ casten̛ in piscinam vij childer be a common̛ womman̛ for to sla þaim; and aƚƚ þies þis same common̛ womman̛ had born̛. And when̛ þis knyght saw þaim he had grete mervayle and put down̛ a spere-shafte vnto þaim. And ane of þaim gat þe shafte with his hand̛ be þe end & helde it styƚƚ. And þe kyng had merveƚƚ here-of & pullid hym̛ vp̛, & garte nuryssℏ hym̛ and namyd hym̛ Lawncelott Harl. MS. Lamissionem. Arund. MS. Lancissionem. , þat is als mucℏ to say as he þat sal be a grete man̛ in tyme to com̛. So afterward̛ hym̛ happend to be of so grete nobylnes þat when̛ þe kyng was dead þe Lombardis made hym̛ þer kyng̘.

Puer in purgatorio punitur. Supra de blasfemia.

This Exemplum is corrupt and part has been omitted from the Latin versions. Helinandus tellis how þat Adrianus þe emperour on̛ a tyme wolde algatis make his son̛ emperour in his life. And his princes ansswerd hym̛ agayn̛ & sayd̛ þat it longid̛ not alonelie vnto þe blude to hafe rewle; bod rather vnto þe adlyngis & vnto the governance. And so his desyre contynued̛, and efterward he conseyvid̛ in his mynd̛ þat childer sulde furste be broght vpp̛ and excercysed in vertues, at þai mot be provid what gouernance þai wolde be off or þai war putt vnto any wurshup̛.

Puer a demone temptatur. Supra de blasfemia.Puella debet abscondere suam pulcritudinem. Supra de abscondere.Puella debet solicite custodiri. Supra de ffilia.

Valerius tellis how þer was a fayr yong man̛ þat hight Spurannus, and he was so pratie & so defte at yong wommen̛ wex evyn̛ fond̛ on̛ hym̛, and he was ferd at þai or þer fadurs shulde desyre hym̛ to be maryd or to faƚƚ vnto syn̛. And he wowndid̛ hym̛ selfe his visage and his moutℏ to make hym̛ disfygurd̛ at þai sulde not desyre hym̛, and þoght hym̛ had lyffer be deformyd̛ & liff in halynes̛ þan̛ daylie be a preparatyfe to oþer folk̘ luste & syn̛ & wykkydnes.

Punicio. Puniuntur corizantes. Supra de corizare.Puniuntur gulosi. Supra de gula, vj, et de benediccione.Punitur quis per hec que peccauit. Infra de religiosis, iij.Puniuntur peccatores diuersi diuersimode. Supra et infra in locis suis.

Iacobus de Vetriaco tellis þat when̛ Saynt Marie of Oginiez prayed for a certayn̛ sawle vppon̛ Saynt Petur day þe aposteƚƚ, Saynt Petur aperid vnto hur and̛ tolde hur þe paynys at it was in & þe cawsis þeroff, and how at it was turment with huge hete becauce it luffid passynglie þis werlde & þe lustis þerof. And som tyme it was gretelie turment with a huge caldnes, becauce it was slaw to do gudenes, & neclegentlie governyd þe chylder & þe howsholde A sidenote says, [n]ota bene, here. . And [som]tyme it was punysshid̛ with hungre and threste, becauce it had grete dilectacion̛ in meat & drynk̘. And̛ sum tyme it was gretelie punysshid with nakidnes, becauce it had in þe life grete delectation̛ in costious clothyng, & to be passynglie warm̛ happed.

Purgatorij pena mitigatur oratione. Supra de oratione.Purgatorij pena soluitur missa. Supra de proprietario.

Iacobus de Vetriaco tellis how som tyme [þer was] a synner þat was correcte with a grete infirmytie, to so mykyƚƚ he prayed̛ God to feche hym̛ oute of þis werlde. And when̛ he had lang prayed so, ane aungeƚƚ come vnto hym̛ and bad hym̛ chese whethur he wolde stonde ij dayes in purgatorie or he wolde suffre his sekenes ij yere. And he chose þe furste, and decesid, and his saule went vnto purgatorie. So with-in ane houre after it was þer, þe angeƚƚ apperid̛ vnto hym̛, and he axkyd; "What ert þou?" þe angeƚƚ ansswerd̛ hym̛ agayn̛ & sayd̛; "I am̛ þe aungeƚƚ þat apperid vnto the when̛ þou was olyfe." And he said; "Nay, þou erte none aungeƚƚ, ffor aungells wyƚƚ not lye; and þou erte bod a lyer, for þou tolde me þat I sulde be bod ij dayes in purgatorie, and I hafe stand þerin many yeris." The aungeƚƚ ansswerd hym̛ agayn̛ & sayd̛; "þou saƚƚ vnderstand at þou haste not bene here nott fullie ane howr̛." And þan̛ he prayed̛ þe aungeƚƚ to bryng hym̛ agayn̛ vnto þis werld̛, for hym̛ had leuer þer suffer any sekenes at God wold̛ send hym̛, þan̛ for to be þer a noder howr̛ agayn̛ in payn̛." And so his sawle was broght agayn̛ vnto þe bodie, & mekelie he suffred̛ sekenes ij yere, and þan̛ he decesid̛.

Purgatorium suum faciunt aliqui aliquando inter eos inter quos peccauerunt. Supra de abbate, viij.Purgatorius plus timetur a bonis quam a malis. Infra de timore, iiij.

We rede in 'Legend̛ Lombardica' how þer was MS. was a certayn ffysshers. certayn̛ ffysshers in a town̛ of Saynt Thebottis Latin MSS. Theobaldus. , and in harveste when̛ þai went on̛ fysshyng, and in-stede of fyssℏ þai drew in þer nett a grete paneƚƚ of yse. And þai war mor̛ fayn̛ þerof þan̛ þai wuld̛ hafe bene of fyssℏ, ffor þer bysshop̛ had a grete surans in his fete, and þai laid̛ þis yse vnder-nethe his fete & he had a grete remedie of his sekenes þerbye. So vppon̛ a day he harde oute of þis yse þe voyce of a man̛ speke & say dyvurs wurdis, and þe bisshop̛ coniured it & askid̛ it what it was, & it ansswerd̛ agayn̛ & sayd̛; "I am̛ a certan̛ saule þat is punysshid̛ for my synnys in þis paneƚƚ of yse, and I myght be delyverd̛ and þou wolde say for me xxx [messis xlti] Latin MSS. si quadraginta diebus continuis .xxx. missas diceres. dayes to-geddur." And he granttyd̛ at he sulde do so, & did. And when̛ he had sayd halfe þe messis & was bown̛ for to say þe toder halfe, sodanlie be þe suggestion̛ of þe devuƚƚ, aƚƚ his household̛ feƚƚ at were emangis þer selfe, & ilkone of þaim was in poynt to kyƚƚ oþer. And so þer bisshopp̛ was trublid̛ herewith, & lefte his mes-saying. And yit he feƚƚ vnto þaim agayn̛ & sayd̛ þaim. And when̛ he had sayd̛ ij partis of þaim and was bown̛ to say mes, one of his meneya come vnto hym̛ & tolde hym̛ at þer was a grete sege of men̛ of armys layde abowte þe cetie; and herefor̛ he put of his mess-saying þat day. And at þe iij tyme, when̛ he had sayd̛ aƚƚ his messis bod After bod, iij, erased. ane, þer come a man̛ vnto hym̛ when̛ he was bown̛ vnto þe laste mes, & tolde hym̛ at þer was a grete fyre in þe cetie. And þe bisshop̛ ansswerd agayn̛ & sayd̛; "And aƚƚ þe cetie burn̛ vp stowte & rowte, I saƚƚ not ouerhypp̛ nor lefe þis mes vndone." And onone as þe mes was done, þis yse resoluyd̛ into watir, and þis fyre vanysshid̛ away and was nevur sene after.

Pena purgatorij est acerba eciam si diuturna.

Cesarius tellis how þer was som tyme a knyght þat made hym̛ monk̘ of Ceustus ordur, to the intent at make a noder knyght at was his felaugℏ to do þe same. And þe toder knyght ansswerd̛ & sayde he wold̛ gladely MS. goldely. entyr in-to þe ordur bod he was ferd̛ for lyce. And þe toder ansswerd̛ hym̛ agayn̛ & sayd̛; "He is nowder wurthi nor noble knyght þat in þe bateƚƚ of þe devuƚƚ dredis nowder swerd̛ nor spere, & is in þe bateƚƚ of Cryste ferde for a few smale wormys. And þerfor̛ bewar at þies lies take not fro the the kyngdom̛ of hevyn̛." And with þis wurd̛ þis knyght was confusid, & holilie and stronglie he tuke þe ordur and vttirly forsuke aƚƚ þis werld̛.

Saynt Ierom̛ tellis of iij men̛ þat luffid̛ passand wele to-gedur, & þai aƚƚ iij went and made þaim monkis. And one of þaim chose to condycion̛ to make þaim att ane at was at debate, and þe secund̛ chose hym̛ to seryff þaim at wer seke, and þe iij luffyd alway to be solitarie and be hym̛ selfe. And þe furste, when̛ he had done mykyƚƚ & mott not agre þaim aƚƚ þat wer at discorde, he began̛ to wax irke, & come vnto þe toder & tolde hym̛, & fande at he was irk̘ also becauce he mott not seryff seke folk̘ to plesans. And þies ij war acordyd̛ samen & come vnto þe thrid̛ and tolde hym̛ of aƚƚ þer trubbles, and prayed̛ hym̛ at he wold̛ teƚƚ þaim what at profettyd þaim. And he went from̛ þaim a liteƚƚ and put watir in a copp̛ and sayd̛ vnto þaim Latin MSS. "Intendite in aquam," et turbulenta erat. Post modicum iterum dixit; "Attendite quam limpida facta est aqua." Cumque intenderent in aquam viderunt uultos suos. ; "Behold̛ in-to þe watir!" And it was drovy, & so þai did̛ & þai saw þer awn̛ facis as þai had lukid̛ in a myrrour. And þan̛ he said̛; "þus þai þat er emang many men̛ may not se þer awn̛ synnys no mor̛ þan̛ ye mot se your awn̛ shadus in þis watir when̛ it was drovye; and when̛ þai hafe bene awhile in solatare place be þer ane, þan̛ þai may se þaim."

We rede how on̛ a tyme Abbott Isaac told̛ in a collacion̛; 'Som tyme þer was a moste holy fadur, and on̛ a tyme as he went be a ceƚƚ of ane of his brethur, MS. inserts, and, before he. he was war of his bruther dyngand on̛ a grete stone with a huge hammer, and ane standand by hym̛ lyke a man̛ of Ynde, as he had prompyd hym̛ vnto his wark̘. And þis gude olde fadur had merveƚƚ of sucℏ ane illusion̛ and trowid it was bod a dissayte. And he come vnto þe ceƚƚ and haylsyd his bruther, & sayd̛; "What wark̘ is þis at þou wyrkis?" And he ansswerd agayn̛ & sayd̛; "Fadur, we hafe laburd agayn̛ a harde stone, an vnnethis we may any thyng breke it." And þis olde man̛ ansswerd hym̛ agayn̛ & sayd̛; "þou says wele, we hafe laburd, for þou was not be þine one; anoder was with the at þou saw nott, þat stude evur and prompyd̛ the to wurk besylie."'

Heraclides tellis & says of hym̛ selfe; When̛ variable thoghtis hase trublid me & bydden̛ me go furtℏ of my ceƚƚ, and I had nothyng to do, I compleynd vnto Anton̛ of Antiocen̛ oppon̛ þis hevynes. And he ansswerd̛ me & sayde; "When̛ þies thoghtys commys vppon̛ þe, ansswer þaim agayn̛ & say, 'ffor Cristis sake I kepe þies wallis and wiƚƚ do, þuf I doo no noder thyng els.'"

Saynt Gregor̛ tellis; "som tyme þer was a man̛ þat hight Martyn̛, and he led a solitarie lyfe. And þe devuƚƚ had dispite here-att, & in lyknes of a serpent he laburd & keste for to lett hym̛. And þis serpent on̛ a tyme be hym̛ selfe come into þe cafe whar̛ þis Martyn̛ led his lyfe in wyldernes, and when̛ he was alone in his prayers, sho stude vp ryght befor hym̛, and when̛ he wold̛ lay hym̛ down̛, sho wolde lay hur down̛. And on̛ a tyme þis holy man̛ putt furst his hand & syne his fute nakid vnto hur, & sayd̛; 'And þou hase lefe for to smyte me, I saƚƚ not lett the.' And when̛ þai had vsid þis iij yere samen, at þe laste þis fals enmy, þe devuƚƚ, was ouercommen̛ with his mekenes & vanysshid away from̛ hym̛."

Rana. Ranam peperit Nero imperator arte medicorum. Supra de crudelitate, ij.

Seutonius tellis how on̛ a tyme, when̛ he had exhortid̛ Tyberius Cesar þat he sulde eke þe tributis of his regions, the emperour ansswerd̛ agayn̛ & sayd; "Nay, ffor it longis vnto a gude hurd̛ to clypp his shepe, & not aƚƚ at ons for to worow itt."

Saynt Gregor̛ tellis how on̛ a tyme a company of Gothomys Arund. MS. exercitus Gothorum. mett Libertinus, a gude holy man̛, rydand on̛ his hors, and þai threw hym̛ of his hors & tuke it from̛ hym̛. And when̛ þai had taken̛ it from̛ hym̛, he profurd þaim his whipp̛, & sayde; "Take þis with you at ye may gar þe hors ga with." And þai tuke it and went þer wayse. And als sone as þai war gone he feƚƚ vnto his prayers, and it happend̛ at þai mott go no ferrer, nor with þer spurris gar þer hors go furtℏ. So þai vmthoght þaim at þai had done wrang vnto þis holy man̛, and þai turnyd agayn̛ & restorid̛ hym̛ of his hors. And þan̛ þai went þer wayes, and nothyng lettyd þaim Tales DCLXVIII and DCLXIX marked, Nota, in the margin. .

Rapine antecessorum debent restitui. Supra de ecclesia.Rapine possunt adaptari ea que dicuntur supra de fure.

Iacobus de Vetriaco says; "I saw som tyme devote wommen̛, þat was so hugelie ravissid̛ with thoght of holy liffyng, þat of aƚƚ þe day þer was no witt in þaim vnto none oute-ward thyng bod was evyn̛ as þai had bene on̛ slepe. And þai myght not be wakynd with no maner of criyng, nor þai myght fele nothyng sore and þai had bene nevur so prykkid̛." And he says he saw a noder womman̛ nerehand̛ of xxxti yere old̛, and sho was kepyd with so grete luff be hur spowse in þe clostre, at sho mot be no ways go furtℏ þeroff. And neuer so many men̛ had drawen̛ hur be þe hand̛, ffor oft tymys sho was enforcid̛ to be drawen̛ oute, bod it was in vayn̛ bod if þai wuld̛ hafe rugid̛ hur in sonder. Also he says þat he had sene a noder womman̛ þat som tyme xxti sythes on̛ þe day was besyde hur selfe, whilk þat in his presence opon̛ a day was vij sithes ravysshid̛. And in what state som̛ evur sho was ravissid̛ sho abade in þat astate vnto sho was turnyd̛ owte of hur ravisshyng. And hur handis hand vp̛ in þe ayre vnmouable after þe disposicion̛ at sho was ravisshid in, at sho was garte shew a bodely ioying. et c̛.

Rebellio. Rebellis punitur. Infra de religione, ij.Recidiuum. Recidiuum nocet. Supra de heretico, ij.Recognicio. Recognoscere debemus beneficia nobis impensa. Supra de beneficio, i.Recreacio interdum vtilis est religiosis. Supra Johannis Euangeliste.

Valerius tellis þat when̛ Socrates þe wyse clerke wexid̛ alde and taght his scolers, he wold̛ not alway bynd þaim in at lernyng, bod som tyme to avanyssℏ away þer labur he wolde suffer þaim to have recreacion̛, to cauce þaim to be more dyligent & craftie in þer lernyng afterward, at þai sulde not be yrke of þer labur. And herefor̛ þis wise philosophur, Socrates, [usyd] for to lope on̛ a rede betwix his leggis, as barnys rydys, and ryde with þaim as þai do to make þaim sporte.

Redempcio nulla est in inferno. Supra de inferno, iiij.Reddicio. Reddit deus centuplum. Supra de elemosina xiiij, et de decimis.Reddunt aliqui malum pro bono. Infra de serpente.

We rede in þe 'Meracles of our Ladie,' how som tyme in Rome þer was ane emperour þat had a fayr wyfe & a chaste. So MS. som̛. on̛ a tyme þis emperour sulde traveƚƚ furtℏ oute of contre fro his empyre vnto other grete regions, and he putt a bruther þat he had, & also aƚƚ his empyre, vnto gouernans of his whene. And when̛ he was gone, his bruther wexid̛ fond̛ of þe whene, & at þe laste he oppynd̛ his harte vnto hur, & sho forsuke hym̛ vttirlie and wolde not graunte vnto hym̛ notwithstandyng he wolde not lefe, bod laburd̛ hur daylie þerin. So at þe laste when̛ sho saw he wolde not lefe, sho sparrid̛ hym̛ in a towr̛ horn̛ faste, and gouernyd̛ þe empyre peasfullie. And when̛ v yere was passid̛ þis emperour come home, & be lefe of þe empryce his bruther was lattyn̛ furthe of þe towr̛ & come vnto þe emperour and accusyd̛ þe emprice hugelie vnto hym̛, & sayd̛ þat sho was ane oppyn̛ fornycatur nerehand̛ with evur-ilk man̛. And becauce he wolde not consent vnto hur to ly by hur, þerfor̛ sho sparrid̛ hym̛ faste in a towr̛, & herefor̛ he said̛ he was lene and iƚƚ hewid̛. And þis emperour gaff our redelie truste vnto hym̛, & tuke a grete sorow in his harte, to so mykeƚƚ at he feƚƚ down̛ in swownyng & lay a grete while. So when̛ he come vnto his spyrittis agayn̛ he went furtℏ, and þe whene mett hym̛ & wolde hafe kissid̛ hym̛, & he wolde not bod gaff hur a grete strake, & felde hur vnto þe ertℏ. And he commaundid̛ ij of his men̛ to take hur & hafe hur vnto þe wudd & smyte of hur heade. And þai tuke hur & had hur furtℏ as he bad. & when̛ þai come þer þai sulde hafe smyten̛ of hur head̛, þai wolde bothe hafe ligen̛ by hur. And sho putt þaim by and cryed & made a grete noyse. And þer happend com by a wurthi man̛, & many men̛ with hym̛, and harde hur cry & rade to hur & slew þies ij harlottis at was with hur, & tuke hur MS. hym. home with hym̛ & betaght hur vnto his wyfe. And sho made hur nuress of a little yong son̛ at sho hadd̛. So þis wurthi man̛ had a bruder was a knyght, & he wexid so fond̛ on̛ hur at he wiste neuer what he might doo, & oft wolde hafe had at do with hur; and evur sho putt hym̛ bye. So on̛ a nyght, as sho was on̛ slepe in hur bed & þis yong bab by hur, he come privalie with a knyfe & cutt þe barn̛ throte in sonder, & put nemelie þe knyfe in hur hand and sho of slepe; & so he lefte hur and went his wayes. So sho felde warm̛ blude ryn̛ aboute hyr in þe bed, & wakend þer-with. And when̛ sho saw how it was sho cryed̛, at þe lorde & þe ladie and aƚƚ þe howshold̛ hard̛. So þai come vnto hur at luke what hur aylid̛, and fande þe barn̛ dead̛. And þe howshold̛ meneya wold̛ hafe slayn̛ hur, bod þe lorde and þe ladie wolde not latt þaim. So þe lord̛ commandid̛ at sho sulde be delyverd̛ vnto shipmen̛, & at þai sulde hafe hur in-to a far contrey. And so sho was delyverd̛ vnto shipmen̛ & broght vnto þe ship̛. And onone þai wolde hafe ligen̛ by hur, and in no wyse sho wolde consent vnto þaim, and herefore þai wolde hafe drownyd̛ hur. Bod þugℏ grace of God þer cownceƚƚ changid̛, and þai sett hur vpp̛ apon̛ a hy skar in þe see. And þer our Ladie Saynt Marie apperid vnto hur & comfurthid hur, and̛ bad hur take ane erbe þat was vnder hur head̛ þer sho lay & kepe it, & with þat sho sulde heale aƚƚ þaim þat war lepre whar̛-som̛-evur sho come. And sho was þer many day & had̛ no meat bod herbys & gress. So on̛ a tyme þer come shipp̛-men̛ by þe land̛, and sho cryed̛ vnto þaim and þai had petie on̛ hur, and tuke hur in-to þer ship̛ & had hur vnto a haven-town̛; and onone þer befor̛ þaim aƚƚ sho helid̛ a lepre man̛. And in þe mene while þis vnhappie man̛ þat had slayn̛ his bruther barn̛ þat sho kepid̛, was sodanlie fallen̛ lepre, and sho was broght vnto hym̛ & no bodie knew hur of aƚƚ þe howshold̛. So þe lord prayed hur to hele his bruther, and sho ansswerd̛ agayn̛ & sayd̛ sho myght nott bod if he in presence of þe lorde & þe ladie & oþer viij persons shrafe hym̛ clene of aƚƚ his synnys. And so he did̛, bod þat syn̛ at he did̛ anence hur, he wolde not shryfe hym̛ þerof, and evur sho sayd̛ he was not fuƚƚ shrevyn̛. So he gatt assurans of his bruthir, & knowleged aƚƚ his syn̛ how he had done. And sho ansswerd̛ agayn̛ & sayd̛; "I am̛ þat same womman̛." And þer sho helid̛ hym̛. And þe lorde wolde hafe garte hur wed hym̛ and sho wolde not, bod went hur way; & evur whar̛ any was lepre sho helid̛ þaim. So at þe laste hur happend to com̛ to Rome, and þer sho fand þe emperour hur husband̛ bruther, at had done so vnto hur, lepre. And sho was fechid̛ to hele hym̛, & sho wolde not bod if he confessid̛ hym̛ oppynlie of aƚƚ þe synnys at evur he had done befor̛ aƚƚ men̛; and so he did̛ & telde opynlie how he had done vnto hur, & how þe emperour had garte sla hur. And aƚƚ þe peple þat was þer & harde made sorow for los of so gude a ladie. So at þe laste sho lete þaim witt at it was sho, & helid̛ in þe cetie aƚƚ þat evur was lepur. And be þat tyme þe emperour was dead, and þe pope sent vnto hur; & becauce þat in hur tribulacion̛ sho had made a vow of chastite, he made hur to take one abbet of religion̛. And þus sho endid̛ hur lyfe in clene liffiyng. et c̛.

Regina semper honestatem suam debet tenere. Supra de muliere, xvi.

Iacobus de Vetriaco tellis how som tyme þer was a knyght þat lefte aƚƚ his possessions & his wurshuppis and his welefaris, and made hym̛ a monk̘. And þe abbot saw at he was a wyse man̛ and sent hym̛ vnto þe markett to seƚƚ assis of þe abbay at was olde, & at he sulde by yong; þuff aƚƚ he war displesid̛ þer-with, neuer-þeles he went, and wolde not breke his obediens. And when̛ men̛ axkid hym̛ if þe assis wer gude & yong, he ansswerd euer agayn̛ & sayd̛; "Trow ye at our abbay is fallen̛ vnto suche pouertie at we sulde seƚƚ our gude assis & our profetable?" So one come & axkid hym̛ whi þer taylis wer so pylde, and no hare lefte on̛ þaim. He ansswerd̛ agayn̛ & sayd̛; "Becauce þai faƚƚ oft sythis vnder þer lade & we lifte þaim euer vp be þe tayllis, and þat is cauce þer tayllis er bare." And þus he wolde nott layn̛ þe treutℏ. So hym̛ happend̛ seƚƚ none of þaim, and come home vnto his cloystur. A noder lewid̛ monke at was with hym̛ at þe markett accusyd̛ hym̛ evyn̛ opynlie in þer chapiter hows; and þe abbott dysplyd̛ hym̛ as it had bene for a grete truspas. And he ansswerd̛ vnto þe abbott agayn̛ & sayd̛; "I lefte many assis & mekuƚƚ oþer gude thyng in þe werlde, and I come hedur to seryff God̛ & becauce I sulde nott lye, bod at I sulde safe my saule." And þus fro thens furtℏ he was nevur sent oute forwarde.

Religiosus mentiri non debet. Supra de mendacio, ij. Religiosus aduocatus esse non debet. Supra de mendacio, ij.

Petrus Clunacensis MS. Clymacensis. tellis how som̛ tyme þer was ane holie man̛ and as he lay in his prayers on̛ Gude Fryday, he was ravisshid̛ his spyrid̛ fro his body vnto Pascℏ day. And when̛ he come vnto hym̛ selfe, he tolde how þat he saw a religious man̛ of grete penance swolud̛ of þe devuƚƚ in drynk þat he was wunte to vse excesly. And þan̛ he was drawen̛ vnto his dome, and had noght Saynt Nicholas bene, he had bene dampned̛; bod Saynt Nicholas at he vsid̛ to seryff deuotelie helpid̛ hym̛ & so he was nott dampnyd̛, bod demyd̛ vnto þe payns of purgatorie.

Religionis ingressus causat aliquando consideracio penarum inferni, periculorum mundi, penarum purgatorij, proprie complexionis. Supra de conuersione.Religionis status securior est seculari. Infra de relinquere.Religiosus in habitu suo debet mori. Supra de monacho, ij.Religiosus non debet pompose incedere. Supra de monacho, iiij.Religiosus proprietarius non potest communicare MS. comminicare. . Supra de proprietate, i.Religiosus proprietarius in sterquilinio sepelitur. Supra de proprietate, ij.Religionis ingressus eciam infirmitatem corporalem sanat. Infra de voto, ij.Religiosus humilem habitum debet habere. Supra de abbate, x.

Cesarius tellis how som̛ tyme þer was ane abbot & he had a seke monke. And he saw þat it was necessarie to hym̛ to eate flessℏ, & he commaundid̛ hym̛ þat he sulde eate flessℏ; and he was passand̛ swaymos & wold̛ nott. And for als mekuƚƚ as God wolde shew þat obediens war better þan̛ meat or drynk̘, þis inobedient monke onone turnyd̛ into a wudenes, and ran̛ wude into þe felde. And þer he fande a dead̛ dogg & aƚƚ þe flessℏ on̛ hym̛ stynkid̛, and he feƚƚ to and ete of hym̛ gredelie. And þus becauce he truspasid̛ in flessℏ & wolde not eatt flessℏ when̛ his abbott bad hym̛, þerfor̛ he was punyssid̛ in flessℏ-etyng, et c̛, for his inobedyance.

Religiosus non debet carnaliter affici ad amicos. Supra de affectu MS. aspectu. , ij.Religiosos temptat demon. Supra de demone in pluribus locis.

Petrus Damianus tellis how þat in þe parties of Frawnce þer was in a place a MS. repeats, a. grete debate betwix ane abbott & a myghtie seculer man̛ for a possession̛ of a lyfelod̛, so þat when̛ þai had lang strevyn̛, ffavorers on̛ bothe parties arayid̛ þaim evyn̛ vnto bateƚƚ. And þis myghti man̛ come in-to þe felde with a grete company of armyd men̛ with hym̛, & bownd hym̛ to feght. And þis abbott, aƚƚ þat come with hym̛ to feght, he commandid̛ þaim stand oparte & latt hym̛ & his monkis alone, and he sett aƚƚ his monkis on̛ hors, & made þaim cover þer hedis with þaire cowlis. And in þis maner of armur he come vnto þe place þer þai sulde feght; and onone his enmys, when̛ þai saw hym̛, wer strekyn̛ with suche ane vgsomnes at onone þai lightid̛ of þer horsis, & keste away fro þaim þer armor & þer wapyns and feƚƚ down̛ mekelie vnto þe erde, & axkid̛ hym̛ forgyfnes and nevur after made chalange vnto þis possession̛ agayn̛.

Saynt Ierom̛ tellis of one þat hight Paphencius, whilk þat when̛ he had long tyme vsyd aungeƚƚ lyfe, he made his prayer vnto almightie God̛ at he wold̛ shew hym̛ to whilk saynt of hevyn̛ he sulde be like in blis. And it was shewid̛ hym̛ at he sulde be lyke vnto one Simphoniacus þat dwelte in þe next strete. And he went onone vnto hym̛ and axkid̛ hym̛ of his reule & his gouernans. And he tolde hym̛ at he had vsid̛ to be emang thevis & knew no gude dede, nor neuer did̛ none, safeyng onelie at he gatt a damyseƚƚ fro his felows, at þai had taken̛ & defowlid̛, & savid̛ hir honesti at þai lay not by hur. And he tolde hym̛ also how he gaff vnto ane honeste womman̛ in wyldrenes, goand wyƚƚ, iij c penys to rawnson̛ hur husband̛ & hur childer þat lay in sore prison̛. And þan̛ þis Paphencius tolde hym̛ hys vision̛ and had hym̛ with hym̛ vnto wyldrenes, and with-in a little while after he dyed, and he saw his saule had vnto hevyn̛. A nodir tyme þe same was shewid hym̛ of þe primat of þe cetie, þat was wed xxxti yere & evur kepud̛ hym̛ in chastitie from̛ his wyfe, and he saw his sawle also had vnto hevyn̛. And the thrid tyme it was shewid hym̛ þe same of a merchand̛. And þan̛ when̛ he sulde dye and prestis come vnto hym̛, he said vnto þaim; "No man̛, nowder thefe nor merchand̛, sulde be despysid, for emang peple of evur-ilk degre is God plesud with som̛ sawlis." And he tolde þaim in ordur aƚƚ þat is aforn̛ saide, and þan̛ he passid̛ vnto God.

Religiosus non debet discurrere. Supra de affectu.Religiosi MS. religiose. attente mulieres aspicere non debent. Supra de muliere, viij.

Abbot Abraham on̛ a tyme tolde in his 'Collasion̛,' how som̛ tyme þer come a yong man̛ vnto Saynt Anton̛ þe abbott, and reprovid̛ þe life of ancharis and said̛ at þai war of more perfeccion̛ þat bade at hame with þer fadurs & þer moders, & ordand for þaim aƚƚ þing att þaim mysterd̛ and wroght beselie daylie, þan̛ þai war at went into wyldernes and MS. repeats, and. abstenyd þaim fro daylie laburyng, and gaff þaim vnto nothyng bod vnto redyng and̛ prayer. And Saynt Anton̛ ansswerd̛ hym̛ & said̛; "Son̛, þou at duse þus, whethur was þou not hevie when̛ þi fadur and þi moder happend any cace of aduersitie? And also was þou not ioyfuƚƚ when̛ þai war in prosperite?" And he ansswerd̛ agayn̛ & said̛ yis. And þan̛ þis abbott sayd vnto hym̛; "þou saƚƚ vnderstond̛ þat in þe werld̛ þat is for to com þou sal be demyd̛ for to be in þer companye, in whase company in þis lyfe þou was conuersand̛, owder in wynnyng or in los, in ioy or in sorow. And þerfor̛ þuf aƚƚ we hafe bothe ffadurs & moders, yitt vs hase levur lefe þaim & liff in wyldrenes & þer take syke fude as God̛ sendis vs, þan̛ for to be in þe warlde & be sekur of fyndyng of our fadurs & moders."

Relinquentes omnia propter deum deus remunerat. Supra de peregrino, iij.

Cesarius tellis how þat som tyme in ane abbay of þe Ceustus ordur þer was ij bodis of þe xj mƚ virginys, and in a were tyme þai MS. þer. war sett aboue a vowte in þe kurk̘, & þer þai stude long & was forgetten̛. So on̛ a tyme at mydnyght þai made sike a dusshyng in þe cace at þai lay in, att aƚƚ hard̛ in þe quere, and þus þai did̛ on̛ þe nyght ij or iij [sythis], vnto so mekuƚƚ at þe sacristanes said̛ at þai durste not lygg in þe kurk̘. And for aƚƚ þis þer was no wurshup̛ done vnto þaim, bod aƚƚ way þai war nothyng lukid after. So on̛ a nyght in matyn̛ tyme, when̛ aƚƚ þe covent was in̛ þe where, þai aƚƚ saw befor̛ þe altar ij fayr virgyns in maydyn̛ clothyng, inclynand þaim, & when̛ þai had done, went furtℏ of þe kurk̘ at a dure at evur befor̛ was wunte to be sparrid̛. So onone MS. on̛ one. þe monkis went vnto þe cace at þies ij virgynys lay in̛, & oppynd it, & þer was nothyng þerin. And þai had grete merveƚƚ hereof, & sent vnto Colayn̛, and þer þe same bodis was fon̛ in þe same placis þer þai lay when̛ þai war furste giffen̛ vnto þe sayd abbay. et c̛.

Remigij Remensis. Supra de familiaritate, ij.

Petrus Damianus tellis of one þat hight Arnulphus, þat was fadur of kyng Pypyn̛, and̛ grawnsur vnto great Charlis þat was duke of Lothoringia. So on̛ a tyme sodonlie he lefte his wyfe and his childre, and went into wyldernes. And on̛ a tyme as he went ouer a grete bryg þat was owr̛ a depe watir, when̛ he was at þe myddest of þe brygg þer þe watyr was depeste, þer he keste in his ryng with þis condicion̛, & sayd̛; "When̛ I hafe þis ryng agayn̛, þan̛ with-outen̛ doute I saƚƚ truste at my synys is forgyffen̛ me, and̛ at I am̛ fullie asoylid̛ of þaim." And þer he abade in wyldernes many day in gude life. And in þe mene while dyed̛ þe bisshopp̛ of Methensis, and he was chosyn̛ vnto bisshopp̛. And he abstenyd̛ hym̛ fro etyng of flessℏ. So on̛ a tyme þer was a ffysscℏ broght hym̛ to a present, and he garte oppyn̛ itt befor̛ hym̛ and fand̛ hys ryng in þe cudpoke þeroff, & onone as he saw it he kend it. And it was ij day iorney fro þat bryg at he keste it dow[n] att, vnto þat place þer þe fissℏ was tak̘en̛ at it was fon̛ in þe bely off.

Remuneracio. Remunerat deus dantes aliquid per se. Supra de elemosina, i, ij, et iij.

Cesarius tellis how som tyme þer was a knyght þat was a grete robber and a thefe, and be commandmend of Emperour Frederyke he was taken̛ & honged̛. And vpon̛ þe iij day after he was hanged, a noder knyght come rydand̛ be þe galows, and when̛ he saw hym̛ hyng þer he sayd̛ vnto his man̛; "O God! it was mekuƚƚ petie at þis fayr man̛ was hanged!" And his man̛ ansswerd̛ hym̛ agayn̛ & sayd̛; "Sur, þis was a noble knyght & your nere cussyn̛." So þis knyght & his man̛ come ner, and thoght to take hym̛ down̛ & beryy hym̛; and as he hang he spakk vnto þaim & sayd̛; "Take me down̛, ffor I lyff yitt." And when̛ þai had tane hym̛ down̛ he sayd̛ vnto þaim; "Thuff aƚƚ I was a synner, yit I did a litle serves vnto almyghtie God̛, for þe whilk He had mercie on̛ me; ffor I vsid euere day to say iij pater noster, & iij ave maria, in wurshup̛ of þe holie trynytie, & v pater noster & v ave maria in wurshup̛ of þe v wowndis of our Lorde, and a pater noster in wurshup̛ of þe aungeƚƚ at I am̛ betaght too, and also one vnto þe sacrament þat is daylie sacred þurgℏ aƚƚ þis werlde, besekyng daylie almighti God̛, at I myght be wurthi to reseyfe þe sacrament er I dyed̛. And þat God hase grawntid̛ me of His mercie, and þerfor̛ I pray you caƚƚ vnto me a preste." And when̛ þe preste come he shrafe hym̛, and þan̛ he was howsled̛. And onone as þis was done he yelde vp̛ his gaste, and þai tuke and berid̛ hym̛ This tale is marked Nota [be]ne. .

Remunerat Deus peregrinos. Supra de peregrino, iij.Restitucio. Restituere nolens ablata punitur. Supra de apostatis. Restitui debent forisfacta antecessorum. Supra de ecclesia, ij.Restituere nolunt mali filij pro parentibus eciam post mortem eos monentibus. Supra de morte, xvij MS. xvj. .Restitucio valet vsurarijs. Infra de testamento, Io.Restituere nolentibus negatur sepultura. Infra de sepultura MS. spepultura. , iij, et iv MS. v. .Restituere tenentur MS. tenend̛. executores pro testatoribus. Supra in pluribus locis, et infra de reuiuiscere, de sacerdote et de sacramento.

Valerius tellis how þat in þe tyme þat þe vij sagis florisshid̛ at Athenis, it happend̛ in þe region̛ of Niclase MS. repeats, it happened, here. at a man̛ boght of þe ffysshers a draght with þer nett, & at þat draght þai þaim happend draw a grete burde aƚƚ of golde of a grete weght. And so þai feƚƚ at varyans for þis burde, þe fisshers & þai þat boght þe draght, for þai sayd̛ þai solde hym̛ noght bod ffissℏ, & he said̛ he boght what at fortun wolde send hym̛. So þai had it vnto þe cetie, and broght it befor̛ Appollo, & made þer prayers vnto hym̛ to send þaim som taken̛ to whame þis burde sulde be demyd̛. And̛ he ansswerd̛ þaim & bad þaim giff it vnto hym̛ þat was þe wyseste in aƚƚ þe cetie. And so þai gaff it vnto one þat hight Talentus Millesius, þat emang þe vij sagis was moste noble, and he sent it vnto Byantes Priemo. And he wolde none þeroff bod gaff it vnto a noder, and so it went þurgℏ þaim aƚƚ vnto it come at þe laste. And he gaff a iudgement at it sulde be halowid̛ in wurshup̛ of Appollo & gyffen̛ vnto hym̛, and so it was.

Saynt Gregur tellis how þer was som tyme in Rome a noble cetysyn̛ þat hight Romanus Latin, civis romanus, Stephanus nomine. , and hym̛ happend̛ for to dye at Constantynople. & on̛ þe morn̛ when̛ þai wold̛ hafe opynd̛ hym̛ & sesond̛ hym̛ with spycis at he myght hafe bene curid̛ MS. carid̛. , he rase vpp̛ & was whikk̘. And he tolde þaim mekuƚƚ þing at he had sene in heƚƚ, and at he neuer trowid̛ befor̛, & he tolde also þat þe juge at he was broght befor̛, þat he callid̛ hym̛ noght Romanus Harl. MS. non petierat, 'huncStephanum,' sed, 'Stephanum Ferarium,' mortuus est. Arund. MS. sed 'Stephanum Ferrarium,' qui erat iuxta eum, quo dicto, ille Stephanus mortuus est.' , bod Romanus Ferarius þat was nere-hand̛ hym̛. And þus he þat ans was dead̛ was on̛ lyfe agayn̛ & liffid̛ many yeris.

Rex aliquando gloriatur in vestibus. Supra de augurio et de ornatu.Rex humiliter se habet ad subditos. Supra de iudicio vltimo.Rex malus a deo deponitur. Supra de hospitalitate, vi MS. iiij. .Rex sapiens. Supra de prudencia et providencia.

We rede in 'Vitis Patrum,' how on̛ a tyme ane olde man̛ saw a yong man̛ lagℏ, & he said vnto hym̛; "Son̛, how may þou fynd̛ in þi herte to lagℏ? Mon̛ not þou & I & we aƚƚ befor̛ bothe hevyn̛ and ertℏ gyf a rekynyng of aƚƚ our lyfe? And þerfor̛ me mervels," he said̛, "at þow may fynde in þi harte to lagℏ."

We rede in 'Libro de Dono Timoris' how som̛ tyme þer was a kyng, and if he made nevur so great a feste, he wolde neuer lagℏ. So a frend̛ of his reprovid̛ hym̛ þerfor, & askid̛ hym̛ whi he did so, and he ansswerd̛ fenandlie. So after-ward̛ he ordand a chayre with rotyn̛ fete, and he garte sett it abown̛ a hate burnyng oven̛, and abown̛ it he gart̘ hyng a swerd̛ with a wayke threde. And þis done, he garte se t hym̛ þerin þat reprovid̛ hym̛ for he wolde not lagℏ, & he garte sett aboute hym̛ iiij men̛ with iiij drawen̛ swerdis. And he garte bryng befor̛ hym̛ aƚƚ maner of delicious metis & drynkis, & aƚƚ oþer thyngis þat sulde make hym̛ merie. So þan̛ þe kyng come in and stirrid̛ hym̛ to lagℏ, and he ansswerd̛ agayn̛ & said̛; "I may not lagℏ when̛ I se þies perels þat er aboute me." Than̛ þe kyng ansswerd̛ hym̛ agayn̛ & said̛; "Than̛ vmthynk̘ þe how mot I lagℏ when̛ þer er grete festis made afore me, þat seis behynd̛ me þe bitternes of my syn̛? And befor̛ me I se ane vncertantie of þat at is for to com̛, and on̛ my lefte hand̛ I see vexacions of present aduersities, and on̛ my right hand I se noyes þat commys after prosperities. And aƚƚ þies I se as sharp̛ swerdis of þe sentans of aƚƚmyghti God̛. And I se dead̛ hyng abown̛, whame I wate nevur what howr̛ wiƚƚ stryke me, and vndernethe me I se þe pitt of heƚƚ at I am̛ ferd̛ at faƚƚ into, & with-in me I se myne awn̛ freletie. And emang aƚƚ þies I am̛ sett in a frele seatt, oute of þe whilk I am̛ ferde daylie to faƚƚ. And þefor̛ hafe þou no merveƚƚ if I may not fynd in my harte to lagℏ."

Rosa. Rose habentur tempore hyemali. Supra de martirio.Rusticus delicijs nescit vti. Supra de delicijs, ij et iij.Rustico falsum denarium offerenti, idem ei pro communione exhibetur. Supra de oblacione.

Petrus Clunacensis MS. Climacensis. tellis how þer was som tyme a bisshopp̛ þat suspent a certan̛ preste in his dioces becauce he sang euerilk day for aƚƚ crysten̛ sawlis. So on̛ a tyme afterward̛, as þis bisshopp̛ walkid be his one in a kurk̘-gartℏ, hym̛ þoght at aƚƚ þe dead folk at lay in þat kurk̘-garthe rase agayns hym̛, ilkone with a spade in þer hand̛. And þai thrett hym̛ & said̛; "Beholde! þis is þe bisshopp̛ þat tuke fro vs our preste & suspend hym̛, at he may not say mes for vs. And þerfor̛ certanlie, bod if he amend it vnto vs, he saƚƚ dye." And with þat he was so flayed̛ he was like hafe dyed̛, & feƚƚ in a swownd̛ MS. swownyd. . And when̛ he come vnto hym̛ selfe agayn̛, he garte send after þe preste and asoylid̛ hym̛, & bad hym̛ syng on̛ for al crysten̛ sawlis as he did befor̛.

Iacobus de Vetriaco tellis how þer was som̛ tyme a man̛, whilk þat of ane vnwurthie prest þat he knew wolde nowder here mes nor resayfe his sacramentis. So on̛ a tyme hym̛ thoght in his slepe þat hym̛ was passand thrustie, and þat he stude be a pitt with watir þer a leprus man̛ drew vp watir in a passand fayr vesseƚƚ with a corde aƚƚ of golde. And þer come many one & axkid̛ hym̛ a drynk of þat fayr watir, & he gaff þaim & þai drank̘ faste. And at þe laste þis man̛ drew ner & wolde hafe had a drynk̘, & þe layser man̛ drew bak his hand̛ & wolde not lat hym̛ drynk̘, & sayd̛; "How wiƚƚ þou take a drynke of a lepros man̛ hand̛, þat wiƚƚ not here mes nor take þe sacramentis of a preste at þou knowis is in syn̛? Do no mor̛ so, bod þink̘ of þis vers; 'vim sacramenti non mutat vita ministri.'" And with þat he wakynd̛. And fro thens furtℏ he neuer gruchid̛ after to here þat prestis mes, nor for to take his sacramentis of holie kurk̘ of his hande.

Sacerdos indiscretus terret confitentes. Supra de apostasia, iij.Sacerdos tenens vxorem militis et de hoc laico confessus, a confusione liberatur. Supra de confessione, vij.

Cesarius tellis of a preste at was a curatt, þat on̛ a tyme satt playand̛ at þe dice with a cussyn̛ of his. And þer come vnto hym̛ a man̛ hastelie and tolde hym̛ at his moder was seke and bown̛ to dye, & bad hym̛ in payn̛ of þe pereƚƚ þat wolde faƚƚ þeron̛ þat he sulde com̛ in aƚƚ haste vnto hur & shryfe hur & giff hur hur sacramentis. And þe preste ansswerd̛ agayn̛ & said̛ þat he wolde not vnto hys layke war done. And euer þe man̛ stude stiƚƚ & laburd̛ hym̛ to ryse. So at þe laste þis preste said̛ vnto his cussyn̛ at he played̛ with; "Cussyn̛, I compleyn̛ me, & at þe I take wittnes, at þis felow wiƚƚ not lat me alone at my gamen, bod trubbles me and lettis me." So þis man̛ saw þat his taryng profettid̛ hym̛ nott, & went his ways. And his moder dyed withouten̛ howseƚƚ or shrufte. So it happend on̛ þe iij day after, þe cussyn̛ of þis same preste mett þis yong man̛ at þe moder was dead of, and vmthogth hym̛ of þe playnt at þe preste made of hym̛, & pullid̛ oute his dagger & stykked̛ hym̛. And after þis and many oþer synnys, þis preste happend faƚƚ seke & bown̛ to dye. So a cussyn̛ of his, at was his servand̛, cownceld̛ hym̛ to be shrevyn̛ & forthynk̘ hym̛ of his truspas. He wolde nott bod feƚƚ into a despayr, & ansswerd̛ hur & sayd̛; "Seis þou yone grete lathe enence vs? Forsuthe þer is not þerin so many strais as þer is fendis gadurd̛ here aboute me, to take my sawle when̛ I pas."

Cesarius tellis of a preste of Saynt̛ Petur kurk in Colayn̛, how on̛ a day when̛ he had sacred his mes & layd̛ down̛ þe sacrament on̛ þe altar, when̛ he sulde take it agayn̛ he cuthe not fynd it, nor aƚƚ þe oþer peple þat helpid̛ hym̛ to seke itt. Whar̛-for witty men̛ þat knew hym̛ supposid̛ þat aungels had taken̛ it from̛ hym̛, & translat it into hevyn̛, þat he þat was a lichuros preste sulde not resayfe it vnto hym̛ dampnacion̛; for it was not vnknowen̛ at he had a lemman̛ in þe town̛ & held̛ hur opynlie.

Cesarius tellis how som tyme þer was a preste besyd Colayn̛, and when̛ he was att mes & had sayd̛ þe gospeƚƚ & layde down̛ þe sacrament vppon̛ þe corprax, sodanlie it was away. And he trowid̛ at þat had happend̛ þurgℏ som̛ fallyng down̛, & he layd̛ þer a noder; and onone þat was removid̛ ferrer þan̛ þe toder was. And þan̛ he tuke þe thrid̛, and onone it was casten̛ of þe altar̛. And when̛ he saw þat he was ferde for þat hoste behynd̛ hym̛, and he consecratt a noder. And when̛ mes was done, he tuke þis hoste & broght it vnto Colayn̛, & shewid̛ it vnto parfite men̛ & rehersid̛ vnto þaim aƚƚ þe mater. And þai brak it aforn̛ hym̛ and fand þerin a lowse baken̛. And aƚƚ þat was þer thankid̛ almighti God̛ þat wiƚƚ algattis at þe sacrament be made of clene thyng.

Cesarius tellis how þer was a preste in Fraunce, so hym̛ happend̛ on̛ yole nyght to go fro þe ta town̛ to þe toder, whar̛ he sulde say mes in bathe placis; so he was be his one, & hym̛ happend̛ to mete with a womman̛ be hur ane. And so in þat same howr̛ hym̛ happynd̛ to syn̛ with hur, and so he mor̛ dredyng þe shame of man̛ þan̛ Goddis vengeans, when̛ he had said̛ his matyns, he began̛ solemplie þe furste mes. And when̛ he had consecratt bothe þe bread̛ & þe whyne, a white duffe light down̛ on̛ þe awter at þe preste saw, and sho suppid̛ of aƚƚ þat was in þe chales with hur neb, & tuke þe sacrament with hur and flow away. And þis preste was ferd̛, bod not as hym̛ aght to be, and wyste neuer what he sulde do. Neuer-þe-les he said̛ oute þe wurdis & fulfyllid̛ þe sygnes of þe sacrament, and endid̛ his mes. And þe same happend̛ hym̛ at þe secund̛ mes, and also at þe iij mes þe same day. So at þe laste he repentid̛ hym̛, and with a grete contricion̛ he went unto ane abbott of Ceustos ordur & confessid̛ hym̛, whilk þat, when he saw his contricion̛, enionyd̛ hym̛ for to ga to mes. And when̛ with grete drede & sorow he had said̛ mes, befor̛ his su[m]pcions Latin, ante sumpcionem. , þe same duffe come agayn̛. And þe same iij hostis at sho had had away syngnlelie, ilkone be þer one, sho broght þaim agayn̛ in hur byƚƚ, & layd̛ þaim on̛ þe corprax. And þe liquore of iij messis sho put oute of hur throte into þe chales, and went hur ways. And when̛ þe preste saw þis, he was passand fayn̛ and told̛ his confessur aƚƚ þis be ordur, and besoght hym̛ at he mot be resayvid̛ into þe ordur to be one of his brethur. And he grawntid hym̛ so at he wulde furste go & be iij yere beyond̛ se & þer seryff seke folke of þer religion̛, and so he did̛. And þis done, he come home; and þe abbot reseyvid̛ hym̛ & made hym̛ a monke of his couent.

Cesarius tellis how som̛ tyme þer was a preste, a curatt, at gaff hym̛ aƚƚ vnto etyng & drynkyng and lichorye. And he was necligent anent̘ his parishyng, and gaff no hede vnto þer sawlis. So hym̛ happend̛ to dye, & when̛ he was dead̛ his parisshyns at war dead̛ vndernethe his cure, ilkone of þaim gat a grete stane, and accusid̛ hym̛ vnto heƚƚ, and said̛ vnto hym̛; "We wer commytt vnto þe and þou haste forgettyn̛ vs; ffor when̛ we synd̛, þou nowder reuokid̛ with nowder gude wurde nor exsample, and þerfor̛ þou ert cauce of owr̛ dampnacion̛." And with þat þai keste aƚƚ þe stanys on̛ hym̛, and he feƚƚ into þe pitt of heƚƚ and neuer efter apperyd̛.

Sacerdos malus tempestate perit. Infra de tempestate.Sacerdotis MS. Sacerdos. concubina punitur. Supra de luxuria, iij.

Saynt MS. Saynd̛. Barnard̛ sayd̛ & tellis; "Som tyme," he sayd̛, "I saw v men̛ whilk I cuthe not say bod̛ at þai wer fond̛, for þe furste wald̛ eate no meate bod graveƚƚ of þe se, and þe secund̛ of þaim had a curage to fele aƚƚ maner of yƚƚ savyr, and þe thrid̛ wald stand̛ be a byrnyng ovyn̛ & evur gape to take in his moutℏe þe byrnyng sparkis. And̛ þe iiij wold̛ sytt vppon̛ þe pynacle of þe temple, and euer gape agayn̛ þe weddur. And þe v of þaim wolde luke behynd̛ hym̛ & scorn̛ his felas, and yit he was more to be skornyd̛ þan̛ þai, for with aƚƚ his myght he laburd̛ to sowke his awn̛ flessℏ & he wolde neuer nowder putt his arm̛ nor his hand̛ hand̛ written over mouthe, erased. vnto his mouthe. And in þaim aƚƚ I cowde fynd̛ no reson̛, bod̛ at he be my consayte had suffred̛ a passand̛ hu[n]ggre, mor̛ þan̛ any of þe toder."

Cesarius tellis how som tyme þer was a monke of Ceustus ordur, and vppon̛ þe yole day he sayd mes at a privay altar̛ with grete deuocion̛ and wepyng of teris. And when̛ he had made his consecracion̛, he cuthe not se þe sacrament in kynd̛ of bread̛, bod in lyknes of a yong childe þat was passand̛ fayr. & he keste suche a luff þer-vnto & was so gretele delytid̛ with þe fayrnes þer-of, at he halsid̛ it and kissid̛ it with a grete dilectation̛. So at þe laste he was ferd̛ at þai at stude aboute hym̛ sulde thynke lang, and he layd̛ it down̛ on̛ þe corprax, & he procedid̛ in þe wurdis of þe sacrament after þe form̛. And it turned̛ agayn̛ into þe substance of þe sacrament, and þan̛ with grete ioy he performyd̛ & fulfyllid̛ furtℏ his mes.

Cesarius tellis how som̛ tyme þer was a womman̛ þat had many beis, & oft sithes þai dyed̛ opon̛ hur. So þer was ane þat cownceld̛ hur at sho sulde gett þe sacrament and̛ lay in þe hyfe emangis þaim. So on̛ a day sho went vnto þe kurk̘ and shrafe hur, & fenyd̛ at sho wolde be howseld̛, and so sho was. And onone as sho was howseld̛ of þe prestis hand̛, whils he turnyd̛ hym̛ vnto þe altar, sho withdrew þe sacrament oute of hir mouthe & had it hame & laid̛ it emang hur MS. his. beis. And onone þai knew þer Maker, & with þer wark̘ in þe hyfe þai made a little chapeƚƚ & þerin þai made ane altare, and abon̛ þis altar̛ þai layde þe sacrament, and afterward̛ fro thens furtℏ þai encresid̛ gretelie. So on̛ a tyme þis womman̛ oppynd̛ þe hyfe, and fande þe wallis, þe wyndows, þe rufe & þe steple, þe duris & þe altar of þis chapeƚƚ, aƚƚ made be beis as þai wurke. And sho went and shewid̛ it vnto þe preste & vnto hyr neghburs, and þe preste sersyd what was þerin, & fand þe sacrament. And he & aƚƚ his parisshyn̛ with greate ioy & mirthe MS. repeats, & ioy. had it vnto þe kurk̘. And þe womman̛ grawntid̛ hur syn̛ & was shrevyn̛ agayn̛, and reseyvid̛ þe same sacrament.

Sacramento possunt adaptari multa que dicuntur supra de sacerdote, eukaristia, communione, et cibo spirituali. Sacra scriptura. Infra de sciencia et supra de Andrea, i.Sacrista ecclesiam et res ecclesiasticas legitime debet custodire. Infra de silencio, iiij.Sacriste absentis officium supplet beata virgo deuote. Supra de beata Maria, vij.Salutacio Marie multipliciter valet. Supra de ave Maria, annunciacione dominica, et Maria, ac alijs locis diuersis.Sancti aliquando accusant malos. Supra de episcopo, ij, et de archidiacono, et de elemosina, xv.Sanctis non est obloquendum. Supra de blasfemia, iij.Sanctis eciam bruta reuerenciam exhibent. Supra de obediencia.Sancti se vindicare nolunt. Infra de vindicta, iij MS. iiij. .

We rede in 'Legend̛ Lombardica,' how Julianus Apostata on̛ a tyme, at Antioche, gadurd samen halud vesseƚƚ & halud clothis, and keste þaim samen & sett hym̛ down̛ vppon̛ þaim and dispisid̛ þaim with grete reprofe. And onone in þase placis he was so strekyn̛ als fer as þai tuchid hym̛, þat als lang as he liffid̛ after, wormes & mawkis bred in his flessℏ & eate it away. And of þat passion̛, ewhils he liffid̛, he mot neuer be delyverd̛. So afterward̛ þer was ane þat hight Julianus also, þat was his stewerd̛, and be commandment of þe emperour he tuke þies halod vesseƚƚ & pyssid̛ in þaim & sayd̛; "Lo! þies vesseƚƚ in þe whilk þe Son̛ of Marie was sacrificed̛, now I pis in þaim MS. þeraim. ." And with þat sodanlie his mouthe was turnyd̛ into his ars, & efter euer whils he liffid̛, aƚƚ þe filthe and̛ þe degestion̛ of his bodie come out at his mouthe, & noght at his nache.

Sanitas. Sanitatem recuperant aliqui miraculose. Supra Dominici, iij, et infra de voto, ij.Sapiens tempore op[p]ortuno de neccessarijs sibi providet. Supra de providencia.Sapientis est loco et tempore timere. Infra de timore, i.Sapiencie possunt adaptari multa que dicuntur supra de cautela, de consilio, et de pluribus alijs in diuersis locis, et infra de studio.

We rede in 'Legenda Lombardica,' how som̛ tyme þer was a womman̛ þat was a grete synner, to so mekuƚƚ at sho had done homage vnto þe devuƚƚ. And when̛ tyme drew nere at sho sulde dye, hur son̛ cownceld̛ hur to be shrevyn̛. And sho ansswerd̛ hym̛ & sayd̛ þat shrufte mot not profett hur; not-with-stondyng he laburd̛ hur so att sho grantid̛, & bad hym̛ feche þe preste. Bod or þe preste come, þer apperid̛ vnto hur many fendis, þurgℏ vgsomnes & drede of þe whilke sho dyed̛. And when̛ hur son̛ come agayn̛ & fande sho was dead̛, he made mekuƚƚ sorow, for he knew hur syn̛ euere dele. And he went & shrafe hym̛ of þat syn̛ at sho had done, & did þer-for̛ vij wynter penance. And þat done, his moder apperid̛ vnto hym̛ & thankid̛ hym̛, & tolde hym̛ how þat þurgℏ his penance-doyng sho was delyverd̛ out of payn̛.

Satisfaciendum est leso. Supra de agro, ij.Satisfacit eciam vnus pro alio. Supra de obligacione.Scandalum est vitandum. Supra de abscondere.

We rede in 'Vitis Patrum' how when̛ þe abbott Pambo was vnletterd̛, he went vnto a man̛ þat was letterd̛ and prayed̛ hym̛ to lern̛ hym̛ a salme. And when̛ he had lernyd hym̛ þe furste vers of þis salme, ' Dixi custodiam vias meas,' he wolde not lern̛ þe secund vers nor no mor̛ þerof, bod sayd; ' Satis est,' it was enogℏ. "For," he said̛, "and I may fulfyƚƚ þis, it sufficies me." So afterwarde he was axkid̛ of his maister whi he come not at hym̛ ans in sex monethis, and he ansswerd̛ agayn̛ & said̛; "I hafe not yit fulfyllid þat wurde in dede." So long after he was axkid̛ if he had fulfillid̛ it, and he ansswerd̛ agayn̛ & sayd̛; "I hafe liffid̛ þis xliiij yeris, and yit vnnethis I can̛ fulfyƚƚ itt."

Cesarius tellis how som̛ tyme þer was a scoler of Paryssℏ, & he had a duƚƚ witt and a forgettyƚƚ mynde, so þat he cuthe nothyng nowder lern̛ nor holde. And evur-ilk man̛ skornyd̛ hym̛ & callid̛ hym̛ idiott, and her̛for̛ he was passynglie confusid̛, so þat þe devuƚƚ apperid̛ vnto hym̛ and axkid̛ hym̛ if he wulde do hym̛ homage, and he sulde hight hym̛ aƚƚ maner of connyng. And þis scolar wolde not, bod forsuke hym̛. And þan̛ þe devuƚƚ put a stane in his hand̛ & sayde vnto hym̛; "Als lang as þou holdis þis stane in þi hand̛, þou saƚƚ know aƚƚ maner of thyng." And with þat he rase & went into þe scule. And onone he put oute questions, & concludid aƚƚ þat evur was in þe scule. And evur-ilk man̛ had merveƚƚ how þis idiott shulde hafe suche connyng, and he wolde teƚƚ þe cauce vnto no man̛. So not lang after, hym̛ happend faƚƚ seke, and of aƚƚ þis he shrafe hym̛, & he keste away þe stane and þis dessayvable connyng to-gedur. And when̛ he was dead̛ and prestis and clerkis sang salmys aboute hym̛, devuls tuke his saule, an[d on] þe to syde of a vayle aƚƚ of burntstone þai playd̛ þerwith as wha played at þe fandyng of þe hand-baƚƚ our þis dale, and on̛ þe toder syde of þe valley oder fendis clekid̛ it with þer sharpe naylis; & þis passid̛ aƚƚ maner of oþer paynys. Neuer-þe-les at þe laste, our Lorde had bene mercyfuƚƚ of After of, our, erased. hym̛ becauce he was deseyvid̛, and his saule was put vnto þe bodie. & sodanlie he rase, & aƚƚ þat was aboute hym̛ fled. And he come done of þe bere and went & made hym̛ a monk in Ceustus ordur, and þer he turment hym̛ selfe with harde penance als lang as he liffid̛.

Cesarius tellis of ij yong men̛ þat was at Tholence, & þer þai studid̛ in nygramancye. So þe tane of þaim happend̛ to faƚƚ seke, bown̛ to dye, and þe toder prayed̛ hym̛ þat with-in xx dayes after his dissese he wold̛ apere vnto hym̛, & latt hym̛ witt how it stude with hym̛. And he grawntid̛, & he mot be suffred þerto, with gude wiƚƚ, and þan̛ he dyed̛. And with-in þe tearm̛ he apperid̛ vnto his felow, and he axkid̛ hym̛ of his estate. And he ansswerd̛ hym̛ agayn̛ & sayd̛; "Wo is me, for I am̛ [dampnyd] Latin, 'Ve mihi, dampnatus sum.' for þe connyng of dialetykk̘ þat I lernyd̛. And þerfor̛," he said̛, "I counceƚƚ þe att þou lefe itt." And he agreid̛ & did̛ aftur his cownceƚƚ, and lefte hitt & made hym̛ a monk in Ceustus ordur, & þer he liffid̛ aƚƚ his lyffe.

Cesarius tellis of one Lodowicus at was þe son̛ of Lowis, Lantgrauius Thuringie MS. latograuii Thiringie. , and he covett greteli to know how it stude with þe saule of his fadur. And he promytt a grete reward̛ vnto hym̛ þat cuthe teƚƚ hym̛ any thyng how it stude with his fadur at was decesid̛, & teƚƚ hym̛ gude tythandis of hym̛. So þer was a knyght at hard̛ teƚƚ here-off, and he had a bruder þat was a nygromansyer, and he tolde hym̛ here-of and bad hym̛ do his labur herein. So he went vnto his crafte & callid̛ vp a devuƚƚ, and garte hym̛ bere hym̛ vnto heƚƚ. & þer he saw many vgsom̛ turment and many dyvers kyndes of paynys. And þer he saw a fend̛ sytt apon̛ þe coueryng of þe pitt, and when̛ þe coueryng was takyn̛ of þe pytt, onone a trumpe aƚƚ of fyre come oute of þe pytt, and made sucℏ a noyce at þe clerk̘ went at aƚƚ þis werld̛ had bene at an end̛ MS. a nend̛. . And þan̛ he saw ascende oute of þe pytt flawmes of fyre aƚƚ like burnston̛. And emang þaim he saw com̛ vp̛ þis Lowis Latograuius, & he put furtℏ his hand̛ vnto þe clerk & sayd̛; "I am̛ her, þis wriched̛ Lowys, som̛ tyme lorde of þe cete. And now þou seis wele myne astate. Bod & my childer wolde restore agayn̛ suche possessions, whilk when̛ I liffid̛ I tuke fro suche kurkis, þai myght do me grete remedie, and þat þou saƚƚ teƚƚ þaim be suche takens." And þis done, he went into þe pitt agayn̛. And þe clerk was broght agayn̛ whik, neuer-þe-les he was pale & passand̛ seke, and he teld̛ þe fadurs sayingis & þe tokyns vn-to his childer. And þai tuke it to no fors, nor wolde nott restore þe possessions agayn̛. & so it is to suppose þer fadur saule abydis þurgℏ þer necligens in perpetuaƚƚ dampnacion̛.

Seculi philosophi. Infra de silencio.Secretum debet celari. Supra de celacione.Senex assuetus malis vix illa dimittit. Supra de Andrea.

Saynt Gregur tellis how som tyme þer was a bisshop̛ þat grawntid̛ a place of beriaƚƚ in þe kurk̘ vnto a riche man̛ þat hight Valerius Patricius, þat was a synner of his bodie. And vppon̛ þe same nyght Saynt Faustyn̛, in whase kurk̘ þis was done, apperid̛ vnto þe keper of þe After þe, keper, erased. kurk & said̛ vnto hym̛; "Go & say vnto þe bisshop̛ þat he caste oute yone stynkand̛ flessℏ oute of my kurk̘, or els he saƚƚ dye with-in xxxti dayes." And he had grete drede þeroff for to do itt, & wolde not do it. Vppon̛ þe xxxti day he went to bed̛ in wharte & heaƚƚ, & on̛ þe morn̛ he was fon̛ dead̛ in his bed sodanlie. Also Valentinus þat wont in Melayn̛, when̛ he was berid̛ in þe kurk of Saynt Sixtus, aboute mydnyght in þe same kurk was hard̛ voyces and cryes, as þer had bene men̛ MS. a men̛. at had bene drawn̛ oute þer agayn̛ þer wyƚƚ; vnto þe whilk voycis þe kepers of þe kurk̘ ran̛, and saw ij vglie Latin, duos deterrimos specie. þat band̛ þis Valentyne fete, and with a grete noyce þai drew hym̛ oute. And on̛ þe morn̛ þai soght for hym̛ & þai fand̛ his bodie with-oute þe kurk̘, casten̛ in a fowle dyke, and his fete bathe bon̛ samen as þai saw hym̛ drawen̛ oute of his grafe.

Sepeliuntur aliqui a Christo. Supra de Martha et Martino.Sepultura in ecclesiam̛ non impedit quin ibidem sepulti puniantur. Supra de locutione Reference from Latin MSS. , iij.Sepeliri debet in sterquilinio religiosus proprietarius. Supra de proprietario, ij.

Saynt Gregur tellis how som̛ tyme þer was ane yƚƚ man̛ berid̛ in Saynt Laurence kurk at Rome. And þer was hard̛ voyces command̛oute of his grafe, sayand̛; " Ardeo! ardeo! I burn̛! I burn̛!" And his wyfe, when̛ sho hard̛ teƚƚ of þis, garte oppyn̛ his grafe & lukid̛ what was þerin; & þai fand̛ þe clothis at he was wappid̛ in, bod his body was clene away.

We rede of ane archbysshop̛ Arund. MS. archiepiscopus Bisuntinus. þat hight Bysmytinus, at was a maister of dyvynitie, and he tellis how on̛ a tyme when̛ þer was ane vsurar berid̛ in þe cloystur of ane abbay, he went oute of his grafe on̛ þe nyght & cryed & mayd̛ grete noyce, & threw of þe thakk of þer dortur, & fure fule with þe monkis & flayed̛ þaim & did̛ mekuƚƚ skathe. & on̛ þe morn̛ his bodie was fon̛ with-oute þe cetie, and it was broght agayn̛ & putt into þe grafe. Neuer-þe-les he did̛ oft sithis as he did befor̛. So at þe laste, a holie man̛ coniurid̛ hym̛, & bad hym̛ teƚƚ hym̛ why why, omitted and added above the line. þat he wulde not suffre hym̛ nor þe monkis to hafe no reste. And he ansswerd̛ agayn̛ & sayd̛; "It is of me in despayr, ffor as with myne vsuris I grevud̛ God bothe day & nyght, right so I may hafe no reste nowder day nor nyght. Bod ye may be in gude reste and ye wold̛ bere my bodie oute of your closter." And so þai did̛, and þai war nevur after grevid̛ nor hard̛ mar̛ of hym̛.

Iacobus de Vetriaco tellis how som tyme þer was ane vsurar þat wolde neuer restore his vsurie agayn̛, þuff aƚƚ he war oft movid̛ þerto. So hym̛ happend̛ to faƚƚ seke & bown̛ to dye, and callid̛ þe preste & askid̛ his sacramentis; and þe preste said̛ he wulde gyff hym̛ no sacrament bod if he restorid̛ agayn̛ his vsurie, and he wulde nott. So þe preste went away from̛ hym̛ and his sekenes incresid̛ on hym̛, and he was bown̛ to dy. & þe preste come, and þai at warr aboute prayed̛ hym̛ to commend his sawle vnto almyghtie God, and he a[n]sswe[r]d agayn̛ & sayd̛, evyn̛ when̛ he was in passyng; "I commend his saule vnto aƚƚ þe devuls in heƚƚ." And when̛ he was dead̛, his frendis prayed̛ þe preste at he mot be berid̛ in som̛ noke or som̛ entre of þe kurk̘-gartℏ, becauce of þe honestie; and þe preste denyed̛ þaim & wolde nott. And þis preste had ane ass þat did nothyng on dayes bod caryd̛ bukis & vestementis fro þe prestis howse into the kurk, and fro thens home agayn̛. And sho cuthe go no noder way bod vnto þe kurk & fro þe kurk̘. So þis mans frendis prayed̛ þe preste at his bodie mot be layd̛ vppon̛ þe ass, and to what place som̛-evur at þe ass bare hym̛, at þer he sulde be berid; and þe preste grawntid̛. & þai made a fuƚƚ bargan̛, trowyng at þe ass wold̛ owder bere hym̛ vnto þe kurk̘ or els vnto þe prestis chawmer, becauce sho cuthe none oder way. And wen̛ his bodye was layd̛ vppon̛ þis ass, sho nowder declynyd vnto þe right hande nor þe lefte hand, bod bare hym̛ evyn̛ st[r]eght vnto þe galows, & evyn̛ vndernethe þe galows sho shuke hym̛ down̛. And þer he was berid̛ in sepultura patrum suorum.

Sequela. Sequi plures non semper expedit. Supra de societate, iij.Sermo. Sermonem audire impedit demon. Supra de auditu.Sermoni possunt adaptari multa que dicuntur supra de doctore, locucione, predicatore, et infra de verbo.

Petrus Alphonsis MS. Petrus Alphensis. on a tyme as he went be a wud-syde tellis how þat he fand̛ a serpent slayn̛ with hurdmen̛, & bon̛ vnto a stokk; and he lowsid̛ hur becauce sho was som-what on lyfe, & layd̛ hur þer sho mot fele warmenes of þe son̛. And so when̛ sho was a lityƚƚ warmyd̛, sho crope aboute hym̛, and at þe laste sho tanged̛ hym̛ hugelie. And þan̛ he said̛ vnto hur; "What dois þou? þou dose me iƚƚ for gude, and whi duse þou so?" And þe serpent ansswerd̛ hym̛ agayn̛ & said̛; "I do not bod my kynd̛." And with þat sho clappid̛ hur faste aboute his legg. And he wold̛ hafe had̛ hur of & sho wold̛ nott. And so, be þer bother assent, þai callid̛ vnto þaim a fox to gyff a iugemend̛ wheder sho sulde lowse of his legg or nay. And þey told̛ hym̛ aƚƚ þe matir how it happend̛. Than̛ þe fox sayd̛; "In þis cauce I can̛ gyff no dome be heryng, bod if I se at myne ee how it was with you bothe at your furste metyng." So þis serpend̛ lowsid̛, & onone sho was bon̛ vnto þe stokk agayn̛ as he fand̛ hur. And þan̛ þe fox gaff his iugement & sayd̛; "O þou serpent! & þou may now esskape, go þi wayes! And þou man̛!" he sayd̛, "I cownceƚƚ þe not labur no mor̛ to lowse hur."

We rede in 'Libro de Dono Timoris' how som tyme þer was a kyng þat had a baillay, & he servid̛ hym̛ alway trewlie. So on̛ a tyme hym̛ happend̛ faƚƚ seke, and þe kyng come & visit hym̛ & offerd̛ hym̛ þat what þing at he wold̛ aske, he sulde hafe it. And he ansswerd̛ agayn̛ & sayd̛; "I wulde beseke you at ye wulde delyver me of þis sekenes, for I am̛ gretlie turment þer-with." And þe kyng ansswerd̛ hym̛ agayn̛ & sayd̛ þat he wold̛ do it with gude wiƚƚ and he myght, bod he sayd̛ þat he myght nott. Than̛ þe seke man̛ ansswerd̛ agayn̛ & sayd̛; "Sen̛ ye may not delyver me of my sekenes, here I promytt to Hym̛ þat may delyver me, þat & He wiƚƚ delyver me þerof, ffrom hens furtℏ I shaƚƚ seryff Hym̛ alone, & nevur no man̛." And onone he coverd̛ & tuke hym̛ to þe serves of almyghti God, & wold̛ nevur seruff man̛ after.

Seruilis timor inicium est boni. Infra de timore et voto.Seueritas. Seuerus iudex. Supra de iudice, iij.

We rede how Iulianus Apostata in dispite of cristen̛ men̛ garte þe Iewis repayre and̛ belde agayn̛ ane olde temple, & gaff þaim grete gudis to þe bigyng þer-of. And when̛ þai had bygyd̛ vp̛ a grete dele þeroff with lyme and stone, sodanly þer come a grete wynd̛ & blew aƚƚ down̛, and efter þat þer come ane erde-quake & shuke down̛ þe reuersyon̛, & þan̛ þer come a fyre evyn̛ oute of þe grond̛, & not alonelie burnyd̛ itt, bod also aƚƚ þaim þat come nere it. And þan̛, wit-in a day or ij after, þer apperid̛ in þe ayre a syngne of þe cros. And sodanlie aƚƚ þe Iewis clothis wer fyllid̛ with blak crossis.

Signa plura et diuersorum signorum narraciones inuenies in libello de mirabilibus rebus et eventibus, quem deo auxiliante intendo compilare.Signum crucis. Supra de cruce.

We rede in 'Vitis Patrum' how abbot Agothen̛ bare in his mouthe iij yere a stone vn[to] he was lernyd̛ to be styƚƚ and sylent. Also þer was a noder bruder þat when̛ he entred into religion̛ sayd̛ vnto hym̛ selfe; "Thow & ane ass be bothe as one; ffor as ane as is betin & wyƚƚ not speke, and suffers wrang and ansswers not, right so saƚƚ þou bee; ffor & þou war putt fro þe burde, þou sulde not ansswer."

We rede in þe 'Life of Secundus Philosophus,' how þat on̛ a tyme when̛ he was a child̛ and went vnto þe skule, and hard̛ teƚƚ þat evur-ilk womman̛ was incontynent, when̛ he was perfite in philosophye he went home in-to his awn̛ contre like as he had bene a pylgrem̛, with a skrypp̛ & a staff. And his hare of his head̛ & his berd̛ war growen̛ long. So he was hostid̛ in his moder hows, and nowder sho nor none of þe howshold̛ kend̛ hym̛. And he thoght he wolde prufe if it wer trew þat was sayd̛ of wommen̛, and he hight one of þe maydens x nobles to make hym̛ to lye be his moder. And sho grawntyd̛ vnto hym̛ & his moder bothe. So at evyn̛ he was broght in, and þai went to bed samen. And sho trowid̛ he sulde [hafe] MS. he. had at do with hur, and when̛ þai war in bed̛ he halsid̛ hur in his armys as a chylde sulde do þe moder, & lay styƚƚ & his breste vnto hurs aƚƚ þe nyght & slepid̛. And when̛ it was morn̛ he rase, and his moder sayd̛ vnto hym̛; "Wharto haste þou þus attempid̛ me?" And he ansswerd̛ agayn̛ & sayde; "Nay, moder! It is not wurthi to me to fyle þat vesseƚƚ at I come oute off, ffor I am̛ Secundus, þi son̛." And when̛ sho hard̛ þis, sho was so confusid̛ at sho mot not suffre it, bod feƚƚ in a deade swownyng & spak neuer wurd̛ after. So þis Secundus, when̛ he saw sho was dead̛, he vnderstude þat his wurdis was cauce þeroff, and he kepid̛ sylens & wolde not speke. So on̛ a tyme after-ward̛, hym̛ happend̛ sodanlie to mete þe emperour and he hailsid̛ hym̛, & he wold̛ not speke agayn̛. So þe emperour commawndid̛ becauce he wold̛ not speke, at his hede sulde be smyten̛ of, and delyuerd̛ hym̛ vnto a man̛-wheller, and commandid̛ hym̛ to labur hym̛ be þe way to luke if he cuthe gar hym̛ speke. And if he spak, he bad hym̛ smyte of his head̛, & if he wolde not speke, he bad̛ hym̛ latt hym̛ goo. And þis man̛-wheller said̛ vnto hym̛ as he went; "O, þou Secundus! Whi wiƚƚ þou dye? Speke, and þou mon̛ liff." So he sett noght be his lyfe, bod bade vppon̛ his dead̛ and layd̛ hym̛ down̛ & putt furtℏ his nekk̘, redie to be hedid̛. And þis done, þe manwheller broght hym̛ agayn̛ vnto þe emperour, and tolde hym̛ how þat, vnto dye þerfor̛, he wold̛ nevur speke wurd̛.

Silencium quandoque venditur. Supra de aduocatis.

Saynt Ierom̛ tellis & says; "I saw Saynt Theon̛ sparrid̛ in a ceƚƚ, solitarie, as it was sayd̛, xxxti yere, and evur he kepid̛ sylens." And of hym̛ writis Socrates & says; "Theonas, þe fadur of iij mƚ monkys, at was moste connyng in lettres of grew & latyn̛, xxxti yeris spak̘ nevur wurde, savyng in his prayers."

We rede of Zenocrates þe philosophur, how on̛ a tyme as he satt talkand̛ with oder folk, sodanlie he held̛ his tong & wold̛ not ansswer þaim. And when̛ þai axkid̛ hym̛ whi he wolde not speke MS. spele. , he ansswerd̛ agayn̛ & sayd̛; "Som tyme me hase forthoght þat I spak̘, bod neuer þat I held̛ my tong."

Also we rede in 'Vitis Patrum' how þat one alde monk̘ kepid̛ a passand̛ strayte sylence. And on̛ a tyme when̛ þer come vnto hym̛ a man̛ of grete auctoritie, þe brethir prayed̛ hym̛ at he sulde putt vnto hym̛ som gude thyng for edificacion̛ of his sawle. [& he ansswerd again & said] The Latin version has the usual preface: qui ait. , "And̛ he be not amendid̛ be my silence, he may not be amendid̛ be my wurd̛."

Also Guillelmus tellis how som tyme þer was ane erle in Normondie þat was passand̛ deuote vnto almiȝtty God̛. And he vsid̛ oft sithis to vissit a kurk̘ of monkis. So on̛ a tyme he come tymelie on̛ a nyght in a meke habett, and I can̛ not say be whatt crafte, bod he gatt into þe kurk̘. And þe sacristan̛, trowyng at he had bene a thefe, bett hym̛ & putt hym̛ oute of þe kurk̘. And in þe mornyng, þe erle come into þe chapitur howse emang þe monkis, & commendid̛ þis sacristan̛ becauce he was so diligent in his offes, & at he sparid̛ hym̛ not when̛ he come at inordinatt tyme. And fro thens furtℏ þis erle was so diligent in his offes & his prayers, at þer myght none grevans lett his silens.

We rede in his Legent how Constantyne þe emperour was made lepre, and þurgℏ cownceƚƚ of a bisshop̛ Latin, de consilio pontificis. þer was iij Mƚ childer broght vnto Rome to be slayn̛, at he mot be bathed̛ in þer warm̛ blude & so be made hale. And when̛ he saw þe moders of þies childer, shewand̛ hym̛ þer brestis & pulland of þer hare, & wepand̛ befor̛ hym̛, he made sorow & sayd̛; "How sulde I vse þis wykkid̛ batℏ? It is bettur to me to dye for þe heale of þies innocentis, þan̛ for to requovir my life for þer deade." And with þat he commandid̛ þe childer agayn̛ to be delyverd̛ vnto þer moders, and giff þaim grete giftis also. And vppon̛ þat same nyght, Saynt Petur apperid̛ vnto hym̛ and Saynt Paule, & sayd vnto hym̛; "Becauce þou vggid̛ to sla so mycℏ innocent blude, our̛ Lord̛ lesu Cryste sent vs to giff þe cownceƚƚ how þou sal be helid̛. Thow saƚƚ caƚƚ Siluester þe bisshop̛ Latin, episcopus. vnto the, & here hym̛, and þou saƚƚ be curid̛." And he garte caƚƚ hym̛, & tolde hym̛ aƚƚ hys vision̛. And so Siluester told̛ hym̛ at þase goddis at he wurshuppid̛ was no goddis, bod þe servandis of goddis, as þe son̛ & þe mone, et cetera. And he shewid̛ hym̛ þer ymagis, at he mott verelie know what þai wer. And þus he was enformyd̛ in þe faytℏ and̛ cristend̛. And when̛ he come oute of þe watir of baptym̛, he was clene of his lepre. And a grete shynyng was our hym̛, to so mekuƚƚ as he said̛ he saw almighti God̛; & þan̛ he gaff mekuƚƚ privalege vnto þe kurk̘.

We rede in 'Libro de Dono Timoris,' how þe propurtie of þe ape is to hafe ij whelpis; & when̛ þe hunter commys & pursewis hur, sho takis þat at sho luffis bettur in hur armys, & þe toder lepis vp on̛ hur bakk̘. And when̛ þe hunter sewis hur sore, sho levis þat at is in hur armys & lattis it faƚƚ, & þe toder clevis stiƚƚ by hur.

Saynt Leo þe pope tellis how on̛ a tyme as Symon̛ stude befor̛ Nero, his shap̛ turnyd sodanlie, & now he semyd̛ one olde man̛ & now a yong man̛. And herefor Nero trowid̛ þat he had bene þe son̛ of God̛. So on̛ a tyme þis Symon̛ sayd̛ vnto Nero; "Becauce at þou shaƚƚ verelie know at I am̛ Goddis son, command̛ my head̛ to be smytyn̛ of, & on̛ þe iij day I saƚƚ rice fro deade vnto life." And so it was. & when̛ þe turmetur trowid̛ þat he had smytyn̛ of his head̛, he strake of the head of a weddur, & hid̛ it & held̛ hym̛ away iij dayes at he was not sene. And þe weddur blude lay styƚƚ in a cake. And on̛ þe iij day he present hym̛ vnto Nero, & bad hym̛ gar gedur vp his blude, for he þat was hedid̛ was ressyn̛ fro dead̛ vnto lyfe agayn̛ as he made his promys. And when̛ Nero saw hym̛ he had grete mervayle, and trowid̛ at he had bene þe verray son̛ of God̛. So afterward̛ on̛ a tyme when̛ he was with Nero in a chawmer, a fend̛ in his lyknes spakk with-oute vnto þe peple. Bod when̛ Saynt Petur come, he vndid̛ aƚƚ his crafte; and when̛ he was fleand̛ in þe ayr, þurgℏ his prayer he made hym̛ to faƚƚ, & brak̘ evure bone MS. evur ebone. of hym̛.

Cesarius tellis how on̛ a tyme when̛ þai sulde chese a new abbott at þe abbay of Saynt Denys in Fraunce, þe priour of þe same monasterie come vnto þe kyng of France, & gaff hym̛ l libras, & prayed hym̛ to vuchesafe favur his partie. And þe kyng wold̛ beheste hym̛ no thyng, bod tuke þe money & made hym̛ in a hope, & betuke þis money vnto his chamberlayn̛. So þe selerer of þe place wyste not of þis, nor þe thresurar nowder, and ather of þaim come vnto þe kyng & broght hym̛ a grete som̛ of gold̛ & prayed̛ hym̛ favur þaim. & he tuke þe mony evure dele MS. evur edele. . And when̛ þe day come at þe abbott sulde be chosyn̛ on̛, and þe kyng satt in þe chapytur-hows, and þies iij abade of þe kynges reward̛, þe kyng was war of a gude innocent monke, syttand̛ in þe hyrn̛ of þe chapitre. And he callid̛ hym̛ vnto hym̛ and made hym̛ abbott. And he excusid̛ hym̛ faste & wolde nott hafe bene, and alegid̛ many thyngis. And emang oþer þingis he alegid̛ at þe abbay was gretelie endettid̛, & he was bod a pure man̛. And with þat þe kyng smylid̛, and ansswerd̛ hym̛ & sayd̛; "I saƚƚ giff þe onone M ƚ pond̛, and if þou myster I saƚƚ len̛ þe als muche, and helpe þe & forther þe in þat I can̛. And þerfor̛ take it on hand̛ boldlie." And so he did̛, and þe kyng gaff hym̛ þis gude at þai had broght hym̛. And þus þies symonyers war confusid̛, & belife þe abbay was wele rewlid̛ and clere oute of dett.

Cesarius tellis how on̛ a tyme a holie ancres sayd̛ vnto ane abbott of Ceustus ordur, when̛ he spirrid̛ hur whedur it was expedient vnto hym̛ to be abbott or nay, and sho said nay, it was not expedient unto hym̛ to abyde abbott, ffor he entrid̛ þerinto be symonye. And he ansswerd hur agayn̛ & sayd̛; "What says þou? Says þou at I have done symonye?" And sho ansswerd̛ hym̛ agayn̛ & sayd̛; "When̛ þe day of your eleccion̛ come, þou, desyrand̛ þe abbotshup̛, went not symeplie as þou was wunte to do, bod þou said̛ vnto þe symeple monkis on̛ þis maner of wyse; 'It is not our̛ wurshup̛ to chese our abbott with-oute our abbay,' becauce þou knew þer was none in þe abbay abyƚƚ to be abbot bod þou. And þus þou begylid̛ þaim & was made abbott." And when̛ he hard̛ þis, he grawntid̛ it & cuthe nott agayn̛-say it. & þan̛ he gaff vp̛ his abbotshup̛ & become a closter monke.

Cesarius tellis how som tyme þer was a noble castellan̛, and he vsid̛ oft sithes to take cateƚƚ & shepe of a certayn̛ abbay of Ceustus ordur þat was nere-hand̛ hym̛. And when̛ þe abbott & dyvers of þe monkis prayed̛ hym̛ to lefe, he wolde nott. So on̛ a day he drafe away a grete drafe of þer cateƚƚ, and þe abbott sent vnto hym̛ a monke þat was bod̛ a symple man̛, and commaundid̛ hym̛ þat what at evur he mot gett agayn̛ of þis cateƚƚ, he sulde with-owten̛ delay resayfe it. So aboute mete-tyme, þis monke come vnto þe casteƚƚ, and did̛ his message. & þe knyght ansswerd̛ hym̛ & sayd̛; "Sur, ye saƚƚ furste dyne, & þan̛ I saƚƚ gyff you ane ansswer." And as þe monke sat at meate emang oþer men̛, he was servid̛ with flessℏ as oþer was, and þat largelie. So he vmthoght hym̛ of þe cateƚƚ of þer abbay, and he ete of þis flessℏ a grete repaste; and þe knyght & his wyfe behelde hym̛ grathelie. And when̛ þai had dynyd̛, þis knyght callid̛ þe monke osyde, & axkid̛ hym̛ whi he ete flessℏ when̛ it was rewle of his ordur þat monkis sulde [not] ete flessℏ? And þe monke fuƚƚ mekelie ansswerd hym̛ agayn̛ & said̛; "Sur, myne obedyence cawsid̛ me to eat flessℏ, ffor myne abbot commaundid̛ me þat of our cateƚƚ at was tane away fro vs, I sulde resayfe agayn̛ what at I mot gett. And I knew wele at þe flessℏ at was sett befor̛ me was of our cateƚƚ, and I trow þat I mon̛ nevur requover mare. And þerfor̛ in etyng, I resayvid̛ als mekuƚƚ as I myght." And when̛ þe knyght hard̛ þis, he was somwhat compuncte with þe monkis meke ansswer, and he callid̛ his men̛ & commaundid̛ at þe monke sulde be restorid̛ of als many cateƚƚ agayn̛ as evur he had tane fro þaim. And also he beheste at fro thens furtℏ he sulde not noy þaim, bott rather restore þaim. And þe cateƚƚ was delyverd̛ vnto þe monk̘, and he went home with þaim̛ & with his mesage to-gedur, and tellid̛ þe abbott & þe covent aƚƚ how he had done. And þai had grete merveƚƚ here-off, & thankid̛ God & was fuƚƚ fayn̛.

Cesarius tellis how þat som tyme in Colan̛ þer was a chanon̛ at was so symple & so vnconnyng þat he cuthe nott teƚƚ no maner of nowmer, nor teƚƚ whilk was od̛ whilk was evyn̛ Harl. MS. vt nichil numerare sciret nisi in quantum res essent pares. , bod at he wald̛ aƚƚ way cownt ij thynges to-gedur. So on̛ a tyme hym̛ happend̛ be made chanon̛ of þe kechyng, and he had þer many bakon-flikkis in þe balkis. So on̛ a tyme hym̛ happend̛ to teƚƚ þaim, and he cuthe no noderways teƚƚ, & he cuthe say none oder bod þus; "Lo, þer a baken̛-flykk̘ & his felagℏ, and þer a noder bakon̛-flikk & his felow MS. flelow. ." And so of aƚƚ þe toder. So on̛ a tyme one of hys meneya with-drew one of þies bakon̛-flykkis. So on̛ [a] tyme afterward̛, þis chanon̛ come into þe kechyn̛ agayn̛, and tellid̛ þies bakon̛-flykkis & fand̛ at þai war od, & ane wantid̛. And he sayd vnto his menya þer-of, and þai prayed hym̛ be in pease & go vnto his chawmer and þai sulde fynd̛ it wele agayn̛ or þat he come; and so he did̛. And whils he was away, his meneya withdrew a noder bakon̛-flykk̘, and so þer was evyn̛ behynd̛ as þer was befor̛. And þan̛ þai callid̛ þer maister & bad hym̛ go luke if he had aƚƚ his bakon̛-flikkis, and he come & teld̛ þaim agayn̛ as he was wunte to doo, & fand þai wer evyn̛. And so he trowed̛ at he had getten̛ his flykkis agayn̛, & in a grete myrthe he sayde vnto his meneya; "O, ye felows! I mot hafe haldyn̛ my tong & loste my bakyn̛-flyk̘." And when̛ his servandis wolde eatt any gude meate, þai wolde threpe vppon̛ hym̛ at he was seke; and he wulde aske þaim whareby þai wyste, & þai wold̛ say, "Yis, Sur, for your haris er passand̛ bolnyd̛." & þan̛ he wold̛ trow he was seke, & lay hym̛ down̛ on̛ his bedd̛. And þan̛ þai wold̛ ordand̛ gude metis and gyff hym̛ owder little or noght þeroff, & eate vp̛ þe toder þer selfe.

Simplicitatem deus remunerat. Supra de contricione. Simplicitas aliquando ad virtutem pertinet. Supra de obediencia, xj.Simulacio. Simulare stultum tempore et loco aliquando expedit. Supra de fatuitate.Singularitas in obseruancijs est aliquando occasio vane glorie. Supra de abstinencia, ija.

Solinus tellis how þer er som̛ þat er so grete of bonys þat þai neuer nowder er thrusti nor swetis; and he sais he can̛ consayve þat be many resons.

Sobrietas. Sobrius debet esse iudex. Supra de abstinencia, vij.

Petrus Alphonsus MS. Alphunsus. tellis how on̛ a tyme ij clerkis went samen befor̛ a place þer þar̛ was many drynkers, and þai callid̛ þaim in. And þe tone of þaim went into þaim, & þe toder wold̛ nott bod went on̛ hys wais; and it was fer with-in nyght. So þe wachis of þe town̛ fande aƚƚ þies drynkers syttand samen, & þe clerk with þaim, & becauce a man̛ of þe town̛ was robbid̛ þat nyght, þai tuke þaim aƚƚ & þe clerk with þaim, & hanged̛ þaim. And þe clerke at bade with þaim, or he was hanged̛, sayd̛ on̛ þis maner of wyse; " Quisquis inique gentis consorcio fruitur, procul dubio mortis immerite penas lucratur. What som̛ evur he be at vsis iƚƚ company, na dowte of he saƚƚ hafe ane iƚƚ dead̛."

We rede in 'Libro de Dono Timoris' how on̛ a tyme ij brethur went samen be þe way, and þe ton[e] was wyse & þe toder bod a fule. So þai come vnto a gate-shatyƚƚ þer þer was ij wa[yis], þat one a fayr way, & þat oþer a fowle way, and þe fule wolde not go be þe fayre way Harl. MS. Voluit fatuus per viam delectabilem ire, sapiens autem dixit, "Et si illa via sit delectabilis, tamen ducit ad malum, alia, vero, licet sit aspera, tamen ad bonum hospitium ducit." . And þe wise sayd̛ vnto hym̛; "þis way is bothe fayr & gude, & wuld̛ lede vs to a gude herbarie." And þe toder sayd̛; "Nay, þis way, þuff aƚƚ it be fowle & sharpe, yit it w[ill] lede vs vnto a gude herberie; and þerfor̛ I cownceƚƚ þe latt vs go here-bye." So þis fule wolde not trow bod̛ þat at he saw, & wold̛ algatis go þe fayr way, and þe wise wold̛ not lefe hym̛ bod felud̛ hym̛, þuf aƚƚ it wer agayns his wiƚƚ. So as þai w[ent] samen, thevis mett with þaim, and þai garte put þaim in prison̛. And afterward̛ þe kyng garte bryng befor̛ hym̛ aƚƚ þat wer in prison̛. So þies ij war broght befor þe kyng and feƚƚ at stryfe befor̛ hym̛, ffor þe wyse made playnt of þe fule, how þat he wolde not truste on̛ hym̛ of þe way, and þe fule complenyd̛ of þe wyse becauce he folowid̛ hym̛ & wiste he was bod a fule. And þan̛ þe kyng gaf a sentence & bat at þai bothe sulde be hanged̛, þe fule becauce he wold̛ not trow þe wyse, & þe wise becauce he folowd̛ þe fule.

Socij aliquando mutuo se decipiunt. Supra de decepcione, iiij.Socius socium aliquando ad negandum deum inducit. Supra de negacione.

We rede in 'Legenda Longabordica' of one Richard̛, þat was kyng of Freseland̛, when̛ he sulde be crystend̛ in þe yere of our̛ Lorde ccc, & he had putt þe tone fute in to þe funte MS. has another and here. , he helde þe toder oute, & sayd̛; "Whar̛ er aƚƚ þe noble men̛ of my kyn̛? In heƚƚ or in Paradice?" And one tellid̛ hym̛ at þai wer in heƚƚ. And when̛ he hard̛ þat, he drew oute his fute of þe funt agayn̛ & sayd̛; " Sanctius est plures quam pauciores sequi. It is more halie to folow many þan̛ few." And þus he was deseyvid̛ be a fend̛ þat promysid̛ hym̛ to gyff hym̛ þat day thrid day ane vnnumerable porcion̛ of gude. And on̛ þe thrid day he dyed sodanlie, & was perpetuallie dampnyd̛ for evur.

We rede in 'Vitis Patrum' how on a tyme a solitarie went into wyldernes, & he was cled̛ aƚƚ in a lyn̛ sakk̘ alone. And when̛ he had walkid̛ þerin iij dayes, he stude vp̛ apon̛ a grete stone, and he was war vndernethe it of a man̛ fedand̛ hym̛ of grene herbis as it had bene a beste. And he went down̛ privalie & gatt hym̛ & held̛ hym̛, and þis olde man̛ was nakid̛ & myght not suffre þe odur of a man̛, and gatt fro hym̛ & ran̛ away als faste as he myght. And þe toder ran after hym̛ & cryed̛; "Abyde, & lat me speke with þe!" So he abade & spak with hym̛ MS. repeats, and he abayde. , and when̛ þai come nere samen, þe olde man̛ bade & askid̛ hym̛ whatt he wolde. And he sayd̛; "Fadur, I pray þe, teƚƚ me a wurd̛ at I may be savid̛ bye!" And he ansswerd̛ hym̛ agayn̛ & sayd̛; "Fle mans felowschupp̛ & be stiƚƚ, & þou saƚƚ be safe."

Solitudo quietem anime et consciencie facit. Supra de quiete, i.

We rede in 'Vitis Patrum' of one Arsenius, þat was of moste valow in þe emperours palas, and he besoght God in his prayers to drys hym̛ into þe way of hele. And a voyce come to hym̛ & sayd̛; "Fle mans felowshup̛ & þou saƚƚ be safe." And so he did̛. et c̛.

We rede in 'Vitis Patrum̛' how þer was one þat went into wyldernes, and he besoght God to send̛ hym̛ a place þer he wold̛ at he ristid̛ and abade. And so þer come ane agle, & he folud̛ hur, as sho had bene ane aungeƚƚ, whar̛ þer was a palm̛, & a weƚƚ at þe rute þeroff. And when̛ he had̛ þer many yeris liffid̛ in penance, & had none oder mete bod of þe frute of þe palm̛ & drynk̘ of þe weƚƚ, þe devuƚƚ had̛ envy at hym̛, & he come vnto hym̛ in lyknes of a messanger. And when̛ he had̛ beholden̛ hym̛ grathelie, he sayd̛ vnto hym̛; "Is not þis he þat I hafe soght? Yis, forsuthe it is he." And so he come to hym̛ & sayd̛; "I hafe soght þe many day, & I cuthe not fynd̛ þe. Go we home, for þi fadur is dead̛ & þe heritage is happyd̛ vnto þe; and þer wyƚƚ many folke feght þerfor̛ bod if þou com̛ tytter home, and if þou com̛ þai wuƚƚ sease. And when̛ þou hase it, þou may, and þou wiƚƚ, deale it for Goddis sake." And he grawntid̛ vnto hym̛ & come home vnto his fadur howse, and fand̛ hym̛ on̛ lyfe. And when̛ he saw þat he was confusid in hym̛ selfe, and abade þer in grete trubble and besynes. And at þe laste he dyed & made a wrechid̛ end̛.

Solitarius aliquando in peccatum labitur. Supra de presumpcione, j.Solucio. Solui debet debitum et promissum. Supra de promisso.

We rede in 'Libro de Dono Timoris' how þat a womman̛ þat vsyd sorcerie happend on̛ a tyme to faƚƚ seke and was bown̛ to dye. And hur doghter cownceld̛ hur to be schrevyn̛ & take hur sacramentis, and sho wolde not. So hur neghburs come in & cownceld̛ hur þe same, and sho ansswerd̛ þaim agayn̛ & said̛;

"I mon̛ not dye þus sone." And þai sayd; "Yis, ye er lyke to dye." And sho sayd̛; "Nay! I am̛ certan̛ at I mon̛ liff yit þis v yere." And þai axkid̛ hur how sho knew þat, and sho ansswerd̛ agayn̛ & said̛ þat on̛ þe furste day of Maij þe goke ansswerd̛ hur & sayd̛ v tymys, "Cukkow!" And be þat sho sayd sho wiste wele þat sho sulde liff v yere. And þus onone after in þis belefe, with-owten̛ any sacrament, sho dyed̛. et c̛.

Sortilegium quandoque fit de sacramentis. Supra de sacramento, ij MS. j. .

Cesarius tellis how som tyme þer was in Englond a womman MS. wommand̛. þat vsid̛ sorcerie. And on̛ a day as sho was bown̛ to eatt, sho hard̛ a craw cry beside hur, and sodanlie þe knyfe þat was in hur hande feƚƚ. & hereby sho demyd̛ at hur dead̛ drew nere, & so sho feƚƚ seke, bown̛ to dye. And sho sent after a monk̘ & a non̛ þat was hur childer, and chargid þaim in hur blissyng þat onone as sho war dead̛ þai sulde sew hur in a harte-skyn̛, & þan̛ at þai sulde close hur in a tombe of stone, and at þai sulde feste þe coveryng þeron̛ stronglie bothe with lead & strong yrn̛, & at þai sulde close þis stane & bynde it aboute with iij strang chynys, and þan̛ at þai sulde do mes & pray for hur aboute hur bodye. And if sho lay so sekurlie iij dayes, þan̛ sho chargid̛ þaim to bery hur vpp[on] þe iiij day in þe ertℏ. And so aƚƚ þis was done, and ij furste nyghtis, as clerkis was sayand̛ þer prayers aboute hur, ffendys brak þe yatis of þe kurk̘, & come in vnto hur & brak ij of þe chynys at was at ather end̛; and þe myddyƚƚ chyne abade styƚƚ hale. And vppon̛ þe iij nyght aboute cokkraw, þer come in suche a throng of fendis, at þai at saw it semyd̛ at þe temple turnyd̛ vpsadown̛. So þer come a fend̛ at was maste vgsom̛ of aƚƚ, & hyer þan̛ any of þe toder was, and he come vnto þis tombe and callid̛ hur be hur name & bad hur ryse. And sho ansswerd̛ agayn̛ & sayde sho mot not for þe bondis at was bon̛ aboute þe tombe. And he bad lowse þaim, and onone at his commandment þe chyne braste as it had bene hardis, & þe coueryng of þe tombe flow off. And þer he tuke hur oppynlie befor̛ aƚƚ men̛ & bare hur oute of þe kurk. And þer befor̛ þe yatis þer was ordand̛ a blak hors, & þat ane vglie, & here-vppon̛ was sho sett. & þan̛ onone sho & aƚƚ þis felowshup̛ vanysshid away.

Fulgencius tellis how þat Dyogenes, when̛ he wex olde, he was fellie vexid̛ with þe fevurs. So on̛ a tyme he sett hym̛ down̛ at a tre-rute in þe son̛ to comfurtℏ hym̛, and when̛ he was gretelie turment with þe sekenes, & saw other men̛ go vnto disportis & laykys, he sayd vnto hym̛ selfe; "O! how fonde at men̛ ar now on dayes! Lo! how þai faste ryn̛ to se wonders & men̛ feght, and lukis not after me þat stryvis with so feƚƚ a sekenes as I do."

Guillelmus tellis how som tyme at Rome þer was a yong man̛ þat was new wed̛. So on̛ a tyme as he was playand̛ with his felows, he put furtℏ his hand̛ vnto þe ymage of Venus, þat MS. þas. was made of bras, and delyverd̛ hur his weddyng-ryng to kepe to þe play war done. And when̛ þe play was done he come & axkid̛ his ryng agayn̛, & he fand̛ it on̛ þe ymage fynger & þe fynger cruked̛ into þe luff of hur hand. And he wraystid̛ at hur fynger and he cuthe nott gett of þe ryng nor yit breke hur fynger, so he lete it alone. And on̛ þe nyght after he come thedur with his servand̛, & he fand̛ hur fynger streght & þe ryng takyn̛ away. And he turnyd̛ agayn̛ & fenyd̛ as hym̛ aylid̛ nott, & went to bed with his wife; and as he lay in his bed with his wyfe, he feld̛ a blak myrk thyng welter betwix hym̛ & his wyfe, and he mot fele it wele bod he myght noght se itt. And be þis obstacle he was lett fro halsyng of his wyfe. And he harde a voyce say vnto hym̛; " Mecum concube: hafe at do with me, for þis day þou wed me; ffor I am̛ Venus at þou put þe ryng on̛ þe fynger of, and þat saƚƚ þou neuer hafe agayn̛." And so it was a long tyme, and evur when̛ he wold̛ hafe liggen̛ with his wyfe, he bothe felid̛ þis in his bed̛ & hard̛ þe voyce þeroff. So on̛ a tyme he tuke his lefe at his wife & his howshold̛, & wold̛ walk fer oute of contrey. So hym̛ happynd̛ mete with a nygromansyer þat hight Palumbus, and he tuke counceƚƚ at hym̛. & he wrote hym̛ a lettre and delyverd hym̛ it, and bad hym̛ bere it befor̛ hym̛ in his hand vnto he com̛ att þe nexte gateshatyƚƚ; and so he did̛. And agayn̛ evyn̛ he come to a place þer iiij wayes met samen, & þer he saw com̛ rydand̛ & on̛ fute a grete pepyƚƚ bothe men̛ and wommen̛, som̛ merie and som̛ hevye. And emang oþer he saw a womman̛ gaylie arayed like a common̛ womman̛, and hur clothis war so thyn̛ at he mot se aƚƚ þat evur sho had̛; & at þe laste come þe lord̛ of þis company & lukid angrelie of þis yong man̛ & axkid̛ hym̛ whatt he did þer. And he, as it was taght hym̛, wolde gyff no wurde to ansswer̛, bod put furtℏ his hand with þe letter þerin. And þis fend̛ knew þe seale of þe lettyr & durst not [scorn it] Harl. MS. Demon, notum sigillum non audens contempnere, legit scriptum. , bod tuke it & red it, & onone he sent a meneya vnto Venus & tuke þis ryng fro hur ayayns hur wiƚƚ. And fro thens forward̛ þis yong man̛ come home & þis ryng with hym̛, & neuer he was lettid̛ to lyg with his wyfe nor nevur hard̛ uoyce after.

Sompnus. Infra de vigilia.Status religionis quo ad personas se habent, sicut eximia et excelsa. Supra de religione Arund. MS. sicut existencia et excelsa et alibi. Harl. MS. Supra existencia et excessa et alibi. .Status religionis prefertur statui seculari. Supra de contemptu mundi.Statutum. Statuta superiorum debent teneri. Supra de lege, ij Exemplum Lex i is omitted by theEnglish translator, so the reference should be to Lex, i. .

Saynt Austyn̛ tellis how on̛ a tyme at Cesaria Capadocie þer was a wurthi womman̛ þat had x sonnys. So on a day sho was gretelie vexid̛ ayayns þaim, and gaff þaim aƚƚ hur malyson̛. And onone þe vengeange of God̛ folowid̛ after, for sodanlie þai aƚƚ were streken̛ with a palcie, & þai waxed̛ so pure at þai wavurd̛ aboute here & þer. And evur whar þai went, ilk man̛ beheld̛ þaim and wondred on̛ þaim. And of þies x, ij come vnto Yponeus Latin MS. Yponam venientes. , and þer befor̛ ane altar of Saynt Stephan þai war curid̛.

Stephani corpus coniunctum est corpori Sancti Laurencij. Supra de Laurencio, j.

Agellius. Democritus, philosophus, when̛ he was of a moste happy & riche fortun̛, he went vnto Athenys & lefte aƚƚ to his frendis, for to by wysdom̛. And becauce in his mynd̛ he sulde desire none thyng at he saw, he garte putt oute his een̛ at he mott hafe his inward wittis mor̛ whik. þuff aƚƚ TertullianusMS. Tritullianus. teƚƚ at he garte putte oute his ene becauce he mot not se no womman̛ withouten̛ pereƚƚ of his chastitie, whilk þat is not contrarie to our entent.

Studium circa celestia rapit hominem extra se. Supra Augustini, iij.

Saynt Gregorie tellis & says; "Anthonye þat dwelte with me in a monastarie many yeris, and euerilk day made his prayer to God with gretand teris. So on̛ a tyme when̛ he bethoght hym̛ of halie write, with a grete fervent desyre he soght not in þaim wurdis of connyng, bod of compunccion̛ & of wepyng, þat his mynde be that mot be stirrid̛ to contemplacion̛ & religion̛ of holie lyfe, and not for to thynk of warldlie thyngys."

Stulticia. Stulto socio non est adquiescendum. Supra de societate, ij.Stulticie conueniunt que supra dicuntur de infirmitate.

We rede in 'Legend̛ Lombardica,' som tyme a knyght þat was dead̛ apperid̛ vnto a nodir knyght þat was olife, and sayd vnto hym̛; "Frend̛, deme none iƚƚ of no man̛, and forgyff me if I hafe synnyd̛ oght agayns þe." And when̛ he axked̛ hym̛ of his asstate, he ansswerd̛ agayn̛ & said̛; "I am̛ turment with dyvers paynys, bod I pray þe gar pray for me." So he axkid̛ hym̛ if he wold̛ at suche a preste & suche a preste Harl. MS. an a tali et tali sacerdote, &c. sulde pray for hym̛. He wold̛ not ansswer agayn̛, in maner as he had refusid̛ þaim, and he shuke his head̛. So he axkid̛ hym̛ if he wolde at suche ane hermett prayed̛ for hym̛, and he said̛; "Ya, walde God at he wolde pray for me." And he promysid̛ hym̛ at he sulde make hym̛ so to do. And he tolde hym̛ agayn̛ þat he sulde liff to þat day ij yere & þan̛ he sulde dye; & þus he dispayred away. And þe knyght amendid̛ his lyfe and at þe laste made a gude ende.

Cantor Parisiencis tellis how on̛ a tyme as man̛ went aboute þe kurk-gartℏ sayand alway his De Profundis for aƚƚ cristen̛ sawlis, so on̛ a tyme þis mans enmys sewid̛ after hym̛ into þe same kurkgartℏ, & he fled̛ thedir. And onone aƚƚ þe dead men̛ rase, and ilkone of þaim a spade in his hand̛, and manlelie þai defendid̛ hym̛ and made his enmys so ferde at þai fled ichone.

Suffragium misse spiritualiter mortuis valet. Supra de sacerdote.Suffragium orationis eciam dampnato profuit. Supra de oratione.

Cesarius tellis how som tyme þer was a preste þat prayed speciallie with grete devocion̛ in his mes & his other prayers for a prince of Almany þat was dead̛. And þer apperid̛ vnto hym̛ a certayn̛ saynt & sayd̛; "Whi laburs þou so for a man̛ þat is dampned̛? It profettis hym̛ no thyng, for his saule is in þe depe pitt of heƚƚ." And þe preste ansswerd̛ agayn̛ & sayd̛; "Sur, he hase done me mykyƚƚ gude." And þe saynt bad hym̛ sease & pray no mor̛ for hym̛, for he was deade a yere or he was berid̛, and a wykkid spirit instead of a sawle nurisshid̛ his body.

Suffragia cum elemosina valent. Supra de elemosina, x.Suffragia obligatos pro alijs redemunt. Supra de obligacione.Suffragia penam debitam minuunt. Supra de apostatis.

Commestor tellis how when̛ Alexander turnyd̛ agayn̛ into Babylon̛ & his suster had poysond hym̛, he mot not speke, & herefor he wrate his testament his awn̛ hand̛. And he wold̛ not bewitt hys kyngdom̛ hale vnto no a man̛, þat none of þaim at come after hym̛ sulde be lyke hym̛ in power, bod he made successurs of his kyngdom̛ xij yong men̛ þat had bene in his felowshup̛ fro barn̛ little.

Valerius Publeus Arund. MS. Valerius Publi[c]us, consul romanus, plebem adeo dilexit, &c. tellis how som tyme þer was a cowncelour of Rome, and he luffid̛ the peple so speciallie, vnto so mekuƚƚ at he was callid̛ to surname Plebicola. And he dwelte in þe merket-stede, & becauce his howse was hyer þan̛ neghburs, he garte take þaim downe & make þaim̛ evyn̛ with his neghburs Arundel MS. Idem edes suas in medio foro dirui fecit quia nimis excelse super ceteras apparebat, quantumcumque domi inferior tum gloria superior euasit. .

Seuerus tellis how som̛ tyme þer was a saynt þat had a grete vertue in castyng oute of ffendis, not alonelie when̛ he was present, nor in his awn̛ wurd̛ alone, bod somtyme when̛ he was absent, and somtyme þurgℏ þe hem̛ of his hare, and somtyme be his lettres-sendyng. & he wulde heale many folk þat war seke, and herefor̛ þurgℏ aƚƚ þe wurld̛ þer come vnto hym̛ mekuƚƚ peple. And as it was sayd̛, he abstenyd̛ hym̛ bothe fro meat & drynk. Neuer-þe-les at þe laste he cachid̛ a pride here-of in his harte, to so mekiƚƚ þat his vertue faylid̛ in hym̛, and when̛ he saw þat, he repentid̛ hym̛ & besoght God at he mott be made lyke þaim at he had curyd̛, & at þe fend̛ myght hafe power on̛ hym̛ v monethis. And so it happend̛, & he was bon̛, & he did many wondres at aƚƚ þe contrey spak of hym̛, how he was correcte with a fend̛ and̛ bon̛ in bandys. And in þe v monetℏ he was delyvurd̛, not alonelie of þe fend̛, bod of aƚƚ oþer vanyties þat had behapped hym̛.

Superbia opera de genere bonorum destruit. Supra de peccato. Superbia quandoque insidiatur bonis operibus ut pereant, sed propter hoc non sunt omittenda. Supra Barnardi, j.Superbia non debet esse in corde religiosi. Supra de religione.Superbia in paupere est ei nociua. Supra de paupertate.Superbus fetet coram deo et angelis. Supra de angelo.Superbiam frequenter sequitur humilitas. Supra de gloria, iij.

Cesarius tellis how som tyme þer was a man̛ þat was vexid̛ with a spyritt, and his frendis bad hym̛ vnto a mansyon̛ of Ceustus ordur. And when̛ þe priour Latin MSS. egressus prior cum quodam monacho iuuene quem nouerat uirginem corpore, ait demoni; "Si precepit tibi monachus iste ut exeas, quomodo audibis manere?" come he spak vnto þe fend̛ at was in hym̛, & sayd̛; "Þis monk commandis þe to pas oute of þis man̛, and how dar þou dweƚƚ in hym̛ in þis place?" And þe fende ansswerd & sayd̛; "I am̛ not ferde for hym̛ ffor he is prowde, & þat makis me to hafe power on̛ hym̛."

Superbia eciam MS. in. secularibus displicet. Supra de abbate, x.Superbia frequenter manifestatur in ornamentis exterioribus. Supra de angelo et de ornatu per totum et de prodigalitate.

Saynt Ierom tellis þat it is wreten̛ in þe bukis of Ypocratis how þer was a man̛ þat þoght his wyfe sulde be punysshid̛, & suspecte hur becauce sho bare a fayr barn̛ at was not like nowder þe fadur nor þe modir. So þai bathe agreid̛ at a leche sulde essone þe question̛. And a leche come, & he sayd̛ Latin MSS. Ne forte talis pictura esset in cubiculo. Qua inuenta, mulier a suspicione liberata. it was like þe clothe at was on̛ the bed when̛ it was getten̛, & þus þe womman̛ was delyverd̛ from̛ hur suspecion̛.

Suspicione mouentur defacili viri ad vxores. Supra de pulcritudine.Suspicio tollitur vel confirmatur per probacionem. Supra de Paulo Reference supplied from the Latin MSS. .

Saynt Gregur tellis how som tyme þer was a preste, & þer was giffen̛ hym̛ a kurk and he governyd̛ it with mekuƚƚ drede, whilk Latin MSS. qui ex tempore ordinis suscepti presbiteram suam ut sororem diligens, sed ut pestem fugiens, &c. þat fro he had furste tane ordurs he luffid̛ passynglie presbiteram suam, for in that contre evur-ilk a preste hath a wyfe, bod he fled hur as he wold̛ hafe done pestelens, and wulde not suffre hur com̛ nere hym̛. And when̛ he had bene xlti yere preste, a grete ffevurs tuke hym̛ so þat he was bown̛ to dye & tuke a passion̛ of dead̛. And when̛ his wyfe saw that, sho made grete sorow & went he had dyed. And sho lenyd̛ down̛ hur mowthe vnto his at luke if any brethe war in hym̛, and when̛ he felid̛ hur he spak vnto hur & sayd; "Go away fro me, womman̛, ffor yit þer is a sparke of lyfe in me, & þerfor remefe away þe caff at it burn̛ not!"

Tactus mulieris movet carnem viri. Supra Leonis pape.Taxillus. Taxillorum ludus displicet deo. Supra de ludo.Taxillorum ludus est aliquando causa blasfemandi deum. Supra de blasfemia.

Cesarius [tellis] how þat in Essex Latin MSS. In Saxonia. , in a monasterye of nonnys, þer was a litle damyseƚƚ, and on̛ a grete solempne nyght hur maistres lete hur com̛ with hur to matyns. So þe damyseƚƚ was bod a wayke thyng, and hur maistres was ferd̛ at sho sulde take colde, and sho commaundid̛ hur befor̛ Te Deum to go vnto þe dortur to hur bed agayn̛. And at hur commandment sho went furtℏ of þe where, þuff aƚƚ it war with iƚƚ wyƚƚ, and abade withoute þe where & thoght to here þe residue of matyns. And when̛ þis song, Te Deum, was begon̛, sho saw hevyn̛ oppyn̛ & aƚƚ þe quere of þe nonnys lifte vp into hevyn̛. And when̛ þai come at þis place, " Tibi omnes angeli," et c̛, sho saw aƚƚ þe ordurs of angels, and evur-ilk angeƚƚ bow down̛ his head̛ & knele down̛ on̛ his kne & hold̛ vp þer handys and wurshup God & syng with þaim att sang, " Sanctus, Sanctus, Sanctus," et c̛. And þe same did̛ þe apostels at " Te gloriosus," and þe prophettis at " Te prophetarum," and þe martyrs at " Te martirum." And afterwerd̛ confessurs and virgyns & aƚƚ oþer did̛ þe same. And when̛ þai sang þe laste vers, " In te, Domine, speraui," þe quere of þe susters descendid̛ agayn̛ down̛ vnto þe erth, and hevyn̛ sparryd agayn̛ after þaim A marginal note has, nota, de Te Deum. .

Cesarius tellis how, in þe bisshoppryke of Treuen̛, on̛ a tyme as a preste þat hyght Henry satt in þe tavern̛, þer happend a storm̛ & a tempeste in þe ayre, & þat a grete. And he & his clerk ran̛ faste into þe kurk at & erased, and at added above. rang þe MS. repeats, þe. bellis, and when̛ þai come at þe kurk-dure, a dynt of þe thondre smate þaim bathe down̛, so at þe clerk lay vnder-nethe þe preste, & he was nothyng hurte, and aƚƚ þe preste membrys war aƚƚ to-swythyn̛, and aƚƚ þe tuder partie of his bodie vntuchid̛; and he was a ffornycatur. And his clothis war so revyn̛ at neuer a pece of thayme was hale with a noder, outtake þat parte on̛ his lefte arme þat his manyple was wunte to hyng on̛. And he had on̛ a payr of new buttows, and þai wer al to-revyn̛ as þai had bene revyn̛ with fless-crokis, and þe solis war lyke as þai had bene sodden̛ in hate watir. And þe clerk was passand ferd̛ & had grete wonder hereof, and he saw fendis feghtand in þe kurk and ij shrynys þat war behynd̛ þe hie altar feƚƚ down̛ on̛ the altar & brak. & þan̛ come þe saynttis at þe relykkis of lay þerin, & withstude stronglie þe fendis, and þer was betwix þe saynttis & þaim a grete bateƚƚ. So at þe laste þe fendis war ouercommen̛, & becauce þai mot not bere away with þaim þe prestis bodie, þai tuke a parte with þaim of þe kurk-rufe. Also þe clerk saw þe preste bodie oft sithis born̛ vp to þe steple topp̛ with strentℏ of fendis; bod thurgℏ helpe of þe saynttis it was ay broght down̛ agayn̛.

We rede in 'Vitis Patrum' how Macharius þe abbott saw on̛ a tyme þe devyƚƚ go in a mans lyknes. And he had on̛ a lyn̛ garment aƚƚ to-revyn̛ & fuƚƚ off holis, & it hang fuƚƚ of lityƚƚ pottis. And þis abbot axked hym̛ whither he went, and he said̛ he went to giff his brethir a drynk. So he axkid̛ hym̛ wharto he bare so many pottis, and he said̛; "I bere taste vnto our brether, so þat if a pott please not to any of þaim I saƚƚ offer hym̛ a noder, or a thrid, & so in ordur to som̛ please hym̛." And when̛ he come agayn̛, þis abbot axkid̛ hym̛ how he had done, and he ansswerd & said; "Þer was none at wulde consente vnto me bod one." So þis abbot rase & went vnto his brethir, & he fande onone þis bruther at was tempid̛, and with his exhortacion̛ onone he converte hym̛ agayn̛ vnto gude lyfe. So onone afterward̛ þis abbott mett þe devuƚƚ agayn̛ & axkid̛ hym̛ whither he went, and he said̛ he went vnto his brethir. And when̛ he come agayn̛ þis abbot axkid̛ hym̛ how his brethur did̛. And he sayd̛, iƚƚ; "for," he sayd̛, "þai er aƚƚ halie men̛, & ane þat I had emang þaim, I hafe loste hym̛, for he is halier þan̛ þai aƚƚ, and þat duse me mekuƚƚ iƚƚ." And when̛ þis alde abbott harde þis he held̛ vp his handis and thankid̛ almightie God.

Temptat demon aliquos visibiliter. Supra de Antonio et de quiete, iv MS. iij. .

We rede in 'Vitis Patrum' how on̛ a tyme þe disciple of ane alde monke was gretelie tempid̛ with þe spirit of fornicacion̛, bod þurgℏ þe grace of God, manlelie he withstude it. And þis monke, when he saw hym̛ so grete labur þeron̛, he sayd vnto hym̛; "Son̛, and þou wiƚƚ, I saƚƚ pray God to do þis temptacion̛ away fro the." And he ansswerd̛ agayn̛ & sayd; "Thuf aƚƚ I hafe a grete labur in withstondyng þerof, yitt I fele frute þerin, ffor it cawsis me to faste & for to wake and giff hede vnto my prayers. And þerfor̛ I pray þe pray Almyghtie God to gif me vertue to sustene itt, and for to withstonde it manfullie."

We rede in 'Vitis Patrum' how som tyme þer was a yong man̛ in ane abbay, and be no contenence nor none other gude werk he mot not distroy þe flawm̛ of his flessℏ. So on̛ a tyme when̛ þis temptacion̛ was knowen̛ emangis his brethur, his abbott garte kepe hym̛ strayte, and commandid̛ a sharp̛ angry monke at he sulde flite with hym̛ & bete hym̛, and lat hym̛ compleyn̛ hym̛ to whome he wolde. So on̛ a tyme þe monkis compleynyd̛ vnto þe abbott & said̛ þis yong monk had grete wrong. He began to wepe and was destitute of aƚƚ helpe; and þus he was done to aƚƚ a yere. And when̛ þe yere was done, he was axkid̛ if his iƚƚ thoghtis wer gone, or if he felid̛ oght of þaim. And he ansswerd̛ agayn̛ vnto his abbott & sayd̛; "Fadur, how may I thynk of fornycacion̛ when̛ I may skantlie liff for sorow þat I suffer?"

Temptacione carnis eciam sancti interdum vexantur. Supra de carne, j. Temptatur caro per tactum mulieris. Supra de Leone papa.Temptacio carnalis a sanctis beneficia dei tollit. Supra de predicatore, iij.Temptacio carnalis accepta a sanctis demones letificat. Supra de cruce, ij.Temptacio carnalis eciam sanctos in peccatum precipitat. Supra de carne, ij.Temptacio carnalis hominem inducit ad negandum deum. Supra de amore, ij.Temptacio carnalis eciam sanctos desperare facit. Supra de carne, iij.Temptantur carne eciam senes. Supra de confidencia.Temptacio carnis reprimitur per fetorem mulieris. Supra de carne, vi MS. iij. .Temptacio carnis eciam orationibus extinguitur. Supra de abbatissa, ij, et de Agnete et aliquando non iuuatur. Supra de Maria, iij.Temptantur aliquando aliqui re vili. Supra de oratione, ix et x.

We rede in 'Historiis Barlaam' how þer was a kyng þat hight Abennyr, and he had a son̛ þat hight Iosaphatt, þat was christend. And he, purposand to withdraw hym̛ fro þe purpos of cristendom̛ & chastite, he garte spar hym̛ in a chamber be his one, and he garte bryng in to hym̛ fayr yong wommen̛ and clenlie arayed; and þai sat by hym̛ & halsid̛ hym̛ & shewhid̛ hym̛ fayr cowntenance & laburd̛ hym̛ to luste & lykyng of his flessℏ. Nor he had no man̛ þat he mott compleyn̛ hym̛ to nor aske counceƚƚ þer-of att, nor eate with bod þai, and þai war aƚƚ common̛ vnto hym̛. And þe devuƚƚ had grete power in temppyng of hym̛, so þat he feƚƚ vnto luste and lykyng of his bodye. Not-withstondyng he vmthoght hym̛ of God & began̛ to wepe, & knokkid̛ on his breste and besoght God to helpe hym̛. And þus he chasid̛ away aƚƚ his iƚƚ thoghtis, and for aƚƚ at þies wommen̛ cuthe do, his temptacion̛ sesid̛ so þat he feƚƚ not to syn̛.

Cesarius tellis how som tyme þer was a wurthi wommen̛. So on̛ a tyme as sho was be hur one in a casteƚƚ þat sho dwelt in, sodanlie scho was inflammyd̛ with þe fyre of luff at sho mot not suffre it. So sho met with þe portar & sho prayed hym̛ to com̛ vp with hur & ly by hur. And he as a gude man̛ ansswerd̛ hur & said̛; "Madame, what is þat at ye say? Whar̛ is your witt? Behald̛ Almyghti God & thynk of your awn̛ wurshup̛." And sho tuke no hede to his saying, bod when̛ he had refusid̛ hur, as God wold̛, sho wente furtℏ of þe casteƚƚ vnto a grete watir þat ran̛ vnder þe casteƚƚ, and þer sho sett hur vp to þe shulders in þe calde water, & þer sho satt vnto aƚƚ þis luste þat was in hur was slakid̛. And þan̛ sho come vp agayn̛ & thankid̛ þe porter of his cownceƚƚ, and at he putt hur away from̛ hym̛, & sayd̛; "And þou had giffen̛ me mƚ marke of gold̛ it culde nott hafe done me so mekuƚƚ gude as þi cownceƚƚ did̛." And with þat sho went in agayn̛ vnwemmyd̛.

Cesarius tellis how þat in Fraunce þer was a religious mayden̛ þat was made an anncras. And be þe temptacion̛ of þe devuƚƚ sho was gretelie tempyd with luste of hur flessℏ, and sho prayed hertelie vnto almighti God at sho mot be delyverd̛ of þis temptacion̛. So in hur prayers on̛ a tyme ane angeƚƚ apperid̛ vnto hur and axkid̛ hur if sho wolde be delyverd̛ fro þis temptacion̛, & sho said̛ ya, fuƚƚ fayn̛. And he bad hur say with gude wiƚƚ þis vers; " Confige timore tuo carnes meas, et c̛," & sho sulde be delyverd̛. And so sho did̛, and onone þe temptacion̛ left hur. Bod onone after sho feƚƚ into a more perlious temptacion̛ of God & of þe christen̛ faytℏ. And sho prayed̛ God mor̛ specialli þan̛ sho did befor̛ at sho mot be delyverd̛ of þat temptacion̛. So on̛ a tyme þe aungeƚƚ apperid̛ vnto hur agayn̛ & said̛; "Suster, how is it with the?" And sho ansswerd̛ agayn̛ & said; "Nevur wars." Than̛ þe angeƚƚ askid hur if sho trowid̛ at sho mott lyff withoute temptacion̛. "It is necessarie," he said, "vnto þe to hafe þe tone of þies temptacions, and þerfor̛ chese þe whethur þou wiƚƚ hafe." And þan̛ sho said̛; "I chese me vnto þe furste, ffor þuf aƚƚ it be vnclene, yit it is kyndelie, and þe toder commys aƚƚ of the devuƚƚ." And þus þe spirut of blasfeme lefte hur, and þe temptacion̛ of hur flessℏ turnyd agayn̛ vnto hur.

Temptacioni carnis conueniuntur multa que dicuntur supra de luxuria.

We rede in 'Libro de Dono Timoris' how on̛ a tyme a holie man̛, as he was in his prayers, he hard̛ a voyce crying duelfullie in spiritt, & makyng mekuƚƚ sorow. And when̛ he axkid what it was, it ansswerd̛ agayn̛ & sayd it was dampned and it made mykuƚƚ sorow for losyng of tyme, ffor in þat mene while, it said̛, it mot hafe done suche penance for þe truspas at it had done at it mot hafe bene delyverd̛ fro payn̛.

Temperancia bona auget elemosinam. Supra de elemosina.Theodori, qui et Theodore. Supra de paciencia, iij.Theodosij imperatoris. Infra de vanitate, j.

Cesarius tellis how som tyme þer was ane vsurar, & he was a passand̛ riche man̛. So hym̛ happend̛ to faƚƚ seke, bown̛ to dye. So he sent after ane holie abbott, & confessid̛ hym̛ & forthoght his syn̛, & made his testament in þis maner of wyse & sayd̛; "Sur, and ye wiƚƚ ansswer̛ for my saule, I wiƚƚ giff vnto you aƚƚ þat evur I hafe at do with, what at you plesis." And he grauntid̛ þerto & garte hafe aƚƚ his gudis vnto his abbay, and also þe man̛ þat was seke. And evyn̛ as þai broght hym̛ into þe abbay he dyed̛ and þis abbott restorid̛ aƚƚ his vsuries and gaff grete almos for hym̛, and þe residue of his gudis he turnyd̛ into þe vse of his abbay & his brether. So as þe monkis war in þer prayers abowte þe bodie of þis man̛, þai war war stondand̛ on̛ his lefte syde iiij vglie spyrittis, and when̛ þai saw þaim þai wer so ferd̛ at þai fled, aƚƚ bod one olde holie monke. And onone he was war on̛ þe After þe, left, erased. right side of þis man̛, standand̛, iiij white aungels enence þe fendis. And onone one of þe fendis sayd̛; " Dixit iniustus ut delinquat in semetipso, non est timor Dei ante oculos eius. And þis is fulfillid̛ in þis man̛." Than̛ a noder sayd; " Quoniam dolose egit vt inveniatur iniquitas eius ad odium." And than̛ þe iij sayd̛; " Verba [oris] eius iniquitas et dolus, noluit intelligere vt bene ageret." And þan̛ þe iiij said; " Iniquitatem meditatus est in cubili suo, astitit [omni] uie non bone, maliciam autem non odiuit." And þan̛ þai sayd̛ aƚƚ to-gedur; "And God be rightwus & His wurdis trew þis man̛ is owrs, for in aƚƚ þies is he giltie." And þan̛ þe aungels ansswerd̛ agayn̛ & sayd̛; "Now we saƚƚ say þe residue of þe psalmys at ye hafe begon̛." And þerfor þe furste angeƚƚ sayd̛; " Domine, in celo misericordia tua, et veritas tua usque ad nubes." Than̛ þe secund sayd̛; " Iustitia tua sicut montes Dei, [iudicia tua] abyssus multa." And þan̛ þe iij said̛; " Homines et iumenta saluabis, Domine, quemadmodum multiplicasti misericordiam tuam, Deus." And þan̛ þe iiij spak & sayd̛; " Filij autem hominum in tegmine alarum tuarum superabunt." And þan̛ þai aƚƚ cryed̛ samen & sayd̛; "þis man̛ is owrs, for he fled̛ vnto allmyghti God̛ and þedur saƚƚ he go; ffor he trustid̛ to be vndernethe þe coveryng of His wengis." And þus þe fendis was confusid̛, and þus þe aungels had þis contryte saule away with þaim.

We rede in 'Libro de Dono Timoris' of ane vsurar, when̛ he sulde make his testament befor̛ þe preste & many oþer þat was bye, and he bewytt mekuƚƚ vnto his frendis and nothyng ordand̛ for his saule, þe preste spak vnto hym̛ & sayd̛ "Sur, thynk of your sawle." And he ansswerd̛ agayn̛ & sayd̛; "Sur, ye say wele, ffor trewlie I had nerehand̛ forgettyn̛ itt bod now at ye thought me on̛."

Testatoris anima in purgatorio retinetur executoris necligencia. Supra de executore et in diuersis alijs locis.

Cesarius telles how a kyng of Fraunce, þat hight Philipp̛ MS. inserts, pat, here. , had a baillay at Paryssℏ, & he covett gretelie his neghbur vyneyard̛ to by, & he wolde not seƚƚ hym̛ it. So his neghbur dyed, and þis baillay vmthoght hym̛ of a fals wyle, and he hyrid̛ ij felows on̛ a nyght to go to þis mans grafe & take hym̛ vp. And he & þai went on̛ a nyght vnto his grafe & tuke hym̛ oute of þe ertℏ, and putt in his hand a bagg fuƚƚ of money, als muche as he had̛ profyrd̛ hym̛ þerfor̛ whills he liffed, & made hym̛ to take of a seke with his awn̛ hand̛ in presens of þies ij men̛, notwithstondyng he was dead̛, and he prayed̛ þaim bere witnes hereof, and gaff þaim a gude reward̛. So þai layde hym̛ in agayn̛ & fyllid þe grafe als wele as it was before, and tuke þe money with þaim & went þer ways. And on̛ þe morn̛ þis baillay entred into þis vyne-yarde & said̛ it was his, and þe wydow had mekuƚƚ merveƚƚ here-of [&] said̛ nay, it was not soo. And he said̛ yis, he had boght it of hur husband̛ in his lyfe & payed̛ hym̛ in his hand̛ þerfor̛, and þat he offred̛ hym̛ for to prufe. So þis wedow saw sho cuthe not prevale ayeyns hym̛, and went vnto þe kyng & made playnt on̛ hym̛. And þe kyng commaundid̛ þe cauce to be examynd̛ be men̛ of law, bod þai examynd̛ it not sufficientlie, to so muche þe sentans went with þe baillay ayayns þe wedow. And þan̛ þis wedow made more sorow þan̛ she MS. he. did̛ afor̛, and sho come agayn̛ vnto þe kyng and made a grete crying & a besekyng vnto hym̛ to helpe hur. So þe kyng had compassion̛ on̛ hur & callid̛ þe wittnes befor̛ hym̛ selfe, & sayd̛ þat he wold̛ examyn̛ þaim. So he callid̛ þat one oside into a privay place and bad hym̛ say his pater noster, þat he mott here it; and so he did̛. And þan̛ he garte spar hym̛ in a chambre and callid̛ þe toder, & said̛ vnto hym̛ sadlie in þis maner of wyse; "Thi felow hase telled me aƚƚ þe trewtℏ of þe vynegartℏ als trew as þe pater noster. And trewlie, & þou discord̛ fro hym̛, þou saƚƚ be punysshid̛ þerfor̛, þat aƚƚ Fraunce saƚƚ witt." So þis man̛ was ferd̛ & trowed̛ at þis felow had tellid̛ hym̛ aƚƚ as it was, and he feƚƚ down̛ on̛ his kneis befor̛ þe kyng & sayd̛; "Lorde, hafe mercie on̛ me, for we wer hyrid̛ for a certayn̛ money be þe baillay, & þus we did̛ & þus," and telde hym̛ evurilk-dele as þai had done. And̛ þe kyng was gretelie grevid̛ at þis baillay & putt hym̛ oute of his offes, and restorid̛ þe wedow of hur vyneyard̛ agayn̛. And he garte berie þe baillay aƚƚ whik for disclanderyng of þis deade man̛.

Agellius MS. Agellus. tellis how, on̛ a tyme, when̛ a wurthi philosophur was sayland our a grete watyr with many other, & þe wawys wex grete aboute þe shup̛, þis philosophur wex pale-hewid̛ for ferde. So onone as aƚƚ men̛ wex stiƚƚ, þer was a lichurus riche man̛ in þe shup̛, & he scornyd̛ þis philosophur and blamyd hym̛ for he was ferd̛, notwithstondyng he was ferde hym̛ selfe. And þis philosophur ansswerd̛ hym̛ agayn̛, & said̛ he was not ferd̛ for his lichorus bodie nor for his saule, bod for hym̛ selfe, & þerfor̛ no merveƚƚ if he wexid̛ pale.

We rede in 'Vitis Patrum' how, on̛ a tyme, þer was a monke þat axkid his abbott & prayed hym̛ teƚƚ hym̛ a wurde at he mot thynke on̛. And he bad hym̛ go & vmthynk hym̛ alway, "as a thefe duse in preson̛ þat evur spirris whar þe iustis is and when̛ þe session̛ saƚƚ be, and evur is in sorow & mornyng for ferd̛ of hangyng; so sulde þou & evur-ilk man̛ thynk how þou mon̛ com̛ befor̛ þe grete iugement of Almyghtie God, and þer giff rekynyng of aƚƚ þi dedis. And if þou thynk aƚƚ-way on̛ þis maner of wyse, no dowte of þou mon̛ be savid̛."

We rede in 'Vitis Patrum' when abbot Agathon̛ was bown̛ to dye, he lay iij dayes, & his een̛ oppyn̛, & stirrid̛ nott and his brethur callid̛ nevur so faste on̛ hym̛. So at þe laste he movid̛, & þai spakk̘ vnto hym̛ & said̛; "Abbay! whar̛ erte þou?" And he ansswerd̛ agayn̛ & sayd̛; "In þe covent of aƚƚ men̛, and I mon̛ to my iugement." And þai comfurthid̛ hym̛ & axkid̛ hym̛ wharfor̛ he was ferd̛, and he ansswerd̛ ageyn̛ & sayd̛ "With aƚƚ þe strentℏ at I had I laburd̛ to kepe þe commaundmentis of God, and I am̛ bod a man̛ and yit I wate nevur þuff my werkis hafe plesid̛ God or nay, ffor þe iugement of Almiȝty God is oderwas þan̛ is þe iugement of man̛. And þerfor̛ I hafe none oþer truste bod at I mon̛ come to my iugement before þe hye seatt of Aƚƚmyghtie God."

Timere debet peccator vbique quia deus vbique videt. Supra de deo et abbate.

We rede in 'Libro de Dono Timoris' how on̛ a tyme as a certayn̛ meneya of religious men̛ spak samen of purgatorie & was passand̛ ferd̛ þerfor̛, þer was emangis þaim a lay man̛, & he sayd̛ "It is a grete merveƚƚ of you, sen ye or so gude men̛ & of so grete penans, þat ye hafe so grete drede. Sekurlie and secular men̛ þat duse so mekuƚƚ iƚƚ & duse so little penans þerfor knew it, þai wulde faƚƚ in a dispayr." And þan̛ ane of þaim tolde hym̛ ane exsample of a blynd̛ man̛, as is tellid̛ befor̛ of þe blynd̛ man̛. Also we rede of a preste þat was holden̛ a holie man̛, þat in his lyfe did grete penance. And vnto one þat axkid̛ hym̛ whi he did̛ so, he ansswerd̛ & said̛ þus; "And a þis town̛ were fuƚƚ of fyre, me had levur be þerin vnto þe day of dome þan̛ for to be in purgatorie or in heƚƚ a day."

We rede in 'Libro de Dono Timoris' how som tyme þer was a gude man̛ þat feƚƚ to syn̛, and a noder gude man̛ when̛ he harde teƚƚ þeroff had grete sorow þerfor̛ & sayd vnto hym̛; "Ille heri et ego hodie." Et supra de carne temptacione et in pluribus alijs locis diuersis.

Timore mundano debent aliqui amittere res temporales. Supra de contemptu mundi et de diuicijs et infra de vsurario MS. vsura. .Timore humano timetur mors uel pena corporalis. Supra de martirio, de morte, de penitencia et hic de timore.Timore servili faciunt aliqui aliqua de genere bonorum. Supra de contricione. Timore speciali timent sancti ne opera sua deo placeant. Supra eodem, iij.Titus. Supra de prelato, vj, et de fame.

We rede in his 'Legent' how þer was in his dioces a preste þat daylie sang mes of our Ladie, and he was accusid̛ vnto þe archbisshop̛, Saynt Thomas, and he suspend hym̛ as ane ydiott & a man þat cuthe no gude. So on̛ a tyme when̛ Saynt Thomas sulde sew his hayre, & hid it vndernethe his bed to wache ane howr þat he mot sew it in, our Ladie apperid̛ vnto þis preste and bad hym̛ go vnto þe archbisshop̛, "þat sho, for whase luff þou MS. þus. was wunte say þi mes, hase sewid̛ his hayre þat lyes in suche a place," & teld̛ hym̛ þer sho lefte itt," and say þat sho byddis hym̛ relese þe suspension̛ þat he hase putt ayenys the." And he went & tolde hym̛, and when̛ he harde it & fand it was as he sayd̛, he After he, had, erased. relesid̛ his suspension̛ & bad hym̛ say mes styƚƚ of our Ladie, & bad him MS. his kepe it privay ewhils he liffid̛ & discure hym̛ noght.

We rede in his 'Legend̛' þat when̛ he was slayn̛, & þe covent of Cantyrberie began̛ for hym̛ þe mes of Requiem, sodanlie a company of aungels was þer, & with a hy voyce abown̛ aƚƚ þe quere þai began̛ to syng mes, & said̛; " Letabitur iustus in Domino." And onone as þe monkis hard̛ þaim, þai felowid̛ and sang as þai did̛ þe mes furtℏ, as þai did̛, of a martyr.

Thomam orans avis exaudita est. Supra de ave, ij.Tonitruum. Supra de tempestate. Torneamentum vicit miles absens. Supra de Maria.Tribulacio. Tribulatos deus multipliciter consolatur. Supra de infirmitate, de consolacione et in alijs pluribus locis.Tristicia nocet homini. Supra de desperacione, j. et de accidia, j.Turba est fugienda. Supra de solitudine, j, ij et iij.

We rede ex 'Dictis Patrum' how som tyme þer was a monk at Constantynople, & dwelte þer in þe tyme of Theodoce þe emperour in a litiƚƚ ceƚƚ with-oute þe cetie. And þe emperour harde teƚƚ on̛ hym̛ & went vnto hym̛ be his one at speke with hym̛; & when̛ he come vnto hym̛ he knew not at it was þe emperour, & þis monke hastid̛ hym̛ & put water in a vesseƚƚ, & tuke salte & a morceƚƚ of brede & servid̛ hym̛ þer-off & þai ete to-gedur. And þan̛ he sayd̛; "I am Theodos þe emperour, & of devocion̛ I come hydur. Ye er blissid̛ þat er so sekur & so fre of your necessities in þis werld̛, & ye hafe a ristfuƚƚ & a quiett lyffe forby þat I hafe; ffor suthelie & was blissidlie born̛ in my realm̛, and now I liff þerin & I neuer eatt nor drynk̘ with-outen̛ besynes." And with þat he tuke his lefe att hym̛ and went his ways. So when̛ he was gone, the same nyght þis monke compasid̛ in his mynd̛ & said̛ vnto hym̛ selfe; "Not alonlie many of þe peple, bod also many of þe emperour pales, folowyng þe exsample of þe emperour, wiƚƚ now com̛ for to se me & do me wurshup̛ as þe servand̛ of God̛. And herof I suppoce þai wuƚƚ not sease. And I am ferd̛ leste þe fend̛ vndergo me & make me gladlie to ressayfe þaim, & at my harte take a comfu[r]tℏ be þer lovyng & be þer wurshup̛, and be þat at I sulde begyn̛ to lose þe vertue of my mekenes." And when̛ he had þus consydurd̛ in hym̛ selfe, þe same night he went into wyldernes in Egypte, and dwelte þer aƚƚ his lyfe-tyme after with holie fadurs, oute of syght.

We rede also in 'Gestis Patrum' how on̛ a tyme a iustice of a lande come for to se ane abbott, and when̛ he hard̛ teƚƚ at he come MS. adds, and, here. , he garte clothe hym̛ in sak-clothe and tuke in his hand bread̛ & chese, & sett hym̛ in his ceƚƚ-dure. And when̛ þe iustis saw hym̛ he dispysid̛ hym̛ and sayd̛; "Is not þis þe man̛ at we hafe hard̛ so mekuƚƚ teƚƚ off?" & with þat he went his way & wolde byde no longer.

Vana gloria appetitur aliquando ex bonis operibus. Supra de elemosina et de abstinencia.Vanitas punitur in purgatorio. Supra de ave, i.Vaspasianus. Supra de prelato.Vanitati possunt adaptari multa que dicuntur supra de laude, gloria, et memoria.

We rede how som tyme a man̛ had ane ass, & he rade hur, & a little son̛ that he had folowid̛ hym̛ on fute. And þer was men̛ at mett þaim, emang þe whilk som̛ said̛; "O, how fond̛ þis alde carle is, þat rydis hym̛ selfe & lattis hys son̛ ryn̛ in þe myre," & when̛ þai war passid̛ þai lepid̛ on̛ bothe. Than̛ þai mett a noder meneyay, & þai sayd̛, "Forsutℏ, þies er bod̛ fulis, for þai wiƚƚ sla þis ass." And when̛ þai war passid̛, he and his son light & lete þe ass go tome. So þai met a noder meneya, & þai sayd; "þies meneya er fonde, for þai go bothe on̛ þer fete, and þat one of þaim mot ryde." þan̛ he sett his son̛ on̛ & went on̛ his fete hym̛ [self]. And þan̛ þai mett a noder meneya þat sayd̛; "Loo! Yone fonde alde carle, he gois on̛ his fete hym̛ selfe & lattys his son̛ ryde, þat mott bettyr go þan̛ he may." And þan̛ he & his son̛ tuke vp þis ass & bare hur. & þan̛ þer mett þaim a noder meneya and þai said̛: "Lo, þies fulies! How þai bere þis ass þat sulde bere þaim!" Than̛ he sett down̛ þe ass & sayd̛ vnto his son̛; "Loo!, son̛ here may þou se how þat evur we doo, alway men̛ wiƚƚ fawte vs & speke of vs. And þerfor̛ it is not gretelie to charge of wurdis-spekyng and a man̛ do wele."

Iacobus de Vetriaco tellis how som̛ tyme þer was a pure man̛ þat bare vnto þe markett att seƚƚ a lambe. So þer was in þe markett a iaper þat saw he was bod ane innocent, & he said̛ vnto his felows; "Doo as I saƚƚ teƚƚ you, & we saƚƚ hafe þis lambe from̛ yone felow." And he made þaim stand̛ in dyvers placis in sonder in þe same way, ilkone after oþer. And as þis man̛ went by þaim þe furst sayd̛ vnto þis man̛; "Man̛, wiƚƚ þou seƚƚ þat hunde?" And he ansswerd̛ agayn̛ & sayd̛; "Skorn̛ me nott, for it is no hunde, it is a lambe." So he come vnto þe secund̛, & he axkid̛ hym̛ hif he wold̛ seƚƚ hym̛ þat hund for a peny. And he was wrothe þer-with, & said̛; "Ye doo bod skorn̛ me." So he come vnto the thrid̛, and he said̛ in þe same wise. So þis man̛ had grete merveƚƚ hereoff & waxed shamefuƚƚ. And þan̛ he come to þe iiij & þe v, & þai spirrid̛ hym̛ in þe same wyse. So þis felow began̛ to vmbethynk hym̛ what þis sulde mene, at so many men̛ sulde spyr hym̛ of þis lambe if it war a dogg, & aƚƚ acordid̛ in one þat it sulde be a dogg & no lambe. So at þe laste he agreid̛ vnto þer oppynyons & sayd̛ vnto hym̛ selfe; "God knowis þat I trowid̛ it had bene a lambe, bod becauce it is a dogg I wiƚƚ bere it no ferther." And with þat he keste it from̛ hym̛ & said̛ he wulde bere it no langer. And when̛ he had casten̛ it from̛ hym̛ he went his way, and þis iaper & his felows tuke vp̛ þis lambe & ete itt.

Verba ociosa non sunt credenda. Supra de ocio, ij. Verum semper dicere non semper expedit. Supra de adulacione, j.Veritas non est celanda in necessitate. Supra de testimonio.Veritati possunt adaptari multa que dicuntur supra de falsitate et mendacio.

We rede in 'Vita Iohannis Elemosinarij' how on̛ a tyme þer was a riche man̛ þat saw hym̛, & he was bothe a bisshopp̛ & a patriarke, at he was bod in a pure clothyng & a vile, of xxxvj d̛ price he boght a garment and gaff it vnto þis patriarke. And þis Iohn̛, seyng þe devocion̛ of þis man̛, tuke it. Bod aƚƚ þat nyght he lay wakand̛ & said̛ vnto hym̛ selfe; "Who saƚƚ say þat meke Iohn̛ is cled̛ with a garment of xxxvj d̛ price, and þe brethur of Cryst er slayn̛ for calde? þou meke Iohn̛!" he said̛, "It saƚƚ not cover þe a noder nyght, ffor it is rightwus at þe brethur of our Lord̛ be cled þerwith mor̛ þan̛ þou, vnhappy creatur!" And on̛ þe morn̛ he sent it into þe town̛ for to seƚƚ, and he þat gaff hym̛ it boght it, and offerd̛ it vnto hym̛ agayn̛ & prayed̛ hym̛ were itt. And he tuke it & evur sellid̛ it, & þe price ay þat he tuke þerfor̛ he gaff it wnto pure folk. And evur þis man̛ boght it agayn̛ & gaff hym̛ itt. So at þe laste þis holie man̛ thankyd̛ hym̛ & sayde; "We saƚƚ se who saƚƚ defayle, I or þou." And þis man̛ was evur ryche enogℏ als lang as he barkand̛ with þis holie man̛, & evur þis holie man̛ gaf þe price þat he sent hym̛ þerfor̛ vnto pure men.

Vestes preciose eleuant hominem in superbiam. Supra de augurio.Via melior est tenenda. Supra de socio, ij.Victoriam semper debent appetere pugnantes. Supra de bello, ij.

We rede in þe 'Lyfe of Saynt Arsenius MS. Arseme. ,' þat when̛ he saw þe son̛ ryse he wolde turn̛ his bak þeron̛, & lifte vp handis & his harte vnto hevyn̛ to Almyghty God, & say his prayers. & so he wolde sytt aƚƚ day to þe son̛ shane on̛ his face agayn̛, and þan̛ he wulde turn̛ hym̛ & sitt in his prayers aƚƚ nyght. And agayns morn̛, when̛ he wexid̛ werie & his natur wolde ruste, he wolde say vnto slepe; "Com̛, servand̛, & serif me." and evyn̛ sittand̛ he walde spar his een̛ & slepe a while, and onone he wulde wake agayn̛ & go vnto his prayers.

Vigiliam quandoque inducit temptacio demonis per sompni subtraccionem. Supra de abstinencia.Vindicta. Vindicant se aliqui crudeliter The tale from Valerius to follow this heading is missing in the English MS. .

We rede in þe 'Storie of Alexander,' how þat when̛ Pausanias had wowndid̛ Philip̛, þat was Alexander fadur, þat hym̛ burde nedis dye, Alexander gatt þis Pawsanias & broght hym̛ vnto Philip̛; and he put a swerd̛ in his fadur right hand and helpyd̛ hym̛ with his hand̛ & slew hym̛. And when̛ he dyed̛ þis Philipp̛ sayd̛; "Now þe end of my lyfe, nor my dead̛, nor none oþer thyng may hevy me ewhuls I hafe slayn̛ hym̛ þat hase slayn̛ me. And, Alexander, I hafe mynd̛ of owr̛ god̛, how he said̛ vnto þi moder at sho sulde bere þe son̛ of vengeange." And with þat he lenyd̛ hym̛ down̛ and swelte.

Petrus Alphonsis MS. Alphensis, for Alphonsus. tellis how som̛ tyme þer was a kyng þat had a wardrop[er] þat was maister-shaper of his clothyng; and he had many servandis vnder-nethe hym̛ of þe whilk ane was callid̛ Nediu. And þai sewid̛ & war at burd̛ in a mans howse Arund. MS. in domo eunuchi regis. þat hight Eunuchus. So on̛ a day þai went to dyner, & þis Nediu was not þer, & þai ete hony & drank wyne, & had many oþer gude metis sent vnto þaim fro þe kyng. And when̛ þai war att dyner & ete, þis Eunuchus axkid̛ þaim whi þai abade not Nediu, and þer maister ansswerd̛ & said̛ at he wulde ete no hony and he war þer. So at þe laste þis Nediu come & fand̛ þaim at dyner, & sayd̛; "Whi bade ye noght for me?" And Eunuchus tolde hym̛ how þat his maister sayd̛ he wolde eate no hony, & he held̛ his tong & sayd̛ noght. Notwithstondyng he began̛ to vmthynk hym̛ how he mot be vengid̛. So on̛ a tyme he sayde vnto þis Eunuchus, "Bewar, ye & your howshold̛, of my maister at he do you no harm̛, for som tyme he wiƚƚ wax fond̛ & is evyn brayn̛-wude." And þis Eunuchus ansswerd̛ hym̛ & said̛; "And I knew þe howr̛ when̛ it happend̛ hym̛ I sulde bynd̛ hym̛." And þis Nediu sayd̛; "When̛ þou seis hym̛ luke hedurward̛ & þedurward̛ & opon̛ þe erde, & rap abowte hym̛ with his handis and ryse oute of his seate & remow his stule, þan̛ þou saƚƚ vnderstand̛ þat he is wude." So within a while after þis Nediu on̛ a tyme hid̛ his maister sheris, and he myssyd þaim & began̛ to caste þe stra hedurward̛ & þedurward̛ & luke aboute hym̛ & rap on̛ þe burd̛ with his nefe, & ryse & remofe þe stule at he satt on̛. And when̛ Eunuchus saw þis, he callid̛ faste on̛ his servandis & onone þai tuke hym̛ & band̛ hym̛ faste. And evur he cryed̛; "Whi do ye so? What hafe I done?" And evur þai band̛ hym̛ strayter, and bete hym̛ to he was nerehand̛ dead̛. So at þe laste he come vnto hym̛ selfe & & omitted and added above the line. þai lowsid̛ hym̛, and he axkid̛ þaim whi þai did̛ so. And Eunuchus tolde hym̛ how þat Nediu sayd̛ at he was wude. And þan̛ his maister sayd̛ vnto hym̛; "When̛ saw þou me be wude?" And Nediu ansswerd̛ hym̛ agayn̛ & sayd̛; "þou was wude, maister, when̛ þou said̛ at þou saw me nevur eat honye." And when̛ þai þat was abowte hym̛ harde þis, þai demyd̛ at he had rightwuslie vengid̛ hym̛, & so he satt with his awn̛ skathe.

Vindicant se aliquando creature ir-omitted and added above the line. irracionales. Supra de bufone.

We rede in þe 'Legend of Saynt Macharie,' how on̛ a tyme as he cut hys hand̛ with his knyfe, & it bled a grete dele becauce he brak þe knyfe, & when̛ he had done he reprovid̛ hym̛ selfe becauce he did̛ wrong Harl. MS. Dum sanctus Macharius pulicem se pungentem manu occidisset et multum sanguinis ex illo emanasset, reprehendens se ipsum quod propriam vindicasset iniuriam, &c. Arund. MS. Dum sanctus Macharius calicem, &c. , & went nakid̛ into wyldernes & was þer vj monethis. And þan̛ he come home aƚƚ tobittyn̛ and skrattyd̛ with thornys and breers.

We rede in þe 'Historie of Saynt Basyƚƚ,' on̛ a tyme when̛ Iulianus Apostata wente to procede agayn̛ þe Persas, he bostid̛ Basiƚƚ þat Latin MSS. quod in reditu Cesariam Capadocie destrueret. as he come agaynward̛ to Capado[ce] he sulde destroy aƚƚ Cesarie. And on̛ þe nyght folowyng, þis Basiƚƚ saw in þe kurk of our Ladie a multitude of angels, and in myddest of þaim a womman̛ standand̛, and said̛ vnto þaim abowte hur; "Caƚƚ vnto me Mercurius þat saƚƚ sla Iulianus Apostata, þat blasfemys bothe me and my Son̛." And þis Mercurius was a certayn̛ knyght þat þis same Iulianus had slayn̛ for þe faytℏ of Cryste, and was berid̛ in þe same kurk. And onone þis Mercurius was redie in his armur, and sho sent hym̛ into þe bateƚƚ. And onone þis Basyƚƚ went to þer he was gravyn̛ & opynd̛ his grafe, & he fand̛ nowder his bodie nor his armur þat was berid̛ with hym̛, & þan̛ he axkid̛ þe keper of þe kurk̘ who bare away þis armur, and he sware grete athis at it was þer þat same nyght. So þis Basilius went thens tyƚƚ on̛ þe morn̛, and þan̛ he come agayn̛ & fand bothe his bodie and his armur, and his spere bludye to þe myddyste. And þan̛ þer come ane & sayd̛; "When̛ Iulianus Apostata was arayed̛ in þe bateƚƚ, þer come ane vnknowyn̛ knyght armyd̛ & a spere in his hand̛, apon̛ a hors, and he smate þe hors with þe spurris and with a bolde spyritt he rade at þis Iulyan̛, & manlelie with his spere he smate hym̛ thrugℏ; and when̛ he had done, sodanlie he vanyssid̛ away." And as we rede in 'Historia Tripartita,' þis Iulian̛, when̛ he was hurte, he fyllid̛ his hand with his awn̛ blude, and keste it into þe ayre & sayd̛; " Vicisti, Galilee, vicisti!" And in þis wrichid̛ voyce he swelte, and aƚƚ his childur lefte hym̛ þer vnberid̛; & þe Persis come & flew hym̛ and of his skyn̛ þai made a fute-skyn̛ Harl. MS. subtercintorium? to þe kyng of Persis MS. Kyng of Pars. Lat. MSS. regi Persarum. .

Vindicat eciam deus bonos in hac vita. Supra de obediencia, vij.Vir. Viro ultro So Lat. MSS. English MS. has, multus. se ingerit mulier. Supra de temptacione, v The MS. gives a wrong reference, here corrected by the Lat. MSS. .Virum suum decipit vxor. Supra de muliere, ix.

Saynt Ierom̛ tellis how at a ffeste xxxti archars come & slew a man̛ þat hight Phidones, & when̛ þai had̛ done, þai garte bryng his doghters þat war maydens aforn̛ þaim at þai mot nakyn̛ þaim, & defowle þaim þer on̛ þe payment whar̛ þer fadur was slone. And þai fenyd̛ þaim sorowfuƚƚ, & band þaim samen & feƚƚ aƚƚ samen into a pytt & drownyd̛ þaim, becauce with þer dead̛ at þai mot kepe þer virginite.

Valerius tellis how Virgillius slew his awn̛ doghter in þe markett, to þe entent þat hym̛ had lere be callid̛ þe slaer of a virgyn̛ þan̛ þe fadur of a strompett.

Saynt Ierom̛ tellis how on̛ a tyme when̛ a virgyn̛ wolde not sacryfice þe ydolfis as þe paynom commauns did̛ hur, þai led hur vnto þe bordeƚƚ-howse, and þer come thedur a yong man̛ to hafe defowlid̛ hur. And sodanlie þer come a lyon̛ rynnand̛ þurgℏ þe cetie vnto þe bordeƚƚ, & tuke þis yong man̛ & held̛ hym̛ and lukid̛ on̛ þe virgyn̛ & did̛ hym̛ no skathe, bod lukid̛ what sho wolde command̛ hym̛ to do. And he prayed þe virgyn̛ to command̛ þe lion̛ to lat hym̛ goo, and sho did gude for iƚƚ and commawndid̛ þe lyon̛ to lat hym̛ go. And þus he was delyverd̛, and þai þat saw had grete mervayle þeroff. And þe lyon̛ went̛ his ways & þai lete hur go.

Virtus animi eciam in mulieribus inuenitur. Supra de muliere, iij et xv.Virtus viri. Supra de muliere So Harl. MS. Eng. MS. de viro. , ij.Virtuti possunt adaptari multa superposita in diuersis locis.Visio sive visus. Videt deus omnia et ubique. Supra de deo et abbate, iij MS. ij. .

Valerius tellis how Democritus put oute his awn̛ een̛ at he sulde not se gude to be iƚƚ, and Tertulianus MS. Terculianus. tellis þat he made hym̛ selfe blynd̛, for he mot not se wommen̛ withowten̛ concupiscens.

Visus est cohibendus. Supra de oculo, j, et de aspectu.

We rede in 'Cronicles' how on̛ a tyme as Iulianus Apostata made his sacrafice at Co[n]stantynople vnto þe ymage of Fortun̛, his modir, the bisshop̛ of Calcidony, þat was blynd̛ for age, come vnto hym̛ & callid̛ hym̛ wrichid̛ Apostata. And he ansswerd̛ hym̛ agayn̛, & sayd̛; "Thi Galile may not luff þe." And he ansswe[r]d̛ agayn̛ & said̛; "Therefor God tuke from̛ me my syght at I sulde not se the at is withowten̛ petie." And Iulianus ansswerd̛ hym̛ nothyng agayn̛, bod went his ways home als faste as he myght.

Visiones multas ostendit deus diuersis personis. Supra in pluribus locis.

Iacobus de Vetriaco tellis how on̛ a tyme þe chawntur of Camatensis Arund. MS. Cameracensis = Cambray. as he was in traveƚƚ, went oute of his way to visett dame Marie of Ogniez MS. Ognnez. . And ane of his felows said̛ vnto hym̛; "For God, what seke ye þer? Wiƚƚ ye go kepp butterfleis as barnys duse?" And he feynyd̛ & went on̛. And as þai walkid̛ to-gedur his felow waxid̛ werie in tarying for hym̛, and went vnto hym̛ & commawndid̛ hym̛ to haste hym̛. And when̛ he beheld̛ þis holie maydyn̛, sodanlie he was changid̛ in his witt, and feƚƚ vnto suche a wepyng þat a grete while he mot not abstene hym̛ nor go furtℏ of hur presens. And þan̛ þe chawntur purseyvid̛ þis & was meri, & sayd̛; "Go we! Whar-to sulde we stand here at kepp buttyrfleis?" And he after grete sobbyng & teris vnnethis mot be had away, and sayd̛; "I pray þe forgyff me, for I wate nevur what I sayde. Bod now in þis holie womman̛ I hafe purseyvid̛ be experyens þe vertue of God Almyghtie."

We rede of þe abbott Pastor, þat many yere dwelte in wyldernes with his brether, & he wolde neuer se his moder. So on̛ a tyme sho come into þe kurk̘, & wolde hafe sene hym̛ & spokyn̛ with hym̛; and he was war on̛ hur he gatt hym̛ into his ceƚƚ & clappyd̛ to þe dure faste. And sho come & stude att þe dure & wepud̛, & cryed̛ vppon̛ hym̛ & prayed hym̛ comfurtℏ & speke with hur, & sayd̛ sho wald̛ fayn̛ se hym̛. And he went vnto þe dure & sayd̛ vnto hur; "Whar-to standis þou cryand̛ þer, þou olde wyfe?" And when̛ sho harde hym̛ speke, sho cryed̛ faster þan̛ sho did befor̛, & sayd̛; "Son̛, I wold̛ se you, whi wiƚƚ ye not lat me se you? Am̛ I not your moder þat gaff you at suke of my breste? And now I am̛ olde & white-harid̛." And he ansswerd̛ agayn̛ & sayd̛; "In þis werld̛ þou may not se vs, bod þou saƚƚ se vs in a noder werld̛." And sho said̛ agayn̛; "Son̛, & I se you here, I saƚƚ also se you þer." And þan̛ he sayd̛; "Bod if þou lyff in gude lyfe as we do here, þou may happen̛ not see vs þer." And when̛ he had̛ so sayd̛ sho went hur way, & was merie and sayd̛; "And I may se you þer, I rak neuer if I se you nevur here."

Visitat deus per tribulaciones. Supra de infirmitate, iij, et in pluribus locis. Visitat deus per consolaciones. Supra de consolacione et in pluribus locis.Visitatores conuentuum aliquando false informantur. Supra de inuidia.Vnccio extrema non debet pretermitti ante mortem. Supra de furto.

We rede in 'Dictis Patrum' how on̛ a tyme ane olde monke sayd̛; "Than̛ I do my selfe mekuƚƚ tribulacion̛, when̛ I doo myne awn̛ wyƚƚ."

Cesarius tellis how som tyme þer was a monke of Saynt Barnardis, and he lefte his habett & went into þe werld̛, and þer he become a preste of a kurk̘; & he had a lemman̛ dwelland̛ with hym̛, & he gatt hur childer bothe sonnys & doghters. So lang tyme after Saynt Barnard̛ happid̛ to be hostid̛ in þis apostata howse, and he knew Saynt Barnard̛, bod he know not hym̛. And in þe mornyng when̛ Saynt Barnard̛ was bown̛ to ga, he mot not speke with hym̛ for he was gane vnto þe kurk, and he sayd vnto ane of his sonnys; "Go & bere my message vnto þi fadur, & say I thank hym̛ his gude herberie." And þis childe was dombe born̛ & spak neuer wurde. And he ran̛ vnto his fadur & tolde hym̛ aƚƚ how þe abbott sent hym̛ wurd̛. And when̛ he hard̛ his childe speke, for ioy he wepud̛, and he garte hym̛ say his message ouer onys or twyce. And he axkid̛ hym̛ what þe abbot did vnto hym̛, & he said̛ he dyd no thyng vnto hym̛, bod at he spak vnto hym̛ and bod hym̛ go say þies wurdies vnto his fadur. So þis preste was compuncte with so evydent a meracle, and hastelie he come vnto þis holie man̛. And with grete wepyng he feƚƚ to hys ffete & sayd̛; "A! holie fadur! Som tyme I was suche a monk̘ of yours, and I beseke your fadurhede to licent me to com̛ hame agayn̛ vnto myne abbay with you." And he ansswerd̛ hym̛ agayn̛ & sayd̛; "Byde me here, and̛ I saƚƚ com̛ agayn̛ by þe & take þe home with me." And he ansswerd̛ agayn̛ & said̛; "Sur, I am̛ aferd̛ in þe menewhile þat I saƚƚ dye." And he ansswerd̛ hym̛ agayn̛ & sayd̛; "And þou dye in suche a contricion̛ & a purpas, doute not þou saƚƚ be a monke befor̛ Aƚƚmyghti God̛." And with þat he went his ways. & when̛ he come agayn̛ he fand̛ hym̛ new dead̛ & berid̛, and when̛ he hard̛ teƚƚ þerof he garte oppyn̛ his grafe. And þai þat wer aboute axkid̛ hym̛ what he wold̛ doo, & he said̛ he wuld̛ se how he lay in his grafe, a clerk or a monk̘; & þai said̛ at þai berid̛ hym̛ in clerkis clothis. And when̛ þe erd̛ was takyn̛ of hym̛, þai fand̛ hym̛ not cled̛ as a clerk, bod rather a monke, & in a monkis abbett. And þus he was magnyfied̛ of aƚƚ men̛, becauce his gude wiƚƚ tornyd̛ hym̛ as to your gude dede Arund. MS. et magnificatus est ab omnibus deus, qui voluntatem pro facto reputat. .

We rede in 'Libro de Dono Timoris' how som tyme þer was a man̛ þat had bothe a cow and a calfe vnto þe mownte of Saynte Michaeƚƚ, betwix þe bowndis of Bretayn̛ and Normondie, at he mot esskape þe flowyng of þe see þat vmwhile occupied̛ þat way. And þe flude come on̛ hym̛ and he cried̛ of Saynt Michaƚƚ & sayd̛; "O þou blissid̛ Michaeƚƚ, delyver me & I saƚƚ gyff þe þis calve." And when̛ he was delyverid̛ he sayd̛; "Saynt Micheƚƚ was bod a fule þat trowed̛ at I wolde hafe gyffyn̛ hym̛ my calfe." So afterward̛ hym̛ happend̛ to be taken̛ with þe same flude. And þan̛ he cryed̛ of Saynt Michaeƚƚ & prayed̛ hym̛ delyver hym̛ & he sulde gyff hym̛ bothe þe cow & þe calfe. So he was delyverd̛ & sayd̛ as he did befor̛. So þe iij tyme he went thedur at feche home þis cow & þis calfe, & sodanlie as he come hamwerd̛, þe se-flude vmlappid̛ bothe hym̛ & þe cow & þe calfe, & drownyd̛ þaim aƚƚ thre, and þat onone.

Cesarius tellis how som tyme þer was a knyght þat hight Lodowycus, & he ffeƚƚ seke bown̛ to dye, & with lefe of his wyfe he made a vow þat he sulde be a monk of Ceustus ordur & he mott covir of his seknes. And þat done, onone withouten̛ swete or blude or hostyng, or any oþer þing, at aƚƚ men̛ marveld̛ off, agayns þe kynd of his infirmyte he becan̛ to covir & was hale furtℏwith.

Petrus Damianus tellis how som̛ tyme þer was a riche hard̛ man̛, and on̛ a tyme he made a vow þat and̛ he liffid̛ x yere langer he sulde make hym̛ a religious man̛ in þe monasterie of Saynt Vincent. So when̛ þe tearm̛ was fulfillid̛ þe abbott axkid̛ hym̛, & he began̛ to feyn̛ & wolde nott. And in þe menewhile he feƚƚ in sekenes and he delte mekuƚƚ to pure folk & was shrevyn̛, and semyd as he wer wele disposid̛, so he dyed̛. So on̛ þe nexte night after þe abbott þog[ht] þat he saw MS. either, say, corrected to saw, or vice versa. in a grete playn̛ medow ane emperour with aƚƚ his companye, and hym̛ thoght he saw certayn̛ kepers com lede þis man̛ a grete pace. And þis abbo[t] cryed̛ on̛ hym̛ & bad; "Abyde, bruther, & speke with me! Bruther," he sayd̛, "What aylis þe? Wheþer erte þou in payn̛ or in ioy?" And he with a hevie chere ansswer[d] hym̛ & said̛; "Whar-to axkis þou me of ioy, þat is turment with so many paynes?" And þan̛ he axkid̛ hym̛ what Saynt Vincent did̛ vnto hym̛, and he ansswerd̛ agayn̛ & sayd̛; "He made me long to trayste in hym̛, bod now I am̛ werie and hase loste my hope, and as I promytt hym̛ & kepid̛ it not, now I am̛ servid̛ on̛ þe same wyse."

Cesarius tellis how som tyme in þe cete of Metence þer was ane vsurer þat died̛, & he was passand̛ covatus. And when̛ he drew nere his dead̛, he prayed̛ his wife to lay a bag fuƚƚ of syluer by hym̛ when̛ he was dead in his grafe; and so sho did̛. So afterward̛ þaim happend̛ oppen MS. oppend̛. þat same grafe agayn̛, & þai fand̛ þerin ij tadis, ane in þe bag mouthe and a noder on his brest̛; & þat one of þaim drew oute penys of þe bag with his mouthe & þe toder tuke þaim at hym̛ & putt þaim into his harte, right as he had sayd̛; "With mony we saƚƚ fyƚƚ þine vnsaciable harte." And when̛ þai saw þis, þai wer so ferd̛ at þai fled away & fillid þe grafe agayn̛.

Cesarius tellis how som̛ tyme þer was ane vsurar at was bown̛ to [dye] Latin MSS. vsuraria moritura. , and hym̛ thoght at he saw aƚƚ þe felde; fuƚƚ of crawis & crakis. And he began̛ for to cry faste & sayd̛; "Allas! alas! Se, now þai com̛ vnto me, ffor now þai er at þe dure. And now þai er in þe howse, and now þai [er] on̛ my breste, and now þai draw my saule oute of my bodie." And in þis crying he dyed̛. And þe same nyght, at many folke bothe hard̛ & saw, þai Latin MSS. demones . . . cor tollentes usque ad tectum, &c. lifte his bodie vp̛ into þe howse-rufe, & lete it faƚƚ oftsithis & breke aƚƚ to gobettis; and aƚƚ þe lyght in þe howse was putt oute, and men̛ & wommen̛ fled̛. & on̛ þe morn̛ þai fand̛ his bodie þer aƚƚ to-reven̛ & rente, and þai tuke it & beryd̛ itt in þe felde emang bestis.

Vsurarij depositum non est seruandum. Supra de deposito, j.

Cesarius tellis how som tyme at Parissℏ þer was a grete vsurar, so he feƚƚ vnto compunccion̛ and he come & askid̛ counceƚƚ at ane þat hight Maurice, þat was bisshop þer, how he mot be savyd̛. And þis bisshop̛ had a kurk̘ of our̛ Ladie in byggyng, and he cownceld̛ hym̛ to giff his money holie þervnto. And he suspecte hym̛ somwhat in his cownceƚƚ-gyffyng, and went vnto Maister Petur at was chawntur þer, and he bad hym̛ go gar cry oppynlie þat he was redie to restore vnto aƚƚ men̛ þat at he had had wronguslie of þaim; and so it was done. And þis done he come agayn̛ vnto þe chawntur, and tuke witnes at his consciens & said̛ þat he had restorid̛ agayn̛ aƚƚ þat he had wronguslie gettyn̛ vnto aƚƚ þat come vnto hym̛, & þis he had somwhat lefte. And þan̛ he said̛ hym̛ burde do almos-dede, & after þat go in his sarke & his breke þurgℏ þe cetie nakid̛, and so he did̛. And ane folowyd̛ hym̛ with a wande, cryand̛, "Behold̛, þis is þat man̛ þat princes wurshuppid̛ for his money!" And þurgℏ þis penance-doyng he his sawle was savid̛.

Cesarius tellis how som tyme in Colayn̛ þer was ane vsurarie, and he feƚƚ vnto compunccion̛ & shrafe hym̛ vnto a preste. And he sayd̛ he wolde gyff all his gudis for Goddis sake, and þan̛ þe preste bad hym̛ cut shyvis of bread̛ & fyƚƚ a kyste þerwith and lokk it. And so he did̛. And on̛ þe toder day, when̛ he sulde com̛ & se it & opynd̛ þe kyste, he fand þer als many tadis as he put in shyvis of bread̛. And when̛ he tolde þe preste þerof, he sayd̛; "Loo, now, how þine almos at þou makis of þine vsurie plesis vnto God!" And he was ferd̛ & axkid̛ what he sulde do. And he said̛, "And þou wiƚƚ be savid̛, lyg aƚƚ þis nyght nakyd̛ emang yone vermyn̛." Lo! how grete contricion̛ he had! For þuff aƚƚ he did̛ it with a grete vgsomnes, he layd̛ hym̛ nakid emang þis vermyn̛. And þe preste lokkid̛ þe kyste and went his ways, and on̛ þe toder day when̛ he oppynd itt, he fand nothyng þer bod þis mans banys. And he tuke þaim & berid̛ þaim in a porche of Saynt Geryon̛. And as it is sayd̛, þai er of so grete vertue þat vnto þis day no tade may abyde whykk within þe bowndis of þat kurk̘.

Vsurarij condentis testamentum omnia debent reportari in manus executorum, et inde debent fieri restituciones. Supra de testamento.

Iacobus de Vetriaco tellis how som̛ tyme þer was a riche man̛, and þuf aƚƚ he had mekuƚƚ gude, nevur-þe-les to gett more gude he lete his money to hyre. Bod þe increce þerof he durste nott turn̛ into his awn̛ vse, bod layd̛ it oparte at he mott restore it agayn̛ at his dead̛-day, and so he did̛.

Iacobus de Vetriaco tellis how som tyme þer was ane vsurar & he wolde nothyng restore when̛ he dyed̛, bod, for honor of þe werld̛, he garte deale large almos, and he bewytt in his testament a grete sowm̛ of money and þat he chargid̛ his sons & his frendis at it sulde be lent in vsurie iij yere after his decese, and at þai sulde gyff for his sawle aƚƚ þat multiplied̛ þerof.

Iacobus de Vetriaco tellis how som̛ tyme þer was ane vsurar þat lay in passions of dead̛, and he began̛ to be passyng [hevie] & sorowfuƚƚ, & prayed his sawle t[o] abyde in þe body & he sulde purvay þerfor̛, and he promytt it gold̛ & syluer & aƚƚ þe delytis of þis werld̛, & els he wold̛ not gyff þer-for̛ þe valour of a sh[red] clowte Harl. MS. non vnam pictam. . So at þe laste he saw his sawle wolde not abyde in his bodie bod at hym̛ burde nedelyngis dye, he wex passand wrotℏ & sayd̛ vnto his saule; "Þou sawle! I sulde hafe ordand̛ þe a gude herbarie, bod sen̛ þou erte so fond at þou wiƚƚ not abyde, I beteche þe vnto aƚƚ þe devuls in heƚƚ." And þus he dyed̛ and was berid̛ in heƚƚ.

Iacobus de Vetriaco tellis how som tyme þer was [a] prechur þat in his sermond̛ told̛ of þe myschevus crafte of vsurie, and when̛ he had done his sermond̛, he bad at aƚƚ men̛ suld̛ rise to his absolucion̛ in ordur as he callid̛ þaim be þer offes. And furste he bad smythis ryse, and so þai did & he asoyled [þaim], and þai went þer ways. Than̛ he bad ryse baxsters, and so dyd þai, and þus he callid̛ vp ilk crafte after other. & at þe laste he bad ryse vsuraris, and þuff aƚƚ þer was ma in þe kurk þan̛ þer was of any oþer crafte, yit þer wolde none ryse, bod for shame þai hid þaim. And oþer folke lugℏe & skornyd̛ þaim, & aƚƚ þies vsuraries rase and went oute confusid̛.

Iacobus de Vetriaco tellis, when̛ neghburs wolde hafe liftid̛ vp þe bodie of ane vsurar þat was dead̛, & born̛ hym̛ vnto his grafe, þai mot not mufe it be no maner of wyse. And þai had grete merveƚƚ þeroff. So emang þaim þer was one olde wyse man̛, & he sayd̛ "Surs, ye know wele at þe custom in þis cetie is þis, þat when̛ any maner of man̛ dyes, þase men̛ þat er of þe same crafte er wunte to bere hym̛ vnto his grafe, as prestis duse prestis, & so of oþer." So privalie þai callid̛ iiij at þai knew wele was vsurars, and onone þai liftid̛ hym̛ vp & had hym̛ away, for þe devuƚƚ wolde not lett his servandis to bere away his servant whar̛ he lett gude me[n] to do itt.

Vsurarij sepultura est sub patibulo. Supra de sepultura.Vsurarij aliquando moriuntur dum sunt in maiori festo et securitate. Supra de demone, x A wrong reference apparently. , et alijs locis diuersis.Vsurarius restituens saluatur. Supra de testamento.

We rede in 'Libro de Dono Timoris' how som tyme a preste movid̛ ane vsurar when̛ he was seke to dispose hym̛ for þe heale of his sawle, and he tolde hym̛ at iij þinges was necessarie vnto hym̛, þat is to say, fullie to be shrevyn̛, & to sorow for his synnys, and to make restitucion̛ at his power. And he grantid̛ with gude wyƚƚ to do þe ij furste, bod he sayd̛; "How sulde I do þe thrid̛, for þan̛ sulde I lefe nothyng to me nor my chylder." And þe preste sayde bod if he did þus, he mot not be savid̛. And he axkid̛ if wise men̛ & scriptur sayde so, and he said̛ ya, for suthe. And he ansswerd̛ agayn̛ & sayd̛; "I wiƚƚ nevur prufe whethur þai said̛ suthe or nay, for I wiƚƚ make no restitucion̛." And þus he dyed̛, more dredand̛ pouertie in þis warlde þan̛ evurlastand payn̛ in þe toder werld̛.

Vulpes oracioni obedit. Supra de oracione, ij.

We rede in þe 'Legend of Saynt Edmund, Bisshop̛ of Canturberie,' how þer was a wyfe þat luffid̛ hym̛ wele and wolde he had̛ had at do with hur, & oft sythis sho broght hym̛ presentis to make hym̛ lightlier to enclyne to hur entent. So he knew wele enogℏ hur entent, and axkid̛ hur if sho broght hym̛ þies presentis be consent of hur husband̛ or nay. And sho sayd, nay, hur husband sulde nott wit what sho did vnto hym̛, nor yit what he did vnto hur. And he ansswerd agayn̛ & sayd̛; "I wiƚƚ not take þi giftis with-oute consent of þi husband̛." And þus þe womman̛ with grete shame bare hur presentis agayn̛, and he was clere and fullie rid̛ on̛ hur.

Vxor de facili non debet haberi suspecta a viro suo. Supra de suspicione.

Saynt Ierom̛ tellis of ane þat hight Gorgias, & þuf aƚƚ at he war chastie, neuer-þe-les he had a fayr maydyn̛, and here-for̛ his wyfe was passand hevy & sad̛. So his neghburs in þe contrey, ij of þaim, feƚƚ wratℏ, and þis Gorgias sent þaim a fayr buke þat he had compylid̛ of concorde, & sayd̛ "He commaundis you to concordans þat kepis [not] iij at concord̛ in a howse, þat is to say, him selfe, his wyfe, and his maydyn Harl. MS. "Iste uobis precepit de concordia, qui se, uxorem, ancillam, tres in vna domo, concordare non potuit." ." So his wyfe had a grete envye at his mayden̛ fayrenes, & here-for sho wold̛ not sease, þuf aƚƚ hur husband̛ war not wurthie, daylie for to chyde hym̛, becauce sho mystryste hym̛, for þe mayden̛ was fayrer þan̛ sho.

Vxor rixosa pacienter debet tolerari MS. tollerari. . Supra de paciencia.

Valerius tellis how a noble man̛ of Rome þat was suspecte Harl. MS. Romanus suspicius uxorem suam dimisit. of his wyfe, and here-for̛ he sayd̛ he wolde lefe hur, ffor þe law, he sayd̛, was so þat a womman̛ sulde not make hur fressℏ & gay with hur husband̛ gude, to gyff hym̛ þat seis hur occasion̛ to make hur husband̛ cukwolde. & here-for̛ he wolde not lat hur be gayl[ie] cled̛, to þe entent at sho sulde not be suspecte nor broght in blame.

Vxor casta multum est amabilis. Supra de castitate.

Ieronimus Harl. MS. Ieronimus. Fertur Auriolus Theofrasti 'Libro de Nupcijs.' tellis in 'Libro de Nupcijs' of ane Aureolus Theophrasti, & in þis buke he axkis if a wise man̛ sulde wed a wyfe, and he says þuf sho war nevur so fayre, nor so wele taght, nor had nevur so honest fadur nor moder, yit nevur-þe-les, he says, a wyse man̛ sulde not wed hur, for þis Aurelious sais it is not possible to a man̛ to please bothe his wife & his childer; ffor wommen̛, he says, burd̛ hafe gold̛ & syluer & gay clothyng, & a servand̛ and mayny oþer thyngis, & yit aƚƚ þe nyght sho wiƚƚ lyg chaterrand̛ & say Arund. MS. "Illa ornatior procedit in publicum et honoratur ab omnibus, ego autem in conuentu feminarum despicior." Aitque; "Cur aspiciebas vicinam?" &c. þat þer þer omitted and added above the line. is oder & þat hase bettur curchus & er fressher arayed̛ þan̛ sho is, and if sho be wele arayed̛ hur lykis . . . . to com̛ emang no pepuƚƚ and sho wiƚƚ say, "Lo! I am̛ þe baddeste in aƚƚ þis town̛!" Also sho wiƚƚ say vnto hur husbond̛; "Whi beheld̛ þou þi neghbur wyfe, & whi spak þou with þi neghbur mayden̛?" And when̛ he commys fro þe markett sho wiƚƚ say; "What hase þou boght? I may not hafe a frend̛ nor a felow for þe, nor luf of a noder man̛ bod if I be suspecte." And þerfor̛ þer sulde no man̛ make chesyng of his wyfe long befor̛, bod take sucℏ one as hym̛ happend̛ whedur sho be fayre or fowle, or prowde or angry, & þerfor̛ þai sulde not be provid̛ or þai war wed̛. A hors or ane ass, ane ox or a cow or a servand̛ aƚƚ þies sulde be provid̛ or þai wer boght or hyrid̛, bod a womman̛ sulde not a man̛ se or he wed hur, þat he war not displesid̛ after þai war wed̛. And if þou giff hur aƚƚ þi gude to kepe, yit sho wyƚƚ trow at þou kepis som̛ þi selfe, and þus sho wiƚƚ suspecte þe & hafe þe in hatered̛, & happelie afterward̛ poyson̛ the. And if þou bryng men̛ of craft in-to þi hows, as tailliours or oþer, it is pereƚƚ for hur vnclennes. So [if] þou forbyd hur it wiƚƚ cauce hur do truspas. Therefor̛ what profettis a diligente kepyng of a wyfe when̛ ane vnchaste wyfe may not be kepyd̛, ffor þe keper of chastite is nede Infida enim custos castitatis est necessitas. , and þat sho þat is not lustie to syn̛, sho may be callid̛ chastie. And if sho be fayr, oþer men̛ wiƚƚ luf hur, and if sho be fowle sho wiƚƚ be prowde, at cauce men̛ make mekuƚƚ on̛ hur, and it is fuƚƚ hard̛ to kepe þat wele þat many men̛ luffis, and it is fuƚƚ hevy to hafe þat no man̛ wyƚƚ cheris nor hafe in welde. Nevur-þe-les a fowle wyfe may bettir be kepyd̛ þan̛ a fayr wyfe may, for þer is no thyng bod som̛ peple wiƚƚ giff þer vew and þer fantasye þer-vnto.

Vxoris malicia quam in virum cogitat quandoque in caput suum redundat MS. quandoque vi capit. . Supra de muliere, xiij MS. xi. .Vxor infidelis est viro morienti. Supra de muliere, vj.Vxor quandoque est occasio dampnacionis viro. Supra de heretico.Vxor fidelis est viro morienti. Supra de missa, ij.Vxor bona prodest viro. Supra de abbate.Vxor adultera. Supra de adulterio.

We rede in þe 'Life of Saynt Macharie' how on̛ a day he fand a dead man̛ head̛, & he spak þerto & askid̛ whose hede it was, & it ansswerd̛ agayn̛ & sayd̛ it was þe head̛ of a paynom̛. And he askid̛ whar þe saule þer-of was, & it sayd̛ in heƚƚ; & he axkid̛ how depe, and it said̛, als depe as fro hevyn̛ to erde. And he axkid̛ if þer was any dipper þan̛ it, and it sayd̛ ya, aƚƚ fals crysten̛ men̛, þai er depeste in heƚƚ.

Christus. Christi ymago. Supra de ymagine.

Eusebius tellis of þe womman̛ þat was callid̛ Emorissa, þat was clensyd̛ of hur sekenes be þe tuching of owr̛ Lordis hem̛, sho garte make ane ymage after Cryste with clothyng & His hem̛ as sho saw Hym̛, & oft sithis sho wurshippid̛ it, & sho sett it in hur garte, & aƚƚ þe herbys grew þer MS. vppon, erased. vnder-nethe þat befor̛ was of no vertue, when̛ þai grew vp & tuchyd̛ þe hem̛ þeroff þai war of suche vertue at þai heli[d] many folke þat war seke. And as Ierom̛ tellis, Iulianus had it away & sett þer[in] hys awn̛ ymage, and belyfe a blaste of levenyng come & smate it down̛ & burn[yd it].

Ymago crucifixi sanguinem emisit. Supra de crucifixo.Ymago beate virginis infectionem MS. temptacionem. mitigauit. Supra de Maria, x.Ymago beate virginis anulum a puero suscepit. Supra de puero.

Saynt Gregorie tellis how som tyme þer was a monke of grete estimacion̛ in his gude thewis, & passand̛ wele nurturd̛ in aƚƚ his oder gude werkis; as it provid̛ at end̛, he was not so inward̛, for he was oþerwas þan̛ he apperid̛. So hym̛ happynd̛ a hevynes of his bodie & feƚƚ seke, and he garte gadder to-gedur aƚƚ his bredur vnto hym̛, and þai trowyng þat, & he dyed̛, at þai sulde hafe som̛ grete thyng of hym̛, or els som̛ thyng þat was delectable for to here it of hym̛. And when̛ þai come aforn̛ hym̛, þuf aƚƚ he war gretelie turment & whakand̛, [yit] he was compellid̛ to vttyr. And þan̛ he sayd̛ vnto þaim; "Brethir, when̛ ye trow[yd] at I fastid̛ with you I had meate privalie & eete, and þerfor̛ I am̛ now giffen̛ vnt[o a] dragon̛ to devowr̛, ffor with his tayle he hase vmlappid̛ my kneis, & he hase [put] his head̛ in my mouthe & suppyd vp my sawle. & with þat he stude vpp̛ on̛ his fete and onone he was dead̛.

Zelus. Zelotipus est vir frequenter de vxore. Supra de suspicione.Zelotipa est mulier de marito habita modica occasione. Supra de vxore, ij.